“ ကျွန်တော်တို့ ရခိုင်မှာ ဆားလုပ်ငန်းနဲ့ လုပ်ကိုင် အသက်မွေးသူ လူပေါင်း သုံးသောင်းခန့်ရှိပါ တယ်။ ဧရာဝတီမှာတော့ ငါးသောင်း ကျော်ရှိတယ်လို့ သိ ရပါတယ်။ အခု ဆားလုပ်ငန်းက သုံးနှစ်ဆက်တိုက် အရှုံးပေါ်နေတဲ့ အတွက် ဒီနှစ် ဆားရာသီက စနေပြီ ဖြစ်ပေမယ့် ဆားတောင်သူတွေက ဆားလုပ်ငန်း ကို လုပ်ကိုင်ဖို့ မ၀ံ့ရဲဘဲ ဖြစ်နေကြပါတယ်” ဟု သူက ဆိုသည်။
ရခိုင်တွင် ဆားလုပ်ငန်းကို မိုးအကုန် ဆောင်းရာသီ အတက်တွင် စတင်လေ့ ရှိသည်။ ယခုအခါ ဆောင်းရာသီ ရောက်ရှိနေပြီ ဖြစ်သော် လည်း ဆားလုပ် ငန်းကို မစတင်နိုင်ဘဲ ဖြစ်နေကြသည်။
ရခိုင်ပြည်နယ်တွင် တင်ကျန်နေသော ဆားတန်ချိန်ပေါင်းမှာ တောရောမြို့ပါ တန်ချိန် (၇) သောင်းခန့်ရှိနေပြီး ရောင်းမစွံသဖြင့် ဆား တောင် သူများ အခက်တွေ့နေရသည်ဟု ဆိုသည်။
“ ကျွန်တော်တို့ ဘင်္ဂလာဒေခ်ျ့ကို တင်ပို့ဖို့ ကြိုးစားကြည့်ပါတယ်။ အခုအချိန်ထိ တန်ချိန် ၃၅၀၀ ဘဲ တင်ပို့နိုင်ပါတယ်။ နောက်ထပ် တန်ချိန် ၇၀၀၀ လောက် တင်ပို့နိုင်မလားလို့ ဘင်္ဂလာဒေခ်ျ့က ကုန်သည် တွေနဲ့ ညှိနိုင်းနေပါတယ်။ ဒါပေမယ့်သူတို့ကဈေးလျှော့ခိုင်းနေတဲ့အတွက် အခု အခက် တွေ့နေရပါတယ်” ဟု သူက ဆိုသည်။
ရခိုင်ဘက်က ထုတ်လုပ်သော ဆားမှာ ရွှံ့များ ရောပါပြီး ဘင်္ဂလာဒေခ်ျ့ ဈေးကွက်တွင် ရောင်းချ၍ မရသဖြင့် အ၀ယ်မလိုက်ရာမှ ထပ်မံ ဈေး လျှော့ရန် ဘင်္ဂလာဒေခ်ျ့ဘက်က တောင်းဆိုလာခြင်း ဖြစ်သည်ဟု ဆိုသည်။
“ ကျွန်တော်တို့ အရင်က စက်လှေပေါ် အရောက် တပိသာ ၆၀ ကျပ် ဈေးနဲ့ ပို့နေတာပါ။ ဒါကို ၅၅ ကျပ်ထိ လျှော့ပေးရမယ်။ ပီးရင် အမျိုးမျိုး အခွန်အခတွေလည်း ကျွန်တော်တို့ဘက်က ခံနေရပါတယ်။ ရောင်းစရာ နေရာမရှိတော့လည်း ရတဲ့ ဈေးနဲ့ဘဲ ရောင်းနေကြရပါတယ်” ဟု ဆို သည်။
ရခိုင်ပြည်နယ်မှ ဆားတောင်သူများမှာ အလွန်ဆင်းရဲကြသဖြင့် ခေတ်မှီ နည်းစနစ်များကို အသုံးပြုပြီး ဆားမထုတ်လုပ်နိုင်ကြရာမှ ရခိုင် က ထုတ်သော ဆားကြမ်းများမှာ အဆင့်မမှီ အရည်အသွေး မကောင်းသဖြင့် အိမ်နီးချင်း နိုင်ငံများသို့ပင် တင်ပို့ ရောင်းချနိုင်ခြင်း မရှိဘဲ ဖြစ်နေ သည်။
