Friday, August 31, 2012

ဖားကန့် ပေါက်ကွဲမှု အစိုးရတပ်ဖွဲ့ဝင် ၇၀ ကျော် သေဆုံးဟုဆို

ကျော်ခ

ကချင်ပြည်နယ်၊ ဖားကန့်မြို့နယ်ထဲတွင် အစိုးရတပ်များနှင့် ကချင်လွတ်လပ်ရေး တပ်မတော် (KIA) တိုက်ပွဲကြောင့် ယမ်းဂိုဒေါင်တခု ပေါက် ကွဲခဲ့ကာ အစိုးရတပ်မှ တပ်ဖွဲ့ဝင် ၇၀ ကျော် ကျဆုံးသွားကြောင်း KIA မှ အရာရှိတဦးက ပြောသည်။

သြဂုတ်လ ၂၉ ရက်နေ့က ဖားကန့်မြို့နှင့် ၄ မိုင်ခန့်အကွာ စိုင်းဂျာဘုံကျေးရွာ၏ အရှေ့ဘက်ရှိ ဝေအောင်ကမ္ဘာ ကျောက်စိမ်းတူးဖော်ရေး ကုမ္ပ ဏီအနီးတွင် အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ရင်းနှင့် KIO တပ်မဟာ ၂ လက်အောက်ခံတပ် ရင်း ၆ တပ် ဖွဲ့တို့ တိုက်ပွဲဖြစ်ပွားရာမှတဆင့် ယမ်းဂိုဒေါင်ပေါက်ကွဲကာ ကုမ္ပဏီအဆောက်အအုံကို အကာကွယ်ယူ တိုက်ခိုက်နေသော အစိုးရတပ်များ သေ ဆုံးသွားခဲ့ခြင်း ဖြစ်သည်ဟု သိရသည်။

“သူတို့တပ်တွေနဲ့ ကျနော်တို့ တပ်တွေက မျက်နှာချင်းဆိုင် သတိအနေအထားနဲ့ တိုက်နေတဲ့အချိန် ကုမ္ပဏီကို အကာကွယ်ယူပြီး သူတို့က တိုက်တယ်။ ကျနော်တို့ ပစ်လိုက်တဲ့ ပစ်မှတ်က ကုမ္ပဏီဘက်ကျပြီး ယမ်းစိမ်းတွေ လှောင်ထားတဲ့ ဂိုဒေါင်ပေါက်ကွဲသွားတော့ အုပ်စုလိုက် ကျကုန်တာ” ဟု KIA တပ်မဟာ ၂ လက်အောက်ခံ ရှေ့တန်း စစ်မြေပြင်မှ ဗိုလ်ကြီး လ ဒွဲက ဧရာဝတီသို့ ပြောသည်။

ပေါက်ကွဲမှုကြောင့် ကုမ္ပဏီအဆောက်အအုံများ အားလုံးနှင့် ကျောက်စိမ်းတူး စက်ကိရိယာများ ပျက်စီးကုန်ကြောင်း၊ ထို့အတူ KIA တပ် သား အချို့လည်း ဒဏ်ရာရရှိခဲ့ကြောင်း သိရသည်။ ပေါက်ကွဲမှုဖြစ်ပွားခဲ့သော ယမ်းများမှာ ၃ တန်အထက်တွင် ရှိကြောင်း KIA ရှေ့တန်း တပ်ဖွဲ့များက ခန့်မှန်းပြောဆိုသည်။

သိုလှောင်ထားသော အဆိုပါယမ်းများသည် ကျောက်စိမ်းတူးဖော်ရာတွင် စက်များဖြင့် ဖြိုခွဲ၍ မရသော ကျောက်တုံး ကျောက်ဆောင်များ ကို ဖောက်ခွဲရန် အတွက် အသုံးပြုသည့် ယမ်းများဖြစ်ကြောင်း သိရသည်။

ပေါက်ကွဲမှုဖြစ်ပွားရာ နေရာသို့ နောက်တနေ့တွင် KIA တပ်ရင်းတပ်ဖွဲ့များ သွားရောက် စစ်ဆေးရာ တွင် အစိုးရတပ်ရင်းမှ ကျဆုံးသွားသော တပ်ဖွဲ့ဝင်များ၏ ရုပ်အလောင်း ၂၀ ကျော်နှင့် ရုရှားနိုင်ငံထုတ် ၇၃ မမ ဒုံးကျည်အခွံများ၊ ပျက်စီး နေသော လက်နက်များတွေ့ရှိခဲ့ရကြောင်း ရုပ်အလောင်းအများစုမှ ပေါက်ကွဲမှုကြောင့် မြေဖုံးလွှမ်းသွားကြောင်း ဗိုလ်ကြီး လဒွဲက ပြော သည်။

ပေါက်ကွဲမှုဖြစ်ပွားခဲ့သော ကုမ္ပဏီအနီးရှိ စိုင်းဂျာဘုံ၊ ဗလခ၊ မြောက်ဖြူ၊ ရှရှော်ခ စသည့် ကျေးရွာများရှိသော်လည်း ထိုကျေးရွာခံများကို ယခု လ ၂၄ ရက်နေ့ မတိုင်ခင်ကတည်းက နှစ်ဖက်တပ်များက သတိပေးထားသဖြင့် ဖားကန့်မြို့ပေါ်သို့ ရွှေ့ပြောင်း ခိုလှုံနေကြသဖြင့် ဒေသခံ များ ထိခိုက်မှု မရှိခဲ့ကြောင်းသိရသည်။

ပေါက်ကွဲမှုအရှိန်ကြောင့် အနီးရှိကျေးရွာများမှ အိမ်တချို့ ပြိုကျပျက်စီးကုန်ကြောင်း လုံးခင်းကျေးရွာသူတဦးက ပြောသည်။ ထို့အတူ ပြင် ထန် သည့် ပေါက်ကွဲမှု၏ တုန်ခါမှုကြောင့် ဖားကန့်မြို့ပေါ်ရှိ အဆောက်အအုံတချို့မှ မှန်ပြတင်းတခါးများလည်း ပျက်စီးကုန်ကြောင်း မြို့ခံများက ပြောသည်။

ဗလခ ရွာသူတဦးကလည်း “ကျမတို့ ဈေးဆိုင်ပေါ်ကိုလည်း ခဲလုံးတွေကျလို့ ပျက်စီးကုန်တယ်လို့ အစောင့်ကျန်ခဲ့တဲ့ လူတွေက တဆင့်သိ ရတယ်။ ပြန်တော့ မကြည့်ဖြစ်ဘူး။ ရွာကလူတွေက မြို့ပေါ်ကို အကုန်လုံးလိုလို ထွက်ပြေးလာ တော့ လူတွေတော့ ထိခိုက်မှု မရှိပါဘူး” ဟု ပြောသည်။

ပေါက်ကွဲမှု၊ သေဆုံးမှုများနှင့် ပတ်သက်၍ နှစ်ဖက်အတည်ပြုနိုင်ရန် အနီးစပ်ဆုံးဖြစ်သော ဖားကန့်မြို့နယ် ရဲစခန်းကို ဧရာဝတီက ဆက် သွယ် မေးမြန်းခဲ့ရာ ပေါက်ကွဲမှုကို အတည်ပြုသော်လည်း မြို့တွင်းလုံခြုံရေးကို ဂရုစိုက်နေရသဖြင့် အစိုးရတပ်များ ကျဆုံးမှုကို သိရှိခြင်း မရှိ ကြောင်း ဖြေကြားသည်။

သို့သော် ပြည်တွင်း အခြေစိုက် The Voice Weekly ဂျာနယ်၏ Facebook စာမျက်နှာတွင် အဆိုပါ ပေါက်ကွဲမှုသည်KIA အဖွဲ့များထောင်ထား သည့် အတွဲလိုက်ပေါက်ကွဲသော မိုင်းပဒေသာ ပေါက်ကွဲမှုဖြစ်ကြောင်း၊ ထိုပေါက်ကွဲမှုတွင် အ စိုးရတပ် ခလရ ၂၆၉ မှ အရာရှိ ၆ ဦးအ ပါအဝင် စုစုပေါင်း ၄၈ ဦး ကျဆုံးသွားကြောင်း ဗန်းမော်အခြေစိုက် စစ်ဆင်ရေးနှင့် ကွပ်ကဲမှု ဌာနချုပ် (စကခ) (၂၁) ကို ကိုးကား၍ ဖော်ပြ ထားသည်။

ပေါက်ကွဲမှုဖြစ်ပွားပြီးနောက် အနောက်မြောက်တိုင်း စစ်ဌာနချုပ် လက်အောက်ခံ တပ်ရင်းများ၊ ဖားကန့်မြို့နယ်အတွင်းရှိစိုင်းတောင်၊ လုံး ခင်း နှင့် စမား စသည်နေရာများတွင် အခြေချထားသည့် အစိုးရတပ်စခန်းများကို လက်နက်ခဲယမ်းနှင့် တပ်အင်အားများ တိုးချဲ့နေ ကြောင်း ယခု အခါ နှစ်ဖက် အသင့်အနေအထားတွင် ရှိနေကြောင်း KIA က ပြောသည်။

ယခင်က ဖားကန့်မြို့နယ်ထဲတွင် အစိုးရတပ်များအနေဖြင့် KIA အပေါ် ယခုကဲ့သို့ ထိုးစစ်ဆင် တိုက်ခိုက်မှုများ မရှိခဲ့သော်လည်း ယခုလ ၂၄ ရက်နေ့မှ စတင်ကာ တိုက်ပွဲများ ဖြစ်ပွားခဲ့သဖြင့် ဒေသတွင်းရှိ ဗလခ၊ စိုင်းတောင်၊ မှော်မောင်းကုန်း၊ မှော်ဝန်းကြီး၊ မှော်ဝန်းလေး၊ ရှရော်ခ၊ စိုင်းဂျာဘုံ၊ လမောင်းကုန်း၊ မြောက်ဖြူနှင့် သန်းကြွယ် အပါအဝင် ကျေးရွာပေါင်း ၂၀ ကျော်မှ ဒေသခံ ၈ ထောင်ကျော်သည် အိုးအိမ်များကို စွန့်ကာ ဖားကန့်မြို့ပေါ်ရှိ ကယ်ဆယ်ရေး စခန်းများတွင် ခိုလှုံနေကြသည်။

ABSDF မြောက်ပိုင်း သတင်းစာ ရှင်းလင်းပွဲ ရန်ကုန်တွင် ကျင်းပ

လင်းသန်

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး(ABSDF) မြောက်ပိုင်းဒေသ၌ ဖြစ်ပွားခဲ့သော သတ်ဖြတ်မှုများနှင့် ပတ် သက် သည့် သတင်းစာရှင်းလင်းပွဲကို ယနေ့ နံနက်ပိုင်းက ရန်ကုန်မြို့ တော်ဝင်နှင်းဆီ ခန်းမတွင်ကျင်းပကြောင်း သတင်း ရရှိသည်။

အဆိုပါ သတင်းစာ ရှင်းလင်းပွဲကို ABSDFမြောက်ပိုင်း ရဲဘော်ဟောင်းများက ဦးဆောင်ကျင်းပခြင်း ဖြစ်ပြီး သြဂုတ်လ ၃၁ ရက်စွဲဖြင့် ကြေညာ ချက် တစောင်လည်း ထုတ်ပြန်ခဲ့သည်။

၁၉၉၁-၉၂ ခုနှစ်ကာလ ကချင်ပြည်နယ်ဝိုင်းမော်မြို့နယ် ပါဂျောင်ဒေသရှိ ABSDF မြောက်ပိုင်းစခန်း အကျဉ်းထောင်၌မတ ရား စွပ်စွဲခံရ ကာ ညှဉ်းပန်းနှိပ်စက်ခံရပြီး ကျဆုံးသွားသူများ၏ နစ်နာမှုကို ပြန်လည် ဖော်ထုတ်ပေးလိုကြောင်း၊ တရား ဥပဒေ လမ်းကြောင်းအရ ဖြေ ရှင်းသည် များကို အားပေးကူညီနိုင်ရေးတို့အတွက် သတင်းစာ ရှင်းလင်းပွဲကို ကျင်းပခြင်း ဖြစ်ကြောင်း ဦးဆောင် ကျင်းပသူ တဦးဖြစ် သည့် ABSDF မြောက်ပိုင်း ရဲဘော်ဟောင်း ကိုရဲလင်းက ဧရာဝတီကို ပြောသည်။

“သမိုင်းကြောင်းအမှန် ပေါ်ပေါက်ဖို့အတွက်လည်း သက်ဆိုင်ရာ တာဝန်ရှိတဲ့သူတွေက ကိုယ် ဆက် စပ် ပတ်သက်ခဲ့တဲ့ အနေ အထားတွေက နေပြီးတော့ မှန်ကန်တဲ့ အချက်အလက်တွေ ပေးပြီး ပူးပေါင်း ပါဝင်စေလိုတဲ့ ရည်ရွယ်ချက်တွေ လည်း ပါ ပါတယ်”ဟု သူက ဆိုသည်။

ယင်းဖြစ်ရပ်ကို သင်ခန်းစာယူ၍ အလားတူ ဖြစ်ရပ်မျိုး နောင်တွင် မဖြစ်ပေါ်စေရေး၊ အငြိုး အာဃာတ မထားဘဲ မိသားစု အားလုံးနှင့် တရား သဖြင့် အမှန်တရား ပေါ်ပေါက်ရေးကို ရည်ရွယ်လုပ်ဆောင်ခြင်း ဖြစ်သည်ဟု သူက ဆက်ရှင်းပြသည်။

အဆိုပါ ကြေညာချက်တွင် အခင်းဖြစ်ပွားချိန်က သေဆုံးခဲ့သည့် ဦးစိန်၏ သမီးဖြစ်သူ မစန်းစန်း အေးက သူ၏ဖခင် သေဆုံးမှုအတွက် အပြစ် ရှိသူများကို အရေးယူပေးရန် ရန်ကုန်တိုင်း၊ မြောက်ဥက္ကလာပမြို့နယ် ရဲစခန်း၌ သြဂုတ်လ ၁၉ ရက်နေ့က အမှုဖွင့် တိုင်ကြားမှုကို မြောက်ပိုင်း ရဲဘော်ဟောင်းများက တာဝန်သိစိတ်ဖြင့် ထောက်ခံကြောင်းလည်း ပါဝင်သည်။

တရားစွဲဆိုခဲ့သူ မစန်းစန်းအေးက ဖခင် ဦးစိန်သည် ၁၉၈၈ ခုနှစ်နောက်ပိုင်း ABSDF မြောက်ပိုင်းဒေသသို့ သွားရောက်ခဲ့ပြီး နောက် ၄င်းအား သတ်ဖြတ်ခံခဲ့ရသည်ကို သိခဲ့ရသော်လည်း အသေးစိပ်ကို မသိခဲ့ရကြောင်း၊ မကြာသေးခင်ကမှ ဖခင်သေဆုံး ရပုံကို သိခဲ့ရပြီးမှ တရားစွဲခဲ့ ကြောင်း၊ ထောက်ခံ ကူညီမှုများအတွက် အားတက်မိကြောင်း ဧရာဝတီကို ပြောသည်။

ထိုသို့သတင်းစာရှင်းလင်းပွဲ လုပ်၍ ကြေညာချက်ထုတ်သည့် ယနေ့နေ့လယ်ပိုင်းတွင်ပင် ယခင် ABSDF ဥက္ကဌဟောင်း ဒေါက် တာနိုင် အောင် သည်လည်း နှစ်ပေါင်း ၂၀ ကျော်အတွင်း ပထမဆုံး ပြည်တော်ပြန်ခရီး အဖြစ် ရန်ကုန်မြို့သို့ ရောက်ရှိလာချိန် နှင့် တိုက်ဆိုင်နေ သည်။

ကိုရဲလင်းက“ဒေါက်တာနိုင်အောင်တို့ အနေနဲ့ အဖြစ်အပျက်အမှန် ပေါ်ပေါက်ရေးအတွက် သက် ဆိုင်ရာ ၃ ပွင့်ဆိုင် သော် လည်းကောင်း ပေါ့၊ ညှိနှိုင်းဆွေးနွေးသင့်တယ် ဆိုတဲ့ လမ်းကြောင်းပေါ် တက်သင့်တယ်၊ ဥပဒေကြောင်းအရ ဖြေရှင်းကြတဲ့ ပြ ဿနာတွေမျိုးမှာလည်း ကိုယ်တာဝန်ရှိတဲ့ အနေအထားအလျောက် ဖြေရှင်းပေးရလိမ့်မယ်လို့ ကျနော်တို့ မြင်တယ်” ဟု ပြော သည်။

ရန်ကုန်လေဆိပ်သို့ ရောက်ရှိလာသော ဒေါက်တာနိုင်အောင်က ABSDF မြောက်ပိုင်းနှင့် ပတ်သက်၍ ထိုအချိန်က ဖြစ်ရပ် အပေါ် ၀မ်း နည်း ကြောင်း သတင်းထောက်များ၏ အမေးကို ပြန်လည်ဖြေကြားသည်။

“တရား ဥပဒေ စိုးမိုးမှု၊ ပွင့်လင်း ထင်သာမြင်သာမှုဖြစ်တဲ့ အခြေအနေရောက်ရင် အဲ့ဒီ ကိစ္စနဲ့ပတ် သက်ပြီးအဖြစ်မှန်ပေါ်ပေါက်ရေးကိုကျနော် တို့ ရှာဖွေလုပ်ဆောင်ချင်ပါတယ်။ အဲ့ဒီအတွက် အပြည့်အ၀ပူးပေါင်းပါဝင်မယ်လို့ ကျနော် ပြောလိုပါတယ်” ဟု ဒေါက်တာနိုင်အောင်က ဆို သည်။

ယနေ့ ရန်ကုန်မြို့သို့ ပြည်တော်ပြန် ရောက်ရှိလာသူများမှာ ဒေါက်တာ နိုင်အောင် အပါအ၀င် ဒေါက်တာ သောင်းထွန်း၊ ဦးညိုအုန်းမြင့်(NLD-LA)တို့ ဖြစ်သည်။

ဒေါက်တာနိုင်အောင် ပြောဆိုချက်အပေါ် ကြိုဆိုကြောင်း၊ ၄င်းအနေနှင့်လည်း ပါဂျောင် ဒေသတွင် ဖမ်းဆီးစစ်ဆေးခံရခဲ့ပြီး အချုပ်ကျခဲ့သူ ဖြစ်ကြောင်း၊ ဦးစိန် သေဆုံးမှုနှင့်ပတ်သက်၍ တရားဥပဒေအရ သက်သေထွက်ဆိုရာတွင်လည်း သိသည့်၊ မြင် သည့် အချက်များ ကိုသာ ထွက်ဆို မည်ဖြစ်ကြောင်း ကိုရဲလင်းက ပြောဆိုသည်။

ယနေ့ သတင်းစာရှင်းလင်းပွဲကို အခင်းဖြစ်ပွားမှုကြောင့် သေဆုံးသူများ၏ မိသားစုဝင်များ၊ သတင်းမီဒီယာသမားများ၊ စိတ် ၀င်စားသူများ တက်ရောက်ကြသည်။

၁၉၉၁-၉၂ ခုနှစ်က ကချင်ပြည်နယ် ပါဂျောင်ဒေသတွင် စစ်ထောက်လှမ်းရေးဟု စွပ်စွဲပြီးလူ ၁၀၀ ကျော်ကို ဖမ်းဆီး၍ ပြစ် ဒဏ်ပေး စီရင် မှု ဖြစ်ပွားခဲ့ရာABSDF မြောက်ပိုင်း ဥက္ကဌ ကိုထွန်းအောင်ကျော် အပါအ၀င် ၃၅ ဦး သေဆုံး၍လူ ၅၀ ကျော်မှာ တရုတ်ပြည်ဘက်သို့ ထွက်ပြေး လွတ်မြောက်သွားခဲ့ကြောင်း သိရသည်။

ဦးသိန်းစိန်အစိုးရ၏ Black List ပယ်ဖျက်စာရင်း၌ ISG သျှမ်း သမ္မတပါဝင်

သျှမ်းသံတော်ဆင့်

၂၈ ရက်က မြန်မာ့အလင်းသတင်းစာ၌ နာမည်ပျက်စာရင်းများမှ တချို့တဝက်အား ပယ်ဖျက်ကြောင်း ကြေငြာပြီးနောက် ၃၀ ရက်နေ့က နာ မည် စာရင်းထုတ်ပြန်ရာတွင် ISG သျှမ်းအစိုးရ သမ္မတ တာဝန်ယူထား သူTiger Yawnghwe ခေါ် စဝ်ဖေခန်ဖှ အသက် ၇၄ နှစ်ပါ ဝင်ပါ သည်။

စဝ်ဆေခန်ဖှသည် ၂၀၀၅ ခုနှစ် သျှမ်းပြည်ယာယီအစိုးရ Interim Shan Government သမ္မတ အ ဖြစ် သျှမ်းပြည်လွတ် လပ်ရေးကြေငြာခဲ့ပြီး နောက်ပိုင်း မြန်မာနိုင်ငံအစိုးရက ၎င်းအားနာမည်ပျက်စာရင်း၌ သတ်မှတ်ခဲ့သည်။

စဝ်ဆေခန်ဖှအပြင် ၂၀၀၄ က ကွယ်လွန်သွားသော ၎င်း၏ ညီစဝ်ဇန့်ယောင်ဟွေ့လည်းပါဝင်သည်။

စဝ်ဇန့်ယောင်ဟွေ့ ခေါ် ယူဂျင်းသိုက် ခေါ် စဝ်ဆေလိန်ဖှ သည် သျှမ်းပြည်တပ်မတော် SSA ကိုစတင်တည်ထောင်ရာ၌ ပါဝင်သူတဦး ဖြစ် ပြီး ၂၀၀၄ ခုနှစ် အသက် ၆၅ နှစ်အရွယ် ဦးနှောက်ကင်ဆာရောဂါဖြင့် ကွယ်လွန်သွားပြီဖြစ်သည်။

၎င်းတို့၏ညီငယ်ဖြစ်သော EBO မှ ဒါရိုက်တာ စဝ်ဟန်ယောင်ဟွေ့ကမူ နာမည်ပျက်စာရင်းပယ်ဖျက်ခြင်း၌ မပါရှိ ပေ။ သို့သော် ၂၀၁၁ အောက် တိုဘာလ ၁၀ ရက်နေ့က တိုင်းရင်းသားများအကြား ငြိမ်းချမ်းရေးတည်ဆောက်ရေးအတွက် ထိုင်းနိုင်ငံ ဘန်ကောက်မြို့၌ ဦး အောင်မင်း နှင့် တွေ့ဆုံဆွေးနွေး ပြီးနောက်ပိုင်း မြန်မာနိုင်ငံသို့ ဝင်ထွက်သွားလာနိုင်ခဲ့သည်။ ထို့အပြင် မြန်မာနိုင်ငံ၌လည်း Euro Burma Office (EBO) ရုံးခွဲကို တည်ထောင်ထားနိုင်ပြီဖြစ်သည်။ Euro Burma Office (EBO) ကို ၁၉၉၇ က စတင်တည်ထောင်ခဲ့ပြီး လူ့အခွင့်အ ရေးနှင့် ဒီမိုကရေစီ ရရှိရေး အားပေးကူညီနေသော အဖွဲ့အစည်းဖြစ်သည်။

ညောင်ရွှေစော်ဘွားစဝ်ရွှေသိုက်၏သား ၂ ဦးအမည်အပြင် တိုင်းရင်းသားများအကြား ယုံကြည်လေး စားမှုခံယူကြရသော ခွန်ဥက္ကာ၊ ခွန်မာရ် ကိုဘန်း၊ ဒေါက်တာစင်သီယာမောင် အပြင် ဒေါ်မိဆူးပွင့် အစရှိပုဂ္ဂိုလ်များလည်းပါဝင်သည်။

ထို့အပြင် နိုင်ငံခြားသားများစာရင်း၌ ရိုက်တာသတင်းဌာန သတင်းထောက် အင်ဒရူးမာရှယ် ၊ ထိုင်းနိုင်ငံနာမည်ကြီး အဆိုတော် အက်ခါး ရား ဘောင်းဝ်၊ ဒေါ်အောင်ဆန်းစုကြည်၏သားနှစ်ဦး စသည်တို့လည်း ပါဝင်သည်။

ဒီမိုကရေစီအရေး၊ လူ့အခွင့်အရေးလှုပ်ရှားသော AAPP အတွင်းရေးမှူး ကိုတိတ်နိုင်၊ ကိုမိုးသီးဇွန်၊ ဒေါက်တာဆလိုင်းသန်း ထွန်း၊ VOA မြန်မာ သတင်းဌာနမှူး ဦးသန်းလွင်ထွန်း စသည်တို့ပါဝင်သော်လည်း ဧရာဝတီ သတင်းဌာန အယ်ဒီ တာချုပ် ဦးအောင်ဇော်၊ သျှမ်းသံတော်ဆင့်သ တင်း ဌာန အယ်ဒီတာချုပ် ဦးခွန်စိုင်းတို့အား နာမည်ပျက်စာရင်းမှ ပယ်ဖျက်ခြင်းမပါ ရှိသေး ပေး။

ယခုလ ၂၈ ရက်က မြန်မာ့အလင်းသတင်းစာ၌ နာမည်ပျက်စာရင်း ၆၁၆၅ ဦးအနက် ၂၀၈၂ ဦးအား စာရင်းပယ်ဖျက် ရာတွင် နိုင်ငံခြား သား၊ မြန်မာနိုင်ငံသား၊ မြန်မာ့အရေး လှုပ်ရှားသူများ၊ MPU, FTUB, AAPP, NDD, DPNS, BSLO, မြန်မာနိုင်ငံ ရှေ့နေများကောင်စီ၊ ညီညွတ်သော တိုင်းရင်းသားလူငယ်များ အဖွဲ့ချုပ်၊ မြန်မာနိုင်ငံ ဆေးပညာရှင်များအသင်း၊ မြန်မာအမျိုးသမီးများ သမဂ္ဂ၊ ကရင်အမျိုးသမီး အစည်းအရုံး အစ ရှိ သည့်အဖွဲ့များ၊ လူ့အခွင့် အရေး၊ ဒီမိုကရေစီအရေး လှုပ်ရှားနေသူများ ပါဝင်ပါသည်။

ထောင်ချောက်တွင်း မဆင်းမိစေရန် ရွှေဝါရောင် ခေါင်းဆောင် သတိပေး

နေမျိုး

မြန်မာပြည်သူများ လူမျိုးရေး၊ ဘာသာရေး အဓိကရုဏ်း ထောင်ချောက်တွင်း မသက်ဆင်းမိစေရန် ရွှေဝါရောင် သံဃာ့လှုပ်ရှားမှု တွင် ‘အရှင် ဂမ္ဘီရ’ အဖြစ် ဦးဆောင်ခဲ့သည့် ကိုညီညီလွင် က သတိပေးလိုက်သည်။

