မြန်မာ့ မီးရထားလမ်းများ ပြုပြင်ထိန်းသိမ်းရေးအတွက် ဂျပန်မှ ယန်းငွေ ၅၃၂၇ သန်းကူညီ

နိရဉ္စရာ

ဂျပန်နိုင်ငံမှ မြန်မာ့မီးရထားလမ်းများ ပြုပြင်ထိန်းသိန်းရေး အတွက် ဂျပန် ယန်းငွေ သန်းပေါင်း (၅၃၂၇) သန်း ထောက်ပံ့ ကူညီလိုက်ကြောင်း တရုတ် သတင်းဌာန ဆင်ဟွာ ( Xinhua) ၏ သတင်း တစ်ပုဒ်ကို ဘင်္ဂလာဒေခ်ျ့ Newage သတင်းစာတွင် ဖေါ်ပြသည်။

၎င်းယန်းငွေ ပမာဏမှာ အမေရိကန် ဒေါ်လာ ၅၃ ဒဿမ ၂၇၀ သန်းဖြင့် ညီမျှကြောင်း သတင်းက ဆိုသည်။

မြန်မာနိုင်ငံရှိ မီးရထားလမ်းများ ခေတ်မှီ တိုးတက်လာရေး အတွက် ထိန်းသိမ်းပြုပြင်နိုင်ရန် ရည်ရွယ်ပြီး ယန်းငွေ (၅၃၂၇) သန်း ပမာဏနှင့် ညီမျှသော ခေတ်မှီ ပစ္စည်းကရိယာများအား မြန်မာနိုင်ငံသို့ ပို့ဆောင် လိုက်ပြီ ဖြစ်ကြောင်း သတင်းတွင် ဖေါ်ပြသည်။

မြန်မာအစိုးရမှ မြန်မာ ရထား လုပ်ငန်း ဖွံ့ဖြိုးတိုးတက်ရေး အတွက် ဂျပန် အစိုးရထံနှင့် တခြား ကုမ္ပဏီများထံမှ အကူအညီတောင်းခံပြီးနောက်ပိုင်း ဂျပန်နိုင်ငံမှ Japan International Transport Institution မှ ယင်းအကူအညီအား ပေးအပ်လိုက်ခြင်း ဖြစ်သည်ဟု ဆိုသည်။

ဂျပန် အစိုးရမှ ၂၀၁၃ ခုနှစ်အတွင်း မြန်မာ့ရထား လုပ်ငန်း အတွက် စီမံကိန်း (၁၁) ကို အကောင် အထည်ဖေါ်ဆောင်ရွက် ပေးနေပြီး ပထမဆုံး အနေဖြင့် ရန်ကုန်- မန္တလေး ရထားလမ်း၏ ကီလိုမီတာ ၂၆၅ ရှည်လျားသည့် ရန်ကုန်-တောင်ငူ လမ်းပိုင်းကို ပထမဆုံး ပြုပြင် တည်ဆောက်နေသည်ဟု ဆိုသည်။

၎င်းနောက် ကီလိုမီ ၁၇၂ အရှည်ရှိသော တောင်ငူ- ရမည်းသင်း လမ်းပိုင်းကို ပြုပြင် တည်ဆောက်မည် ဖြစ်ပြီး တတိယပိုင်း အနေဖြင့် ကီလိုမီ ၁၇၇ အရှည်ရှိသော ရမည်းသင်း- မန္တလေး လမ်းပိုင်းကို ပြုပြင်သွားမည် ဖြစ်ကြောင်း မြန်မာ့ မီးရထားဝန်ကြီး ဦးသန်းဌေး၏ ပြောဆိုချက်ကို ကိုးကားပြီး သတင်းတွင် ဖေါ်ပြသည်။

တခြား ဂျပန် မီးရထား ကုမ္ပဏီ တစ်ခုဖြစ်သည့် The East Japan Railway Company Ltd မှလည်း မြန်မာရထား လုပ်ငန်း ခေတ်မှီ ဖွံ့ဖြိုးတိုးတက်ရေး အတွက် ကူညီသွားရန် အာမခံထားသည်ဟု သိရသည်။

စမ်းသပ်ဆဲမိုဘိုင်းဘဏ်စနစ် အောင်မြင်မှုရှိဟုဆို

ချိုကို

မိုဘိုင်းငွေပေးချေမှုစနစ်ဖြစ်သော မိုဘိုင်းဘဏ်စနစ် (Mobile Banking)ကို ပြည်တွင်းဘဏ်အချို့က စမ်းသပ်သုံးစွဲလျက်ရှိရာ အောင်မြင်စွာသုံးစွဲနိုင်ခဲ့သည်ဟု စမ်းသပ်ခဲ့သည့်ဘဏ်များဖြစ်သော CB ဘဏ်၏ အုပ်ချုပ်မှုဒါရိုက်တာနှင့် AGD ဘဏ်၏ ဒုတိယအထွေထွေမန်နေဂျာတို့၏ ပြောကြားချက်များ အရ သိရသည်။

အဆိုပါစနစ်ကို ပြည်တွင်းတွင် သမ၀ါယမဘဏ် (CB)နှင့် အာရှစိမ်းလန်းမှု ဖွံ့ဖြိုးရေးဘဏ်(AGD)တို့က စမ်းသပ် သုံးစွဲရာတွင် အောင်မြင်မှုရသည်ဟု ၎င်းတို့က မဇ္ဈိမကိုပြောခြင်းဖြစ်သည်။

သမ၀ါယမဘဏ်၏ အုပ်ချုပ်မှုဒါရိုက်တာ ဦးဖေမြင့်က “ကျွန်တော်တို့ ဘဏ်ဝန်ထမ်းတွေနဲ့ ဘဏ်ခွဲ အချင်းချင်း စမ်းသပ်သုံးစွဲတာ တစ်လကျော်ရှိပါပြီ။ သုံးစွဲရအဆင်ပြေပါတယ်။ ဗဟိုဘဏ် ခွင့်ပြုချက်ရတာနဲ့ သုံးစွဲနိုင်ဖို့ အဆင်သင့် ဖြစ်နေပါပြီ” ဟု ပြောသည်။

ထို့ပြင်AGD ဘဏ် ICT ဌာန၏ ဒုတိယအထွေထွေမန်နေဂျာ ဦးမျိုးဝင်းသက်က “ဘဏ်ဝန်ထမ်းတွေရဲ့ အကောင့်အချင်းချင်း စမ်းသပ်သုံးစွဲနေပါတယ်။ မိုဘိုင်းဖုန်းပေါ်ကနေ အကောင့်အချင်းချင်း ငွေလွှဲပို့တာ၊ နောက် အခွန်အခကြေးငွေကို ဘဏ်အကောင့်ကနေတစ်ဆင့်ပေးဆောင်တာမျိုးကို ဘဏ်လာစရာမလို ဘဲ မိုဘိုင်းဖုန်းပေါ်ကနေတစ်ဆင့် ပေးဆောင်တာမျိုးကို စမ်းသပ်အသုံးပြုတာပါ။ စမ်းသပ်မှုက အောင် မြင်ပေမယ့် တကယ်အသုံးပြုမယ့်သူတွေ အသုံးပြုတဲ့အခါ အသုံးပြုရအဆင်ပြေ မပြေစောင့်ကြည့်ရဦး မှာပါ”ဟု ပြောသည်။

မိုဘိုင်းဘဏ်စနစ်အသုံးပြုရန် ပြည်တွင်းဘဏ်များက ဗဟိုဘဏ်သို့ ခွင့်ပြုချက်တောင်းခံထားပြီးဖြစ်ရာ ဗဟိုဘဏ်အနေဖြင့် Mobile Banking နှင့်ပတ်သက်သော စည်းမျဉ်းစည်းကမ်းများကို ရေးဆွဲကာ သမ္မတရုံးသို့ တင်ပြခဲ့ပြီးဖြစ်သည်။

ပြီးခဲ့သည့်အောက်တိုဘာလအတွင်းက သက်ဆိုင်ရာဝန်ကြီးဌာနများဖြစ်သော ပြည်ထဲရေးဝန်ကြီးဌာန၊ ဘဏ္ဍာရေးဝန်ကြီးဌာန၊ ဆက်သွယ်ရေးနှင့်သတင်းအချက်အလက်နည်းပညာဝန်ကြီးဌာနများနှင့် မြန် မာနိုင်ငံဗဟိုဘဏ်တို့ အစည်းအဝေး ပြုလုပ်ခဲ့ပြီး ယင်းဆွေးနွေးပွဲမှ ရလဒ်များကို သမ္မတရုံးသို့ တင်ပြ ခဲ့ခြင်းဖြစ်သည်။

ပြည်တွင်းတွင် မိုဘိုင်းဘဏ်လုပ်ငန်းလုပ်ကိုင်ရန် တင်ပြထားသောဘဏ်များရှိပြီး ကမ္ဘောဇဘဏ်(KBZ) ၏ ဒုတိယအထွေထွေမန်နေဂျာ ဦးသက်ကိုကိုမျိုးက “မိုဘိုင်းဘဏ်စနစ် အသုံးပြုနိုင်ဖို့အတွက် ဘဏ်ရဲ့ ဆော့ဖ်ဝဲပိုင်းဆိုင်ရာ ပြုပြင်ပြောင်းလဲမှုတွေ လုပ်နေပါတယ်။ ဗဟိုဘဏ်က ခွင့်ပြုချက်ကျတာနဲ့ လုပ် ဆောင်သွားမှာပါ”ဟု မဇ္ဈိမကို ပြောသည်။

မိုဘိုင်းဘဏ်စနစ်တွင် ဘဏ်အကောင့်တစ်ခုနှင့်တစ်ခုငွေလွှဲခြင်း၊ ငွေပေးချေခြင်းနှင့် ငွေထုတ်ယူခြင်း စသည်တို့ကို မိုဘိုင်းပေါ်မှ အသုံးပြုနိုင်မည်ဖြစ်သည်။

ဦးဖေမြင့်က “မိုဘိုင်းဘဏ်စနစ်မှာ အဆင့်နှစ်ခုလုပ်သွားဖို့တော့ရှိတယ်။ တစ်ခုက ဘဏ်အကောင့် အချင်းချင်းကို ဖုန်းကနေတစ်ဆင့် ငွေလွှဲပေးတာမျိုးကတော့ စမ်းသပ်ပြီးပြီ။ နောက်တစ်ဆင့်ကတော့ ကျေးလက်ဒေသနဲ့ မြို့ငယ်တွေမှာ ဘဏ်အကောင့်ရှိရင် ဒါမှမဟုတ် ဘဏ်ကခန့်ထားတဲ့ အေးဂျင့်က တစ်ဆင့် ငွေလွှဲပို့ခြင်း၊ ငွေထုတ်ယူခြင်း လုပ်နိုင်မယ့်စနစ်ပါ”ဟု မဇ္ဈိမကို ပြောသည်။

ထိုသို့ငွေထုတ်ပေးနိုင်မည့်အေးဂျင့်များ ထားရှိရန်အတွက်လည်း ရွေးချယ်နေပြီဖြစ်သည်ဟုလည်း ၎င်း က ပြောသည်။ “အေးဂျင့်တွေထားဖို့တော့ ရွေးချယ်နေတယ်။ အေးဂျင့်မရှိတဲ့မြို့အချို့မှာဆို Mini Bank တွေထားဖို့ စီစဉ်သွားမယ်”ဟု ၎င်းက ပြောသည်။

AGD ဘဏ်၏ မိုဘိုင်းဘဏ်စနစ်ကို အသုံးပြုနိုင်ရန်အတွက်မူ ဖုန်း application ကို download ဆွဲယူရ မည်ဖြစ်ပြီး အဆိုပါapplication ဖြင့် အသုံးပြုနိုင်မည်ဖြစ်သည်ဟု ဆိုသည်။

ထို့ပြင် ပြည်တွင်းတွင် ဆက်သွယ်ရေး အော်ပရောတာရရှိသော တယ်လီနော နှင့် အူရီးဒူးတို့ကလည်း မိုဘိုင်းဘဏ်စနစ်ဝန်ဆောင်မှုများကို လုပ်ကိုင်သွားမည်ဟု ဆိုထားသည်။

မိုဘိုင်းဘဏ်စနစ် အသုံးပြုသူ တစ်သန်းကျော်ရှိသူOoredoo သည် မိုဘိုင်းငွေကြေးစနစ်အတွက်QNB နှင့်Money Gram တို့ဖြင့် ပူးပေါင်းပြီး နိုင်ငံပေါင်း ၁၉၇ ခုအထိ ၀န်ဆောင်မှုပေးနေခြင်းဖြစ်သည်။

တက်​ကြွ​လှုပ်​ရှား​သူ​များ​ကို ​ထောင်​ဒဏ်​ချ​မှတ်

ေ​ရွှ​အောင်

ကုန်​ဈေး​နှုန်း​ကျ​ဆင်း​ရေး ​လှုပ်​ရှား​သူ ​ဦး​ထင်​ကျော်​နဲ့ ​လယ်​သ​မား​အ​ရေး​ကူ​ညီ ​လုပ်​ဆောင်​ပေး​သူ ​ဦး​၀င်း​ချို​တို့​ကို ​သက်​ဆိုင်​ရာ ​တ​ရား​ရုံး​တွေ​က ​ထောင်​ဒဏ်​အ​သီး​သီး ​ချ​မှတ်​လိုက်​ပါ​တယ်။

ဒီ​က​နေ့ ​တ​နေ့​တည်း​မှာ ​ဦး​ထင်​ကျော်​ကို ​ကျောက်​တံ​တား​တ​ရား​ရုံး​က ​ထောင်​ဒဏ် ၉ ​လ ​ပြစ်​ဒဏ်​ချ​လိုက်​တာ​ဖြစ်​ပြီး ​ဦး​၀င်း​ချို​ကို​တော့ ​ပဲ​ခူး​တ​ရား​ရုံး​က ​ထောင်​ဒဏ် ၆ ​လ ​ပြစ်​ဒဏ်​ချ​မှတ်​လိုက်​တာ​ပါ။

ဦး​ထင်​ကျော်​ကို ​တ​ရား​ရုံး​က ​ပြစ်​ဒဏ်​ချ​မှတ်​လိုက်​တာ​နဲ့ ​ပတ်​သက်​ပြီး ၂၀၀၇ ​ကုန်​ဈေး​နှုန်း​ကျ​ဆင်း​ရေး ​အ​ဖွဲ့​၀င် ​ကို​သိန်း​အောင်​မြင့်​က “​ကျောက်​တံ​တား​ရဲ​စ​ခန်း​မှာ ​စွဲ​ထား​တဲ့ ​အ​မှု ၄ ​မှု​ထဲ​က ၃ ​မှု​ကို ​ချ​လိုက်​တာ​ပေါ့ ​အစ်​ကို​ရာ။ ​ပ​ထ​မ ၁ ​မှု​က ​ဗိုလ်​ချုပ်​မှူး​ကြီး​သန်းေ​ရွှ​မြေး ​ဖိုး​လ​ပြည့် ​က ​မော်​တော်​ပီ​ကယ်​ကို ​အ​နိုင်​ကျင့်​သွား​တဲ့​အ​ပေါ် ​သက်​ဆိုင်​ရာ ​ရဲ​စ​ခန်း​ကို ​အ​မှု​ဖွင့် ​တိုင်​ကြား​ခွင့်​မ​ရ​တဲ့​အ​တွက် ​အဲ​ဒါ​ကို ​သူ​ဆ​န္ဒ​ပြ​ခဲ့​တယ်။

ပြီး​တော့ ​မိ​ကျောင်း​ကန်​က ​ကို​စိန်​သန်း​ကို ​ပုဒ်​မ ၁၈ ​နဲ့ ​ဖမ်း​တာ​ကို ​မ​ကျေ​နပ်​တဲ့​အ​တွက် ​ဆ​န္ဒ​ထုတ်​ဖော်​ခဲ့​တာ​ရယ်။ ​လက်​ပံ​တောင်း​တောင် ​မီး​လောင်​ဗုံး​သုံး​ခဲ့​တဲ့​အ​ပေါ် ​အ​စိုး​ရ​ပိုင်း​က ​မ​မျှ​တ​တဲ့​အ​တွက် ​ဆ​န္ဒ​ထုတ်​ဖော်​ခဲ့​တာ​တွေ​ပါ။ ​တ​မှု​ချင်း​စီ​ကို ​ထောင် ၃ ​လ​နဲ့ ၃ ​မှု​ဆို​တော ၉ ​လ ​ချ​မှတ်​လိုက်​ပါ​တယ်။”

လယ်​သ​မား​အ​ရေး​လှုပ်​ရှား​သူ ​ဦး​၀င်း​ချို​ကို ​ပဲ​ခူး​တ​ရား​ရုံး​က ​ပြစ်​ဒဏ်​ချ​မှတ်​လိုက်​ပုံ​ကို​တော့ ​အ​မှု​ကို ​လိုက်​ပါ​ဆောင်​ရွက်​ပေး​နေ​တဲ့ ​တ​ရား​လွှတ်​တော်ေ​ရှ့​နေ ​ဦး​ရော​ဘတ်​စန်း​အောင်​က ​ခု​လို ​ပြော​ပြ​ပါ​တယ်။

“​ဦး​၀င်း​ချို​နဲ့ ​ရဲ​ဘော် ၅ ​ယောက်​ကို ​ပြစ်​မှု​ဆိုင်​ရာ ​ဥ​ပ​ဒေ ​ပုဒ်​မ ၅၀၅ (​ခ)​နဲ့ ​ပြစ်​မှု​ကြီး​က ​ထောင်​ဒဏ် ၆ ​လ ​အ​လုပ်​မ​ပါ​ဘူး​။ ​နောက်​ပြီး​တော့ ​ဦး​၀င်း​ချို​နဲ့ ​ရန်​ပိုင်​စိုး​ကို ​ပုဒ်​မ ၁၈ ​အ​ရ ​ဒဏ်​ငွေ ၁ ​သောင်း​စီ၊ ​နောက်​တ​ခါ ​ဦး​၀င်း​ချို ​တ​ယောက်​တည်း​ကို ​ပြစ်​မှု​ကြီး ​နံ​ပတ် ၆၉၉၄/၂၀၁၃ ​နဲ့ ​ပုဒ်​မ ၁၈ ​အ​ရ ​ဒဏ်​ငွေ ၁ ​သောင်း ​ဒါ​ကို ​အ​မိန့်​ချ​မှတ်​ခဲ့​ပါ​တယ်။”

ဦး​၀င်း​ချို​ဟာ ​အ​ချုပ် ၃ ​လ​ကျ​ခံ​ပြီး​ဖြစ်​လို့ ​နောက်​ထပ် ၃ ​လ​ပဲ ​ကျ​ခံ​ရ​မှာ​ပါ။ ​သူ​ဟာ ​ပဲ​ခူး​မြို့​က ​လယ်​သိမ်း​ခံ ​တောင်​သူ​တွေ ​သူ​တို့​လယ်​မြေ​ပြန်​ရ​ရေး ​ဆ​န္ဒ​ပြ​ခဲ့​လို့ ​အ​ဖမ်း​ခံ ​တ​ရား​စွဲ​ခံ​ရ​ပြီး ​ပြစ်​ဒဏ်​ချ​မှတ်​ခံ​ရ​တာ ​ဖြစ်​ပါ​တယ်။

နိုင်​ငံ​တော် ​သ​မ္မ​တ​က ​အ​ခု​နှစ်​ကုန်​မှာ ​နိုင်​ငံ​ရေး ​အ​ကျ​ဉ်း​သား​တွေ ​အား​လုံး​ပြန်​လွှတ်​ပေး​မယ်​လို့ ​ပြော​ထား​ပေ​မယ့် ​အ​ခု ​ရက်​ပိုင်း​အ​တွင်း ​ကျောင်း​သား​ခေါင်း​ဆောင်​တွေ ​ငြိမ်း​ချမ်း​ရေး ​လမ်း​လျှောက်​ဆ​န္ဒ​ပြ​သူ​တွေ​ကို ​ပုဒ်​မ ၁၈ ​နဲ့ ​ပြစ်​ဒဏ်​တွေ ​ဆက်​တိုက်​ချ​နေ​တာ ​ဖြစ်​ပါ​တယ်။

လက်​ကျန်​နိုင်​ငံ​ရေး ​အ​ကျ​ဉ်း​သား​များ ​စိ​စစ်​ရေး​ကော်​မ​တီဝင် ​ဦး​ရဲ​အောင်​ရဲ့ ​ပြော​ကြား​ချက်​အ​ရ ​ပုဒ်​မ ၁၈ ​အ​ပါ​အ၀င် ​တက်​ကြွ​လှုပ်​ရှား​သူ​တွေ​ကို ​စွဲ​ထား​တဲ့​အ​မှု​ပေါင်း ၂၆၀ ​ကျော် ​ရှိ​တယ်​လို့ ​သိ​ရ​ပါ​တယ်။

ဒေါ်အောင်ဆန်းစုကြည်နဲ့ သြစတြေးလျ ၀န်ကြီးချုပ်တို့ တွေ့ဆံ

ABC

အမျိုးသားဒီမိုကရေစီ ​အဖွဲ့ချုပ် ​ခေါင်းဆောင် ​ဒေါ်အောင်ဆန်းစုကြည်ရဲ့ ​ဒုတိယမြောက်နေ့ ​သြစတြေးလျနိုင်ငံ ​ခရီးစဉ်အတွင်း ​ဝန်ကြီးချုပ် ​တိုနီအာဘော့တ်နဲ့ ​တွေ့ဆုံခဲ့သလို ​သြစတြေးလျ ​သတင်းထောက်တွေနဲ့လည်း ​တွေ့ဆုံခဲ့ပါတယ်။

ဒီသတင်းစာရှင်းလင်းပွဲအတွင်း ​ဒေါ်အောင်ဆန်းစုကြည်က ​တချို့လူတွေ ​ယူဆထားသလို ​မြန်မာနိုင်ငံဟာ ​ဒီမိုကရေစီနိုင်ငံ ​ဖြစ်နေပြီ ​ဆိုတဲ့အခြေအနေမရောက်သေးပဲ ​ခုအချိန်ဟာ ​ဒီမိုကရေစီ ​အစပိုင်း ​အချိန်သာ ​ရှိနေတဲ့အကြောင်း ​လက်ရှိ ​ဖွဲ့စည်းပုံအခြေခံ ​ဥပဒေကို ​မပြင်နိုင်ရင် ​စစ်မှန်တဲ့ ​ဒီမိုကရေစီစနစ် ​ရရှိနိုင်မှာ ​မဟုတ်ဘူးလို့ ​ပြောသွားခဲ့ပါတယ်။

လူနည်းစုမွတ်စလင်တွေနဲ့ ​ပတ်သက်ပြီး ​ဒေါ်အောင်ဆန်းစုကြည်အနေနဲ့ ​အပြည့်အဝ ​မလုပ်ပေးဘူးဆိုတဲ့ ​ဝေဖန်ချက်ကို ​ဒေါ်အောင်ဆန်းစုကြည်က ​ငြင်းပယ်လိုက်ပြီး ​အစွန်းရောက်သမားတချို့ရဲ့ ​လုပ်ရပ်အပေါ် ​အာရုံစိုက်မယ်ဆိုရင် ​ရခိုင်ပြည်နယ်မှာ ​ပြဿနာ ​ပိုဖြစ်ရုံသာရှိမယ်လို့ ​တုန့်ပြန်ခဲ့ပါတယ်။

ခုလို ​ဝေဖန်မှုတွေလုပ်မယ့်အစား ​ရခိုင်ပြည်နယ်မှာ ​တရားဥပဒေစိုးမိုးရေးရှိအောင် ​လုပ်ပေးဖို့ ​အစိုးရကို ​တိုက်တွန်းသင့်တဲ့အကြောင်း ​တရားဥပဒေစိုးမိုးရေးရှိပြီး ​အကြမ်းဖက်မှုတွေ ​ထပ်မဖြစ်တော့ရင် ​ဗုဒ္ဓဘာသာနဲ့ ​မွတ်စလင်တွေအကြားက ​မတူကွဲပြားမှုတွေ ​အလိုလို ​ဖြေရှင်းနိုင်လိမ့်မယ်လို့လည်း ​ပြောသွားခဲ့ပါတယ်။

