နိုင်ငံရေးနည်းဖြင့် ဖြေရှင်းရန် ဆွေးနွေး ဟု KIO ပြော

သန်းထိုက်ဦး on November 30, 2011


ကချင်ဒေသ စစ်ပွဲများ ရပ်စဲရေးအတွက် နိုင်ငံရေးနည်းလမ်းဖြင့် ဖြေရှင်းနိုင်ရန် အစိုးရကိုယ်စားလှယ်များနှင့် တရုတ်နိုင်ငံ ရွှေလီမြို့တွင် ယမန်နေ့က တွေ့ဆုံဆွေးနွေးခဲ့ကြောင်း ကချင်လွတ်လပ်ရေး အဖွဲ့(KIO)က ပြောသည်။

အပစ်အခတ်ရပ်စဲရေးထက် နိုင်ငံရေး တွေ့ဆုံဆွေးနွေးမှု လမ်းကြောင်းပေါ် ရောက်ရေးကို အဓိကထားပြီးတော့ ဆွေးနွေးခဲ့ကြသည် ဟု KIO ဒု စစ်ဦးစီးချုပ် ဗိုလ်မှူးချုပ် ဂွမ်မော်က ဧရာဝတီသို့ ပြောသည်။

“အဓိက နိုင်ငံရေး နည်းနဲ့ ဖြေရှင်းရမယ်၊ နောက် အခုတလော သမ္မတ ဦးသိန်းစိန်က ကျနော်တို့ကို တရက်တည်းနဲ့ ချေမှုန်းမယ်
ဆိုတဲ့ စကားတွေ ပြောတာတော့ မသင့်တော်ဘူး ဆိုတာတွေပေါ့ အဓိကတော့ အဲဒီ နိုင်ငံရေး တွေ့ဆုံဆွေးနွေးမှုပဲ၊ အဲဒီလမ်း ကြောင်းကို သွားရမယ်၊ လက်နက်ကိုင်ရင်တော့ ဒါဘယ်လိုမှ အဆင်မပြေနိုင်ဘူး ဆိုတာကို အဓိကထားပြီး ပြောတယ်”ဟု ၎င်းက ဆို သည်။

ယင်း တွေ့ဆုံဆွေးနွေးမှုများကို အထက်သို့ ပြန်လည်တင်ပြပေးသွားမည်ဟု အစိုးရကပြောကြားခဲ့သော်လည်း မည်သည့် နေ့ရက်၌ ထပ်မံ ဆွေးနွေးမည်ကို မသိရကြောင်း KIO က ပြောသည်။

အပစ်အခတ် ရပ်စဲရေး၊ ဆက်ဆံရေးရုံးများ ထားရှိရေး၊ အစိုးရ နှင့် ကချင်လွတ်လပ်ရေး တပ်မတော်(KIA) ထိန်းချုပ်ထားသော နယ်မြေများတွင် နှစ်ဘက် တပ်ဖွဲ့ဝင် များလက်နက်ကိုင်ဆောင်၍ သွားလာခွင့် မပြုရေး၊ ဗဟိုအစိုးရနှင့် တွေ့ဆုံဆွေးနွေးရေး စသည့် အချက်များကိုလည်း အစိုးရ ကိုယ်စားလှယ်များက ချပြကြောင်း ဗိုလ်မှူးချုပ် ဂွမ်မော်က ဆက်ပြောသည်။

ဆွေးနွေးပွဲ၌ အစိုးရဘက်မှ ရထားဝန်ကြီး ဦးအောင်မင်း၊ ဆက်သွယ်ရေး ၀န်ကြီးဟောင်း မြစ်ကြီးနားမြို့ ပြည်သူ့ လွှတ်တော် ကိုယ် စားလှယ် ဦးသိန်းဇော်၊ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အတွင်းရေးမှူး ဦးအောင်သောင်း၊ ကချင်ပြည်နယ် အမျိုးသား လွှတ်တော်အမတ် ဦးခက်ထိန်နန်တို့ လာရောက်ကြောင်း၊ KIO ဘက်က ဥက္ကဌ ဦးဇောင်းဟရား (Zawng Hra) ဦးဆောင်ပြီး ၆ ဦး တွေ့ဆုံကြောင်း သိရသည်။

KIA ထိန်းချုပ်ဒေသတွင် အစိုးရတပ်အင်အား တိုးချဲ့ခြင်းနှင့် ဒုက္ခသည်များ ထွက်ပြေးနေရသည့် အကြောင်းများကို KIO ဘက်က တင်ပြဆွေးနွေးခဲ့သော်လည်း အစိုးရကိုယ်စားလှယ်များက တစုံတရာ တုံ့ပြန်ပြောကြားခြင်း မရှိကြောင်း ဦးဂွမ်မော်က ရှင်းပြသည်။

နိုဝင်ဘာ ၁၉ ရက်က ထိုင်း-မြန်မာနယ်စပ်တနေရာ၌ အစိုးရ ရထားပို့ဆောင်ရေးဝန်ကြီး ဦးအောင်မင်း ဦးဆောင်သည့် ကိုယ်စား လှယ် များနှင့် KIO ခေါင်းဆောင်တချို့ကို တွေ့ဆုံခဲ့ပြီးနောက်ပိုင်း ဒုတိယ အကြိမ် ထပ်မံ တွေ့ဆုံခဲ့ခြင်း ဖြစ်သည်။

သြဂုတ်လဆန်းပိုင်းတွင် အစိုးရက ငြိမ်းချမ်းရေး ဖော်ဆောင်လိုသည့် တိုင်းရင်းသား လက်နက်ကိုင် အဖွဲ့များကို သက်ဆိုင်ရာ ပြည် နယ်၊ တိုင်းဒေသကြီး အစိုးရများနှင့် ဆက်သွယ် ဆွေးနွေးရန် ကမ်းလှမ်းခဲ့သည်။

ထိုကမ်းလှမ်းမှု ပေါ်ပေါက်လာပြီးနောက် တိုင်းရင်းသား လက်နက်ကိုင်အဖွဲ့များဖြစ်သည့် KIO အပါအ၀င် ၀ပြည် သွေးစည်းညီညွတ် ရေးအဖွဲ့(UWSA)၊ မိုင်းလား အခြေစိုက် အမျိုးသား ဒီမိုကရေစီ မဟာမိတ် တပ်မတော်(NDAA) တို့နှင့်လည်း အစိုးရက တွေ့ဆုံ ဆွေးနွေးမှုများ ပြုလုပ်ခဲ့ပြီး ဖြစ်သည်။

ထို့အပြင် မွန်ပြည်သစ်ပါတီ၊ ရှမ်းပြည် တပ်မတော် မြောက်ပိုင်း(SSA-N)၊ ကရင်အမျိုးသား အစည်းအရုံ(KNU) တပ်ဖွဲ့ဝင်များကို လည်း တွေ့ဆုံဆွေးနွေးမှုများ ပြုလုပ်ခဲ့ကြောင်း သိရသည်။

အစိုးရနှင့် KIO တွေ့ဆုံဆွေးနွေးနေချိန်တွင်ပင် တိုက်ပွဲများ ဖြစ်ပွားခဲ့ပြီး ကချင်ပြည်နယ် မံစီမြိ်ု့နယ်ရှိ KIA တပ် မဟာ ၃ ဒေသရှိ တပ်ရင်းအမှတ်၂၇ စခန်းတခု ဆုတ်ပေးလိုက်ရကြောင်း KIO တွဲဖက် အထွေထွေအတွင်းရေးမှူး ဦးလနန်က ပြောသည်။

သို့သော်လည်း ထိုနေရာသည် စစ်ရေးအရ ဗျူဟာ မကျကြောင်း၊ အစိုးရတပ်က အင်အား အလုံးအရင်းနှင့် ထိုးစစ်ဆင်လာသော ကြောင့် ဆုတ်ပေးလိုက်ရခြင်းဖြစ်ကြောင်း ၎င်းက ဆိုသည်။

ယင်းဒေသတွင် အစိုးရ တပ်မ ၉၉၊ ၃၃ လက်အောက်ခံတပ်ရင်းများ လှုပ်ရှားလျက်ရှိကြောင်း သိရသည်။ လတ်တလော ဖြစ်ပွား နေ သည့် တိုက်ပွဲတွင် နှစ်ဘက် အကျအဆုံး စာရင်းများကိုမူ မသိရှိရသေးပေ။ KIA ထိန်းချုပ်ဒေသတချို့တွင်လည်း အစိုးရက တပ် အင်အား တိုးချဲ့ထားကြောင်း သိရသည်။

ဇွန်လ ၉ ရက်နေ့တွင် စတင်၍ ၆ လခန့် မြန်မာအစိုးရတပ်နှင့် KIAအကြား ဖြစ်ပွားခဲ့သော တိုက်ပွဲများကြောင့် နေရပ်စွန့်ခွာ၍ထွက် ပြေးရသည့် ဒုက္ခသည် ခန့်မှန်းခြေ သုံးသောင်းခန့်ရှိပြီး တရုတ်-မြန်မာ နယ်စပ်တလျှောက်ရှိ KIA ထိန်းချုပ်ဒေသများတွင် ခိုလှုံနေကြ ရဆဲ ဖြစ်သည်။

ယင်း ဒုက္ခသည်များနှင့် ပတ်သက်ပြီး လူ့အခွင့်အရေး ချိုးဖောက်ခံနေရမှု အခြေအနေများကို ဖော်ပြထားသည့် Under Siege in Kachin State အမည်ရှိ အစီရင်ခံစာတစောင်ကို အမေရိကန် အခြေစိုက် လူ့အခွင့်အရေး အဖွဲ့ တခုဖြစ်သည့် Physicians for Human Rights (PHR)က ယနေ့ ထုတ်ပြန်လိုက်သည်။

၂၀၁၁ ခုနှစ် ဇွန်လ နှင့် စက်တင်ဘာလအတွင်း မြန်မာ့တပ်မတော်က အရပ်သားတို့ထံမှ စားနပ်ရိက္ခာများ လုယူခြင်း၊ ကျေးရွာများ အတွင်း ၀င်ရောက် ပစ်ခတ်ခြင်း၊ အရပ်သားများကို ပစ္စည်းများထမ်းပိုးရန်နှင့် မိုင်းရှင်းလင်းရန်အသုံးပြုခြင်း စသည်များကို ကျူးလွန် ခဲ့ကြောင်း PHR အဖွဲ့က ဆိုသည်။

ပြည်တွင်းစစ်ကြောင့် တိမ်းရှောင်နေရသူတို့၏ ခိုလှုံသည့်နေရာများတွင် လူဦးရေ အဆမတန် များပြားပြီး သန့်ရှင်းရေးနှင့်ရေပေးဝေ မှုစနစ် မလုံမလောက် ဖြစ်နေကြောင်း၊ ကလေးသူငယ်များအတွက် ဆေးဝါး ထောက်ပံ့မှု နည်းပါးလွန်းသည်ဟု ဆေးဝန်ထမ်းများက ပြောဆိုကြောင်းလည်း အစီရင်ခံစာတွင် ရေးထားသည်။

၁၉၆၁ ခုနှစ်တွင် စတင်ဖွဲ့စည်းခဲ့သည့် KIO ၏ စစ်တပ် KIA သည် အစိုးရတပ်နှင့် နှစ်ပေါင်းများစွာ တိုက်ခိုက်ခဲ့ကြသည်။

၁၉၉၄ တွင် အစိုးရနှင့် ငြိမ်းချမ်းရေးယူခဲ့ပြီး ဇွန်လအတွင်း ဖြစ်ပွားခဲ့သည့် တိုက်ပွဲများကြောင့် နှစ်ဘက် အပစ်အခတ်ရပ်စဲရေး သဘောတူ စာချုပ် ပျက်ပြယ်ခဲ့ခြင်း ဖြစ်သည်။

Hillary Clinton arrives in Burma

နိုင်ငံ​ရေး​အကျဉ်း​သား​ဟောင်း​ ကို​ဇော်လင်း​ထွန်း​ ကွယ်လွန်

နော်နိုရင်း

နိုင်ငံ​ရေး​အကျဉ်း​သား​ဟောင်း​ ကို​ဇော်လင်း​ထွန်း​ ဒီက​နေ့​ ​နေ့​ခင်း​ ပဲခူး​တိုင်း​ ​ကျောက်တံခါး​မြို့​က ​နေအိမ်မှာ ကွယ်လွန်သွား​ပါတယ်။

ထောင်ဒဏ် အနှစ် ၂၀ ချမှတ်ခံထား​ရပြီး​ ပြီး​ခဲ့​တဲ့​ ​အောက်တိုဘာ ၁၂ ရက်​နေ့​က သမ္မတရဲ့​ လွတ်ငြိ်မ်း​ချမ်း​သာခွင့်​နဲ့​ ပြန်လွတ်လာပြီး​ ​ထောင်တွင်း​မှာကတည်း​က ခံစား​ခဲ့​ရတဲ့​ ကင်ဆာ​ရောဂါနဲ့​ ကွယ်လွန်သွား​တာပါ။

ဒီ​နေ့​ ည​နေ ၃ နာရီမှာ ​နေ့​ချင်း​ သင်္ဂြီုဟ်ခဲ့​တယ်လို့​ ကို​ဇော်လင်း​ထွန်း​ ​ထောင်တွင်း​ရှိ​နေစဉ် ကူညီ​စောင့်​ရှောက်ခဲ့​တဲ့​ ဦး​ဌေး​က ​ပြောပါတယ်။

ရောဂါက ရန်ကုန်မှာကတည်း​က အထူး​ကု ဆရာဝန်​တွေက ၃ လက​နေ ၆ လအတွင်း​ပဲ ခံမယ်ဆိုပြီး​ပြောတယ်။ သူက​သေမယ့်​အတူတူ ဒီမှာ​ဆေး​မကု​တော့​ဘူး​။ သူ့​ဌာ​နေမှာပဲ အ​မေ့​ရင်ခွင်မှာပဲ ​သေမယ်ဆိုပြီး​ ​ပြောတယ်။ သူ့​အ​မေကလည်း​ ဒီကိုလိုက်မလာနိုင်ဘူး​ဆို​တော့​လေ။ ကျ​နော်တို့​လည်း​ ​ဆေး​ရုံတင်ပြီး​ ဆက်ကုသဖို့​ ပြင်ဆင်ပါတယ်။ ဒါ​ပေမယ့်​ သူကိုယ်တိုင်က သူ့​အ​မေ​ဒေသ သူ့​မွေး​ရပ်​မြေမှာပဲ ​သေချင်တယ်ဆိုပြီး​တော့​ ပြန်သွား​တာ​ပေါ့​လေ။ ​ရောဂါကလည်း​ ကျွမ်း​နေပြီဆို​တော့​ ကင်ဆာ​ဆေး​နဲ့​ မကုဘဲ ​ဝေဒနာသက်သာ​အောင် တခြား​ဆေး​တွေပဲ​ပေး​ရတာ​ပေါ့​။ ပြီး​ခဲ့​တဲ့​ ၂ ရက်​လောက် စပြီး​တော့​ ​ရောဂါက​ဖောက်လာတယ်။ ကျ​နော်တို့​ကို အ​ကြောင်း​ကြား​တယ်။ သူခံ​တော့​မှာမဟုတ်ဘူး​။ ကျ​နော်တို့​လိုက်သွား​ဖို့​ ပြင်​နေတုန်း​ ဒီ​နေ့​ပဲ ဆုံး​သွား​တယ်လို့​ သိရတယ်။ ကင်ဆာဆို​တော့​ အား​ချင်း​ သင်္ဂြီုဟ်တယ်။”

ကွယ်လွန်ချိန်မှာ အသက် ၃၈ နှစ်ရှိပြီဖြစ်သည့်​ ကို​ဇော်လင်း​ထွန်း​ဟာ မကွယ်လွန်ချိန်ထိ နိုင်ငံ​ရေး​အကျဉ်း​သား​ လွတ်​မြောက်​ရေး​အတွက် ​တောင်း​ဆိုတဲ့​ လက်မှတ်​ရေး​ထိုး​လှုပ်ရှား​မှုမှာ ပါဝင်ခဲ့​သူဖြစ်ပါတယ်။

ကို​ဇော်လင်း​ထွန်း​ဟာ ​ထောင်ကျ​နေစဉ် အသည်း​ ဘီပိုး​၊​ တီဘီ၊​ ​ကျောက်ကပ် စတဲ့​ ​ရောဂါ​တွေ ခံစား​နေရတဲ့​အတွက် ပြီး​ခဲ့​တဲ့​ ဩဂုတ်လက ​ထောင်တွင်း​မှာ ​ဆေး​ရုံတင်ခဲ့​ရပါတယ်။

ရောဂါ မသက်သာတာ​ကြောင့်​ စက်တင်ဘာ ၁ ရက်​နေ့​က သူ့​ကို ​ထောင်အပြင် အင်း​စိန်​ဆေး​ရုံကြီး​မှာ ​ပြောင်း​ရွှေ့​ကုသခဲ့​ရာမှာ ဆရာဝန်ရဲ့​ စစ်​ဆေး​ချက်အရ အသည်း​ကင်ဆာဖြစ်​နေ​ကြောင်း​ကို​တွေ့​ရှိရပြီး​ ၃ လက​နေ ၆ လအထိသာ အသက်ရှင်မယ်လို့​ ဆရာဝန်က မှတ်ချက်​ပေး​ခဲ့​ပါတယ်။

လပိုင်း​သာ အသက်ရှင်ရ​တော့​မယ့်​အတွက် လွတ်ငြိမ်း​သာခွင့်​ပေး​ဖို့​ မိသား​စုဝင်​တွေက ​ထောင်အာဏာပိုင်​တွေကို​တောင်း​ဆိုခဲ့​ပေမယ့်​ ​ထောင်ဒဏ် ၁၁ နှစ်ကျန်​သေး​တယ်ဆိုပြီး​ လွှတ်မ​ပေး​ခဲ့​ဘဲ လွတ်ငြိမ်း​ချမ်း​သာခွင့်​မှာ လွတ်လာခဲ့​တာပါ။

ကို​ဇော်လင်း​ထွန်း​ဟာ ၁၉၉၁ ခုနှစ်တုန်း​ကလည်း​ ​ကျောင်း​သား​သမဂ္ဂနဲ့​ ပြည်​ထောင်စု မြန်မာနိုင်ငံ အမျိုး​သား​ညွန့်​ပေါင်း​အဆိုး​ရ (NCGUB) ​ထောက်ခံတဲ့​ လှုပ်ရှား​မှုတို့​နဲ့​ ဖမ်း​ဆီး​ခံရပြီး​ နှစ်ရှည်​ထောင်ဒဏ်ချမှတ်ခံခဲ့​ရပါတယ်။ ​ထောင်က​နေ ပြန်လွတ်လာပြီး​နောက်ပိုင်း​ ၂၀၀၃ ခု ဗကသ ပြန်လည်ဖွဲ့​စည်း​ရေး​ လှုပ်ရှား​မှုမှာ ပါဝင်တဲ့​အတွက် ထပ်မံဖမ်း​ဆီး​ခံရပြီး​ ​ထောင်ဒဏ် နှစ် ၂၀ ချမှတ်ခံခဲ့​ရတာ ဖြစ်ပါတယ်။

တရုတ်-မြန်မာ စစ်ရေးစာချုပ် ချုပ်

ခင်ဦးသာ on November 30, 2011


အမေရိကန်နှင့် ဆက်ဆံရေး ကောင်းမွန်ရန် ကြိုးပမ်းနေသည့် မြန်မာအစိုးရက အင်အားကြီး တရုတ်နိုင်ငံနှင့် စစ်ရေးစာချုပ်တခုကို အင်္ဂါနေ့တွင် ချုပ်ဆိုလိုက်သည်။

မြန်မာ-တရုတ် စစ်ဘက်ဆိုင်ရာ ပူးပေါင်းရေး စာချုပ်ကို တရုတ်နိုင်ငံတွင် ရောက်ရှိနေသော ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်နှင့် တရုတ် ပြည်သူ့ လွတ်မြောက်ရေး တပ်မတော် စစ်ဦးစီးချုပ် General Chen Bingde တို့က လက် မှတ်ရေး ထိုးခဲ့ကြခြင်း ဖြစ်သည်။

ဗိုလ်ချုပ်ကြီး မင်းအောင်လှိုင်က ကမ္ဘာ့နိုင်ငံများ၏ အခြေအနေ မည်သို့ပင် ပြောင်းလဲနေစေကာမူ မြန်မာ-တရုတ် ဆက်ဆံရေး ပြောင်းလဲသွားမည် မဟုတ်ဟု တရုတ်ဦးစီးချုပ်အား ပြောဆိုခဲ့ကြောင်း တရုတ်အစိုးရ ဆင်ဟွာဌာနက ဆိုသည်။

ဗဟို စစ်ကော်မရှင် ဒု-ဥက္ကဋ္ဌ ဇူချိုင်းဟူကလည်း စာချုပ် ချုပ်ဆိုရခြင်းသည် နှစ်နိုင်ငံ နယ်စပ်ဒေသ တည်ငြိမ် အေးချမ်းစေရန်၊ စစ်ရေးကဏ္ဍ ပူးပေါင်းဆောင်ရွက်ရန် ဖြစ်သည်ဟု ပြောဆိုကြောင်း ဆင်ဟွာသတင်းတွင် ယနေ့ ရေးသားထားသည်။

စစ်ကော်မရှင် ဒု-ဥက္ကဋ္ဌက ဗိုလ်ချုပ်ကြီး မင်းအောင်လှိုင်နှင့် ယမန်နေ့က တွေ့ဆုံရာတွင်လည်း နှစ်နိုင်ငံ စစ်ရေးကဏ္ဍ ပူးပေါင်း ဆောင်ရွက်ရန် အသင့် ရှိကြောင်း ထုတ်ဖော်ပြောဆိုခဲ့သည်။

စစ်ရေး စာချုပ် ချုပ်ဆိုချိန်သည် အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန် မြန်မာနိုင်ငံသို့ လာရောက် လည်ပတ်ချိန်နှင့် တိုက်ဆိုင်နေသည့် အတွက် တရုတ်-မြန်မာ ဆက်ဆံရေးနှင့် ပတ်သက်၍ အမြင် အမျိုးမျိုး ထွက်ပေါ်နေသည်။

မစ္စ ကလင်တန် မြန်မာနိုင်ငံသို့ ယနေ့ ရောက်ရှိလာခြင်းသည် အမေရိကန် အစိုးရ၏ နိုင်ငံခြားရေး ၀န်ကြီး တဦးအဖြစ် နှစ်ပေါင်း ၅၆ နှစ် အတွင်း ပထမဆုံး အကြိမ် လာရောက်ခြင်းဖြစ်သည်။

အမေရိကန်-မြန်မာ ဆက်ဆံရေး ကောင်းမွန်လာခြင်းကြောင့် တရုတ်-မြန်မာ ဆက်ဆံရေး ထိခိုက်နိုင်စရာ အကြောင်း မရှိကြောင်း တရုတ်နိုင်ငံခြားရေး ၀န်ကြီးက ပြောဆိုသကဲ့သို့၊ မြန်မာအစိုးရ သတင်းစာများကလည်း တရုတ်-မြန်မာ နှစ်နိုင်ငံ ကိစ္စများအား အကျယ်တ၀င့် ရေးသား ဖော်ပြနေသည်ကို တွေ့ရသည်။

မြန်မာအာဏာပိုင်တို့က ၁၉၈၈ လူထုအုံကြွမှုအား အကြမ်းဖက် နှိမ်နင်းခဲ့ခြင်းကြောင့် မြန်မာနိုင်ငံသည် ကမ္ဘာ့နိုင်ငံ အများအပြားနှင့် ဆက်ဆံရေး ပျက်ခဲ့ရသည်။ ထိုအချိန်မှစတင်၍ မြန်မာ တရုတ် နှစ်နိုင်ငံ စီးပွားရေး၊ စစ်ရေး ကဏ္ဍ များ၌ ရင်းနှီးစွာ ပူးပေါင်း ဆောင်ရွက်လာကြသည်။

နှစ်ပေါင်း ၂၀ ကာလအတွင်း တရုတ်နိုင်ငံသည် မြန်မာနိုင်ငံအတွက် စစ်ဘက်ဆိုင်ရာ ထောက်ပံ့ရေး ပစ္စည်းများကို ဒေါ်လာ ဘီလီယံနှင့်ချီကာ ရောင်းချခဲ့ကြောင်း သိရသည်။

ဗိုလ်ချုပ်ကြီး မင်းအောင်လှိုင်သည် နိုဝင်ဘာ၂၇ ရက်က တရုတ်နိုင်ငံသို့ ချစ်ကြည်ရေး ခရီးစဉ်အဖြစ် ရောက်ရှိနေခြင်း ဖြစ်သည်။

ဗိုလ်ချုပ်ကြီး မင်းအောင်လှိုင်သည် ကာကွယ်ရေးဦးစီးချုပ်သစ်တဦး၏ ပထမဆုံး ပြည်ပခရီးစဉ်အဖြစ် ဗီယက်နမ်နိင်ငံသို့ ယခုလ လယ်ပိုင်း က သွားရောက်ခဲ့ပြီး ကာကွယ်ရေးကဏ္ဍ ပူးပေါင်းဆောင်ရွက်ရန် နားလည်မှု စာချွန်လွှာ လက်မှတ်ရေးထိုးခဲ့သေးသည်။

ဒုတိယကာကွယ်ရေး ဦးစီးချုပ် ဒု ဗိုလ်ချုပ်ကြီး စိုးဝင်းသည်လည်း အိမ်နီးချင်း ဘင်္ဂလားဒေ့ရှ် နိုင်ငံသို့ ပြီးခဲ့သည့် ရက်ပိုင်းက သွားရောက် ကာ နှစ်နိုင်ငံ စစ်ရေးဆိုင်ရာ ကိစ္စများ ဆွေးနွေးခဲ့ကြောင်း အစိုးရ သတင်းစာများတွင် ရေးသားထားသည်။

ကလင်တန်ရဲ့ နေ့လည်စာ

ကျော်ခ | ဗုဒ္ဓဟူးနေ့၊ နိုဝင်ဘာလ ၃၀ ရက် ၂၀၁၁

နေပြည်တော်သို့ ဗုဒ္ဓဟူးနေ့ ညနေ ပိုင်းက ရောက်ရှိ လာသည့် အမေရိကန် နိုင်ငံခြားရေး ဝန်ကြီး ဟီလာရီ ကလင် တန်၏ ခရီးစဉ်၏ ဒုတိယ မြောက်နေ့ သမ္မတ အိမ်တော်တွင် တည်ခင်း ဧည့်ခံမည့် နေ့လည်စာ အစား အသောက် များကို ဖေါ်ပြ လိုက်သည်။

တရုတ်အစားအစာ အများစုဖြစ်သော “ဂဏန်းကြွပ်ကြော်၊ ကြက်တောင်ပံ အစာသွပ်ကြော်၊ ငါးရှဥ့်ကြော်၊ ပြောင်းဖူး ဟင်းချို၊ ထိုင်ဝမ် မုန့်ညှင်းခရုဆီ၊ ကျောက်ငါးပေါင်းနှင့် ပဲငံပြာရည်၊ ပင်လယ်ခရုနှင့် ခရုဆီ၊ ဂျပန်တို့ဟူး ကညွတ်နှင့် မဟူရာမှိုနက်၊ ပင်လယ်စာနှင့် ခေါက်ဆွဲ ကြော်၊ ကြက်ဥ ပဲသီးထမင်းကြော်၊ ရာသီပေါ်သီးစုံ၊ လက်ဖက်ရည်နှင့်ကော်ဖီ” တို့ ဖြစ်သည်။