အစိုးရ အာဏာပိုင်များသည် ပြည်သူလူထုအတွင်း အမျိုးမျိုးသွေးခွဲခဲ့သည့် သမိုင်းကြောင်း အတွေ့အကြုံများကိုထောက်ပြထားသည့် မိတ်ဆွေ တဦးထံ ပေးစာတွင် ၎င်းက ရေးသားထားခြင်း ဖြစ်သည်။

“မြန်မာပြည်သူလူထုဟာ အခွင့်အရေးတွေ ရပိုင်ခွင့်တွေအတွက် ဒေသဆိုင်ရာ ဆန္ဒပြပွဲတွေ ပေါ် ပေါက်လာတဲ့အခါစစ်အာဏာရှင်တွေရဲ့ထုံးစံ အတိုင်း အဓိကရုဏ်း တခုကို ဖန်တီးပေးလိုက်ကြပြန်ပါတော့တယ်။ အဲဒါကတော့ ရခိုင်-ရိုဟင်ဂျာအဓိကရုဏ်းပဲဖြစ်ပါတယ်” ဟုဇွန်လအတွင်း ဖြစ်ပွားခဲ့သည့် ရခိုင်ပြည်နယ်အတွင်း လူမှုအဖွဲ့ ပဋိပက္ခများကို ထောက် ပြလိုက်သည်။

ဂျပန်နိုင်ငံရှိ ယုယုကို ထံ သြဂုတ်လ ၂၆ ရက်နေ့ နေ့စွဲဖြင့် ပေးပို့သည့် အဆိုပါ ပေးစာအား The Best Friend အင်တာနက် စာမျက်နှာ တွင် ဖော်ပြထားသည်။

ယုယုကိုသည် ၂ဝ၁၂ ခုနှစ် အစောပိုင်းက ဦးဂမ္ဘီရမိသားစုထံ လာရောက်လည်ပါတ်ခဲ့ပြီး နောက်ပိုင်းတွင် မြန်မာ အစိုးရ၏ အမည်မဲ Black list စာရင်းတွင် ပါဝင်ကာ ဗီဇာပိတ်ပင်ခြင်း ခံထားရသည်။

ထို့ပြင် “ရိုဟင်ဂျာဆန့်ကျင်ရေး ဆန္ဒပြပွဲတွေမှာ ရဟန်းတော်တချို့ ပါဝင်လာနေကြတာကို တွေ့ရတော့ ကိုယ်တော် ဝမ်းနည်းလို့ မဆုံးပါဘူး။ ၂ဝဝ၇ စက်တင်ဘာမှာ မြန်မာ ရဟန်းတော်တွေဟာ ဓမ္မရဲ့ မီးရူးတန်ဆောင်အဖြစ် ကမ္ဘာ ကြီး တခုလုံးသိအောင် ထွန်းလင်းပြခဲ့ပြီးပါပြီ။ ဗုဒ္ဓရဲ့ မိန့်ဆိုချက်တွေ ဖြစ်တဲ့ မေတ္တာ၊ ဓမ္မ၊ ငြိမ်းချမ်းမှု၊ အဟိံသ၊ သစ္စာအာဂရဟ တို့ရဲ့ အနက်အဓိပ္ပါယ်တွေကို အားလုံးသိအောင် ရှင်းပြနေရဦးမှာ လား” ဟု ဦးဂမ္ဘီရ/လှိုင်ဘွား၏ စာတွင် မေးခွန်းထုတ်ထားသည်။

ပြစ်မှုကျူးလွန်သူများအား ဥပဒေအရ စီရင်ရမှာသာဖြစ်ပြီး လူမျိုးရေး ဘာသာရေး အဖြစ် စစ်အာဏာရှင်တို့၏ပုံဖော်မီးမောင်းထိုးပြဖွယ် မဖြစ် စေရန် ရှောင်ရှားသင့်ကြောင်းလည်း ဖော်ပြ ပါရှိသည်။

မြန်မာနိုင်ငံတွင် အသက် ၅၀ အရွယ်ရှိသူ တယောက်တလေမျှ ဒီမိုကရေစီ၊ လူ့အခွင့်အရေး၊ လွတ်လပ် တရားမျှတမှု ဆိုသည့် အရသာ များ ငတ်မွတ် ခေါင်းပါးခဲ့ရကြောင်းလည်း ဆိုထားသည်။

၂ဝဝ၇ ရွှေဝါရောင် သံဃာ့လှုပ်ရှားမှု၏ မေတ္တာ၊ ဓမ္မ၊ ငြိမ်းချမ်းမှု၊ လူ့အခွင့်အရေး သရုပ်သကန် မှန်ကန်သည့် ထင်ဟပ် ချက်များကို စစ်အ စိုး ရက အကြမ်းဖက် နိမ်နှင်းခဲ့သည့်အတွက် ကုလသမဂ္ဂက လူသားမျိုးနွယ်ထုအပေါ် ကျူးလွန်သည့် ရာဇဝတ်မှုအဖြစ် အတိအလင်း ပြောဆိုထားသည်ဟု ဆိုသည်။

ဓမ္မာစရိယတန်း စာသင်သား ဘွဲ့အမည် ဦးဂမ္ဘီရ သည် သက်တော် ၂၉ နှစ်အရွယ်၌ ၂ဝဝ၇ ခုနှစ်၊ စက်တင်္ဘာလတွင် သံဃာ့ တပ်ပေါင်းစု ၏ ဦးဆောင် ကိုယ်တော်တပါး အဖြစ် ပါဝင်ခဲ့ရာ အာဏာပိုင်များ၏ ဖမ်းဆီးမှုကို ခံခဲ့ရသည်။

အီလက်ထရောနစ် ပုဒ်မ အပါအဝင် ပုဒ်မ ၁၃ ခုဖြင့် ၂ဝဝ၈ ခုနှစ်၊ ဒီဇင်ဘာလတွင် ထောင်ဒဏ် ၆၈ နှစ် ချမှတ်ခံခဲ့ ရပြီးနောက် ၂ဝ၁၂ ခုနှစ်၊ ဇန်နဝါရီလတွင် သမ္မတ၏ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့သည်။

ယခုအခါ အကျဉ်းထောင် အတွင်းနှိပ်စက်ညှင်းပန်းမှုကြောင့် ရရှိလာသည့် ရောဂါဝေဒနာများ ခံစားနေရပြီး ကျန်းမာရေး အခြေအနေ ပုံ မှန် ကောင်းမွန်ခြင်း မရှိသေးကြောင်း သိရသည်။

မြန်မာပြည် ပို့မည့် လက်နက်များ ဖမ်းမိ

သန်းထိုက်ဦး

မြန်မာပြည်ဘက်သို့ လက်နက်တင်ပို့ ရောင်းဝယ်ရေး လုပ်ကိုင်နေသူဟု ယူဆရသော ထိုင်းနိုင်ငံသား ၂ ဦးကို လက်နက်များနှင့် အတူ ထိုင်း-မြန်မာနယ်စပ်တွင် ထိုင်းအာဏာပိုင်များက ယနေ့ ဖမ်းဆီးလိုက်သည်။

လက်နက်များကို ထိုင်းနိုင်ငံ မြောက်ပိုင်း ချင်းရိုင် ခရိုင် မဲ့ဖာလွန်မြို့နယ် အတွင်းရှိ စစ်ဆေးရေး ဂိတ်တွင် ထိုင်း အာဏာပိုင်များက ဖမ်း ဆီးရ မိခြင်း ဖြစ်ကြောင်း သိရသည်။

သက်သေခံ ပစ္စည်းများ အဖြစ် ဖမ်းဆီးရမိသောလက်နက်များထဲတွင် ၇၉ မမ လောင်ချာ ၁၉ လက်၊အေကေ (၄၇)သေနတ် ၂၈လက် စသည့် လက်နက်မျိုးစုံ တို့ကို ဖမ်းဆီးရမိခဲ့ကြောင်း ထိုင်းသတင်းများအရ သိရသည်။

ယင်း လက်နက်များကို အိမ်နီးချင်းနိုင်ငံ တိုင်းရင်းသား လက်နက်ကိုင် အဖွဲ့အစည်းများထံသို့ ရောင်းချရန် ဖြစ်ကြောင်း အဖမ်းခံရသူ များ က ထွက်ဆိုကြောင်း ထိုင်း အခြေစိုက် krobkruakao သတင်းဝက်ဘ်ဆိုက်တွင် ယနေ့ ရေးသားထားသည်။ ထို သတင်း၌ လက် နက် ရောင်းချ မည်ဆိုသော တိုင်း ရင်းသား လက်နက်ကိုင် အဖွဲ့၏ အမည်များကို ဖော်ပြထားခြင်း မရှိပေ။

သျှမ်းသံတော်ဆင့် သတင်းဌာနမှ အယ်ဒီတာ ဦးခွန်စိုင်းကမူ ထိုင်း ရဲအရာရှိ တဦးကိုကိုးကား၍နောက်ဆုံးရရှိထားသည့်သတင်းအရ လက် နက်များကို “၀” ပြည် သွေးစည်း ညီညွတ်ရေး တပ်မတော် (UWSA) တပ်ဖွဲ့ဝင်များကို ရောင်းရန်အတွက် ဖြစ်ကြောင်း အဖမ်းခံရသူ များက ထွက်ဆိုခဲ့သည်ဟု ဧရာဝတီသို့ ပြောသည်။

“သူတို့ကို စစ်တဲ့ ရဲအရာရှိကတော့ ၀တပ်ဖွဲ့ကို ပို့တယ်လို့ပြောတယ်”ဟု ၎င်းက ဆိုသည်။ ယင်း ကိစ္စနှင့် ပတ်သက်၍ ရှမ်း ပြည် တပ်မတော် တောင်ပိုင်း (SSA-S) ကိုမေးမြန်းခဲ့ရာတွင်လည်း ၎င်းတို့နှင့် မသက်ဆိုင်ဟု ငြင်းဆိုကြောင်း ဦးခွန်ဆိုင်းက ဆက်ရှင်းပြ သည်။

“ဒီနေရာမှာ SSA လည်း ရှိတယ်၊ ၀ လည်း ရှိတယ်၊ ပြည်သူ့စစ်လည်း ရှိတယ် ဆိုတော့ ဘယ်သူမဆို ဖြစ်နိုင်တာပေါ့သို့သော်လည်း တဖက် က ဒီထွက်ဆိုတဲ့ လူကလည်း ဖမ်းမိပြီးဆိုတော့ လိမ်စရာ အကြောင်းမရှိတော့လို့ ထင်တယ်” ဟု ၎င်းက ဆိုသည်။

သို့သော် မည့်သည့် တိုင်းရင်းသား လက်နက်ကိုင် အဖွဲ့အစည်းများနှင့် ပတ်သက်ကြောင်း ဧရာဝတီ သတင်းက သီးခြား အတည် ပြုချက် ရ ယူနိုင်ခြင်း မရှိသေးပေ။

အဆိုပါ ဖမ်းဆီးရမိမှုနှင့် ပတ်သက်ပြီး ယနေ့တွင် ချင်းရိုင်မြို့၌ ထိုင်းအာဏာပိုင်များက သတင်းစာ ရှင်းလင်းပွဲ တရပ်ပြုလုပ်ကြောင်း သိရ သည်။

ပြီးခဲ့သည့် ဇွန်လ ၂၆ ရက်နေ့ကလည်း ရှမ်းပြည်နယ် တာချီလိတ် မြို့နယ်ဘက်သို့ လက်နက်တင်ပို့ ရောင်းဝယ်ရေး လုပ်ကိုင်နေသူဟု ယူဆ ရသော ထိုင်း နိုင်ငံသား ၁ ဦး ကို လက်နက်များနှင့်အတူ ထိုင်း-မြန်မာ နယ်စပ်တွင် ဖမ်းမိခဲ့သေး သည်။ ထိုစဉ်ကလည်း အာပီဂျီ လောင်ချာ ၁၂ လက်၊ အေကေ ၄၇ မောင်း ပြန် ရိုင်ဖယ် ၁၇ လက်၊ အမ် ၁၆ မောင်းပြန် ရိုင်ဖယ် ၆ လက်၊ အမ် ၇၉ လောင်ချာ ၁၂ လက်နှင့် အာပီဂျီ ဗုံး သီး ၉ လုံး တို့ကို ဖမ်းဆီး ရမိခဲ့ကြောင်း ထိုင်း သတင်းများက ဖော်ပြကြသည်။

၂၀၁၁ ခုနှစ် ဖေဖော်ဝါရီလအတွင်း၌လည်း UWSA တပ်ဖွဲ့ အတွက် လက်နက်ရောင်းဝယ်ရေး လုပ်ကိုင်နေသူဟု ယူဆရသော ထိုင်းနိုင်ငံ သား ၂ ဦးကို လက်နက်များနှင့် အတူ ထိုင်းအာဏာပိုင်များက ဖမ်းဆီးခဲ့သေးသည်။

ထိုစဉ်က သေသေခံ ပစ္စည်းများ အဖြစ် ၉ မမ ပစ္စတို ၅၆ လက်၊ သေနတ်ပြောင်းရှည် ၂ လက်၊ ၆၀ မမ လောင်ဂျာ နှင့် သေနတ် ကျည် ဆန် အ တောင့် ၂၀၀၀ တို့ကို သိမ်းဆည်းရမိခဲ့သည်။

မယ်ဆိုင်မြို့ တဖက်ကမ်းရှိ တာချီလိတ်မြို့သည် အစိုးရ စစ်တပ်၊ ရဲ၊ လူဝင်မှု ကြီးကြပ်ရေး (လ၀က)၊ အကောက်အခွန်၊ ငြိမ်းချမ်း ရေးယူ ထား သည့် အဖွဲ့ဝင်များ၊ မူးယစ်ဆေးဝါး ရောင်းဝယ်လုပ်ကိုင်နေသူများ ကျင်လည် ကျက်စားနေသော မြို့ဖြစ်ကြောင်း သိရသည်။

မြန်မာအစိုးတပ်၏ စောင့်ကြိုပစ်ခတ်မှုတွင် KIA ပြည်သူ့စစ် ၂ ဦးသေဆုံး

KNG

ကချင်ပြည်နယ် ၀ိုင်းမော်မြို့နယ် ဆမ်ပိုင် (Sambai) သွားလမ်းမှ မိုင် ၄၀ ကျော်ရှိသည့် ဒါဂါယန် (Daga Yang) နှင့် လိုင်ဖောန် (Lai Hpaw ng) ကြားတွင် ၂၉ ရက် ဗုဒ္ဓဟူးနေ့ ညနေ ၃ နာရီအချိန်က ကချင်လွတ် မြောက်ရေးတပ်ဖွဲ့ KIA ပြည်သူ့စစ် ၂ ဦး မြန်မာအစိုးရ တပ်၏ စောင့် ကြိုပစ်ခတ်ခံရပြီး သေဆုံးခဲ့သည်။

၎င်းတို့ ၂ ဦးသည် ဆိုင်ကယ်ဖြင့် လိုင်ဖောန် (Lai Hpawng) KIA ပြည်သူ့စစ်တပ်ဖွဲ့ရှိရာသို့ အစားအသောက်နှင့် လိုအပ်သည့် ပစ္စည်းများ ကို လာပို့သည့်အချိန်တွင် မြန်မာစစ်တပ် ခမရ (၃၀၁) စစ်သားများ ခြုံခိုပစ်ခတ်ခြင်းဖြစ် သည်။

“အရင်ကတော့ ထိုလမ်း လွတ်လွတ်လပ်လပ် ကျနော်တို့ သွားနေတဲ့ လမ်းဖြစ်တယ်။ ဒါမဲ့ ထိုတပ် က ပြောက်ကျားနည်းလို့ ပြောရမယ်ထင် တယ်။ ကျနော်တို့ သွားနေတဲ့လမ်းမှာ ဒီလိုနဲ့အသင့်စောင့်နေပြီး ပစ်လိုက်တာ။”

ကချင်လွတ်မြောက်ရေးတပ်ဖွဲ့ (KIA) တပ်မဟာ (၅) အောက် တပ်ရင်း (၃)ဒေသတွင် ပြည်သူ့စစ်တပ်ဖွဲ့များအား ကူညီပေးနေသော တပ်ဖွဲ့ဝင် ၂ ဦးသည် ဂါးရာယန်ကျေးရွာ (Gara Yang mare)မှ ကို မဂျီဆိုင်းအောင် (Maji Seng Awng)ဖြစ်ပြီး၊ ဝါးရှောင် (Washawng)မှ ဦး ခေါင် ဇယ် (Hkawng Je) ဖြစ်ကြောင်းသိရသည်။ ၎င်းတို့တွင် သေနတ်တလက်လည်းပါကြောင်းသိရသည်။

ထိုသူ ၂ ဦးသည် တိုက်ပွဲစတင်ချိန်မှ စပြီးထို နေရာများသို့ လိုအပ်သည့် ပစ္စည်း ရိက္ခာများပေးပို့နေသည့် သူများဖြစ်ကြောင်း KIA ရှေ့တန်းစ ခန်းမှ ဆိုသည်။

ယနေ့ နံနက်မှ ထိုနေရာတွင် တိုက်ပွဲများဖြစ်နေပြီး ညနေ ၃ နာရီမှ ပြန်လည်တိုက်ခိုက်မှုများ ဆက်လက် ဖြစ်ပွားနေကြောင်း ရှေ့တန်းမှ KIA အရာရှိတဦး KNG ကချင်သတင်းဌာနသို့ပြောသည်။

မြစ်ကြီးနား-လိုင်ဇာသွားလမ်းပေါ်ရှိ ဂါရားယန် (Gara Yang) ဘက်သို့ ထိုးစစ်ဝင်လာ မြန်မာအစိုး ရတပ် စစ်ကား ၁ စီးကို ၂၉ ရက် ဗုဒ္ဓဟူးနေ့တွင် ကချင်လွတ်မြောက်ရေးတပ်ဖွဲ့ တပ်မဟာ (၅) အောက် တပ်ရင်း (၃) တပ်များမှ မိုင်းဖြင့် ပစ်ခတ်တိုက်ခိုက်ရာမြန်မာအစိုးရဘက်မှ သေ ဆုံး ဒဏ်ရာရရှိကြောင်း သိရသည်။

ထိုအစိုးရတပ် တပ်မ (၈၈) တပ်ကို နံနက် ၇ နာရီခွဲအချိန်တွင် ပစ်ခိုက်တိုက်ခိုက်လိုက်ရာ မြန်မာအစိုးရတပ်မှ ၂ ဦး ကျဆုံးပြီး ၇ ဦး ဒဏ် ရာရ ရှိကြောင်း KIA အရာရှိများဆိုသည်။

“သူတို့က ရွှေညောင်ပင်ဘက်မှ ကားနဲ့ဝင်လာတာ……ကျတော်တို့ဘက်က အသင့်ကြိုနေတာနဲ့ ပစ်လိုက်တာ” ဟု ရှေ့တန်းမှ KNG ကချင်သ တင်းဌာနသို့ပြောသည်။

ရခိုင် ဒုက္ခသည်များ အတွက် အိန္ဒိယ အကူအညီ အမေရိကန် ဒေါ်လာ ၂သိန်း နယ် စပ်ရေးရာ ၀န်ကြီးသို့ လွဲပေး

ထွန်းထွန်း

ဆူပူ အကြမ်းဖက်မူကြောင့် ခိုကိုးရာမဲ့နေကြသော ရခိုင်ပြည်သူ ဒုက္ခသည်များ အတွက် ကူညီ သောအမေရိကန်ဒေါ်လာ (၂) သိန်းကိုအိန္ဒိယ တာဝန်ရှိသူများမှ မြန်မာ နယ်စပ် ရေးရာဝန်ကြီး ဌာနနှင့် မြန်မာ့ စက်မှုဖွံ့ဖြိုးရေးဌာန ၀န် ကြီး ဒုတိယ ဗိုလ်ချုပ်ကြီး သိန်းဌေးလက် သို့ လွှဲ ပြောင်း ပေးအပ် လိုက်ကြောင်း သတင်း ရရှိသည်။

အိန္ဒိယ သံအမတ် Dr. Villur Sundararajan Seshadri က အမေရိကန် ဒေါ်လာ ၂သိန်းကို နယ်စပ်ရေးရာ ၀န်ကြီး ဌာနနှင့် မြန်မာ့ စက် မှုဖွံ့ဖြိုးရေးဌာန ၀န်ကြီး ဒုတိယ ဗိုလ်ချုပ်ကြီး သိန်းဌေးထံသို့ သြဂတ်(စ်) ၂၉ရက် (ဗုဒ္ဓ ဟူး)နေ့က လွှဲပြောင်း ပေးအပ်ခဲ့သည်ဟု ဆို သည်။

၎င်းထောက်ပံ့ ကူညီ ငွေများကို ရခိုင်ပြည်နယ် ၀န်ကြီးချုပ် ဦးလှမောင်တင်မှဆင့် စီမံခန့်ခွဲပြီး ဒုက္ခရောက်နေသော မိသားစုများထံသို့ လူမျိုး၊ ဘာသာ မခွဲခြားဘဲ ထောက်ပံ့ ကူညီပေးသွားမည် ဟု ဆိုသည်။


အဆိုပါ အကူအညီကို ဒုက္ခရောက်နေကြသော မိသားစုများအကြား သဟဇာတဖြစ်မှုနှင့် တည်ငြိမ်အေးချမ်းမှု ဆီသို့ လျင်မြန်စွာ ဦးတည် လာ အောင် ရည်ရွယ်၍ အိန္ဒိယနိုင်ငံက ပေးအပ်ခြင်း ဖြစ်ကြောင်း သိရသည်။

အိန္ဒိယ သံအမတ်သည် မြန်မာ့ နယ်စပ်ရေးရာ ၀န်ကြီး ဒုတိယ ဗိုလ်ချုပ်ကြီး ဦးသိန်းဌေးနှင့် အတူ စစ်တွေမြို့ရှိ ဒုက္ခသည် စခန်းများသို့ သွား ရောက် ကြည့်ရှု ခဲ့ကြသည်ဟု ဆိုသည်။

အိန္ဒိယ၏ ထောက်ပံ့ ကူညီငွေများဖြင့် ဒုက္ခသည်များ အတွက် အမြဲတန်း နေထိုင်နိုင်သော အ ဆောက်အအုံ ၈၀၀ ဆောက်လုပ် သွားမည် ဖြစ် ကြောင်း နယ်စပ်ရေးရာ ၀န်ကြီးက ပြောကြောင်း သိရသည်။

အိန္ဒိယ နိုင်ငံ အာသံပြည်နယ်တွင်လည်း ရခိုင်မှာ ဖြစ်ပေါ်ခဲ့သော ဆူပူ အကြမ်းဖက်မူများကဲ့သို့ ဌာနေတိုင်းရင်းသားဘိုဒိုလူမျိုးများနှင့် အ ခြေ ချ နေထိုင်ရန် ရောက်ရှိလာသူ ဘင်္ဂလီ မွတ်ဆလင်များ အကြား ဆူပူ အကြမ်းဖက်မူများ အလားတူ ပေါ်ပေါက်နေပြီး သြဂတ်စလ ၂၉ ရက်နေ့ကလည်း တိုက်ခိုက်မူများ ဆက်လက် ဖြစ်ပွားခဲ့ သဖြင့် လူ တစ်ဦး သေဆုံးပြီး ၅ ဦး ဒဏ်ရာ ရရှိသွားခဲ့ကြောင်း သိရသည်။

တိုက်ပွဲများကြောင့် ဖားကန့်မြို့နယ် လောင်စာဆီ သိုလောင်ရုံတခု ပေါက်ကွဲ

ဖနိဒါ

ကချင်လွတ်လပ်ရေးအဖွဲ့ KIO နှင့် အစိုးရတပ်တို့အကြား ပစ်ခတ် တိုက်ခိုက်မှုများကြောင့် ဖားကန့်မြို့နှင့် နှစ်မိုင်အကွာ ဆိုင်းဂျာဘွမ် ကျေးရွာ ရှိ ဝေအောင်ကမ္ဘာ အကျိုးတူ ကုမ္ပဏီပိုင် လောင်စာဆီ သိုလောင်ရုံထဲသို့ လက်နက်ကြီး ကျကာ ပေါက်ကွဲမှု ဖြစ်ခဲ့ကြောင်း သိရ သည်။

အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ဖွဲ့များနှင့် KIO ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ ဗုဒ္ဓ ဟူးနေ့ မွန်းလွဲပိုင်း ၂ နရီမှစတင်၍ တိုက်ပွဲဖြစ်ပွားခဲ့ရာ ညနေ ၅ နာရီခွဲချိန်တွင် အဆိုပါ သိုလောင်ရုံပေါက်ကွဲခဲ့သဖြင့် ဖားကန့်မြို့ တမြို့လုံး တုန်ခါသွားခဲ့သည်ဟု ဒေသခံများက ဆိုသည်။

“လက်နက်ကြီး သွားကျတာလေ။ ကျည်ဆံက ယမ်းတိုက်ပေါ်မှာ သွားကျတာ။ ဝေအောင်ကမ္ဘာ မိ သားစုအကျိုးတူကုမ္ပဏီလေ။ အဲဒီကုမ္ပဏီ ရှိတဲ့ နေရာက နှစ်ဖက် တပ်တွေရဲ့ အလယ်မှာ ဖြစ်နေတယ်။ အဲတော့ ယမ်းတိုက်ပေါ်ကျတဲ့ လက်နက်ကြီး ကျည် ဆံက ဘယ်ဘက်က ကျည်ဆံဆိုတာ ခန့်မှန်းလို့ မရဘူးလေ” ဟု အမျိုးသား ဒီမိုကရေစီအဖွဲ့ချုပ် NLD ဖားကန့်ရုံး တာဝန်ခံ ဦးခင်မောင်ချင်း က ပြောသည်။

ပေါက်ကွဲမှုနှင့် အနီးတဝိုက်ရှိ ကျေးရွာများမှ ဒေသခံရွာသားများမှာ ဖားကန့်မြို့ပေါ် ပြောင်းရွှေ့သွားကြသဖြင့် ထိခိုက်သေဆုံးမှု မရှိ ကြောင်း သိရသည်။