စစ်အစိုးရလက်ထက်အတွင်း ​ရက်စက်မှုတွေ ​ခံခဲ့ကြတဲ့အတွက် ​တချို့လူတွေအတွက် ​စစ်တပ်ကို ​ခွင့်လွတ်ဖို့ ​ခက်ခဲမယ်ဆိုတာ ​နားလည်ပေမယ့် ​ဒေါသကို ​ဒေါသခြင်း၊ ​အကြမ်းဖက်မှုကို ​အကြမ်းဖက်မှုခြင်း ​တုန့်ပြန်မယ့်အစား ​ဒါတွေနဲ့ ​ဝေးအောင်နေပြီး ​အနာဂတ်မှာ ​တည်ရှိစေချင်တဲ့ ​နိုင်ငံတော်ပုံစံကို ​ဦးတည် ​လုပ်ဆောင်သွားဖို့ ​အရေးကြီးတယ်လို့ ​အေဘီစီကို ​ပြောသွားခဲ့ပါတယ်။

သြစတြေးလျနိုင်ငံကို ​လှေတွေနဲ့ ​တရားမဝင်ခိုးဝင် ​ရောက်ရှိလာသူတွေနဲ့ ​ပတ်သက်ပြီး ​ဒေါ်အောင်ဆန်းစုကြည်ရဲ့ ​အမြင်ကို ​မေးရာမှာတော့ ​ဒေါ်အောင်ဆန်းစုကြည်က ​သြစတြေးလျနိုင်ငံမှာ ​တရားဥပဒေစိုးမိုးရေး ​ရှိမယ်ဆိုရင် ​ဥပဒေအတိုင်း ​ဆောင်ရွက်ဖို့လိုကြောင်း ​ဒါပေမယ့် ​သနားကြင်နာမှုကို ​စိတ်နှလုံးသွင်းပြီး ​တရားရေးဆိုင်ရာ ​ဆုံးဖြတ်ရေးတွေ ​လုပ်သွားသင့်တယ်လို့လည်း ​ပြောသွားခဲ့ပါတယ်။

အဲဒါ့အပြင် ​သြစတြေးလျနိုင်ငံ ​ခရီးစဉ်ရဲ့ ​အဓိက ​ရည်ရွယ်ချက်ကတော့ ​HIV, ​AIDS ​ရောဂါ ​တိုက်ဖျက်ရေးညီလာခံဖွင့်ပွဲကို ​တက်ရောက်ဖို့ ​ဖြစ်ပြီး ​ဒီလို ​အရေးတယူဆောင်ရွက်ရတာဟာလည်း ​လူမှုရေးလောကမှာ ​HIV ​ရောဂါခံစားရသူတွေအပေါ် ​ခွဲခြားမှုတွေရှိတာကြောင့် ​ဖြစ်တယ်လို့ ​ဆိုပါတယ်။

ကိုယ်နဲ့မတူတဲ့ ​လူတွေကို ​မကောင်းတဲ့လူတွေလို့မမြင်ပဲ ​မတူတာတွေကို ​လက်ခံဖို့သင့်ကြောင်း ​အများနဲ့မတူတဲ့လူတွေအနေနဲ့ ​လူအများလက်ခံလာအောင် ​တိုက်ပွဲဝင်ရတာမျိုး ​မဖြစ်ရအောင် ​ခုလို ​HIV ​ရောဂါသည်တွေအပေါ် ​ခွဲခြားဆက်ဆံမှုတွေ ​လုံးဝပပျောက်အောင် ​ကြိုးစားဆောင်ရွက်နေတဲ့ ​ကိုယ်စားလှယ်အဖြစ် ​လုပ်ကိုင်တာ ​ဖြစ်တယ်လို့ ​ပြောလိုက်ပါတယ်။

ABBA သီချင်းတွေ မူမပျက် ပြန်ဆိုမယ့်အဖွဲ့ မြန်မာပြည်ရောက်ပြီ

မေမြန်မာ

ABBA အဖွဲ့၏ အောင်မြင်ကျော်ကြားခဲ့တဲ့ သီချင်းတွေကို ပြန်လည် ဖော်ထုတ်သီဆိုမယ့် Arrival from Sweden Band အဖွဲ့သားတွေဟာ ဒီနေ့ နေ့လယ် ၂ နာရီခွဲက ရန်ကုန်အပြည်ပြည်ဆိုင်ရာ လေဆိပ်ကို ရောက်ရှိလာပြီး မနက်ဖြန် နိုဝင်ဘာလ ၃၀ ရက်နေ့မှာ ပြည်သူ့ရင်ပြင်မှာ ဖျော်ဖြေမယ်လို့ သိရပါတယ်။

ဖျော်ဖြေမှုနှင့် ပတ်သက်ပြီး Arrival from Sweden Band အဖွဲ့ဝင်တစ်ဦးက “ABBA အဖွဲ့ရဲ့လွှမ်းမိုးမှုကို ခံရတာက သူတို့ သီချင်းတွေက အရမ်းကောင်းတယ်၊ သီချင်းတွေကို တကမ္ဘာလုံးက ကြိုက်ကြတာ မို့လို့ပါ။ အဲဒီ သီချင်းတွေကြားရင် လူတွေက ကြိုက်ကြတာကြောင့် ပြန်ဆိုဖြစ်ခဲ့တာပါ။ ABBAအဖွဲ့ နာမည်ကြီးခဲ့တဲ့ သီချင်းအကုန် ဆိုဖြစ်မှာပါ။ မြန်မာပြည်ကို လာရတာ အရမ်း ၀မ်းသာတယ်” လို့ ဧရာဝတီကို ပြောပါတယ်။

မြန်မာပြည်ဖျော်ဖြေရေး အစီအစဉ်ပြီးရင် အမေရိကန်၊ ဘူလ်ဂေးရီးယား၊ ရုရှားနိုင်တွေကို သွားရောက် ဖျော်ဖြေမှာ ဖြစ်ကြောင်း လည်း သိရပါတယ်။

အဲဒီအဖွဲ့ဟာ ၁၉၉၅ ခုနှစ်ကနေ စတင်လို့ နိုင်ငံပေါင်း ၅၀ ကို လှည့်လည်ခဲ့ပြီး မြောက်အမေရိက တနေရာ တည်းမှာတင် ခရီးစဉ်ပေါင်း ၃၀ နီးပါး သွားရောက်ဖျော်ဖြေခဲ့ပါတယ်။ ၁၉၅၀ ကျော်က နာမည်ကြီးခဲ့တဲ့ ABBA အဖွဲ့ရဲ့ ၀တ်စားဆင်ယင်မှု၊တင်ဆက်မှုတွေကို မူလအရသာ မပျက် ဖျော်ဖြေမှုတွေ ပြုလုပ်မယ်လို့လည်း သူတို့က ဆိုပါတယ်။

အဲဒီအဖွဲ့ မြန်မာပြည်မှာ လာရောက်ဖျော်ဖြေဖို့ Pee Paw Entertainment က စီစဉ်တာဖြစ်ပြီး ဒီပွဲကနေ အမြတ်အစွန်း ရရှိဖို့ မမျှော်လင့်ဘူးလို့ စီစဉ်သူ ဦးပီးပေါ်က ပြောပါတယ်။

လာရောက် ကြည့်ချင်သူတွေ အနေနဲ့ လက်မှတ်ဈေးနှုန်းတွေကတော့ ကျပ် ၆ သောင်း၊ ကျပ် ၄ သောင်း၊ ကျပ် ၂ သောင်းခွဲနဲ့ ကျပ် ၁ သောင်းဖြစ်ပါတယ်။ ဖုန်းနံပါတ် ၀၉၅၀၂၅၅၈၂၊ ၀၉၄၉၂၉၁၃၃၄ တို့ကို ဆက်သွယ်မှာယူလို့ ရတယ်လို့ သိရပါတယ်။

ကလောတွင် ဒေသဖွံ့ဖြိုးရေးရန်ပုံငွေကို ကျေးလက်ဒေသ ဦးစားပေး သုံးမည်

ဂျွန်ချစ်ငြိမ်း

ရှမ်းပြည်နယ်၊ ကလောမြို့နယ်တွင် ဒေသဖွံ့ဖြိုးရေးအတွက် လွှတ်တော်ကိုယ်စားလှယ်များ အသုံးပြုနိုင် သည့် ရန်ပုံငွေကျပ် သိန်း ၁၀၀၀ ကို ကျေးလက်ဒေသများအတွက် ဦးစားပေး ဆောင်ရွက်သွားမည်ဖြစ် သည်ဟု ကလောမြို့နယ် ပြည်သူ့လွတ်တော်ကိုယ်စားလှယ် ဒေါက်တာဒေါ်သန်းငွေက နိုဝင်ဘာ၂၈တွင် မဇ္ဈိမကို ပြောသည်။

ယင်းသို့ လုပ်ကိုင်နိုင်ရန်အတွက် ဖွံ့ဖြိုးရေးလုပ်ငန်း ဖော်ဆောင်ရေးအဖွဲ့ ဖွဲ့စည်းကာ မြို့နယ်အတွင်းတွင်လည်း ယင်းအဖွဲ့နှင့်အတူ ကွင်းဆင်းစစ်ဆေးခဲ့ပြီး နိုဝင်ဘာ ၂၉ ရက်တွင် လိုအပ်နေသည့် ကျေးရွာဖွံ့ဖြိုးရေးလုပ်ငန်းများ လုပ်ဆောင်နိုင်ရန် ဆုံးဖြတ်ချက်ချသွားမည်ဟုလည်း ၎င်းက ဆိုသည်။

“ခွင့်ပြုမယ့် ကျပ်သိန်းတစ်ထောင်က လုပ်ငန်းတစ်ခုကို သိန်းငါးဆယ်မကျော်ရဘူးဆိုတဲ့ သတ်မှတ်ချက်ရှိတယ်။ သည်တော့ သိန်း ၅၀ ရယ်၊သိန်း ၅၀ အောက်ရယ် စာရင်းပြုစုပြီးတော့ ဆုံးဖြတ်ချက်ချမယ်၊ ဥပမာမီးဆိုရင်လည်း ဆိုလာမီးပေးနိုင်တဲ့ဟာမျိုး စဉ်းစားထားတယ်”ဟု ဒေါက်တာဒေါ်သန်းငွေက ဆိုသည်။

ယင်းသို့ ဖွံ့ဖြိုးရေးလုပ်ငန်းများ လုပ်ကိုင်ပေးရာတွင် လမ်းပြုပြင်ပါက ကျောက်ချောလမ်းမဟုတ်ဘဲ မြေလမ်းကို ပြုပြင်ခြင်း၊ ကျေးရွာဆေးပေးခန်း၊ ကျေးရွာစာသင်ကျောင်းများ အစရှိသည်တို့အတွက် လုပ်ဆောင်ပေးသွားမည်ဖြစ်သည်ဟု ၎င်းက ပြောသည်။

၎င်းအနေဖြင့် အသုံးပြုခွင့်ရရှိသည့် ကျပ်သိန်း ၁၀၀၀ဖြင့် ကျေးလက်ဒေသဖွံ့ဖြိုးရေးကို အထောက်အကူပြု လုပ်ဆောင်လိုသောကြောင့် ကျေးရွာများအတွက် ဦးစားပေးရခြင်းဖြစ်သည်ဟုလည်း ဒေါက်တာဒေါ်သန်းငွေက ဆိုသည်။

ကလောမြို့နယ်အတွင်း မြို့ပေါ်ရပ်ကွက်ပေါင်း ၃၈ ရပ်ကွက်ခန့်ရှိပြီး ကျေးရွာအုပ်စု စုစုပေါင်း ၇၀ ကျော် ရှိသည်။

၂၀၁၃-၂၀၁၄ ဘဏ္ဍာနှစ်အတွက် အသုံးပြုရန်ခွင့်ပြုထားသည့် ဒေသဖွံ့ဖြိုးရေးရန်ပုံငွေ ကျပ်သိန်း ၁၀၀၀ အသုံးပြုနိုင်ခွင့်ဆိုင်ရာ လုပ်ထုံးလုပ်နည်း အမိန့်ညွှန်ကြားစာကို နိုင်ငံတော်သမ္မတ ဦးသိန်းစိန်က နိုဝင် ဘာ ၁၅ ရက်တွင် သ၀ဏ်လွှာအဖြစ် ပေးပို့လိုက်ပြီဖြစ်သည်။

ယင်းငွေကြေးကို သုံးစွဲနိုင်ရန်အတွက် အချိန်ကာလမှာ လေးလခန့်သာ ကျန်ရှိတော့ပြီး သတ်မှတ်ကာလ အတွင်း အကုန်သုံးစွဲနိုင်ခြင်းမရှိပါက ဆက်လက် သုံးစွဲခွင့်မရှိဘဲ ပြန်အပ်ရမည် ဖြစ်သည်။

KDP ကချင်ဒီမိုကရက်တစ်ပါတီအား တရားဝင်ပါတီချပေး

KNG

ကချင်ပြည်နယ် မြစ်ကြီးနားမြို့ ဦးဂွမ်ဂရောင်အောင်ခမ်း (Salang Gumgrawng Awng Hkam) ဦးဆောင်သော ကချင်ဒီမိုကရက်တစ်ပါတီ (Kachin Democratic Party) ပါတီကို ယနေ့ နေပြည်တော်ရွေးကောက်ပွဲကော်မရှင်မှ တရားဝင်ပါတီတည်ထောင်ခွင့်ပေးလိုက်ကြောင်းသိရသည်။

ပြည်ထောင်စု သမ္မတမြန်မာနိုင်ငံတော် ရွေးကောက်ပွဲကော်မရှင် နေပြည်တော်သံအမတ်မှ နိုဝင်ဘာ ၂၉ ရက်စွဲဖြင့် ဦးဂွမ်ဂရောင်အောင်ခမ်း (Salang Gumgrawng Awng Hkam) အား ကချင်ဒီမိုကရက်တစ်ပါတီ တည်ထောင်ခွင့်ပြုရန် လျှေက်ထားချက်ကို ခွင့်ပြုလိုက်သည်ဟု အကြောင်းပြန်ကြားခဲ့ခြင်းဖြစ်သည်။

၎င်းကို ရန်ကုန်မြို့ရှိ ကချင်ဒီမိုကရေတစ်ပါတီအဖွဲ့ဝင် ၁ ဦးဖြစ်သူ ဆလန်ဇော်ဘန် (Salang Zau Ban) အား ယနေ့ နံနက် အကြောင်းကြားခဲ့ခြင်းဖြစ်ပြီး အတွင်းရေးမှူးကိုယ်စား ဇေယျာဇော် ဒုတိယညွှန်ကြားရေးမှူးချုပ်မှ ပေးပို့သော ၎င်းပါတီနှင့် ပတ်သက်သောအချက် (၄) ချက်ကို မြစ်ကြီးနားတွင် လက်ခံရရှိခဲ့သည်ဟု ဦးဂွမ်ဂရောင် အောင်ခမ်း KNG ကချင်သတင်းဌာန သို့ပြောသည်။

ကချင်ဒီမိုကရေတစ်ပါတီ “ကချင်ပြည်သူလူထုအတွက် ခိုင်မာစွာရပ်တည်ရန်ဖြစ်ပြီး၊ ကချင်ပြည်သူလူထုများ၏ အကျိုးနှင့် ကချင်ပြည်သူလူထုနှင့် အတူလက်တွဲ လုပ်ဆောင်သွားမည့်ပါတီ ဖြစ်ကြောင်း” အသက် ၄၅ နှစ်အရွယ်ရှိ ဦးဂွမ်ဂရောင်အောင်ခမ်း ကပြောသည်။

ပါတီရရှိသောကြောင့် ၀မ်းမြောက်ကြောင်းနှင့် ကချင်ဒီမိုကရက်တစ်ပါတီမှ ၂၀၁၄ ဇွန်လနောက်ပိုင်းမှ စည်းရုံးရေးများပြုလုပ်ရန် စီစဉ်ထားကြောင်းသိရသည်။

ယခုလအတွင်း ပါတီ ဖွဲ့စည်းပုံများနှင့် ပါတီ အမှတ်တံဆိပ် များကိုပြုလုပ်ကာ ၁ လအတွင်း ပါတီခေါင်ဆောင်နှင့် ဒုအတွင်းရေးမှူး နေပြည်တော်တို့ပြန်လည် တင်ပြလျှောက်ထားမည်ဖြစ်ကြောင်း သိရသည်။

ကချင်ဒီမိုကရေတစ်ပါတီ (Kachin Democratic Party) မှ ပါတီတည်ထောင်ခွင့်ရရန် စက်တင်ဘာလ ၄ ရက် ၂၀၁၃ တွင် နေပြည်တော်ရွေးကောက်ပွဲကော်မရှင်သို့ လျှောက်ထားခဲ့ခြင်းဖြစ်ရာ ယနေ့ မှတ်ပုံတင် ချပေးခဲ့ခြင်းဖြစ်သည်။

၂၀၁၀ ရွေးကောက်ပွဲတွင် ကချင်ပြည်နယ်မြစ်ကြီးနားမြို့မှ လူထုကိုယ်စား ပါဝင်ယှဉ်ပြိုင်သော ပါတီများအနည်းအကျဉ်းသာဖြစ်သော်လည်း ယခုနှစ်အတွင်းမူ ၃ ပါတီအထက် ကချင်လူထုများထဲမှ ပါတီဖွဲ့စည်းကာ လျှောက်ထားခဲ့ရာ ရွေးကောက်ပွဲကော်မရှင်မှ အသီးသီးချပေးခဲ့ခြင်းဖြစ်သည်။

ဦးရုက္ခစိုးနှင့် ကန်တော့ကြသူများ

ရန်ကုန်သားတာတေ

ချင်းမိုင်မှာ နေတုန်းက သီတင်းကျွတ်အချိန် ဆိုလျှင် လာရောက် ကန်တော့သူ ဆို၍ ဖိုးရှုပ်နှင့် ကြွက်စုတ်နှစ်ဦးပင် အနိုင်နိုင်။ တခါတရံ သူတို့နှစ်ဦးက သီတင်းကျွတ်နှင့် လကုန်ရက် တိုက်ဆိုင်နေပါက အကြွေးဖြင့် ကန်တော့တာပင် ကြုံရသေးသည်။ အခုတော့ ကြည့်စမ်း … ဦးရုက္ခစိုး ရှေ့တွင် ခြင်းကြီးခြင်းငယ်၊ ပုံးကြီးပုံးငယ်များဖြင့် ပြည့်နှက်နေ၏။ သစ်ပင်နောက်က ချောင်းနေသော ဖိုးရှုပ်နှင့် ကြွက်စုတ်ကတော့ ဦးရုက္ခစိုး ပြန်စွန့်ကျဲမည့် ပစ္စည်းများကို မျှော်ကိုးရင်း ပီတိဖြစ်ကာ တွတ်ထိုး နေကြသည်။

ဖိုးရှုပ်။ ။ ကော်တာပဲကွ။ ဒီလက်ဆောင်တွေကို ဦးရုက္ခစိုးက ဘာလုပ်လို့ရမှာလဲ … ငါတို့ကိုပဲ ပြန်စွန့်မှာ ကြည့်နေ။

ကြွက်စုတ်။ ။ အောင်မလေး … စောင့်ကြည့်ပါဦးကွာ။ တော်ကြာ ငါတို့ကို ပြန်မစွန့်ဘဲ စတိုးဆိုင်တွေမှာ ပြန်သွားသွင်း နေပါဦးမယ်။

ဖိုးရှုပ်။ ။ စွန့်စွန့် မစွန့်စွန့်ကွာ …။ ဘယ်သူတွေ လာကန်တော့တယ် ဆိုတာ ကြည့်ရအောင်။ စိတ်ဝင်စားဖို့ ကောင်းတယ်။

ကြွက်စုတ်။ ။ အေးကွ … ဦးရုက္ခစိုးတော့ ထောတာပဲ။ လာတဲ့သူတွေက အကုန်လုံး အကောင်တွေချည်းပဲ။ ဟော ဟော … ဟိုမှာ … ဥက္ကဋ္ဌကြီး မဟုတ်လား၊ ဟာ သူ့ သားတွေလည်း ပါလာတယ်။

ဖိုးရှုပ်။ ။ အောင်မာ … ဟိုမှာ ကားကြီးတစီး ရပ်လိုက်ပြီ။ အဲဒါ ဘွဲ့ပေါင်းစုံ ချီးမြှောက်ခံထားရတဲ့ သူဌေးကြီးထင်တယ်။

ကြွက်စုတ်။ ။ ဟေ့ကောင် … ဟိုဟာက ဝါးဓနိ မှောင်ခိုလုပ်ပြီး ချမ်းသာသွားတဲ့ သူဌေးကြီးနော် …။ သူလုပ်လို့ တို့နိုင်ငံက ဝါးတွေ၊ ဓနိတွေ ပြောင်ကုန်တာ မဟုတ်လား။
ထိုသို့ ဖိုးရှုပ်နှင့် ကြွက်စုတ်တို့က ထင်ကြေးပေးနေစဉ် ဦးရုက္ခစိုးကြီးကလည်း လာကန်တော့သူများကို ဘယ်သူဘယ်ဝါ မစဉ်းစားအားဘဲ အတွင်တွင် ဆုပေးနေရပြန်သည်။ ကန်တော့မည့် သူများမှာ များလွန်းသောကြောင့် တန်းပင် စီနေကြရသည်။ တန်းစီနေရင်းကပင် ကြားဖြတ်သူများ၊ တတောင်နှင့် တွတ်သူများကလည်း မရှား။

ကန်တော့ရန် အလှည့်ကျသူ ဝါးဓနိ သူဌေးကြီးက “မကန်တော့ရင် မနေနိုင်တာက လွဲလို့ … အို့ အို့” ဟူ၍ ထွန်းအိန္ဒြာဗို သီချင်းကို ဖျက်ဆိုရင်း ဦးရုက္ခစိုး ရှေ့တွင် ဝင်ထိုင်လိုက်သည်။

ဖိုးရှုပ်။ ။ ဦးရုက္ခစိုးကို ကန်တော့ချင်တဲ့ သူတွေကို ငါတို့ တုံကင်လက်မှတ် ရောင်းစားရင် သူဌေးဖြစ်လောက်တယ်ကွ … ။

ကြွက်စုတ်။ ။ တော်ပါကွာ … တော်ကြာ မှောင်ခိုက ပါလာဦးမယ်။ ဟော … ကြည့်စမ်းပါဦး … ဟိုဟာက ဦးရုက္ခစိုးကို နတ်ကွန်းတွေ လှူတဲ့ သူဌေးကြီးပါလား။ သူ့လက်ထဲက ခြင်းက အတော်ကြီးတာပဲကွ။

လာရောက်ကန်တော့ သူများ အားလုံး၏ ထူးခြားချက်မှာ သူတို့ ပြစ်မှားမိခဲ့သမျှ ခွင့်လွှတ်ပါရန် မပြောကြဘဲ အကုန်လုံး “ဦးရုက္ခစိုး မ, ပါ” ဟုသာ ပြောကြသည်။ ဦးရုက္ခစိုးလည်း အတော် အနေကျပ်လာသည်။

ရုက္ခစိုး။ ။ ကဲ ကဲ … ကျုပ်က ဘာထပ် မ, ရဦးမှာတုန်း ဆိုစမ်းပါဦး။ ကျုပ်လည်း ခင်ဗျားတို့ကို လုပ်ပိုင်ခွင့်တွေ မ, ပြီးပြီလေ၊ ခင်ဗျားတို့ အားလုံးလည်း ဆွေ ခုနစ်ဆက် မျိုး ခုနစ်ဆက် သုံးမကုန်အောင် ချမ်းသာနေကြပြီ။ ကျန်တဲ့ ဆင်းရဲနွမ်းပါး သူတွေကို မ, ဖို့ ချန်ပါဦးလား။