အထူးလေယာဉ်ဖြင့် ရောက်လာသော ဝန်ကြီးကလင်တန်အတွက် အစားအသောက်များကို ဧဒင်စီးပွားရေး အုပ်စု ပိုင်ရှင် ဦးချစ်ခိုင် ပိုင်ဆိုင်သော သင်္ဂဟ ဟိုတယ်မှ ချက်ပြုတ်ခြင်းဖြစ်ပြီး သမ္မတအိမ်တော်တွင် တည်ခင်း ဧည့်ခံမှာဖြစ်သည်ဟု သတင်းရပ်ကွက်များက ပြောသည်။ သင်္ဂဟ ဟိုတည်သည် နေပြည်တော် ဟိုတည်ဇုန်အတွင်း တည်ရှိ သည်။

အဆိုပါ အစားအသာက်များကို စီစဉ်ရန်အတွက် သင်္ဂဟ ဟိုတယ် စားသောက်စီမံရာဌာနသို့ နေပြည်တော် အစားအသောက်နှင့် ဆေးဝါးကွပ်ကဲရေးဌာန FDA ကကြိုတင် စစ်ဆေးမှုများ ပြုလုပ်ခဲ့သည်။

United States of America စာတန်း ကပ်ထားသော အထူး လေယာဉ်ဖြင့် လိုက်ပါ လာသည့် မစ္စ ကလင်တန်နှင့် အတူ လက်ထောက် နိုင်ငံခြားရေး ဝန်ကြီး ကာ့တ်ကင်းဘဲလ်နှင့် မိုက်ကယ် ပေါ့စနာ တို့လည်း လိုက်ပါ လာရာ မြန်မာ ဒုတိယ နိုင်ငံခြားရေး ဝန်ကြီး ဒေါက်တာ မျိုးမြင့်က ကြိုဆို နှုတ်ဆက် ခဲ့သည်။

မစ္စ ကလင်တန်သည် ကြာသပတေး နေ့မှာ မြန်မာ သမတ ဦးသိန်းစိန်နှင့် တွေ့ဆုံ မှာဖြစ် သလို အထက် အောက် လွှတ်တော် များက ဥက္ကဋ္ဌ များဖြစ်သော ဦးသူရ ရွှေမန်းနှင့် ဦးခင်အောင်မြင့်တို့နှင့် တွေ့ဆုံ မှာဖြစ်သည်။

ဟီလာရီ ကလင်တန် နေပြည်တော်သို့ ရောက်ရှိ

ဧရာဝတီ on November 30, 2011


အမေရိကန် နိုင်ငံခြားရေး ၀န်ကြီး မစ္စ ဟီလာရီ ကလင်တန်သည် ယနေ့ ညနေပိုင်းတွင် နေပြည်တော်သို့ ရောက်ရှိလာသည်။

မြန်မာနိုင်ငံသို့ အမေရိကန် နိုင်ငံခြားရေး ၀န်ကြီး တဦး နှစ်ပေါင်း ၅၆ နှစ် အတွင်း ပထမဆုံး အကြိမ် လာရောက်ခြင်း ဖြစ်သည်။

မစ္စကလင်တန်နှင့် အဖွဲ့သည် ကြာသပတေးနေ့တွင် သမ္မတဦးသိန်းစိန်၊ ပြည်သူ့ လွှတ်တော် ဥက္ကဋ္ဌ ဦးရွှေမန်း၊ အမျိုးသား လွှတ်တော် ဥက္ကဋ္ဌ ဦးခင်အောင်မြင့်၊ နိုင်ငံခြားရေး ၀န်ကြီး ဦးဝဏ္ဏမောင်လွင် တို့နှင့် တွေ့ဆုံမည်ဟု သိရသည်။

သမ္မတ၏ နိုင်ငံရေး အကြံပေး ဦးကိုကိုလှိုင်က “ဒီခရီးစဉ်က အမေရိကန်- မြန်မာဆက်ဆံရေးမှာ သမိုင်းတခုပဲ၊ ဘက်ပေါင်းစုံတိုး တက်မယ်လို့ မြင်တယ်” ဟု ဆိုသည်။

နိုင်ငံခြားရေး ၀န်ကြီးသည် ခရီးစဉ်အတွင်း မြန်မာ့ နိုင်ငံရေး အခြေအနေ၊ နယ်စပ်ဒေသတွင် ဖြစ်ပွားနေသည့် တိုက်ပွဲများ၊ လူအခွင့်အရေးချိုးဖောက်မှု ကိစ္စရပ်များကို ဆွေးနွေးမည် ဖြစ်သည်။

သို့သော် မြန်မာနိုင်ငံအပေါ် ထားရှိသည့် အမေရိကန်နိုင်ငံ၏ စီးပွားရေး ပိတ်ဆို့မှု ရုတ်သိမ်းရေးနှင့် ပတ်သက်ပြီး ဆွေးနွေးမည် မဟုတ်ဟု မစ္စကလင်တန်က ယခု ခရီးစဉ် မတိုင်မီကတည်းက ပြောဆိုထားခဲ့သော်လည်း အနာဂတ် နှစ်နိုင်ငံ ကုန်သွယ်ရေး၊ သံတမန် ဆက်ဆံရေး တိုးမြှင့်ရန် ဆွေးနွေးနိုင်ကြောင်း လေ့လာသူများက သုံးသပ်နေကြသည်။

သမ္မတအိုဘားမားကလည်း မြန်မာနိုင်ငံတွင် လက်ရှိဖြစ်ပေါ်နေသော ပြောင်းလဲမှုများကို အသိ အမှတ် ပြုကြောင်း၊ သို့သော် နယ်စပ် တိုင်းရင်းသား ဒေသ တိုက်ပွဲများ၊ နိုင်ငံရေး အကျဉ်းသားများကိစ္စ၊ မြောက်ကိုရီးယားနှင့် မြန်မာ ဆက်စပ်မှု စသည်တို့မှာ စိုးရိမ်စရာ အခြေအနေ ဖြစ်ကြောင်း မကြာသေးမီက ကြေညာချက် ထုတ်ပြန်ခဲ့သည်။

မစ္စကလင်တန် လာရောက်ချိန်နှင့် တိုက်ဆိုင်စွာ မီးရထား ၀န်ကြီး ဦးအောင်မင်း ခေါင်းဆောင်သည့် အစိုးရ၏ ငြိမ်းချမ်းရေး ကိုယ်စားလှယ် အဖွဲ့သည့် ကချင် လွတ်လပ်ရေး တပ်မတော်(KIA)နှင့် တရုတ်နိုင်ငံ ရွှေလီမြို့တွင် ယမန်နေ့က တွေ့ဆုံပြီး ကချင်ဒေသတွင် ဖြစ်ပွားနေသော စစ်ပွဲများအရေးနှင့် ပတ်သက်ပြီး ဆွေးနွေးခဲ့သေးသည်။

KIA ဒု စစ်ဦးစီးချုပ် ဗိုလ်မှူးချုပ် ဂွမ်မော်က “မစ္စကလင်တန် အနေနဲ့ ဒီမိုကရေစီအရေးနဲ့ တိုင်းရင်းသား အရေးကို ဖြေရှင်းဖို့ လိုတယ် ဆိုတာကိုတော့ မြန်မာ အစိုးရကို ရှင်းရှင်းလင်းလင်း ပြောပြစေချင်တယ်” ဟု ဧရာဝတီသို့ ပြောသည်။

ခရီးစဉ်အတွင်း မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်၊ နိုင်ငံရေးပါတီများ၊ လူမှုအဖွဲ့အစည်းများ၊ နိုင်ငံရေး အကျဉ်းသားဟောင်းများနှင့်လည်း တွေ့ဆုံမည် ဖြစ်သည်။

အမေရိကန် မြန်မာဆက်ဆံရေးသည် မင်းတုန်းမင်း လက်ထက်မှ စတင်သည်ဟု ပြောဆို နိုင်သော်လည်း ၁၉၄၈ ခုနှစ် လွတ်လပ်ရေးရပြီး ဖဆပလ အစိုးရလက်ထက်တွင် ပိုမို နီးကပ်စွာ ဆက်ဆံခဲ့သည်ကို တွေ့ရသည်။

လွတ်လပ်ရေးရပြီးခေတ်တွင် အားကောင်းလာသည့် ဗမာပြည် ကွန်မြူနစ်ပါတီနှင့် တခြားသော လက်ဝဲ ပါတီများကို ဆန့်ကျင်နိုင်ရန် အတွက် ၀န်ကြီးချုပ် ဦးနု ခေါင်းဆောင်သည့် ဖဆပလအစိုးရနှင့် အမေရိကန်အစိုးရတို့ ပိုမိုနီးကပ်စွာ ဆက်ဆံခဲ့ပြီး အာရှဖောင်ဒေးရှင်း၊ ဖို့ဒ် ဖောင်ဒေးရှင်း စသည့် အမေရိကန်နိုင်ငံ၏ စီးပွားရေး လူမှုရေး အကူအညီများကို လက်ခံခဲ့သည်။

၁၉၅၂ ခုနှစ် အမေရိကန် ဒုသမ္မတ ရစ်ချတ်နစ်ဆင် မြန်မာနိုင်ငံသို့ လာရောက် လည်ပတ်ခဲ့ပြီး ၀န်ကြီးချုပ် ဦးနု အမေရိကန်သို့ အပြန်အလှန် သွားရောက် လည်ပတ်ခဲ့သည် အထိ ဆက်ဆံရေး တိုးတက်ခဲ့သည်။

သို့သော် ၁၉၅၀ ပြည့်နှစ်ခန့်တွင် ရှမ်းပြည်နယ်သို့ ကျူးကျော် ၀င်ရောက်လာသည့် တရုတ်ဖြူ ကူမင်တန် တပ်များကို အမေရိကန်အစိုးရက ကူညီသောအခါတွင် နှစ်နိုင်ငံ ဆက်ဆံရေး အနည်းငယ် ယိုယွင်းခဲ့သည်။ သို့သော်လည်း နှစ်နိုင်ငံ စစ်တပ်ချင်း ဆက်ဆံရေးမှာမူ ၁၉၈၈ ခုနှစ်မတိုင်မီအထိ ဆက်လက် ရှိနေခဲ့သည်။

တပ်မတော် စိတ်ဓာတ် စစ်ဆင်ရေး ဌာနကို ဦးဆောင် ဖွဲ့စည်းခဲ့သည့် ဗိုလ်မှူးချုပ် မောင်မောင် လက်ထက်တွင် အမေရိကန် စစ်တပ် နှင့် သာမက အမေရိကန် ထောက်လှမ်းရေးအဖွဲ့ CIA နှင့်ပါ အနီးကပ် ဆက်ဆံခဲ့သည်။

၁၉၆၀ ပြည့်နှစ် တ၀ိုက် ဗိုလ်မှူးချုပ်မောင်မောင် ရာထူးမှ အနားပေးခံခဲ့ရပြီး နောက်ပိုင်းတွင်လည်း မြန်မာ့တပ်မတော် အရာရှိများကို အမေရိကန် စစ်တက္ကသိုလ်များနှင့် စစ်သင်တန်းများသို့ ဆက်လက် စေလွှတ်ခဲ့သည်။

ကာကွယ်ရေး ဦးစီးချုပ်ဟောင်း ဗိုလ်ချုပ်ကြီး သူရကျော်ထင် အပါအ၀င် ဒု ဗိုလ်ချုပ်ကြီး ထွန်းကြည်၊ ဗိုလ်ချုပ် ဉာဏ်လင်း၊ ထောက်လှမ်းရေး ညွန်ကြားရေးမှူးချုပ်ဟောင်း ဗိုလ်မှူးကြီး အောင်ကိုး တို့သည် အမေရိကန် စစ်တက္ကသိုလ်များတွင် တက်ရောက်ခဲ့သည့် ထင်ရှားသည့် စစ်ဘက် အရာရှိကြီးများ ဖြစ်သည်။

၁၉၆၆ ခုနှစ် အာဏာသိမ်း ခေါင်းဆောင် ဗိုလ်ချုပ်ကြီးနေ၀င်း အမေရိကန်သို့ သွားရောက်ကာ သမ္မတ ဂျွန်ဆင် နှင့် တွေ့ဆုံခဲ့သော်လည်း နောက်ပိုင်း နှစ်နိုင်ငံ ဆက်ဆံရေး အေးစက်သွားခဲ့သည်။ သို့သော်လည်း မြန်မာနိုင်ငံက မူးယစ်ဆေးဝါး နှိမ်နင်းမှုအစီအစဉ်များအတွက် အမေရိကန်၏ အကူအညီများကို လက်ခံခဲ့သည်။

၁၉၈၈ ခုနှစ်တွင် စစ်တပ် အာဏာသိမ်းပြီး ဒီမိုကရေစီ လှုပ်ရှားမှုများကို အဆက်မပြတ် နှိမ်နင်းခဲ့ခြင်း၊ လူအခွင့် အရေးချိုး ဖောက်ခြင်း များကြောင့် သံတမန်ဆက်ဆံရေးမှာ အနိမ့်ဆုံးအဆင့်အထိ ကျဆင်းခဲ့သည်။

နှစ်ဘက်အပစ်ရပ်ရေး KIO နှင့် အစိုးရ ကိုယ်စားလှယ်များ တွေ့ဆုံ

သျှမ်းသံတော်ဆင့်


ကချင်ပြည်နယ်အတွင်း နှစ်ဘက် အပစ်အခတ်ရပ် ဆိုင်း ရန် KIO နှင့် အစိုးရကိုယ်စားလှယ်များ နိုဝင်ဘာ ၂၉ ရက် (မြန်မာ စံတော်ချိန်) ညနေ ၃ နာရီခွဲခန့်က တရုတ် နိုင်ငံ ရွှေလီမြို့ရှိ ကျင်းချိန့်ဟော်တည်၌ တွေ့ဆုံ ခဲ့သည်။

KIO ဥက္ကဋ္ဌ ဦးဇောင်းခရား ဦးဆောင်သည့် ၆ ဦးပါ အဖွဲ့နှင့် အစိုးရဘက်မှ ဦးအောင်သောင်း ဦးဆောင်သည့် ၄ ဦးပါ အဖွဲ့တို့ ၂ နာရီကျော်ကြာ တွေ့ဆုံဆွေးနွေးခဲ့ကြောင်း KIO ပြောခွင့်ရပုဂ္ဂိုလ် ဦးလနန်ကသျှမ်းသံတော်ဆင့် သို့ ပြော သည်။

“သူတို့ဘက်က ဦးအောင်သောင်း ဦးစီးတာပေါ့နော် ဦးသိန်းဇော်ပါတယ် ရထားဝန်ကြီး ဦးအောင်မင်းပါတယ် ဦးခက် ထိန်နန်ပါတယ် ၄ ယောက်ပေါ့ ကျနော်တို့ ကေအိုင်အိုအဖွဲ့ကတော့ ဥက္ကဋ္ဌကြီး ကိုယ်တိုင်ဦးဆောင်ပြီးမှ အဖွဲ့ဝင် ၆ ယောက် ပါတယ် ညနေ ၃ နာရီခွဲလောက်မှာတွေ့တယ် ၅ နာရီခွဲလောက်မှာပြီးသွားတယ် ” ဟု သူက ပြောသည်။

ရွှေလီမြို့မှ KIO ကိုယ်စားလှယ်အဖွဲ့ ဋ္ဌာနချုပ်ရှိရာ လိုင်ဇာမြို့သို့ ယနေ့မွန်းလွဲပိုင်းမှ ပြန်လည်ရောက်ရှိမည် ဖြစ်ပြီး နှစ် ဘက် ပြောဆိုဆွေးနွေးမှု အသေးစိတ်ကို မသိရသေးကြောင်း သူက ဆိုသည် ။

သို့သော် KIO အနေ ဖြင့် နိုင်င်ငံရေး ကိစ္စဆွေးနွေးမှုရှိမှသာ ပြည်တွင်းစစ်ပြဿနာ ဖြေရှင်းနိုင်မည်ဟုယုံကြည် ကြောင်း သူက ဆက်ပြောသည်။

“နိုင်ငံရေး အခြေအနေကြောင့်မို့လို့ ပြည်တွင်းစစ်ဖြစ်နေတာ ဒါကြောင့်မို့ ပြည်တွင်းစစ်တွေအားလုံးချုပ်ငြိမ်းဖို့ ဆိုရင် နိုင်ငံ ရေး ဖြေရှင်းဖို့လိုတယ် နိုင်င်ငံရေးဆွေးနွေးမှုကတော့ လုပ်ကိုလုပ်ရမဲ့ကိစ္စပဲ အပစ်အခတ်ရပ်ဆဲရေး တစ်ခုတည်း လုပ်မယ် ဆိုရင် နိုင်ငံရေး ပြေလည်မှု ရမှာမဟုတ်ဘူး နိုင်ငံရေးဆွေးနွေးမှု အကောင်အထည်ဖေါ် လာရင် အပစ်အခတ် ရပ်ဆိုင်းရေး ဖြစ်သွားမှာပဲ ဒါပေမဲ့ ဒီအစိုးရကတော့ နိုင်ငံရေးကိစ္စကို လက်မခံဘူးသူတို့ မှာ အင်အား တောင့်တင်းတဲ့ တပ်မတော် ရှိတယ်ဆိုတဲ့ အချက်နဲ့ပဲ တိုင်းရင်းသားတွေရဲ့ ပြောဆိုမှုကို မျက်ကွယ် ပြုနေတယ်” ဟု ဆိုသည်။

နှစ်ဘက်ဆွေးနွေးနေစဉ်အတွင်း KIA နှင့် အစိုးရတပ်များ တိုက်ပွဲများ ဆက်လက်ဖြစ်ပွားနေပြီး တုန်ဖုန်းယန် မြို့နယ်ခွဲ အတွင်းရှိ ဖာကေ နှင့် မန်ဝိန်းရွာများကို အစိုးရစစ်တပ်က မီးရှို့လိုက်ကြောင်း သိရသည်။

ယခုနှစ် ဂျွန်လကုန်ပိုင်းက အပစ်ရပ်ရေးကိစ္စ KIO နှင့် အစိုးရကိုယ်စားလှယ်များ လဂျားယန်ကျေးရွာတွင် ပထမအကြိမ် တွေ့ဆုံ ဆွေးနွေးခဲ့ပြီး ၄င်းဆွေးနွေးမှု မအောင်မြင်ဘဲ နှစ်ဘက်စစ်ပွဲများ ပြင်းထန်စွာ ဖြစ်ပွားနေချိန်တွင် ဒုတိယ အကြိမ် တရုတ်ရွှေလီမြို့၌ ထပ်မံတွေ့ဆုံခြင်း ဖြစ်သည်။

မြစ်ကြီးနား ဗုံးပေါက်ကွဲမှုတွင် လူတဦး သေ၊ တဦး ဒဏ်ရာရ

KNG


မြန်မာ အစိုးရနှင့် ကချင် လွတ်မြောက်ရေး အဖွဲ့ (KIO)ကြား နယ်စပ် တရုတ် နိုင်ငံ ရွှေလီမြို့တွင် ငြိမ်းချမ်းရေး တွေ့ဆုံ ဆွေးနွေး သည့်နေ့တွင် ကချင်ပြည် နယ်မြို့တော် မြစ်ကြီး နားမှာ ဗုံး နှစ်လုံး ပေါက်ကွဲပြီး လူတဦး သေဆုံးကာ အခြားတဦး ဒဏ်ရာ ရရှိခဲ့သည်။

ဗုံးပေါက်ကွဲမှုသည် နိုဝင်ဘာ (၂၉) ရက် ည (၈) နာရီဝန်းကျင်တွင် စီတာပူရပ်ကွက် KIO ဆက်ဆံရေးရုံးအနီး ဖြစ်ပွားခဲ့ရာ ကျောင်းသားတဦးသေဆုံးကာ ကျောင်းသူတဦးဒဏ်ရာရရှိသည်ဟု ဗုံးပေါက်နေရာအနီးမှ ဒေသခံများပြောသည်။

ထိုနေရာသည် စီတာပူရပ်ကွက် ကချင်ရိုးရာမနောကွင်းနှင့် ကချင်ရိုးရာနတ်ဗိမ္ဗာန်ဝင်းများရှိသည့် လမ်းဆုံတွင်ဖြစ်သည်။

ပထမဗုံးသည် ကချင်မျိုးနွယ် ဇိုင်ဝါးစာပေနှင့်ယဉ်ကျေးမှုရုံးရှေ့ ကချင်နတ်ဗိမ္ဗာန်ဝင်း၏မြောက်ဘက်ခြမ်း ခြံစည်းရိုးအနီး ပေါက်ကွဲရာ အထက (၅) ကိုးတန်း ကချင်ကျောင်းသား မောင်အာဗြာဟမ် ဗုံးစထိမှန်သေဆုံးသွားသည်။

၅ မိနစ်ကျော်ခြား၍ နတ်ဗိမ္ဗာန်ထိပ် ညောင်ပင်ကြီးအနီး လမ်းဆုံပေါ် ဒုတိယဗုံးပေါက်ကွဲရာ ကျောင်းသူတဦး ထိခိုက်ဒဏ်ရာရပြီး မြစ်ကြီးနားဆေးရုံတက်ရောက်ကုသနေရကြောင်း ဒေသခံများပြောသည်။

ထိုဗုံးပေါက်ကွဲမှုကြောင့် ကချင် ဇိုင်ဝါးစာပေရုံးထဲနေထိုင်သူများနှင့် ထိုရုံးနှင့်ကပ်လျက်ရှိသော အိမ်ဝင်းတခုထဲ နေထိုင်သူများအား သက်ဆိုင်ရာအာဏာပိုင်များက ဖမ်းဆီးခေါ်ဆောင်သွားသည်ဟု မျက်မြင်များပြောသည်။

ယခုကဲ့သို့သေဆုံးဒဏ်ရာ ရရှိစေသည့်ဗုံးပေါက်ကွဲမှုအား မြန်မာအစိုးရနှင့် KIO မည်သည့်အဖွဲ့မှ ပြုလုပ်သည်ကို မသိနိုင်သေးသော်လည်း မြစ်ကြီးနားပြည်သူများမှာ စိုးရိမ်ကြောက်လန့်စွာ နေထိုင်ကြရသည်ဟု မြို့ခံများ ဆို သည်။

ရွှေတမာကျေးရွာသားများ လယ်မြေ ပြန်ရလိုကြောင်း ပြည်နယ်ဝန်ကြီးကို စာတင်

နိရဉ္စရာ

ရခိုင်ပြည်နယ် မင်းပြားမြို့နယ် ရွှေတမာ ကျေးရွာမှ ရွာသားများက သူတို့ရွာမှ သိမ်းဆည်းထားသော လယ်မြေများကို ပြန်ရလိုကြောင်း ပြည်နယ် ၀န်ကြီးချုပ်ထံ စာရေး တောင်းဆို လိုက်ကြောင်း သတင်း ရရှိသည်။

ရွာသား စုစုပေါင်း ၁၁၅ ဦးက လက်မှတ်ထိုးပြီး မြို့နယ် အုပ်ချုပ်ရေးမှူးမှ သိမ်းယူထားသော လယ်ဧက (၂၂) ဧကကို ပြန်လည် ပေးအပ်ရန် ရခိုင်ပြည်နယ် ၀န်ကြီးချုပ်ထံသို့ ယခုလ ၂၇ ရက်နေ့က စာရေး ပို့ပေးလိုက်ကြောင်း ကျေးရွာသား တစ်ဦးက ပြောသည်။

" သိမ်းထားတဲ့ လယ်က ရွာသားတွေ စုပေါင်းပိုင်ဆိုတဲ့ လယ်တွေ ဖြစ်ကြပါတယ်။ အဲဒီတုန်းက မြို့နယ် မယကမှ နေပြီးတော့ မြို့နယ် သက်သာ ရံပုံငွေ အတွက် အကြောင်းပြသိမ်းသွားပါတယ်။ ၂၀၀၆ ခုနှစ်က ဖြစ်ပါတယ်" ဟု သူက ပြောသည်။

ယခုအခါ အဆိုပါ ကျေးရွာသားများ ပိုင်ဆိုင်သော လယ် ၂၂ ဧကအား ဦးမောင်ဝင်း (ရွှေတမာကျေးရွာ)၊ ဦးမောင်တင်ဝင်း (လက်မ ကျေးရွာ)နှင့် ဦးခင်မောင်ဝင်း (ရွှေတမာကျေးရွာ)အား မြို့နယ် အထွေထွေ အုပ်ချုပ်ရေးမှူးရုံးမှ တနှစ်အတွက် တဧက ၅၀၀၀၀ နုန်းဖြင့် သီးစားချထားသည်ဟု သိရသည်။

" ဟိုတုန်းကတော့ ရွာသားတွေ စုပေါင်းပိုင်ဆိုင်တာ ဖြစ်တဲ့ အတွက် အဲဒီလယ်က ရတဲ့ လယ်ဌားခနဲ့ ကျေးရွာမှာ လိုအပ်တဲ့ ဘာသာရေး၊ လူမူရေး၊ ပညာရေး စတဲ့ နေရာတွေမှာ အသုံးပြုခဲ့ပါတယ်။ အခုတော့ ဘုန်းကြီးကျောင်းလည်း ပြင်မရ။ စာသင်ကျောင်းအတွက်လည်း သုံးလို့ မရ ဖြစ်နေကြပါတယ်" ဟု သူက ဆက်ပြောသည်။

ယခင် မင်းပြားမြို့နယ် မယက ဥက္ကဌမှ သက်သာ ရံပုံငွေ အတွက် အကြောင်းပြပြီး သိမ်းယူသွားသော လယ်မြေများကို သီးစားချပြီး ရရှိလာသော ငွေကြေးများကို နိုင်ငံတော် အတွက်သော်၎င်း၊ မြို့နယ် ဖွံ့ဖြိုး တိုးတက်ရေး အတွက်သော်၎င်း တစ်စုံတစ်ရာ အသုံးပြုခြင်း မရှိဘဲ ကိုယ်ကျိုး အတွက် အသုံးပြုခဲ့သည်ဟု မင်းပြားမြို့က စာရေးကြီး တစ်ဦးက ပြောသည်။

" အခုလည်း သက်သာအတွက်ဆိုပြီး အကြောင်းပြ သိမ်းထားတာပါ။ ရလာတဲ့ ငွေတွေကို သူတို့က သူတို့ အိတ်ကပ်ထဲ ထည့်တာပါဘဲ။ ဒါပေမယ့် အခု အသစ်ကျလာတဲ့ မြို့နယ် အထွေထွေ အုပ်ချုပ်ရေးမှူးကတော့ မသိရသေးဘူး။ သူက ဒီကိစ္စတွေကို ဘယ်လို ကိုင်တွယ် မလဲဆိုတာ မသိရသေးဘူး" ဟု သူက ပြောသည်။