“သူတို့လည်းပစ်၊ ကျနော်တို့လည်း ပစ်ဆိုတော့ ဂိုဒေါင်ထဲက ခဲယမ်းတွေ ပေါက်သွားတယ်။ ဒီမနက် ပြန်သွားကြည့်တော့ အပိုင်းအစတွေပဲ တွေ့ရတယ်” ဟု KIO ၏ ရှေ့တန်းမှ အရာရှိတဦးက ပြောသည် ကုမ္ပဏီဝင်း အတွင်းမြေ တူးစက်ကြီး (ဘက်ဖိုး) ငါးစီးနှင့် တချို့ ကားကြီးများ အပါအဝင် ၁ဝ ထက်မနည်း ပျက်ဆီးဆုံးရှုံးသွားသည်ကိုတွေ့ရပြီး သေဆုံးမှုအချို့လည်း တွေ့ခဲ့ရသည်ဟု ဆိုသည်။

အဆိုပါ ပေါက်ကွဲမှုနှင့် ပတ်သက်၍ စုံစမ်းမေးမြန်းရန် ဖားကန့်မြို့နယ် ရဲစခန်းသို့ မဇ္ဈိမက တယ်လီဖုန်းဖြင့် ဆက်သွယ်မေးမြန်းရာ “အဲဒါ ကျ နော်တို့ မသိပါဘူးခင်ဗျာ” ဟု စခန်းမှ ဒု-ရဲအုပ် တဦးက ဖြေကြားခဲ့သည်။

ယင်းပေါက်ကွဲမှုကြီးဖြစ်ပွားပြီးနောက် အရောင်းအဝယ်နှင့် စက်ယန္တယားများ ရပ်ဆိုင်းထားရသည်ဟု သိရသည်။

အစိုးရ တပ်အင်အား ၃ဝဝ ခန့် ထိုးစစ်ဆင်လာရာမှ သြဂုတ်လ ၂၇ ရက်နေ့က ရှစ်နာရီကြာ တိုက်ပွဲတွင် အနည်းဆုံး ၈ဝ ခန့် ထိခိုက်ဒဏ် ရာ ရကာ ဗိုလ်မှူးတဦး၊ ဗျူဟာမှူးတဦး ကျဆုံးခဲ့သည်ဟု KIO အရာရှိက ဆိုသော်လည်း သီးခြား အတည်ပြုချက် မရယူနိုင်သေးပါ။

KIO တပ်နှင့် ပေ ၁,ဝဝဝ အကွာအဝေးရှိ မျောက်ဖြူကျေးရွာ အနီးတွင် အစိုးရတပ်ဖွဲ့များ ရှိနေသဖြင့် နှစ်ဖက်တင်းမာနေဆဲ ဖြစ်သည်ဟု ထိုအ ရာရှိက ပြောသည်။

ဖားကန့်ရှိ ကုမ္ပဏီအချို့က KIO ၏ တပ်ရင်း ၆ လက်အောက်ခံ လမောင်ကုန်း စခန်းအား သိမ်းယူရန် နေပြည်တော်ထိ သွားရောက်၍ တိုက် တွန်းမှုများ ရှိသည်ဟု သတင်းရရှိကြောင်း “အကျိုးတူကုမ္ပဏီ စီးပွားရေးလုပ်ငန်းရှင် ခြောက် ခု က ဒီနေရာကို ရှင်းပေးဖို့ နေပြည်တော်ထိ သွားပြောထားတယ်။ ဒါကြောင့် သူတို့က ကုမ္ပဏီတွေရဲ့ ကြေးစားလို စီးပွားရေး သမားတွေရဲ့ စကားကို နားထောင်ပြီး လုပ်လာတယ်ဆိုတော့ ကျနော်တို့လည်း စောင့်ကြည့်ပြီး ခုခံတိုက်နေတာ ခုလို ဖြစ်သွားတာပဲ” ဟု KIO အရာရှိက ပြောသည်။

သြဂုတ်လ ၁၉ ရက်နေ့မှစတင်၍ KIO တပ်နှင့် အစိုးရတပ်များအကြား တင်းမာမှုများ ရှိခဲ့ရာ မှော်မောင်ကုန်း၊တောင်ပြို၊ သူဌေးချောင်း၊ ဆိုင်း ဂျာဘွမ်၊ မနားချောင်း၊ ဗလခ၊ မှော်ဝမ်းကြီး၊ မှော်ဝမ်းကလေး၊ ရှရော်ခ၊ ဇွပ်ငိုင်၊မျောက်ဖြူ၊ မှော်မောင်းလယန် စသည့် ရွာများမှ ဒုက္ခသည်များ ဖားကန့်မြို့ပေါ်သို့ ထွက်ပြေးတိမ်းရှောင်ခဲ့သည်။

ဘုန်းကြီးကျောင်းနှင့် ဘုရားရှိခိုးကျောင်း များ၌ ဖွင့်လှစ်ထားသော ဒုက္ခသည်စခန်း ၃၁ တွင် လူဦးရေ ၉,ဝဝဝ ကျော် ရှိနေပြီ ဖြစ်ကြောင်း ဖား ကန့် NLD ရုံးမှ ဦးခင်မောင်ချင်း က ပြောသည်။

NLD ပါတီက စစ်ပြေးဒုက္ခသည်များအတွက် ဆန် ၂၇ဝ အိတ်နှင့် ကျပ်ငွေ ၂၈ သိန်းကျော် ဗုဒ္ဓဟူးနေ့တွင် လှူဒါန်းခဲ့ပြီး လက်ရှိတွင် ဒေသ ခံ လူ မှုအဖွဲ့အစည်းများသာ ကူညီ ထောက်ပံ့ပေးနေသည်ဟု ၎င်းက ဆိုသည်။

ဦးသိန်းစိန် ထောင်ဒဏ်ခံရသူများကို လွတ်ပေးပြီး ရခိုင်များအား ဆက်လက်ထိမ်း သိမ်းထား

သဇင်ဥ

ဦးသိန်းစိန်သည် ရခိုင်ပြည်နယ်အတွင်း ဇွန်လ (၈) ရက်နေ့က စတင်သည့် ဘင်္ဂလီများ၏ အကြမ်းဖက် သောင်းကျန်းမှုကာလတွင် တိုက်ရိုက်ဆက် နွယ်နေမှုဖြင့် ၂၄ ရက်နေ့က ထောင်ဒဏ်အပြစ်ပေးထားသည့် ဘင်္ဂလီများ ကို ယမန်နေ့က လွှတ်ပေးခဲ့ပြီး ဒေသခံ ရခိုင်အမျိုး သားများကို ကွက်မျက် ပြု ခွဲခြားဆက်ဆံ ခံနေရကြောင်း မောင်တောမြို့မှ ကျောင်းဆရာ တစ်ဦး က ပြောသည်။

" အကြမ်းဖက်မှု တစ်ခုလုံးကို ကြိုးကိုင်ခဲ့တဲ့ ခင်မောင် (ခ) အဏ္ဏ၀ါဆာ ဒတ်ကို ထောင်ဒဏ် (၃)နှစ်၊ ခင်မောင်ဆွေ (ခ) တာရတ်ကို (၂)နှစ်နဲ့ ချို လေးမာခါတုန်ကို ထောင်ဒဏ်(၆)နှစ် (၂၄)ရက် သောကြာနေ့က မောင် တောတရားရုံးက ချမှတ်ခဲ့ပါတယ်။ အဲဒီလူတွေကို နိုင်ငံတော်သမ္မတ အမိန့်နဲ့ဆိုပြီး မနေ့မနက်ပိုင်းက လွတ်ငြိမ်းချမ်းသာခွင့်တဲ့ဆိုပြီး လွှတ်ပေး လိုက် ပါ တယ်။ ဘယ်ပုံစံဥပဒေလဲမသိဘူး။ သူတို့က UNHCR က နှစ်ယောက်နဲ့ INGO က တစ်ယောက်ပါ။ " ဟု အမည်မဖေါ်လိုသူ ကျောင်းဆရာက ဝေဖန်ပြောဆိုလိုက်သည်။

ဆက်လက်ပြီး သူက " သောင်းကျန်းသူတွေက ဘင်္ဂလီတွေ၊ ဒါနဲ့ဆက်စပ်ပြီး ဘာမှအပြစ်မလုပ်တဲ့ ရခိုင်အမျိုးသားတွေကိုနေရာအနှံ့မှာအများ ကြီး ဖမ်းထားတာတွေရှိတယ်။ ထောင်ဒဏ်သာပေးနေတယ်။ ပြန်လွှတ်ပေးသူဘယ်သူ့ကိုမှ မတွေ့သေးဘူး။ ရခိုင်ပြည်နဲ့ လူထုတွေ ကျိန်စာ သင့်နေသလို ဖြစ်နေတယ်။ သမ္မတလွတ်ငြိမ်းချမ်းသာခွင့်လည်းမရှိ၊ တရားဥပဒေမှာ ဘက်လိုက်မှုရှိနေတယ်။ UNHCR လည်း ခုလိုဘက် လိုက်ခဲ့လို့ ဒီပြဿနာတွေ ပေါ်ခဲ့ပြီးပြီ၊ ကျွန်တော်တို့ ရခိုင်တွေ မြန်မာပြည်သား ဖြစ် တယ်။ ရခိုင်ပြည်မှာနေပြီး အမြဲတမ်း ဘက်လိုက်မှုတွေ ချဉ်း ခံနေရတာ စိတ်နာဖို့ကောင်းပါတယ်။ နိုင်ငံခြားသားက အပြစ်ရှိတာတောင် သမ္မတလွတ်ငြိမ်းချမ်းသာခွင့် ရတယ်တဲ့လားဗျာ။ နိုင်ငံတကာ က အရေးအခင်းအတွင်းမှာ ရခိုင်က ဘင်္ဂလီကိုသတ်ဖြတ်နေတယ်လို့ အ ကြမ်းဖက်သမားတွေ ပြောဆိုခဲ့တာကို အမှန်အတိုင်း ဖြစ် သွားစေတဲ့ လုပ်ရပ်ဖြစ်ပါတယ်။ " ဟု ဆိုသည်။

ရခိုင်ပြည်နယ်အတွင်း အကြမ်းဖက်သောင်းကျန်းမှုကို ဖန်တီးခဲ့၍ ထောင်ဒဏ်အပြစ်မှ လွတ်ငြိမ်းချမ်းသာခွင့် ရရှိသွားသော အဏ္ဏဝါဆာ ဒတ် အား ပြစ်မှုဆိုင်ရာ ပုဒ်မ ၁၅၃ (က)နှင့် ၅၀၅ (ဂ) ပြစ်မှုနှစ်ခုအတွက် ထောင်ဒဏ် ၂ နှစ်ချမှတ်ခဲ့ကြောင်း၊ နိုင်ငံခြားငွေလဲလှယ်မှု စည်း မျဉ်းဥ ပဒေပုဒ်မ ၂၄ (၁) အရ တစ်နှစ်၊ ပြစ်မှုကျူးလွန်ခဲ့သူ တာရက် ကို ဥပဒေပုဒ်မ ၁၅၃ (က)နှင့် ပြစ်မှု ပုဒ်မ ၅၀၅ (ဂ) ပြစ်မှုတစ် ခုကို (၂)နှစ် ထောင်ဒဏ်ဖြစ်သော်လည်း တပေါင်းတည်း ကျခံစေဆုံးဖြတ်မှုကြောင့် ထောင်ဒဏ် (၂)နှစ်၊ ဒေါ်ချိုလေးမာခါတုန်ကို ဥပဒေ ပုဒ်မ ၁၅၃ (က) အရ (၂)နှစ်နှင့် ဥပဒေပုဒ်မ ၄၃၆/၁၀၉နှင့် နိုင်ငံခြားငွေလဲလှယ်မှု စည်းမျဉ်း သတ်မှတ်ရေး ဥပဒေပုဒ်မ ၂၄(၁)အရ ထောင်ဒဏ် (၁)နှစ် ထောင်ဒဏ်ပြစ်မှုများကို တပေါင်းတည်း ကျခံစေဟု စီရင်ချက်ကြောင့် (၆)နှစ်ချမှတ်ကြောင်း သိရှိရသည်။

ယင်းပဋိပက္ခ ကာလအတွင်း နိုင်ငံတကာ NGO ၀န်ထမ်း ၁၀ ယောက် ဆက်နွယ်မှုများ ရှိခဲ့သည်ဟု သံသယဖြင့် ဖမ်းဆီးထားခဲ့ရာမှ (၃) ဦးကို ထောင်ဒဏ်ချမှတ်ခြင်းဖြစ်ပြီး ကျန်ဝန်ထမ်း (၇) ဦးကို အစောင်ပိုင်းက အဖြတ်လိုက် လွှတ်ပေးခဲ့ကြောင်းနှင့် သမ္မတ ဦးသိန်းစိန်၏ လွတ် ငြိမ်း ချမ်းသာခွင့်အရ ထပ်မံလွတ်ပေးလိုက်ခြင်းဖြစ်သည်။

ထောင်ဒဏ်စီရင် ချမှတ်ခံခဲ့ရသူ (၃) ဦးမှာ ယင်းပဋိပက္ခအတွင်း တစ်နည်းနည်းဖြင့် ပါဝင်ပတ်သက် ကြိုးကိုင်မှုများ ရှိခဲ့ကြောင်း ရခိုင်ပြည်နယ် ယင်းအရေးအခင်းနှင့် ပတ်သက်၍ ပြောခွင့်ရပုဂ္ဂိုလ်လည်းဖြစ်၊ ပြည်နယ် ဥပဒေရေးရာ ကော်မတီဥက္ကဌလည်းဖြစ်သော ဦးလှသိန်းက VOA သို့ ဖြေကြားချက်အရ သိရသည်။

ထောင်ဒဏ်အပြစ်ပေးခံခဲ့ရသော UNHCR ၀န်ထမ်းများအား စွဲချက်များမှာ ဥပဒေပုဒ်မ ၁၅၃(က)အရလူမျိုးစုတစ်ဖွဲ့နှင့်တစ်ဖွဲ့အကြား ရန် တိုက် ပေးခြင်း၊ ဥပဒေ ပုဒ်မ ၅၀၅(ဂ)အရ အများပြည်သူများ အကျိုးစီးပွားပျက်ပြားစေမှုကို ဖြစ်စေသောပြစ်မှု၊ ခိုက်ရန်ဖြစ်ပွားအောင် ရန်တိုက်ပေး မှုများ အပါအ၀င် ဥပဒေ ပုဒ်မ ၄၃၆/၁၀၉ အရ မီးဖြင့်ဖြစ်စေ၊ ပေါက်ကွဲစေတတ်သော ပစ္စည်းဖြင့်ဖြစ်စေ ဖြစ်ပေါ်လာအောင် အားပေး အား မြှောက်ပြုမှုနှင့် မီးရှို့ဖျက်ဆီးမှုများ ဖြစ်မြောက်အောင် လုပ်ဆောင်မှုများဖြင့် စွဲချက်ခဲ့ကြောင်း သူကရှင်းပြခဲ့သည်။

မြန်မာအစိုးရက ထောင်ဒဏ်ချမှတ်လိုက်သော UNHCR ၀န်ထမ်း (၃) ဦးမှာ ရခိုင်ပြည်နယ်နေ မူဆလင်ဘာသာဝင်များဖြစ်ကြောင်းနှင့် မောင် တောမြို့နယ်တွင် တာဝန်ထမ်းဆောင်နေသော ၀န်ထမ်းများဖြစ်ကြောင်း ပြောသည်။

သက်ဆိုင်ရာက ထောင်ဒဏ်ချမှတ် ခံခဲ့ရသူများအပေါ် အသေးစိပ်စီစစ်ကာ စစ်ဆေးမေးမြန်းမှုများ အတန်ကြာပြုလုပ်ပြီး စီရင်ချ ချမှတ်ခဲ့ ခြင်းဖြစ်သော်လည်း ဦးသိန်းစိန်က အလွယ်တကူ လွှတ်ပေးခြင်းအပေါ် အရေးအခင်းတွင် ကျဆုံးသွားခဲ့သူများ၏ မိသားစုဝင်များ၊ မောင် တောနှင့် ဘူးသီးတောင်မြို့နှင့် တခြားမြို့များမှ ရခိုင်လူထုများ မကြေနပ်မှုများ ဖြစ်ကြကြောင်း ကျောင်းဆရာက သုံးသပ် ရှင်းပြသည်။

ထို့ပြင် ရခိုင်ပြည်နယ် ပဋိပက္ခနှင့် ဆက်နွယ်မှုများရှိသည့်အပြင် ဦးသိန်းစိန် လွှတ်ပေးလိုက်သည့် ၀န်ထမ်းများနှင့် တိုက်ရိုက် ဆက်နွယ်မှုရှိသော ဘင်္ဂလားဒေ့ခ်ျနိုင်ငံ ကော့စ်ဘဇားခရိုင်အတွင်းမှ မူဆလင်ဘာသာရေး အစွန်းရောက် ခေါင်းဆောင် (၁၀)ဦးအား အာမခံဖြင့် လွှတ် ပေးလိုက်ကြောင်း သိရှိရသည်။

ယင်း ကော့စ်ဘဇားခရိုင်အတွင်းမှ (၁၀) ဦးမှာ ပန်းဝါမြို့ဗလီအုပ်၊ ကော့စ်ဘဇားမြို့ဗလီအုပ်၊ ကော့စ်ဘဇားမြို့ရှိ အီစ္စလာမ်မိတ်ဆေးရုံအုပ်၊ အီစ္စလာမ်မိတ်ဘဏ်အုပ်၊ နီလာမြို့ဗလီအုပ်နှင့် အီစ္စလာမ်မိတ်အဖွဲ့အစည်းနှစ်ခုမှ ခေါင်းဆောင်ကြီးများဖြစ်ကြသည်။

ကုလသမဂ္ဂ အနေဖြင့် ဦးသိန်းစိန် အမိန့်အာဏာဖြင့် လွတ်ပေးခဲ့သော ကုလ၀န်ထမ်းများအတွက် ကြိုဆိုကြောင်း ကုလသမဂ္ဂ အတွင်း ရေး မှူးချုပ်ရုံး တွဲဘက်ပြောခွင့်ရ Faran Haq က ယမန်နေ့က ပြောဆိုလိုက်သည်။

လွတ်မြောက်သော ဦးခင်ရွှေမှာ ကုလသမဂ္ဂ စားနပ်ရိက္ခာအစီအစဉ် WFP ၏ ၀န်ထမ်းတစ်ဦးဖြစ်ကြောင်း၊ ထောင်ဒဏ် (၃)နှစ် ချမှတ် ခံရ သောဦးခင်မောင်ဟာ UNHCR ကုလသမဂ္ဂ မဟာမင်းကြီးရုံး၏ ၀န်ထမ်းဖြစ်ကြောင်းနှင့် ထောင်ဒဏ်(၆)နှစ် ချမှတ်ခံရသူ ဒေါ်ချိုလေး မာခါတုန်မှာ CSSEP အမည်ရှိ ရပ်ရွာလူထုဖွံ့ဖြိုးရေး စီမံချက်က ၀န်ထမ်းများ ဖြစ်ကြသည်။

ကျောင်းဆရာက " မနေ့က မောင်တောလူထုတွေ အရမ်းစိုးရိမ်ခဲ့ကြပါတယ်။ ကြောက်စိတ်တွေ လွှမ်းပြီး ရုတ်ရုတ်သဲသဲတောင် ဖြစ်ခဲ့တဲ့ မိ သားစုတွေ ရှိခဲ့တယ်။ လွတ်သွားတဲ့သူတွေက လူကြီးတွေဆိုတော့ အကြမ်းဖက်မှုတွေကို ထပ် ကာဖန်တီးပြုလုပ်နိုင်တယ်လို့ ယူဆကြတယ်။ ပြီးတော့ ဒီလိုလုပ်တာက ကုလားတွေကို အရေးအခင်းဖြစ်ခဲ့တာ အမှန်ဘက်သို့ရောက်စေ ပြီး ဒေသခံတွေကို အမှားသို့ တွန်းပို့ရာ သက် ရောက်သွားပါတယ်၊ အရင်ကတည်းက ဒီမှာအခြေချနေချင်တဲ့သူမရှိဖြစ်နေချိန်မှာ ပို့ဆိုး သွားတဲ့ အခြေအနေရှိပါတယ်။ " ဟု ဆက် လက် ရှင်းသည်။

အရေးအခင်းကာလ ပထမဆုံး ဓါတ်ပုံ၊ ဗီဒီယိုနှင့် သတင်းအမှားများ နိုင်ငံတကာသို့ ပေးပို့မှုနှင့် အကြမ်းဖက်မှုကို အဓိကဆောင်ရွက်ခဲ့ သော ဒေါက်တာ ထွန်းအောင်(နရုဟောက်)အား လွှတ်ပေးမည့်သတင်းများ မောင်တောတွင် ဖြစ်ပေါ်နေကြောင်း သိရှိရသည်။

ရခိုင်ပြည်နယ်အတွင်း ဇွန်လ ၈ ရက်နေ့က စတင်ခဲ့သည့် ပဋိပက္ခတွင် နေအိမ်စုစုပေါင်း (၂၈၂၅)အိမ်၊ သေဆုံးသူ ၁၀၀ ဦးခန့်၊ ဒဏ်ရာ ရရှိ ခဲ့သူ (၃၈)ဦး၊ ဘုန်းတော်ကြီးကျောင်း (၉) ကျောင်း၊ ဗလီကျောင်း (၇) ခု၊ ဒုက္ခသည်စခန်း (၃၇) နေရာရှိခဲ့ကြောင်းနှင့် ဒုက္ခသည် စုစု ပေါင်း (၉၀, ၀၀၀) ခန့်ရှိခဲ့ကြောင်း သိရှိရသည်။

မြေသိမ်းခံ လယ်သမားများကို ယုဇနဦးဌေးမြင့် အလျော်ပေးမည်

လဖိုင်

ကချင်ပြည်နယ် ဖားကန့်မြို့နယ် ၀ါရာဇွပ်ကျေးရွာအုပ်စုမှ လယ်မြေဥယျာဉ်များ သိမ်းယူထားမူအတွက် ဆန္ဒပြရန် ရန်ကုန်မြို့သို့ ရောက် လာ သည့် လယ်သမားများသည် ယုဇနကုမ္မဏီပိုင်ရှင် ဦးဌေးမြင့်မှ အချိန်မီ ညှိနှိုင်းရန် ကမ်းလှမ်းခဲ့ခြင်းကြောင့် ဆန္ဒပြခြင်းကို ရွှေ့ဆိုင်း လိုက် ကြောင်း သိရသည်။

“၂၈ ရက်နေ့ ည ၁၀ နာရီလောက်မှာ ဦးဌေးမြင့်ကိုယ်တိုင် ညိုမယ်ဆိုပြီး ဆက်သွယ်လာတယ်။ နေပြည်တော်မှာ သွားညှိပြီးတော့ လယ်မြေ တွေ ပြန်လုပ်လို့ရအောင် လုပ်ပေးမယ်ပြောတယ်” ဟု ကိုယ်တိုင် လယ်အသိမ်း ခံရပြီး လက်ရှိ လယ်သမား အရေး ဆောင်ရွက်နေသူ ဒေါ် ဘောက် ဂျာက ပြောသည်။

“မီဒီယာထဲမှာထည့်ပြီး အရှက်ခွဲလို့တဲ့ ဦးဌေးမြင့်က ပြောတာ။ ဒါနဲ့ သူများလယ် သိမ်းတာတော့ အားမနာဘူးလားလို့ ပြန်မေးခဲ့တယ်” ဟု ဒေါ် ဘောက်ဂျာက ဆိုသည်။

ဆန္ဒပြရန်အတွက် ခွင့်ပြုချက်လျှောက်ထားစဉ် ဗဟန်းရဲစခန်းက နေရာရွှေ့ပြီး ဆန္ဒပြရန်ပြောခဲ့ကြောင်း၊ ခွင့်ပြုချက် မရသော်လည်း ဆန္ဒ ပြ ရန် စီစဉ်ခဲ့ကြောင်း သိရသည်။

“ဆင်းလာကတည်းက ယုဇနကို ပြဖို့လာတာ။ အဲဒီမှာ မပြရရင် ရဲစခန်းရှေ့မှာ ပြမယ်လို့ပြောတော့ ဆန္ဒပြခွင့် မပြုတဲ့အကြောင်း စာရွက်ထုတ် ပေးတယ်” ဟု ဒေါ်ဘောက်ဂျာကပြောသည်။

မြိတ်မြို့နယ် ပြည်သူ့လွှတ်တော် ကိုယ်စားလှယ်လည်းဖြစ်သူ ဦးဌေးမြင့်က ၄င်းသိမ်းဆည်းထားသည့် ဧကနှစ်သိန်းကျော်သော မြေများအ နက်မှ ပြန်ရလိုကြောင်း တရားစွဲဆိုထားသည့် လယ်သမား ၈၇ ယောက်၏ လယ်မြေများကို မူလနေရာတွင် မဟုတ်သည့်တိုင် လုပ်ကိုင် စား သောက်နိုင်သည့် နေရာတွင် အမည်ပေါက်ဖြင့် ပြန်လည်ပေးမည် ဖြစ်ကြောင်း၊ ဘူဒိုဇာများဖြင့် ထိုးဆွခဲ့သဖြင့် ပျက်စီးသွားသည့် လယ်မြေများ အတွက် လျော်ကြေး ကိုလည်း ပြည်နယ် တရားရုံးက ချမှတ်သည့်အတိုင်း ပေးဆောင်သွားမည်ဟု ညှိနှိုင်းခဲ့ကြောင်း၊ အ သေးစိတ်ကို လွှတ် တော်ပြီးချိန်တွင် ရန်ကုန်၌ ဆက်လက် ဆွေးနွေးသွားမည်ဟု ဦးဌေးမြင့်က ကမ်းလှမ်းခဲ့ကြောင်း သိရသည်။

လယ်ယာမြေသိမ်းမူကို ဦးဌေးမြင့်က သူမသိကြောင်း၊ အစိုးရလုပ်ခိုင်းသဖြင့် လုပ်ရကြောင်း၊ တောင်သူပိုင် ခြံမြေ လယ်ယာများ ဖျက်ဆီးမူ များ ကိုလည်း သူမသိကြောင်း၊ အိန္ဒိယနှင့်ဆက်သွယ်ပြီး ဒေသဖွံဖြိုးရေး မြို့တည်ပြီး စည်ကားအောင်ပြုလုပ်ပေးရန် မည်သူမှ မ၀င်လို သည့် အချိန်တွင် သူဝင်ကြောင်း၊ ပီလောပီနံမှာလည်း နိုင်ငံတော်လောင်စာဆီ လိုအပ်ချက်အရ စိုက်ပျိုးရခြင်းဖြစ်သည်ဟု ညှိနှိုင်းသည့်အ ချိန်တွင် ရှင်းပြကြောင်း ဒေါ်ဘောက်ဂျာက ပြောသည်။