ဥက္ကဋ္ဌကြီး။ ။ ကျနော် သမ္မတဖြစ်ဖို့ ဦးရုက္ခစိုးလည်း မလို့ မရပါဘူးဗျာ။ ဒါက အထက်က ပုဂ္ဂိုလ် ဘိုးတော်ကြီး အလိုရှိလို့ အစီအစဉ်အတိုင်း ရမှာပဲ။ ကျနော်က ဦးရုက္ခစိုးကို စေတနာသန့်သန့်နဲ့ လာကန်တော့တာပါ … ဟဲဟဲဟဲ။
ထိုစကားကို ကြားသောအခါ သစ်ပင်နောက်ကွယ်မှ ဖိုးရှုပ်က “သူ့သားတွေက တနိုင်ငံလုံးက စီးပွားရေးလုပ်ငန်း မှန်သမျှ လက်ဝါးကြီး အုပ်ထားပြီးသား ဆိုတော့ ဦးရုက္ခစိုးကြီးကို မ, ခိုင်းစရာ မလိုတော့ဘူးပေါ့။ ကြည့်နေ သူ့ခြင်းထဲမှာ တော်ရုံသင့်ရုံပဲ ပါလိမ့်မယ်” ဟု ရေရွတ်လိုက်သည်။

ဝါးဓနိသူဌေး။ ။ ကျနော်ကတော့ ပြောရရင် ဦးရုက္ခစိုးထက်တောင် ချမ်းသာပါတယ်။ ကျနော်လိုချင်တာက နာမည်ဗျ၊ နာမည်။

ရုက္ခစိုး။ ။ နာမည်ရအောင် ကျုပ်က ဘယ်လို မ, ပေး ရမှာလဲဗျ။

ဝါးဓနိ သူဌေး။ ။ ဒါကတော့ဗျာ … ဦးရုက္ခစိုးက သတင်းစာ ရှင်းလင်းပွဲလုပ်ပြီး ကျုပ်ဘယ်လို တော်ကြောင်း၊ ချမ်းသာပေမယ့် ဘယ်လို သဘောကောင်းကြောင်း၊ လူမှုရေး လုပ်ငန်းတွေမှာ ဘယ်လို တက်တက်ကြွကြွ ပါဝင်ကြောင်းလေးတွေ ပိုပိုသာသာ ပြောပေးဖို့ပါ။

ထိုအခါ အားကစား ပစ္စည်း အရောင်းဆိုင်ဖွင့်ပြီး ကြီးပွားလာကာ အောက်မြန်မာပြည်က ကျွန်းတကျွန်းကို ဝယ်ပြီး ဟိုတယ် ဖွင့်ထားသော သူဌေးကလည်း အားကျမခံ အတင်းလုပြောသည်။

အားကစားသူဌေး။ ။ လူမှုရေး လုပ်ငန်းတွေမှာ တက်ကြွတာတော့ ကျနော့်ကို ဘယ်သူမှ မမီပါဘူး ဦးရုက္ခစိုးရယ်။ အခုဆိုရင် ကျနော့်နာမည်လေးတွေ တံဆိပ် ကပ်ထားတဲ့ အအေးမျိုးစုံကို ဆီးဂိမ်းအားကစား သမားတွေအတွက် လှူထား ပါတယ်။ လုပ်ငန်း ကြော်ငြာပြီးသားလည်း ဖြစ်တာပေါ့နော်။ အဲဒီတော့ ဦးရုက္ခစိုး သတင်းစာ ရှင်းလင်းပွဲ လုပ်တဲ့အခါ ကျုပ်နာမည်ကိုလည်း ခဏခဏ ထည့်ပြောပြီး ချီးကျူးပေးပါနော်။
ထိုစဉ် ဦးရုက္ခစိုး ရှိရာသို့ လူတဦး အူယားဖားယား ပြေးလာနေသည်ကို တွေ့လိုက်ရသည်။ ထိုသူက ပုဆိုးပင် မဝတ်နိုင် တော့ဘဲ ကွင်းသိုင်းထားရသည်၊ လက်ထဲတွင်လည်း လက်ဆောင်ခြင်းကြီးကို မနိုင်မနင်း မ, ထားသည်။

ဖိုးရှုပ်က ကြွက်စုတ်နားသို့ ကပ်၍ “အဲဒါ မြန်မာတနိုင်ငံလုံးကို ဝယ်နိုင်တဲ့ ခေတ်ပျက် သူဌေးကြီးပေါ့။ ခေတ်ကောင်း လာလို့ သူ့စည်းစိမ် သုည ဒဿမ သုည သုည တစ် ရာခိုင်နှုန်းလောက် ပြုတ်သွားတာနဲ့ အခုလို ဖြစ်နေတာ” ဟု ပြောလိုက်သည်။

ခေတ်ပျက်သူဌေးမှာ မျက်ရည်လည်ရွှဲဖြင့် ကယ်ပါယူပါ တစာစာ ဖြစ်နေသည့် ကြားကပင် “ကန်တော့မှာပဲ ကန်တော့မှာပဲ ငါ့ကိုလာမတားနဲ့” ဟု အော်ဆိုလိုက်ပြန်သည်။ ထို့နောက် ထွက်လာသည့် နှပ်များကို ညှစ်ပြီး ကွင်းသိုင်းထာသည့် ပုဆိုးဖြင့်သုတ်ကာ ဦးရုက္ခစိုးရှေ့တွင် ပုဆစ်တုပ်၍ ပုဆိန်ပေါက် ဦးချလေ၏။

ခေတ်ပျက်။ ။ ကယ်ပါ ဦးရုက္ခစိုးရယ်၊ ကယ်ပါ … ကုန်ပါပြီ … အခု အခြေအနေက ခေတ်ပျက်တုန်းကလို မဟုတ်ဘူး၊ ခေတ်က ကောင်းလာတော့ ဘာလုပ်လုပ် မကောင်းတော့ ပါဘူး၊ ဦးရုက္ခစိုး ကယ်မှပဲ ကျနော့်ဘဝလေး အရင်လို ပြန်လန်းမှာပါ။

ရုက္ခစိုး။ ။ နည်းနည်းပါးပါးလည်း စဉ်းစားပါဦး သူဌေးရယ်။ ခင်ဗျားစည်းစိမ်က ဘယ်လောက်များ လျော့သွားလို့လဲဗျ။

ခေတ်ပျက်။ ။ လုပ်စားလို့ မကောင်းတော့ဘူးလေ အဘရယ် … အဲ … ဦးရုက္ခစိုးရယ်။ ရှိတာလေး ထိုင်စားရင် နောက် ဆယ်သက်လောက်ဆို ကုန်သွားမှာပေါ့ဂျ … အဟင့် အဟင့်။

ရုက္ခစိုး။ ။ ဒါတော့ နည်းနည်း လွန်လာပြီထင်တယ်ဗျာ။ ကျုပ်က ရုက္ခစိုးဗျ။ ခင်ဗျားတို့ကို မ, မယ့် နတ်မဟုတ်ဘူး။ ကျုပ်ဆီမှာ သားဆုပန်လို့ပဲ ရတာ။
ဦးရုက္ခစိုး စကားအဆုံးတွင် ဥက္ကဋ္ဌကြီးက “ဟဲဟဲဟဲဟဲ” ဟု သွားကြီးဖြဲကာ အသံထွက် ရယ်မောလိုက်သည်။

ဥက္ကဋ္ဌကြီး။ ။ အဲဒါပဲ ခင်ဗျားတို့က အဲဒါပဲ။ အခု ဦးရုက္ခစိုးကြီးက အရင်လို မ, မနိုင်တော့ဘူး၊ အသက်ကြီးပြီ၊ ကျန်းမာရေးလည်း သိပ်မကောင်းတော့ဘူး၊ ၂၀၁၅ ကျရင်တောင် ရုက္ခစိုးအဖြစ်က အနားယူချင်ယူမှာ … ဟုတ်တယ်နော် ဦးရုက္ခစိုး။

ရုက္ခစိုး။ ။ ဒါတွေက ကောလာဟလ တွေပါဗျာ။ ဘာပဲဖြစ်ဖြစ် ခင်ဗျားက အကျိုးလိုလို့ ညောင်ရေလောင်းတာ မဟုတ်ဘဲ၊ စေတနာသန့်သန့်နဲ့ လာကန်တော့တဲ့အတွက် ဝမ်းသာပါတယ်။

ဥက္ကဋ္ဌကြီး။ ။ အဟဲ … စေတနာကတော့ အမှန်အကန် သန့်ပါတယ် ဦးရုက္ခစိုးရယ်၊ ဒါပေမယ့် လက်ကျန် အစွမ်းလေးနဲ့ မလို့ ရသလောက်တော့ မ, ကြည့်ပေးပါဦး။
ထိုစဉ် ဖိုးရှုပ်နှင့် ကြွက်စုတ်၏ အနောက်တွင် လူတဦးလာရပ်သည်ကို သူတို့ နှစ်ဦးစလုံး သတိမထားလိုက် မိကြပေ။ ထိုသူက ဖိုးရှုပ် ပုခုံးကို ပုတ်လိုက်သဖြင့် ဖိုးရှုပ် အလန့်တကြား နောက်လှည့် ကြည့်လိုက်ပြီး လန့်အော်လိုက်မိမလို ဖြစ်သွားသည်။ ထိုသူကား တခြားသူမဟုတ် … ကာတွန်းစာအုပ်ကြိုက်သည်ဟု ထင်ရှားသော အငြိမ်းစား ဘဘကြီး ဖြစ်လေသည်။

ကြွက်စုတ်။ ။ ဟင် ဘဘကြီးက ကာတွန်းစာအုပ် မဖတ်ဘဲ ဒီမှာ ဘာလာလုပ်နေတာလဲ။

ဖိုးရှုပ်။ ။ ဟုတ်သားပဲ … သြော် သိပြီ … ဖတ်စရာ စာအုပ်တွေ ကုန်သွားလို့ ကိုယ်တိုင် ထွက်ငှားတာ ထင်တယ်။ ဗျူး အသစ် ထွက်တယ်ဗျ။

အငြိမ်းစားဘဘကြီး။ ။ ဟေ့ကောင်တွေ … ပေါက်ကရ လျှောက်ပြောမနေနဲ့။ ဒီကိုငါလာချောင်း … အဲ ငါ လာကြည့်တာ။ ဦးရုက္ခစိုးနားမှာ မ, ခိုင်းတဲ့သူတွေနဲ့ စည်ကားနေပါလားဟေ။ ခြင်းကြီးခြင်းငယ် ကလည်း အသွယ်သွယ်နဲ့။

ကြွက်စုတ်။ ။ ဒါကတော့ တရားသဘောနဲ့ ရှုပါ ဘဘကြီးရယ်၊ ဦးရုက္ခစိုးလည်း ရုက္ခစိုး သက်တမ်း မကုန်ခင် အထိဘဲ အခုလို အကန်တော့ ခံရမှာပါ။
အငြိမ်းစား ဘဘက ပျင်းတောင် ပျင်းသေးတယ်ဆိုသည့် ပုံစံဖြင့် ပြုံးလိုက်သည်။

အငြိမ်းစားဘဘကြီး။ ။ ငါသိပါတယ်ကွာ … ဒါတွေက ဘာမှမဟုတ်ပါဘူး။ ငါက အနားယူလိုက်တာတောင် ခြင်းတွေက တောင်လိုပုံလို့၊ ငါ့အိမ်ကိုလာတဲ့ ခြင်းတွေဆို စူပါ မားကတ်တွေတောင် ပြန်သွင်းပြီး … အဲ … မြေးတော်လေးကိုတောင် ပြန်စွန့်လိုက်ပြီ။

ထိုစဉ် ဦးရုက္ခစိုးနှင့် ဥက္ကဋ္ဌကြီးတို့ အချီအချ စကားသံ ထွက်ပေါ်လာရာ သူတို့ အာရုံက အဲဒီကို ရောက်သွားသည်။

ရုက္ခစိုး။ ။ ဘာ မ, ရမှာတုန်းဗျာ။ ကျုပ်လည်း မျက်ခုံးက ခပ်လှုပ်လှုပ်ရယ်။

ဥက္ကဋ္ဌကြီး။ ။ ဦးရုက္ခစိုးရဲ့ ရုက္ခစိုး သက်တမ်း အတွင်းမှာ ဖွဲ့စည်းပုံ မပြင်အောင် အချိန်ဆွဲထားဖို့ပါ။
အငြိမ်းစား ဘဘက ခေါင်းကို စိတ်ပျက်လက်ပျက် ခါလိုက်သည်၊ သက်ပြင်းကို “ဟင်း” ခနဲ မြည်အောင်ချသည်။ ထို့နောက် “ဒီလိုကောင်တွေနဲ့တော့ ခက်ပါသေးတယ်။ အကွက်တွေက တကယ့် ကလေးကွက်တွေပဲ။ အဲဒါတွေကြောင့် ငါ စိုးရိမ်တာ၊ ငါတကယ် စိုးရိမ်တယ် …” ဟု ပြောလိုက်သည်။

ကြွက်စုတ်။ ။ ဘာကို စိုးရိမ်တာလဲဟင်။

အငြိမ်းစားဘဘကြီး။ ။ ငါရွှေ့ခဲ့တဲ့ အကွက်တွေကို ပေါက်တတ်ကရတွေ ဖြစ်အောင် လျှောက်ရွှေ့မှာ စိုးရိမ်လို့ဟေ့ သိပြီလား။

အငြိမ်းစား ဘဘကြီးက “တော်ပါပြီ၊ ဒီမှာနေရတာ ရင်တုန်တယ်။ ငါ့ဘာသာ သမိန်ပေါသွပ် ပြန်ဖတ်နေတာပဲ ကောင်းတယ်” ဟု ပြောကာ ထိုနေရာမှ ထွက်ခွာသွားသောကြောင့် ဖိုးရှုပ်နှင့် ကြွက်စုတ်တို့နှစ်ဦးသား ပါးစပ် အဟောင်းသားဖြင့် ကျန်ခဲ့ကြ လေတော့ သတည်း။ ။

ပြည်ပအော်ပရေတာ တယ်လီနောနှင့်အူရီးဒူးတို့ အလုပ်အကိုင်ခေါ်ယူသည့်ပွဲများ ပြုလုပ်မည်

ချိုကို

ပြည်တွင်းတွင် ဆက်သွယ်ရေးဝန်ဆောင်မှုလိုင်စင်ရရှိသော ပြည်ပအော်ပရေတာနှစ်ခုဖြစ်သည့် တယ် လီနောနှင့် အူရီးဒူးတို့က မြန်မာနိုင်ငံတွင် ၀န်ထမ်းများခန့်ထားရန်အတွက် အလုပ်အကိုင်ခေါ်ယူမည့် ပွဲများ ပြုလုပ်သွားရန် စီစဉ်နေသည်ဟု အဆိုပါကုမ္ပဏီများ၏ ထုတ်ပြန်ချက်များအရသိရသည်။

ယင်းပွဲတွင် အလုပ်အကိုင်အခွင့်အလမ်းများအကြောင်း၊ လိုအပ်ချက်များကို ဆွေးနွေးပြောကြားသွားရန် စီစဉ်ထားသည်ဟုလည်း အဆိုပါထုတ်ပြန်ချက်များတွင် ဖော်ပြပါရှိသည်။

အူရီးဒူး၏ အလုပ်အကိုင်ပြပွဲကို နိုဝင်ဘာ ၃၀ ရက်မှ ဒီဇင်ဘာ ၁ ရက် အထိ ရန်ကုန်မြို့ ဆရာစံလမ်း ထောင့် နှင့် တက္ကသိုလ်ရိပ်သာလမ်းထောင့်ရှိ ဆရာစံပလာဇာ CBC ခန်းမတွင် နံနက် ၁၀ နာရီမှ ညနေ ၄ နာရီအထိ နှစ်ရက်တိုင်တိုင်ပြုလုပ်သွားမည်ဖြစ်သည်။ ထို့ပြင် အလုပ်လျှောက်ထားလိုသူများ၊ စိတ်ဝင် စားသူများအနေဖြင့်လည်း ယင်းပွဲသို့ တက်ရောက်ကာ CV ဖောင်များ လာရောက်တင်သွင်းကာ အလုပ် လျှောက်ထားနိုင်မည်ဖြစ်သည်။

အူရီးဒူးမြန်မာ၏ အလုပ်အမှုဆောင် အရာရှိချုပ် Mr.Ross Comack က “၂၀၁၄ အကုန်မှာ ၀န်ထမ်းဦးရေ ၁၀၀၀ ကျော် လောက်ခန့်ဖို့ရှိပါတယ်။ ရေရှည်အနေနဲ့ ကြည့်မယ်ဆိုရင် ၀န်ထမ်းဦးရေ ၅၀၀၀ လောက် အထိခန့်ဖို့ မျှော်လင့်ထားတယ်။ ငါးနှစ်အတွင်း ကုမ္ပဏီရဲ့ ၀န်ထမ်း ၉၉ ရာခိုင်နှုန်းက မြန်မာနိုင်ငံသား ဖြစ်ပါမယ်။ ဖြန့်ချိရေး၊ အရောင်း၊ ၀ယ်ယူသူများအတွက် ၀န်ဆောင်မှုပေးတဲ့ ဆက်စပ်တဲ့ လုပ်ငန်းတွေ မှာ အလုပ်အကိုင်ပေါင်း ထောင်ချီပြီးတော့ ပေါ်လာနိုင်ဖို့ မျှော်လင့်ပါတယ်”ဟု ကုမ္ပဏီ၏ ထုတ်ပြန်ချက် တွင် ထည့်သွင်းပြောကြားသည်။

အလားတူ အလုပ်ခေါ်ယူမှုပွဲမျိုးကို တယ်လီနောက ပြုလုပ်ရန်ရှိပြီး Telenor Myanmar Career Seminar ကို ဒီဇင်ဘာ ၅ ရက် နံနက် ၉ နာရီမှ ညနေ ၅ နာရီ အထိ ဆရာစံပလာဇာ CBC ခန်းမတွင် ပြုလုပ်သွားမည်ဟု သတင်းထုတ်ပြန်ထားသည်။

တယ်လီနောအနေဖြင့် လက်ရှိတွင် ၀န်ထမ်းပေါင်း ၈၀ ကျော်ခန့်အပ်ထားပြီး ယခုနှစ်ကုန်တွင် ၀န်ထမ်း ပေါင်း ၁၆၀ ခန့်အပ်သွားရန် ပြင်ဆင်နေသည်ဟု ဆိုသည်။

ပဲခူး လယ်သိမ်းမှု ဆန္ဒပြသူ ၇ ဦး ထောင်ဒဏ် ၆ လ နှင့် ငွေဒဏ် ချမှတ်ခံရ

သီဟတိုး

ပဲခူးမြို့တွင် လယ်ယာမြေ သိမ်းဆည်းခံရမှုနှင့်ပတ်သက်ပြီး ခွင့်ပြုချက်မရှိ ဆန္ဒပြခဲ့သူ ၇ ဦးကို ပဲခူး မြို့နယ် တရားရုံးက ပုဒ်မ ၁၈ ဖြင့် ငွေဒဏ် တသောင်း၊ ပုဒ်မ ၅၀၅ (ခ)ဖြင့် ထောင်ဒဏ် ၆ လပြစ်ဒဏ် များ ယနေ့ ချမှတ်လိုက်ကြောင်း သိရှိရသည်။

၂၀၁၃ ခုနှစ်၊ သြဂုတ်လ ပဲခူးမြို့ ရွှေမောဓော ဘုရားလမ်း၊ လိပ်ပြာကန် အနီးတွင် လယ်သမားအရေး ဆောင်ရွက် လှုပ်ရှားသူ ဦးဝင်းချို အပါအ၀င် ဆန္ဒပြသူ ၇ ဦးနှင့် လယ်သမားများသည် လယ်ယာ မြေသိမ်းဆည်းခံရမှု များအတွက် ခွင့်ပြုချက်မရှိဘဲ ဆန္ဒပြပြပွဲ ပြုလုပ်ခဲ့မှုကြောင့် အာဏာပိုင်များက ဖမ်းဆီး တရားစွဲဆိုခဲ့ကြောင်း၊ ယင်းသို့ တရားစွဲရာတွင် ခွင့်ပြုချက်မရှိဘဲ ဆန္ဒပြမှုအတွက် ငြိမ်းချမ်းစွာ စီတန်း လှည့်လည်ခွင့်နှင့် ငြိမ်းချမ်းစွာ စုဝေးခွင့်ဆိုင်ရာ ဥပဒေ ပုဒ်မ ၁၈ ဖြင့်လည်းကောင်း၊ နိုင်ငံအကြည်ညိုပျက်စေမှု ပုဒ်မ ၅၀၅ (ခ) ဖြင့်လည်းကောင်း တရားစွဲဆိုခဲ့ကြောင်း သိရှိရသည်။

ယနေ့ ပဲခူးမြို့နယ်တရားရုံးက ဆန္ဒပြသူများကို အမိန့်ချမှတ်ရာတွင် ဦးဝင်းချိုနှင့် ၅ ဦးကို ပုဒ်မ ၅၀၅ (ခ) အရ ထောင်ဒဏ် ၆ လ အပြစ်ပေးသည့်အပြင် ဦးဝင်းချိုနှင့် ရန်ပိုင်စိုးတို့ ၂ ဦးကို ပုဒ်မ ၁၈ အရ ဒဏ်ငွေ တသောင်း ပြစ်ဒဏ် ချမှတ်ခဲ့ကြောင်း ဦးဝင်းချို၏ ရှေ့နေဖြစ်သူ ဦးရောဘတ်စန်းအောင်ထံမှ သိရှိရသည်။

“ဒီအမှုက တရားမျှတတယ်လို့ ယုံကြည်တဲ့အတွက် အယူခံမ၀င်တော့ပါဘူး။ ပဲခူးမြို့နယ်တရားရုံးရဲ့ တရားစီရင်မှုက ရန်ကုန်မြို့နဲကွာခြားတယ်လို့မြင်မိတယ်။ အခုအမှုက အချုပ် ၃ လ ပါပြီးသား ဆိုတော့ ထောင်ဒဏ်က ၃ လပဲရှိ တော့တယ်။ ထောင်ဒဏ် ၃ လ ပဲပေးတဲ့ အတွက် သာဓုခေါ်ပါတယ်။ ဒီဇင်ဘာလအတွင်းမှာလည်း နိုင်ငံတော် သမ္မတကြီးရဲ့ နိုင်ငံရေးအကျဉ်းသားများ လွတ်ငြိမ်း ချမ်းသာခွင့် ပေးမှာမို့ နောက်တလအတွင်းမှာ ပြန်လွှတ်လာမယ်လို့ ယုံကြည်ပါတယ်” ဟု ဦးရောဘတ်စန်းအောင်က ဆိုသည်။

သမ္မတဦးသိန်းစိန်သည် နိုဝင်ဘာလ ၁၅ ရက်နေ့က နိုင်ငံရေးအကျဉ်းသား ၆၉ ဦး လွှတ်ပေးခဲ့ပြီး ဒေါ်နော်အုန်းလှ၊ အာဏာရှင်ဟောင်းဦးနေ၀င်း၏ မြေးများဖြစ်သော ကိုကျော်နေ၀င်း၊ ကိုအေးနေ၀င်းတို့ပါ လွတ်မြောက်လာခဲ့သည်။

ဟာသသရုပ်ဆောင်များ အနုပညာဈေးကွက်တွင် မျက်နှာပန်းလှလာ

ပန်းမြတ်ဇော်

ဟာသ,သရုပ်ဆောင်များသည် ဖက်ရှင်ရှိုးများ၊ ဗီစီဒီရိုက်ကူးမှုများ၊ ဂီတဖျော်ဖြေပွဲအပါအ၀င် ဂီတဆုပေး ပွဲများတွင် အဓိကအခန်းကဏ္ဍမှ ပါဝင်လုပ်ကိုင်ခွင့်ရရှိလာပြီဖြစ်သည်ဟု ဟာသသရုပ်ဆောင်ဂွမ်းပုံက ပြောဆိုလိုက်သည်။

ယင်းသို့ပါဝင်လာရာတွင် ဟာသသရုပ်ဆောင်နှင့် မော်ဒယ်၊ မင်းသမီးများဖြင့် တွဲဖက်သရုပ်ဆောင်ကာ တင်ပြခြင်း၊ ဟာသ,သရုပ်ဆောင်အချင်းချင်း ဟာသပုံစံမဟုတ်သော ပုံမှန်ဇာတ်ရုပ်ဖြင့် သရုပ်ဆောင် ခြင်း၊ တေးသီချင်းများ သီဆိုဖျော်ဖြေခြင်းတို့ဖြစ်ကြသည်။