မာန်အောင်မြို့နယ် ရဲကျွန်းမှ ဆားတောင်သူ တစ်ဦးကို ဘင်္ဂလာဒေခ်ျ့နှင့် မြန်မာဘက်က ဆားထုတ်လုပ်ငန်း ကွာခြားပုံကို မေးမြန်း ကြည့် ရာ သူက ယခုလို ရှင်းပြသည်။
“ ကျွန်တော်တို့ ရခိုင်ဆားတောင်သူတွေက ဘင်္ဂလာဒေခ်ျ့မှာလို ပလစတစ်အစတွေကို နေလှမ်းတဲ့ အခါ ဆားကွင်းတွေမှာ မခင်းနိုင်ဘူး။ ပ လစတစ် အစတွေက ဈေးကြီးတဲ့ အတွက် မ၀ယ်နိုင်ဘူး။ ပလစတစ် မခင်းနိုင်တဲ့ အတွက် မြေ ကြီးပေါ်မှာဘဲ ဆားငံရေတွေကို ဒီအတိုင်း နေ လှမ်းရတော့ ဆားထဲမှာ ရွှံ့တွေ ရောပါတာ ဖြစ်ပါတယ်။ ဘင်္ဂလာဒေခ်ျ့မှာက ဆားကွင်း တွေ အကုန်လုံးမှာ ပလစတစ် အစတွေကိုခင်းပြီး နေလှမ်းနိုင်တော့ ဆားတွေမှာ ရွှံ့မပါဘဲ အကောင်းရတဲ့ သဘောပါ” ဟု ဆို သည်။
မြန်မာ အစိုးရမှ ရခိုင်ပြည်နယ် ဆားလုပ်ငန်း တိုးတက်ရန် အကြံအဥာဏ်များနှင့် နည်းပညာများ ဖြန့်ဖြူးပေးသော်လည်း ရခိုင်ဆား တောင် သူများမှာ အရင်းအနှီး မရှိသဖြင့် အကောင်ထည်ဖေါ် မဆောင်ရွက်နိုင်ဘဲ ဖြစ်နေသည်ဟု ဆားလုပ်ငန်း အသင်း လူကြီးမှ ဆက် ပြောသည်။
“ အစိုးရပိုင်းက အကြံအဥာဏ်တွေ ပေးတာတွေရှိသလို နည်းပညာပိုင်းတွေကို သင်ပြတာလည်း ရှိပါ တယ်။ ခက်တာက ဒီလို နည်းစနစ်တွေ ကို သုံးမယ်ဆိုရင် အရင်းအနှီးတွေ လိုတယ်။ ရခိုင်ဆားတောင်သူတွေမှာက အရင်းအနှီး မရှိဘူး။ ခုလို အခြေအနေမျိုးမှာ နှစ်စဉ်နှစ်တိုင်းအရှုံး ပေါ်နေတော့ ဆားတောင်သူတွေက သူတို့ လုပ်ငန်းကို သူတို့ ပြန်စဖို့တောင် အနိုင်နိုင် ဖြစ်နေပါတယ်” ဟု ဆိုသည်။
ရခိုင်ပြည်နယ်သည် မြန်မာနိုင်ငံတွင် ဆားအဓိက ထုတ်လုပ်သော ပြည်နယ်များထဲမှ တစ်ခု ဖြစ်သော်လည်း ယခုအချိန်ထိ ဆားသန့် စင်သော စက်ရုံ မရှိသေးသလို ရွှံ့ပါသော ဆားကိုလည်းစနစ်တကျ အရောင် ချွတ်နိုင်ခြင်း မရှိသေးကြောင်း သိရသည်။
ယခုကဲ့သို့ ရခိုင်ပြည်နယ်မှ အဓိက ကုန်ထုတ်လုပ်ငန်း တစ်ခု ဖြစ်သော ဆားလုပ်ငန်းမှာ အရှုံးပေါ်ပြီးပျက်စီးလုနီးပါးအခြေအနေသို့ ရောက် ရှိနေသဖြင့် နိုင်ငံတော် အစိုးရပိုင်းမှ အရင်းအနှီးများ စိုက်ထုတ်ကာ ရခိုင် ဆားလုပ်ငန်းကို ကျားကန်ပေးရန် ရခိုင် ဆားတောင်သူ များက လိုလားနေကြသည်ဟု ဆိုသည်။
No comments:
Post a Comment