လယ်ယာမြေမဲ့သွားသည့် လယ်သမားများကို သူသိမ်းထားသည့်နေရာတွင် လာရောက် စိုက်ပျိုးစေပြီး ထွက်ရှိသည့် သီးနှံများကို တယောက်တ၀က် ရယူရန်အတွက်လည်း ဦးဌေးမြင့်က အကြံပြုခဲ့သေးကြောင်း သိရသည်။

“မြန်မာပြည်မှာ လျော်ကြေးတွေ၊ နစ်နာကြေးတွေသာ ပေးနေရမယ်ဆိုရင်ဘာမှ လုပ်စားလို့ရမှာ မဟုတ်ဘူးတဲ့၊ ဒါကြောင့် နစ်နာကြေးပုံစံ မ ဟုတ်ဘဲ ပျက်ဆီးသွားတာတွေအတွက် တရားရုံးက ချမှတ်တဲ့အတိုင်း ပေးမယ်လို့ ဦးဌေး မြင့်က ပြောတယ်” ဟု ဒေါ်ဘောက်ဂျာက ဆိုသည်။

ဖွံ့ဖြိုးတိုးတက်ရေးအတွက် ယုဇနကုမ္ပဏီမှ ကျောင်းများဆောက်ပေးမည်ဟု ဆိုသော်လည်း လက်တွေ့တွင် မဖြစ်လာသေးကြောင်း လယ် မြေ သိမ်းခံရသူတဦးက ပြောသည်။

“ဘာကျောင်းမှမရှိဘူး။ အင်္ဂလိပ်ခေတ်က သံတံတား အကောင်းစားတွေကို ဖြုတ်ယူသွားပြီး တံ တားအစား ကွန်ကရစ်ပိုက်လုံးတွေ လုပ်ပေး တယ်။ မိုးရွာတော့ ပိုက်လုံးနဲ့ရေမဆံ့တော့ သွားရေးလာရေး အကုန်ခက်ကုန်တယ်။ နောက် ပြီးတော့ လမ်းလုပ်တယ်တဲ့၊ မြေကြီးကိုဖို့ထားတာ နွေရာသီတော့ နည်းနည်းကောင်းတယ်။ မိုးရာသီဆိုတော့ ဗွက်တွေချည်းပဲ အရမ်းဆိုး သွားတယ်” ဟု ၄င်းက ဆက်ပြောသည်။

ကျားထိန်းသိမ်းရေး ဧရိယာဖြစ်သော်လည်း ဆိုင်းဘုတ်နားတ၀ိုက်တွင်သာ ဟန်ပြ တောအနည်းငယ် ချန်ထားပြီး တောအကုန် ရှင်းသဖြင့် ကျားလျှောက်လမ်းပင် မရှိတော့ကြောင်း ၀ါရာဇွပ်ရာသားတဦးက ပြောသည်။

ယုဇနကုမ္မဏီမှ လယ်ယာများကို ထိုးဆွသည့် ဘူဒိုဇာ ၁၀ စီးကို ရွာသားများက တူမီးသေနတ်နှင့် တားမြစ်ခဲ့သည်အထိ ပဋိပက္ခဖြစ်ခဲ့ဖူး ပြီး ပြည်နယ် တရားရုံးသို့ တိုင်ကြားရာတွင်လည်း အမူကို ပလပ်ခဲ့သဖြင့် ၂၄ ရက်နေ့တွင် အထူးအယူခံ ၀င်ထားကြောင်း သိရသည်။

သိမ်းယူထားသည့် လယ်မြေများကို တလအတွင်း လုပ်ကိုင်နိုင်ရေး ပြင်ဆင်ပေးရန် ယဇနကုမ္ပဏီထံ တောင်းဆို ထားသည်ဟု ဒေါ် ဘောက် ဂျာက ပြောသည်။

၎င်းက “သူတို့တတွေ ညတွင်းချင်းတောင် ဧကများစွာကို ထိုးကော်ပစ်ခဲ့တာ စက်တွေအများကြီး ရှိ တယ်။ တလဆိုတာ လုံလောက်ပါတယ်” ဟု ပြောသည်။

ဦးဌေးမြင့်၏ ယုဇနကုမ္မဏီကဲ့သို့ပင် မင်္ဂလာဒုံမြို့နယ် ပြည်သူ့လွှတ်တော် အမတ် ဦးခင်ရွှေ၏ ဇေကမ္ဘာကုမ္မဏီသည်လည်း လယ်မြေသိမ်း ခံရ သည့် လယ်သမားများ၏ ဆန္ဒပြမူများနှင့် ရင်ဆိုင်နေရသည်။

ပြည်သူ့လွှတ်တော်ကိုယ်စားလှယ် ဦးဌေးမြင့်သည် ရင်းနှီးမြှုပ်နှံမူကော်မတီတွင် အဖွဲ့ဝင်တဦးလည်းဖြစ်သည်။

မြေပုံမြို့တွင် ညဥ့်အချိန် စစ်တပ်မှ သေနတ်ပစ်ခတ်၍ ပြည်သူများ အထိတ်တလန့် ဖြစ်ပွား

နိရဉ္စရာ

ရ ခိုင်ပြည်နယ် မြေပုံမြို့ပေါ်တွင် သြဂတ်စ်လ ၂၉ ရက်နေ့ ညဉ့်အချိန် တွင် စစ်တပ်မှ သေနတ် ပစ်ခတ်သဖြင့် မြို့သူမြို့သားများ အကြား အ ထိတ် တလန့် ဖြစ်ပွားခဲ့သည်ဟု သတင်း ရရှိသည်။

“ ညဥ့် ၈ နာရီကျော်လောက်မှာ သေနတ်သံတွေ ဆက်တိုက် ထွက်လာ တော့ လူတွေက အထူး စိုးရိမ်သွားကြပါတယ်။ ၁၀ ချက်ခန့် ဆက်တိုက် ဆက်တိုက် ပစ်ပါတယ်။ မြို့ထဲမှာ အခုလို ပစ်ခတ်တော့ တစ်မြို့လုံး လုံးဝ ငြိမ်သက် တိတ်ဆိတ် သွားခဲ့ပါတယ်” ဟု မြို့ခံ တစ်ဦးက ပြောသည်။

သေနတ်သံမှာ မြေပုံမြို့ မွတ်ဆလင် ဗလီ အနားမှဆင့်ကာဆင့်ကာထွက် လာသဖြင့် လူများမှာ ကြောက်လန့်ပြီး ပြေးသူပြေး၊ ပုန်းသူ ပုန်းဖြင့် ရှုတ်ယှတ်ခတ်သွားခဲ့သည်ဟု ဆိုသည်။

“ ခုလို သေနတ်သံကို မကြားဖူးတော့ လမ်းမှာရှိတဲ့ သူတွေက ထွက်ပြေး၊ ဆိုင်တွေကို ပိတ်၊ မီးတွေ မှိတ်နဲ့ တမြို့လုံး ရှုပ်ယှတ်ခတ်သွားခဲ့ပါတယ်။ တညဥ့်လုံး လူတွေက ဘာဖြစ်သလဲဆိုတာကို အတိအကျ မသိတော့ အိပ်တောင် မပျော်ခဲ့ပါဘူး” ဟု ပြောသည်။

မနက်လင်းမှ စစ်သား တစ်ဦး အရက်မူးရာမှ သေနတ် ပစ်ခတ်ခြင်း ဖြစ်ကြောင်း သိရသည်ဟု သူက ဆိုသည်။ သို့သော် တစ်စုံ တစ်ဦးမျှ ထိ ခိုက် ဒဏ်ရာ ရရှိခြင်း မရှိကြောင်း၊ စစ်သားများမှာ မြေပုံမြို့ထဲရှိ ဈေးထဲ ဓမ္မာရုံနှင့် မြေပုံမြို့ ဗလီနားတွင် လုံခြုံရေး ယူထားကြောင်း သူက ဆက်ပြောသည်။

ယခုကဲ့သို့ လူအများ စိုးရိမ်စိတ်များ ၀င်နေချိန်တွင် မြို့ထဲတွင် စစ်တပ်မှ အချိန် မတော် သေနတ်ပစ်ခတ်သဖြင့်ပြည်သူများကိုအထူး အ ထ်ိတ် တလန့် ဖြစ်စေခဲ့ကြောင်း သတင်းများ ရရှိသည်။

SSPP/SSA နှင့်ပတ်သက်ဆက်နွယ်သည်ဟု သင်္ကာမကင်းဖြစ် သူများကို မြန်မာ စစ်တပ်က ဆက်တိုက် ဖမ်းဆီးနေ

သျှမ်းသံတော်ဆင့်

သျှမ်းပြည်တပ်မတော်၏ အမာခံလူဟုဆိုကာ ဖမ်းဆီးသွားသော နမ္မတူဒေသခံ စိုင်းကျော်အေးခေါ် အား ပြန်မလွှတ်ပေးသေး သည့် အ ပြင် သျှမ်းတပ်နှင့်ပတ်သက်ဆက်နွယ်နေသူများကို လိုက်ပြပေးရန်ဆက်လက်ခေါ်ဆောင်သွားသဖြင့် ဒေသခံများ စိတ်လက်မအေး ဖြစ် နေရ ကြောင်း ဒေသခံများသတင်းရပ်ကွက်ကဆိုပါသည်။

“၂၃ ရက်နေ့ကဖမ်းတဲ့ ပိန်းထော်(န်) ရွာသားစိုင်းကျော်အေးကို သူတို့စစ်ကြောင်းကိုလမ်းပြပေးဖို့ခေါ်သွားတယ်။ ပိန်းထော်န် ရွာသူကြီး စိုင်း အောင်ညွန့် ကိုလည်း ဖမ်းသွားတယ်။ ၂၇ ရက်မှာ ည၈ နာရီမန်စံရွာထဲ ဝင်တယ်။ နမ့်ပိုင်သူ ကြီး စိုင်းထွေး ညွန့်၊ ရွာသား စိုင်းဝဏ္ဏကို ကို ထပ်ဖမ်းတယ်။ ၂၈ ရက်နေ့ ပန်လှ၊ ပန်ဆော့ရွာဖက် ဆက်သွားတယ်။ ဆန်ခါဘက်ဖြတ်သွား တော့ ဆန်ခါရွာသား တွေကို သူတို့ကို နားဟုတ် နောင်ငင်းရွာကိုပို့ခိုင်းတယ်။ ဆန်ခါမှာ ဗမာစစ်တပ် လူစုခွဲပြီး နောင်ငင်းကို ၉၄ ယောက် ရောက်တယ်။ ၂၉ ရက် နားဟုတ်ကနေ မန်စံတောင် ဖက်ဆင်း တယ်။ စိုင်းကျော်အေးနဲ့ စိုင်းအောင်ညွန့်ကို ဗမာ စစ်အင်္ကျီ နဲ့ ပုဆိုးနဲ့ဝတ်ပေးပြီး လက်ထိပ်ခတ်ကြီးနဲ့ခေါ်သွားတယ်။ အဲဒီစစ် သား တွေကျတော့ သျှမ်းစစ်သား ဝတ်စုံတွေ ဝတ်ကြတယ်လို့လဲ ရွာသားတချို့ပြောကြတယ် ” ဟု နမ္မတူသား စိုင်းခမ်းက ပြောသည်။

ယခုလ ၂၃ ရက်နေ့က ပိန်းထော်န်ရွာသားစိုင်းကျော်အေးနှင့် နောင်အော့ရွာသား စိုင်းကမ်တို့ နှစ်ယောက် နမ္မတူမြို့နယ် ဝမ့်စန် ကျေးရွာ အုပ် စုမှ နောင်အော့်ရွာသို့ ဆိုင်ကယ်ဖြင့် အပြန် နောင်အော့ နတ်စင်အနီး၌ နမ္မတူအခြေစိုက် ၃၂၄ နှင့် နောင်ချိုအခြေစိုက် ၅၀၄ပူးပေါင်း တပ်အင် အား ၁၀၀ ခန့်က ဖမ်းဆီးခဲ့ရာမှစ၍ ယနေ့တိုင် သင်္ကာမကင်းဖြစ်သူများကို ဆက်လက်ဖမ်းဆီးနေခြင်း ဖြစ်သည်ဟု မန်စန်ဒေ သ ခံများ က ပြောပါသည်။

အဆိုပါ မြန်မာစစ်တပ်၏ပူးပေါင်းစစ်ကြောင်း ဝင်ရောက်မွှေနှောက်နေသော နယ်မြေများသည် သျှမ်းပြည်တပ်မတော် SSPP/SSA ထိန်း ချုပ် နယ်မြေအတွင်းဖြစ်ပြီး ပစ်ခတ်တိုက်ခိုက်မှုမရှိသေးသကဲ့သို့ သျှမ်းပြည်တပ်မတော်မှ ဝင်ရောက် ပြောဆို ဖြေရှင်းပေးခြင်းလည်း မရှိ သေး ကြောင်း စိုင်းခမ်းက ဆက်လက်ပြောပြသည်။

၎င်းနှင့်ပတ်သက်၍လည်း သျှမ်းပြည်တပ်မတော် SSPP/SSA ဌာနချုပ် ဝမ့်ဟိုင်း မှ အရာရှိတဦးက အဆိုပါ အကြောင်း ကိစ္စမသိရှိရသေး ကြောင်း ပြောဆိုခဲ့သည်။

“ ဒီစစ်ကြောင်းတွေကနေ လူတွေလိုက်ဖမ်းနေတာ လွယ်လွယ်နဲ့ရပ်မယ်မထင်ဘူး။ စစ်သားတိုင်း ဟာ သျှမ်းစကားကိုမွှတ် နေအောင်ပြော တတ်တယ်။ ရွာသားတွေကို သျှမ်းစစ်တပ်နဲ့ မပတ်သက်စေချင်တဲ့စီမံကိန်းနဲ့ ရှင်းလင်းနေတာ ဖြစ်နိုင်တယ်။ သူတို့ဖမ်းသွားတဲ့လူတိုင်း ညိုမဲ ဒဏ်ရာတွေပြည့်နေတယ်လို့ မြင်တဲ့လူတွေက ပြောပြတယ်။ ဒီတိုင်းဆက်လုပ်နေမယ်ဆို ရင်တော့ မကြာခင်ရွာသားတွေ ပြောင်းကြရွှေ့ကြမယ့်အနေအထားမှာရှိတယ်” ဟု ခေတ်ပညာတတ် နမ္မတူလူငယ် တဦး ကလည်းပြောသည်။

ထိုသို့ ခြေလျင်စစ်ကြောင်းများအပြင် စစ်ယာဉ်တန်းဖြင့်လည်း လားရှိုးမှ နမ္မတူဘက်သို့ အင်အားပို့ဆောင်နေကြောင်း ဒေသ ခံများက ပြော၏။

အဖမ်းခံရသူ၏ မိဘဆွေမျိုးများက စိုးရိမ်ပူပန်မှုဖြင့် ဒေသတွင်းရှိ နိုင်ငံရေးပါတီများ အုပ်ချုပ်ရေးအာဏာပိုင်များမှတဆင့် အကူအညီ တောင်း ဆိုထားသော်လည်း ဗျူဟာမှူးများက တိုင်းမှလာသောအမိန်ဖြစ်သဖြင့် မတတ်နိုင်ကြောင်းသာ ပြန်ပြော သည်ဟု ဆို၏။

သျှမ်းပြည်တပ်မတော် မြောက်ပိုင်းတပ်ဖွဲ့ဟုလူသိများသည့် သျှမ်းပြည်တိုးတက်ရေးပါတီ SSPP/SSA သည် ဦးသိန်းစိန် အစိုးရနှင့် ၂၀၁၂ ဂျန္နဝါရီ ၂၈ ရက်နေ့၌ ပြည်နယ်အဆင့်နှင့် ပြည်ထောင်စုအဆင့် ငြိမ်းချမ်းရေးသဘောတူညီချက်ရယူ ထားသည့် အဖွဲ့ဖြစ်ပါသည်။

RNDP စစ်တွေ ပြည်နယ် လွှတ်တော် ကိုယ်စားလှယ် ဦးအောင်မြကျော် ပိုလန် သို့ သင်တန်းသွားမည်

နိရဉ္စရာ

ရခိုင်ပြည်နယ် စစ်တွေမြို့နယ် ပြည်နယ် လွှတ်တော် ကိုယ်စားလှယ် ဦးအောင်မြကျော်သည် ပိုလန်နိုင် ငံခြားရေး ၀န်ကြီးဌာနမှ ခေါ်ယူ သည့် သင်တန်း တစ်ခုကို တက်ရောက်ရန် အတွက် သြဂတ်စ်လ ၃၁ ရက်နေ့တွင် မြန်မာနိုင်ငံက ထွက်ခွာမည် ဖြစ်သည်။

“ မင်္ဂလာ မြန်မာက စီစဉ်ပေးတာ ဖြစ်ပါတယ်။ ကျွန်တော်နဲ့ အတူ အမျိုးသား ဒီမိုကရေစီ အဖွဲ့ချုပ်က လူတွေ ပါ။ စုစုပေါင်း ၁၅ ဦး ဖြစ်ပါ တယ်” ဟု ဦးအောင်မြကျော်က ပြောသည်။

သင်တန်းမှာ Strategic Economic Needs and Security Exercise Programme (SENSEP) ဖြစ်ပြီး သင်တန်းကာလမှာ တစ်ပတ်ကြာမြှင့်မည်ဟု သိရသည်။

“နိုင်ငံခြားကို ထွက်ပြီး ခုလို သင်တန်းတက်ဖြစ်တာက ပထမဆုံးအကြိမ်ဖြစ်ပါတယ်။ နိုင်ငံခြား ပထမဆုံး အတွေ့ အကြုံဖြစ်သလို ဥရောပနိုင် ငံဖြစ်တဲ့ အတွက် စိတ်လူပ်ရှားမိပါတယ်။ သင်တန်းက ရရှိတဲ့ ဗဟုသု တတွေ ၊ အတွေ့ အကြုံတွေက တိုင်းပြည် ဖွံ့ဖြိုးတိုးတက်ရေး အတွက် တစ်စုံတစ်ရာ အထောက်အ ကူ ပြု လိမ့် မယ်လို့ မျှော်လင့်ပါတယ်” ဟု ပထမဆုံး နိုင်ငံခြား အတွေ့အကြုံနှင့် ပတ်သက်ပြီး သူက ပြော သည်။

သြဂတ်စ်လ ၃၁ ရက်နေ့တွင် ထိုင်းနိုင်ငံ ဘန်ကောက်မြို့သို့ ရောက်ရှိမည် ဖြစ်ပြီး ဘန်ကောက်မှ ၀ါဆော သို့ ဆက်လက် ခရီးထွက်ခွာမည် ဖြစ်သည်ဟု ဆိုသည်။

စက်တင်္ဘာလ ၈ ရက်နေ့တွင် ပိုလန်မှ မြန်မာ သို့ ပြန် လာမည် ဖြစ်ကြောင်း သိရသည်။

ကချင် စစ်ပြေးဒုက္ခသည် တစ်သိန်းနီးပါး တိုးလာနေ

KNG

ကချင်ပြည်နယ်တွင် မြန်မာအစိုးရတပ်ဖွဲ့နှင့် ကချင်လွတ်မြောက်ရေးတပ်ဖွဲ့ KIA ကြား တိုက်ပွဲပိုမိုပြင်းထန်လာသောကြောင့် မိမိနေရပ် ဒေသ များကို စွန့်ကာ ထွက်ပြေးတိမ်းရှောင်လာသော ဒုက္ခသည်များမှာ တစ်သိန်းနီးပါးရောက်ရှိလာပြီဖြစ်သည်။

ယခုချိန် ကချင်ပြည်နယ် ဖားကန့်ကျောက်စိမ်းမှော်ဒေသတွင်းတိုက်ပွဲကြောင့် ဖားကန့်မြို့တွင်းထွက် ပြေးလာသူများ၊ တရုတ်ပြည်ချမ်း ဘက်မှ ပြောင်းရွှေ့လာသူများ၊ ယခင်က တောတောင်များတွင် နေထိုင်သူများမှာလည်း ယခုချိန် ထိုနေရာတို့တွင် အစိုးရတပ်များ ထိုးစစ် ဆင်နေရာ ယူလာမှုများကြောင့် ထွက်ပြေးတိမ်းရှောင်လာခြင်း ထိုသို့ထပ်မံတိုးလာခြင်းကြောင့် ယခုချိန် ဒုက္ခသည် အရေအတွက်မှာ ၉၀ ၀၀၀ ကျော်နေ ပြီဖြစ်သည်။

ထိုသို့ရောက်ရှိလာသော ဒုက္ခသည်များသည် ကချင်ပြည်နယ် တရုတ်နယ်စပ်တစ်လျှောက်နှင့် မြစ်ကြီးနား၊ ၀ိုင်းမော်၊ ဗန်းမော် စသည့် မြို့ပေါ် လုံခြုံရာနေရာတို့တွင်ရောက်ရှိခိုလုံနေခြင်းဖြစ်သည်။

၎င်းဒုက္ခသည်များလာသည်နှင့်အမျှ မိုးရာသီချိန်ဖြစ်၍ နေရာထိုင်ခင်း၊ ကျန်းမာရေး၊ ပညာရေးများတွင် ပိုမိုထိခိုက်လာကာ ဒုက္ခသည် စခန်း များတွေလည်း မြန်မာအစိုးရအာဏာပိုင်များမှ ပုဒ်မ ၁၇(၁) မသင်္ကာမှုဖြင့် လိုက်လံဖမ်းဆီးမှုများလည်း များလာကြောင်း ကချင်အ မျိုး သမီး အဖွဲ့ KWAT မှ ပြောရဲဆိုခွင့်ရှိသူ ဒေါ်မွန်းနေလီပြောသည်။

“ဒုက္ခသည်တွေပိုများလာတော့ အခုချိန်မိုးရာသီလည်းဖြစ်တယ်။ ဖျားနာတာတွေအရမ်းများတယ်။ ငှက်ဖျားတို့၊ ၀မ်းလျှော်ရောဂါ၊ ချောင်းဆိုး တာတွေ တစ်ယောက်နဲ့တစ်ယေက်ကူးတဲ့ဟာမျိုးတွေ အဲဒီမှာ ဆေးဝါးမလုံလောက် တဲ့ပြသ နားတွေ ပြီးတော့ အခုကကျောင်းတက်ချိန် လည်းဖြစ်တယ်။ စာတွေမလုံလောက်ဘူး။ အဲလိုမျိုးပြသာနာ ကပိုဆိုးလာတယ်။ ပြီးတော့ စခန်းကလူတွေကိုလည်း ဒုက္ခသည်စခန်းမှာ ရောက် နေတာသိပေမဲ့ မသင်္ကာမှုနဲ့ ဖမ်းပြီး ရူးလောက်အောက်ကို နှိပ်စက်တာတွေလေ နော်” ဟု ဒေါ်မွန်းနေလီ ကပြောသည်။

ထိုသို့ စစ်ပဋ္ဋိပက္ခကြောင့်ရွှေ့ပြောင်းနေရသူစစ်ပြေးဒုက္ခသည် (၉၀၀၀၀) ကျော်အတွက်လိုအပ်သော အရေးပေါ် အကူအညီ ထောက်ပံ့ ရေးအ စီအစဉ်များ လွတ်လွပ်စွာလုပ်ဆောင်နိုင်ရန် အတွက် ခွင့်ပြုပေးရန် ပြည်ပရောက် ကချင်အမျိုးသားအဖွဲ့အစည်းများမှ သြဂုတ်လ ၂၉ ရက်နေ့တွင် သမ္မတဦးသိန်းစိန်အစိုးရသို့ ပေးပို့သော ကြေညာချက် ထုတ်ပြန်လိုက်သည်။

ထိုကြေညာချက်ကို ကချင် အမျိုးသားအစည်းအရုံး (KNO)၊ ကချင် အမျိုးသမီးအစည်းအရုံး (KWAT)၊ ကချင် လူမှုဖွံ့ဖြိုးရေးကွန်ယက် KDNG၊ ကချင် သဘာဝပတ်ဝန်းကျင် ထိန်းသိမ်းရေးအဖွဲ့ KEO စသည့် ကချင်အဖွဲ့အစည်း ၁၁ ဖွဲ့တို့မှ ပူးပေါင်း ထုတ်ပြန်လိုက်ခြင်း ဖြစ် သည်။

ကြေညာချက်တွင် ကချင်ပြည်နယ်တွင် မြန်မာတပ်မတော်၏ ထိုးစစ်ဆင်မှုရပ်တန့်ညွန်ကြားချက်ကို မလိုက်နာသောရှေ့တန်းရှိ စစ်တပ် များ ကို ထိရောက်စွာအရေးယူပေးရန်။ အစိုးရနှင့် KIO ကြား စစ်မှန်သော နိုင်ငံရေးတွေ့ဆုံဆွေးနွေးခြင်းဖြင့် အဖြေရှာရန်၊ လူ့အခွင့်အ ရေးချိုး ဖောက်မှုများအား စုံစမ်းရေးကော်မရှင်ဖွဲ့၍ စစ်ဆေးဖော်ထုတ်ရန်လည်း ကုလသမဂ္ဂနှင့် နိုင်ငံတကာအသိုင်းအဝိုင်းသို့ တောင်းဆို ထားသော စာများပါရှိသည်။

ဦးပိုင် သိမ်းသည့်မြေများ ပြန်ရရေး “ယာသိမ်းတိုက်ပွဲ” ဆင်နွှဲ

ကျော်ခ

စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပံတောင်း ကြေးနီ စီမံကိန်းအတွက် အသိမ်းခံထားရသည့်မြေများ ပြန်ရရှိရေး အ တွက် မူရင်းယာပိုင်ရှင် တောင်သူများက “ယာသိမ်းတိုက်ပွဲ” ဆင်နွှဲနေကြောင်း သတင်း ရရှိသည်။

၂၀၁၀ ခုနှစ်က ဒေသခံတို့၏ မြေများပေါ်တွင် ဓာတ်သတ္ထုရှာဖွေခြင်းကြောင့် စိုက်ခင်းပျက်စီးမှုများအတွက် သီးနှံလျော်ကြေး အဖြစ် ပြော ၍ ပေးချေထားသည့် အခကျေးငွေကို ယခုနှစ်ထဲ၌ မြေလျော်ကြေး အဖြစ် ပြောင်းလဲပြောဆိုလိုက်ပြီးနောက် ဒေသခံများက ၎င်းတို့ မြေ များကို ကာကွယ်ရန် လုပ်ဆောင်နေကြခြင်းဖြစ်ကြောင်းသိရသည်။