ဟာသ,သရုပ်ဆောင်ဂွမ်းပုံက “ဟာသခေတ်လို့ကို ပြောလို့ရပါတယ်။ ဒါဟာ ကောင်းတဲ့အလားအလာ ပါပဲ။ အရင်က ဟာသသရုပ်ဆောင်တွေအတွက် နေရာနည်းတယ်။ အခုလိုတော့ အခမ်းအနားတော် တော်များများမှာ ပါဝင်ခွင့်ရရှိလာတာပေါ့။ အဲဒါကတော့ ၀မ်းသာစရာပါ” ဟု ဆိုသည်။

ယင်းကဲ့သို့ အဓိကအခန်းကဏ္ဍများတွင် ပါဝင်ခွင့်ရရှိလာခြင်းမှာ မင်းသား၊ မင်းသမီးများနေရာတွင် ဟာသသရုပ်ဆောင်များအား ပြောင်းလဲပါဝင်ခြင်းဖြင့် ပရိသတ်၏အမြင်အား ပြောင်းလဲစေနိုင်ခြင်း၊ ပရိသတ်များသည် ဟာသသရုပ်ဆောင်များအား အားပေးမှုများရှိခြင်းတို့ကြောင့်လည်းဖြစ်ကြောင်း အနုပညာရှင်များက သုံးသပ်ပြောဆိုလိုက်သည်။

“ရိုက်ကူးမှုပုံစံတွေကတော့ အမြဲတမ်းပြောင်းလဲနေတာပါ။ ကြော်ငြာမှာလည်း အခုဆို ဟာသသရုပ် ဆောင်တွေနဲ့ ရိုက်လာကြတယ်။ မင်းသား၊ မင်းသမီးထက် ဟာသ,သရုပ်ဆောင်ဆိုတော့ သူတို့မျက်နှာ မြင်တာနဲ့ ပရိသတ်က ပိုပြီးသဘောကျကြတာဆိုတော့ ဟာသသရုပ်ဆောင်တွေနဲ့ တွဲဖက်ပြီးရိုက်လာ ကြတယ်”ဟု ဒါရိုက်တာဇော်ကိုကိုက ပြောကြားသည်။

ဒါ့အပြင် လူငယ်ပရိသတ်အကြားထင်ရှားသော “လွမ်းလွန်းလို့” တေးသီချင်းအား ဟာသသရုပ်ဆောင် ကျင်ဝှက်ဖြင့် ရိုက်ကူးဖြစ်ခဲ့ပုံကိုလည်း အဆိုတော်ရဲရင့်အောင်က “ပရိသတ်ကို အမြင်ဆန်းအောင် ဟာသအမြင်လေးနဲ့ ရိုက်ချင်တယ်။ အဲဒီလွမ်းရမယ့်ဇာတ်ကောင်နေရာမှာ ဟာသသရုပ်ဆောင်ထည့် ကြည့်တယ်။ ဦးကျင်ဝှက်နဲ့ အရမ်းအဆင်ပြေတာနဲ့ ရိုက်ကူးဖြစ်ခဲ့တာပါ”ဟု ပြောသည်။

ယင်းသို့ ဟာသသရုပ်ဆောင်များမှ အဓိကဇာတ်ဆောင်များနေရာတွင် ပါဝင်သရုပ်ဆောင်လာသလို နာမည်ကျော် မင်းသား၊ မင်းသမီးများသည်လည်း လူရွှင်တော်များအဖြစ် ပြောင်းလဲလုပ်ဆောင်လျက်ရှိ သည်။

သီတဂူ ဆရာတော် ဘုရား၏ အစီစဉ်ဖြင့် နေရပ် ပြန်နိုင်တော့မည်

ရွှေဟင်္သာ

ကရင်နီနှင့် ကရင်ဒုက္ခသည် စခန်းရှိ ဒုက္ခသည်များ သည် လမ်းစရိတ် ပြသနာကြောင့် နေရပ် မပြန်နိုင်ခြင်း မဟုတ်ဘဲ လုံခြုံရေး၊ ဘ၀ ရပ်တည်ရေး အတွက် အာမခံချက် ရှိရန်နှင့် ပြန်လိုသည့် အခြေအနေ ရှိမှသာ နေရပ်ပြန်လိုသော ဆန္ဒကြောင့် ယနေ့အထိ ထိုင်းနိုင်ငံ ဒုက္ခသည် စခန်းများ ၌ သောင်တင် နေခြင်း ဖြစ် သည် ဟု ကရင်နီ စခန်း(၂) မှ စခန်း ကော်မတီ အတွင်းရေးမှူး ရှိုင်းနင်းထူးက ပြောဆိုပါသည်။

“ကျမတို့ ကရင်နီ စခန်းက ဒုက္ခသည် တွေက ဘယ်သူမှ မပြန်ချင် ကြဘူး။ နေရပ်ကို ပြန်ရ မှာကို ကြောက် နေကြတယ်။ တချို့ ဒုက္ခသည် တွေက နေရပ် မှာ ပြန်ပြီး စုံစမ်းတော့ အခြေနေကောင်း တာမရှိသေးဘူး လို့ပြောကြတယ်။ အခန့်မသင့်ဘဲ အစိုးရနဲ့ (KNPP) ကြား ငြိမ်းချမ်းရေး ပျက်သွားရင် ဘယ်လို လုပ်မလဲ စိုးရိမ် နေကြတယ်” ဟု ဆိုပါသည်။

အလားတူ ကရင်ဒုက္ခသည် ကော်မီတီ(KRC) ကလည်း နေရပ် ပြန်လိုစိတ်သည် ဒုက္ခသည် အပေါ်တွင်သာ မူတည် သည်ဟု (KRC) ဒုတိယ ဥက္ကဌ တီဂျော့က ဆိုပါသည်။

သီတဂူ အထောက် အကူပြု အဖွဲ့သည် လာမည့် ဒီဇင်ဘာလ အတွင်း ထိုင်းနိုင်ငံ နယ်စပ်ရှိ ဒုက္ခသည် စခန်းများတွင် ရှိနေသော မြန်မာ နိုင်ငံသားများ ကို ပြည်တွင်းသို့ ပြန်လည် ခေါ်ဆောင်ရန် အစီအစဉ် ရှိသည်ဟု အာရှတော်ဝင် ဆေးရုံ၏ အုပ်ချုပ်မှု ဒါရိုက်တာ ဒေါက်တာ မြတ်သူက မီဒီယာများကို ပြောကြား ထားပါသည်။

သီတဂူ အထောက် အကူပြုအဖွဲ့သည် ဒုက္ခသည် စခန်းများကို ဆက်သွယ်ရန် ရှိပြီး လူဦးရေ (၁၅ဝ)ပြည့်လျှင် တခေါက်နှုန်း ခေါ်ထုတ်မည် ဟု ဆိုပါသည်။ အထူးသဖြင့် နေရပ် ပြန်လို သူများသည် သံရုံးမှ တာဝန် ပေးထား သူများမှတဆင့် ဆက်သွယ် အကြောင်းကြား ရမည်ဟု ဒေါက်တာ မြတ်သူက ဆိုထားပါသည်။ ဤအစီစဉ်ကို သီတဂူ ဆရာတော် ဘုရား၏ မိန့်ကြားချက် အပေါ် မူတည်ပြီး လုပ်ငန်းစတင် မည်ဟု ဆိုပါသည်။

သီတဂူ အထောက်အကူပြု အဖွဲ့သည် မလေးရှား နိုင်ငံမှ ဒုက္ခသည် စခန်းများရှိ နိုင်ငံသားများ နေရပ်ပြန်ရန် ဆန္ဒရှိ သူများအား အခမဲ့ အစီအစဉ်ဖြင့် ပို့လည် ပို့ဆောင်ပေး နေပါသည်။ အထူးသဖြင့် (MAI) လေကြောင်း လိုင်းနှင့် ကမ္ဘောဇဘဏ် တို့ ပူးပေါင်းပြီး ပို့ဆောင် ပေးနေခဲ့ပါသည်။

ဤအစီစဉ်ဖြင့် ထိုင်းနိုင်ငံ နယ်စပ်၌ ရောက်ရှိ နေသော မြန်မာ ဒုက္ခသည်များမှ နေရပ် ပြန်လိုသော သူများအား ခေါ်ထုတ်ရန် စီစဉ်ခြင်း ဖြစ်သည်ဟု ဆိုပါသည်။

အလားတူ အစီစဉ်မျိုးအစိုးရဖက်မှ ကမ်းလှမ်း ခဲ့ဘူးပါသည်။ ဒုက္ခသည် များအား နေရာပြန်လည် ချထားရန်အတွက် မိသားစု ( ၅၀) ခန့် အစမ်းပို့ရန် ကမ်းလှမ်းထား ပါသည်။ ဤသို့သော တောင်းဆိုမှုကြောင့် ဒုက္ခသည်များသည် ၄င်းတို့ ၏ ဆန္ဒကို ထုတ်ဖေါ် ကြေညာခဲ့ပါသည်။

(၁) ပြည်တွင်းစစ် ချုပ်ငြိမ်းရမည်။

(၂) ပြည်တွင်း နိုင်ငံရေး ပြဿနာများကို ဖြေရှင်းပြီး စစ်မှန်သော ငြိမ်းချမ်းရေး ဖော်ဆောင် နိုင်ရမည်။

(၃) နိုင်ငံတကာ လူ့အခွင့် အရေးများကို အသိအမှတ် ပြုကျင့် သုံးသွား ရမည်။

(၄) ပြည်လည် နေရာချထားရေး ဒေသများ လုံခြုံမှု ရှိရမည့် အပြင် မိုင်းများနှင့် ကင်းလွတ်သည့် နေရာများ ဖြစ်ရမည်။

(၅) အိမ်ထောင်စု များအတွက် လယ်ယာမြေများ၊ အသက် မွေးဝမ်းကျောင်း လုပ်ငန်းများ လုံလောက်စွာ လုပ်ဆောင်နိုင်သည့် ဒေသဖြစ်ရမည်။

(၆) ဒုက္ခသည် စခန်း အတွင်းရှိ ကျန်းမာရေး၊ ပညာရေး၊ အသက်မွေး ၀မ်းကြောင်း အတွက် ထောက်ခံသည့် စာရွက် စာတမ်းများ၊ မှတ်တမ်းများကို အသိအမှတ် ပြုရမည်။

(၇) အတင်းအဓ္ဓမ ပြန်လည် ပို့ဆောင်ရေးကို ကန့်ကွက်သည်၊ မိမိ ဆန္ဒဖြင့်သာ ပြန်လည် ပို့ဆောင်ရေးကို ကောက်ခံသည်။

(၈) ပြင်ဆင်မှု အတွက် လုံလောက်သော အချိန်ကာလ ရှိရမည်။

(၉) ပြန်လည်နေရာ ချထားရေး ကော်မတီ များအား နေရာ ဒေသ ကြည့်ရှု စီစစ်ရေး၊ ကိုယ်တိုင် သတင်း အချက်အလက် ရယူရေးကို ခွင့်ပြု အားပေး ရမည်။

(၁၀) ကရင် ဒုက္ခသည် ကော်မတီ ( KRC ), UNHCR, ထိုင်းအစိုးရ၊ မြန်မာ အစိုးရ၊ နိုင်ငံတကာ လူ့မှု အဖွဲ့အစည်း (INGOs ) ၊ အစိုးရ မဟုတ်သော အဖွဲ့အစည်း (NGOs ) ၊ အခြေခံ လူမှုရေး အဖွဲ့အစည်း (CBOs ) ၊ အခြေခံ ဒေသ လူမှုအဖွဲ့ အစည်းများမှ မြန်မာနိုင်ငံတွင် အခြေအနေ ကောင်းမွန်ပြီး ဖြစ်ကြောင်း အသိအမှတ် ပြုသည့် အချိန်မှစပြီး ပြန်လည်နေရာ ချထားရေး အစီအစဉ်ကို စတင်ရမည် ဖြစ်သည်ဟု ပြီးခဲ့သည့် ဇွန်လတွင် ထုတ်ပြန်ထား ခဲ့ပါ သည်။

သို့သော် နိုင်ငံရေး ပြသနာကြောင့် ဒုက္ခသည် စခန်းသို့ ရောက်ရှိနေသော သူများအဖို့ နေရပ်ပြန်ရန် အခက်အခဲဖြစ် နေပါသည်။ အဆိုပါ ပုဂ္ဂိုလ် မျိုးများသည် တတိယ နိုင်ငံသို့ ထွက်ခွာရန် အခြေအနေ မပေးတော့သဖြင့် နေရပ်ပြန်လိုကြ ဟန်ရှိပါသည်။ ဤကဲ့သို့သော လူမျိုးများသည် သီတဂူ ဆရာတော် ဘုရားကြီး၏ အစီအစဉ်ဖြင့် နေရပ်ပြန်ပါက ဘေးကင်းလုံခြုံ မည်ဖြစ်ပေသည်။

ထိုင်းနိုင်ငံတွင် ဒုက္ခသည် စခန်း(၉)ခု ရှိသဖြင့် လူဦးရေ တသိန်းကျော် ရှိနေပါသည်။ ထိုအထဲတွင် နေရပ်ပြန်လိုသူ ရာဂဏန်းမျှရှိ နိုင်သည်ဟု စခန်း ကော်မီတီများက ခန့်မှန်း ကြပါသည်။

ဧရာဝတီတိုင်းအတွင်းရှိ လက်ကျန် မြေယာပြဿနာများ တိုင်းလွှတ်တော်တွင် အဖြေရှာမည်

မင်းမင်း

လယ်ယာမြေအမှုများကို မြေစာရင်းဦးစီးဌာနက ဖြေရှင်းပေးမှု အားနည်းနေသည့်အတွက် တိုင်းအစိုးရမှ တာဝန်ယူ၍ ထိရောက်စွာ ဖြေရှင်းပေးရန် နိုဝင်ဘာ၂၈ ရက်က ဧရာဝတီတိုင်းလွှတ်တော်တွင် အဆိုတင် သွင်းခဲ့ပြီး ယင်းအဆိုကို လွှတ်တော်တွင်ဆွေးနွေးမည်ဖြစ်သည်ဟု အဆိုတင်သွင်းခဲ့သူ ငပုတောမြို့နယ် မှ လွှတ်တော်ကိုယ်စားလှယ် ဦးအေးကြည်က မဇ္ဈိမကို ပြောသည်။

ယင်းအဆိုကို ဆွေးနွေးရန် တိုင်းလွှတ်တော် ကိုယ်စားလှယ်အားလုံးက သဘောတူသည့်အတွက် လက်ခံဆွေးနွေးရန် လွှတ်တော်ဥက္ကဋ္ဌက ဆုံးဖြတ်လိုက်သော်လည်း မည်သည့်အချိန်တွင် ဆွေးနွေးမည်ကိုမူ ထည့်ပြောသွားခြင်း မရှိသေးဟုလည်း ၎င်းက ဆိုသည်။

ကြံ့ခိုင်ဖွံ့ဖြိုးရေးပါတီမှ ငပုတောမြို့နယ် တိုင်းလွှတ်တော်ကိုယ်စားလှယ် ဦးအေးကြည်က ၎င်း၏ မြို့နယ် တစ်ခုတည်းတွင်ပင် မြေယာအမှုပေါင်း ၄၀၀ ကျော်ရှိနေသည်ဟု ဆိုသည်။

“မြေယာမှုခင်းတွေ ဖောင်းပွနေတာဟာ အခုအချိန်ထိ မြေစာရင်းဝန်ထမ်းအချို့ကြောင့် ဖြစ်ပေါ်နေရတယ်။ လက်လုပ်လက်စားလေးတွေကို ဘာမှ ထိထိရောက်ရောက် မဖြေရှင်းပေးဘူး”ဟု ပြောသည်။

ဦးအေးကြည်၏ “မြေယာကိစ္စ အငြင်းပွားနေမှုများကို တိုင်းအစိုးရက ထိရောက်စွာဖြေရှင်းရေး” အဆိုကို တိုင်းစိုက်ပျိုးရေးနှင့်မွေးမြူရေးဝန်ကြီး ဦးစန်းမောင်က လွှတ်တော်တွင် ဖြေကြားခဲ့သော်လည်း မြေစာရင်း ဦးစီးဌာနမှ ဆောင်ရွက်နေမှုများကိုသာ အသေးစိတ် ပြန်ရှင်းပြခဲ့သည်ဟုလည်း ၎င်းက ဆိုသည်။

ယင်းအတွက် တိုင်းလွှတ်တော်ဥက္ကဋ္ဌက “ခင်ဗျားက အစိုးရအဖွဲ့ကိုယ်စား ဖြေနေတာလား။ မြေစာရင်း ကိုယ်စား ပြောနေတာလား”ဟု သတိပေး ပြောဆိုခဲ့သေးသည်ဟုလည်း ဦးအေးကြည်က မဇ္ဈိမကို ပြော သည်။

ဖြေရှင်းရန် အားနည်းနေသည်ဟု လွှတ်တော်တွင် အရေးဆိုခဲ့သည့် မြေယာအမှုများမှာ မဆလ အစိုးရ လက်ထက်က တာဝန်ကျေ စပါးမပေးနိုင်၍ သိမ်းထားသောလယ်များ၊ လယ်သမားချင်း ပေါင်နှံပြီး သိမ်း ထားသောလယ်များ၊ မိသားစုချင်းအမွေခွဲရာမှ ပြဿနာဖြစ်သော လယ်များဖြစ်သည်ဟု အဆိုရှင်ဦးအေး ကြည်က ပြောသည်။

ယင်းကဲ့သို့သော မြေယာအမှုများမှာ ဧရာဝတီတိုင်းရှိ ၂၆ မြို့နယ်စလုံးတွင်ပင် အနည်းနှင့်အများ ရှိနေသည်ဟု ဦးအေးကြည်၏အဆိုကို လွှတ်တော်တွင် လက်ခံဆွေးနွေးရန် ထောက်ခံခဲ့သည့် လပွတ္တာမြို့ နယ်မှ တိုင်းလွှတ်တော်ကိုယ်စားလှယ် ဦးဇော်ဝင်းက မဇ္ဈိမကို ပြောကြားသည်။

ဆီးဂိမ်းတွင် ဝင်ရောက် သတင်းယူရေး အခက်အခဲများရှိ

စနေလင်း

လာမည့် ဆီးဂိမ်းပွဲတွင် သတင်းဝင်ယူကြမည့် သတင်းထောက်များ အတွက် မီဒီယာဝင်ခွင့် ကတ်များနှင့် ပက်သက်ပြီး မည်သို့ ပြုလုပ်ရမည်ကို တိတိကျကျ လမ်းညွှန်ထားခြင်းမရှိသကဲ့သို့ လုံခြုံရေးများကလည်း ထိုဝင်ခွင့်ကတ်များကိုပင် အသိအမှတ် မပြုဘဲ တားဆီးနေမှု များကြောင့် သတင်း သမားများ အခက်ခဲ တွေ့ကြုံနေကြရကြောင်း ကြားသိရသည်။

ဆီးဂိမ်းတွင် သတင်းဝင်ရောက် ရယူကြရန်အတွက် အမျိုးသား အိုလံပစ်ကောင်စီ၊ အားကစား ၀န်ကြီးဌာနနှင့် ပြန်ကြားရေး ၀န်ကြီးဌာနတို့နှင့် ဆက်သွယ် ပြုလုပ်ထားသော ၀င်ခွင့်ကတ်များသည် သတင်းယူရန် နေရာအနှံ့ ၀င်ခွင့်မရှိကြောင်း၊ ထို့အပြင် လုံခြုံရေး စောင့်နေကြသော ရဲများက မီဒီယာကတ် ပါသော်လည်း ၀င်ရောက်ခွင့် မပေးခြင်းများ ကြုံတွေ့နေကြရကြောင်း၎င်းတို့က ဆိုသည်။

“၀င်ခွင့် ကတ်တွေနဲ့ ပတ်သက်ပြီးတော့လည်း ရှုပ်ထွေးမှုတွေက ရှိနေတယ်။ မီဒီယာ ၀င်ခွင့်ကတ်တွေ ရှိနေတာတောင်မှ လုံခြုံရေး စောင့်တဲ့သူတွေက ကတ်တွေရဲ့ သဘောတရားကို နားမလည်ကြဘူး။ နိုဝင်ဘာ ၂၈ ရက်နေ့က ကျင်းပတဲ့ဆီးဂိမ်း ဖွင့်ပွဲ အကြိုလေ့ကျင့်တဲ့ ပွဲမှာတောင် ခပ်စောစော ရောက်သွားတဲ့ မီဒီယာသမားတွေပဲ အထဲကို ၀င်လို့ရလိုက်တယ်။ နောက်ပိုင်းမှ လာကြတဲ့ မီဒီယာသမားတွေကို လုံခြုံရေးတွေက ပေးမ၀င်ဘူးဗျ” ဟု ဓာတ်ပုံသတင်းထောက် ကိုဟိန်းထက်က ဧရာဝတီသို့ ပြောသည်။

ထို့အပြင် သတင်း မီဒီယာများအတွက် အဓိကဖြစ်သည့် မီဒီယာစင်တာ ပြုလုပ်မည့် မဏိရတနာ ခန်းမတွင်းသို့ ၀င်ခွင့်နှင့် ပက်သက်ပြီး သီးသန့်ဝင်ခွင့်ကတ် ထပ်မံပြုလုပ်ရမည် ဖြစ်ကြောင်း၊ အားကစား သမားများ စခန်းသွင်း လေ့ကျင့်မည့်Gold Camp အတွင်း ၀င်ရောက်ခွင့်ကိုလည်း ၀င်ခွင့်ကတ် သီးသန့် ပြုလုပ်ရမည်ဖြစ်ကြောင်း၊ ဆီးဂိမ်းဖွင့်ပွဲ၊ ပိတ်ပွဲကို တက်ရောက် သတင်းယူရန်မှာလည်း ၀င်ခွင့်ကတ်တခု ထပ်မံ ပြုလုပ်ရမည် ဖြစ်ကြောင်း နေပြည်တော်ရှိ ၀ါရင့် သတင်းသမား တဦးက ဆိုသည်။

ထိုသို့ ၀င်ခွင့်ကတ်များနှင့် ပက်သက်ပြီး ရှုပ်ထွေးနေရခြင်းသည် အစိုးရ ၀န်ကြီးဌာနတခုနှင့် တခုတို့အကြား ပူးပေါင်း ဆောင်ရွက်မှု အားနည်းနေရခြင်းကြောင့် ဖြစ်ကြောင်း၊ လုံခြုံရေးကြောင့်ဟု အကြောင်းပြမည် ဆိုလျှင်လည်း မီဒီယာများနှင့် ပေါင်းစပ် ဆောင်ရွက်ရမည်ပင် ဖြစ်ကြောင်း၊ ယခင်အချိန်များကတည်းက မည်သို့လုပ်ကိုင်ရမည်ကို ကြေညာထားခြင်း မရှိဘဲ ပွင့်လင်းမြင်သာစွာ ဆောင်ရွက် မထားခြင်းကြောင့် ဖြစ်ကြောင်း ရန်ကုန်မီဒီယာအုပ်စုမှ အမှုဆောင်အရာရှိချုပ် ဦးကိုကိုက ဧရာဝတီသို့ ပြောသည်။

“နိုင်ငံတကာကို ဦးစားပေး၊ မပေးဆိုတာလည်း စောင့်ကြည့်ရဦးမယ်။ နိုင်ငံတကာကိုလည်း ဒီလိုတွေ လုပ်ရမယ်ဆိုရင် တိတိကျကျ အသိပေးဖို့တော့လိုမယ်။ အခုဖြစ်နေတဲ့ ပုံစံကိုကြည့်ရရင် မီဒီယာနဲ့ ပတ်သက်တဲ့၊ နိုင်ငံတကာအထိ ကိုင်နိုင်တဲ့၊ ကျွမ်းကျင်တဲ့ ပညာရှင်တွေကို အသုံးချမှု အားနည်း နေသေးတယ်။ ဆီးဂိမ်းမှာတောင် ဒီလိုမျိုး လုပ်နေရင် လာမယ့် ၂၀၁၄ အာဆီယံပွဲမှာ ပိုဒုက္ခရောက်လိမ့်မယ်။ ကော်မတီပုံစံမျိုး လုပ်နေတာထက်၊ ဒါမျိုးက သီးခြားကျွမ်းကျင်မှုတွေ လိုအပ်တယ်” ဟု ၎င်းက ဆိုသည်။