မင်းပြားမြို့နယ်တွင် လယ်သမားများထံမှ ခေါင်းစဉ် အမျိုးမျိုးဖြင့် အမည်တပ်ကာ အုပ်ချုပ်သူ အာဏာရှိသူများက သိမ်းယူ ထားသော လယ်မြေဧက မြောက်များစွာ ရှိပြီး အဆိုပါ သိမ်းယူသွားသော လယ်များကို လယ်သမားများက ပြန်လည် ရရှိရန် ဥပဒေဘောင် အတွင်းမှ ယခုအခါ တိုက်ပွဲဝင် တောင်းဆိုလျှက် ရှိကြောင်း သိရသည်။

ရွှေတိဂုံ တနေ့ ခြောက်ကြိမ် ဗုံးရှာ

မျိုးသိဏ်း | ဗုဒ္ဓဟူးနေ့၊ နိုဝင်ဘာလ ၃၀ ရက် ၂၀၁၁


အမေရိကန် နိုင်ငံခြားရေး ဝန်ကြီး ဟီလာရီကလင်တန်၏ မြန်မာ နိုင်ငံ ခရီးစဉ် အတွင်း သွားရောက်မည့် နေရာ တခုဖြစ်သော ရွှေတိဂုံ စေတီ တော်တွင် လုံခြုံရေး အစီ အစဉ်များ အထူး တိုးမြှင့် ထားပြီး ဗုံးရှာ ဖွေမှု တရက် ခြောက်ကြိမ်ခန့် အထိ ပြုလုပ် နေကြောင်း ဂေါပက အဖွဲ့ဝင် တဦးက ပြောသည်။

ဒီဇင်ဘာ ၁ ရက်နေ့၌ ရွှေတိဂုံစေတီတော်သို့ သွားရောက်မည့် အမေရိကန် နိုင်ငံခြားရေး ဝန်ကြီး၏ လုံခြုံရေးအတွက် အမေရိကန်သံရုံးနှင့် စစ်ဘက်အရပ်ဘက် ထောက်လှမ်းရေးများ သာမက ရွှေတိဂုံစေတီတော် ဂေါပကအဖွဲ့ကပါ လုံခြုံရေးအတွက် အားဖြည့် အစီ အစဉ်များ ချမှတ်ထားသည်ဟု ဆိုသည်။

အမေရိကန် ဝန်ကြီး လာရောက်ချိန်တွင် ဘုရားဖူးများကို ပိတ်ပင်ထားမည် မဟုတ်သကဲ့သို့ ပြည်တွင်း သတင်းထောက်များကို ဝန်ထမ်း ကတ်ပြားချိတ်ဆွဲ သတင်းယူခွင့် ပြုမှာဖြစ်သည်။

ဟီလာရီကလင်တန်သည် ဒီဇင်ဘာ ၁ ရက်တွင် နေပြည်တော်၌ သမ္မတ ဦးသိန်းစိန်၊ နိုင်ငံခြားရေး ဝန်ကြီး၊ပြည်ထောင်စု လွှတ်တော် ဥက္ကဌ၊ အမျိုးသား လွှတ်တော် ဥက္ကဌတို့နှင့် သီးခြားစီ တွေ့ဆုံမည်ဟု သိရပြီး ယင်းတွေ့ဆုံမှုများကို ပြည်တွင်း၊ ပြည်ပ သတင်းမီဒီယာ တခုလျှင် ကိုယ်စားလှယ် တဦးကျစီ တက်ရောက်ခွင့်
ပေးထားသည်။

နေပြည်တော်သို့ လိုက်ပါ သတင်းယူမည့် သူများအား ပြန်ကြားရေးက ကိုယ်ရေးရာဇဝင် အပြည့်အစုံနှင့် ဓါတ်ပုံလေးပုံတောင်းခံ ထားပြီး ယင်းတို့ အနေဖြင့် ဒီဇင်ဘာ ၃၀ ရက် ညနေ ၃ နာရီထက် နောက်မကျစေဘဲ နေပြည်တော်ပြန်ကြားရေး ဝန်ကြီး ဌာနသို့ သတင်း ပို့ရမည် ဖြစ်သည်။

ဒီဇင်ဘာ ၂ ရက်နေ့ မနက် ၉ နာရီ ဒေါ်အောင်ဆန်းစုကြည်နှင့် ဟီလာရီကလင်တန် တွေ့ဆုံမှု၌ လူဦးရေ ၅၀ သာ သတင်းယူခွင့် ပြုမည် ဖြစ်ပြီး နိုင်ငံခြားရေးဝန်ကြီး၏ အချို့သော တွေ့ဆုံမှုများတွင် ထိုင်ခုံ အကန့်အသတ်သာ ထားမည်ဖြစ်ကြောင်း အမေရိကန်သံရုံး၏ အကြောင်း ကြားစာတွင် ထည့်သွင်း ဖော်ပြထားသည်။

အမေရိကန် နိုင်ငံခြားရေးဝန်ကြီး၏ မြန်မာပြည်ခရီးစဉ်

နိုဝင်ဘာ ၃ဝ ရက်

- ညနေ ၃ နာရီခွဲတွင် နေပြည်တော်သို့ ရောက်ရှိမည်

ဒီဇင်ဘာ ၁ ရက်

- မနက် ၉ နာရီတွင် နေပြည်တော် နိုင်ငံခြားရေး ဝန်ကြီးရုံးတွင် ဝန်ကြီး ဦးဝဏ္ဏမောင်လွင်နှင့် တွေ့ဆုံမည်။
- မနက် ၁၀ နာရီတွင် သမ္မတရုံးတွင် သမ္မတ ဦးသိန်းစိန်နှင့် တွေ့ဆုံမည် ဖြစ်သည်။
- ယင်းနောက် နိုင်ငံခြားရေးဝန်ကြီး ဦးဝဏ္ဏမောင်လွင်က နေ့လည်စာဖြင့် ဧည့်ခံမည် ဖြစ်သည်။
- ယင်းနောက် မွန်းလွဲပိုင်းတွင် အမျိုးသားလွှတ်တော်ဥက္ကဌ ဦးခင်အောင်မြင့်၊ ပြည်သူ့လွှတ်တော် ဥက္ကဌ သူရဦးရွှေမန်းတို့နှင့် သီးခြားစီ တွေ့ဆုံမည် ဖြစ်သည်။
- ထို့နောက် ရန်ကုန်မြို့သို့ ပြန်လည် ထွက်ခွာမည် ဖြစ်သည်။
- ညနေ ၄ နာရီတွင် ရန်ကုန်လေဆိပ်သို့ ရောက်ရှိမည်ဖြစ်ပြီး တဆက်တည်း ရွှေတိဂုံစေတီတော် သို့ သွားရောက်မည် ဖြစ်သည်။
- ချတ်ထရီယံ ဟိုတယ်တွင် ညအိပ် တည်းခိုမည် ဖြစ်သည်။

ဒီဇင်ဘာ ၂ ရက်

- နံနက် ၉ နာရီတွင် ဒေါ်အောင်ဆန်းစုကြည်နှင့် တွေ့ဆုံမည်။
- ယင်းနောက် ကိုးမိုင်ရှိ ရှမ်းစာကြည့်တိုက်၊ ရှမ်းစာပေနှင့် ယဉ်ကျေးမှုဌာနသို့ သွားရောက်ပြီး ရှမ်းအမျိုးသားများနှင့် တွေ့ဆုံမည်။
- မွန်းလွဲပိုင်းတွင် ရန်ကုန်မြို့ အမေရိကန်သံရုံးတွင် နိုင်ငံရေးသမားအချို့နှင့် တွေ့ဆုံမည်။
- ညနေ ၄ နာရီမှ ၅ နာရီအကြား ရန်ကုန်မြို့မှ လေကြောင်းဖြင့် ပြန်လည် ထွက်ခွာမည်။

ရန်ကုန်မြို့တွင် ကမ္ဘာ့အေအိုင်ဒီအက်စ်နေ့ကို စုပေါင်းကျင်းပကြမည်

နော်ဆဲကလယ် (ကေအိုင်စီ)

ကမ္ဘာ့ အေအိုင် ဒီအက်စ်နေ့ အထိမ်း အမှတ် ပွဲကို မြန်မာ ပြည်တွင်းရှိ HIV/AIDS ခေါ် ခုခံအား ကျဆင်းမှု ဆိုင်ရာ လုပ်ငန်းများ ဆောင်ရွက် နေသည့် ကွန်ယက် ၇ခုမှ ဒီဇင်ဘာလ ၃ရက်နေ့တွင် ရန်ကုန်မြို့ ယုဒသန် ရိပ်သာ၌ စုပေါင်း ကျင်းပ ကြမည် ဖြစ် သည်။

စုပေါင်းလုပ်ဆောင်မည့် ထိုကွန်ယက် ၇ခုမှာ ဘာသာပေါင်းစုံကွန်ယက် -MINA၊ ပြည်တွင်းလူမှုရေးအဖွဲ့အစည်းများကွန်ယက်-3N၊ မြန်မာ ပေါ့စတစ် ကွန်ယက်- MPG၊ မြန်မာ ပြည့်တန်ဆာ ကွန်ယက် - SWIM၊ မြန်မာ ပေါ့စတစ် အမျိုး သမီးများ ကွန်ယက်-PWN၊ မြန်မာ လိင်တူခြင်း ချစ်သူများ ကွန်ယက်-MNM၊ မြန်မာ မူးယစ် ဆေးဝါး သုံးစွဲ သူများ ကွန်ယက်-MDNM တို့ဖြစ်ကြသည်။

ထိုကွန်ယက်အဖွဲ့များသည် ယခင်က တစ်ဖွဲ့ချင်းစီသာ အထိမ်းအမှတ်ပွဲများ ပြုလုပ်ခဲ့ကြသော်လည်း ယခုနှစ်တွင်မူ ပထမဆုံး အကြိမ် စုပေါင်းလုပ်ဆောင်ကြခြင်း ဖြစ်သည်ဟု မြန်မာပေါ့စတစ်ကွန်ယက်မှ တာဝန်ရှိသူအမျိုးသမီးတစ်ဦးက ပြောသည်။

သူမက “ဒီလို လုပ်ဖို့အတွက် စီစဉ်နေကြတာကြာပါပြီ။ ဒီနှစ်တော့ အကောင်အထည်ဖော်ဖြစ်တယ်။ ပွဲတွေသာများတာ လူတွေ က ဒီလူတွေချည်းပဲလေ။ ငွေလည်းအကုန်သက်သာ။ လူတွေလည်း ပင်ပမ်းတာ သက်သာတယ်။”ဟု ကေအိုင်စီသို့ပြောသည်။

၂၀၁၁ ခုနှစ်အတွက် ကမ္ဘာ့အေအိုင်ဒီအက်စ်နေ့ ဆောင်ပုဒ်မှာ “ခွဲခြားနှိမ့်ချကင်းဝေးလို့၊ အေအိုင်ဒီအက်စ်ပပျောက်ဖို့၊ လူတိုင်း ပါဝင် ဆောင်ရွက်စို့” ဖြစ်ပြီး ယခုကဲ့သို့ စုပေါင်းဆောင်ရွက်ခြင်းကို အလှူရှင်များမှလည်း သဘောကျကြောင်း သိရသည်။

ပြည့်တန်ဆာအဖွဲ့များဖြင့် ဖွဲ့စည်းထားသောကွန်ယက်မှ တာဝန်ရှိသူကလည်း “ပူးပေါင်းတယ်ဆိုတာ စည်းလုံးတဲ့သဘောမျိုးဆို တော့ လှူရတဲ့အဖွဲ့တွေကလည်း ကျေနပ်တယ်။ တာဝန်တွေကိုတော့ သေချာခွဲလုပ်ဖို့ လိုပါတယ်။”ဟု ဆိုသည်။

ထိုပွဲကို အလှူရှင်အဖွဲ့များအပြင် အမျိုးသားကာလသားနှင့် ခုခံကျတိုက်ဖျက်ရေးဌာန (NAP)၊ ကမ္ဘာ့ကုလသမဂ္ဂ-UN အဖွဲ့များ နှင့် NGO အဖွဲ့များကိုလည်း ဖိတ်ကြားထားကြောင်း သိရသည်။

ထို့အပြင် 3N ကွန်ယက် အတိုင်ပင်ခံ တာဝန်ထမ်းဆောင်ခဲ့သော ဦးသန့်လွင်ထူးက “ပွဲကို ပြည်နယ်ဝန်ကြီးချုပ်တို့ ကျန်းမာရေး ဘက်က တာဝန်ရှိတဲ့ သူတို့ ဖိတ်သင့်တယ်။ ပျော်ပွဲရွှင်ပွဲပုံစံမျိုးထက် ကိုယ်ပေးချင်တဲ့ သတင်းစကားကိုပြောရမှာ။ ဆုံးဖြတ်နိုင် တဲ့သူတွေ ပွဲကို လာတက်တာဖြစ်လို့ တိုက်ရိုက်ပေးခွင့်ရတဲ့ အခြေအနေပါ။ ဥပမာ-ဆေးလိုနေတယ်ဆိုတာမျိုးကို အထောက် အထား ခိုင်ခိုင်လုံလုံနဲ့ မငြင်းနိုင်အောင် တင်ပြလို့ရတဲ့ အခြေအနေပါ။ ပျော်စရာလည်းတစ်ဝက် သတင်းစကားလည်းတစ်ဝက် လုပ်နိုင်ရင် ကောင်းမှာပါ။”ဟု သုံးသပ်ပြောဆိုသည်။

မြန်မာနိုင်ငံတွင် HIV /AIDS လုပ်ငန်းများ လုပ်ဆောင်နေကြသော လူထုအခြေပြု အဖွဲ့အစည်းများဖြင့် ဖွဲ့ထားသည့် ကွန်ယက်များသည် ၂၀၀၇ခုနှစ်မှစတင်ကာ အားကောင်းလာခြင်းဖြစ်သည်။

အိမ်ခြံမြေ၊ ကား ဈေးကွက်ကြောင့် ရွှေအရောင်းကျ

ဧရာဝတီ on November 30, 2011

အိမ်ခြံမြေနှင့် ကားဈေးကွက် အပြောင်းအလဲ ကြီးမားမှုကြောင့် ရန်ကုန်မြို့တွင် ရွှေဝယ်သူ အလွန် နည်းပါးပြီး ပြန်လည် ရောင်းချသူ များပြားနေကြောင်း သတင်းရရှိသည်။

ဈေးကွက် အပြောင်းအလဲ ကာလတွင် ရွှေစုဆောင်းထားသူတို့က စီးပွားရေးလုပ်ငန်းသစ်များ လုပ်ကိုင်ရန် ငွေပြန်ဖော်နေကြသည်ဟု သိရသည်။

“နေ့စဉ်တိုင်း လိုလို ရွှေဝယ်သူထက် ရွှေရောင်းတဲ့သူတွေချည်းပဲ။ ရွှေဝယ်သူက မရှိသလောက်ကို နည်းတယ်။ အိမ်ခြံမြေဈေးကွက်၊ ကားဈေးကွက်တွေမှာ သွားပြီး ရင်းနှီးကြ၊ အလုပ်လုပ်ကြနဲ့ အဲဒီဘက်မှာပဲ အရမ်း လှုပ်ရှားတယ်။ အဲဒီနယ်ပယ်ကိုပဲ လူတွေက စိတ်ဝင်စားကြတယ်” ဟု မြန်မာနိုင်ငံ ရွှေလုပ်ငန်းရှင်များအသင်း ဒုတိယဥက္ကဋ္ဌ ဦးကျော်မြင့်နှင့် နီးစပ်သူ ရွှေကုန်သည် တဦးက ပြောသည်။

အကျိုးအမြတ် သေချာသော အိမ်ခြံမြေဈေးကွက်ဘက်သို့ လှည့်သွားကြခြင်းမှာ ကျပ်ငွေတန်ဖိုးတက်လာခြင်း၊ ဒေါ်လာတန်ဖိုး မတည် မငြိမ် ဖြစ်လာခြင်း တို့နှင့်လည်း သက်ဆိုင်သည်ဟု ဆိုသည်။

ဦးသိန်းစိန်အစိုးရလက်ထက် နိုင်ငံခြား ရင်းနှီးမြုပ်နှံမှု ထပ်မံ ၀င်ရောက်လာခြင်း၊ စက်မှုဇုန်အသစ်များ ဖော်ထုတ်လာခြင်းတို့ကြောင့် စက်မှုဇုန် မြေကွက်များ ကြိုတင် ၀ယ်ယူ ရင်းနှီးမြုပ်နှံနေကြကြောင်း ရန်ကုန်မှ အိမ်ခြံမြေအကျိုးဆောင်များက ပြောသည်။ ရန်ကုန်မြို့တွင်း အိမ်ခြံမြေများလည်း ဆက်တိုက်ဆိုသလို ဈေးနှုန်းများ မြင့်တက်နေသည်။

“ဈေးက ပိုတက်ဖို့ပဲ ရှိတယ်။ အကျ မရှိဘူး။ လွန်ခဲ့တဲ့ ၂ နှစ်လောက်က သိန်းငါးရာလောက်ပဲ ဈေးရှိတဲ့ မြေကွက်က အခုအချိန် သိန်းနှစ်ထောင် ခေါ်ရောင်းတယ်၊ ၀ယ်သူလည်း ရှိတယ်။ အိမ်ခြံမြေက ရင်းနှီး မြုပ်နှံပြီး ရှုံးတယ် ဆိုတာ မရှိတဲ့ အခြေအနေ ဖြစ်နေတယ်” ဟု ရန်ကုန်မြို့၏ နာမည်ကျော် အိမ်ခြံမြေ အကျိုးဆောင် ကုမ္ပဏီ ပိုင်ရှင် တဦးက ဆိုသည်။

ကားသစ် တင်သွင်းခြင်းကို အစိုးရက ခွင့်ပြုလာသဖြင့် ငွေကြေးတတ်နိုင်သူများက ရွှေဝယ်ယူရန် စိတ်ဝင်စားမှု လျော့ကျသွားကြောင်း သိရှိရသည်။

“ကားဟောင်းကို ကားသစ် လဲချင်ကြတယ်။ ကားဟောင်း(အောက်ကားတွေ)ကို တစီး သိန်းတရာ ပေးဝယ်ကြတယ်။ ဘဏ်မှာ နိုင်ငံခြားငွေ အခွန်ဆောင် အပ်ထားတဲ့သူတွေလည်း ကားသစ် သွင်းဖို့ စိတ်ဝင်စားကြတယ်” ဟု ကား ၀ယ်ရောင်း အကျိုးဆောင် လုပ်ငန်းကို နှစ်ပေါင်းများစွာ လေ့လာ သတင်းရယူ ရေးသားခဲ့သူ အပတ်စဉ်ထုတ် သတင်းဂျာနယ်ကြီးတခုမှ အယ်ဒီတာတဦးက ပြောသည်။

“ကားသတင်းပါတဲ့ ဂျာနယ်တိုင်း ရောင်းအား တက်သလို ဂျာနယ်တိုင်းကလည်း ကားသတင်း မဖြစ်မနေ ပါအောင် ထည့်နေရတာကို ကြည့်ရင် လူတွေရဲ့ ကားသစ်တွေ ရှုးသွပ်တဲ့ စိတ်တွေကို သိနိုင်တယ်” ဟု ၎င်းအယ်ဒီတာက ဆက်ပြောသည်။

ကား နှင့် အိမ်ခြံမြေဈေးကွက်၏ ဂယက်ကြောင့်သာမက အမေရိကန်ဒေါ်လာတန်ဖိုးနှင့် ကမ္ဘာ့ရွှေဈေး အတက် အကျအပေါ် မူတည် ပြောင်းလဲနေသော ရွှေဈေးကွက်သည် လာမည့် ၂၀၁၂ ခုနှစ်တွင် အရောင်းအ၀ယ် ဆက်လက် ကျဆင်းဖွယ်ရှိကြောင်း မန္တလေးနှင့် ရန်ကုန် ရွှေကုန်သည်များက သုံးသပ်နေကြသည်။

ပြည်တွင်းရွှေဈေးကွက်တွင် တနင်္လာနေ့က အကယ်ဒမီအခေါက်ရွှေ တကျပ်သား ၇၂၃ ၀၀၀ ကျပ် ရှိကြောင်း သိရှိရသည်။

ဖလုံ-စဝေါ်ပါတီ ဥက္ကဌဟောင်း စောသန်းကျော်ဦး ပါတီအသစ် တည်ထောင် ရန် လျှောက်ထား

နန်းသူးလေ (ကေအိုင်စီ)

ဖလုံ-စဝေါ် ဒီမိုကရက်တစ်ပါတီ-PSDP ၏ ယခင် ဥက္ကဌ စောသန်း ကျော်ဦး ခေါင်းဆောင်သည့် အဖွဲ့ဝင် ၁၆ဦးသည် ကရင်ဒီမိုကရက်တစ်ပါတီအမည်ဖြင့် ပါတီ ထောင်ရန် ပြည်ထောင်စု ရွေးကောက်ပွဲကော်မရှင်သို့လျှောက်ထားကြောင်း ယနေ့ထုတ်အစိုးရပိုင်သတင်းစာတွင် ဖော်ပြထားသည်။

စောသန်းကျော်ဦးသည် ပါတီစည်းကမ်းဖောက်ဖျက်မှုဖြင့် ပါတီဥက္ကဌရာထူးမှ နုတ်ထွက်ပေးရန် အောက်တိုဘာလ ၃၀ရက်နေ့ ၌ ဖလုံ-စဝေါ်ပါတီအဖွဲ့ဝင်များက အရေးပေါ်အစည်းအဝေး ပြုလုပ်ခဲ့ပြီးနောက် နိုဝင်ဘာ ၆ရက်နေ့တွင် ရာထူးမှ နုတ်ထွက်ကာ ယခုလို နိုင်ငံရေး ပါတီအသစ် တည်ထောင်ရေး လျှောက်ထားခဲ့ခြင်းဖြစ်သည်။

ဖလုံ-စဝေါ်ပါတီ၏ အထွေထွေ အတွင်းရေးမှူး စဘီကျင်ဦးက “ကျနော်တို့ ပါတီကနေ ဦးစောသန်းကျော်ဦး နုတ်ထွက်သွားပါ ပြီ။ ဒါကြောင့် သူ့သဘော သူ့ဆန္ဒနဲ့ ပါတီထောင်ဖို့လုပ်တာကို ကျနော်တို့အနေနဲ့ဘာမှ မပြောလိုပါဘူး။ သူပါတီထောင်လိုက်လို့ လည်း ကျနော်တို့ ပါတီအတွက် ဆိုးဆိုးဝါးဝါး ထိခိုက်တာမျိုးလည်း မရှိပါဘူး။”ဟု ပြောသည်။

ပါတီသစ်ထောင်ရန် လျှောက်ထားသည့် ကရင်ဒီမိုကရက်တစ်ပါတီထဲတွင် စောသန်းကျော်ဦးအပြင် ဖလုံ-စဝေါ်မှ အဖွဲ့ဝင် ၂ဦး ထက်မနည်း ပါဝင်မည်ဟု ခန့်မှန်းရကြောင်းနှင့် မည်သူပါဝင်မည်ကိုမူ တိကျစွာ မသိရသေးကြောင်း သူက ဆက်ပြောသည်။

မြန်မာအစိုးရ၏ ၂၀၀၈ပုံဖွဲ့စည်းပုံအရ နိုင်ငံရေးပါတီ တည်ထောင်လိုသူ ပုဂ္ဂိုလ်များသည် နိုင်ငံရေး မှတ်ပုံတင်ခြင်း ဥပဒေပုဒ်မ ၄နှင့် ပုဒ်မ ၆ပါ ပြဌာန်းချက်များနှင့် ညီညွှတ်မှုရှိမရှိ စိစစ်ပေးနိုင်ရေးအတွက် ပြည်ထောင်စု ရွေးကောက်ပွဲကော်မရှင်က သက် ဆိုင်ရာ ၀န်ကြီးများ ဌာနများထံ မေတ္တာရပ်ခံ ညှိနှိုင်းထားကြောင်းလည်း အစိုးရသတင်းစာတွင် ဖော်ပြထားသည်။

စောသန်းကျော်ဦးသည် လက်ရှိ ကရင်ပြည်နယ် လမ်းပန်းဆက်သွယ်ရေး ၀န်ကြီးဖြစ်သူ ယခင် ဖလုံ-စဝေါ်ပါတီ၏ ဥက္ကဌ စော ခင် မောင်မြင့် ၏နေရာတွင် အစားထိုး အရွေးခံရသူဖြစ်ပြီး ၂၀၁၀ ရွေးကောက်ပွဲအတွင်း ကျိုက်မရောမြို့နယ် အမှတ်(၁)တွင် ပြည်နယ် လွှတ်တော်ကိုယ်စားလှယ်အဖြစ် ၀င်ရောက်အရွေးခံခဲ့ရာ မဲရှုံးနိမ့်ခဲ့သည်။

စစ်ပွဲကြောင့် ရွှေလီအမှတ်၂ ရေကာတာတည်ဆောက် ခြင်း ယာယီရပ်ဆိုင်း

KNG


မြန်မာ အစိုးရ တပ်နှင့် ကချင် လွတ်မြောက်ရေး တပ်ဖွဲ့ (KIA) တိုက်ပွဲ များကြောင့် ရွှေလီ ရေအားလျှပ်စစ် စီမံကိန်း တစ်ခု လုပ်ငန်း ရပ်တံ့ ထားရ သည်ဟု ယနေ့ထုတ် တအာင်း(ပလောင်) ကျောင်းသားနှင့် လူငယ်များ အစည်းအရုံး ၏ “ထိန်းချုပ်မှု အောက်က ရွှေလီ” အစီရင် ခံစာတွင် ဖော်ပြသည်။

ရှမ်းပြည်မြောက်ပိုင်း နမ့်ခမ်းနှင့် မန်တုန်မြို့နယ်ကြား အမှတ် ၂ ရွှေလီရေအားလျှပ်စစ်စီမံကိန်းမှ တရုတ်နိုင်ငံပိုင် ဟွာနင်းလန်ကန်း(Huaneng Lancang River Hydorpower Co.Ltd)ကုမ္ပဏီ တရုတ်အလုပ်သမားများ ထိုတိုက်ပွဲကြောင့် နေရပ်ပြန်သွားကြသည့်အတွက် စီမံကိန်းရပ်တံ့နေသည်ဟု ဆိုသည်။

မြန်မာအစိုးရတပ် ခမရ (၁၄၄)၊ အေးရှားဝေါကုမ္ပဏီ၊ ဟွာနင်းတရုတ်ကုမ္ပဏီတို့မှ ဒေသခံ (တအာင်း၊ ရှမ်းနှင့် ကချင်) မိသားစု တစ်ရာခန့်၏ မြေဧက ၂၅၀ ကျော် သိမ်းပိုက်ထားကာ ဆည်စီမံကိန်းကို အကောင်အထည် ဖော်နေခြင်းလည်းဖြစ်သည်ဟု သိရသည်။