“အသိမ်းခံထားရတဲ့ ကျနော်တို့ ယာတွေထဲမှာ ကျနော်တို့ က တဲတွေသွားပြန်ဆောက်ထားတယ်၊ တချို့တဲတွေကိုလည်း လုံထိန်း တွေက ပြန် ဖျက်တယ်၊ ကျနော်တို့ကတော့ ယာမြေတွေ ပြန်လည်ရရှိသည်အထိ ကျနော်တို့က တိုက်ပွဲ ဝင်သွားမှာ”ဟု ဝက်မှေးရွာသား ဦးအောင်ဇော် ဦး က ဧရာဝတီသို့ ပြောသည်။

ကြေးနီစီမံကိန်းကို မြန်မာ့စီးပွားရေး ဦးပိုင်လီမိတက်နှင့် တရုတ် ဝမ်ပေါင် ကုမ္ပဏီတို့က ၂၀၁၁ ခုနှစ်ထဲမှ စ၍ အကျိုးတူ ပူးပေါင်း လုပ် ဆောင် နေခြင်း ဖြစ်ပြီး စီမံကိန်းအတွင်း ကျရောက်နေသော ကျေးရွာ ၂၆ ရွာ၏ မြေဧက ၇၈၀၀ ကျော်တို့ကို သိမ်းယူ လုပ်ကိုင် နေခြင်း ဖြစ်သည်။

ယင်းသို့ သိမ်းယူ၍ စီမံကိန်းစတင်လုပ်ဆောင်ရာ ကာလတွင် တစ်ဧကလျင် ကျပ် ၅ သိန်း ၂ သောင်းနှုန်းဖြင့် သီးနှံလျော်ကြေး အဖြစ် ထိုအ ခါက ရွာခံများကို မုံရွာခရိုင် အုပ်ချုပ်ရေးမှူး ဦးခင်မောင်ဆန်း က ပြောဆိုခဲ့ပြီး ယခုနှစ်တွင် ဦးခင်မောင်ဆန်း အပါ အဝင် စစ်ကိုင်း တိုင်းဝန် ကြီး ဦးသာအေးတို့က မြေလျော်ကြေးအဖြစ် ပေးချေခဲ့ခြင်းဖြစ်ကြောင်း ပြောင်းလဲပြောဆိုလာ သဖြင့် မြေများ ပြန်ရရန် တိုက်ပွဲ ဝင်ကြ ခြင်း ဖြစ်သည်ဟုဆိုသည်။

“ကျနော်တို့ယူခဲ့စဉ်တုန်းကလည်း ၃ နှစ်စာ သီးနှံလျော်ကြေးဆိုပြီး ယူခဲ့တာ၊ မြေယာလျော်ကြေး အဖြစ် ယူခဲ့တာမဟုတ်ဘူး၊ နောက်မှ ဝန်ကြီး ချုပ် ဦးသာအေးကိုယ်တိုင်က မြေယာလျော်ကြေးလို့ပြောပြီးတော့ လျော်ကြေးကို နှစ်ခါ ပေးရိုးထုံးစံမရှိဘူးလို့ ပြောတယ်။ ကျနော်တို့ကလည်း မြေယာလျော်ကြေးပေးမယ်ဆိုရင်လည်း လက်မခံနိုင်ပါဘူး၊ ရေရှည်လုပ်ကိုင်ပြီး ဘဝရပ်တည်လို့ ရမယ့် ကျနော်တို့မြေတွေကို ပဲလိုချင်တယ်” ဟု မြေသိမ်းခံ တောင်သူ တစ်ဦးက ပြောသည်။

ယခုလ ၂၄ ရက်နေ့မှ စတင်ခဲ့သော “ယာသိမ်းတိုက်ပွဲ” ယမန်နေ့ညနေပိုင်းကလည်း ဆက်လက် ဆင်နွှဲခဲ့ပြီး ဝက်မှေး၊ ဇီးတော၊ ဆည်တဲနှင့် ကန်တော အပါအဝင် ယာသိမ်းခံထားရသော ကျေးရွာများမှ တောင်သူ ၅၀၀ ကျော်က ၎င်းတို့ပိုင်ဆိုင်ခဲ့သော ယာမြေများသို့ သွား၍ ယာတဲ များထိုးကာ သက်သေထူ တိုက်ပွဲဝင်ခဲ့သည်ဟု ဆိုသည်။

ယင်းသို့လုပ်ဆောင်ရာတွင် လက်နက်အပြည့်အစုံ ကိုင်ဆောင်ထားသော လုံထိန်းတပ်ဖွဲ့ အင်အား ၃၀၀ ခန့် ကလည်း စောင့်ကြည့် နေခဲ့ပြီး နှောင့်ယှက်မှု တစ်စုံတစ်ရာ လုပ်ဆောင်ခြင်းမရှိဟု တောင်သူများက ပြောသည်။

ယခုလ ၂၂ ရက်နေ့က စစ်ကိုင်းတိုင်း လွှတ်တော် ဒု ဥက္ကဌနှင့် ဦးပိုင်လီမိတက်မှ ဦးဝင်းကြည်တို့က စာနယ်ဇင်း များအား ခေယူ၍သ တင်းစာ ရှင်းလင်းပွဲ ပြုလုပ်ရာတွင် သိမ်းမြေများနှင့် ပတ်သက်၍ ရွှေ့ပြောင်းရမည့် တောင်သူများ အတွက် မြေယာ သီးနှံလျော်ကြေး၊ နှစ်ရှည်သီးနှံ လျော်ကြေးများ အတွက် ကျပ် သန်းပေါင်း ၉၀၀၀ ကျော် ပေးလျော်ခဲ့ပြီးဖြစ်ကြောင်းပြောသည်။တောင်သူများကမူ ထိုသ တင်းစာရှင်းလင်း ပွဲသည် ၎င်းတို့၏ နစ်နာမှုများကို လျစ်လျူရှု၍ အဓမ္မသိမ်းယူထားသည့် မြေများကို အများအမြင်တွင် တရားဝင်စေရန် တစ်ဖက်သတ် လုပ် ဆောင်သွားခြင်းဖြစ်ကြောင်း အစိုးရအပါအဝင် စီမံကိန်းကုမ္ပဏီများက ၎င်းတို့အား တရားဝင် တွေ့ဆုံဖြေရှင်းခြင်း မရှိ ကြောင်းပြောဆို ကြသည်။

ယမန်နေ့မွန်းလွဲပိုင်းက ဆားလင်းကြီးမြို့နယ် အုပ်ချုပ်ရေးမှူးရုံးတွင် ၈၈ မျိုးဆက်ကျောင်းသားအဖွဲ့ဝင် ဦးထွန်းမြင့်အောင်နှင့် ဦးမျိုးသန့်တို့က ဦးပိုင် ကုမ္ပဏီလီမိတက်မှ တာဝန်ရှိသူများ၊ စီမံကိန်းတာဝန်ခံ ဦးမြင့်အောင်၊ တိုင်းလွှတ်တော် ဒုဥက္ကဌ ဦးသောင်းစိန်၊ တိုင်းသတ္ထုတွင်း ဝန်ကြီး ဌာန တာဝန်ရှိသူ ဦးသန်းထိုက်၊ တိုင်းမြေစာရင်းဌာန ဦးစီးမှူး၊ တိုင်းအဆင့် ဥပဒေ အရာရှိချုပ်တို့နှင့် တွေ့ဆုံဖြစ်ကြောင်း ဦးမျိုးသန့် က ပြော သည်။

“ကျနော်တို့က ပထမအကြိမ် ပွင့်လင်းလူ့အဖွဲ့အစည်း အစီအစဉ်နဲ့ လာတုန်းက သူတို့ဘက်ကနေပြီး တောင်သူတွေ စကား တစ်ဘက်ထဲကိုပဲ နားမထောင်ပါနဲ့ ကျနော်တို့ ဘက်ကပြောတာကိုလည်း နားထောင်ပါဦးဆိုပြီး ကမ်းလှမ်းထား တာရှိလို့ သွားနာထောင်တာပဲဖြစ်တယ်၊ ညှိနှိုင်း ဆွေးနွေးတာမဟုတ်ပါဘူး” ဟု ဦးမျိုးသန့်က ဧရာဝတီသို့ ပြော သည်။

သို့သော်လည်း ဒသခံများနစ်နာနေသည့်ကိစ္စရပ်များကို ကုစားပေးဖို့ အစိုးရတွင်တာဝန်ရှိကြောင်း၊ တိုင်းဒေသကြီးက လုပ်ကိုင် ဖြေရှင်း မပေး နိုင်ပါက ပြည်ထောင်စုအစိုးရတွင်တာဝန်ရှိကြောင်း အသိပေးပြောဆိုခဲ့သည်ဟု သူကဆက်ပြောသည်။

“ကျနော်တို့ အမြင်အရတော့ ကျိန်းသေတာကတော့ ဒေသခံတွေ ဒီအတိုင်းသွားရင် အများကြီး နစ် နာပါတယ်၊ ခုတော့ နှစ်ဖက်နားတွေ စုံသွား ပြီး သူတို့ပြောတဲ့ အနေအထားအရ တစ်ဧကကို ၅ သိန်းနှုန်းလောက်ပေးထားတာက ဒါလုံ လောက်တဲ့ လျော်ကြေးမဟုတ်ဘူး၊ နစ်နာကြေးကို နစ်နာကြေးဆိုတဲ့ အသုံးအနှုန်းမဟုတ်ဘဲနဲ့ ကရုနာကြေးဆိုပြီး သူတို့ကို တစ်သက်လုံး ကျေးဇူးတင်နေရမယ့် စကားလုံးတွေ သုံးတာကိုလည်း ကျနော်တို့ သဘောမတူပါဘူး”ဟု ဦးမျိုးသန့်ကပြောသည်။

သူကဆက်ပြီး “ဘယ်လောက်ပေးပေး သိန်းထောင်နဲ့ချီပြီးပေးပေး ငွေဆိုတာ ကုန်သွားမှာ ဖြစ်တဲ့အ တွက် ဘဝအာမခံချက်ရှိတဲ့ အလုပ်အ ကိုင်အခွင့်အလမ်းတွေမှ မရဘူးဆိုလို့ရှိရင် ဒီမြေတွေကနေ မစွန့်ခွာတာ တောင်သူတွေအတွက် တ ရားမျှတမှု ရှိတယ်လို့ ကျနော်က တော့ မြင်ပါတယ်” ဟုပြောသည်။

၈၈ မျိုးဆက်ကျောင်းသားများအနေနှင့် “ယာသိမ်းတိုက်ပွဲ”ဆင်နွှဲနေသော တောင်သူများနှင့်လည်း ကွင်းဆင်းတွေ့ဆုံဖြစ်ခဲ့ ကြောင်း၊ လယ် မြေများအသိမ်းခံရသည့် တောင်သူများမှာ ဆင်းရဲဒုက္ခကြုံတွေ့နေရကြောင်း၊ အနာဂတ်ပျောက်နေသည့် တောင်သူများအတွက် စိုးရိမ် ဖွယ်တွေ့မြင်ခဲ့ရကြောင်း ဦးထွန်းမြင့်အောင်က ဧရာဝတီသို့ ပြောသည်။

“ဒီစီမံကိန်းက ဒီဒေသ ဖွံ့ဖြိုးရေး အတွက် ဘယ်လောက်သုံးမှာလည်း ဆိုတာကိုလည်း သူတို့ဘာ မှမသိရဘူး၊ အဲတော့ ယုံကြည်မှု တွေက မရှိဘူးဗျာ၊ သူတို့ဘဝ အနာဂတ်အတွက် ဘာမှ မသေချာတော့တဲ့ အခါမှာ ရွာသူရွာသားတွေက ဖြစ်ချင်ရာဖြစ်၊ သတ်ချင် လည်းသတ်၊ သူတို့မြေကိုတော့ ခုခံကာကွယ်မယ်ဆိုတဲ့အနေ အထားမျိုးတွေထိ ဖြစ်လာတယ်”ဟု ဦးထွန်းမြင့်အောင်က ပြောသည်။

ကြေးနီတူးဖော်မှုကြောင့်၊ ဒေသတွင်း၊ မြေယာများနှင့် လက်ပံတောင်းတောင်တန်းကြီးလည်း ပျောက်လုနီးဖြစ်နေပြီဖြစ်ကြောင်း၊ ယင်းသို့ကြောင့် သဘာဝ အမွေအနှစ်များနှင့် သဘာဝ ပတ်ဝန်ကျင် ပျက်စီးနေမှုများ ထိန်းသိမ်းနိုင်ရန်အတွက်၊ အစိုးရအဖွဲ့များ အရပ်ဘက်အဖွဲ့အစည်းများထံ တင်ပြတောင်းဆိုသွားမည်ဖြစ်ကြောင်းပြောသည်။

ထို့အတူ ဒေသခံ တောင်သူလယ်သမားများ တိုးတက်ရေး၊ ထိခိုက်ဆုံးရှုံးမှုများ မဖြစ်ပေါ်စေရေးအတွက် ပြည်သူလူထု အာမ ခံချက် ရှိနိုင်မည့် မြေယာဥပဒေ ပေါ်ပေါက်လာရေးအတွက် လွှတ်တော်တွင်း၌ ရောက်ရှိရန် ဆောင်ရွက်သွားမည် ဖြစ်သကဲ့သို့ လွှတ်တော်ပြင်ပ အရပ်ဘက်အဖွဲ့အစည်း အသီးသီးနှင့်လည်း လှုပ်ရှားဆောင်ရွက်သွားမည်ဖြစ်ကြောင်း ဦးထွန်းမြင့်အောင်က ပြောသည်။

မိုဘိုင်းဖုန်းက ဆင်းရဲမွဲတေမှုကို တိုက်ဖျက်နိုင်မှာလား

အောင်ဝင်း

“ဆင်းရဲသားများကို မိုဘိုင်းဖုန်းများ အခမဲ့ပေးမည်” ဆိုတဲ့ သတင်းခေါင်းစဉ် တခုကို ဂျာနယ် တစောင်မှာ ခုတလော ဖတ်လိုက်ရပါတယ်။ ပေး မယ့် နေရာကတော့ “အိန္ဒိယ… အိန္ဒိယ နိုင်ငံမှာပါ”

အိန္ဒိယ အစိုးရရဲ့ ရည်ရွယ်ချက်ကတော့ ဆင်းရဲမှု လျှော့ချဖို့အတွက် အရေးပါတဲ့ ဆက်သွယ်ရေး ကိရိယာဖြစ်တဲ့ မိုဘိုင်းဖုန်းတွေကို ဝင် ငွေ နည်း မိသားစုတွေကို ပေးခြင်းအားဖြင့် အလုပ်အကိုင် အခွင့်အလမ်း ပိုမိုရရှိနိုင်ပြီးတော့ ဆင်းရဲမှုကနေ လွတ်မြောက်နိုင်စေဖို့ပါ။

မိုဘိုင်းဖုန်း ဆင်းမ်ကတ်၊ ဟန်းဆက်နဲ့ အတူ မိနစ် ၂ဝဝ ကြာ အခမဲ့ ဖုန်းပြောခွင့်ပါ ရရှိစေဖို့ လုပ်ဆောင် ပေးမယ်လို့ ဆိုပါတယ်။

အစိုးရရဲ့ အခုလို အစီအစဉ်ကို အတိုက်အခံပြော ဝေဖန်တဲ့ သူတွေလည်း ရှိပါတယ်။ ဆင်းရဲသားတွေကို မိုဘိုင်းဖုန်းပေးမယ့်အစား ကျန်းမာ ရေးနဲ့ အာဟာရဖွံ့ဖြိုးမှု အစီအစဉ်တွေမှာ သုံးစွဲဖို့ဝေဖန်အကြံပြုတာတွေလည်း ဖတ်လိုက်ရပါ တယ်။

ဒီမိုကရေစီ ကျင့်သုံးတဲ့ နိုင်ငံဆိုတော့ အကောင်အထည် ဖော်မယ့် အစီအစဉ်တခုကို အဆိုးအကောင်း ဝိုင်းဝန်း ဝေဖန် တာတွေတော့ ရှိစမြဲပါ။

ကျနော်တို့နိုင်ငံမှာလည်း မိုဘိုင်းဖုန်း ဆင်းမ်ကတ် တွေကို တခု ငါးသိန်းနဲ့ အစိုးရ ဆက်သွယ်ရေး ဌာနကနေ ရောင်းနေ တဲ့အချိန်မှာ ဆင်းမ် ကတ် တခုကို ကျပ် ငါးထောင်နဲ့ ပုဂ္ဂလိက ကုမ္ပဏီတခုက ရောင်းချပေးဖို့ အစီအစဉ်ကိုတောင်မှ ဆက်သွယ်ရေးဌာနက ခွင့်ပြုဖို့ မဖြစ်နိုင်သေး ပါဘူး၊ ကျနော်တို့လည်း ဆင်းမ်ကတ် ဈေးတွေကို တဖြည်းဖြည်းနဲ့ လျှော့ချပေးဖို့ အစီအစဉ် ရှိပါတယ်လို့ ဆိုခဲ့သေးပါတယ်။

အခုအချိန်အထိမှာတော့ GSM ဆင်းမ်ကတ်တခုကို ကျပ် နှစ်သိန်းနဲ့ ရောင်းနေချိန်မှာ ကျပ် တသိန်း ဒါမှမဟုတ် CDMA မိုဘိုင်းတွေ ကို ကျပ် ရှစ်သောင်းနဲ့ မကြာမီ ရောင်းချပေးတော့မယ် ဆိုတဲ့ သတင်းတွေ ထွက်ပေါ်နေချိန်အထိ မြန်မာ့ ဆက်သွယ်ရေးက တာဝန်ရှိသူ တွေက မဖြစ် နိုင်သေးပါဘူးလို့ ငြင်းနေတုန်းပါ။

ဒါနဲ့ ခုန အိန္ဒိယ အစိုးရရဲ့ ရည်ရွယ်ချက်နဲ့ သဘောထားကို ပြန်ပြီး ကောက်ချက် ချကြည့်ရအောင်ပါ။

အိန္ဒိယ ဝန်ကြီးချုပ်ရုံးရဲ့ သဘောထားကတော့ “မိုဘိုင်းဖုန်း ဆိုတဲ့ အီလက်ထနောနစ် ဆက်သွယ် ရေး ကိရိယာဟာ အလုပ်လက်မဲ့တွေကို အ လုပ်ရှာဖွေရာမှာ အထောက်အကူ ပြုစေဖို့ပါ” လို့ ဆိုပါတယ်။

အဓိပ္ပါယ်ကတော့ အလုပ်လက်မဲ့ တဦးဟာ ဆက်သွယ်ရေး ကိရိယာ ဖြစ်တဲ့ မိုဘိုင်းဖုန်း မရှိတဲ့အတွက် အလုပ်ရှာဖို့ အခက်အခဲတွေ့နေ ကြ တာကို ဖြေရှင်းဖို့ မိုဘိုင်းဖုန်းကို အခမဲ့ပေးဖို့ စဉ်းစားရတာဖြစ်တယ်လို့ ဆိုပါတယ်။ ဖုန်းမရှိတဲ့အခါ အလုပ်ရှာဖို့ ခက်ခဲသလို၊ အလုပ်မ ရှိတဲ့အ တွက် ဖုန်းမဝယ်နိုင်တဲ့ ဝိုင်းကြီးပတ်ပတ် အခက်အခဲကို ဖြေရှင်းဖို့ မိုဘိုင်းဖုန်း ရှိဖို့ အရင်းဦးဆုံး လိုအပ်တယ်လို့ ဆိုပါတယ်။

ဒီအယူအဆကို ကျနော်တို့နိုင်ငံမှာ ကြုံတွေ့နေရတဲ့ အခြေအနေနဲ့ နှိုင်းယှဉ် စဉ်းစားမယ်ဆိုရင် အတော်လေးပဲ နီးစပ်ပါတယ်။ အလုပ် ကြမ်း ဝင် ငွေနည်း အလုပ်တွေနဲ့ နီးစပ်ရာ အလုပ်အကိုင် ရှာကြတဲ့ အခြေအနေတွေက လွဲရင်ပေါ့လေ။

ကျနော်တို့ နိုင်ငံမှာလည်း အထူးသဖြင့် ဘွဲ့ရ အလုပ်လက်မဲ့တွေအတွက် အလုပ်ရှာတဲ့ အခါ ကိုယ်ရေးရာဇဝင်နဲ့ အလုပ်လျှောက်လွှာကို တင် ထားရတဲ့အခါ အလုပ်ရှင်က ပြန်ပြီးဆက်သွယ်နိုင်မယ့် ဖုန်းနံပါတ် တခုခုကို ပေးထားရ ပါတယ်။ ကိုယ်ပိုင်ဖုန်း မရှိရင်တောင်မှ အိမ်နီး နား ချင်း တယောက်ယောက်ရဲ့ ဖုန်းနံပတ်တော့ အနည်းဆုံး ပေးထားရ ပါတယ်။

ကျနော်နေတဲ့ ရန်ကုန်မြို့ ဆင်ခြေဖုံး ရပ်ကွက်တခုမှာ ဖုန်းမရှိရင် အစားထိုးပေးဖို့ အိမ်နီးချင်း ဖုန်းနံပါတ် ပေးဖို့လည်း မလွယ်လှပါဘူး။ တချို့ရပ်ကွက်တွေမှာတော့ မုန့်ပဲ သွားရေစာ ရောင်းတဲ့ ဈေးဆိုင်ရှင် အိမ်တွေမှာ ဖုန်းတွေ ရှိတတ် ပါတယ်။ တချို့လည်း ဆိုင်ရှင်တွေကို တောင်း တောင်း ပန်ပန်နဲ့ အလုပ်ကိစ္စ ဖုန်းလာရင် ခေါ်ပေးဖို့ မှာထားရတာတွေ လည်း ရှိပါတယ်။

သဘောကောင်းတဲ့ ဖုန်းပိုင်ရှင် ဈေးရောင်းသူတွေကလည်း အလုပ်များနေတဲ့ကြားထဲ ခပ်လှမ်းလှမ်းအိမ်က လူတယောက်ကို ခေါ်ပေး တာ တွေ လည်း ရှိပါတယ်။ ဒါတောင်မှ ဖုန်းလာတဲ့အချိန်မှာ ကိုယ်က ရှိမနေရင် အခက်တွေ့တတ်ပါတယ်။

ကျနော်တို့ ရန်ကုန်လို မြို့ကြီးပြကြီးမှာတောင် အခုလို အခြေအနေတွေ ရှိနေတာဆိုတော့ တခြား နယ်မြို့တွေက အခြေအနေကို ပိုပြီး တော့ တောင် ကိုယ်ချင်းစာမိပါတယ်ဗျာ။

အလုပ်ရှင်တွေကလည်း အလုပ်တနေရာစာအတွက် အလုပ်လျှောက်သူတွေ များပြားနေတဲ့အထဲမှာ ဆက်သွယ်ရ ခက်တဲ့၊ ပေးစရာ ဖုန်း နံ ပါတ် တခုတောင် မရှိတဲ့ အလုပ်လျှောက်သူတွေကို ခက်ခက်ခဲခဲ ဆက်သွယ်ဖို့ စိတ်ဝင်စားကြတဲ့ ပုံ မပေါ်ကြပါဘူး။

အကြမ်းဖျင်း ပြောရရင်တော့ အလုပ်ရှင်တွေအနေနဲ့လည်း ဖုန်းမရှိတဲ့ အလုပ် လျှောက်ထားသူတွေကို ထည့်မစဉ်းစား ဘူးဆိုတဲ့ ပေါ်လစီ အ ယူအဆ တရားဝင် ချမှတ်ထားတာ မဟုတ်ရင်တောင်မှ လက်တွေ့မှာ တကယ် ကျင့်သုံးနေသလိုဖြစ်နေပါတယ်။ ဖုန်းတလုံးမှ မရှိရင် အလုပ် အကိုင် ကောင်းတခု ရဖို့ ဆိုတာ အိမ်မက် ဆန်တယ်လို့ပဲ ပြောရမလိုဖြစ်နေတာပါ။

အခု ကျနော်တို့ နိုင်ငံမှာ အိန္ဒိယနိုင်ငံ အစိုးရဝန်ကြီးဌာနက ပုဂ္ဂိုလ်တွေလို ဝင်ငွေနည်း မိသားစုတွေ အတွက် မိုဘိုင်းဖုန်း တလုံးစီ အခမဲ့ ပေးဖို့ အစီအစဉ် မရှိရင်တောင်မှ မိုဘိုင်း ဆင်းမ်ကတ်တွေကို အိမ်နီးချင်းနိုင်ငံတွေမှာလိုပဲ သင့်တင့်မျှတ တဲ့ ဈေးနဲ့ ရောင်းပေးမယ် ဆိုရင်တောင် အ များကြီး ကျေးဇူးတင်ရမှာပါ။

“အခုလောလောဆယ် မဖြစ်နိုင်သေးပါဘူး” ဆိုတဲ့စကားနဲ့ကျနော်တို့ဘယ်အချိန်ထိ စောင့်နေရဦးမှာလဲ။ အဲဒီအချိန်အထိပုံမှန်အလုပ် အကိုင် မရှိတဲ့ ဝင်ငွေနည်း မိသားစုတွေ အတွက်ရော ကျနော်တို့ အစိုးရ ဝန်ကြီးဌာ နက ပညာရှင်ကြီးတွေ စဉ်းစားနေကြပြီလား။ ကျနော်တို့လည်း ဘယ်အချိန်ထိ အားတင်းပြီး စောင့်နေနိုင်ဦးမှာလဲ။ တခုခုတော့ လွဲနေ တုန်းပဲလား လို့ပါ။

အခုအချိန်ထိ “မိုဘိုင်းဖုန်းက ဆင်းရဲမွဲတေမှုကို တိုက်ဖျက်နိုင်မှာလား” ဆိုတဲ့ မေးခွန်းအ ပေါ်မှာ အဖြေထုတ်ဖို့ ငြင်းခုံဆွေးနွေးနေသေးသလား ဆိုတာ သိခွင့်လေးတော့ ရချင်တယ်ဗျာ။ ဆွေးနွေး စဉ်းစားနေတယ် ဆိုရင်တောင်မှ ဝမ်းသာရမှာပါ။ ။

ယနေ့ မြန်မာ့ရေးရာသတင်းများ August,31st,2012

( 33 )ဒေါ်စောမြရာဇာလင်းရဲ့ ပြည်တွင်း ခရီးစဉ် အပေါ် ရတပ ပါတီ အတွင်းရေးမှူးရဲ့ အမြင်

( 32 )သထုံတွင် PNLO ဆက်ဆံရေး ရုံးဖွင့်ရန် အစိုးရသဘောမတူ

( 31 )Black List ပယ်ဖျက်စာရင်း ထုတ်ပြန်

( 30 )၄၁နှစ်ပြည့် မွန်အမျိုးသားလွတ်မြောက်ရေး တပ်မတော်နေ့ NMSP ဗဟိုဌာနချုပ်တွင် ကျင်းပ