ထို့အပြင် ယခုကဲ့သို့ လုပ်ဆောင်နေခြင်းကြောင့် နိုင်ငံတကာ မီဒီယာများ၏ ဝေဖန်မှုများ ခံလာရမည်ဖြစ်ကြောင်း Eleven Media မှ တာဝန်ခံ အယ်ဒီတာ တဦးဖြစ်သည့် ကိုဝေဖြိုးက ပြောသည်။

မိမိတို့ မီဒီယာအနေဖြင့် နိုင်ငံတကာပွဲများ၊ ကမ္ဘာ့ဖလား ဘောလုံးပွဲများအထိ သတင်းသွားရောက် ယူခဲ့ဖူးသော်လည်း ယခုကဲ့သို့ တနေရာအတွက် ၀င်ခွင့်တကတ်စီ ပြုလုပ်ရသကဲ့သို့ မကြုံခဲ့ဖူးကြောင်း၊ အချိန်နီးကပ်နေပြီ ဖြစ်သည့်အပြင်ယခုပွဲမျိုးက တိတိကျကျနှင့် သတ်သတ်မှတ်မှတ် ပြုလုပ်ရမည် ဖြစ်ကြောင်း ၎င်းက ဆက်ပြောသည်။

“ကျနော် ဘောလုံးအဖွဲ့ချုပ် ဥက္ကဋ္ဌ ဦးဇော်ဇော်နဲ့ ဒီပွဲလုပ်ဖို့ မစတင်ခင် တွေ့ကတည်းက ပြောဖူးပါတယ်။ မီဒီယာတွေနဲ့ ပက်သက်ပြီး ကြိုတင်ပြင်ဆင် သင့်တာတွေကို အတွေ့အကြုံရှိတဲ့ သူတွေဆီက အကူအညီတောင်းဖို့၊ ကမ္ဘာ့စီးပွားရေး ဖိုရမ် လုပ်တုန်းက အတွေ့အကြုံတွေကို သင်ခန်းစာယူဖို့ ပြောဖူးပါတယ်။ အခုက အားကစားပွဲပါ။ တံခါးပိတ် ဆွေးနွေးတဲ့ နိုင်ငံရေး ဆွေးနွေးပွဲမျိုးလည်း မဟုတ်ပါဘူးဗျာ။ ဘယ်လိုမှ နားမလည်နိုင်တော့ဘူး။ တကယ်ပဲ စိတ်ပျက်ပါတယ်” ဟု 7 Day နေ့စဉ် သတင်းစာမှ အယ်ဒီတာ ကိုအောင်သူရက ဧရာဝတီသို့ ပြောသည်။

ဝိုင်းစုခိုင်သိန်း မင်္ဂလာပွဲ ၄ ပွဲ ဆောင်မယ်

မြတ်သူအောင်

သရုပ်ဆောင် အဆိုတော် ဝိုင်းစုခိုင်သိန်းရဲ့ မင်္ဂလာပွဲကို ဖေဖော်ဝါရီ ၁၄ ရက်နေ့ ဗယ်လင်တိုင်းဒေးမှာ ကျင်းပမှာဖြစ်ပြီး မင်္ဂလာပွဲ ၄ ပွဲတိတိ ပြုလုပ်ဖို့ စီစဉ်ထားတယ်လို့ သိရပါတယ်။

အနုပညာရှင်တွေရဲ့ မင်္ဂလာသတင်းတွေဟာ ပရိသတ်တွေအတွက် စိတ်ဝင်စားစရာ သတင်းတွေ ဖြစ်တတ်တဲ့ သဘောသဘာဝ အတိုင်း အခုလည်း ဝိုင်းစုခိုင်သိန်းရဲ့ မင်္ဂလာပွဲက ဒီနှစ်အတွက် စိတ်ဝင်စားစရာ မင်္ဂလာပွဲ သတင်းတပုဒ် ဖြစ်လာနိုင်ပါတယ်။

လတ်တလောမှာ “အာဘွား” ဆိုတဲ့ တတိယမြောက် တေးစီးရီး CD ထွက်ရှိထားတဲ့ ၀ိုင်းစုခိုင်သိန်းဟာ သူ့မင်္ဂလာပွဲကို ထူးထူးခြားခြား အမှတ်တရဖြစ်အောင် ချစ်သူများနေ့မှာ ရွေးချယ်ကျင်းပခြင်း ဖြစ်တယ်လို့ ပြောပါတယ်။

“၀ိုင်းစုတို့တတွေ တိုင်ပင်ပြီး မင်္ဂလာပွဲ ၄ ပွဲလုပ်ဖို့ စီစဉ်ထားပါတယ်။ မင်္ဂလာဆွမ်းကျွေးကို မင်းကွန်းမှာ လုပ်ဖို့ စီစဉ်ထားတယ်၊ နောက်ပြီး မင်္ဂလာလက်မှတ် ရေးထိုးပွဲကိုတော့ Parkroyal Hotel မှာလုပ်မှာပါ။ မင်္ဂလာဘိသိက်ပွဲ အခမ်းအနားကို Sedona Hotel မှာလုပ်မှာဖြစ်ပြီး မင်္ဂလာ ညစာစားပွဲကိုကျတော့ ကန်တော်ကြီးပဲလေ့စ် ဟိုတယ်မှာ လုပ်မှာပါ” လို့ သူ ပြုလုပ်မယ့် မင်္ဂလာဧည့်ခံပွဲ အစီအစဉ်တွေအကြောင်း ရှင်းပြပါတယ်။

ဝိုင်းစုခိုင်သိန်းနဲ့ လက်ထပ်မယ့် ကိုဥက္ကာမြင့်ကြူဟာ အမေရိကန်နိုင်ငံမှာ နေထိုင်ပြီး ဆောက်လုပ်ရေး ကုမ္ပဏီ လုပ်ငန်း လုပ်ကိုင်နေသူ ဖြစ်ပါတယ်။ ဝိုင်းစုခိုင်သိန်း အမေရိကားမှာ သီချင်းသွားဆိုစဉ် တွေ့ဆုံခဲ့ကြတာလို့ ကိုဥက္ကာမြင့်ကြူက ဆိုပါတယ်။

ဖေဖော်ဝါရီ ၁၄ ရက်နေ့မှာ ပြုလုပ်မှာက မင်္ဂလာဘိသိက်ပွဲဖြစ်ပြီး မင်္ဂလာပွဲတွေ ပြီးတဲ့အခါ သူတို့နှစ်ဦးစလုံးက အလုပ်ကိုယ်စီနဲ့ ဖြစ်တဲ့အတွက် သီးသန့်အနေနဲ့ ဟန်းနီးမွန်းခရီး ထွက်ဖို့ အစီအစဉ်မရှိသေးဘူးလို့ သိရပါတယ်။

ဝိုင်းစုခိုင်သိန်းက သူခံစားနေရတဲ့ အမျိုးသမီးရောဂါ ကျန်းမာရေး အခြေအနေ လုံးဝပြန်ကောင်းသွားပြီ ဖြစ်ကြောင်းလည်း သူ့ရဲ့ ပရိသတ်တွေကို ဧရာဝတီကတဆင့် ဟြေပါတယ်။

“၀ိုင်းစုတို့ မင်္ဂလာပွဲပြီးရင်လည်း မိဘတွေနဲ့အတူ ဒီမှာပဲနေမှာပါ။ ၀ိုင်းစုချစ်တဲ့ အနုပညာ အလုပ်တွေလည်း ဆက်လုပ်မှာပါ။ သူက ၀ိုင်းစုအပေါ်မှာ နားလည်မှု အပြည့်ရှိပါတယ်။ နောက်ပြီး သူ့ကုမ္ပဏီက အမေရိကားမှာ ရှိတော့ ၀ိုင်းစုတို့ သွားလိုက်၊ ပြန်လိုက် လုပ်ရမှာပေါ့။ ဒီမှာလည်း သူ ကုမ္ပဏီဖွင့်ဖို့ အစီအစဉ်ရှိပါတယ်” လို့ သူတို့ရဲ့အနာဂတ် အစီအစဉ်တွေနဲ့ ပတ်သက်ပြီး ၀ိုင်းစုခိုင်သိန်းက ဆိုပါတယ်။

ဆန်တန်ချိန် ၁ ဒဿမ ၈ သန်း တင်ပို့မည်ဟု အစိုးရပြောဆိုချက် ဖြစ်နိုင်ချေနည်းပါး

ထင်လင်းအောင်

ယခုဘဏ္ဍာနှစ်အတွင်း မြန်မာ့ဆန်တင်ပို့မှု ၁ ဒဿမ ၈သန်း အထိရောက်ရှိရန်လျှာထားသည်ဟု ကုန်သွယ်မှုမြှင့်တင်ရေးဦးစီးဌာန ညွှန်ကြားရေးမှူးချုပ် ဦးတိုးအောင်မြင့်က ပြောဆိုခဲ့သော်လည်း လက်တွေ့တွင် မဖြစ်နိုင်ဟု မြန်မာနိုင်ငံဆန်စပါးအသင်းချုပ် တွဲဖက်အတွင်းရေးမှူး ဦးလူမော်မြင့်မောင်က မဇ္ဈိမသို့ နိုဝင်ဘာ ၂၈ ရက်တွင် ပြောသည်။

၂၀၁၄-၂၀၁၅ ဘဏ္ဍာနှစ်တွင်မြန်မာ့ဆန်တင်ပို့မှုသည် ၂ဒဿမ၅သန်းအထိ တိုးမြှင့်မည်ဖြစ်ကာ ယခုဘဏ္ဍာနှစ်တွင် ခန့်မှန်းချေ ၁ ဒဿမ ၈ သန်း တင်ပို့မည်ဟု ဟောင်ကောင်တွင် ပြုလုပ်ခဲ့သည့် အင်တာဗျူးတစ်ခုတွင် ညွှန်ကြားရေးမှူးချုပ်က ပြောခဲ့သည်ဟု ဘန်ကောက်ပို့စ် သတင်းစာတွင် ရေးသားဖော်ပြ ခဲ့သည့်အပေါ် မဇ္ဈိမက မေးမြန်းရာတွင် ဦးလူမော်မြင့်မောင်က ယခုကဲ့သို့ ဖြေကြားခဲ့ခြင်းဖြစ်သည်။

“လာမယ့် မတ်လအထိကတော့ မြန်မာနိုင်ငံအနေနဲ့ တစ်သန်းထက်ကျော်မှာ မဟုတ်ပါဘူး။ အစိုးရပိုင်းကတော့ သူတို့ရဲ့လျှာထားချက်တွေကိုပြောတာပါ။” ဟုပြောသည်။မြန်မာ့ဆိပ်ကမ်း အနေဖြင့်လည်း အားနည်းချက်များစွာရှိနေခြင်းကြောင့် ဆိပ်ကမ်းမှ သင်္ဘောတင်ခနှုန်းထား တစ်ခုတည်းတွင်ပင် အခြား နိုင်ငံများနှင့်နှိုင်းယှဉ်ပါက ဆန်တစ်တန်လျှင် ကန်ဒေါ်လာ ၂၀ခန့် ပိုမိုပေးဆောင်နေရခြင်းကြောင့် ထိုင်း၊ ဗီယက်နမ်နိုင်ငံများနှင့်ကမ္ဘာ့ဈေးကွက်တွင် ယှဉ်ပြိုင်ရန်မှာ အခက်အခဲများစွာရှိနေသည်ဟု ဆက်လက် ပြောသည်။

မြန်မာနိုင်ငံအနေဖြင့် ဆန်တင်ပို့မှုအားမြှင့်တင်ရန်မှာ ဆိပ်ကမ်းဘက်ဆိုင်ရာအဆောက်အအုံများနှင့် အရည်အသွေးများကိုပိုမိုကောင်းမွန်ဆောင်လုပ်ဖို့လိုသေးသည်ဟု တစ်နှစ်လျှင်ဆန်တန်ချိန် လေးသိန်း ခန့် ရောင်းဝယ်ပေးနေသည့် Alliance Commodities(Suisse)SA ၏ ဥက္ကဋ္ဌ မာမာဒိုးဆစ်က ပြောသည်ဟု ဘန်ကောက်ပို့စ်တွင် ရေးထားသည်။

လက်ရှိအချိန်တွင် ၂၀၁၃-၂၀၁၄ ဘဏ္ဍာနှစ်ကုန်ဆုံးရန် လေးလကျော်သာကျန်ရှိတော့ခြင်းဖြစ်သော် လည်း မြန်မာ့ဆန်တင်ပုိ့မှုမှာတန်ချိန် ၅ သိန်းနီးပါးသာရှိနေသေးသည်။

EU သင်တန်းဆင်း ရဲ ၄၀၀၀ ကို လူစုလူဝေး ထိန်းသိမ်းမှုများအတွက် သုံးမည်

မေခ

လူစုလူဝေးနှင့် ပတ်သက်သည့် ထိန်းသိမ်းမှုများအတွက် ဥရောပသမဂ္ဂ (EU) မှ လေ့ကျင့်ပေးထားသည့် သင်တန်းဆင်း ရဲဝန်ထမ်း ၄၀၀၀ ကျော်ကို အသုံးပြုသွားမည် ဖြစ်ကြောင်း ရဲမှူးချုပ် သူရဘိုနီက ပြောကြားသည်။

ရန်ကုန်မြို့ရှိ EU ရုံးတွင် ယနေ့ ကျင်းပသည့် ရဲတပ်ဖွဲ့ ပြုပြင်ပြောင်းလဲမှုဆိုင်ရာ သတင်းစာရှင်းလင်းပွဲတွင် ဧရာဝတီက မေးမြန်းခဲ့ရာ ရဲမှူးချုပ် သူရဘိုနီက “အခု ၁၈ လမှာ ရဲဝန်ထမ်း ၄၀၀၀ လောက်ကိုပဲ EU ဘက်က သင်ကြား ပေးနိုင်တယ်။ အခုကတော့ ဒီသင်တန်း ပေးထားတဲ့လူတွေကို လူစုလူဝေးမှာ သုံးမယ်။ နောက်ပိုင်းကျရင်တော့ ဆင့်ပွား သင်ယူပေးသွားမယ်” ဟု ဖြေကြားသည်။

လာမည့် ဆီးဂိမ်းစ်အတွက် EU သင်တန်းဆင်း ရဲဝန်ထမ်း ၄၀၀ ကို စတင် ထည့်သွင်း အသုံးပြုရန် စီစဉ်ထားကြောင်းလည်း သိရသည်။

“ရဲဝန်ထမ်းတွေမှာ လိုအပ်ချက်တွေ ရှိနေတယ်ဆိုတာ မှန်ပါတယ်။ နောက်တခုက ဒီပြောင်းလဲမှုက သိပ်ပြီးတော့ မြန်မြန်ဆန်ဆန် ပြောင်းလဲဖို့ မလွယ်ကူနိုင်ပေမယ့် အချိန်တခု အတိုင်းအတာအတွင်းမှာ အမြန်ဆုံး လုပ်ဆောင်သွားဖို့ စီစဉ်ထားပါတယ်။ လက်ရှိ သမ္မတကြီး လက်ထက်မှာ ပြည်တွင်းလုံခြုံမှုကို ရဲဝန်ထမ်းတွေကပဲ တာဝန်တခု အနေနဲ့ တာဝန်ယူထားပါတယ်။ ဝန်ဆောင်မှုပိုင်းကိုလည်း မကြာခင် ပြောင်းလဲပေးသွားနိုင်အောင် လုပ်ဆောင်မှာပါ” ဟု ရဲမှူးချုပ် သူရဘိုနီက ပြောသည်။

EU က မြန်မာနိုင်ငံ ရဲတပ်ဖွဲ့များအတွက် ရဲဝန်ဆောင်မှုလုပ်ငန်းနှင့် ဆိုင်သော လက်တွေ့ အသုံးချနိုင်မည့် သင်ခန်းစာများကို ၁၈ လကြာ ပို့ချသွားရန် စီစဉ်ထားကြောင်း၊ သင်တန်းအပြင် ရဲဝန်ထမ်း တဦးချင်းဆီအတွက် ရဲအသုံးအဆောင် ပစ္စည်းများကိုပါ ထောက်ပံ့သွားရန် စီစဉ်ထားကြောင်း ဥရောပသမဂ္ဂ သံအမတ်ကြီး မစ္စတာ ရိုလန်ကိုဘီယာက ပြောကြားသည်။

“EU အနေနဲ့ မြန်မာနိုင်ငံရဲတွေနဲ့ ပြည်သူတွေ နီးစပ်နိုင်ဖို့ ဒီ ပရောဂျက်အရ လုပ်ဆောင်သွားမှာပါ။ ပရောဂျက်မှာ လူမှုဝန်းကျင်ဆိုင်ရာ မူဝါဒ၊ လူစုလူဝေး စီမံခန့်ခွဲမှုဆိုင်ရာ မူဝါဒတွေကို အဓိကထား သင်ပေးသွားမယ်။ အဓိကအနေနဲ့ မြန်မာနိုင်ငံ ရဲတွေအနေနဲ့ သူတို့လုပ်ရပ်ကို တာဝန်ယူနိုင်အောင် သင်တန်းပေးသွားမှာဖြစ်တယ်” ဟု သံအမတ်ကြီး မစ္စတာ ရိုလန်ကိုဘီယာက ပြောသည်။

၁၈ လကြာ ဆောင်ရွက်မည့် အဆိုပါ ပရောဂျက်တွင် ရဲဝန်ထမ်းများသာမက လူမှုအဖွဲ့အစည်းများ၊ မီဒီယာများကိုပါ ပြည်သူလူထုနှင့် ထိတွေ့မှုဆိုင်ရာ သင်တန်းများကို ပို့ချသွားရန် စီစဉ်ထားကြောင်း၊ ရဲဝန်ထမ်းများနှင့် လူမှု အဖွဲ့အစည်းများ အတွက် သင်တန်းပေးမည့် ၁၈ လအတွင်းတွင် ယူရိုငွေ ၁၀ သန်း (မြန်မာကျပ်ငွေ ၁၃.၂ ဘီလီယံခန့်) ကုန်ကျခံသွားရန် စီစဉ်ထားကြောင်း သိရသည်။

“ရဲဝန်ထမ်းတွေကို အသုံးအဆောင် ပစ္စည်းတွေ ကူညီပေးတယ်ဆိုပေမယ့် လက်နက်ပစ္စည်း ကူညီမှု မရှိပါဘူး။ ဦးထုပ်၊ ဒိုင်းနဲ့ အကာအကွယ် ပစ္စည်းတွေကိုပဲ ကူညီတာပါ” ဟု သံအမတ်ကြီး မစ္စတာ ရိုလန်ကိုဘီယာက ပြောသည်။

လက်ရှိတွင် တနိုင်ငံလုံးတွင် ပြည်တွင်းလုံခြုံရေးအတွက် ရဲဝန်ထမ်းဦးရေ ၁ သိန်းကျော်ဖြင့် ကာကွယ်မှုပေးနေကြောင်း ရဲမှူးချုပ် သူရကိုနီက ပြောသည်။

မြန်မာနိုင်ငံ ရဲတပ်ဖွဲ့သည် မြန်မာနိုင်ငံတွင်း လူအုပ်စု အဓိကရိုဏ်းများ၊ မတည်မငြိမ်မှုများ ဖြစ်ပေါ်သည့်အခါ ကိုင်တွယ် ဖြေရှင်းရာတွင် အားနည်းချက်များ ရှိနေကြောင်း ဝေဖန်မှုများ ခံနေရပြီး လက်ရှိချိန်တွင် ပြည်သူများမှ အားကိုးမှုထက် ကြောက်ရွံ့စရာ အဖွဲ့အစည်းတခုအဖြစ် မှတ်ယူလေ့ရှိသည်။

ယခု EU မှ သင်ကြားမှုအပိုင်း အစီအစဉ် အကောင်အထည် ဖော်ဆောင်မှုကို ရန်ကုန်မြို့တွင် မင်္ဂလာတောင်ညွန့် မြို့နယ်၌ စတင် လုပ်ဆောင်သွားမည်ဖြစ်ပြီး အဆိုပါ အကောင်အထည် ဖော်ဆောင်မှုကို စောင့်ကြပ်ကြည့်ရှုရန် မြန်မာနိုင်ငံရဲတပ်ဖွဲ့ (MPF) က အဆင့်မြင့်အရာရှိတဦးနှင့် နိုင်ငံတကာမှ လေ့လာသူ ၇ ဦး၊ ပေါင်း ၈ ဦးပါ အဖွဲ့ဖြင့် စောင့်ကြည့်ရန် စီစဉ်ထားကြောင်း သိရသည်။

စောင့်ကြည့်မည်သူများတွင် မည်သူပါမည်၊ ထောက်ပံ့ငွေ ယူရိုငွေ ၁၀ သန်း (မြန်မာကျပ်ငွေ ၁၃.၂ ဘီလီယံခန့်) ထောက်ပံ့မည် ဆိုရာတွင် မည်သည့်အပိုင်းအတွက် မည်မျှသုံးမည် စသည်တို့ကိုမူ အီးယူဘက်မှ ထုတ်ဖော်ပြောကြားခဲ့ခြင်း မရှိပေ။

ထိုင်း၌ အဖမ်းခံထားရသည့် မြန်မာ မိန်းကလေးများလွတ်ရေး သံရုံး ကူညီ

သန်းထိုက်ဦး

ထိုင်းနိုင်ငံတွင် လိင်ဖျော်ဖြေရေး လုပ်ကိုင်နေမှုဖြင့် ဖမ်းဆီး ထိန်းသိမ်း ခံထားရသည့် အသက် ၁၈ နှစ်အောက် မြန်မာ မိန်းကလေး ၁၃ ဦးကို ပြန်လွှတ်ပေးရေး အတွက် မြန်မာ အစိုးရ တာဝန်ရှိသူများ ယမန်နေ့က သွားရောက် တွေ့ဆုံ ကူညီကြောင်း သိရသည်။

အမျိုးသမီးများကို ထိန်းသိမ်းထားသည့် ပထုံဌာနီမြို့ရှိ ကလေးထိန်းသိမ်းရေး စခန်းတွင် ထိုင်းနိုင်ငံ လူမှု့ဖွံ့ဖြိုး တိုးတက်ရေးနှင့် လုံ ခြုံရေး ၀န်ကြီးဌာန အကြီးအကဲ ပ၀ီနာ ဟောင်စကူးနှင့် ထိုင်းနိုင်ငံဆိုင်ရာ မြန်မာ သံအမတ်ကြီး ဦးတင်ဝင်းတို့က တွေ့ဆုံခဲ့ ကြောင်း မြန်မာ သံရုံးမှ တာဝန်ရှိသူ တဦးဖြစ်သည့် ဦးကျော်ကျော်လွင်က ဧရာဝတီသို့ ပြောသည်။

ဖမ်းဆီး ထိန်းသိမ်းခံထားရသည့် အမျိုးသမီးများသည် ရှမ်းပြည်နယ် ဒေသခံများ ဖြစ်ပြီး ၂၀၁၂ ခုနှစ် နိုဝင်ဘာလ ၉ ရက်နေ့က စားသောက်ဆိုင် တဆိုင်တွင် ထိုင်း အာဏာပိုင်များ၏ ဖမ်းဆီးထိန်းသိမ်းခံရခြင်း ဖြစ်ကြောင်း ၎င်းက ပြောပြသည်။

“တနှစ်လောက် ကြာနေပြီ၊ နောက် သူ့တို့မိဘတွေက တွေ့ခွင့်မရဘူးဆိုတော့ ကျနော်တို့ကို အကူအညီလာတောင်းလို့ သွားပြော ပေးတာ”ဟု ဦးကျော်ကျော်လွင်က ဆက်ပြောသည်။

ထိုင်းနိုင်ငံ ဘန်ကောက်မြို့ရှိ မြန်မာသံရုံးမှ သံအမတ်ကြီး ဦးတင်ဝင်း ဦးဆောင်၍ ဦးကျော်ကျော်လွင်၊ ကိုမိုးနိုင်အောင်နှင့် ဦးထွန်း အေး တို့ လိုက်ပါသွားပြီး ထိန်းသိမ်းခံထားရသည့် အမျိုးသမီးများကိုလည်း တွေ့ခွင့်ရကြောင်း သိရသည်။