တဆက်တည်းတွင် အမှတ် (၃) ရွှေလီရေအားလျှပ်စစ်ကိုလည်း ဆွစ်ဇီလန်နိုင်ငံမှ ကိုလန်ကိုစွမ်းအင်ကုမ္ပဏီ (Colenco Power Engineering)နှင့် အမှတ် (၁) လျှပ်စစ်စွမ်းအင်ဝန်ကြီးဌာနသို့ပူးတွဲကာ ၁၀၅၀ မဂ္ဂါဝပ် ထွက်ရှိမည့် လျှပ်စစ်ဓါတ်အားပေးစက်ရုံကို ၂၀၁၅ ခုနှစ်တွင် အပြီးတည်ဆောက်ရန် လုပ်ဆောင်နေကြောင်း သိရသည်။

၎င်းစီမံကိန်းများကြောင့် ဒေသခံပြည်သူ ၃၀၀၀ နေရပ် ပြောင်းရွှေ့ရခြင်းနှင့် လက်ဖက်စိုက်ခင်း၊ လယ်ကွင်းနှင့် သစ်တော စုစုပေါင်း ဧက ၃၀၀၀၀ ကျော် ရေ၀ပ်ဧရိယာဖြစ်သွားနိုင်သည်ဟုလည်း ထိုအစီရင်ခံစာတွင် ဖော်ပြထားသည်။

သမ္မတဦးသိန်းစိန်အစိုးရသည် ကချင်ပြည်နယ် ဧရာဝတီမြစ်ဆုံဆည်တည်ဆောက်နေမှုအား ၎င်း၏အစိုးရသက်တမ်းတွင် ဆိုင်းငံ့ထား သော်လည်း ဧရာဝတီမြစ်၏ မြစ်လက်တက်များ၌ ဆည်ကြီး ၁၁ ခုကို တည်ဆောက်နေဆဲဖြစ်သည် ဟု “ထိန်းချုပ်မှုအောက်ကရွှေလီ” တွင် ထည့်သွင်းဖော်ပြထားသည်။

ဆွံ့အ အမျိုးသမီးငယ်အား မြန်မာစစ်တပ် အုပ်စုလိုက် မုဒိန်းကျင့်

သျှမ်းသံတော်ဆင့်

သျှမ်းပြည် တောင်ပိုင်း မိုင်းနောင်မြို့နယ် မိုင်းနန်းအုပ် စု၌ ဆွံ့အ အမျိုးသမီး ငယ်အား မြန်မာ စစ်တပ် က အုပ်စုလိုက် မုဒိန်း ကျင့်သည့် အမှုဖြစ်ပွါး ခဲ့ကြောင်း သျှမ်းပြည် အလယ် ပိုင်းမှ လာသော သတင်း အရ သိရ သည်။

ယခုလ ၂၇ ရက်က (တုံလော အခြေစိုက်) မိုင်းနန်း စခန်းချ ခလရ ၁၃၁ မှ မြန်မာ စစ်သား ၃ ယောက် ဝမ့်နား ရွာသို့ သွားရောက် လည်ပတ် ရာမှ ရွာသူ တယောက်အား အုပ်စုလိုက် မုဒိန်းကျင့် သည့်အမှုဖြစ် ပွါး ခဲ့ခြင်း ဖြစ်သည်။

“ အဲ့ညနေ ၄ နာရီ လောက်က စစ်သား ၃ ယောက် ရွာထဲ ဝင်လာပြီး တအိမ်ဝင် တအိမ်ထွက် ငရုတ်သီး တောင်းတယ်။ အိမ်ရှင်က ငရုတ် သီးပေး ပေမယ့် သူတို့ မယူဘူး။ နောက်ဆုံး လုံးနာလိန် ပါ့ခမ်းေ ရွှတို့ အိမ်ရောက် သွားတယ်။ အိမ်က ပြင်မှာ ထိုင်နေတဲ့ သူတို့ သမီး ကို တွေ့တော့ တက်သွားပြီး ဝိုင်း မုဒိန်း ကျင့်ကြတာ” ဟု မိုင်းနန်းရောက် ဒေသခံ တဦး ကပြောသည်။

မုဒိန်းကျင့်ခံရသူ အမျိုးသမီးမှာ နန်းရွှေစိန်ဖြစ်ပြီး အသက် ၂၄ နှစ်ခန့်ရှိသည်ဟုသိရသည်။ ထို့အပြင် သူမသည် ဆွံ့အ စကားမပြောနိုင်သူတယောက်ဖြစ်သဖြင့် အခင်းဖြစ်ပွါးပြီးနောက်ပိုင်း ဆွေမျိုးများနှင့် ရွာသားများ သွားရောက် မေးမြန်း ကြည့် ရာမှ သူမ ကပြန်လည်ပြောပြကြောင်းလဲသိရသည်။

“ သူမ မုဒိန်းကျင့်ခံနေရချိန် အော်သေးတယ်တဲ့။ အသံကမထွက်လာတော့ အိမ်အောက်မှာနေတဲ့သူ့ အဒေါ် နန်းမန့်နဲ့ သူ့ဦးလေး လုံးဆန်စိုင်းတို့လဲ မကြားရဘူးပေါ့။ နောက်ဆုံး သူ အစွမ်းကို ကြိုးစားပြီးအော်လိုက်မှ အသံထွက်လာတာ။ အိမ်ပေါ်တက်ပြေးကြည့်ကြတော့ စစ်သား ၃ ယောက် ထွက်ပြေးကြတာတဲ့” ဟု ၎င်းနှင့် အမျိုးတော်စပ်သူတဦးကလည်း ပြောသည်။

သျှမ်းပြည်တပ်မတော် SSPP/SSA အားထိုးစစ်ဆင်တိုက်ခိုက်နေသော ကာလက ရမခ တိုင်းမှူး က လက်အောက်ခံ တပ်ရင်း များနှင့် တပ်သားကေဒါများအား - သျှမ်းပြည်တပ်မတော်ထိန်းချုပ်နယ်မြေအတွင်း ယောကျာ်း တွေ့လျင် ပစ်သတ် မိန်းမတွေ့လျင် မုဒိန်းကျင့်လိုကျင့်ဟု ခွင့်ပြုမိန့်ပေးထားခဲ့သည်ဟု ဒေသခံများက ဆိုသည်။

ယခုမူ လက်နက်ကိုင်တိုင်းရင်းသားတပ်ဖွဲ့များနှင့် ငြိမ်းချမ်းရေးဆွေးနွေးရေးကိစ္စ အစိုးရက ဆောင်ရွက်နေ သော်လည်း အစိုးရ၏စစ်တပ်က ဒေသခံအမျိုးသမီးငယ်များအား မုဒိန်းကျင့်သည့်သတင်းမှာ မပြတ်ကြားနေ ရဆဲဖြစ်သည်။

မြန်မာပြည် ငြိမ်းချမ်းရန် လိုသည်

ဧရာဝတီ

မြန်မာပြည်အရေးနှင့် ပတ်သက်ပြီး လတ်တလော ကြားသိတွေ့မြင်နေရမှု အများစုသည် အကောင်းဘက်သို့ ဦးတည်နေသည့် ခြေလှမ်း များ ဖြစ်သော်လည်း တိုင်းပြည်တိုးတက် ပြောင်းလဲရန်အတွက် စစ်မှန်သည့် ထာဝရ ငြိမ်းချမ်းရေး လိုအပ်နေသည်။

မကြာသေးခင်က ပြီးဆုံးသွားသည့် အင်ဒိုနီးရှားနိုင်ငံတွင် ကျင်းပခဲ့သော ၁၉ ကြိမ်မြောက် အာဆီယံ ထိပ်သီးအစည်းအဝေး၌ အမေရိကန်နှင့် ကုလသမဂ္ဂ အပါအ၀င် နိုင်ငံတကာ ခေါင်းဆောင်များနှင့် အာဆီယံခေါင်းဆောင်များက မြန်မာနိုင်ငံ၏ အပြောင်း အလဲများကို ကြိုဆို အသိအမှတ်ပြုခဲ့ကြသည်။

အာဆီယံ အဖွဲ့ဝင်နိုင်ငံများ ကလည်း ၂၀၁၄ ခုနှစ် အတွက် အလှည့်ကျ ဥက္ကဌ တာဝန်အား မြန်မာနိုင်ငံကို သဘောတူ အပ်နှင်း လိုက်ကြသည်။

ထို အာဆီယံ ထိပ်သီးအစည်းအဝေးကျင်းပရာ အင်ဒိုနီးရှားသို့ သြစတြေးလျမှ လာသည့်ခရီးစဉ်အတွင်း အမေရိကန် သမ္မတ အို ဘားမားကိုယ်တိုင် သူ၏ Air Force One လေယာဉ်ပေါ်မှ ဒေါ်အောင်ဆန်းစုကြည်ကို ဖုန်းခေါ်၍၂ နိုင်ငံဆက်ဆံရေးကိစ္စ ဆွေးနွေး
ခြင်းများ၊ နိုင်ငံခြားရေးဝန်ကြီး မစ္စ ဟီလာရီ ကလင်တန်ကို လာမည့် ဒီဇင်ဘာလတွင် မြန်မာနိုင်ငံသို့စေလွှတ်မည်ဖြစ်ကြောင်း ကြေ ညာချက် များလည်း ဖြစ်ပေါ်ခဲ့သည်။

တချိန်တည်းမှာပင် မြန်မာပြည်တွင်း၌ အင်အား အကြီးဆုံး အတိုက်အခံ ပါတီဖြစ်သည့် အမျိုးသား ဒီမိုကရေစီအဖွဲ့ချုပ်(NLD) က လည်း တရားဝင်နိုင်ငံရေး ပါတီအဖြစ် ပြန်လည် မှတ်ပုံတင်ရန် ဆုံးဖြတ်ခဲ့သည်။ ထို့အပြင် ကျင်းပရန်ရှိသည့် ကြားဖြတ်ရွေးကောက် ပွဲတွင် လစ်လပ်နေရာအားလုံး ၀င်ပြိုင်သွားမည်ဟု ပါတီ ခေါင်းဆောင် ဒေါ်အောင်ဆန်းကြည်ကလည်း ထုတ်ဖော်ကြေညာခဲ့သည်။

စစ်ပွဲများဖြစ်နေသော နယ်စပ်ဒေသများရှိ တိုင်းရင်းသား လက်နက်ကိုင် အဖွဲ့တချို့နှင့်လည်း အစိုးရက ငြိမ်းချမ်းရေးအတွက် စေ့ စပ် ညှိနှိုင်းမှု ပြုလုပ်သည်များကို ကြားသိနေရသည်။ မကြာသေးခင်ကလည်း အစိုးရ ရထားပို့ဆောင်ရေး ၀န်ကြီး ဦးအောင်မင်းနှင့် ရှမ်းပြည်တပ်မတော်(တောင်ပိုင်း) အပါအ၀င် တိုင်းရင်းသား လက်နက်ကိုင်အဖွဲ့တချို့နှင့် ငြိ်မ်းချမ်းရေးအတွက် ဆွေးနွေးခဲ့ကြသေး သည်။ ယခင်က ပြုလုပ်ခဲ့သည့် ငြိမ်းချမ်းရေး ဆွေးနွေးမှုများသည် ရေရှည်တည်တန့်မှုမရှိသောကြောင့် ယခု ဆွေးနွေးရာတွင် ပြည် တွင်းစစ် ရပ်စဲရေးနှင့် အမျိုးသားစည်းလုံးညီညွတ်ရေးကို ဦးတည်သည့် အခြေခိုင်သော ဆွေးနွေးမှုမျိုး ဖြစ်သင့်ပါသည်။

မည်သို့ပင်ဖြစ်စေ ဤအခြေအနေများမှာ အကောင်းဘက်သို့ ဦးတည်နေသည့် ဖြစ်ထွန်းမှုများပင်။

သို့သော် သမ္မတ ဦးသိန်းစိန်က အာဆီယံ ထိပ်သီးညီလာခံ တက်ရောက်နေစဉ် နိုဝင်ဘာ ၁၉ ရက် ညနေပိုင်းက ပထမဆုံးအကြိမ် ပြည်တွင်း ပြည်ပ သတင်းသမားများနှင့် တွေ့ဆုံရာ၌ ယုံကြည်ချက်ကြောင့် အကျဉ်းကျခံရသူများ ဆိုသည်ကို လက်မခံကြောင်းနှင့် အကျဉ်းကျခံရသူ အားလုံးသည် ဥပဒေတခုခုကို ကျူးလွန်ထားသူများသာ ဖြစ်ကြောင်း ပြောဆိုလိုက်သည်။

ယုံကြည်ချက်ကြောင့် အကျဉ်းကျခံရသူများဆိုသည်မှာ နိုင်ငံရေးလှုပ်ရှားမှုကြောင့် ဖမ်းဆီးအရေးယူခံထားရသော နိုင်ငံရေးအကျဉ်း သားများဖြစ်ကြောင်း နိုင်ငံတကာနှင့် လူ့အခွင့်အရေး အဖွဲ့များက အသိအမှတ်ပြုသည့် အသုံးအနှုန်းဖြစ်သည်။

မြန်မာနိုင်ငံ အမျိုးသားလူ့အခွင့်အရေး ကော်မရှင် ၏ ဦးသိန်းစိန်ထံ၂ ကြိမ်ပေးပို့သော အကျဉ်းသား လွတ်ငြိမ်းချမ်းသာခွင့် ဆိုင်ရာ အိတ်ဖွင့်ပေးစာတွင်လည်း “ယုံကြည်ချက်ကြောင့် အကျဉ်းကျခံရသူများ” ဆိုသည်ကို သုံးနှုန်းထားပါသည်။

ဦးသိန်းစိန်၏ အထက်ပါပြောဆိုချက်သည် နိုင်ငံရေးလှုပ်ရှားမှုကြောင့် အရေးယူထားသည့် နိုင်ငံရေး အကျဉ်းသားများ မရှိဟူ၍ အဓိပ္ပာယ် ယူဆဖွယ်ရာဖြစ်သောကြောင့် အမျိုးသားပြန်လည်ရင်ကြားစေ့ရေးအတွက်လိုအပ်သည့် အကျဉ်းကျခံနေရသော နိုင်ငံ ရေး အကျဉ်းသားများ၏ အခန်းကဏ္ဍ မှေးမှိန်သွားနိုင်ပါသည်။

လက်ရှိ မြန်မာနိုင်ငံအကျဉ်းထောင်များအတွင်း ထင်ရှားသည့် ကိုမင်းကိုနိုင်၊ ကိုကိုကြီး ကဲ့သို့သော ၈၈ မျိုးဆက်ကျောင်းသားခေါင်း ဆောင်များ၊ ဦးခွန်ထွန်းဦး ကဲ့သို့ တိုင်းရင်းသားခေါင်းဆောင်များ၊ ရွှေဝါရောင်တော်လှန်ရေး ဦးဆောင်သံဃာတပါးဖြစ်သည့် အရှင် ဂမ္ဘီရ စသည့် နိုင်ငံရေး အကျဉ်းသား ထောင်ကျော် ရှိနေသေးသည်။

ထိုသူများသည် မြန်မာနိုင်ငံ၏ အနာဂတ် နိုင်ငံရေး ဖြစ်စဉ်များတွင် အမှန်တကယ် ပါဝင်ဆောင်ရွက်ရမည့် သူများဖြစ်ပါသည်။

ထို့ကြောင့် နိုင်ငံရေး အကျဉ်းသား အားလုံးလွှတ်ပေးရေး၊ အမျိုးသား ပြန်လည်ရင်ကြားစေ့ရေး အပါအ၀င် တိုင်းရင်းသား ဒေသများတွင် ဆင်နွှဲနေသည့် စစ်ပွဲများ အဆုံးသတ်ရေးကို အစိုးရက အမြန်ဆုံးလုပ်ဆောင်ရပါမည်။

သမ္မတ ဦးသိန်းစိန်က ဒီမိုကရေစီ ရှင်သန်ရန် တိုင်းပြည်အေးချမ်းသာရေးနှင့် လုံခြုံရေး လိုအပ်ကြောင်း၊ ထို့ကြောင့် လက်ရှိ တိုင်း ရင်းသား လက်နက်ကိုင်အဖွဲ့၇ ဖွဲ့နှင့် ယာယီ အပစ်အခတ် ရပ်စဲရေး အဆင့်ကို ဆောင်ရွက်နေကြောင်း၊ ထာဝရငြိမ်းချမ်းရေး ပြုလုပ်ရန်အတွက်ကိုမူ အချိန်ယူရမည်ဖြစ်ကြောင်း အင်ဒိုနီးရှား အာဆီယံ ထိပ်သီးညီလာခံတွင် မြန်မာ သတင်းထောက်များနှင့် တွေ့ဆုံစဉ် ပြောဆိုထားသည်။

ထာဝရ ငြိမ်းချမ်းရေးဆိုသည်မှာ ဥပဒေဘောင်အတွင်း အားလုံးဝင်ရောက်၍ ဥပဒေတခုတည်း၏ အောက်တွင် နိုင်ငံသားတိုင်း နေ ထိုင် လုပ်ကိုင်ရန် ဖြစ်သည်ဟု ၎င်းအနေဖြင့် အဓိပ္ပာယ်ဖွင့်ဆိုသည်ဟုလည်း ဦးသိန်းစိန်က ပြောသည်။

တိုင်းရင်းသားများ အနေနှင့်လည်း ကိုယ်ပိုင်အုပ်ချုပ်ခွင့်၊ ဖက်ဒရယ် ပြည်ထောင်စု၊ တန်းတူ အခွင့်အရေး၊ ခွဲထွက်ခွင့် စသည်ဖြင့် မိမိတို့၏ လိုလားချက်များကို တသံတည်း တညီတည်း တိတိကျကျ ရှိသင့်ပါသည်။

မိမိတို့၏ အမှန်တကယ် ရပိုင်ခွင့်နှင့် လိုအပ်ချက်များကိုလည်း ရှင်းလင်းစွာ သိရှိနားလည်ရန်လိုပါသည်။ နားလည်ရှင်းလင်းမှု မရှိခဲ့၍ လွတ်လပ်ရေး မရခင်ကတည်းက စခဲ့သည့် ပြည်တွင်းစစ်မီးသည် ယခုအချိန်အထိ မငြိမ်းနိုင်ဘဲ ဖြစ်နေရသည်ဟု ယူဆပါသည်။

ထိုသို့သောခြေအနေများကြောင့် တပါတီ အာဏာရှင် ဗိုလ်ချုပ်ကြီးနေ၀င်း၏ မဆလ ခေတ် ၂၆ နှစ် ကာလအတွင်း မြန်မာနိုင်ငံ သည် ကမ္ဘာ့အဆင်းရဲဆုံး နိုင်ငံ(Least Development Country-LDC) တနိုင်ငံအဖြစ် ကြေညာခဲ့ရကာ နိုင်ငံရေး၊ စီးပွားရေး၊ ပညာရေး၊ လူမှုရေး အစရှိသဖြင့် ကဏ္ဍစုံတွင် ဖွံ့ဖြိုးမှု နောက်ကျခဲ့ရပါသည်။

ထို့ကြောင့် လက်ရှိ အစိုးရနှင့် တိုင်းရင်းသားများသည် ဆရာကြီး သခင်ကိုယ်တော်မှိုင်း တခါက တင်ပြခဲ့ဖူးသည့် “သူမနာ ကိုယ် မနာ ပြည်တွင်းစစ် ရပ်စဲရေးမူ”ကို ကျင့်သုံး၍ ငြိမ်းချမ်းရေး ဆွေးနွေးကြရန် တိုက်တွန်းလိုပါသည်။

သို့မှသာ စစ်မှန်သည့် ထာဝရငြိမ်းချမ်းရေး ရရှိပြီး မြန်မာနိုင်ငံ၏ နိုင်ငံရေး၊ စီးပွားရေး အပါအ၀င် ကဏ္ဍစုံတွင် ပြောင်းလဲတိုးတက်မှု များ ပေါ်ထွန်းနိုင်မည်ဟု ယုံကြည်မိပါသည်။

ယနေ့ မြန်မာ့ရေးရာ သတင်းများ Nov,30th,2011

( 36 )Azizah Y. al-Hibri and Richard D. Land: Clinton's historic visit to Burma must advance religious freedom

( 35 )China's sway runs deep in Myanmar's ancient capital

( 34 )ချင်း​မိုင်မြို့​ ဗဟိုအမျိုး​သား​အကျဉ်း​ထောင်အတွင်း​ ရှမ်း​နှစ်သစ်ကူး​ပွဲ ကျင်း​ပ

( 33 )Clinton visits a hopeful Burma

( 32 )ရွှေလီဆည်များ ဒေသခံတို့ မြေဧက သုံးသောင်းကျော် ဆုံးရှုံးဟုဆို

( 31 )Burmese Army Continues Committing Human Rights Violations in Kachin State

( 30 )အောက်လွှတ်တော်အမတ်တချို့ ကလင်တန်ခရီးစဉ်အပေါ် သတိပေး

( 29 )Clinton in Korea Ahead of Historic Burma Visit

( 28 )အမေရိကန် နိုင်ငံခြားရေး ဝန်ကြီး၏ သမိုင်းတွင် ခရီးစဉ်

( 27 )Myanmar in the limelight

( 26 )မလေးရှားတွင် ရခိုင် ၆ ဦး ဖမ်းဆီးခံရ

( 25 )Joint Statement of Ministerial Meeting on Cooperation in Patrol, Law Enforcement Along Mekong River

( 24 )အမေရိကန် နိုင်ငံခြားရေး ဝန်ကြီး၏ သမိုင်းတွင် ခရီးစဉ်

( 23 )PLA senior officer meets Myanmar's commander of armed forces

( 22 )ကလင်တန် ခရီးစဉ် လုံခြုံရေး ပြင်ဆင်မှုများလုပ်

( 21 )China nervous as Burma starts to look West

( 20 )သင်္ကန်းကျွန်းဈေး ပြန်လည်နေရာချမှု အငြင်းပွားစရာ

( 19 )Clinton trip to Burma: a contest to define power in Asia

( 18 )ကျိုက်ထီး​ရိုး​ အထမ်း​သမား​များ​ ဝင်​ငွေ​လျှော့​

( 17 )Burmese government and KIO meet in China

( 16 )အစိုးရနှင့် KIO အပစ်ရပ်ရေး တရုတ်တွင် ဆွေးနွေး

( 15 )Groups Press Clinton on Burmese Human Rights

( 14 )ဖလုံ ဥက္ကဋ္ဌဟောင်း ပါတီသစ် ထူထောင်

( 13 )Hillary Clinton to visit Burma

( 12 )မြန်မာအစိုးရနဲ့ KIO ဆွေးနွေး

( 11 )Burma’s NLD to let five 88-student activists run as candidates

( 10 )နိုင်ငံရေးအကျဉ်းသားလွှတ်ရေး ပြောဖို့ ကလင်တန်ကို ဝိုင်းဝန်းတိုက်တွန်း

( 9 )Myanmar minorities suffer abuses despite reforms

( 8 )အမေရိကန် နိုင်ငံခြားရေးဝန်ကြီး ခရီးစဉ် တရုတ်ကို သတိပေးချက်ဖြစ်

( 7 )BURMA: Mother of infant allegedly kidnapped and raped by Burmese military army

( 6 )KIO ဥက္ကဋ္ဌ ပြည်ထောင်စုဝန်ကြီးနဲ့ဆွေးနွေး

( 5 )US Lawmakers Urge Clinton to Maintain Pressure on Burma

( 4 )စစ်ရာဇ၀တ်မှုတွေ ရပ်တန့်အောင် ဖျောင်းဖျဖို့ အမေရိကန် အဖွဲ့အစည်း ၁၂ ခု တိုက်တွန်း

( 3 )Call For Increased Military Ties

( 2 )မြောက်ကိုရီးယား နျူကလီးယား ကိစ္စ ထုတ်ဖော် ပြောကြားရေး ဖိအားပေးသင့်

( 1 )Burma on the verge of major change?