( 29 )ရေဘေးဒုက္ခသည်တွေ အကူအညီ အလွန်အမင်း လိုအပ်

( 28 )အင်ဒိုနီးရှားနိုင်ငံ သဘာဝဘေးအန္တရာယ် ကာကွယ်ရေးဌာန အကြီးအကဲနှင့်အဖွဲ့ စစ်တွေမြို့ကို ရောက်ရှိ

( 27 )ကချင်ဒေသ တိုက်ပွဲများရပ်ရန် တောင်းဆို

( 26 )KIA နှင့်အစိုးရတပ်တိုက်ပွဲ ယမ်းဂိုဒေါင် ပြင်းထန်စွာပေါက်ကွဲမှုဖြစ်

( 25 )ထားဝယ် စီမံကိန်းအတွက် ကလုံးထာ ကျေးရွာ ပြောင်းဖို့ ငြင်းဆန်

( 24 )ကချင်ဒုက္ခသည်များ အတင်းအကျပ် ပြန်မပို့ရန် အမေရိကန်တိုက်တွန်း

( 23 )နိုင်ငံခြားရုပ်ရှင် ကူးခွေများ ဖမ်းဆီးမှု အငြင်းပွား

( 22 )အတိုက်အခံတွေ မြန်မာပြည်သွားမည်

( 21 )Albright, Suu Kyi sons taken off Myanmar entry blacklist

( 20 )လွှတ်တော်နှင့် အခြေခံဥပဒေခုံရုံး အငြင်းပွားမှု စုံစမ်းစစ်ဆေးမည်

( 19 )Australians removed from Burma blacklist

( 18 )ထောင်ကျ INGO ဝန်ထမ်း သုံးဦး သမ္မတ လွတ်ငြိမ်းချမ်းသာခွင့်ပေး

( 17 )Conundrum of the Rohingyas

( 16 )ဖားကန့် အင်န်အယ်လ်ဒီ ဒုက္ခသည်တွေကို ကူညီ

( 15 )Japan, Myanmar to soon sign economic zone deal

( 14 )လျှပ်စစ်ဓါတ်အား ဖြန့်ဝေရေးလုပ်ငန်း ပုဂ္ဂလိကသို့ စတင်ပေး

( 13 )Suu Kyi sons taken off blacklist

( 12 )၈၈ မျိုးဆက်နဲ့ ဂီတအနုပညာရှင်များ ရေဘေးဒုက္ခသည်ကို ထောက်ပံ့ကူညီ

( 11 )Government frees two UN employees

( 10 )အစိုးရပေါ်လစီမှသည် အရည်အချင်း အကယ်ဒမီဆုသို

( 9 )Myanmar farmers lose their grip on land

( 8 )၈၈ မျိုးဆက် မုံရွာဒေသခံပြည်သူများနှင့် တွေ့ဆုံ

( 7 )Steeped in poverty, Myanmar targets natural resources

( 6 )အင်ဒိုနီးရှား ကိုယ်စားလှယ်အဖွဲ့ ရခိုင်ပြည်နယ် ရောက်လာ

( 5 )Q&A with Ajay Chhibber, U.N. Assistant Secretary General on governance in Myanmar

( 4 )သိမ်းထားတဲ့လယ်မြေ ပြန်လည်ပေးအပ်ဖို့ ယုဇနက ကတိပြု

( 3 )Burma removes thousands from junta blacklist

( 2 )ကန်ကြီးထောင့် လယ်ပျက်စီးမှု ထောက်ပံ့ငွေပေးမည်

( 1 )Albright and more than 1,000 others welcome in Myanmar as trimmed blacklist made public

Thursday, August 30, 2012

အမည်ပျက်စာရင်းမှ ပယ်ဖျက်သည့် လူ ၂ ထောင်ကျော်စာရင်း ထုတ်ပြန်

လင်းသန့်

စစ်အစိုးရလက်ထက်က အမည်ပျက်စာရင်း သွင်းထားသည့် လူဦးရေ ၆ ထောင်ကျော်အနက် စာရင်းမှ ပယ်ဖျက်ပေးလိုက်သည့်နိုင်ငံ ခြားသား နှင့် မြန်မာနိုင်ငံသား ၂ ထောင်ကျော်စာရင်းကို သမ္မတရုံး၏ ဝက်ဘ်ဆိုဒ်မှ ယနေ့ထုတ်ပြန်လိုက်သည်။

နာမည်ပျက်စာရင်းမှ ပယ်ဖျက်ပေးလိုက်သော နိုင်ငံခြားသား ၁၁၄၇ ဦးစာရင်းတွင် အမေရိကန် နိုင်ငံခြားရေး ၀န်ကြီးဟောင်းမယ်ဒလင်း အော ဘရိုက်၊ အထက်လွှတ်တော်အမတ် တွန်လင်းတော့စ်၊ လူ့အခွင့်အရေး စောင့်ကြည့်ရေးအဖွဲ့ (HRW) မှ ဒေးဗစ် စကောက် မက်သီ ဆင်၊ ဂျာ နယ်လစ်များဖြစ်သည့် ဘာတေးလစ်တနာ၊ ဒင်းနစ် ဒီဂရေး၊ ဂျွန်ပေဂျာ၊ အင်ဒရူးမာရှယ် စသည့် နိုင်ငံရေး၊ မီဒီယာ၊ စီးပွားရေး အသီးသီးမှထင် ရှား သူများ စွာ ပါဝင်သည်။

၂၀၀၈ ခုနှစ်က နာဂစ်မုန်တိုင်းနှင့် ပတ်သက်၍ လျှို့ဝှက် သတင်းပို့ခဲ့သူလည်းဖြစ်၊ မြန်မာ အာဏာရှင် စနစ်ကို ဝေဖန်ရေးသားလေ့ရှိပြီး မြန်မာ နိုင်ငံကို အကြိမ်များစွာ သွားရောက်ခဲ့ဖူးသူ Reuters သတင်းထောက် အင်ဒရှုးမာရှယ်က ထောင်နှင့်ချီသောသူများကိုရန်သူများ ကဲ့သို့အမည် ပျက်စာရင်းသွင်းထားသည့် အကြောင်းရင်းကို ပို၍ စိတ်ဝင်စားကြောင်း ဧရာဝတီသို့ ပြောသည်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ သား ၂ ဦးဖြစ်သော Alexander Aris (ကိုမြင့်ဆန်းအောင်) နှင့် Kim Aris (ကိုထိန် လင်း)၊ စင်ပြိုင်အစိုးရ ၀န်ကြီး ဒေါက်တာ စိန်ဝင်းအဖွဲ့ အပါအ၀င် နိုင်ငံအသီးသီးမှ မြန်မာ့အ ရေး တက်ကြွလှုပ်ရှားသူများ၊ပညာရှင်များ၊စီးပွား ရေးသမားများ၊ သတင်း မီဒီယာသမားများလည်း အမည်ပျက်စာရင်းမှ ပယ်ဖျက်လိုက် သည့် နိုင်ငံခြားသားများ စာရင်းတွင် ပါဝင်သည်။

နိုင်ငံခြားသား ခံယူထားသည့် မြန်မာများ စာရင်းတွင် ကိုမိုးသီးဇွန်၊ ဒေါက်တာ ဆလိုင်းထွန်းသန်း၊ ဒေါ်မော်ရင်းအောင်သွင်၊ ဒေါက်တာအောင် ခင်၊ ဦးအောင်ဒင် (USCB)၊ ဦးတင်မောင်ထူး (ကနေဒါ)၊ ဒေါက်တာ Alice ခေါ် ဒေါ်ခင် စောဝင်း (ကနေဒါ)၊ ဦးတင်မောင်သော် (CRDP)၊ ဒေါက်တာ ကြည်မေကောင်း၊ ဒေါ်အေးအေးသန့်၊ VOA မြန်မာဌာနမှူး ဦးသန်းလွင်ထွန်း၊ ဒေါက်တာ အေးကျော်၊ ဦးဘိုဘိုကျော်ငြိမ်း၊ အယ်ဒီ အောင်မြင့် ခေါ် ဗိုလ်အောင်ဒင်၊ ဦးချမ်းအေး (USA) စသူတို့လည်း ပါဝင်သည်။

၂၀၀၉ ခုနှစ်တွင် အပြည်ပြည်ဆိုင်ရာ မင်္ဂလာဒုံ လေဆိပ်၌ အဖမ်းခံရသူ ကိုညီညီအောင်နှင့် ဒေါ်အောင်ဆန်းစုကြည် နေအိမ်အကျယ်ချုပ် ကျ ခံရစဉ်ကာလက နေအိမ်ကို ရေကူးဝင်ရောက်ခဲ့သူ အမေရိကန် နိုင်ငံသား ဂျွန်ဝီလီယံ ယက်ထောတို့ကိုလည်း နာမည်ပျက်စာရင်းမှ ပယ် ဖျက် သည့်အထဲတွင် ဖော်ပြထားသည်။

သမ္မတရုံးက ယနေ့ သြဂုတ်လ ၃၀ ရက်နေ့စွဲဖြင့် အမည်ပျက်စာရင်းမှ ပယ်ဖျက်လိုက်သည့် မြန်မာနိုင်ငံသား ၉၃၅ ဦး အမည်စာရင်းကို လည်း ဆက်လက်ဖော်ပြထားသည်။

ပြည်ပရောက် မြန်မာ့အရေး လှုပ်ရှားသည့် MPU, FTUB, AAPP, NDD, DPNS, BSLO, မြန်မာနိုင်ငံ ရှေ့နေများကောင်စီ၊ ညီညွတ်သောတိုင်း ရင်းသားလူငယ်များ အဖွဲ့ချုပ်၊ မြန်မာနိုင်ငံ ဆေးပညာရှင်များအသင်း၊ မြန်မာအမျိုးသမီးများ သ မဂ္ဂ၊ ကရင်အမျိုးသမီး အစည်းအရုံး အစ ရှိသည့်အဖွဲ့များ၊ လူ့အခွင့် အရေး၊ ဒီမိုကရေစီအရေးလှုပ်ရှားနေသူများကို နာမည်ပျက်စာရင်းမှ ပယ်ဖျက်ပေးထားသည်။

ပယ်ဖျက်ပေးသည့် စာရင်းထဲတွင် ပါဝင်သူ ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင့် (AAPP) တွဲဖက် အထွေထွေ အတွင်းရေးမှူး ကိုဘိုကြည်က ယေဘုယျအားဖြင့် ယခုလုပ်ရပ်သည် ကောင်းမွန်ကြောင်း၊ နောက်ဆက်တွဲ နှောင်ဖွဲ့မှု မရှိလျှင် ကြိုဆိုကြောင်း ဧရာဝတီကို ပြောသည်။

“သံရုံးမှာ ဗီဇာလျှောက်မှ ဟိုလက်မှတ်ထိုး၊ ဒီလက်မှတ်ထိုးဆိုရင်တော့ မကောင်းဘူး။ အဲဒါမျိုး မ လုပ်ဘူးလို့ မျှော်လင့်ပါတယ်။ တကယ်လို့ သံရုံးမှာ ၀န်ခံ ကတိလက်မှတ် ထိုးရမယ်ဆိုရင်တော့ ကျနော် ခဏ လေ့လာရေးခရီးအဖြစ် ပြန်ဖို့တောင် ခက်ပါလိမ့်မယ်” ဟု ကိုဘိုကြည်က ဆို သည်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) ဥက္ကဋ္ဌဟောင်း တဦးဖြစ်သူ ကိုမိုးသီးဇွန်က “ကျနော်တို့ကိုတောင် အစိုးရက နားလည်မှုပေးနိုင်ရင် တခြားလူတွေ အကုန်လုံးကို ပေးသင့်တယ်။ အဲဒီလို ပေးလိုက်တဲ့အတွက် အစိုးရအနေနဲ့ ပိုပြီး နာမည် ကောင်းရဖို့ ရှိတယ်။ နိုင်ငံတော်အတွက် ပိုအကျိုးရှိဖို့ပဲ ရှိပါတယ်” ဟု ဧရာဝတီသို့ ပြောသည်။

ကိုမိုးသီးဇွန်နှင့် ABSDF ပထမဆုံး ဥက္ကဋ္ဌဖြစ်သူ ကိုထွန်းအောင်ကျော်၊ ကိုကိုလေး၊ ကိုမူးသာ၊ ကိုအောင်၊ ကိုရွှေစင်၊ ကိုရင်အေး စုစုပေါင်း ၇ ဦးပါအဖွဲ့သည် စက်တင်ဘာလ ၁ ရက်နေ့တွင် နှစ်ပေါင်း ၂၄ နှစ်အတွင်း မြန်မာနိုင်ငံသို့ ပထမဆုံးအကြိမ် သွားရောက်ကြ မည်ဖြစ် ကြောင်း သိရသည်။

၎င်းတို့အနေဖြင့် အမေရိကန်ရှိ မြန်မာသံရုံးတွင် မည်သည့် ၀န်ခံကတိ၊ စာရွက်စာတမ်းကိုမျှ လက်မှတ်ရေးထိုးခဲ့ရခြင်း မရှိကြောင်း ကိုမိုး သီး ဇွန်က ပြောသည်။

အလုပ်သမားရေး လှုပ်ရှားသူ FTUB မှ ဦးမောင်မောင်၊ ABSDF ဥက္ကဌဟောင်း ဒေါက်တာ နိုင်အောင်တို့လည်း မနက်ဖြန်တွင် မြန်မာနိုင်ငံ သို့ သွားရောက်မည်ဖြစ်သည်။

ယနေ့ ထုတ်ပြန်သည့် စာရင်းဖော်ပြချက်များတွင် အမည်များ ထပ်နေခြင်း၊ သတင်းစာဆရာ ကြေးမုံ ဦးသောင်း ခေါ် အောင်ဗလ ကဲ့သို့သော ကွယ်လွန်ပြီးသူများ ပါဝင်နေသည်။

ပယ်ဖျက်ပေးသည့် အမည်ပျက် စာရင်းထဲတွင် ပြည်တွင်း၌ နေထိုင်သူများလည်း အများအပြားပါဝင်ပြီး နှုတ်ထွက်သော အစိုးရဝန်ထမ်း များ၊ လျော်ကြေးပေး၍ ဝန်ထမ်းအဖြစ်မှ နှုတ်ထွက်သည့် ကျောင်းဆရာမများ၊ ဆရာဝန်များ စသူတို့လည်း ပါဝင်ကြောင်း သိရသည်။

အခြေခံဥပဒေ ဆိုင်ရာခုံရုံး အဖွဲ့ကို စစ်ဆေးမည်

ခင်ဦးသာ

လွှတ်တော်များ၌ ဖွဲ့စည်းထားသည့် ကော်မတီ၊ ကော်မရှင်များသည် ပြည်ထောင်စုအဆင့် မဟုတ်ဟု ဆုံးဖြတ်ခဲ့သော အခြေခံ ဥပဒေ ဆိုင်ရာခုံရုံး ဥက္ကဋ္ဌနှင့်အဖွဲ့ကို ပြည်သူ့လွှတ်တော် စုံစမ်းရေးကော်မရှင်က စစ်ဆေးမှုပြုလုပ်တော့မည် ဖြစ်သည်။

ယင်း စုံစမ်းရေးကော်မရှင် အဖွဲ့အား ပြည်သူ့လွှတ်တော် ဒု ဥက္ကဋ္ဌ ဦးနန္ဒကျော်စွာ ဥက္ကဋ္ဌ အဖြစ် ဦးဆောင်ပါဝင်သည့် အဖွဲ့ဝင် ၁၅ ဦး ဖြင့် ယ မန်နေ့က ဖွဲ့စည်းလိုက်ခြင်း ဖြစ်သည်။

အခြေခံဥပဒေ ဆိုင်ရာခုံရုံး ဥက္ကဋ္ဌ နှင့်အဖွဲ့သည် ပေးအပ်ထားသည့် တာဝန်ထမ်းဆောင်နိုင်မှုမရှိခြင်း၊ ဥပဒေနှင့်အညီမလုပ်ဆောင်ခြင်း စသည် တို့ကို စုံစမ်း စစ်ဆေးမည် ဖြစ်ကြောင်း သိရသည်။

စုံစမ်း စစ်ဆေးမှုကို အမြန်ဆုံးဆောင်ရွက်မည် ဖြစ်ကြောင်း၊ စစ်ဆေး တွေ့ရှိချက်များကို လွှတ်တော်သို့ တင်ပြ၍ လွှတ်တော်မှ အတည်ပြု ပေး မည် ဖြစ်ပြီး နိုင်ငံတော် သမ္မတ ထံ ဆက်လက်တင်ပြရမည်ဟု စုံစမ်းရေးအဖွဲ့ဝင်တချို့က ဧရာဝတီ ကို ပြောပြ သည်။

“ခုံရုံး အဖွဲ့ရဲ့ လုပ်ဆောင်မှုတွေဟာ ဥပဒေနဲ့ ညီမညီ ဆိုတာပဲ စုံစမ်းရေးအဖွဲ့က စစ်ဆေးရမှာ ဖြစ် တယ်၊ စစ်ဆေးတွေ့ရှိချက်ကိုလွှတ်တော်က အတည်ပြုပြီး သမ္မတကို တင်ပြပြီးရင် ဒီကိစ္စက ပြီးစီးသွားပါပြီ”ဟု ပြည်သူ့လွှတ် တော် ကိုယ်စားလှယ် စုံစမ်းရေး အဖွဲ့ဝင် ဦးဘရှိန် က ပြော သည်။

စုံစမ်းစစ်ဆေးချက်အရ ခုံရုံး၏ လုပ်ဆောင်မှုသည် ဥပဒေနှင့် မညီဟု လွှတ်တော်က အတည်ပြု၍ သမ္မတထံ တင်ပြပြီး ပါက သမ္မတ၏ အ တည်ပြုချက်ဖြင့် ခုံရုံး ဥက္ကဋ္ဌနှင့်အဖွဲ့သည် နုတ်ထွက် ရမည်ဖြစ်ကြောင်း ပြည်သူ့ လွှတ်တော် ကိုယ်စားလှယ် ဦးခိုင်မောင်ရီ(ခ)ခင်မောင်ရီ ကလည်း ဧရာဝတီ ကိုပြောသည်။

“သမ္မတဆီကို တင်ပြပြီးတာနဲ့ လွှတ်တော်ရဲ့ အတည်ပြုချက် မှန်ကန်ကြောင်း သမ္မတက အတည်ပြု ပေး ရမှာပါ၊ အဲဒါဆိုရင်ခုံရုံးအဖွဲ့ကဥပဒေ အရ နုတ်ထွက်ပြီးသား ဖြစ်သွားပြီပေါ့”ဟု ၎င်းက ဆိုသည်။

၂၀၀၈ ဖွဲ့စည်းပုံ အခြေခံဥပဒေအရ လွှတ်တော်တခု မှ စွပ်စွဲပြစ်တင်မှု ကိစ္စအတည်ပြုပြီးပါက တခြား လွှတ်တော် မှ စုံစမ်း စစ်ဆေးရမည် ဖြစ် သည်။ စုံစမ်းမှု ရလဒ်ကို ပြည်ထောင်စု လွှတ်တော်ထံ တင်ပြ၍ အတည်ပြုချက် ခံယူပြီးပါကထိုအမှုကိစ္စသည်အတည် ဖြစ် ကြောင်း ဖွဲ့စည်းပုံက ဆိုထားသည်။

ပြည်ထောင်စု လွှတ်တော်၏ အတည်ပြုချက်ကို ဖွဲ့စည်းပုံ အခြေခံဥပဒေအရ သမ္မတ က ပယ်ဖျက်ပိုင်ခွင့် မရှိကြောင်း သိရ သည်။

“ပြည်ထောင်စု လွှတ်တော်ရဲ့ အတည်ပြုတဲ့ ကိစ္စကို တကယ်လို့ သမ္မတ က အတည်မပြုပေးဘူး၊ ပယ်ဖျက်မယ်ဆိုရင်သမ္မတကိုလည်းပဲ စွပ် စွဲပြစ်တင်နိုင်တယ် လို့ ဖွဲ့စည်းပုံ ဥပဒေမှာ ပြဌာန်းထားပြီးသားပါ”ဟု ဦးခိုင်မောင်ရီ က ပြောသည်။

အမျိုးသားလွှတ်တော် ကိုယ်စားလှယ် ဦးဇော်မြင့်ဖေ တင်သွင်းသည့်“ဖွဲ့စည်းပုံ အခြေခံဥပဒေဆိုင်ရာ ခုံရုံး ဥက္ကဋ္ဌနှင့်အဖွဲ့ဝင်များသည် ဖွဲ စည်း ပုံအခြေခံဥပဒေ ပြဌာန်းချက်များကို ဖောက်ဖျက်ကျူးလွန်ခြင်း၊ ဥပဒေအရ ပေးအပ်သော တာဝန်များကို ကျေပွန် စွာ မထမ်းဆောင် ခြင်းတို့အရ စွပ်စွဲ ပြစ်တင်ကြောင်း” အဆို ကို ကိုယ်စားလှယ် ၁၆၃ ဦး၏ ထောက်ခံမှုဖြင့် အတည်ပြုနိုင်ခဲ့ ခြင်း ဖြစ်သည်။

ထို့အတူ အခြေခံဥပဒေ ဆိုင်ရာခုံရုံး အဖွဲ့သည် မှားယွင်းစွာ ဆောင်ရွက်မိကြောင်း ကြေညာချက် ထုတ်ပြန်ပေးရန် အဆိုတခု အား ပျော် ဘွယ် မဲဆန္ဒနယ်မှ ဦးမြင့်စိုး က သြဂုတ်လ ၂၇ ရက်နေ့တွင် ကျင်းပသည့် ပြည်ထောင်စု လွှတ်တော်၌ တင်သွင်း ဆွေးနွေး ကြရာ ကိုယ် စား လှယ် ၆၂၉ ဦးအနက် ၄၄၇ ဦး က ထောက်ခံ၍ အတည်ပြုပေးခဲ့ကြောင်း သိရသည်။

ခုံရုံး ဥက္ကဋ္ဌ ဦးသိန်းစိုးကမူ လွှတ်တော်၏လုပ်ဆောင်ချက်သည် တရားစီရင်ရေး အပေါ် လွှမ်းမိုးရာ ရောက်သကဲ့သို့ နိုင်ငံတကာ စံနှုန်းနှင့် ကိုက်ညီမှု မရှိကြောင်း၊ ဖွဲ့စည်းပုံ အခြေခံဥပဒေနှင့်လည်း ကိုက်ညီမှုမရှိ၍ အတည်မပြုသင့်ကြောင်း တုံ့ပြန် ဆွေးနွေး ခဲ့သေးသည်။

“လွှတ်တော်၏ လုပ်ဆောင်မှုသည် ဖွဲ့စည်းပုံ ဥပဒေအား တန်ဖိုးမဲ့အောင် လုပ်ဆောင်သည်”ဟု ပြင်းထန်စွာ ကန့်ကွက်ပြောဆို ခဲ့သည်။

လွှတ်တော်သည် ဖွဲ့စည်းပုံ ဥပဒေကို ချိုးဖောက်သည်ဟု ဆိုကာ ပြည်ထောင်စု တရားလွှတ်တော်ချုပ်ထံ စာချွန်လွှာ လျှောက်ထား ကြောင်း လည်း သိရသည်။

ခုံရုံး အငြင်းပွားမှုကိစ္စသည် နှစ်ဦး နှစ်ဘက်စလုံး အဆင်ပြေစေရန် အတွက်ဟု ဆိုကာ ဖွဲ့စည်းပုံ ဥပဒေကို ပြင်ဆင်ရန် ပြည်သူ့ လွှတ်တော် ဥက္ကဋ္ဌ ထံ သမ္မတ က သ၀ဏ်လွှာပေးပို့၍ တိုက်တွန်းခဲ့သော်လည်း လွှတ်တော်မှ လက်မခံ၍ စွပ်စွဲပြစ်တင်မှု အဆင့် သို့ ရောက်ရှိခဲ့သည်။

ပြည်သူ့လွှတ်တော် ကုယ်စားလှယ် ဒေါ်အောင်ဆန်းစုကြည် က ပါဝင်ဆွေးနွေးခဲ့ရာတွင် နှစ်ဦး နှစ်ဘက်စလုံး၏ ဂုဏ်သိက္ခာ ထိခိုက်မှု မရှိရန် အပြန်အလှန် လေးစားမှုဖြင့် ဆွေးနွေးညှိနှိုင်းခြင်းဖြင့် အဖြေရှာသင့်ကြောင်း၊ ပြည်သူ့ ဆန္ဒကို အလေး ထား သင့်ကြောင်း ဆွေးနွေးခဲ့သည်။

ပြည်သူ့လွှတ်တော် ကိုယ်စားလှယ် ဦးသိန်းညွန့် ကလည်း ယခုအချိန်သည် ဖွဲ့စည်းပုံ အခြေခံဥပဒေ ပြင်ဆင်ရမည့် အချိန်ဖြစ်ကြောင်း၊ နိုင် ငံတော် ဖွဲ့စည်းပုံဆိုင်ရာ အခြေခံဥပဒေ ခုံရုံး အဖွဲ့ကိုလည်း ပြည်သူများ ရွေးချယ် တင်မြှောက်ထားသည့် ပြည်သူ့ကိုယ်စားလှယ်များဖြင့် ပြင် ဆင် ဖွဲ့စည်းသင့်ကြောင်း ပြောဆိုသည်။

အခြေခံ ဥပဒေဆိုင်ရာ ခုံရုံးအဖွဲ့ ၉ ဦးသည် ဖွဲ့စည်းပုံ ဥပဒေအရ အမျိုးသား လွှတ်တော် ဥက္ကဌ က ရွေးချယ်သူ ၃ ဦး၊ ပြည်သူ့လွှတ် တော် ဥက္ကဌ က ရွေးချယ်သူ ၃ ဦးနှင့် နိုင်ငံတော် သမ္မတ က ရွေးချယ်သူ ၃ ဦးတို့ဖြင့် ဖွဲ့စည်းထားခြင်း ဖြစ်သည်။

“ပြည်သူ့ ကိုယ်စားလှယ်တွေပါဝင်တဲ့ ခုံရုံးအဖွဲ့ အသစ်ဖွဲ့စည်းနိုင်မယ်ဆိုရင် လာမယ့်ကာလအတွက် အကောင်းဆုံးဆောင်ရွက် နိုင်မှာပါ၊ လက်ရှိ ခုံရုံးအဖွဲ့ထဲမှာ ပညာရှင်တွေပါပေမယ့် သူတို့မှာ နီးရာဓား ကြောက်ရတာတွေ ရှိကောင်းရှိ မှာပါ”ဟု ဦးခိုင်မောင်ရီ က ဆိုသည်။