“ကောင်မလေးတွေကို သူတို့က စားသောက်ဆိုင်ကနေ ဖမ်းလာတဲ့အတွက် အဲဒီစားသောက်ဆိုင်နဲ့ ပတ်သက်တဲ့ သက်သေတွေကို ကြိုတင် ထွက်ချက်ယူပြီးသွားရင် မကြာခင် ပြန်လွှတ်ပေးပါမယ်လို့ ထိုင်းအကြီးအကဲ ပ၀ီနာ ဟောင်စကူး က ပြောပါတယ်”ဟု ဦးကျော်ကျော်လွင်က ရှင်းပြသည်။

ပြန်လွှတ်ပေးမည့် ကာလကိုမူ အဆိုပါ ထိုင်းအကြီးအကဲက ပြောကြားခြင်း မရှိသော်လည်း အဖမ်းခံထားရသည့် အမျိုးသမီးများက အမြန်ဆုံး ပြန်လွှတ်ပေးနိုင်ရေး အတွက် ကူညီရန် တောင်းဆိုသည်ဟုလည်း ၎င်းက ဆိုသည်။

ထိုင်းနိုင်ငံဆိုင်ရာ မြန်မာသံရုံးမှ ပြောကြားချက်အရ ထိုင်းနိုင်ငံတွင် အကျဉ်းကျခံနေရသူ မြန်မာနိုင်ငံသား အမျိုးသမီး၊ အမျိုးသား ၃၄၀၀ ခန့်ရှိပြီး လွတ်ငြိမ်းချမ်းသာခွင့် ရရှိရေးအတွက် မြန်မာ အစိုးရက ကြိုးပမ်းနေကြောင်းလည်း သိရသည်။

ထိုင်းနိုင်ငံ အနေနှင့် ထိုင်းဘုရင်နှင့် မိဖုရားတို့၏ မွေးနေ့များတွင် ထိုင်းနိုင်ငံတ၀န်းရှိ အကျဉ်းထောင်များမှ ပြစ်ဒဏ်ကျခံနေရ သူများကို ပြစ်ဒဏ်များ လျှော့ပေါ့ပေးခြင်းနှင့် လွတ်ငြိမ်းချမ်းသာခွင့် ပေးခြင်းတို့ ရှိသကဲ့သို့ မြန်မာ အစိုးရကလည်း ပစ်ဒဏ်ချခံ ထားရ သည့် ထိုင်းနိုင်ငံသားများကို လွတ်ငြိမ်းချမ်းသာခွင့် ပေးသည်။

ထိုင်း ဘုရင်နှင့် မိဖုရားများ၏ မွေးနေ့များသည် ဒီဇင်ဘာ ၅ ရက်နှင့် သြဂုတ်လ ၁၂ ရက်နေ့တို့ဖြစ်သည်။ မြန်မာနိုင်ငံ သမ္မတရုံး၏ လွတ်ငြိမ်းချမ်းသာခွင့် အမိန့်များအရ ပြန်လွှတ်ပေးခဲ့သော ထိုင်းနိုင်ငံသား အကျဉ်းသား အမျိုးသမီးနှင့် အမျိုးသား ၁၀၂ ဦးတို့ကို လွှတ်ပေးပြီး ဖြစ်သည်။

ပြီးခဲ့သည့်နှစ် ဇူလိုင်လကလည်း တနင်္သာရီတိုင်း ကော့သောင်းမြို့နယ်တွင် နယ်မြေ ကျူးကျော်မှုဖြင့် ထိုင်းနိုင်ငံသား ၉၂ ဦးကို ဖမ်း ဆီး၍ ထောင်ဒဏ်ချမှတ်ခဲ့ရာ အားလုံးနီးပါးကို မြန်မာအစိုးရက ပြန်လွှတ်ပေးခဲ့သည်။

“ပြည်သူတွေကို အခုအချိန်ထိ ပြန်ပေးဆွဲထားတယ်”

ဧရာဝတီ

နိုင်ငံရေးအကျဉ်းသားတွေ ကုန်စင်အောင် လွှတ်ပေးသွားမယ်လို့ အစိုးရက ထုတ်ဖော်ပြောဆိုခဲ့တဲ့နောက်၊ ဒီလ တတိယ ပတ်ထဲမှာ အစိုးရရဲ့ လွတ်ငြိမ်းချမ်းသာခွင့်ကြောင့် နိုင်ငံတော် ပုန်ကန်မှုနဲ့ နှစ်ရှည်ထောင်ကျနေတဲ့ အာဏာ ရှင်ဟောင်း ဦးနေ၀င်း မျိုးဆက်တွေ အပါအ၀င်၊ နိုင်ငံရေး အကျဉ်းသား တချို့လည်း လွတ်မြောက် လာခဲ့ပါတယ်။

လွတ်မြောက်လာခဲ့တဲ့ နိုင်ငံရေး အကျဉ်းသားတွေအနက် အမျိုးသမီး နိုင်ငံရေးသမားတဦးဖြစ်တဲ့ ဒေါ်နော်အုန်းလှလည်း ပါဝင်ခဲ့ပါတယ်။

လက်ပံတောင်းအရေးနဲ့ ပတ်သက်ပြီး တက်ကြွလှုပ်ရှားခဲ့တဲ့ ဒေါ်နော်အုန်းလှကို အခုနှစ် သြဂုတ်လ ၂၉ ရက်နေ့မှာ နိုင်ငံတော် ကို အကြည်ညိုပျက်စေအောင် ပြုလုပ်တဲ့အတွက် ဆိုပြီး ပုဒ်မ ၅၀၅(ခ) နဲ့ တရားစွဲပြီး အလုပ်ကြမ်းနဲ့ ထောင်ဒဏ် ၂ နှစ် ချမှတ် ခဲ့ပါတယ်။

ဒေါ်နော်အုန်းလှဟာ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးအပါအ၀င် လက်ပံတောင်းတောင် စီမံကိန်းနဲ့ပတ်သက်ပြီး မုံရွာ မြို့ပေါ်မှာ ဆန္ဒ ထုတ်ဖော်ရင်း အဖမ်းခံခဲ့ရာကနေ ထောင်ဒဏ် အပြစ်ပေး ခံလိုက်ရတာပါ။

သူဟာ အခုနှစ် နိုဝင်ဘာ ၁၅ ရက်မှာ လွတ်ငြိမ်းချမ်းသာခွင့်နဲ့ ပြန်လည် လွတ်မြောက်လာခဲ့ပါတယ်။ ၂၀၀၉ ခုနှစ်တုန်းကလည်း ရန်ကုန်မြို့ မြောက်ဒဂုံမြို့နယ်က မကွေး ပရိယတ္တိ စာသင်တိုက်မှာ ဆွမ်းကပ်ပြီးအပြန် ၅၀၅(ခ) ပုဒ်မနဲ့ပဲ ပထမအကြိမ် ထောင် ဒဏ် ၂ နှစ် အပြစ်ပေးခြင်း ခံခဲ့ရပါသေးတယ်။ ၂၀၁၁ ခုနှစ် မေလအတွင်းကမှ ထောင်ကပြန်လွတ်လာပြီး နိုင်ငံရေးလှုပ်ရှားမှုတွေ ပဲ ဆက်လက် ဆောင်ရွက်ခဲ့ပါတယ်။

ဒုတိယ အကြိမ် ပြန်လည် လွတ်မြောက်လာတဲ့ ဒေါ်နော်အုန်းလှရဲ့ ထောင်တွင်း အတွေ့အကြုံတွေကို ဧရာဝတီ သတင်းထောက် စနေလင်းက တွေ့ဆုံ မေးမြန်းထားပါတယ်။

မေး။ ။ လက်ပံတောင်းမှာ ဆန္ဒပြခဲ့ပြီး ပုဒ်မ ၅၀၅(ခ) နဲ့ ထောင်ကျခဲ့ရတဲ့ အဖြစ်အပျက်ကို အရင်ဦးဆုံး ပြောပြပေးပါလား။

ဖြေ။ ။ ၂၀၁၃၊ သြဂုတ် ၅ရက်က လက်ပံတောင်းမှာ ဖြစ်ခဲ့တဲ့အဖြစ်အပျက်နဲ့ ပတ်သက်ပြီး နောက်ပိုင်း အဲဒီဒေသမှာ မအေးချမ်းဘူး ဖြစ်ခဲ့တယ်။ တော်ကြာနေ ရွာကိုဝင်စီးတော့မယ်ဆိုတဲ့ အနေအထားတွေက ဆက်တိုက်ရှိနေတယ်။ ကျမ လက်ပံတောင်း ရောက်တော့ ဆန္ဒပြဖို့ကို ၁ ကြိမ်တင်တယ်။ ဒါပေမယ့် ကျမ မတင်ခင်မှာ လက်ပံတောင်း ဒေသခံ တွေက ၈ ကြိမ်ရှိပြီတင်နေတာ။ ခွင့်ပြုချက် မရကြဘူး။ ကျမက ကိုယ့်တယောက်တည်း ဆန္ဒပြတဲ့အခါမှာ ဘယ်တုန်းကမှ စာတင်လေ့ မရှိဘူး။ ဆန္ဒထုတ်ဖော်တဲ့ ဥပဒေမှာက ၁ ယောက်ထက်ပိုမှ တင်ရတဲ့အတွက် အရင်က မတင်ဘူး။

ဒီတကြိမ်မှာတော့ တင်ခဲ့ပါတယ်။ ဒါပေမယ့် ဒီတခါလည်း ငြင်းပယ်ခံရတယ်။ ဒေသခံတွေကို ကျမဆန္ဒပြဖို့ စာတင်ထား တယ် လို့ပဲပြောတာ။ ကျမက သူတို့ကို မလိုက်ပါနဲ့လို့ ပြောလို့မှမရတာ။ ကျမက ပြချင်လို့ပြတယ်။ သူတို့ လိုက်ချင်တာ၊ မလိုက်ချင်တာက သူတို့ကိစ္စလေ။ အဲဒီ ၁၃ ရက်နေ့မနက်က ကျမက မုံရွာက ဘုန်းကြီးကျောင်းသွား၊ ပြီးတော့ ကံကုန်းရွာ၊ စံပယ်တောင်ဘက်ကို ဆိုင်ကယ်နဲ့သွားတယ်။ ပြီးတော့မှ မုံရွာမြို့ထဲကို ချင်းတွင်းမြစ်ကူးတံတားကနေ ဖြတ်လာခဲ့တာ။ ကျမ အသိအိမ်တအိမ်မှာ ရေချိုး၊ ထမင်းစားပြီးတော့မှ ဇက်ဆိပ်မှာဆင်းပြီးတော့ လမ်းလျှောက်တဲ့အခါမှာ ရွာကလူတွေ လိုက် လာတယ်။ လမ်းစလျှောက်ခါစပဲ ရှိသေးတယ်။ ရဲတွေက လာတားတယ်။

ကျမက တယောက်တည်း လျှောက်တာပြောတော့ သူတို့က မဟုတ်ဘူး၊ အများကြီး လျှောက်နေတာတဲ့။ ကျမက သူတို့ဘာသာ လိုက်လာတာ။ ကျမကတော့ ကျမတယောက်တည်း လမ်းလျှောက်တာလို့ အခြေအတင် ဖြစ်ကြရောပေါ့။ ရဲတွေက ကျမကို ပြန်ခိုင်းတယ်။ ကျမက ဆက်သွားမယ်ဆိုတော့ တယောက်တည်း သွားတဲ့။ ကျမလည်း တယောက်တည်းသွားမယ် လုပ်တော့ ပေးမသွားပြန်ဘူး။ အဲဒီမှာ ကျမကို ရဲတွေက အတင်းဆွဲရော။ ၃ ကြိမ်တောင်ဆွဲတာ။ ပထမ အကြိမ်ဆွဲတော့ ရွာသားတွေက ကျမကိုပြန်ဆွဲယူတယ်။ အဲဒီမှာ ဖုန်းတွေလာနေတော့ ကျမက လက်ခံပြောတယ်။

အဲဒီမှာ ကျမ ကို အတင်းဆွဲတာ။ အင်္ကျီတွေပါ ပြုတ်ထွက်တဲ့အဖြစ် ရောက်တယ်။ ကျမ တယောက်တည်း လမ်းလျှောက် ထွက်မယ် ဆိုတာကို တားတာတွေကိုလည်း တရားရုံးမှာ သူတို့ထွက်ဆိုတော့ မပါလာဘူး။ ဖုန်းလာလို့ လက်ခံစကားပြော တာကိုလည်း မုံရွာလူထုကို စည်းရုံးလှုံ့ဆော်တယ်လို့ ရဲတွေက တရားရုံးမှာ လုပ်တယ်။

မေး။ ။ မိန်းမတယောက်ဖြစ်တော့ အခုလို အင်္ကျီတွေဘာတွေ ပြုတ်သွားတဲ့ အဆင့်ထိ ဖြစ်ခဲ့တဲ့အပေါ်ကိုရော ဘယ်လို ထင်မြင် လဲ။

ဖြေ။ ။ ဒါဟာ အကြမ်းဖက်တာပဲလေ။ ကျမတို့နိုင်ငံမှာ စစ်အစိုးရ လက်ထက်မှာတည်းက ခဏခဏ အကြမ်းဖက် ခံရ တယ်။ ဒါပေမယ့် အဲဒီအချိန်တုန်းက စစ်အစိုးရ ဖြစ်ခဲ့တဲ့အတွက် ကျမလက်ခံတယ်။ ဒီဘက် အရပ်သားအစိုးရ လက်ထက်မှာ မျိုးက ကျမလက်မခံဘူး။ နိုင်ငံတကာမှာရော ပြောင်းလဲလာပြီလို့ ပြောနေတဲ့ အချိန်မှာ ရဲတပ်ဖွဲ့ဝင်တွေရဲ့ သဏ္ဌာန်ကို ဖော်ပြတာပဲ။ ကျမတို့ ကိုယ်တိုင် ဒီလိုဖြစ်တာ မဆန်းပေမယ့်လို့ ကျမတို့နိုင်ငံမှာ အစိုးရတရပ်က လပေါင်း ၃၀ ကျော်တာတောင် ရဲတွေက ဘာမှ မပြောင်းလဲသေးဘူး။

မေး။ ။ အဲဒီတုန်းက တရားရုံးမှာလဲ ရုံးထွက်ဖို့ ငြင်းဆန်ခဲ့သေးတယ်နော်။ ဘာဖြစ်လို့ အဲဒီလို လုပ်ရတာလဲ။

ဖြေ။ ။ ပထမတချက်က ၂၇ ရက်နေ့ ရုံးချိန်းထုတ်တာမှာ ကျမရှေ့နေက နောက်လ ၂ ရက်နေ့ ရုံးထပ်ထွက်ဖို့ ပြောတယ်။ အဲဒီ ၂ ရက်နေ့မှာ ကျမတော့ မထွက်ဘူး။ ကျမရှေ့နေပဲ ထွက်ပါလို့ ပြန်ပြောတယ်။ ရှေ့နေနဲ့ တရားသူကြီး ဘာတွေ ပြော နေတယ် ဆိုတာ ကျမနဲ့ဝေးနေတော့ မကြားရဘူး။ ဒါပေမယ့် တကယ့်တကယ် တရားရုံးထုတ်တော့ ၂၈ ရက်နေ့နဲ့ ဆက် တိုက် ထုတ်တယ်။ အဲဒီလိုလုပ်တော့ ကျမကပိုပြီးတော့ ရုံးမထွက်တော့ဘူး။ ဖမ်းတုံးက အကြမ်းဖက်တာထက် ပိုဆိုးတယ်။ တအားကို ရုပ်ပျက်ဆင်းပျက်ဖြစ်ခဲ့တယ်။ အင်္ကျီ ကြယ်သီးတွေ အကုန်ပြုတ်ကုန်တာ။

ဖြစ်ပုံက ထောင်ပိုင်က ၀ရမ်းမရှိလို့ ထောင်မှာလက်မခံနိုင်တဲ့အတွက်လို့ ခေါ်ပြောတော့ ရဲတွေကို ထောင်ဘူးဝ တံတားမှာ သွားအပြောမှာပဲ ရဲတွေကအတင်းဆွဲတင်ပြီး တရားရုံးကိုခေါ်လာခဲ့တယ်။ ကျမက မလိုက်ဘူး၊ ရုံးထုတ်မယ် ဆိုရင် တောင် ရှေ့နေပါမှလိုက်မယ်လို့ အတင်းရုန်းတယ်။ ဒါပေမယ့် ရှေ့နေမပါဘဲ တရားရုံး ထုတ်ခံရတဲ့အပြင် ကျမ တယောက်တည်း ကို ပဲ ထုတ်တာ။ အဲဒီလို အကြမ်းဖက်ခံရတာ၊ ဖြစ်ပျက်ခဲ့တာတွေကြောင့် စိတ်အရမ်း ဆိုးပြီးတော့ အဲဒီနေ့တည်းက စပြီး ကျမ ဘာမှ မစားတော့ဘူး။

မေး။ ။ အဲဒီထောင်ထဲမှာ အစာငတ်ခံ ဆန္ဒပြတာနဲ့ပတ်သက်ပြီး ဘယ်လိုဖြစ်ပျက်ခဲ့တယ် ဆိုတာကိုလည်း ပြောပြပေးပါဦး။

ဖြေ။ ။ အစာငတ်ခံ ဆန္ဒပြတာက ထောင် ၂ ထောင်လုံးပေါင်းရင် ၁၈ ရက်ကြာတယ်။ မုံရွာထောင်မှာ ၂၈ ရက်နေ့ ရုံးထုတ်၊ အမိန့်ချတဲ့နေ့ကစရင် ၁၅ ရက်ကြာတယ်။ မန္တလေးထောင်မှာ ၃ ရက်ကြာတယ်။ ၉လပိုင်း ၁၁ရက်နေ့ညမှာ မန္တလးထောင် ကို ရွှေ့တာ။ ၂၈ ရက်နေ့ ပြန်လာကတည်းက ထောင်ပိုင်ကြီးကို အစာငတ်ခံဆန္ဒပြဖို့ ပြောထားလိုက်တယ်။ ထောင်ပိုင်ကြီးက စာတင်ရမယ်လို့ပြောတော့ ကျမက စာတင်မယ်လို့ပြောပြီး တကယ်တမ်း တင်ဖြစ်တာက သမ္မတ တဦးတည်းကို လိပ်မူပြီး ဘာတွေ ကြုံတွေ့ရတယ်၊ ဘာ့ကြောင့် အစာငတ်ခံ ဆန္ဒပြရတယ် ဆိုတာကို တိုင်တဲ့စာပဲ တင်လိုက်တယ်။

အဲဒီစာတင်တဲ့ အချိန်က အစာငတ်ခံတာ ၂ ရက်ရှိနေပြီဖြစ်တဲ့ အတွက်ကြောင့် ဦးခေါင်းက နည်းနည်းမူးနေခဲ့တယ်။ မုံရွာထောင်မှာ အစာငတ်ခံ ဆန္ဒပြတာ ၄ ရက်မြောက်မှာ ဆရာဝန် ရောက်လာတယ်။ အချိုဓာတ် လိုအပ်ရင် အချိုသွင်းရမယ်၊ မူး လာရင် ဘာလုပ်ရမယ် ဆိုပြီး ဆရာဝန်နဲ့ သဘောတူညီချက် ရယူလိုက်ရတယ်။ မန္တလေးထောင် ရောက်တော့လဲ အစာငတ်ခံ ဆန္ဒပြတာကို စာထပ်တင်ရသေးတယ်။ မန္တလေးထောင် ရောက်တော့ ဆေးစစ်တယ်။ သွေးပေါင်ချိန်တာက မနက် တခါ၊ ညနေတခါ ချိန်တယ်။ တကယ်တမ်း ပြောရရင် ၁၈ ရက်ကြာတာတောင် ကျမက ဘာမှမဖြစ်ဘူး။ ညဘက်မှာ လေအန်တာ လောက်ပဲ ရှိတယ်။

မန္တလေးထောင်မှာ ၃ ရက်ကြာလာတော့ အစာပြန်စားတယ်။ ၁၈ ရက်လုံးလုံး ဘာမှမစားခဲ့ပေမယ့် လူကလည်း ဘာမှမဖြစ် ဘူး။ အဲဒီလို အစားစာ ပြန်စားတော့မှပဲ နေမကောင်း ဖြစ်ရတော့တာပဲ။ အဲဒီကနေ အခုချိန်အထိ ဆေးကိုနေ့စဉ် သောက် နေရတယ်။

မေး။ ။ ထောင်ထဲမှာ အစာငတ်ခံ ဆန္ဒပြတာမှာ ခြိမ်းခြောက်မှုတွေကရော ရှိလား။

ဖြေ။ ။ မုံရွာထောင်မှာရော၊ မန္တလေးထောင်မှာပါ အဲဒီလိုလုပ်လို့ ခြိမ်းခြောက်မှုတွေကတော့ မရှိပါဘူး။ မုံရွာထောင်မှာတုန်း က အစာမစားတဲ့အတွက် သူတို့ကိုယ်တိုင် စိတ်မကောင်းကြပါဘူး။ ထောင်ထဲမှာ ဒီလိုလုပ်ရင် သူတို့အတွက်လည်း အလုပ် အရမ်း ရှုပ်တယ်လေ။ နေ့စဉ်မှတ်တမ်း အသေးစိတ် တင်ရတယ်။ ကျမကလည်း သူတို့ကို နည်းနည်း တော့ သည်းခံပေးပါ၊ ကူညီပါ လို့ပြောရတယ်။ ကျမအခန်းမှာ အစားအစာတွေ လာပေးတာကို အကုန်သူများကို ဝေပေးလိုက်တယ်။ ဘာမှမထားဘူး။ သကြားနဲ့ရေ၊ ဆေးကလွဲလို့ ဘာမှမထားဘူး။ မန္တလေးထောင်မှာ အစာပြန်စား တာက ကိုယ်လည်း ဒီလိုလုပ်လို့ ချက်ချင်းသေ မှာမဟုတ်ဘူး၊ အစိုးရဘက်ကလည်း ဘာမှတုံ့ပြန်မှု မရှိသေးတာ ကြောင့် ပြန်စားတာ။ ၁၈ ရက်လုံးလုံး အစာမစားခဲ့ပေမယ့် ဘာမှမဖြစ်တာကို အရမ်းအံ့သြကြတယ်။ ကျမကိုယ်တိုင် လည်း ၅ ရက်လောက်ဆို လဲမယ်လို့ထင်ထားတာ။ မန္တလေးထောင် မှာ အစာပြန်စားတော့ သူတို့အရမ်းကို ၀မ်းသာကြတယ်။

မေး။ ။ အရင်အစိုးရ လက်ထက်တုန်းကလည်း ထောင်ကျခဲ့ဖူးတော့ အခု ထောင်ထပ်ကျတာမှာ ထောင်ထဲနေရတဲ့ အနေ အထား ဘာတွေ ကွာခြားတာကို တွေ့ရလဲ။

ဖြေ။ ။ ၁၉၉၈ ခုနှစ်ထောင်ထဲ စရောက်တုန်းက ခေါင်းစွပ်နဲ့ သွားရတဲ့ အခြေအနေပဲ။ ဘယ်သူနဲ့မှလည်း မတွေ့ရ၊ ဘယ်သူ နဲ့ မှလည်း စကားမပြောရဘူး။ အခုနောက်ပိုင်း တဖြည်းဖြည်း ပြောင်းလာတာမှာ၊ အခုချိန်မှာ ထောင်ပုံစံက ပြောင်းလဲနေပါပြီ။ အရင်လောက် မကြပ်တည်းတော့ဘူး။ အရင်က ခြင်ထောင်မပေးတာမှာ အခုခြင်ထောင် ပေးတယ်။ ထောင်ထဲမှာက ထောင်စည်းကမ်းလို နေရပေမယ့် ဆရာဝန်တွေကအစ ပြောင်းလဲသွားတာ သိသာတယ်။ ကျမက အသားဓာတ် လိုနေတဲ့အတွက် နေ့စဉ်ကြက်သားဟင်း ရတယ်။