လေးနိုင်ငံအာဏာပိုင်များ မဲခေါင်မြစ် ပူးပေါင်းကင်းလှည့်မည်

သျှမ်းသံတော်ဆင့်

လာမည့် ဒီဇင်ဘာ လလယ်၌ တရုတ်၊ လောဝ်၊ မြန်မာ၊ ထိုင်း ရဲများ ပူပေါင်းကာ မဲခေါင်မြစ်ဝှမ်း တလျှောက် ကင်းလှည့် မည်ဖြစ်ကြောင်း ရှင်းဟွာ သတင်းကို ကိုးကား ၍ ထိုင်း ASTV မန်နေဂျာ အွန်လိုင်း သတင်း စာက ရေးသား ဖော်ပြ ထားသည်။

ရဲတပ်ဖွဲ့အင်အားဖြင့် ကင်းလှည့်ကြ မည်ဖြစ်ပြီး ဥပဒေနှင့် မလွတ် ကင်းသည့် လုပ်ငန်း များကို ရှင်းလင်း ရေးနှင့် ဘေးကင်း လုံခြုံရေး အတွက် ပူပေါင်း လှုပ်ရှားကြ မည်ဖြစ် ကြောင်း ရေးသား ဖော်ပြ ထားသည်။

ဒီဇင်ဘာ လလယ် ဟုဆို သော်လည်း ဒီဇင်ဘာ ၁၅ ရက် မတိုင်မီ ကင်းလှည့် မှုစ နိုင်ကြောင်း၊ မဲခေါင်မြစ် အတွင်း လှေအသွား အလာ ကိုလည်း ထိုမှစ၍ ခွင့်ပြု မည်ဖြစ်ကြောင်း ထိုင်း အရာရှိ တဦးကလည်း သျှမ်းသံတော်ဆင့် အား ပြောပြသည်။

အောက်တိုဘာ ၅ ရက် အမှုဖြစ်ပြီးနောက်ပိုင်း ပထမဆုံးအကြိမ် မဲခေါင်မြစ်အတွင်း ၄ နိုင်ငံ အစိုးရပူးပေါင်း ဆောင်ရွက်မှုဖြစ်သည်။

အောက်တိုဘာ ၅ ရက်က တရုတ်လှေ ၂ စီးအား အမည်မသိ လက်နက်ကိုင်တစုက တိုက်ခိုက်၍ လှေလုပ်သား ၁၃ ဦး အသတ်ခံရသည့်အမှုဖြစ်ပွါးခဲ့သည်။ အဆိုပါ အမှု၏ လက်သည်မှာ ရွှေတြိဂံဒေသ၌ လှုပ်ရှားနေသော နော်ခမ်းဦးဆောင် သည့် လက်နက်ကိုင်တပ်ဖွဲ့ဖြစ်ကြောင်း တရုတ်နှင့်ထိုင်းအာဏာပိုင်များက ပြောဆို ခဲ့ကြသည်။

သို့သော် လက်နက်ကိုင်အဖွဲ့ခေါင်းဆောင်စိုင်းနော်ခမ်းမှာ မိမိလက်ချက်မဟုတ်ကြောင်း ၎င်း၏မိတ်ဆွေ ကုန်သည်ကြီးများ အားလည်း ကောင်း နယ်စပ် ထိုင်းလုံခြုံရေးအာဏာပိုင်တဦးအားလည်းကောင်းပြောဆို ခဲ့သည် ။

တဖက်တွင်လည်း အောက်တိုဘာ ၂၈ ရက်က ထိုင်း ရဲအဖွဲ့က ထိုင်းစစ်သည် ၉ ဦးအား ခေါ်ယူ၍လူသတ်မှု နှင့်အလောင်းရွှေ့ ပြောင်း မှုဖြင့် စွဲချက်တင်ခဲ့သည်။

ရွှေတြိဂံဒေသတွင် လက်နက်ကိုင်လှုပ်ရှားနေသော နော်ခမ်းအကြောင်းတစေ့တစောင်း

ရွှေတြိဂံဒေသတွင် လက်နက်ကိုင်လှုပ်ရှားနေသော MTA လက်ကျန် နော်ခမ်းမှာ ၁၀၊ ၁၊ ၂၀၀၆ က ၎င်းနေထိုင်သည့် (တာချီလိတ်) အိမ်သို့ မြန်မာအာဏာပိုင်များ ဝင်ရောက်စစ်ဆေးရာ လက်နက် ၁၅၀၊ ယာဘထုတ်စက် ၂ လုံးနှင့် မရေ မတွက်နိုင် သည့်ယာဘ များ ဖမ်းမိချိန်ကစ၍ ပျောက်ကွယ်သွားခဲ့သည်။

၂၅၊ ၂၊ ၂၀၀၈ မှ ရွှေတြိဂံအထက် ၁၀ ကီလိုမီတာအကွာ လောဝ်နိုင်ငံပိုင် ရေမျက်နှာပြင်ထဲ၌တရုတ် အာဏာပိုင်များ ၏စက်လှေကို ပစ်ခတ်တိုက်ခိုက်ခံရရာမှ နော်ခမ်း၏လှုပ်ရှားမှုသတင်းများ ပြန်လည် ထွက်ပေါ်လာခဲ့သည်။ တရုတ်အာဏာပိုင် ၃ ဦး ဒဏ်ရာ အပြင်း အထန်ရရှိခဲ့သည်။

၁၈၊၂၊၂၀၀၉ မဲခေါင်မြစ်တွင်း မိုင်းဖုန်းနှင့် မိုင်းမွမ်းကြား တရုပ်လှေတစင်း ပစ်ခတ်ခံရ၍ တရုတ် နိုင်ငံသား တဦး သေဆုံး ကာ ၇ ဦးဒဏ်ရာ ရရာနော်ခမ်း၏လက်ချက်ဖြစ်ကြောင်း တရုတ်အစိုးရပြောပြန်၏။ တရုတ် ဖိအား ကြောင့် မြန်မာစစ် အစိုးရက စစ်ကြောင်း ၄-၅ ကြောင်းစေလွတ်၍နော်ခမ်းအဖွဲ့ကိုလိုက်လံရှင်းလင်းခဲ့ သဖြင့် နော်ခမ်း၏ နောက်လိုက်များ ယူဆရသော ဒေသခံနှင့် ရဲဘော်ဟောင်း အချို့ အယောက် ၂၀ ကျော် ကို စစ်အစိုးရက ဖမ်းဆီးချုပ်နှောင်ခဲ့သည်။ (အမှန်မှာ အဆိုပါတရုတ်လှေအား နော်ခမ်းအဖွဲ့ကတားဆီးစစ် ဆေးရာ အမြင့်ပိုင်းမှနေသည့် ဗမာစစ်တပ်က လှမ်းပစ်ခတ်သည်ဟု နောက်ပိုင်း၌သတင်း များထွက်ပေါ် ခဲ့သည်)

၂၅၊၂၊၂၀၀၉ တွင် ခမရ ၅၂၆ နှင့် ခမရ ၃၅၉ တို့ပူးပေါင်း၍ ရွှေတြိဂံဒေသရှိ နော်ခမ်းဦးဆောင်သည့်အဖွဲ့အား သွားရောက် ပစ်ခတ်ရာ နော်ခမ်းဖက်မှ ၁၁ ဦးသေဆုံး၍ ၂၀ ကျော် အဖမ်းခံရသည်။ အများစုမှာ ဒေသခံရွာ သား များဖြစ်ကြသဖြင့် မကြာခင်၌ပင် မြန်မာ အာဏာပိုင် များက ပြန်လည်လွှတ်ပေးလိုက်သည်။

၂၀ ၊၂၊၂၀၀၉ စနေနေ့က မိုင်းဖုန်းကျေးရွာအုပ်စု မြောက်ပိုင်း ၀မ့်ဆမ်ပူးရွာအနီး မဲခေါင်မြစ်ထဲ၌ ၀မ့်ပုံဒေသခံ ပြည်သူ့စစ် ၂ ယောက် (ဗမာတယောက်၊ သျှမ်းတယောက်) နှင့် မိုင်းဖုန်းအခြေစိုက် ပုလိပ်စခန်းမှူး အပါအဝင် မူးယစ်အာဏာပိုင် ၁၃ ယောက်ပစ်သတ်ခံ ရ၏။ မြန်မာအာဏာပိုင်များ၏ လှေ ၃ စီးစလုံး မဲခေါင်မြစ်အတွင်း နစ်မြှုပ်ခဲ့ကြောင်းသိရသည်။ ၎င်း၏ လက်သည်မှာ နော်ခမ်းဦးဆောင်သော အင်အား ၂၀ ကျော် စက်လှေ ၅ စီး ပါအဖွဲ့ဖြစ်ကြောင်း မြန်မာအာဏာ ပိုင်တို့ ပြောဆိုခဲ့သည်။

ယခု ၂၀၁၁ အတွင်း၌မူ ရွှေတြိဂံဒေသ မဲခေါင်မြစ်ဝှမ်း၌ စိုင်းနော်ခမ်း၏လက်ချက်ဟုသတင်းများထွက်ပေါ်နေ သည့် အမှု ၇ မှုထက် မနည်း ရှိသည်ကို သျှမ်းသံတော်ဆင့်မှ သတင်းများ ထုတ်ပြန် ခဲ့ပြီးဖြစ်သည်။

၎၊ ၄၊ ၂၀၁၁ နော်ခမ်းအဖွဲ့ Kings Roman’s Casino ၏စက်လှေ ၃ စီးကိုပြန်ပေးဆွဲကာ အလုပ်သမား ၉ ယောက်အတွက် ထိုင်းဘတ် ငွေ ၂၂ သန်းဖြင့် ပြန်လည်ရွေးယူစေခဲ့သည်။

၉၊၅၊၂၀၁၁ မြန်မာနှင့်လောဝ် အာဏာပိုင်များပူးပေါင်းကာ နော်ခမ်းအဖွဲ့အား သွားရောက်ပစ်ခတ်ရာလောဝ် အာဏာပိုင် ၂ ဦး တိုက်ပွဲ၌ ကျဆုံးခဲ့သည်။

၁၇၊၅၊ ၂၀၁၁ ဝမ့်ပုံရွာအနီး၌ တရုတ်လှေ တစီးကို ဓါးပြတိုက်ခံရသဖြင့် လောဝ်အာဏာပိုင်များကနော်ခမ်းအဖွဲ့ အား လိုက်လံ ရှာဖွေ ရှင်းလင်းခဲ့သေးသည်။ သို့သော်မအောင်မြင်သဖြင့် လုံခြုံရေးတင်းကျပ်ပေးရန်တလောဝ် နှင့် မြန်မာတို့ တရုတ်အာဏာပိုင်တို့၏ တောင်းဆိုခြင်းခံခဲ့ရသည်။

၁၅၊၈၊၂၀၁၁ ဝမ့်ပုံအနီး မဲခေါင်မြစ်အတွင်း၌ မြန်မာစစ်တပ်က ချောင်းမြောင်းပစ်ခတ်သဖြင့် နော်ခမ်းအဖွဲ့ ၏လှေ ၂ စီး မြစ်ထဲ နစ်မြုပ် သွားပြီး အဖွဲ့ဝင် ၃ ဦးလည်း သေဆုံးခဲ့သည်။

၂၂၊၈၊၂၀၁၁ မဲခေါင်မြစ်အတွင်း ဆမ်ပူးကျွန်းအနီး တရုတ်နယ်လှည့်ခရီးသွားများ၏လှေ နော်ခမ်းအဖွဲ့၏ ဓါးပြတိုက်ခြင်း ခံခဲ့ရသည်။

၂၁၊၉၊၂၀၁၁ မြန်မာနှင့် လောဝ်အာဏာပိုင်များ တိုက်ခိုက်မှုကြောင့်နော်ခမ်းတပ်ဖွဲ့ဝင် ၂၀ ဦး ကျဆုံးကာ ၄ ဦး ဒဏ်ရာ အပြင်းအထန် ရရှိခဲ့ သည်။ အဆိုပါဒဏ်ရာရသူများကို ထိုင်းနိုင်ငံသို့ပို့ဆောင်ကုသခဲ့ကြောင်းသိရ သည်။

၂၆၊ ၉၊ ၂၀၁၁ တရုတ် နှင့် လာအို (လောနိုင်ငံ) အာဏာပိုင်များ ပူးပေါင်း၍ ရွှေတြိဂံဒေသအတွင်းရှိ Kings Romans Casino လောင်းကစားရုံအားရှောင်တခင်ဝင်ရောက် စစ်ဆေးရာ မူးယစ်ဆေးမျိုးစုံနှင့်ထိုင်းဘတ် ငွေသန်း ၅၀ ကျော် ဖမ်းဆီးရမိကြောင်း ထိုင်းနိုင်ငံ ဒုဝန်ကြီး ချုပ်ချလိမ်ယူပံရုန်းကတရားဝင်ကြေငြာခဲ့သည်။

၅၊၁၀၊၂၀၁၁ မဲခေါင်မြစ်အတွင်း မောင်းနှင်လာသော လုပ်သား(တရုတ်လူမျိုး) ၁၃ ဦး လိုက်ပါသည့် တရုတ်စက်လှေ ၂ စင်းကို အမည် မသိ လက်နက်ကိုင်အဖွဲ့က ဖမ်းဆီးခေါ်ဆောင်ဓါးပြတိုက်သတ်ဖြတ်ခဲ့သည်။ ထိုနေ့တွင်ပင် အဆိုပါစက်လှေ ၂ စင်းမှာ ထိုင်း နိုင်ငံ ကျိန်းဆဲန် သို့ ဝင်ရောက်လာသဖြင့်ထိုင်းအာဏာပိုင် များဖက်မှ ဝင်ရောက်ရှာဖွေ ရာ အလောင်း ၁ လောင်း ယာဘဆေးပြား ၉၂ဝ,၀၀၀ ရရှိခဲ့ သည်။ ထိုနောက် အောက်တိုဘာလ ၇ ရက်နေ့ မှစ ၍ အလောင်း ၁၂ လောင်းကို မဲခေါင်မြစ် ကျိန်းဆဲန်အနီး ထပ်မံတွေ့ရှိရ သည်။ စက်လှေပြန်ပေးဆွဲ သတ်ဖြတ်မှုမှာ ရွှေတြိဂံဒေသ၌ လှုပ်ရှားနေသော ခွန်ဆာ့ MTA လက်ကျန် နော်ခမ်း အဖွဲ့လက်ချက် ဟု ပြောဆို နေကြသော်လည်း ရာနှုန်းပြည့် ပါဝင်ပတ်သက်မှု မဖြစ်နိုင်ဟုလည်း သုံးသပ်ပါသည်။အဆိုပါအမှုမှာ ယနေ့တိုင် ဖြေရှင်း နိုင်ခြင်း မရှိသေး ပေ။

ထိပ်တန်း အတွေးအခေါ်ရှင် များတွင် ဒေါ်အောင်ဆန်းစုကြည် ပါဝင်

ဧရာဝတီ on November 29, 2011


ဝါရှင်တန်အခြေစိုက် Foreign Policy မဂ္ဂဇင်းကြီးက ၂၀၁၁ ခုနှစ်အတွက် ကမ္ဘာ့ထိပ်တန်း အတွေးအခေါ်သမား ၁၀၀ ရွေးချယ်ရာတွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ထည့်သွင်း ဖော်ပြလိုက်သည်။


“အာဏာရှင်အုပ်ချုပ်မှုအောက်မှ မြန်မာပြည် ရုန်းထွက်နိုင်ပြီ ဆိုပါက ထိုဖြစ်ရပ်သည် ဒေါ်အောင်ဆန်းစုကြည်၏ နိုင်ငံရေးအရ ပါးနပ်လိမ္မာမှု နှင့် ကြံ့ကြံ့ခံရပ်တည်လှုပ်ရှားမှုကြောင့် ဖြစ်ပေလိမ့်မည်” ဟု ယခုလထုတ် Foreign Policy မဂ္ဂဇင်းတွင် ရေးသားထားသည်။

ဒေါ်အောင်ဆန်းစုကြည်၏ အမည်ကို မဂ္ဂဇင်း၏ ကမ္ဘာ့ထိပ်တန်း အတွေးအခေါ်သမားများစာရင်း အမှတ်စဉ် ၃၁ တွင် တွေ့ရသည်။

အာရပ်နွေဦးတော်လှန်ရေး ခေါင်းဆောင်များဖြစ်သည့် အီဂျစ်နိုင်ငံမှ Mohamed ElBaradei and Wael Ghonim တို့ကို အမှတ်စဉ် ၁ တွင် ဖော်ပြထားသည်။ အမေရိကန် သမ္မတ အိုဘားမားက အမှတ်စဉ် ၁၁ တွင် ရှိနေသည်။

Foreign Policy မဂ္ဂဇင်းက ဒေါ်အောင်ဆန်းစုကြည်သည် မြန်မာ့ဒီမိုကရေစီအရေးအတွက် အနှစ် ၂၀ ကျော် ဆောင်ရွက်ခဲ့သူဖြစ်ပြီး ထိုကာလအတွင်း ထိန်းသိမ်းခံရသည့် ကာလ ၁၅ နှစ် ရှိခဲ့သည်ဟု ရေးထားသည်။

ယမန်နှစ်က အချုပ်အနှောင်မှ ပြန်လွတ်လာသော်လည်း ဒီမိုကရေစီရေး ကြိုးပမ်းမှုများကို ဆက်လက် ဆောင်ရွက်ခဲ့ကြောင်း၊ နှစ် ၅၀ နီးပါး စစ်အုပ်ချုပ်မှုအောက်ရောက်ခဲ့သည့် မြန်မာနိုင်ငံသည် ဒေါ်အောင်ဆန်းစုကြည်နှင့်အတူ ရှေ့သို့ တက်လှမ်းနေပုံ ရှိကြောင်း ဖော်ပြထားသည်။

အစိုးရသစ်၏ သမ္မတ ဦးသိန်းစိန်သည် စာနယ်ဇင်းချုပ်ကိုင်မှုများ ဖြေလျှော့ပေးခဲ့ပြီး စီးပွားရေးပြုပြင်ပြောင်းလဲမှုနှင့် နိုင်ငံရေး အကျဉ်း သား ရာပေါင်းများစွာကို လွှတ်ပေးခဲ့ကြောင်းလည်း Foreign Policy မဂ္ဂဇင်းက မှတ်ချက်ပြုထားသည်။

ဧရာဝတီမြစ်အတွင်း ရွှေတူးဖေါ်မှုကြောင့် သဘာဝပတ်ဝန်းကျင် ဆိုးဝါးစွာထိခိုက်

သျှမ်းသံတော်ဆင့်

ဗန်းမော်နယ်တစ်ဝိုက်ဧရာဝတီမြစ်ကြောင်းရှင်းလင်း ရေး ဆောင်ရွက်နေသည့် ကုမ္ပဏီများက မြစ်အတွင်း ရွှေလုပ်ငန်းလုပ် ကိုင် နေမှု ကြောင့် မြစ်ကြောင်းတစ် လျှောက် သဘာဝ ပတ်ဝန်းကျင် ဆိုးဝါးစွာ ထိခိုက် နေကြောင်း စုံစမ်း သိရသည်။

ဗန်းမော်မြို့နယ် ဗူးတောင်းကျေးရွာမှ မြစ်အထက်ပိုင်း မိုင်းကာရွာအထိ သလ္လာရွှေစင်ကုမ္ပဏီနှင့် မိုင်းကာရွာမှ ဆင်ဘိုမြို့ နယ် အထက်မြစ်ကျဉ်းဝအထိ for luck ကုမ္ပဏီတို့မှ မြစ်ကြောင်း ရှင်းလင်းရေးတာဝန်ယူထား ခြင်း ဖြစ်သည် ။

အဆိုပါ ကုမ္ပဏီနှစ်ခုက ရွှေတူးဖေါ်သူများထံမှ စက်လှေတစ်စီး တစ်လကျပ် ၁၅ သိန်းနှုန်း အခကြေးငွေယူကာ မြစ်အတွင်း ရွှေတူးဖေါ်ခွင့် ပြုထားခြင်း ဖြစ်ပြီး မြစ်အတွင်း ဗြုန်းမြေများ စည်းကမ်းမဲ့စွန့်ပစ်ခြင်းရေစီးကြောင်း ပြောင်းလဲခြင်း ကျေးရွာ ကမ်းပါးများ ရေတိုက်စားခြင်းတို့ ဖြစ်ပေါ်နေကြောင်း ဒေသခံများကသျှမ်းသံတော်ဆင့် သို့ ပြောသည် ။

“သလ္လာရွှေစင်ကုမ္ပဏီနဲ့ for luck ကုမ္ပဏီက မြစ်ကြောင်းရှင်းလင်းရေးဆိုပြီး ရွှေလုပ်တဲ့ လူတွေဆီကနေ စက်လှေတစ်စီး တစ်လ ၁၅ သိန်းယူပြီး ရွှေရှာနေတာ။ ဆီလည်း ကုမ္ပဏီမှာပဲ ၀ယ်ရတယ် သလ္လာရွှေစင် ကုမ္ပဏီက တော့ ရွှေတော်တော် ရတယ်။ တစ်လကို ကျပ်သိန်း ၄၀၀၀ အထက်ရတယ် ” ဟု ဒေသခံတစ်ဦးက ဆိုသည် ။

မြစ်အတွင်းမှ သဲနှင့်ကျောက်များကို စက်လှေပေါ်မှ ဗြုန်းစုတ်စက်ဖြင့် စုတ်တင်ကာ မျောတိုက်ချ၍ ရွှေရှာ ဖွေခြင်း ဖြစ်ပြီး ထွက်ပေါ်ထာသည့် ပစ်စာများကို မြစ်အတွင်းစည်းကမ်းမဲ့စွန့်ပစ်ခြင်းကြောင့် မြစ်လယ်တွင် သဲကျောက်တန်းကြီးများ ဖြစ် ပေါ် နေကြောင်း သိရသည် ။

ရေစီးကြောင်းပြောင်းလဲမှုများလည်း ဖြစ်ပေါ်နေကာ ရေတိုက်စားမှုကြောင့် မြစ်အနောက်ဘက်ကမ်းကောင်း စင့် ၊ နောင် ကာ ၊ ရေလဲ ကျေးရွာများတွင် ကမ်းပါးပြိုကျမှုများ ဖြစ်ပေါ်နေကြောင်း သိရသည် ။“ရွှေလုပ်နေ တာတော့ နှစ်နှစ်လောက်ရှိပြီ။ ဟိုတစ်လောက သတင်းထွက်လို့ ခဏနားသွားတယ်။

အခုပြန်ဆက်လုပ်နေတာ ။ လုပ်တဲ့လူတွေက အောက်ပိုင်းက များတယ် ။ မြစ်ထဲမှာ သွားရေးလာရေးခက် ရွာတွေလည်း ကမ်းပါးပြိုတော့ ဒေသခံတွေ မကျေနပ်လို့ ဓါးခုတ်မှုတွေအထိ ဖြစ်တယ်။ အခုတော့မထူးဘူးဆို ပြီး ဒေသခံတွေရော ရွှေရှာတဲ့ အလုပ်ဝင်လုပ် နေကြ တယ် ” နောက်ထပ် ဒေသခံတစ်ဦးက ဆိုသည် ။

အဆိုပါ ကုမ္ပဏီနှစ်ခုသည် မြစ်ကြောင်းရှင်းလင်းရေး ဆောင်ရွက်သည်ဟု ဆိုသော်လည်းမြစ်ကြောင်းရှင်းလင်း ရေးနှင့် ပတ်သက်သည့် လုပ်ငန်းလုပ်ဆောင်ခြင်းမရှိပဲ အခငွေယူ၍ ရွေရှာဖွေနေခြင်းသာ ဖြစ်ကြောင်းသိရ သည် ။

အမေရိကန် ရင်းနှီးမြှုပ်နှံမှုများ ဝင်မလာနိုင်သေးကြောင်း စီးပွားရေးသမားများ ပြောဆို

ရန်ပိုင် on November 29, 2011


အမေရိကန်နိုင်ငံခြားရေး ၀န်ကြီး ဟီလာရီ ကလင်တန်၏ ခရီးစဉ်ကို မြန်မာ့စီးပွားရေးလုပ်ငန်းရှင်ကြီးများက ကြိုဆိုသော်လည်း စီးပွားရေး ရင်းနှီးမြှုပ်နှံများ ဝင်ရောက်လာရန်မှာ လက်တွေ့အားဖြင့် ဖြစ်နိုင်ချေ မရှိသေးကြောင်း ပြောဆိုမှုများ ရှိသည်။

ရန်ကုန်စီးပွားရေး အသိုင်းအ၀န်းတွင် မစ္စ ကလင်တန်နှင့်အတူ အမေရိကန် စီးပွားရေးလုပ်ငန်းရှင်များ လိုက်ပါလာကြောင်း၊ ထို့ကြောင့် ရင်းနှီးမြှုပ်နှံမှုများ ၀င်ရောက်လာတော့မည် ဖြစ်ကြောင်း ပြောဆိုသည့် သတင်းများ ထွက်ပေါ်နေသည်။

မြန်မာနိုင်ငံ ဆန်လုပ်ငန်းရှင်များ အသင်း ဥက္ကဋ္ဌ ဦးချစ်ခိုင်က “အများကြီးတော့ မျှော်လင့်မထားဘူး။ ပိတ်ဆို့အရေးယူမှုတွေ ရုပ်သိမ်းမှပဲ အားလုံး အလုပ်လုပ်လို့ ရမယ်” ဟု ဆိုသည်။

အမေရိကန် နိုင်ငံအနေဖြင့် မြန်မာနိုင်ငံအပေါ်ထားရှိသည့် စီးပွားရေးပိတ်ဆို့မှုကို ရုပ်သိမ်းမည်ဆိုလျှင် မြန်မာနိုင်ငံနှင့် ပြည်သူများ အတွက် အကျိုးရှိမည်ဟု မျှော်လင့်ကြောင်း၊ သို့သော်လည်း အမေရိကန် အစိုးရအနေဖြင့် စီးပွားရေး ပိတ်ဆို့မှု ရုပ်သိမ်းရေး အတွက် အချိန်ယူလုပ်ဆောင်လိမ့်မည်ဟု ထင်ကြောင်း ၎င်းက ဆက်ပြောသည်။

ထို့အပြင် လာမည့် ၂၀၁၂ ခုနှစ်၌ ပြုလုပ်မည့် အမေရိကန်ရွေးကောက်ပွဲ အခြေအနေကိုလည်း စောင့်ကြည့်ရမည်ဟု ဦးချစ်ခိုင်က ဆိုသည်။

Eleven Media Group ၏ facebook စာမျက်နှာတွင် အမေရိကန် လုပ်ငန်းရှင်များက မြန်မာနိုင်ငံ၌ ရင်းနှီးမြှုပ်နှံမှုများ ပြုလုပ်ရန် အတွက် ရန်ကုန်မြို့ရှိ အမေရိကန်သံရုံး ယာယီတာဝန်ခံမှတဆင့် ကမ်းလှမ်းမှုများ ပြုလုပ်နေသည်ဟု ဖော်ပြထားသည်။

မစ္စ ကလင်တန်၏ ယခုခရီးစဉ်တွင် မြန်မာနိုင်ငံရှိ လူမှုအဖွဲ့အစည်းများနှင့် တွေဆုံမည်ဟု သိရသော်လည်း မြန်မာနိုင်ငံ စက်မှု လက်မှု လုပ်ငန်းရှင်များ အသင်း (UMFCCI) မှ တာဝန်ရှိသူများနှင့်မူ တွေ့ဆုံရန် ပြောကြားထားခြင်းမရှိကြောင်း သိရသည်။

အမည်မဖော်လိုသည့် စီးပွားရေးလုပ်ငန်းရှင် တဦးကလည်း “အမေရိကန်အနေနဲ့ စီးပွားရေးပိတ်ဆို့မှုကို ဒေါ်အောင်ဆန်းစုကြည်က ရုပ်ပါလို့ ပြောရင်တောင်မှ ပြန်ရုပ်ဖို့ မလွယ်သေးဘူး။ ဒီဥပဒေက အမေရိကန် အထက်လွှတ်တော်၊ အောက်လွှတ်တော်တွေက ပြဌာန်းထားတာ” ဟု ဆိုသည်။

စီးပွားရေးပိတ်ဆို့မှုများ ရုပ်သိမ်းရန် မြန်မာအစိုးရ အပေါ်တွင်လည်း မူတည်ကြောင်း၊ လက်ရှိအခြေအနေတွင် တိုင်းရင်းသားဒေသ များ၌ အစိုးရစစ်တပ်မှ ထိုးစစ်ဆင်မှုများကြောင့် လူ့အခွင့်အရေး ချိုးဖောက်မှုများ ရှိနေပြီး နိုင်ငံတကာမှ တောင်းဆိုထားသည့် နိုင်ငံရေး အကျဉ်းသားများအား ခြွင်းချက်မရှိလွှတ်ပေးရေးကိုလည်း အစိုးရက ဆောင်ရွက်ခြင်း မရှိသေးကြောင်း၊ ထိုကြောင့် စီးပွားရေးပိတ်ဆို့မှု ရုပ်သိမ်းရေးမှာ မလွယ်ကူကြောင်း ၎င်းက ထောက်ပြသည်။

လက်ရှိအခြေအနေတွင် မြန်မာအစိုးရအနေဖြင့် တိုင်းရင်းသား လက်နက်ကိုင်အဖွဲ့များနှင့် စေ့စပ်ဆွေးနွေးရေးများ ပြုလုပ်နေသော် လည်း လက်တွေ့ကျပြီး ခိုင်မာသည့် သဘောတူညီချက် မရရှိသေးပေ။

UMFCCI ဒု ဥက္ကဋ္ဌ ဦးလှမောင်ရွှေက ယခုအစိုးရသစ်လက်ထက် နိုင်ငံတကာ အသိုင်းအ၀န်းနှင့် ထိတွေ့ဆက်ဆံမှု ပိုမိုများပြား လာကြောင်း၊ အမေရိကန်အစိုးရ အနေဖြင့်လည်း တဖြည်းဖြည်းချင်း ပိတ်ဆို့အရေးယူမှုများ ရုပ်သိမ်းရေးကို လုပ်ဆောင် လိမ့်မည်ဟု ယုံကြည်ကြောင်း ပြောသည်။

နိုင်ငံရေး လေ့လာသူများကမူ အမေရိကန်နိုင်ငံ၏ စီးပွားရေး ပိတ်ဆို့မှုမှာ ချက်ခြင်းရုပ်သိမ်း၍ မရနိုင်ကြောင်း၊ ထိုကြောင့် စီးပွားရေး ရင်းနှီးမြှုပ်နှံမှုများ လာရောက်မည်ဟု မထင်ကြောင်း၊ သို့သော် ယခု အမေရိကန်နိုင်ငံခြားရေး ၀န်ကြီး၏ ခရီးစဉ်အပြီးတွင် လူသားချင်း စာနာထောက်ထားသည့် အကူအညီများ ပေးအပ်ခြင်း ရရှိလာနိုင်ကြောင်း ထင်မြင်ချက်ပေးသည်။