လက်ရှိခုံရုံးအဖွဲ့ ၏ ဥက္ကဋ္ဌသည် ယခင် စစ်ဥပဒေချုပ် နှင့် ဗိုလ်ချုပ်ဟောင်း ဦးသိန်းစိုးဖြစ်သည်။ ၂၀၁၀ ရွေးကောက်ပွဲ အတွက် ဖွဲ့စည်း သော ပြည်ထောင်စု ရွေးကောက်ပွဲ ကော်မရှင် ၏ ပထမဆုံး ဥက္ကဋ္ဌ တာဝန် ထမ်းဆောင်ခဲ့သူလည်း ဖြစ်သည်။

လက်ရှိခုံရုံးအဖွဲ့တွင် ဥက္ကဌ ဦးသိန်းစိုး အပါအ၀င် ဒေါက်တာ တင်အောင်အေး၊ ဒေါ်ခင်လှမြင့်၊ ဦးထွန်းကြည်၊ ဦးစိုးသိန်း၊ ဦးခင်ထွန်း၊ ဦးဆန်း မြင့်၊ ဦးမြင့်ကြိုင်၊ ဒေါ်မိမိရီ စသည့် ပုဂ္ဂိုလ်များဖြင့် ၂၀၁၁ ခုနှစ် ဖေဖော်ဝါရီ လတွင် ဖွဲ့စည်းခဲ့ပြီး သက်တမ်း အား ဖြင့် ပြည်ထောင် စု လွှတ်တော် အတိုင်း ၅ နှစ် တာဝန် ထမ်းဆောင်ရမည် ဖြစ်သည်။

ခုံရုံး အငြင်းပွားမှု ပြဿနာသည် လွှတ်တော် အသီးသီး၌ ဖွဲ့စည်းထားသော လွှတ်တော်ဆိုင်ရာ ရေးရာ ကော်မတီ၊ ကော်မရှင် စသည့် အဖွဲ့များသည် ပြည်ထောင်စု အဆင့် မဟုတ်ကြောင်း ဖွဲ့စည်းပုံ အခြေခံဥပဒေဆိုင်ရာ ခုံရုံးအဖွဲ့က ဆုံးဖြတ်ခဲ့ပြီး နောက် အပြန်အလှန်အငြင်းပွားမှု ကြီးထွားလာခဲ့ခြင်း ဖြစ်သည်။ လွှတ်တော်တခုလျှင် ကော်မတီ၊ ကော်မရှင် ၃၀ ၀န်းကျင်စီ ရှိကြောင်း သိရသည်။

ပါစ်ပို့အတုကိုင်ဆောင်ထားသူများအား ဘင်္ဂလာဒေ့ခ်ျနိုင်ငံ ချာဟာဇာလာလ် အပြည် အပြည်ဆိုင်ရာ လေဆိပ်တွင်ဖမ်းဆီးရမိ

ခိုင်ဥက္ကာပျံ

တရားမဝင် ပါစ်ပို့အတုကိုင်ဆောင်ထားသည့် ဘင်္ဂလီလူမျိုး မာဟ်မူးဒါအာ က့်တာရ်ပါအဝင် မိသားစုဝင် (၁၆)ဦးအား ဘင်္ဂလာဒေ့ခ်ျနိုင်ငံ ချာ ဟာဇာ လာလ် အပြည်အပြည်ဆိုင်ရာ လေဆိပ်တွင် သြဂုတ်လ၂၉ရက်နေ့ကဖမ်း ဆီးလိုက်ကြောင်း သတင်းရရှိသည်။

အဆိုပါ မိသားစုသည် လွန်ခဲ့သော (၂)ရက်လောက်က တက္ကနာနယ်စပ်မှ ဘင်္ဂလားဒေ့ရ်ှနိုင်ငံသို့ တရားမဝင် ဝင်ရောက်လာပြီး ၊ မာဟ်မူး ဒါအာက့် တာရ် အမျိုးသားဖြစ်သူမှာလည်း လွန်ခဲ့သော (၆)ရက်လောက်ကတည်း က မလေးရှားနိုင်ငံကို ထွက်ခွါသွားကြောင်းသိရသည်။

ဖမ်းဆီးခံ မိသားစုများသည် မြန်မာနိုင်ငံမှဟု ဆိုသော်လည်း ပါ့စ်ပို့တွင် ဘ င်္ဂလားဒေ့ခ်ျ မွိုင်မမ်းရှိမ်းအရပ်ကဟုရေသား ထားကြောင်းကို သူမကိုယ် တိုင် ဝန်ခံခဲ့ကြောင်းကို သိရပြီး နောက်ထပ်ဖမ်းဆီးရမိသော သူများမှာ လည်း ဘင်္ဂလားဒေ့ခ်ျနိုင်ငံ၏ အနယ်နယ်အရပ်အရပ်မှ လိပ်စာများ ပါရှိပြီး ပါစ်ပို့ (လိုင်ပင်းဖြတ်) အတုများ ကိုင်ဆောင်ထားကြကြောင်း သိရသည်။

ကျနော်တို့ဆီက ငွေတွေအများကြီး ယူပြီးတော့ မလေးရှားကို ပို့ပေးဖို့ အလုပ်ရဖို့ပြောတော့ ပွဲစား ကပြောသွားပါတယ်။ ပါစ့်ပို့ အတုအစစ် ဆို တာကို ကျနော်တို့က မသိပါဘူး။ ပွဲစား(အလုပ်သမားအကျိုးဆောင်)ပဲ လုပ်ပေးတာပါ။ " ဟု စစ်ဆေးခံ ပါ့စ်ပို့အတုကိုင်ဆောင်ထားသူ တစ် ယောက်ကပြောသည်။

ပွဲစား(အလုပ်သမားအကျိုးဆောင်)တွေမှာ အလုပ်သမားများထံမှ တာကာငွေ သိန်းဂဏန်းနှင့် ယူပြီးတော့ ပါစ့်ပို့ကို ကပ်ခွာပိုင်းဖြတ် လုပ် ပေး ကြပြီး လေယာဉ်လက်မှတ်ကို အေ့ဂျင့်တွေကတဆင့် ဝယ်ယူပေးကာ ဘင်္ဂလားဒေ့ခ်ျ နိုင်ငံသား ပွဲစား (၆) ယောက်ကိုပါ လက်ပူး လက်ကြပ် ဖမ်းဆီးလိုက်ကြောင်း သတင်းရရှိသည်။

" ကျနော်တို့က လေယာဉ်ထွက်တဲ့အထိ ပို့ပေးရဖို့တာဝန်ရှိတဲ့အတွက် ပွဲစားတွေကတဆင့် လာပို့ပေးတာပါ။ ကျနော်တို့က ဘာမှမသိပါဘူး။ " ဟု အေ့ဂျင့်တစ်ယောက်ဖြစ်သူက ငြင်းဆိုလိုက်ကြောင်း သိရသည်။

ပါ့စ်ပို့အတုကိုင်ဆောင်လို့ ဖမ်းဆီးခံထားရသော မြန်မာနိုင်ငံသားတွေဟာ ဘင်္ဂလားဒေ့ချနိုင်ငံ၏ ရုံးသုံးစကားကို မပြောတတ်သောကြောင့် စစ် တကောင်းသား စကားနှင့်ဆင်တူ မောင်တောဘူးသီးတောင်နယ်ဖက်က ဘင်္ဂလီစကားကို မီဒီယာတွေရှေ့မှာ ပြောဆိုသွားသော် လည်း ဘင်္ဂ လာအစိုးရနှင့် မီဒီယာတီဗွီအသံလွှင့် ဌာနတွေက (ရိုဟင်ဂျာ)လို့ သုံးနှုန်းဖေါ်ပြသွားကြောင်းကို သတင်းရရှိသည်။


အခုလိုမျိုး တရားမဝင်ဘဲ ခိုးဝင်လာတဲ့(ဘင်္ဂလီ)လူတွေဟာ ပွဲစား များမှတ ဆင့် တစ်ယောက်ကို တာကာငွေ တစ်သိန်းခွဲကနေ နှစ်သိန်းထိ ပေးပြီး တော့ ပါစ့်ပို့ အတုလုပ်ပြီး မလေးရှားနဲ့ စင်္ကာပူနိုင် ငံတို့ကို ထောင်ပေါင်း များစွာထွက်ခွာသွားကြပါတယ်။ ဒီလူတွေဟာ မြန်မာအစိုးရကို ဆန့်ကျင်လို့ ဒုစရိုက်မှုတစ်ခုခုကို လုပ်လာကြာတာဖြစ် ပါတယ်။ ကျနော်တို့ ဘင်္ဂလား ဒေ့ခ်ျနိုင်ငံက ပါစ့်ပို့ကို ကိုင်ဆောင်ပြီးတော့ ရောက်တဲ့အရပ်မှာ ပြဿနာ တတ်တယ်။ နာမည်ပျက်တာက ကျနော်တို့နိုင်ငံဖြစ်သွားတယ်။ နိုင်ငံတ ကာ အလုပ်သမားတွေကြားမှာ အဆိုးဝါးဆုံး နာမည် ပျက်စရင်း တွေမှာ ဘင်္ဂလားဒေ့ခ်ျနိုင်ငံက အလုပ်သမားတွေချဲ့ပါပဲ။ " ဟု ချာဟာဇာလာလ် လေဆိပ်တာဝန်ခံ ရဲမှုကြီး အေဟိုးတေချာမှုဟောက့်က အာရ်ကန်တိုင်း မ်စ်သို့ ပြောသည်။

ပါ့စ်ပို့အတုကိုင်ဆောင်လို့ ဖမ်းဆီးလိုက်သော အလုပ်သမားတွေဆီကနိုင် ငံခြားငွေ စုစုပေါင်း(၂၃)သိန်းကျော်၊ပါ့စ်ပို့အတုနှင့် လေယာဉ် လက်မှတ် အတု များကို သိမ်းဆည်းလိုက်ပြီး ပါစ့်ပို့အတုကိုင်ဆောင်သူတွေကိုလဝက(လူဝင်မှုကြီးကြပ်ရေး)နှင့်တရားစွဲအရေးယူသွား မည်ဖြစ်ကြောင်း သတင်းရရှိသည်။

မူစယ် ၁၀၅ မိုင် ကုန်သွယ်ရေးစခန်း စီးပွားဝန်ကြီးကိုယ်တိုင် လာရောက် စစ်ဆေး

သျှမ်းသံတော်ဆင့်

တရုတ် - မြန်မာနယ်စပ် အဓိက ကုန်သွယ်ရေး လမ်းကြောင်း ဖြစ်သည့် သျှမ်းပြည် (မြောက်ပိုင်း ) မူစယ် - မန္တလေးလမ်း ကြောင်းပေါ်ရှိ မူ စယ် ၁၀၅ မိုင်ကုန် သွယ်ရေးဇုန်သို့စီးပွားကူးသန်း ဝန်ကြီး ကိုယ်တိုင် လာရောက် စစ်ဆေးနေကြောင်း သိရသည်။

စီးပွားကူးသန်း ၀န်ကြီး ဦးဝင်းမြင့်ကိုယ်တိုင် ပါဝင်ပြီး သြဂုတ်လ ၂၇ ရက်နေ့ ညနေပိုင်းကကျန်းမာရေး ဝန်ကြီးဋ္ဌာနမှ တာဝန်ရှိသူများနှင့် အ တူ မူစယ် ၁၀၅ မိုင်သို့ မော်တော်ယာဉ်များ ဖြင့်ရောက်ရှိလာကြောင်း ဒေသခံ မျက်မြင်တစ်ဦးက သျှမ်းသံတော်ဆင့်သို့ ပြောသည်။

“ကား ၇ စီးနဲ့ ညနေပိုင်း ၅ နာရီလောက်မှာ ၁၀၅ မိုင်ကိုရောက်တယ် စီးပွားကူးသန်းဝန်ကြီးပါ တယ်ကျန်းမာရေးဝန်ကြီးဋ္ဌာနကလည်း ပါ တယ် ” ဟု ၄င်းဒေသခံက ပြောသည်။

မူစယ် ၁၀၅ မိုင် ကုန်သွယ်ဇုန်တွင် စီးပွားကူးသန်းဝန်ကြီး ကိုယ်တိုင် လာရောက် စစ်ဆေးရခြင်းမှာ တရုတ် - မြန်မာ နယ်စပ် ကုန်သွယ် ရေး လမ်းကြောင်းပေါ်တွင် မြန်မာဘက်မှ ကောက်ခံရရှိသည့် ၀င်ငွေခွန်များ ကျဆင်းနေ၍ ဖြစ်ကြောင်း တရုတ်နယ်စပ်ဒေသခံ ကုန်သည် တစ် ဦးက ဆိုသည်။

“အဓိကခေါင်းစဉ်ကတော့ ကုန်သွယ်ရေးကနေရတဲ့ငွေတွေ ကျဆင်းလို့ လာရောက်စစ်ဆေးတာ ပေါ့။ စီးပွားကူးသန်းက ၀န်ကြီး ဦးဝင်းမြင့် ကိုယ် တိုင်ပါတယ်။ ဒီကနေ့ ၁၀၅ မိုင်ကုန်သွယ်ရေးဇုန်မှာဝင်စစ် နေ တယ် ” ဟု ဆိုသည်။

ယခင်က တရုတ်နယ်စပ်မှ မြန်မာပြည် အတွင်းပိုင်းသို့ တင်သွင်းသည့် ကုန်ပစ္စည်းများ အပေါ် ၁၀၅မိုင် ကုန်သွယ်ရေးဇုန်၌ တင်းတင်း ကြပ် ကြပ် စစ်ဆေးမှု ရှိသော်လည်း ယခုနောက်ပိုင်း အစစ်အဆေးမရှိ လွတ်ပေးနေကြောင်း သိရသည်။

“အခုကတော့ ၂၄ နာရီလုံးလုံး လာသမျှကား အကုန်ပိုက်ဆံယူပြီးလွတ်ပေးလိုက်တာပဲ။ဘာအစစ် အဆေး မှ မရှိဘူး။ မောင်းတန်ပိတ်ထား ရင်လည်း ဖွင့်ခိုင်းပြီးသွားလို့ရတယ် ” ဟု ဆိုသည်။

၎င်းအဖွဲ့များ မရောက်ရှိခင် မူစယ်မြို့နယ် စယ်လန့်ရွာရှိ ဆေးခန်းများ ကြိုတင် သန့်ရှင်းရေးလုပ်ခိုင်း ထားကြောင်း အချိန်ကြာမြင့်စွာ ပိတ် ထားခဲ့သည့် နောင်လောင်းရွာဆေးခန်းကိုလည်းသန့်ရှင်းရေး လုပ်ကာ ပြန်လည် ဖွင့်လှစ်ထားကြောင်း ဒေသခံများထံမှ သိရသည်။

ပြည်တော်ပြန်ရှေ့နေ ထောင် ၆ လကျ

ဇာနည်မာန်

ပြည်ပရောက် မြန်မာနိုင်ငံသားများ ပြန်လာရန် သမ္မတ ဦးသိန်းစိန်၏ ဖိတ်ခေါ်ချက်ကြောင့် ပြည်တော်ပြန်ခဲ့သူ ရှေ့နေ ကိုစောကျော် ကျော် ကို ရန်ကုန်မြောက်ပိုင်းခရိုင် တရားရုံးက ပြစ်မှုဟောင်းဖြင့် ထောင်ဒဏ် ၆ လ ချမှတ်၍ အင်းစိန်ထောင်သို့ ပို့လိုက်ကြောင်း သ တင်းရရှိ သည်။

၂၀၁၂ ခုနှစ် ဆန်းပိုင်းက ပြည်တော်ပြန်လာခဲ့သည့် ရှေ့နေ ကိုစောကျော်ကျော်မင်းကို သူရင်ဆိုင်ရန် ကြွင်းကျန်နေသည့် ပြစ်မှုဥပဒေ ပုဒ်မ ၂၂၈ နှင့် ဆက်လက် တရားစွဲဆိုခဲ့ပြီး ဗုဒ္ဓဟူးနေ့က အမိန့်ချမှတ်ခဲ့ခြင်းဖြစ်သည်။

“သမ္မတက ပြောတဲ့ ရာဇ၀တ်မှုတွေ ကျူးလွန်ခဲ့ရင်တော့ ထိုက်သင့်တဲ့ ပြစ်ဒဏ်ကျခံရမယ် ဆိုတဲ့အ တိုင်းလုပ်တာပဲ။ ဒါပေမယ့်အခုဟာကရာ ဇ၀တ်မှုလည်း မဟုတ်သလို သူတို့စွဲထားတဲ့ ပြစ်မှုဆိုတာဟာလည်း တကယ်တမ်းတော့ ဥပ ဒေကြောင်းအရ တရားမျှတမှုမရှိဘူး။ အမှုဆင်ပြီး တမင်လုပ်တာလို့ပဲ ပြောချင်ပါတယ်” ဟု ရှေ့နေ ကိုညီညီထွေးက ပြော သည်။

ရှေ့နေ ကိုညီညီထွေးမှာ စောကျော်ကျော်မင်းနှင့် အမှုတွဲ တခုတည်းဖြစ်ပြီး အဆိုပါအမှုကြောင့် ထောင်ဒဏ် ၆ လ ကျခံခဲ့ရကာ ရှေ့နေ လိုင် စင်လည်း သိမ်းခံထားရသူဖြစ်သည်။

ကိုသန့်ဇင်မျိုး အပါအ၀င် ၁၁ ဦး၏ အမှုအတွက် ရှေ့နေအဖြစ် ဆောင်ရွက်နေစဉ် ၂၀၀၇ ခုနှစ်၌ စစ်ဆေးခံရသူများက တရားစီရင်မှုကို အယုံ အကြည်မရှိကြောင်း ပြောဆို၍ တရားသူကြီးကို ကျောပေးထိုင်ခဲ့ရာ အမှုစစ်ဆေးခြင်းကို နှောင့်နှေးကြန့်ကြာအောင် ကြိုတင်ရည် ရွယ်ချက် ဖြင့် ပြုလုပ်သည်ဆိုသည့် စွဲချက်ဖြင့် ကိုစောကျော်ကျော်မင်းနှင့် ကိုညီညီထွေးကို တရားရုံးက တရားလိုပြု၍ တရားစွဲ ဆိုခဲ့ သည်။ ထိုစဉ်က ကိုစောကျော်ကျော်မင်းသည် ပြည်ပသို့ တိမ်းရှောင်ခဲ့သည်။

“တကယ်ဆိုရင်ဗျာ၊ ကျနော်တို့ အမှုသည် သန့်စင်မျိုးနဲ့ ၁၁ ယောက်ဆိုရင်တောင် အစိုးရသစ် တက်လာပြီးနောက်ပိုင်း လွတ်ငြိမ်းချမ်းသာနဲ့ လွတ်ကုန်ပြီဗျာ။ အရင်အစိုးရ လက်ထက်တုန်းက မတရားစွဲထားတဲ့ အမှုနဲ့ ဒီလို ပြစ်ဒဏ် ချတယ်ဆိုတာမဖြစ်သင့်ဘူး။အစိုးရသစ်ဖြစ်တယ် သာ ပြောနေပေမယ့် တရားရေးကတော့ မပြောင်းလဲသေးပါဘူးဗျာ” ဟု ကိုညီညီထွေးက ပြောသည်။

ကိုစောကျော်ကျော်မင်းကို ယခုကဲ့သို့ တရားစီရင်မှု ပြုခြင်းသည် သမ္မတ၏ ပြည်ပရောက် နိုင်ငံသားများကို ဖိတ်ခေါ်မှုများ၊ အမည်ပျက်စာ ရင်းမှ ပယ်ဖျက်ပေးကြောင်း ပြောဆိုချက်များနှင့် ဖီလာဆန့်ကျင်နေကြောင်း သူက ဝေဖန်သည်။

သူက “သမ္မတကြီးက ပြန်လာပါ ပြောပေမယ့် သူတို့ရဲ့ လုံခြုံရေးအတွက် သော်လည်းကောင်း၊ သူ တို့ရဲ့ ရပ်တည်ချက်အတွက် သော်လည်း ကောင်း အတိုင်းအတာတခုအထိ စောင့်ရှောက်ပေးမယ် ဆုိုတာမျိုး မရှိဘူးဆိုတာ ဒီဖြစ်ရပ် က ထင်ရှားတဲ့သာဓကပဲ။ ဒီလိုလုပ်တာ ကိုယ့် နိုင်ငံကိုယ် ပြန်ချင်တဲ့သူတွေကို ဟန့်တားလိုက်သလိုပဲ” ဟု ပြောသည်။

ပြည်ပရောက် မြန်မာနိုင်ငံသားများ ပြန်လာ၍ နိုင်ငံတိုးတက်ရေးအတွက် လုပ်ဆောင်ကြရန် သမ္မတ ဦးသိန်းစိန်က ၂၀၁၁ ခုနှစ် သြဂုတ် လ အ တွင်း ဖိတ်ခေါ်ခဲ့ပြီး သီးလေးသီးအငြိမ့်အဖွဲ့မှ ပထမဆုံး ပြည်တော်ပြန်ခဲ့သည်။

ထို့အတူ အမည်ပျက်စာရင်း သွင်းခံရသူ ၆ ထောင်ကျော်အနက်မှ ၂ ထောင်ကျော်ကို အမည်ပျက် စာရင်းမှ ဖျက်သိမ်းကြောင်းကိုလည်း မကြာသေးခင်က ကြေညာခဲ့သေးသည်။

NED ၏ ၂၀၁၂ ဒီမိုကရေစီဆု ကိုမင်းကိုနိုင်၊ ဦးခွန်ထွန်းဦး အပါအ၀င် မြန်မာနိုင်ငံမှ ဒီမိုကရေစီအရေး လူပ်ရှားသူ (၅) ဦး ကို ချီးမြှင့်

နိရဉ္စရာ

National Endowment for Democracy ( NED) မှ ၂၀၁၂ ခုနှစ်အတွက် ချီးမြှင့်မည့် ဒီမိုကရေစီ ဆုအား မြန်မာနိုင်ငံမှ ရှစ်ဆယ်ရှစ် မျိုး ဆက် ကျောင်းသား ခေါင်းဆောင် ကိုမင်းကိုနိုင်၊ ရှမ်းခေါင်းဆောင် ဦးခွန်ထွန်းဦးနှင့် နောက်ထပ် အထင်ကရ ဒီမိုကရေစီ အရေး လူပ်ရှား သူ ၃ ဦးတို့ကို ချီးမြှင့်သွားမည်ဟု သတင်း ရရှိသည်။

၂၀၁၂ ဒီမိုကရေစီ ဆု (Democracy Award) ကို ရရှိကြသူများမှာ ရှစ်ဆယ်ရှစ် မျိုးဆက် ကျောင်းသား ခေါင်းဆောင်ကိုမင်းကိုနိုင်၊ရှမ်း ခေါင်း ဆောင် ဦးခွန်ထွန်းဦး၊ ရုပ်ရှင်မင်သား ဦးကျော်သူ၊ မဲဆောက်မြို့ မယ်တော်ဆေးခန်းမှ ဒေါက်တာ စင်သီယာမောင်နှင့် US campa ign for Burma မှ ဦးအောင်ဒင်တို့ ဖြစ်ကြသည်။

အဆိုပါ ဆုကို မြန်မာနိုင်ငံ ဒီမိုကရေစီ အရေး လူပ်ရှားမူကို ဂုဏ်ပြုသည့် အနေဖြင့် ပေးအပ်ခြင်း ဖြစ်ပြီး ဆုပေးပွဲကို စက်တင်္ဘာလ ၂၀ နေ့တွင် အမေရိကန်နိုင်ငံ မြို့တော် ၀ါရှင်တန် ဒီစီတွင် ပြုလုပ်သွားမည်ဟု NED ၀က်ဆိုက်စ်တွင် ဖေါ်ပြသည်။

ကိုမင်းကိုနိုင် ကိုယ်တိုင် အဆိုပါ ဆုကို တက်ရောက် လက်ခံယူမည်ဟု သိရသည်။

ဆုပေးပွဲ အခမ်းအနားသို့ မြန်မာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်လည်း တက် ရောက်မည်ဖြစ်ပြီးသဘာပတိအဖြစ် ဆောင် ရွက်ကာ မိန့်ခွန်းစကားလည်း ပြောကြားမည် ဟု သတင်း ရရှိသည်။

NED ကို ၁၉၈၃ ခုနှစ်တွင် တည်ထောင်ခဲ့ပြီး အစိုးရ မဟုတ်သော ပုဂ္ဂလိက အဖွဲ့ တစ်ခု ဖြစ်ပြီး နိုင်ငံတာ ဒီမိုကရေစီ အခြေခံ အုတ်မြစ် များ ခိုင် ခန့်ရေးကို အားပေး ထောက်ကူနေသော အဖွဲ့ဖြစ်သည်။ ယခုအခါ နိုင်ငံပေါင်း ၉၀ တွင် ဒီမိုကရေစီ ထွန်းကား တည်တံ့ရေး အတွက် အ ကူ အညီများ ပေးနေသော အဖွဲ့ ဖြစ်သည်။

KIO ထိန်းချုပ်နယ်မြေမှ အစိုးရ စစ်သားများ နေရပ်ပြန်ရန် စီစဉ်

လဖိုင်

ကချင်ပြည် လွတ်လပ်ရေး အဖွဲ့(KIO)ထိန်းချုပ်နယ်မြေသို့ အကြောင်းအမျိုးမျိုးဖြင့် ရောက်ရှိလာသည့် မြန်မာ့ တပ်မတော်သားများနေ ရပ်ပြန် နိုင်ရန် အတွက် စီစဉ်ပေးနေသည်။

ကချင်ပြည် လွတ်လပ်ရေး တပ်မတော်(KIA) ဒု စစ်ဦးစီးချုပ် ဗိုလ်မှူးချုပ် ဂွန်မော် က“ဒီမှာရောက်နေတဲ့ သူတွေပြန်ဖို့ ILO က အဆက် အသွယ် လုပ်နေပြီ”ဟု ပြောပြသည်။

ယင်း အစီအစဉ်တွင် ကမ္ဘာ့ အလုပ်သမား အဖွဲ့ချုပ်(ILO) က ကြားဝင်ဆောင်ရွက် ပေးနေခြင်း ဖြစ်သည်ဟု ဆိုသော်လည်း အသေးစိတ် အစီ အစဉ်ကိုမူ မသိရှိရပေ။

KIO နယ်မြေတွင် ရောက်ရှိနေသည့် အသက်ပြည့် စစ်သား၊ ကလေး စစ်သား စုစုပေါင်း ၄၀ နီးပါးရှိကြောင်း KIO ဘက်က သိရ သည်။