မေး။ ။ ၅၀၅(ခ) နဲ့ ထောင်ဒဏ် ၂ နှစ် အမိန့်ချခဲ့တာကို ဘာကြောင့် အယူခံ မ၀င်ခဲ့ရတာလဲ။

ဖြေ။ ။ ၂၀၀၉ ခုနှစ်မှာ ဒီအမှု ၅၀၅ (ခ) နဲ့ ထောင်ဒဏ်ခံရတုန်းက အယူခံဝင်ခဲ့ဖူးပါတယ်။ ရှေ့နေက အယူခံဝင်ဆိုလို့ ၀င်ခဲ့ လိုက်တာ။ ဒါပေမယ့် ဘာမှ မထူးခဲ့ပါဘူး။ ဒီတကြိမ်တော့ အယူခံဝင်ရင်လည်း ဘာမှထူးမှာမဟုတ်တဲ့အတွက် မ၀င်တော့တာ။ ရှေ့နေကတော့ ၀င်ခိုင်းပေမယ့် ကျမကိုယ်တိုင် မ၀င်တော့တာ။ သူတို့က ထောင်ချချင်လို့ ချတာပဲလို့ ခံယူထားတယ်။

မေး။ ။ အခု လွတ်ငြိမ်းချမ်းသာခွင့်နဲ့ ပြန်လွှတ်လိုက်တဲ့ အပေါ်မှာရော ဘယ်လိုမြင်လဲ။

ဖြေ။ ။ အခုလို ကိုယ်လွတ်လာပေမယ့် ၀မ်းသာစရာမရှိပါဘူး။ ထောင်ထဲမှာက ကျန်ခဲ့သေးတာပဲလေ။ နောက်တချက် က လွတ်ငြိမ်းချမ်းသာခွင့်နဲ့ တကယ်လွှတ်ပေးချင်ရင် အကုန်လုံးကို လွှတ်ပေးလိုက်ပါ။ ဟိုနည်းနည်း၊ ဒီနည်းနည်း မလုပ်စေချင် ဘူး။ နိုင်ငံရေး အကျဉ်းသားလို့ သတ်မှတ်တဲ့သူအားလုံးကို တကယ် စိတ်ကောင်းစေတနာရှိရင် လွှတ်လိုက်ပါ။ အခုက အဲဒီ လို လုပ်နေတာ မဟုတ်ဘူး။ ကျမအမြင်ကတော့ အစိုးရက နိုင်ငံတကာ ဖိအားနည်းနည်းလာမှ ဒီလိုလေးလုပ်နေတာ ပြည်သူတွေကို အခုအချိန်ထိ ပြန်ပေးဆွဲထားတယ် လို့ပဲ မြင်တယ်။ အစိုးရတရပ်က ပြောင်းလဲနေပြီဆိုရင် စေတနာရှိရှိနဲ့ အကုန်လုံးကို လွှတ် ပေး လိုက်ပါလား။ နိုင်ငံရေးမှာ တူတာ၊ မတူတာ ရှိနေတာပဲလေ။

မေး။ ။ အခု အစိုးရက ဒီ ၂၀၁၃ ခုနှစ်အကုန်မှာ နိုင်ငံရေး အကျဉ်းသားတွေ ထောင်ထဲမှာလုံးဝမရှိ ရတော့ပါဘူးလို့ ပြောနေ တယ်။ အဲဒီအပေါ်မှာရော ဘာပြောချင်လဲ။

ဖြေ။ ။ မဖြစ်နိုင်ဘူး။ နောင်လည်း ရှိဦးမှာပဲ။ ၂၀၁၃ ခုနှစ် ဒီဇင်ဘာ ၂၈၊ ၂၉ ရက်နေ့မှ လွှတ်ပြီးတော့ နောင်နှစ်တွေမှာလည်း ဒါမျိုး ရှိလာဦးမှာပဲ။ အခု ပုဒ်မ ၁၈ နဲ့မပြတ်သေးတဲ့ အမှုတွေ ရှိနေသေးတယ်။ တကယ်လို့ စေတနာ မှန်မှန်လေးနဲ့ အစိုးရတရပ်က လုပ်ပေးချင်လို့ရှိရင် အမှုအားလုံး ပိတ်သိမ်းလိုက်လေ။

မေး။ ။ အခု ထောင်ကထွက်လာပြီ။ ဘာဆက်လုပ်ဖို့ ရည်မှန်းထားလဲ။

ဖြေ။ ။ ကျမ နဂိုကတည်းက လုပ်နေကျ မတရားမှုတွေကို ကူညီတာတွေ၊ အမျိုးသမီးတွေ မတရား ဖိနှိပ်ခံရတာတွေကို ကူညီဖို့၊ အထူးသဖြင့် လယ်သမားတွေနဲ့ ပတ်သက်လို့ ဥပဒေရေးရာတွေ၊ အသိပညာတွေ တိုးတက်လာအောင်၊ ရှိနေတဲ့ လယ်သမား ဥပဒေတွေရဲ့ ကောင်းကျိုးတွေ၊ ဆိုးကျိုးတွေကို ဆက်လုပ်ရမယ်။ ။

ဦးခင်ညွန့် နိုင်ငံတော်လုံခြုံရေးဆိုင်ရာ အဖွဲ့အစည်းများပေါ်ပေါက်ရေး ဆန္ဒရှိနေ

ဟိန်းကိုစိုး

စစ်အစိုးရလက်ထက်တွင် နိုင်ငံတော် ၀န်ကြီးချုပ်၊ တပ်မတော်ထောက်လှမ်းရေးညွှန်မှူး တာဝန်များကို ထမ်းဆောင်ခဲ့သူ ဗိုလ်ချုပ်ကြီးဟောင်း ခင်ညွန့်က နိုင်ငံတော်လုံခြုံရေးဆိုင်ရာ အဖွဲ့အစည်းများ ပေါ်ပေါက်လာရေး လိုလားသည်ဟု နိုဝင်ဘာ ၂၈ ရက်၊ ကရ၀ိတ် နန်းတော်ခန်းမတွင် ပြုလုပ်သည့် သူ၏ အင်တာဗျူးများကို စုစည်းထုတ်ဝေသည့် စာအုပ် မိတ်ဆက်ပွဲ အခမ်းအနားတွင် မီဒီယာများကို ထုတ်ဖော်ပြောဆိုသည်။

“နိုင်ငံတော်လုံခြုံရေးနဲ့ ဆိုင်ရာကို ဘယ်လိုအဖွဲ့မဆိုလုပ်ရမယ်။ နိုင်ငံတော် လုံခြုံရေးဆိုတာ ပြည်သူတွေရဲ့ လုံခြုံရေးပဲ”ဟု ဦးခင်ညွန့်က ပြောသည်။

နေအိမ်အကျယ်ချုပ်မှ လွတ်မြောက် လာပြီးနောက်ပိုင်း မီဒီယာများနှင့် တွေ့ဆုံမှုများတွင် နိုင်ငံ့အကျိုးအတွက် အကူအညီ လာရောက်တောင်းခံလျှင် အတိုင်ပင်ခံ ဗျူဟာချမှတ်သူအဖြစ် အကြံပေးခြင်းများ ဆောင်ရွက်သွားမည်ဟူ၍ ပြောဆိုခဲ့ဖူးသော်လည်း ယနေ့တွင်မူ ယင်းကိစ္စများ၌ လုံးဝပါဝင်ပတ်သက်တော့မည်မဟုတ်ဟု ဦးခင်ညွန့်က ထုတ်ဖော် ပြောဆိုသည်။

၂၀၁၂ ခုနှစ်၊ နိုဝင်ဘာလအတွင်း၌မူ The Wall Street Journal သို့ “တစ်ယောက်ယောက်ကလာပြီး ချဉ်းကပ်ရင် ကျွန်တော်က အကြံပေးမှာပါ။ ဒါ ကျွန်တော်တို့နိုင်ငံရဲ့ အကျိုးအတွက်ပါ၊ ကျွန်တော်က နိုင်ငံရေးသမားမဟုတ်ဘူးဆိုတော့ ဘက်လိုက်ပြီး ပြောဆိုတာရှိမှာ မဟုတ်ပါဘူး”ဟု ဦးခင်ညွန့်က ဖြေကြားထားသည်။

ယနေ့တွင်မူ “ကျွန်တော် နိုင်ငံရေး မလုပ်ဘူးဆိုတာကို အသက်ကလည်း ကြီးနေပြီ။ နောင်မျိုးဆက်သစ်တွေ အများကြီး ရှိပါတယ်။ ကျွန်တော်တို့ အရွယ်က နိုင်ငံရေးလုပ်ရမယ့်အရွယ် မဟုတ်တော့ပါဘူး”ဟု ပြောသည်။

ထို့ပြင် အမျိုးသားထောက်လှမ်းရေးကဲ့သို့သောအဖွဲ့မျိုး ပြန်လည်ဖွဲ့စည်းမည်ဆိုလျှင်လည်း အကြံဉဏ်ပင် ပေးတော့မည်မဟုတ်ဟု ဦးခင်ညွန့်က ဆိုသည်။

သူသည် အဂတိလိုက်စားမှု အကြောင်းပြချက်ဖြင့် စစ်အစိုးရလက်ထက် ၂၀၀၄ ခုနှစ်၊ အောက်တိုဘာ ၁၈ ရက်တွင် နေအိမ်အကျယ်ချုပ် ၄၄ နှစ် ပြစ်ဒဏ်ချမှတ်ခံခဲ့ရသူဖြစ်ပြီး ၂၀၁၂ ခုနှစ်၊ ဇန်န၀ါရီ ၁၃ ရက်တွင် သမ္မတ ဦးသိန်းစိန်၏ လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်လာသူလည်းဖြစ်သည်။

နေအိမ်အကျယ်ချုပ်မှ လွတ်မြောက်ခဲ့ပြီးနောက်တွင်မူ ဦးခင်ညွန့်က “ကျွန်တော်လူသတ်သမား မဟုတ်ပါဘူး။ ခိုင်းတဲ့ အမိန့်အတိုင်းလုပ်ရတာပါ”ဟု ၂၀၁၂ ခုနှစ် နိုဝင်ဘာ ၂၈ ရက်တွင် ဧရာဝတီသတင်းဌာနနှင့် ပြုလုပ်သည့် အင်တာဗျူး တစ်ခုတွင် ဖြေကြားခဲ့သည်။

အာဏာသိမ်းစစ်အစိုးရ၏ နိုင်ငံတော် ငြိမ်ဝပ်ပိပြားမှုတည်ဆောက်ရေးအဖွဲ့ အတွင်းရေးမှူးအဖြစ် စတင်တာဝန်ယူခဲ့ပြီး နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီလက်ထက် ဖမ်းဆီးခံရချိန်တွင် ၀န်ကြီးချုပ်နှင့် တပ်မတော် ထောက်လှမ်းရေးညွှန်မှူးတာဝန်များ ရယူထားခဲ့သူလည်းဖြစ်သည်။

နိုင်ငံတော်တာဝန်များ ထမ်းဆောင်စဉ်ကာလ၌ ပြည်တွင်းငြိမ်းချမ်းရေး ဦးစီးဖော်ဆောင်ခဲ့သူလည်းဖြစ်သည့် ဦးခင်ညွန့်က ယနေ့တွင်မူ “နိုင်ငံရေးကို ဘယ်တော့မှ မလုပ်ပါဘူးလို့ ကျွန်တော်အားလုံးကို ပွင့်ပွင့်လင်းလင်းပဲ ကတိပြုပါတယ်”ဟု ဆိုသည်။

သူ၏ လက်ထက်တွင် ဗိုလ်ချုပ်မြ (KNU)၊ ဦးခွန်ဆာ(MTA) ကဲ့သို့သော နာမည်ကျော် တိုင်းရင်းသား လက်နက်ကိုင်တပ်ဖွဲ့ခေါင်းဆောင်များနှင့် နီးကပ်သောဆက်ဆံရေးရှိခဲ့သည်။

နေအိမ်အကျယ်ချုပ်မှလွတ်မြောက်ပြီး ငါးလအကြာ ၂၀၁၃ခုနှစ်၊ မေ ၁၁ ရက် တွင် မရန်းကုန်းမြို့နယ်၊ န၀ဒေးလမ်းရှိ သူနေထိုင်ရာခြံတွင် ပန်းချီပြခန်း၊ ကော်ဖီဆိုင်နှင့် အမှတ်တရပစ္စည်း အရောင်းဆိုင်များ ဖွင့်လှစ်လုပ်ကိုင်နေသည်။

မြန်မာ့အပြောင်းအလဲ တရုတ်ကြီးစိုးမှုက ရုန်းထွက်ရာမှ ဖြစ်ပေါ်ဟုဆို

ဧရာဝတီ

မြန်မာနိုင်ငံတွင် စစ်အစိုးရမှ အရပ်သားအစိုးရသို့ အာဏာလွှဲပြောင်းပေးပြီး အပြောင်းအလဲများ ဖြစ်ထွန်းလာခြင်းသည် တရုတ်နိုင်ငံ၏ သြဇာလွှမ်းမိုးမှုနှင့် တရုတ်ကြီးစိုးမှုက ရုန်းထွက်ရာမှ ဖြစ်ပေါ်လာခြင်း ဖြစ်ကြောင်း မြန်မာ့အရေး ကျွမ်းကျင်သူ ဆွီဒင်နိုင်ငံသား သတင်းစာဆရာ ဘာတေးလ်လစ်တနာက ပြောသည်။

နိုဝင်ဘာလ ၂၈ ရက်နေ့က ရန်ကုန်မြို့ရှိ ဧရာဝတီသတင်းဌာန ရုံးခွဲတွင် အယ်ဒီတာများ၊ သတင်းထောက်များနှင့် တွေ့ဆုံစဉ် ဘာတေးလ်လစ်တနာက ယင်းသို့ ပြောဆိုခြင်းဖြစ်သည်။

မြန်မာနိုင်ငံသည် ပထ၀ီဝင်အနေအထားရ အလွန်အချက်အချာ ကျသော တည်နေရာ အနေအထားရှိပြီး အမေရိကန် ပြည်ထောင်စုက မြန်မာနိုင်ငံအပေါ် စိတ်ဝင်စားနေခြင်းမှာလည်း ဒီမိုကရေစီနှင့် လူ့အခွင့်အရေး အခြေအနေတို့ကြောင့် မဟုတ်ဘဲ တရုတ်နှင့် မြောက်ကိုရီးယားနိုင်ငံ တို့ကြောင့်ဖြစ်ကြောင်း၊ အမေရိကန်တွင် ပြုလုပ်ခဲ့သော မြန်မာ့အရေးနှင့် ပတ်သက်သည့် ဖိုရမ်တခုသို့ ဖိတ်ကြားခံခဲ့ရပြီး ယင်းဆွေးနွေးပွဲတွင် ဆွေးနွေးချက်များမှာ မြန်မာနိုင်ငံ၏ ဒီမိုကရေစီနှင့် လူ့အခွင့်အရေး အကြောင်း တစုံတရာမျှ မပါဝင်ဘဲ အဓိကအားဖြင့် တရုတ်နိုင်ငံ၊ မြောက်ကိုရီးယား နိုင်ငံတို့နှင့် စပ်လျဉ်းသော သတင်း အချက်အလက်များကိုသာ ဦးစားပေး ပြောဆိုဆွေးနွေးခဲ့ကြကြောင်း သတင်းစာဆရာ ဘာတေးလ် လစ်တနာက ပြောသည်။

အမေရိကန် အစိုးရက မြန်မာနိုင်ငံနှင့် ဆက်ဆံရေး ထူထောင်ရာတွင် တရုတ်နှင့် မြောက်ကိုရီးယား နိုင်ငံတို့က မြန်မာနိုင်ငံ အပေါ် လွှမ်းမိုးမှု ရှိသွားမည်ကို စိုးရိမ်လျက်ရှိပြီး မြန်မာနိုင်ငံနှင့် ဆက်ဆံရန် တောင်ကိုရီးယားနိုင်ငံကို ကြားခံ ညှိနှိုင်း ပေးမည့် နိုင်ငံအဖြစ် စဉ်းစား သုံးသပ်ခဲ့ပုံရှိကြောင်း၊ သမ္မတ ဦးသိန်းစိန် အစိုးရ တက်လာပြီး ၂၀၁၁ ခုနှစ်တွင် အမေရိကန် နှင့် မြန်မာနိုင်ငံတို့အကြား ဆက်ဆံရေး ပြန်လည်ထူထောင်ရာ၌ အမေရိကန် နိုင်ငံခြားရေး ဝန်ကြီး ဟီလာရီကလင်တန် မြန်မာနိုင်ငံသို့ ပထမဆုံးအကြိမ်လာရောက်ခဲ့ပြီး မြန်မာနိုင်ငံသို့ မလာရောက်မီ တောင်ကိုရီးယားနိုင်ငံ ဆိုးလ်မြို့တွင် ခရီးတထောက် ရပ်နားခဲ့ကြောင်း ၎င်းက ဆိုသည်။

“အမေရိကန်က မြန်မာနိုင်ငံကို ပထမဆုံး အကြိမ် ဝင်ပြီးနောက်ပိုင်းမှာ ကြားခံမလိုတော့ဘူး ဆိုတာကို သူတို့သိလာတယ်၊ အမေရိကန်က တရုတ်နဲ့ မြောက်ကိုရီးယားကို အရမ်းသတိထားတယ်၊ သူတို့ မြန်မာနိုင်ငံကို ဝင်လာတယ် ဆိုတာ ဒီမိုကရေစီကြောင့်လည်း မဟုတ်ဘူး၊ လူ့အခွင့်အရေး ကြောင့်လည်း မဟုတ်ဘူး၊ တရုတ်နဲ့မြောက်ကိုရီးယား ကြောင့်လို့ မြင်တယ်” ဟု ဘာတေးလ် လစ်တနာက ရှင်းပြသည်။

မြန်မာနိုင်ငံ၏ အိမ်နီးချင်း နိုင်ငံလည်းဖြစ်၊ အင်အားကြီးနိုင်ငံလည်းဖြစ်သည့် တရုတ်နိုင်ငံက သမ္မတဦးသိန်းစိန် အစိုးရလက်ထက် တရုတ်ကုမ္ပဏီက ဆောင်ရွက်နေသော မြစ်ဆုံရေအားလျှပ်စစ် စီမံကိန်းကို ရပ်ဆိုင်းခံရလိုက်ပြီးနောက် တရုတ်နိုင်ငံ၏ မြန်မာနိုင်ငံအပေါ် ချဉ်းကပ်မှု ပုံစံပြောင်းလဲလာပြီး အတိုက်အခံ နိုင်ငံရေးအင်အားစုများနှင့် ထိတွေ့ ဆက်ဆံသည့် မူဝါဒကို သုံးလာကြောင်း ၎င်းက သုံးသပ်သည်။

တရုတ်နိုင်ငံသည် NLD ဥက္ကဋ္ဌဒေါ်အောင်ဆန်းစုကြည်ကို ချည်းကပ်လာသည့်အပြင်၊ ၈၈ မျိုးဆက် ကျောင်းသားများ ကိုလည်း ချဉ်းကပ်ခဲ့ကြောင်း၊ မြန်မာနိုင်ငံရေးပါတီများနှင့် ထိတွေ့မှုရှိလာပြီး အတိုက်အခံ အမျိုးသားဒီမိုကရေစီ အဖွဲ့ချုပ်မှ ကိုယ်စားလှယ်များကို တရုတ်နိုင်ငံသို့ လည်ပတ်ရန် ဖိတ်ကြားခဲ့မှုကို ကြည့်ခြင်းအားဖြင့် တရုတ်သည် မြန်မာနိုင်ငံမှ လူထုထောက်ခံမှုရှိသည့် ပုဂ္ဂိုလ်များ၊ အဖွဲ့အစည်းများကို ချဉ်းကပ်ခြင်းဖြင့် လူထု အမြင်ပြောင်းလဲလာစေရန် လုပ်ဆောင်လာသည်ကို တွေ့ရကြောင်း ဘာတေးလ် လစ်တနာက သုံးသပ်ပြောဆိုသည်။

မြန်မာနိုင်ငံတွင် လတ်တလော ဖွဲ့စည်းပုံအခြေခံဥပဒေ ပြောင်းလဲရေး လုပ်ဆောင်မှုများရှိနေရာ ဖွဲ့စည်းပုံအခြေခံဥပဒေ၏ အဓိက ကျသော အချက်များကို ပြင်ဆင်နိုင်မည်ဟု မထင်မြင်ကြောင်း၊ ၂၀၁၅ ရွေးကောက်ပွဲမတိုင်မီ ဖွဲ့စည်းပုံ အခြေခံ ဥပဒေ ပြင်ဆင်ရေး လူထုဆန္ဒခံယူပွဲများ ကျင်းပရမည်ဖြစ်ရာ လက်ရှိတွင် ပြင်ဆင်နိုင်မည့် အလားအလာ နည်းပါးကြောင်း၊ ဗိုလ်ချုပ်မှူးကြီး မင်းအောင်လှိုင်အနေဖြင့်လည်း ၂၀၁၅ ရွေးကောက်ပွဲမတိုင်မီသော်လည်း ၂၀၁၅ ရွေးကောက်ပွဲအပြီး နောက်ပိုင်း တွင်လည်း အာဏာသိမ်းမှု ပြုလုပ်မည်ဟု မထင်မြင်ကြောင်း၊ ၂၀၁၅ ရွေးကောက်ပွဲအပြီး ဗိုလ်ချုပ်မှူးကြီး မင်းအောင်လှိုင် သမ္မတဖြစ်နိုင်သည်ဆိုသော ပြောဆိုမှုများသည်လည်း မှန်းဆချက်များသာ ဖြစ်လိမ့်မည်ဟု ထင်မြင်ကြောင်း ဘာတေးလ် လစ်တနာက ဆိုသည်။

စာရေးဆရာ၊ သတင်းစာဆရာ ဘာတေးလ်လစ်တနာသည် နှစ်ပေါင်း ၄၀ ကျော်ကြာအောင် အာရှရေးရာ သတင်း၊ ဆောင်းပါးနှင့် စာအုပ်များ ရေးသားခဲ့သူဖြစ်ပြီး မြန်မာ့အရေး ကျွမ်းကျင်သူတဦးဖြစ်ကာ မြန်မာ့ဆိုရှယ်လစ်လမ်းစဉ်ပါတီ အစိုးရ လက်ထက်၊ စစ်အစိုးရလက်ထက်တို့တွင် မြန်မာနိုင်ငံပြည်ဝင်ခွင့်ဗီဇာ ပိတ်ပင်ခံခဲ့ရသူ နိုင်ငံခြား သတင်းစာ ဆရာတဦးဖြစ်သည်။

ခင်ဝင့်ဝါ ပါဝင်သရုပ်ဆောင်သော နတ်သမီးနှင့် ကျွန်တော် ဇာတ်ကား ၂၀၁၄ တွင် ဖြန့်ချိမည်

ပန်းမြတ်ဇော်

ဒါရိုက်တာ ကြည်ဖြူသျှင် ရိုက်ကူးထားပြီး ခင်ဝင့်ဝါ ပါဝင် သရုပ်ဆောင်ထားသည့် နတ်သမီးနှင့် ကျွန်တော် ဗီဒီယိုဇာတ်ကားကို ၂၀၁၄ မှာ ဖြန့်ချိရန်စီစဉ်ထားကြောင်း ဒါရိုက်တာ ကြည်ဖြူသျှင်က မဇ္ဈိမကို ပြောသည်။

နတ်သမီး နှင့် ကျွန်တော် ဇာတ်ကားသည် စာရေးဆရာ မင်းတစ်ခေတ်၏ ဝတ္တုကို ဇာတ်အိမ် အခြေခံထားပြီး ရိုက်ကူးမည်ဖြစ်သည်။ ဒါရိုက်တာ ကြည်ဖြူသျှင် ရိုက်ကူးမည်ဖြစ်သော ယင်းဇာတ်ကားတွင် သရုပ်ဆောင် ကောင်းပြည့် ၊ ခင်ဝင့်ဝါနှင့် ပွင့် တို့ ပါဝင် သရုပ်ဆောင်ထားကြမည်ဖြစ်သည်။