ရန်ကုန်အခြေစိုက် သတင်းသမားများကမူ မြန်မာအစိုးရအနေဖြင့် အမေရိကန်နိုင်ငံ၏ စီးပွားရေးပိတ်ဆို့မှုများ ရုပ်သိမ်း လိမ့်မည်ဟု မျှော်လင့်နေကြောင်း ခန့်မှန်း ပြောဆိုကြသည်။

ယမန်နေ့က ပြည်ထောင်စုဝန်ကြီး ဦးစိုးသိန်းသည် သတင်းစာရှင်းလင်းပွဲတရပ် ပြုလုပ်ခဲ့ရာ ရန်ကုန်မြို့အား စင်ကာပူနိုင်ငံကဲ့သို့ ခေတ်မီသော အဆောက်အဦ၊ လမ်း၊ တံတားများ ဖြစ်စေရန် အမြန်ဆုံးအကောင်အထည်ဖော် တည်ဆောက်ရန် ဖွံ့ဖြိုးရေး စီမံကိန်းများ ရေးဆွဲနေသည်ဟု သတင်းထောက်များအား ပြောခဲ့ကြောင်း သိရသည်။

အမေရိကန် နိုင်ငံခြားရေး ၀န်ကြီးသည် မနက်ဖြန် နိုဝင်ဘာ ၃၀ ရက်နေ့တွင် နေပြည်တော်သို့ ရောက်ရှိမည်ဖြစ်ပြီး ဟိုတယ်ဇုန်ရှိ သင်္ဂဟ ဟိုတယ်တွင် တည်းခိုကာ အစိုးရ တာဝန်ရှိသူများနှင့် တွေ့ဆုံမည် ဖြစ်သည်။

ဒီဇင်ဘာ ၁ ရက်နေ့တွင် ရန်ကုန်မြို့သို့ သွားရောက်ကာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် အမျိုးသား ဒီမိုကရေစီ အဖွဲ့ချုပ် အဖွဲ့ဝင်များနှင့်လည်ကောင်း၊ တခြားသော နိုင်ငံရေးပါတီများ၊ လူမှုအဖွဲ့အစည်းများနှင့် လည်းကောင်း တွေ့ဆုံမည်ဖြစ်သည်။

ကေအိုင်အိုနှင့်​ မြန်မာအစိုး​ရ အလွတ်သ​ဘော​ဆွေး​နွေး​

ပီတာအောင်

ကေအိုင်အို (ကချင်လွတ်​မြောက်​ရေး​အဖွဲ့​) နဲ့​ မြန်မာအစိုး​ရ ကိုယ်စား​လှယ်​တွေ တရုတ်နိုင်ငံ ​ရွှေလီမှာ ဒီ​နေ့​ မွန်း​လွဲပိုင်း​ ၃ နာရီ​လောက်က အလွတ်သ​ဘော ​တွေ့​ဆုံ​ဆွေး​နွေး​ခဲ့​ပါတယ်။

ကချင်ကိုယ်စား​လှယ်အဖွဲ့​မှာ ဥက္ကဋ္ဌ ဦး​ဇောင်း​ဟရာနဲ့​ ဒုဗိုလ်မှူး​ကြီး​ ဂျီး​နောင်တို့​အပါအဝင် အဖွဲ့​ဝင် ၆ဦး​လောက် ပါသွား​ပြီး​ အစိုး​ရဘက်က ပြည်တွင်း​ ငြိမ်း​ချမ်း​ရေး​ဖော်​ဆောင်​ရေး​အဖွဲ့​ခေါင်း​ဆောင် ဦး​အောင်​သောင်း​၊​ ဦး​သိန်း​ဇော်၊​ ဦး​အောင်မင်း​နဲ့​ကချင်ပြည်နယ် လွှတ်​တော် ကိုယ်စား​လှယ် ဦး​ခက်ထိန်နန်တို့​ပါဝင်တယ်လို့​ ​ကေအိုင်အိုက ​ပြောပါတယ်။

ဆွေး​နွေး​တဲ့​အ​ကြောင်း​အရာကို​တော့​ မသိရ​သေး​ဘူး​လို့​ ​ကေအိုင်အိုအဖွဲ့​ပြော​ရေး​ဆိုခွင့်​ရှိသူ ဦး​လနန်း​က ​ပြောပါတယ်။

“အ​ခြေအ​နေက ဘာမှမသိ​သေး​ဘူး​။ ​ရွှေလီမှာပဲ ​တွေ့​ကြတယ်။ တခြား​ အချက်အလက်က ဘာမှမရ​သေး​ဘူး​။ စ​တွေ့​ပြီလို့​တော့​ သတင်း​ရတယ်။ ဘယ်လိုဘာ​တွေ​ပြောတာ​တော့​ သတင်း​မရ​သေး​ဘူး​။ မနက်ဖြန်ကျမှ သူတို့​အဖွဲ့​တွေ ပြန်လာတဲ့​အခါကျ​တော့​မှ သိရမယ်ထင်တယ်။ ​တွေ့​နေကြတယ်ဆိုတာ​တော့​ သတင်း​တော့​ရပြီ။”

ကေအိုင်အို ကိုယ်စား​လှယ်အဖွဲ့​ဟာ ဒီက​နေ့​မနက်က ​ကေအိုင်အို ဌာနချုပ်ရှိရာ လိုင်ဇာက​နေ ထွက်ခွာသွား​တာဖြစ်ပြီး​ တရုတ်အာဏာပိုင်​တွေက နယ်စပ်မှာ ​စောင့်​ဆိုင်း​ပြီး​ လာ​ခေါ်သွား​တယ်လို့​သိရပါတယ်။

ကေအိ်ုင်အိုနဲ့​မြန်မာ အစိုး​ရကိုယ်စား​လှယ်​တွေ တရုတ်နိုင်ငံမှာ ခုတကြိမ် ​ဆွေး​နွေး​နေချိန်ဟာ တရုတ်နိုင်ငံ အစိုး​ရက မြန်မာကာကွယ်​ရေး​ဝန်ကြီး​ ဗိုလ်ချုပ်ကြီး​မင်း​အောင်လှိုင် တရုတ်နိုင်ငံ ​ရောက်ရှိ​နေချိန်နဲ့​လည်း​ တိုက်ဆိုင်​နေပါတယ်။

တရုတ်နယ်စပ်က စစ်​ရေး​အကဲခတ် ဦး​အောင်​ကျော်​ဇောက​တော့​ ကချင်နဲ့​အစိုး​ရ​ဆွေး​နွေး​ပွဲကို ဗိုလ်ချုပ်ကြီး​ မင်း​အောင်လှိ်ုင်ရဲ့​ တရုတ်ခရီး​စဉ်နဲ့​ အချိန်ကိုက်​ဆောင်ရွက်တာ​တော့​ မဖြစ်နိုင်ဘူး​လို့​ ​ပြောပါတယ်။

ဒါ​ပေမယ့်​ တရုတ်နယ်စပ်အနီး​ ကချင်ပြည်နယ်ဘက်မှာ တိုက်ပွဲ​တွေ အဆက်မပြတ်ဖြစ်ပွား​တဲ့​ ပြဿနာ မြန်မာတပ်အင်အား​တွေ အဆမတန် တိုး​ချဲ့​ လှုပ်ရှား​နေတဲ့​ပြဿနာနဲ့​ စစ်​ပြေး​ဒုက္ခသည်​တွေ တိုး​လာ​နေတဲ့​ နယ်စပ်ပြဿနာ​တွေဟာ တရုတ်​ခေါင်း​ဆောင်​တွေနဲ့​ မြန်မာကာကွယ်​ရေး​ဦး​စီး​ချုပ် ​ဆွေး​နွေး​မယ့်​ အ​ကြောင်း​အရာ​တွေထဲမှာ ပါနိုင်တယ်လို့​သုံး​သပ်​ပြောကြား​ပါတယ်။

အတွင်း​ရေး​မှူး​ ​ဒေါက်တာလား​ဂျာ ဦး​ဆောင်တဲ့​ ​ကေအိုင်အို အဖွဲ့​ဟာ မြန်မာအစိုး​ရဘက်က မီး​ရထား​ဝန်ကြီး​ ဦး​အောင်မင်း​ ဦး​ဆောင်တဲ့​ ကိုယ်စား​လှယ်တချို့​နဲ့​ ထိုင်း​နိုင်ငံ ချင်း​ရိုင်ခရိုင်မှာ ပြီး​ခဲ့​တဲ့​ နိုဝင်ဘာ ၁၉ ရက်ကလည်း​ ​တွေ့​ဆုံ​ဆွေး​နွေး​ခဲ့​ပါ​သေး​တယ်။

နွားကျောင်းသား ၅ ဦးအား အစိုးရတပ်မှ ပြန်လွတ်ပေး

ပါးရယ်

ကရင်နီတပ်မတော်၏ သူလျှို ဖြစ်နိုင်သည်ဟု မသင်္ကာမှုဖြင့် ဖမ်းဆီးထိန်းသိမ်းထားသော ဆယ်ကျော်သက်အရွယ် နွားကျောင်းသား ၅ ဦးအား ၅ ရက်မြောက်နေ့တွင် မြန်မာအစိုးရတပ်တို့က ပြန်လှည်လွတ်ပေးလိုက်ကြောင်း သိရသည်။

ကရင်နီပြည် ဖရူဆိုမြို့နယ် မာခရိုရှေး ကျေးရွာ အနီးတွင် တပ်စွဲထားသော အစိုးရတပ် ခြေမြန်တပ်ရင်း (ခမရ) ၄၂၈က ၎င်းမြို့နယ်ရှိ လောဂျာ ကျေးရွာမှ နွားကျောင်းသော ရွာသား ၅ ဦးကို ကရင်နီတပ်မတော်အတွက် ထောက်လှမ်းစုံစမ်းပေးနိုင်သည်ဟု ယူဆ၍ နိုဝင်ဘာလ ၁၅ ရက်နေ့က ဖမ်းဆီးစစ်ဆေးခဲ့ပြီး ၂၀ ရက်နေ့တွင် ပြန်လွတ်ပေးလိုက်ကြောင်း ဖရူဆိုမြို့နယ်မှ ဒေသခံတဦးက ပြောသည်။

“စစ်တပ်တွေက နွားကျောင်းတဲ့ ရွာသားတွေကို မယုံဘူးပေါ့။ နွားကျောင်းတာ မဟုတ်ဘူး၊ ကျနော်တို့ကို လိုက်လံထောက်လှမ်းနေတယ် ဆိုတဲ့ ပုံစံမျိုးပေါ့။ အဲဒါ နွားကျောင်းသားတွေကို ဖမ်းဆီးထိန်းသိမ်းခဲ့တာ” ဟု ၎င်းက ပြောသည်။

တပ်တွင်း၌ ၅ ရက်တာ ဖမ်းဆီးထိန်းသိမ်းစစ်ဆေးခဲ့စဉ် မည်ကဲ့သို့ ပြုမှုဆက်ဆံခဲ့သည်ကို အတိအကျ မသိရှိရသေးပါ။

ဖရူဆိုမြို့နယ် အရှေ့ဘက်ခြမ်းရှိ မာခရိုရှေး ကျေးရွာအုပ်စုမှ ကျေးရွာများသည် တောင်ယာ၊ ယာခင်းနှင့် စိုက်ပျိုးရေး ခြံများကို လုပ်ကိုင်စားသောက်ကြပြီး အလုပ်အကိုင်များအတွက် စက်နှင့် ကျွဲနွားများကို အသုံးပြုကြသည်။ ရွာသားများသည် ကျွဲ၊ နွားများ၏ စားကျက်အတွက် ရွာပြင်တွင် သွားကျောင်းလေ့ရှိသည်ဟု မာခရိုရှေး ကျေးရွာမှ ရွာသား တဦးက ပြောသည်။

“ရွာထဲမှာက ရွာသားတွေ ခြံတွေနဲ့ လုပ်စားကုန်တယ်။ ရွာသားတွေက စိုက်ပျိုးရေးတွေ လုပ်စားကြတယ်။ ပြောင်းဖူးနဲ့ စိုက်တာတို့ တခုခုပေါ့။ ကျွဲ၊ နွားတွေနဲ့ လွတ်ထားလို့ မရဘူးလေ။ ဒါကြောင့် ကျွဲ၊ နွားတွေကို ရွာအပြင်မှာ သွားကျောင်းကြတယ်။ ရွာပြင်မှာ သွားကျောင်းကြပေမဲ့ အခုက မြေ နေရာ မရှိတော့ဘူးလေ။ ကျွဲ၊ နွားတွေ ကျောင်းဖို့ စားကျက် ရှားပါးသွားပြီ” ဟု သူက ပြောသည်။

အသစ် တက်လာသော မြန်မာအစိုးရက ဖရူဆိုမြို့နယ်ရှိ မာခရိုရှေး၊ လောဂျာနှင့် ဒေါလောခူ ကျေးရွာ အကြားတွင် ပြည်သူပိုင် ခြံမြေ ဧကပေါင်း ၂၇၀၀ ခန့်ကို ပြီးခဲ့သည့် ဇူလိုင်လက သိမ်းဆည်းခဲ့ပြီး အမှတ် ၁၄ တပ်မတော်တန်းမြင့် စစ်လေ့ကျင့်ရေးကွင်း တည်ဆောက်နေကာ လုံခြုံရေးအတွက် ခမရ ၄၂၈၊ ၅၇၅ နှင့် ၅၃၀ စစ်ကြောင်း ၃ ကြောင်းတို့ကို အချိန်ပြည့် ချထားလျက်ရှိသည်။

လူထု​ဒေါ်အမာ ​မွေး​နေ့​ ဆွမ်း​ကပ်လှူ

ရွှေအောင်

ကွယ်လွန်သူ သတင်း​စာဆရာ၊​ စာ​ရေး​ဆရာမကြီး​ လူထု​ဒေါ်အမာ ၉၆ နှစ်ပြည့်​ ​မွေး​နေ့​အလှူအဖြစ် စစ်ကိုင်း​တောင်ရိုး​၊​ မြစကြာ​ကျောင်း​တိုက်က သံဃာအပါး​၃၀၀ ကို နိုဝင်ဘာ၂၉ ရက် ဒီ​နေ့​မနက်ပိုင်း​မှာ ဆွမ်း​ဆက်ကပ် လှူဒါန်း​ခဲ့​ပါတယ်။

ရန်ကုန်အပါအဝင် မြို့​ရွာ​ဒေသအသီး​သီး​က စာ​ရေး​ဆရာ၊​ အယ်ဒီတာ​တွေ အပါအဝင် ပရိသတ် ၁၀၀ ​ကျော် တက်​ရောက်ခဲ့​ကြတယ်လို့​ လူထု ​ဒေါ်အမာရဲ့​ သား​ဖြစ်သူ စာ​ရေး​ဆရာ ညီပု​လေး​က ​ပြောပါတယ်။

လူထု​ဒေါ်အမာရဲ့​ သား​တဦး​ဖြစ်တဲ့​ ဗမာပြည်ကွန်မြူနစ်ပါတီရဲ့​ ​ပြော​ရေး​ဆိုခွင့်​ရှိသူ ရဲ​ဘော်ဖိုး​သံ​ချောင်း​က အခုလိုအချိန်မှာ အ​မေရှိ​စေချင်တယ်လို့​ ​ပြောပါတယ်။

“အ​မေ့​မွေး​နေ့​နဲ့​ ပတ်သက်လို့​ ကျ​နော်တို့​ ​ပြောချင်တာ​တော့​ အခုအ​ခြေအ​နေ​ပေါ့​လေ။ ကျ​နော်တို့​ ဗမာပြည်ရဲ့​ နိုင်ငံ​ရေး​ ရှုပ်​ထွေး​လာတဲ့​ အချိန်မှာ အ​မေရှိ​နေရင် အများ​ကြီး​ ​ကောင်း​မှာပဲလို့​ ​မျှော်လင့်​တယ်။ ဘာ​ကြောင့်​လဲဆို​တော့​ အ​မေတခွန်း​ပြောတာက အများ​ကြီး​ထိ​ရောက်ပါတယ်။ အ​မေ့​စကား​ကို ​လေး​လေး​စား​စား​ နား​ထောင်တဲ့​သူ​တွေ အများ​ကြီး​ ရှိ​နေတဲ့​အခါမှာ တချို့​ ကျ​နော်တို့​ ​ပြောတာနဲ့​စာရင် အ​မေ​ပြောတာက အများ​ကြီး​ ပိုပြီး​ တာသွား​ပါတယ်။ အဲဒီဟာမျိုး​ ​ပြော​စေချင်တာမျိုး​ ကြား​စေချင်တာမျိုး​ ဖြစ်မိပါတယ်။”

လူထု​ဒေါ်အမာရဲ့​ ​မွေး​နေ့​ကို ဆရာမကြီး​ အသက် ၇၀ ပြည့်​တဲ့​ ၁၉၈၅ ခုနှစ်ကစပြီး​ ကျင်း​ပခဲ့​ရာမှာ စာ​ပေမိတ်​ဆွေ၊​ တပည့်​ သား​မြေး​တွေနဲ့​ နှစ်စဉ်လိုလို စည်ကား​ခဲ့​ပြီး​ စာ​ပေ​လောကသား​တွေဆုံဆည်း​ရာ အထင်ကရပွဲတခုဖြစ်ခဲ့​ပါတယ်။

လူထု​ဒေါ်အမာကို ၁၉၁၅ ခု၊​ နိုဝင်ဘာ ၂၉ ရက်​နေ့​ မန္တ​လေး​မြို့​မှာအဖ ဦး​ထင်၊​ အမိ​ဒေါ်စုတို့​က ​မွေး​ဖွား​ပြီး​ မန္တ​လေး​မြို့​မှာ ၂၀၀၈ ခုနှစ် ဧပြီ ၇ ရက်က ကွယ်လွန်ခဲ့​ပါတယ်။

“အင်းသီး” ဇာတ်ကား ပြည်တွင်း၌ ဖြန့်ချိနိုင်ရန် စီစဉ်နေ

သဲသဲ on November 29, 2011

အင်းလေးကန်ဒေသရှိ ခရမ်းချဉ်သီး စိုက်ပျိုးမှုတွင် ဓာတုဗေဒဆေးများ အလွန်အကျွံ သုံးစွဲခြင်းကြောင့် သဘာဝ ပတ်ဝန်းကျင်ကိုထိခိုက် စေနိုင်သည့် အကြောင်း Documentry ရိုက်ကူး ထားသည့် “အင်းသီး”ဇာတ်ကားကို မြန်မာပြည်သူများ ကြည့်ရှုနိုင်ရန် သင့်လျော်သော ဈေးနှုန်းဖြင့် ထုတ်လုပ် ဖြန့်ချိတော့မည်ဟုသိရသည်။

“အခု ဆင်ဆာဘုတ်အဖွဲ့ကို တင်ဖို့လုပ်နေပါပြီ။ TV Channel တွေမှာ မပြရလို့ အပြင်မှာ ကြည့်လို့ရအောင် အခွေ ထုတ်ဖို့ စီစဉ် တာပါ” ဟုအဆိုပါ ဇာတ်ကား ကို ဖန်တီးသူ ဒါရိုက်တာမင်းထင်ကိုကိုကြီး က ဧရာဝတီ ကို ပြောသည်။

အင်္ဂလိပ် စာတန်းထိုးထားသည့် အင်းသီး ဇာတ်ကားကို ပြည်တွင်း ရုပ်သံလိုင်းတခု ဖြစ်သည့် Myanmar International (MI) တွင် ပြသခွင့်ရရန် ပြီးခဲ့သည့် ၂၀၁၀ ပြည့်နှစ် အောက်တိုဘာလ က တင်ပြခဲ့သော်လည်း ယခုအချိန်ထိ ပြသခွင့် မရရှိခဲ့ကြောင်း သိရသည်။

“ပေါ်လစီ အရဒီ ဇာတ်ကားကို ပြလို့မရဘူးလို့ပဲ ပြောပါတယ်။ ပုံမှန် ဆိုရင်တော့ ဘယ်ဟာ ကိုဖြုတ်ပေးပါ၊ဘာကို ဖြုတ်ပေးပါ ဆိုတာမျိုးသူတို့ လုပ်တတ်ပါတယ်။ အခုဟာက အဲဒီလို မျိုးဘာမှကိုမပြောတာပါ။ ပြလို့မရဘူးဆိုတာ တခုတည်းနဲ့ပဲပြီးတာပါ”ဟု ဒါရိုက်တာ မင်းထင်ကိုကိုကြီးက ဆိုသည်။

၎င်းက မြန်မာနိုင်ငံတွင်Documentry ဇာတ်ကားများ ရိုက်ကူးခွင့်၊ ပြသခွင့်နှင့် ပတ်သက်ပြီးတရားဝင် ခွင့်ပြုပေးထားခြင်း မရှိသောကြောင့် ပြသခွင့်မပေးခြင်း ဖြစ်နိုင်ကြောင်းလည်း ဆက်ပြောသည်။

“Documentary တွေက ရိုက်ခွင့်ရလို့ ရိုက်နေကြတာ မဟုတ်ဘူး။မြန်မာပြည်မှာက ကိုယ့်ဘာသာကိုယ် အရဲစွန့်ပြီး ရိုက်နေ ကြတာပါ။ အကြောင်း အရာတခု ကို အရဲစွန့်ပြီး ရိုက်တာမျိုးလည်း ဖြစ်ချင်ဖြစ်မယ်၊ မဖြစ်ချင်မဖြစ်ဘူး။ ဥပမာဆရာ ၀သုန်ရဲ့နေ့စဉ် ဘ၀ကို ရိုက်တယ်ဆိုရင် အကြောင်းအရာကို အရဲစွန့်ပြီး လုပ်တာမဟုတ်ဘူး၊ မှတ်တမ်းအနေနဲ့ လုပ်တာပဲ။ဒါပေမယ့် ဒါတွေအားလုံးလည်း ရိုက်ခွင့်ရလို့ ရိုက်နေကြတာတော့ မဟုတ်ဘူး”ဟုသူက ရှင်းပြသည်။

အင်းသီး ဇာတ်ကားကို MI ရုပ်သံလိုင်းတွင်ပြသခွင့် မရသည့် အတွက နောက်ထပ်ရုပ် သံလိုင်းများ ဖြစ်သည့် MRTV၊ MRTV4 နှင့် မြ၀တီ စသည့် ရုပ်သံလိုင်းများတွင်ပါ ပြသခွင့် ရနိုင်မည် မဟုတ်သောကြောင့် မတင်ပြဖြစ်ခဲ့ကြောင်း ဒါရိုက်တာက ဆိုသည်။

အဆိုပါ ဇာတ်ကားကို MI တွင်ပြသခွင့်ရရှိရေး အတွက် စီစဉ်ပေးသည့် ဗိုလ်မှူးသိန်းထွန်းအောင် က လည်း မြန်မာနိုင်ငံတွင်းပြသရန် ငွေကြေးကိစ္စညှိနှိုင်းရာ၌ ဒါရိုက်တာကိုယ်တိုင် ဆောင်ရွက်ခြင်းဖြစ်သာ၍ ၎င်း ပါဝင်ခြင်းမရှိကြောင်း ပြောသည်။

“မပြ ဖြစ်တဲ့ ကိစ္စ ကတော့ ကျနော်တို့နဲ့မဆိုင်ပါဘူး” ဟုသူက ဆိုသည်။

အဆိုပါ ဇာတ်ကားကိုMI ရုပ်သံလိုင်းသို့တင်ပြစဉ်ပြန်ကြားရေးဝန်ကြီး ဦးကျော်ဆန်း ကိုယ်တိုင်က “ထားလိုက်ပါဦး”ဟု ပြောခြင်းကြောင့် ပြသခွင့် မပေးခြင်းဖြစ်ကြောင်း မြန်မာ့ရုပ်မြင်သံကြားနှင့် နီးစပ်သည့် အသိုင်းအဝန်းမှ ကြားသိရသည်။

အင်းသီးဇာတ်ကားကိုထိုင်း၊ဗီယက်နမ်၊လာအို၊တောင်ကိုရီးယား၊အီတလီ၊ပြင်သစ်၊ဂျာမနီစသည့်နိုင်ငံများတွင်ပြသခဲ့ပြီး ဖြစ်ကာ ယခု နိုဝင်ဘာလကုန်ပိုင်းတွင်အမေရိကန်နိုင်ငံလော့စ်အိန်ဂျလိစ် မြို့၌ ကျင်းပမည့်ရုပ်ရှင်ပွဲတော်တွင်သွားရောက် ပြသမည်ဖြစ်သည်။

၎င်း အင်းသီး ဇာတ်ကားသည်၂၀၁၀ အောက်တိုဘာလ က ဗီယက်နမ်နိုင်ငံ တွင်ပြုလုပ်သည့် Festival of Photos, Reportage Film and Documentary Film on the Countries and People in ASEAN တွင်Best Documentary 2010 အမျိုးအစား အတွက် ဒုတိယဆု ရရှိခဲ့သည်။

အဆိုပါ ဇာတ်ကား သည် အင်းလေး ဒေသတွင် ရှိသည့် ခရမ်းချဉ်သီး စိုက်ပျိုးမှု တွင်အဓိကသုံးစွဲ နေသည့် ပိုးသတ်ဆေးများ၏ အန္တရာယ်၊ အင်းလေးကန်ရေခန်းခြောက်လာသည့် အနေအထား၊အင်းလေးကန် အတွင်း၌ လက်ရှိဖြစ်ပေါ်နေသည့် သဘာဝ ပတ်ဝန်းကျင် အခြေအနေ၊ အင်းလေးကန် အတွင်း နေထိုင်ကြသော အင်းသူအင်းသားများ၏ နေထိုင်မှု ဘ၀ များကို မှတ်တမ်း ရုပ်ရှင်အဖြစ်၂၀၀၉ ခုနှစ်ကရိုက်ကူးထားခြင်းဖြစ်သည်။

နိုင်ငံ​ရေး​အကျဉ်း​သား​ ၉၀၀ စာရင်း​ ထုတ်ပြန်ရန်ရှိ

ရွှေအောင်

အကျဉ်း​ထောင်အသီး​သီး​မှာ နိုင်ငံ​ရေး​အကျဉ်း​သား​ ၉၀၀ ခန့်​ ရှိတဲ့​အ​ကြောင်း​ စာရင်း​ထုတ်ပြန်ပြီး​ အမျိုး​သား​လူ့​အခွင့်​အ​ရေး​ကော်မရှင်ထံ ​ပေး​ပို့​ညှိနှိုင်း​သွား​မယ်လို့​ နိုင်ငံ​ရေး​အကျဉ်း​သား​ လွတ်​မြောက်​ရေး​ လှုပ်ရှား​မှုကွန်ရက်က ​ပြောပါတယ်။