၎င်းတို့သည် နေရပ်ပြန်ပါက အရေးယူခံရမည်ကို စိုးရိမ်သဖြင့် မပြန်ကြသေးဘဲ ဆက်လက် နေထိုင်ကြသူများဖြစ်သည်ဟုလည်း ဆို သည်။

ပြန်လွှတ်လိုက်သည့် စစ်သားတချို့မှာ နေရပ်မပြန်တော့ဘဲ တရုတ်ပြည် နယ်စပ်မြို့များတွင် ဒေသခံတရုတ်လူမျိုးများ မလုပ်လိုသည့် အလုပ် များတွင် လုပ်အားခ ဈေးပေါပေါဖြင့် နေ့စား ၀င်ရောက် လုပ်ကိုင်နေကြခြင်းများလည်း ရှိကြောင်း သိရသည်။

KIO နယ်မြေတွင် ရောက်ရှိနေသော ကလေး စစ်သား တဦးကလည်း “ပြန်ရင်တော့ ရန်ကုန်ပဲပြန် ရမှာပေါ့၊ အိမ်က လှိုင်သာယာမှာ အခုရှိသေး လား မသိဘူး၊ တပ်ထဲ ရောက်သွားတာလဲ အိမ်ကမသိဘူး”ဟု ပြောသည်။

၎င်းမှာ ဧရာဝတီ တိုင်း မော်လမြိုင်ကျွန်းမြို့နယ်မှ ရန်ကုန်မြို့သို့ လာသည့် သဘောင်္တွင် စစ်သား အဖြစ် စုဆောင်းခြင်းခံရသူ ဖြစ် ကြောင်း သိ ရသည်။

KIO ထိန်းချုပ်နယ်မြေသို့ ရောက်ရှိလာသည့် မြန်မာ့ တပ်မတော်သားများကို သုံ့ပန်း ဟု မသုံးနှုန်းဘဲ အကြောင်းအမျိုးမျိုးကြောင့် ရောက် ရှိ လာ သည့် မြန်မာ့ တပ်မတော်သားများ ဟု KIO သုံးနှုန်းသည်။

KIA နှင့် အစိုးရတပ်များသည် ၂၀၁၁ ခုနှစ် ဇွန်လအတွင်းက စတင်၍ တိုက်ပွဲများ ပြန်လည်ဖြစ်ပွား ခဲ့ပြီး ၁၇ နှစ်ကြာမြင့်ခဲ့သည့် အပစ်အခတ် ရပ်စဲရေး သဘောတူညီချက်လည်း ပျက်ပြားသွားခဲ့ရသည်။ ယင်းတိုက်ပွဲများကြောင့် ဒေသခံ အရပ်သား ပြည်သူ ၇၅၀၀၀ ခန့် ထွက်ပြေး တိမ်း ရှောင်ခဲ့ရသည်။

အစိုးရနှင့် KIO ကြား ငြိမ်းချမ်းရေးအတွက် ၂၀၁၁ နိုဝင်ဘာ၊ ၂၀၁၂ ဇန်န၀ါရီ နှင့် မတ်လတို့တွင် တွေ့ဆုံဆွေးနွေးမှုများ ပြုလုပ်နေ သော် လည်း ရေရာသည့် သဘောတူညီချက် တစုံတရာ မရရှိသေးဘဲ ရှိနေသည်။

ကော့သောင်းအာဏာပိုင်တို့ ဒေသခံ ဘိုးဘွားပိုင်မြေသိမ်းဆည်းရောင်းချ

နန်းယဉ် (ကေအိုင်စီ)

တနင်္သာရီတိုင်း၊ ကော့သောင်းမြို့၊ သီရိမြိုင်ရပ်ကွက် ကွင်းအမှတ်၂၄၊ ဦးဥာဏ်စိန်ပိုင် မြေဧက၈.၂၄ဧကကို မြို့နယ်အုပ်ချုပ်ရေးမှူး၊ ရပ် ကွက် အုပ်ချုပ်ရေးမှူးနှင့်ကြေးတိုင်နှင့် မြေစာရင်းဦးစီးဌာနတို့ ပူးပေါင်းပြီး သိမ်းဆည်းရောင်းချခဲ့သည်ဟု စုံစမ်းသိရှိရသည်။

ထိုမြေကွက်ကို မြို့အာဏာပိုင်များက ၎င်းတို့ ယခင်ကတည်းကသိမ်းဆည်းထားမည့်မြေကွက်ဖြစ်သည်ဟုဆိုပြီးယခုအခါအကွက်ရိုက် ရောင်း ချကာ အိမ်ယာများပါ ဆောက်လုပ်နေပြီးဖြစ်သည်ဟု ဒီမိုကရက်တစ်ပါတီ(မြန်မာ) မှ တနင်္သာရီတိုင်း စည်းရုံးရေးမှူး ဦးသန်းထွန်း က ပြော သည်။

ဦးသိန်းထွန်းက “ရပ်ကွက်၊ မြို့နယ်အုပ်ချုပ်ရေးမှူး၊ ကြေးတိုင်နဲ့ မြေစာရင်းဦးစီးဌာနတို့ ပေါင်းပြီးတော့ ရောင်းချထားတဲ့မြေကွက်မှာအိမ်ယာ တွေဘာတွေ ဆောက်နေတာ။ ဒါကို ဦးဉာဏ်စိန်က သူ့မှာ သက်သေအထောက်အထား စုံစုံလင် လင်နဲ့ ကျနော်တို့ဆီမှာ လာတိုင်တယ်”ဟု ပြောဆို သည်။

ယင်းကိစ္စနှင့်ပတ်သက်၍ ယခင် စစ်အစိုးရလက်ထက်ကတည်းက အာဏာပိုင် အဆင့်ဆင့်ကို ဦးဉာဏ်စိန်က တိုင်ကြားခဲ့သော်လည်း ယနေ့အချိန်ထိ တစုံတရာ ဆောင်ရွက်ပေးခြင်း မရှိသည့်အတွက် ဒီမိုကရက်တစ် ပါတီ (မြန်မာ) ထံသို့ လာရောက် တိုင်ကြား ရခြင်း ဖြစ်ပြီး၎င်းပါ တီ အနေနှင့်လည်း သိမ်းဆည်းခံရသည့် ဘိုးဘွားပိုင်မြေ ပြန်လည်ရရှိနိုင်အောင် သမ္မတထံရောက်သည်အထိ အဆင့်ဆင့် တင်ပြပေးသွား မည် ဟု ဆိုသည်။

ဆက်လက်၍ ဦးသန်းထွန်းက “ဦးဥာဏ်စိန်မှာ အဲဒီမြေကို သူပိုင်ဆိုင်ကြောင်းကို သက်သေအထောက် အထား အစုံအလင်ရှိတယ်။ ကျနော်တို့တင်မှာက သမ္မတ၊ တိုင်းဝန်ကြီးချုပ်၊ ခရိုင်၊ မြို့နယ် အုပ်ချုပ်ရေးမှူး စစ်ဗျူဟာ ခရိုင်ရဲတပ်ဖွဲ့ မြို့နယ်ရဲတပ်ဖွဲ့ အဆင့်ဆင့်တင် ပေးသွားမှာ တောင် အဆင်မပြေဘူးဆိုရင် ILO ကို ခေါ်ချလာမယ်”ဟု ဖြည့်စွက်ပြောသည်။

ယင်းမြေကွက်များကို ဦးဉာဏ်စိန်က ၁၉၅၇-၅၈ခုနှစ်၌ ကော့သောင်းကျေးရွာ၊ မလိဝမ်းမြို့ မြေအခွန်တော်ရုံးတွင် အခွန်ပေးဆောင်ကာ ဦး ပိုင် မြေအဖြစ်လည်း လျှောက်ထားခဲ့ပြီး ၁၉၅၈ခုနှစ်၊ ဇူလိုင်လ ၂ရက်နေ့တွင် ဦးပိုင်မြေ လျှောက်ထားချက် ကျလာခဲ့သည်။

၁၉၉၇ခုနှစ်မှာပင် ကော့သောင်းမြို့ပြလမ်း ပြုပြင်မည်ဆိုပြီး အက်တမန်ကုမ္ပဏီ(သူဌေးကျွန်း ဟိုတယ် ကုမ္ပဏီ) က လာရောက်ပြုပြင်ပေး ရာ စက်ယန္တရားနှင့် အလုပ်သမားတန်းလျားများ ယာယီထားရှိရန် ထိုမြေကွက်ကို ဦးဉာဏ်စိန်၏ ခွင့်ပြု ချက်ဖြင့် အသုံးပြုလာခဲ့သည်။

သို့သော် လမ်းပြုပြင်ရေး ပြီးစီးသွားသည့် ၁၉၉၈ခုနှစ်တွင် အက်တမင်းကုမ္ပဏီက ပြန်လည်ထွက်ခွာသွားသော်လည်း ကုမ္ပဏီမှ အလုပ် သမား ခ မပေးဟုဆို၍ အလုပ်သမားများ ထွက်ခွာသွားခြင်းမရှိပဲ ယနေ့အထိ နေထိုင်နေဆဲဖြစ်သည်။

၎င်းအပြင် မြို့နယ်အာဏာပိုင်အဖွဲ့အစည်းများ စစ်တပ်နှင့် ပူးပေါင်းပြီး ကော့သောင်းမြို့၊ သီရိမြိုင်ရပ်ကွက်တွင် မြို့ပြတိုးတက်ရေးဆိုကာ မြေ ၃ဧကခန့် သိမ်းယူခဲ့သလို ကျန်ရှိမြေ ၅ဧကခန့်ကို မြို့အာဏာပိုင်များ အပါအဝင် ယခင် အက်တမင်းကုမ္ပဏီ တာဝန်ခံ ဦးညွှန့်လှိုင်တို့ ပူးပေါင်း သိမ်းဆည်းကာ အကွက်ရိုက် ပြန်လည်ရောင်းစားနေကြကြောင်း ဦးသန်းထွန်းက ပြောသည်။

မြန်မာ့ပြုပြင်ပြောင်းလဲရေးတွင် စစ်တပ်အခန်းကဏ္ဍ ဖယ်၍မရ

လင်းသန်

မြန်မာနိုင်ငံ၏ ပြုပြင်ပြောင်းလဲရေးတွင် တပ်မတော်၏ အခန်းကဏ္ဍကို ဖယ်ထား၍ မရကြောင်း စင်ကာပူနိုင်ငံ အခြေစိုက် အရှေ့တောင် အာရှ လေ့လာရေးဌာနမှ ၀ါရင့်သုတေသီ ဒေါက်တာ တင်မောင်မောင်သန်းက ပြောသည်။

ထိုင်းနိုင်ငံ၊ ချင်းမိုင်တက္ကသိုလ်ရှိ The Regional Centre for Social Science and Sustainable Development (RCSD) ဌာနက ယမန် နေ့တွင် ကြီးမှူးကျင်းပခဲ့သည့် မြန်မာ့ပြုပြင်ပြောင်းလဲရေးနှင့် တပ်မတော်၏ အခန်းကဏ္ဍ အကြောင်း “အခန်းထဲက ဆင်” (The Elephant in the Room) ခေါင်းစဉ်ဖြင့် ဟောပြောပွဲတွင် ဒေါက်တာ တင်မောင်မောင် သန်းက ထိုသို့ ပြောဆိုခြင်း ဖြစ်သည်။

“အခု နောက်ပိုင်း၊ သမ္မတကြီး ဦးသိန်းစိန် တက်လာတဲ့အခါကျတော့ ဒီမိုကရေစီ အစိုးရဖြစ်တယ် ဆိုပြီးတော့ တပ်မတော်က ပြည်သူ့ရေးရာ ကိစ္စတွေမှာ မပါတော့ဘူး။ မပါတော့ သူက ပျောက်နေသလိုဖြစ်နေတယ်။ တကယ်တော့ သူ က အရေးပါတဲ့ အခန်းကဏ္ဍမှာ ပါတယ်ဆိုတာ တင်စားပြီး ပြောတာပါ” ဟု ၎င်းက ပြောသည်။

ဆွေးနွေးပွဲတွင် တပ်မတော်ကို ဆင်နှင့်ခိုင်းနှိုင်းပြီး ပြောဆိုရင်း တပ်မတော် ကာကွယ်ရေး ဦးစီးချုပ် ဒုတိယ ဗိုလ်ချုပ်ကြီး မင်းအောင်လှိုင် သည် ဆင်ဦးစီးနှင့် တူကြောင်း၊ လက်ရှိ သွားနေသည့် လွှတ်တော်တွင် အတိုက်အခံက ပြောဆိုနေသည့် ဖွဲ့စည်းပုံ အခြေခံ ဥပဒေ ပြင် ဆင် ရေးသည် စစ်တပ်ကိုယ်စားလှယ် ထောက်ခံမှု မရှိလျှင် မဖြစ်နိုင်ကြောင်း ဒေါက်တာ တင်မောင်မောင်သန်းက ထောက်ပြ သည်။

“မြန်မာနိုင်ငံရဲ့ ဒီမိုကရေစီဟာ တပ်မတော်က ပေးသလောက်ပဲ ရမှာပါ။ တပ်မတော် အလိုရှိသ လောက်ပဲ ကျမတို့ လွှတ်တော် သက်တမ်းက ရှိမှာပါ” ဟုလည်း ဒေါ်အောင်ဆန်းစုကြည်ကလည်း မကြာသေးမီက ပြောဆိုခဲ့ သေးသည်။

မြန်မာနိုင်ငံတွင် အနောက်ဒီမိုကရေစီ စံညွန်းများနှင့်အညီ ကာကွယ်ရေး ၀န်ကြီးကဲ့သို့ နေရာမျိုးတွင် အရပ်သားကိုသာ တာဝန်ပေးသင့် သည် ဟု ပြောဆိုမှုများရှိကြောင်း၊ သို့သော် လေ့လာမှုများအရ အရပ်သားနိုင်ငံရေး သမားများ၏ အားနည်းချက်များအပေါ် စစ်တပ်က တင်ပြပြော ဆိုချက်များအား ကြည့်ခြင်းအားဖြင့် စစ်တပ်သည် ဖြတ်သန်းလာခဲ့သည့် သမိုင်းအရလည်းကောင်း၊လေ့ကျင့်သင်ကြားပေးမှု များအရလည်း ကောင်း အရပ်သား နိုင်ငံရေးသမားများအပေါ် သံသယ ရှိနေကြဆဲဖြစ်ကြောင်း ဒေါက်တာ တင်မောင်မောင်သန်းက ဆို သည်။

မြန်မာ့ နိုင်ငံရေးတွင် စစ်တပ်က ပါဝင်ရမည်ဟု တပ်မတော်အတွင်း လက်ခံယုံကြည်နေကြသူ များနေကြောင်း၊အဆိုးဆုံးအခြေအနေကို ထိန်း ညှိရန် မြန်မာနိုင်ငံ၏ ၂၀၀၈ ခုနှစ် ဖွဲ့စည်းပုံ အခြေခံဥပဒေအရ တပ်မတော်သား ကိုယ်စားလှယ်သည် လွှတ်တော်များတွင် ၂၅ ရာ ခိုင်နှုန်း ယူ ထားခြင်းဟု နားလည်ကြောင်းလည်း ၎င်းက ပြောသည်။

သို့သော် ပြီးခဲ့သည့် လပိုင်းအတွင်းက ကာကွယ်ရေး ၀န်ကြီး ဒုတိယ ဗိုလ်ချုပ်ကြီး လှမင်းက စင်ကာပူနိုင်ငံ၊ ရှန်ဂရီလာ ဆွေးနွေးပွဲတွင် ပြော သွားသည့် သင့်တော်ချိန်တွင် တပ်မတော် ကိုယ်စားလှယ်များကို လျှော့ချသွားရန်ရှိကြောင်း ပြောဆိုမှုနှင့် လက်ရှိ ပြုပြင်ပြောင်းလဲ ရေး များ ကိုလည်း စစ်တပ်က ထောက်ခံကြောင်း ပြောခဲ့သည်မှာ ကောင်းသည့် လက္ခဏာဖြစ်ကြောင်း ဒေါက်တာ တင်မောင်မောင်သန်း က ဆက် လက်ပြောသည်။

လက်ရှိ ပြုပြင်ပြောင်းလဲမှုကို ဦးဆောင်နေသူသည် စစ်ဗိုလ်ချုပ်ဟောင်း သမ္မတ ဦးသိန်းစိန်ဖြစ်ပြီး ဒီမိုကရေစီ လိုလားနေကြသည့် မြန်မာ့ လူ့အဖွဲ့အစည်း တခုလုံးသည် အပြောင်းအလဲကို အဓိက မောင်းနှင်သူလည်း ဖြစ်ကြောင်း၊ အများက စိုးရိမ်နေသကဲ့သို့ စစ်တပ်က အာ ဏာပြန် သိမ်းပြီး စစ်ဗိုလ်ချုပ်များက တိုင်းပြည်ကို ပြန်အုပ်ချုပ်မည်ဟု မထင်ကြောင်းလည်း ဒေါက်တာ တင်မောင်မောင်သန်းက ဧရာဝတီကို ပြော သည်။

“တိုင်းပြည်ကို အင်အားသုံး အုပ်ချုပ်ဖို့ဆိုတာ မလွယ်ကူပါဘူး။ ပွင့်လင်းလာပြီဖြစ်တဲ့ တိုင်းပြည်ကို သူတို့ စစ်ဗိုလ်ချုပ်ကြီးတွေ ကိုယ်တိုင် ပြန် အုပ်ချုပ်မယ်လို့တော့ ကျနော် မထင်ဘူး” ဟု ၎င်းက ပြောသည်။

ဆက်လက်၍ သူက သတိပေးပြောသည်မှာ “သို့သော် ဒီမိုကရက်တွေက စစ်ခေါင်းဆောင်တွေကို ထောင့်ထဲ တွန်းမပို့ရင်တော့ အကောင်းဆုံး ပဲ” ဟူ၍ ဖြစ်သည်။

အရပ်သားနှင့် စစ်သားတို့သည် မိမိတို့၏ ကိုယ်ပိုင်ကျွမ်းကျင်မှုများ ရှိကြကြောင်း၊ တိုင်းပြည်အကျိုးအတွက် အပြန်အလှန် လေးစားမှုရှိရှိ ညှိ နှိုင်း ဆောင်ရွက်သွားသင့်ကြောင်း ၎င်းက အကြံပြုသည်။

လွှတ်တော်တွင်း၌ ရှိနေကြသည့် အရပ်သား အတိုက်အခံ နိုင်ငံရေးပါတီများက ကိုယ်စားလှယ်များ၊အာဏာရကြံ့ခိုင်ရေးပါတီကိုယ်စား လှယ် များ၊ စစ်တပ်ကိုယ်စားလှယ်များ အနေဖြင့် ထိတွေ့ဆက်ဆံရင်း နိုင်ငံရေးဆိုသည်မှာ အလျှော့အတင်းရှိပြီး ဒီမိုကရေစီ သဘောအရ သဘော တူသည် ရှိသကဲ့သို့ မတူသည်များ ရှိတတ်သည်ကို ညှိနှိုင်းဆောင်ရွက်ရသည့် ဓလေ့များ စစ်တပ်အတွင်း ကျယ်ကျယ်ပြန့်ပြန့် သိရှိနားလည် သွား ပါက တဖက်နှင့် တဖက် ရှိနေသည့် သံသယ များ ပြေလျော့သွားနိုင်ကြောင်း သူက ရှင်းပြသည်။

လတ်တလော အစိုးရ၀န်ကြီးများ အပြောင်းအလဲနှင့် ပတ်သက်၍ သမ္မတ ဦးသိန်းစိန်အနေဖြင့် ဖော်ဆောင်နေသည့် ပြုပြင်ပြောင်းလဲရေး အ ရှိန်ပိုရရေးအတွက် သူ့စိတ်ကြိုက် အဖွဲ့ (Team) ကို ဖန်တီးခြင်းဖြစ်ကြောင်း၊ ယခုပြောင်းလဲမှုသည် ဌာန ပြောင်းလဲ တာဝန်ပေးလိုက် ခြင်းသာ ဖြစ်ပြီး ပုဂ္ဂိုလ်ရေးသံယောဇဉ် ရှိသည့်အားလျှော်စွာ ဖြုတ်၊ ထုတ်၊ ရှင်း ဆိုသည့်နည်းကို မသုံးဘဲ မြန်မာ့နည်းအတိုင်း အလယ် လမ်းကို ရွေးချယ် လုပ်ဆောင် ခြင်းသာဖြစ်ကြောင်း ဒေါက်တာ တင်မောင်မောင်သန်းက ပြောသည်။

“လူအများကတော့ ဒီလောက်နဲ့ မလုံလောက်ဘူးလို့ ပြောမှာပါ။ ဒါပေမယ့် ဒီလိုလူတွေက အမြဲရှိနေတာပဲလေ ဟု သူက ဆိုသည်။

The Elephant in the Room ခေါင်းစဉ်ဖြင့် ဆွေးနွေးပွဲသို့ မြန်မာ့အရေး စိတ်ဝင်စားသူများ၊ ပညာရှင်များ၊ ကျောင်းသား၊ ကျောင်းသူများ၊ မီဒီ ယာသမားများ တက်ရောက်ကြသည်။

မြန်မာ-ဘင်္ဂလားဒေ့ခ်ျ ပတ်စ်ပို့ဖြင့် နယ်စပ် ဖြတ်ကျော် ခရီးသွားလာခွင့် ပြန်လည် ဖွင့်လှစ်

ထွန်းထွန်း

ရခိုင်တွင် ပေါ်ပေါက်ခဲ့သော ဆူပူအကြမ်း ဖက်မှုကြောင့် သုံးလကြာ ပိတ်ထားခဲ့ရသော မြန်မာ-ဘင်္ဂလားဒေ့ခ်ျ နယ်စပ် ပတ်စ်ပို့ဖြင့် နေ့ချင် ပြန် နိုင်ငံ ဖြတ်ကျော်သွားလာခွင့်ကို ယမန်နေ့ သြဂတ်(စ်)လ ၂၈ ရက်နေ့က ပြန်လည် ဖွင့်လှစ် လိုက်ပြီးဖြစ်ကြောင်း သတင်း ရရှိ သည်။

အခြေအနေ တည်ငြိမ်စပြုလာသည့် အတွက် မြန်မာ နစကနှင့် တက်ကနက် အခြေစိုက် ဘီဂျီဘီ အမှတ်(၄၂) တပ်ဖွဲ့တို့မှ ဆွေးနွေး ညှိနှိုင်း ချက်အရ နှစ်နိုင်ငံ ပတ်စ်ပို့ဖြင့် သွားလာခွင့် ပြုထားသော နယ်စပ်ဂိတ်ကို ပြန်လည် ဖွင့်လှစ်ခဲ့ ခြင်း ဖြစ်သည်ဟု ဆိုသည်။

စတင် ဖွင့်လှစ်ခဲ့သည် နံနက်ပိုင်း ၁၀နာရီမှ စတင်ပြီး ဘင်္ဂလာဒေခ်ျ့ တက်ကနက် မြို့မှနေ မြန်မာ နိုင်ငံ မောင်တောသို့ ခရီးသွားသူ ဘင်္ဂလား ဒေ့ခ်ျနိုင်ငံသား ၃၆ဦး ရှိခဲ့ပြီး မြန်မာ နိုင်ငံ မောင်တော ဘက်ကနေ ဘင်္ဂလာဒေခ်ျ့ဘက်သို့ ၀င်ရောက်လာသူ ခရီးသည် ၄၉ဦး ရှိကြောင်း သိရ သည်။

အ၀င်အထွက် ပြုလုပ်သူ အားလုံးမှာ နှစ်ဘက်နိုင်ငံက ထုတ်ပေးထားသော ပတ်စ်ပို့များကို အသုံးပြု သွားလာခဲ့ကြသည်ဟု ဆိုသည်။

နှစ်နိုင်ငံ စီးပွားရေးအရ ကူးလူးဆက်သွယ်နေသည့် နယ်စပ်ဂိတ်ကို ကာလာတာရှည်စွာ ပိတ်ထားရသည့်အတွက်ဘင်္ဂလားဒေ့ခ်ျနိုင်ငံ၏ အခွန် ဘဏ္ဍာဝင်ငွေမှာ အကြီးအကျယ် နစ်နာမှုဖြစ်ခဲ့ရဟု သိရသည်။

အလားတူ မြန်မာ စီးပွားရေး လုပ်ငန်းရှင်များ အထူးသဖြင့် ရခိုင်ပြည်ဘက်မှ စီးပွားရေး သမားများ အတွက် အလွန်တရာ ဆုံးရှုံးနစ်မှုရှိ ခဲ့ပြီး တချို့ စီးပွားရေးသမားများမှာ နာလန်မ ထူနိုင်အောင် အထိ ဖြစ်ခဲ့ရသည်ဟု ဆိုသည်။

နယ်စပ်ဂိတ်များကို ပြန်လည် ဖွင့်လှစ်ထားသော်လည်း နှစ်နိုင်ငံ စီးပွားရေးသမားများ အကြား ယုံကြည်ချက် တည်ဆောက်မှုအပိုင်းတွင် အား နည်းနေသေးသဖြင့် ကုန်တင် သင်္ဘောများ ၀င်ထွက် သွားလာမှု မရှိသလောက် ဖြစ်နေသေးသည်ဟု တက်ကနက် မြို့မှ နယ်စပ် ကုန်သည် တဦးက ပြောသည်။

“နေ့ချင်းပြန် ပတ်စ်ပို့နဲ့ ဟိုဘက်ဒီဘက် သွားလာခွင့်ကိုတော့ မနေ့က စတင်ပြီး ပြန်ဖွင့်လှစ် ပေး လိုက်တဲ့ အတွက် ခရီးသည်တွေ သွားနေ ကြ တာတွေ့ရပါတယ်။ ဒါပေမဲ့ အရင်က လို ကုန်တင် သင်္ဘောတွေ၊ဆန်ဘုတ်တွေ၊ သစ်ဘုတ် တွေ အရောက် အပေါက် သိပ်မရှိဘူး။ အဓိကတော့ ယုံကြည်မှုအပိုင်းမှာ တစ်ဘက်နဲ့ တစ်ဘက် တော်တော် အားနည်းနေတဲ့ အတွက် ဖြစ်တယ်လို့ ယူဆပါတယ်” ဟုပြောသည်။

သို့သော်လည်း နယ်စပ်ကုန်သွယ်ရေး အခြေအနေ ပုံမှန် ဖြစ်လာမည်ကို အများက လိုလား မျှော်လင့်နေကြသည်ဟု သိရသည်။