နိုင်ငံ​ရေး​အကျဉ်း​သား​ လွတ်​မြောက်​ရေး​လှုပ်ရှား​မှု ကွန်ရက်က ပြုစုထား​တဲ့​ နိုင်ငံ​ရေး​အကျဉ်း​သား​စာရင်း​ဟာ လက်ရှိ အကျဉ်း​ထောင်ထဲရှိ​နေတဲ့​ နိုင်ငံ​ရေး​ အကျဉ်း​သား​စာရင်း​နဲ့​ အနီး​စပ်ဆုံး​ဖြစ်တယ်လို့​လည်း​ ကွန်ရက်အဖွဲ့​ဝင် ကိုတိုး​ကျော်လှိုင်က ​ပြောပါတယ်။

မကြာခင်က ​ထောင်အသီး​သီး​မှ လွတ်​မြောက်လာသူ​တွေ၊​ ​ဒေသခံ​တွေကို ဖုန်း​အကြိမ်​ပေါင်း​ ရာနဲ့​ချီ ဆက်သွယ်​မေး​မြန်း​ စိစစ်ထား​တယ်လို့​ ဆိုပါတယ်။

အကျဉ်း​သား​စာရင်း​ပြုစုတဲ့​နေရာမှာ ​ထောင်တာဝန်ရှိသူ​တွေကို​ရော ဆက်သွယ်​မေး​မြန်း​ စုံစမ်း​တာမျိုး​ ရှိ၊​ မရှိဆိုတာနဲ့​ပတ်သက်လို့​ ကိုတိုး​ကျော်လှိုင်က ခုလို ​ပြောပါတယ်။

“​ထောင်အာဏာပိုင်​တွေနဲ့​ ဆက်သွယ်ပြီး​ ရယူဖို့​ကလည်း​ ခက်ပါတယ်ဗျ။ ​ထောင်အာဏာပိုင်ဘက်ကလည်း​ပဲ နိုင်ငံ​ရေး​အကျဉ်း​သား​ကို ဘယ်လိုဥပ​ဒေ​တွေနဲ့​ အကျုံး​ဝင်တယ်ဆိုတာလည်း​ သူတို့​သေချာ ​ပြောရခက်ပါလိမ့်​မယ်။ တချို့​ကျ​တော့​လည်း​ နိုင်ငံ​ရေး​လှုပ်ရှား​မှုနဲ့​ အဖမ်း​ခံရ​ပေမယ့်​လည်း​ နိုင်ငံ​ရေး​ပုဒ်မ တပ်ထား​ခံရတာ မဟုတ်တာ​တွေလည်း​ ရှိပါတယ်။”

နိုင်ငံ​ရေး​အကျဉ်း​သား​ ၉၀၀ စာရင်း​ကို ဒီအပတ်ထဲ ထုတ်ပြန်ဖို့​ရှိပြီး​ လူ့​အခွင့်​အ​ရေး​ကော်မရှင်ဥက္ကဋ္ဌ ဦး​ဝင်း​မြနဲ့​ အကျဉ်း​သား​လွတ်​မြောက်​ရေး​ ကွန်ရက်အဖွဲ့​တို့​ ​တွေ့​ဆုံသွား​ဖို့​ရှိတယ်လို့​လည်း​ ​ပြောပါတယ်။

“လက်ရှိနိုင်ငံ​ရေး​အကျဉ်း​သား​ စာရင်း​။ ကျ​နော်တို့​ စာရင်း​က အန်အယ်လ်ဒီ စာရင်း​နဲ့​လည်း​ မတူဘူး​။ အစိုး​ရရဲ့​ စာရင်း​နဲ့​လည်း​ မတူဘူး​။ ​အေ​အေပီပီ စာရင်း​နဲ့​လည်း​ မတူဘူး​။ ကျ​နော်တို့​ စာရင်း​က​တော့​ အနီး​စပ်ဆုံး​ ဖြစ်နိုင်တယ်။ ​သေ​သေချာချာလည်း​ လုပ်ထား​ပါတယ်။ ပြီး​ရင် မြန်မာနိုင်ငံ လူ့​အခွင့်​အ​ရေး​ကော်မရှင် ဥက္ကဋ္ဌ ဦး​ဝင်း​မြနဲ့​ ကျ​နော်တို့​အဖွဲ့​ ​တွေ့​မယ်။ ​တွေ့​ပြီး​ရင် ဒီစာရင်း​အတိုင်း​လေး​ တိုက်​ပေး​ဖို့​ရာ ကျ​နော်တို့​ ​မေတ္တာရပ်ခံမယ်။ နိုင်ငံ​ရေး​အကျဉ်း​သား​ကိစ္စ စကား​ပြောမယ်ဆိုရင် ဒီစာရင်း​ကို ကိုင်ပြီး​ပြောဖို့​ရာ ကျ​နော်တို့​ ညှိမယ်ဗျ။”

အမျိုး​သား​ဒီမိုက​ရေစီ အဖွဲ့​ချုပ်က ထုတ်ပြန်တဲ့​စာရင်း​မှာ နိုင်ငံ​ရေး​အကျဉ်း​သား​ ၅၉၀ ခန့်​၊​ ထိုင်း​နိုင်ငံအ​ခြေစိုက် နိုင်ငံ​ရေး​အကျဉ်း​သား​များ​ ကူညီ​စောင့်​ရှောက်​ရေး​ အသင်း​ ​အေ​အေပီပီ-ဘီရဲ့​ စာရင်း​မှာ နိုင်ငံ​ရေး​အကျဉ်း​သား​ ၁၆၀၀ ​ကျော်ရှိပါတယ်။

နိုဝင်ဘာ ၁၂ ရက်က ထုတ်ပြန်တဲ့​ အမျိုး​သား​လူ့​အခွင့်​အ​ရေး​ကော်မရှင်ရဲ့​ ​ကြေညာချက်မှာ​တော့​ နိုင်ငံ​ရေး​အကျဉ်း​သား​ ၅၀၀ ​လောက်ပဲရှိပြီး​ အဲ့​ဒီထဲက ၂ဝဝ​ကျော် ပြန်လွှတ်​ပေး​ပြီး​ ဖြစ်တယ်လို့​ ​ဖော်ပြပါရှိပါတယ်။

လွတ်ငြိမ်းချမ်းသာခွင့်များ ပေးပြီးနောက် ရန်ကုန်တွင် ရာဇဝတ်မှု ပိုမို ထူပြောလာ

ခင်ဦးသာ on November 29, 2011


မြန်မာ အစိုးရသစ်တက်ပြီးနောက် လွတ်ငြိမ်းချမ်းသာခွင့် နှစ်ကြိမ်ပေးခဲ့ရာတွင် ရာဇ၀တ်အကျဉ်းသား ဦးရေ များပြားသည့် အတွက် ရန်ကုန်မြို့တွင်း မြို့နယ်၊ ရပ်ကွက် တချို့တွင် ရာဇ၀တ်မှုများ ပိုမိုဖြစ်ပေါ်နေကြောင်း ရန်ကုန်မြို့ခံများထံမှ သိရသည်။

“ဒါကတော့ ခြွင်းချက်အနေနဲ့ ဖြစ်နိုင်ပါတယ်။ ထောင်ကထွက်လာရင် အပြင်မှာသူတို့အတွက် အလုပ်က မရှိရင် စားဝတ် နေရေးအတွက် အရင်လိုပဲ ခါးပိုက်နှိုက်တာ၊ ခိုးတာ၊ လုယက်တာတွေ ကျူးလွန်လေ့ရှိတတ်ပါတယ်” ဟု ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောသည်။

သမ္မတဦးသိန်းစိန်၏ အမိန့်ဖြင့် လွတ်ငြိမ်းချမ်းသာခွင့် နှစ်ကြိမ်ပေးခဲ့ရာတွင် အကျဉ်းသား စုစုပေါင်း ၂၀၀၀၀ ခန့် လွှတ်ပေးခဲ့ သော်လည်း နိုင်ငံရေး အကျဉ်းသား ရာဂဏန်းသာ ပါဝင်သည်။

ပြန်လည်လွတ်မြောက်လာသူ များထဲ၌ အများစုသည် ရာဇ၀တ်မှု ကျူးလွန်ခြင်းကြောင့် ထောင်ဒဏ် ကျခံရသူများဖြစ်ပြီး အလုပ်အကိုင်ရှားပါးခြင်း၊ ဘ၀ရပ်တည်ရေး ခက်ခဲခြင်းတို့ကြောင့် ရာဇ၀တ်မှုများ ထပ်မံကျူးလွန်ခြင်း ဖြစ်နိုင်ကြောင်း ရန်ကုန်မြို့ခံ တချို့က သုံးသပ် ပြောဆိုနေသည်။

ထောင်မှ ပြန်လည်လွှတ်မြောက်လာသော ရာဇ၀တ်သားများအနေဖြင့် နောက်ထပ်တကြိမ် ရာဇ၀တ်မှု မကျူးလွန်နိုင်ရေး၊ အ လုပ်အကိုင် အခွင့်အလမ်းများ ရှာဖွေပေးနိုင်မည့် နည်းလမ်းများရှာဖွေရေး စသည့်အချက်များပါဝင်သော အကျဉ်းထောင် ဥပဒေပြင်ဆင်ရေး အဆိုတခုအား လွှတ်တော်၌ တင်သွင်းခဲ့သော်လည်း အောင်မြင်မှု မရခဲ့ကြောင်း ဦးသိန်းညွန့်က ရှင်းပြသည်။

ရာဇ၀တ်မှု ကျူးလွန်သူများသည် အုပ်စုဖွဲ့၍ လူသတ်မှုကျူးလွန်ခြင်း၊ လုယက်ခြင်း၊ ခိုးမှုကျူးလွန်ခြင်း စသည့်ကိစ္စရပ် များကို ကျူးလွန်နေခြင်းကြောင့် ရန်ကုန်ဒေသခံများ စိုးရိမ်နေကြကြောင်း သိရသည်။

မြောက်ဥက္ကလာပ မြို့နယ်၏ 6-Stars စားသောက်ဆိုင်ထဲရှိ ကိုကျော်မင်း ဆိုသူအား မျက်နှာဖုံး ကိုယ်စီစွပ်ထားသည့် လူ ၁၀ ဦးခန့်က ဓားဖြင့်ခုတ်သတ်မှု တခု နိုဝင်ဘာလ ၁၇ ရက် ညနေက ဖြစ်ပွားခဲ့ပြီး ယခုအခါ တရားခံ ၇ ဦးအား ဖမ်းမိ
ထားကြောင်း ပြည်တွင်း မီဒီယာ တချို့တွင် ရေးသားထားသည်။

“ဗီဒီယို ဇာတ်ကားထဲက လူမိုက်ဂိုဏ်းသားတွေ ရမ်းကားတဲ့ ပုံစံနဲ့အကြမ်းဖက် တိုက်ခိုက်သလိုမျိုးပါ။ လူဆိုးတွေက မျက်နှာဖုံးတွေ စွပ်ထားတော့ ပတ်ဝန်းကျင်ကလည်း ကူညီတာတွေ တားဆီးတာတွေ မလုပ်ရဲကြဘူး” ဟု မြောက်ဥက္ကလာပ ဒေသခံတဦးက ပြောသည်။

ပန်းပဲတန်းမြို့နယ်မှ ကိုသန့်ဇင်လတ် (ခ) ကိုမင်းဇင်အားလည်း ၎င်းနှင့် ရန်ငြိုးရှိသူတဦးက အငှားကားတစီးဖြင့် ဒရွတ်တိုက် ဆွဲခေါ်ကာ သတ်ဖြတ်မှု ယခုလဆန်းပိုင်းက ဖြစ်ပေါ်ခဲ့သေးသည်။

နိုဝင်ဘာလ အတွင်း အင်းစိန်မြို့နယ်၌ အနုကြမ်းစီးမှု၊ လမ်းမတော်မြို့နယ်၌ ဓားပြတိုက်ပြီး အိမ်ရှင်အား သတ်ဖြတ် ခဲ့မှုအပြင် ပုဇွန်တောင် မြို့နယ်တွင်လည်း ရာဇ၀တ်မှု တခုဖြစ်ပွားခဲ့ကြောင်း Eleven မီဒီယာ၏ အွန်လိုင်းစာမျက်နှာတွင် ဖော်ပြ ထားသည်။

ထိုကဲ့သို့ ရာဇ၀တ်မှုများ ဆက်တိုက် ဖြစ်ပေါ်လာရခြင်းသည် ရဲတပ်ဖွဲ့နှင့်သက်ဆိုင်နေရာ မြို့နယ် အာဏာပိုင်များ၏ အုပ်ချုပ်ရေးစနစ် လျော့ရဲမှုကြောင့် ဖြစ်ကြောင်း ရန်ကုန်မြို့ခံ တဦးက ပြောသည်။

“အဓိကကတော့ ရဲတပ်ဖွဲ့တွေရဲ့ အုပ်ချုပ်ရေး ကိစ္စ လျော့နေလို့ပါ။ တချို့အမှုတွေ ဆိုလည်း အမှုပေါ်အောင် မလုပ်ဘူး။ ဒီတော့ ထပ်ဖြစ်တယ်။ ဥပမာ- ၅ လောင်းပြိုင် လူသတ်မှု ဆိုရင် အခုထိမပေါ်သေးဘူး။ ဒါပေမယ့် အဲဒီတုန်းက ရဲချုပ်က အခု ၀န်ကြီးတောင် ဖြစ်နေတယ်” ဟု ရန်ကုန်မှ ရှေ့နေ ဦးအောင်သိန်းက ဆိုသည်။

ရန်ကုန်မြို့ တက္ကသိုလ်ရိပ်သာလမ်းတွင် ၅ လောင်းပြိုင် လူသတ်မှုတခု ၂၀၀၈ ခုနှစ် မတ်လက ဖြစ်ပေါ်ခဲ့သော်လည်း လူသတ်တရားခံအား ယနေ့အထိ ဖော်ထုတ်နိုင်ခြင်း မရှိသေးပေ။

ရာဇ၀တ်မှုများသည် ရန်ကုန်မြို့အပါအ၀င် တနိုင်ငံလုံး နီးပါး ဖြစ်ပေါ်နေခြင်းကြောင့် ဘက်မလိုက်သော စုံစမ်းဖော်ထုတ်ရေး ကော်မရှင် တရပ် ဖွဲ့စည်းနိုင်ရေး ကိစ္စကို တာဝန်ရှိသူများက စဉ်းစားသင့်ကြောင်းလည်း လွှတ်တော်ကိုယ်စားလှယ် ဦးသိန်းညွန့်က ဆိုသည်။

ရန်ကုန်မြို့၏ မြို့နယ်၊ ရပ်ကွက် အများစုတွင် လုံခြုံရေး ဆောင်ရွက်ထားမှု အားနည်းနေခြင်းကြောင့် နေအိမ်များ လုံခြုံရေး စိုးရိမ်နေကြရကြောင်း၊ ရပ်ကွက်၊ လမ်း လုံခြုံရေးအတွက် မီးကင်းကြေးကို အာဏာပိုင်များက ပုံမှန်ကောက်ခံသည့်တိုင် လုံခြုံရေး ကိစ္စကို တာဝန်ယူမှု အားနည်းကြောင်း ရန်ကုန်မြို့တချို့က ပြောသည်။

မှုခင်းကျဆင်းရေး လုပ်ငန်းများ ဆောင်ရွက်ရာတွင် ကြိုတင်တားဆီးရေး လုပ်ငန်းသည် အရေးကြီးပြီး ပြည်သူများ၏ ပါဝင် ပူးပေါင်းမှု ရှိမှသာ မြို့ပြ၏ လုံခြုံရေး ကို ထိရောက်စွာ ဆောင်ရွက်နိုင်မည်ဟု မြန်မာနိုင်ငံရဲတပ်ဖွဲ့ ရဲအရာရှိတဦး ကပြော ဆိုသည်ကို Eleven မီဒီယာ အင်တာနက် စာမျက်နှာ၌ ရေးသားထားသည်။

ရာဇ၀တ်မှုများနှင့် ပတ်သက်၍ အမှုလိုက်ရဲအရာရှိများ၊ ဥပဒေ ၀န်ထမ်းများနှင့် တရားသူကြီး တချို့၏ လာဘ်ပေး၊ လာဘ်ယူမှု များကြောင့် ပြစ်မှုထပ်မံကျူးလွန်ခြင်းများ ရှိတတ်ကြောင်း ရန်ကုန်မြို့ခံ ရှေ့နေတချို့က ပြောသည်။

“အဲဒီလို ပုဂ္ဂိုလ်တွေနဲ့ ပေါင်းပြီးတော့ များများလိမ်တာတွေ၊ တိမ်းရှောင်တာတွေ၊ ပြစ်ဒဏ်ပေါ့လျော့အောင် လုပ်တာတွေ ရှိတာ
ကြောင့် ပြစ်မှုတွေ ထပ်ကျူးလွန်တာ မျိုးတွေ တွေ့ရတယ်။ များများလိမ်ပြီး တရားရုံးမှာ ပြန်သုံးမယ် ဆိုတာမျိုးပေါ့” ဟု ရှေ့နေ
တဦးလည်းဖြစ်သည့် ဦးသိန်းညွန့်က ဆိုသည်။

ရှေ့နေ ဦးအောင်သိန်းကလည်း လက်ရှိ အခြေအနေပေါ်မူတည်၍ တရားဥပဒေစိုးမိုးရေး၊ အုပ်ချုပ်ရေး ယန္တယား ကိစ္စများကို ဥပဒေနှင့်အညီ မလုပ်ဆောင် နိုင်သေးပါက လူသတ်မှုများ၊ ရာဇ၀တ်မှု များသည် နည်းလမ်းစုံဖြင့် ပေါ်ပေါက်နေဦးမည်သာ ဖြစ်ကြောင်း ပြောသည်

KIA တပ်ရင်း ၂၇ အခြေ စိုက်စခန်းအား မြန်မာ အစိုးရတပ်မှ သိမ်းပိုက်

KNG


ကချင်ပြည်နယ်အရှေ့ တောင်ဘက် ဘလောင် ဒိန်ဆာ (Balawng Dingsa)တွင် အခြေစိုက် ထားသော KIA တပ်ရင်း (၂၇)အား မြန်မာ အစိုးရ တပ်မှ နိုဝင်ဘာ၂၈၊ တနင်္လာနေ့ မွန်းလွဲ ၂ နာရီ ခန့်တွင် တိုက်ခိုက် သိမ်းပိုက် ခဲ့သည်။

အစိုးရတပ်၏ လက်နက်ကြီးများ အဆက်မပြတ်ပစ်ခတ်မှုကြောင့် ဗိုလ်မှူး ယော်ထုံ ဦးဆောင်သော
၎င်းတပ်ရင်း အခြေစိုက်စခန်းအား KIA စစ်သားများ ဆုတ်ခွာပေးလိုက်ခြင်းဖြစ်သည်ဟု KIA အရာရှိများ အတည်ပြုပါသည်။

ဘလောင်ဒိန်ဆာ တပ်ရင်းဌာနချုပ်သည် ဗန်းမော်ခရိုင် မံဝင်းမြို့၏ အနောက်ဘက် ၅ မိုင်ခန့် အကွာတွင်ရှိပြီး KIA တပ်မဟာ ၃ အောက်တပ်ရင်းများအနက် ယင်းစခန်းသည် ပထမဆုံး အစိုးရတပ်လက်အောက်သို့ ကျသွားခြင်းလည်း ဖြစ်သည်။

နိုဝင်ဘာ လဆန်းပိုင်းမှ သမ္မတ ဦးသိန်းစိန် အစိုးရက မိတ္ထီလာ အခြေစိုက် တပ်မ အမှတ် ၉၉၊ ပဲခူး အခြေစိုက် တပ်မ အမှတ် ၇၇ နှင့် ကျောက်မဲအခြေစိုက် စကခ-၁ အောက် တပ်ရင်းများမှ စစ်အင်အား ရာပေါင်းများစွာကို ကချင်-ရှမ်းနယ်စပ် နမ့်ခမ်းနှင့် မံဝင်းမြို့များသို့ ပို့ထားသည်။

ထို့ကြောင့် အင်အားအလုံးအရင်းဖြင့် စစ်ကူရောက်လာ မြန်မာစစ်သားများနှင့် နယ်မြေခံ KIA တပ်ရင်း ၁ နှင့် တပ်ရင်း၂၇ တပ်ဖွဲ့များကြား တိုက်ပွဲများ နေ့စဉ်ဖြစ်လာသည်။

မြန်မာအစိုးရတပ်က ကချင်ပြည်နယ်နှင့် ရှမ်းပြည်နယ်ကို အဓိကဆက်သွယ်ပေးသည့် မူဆယ်-နမ့်ခမ်း-ဗန်းမော် လမ်းကြောင်းမှ KIA တပ်များကို ရှင်းရန်အတွက် ယခုလို အင်အားအလုံးအရင်းဖြင့် စစ်ဆင်နေခြင်းဖြစ်သည်။

ဘင်္ဂလာဒေခ်ျ့ ၀န်ကြီးချုပ် မြန်မာ ခရီးစဉ် ဒီဇင်္ဘာ ၅ ရက်နေ့ စတင်မည်

နိရဉ္စရာ

ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာ၏ မြန်မာ (၂) ရက်ကြာ ခရီးစဉ် ဒီဇင်္ဘာလ ၅ ရက်နေ့ စတင်မည် ဖြစ်ကြောင်း သိရသည်။

သူမအား မြန်မာ နိုင်ငံခြားရေး ၀န်ကြီး ၀ဏ္ဍမောင်လွှင်က နေပြည်တော် လေဆိပ်တွင် လက်ခံကြိုဆိုမည် ဖြစ်ပြီး သူမအား မြတ်တော်ဝင် ဟိုတည်တွင် တည်းခိုသွားရန် စီစဉ်ထားသည်ဟု ဘင်္ဂလာဒေခ်ျ့က အရာရှိများက ပြောသည်။

ဘင်္ဂလာဒေခ်ျ့ ၀န်ကြီးချုပ် ရှိတ်ဟာဆီးနာသည် မြန်မာနိုင်ငံတွင် (၂) ရက်ကြာနေထိုင်စဉ် မြန်မာ သမ္မတ ဦးသိန်းစိန် အပါအ၀င် ၀န်ကြီး တချို့နှင့် တွေ့ဆုံမည် ဖြစ်သလို အရေးကြီးသော သဘောတူညီချက်များကို လက်မှတ် ရေးထိုးသွားမည်ဟု သိရသည်။

သူမ၏ ခရီးစဉ် အတွင်း မြန်မာနိုင်ငံကို ဖြတ်ပြီး တည်ဆောက်မည့် ချစ်ကြည်ရေး လမ်းမ ဖေါက်လုပ်ရေး ကိစ္စနှင့် မြန်မာနိုင်ငံမှ ဘင်္ဂလာဒေခ်ျ့သို့ ရောက်ရှိနေသော ဒုက္ခသည်များ ပြန်ပို့ရေး ကိစ္စကို အလေးပေးဆွေးနွေးမည်ဟု သိရသည်။

ဘင်္ဂလာဒေခ်ျ့သည် သူနိုင်ငံ၏ ကုန်သွယ်ရေးကို တရုတ်နိုင်ငံနှင့် တိုးမြှင့် လုပ်ကိုင်လိုနေရာ မြန်မာနိုင်ငံကို ဖြတ်ပြီး ဖေါက်လုပ်မည့် ချစ်ကြည်ရေးလမ်းမ ဖေါက်လုပ်ရေးသည် ဘင်္ဂလာဒေခ်ျ့၏ အထူး အရေးပါသော လိုလားချက် ဖြစ်သည်။

သို့အတွက် ဘင်္ဂလာဒေခ်ျ့ အာဏာရ အစိုးရ အဆက်ဆက်သည် အဆိုပါ လမ်းဖေါက်လုပ်ရေး အတွက် မြန်မာအား ချဉ်းကပ် ကြိုးပမ်းနေသည်မှာ ဆယ်စုနှစ် နီးပါး ကြာမြှင့်ခဲ့ပြီ ဖြစ်သည်။

အဆိုပါ လမ်းမကြီး ဖေါက်လုပ်ရေးကို မြန်မာက မူအားဖြင့် သဘောတူညီထားသော်လည်း မြန်မာ အတွက် အကျိုးစီးပွား ဖြစ်ထွန်းနိုင်ခြေ နည်းပါးနေသဖြင့် လက်တွေ့တွင် အကောင် အထည်ဖေါ် ဆောင်ရွက်ရန် မြန်မာဘက်က လက်နှေးလျက်ရှိသည်။

ဘင်္ဂလာဒေခ်ျ့ ၀န်ကြီးသည် ယခု ခရီးစဉ် အတွင်း မြန်မာ အပြီးတွင် အင်ဒိုနီးရှား နိုင်ငံသို့လည်း ၀င်ရောက် လည်ပတ်မည် ဖြစ်သည်။

တိုက်ပွဲပြင်းထန်နိုင်၍ မိုင်ဂျာယန် ဒေသတွင် စာသင်ကျောင်းများစပိတ်

စောခါးစူးညား (ကေအိုင်စီ)

ကချင်ပြည်နယ် မိုးမောက်မြို့နယ် မိုင်ဂျာယန်ဒေသတွင် တိုက်ပွဲများ ပြင်းထန်လာနိုင်သည့်အတွက် စာသင်ကျောင်း ၁၀ ကျောင်းခန့်ကို ကချင်လွတ်မြောက်ရေးအဖွဲ့-KIO မှ ယနေ့ စပိတ်လိုက်ပြီဟု မိုင်ဂျာယန်ဒေသခံများက ပြောသည်။

အဆိုပါ ဒေသရှိ ကလေးမူကြိုကျောင်းများ အပါအ၀င် မိုင်ဂျာယန်မြို့ရှိ အထက်တန်းကျောင်းနှင့် မိုခါ၊ ပရန်ခူတုန်၊ မခန်၊ ပရာဝါ၊ ၀င်းခါး၊ ဆိုင်မိုင်ပါ ရွာများမှ မူလတန်း၊ အလယ်တန်းကျောင်းများ ပိတ်လိုက်ခြင်းဖြစ်သည်ဟု ဒေသခံ မိုင်ဂျာယန် အမျိုးသမီးတဦးက ကေအိုင်စီသို့ ပြောသည်။

“တိုက်ပွဲကတော့ အကြီးအကျယ် ဖြစ်လာနိုင်တဲ့အတွက် KIO က အဲဒီကျောင်းတွေကို ပိတ်ဖို့ ပြောလိုက်တာပဲ။ ကျောင်းတွေ ကို ပိတ်ဖို့အတွက် မနေ့ညက ရွာက တာဝန်ရှိလူကြီးတွေနဲ့ အစည်းအဝေးလုပ်တာ ရှိတယ်။ KIO တွေ ပြောတာက ဒီအချီ တိုက်ပွဲဖြစ်မယ်ဆိုရင် အပြင်းအထန် ခံတိုက်မယ်လို့ ကြားတယ်။”ဟု သူမက ပြောသည်။

၎င်းဒေသတွင် တိုက်ပွဲများ အချိန်မရွေး ဖြစ်လာနိုင်သည့်အပေါ် ဒေသခံရွာသူရွာသားများကလည်း စားနပ်ရိက္ခာနှင့် အိမ်အသုံး အဆောင်ပစ္စည်း အထုပ်အပိုးများ ပြင်ဆင်ထားလျှက်ရှိသည်ဟု သူက ဆက်ပြောသည်။

လက်ရှိ စပိတ်လိုက်သည့် စာသင်ကျောင်းများမှာ KIO မှ ဖွင့်လှစ်ပေးထားသည့် KIO ထိန်းချုပ်နယ်မြေအတွင်းမှ ကျောင်းများ ဖြစ်သည်။

ယခုလ ၂၆ရက်နေ့၌ မိုးမောက်မြို့နယ်၊ ၀ိုင်းမော်မြို့နယ်နှင့် ကချင်ပြည်နယ် သျှမ်းပြည်နယ် နယ်စပ်တွင် ကချင်လွတ်မြောက် ရေးတပ်မတော်-KIA နှင့် မြန်မာအစိုးရတပ်အကြား တိုက်ပွဲ အပြင်းအထန် ဖြစ်ပွားခဲ့ရာ အစိုးရဘက်မှ စစ်ရဟတ်ယာဉ်ပါ အသုံးပြုခဲ့သည်ဟု သိရသည်။

မိုးမောက်မြို့နယ် မိုင်ဂျာယန်ဒေသသည် KIO တပ်မဟာ(၃) ထိန်းချုပ်နယ်မြေဖြစ်ပြီး လက်ရှိတွင် မြန်မာအစိုးရတပ် တပ်မ (၈၈) လက်အောက်ခံတပ်များနှင့် KIA တပ်မဟာ(၃)တပ်ဖွဲ့များ လှုပ်ရှားလျှက်ရှိသည်။

KIA တပ်သားသစ် စုဆောင်း ကျေးလက်ဒေသခံများ မြို့ပေါ်သို့ ထွက်ပြေးတိမ်းရှောင်

သျှမ်းသံတော်ဆင့်


မြန်မာစစ်တပ်နှင့် ကချင်လွတ်မြောက်ရေးတပ်မတော် အကြား တိုက်ပွဲပြင်းထန်လာသည့် ယခု ၃-၄ လ အတွင်း မြစ်ကြီး နားမြို့ ကျေးလက်တောရွာများ၌ တပ်သားသစ်စုဆောင်းမှုကြောင့် မြို့ပေါ်သို့ထွက်ပြေး တိမ်းရှောင်နေရသည့် ဒေသခံ သျှမ်းရွာသားရာနှင့်ချီ ရှိကြောင်း မြစ်ကြီးနားသျှမ်းမိသား စုသတင်းရပ်ကွက် က ဆိုပါသည်။

“အခု တိုက်ပွဲထန်လာတဲ့ ဒီလ ထဲမှာဆိုရင် ဘုန်းကြီးကျောင်းတွေမှာ လာနေကြတာအများကြီးဘဲ။ အများစု ကတော့ သျှမ်း လူမျိုးပေါ့။ မြို့ပြင်ကျေးလက်တောရွာတွေကလာတာ။ ကချင်တပ်က တပ်သားသစ်စုဆောင်း တာကြောင့် ထွက်ပြေးကြ တာလို့ပြောကြတယ်” အသက် ၃၀ အရွယ်ဝန်းကျင် မြစ်ကြီးနားဒေသခံ သျှမ်းအမျိုးသားတဦးကပြောသည်။

မြစ်ကြီးနားမြို့ နောင်ခမ်းကျောင်းတိုက်၌ ၁၀၀ ကျော် ၊ ဝန်းသိုကျောင်းတိုက်၌ အလားတူ ၁၀၀ကျော်ရောက် ရှိခိုလှုံကြ ကြောင်း၊ နိုဝင်ဘာလ နှောင်းပိုင်းက တဖွဲဖွဲ ရောက်ရှိလာကြသည်မှာ ယနေ့တိုင်နေရပ်မပြန်ရဲကြသေး ကြောင်း သိရသည်။

“ အဲလိုတနေရာထဲမှာ လူတရာကျော် စုပြီးနေကြတော့ နေထိုင်စားသောက်ဖို့အတွက် အခက်အခဲတော့ ဖြစ်ရတာပေါ့။ ခုထိ သူတို့မပြန် ရဲကြ သေးဘူး။ အရင်တုန်းက မြန်မာစစ်တပ်ချောဆွဲမှာကိုကြောက်လို့ ထွက်ပြေးရတယ်။ ခုကျတော့ ကချင်စစ် တပ်က တပ်သားသစ် ကောက်တာကိုကြောက်လို့ ထွက်ပြေးနေရတယ် လို့ပြောနေကြတယ်” ဟု နောင်ခမ်းကျောင်းတိုက် အနီးနေထိုင်သူတဦးကပြောသည်။

ယခုနှစ်ဇွန်လမှစ၍ မြန်မာအစိုးရက ကချင်လွတ်မြောက်ရေးအဖွဲ့ (KIA) အား စတင်ထိုးစစ်ဆင်တိုက်ခိုက်ရာ ကချင် ပြည် သူများပေါ် လူ့အခွင့်အရေးချိုးဖောက်များလည်း များပြားခဲ့ကြောင်း၊ ထို့ပြင် မြန်မာအစိုးရက လူကို အဆိပ်သင့် စေသော ဓါတ်ငွေ့ များပါဝင်သည့် လက်နက် နှစ်မျိုးကို အသုံးပြု၍ မန့်မော် (ဗန်းမော်)ခရိုင် အင်မောက် (မိုးမောက်) မြို့နယ်၊ ဖကောန် (Hpakawn)ဒေသ တိုက်ပွဲများတွင် KIA အား တိုက်ခိုက် နေ ကြောင်း ကချင်သတင်း ရပ်ကွက်များထံမှ သိရသည်။

အလွဲများနဲ့ မျဉ်းပြိုင် (အပိုင်း ၅)

မိုင်အဲမလီ

ဘ၀ မာတိကာထဲမှာ ဖြေရှင်းလိုက်မှ အဖြေထွက်လာမယ့် လေ့ကျင့်ခန်းတွေ၊ သင်ခန်းစာတွေက စာမျက်နှာပြည့် ပါရှိပေမယ့် ရသချိုချိုတွေကတော့ ခပ်ရှားရှားရယ်။ ဒါကြောင့်လည်း အခက်အခဲ ပြဿနာတွေနဲ့ ရင်ဆိုင် ကြုံတွေ့ရတိုင်း ထွက်ပေါက်ကို အရင်မရှာဘဲ ရင်ဆိုင်ပစ်လိုက်ပါလို့ လူကြီးတွေက မကြာခဏ ဆုံးမတာ ဖြစ်ပါလိမ့်မယ်။ ရင်ဆိုင်လိုက်ခြင်းအားဖြင့် အဖြေတခုခုတော့ ရလာ စမြဲ။ ကဲ … အဖြစ်က ဒီလို…။

တနေ့မှာ ချင်းမိုင်မြို့ရဲ့ ဈေးပွဲတော်တခုကို လှည့်ပတ်ကြည့်ရင်း အိမ်အပြန်ကို အသိသူငယ်ချင်းတယောက်ရဲ့ ဆိုင်ကယ်နဲ့ လမ်းကြုံ လိုက်လာခဲ့တယ်။ မိုးကလည်း အရမ်းရွာနေလို့ ကျမ မိုးကာအင်္ကျီကို ၀တ်ထားလိုက်တယ်။ အဲဒီတုန်းက ကျမက မဇ္ဈိမ သတင်း ထောက်လေ။ ကျမ သူငယ်ချင်းက ဧရာဝတီသတင်းထောက်ပါ။

ကျမနေတဲ့ နေရာကို ရောက်ဖို့ တော်တော်လေး နီးနေပါပြီ။ အဲဒီအချိန်မှာ ကျမတို့ ဆိုင်ကယ်ဘေးက ကပ်မောင်းလာတဲ့ ကားတစီးက အချက်ပြမီး မပြဘဲ ရုတ်တရက် ဘယ်ဘက်ကို ထိုးကွေ့ပစ်လိုက်တယ်။ ကျမတို့ ဆိုင်ကယ်လည်း အရှိန်နဲ့မောင်းလာတော့ သူ့ကားကို ၀င်ကျုံးမိပြီး ဆိုင်ကယ်ရော လူရော ကတ္တရာလမ်းဘေးကို အရှိန်နဲ့ ပါသွားတယ်။ ကျမ လက်တွေကို ကြည့်လိုက်တော့ ကျောက်စလစ်ခဲတွေက လက်ဖ၀ါးအပြည့် အသားထဲ စူးဝင်နေတာ၊ သွေးတွေက မိုးရေတွေနဲ့ ရောနေတယ်။ ကျမ သူငယ်ချင်းက ဘောင်းဘီတို ၀တ်ထားတော့ ဒူးခေါင်းမှာ သွေးတွေက ရဲနေတာပဲ။ တံတောင်ဆစ်မှာလည်း ပွန်းရာ ခြစ်ရာတွေနဲ့ချည်း။

ကျမ ချက်ခြင်း ထသွားလိုက်တယ် ကားသမားဆီကို။ နက်ပြာရောင် ကားကြီးက ဟိတ်ဟန်အပြည့်နဲ့။ ကားက ရပ်တော့ထားပါတယ်။ လူကတော့ အောက်ကို ဆင်းမလာဘူး ။ ကျမ ကားတံခါးကို ဆွဲဖွင့်လိုက်တယ်။ ပွင့်မလာဘူး၊ အထဲကနေ လော့ခ်ချထားတယ်။ ကားသမားက ကားမှန်ကို တဖြည်းဖြည်း ဖွင့်တယ်။ ပြီးတော့ သူ့ကိုယ်သူ မိတ်ဆက်တယ်၊ I am police တဲ့။ သူ ၀တ်ထားတာက အရပ်ဝတ်ပါ။ ဒါပေမယ့် ကားထဲမှာ ရဲဝတ်စုံနဲ့ ခါးထိုး ပစ္စတိုတလက် ပါတယ်။ ကြည့်ရတာ ရိုးရိုးပုလိပ် မဟုတ်ဘူး။ ကားထဲမှာ ချိတ်ထားတဲ့ ရဲဝတ်စုံက ရင်ဘတ်မှာ တံဆိပ်တွေ၊ ကြယ်တွေ စုံနေတာ။ ကျမ ကြောက်မနေဘူး။ ခင်ဗျား ကားပေါ်ကနေ ကျေးဇူးပြုပြီး ဆင်းခဲ့လိုက်ပါလို့ ပြောလိုက်တယ်။

ကျမ သူငယ်ချင်းတယောက်တော့ သူ့ဆိုင်ကယ်ကို ကြည့်လိုက်၊ သူ့ဒဏ်ရာတွေကို တလှည့် ပြန်ကြည့်လိုက်နဲ့ ၀ိုင်းကြီးပတ်ပတ် ဒူဝေေ၀ လုပ်နေတုန်း။ ကျမ အဲဒီရဲကို ပြောလိုက်တယ်။ ခင်ဗျားက အရာရှိတယောက် ဖြစ်ပြီး ခင်ဗျား အရင် စမှားတာ။ ခင်ဗျားတို့ရဲတွေက သာမန်လူတွေထက် စည်းမျဉ်း စည်းကမ်းကို နားလည်ရမယ် ဆိုတာ မသိဘူးလား။ ရဲက ကျမကို ပြန်မေးတယ်။ Where you from တဲ့။ ထိုင်းနိုင်ငံမှာ ကြုံတွေ့ခဲ့ရတဲ့ အဖြစ်အပျက်တွေကို ကြည့်လိုက်ရင် ကျမဟာ မြန်မာနိုင်ငံသား တယောက်ပါလို့ ဒီအချိန်မှာ ပြောဖို့ မဖြစ်နိုင်ဘူးလို့ ကျမကိုယ်ကျမ သဘောပေါက်တယ်။ ဘန်ကောက်မှာ တက္ကစီ စီးတုန်းကလည်း မြန်မာပြည်ကပါလို့ ပြောခဲ့လို့ လူကုန်ပွဲစားတွေ အမဲဖျက်၊ အမြတ်ထုတ်ဖို့ ကြိုးစားခဲ့တာကိုလည်း ကြုံခဲ့ရဖူးပြီ။ ဒီတခါတော့ မြန်မာနိုင်ငံသားပါလို့ ပြောမနေချင်တော့ဘူး။ မကြောက်မရွံ့ ရင်ဆိုင်ဖြေရှင်းဖို့ကသာ အဓိက။

မိုးရေ ထိမှာစိုးလို့ အနက်ရောင် သားရေနဲ့ ဖုံးအုပ်ထားတဲ့ ပတ်စ်ပို့ကို ကိုင်မြှောက်ပြီး သူ့ကိုပြောလိုက်တယ်။ ကျမ စင်ကာပူက လာတာပါ။ ဒီကိစ္စမှာ ကျမတို့ မမှားဘူး၊ ရှင်ပဲ မှားတာလို့ ပြောချလိုက်တော့ သူ့ဘက်က ဘာပြောလို့ ပြောရမှန်းမသိ ဖြစ်သွားပုံရတယ်။ ဒီအချိန်မှာ ရဲရင့်ခြင်းကို တွန်းပို့နိုင်တဲ့ အကောင်းဆုံး လက်နက်က သူ့ကို စိုက်ကြည့်ဖို့ပဲ။ ဟုတ်တယ်၊ Eye Contact က သိပ်အရေးကြီးတာ။

မိုးတွေက စဲလိုက် သည်းလိုက်နဲ့ ရပ်တယ်လို့ မရှိဘူး။ ကျမ သူငယ်ချင်းတယောက် သူ့ဆိုင်ကယ်အနားက မခွာတော့ဘူး။ ဆိုင်ကယ်ကလည်း တော်တော် ပျက်စီးသွားတယ်။ စက်နိုးလို့ မရတော့ဘူး ။ နောက်ကြည့်မှန် ကွဲသွားတယ်။ ခြေနင်းဘရိတ်ရော ကလပ်ပါ အကုန် ကျိုးကုန်တယ်။ ပိုဆိုးတာက သူ့ဆိုင်ကယ်လည်း မဟုတ်ပြန်။ သူများဆီက လပေးနဲ့ ငှားသုံးနေတာ။ ပြန်ပြင်လိုက်ရင်တောင် အနည်းဆုံး ဘတ် ၅၀၀၀ ပြေးမလွတ်ဘူး။

ရဲအရာရှိက ကားပေါ်ကနေ ဆင်းလိုက်ပြီး ကျမကို လက်ညှိုးထိုးပြတယ်။ စတိုးဆိုင်ကြီး တဆိုင်ကိုပါ။ အဲဒီဆိုင်က သူ့ဆိုင်ပါ တဲ့၊ အပြင်မှာ မိုးတွေရွာနေတယ်လို့ ပြောပြီး ခပ်သွက်သွက်လေး ဆိုင်ထဲကို ၀င်သွားတယ်။ ကျမ အပြင်မှာ ကျန်နေခဲ့တယ်။ ဆိုင်ထဲမှာ ဘိုစာတွေ။ ပေါင်မုန့်၊ ကိတ်မုန့်၊ ဟမ်ဘာဂါ အစုံစုံ။

ဆိုင်ထဲက လူတယောက် ထွက်လာပြီး ကျမကို လာပြောတယ်။ ပိုက်ဆံ ဘယ်လောက် လိုချင်တာလဲ တဲ့။ ကျမလည်း သူငယ်ချင်းကို လှမ်းခေါ်လိုက်တယ်။ ဟဲ့.. ဟိုတယောက် အဲဒီ ဆိုင်ကယ်ကြီးပဲ ကြည့်ပြီး ကြေကွဲမနေနဲ့၊ လာခဲ့ဦး။

ကျမ သူငယ်ချင်းက ပြေးလာတယ်။ သူတို့ဘာပြောနေလဲ … တဲ့။ အေး … သူတို့ပြောတာက ပိုက်ဆံ ဘယ်လောက်လိုချင်လဲ … တဲ့။ အဲဒါ အစ်ကို ဘယ်လောက် တောင်းချင်လဲ၊ ပြောလိုက် ဒီလူကြီးကို။ ကျမအဲဒီလိုလည်း ပြောရော သူငယ်ချင်းက လက်နှစ်ချောင်း ထောင်ပြီး ပြောလိုက်တယ်။ twenty thousand … နှစ်သောင်း၊ နှစ်သောင်း။

ကျနော်တို့ ဘော့စ်မှာ အဲဒီလောက် မရှိပါဘူး ။ သူက တထောင်ပဲ ပေးနိုင်မယ်လို့ ပြောနေတယ် ခင်ဗျ။ ဘယ်လိုလဲ ခင်ဗျားတို့ ကျေနပ်လား တဲ့။ No, no, no … ကျမတို့ နှစ်ယောက်စလုံး ပြိုင်တူ ခေါင်းခါပစ်လိုက်တယ်။ ရဲအရာရှိက ဆိုင်ထဲကနေ ခုထိ အပြင်ထွက်မလာသေးဘူး။ ကျမ သူငယ်ချင်းကလည်း သူ့အသိကို ဖုန်းဆက်ဖို့ လုပ်နေတယ်။ သူ့အသိက ထိုင်းစကား ပြောဆိုတတ်တော့ နည်းနည်းပါးပါး ညှိလို့ ရနိုင်ပါတယ်။ ကျမလည်း သူ့ကို လှမ်းသတိပေးရသေးတာ။ ငါ့ကိုယ်ငါ စင်ကာပူလို့ ပြောထားတာ။ နင်လည်း ဖိလစ်ပိုင်လို့ ပြောထား၊ ကြားလား။ ငါ အထဲကိုဝင်ပြီး ရဲကြီးကို ခေါ်ထုတ်လာမယ်။

ကျမ ဆိုင်ခန်းတံခါးကို တွန်းဖွင့်ပြီး အထဲကို ၀င်ချသွားလိုက်တယ်။ ပြီးတော့ ရဲကို ထွက်လာခဲ့တော့လို့ ပြောလိုက်တယ်။ အရာရှိကြီးလည်း နည်းနည်း ပျာနေတယ်။ ထွက်တော့ ထွက်လာသားပဲ။ ကျမသူငယ်ချင်းက ရဲကြီး လာနေတာကို မြင်တော့ အရင်ဆုံး ကွမ်းတံထွေးကို ထွေးထုတ်ပစ် လိုက်တယ်။ ပြီးတော့မှ I’m from Philippine, you know , you know တဲ့။ ရဲက နည်းနည်း လန့်သွားတယ်။ ဖြစ်နိုင်ရင်၊ ဆိုင်ကယ်ကြီးပါ စကားပြောတတ်ရင် ကောင်းသား။ အင်အားတောင့်တာပေါ့။

ကျမသူငယ်ချင်းက သူ့အသိကို ဖုန်းဆက်တယ်။ ဟေ့ရောင် လုပ်ဦးကွ၊ ငါတို့ ဆိုင်ကယ် အက်ဆီးဒင့် ဖြစ်လို့၊ အဲမလီလည်း ပါတယ်။ ငါကတော့ နှစ်သောင်း တောင်းထားတယ်ကွာ၊ ငါ့ဆိုင်ကယ်က ရစရာကို မရှိတော့ဘူး။ ငါ့ ဒူးခေါင်းတွေလည်း စုတ်ပြတ်သပ်နေတာပဲ။ မင်း အဆင်ပြေအောင် ပြောလိုက်ပါ ဆိုပြီး ရဲကို ဖုန်းထိုးပေးလိုက်တယ်။ သူ့အသိနဲ့ ရဲအရာရှိ အပြန်အပြန် အလှန်လှန် ပြောနေကြတယ်။ ခဏကြာတော့ ရဲက ဖုန်းကို ကျမ သူငယ်ချင်းဆီ ထိုးပေးလိုက်ပြန်တယ်။ ဟေ့ရောင် သူဘာပြောလဲ တဲ့၊ သူငယ်ချင်းက မေးလိုက်တယ်။ မင်းကွာ ထိန်းထိန်းသိမ်းသိမ်းလည်း လုပ်ပါဦး၊ လျှော့လျှော့ပေါ့ပေါ့လည်း တောင်းပါဦး။ မင်း ၀င်တိုးတဲ့ ငနဲကြီးက အရာရှိကြီးကွ။ ဒီတော့ ဘတ် ၃၀၀၀ နဲ့ပဲ ကျေအေးလိုက်တော့ကွာ။ ငါလည်း ထပ်မညှိရဲဘူး တဲ့။

နောက်ဆုံး ကျမတို့ချည်းပဲ ညှိလိုက်တာ ဆိုင်ကယ်ကို work shop ပို့ပြီး ပြန်ပြင်ပေးမယ်၊ ဒဏ်ရာအတွက် ဆေးတွေလည်း ၀ယ်ပေးမယ် ဆိုပြီး သဘောတူလိုက်ကြတယ်။ ဒါနဲ့ပဲ ကားပေါ်တင်ဖို့ ကျမ သူငယ်ချင်းက ဆိုင်ကယ်ကြီးကို မ နေတယ်။ ကျမလည်း မနေသာတော့ဘူး။ အရာရှိကြီးရဲ့ လက်ကို ဆွဲပြီး ပြောလိုက်တယ်။ ကျေးဇူးပြုပြီး တချက်လောက် ကူ မ ပေးလိုက်ပါလို့။

ဆိုင်ကယ်ပြင်ဆိုင် ရောက်တော့ လိုချင်တဲ့ ပစ္စည်းကို ရွေးခိုင်းတယ်။ ကျမ အားတော့ နာတယ်၊ ဆိုင်ကယ်က နဂိုကတည်းက အဟောင်းကြီးရယ်။ ဒါပေမယ့် ကျမ သူငယ်ချင်းကတော့ တခုပြီး တခု လက်ညှိုးထိုး ပြနေတယ်။ ဈေးနှုန်းထွက်လာတော့ အားလုံးပေါင်းမှ ဘတ် ၈၀၀ ကျော်ထဲရယ်။ ရဲက ကျမဘက် လှည့်ပြီး ပြောလိုက်တယ်။ ငါပေးဖို့ပြောတာ သုံးထောင်နော်။ ကြည့်စမ်း အခုက ၈၀၀ ကျော်လေးပဲ။ မင်းက ငါပြောတာကို လက်မခံဘူး တဲ့။ ကျမလည်း ပြန်ပြောလိုက်တယ်။ ရှင်က ရဲအရာရှိလေ၊ ဆိုင်ရှင်တွေက ရှင့်ကို ဖားရတာပေါ့။ ကျမတို့ချည်း လာပြင်ကြည့်ပါလား။ ဈေးက ခေါင်ခိုက်နေတာ။

နောက်ထပ် ကျမတို့ ဆေးဆိုင်လည်းရောက် ပြန်တော့ ဆိုင်က ဒဏ်ရာတွေ ကြည့်ပြီး လိုအပ်တဲ့ဆေးတွေ ၃ ရက်စာစီ ထည့်ပေးလိုက်တယ်။ အားလုံးပေါင်းမှ ဘတ် ၆၀၀ ကျော်ပါ။ ဆေးတွေ ၀ယ်ပြီးလို့ ၀ပ်ရှော့ကို ပြန်ရောက်တော့ ဆိုင်ကယ်လည်း ပြင်လို့ ပြီးတော့မယ်။ သူငယ်ချင်းက ကျမကို လက်တို့ပြီး ပြောနေတယ်။ ငါတော့ မကျေနပ်နိုင်သေးဘူး။ ငွေတထောင်လောက် ထပ်တောင်းချင်သေးတယ်။ ငါတို့ဒဏ်ရာတွေ မပျောက်ရင် ဘယ်လိုလုပ်မလဲ၊ ဒီဆေးတွေက သုံးရက်စာပဲ ရှိတာ။ ကျမ တားပါတယ်။ ဒါပေမယ့် သူကလည်း ဇွတ်ပဲ။ သူ့ဒဏ်ရာတွေကို ဆွဲဖြဲပြနေတယ်။ ဘတ်ငွေ တထောင် ထပ်တောင်းတယ်။ ဒီဆေးတွေက မလောက်နိုင်ဘူးပေါ့။ အပြင်ဒဏ်ရာက မသိသာပေမယ့် အထဲမှာ ဘာဖြစ်နေတယ်ဆိုတာ မသိရသေးဘူးပေါ့။ ရဲအရာရှိကလည်း လုံးဝ လက်မခံ။ ကျမလည်း သူ့ဘက်ကနေ ပြောကူပါသေးတယ်။

သိပ်မကြာဘူး၊ ရဲသားတယောက် ရောက်လာပြီး ရဲကြီးကို အလေးပြုတယ်။ ရဲအရာရှိကလည်း ဖြစ်စဉ်တွေကို ရှင်းပြနေမှာပေါ့။ ဒီတော့ ရဲသားက အသံမာမာနဲ့ ခင်ဗျားတို့ကို ကျနော်တို့ ဗိုလ်ကြီးက ဒီလောက် လုပ်ပေးတာတောင် မကျေနပ်ရင် ရဲစခန်း လိုက်ခဲ့ကြ တဲ့။ ပြောပြောဆိုနဲ့ သူတို့ အားလုံး ရဲစခန်းဘက်ကို ဦးတည်ပြီး သွားနေကြတယ်။ ရဲစခန်းက ဝေါရှော့ဆိုင်ကနေဆို မြင်နေရတာလေ။

မဖြစ်တော့ဘူး ပြဿနာက ကြီးတော့မယ်။ ဘယ်လို လုပ်ရပါ့။ Wait, wait ကျမ လှမ်းပြောလိုက်တယ်။ ရှင်တို့က ပြီးပြတ်တော့မယ့် ကိစ္စကို အမှုကြီးအောင် လုပ်နေတာလား။ ဘာဖြစ်လို့ ရဲစခန်းထိ သွားရှင်းချင်ရတာလဲ။ ကျမ အဲဒီလိုလည်း ပြောလိုက်ရော ရဲကြီးက ပြန်လှည့်လာပြီး ဟုတ်တယ်၊ မသွားတော့ဘူး။ ငါ့မှာလည်း ဒါပဲ ကျန်တော့တယ်။ ရော့ ဒီမှာ ၃၀၀။ ကျေနပ်ကြတော့နော် တဲ့။

ကိစ္စတွေလည်း အားလုံးပြီးသွားပြီ၊ ဆိုင်ကယ်လည်း ပြင်ပြီးသွားပြီ။ ရဲကလည်း လက်ဆွဲနှုတ်ဆက်ပြီး လစ်ပြီ။ ငါကွ..ငါကွ တဲ့ ကျမ သူငယ်ချင်းက ထပြီး ကြုံးဝါးတော့တယ်။ ကျမလည်း ဒီတော့မှ ရင်ထဲက အလုံးကြီး ကျသွားတော့တာ၊ လက်ဖ၀ါးတွေက တဆစ်ဆစ်နဲ့ နာကျင်နေမှန်း သိလာတယ်။

ဘာဖြစ်ဖြစ်ပါ၊ ဘ၀ မာတိကာပေါ်မှာ လောင်မြိုက်ရမယ့် ဒုက္ခတွေ ရောပြွန်းနေပေမယ့် အမှားပြင်ဆင်ချက်တွေနဲ့သာ ပြန်ပြီး အစား ထိုးနိုင်မယ် ဆိုရင် အခက်အခဲ ပြဿနာတိုင်းမှာ ထွက်ပေါက် အရင်ရှာဖို့ မလိုပါဘူး၊ ရင်ဆိုင်ဖို့သာ အဓိက။