ဒါရိုက်တာ ကြည်ဖြူသျှင်က " ဒီကားက အန်နီမေးရှင်း (animation) တွေ တစ်ကားလုံး နီးပါးပါတော့ ကားဆက်တာ နောက်ကျမှာဖြစ်တဲ့အတွက် ၂၀၁၄ ထဲ ဝင်သွားမှာပါ ။ ဒီဇာတ်ကားမှာ ခင်ဝင့်ဝါ ပထမဆုံး သရုပ်ဆောင်တာ ဆိုတော့ ဝါရင့် သရုပ်ဆောင်တွေ လိုတော့ မဟုတ်သေးဘူးပေါ့ ။ ဒါပေမဲ့ သူ့ကို သဘောကျတာက ရိုက်ကွင်းကို အချိန်အတိအကျလာတယ် အလုပ်ကို လေးစားတယ်၊ အရမ်းကြိုးစားတယ် အဲတာကြောင့် သူနဲ့ ဇာတ်ကားတွေ ဆက်ရိုက်သွားမှာပါ" ဟု ပြောသည်။

နတ်သမီးနှင့် ကျွန်တော် ဇာတ်ကား ကို ၂၀၁၃ ခုနှစ် အောက်တိုဘာလတွင် စတင် ရိုက်ကူးတာဖြစ်ပြီး နိုဝင်ဘာလ ၄ ရက်တွင် ရိုက်ကူး ပြီးစီးခဲ့သည်။

သရုပ်ဆောင် ခင်ဝင့်ဝါက "အခက်အခဲတော့ရှိပေမယ့် ညီမ တစ်ကားလုံးကို ကြိုက်ပါတယ် ၊ ဖန်စီ ဇာတ်ကားလေးဆိုတော့ ရိုက်ကူးရတာ ပျော်စရာလဲ ကောင်းပါတယ် ။ ညီမအနေနဲ့ ပထမဆုံး ဇာတ်ကားဖြစ်တဲ့အတွက် ကိုယ့်ကိုယ်ကိုယ်တော့ အားမရဘူး အများကြီး ကြိုးစားရအုံးမှာပါ လိုအပ်ချက်တွေ ရှိနေပါသေးတယ်" ဟု ဆိုသည်။

ဒါရိုက်တာ ကြည်ဖြူသျှင်က ခင်ဝင့်ဝါနှင့် နောက်ထပ် ဇာတ်ကား သုံးကား စာချုပ်ချုပ်ဆိုထားပြီးဖြစ်သည်။

ဒီမိုကရေစီ အရေး အဆုံးမသတ်သေးကြောင်း ဒေါ်အောင်ဆန်းစုကြည် ပြော

လင်းသန်

မြန်မာနိုင်ငံတွင် ဒီမိုကရေစီအရေး တောင်းဆိုမှု မပြီးဆုံးသေးကြောင်း နိုဗဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည်က ပြော ဆို လိုက်သည်။

“ဒီမိုကရေစီ တောင်းဆိုမှုတွေ အဆုံးမသတ်သေးပါဘူး”ဟု ဒေါ်အောင်ဆန်းစုကြည်က ဆိုသည်။

မြန်မာ့ဒီမိုကရေစီခရီးသည် အစသာ ရှိသေးပြီး အများယူဆနေကြသကဲ့သို့ အပြည့်အဝ ဒီမိုကရေစီ မရသေးကြောင်း၊ မိမိတို့ ရွေးချယ်ခဲ့သည့် ဒီမိုကရေစီခရီးလမ်းကို ပန်းတိုင်အထိ အောင်မြင်စွာ လျှောက်လှမ်းနိုင်မည်ဟု ယုံကြည်ကြောင်း၊ သြစတြေးလျနိုင်ငံက မြန်မာ့ ဒီမိုကရေစီအရေး ဆက်လက် အားပေးမည်ဟု ယုံကြည်ကြောင်း ဒေါ်အောင်ဆန်းစုကြည်၏ ပြောကြားချက်ကို သြစတြေး လျ သတင်းများတွင် ဖော်ပြထားသည်။

သြစတြေးလျ နိုင်ငံ ကင်ဘာရာ အခြေစိုက် အမျိုးသား တက္ကသိုလ်က ယနေ့ ပေးအပ်ချီးမြှင့်သည့် ဂုဏ်ထူးဆောင် ပါရဂူဘွဲ့ လက်ခံ ယူစဉ် ထိုကဲ့သို့ ပြောဆိုလိုက်ခြင်းဖြစ်သည်။

မြန်မာနိုင်ငံတွင် ၂၀၀၈ ဖွဲ့စည်းပုံ အခြေခံဥပဒေကို မပြင်ဆင်နိုင်ပါက စစ်မှန်သည့် ဒီမိုကရေစီစနစ် ပေါ်ပေါက်ရန် မဖြစ်နိုင်ကြောင်း လည်း အမျိုးသား ဒီမိုကရေစီအဖွဲ့ချုပ်(NLD) ပါတီ ဥက္ကဋ္ဌ ဒေါ်အောင်ဆန်းစုကြည် က ပြောကြားသည်။

“အခု ဖွဲ့စည်းပုံ အခြေခံဥပဒေကို မပြင်ဆင်နိုင်ရင်တော့ စစ်မှန်တဲ့ ဒီမိုကရေစီ လူ့ အဖွဲ့အစည်း ဆိုတာလည်း ဖြစ်မလာနိုင်ပါဘူး”ဟု ဒေါ်အောင်ဆန်းစုကြည်က ဆိုသည်။

သြစတြေးလျနိုင်ငံသို့ ပထမအကြိမ် ခရီးစဉ်အဖြစ် ရောက်ရှိနေသော ဒေါ်အောင်ဆန်းစုကြည်က မြန်မာ့ဒီမိုကရေစီ ပြုပြင်ပြောင်းလဲ ရေး တွင် ဖွဲ့စည်းပုံ အခြေခံဥပဒေ ပြင်ဆင်ရေးအပြင် အခြား လုပ်ဆောင်စရာ များစွာ ရှိကြောင်းလည်း ပြောဆိုသည်။

ဒေါ်အောင်ဆန်းစုကြည်သည် ယမန်နေ့က ကင်ဘာရာမြို့တွင် သြစတြေးလျ ၀န်ကြီးချုပ် တိုနီ အဘော့နှင့် ပူးတွဲ သတင်းစာ ရှင်း လင်းပွဲလည်း ကျင်းပခဲ့သည်။

သတင်းစာ ရှင်းလင်းပွဲ၌ သတင်းထောက် တဦး၏ သြစတြေးလျတွင် ခိုလှုံခွင့် ကြိုးစားနေကြသော ရိုဟင်ဂျာ(ဘင်္ဂါလီ) လှေစီး ဒုက္ခသည်များအား သြစတြေးလျ နိုင်ငံက အကာအကွယ်ပေးရန် လို၊ မလို မေးခွန်းကို သြစတြေးလျ နိုင်ငံ၏ ဥပဒေ အပေါ်သာ မူတည် ကြောင်း ပြန်လည် ဖြေကြားသွားသည်။

“ဒါပေမယ့် တရားမျှတမှု ရှိဖို့တော့ ကရုဏာနဲ့ ယှဉ်ပြီး ပျော့ပြောင်းညင်သာမှု ရှိသင့်တယ်လို့ ကျမ ယုံကြည်တယ်”ဟု ဒေါ်အောင် ဆန်းစုကြည်က ဆိုသည်။

ထို့အပြင် မြန်မာနိုင်ငံတွင် မကြာသေးခင်က ဖြစ်ပွားခဲ့သည့် လူအုပ်စုချင်း အကြမ်းဖက် တိုက်ခိုက်မှုများ အဆုံးသတ်စေရေး နည်း လမ်းများအပေါ်သာ ပြည်သူများက အာရုံထားစေလိုကြောင်းလည်း ဒေါ်အောင်ဆန်းစုကြည်က တိုက်တွန်း ပြောဆိုသည်။

အမုန်းတရားများ သံသရာလည်စေမည့် အကြောင်းများကို ရှောင်ရှား၍ မတူညီသည့် လူ့အသိုင်းအဝိုင်းက အပြန်အလှန် အသိအမှတ်ပြုပြီး နောက်ထပ် အကြမ်းဖက်မှုမျိုး မဖြစ်ပေါ်စေရန် အဘက်ဘက်က ထိန်းသိမ်း သင့်ကြောင်းလည်း ၎င်းက ဆိုသည်။

မြန်မာနိုင်ငံတွင်း ဖြစ်ပွားခဲ့သော အကြမ်းဖက်မှုများနှင့်ပတ်သက်၍လည်း အစိုးရအနေဖြင့် တရားဥပဒေစိုးမိုးမှု တည်ဆောက်ရန် အဓိက တာဝန် ရှိကြောင်း ဒေါ်အောင်ဆန်းစုကြည်က ထောက်ပြပြောဆိုသွားသည်။

အဆိုပါ ပူးတွဲ သတင်းစာ ရှင်းလင်းပွဲတွင် တချိန်က အတိုက်အခံခေါင်းဆောင် ဖြစ်ခဲ့သော ဝန်ကြီးချုပ် တိုနီ အဘော့က မြန်မာနိုင်ငံ ဒီမိုကရေစီ ဖော်ဆောင်ရေးလုပ်ငန်းများအပေါ် သြစတြေးလျ၏သဘောထားကို ပြောဆိုရာတွင် လာမည့် ၂၀၁၅ ခုနှစ် ရွေးကောက် ပွဲ ကိစ္စ တရားမျှတမှု ရှိစေရေး ဆိုင်ရာကိုလည်း ထည့်သွင်းပြောဆိုသည်။

“လွတ်လပ်ပြီး တရားမျှတတဲ့ ရွေးကောက်ပွဲတွေ မြန်မာနိုင်ငံမှာ ဖြစ်ဖို့၊ တန်းတူညီမျှ ယှဉ်ပြိုင်နိုင်ခွင့် ရှိဖို့တော့ ထင်သာမြင်သာ ဆောင်ရွက် ရပါလိမ့်မယ်”ဟုလည်း ၎င်းက ဆိုသည်။

သြစတြေးလျ နိုင်ငံခြားရေး ဝန်ကြီး၏ ဖိတ်ကြားမှုဖြင့် ဒေါ်အောင်ဆန်းစုကြည်သည် ၅ ရက်ကြာ သြစတြေးလျ နိုင်ငံ ခရီးစဉ်ကို နိုဝင်ဘာ ၂၆ ရက်နေ့က မြန်မာနိုင်ငံမှ စတင် ထွက်ခွာခဲ့ခြင်း ဖြစ်သည်။ နိုဝင်ဘာလ ၂၇ ရက်နေ့က ဆစ်ဒနီ ကဇာတ်ရုံ(Opera House) ၌ ကျင်းပသည့် တက္ကသိုလ် ၃ ခု စုပေါင်း ဘွဲ့နှင်းသဘင် အခမ်းအနားတွင် ဆစ်ဒနီ တက္ကသိုလ် ၂ ခုက ပေးအပ်သည့် ဂုဏ်ထူးဆောင် ပါရဂူဘွဲ့ ၂ ခုကိုလည်း လက်ခံယူသည်။

ယင်း ကဇာတ်ရုံ၌ ပြောကြားသော ဒေါ်အောင်ဆန်းစုကြည်၏ မိန့်ခွန်းတွင် ၂၀၀၈ ဖွဲ့စည်းပုံ ပြင်ဆင်ရေးတွင် လွှတ်တော်တွင်း အရပ်သား လွှတ်တော်အမတ် ၇၅ ရာခိုင်နှုန်းကျော်အပြင် တပ်မတော် ကိုယ်စားလှယ် တဦးဦးက ထောက်ခံမှသာ ဖွဲ့စည်းပုံ ပြင် ဆင်နိုင်မည်ဖြစ်သဖြင့် ကာကွယ်ရေး ဦးစီးချုပ်၏ ဆန္ဒသည် အဓိက ဖြစ်ကြောင်း ထည့်သွင်း ပြောဆိုသွားသည်။

ယခုအခါ ပြည်နယ်နှင့်တိုင်း အသီးသီးတွင် NLD ပါတီက ဖွဲ့စည်းပုံ အခြေခံ ဥပဒေဆိုင်ရာ လူထုဆန္ဒသဘောထား ကောက်ယူရေး လုပ်ငန်းစဉ်များ လုပ်ဆောင်နေသည့်အတွက် ဖွဲ့စည်းပုံပြင်ဆင်ရေး အလားအလာကောင်းများ ရှိနေကြောင်းလည်း ဒေါ်အောင်ဆန်း စုကြည်က ဆိုသည်။

ဖွဲ့စည်းပုံ ပြင်ဆင်ခြင်းသည် ၄င်းအနေဖြင့် သမ္မတဖြစ်လို၍ မဟုတ်ကြောင်း၊ သမ္မတဖြစ်လိုသည်မှာ စွန့်လွှတ်ပေးဆပ်သူများ အတွက် သာ ဖြစ်လိုကြောင်း သူတော်စင်၊ သူတော်ကောင်းလည်း မဟုတ်သော မိမိသည် နိုင်ငံရေးသမားသာ ဖြစ်ပြီး နိုင်ငံရေး သမားကောင်း ဖြစ်ရန် ကြိုးစားနေသူသာ ဖြစ်ကြောင်း ဒေါ်အောင်ဆန်းစုကြည်က ဆက်လက် ပြောဆိုသည်။

ဒေါ်အောင်ဆန်းစုကြည်သည် သြစတြေးလျနိုင်ငံ ဆစ်ဒနီမြို့တွင် မြန်မာမိသားစုများနှင့်လည်း တွေ့ဆုံသည်။

သို့သော် ကချင် တိုင်းရင်းသားတချို့ကမူ မြန်မာ အစိုးရတပ်က ကချင်ပြည်နယ်အတွင်း အပြင်းအထန် ထိုးစစ်များ ဆင်နွှဲနေချိန် မည်သို့မျှ ဟန့်တားမှုမရှိခဲ့၍ ဒေါ်အောင်ဆန်းစုကြည်နှင့်မြန်မာမိသားစုများ တွေ့ဆုံမှုကို သွားရောက်ခြင်း မရှိကြောင်း သိရသည်။

ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ လည်း ဖြစ်သူ ဒေါ်အောင်ဆန်းစုကြည်သည် သြစတြေးလျ အစိုးရ ထိပ်ပိုင်းခေါင်းဆောင်များ၊ လွှတ်တော်အမတ်များနှင့်လည်း ခရီးစဉ် အတွင်း တွေ့ဆုံသွားမည်ဖြစ်ကြောင်း၊ ဆစ်ဒနီမြို့အပြင် ကင်ဘာရာ၊ မဲလ်ဘုန်းမြို့များသို့လည်း သွားရောက်မည် ဖြစ်သည်ဟု ဆိုသည်။

အဓိက လာရင်းအကြောင်း တခုဖြစ်သော ကမ္ဘာ့ ကုလသမဂ္ဂမှ ကြီးမှူးကျင်းပသည့် HIV/ AIDS ညီလာခံတွင်လည်း မြန်မာနိုင်ငံ ဆိုင်ရာ ဂုဏ်ထူးဆောင် သံတမန်အဖြစ် မိန့်ခွန်း ပြောကြားရန် ရှိကြောင်းလည်း သိရသည်။

ကလေးစာပေနဲ့ ကလေးအတွေး

ခေတ်ဘုန်းသစ်

ဟိုတနေ့က ကျမဆောင်းပါး တပုဒ်ဖတ်လိုက်ရပါတယ်။ ဆရာမင်းသုဝဏ်ရဲ့ဆောင်းပါးပါ။ ဆရာ မင်းသုဝဏ်ဟာ ဆိုရင်ဖြင့် ကျမတို့ရဲ့ မြန်မာကလေးကဗျာ လောက၊ မြန်မာကလေးစာပေ လောကမှာ ကလေးများအတွက် အင်မတန် စေတနာ ထားပြီးတော့ ကလေးစာပေများကို ပြုစုခဲ့တဲ့သူပါ။ ဒီနေ့ခေတ် သူငယ်တန်း ကလေးများရဲ့ သူငယ်တန်း ဖတ်စာအုပ်မှာ ကလေးတွေ ရွတ်ဆိုနေကြတဲ့ “က – ကလေးငယ် ချစ်စဖွယ်၊ ခ -ခရေကုံး မလေးပြုံး” တို့ ဆိုတဲ့ ကဗျာစာသား လေးတွေရဲ့ အရင်ပထမ ဦးဆုံး လမ်းဖောက်ပေးခဲ့သူဟာ ဆရာ မင်းသုဝဏ်ပါပဲ။ အဲဒီလို ကလေးကဗျာလေးတွေ ရေးဖို့အတွက် ဆရာ မင်းသုဝဏ်ဟာ ဘယ်လိုကနေ အကြံဉာဏ်ရခဲ့တယ်၊ ဘယ်လို အတွေးမျိုး ရခဲ့တယ် ဆိုတာကို “ကျနော်၏ မြတ်ပုည” ဆိုတဲ့ ဆောင်းပါးမှာ ဆရာက ပြောခဲ့ပါတယ်။

ဆရာဟာ ကံအားလျော်စွာပဲ ဖျာပုံအရေးပိုင် ရောဘတ်မိုး ဆီကနေ အင်္ဂလိပ်စာဆို ဝေါ်လတာ ဒီလာမဲယား တည်းဖြတ် ထားတဲ့ Tom Thumb’s Alphabet လို့ခေါ်တဲ့ ကလေးတွေ ရွတ်ဖို့ အင်္ဂလိပ် အက္ခရာ ကဗျာလေး တအုပ်ကို ရလိုက်ပါတယ်။ ဆရာဟာ စာမေးပွဲခန်း စောင့်ရင်းနဲ့ပဲ ကလေးတွေ မြန်မာစာကို ခက်ခက်ခဲခဲ ဖြေနေကြရတာ၊ အဲဒီလို ကဗျာ စာပေမျိုး မြန်မာကလေးကဗျာ လောကမှာ မရှိသေးတာကို သတိပြုလိုက်မိတယ်။ ဒါနဲ့ ကကြီး၊ ခခွေး အက္ခရာတွေ အတိုင်း ဒီလို ကလေးကဗျာမျိုးကို ကလေးများ အတွက် ရေးရင်ကောင်းမှာပဲလို့ စိတ်ကူးရခဲ့ပါတယ်။

အဲဒီလိုနဲ့ ဆရာဟာ “က- ကန်စွန်းပင် ရေမှာရွှင်၊ ခ- ခရမ်းသီး ဒါးနဲ့ လှီး၊ ဂ – ဂဏန်းကောင် လက်မထောင်၊ ဆ- ဆရာကြီး ခေါင်းလောင်းတီး…” စတဲ့ ကလေးတို့ ရွတ်ရဆိုရ လွယ်မယ့် အလင်္ကာကဗျာ လေးများကို ပြုစုခဲ့ပါတယ်။

အက္ခရာ ကဗျာ အစဟာ ဆရာမင်းသုဝဏ် ပါပဲ။ ဆရာဟာ ကလေးစာပေကို စိတ်ဝင်စားသူ၊ အနောက်တိုင်း ကလေးစာပေကို လေ့လာသူ၊ ကလေး စိတ်ပညာကိုလည်း နားလည်သူ ဖြစ်တဲ့ အလျောက် ကလေးကဗျာများကို ရေးစပ်တဲ့ အခါမှာ ကလေးတို့ နားလည်လွယ်မယ့် စကားလုံးများ၊ မြင်နေတွေ့နေကျ ဖြစ်တဲ့ အရာများနဲ့သာ စပ်ဆိုခဲ့ပါတယ်။ ဆရာ ရေးခဲ့သားခဲ့တဲ့ သံပေါက် ကဗျာတွေဟာ ဖြည့်စွက်စရာ၊ ပြင်ဆင်စရာ မလိုအောင်ကိုပဲ ကလေးတို့ အတွက် ပြည့်စုံတဲ့ ကဗျာများပါ။ ဒါပေမယ့် နောက်ပိုင်းမှာ အများသိကြပြီးတဲ့ အတိုင်း စာပေအမှောင်ခေတ် တခုကို ကျမတို့ ဖြတ်သန်းခဲ့ရပါတယ်။ အဲဒီ စာပေ အမှောင်ခေတ်ရဲ့ ဆိုးကျိုး နောက်ဆက်တွဲများ အရ ဆရာ့ရဲ့ ကလေးကဗျာတွေကို ဖြုတ်ပစ်ကြ ပါတော့တယ်။ အကြံတူ နောက်လူ သာစမြဲ ဆိုတဲ့ ဆိုစကား ရှိပေမယ့်လည်း နောက်ပြင်လိုက်တဲ့ သံပေါက်ကဗျာတွေဟာ ဆရာ့ကဗျာတွေကို လုံးလုံး မမီတဲ့အပြင် ကလေးတို့ အတွက် နားလည်ရ ရှုပ်ထွေးစေပြီး အဓိပ္ပာယ်ေ၀၀ါးစေပါတယ်။

ဥပမာ…၊ “ခ -ခရေကုံး မလေးပြုံး” ဆိုတဲ့ အလင်္ကာနဲ့ “ခ-ခရမ်းသီး ဓါးနဲလှီး” ဆိုတာကို နှိုင်းယှဉ်ကြည့်ကြရအောင်ပါ။ “ခ-ခရေကုံး မလေးပြုံး” ဆိုတဲ့ အလင်္ကာမှာ မလေး ဆိုတာ မမလေးကို ခေါ်ကြောင်း၊ မလေးက ခရေကို ကြိုက်တဲ့အတွက် ခရေပန်းလေးကို မြင်ရတဲ့ အခါမှာ ပြုံးပျော်သွားကြောင်း စသဖြင့် ငါးနှစ်အရွယ် ကလေးတို့ နားလည်အောင်လို့ တော်တော်လေးကို ရှည်ရှည်ဝေးဝေး ရှင်းပြရဦးမှာပါ။ ဟော … ဆရာရေးခဲ့တဲ့ “ခ-ခရမ်းသီး ဓားနဲ့လှီး” ဆိုတာကတော့ ရှင်းစရာကို မလိုပါဘူး။ ကလေးတို့ မေမေ ဟင်းချက်တဲ့ နေရာမှာ ခရမ်းသီးကို ဓားနဲ့လှီးနေတာကို မြင်နေကြရ တာပဲ။ ခရမ်းသီးကို မေမေ ဓားနဲ့လှီးတာ မြင်တိုင်း မြင်တိုင်း ခ-ခရမ်းသီး ဓားနဲ့လှီးလို့ သတိရကြမှာပဲ။ ကဲ … ခရမ်းသီးကို မမြင်ဖူးကြဘူးပဲ ထားဦး၊ ဆရာမက ခရမ်းသီးကို အတန်းထဲ ယူလာပြီးတော့ ဓားနဲ့လှီးပြလိုက်ရုံပါပဲ။ ဒီလိုပဲ “က-ကန်စွန်းပင် ရေမှာ ရွှင်” ဆိုတဲ့ စာကြောင်းကို မြင်လိုက်တာနဲ့ ကလေးတို့ဟာ ရေထဲမှာ ပေါက်တဲ့ ကန်စွန်းပင် လေးတွေကို သတိရ လာကြမှာပါ။

ဆရာဟာ ကလေးတို့ ဆိုလို့ ရွတ်လို့ ကောင်းတဲ့ သံပေါက် ကဗျာလေးတွေကို စပ်ဆိုတဲ့ အခါမှာ ရွတ်လို့ရရင်ပြီးရော၊ ဆိုလို့ရရင် ပြီးရော ဆိုပြီး ရေးခဲ့တာ မဟုတ်ပါဘူး။ ဒီအရွယ် ကလေးများ အတွက် အင်မတန်မှ အရေးကြီးတဲ့ ပတ်ဝန်းကျင်ကို သတိပြုမိမှုကို နှိုးဆွပေးနိုင်စေဖို့ပါ ရည်ရွယ် ရေးသားပြုစု ပေးခဲ့တာပါ။

အခု ကျမတို့ ကလေးတွေ ရွတ်ဆိုနေရတဲ့ “ဂ- ဂဏန်းသင် ပြုံးရွှင်ရွှင်” ဆိုတဲ့ စာကြောင်းကိုပဲ ကြည့်ပါဦး။ ဒီခေတ် ဒီအခါမှာ ပေါင်း၊ နုတ်၊ မြှောက်၊ စား ဆိုတဲ့ အရာကို ဘယ်သူကမှ ဂဏန်းရယ်လို့ မသုံးကြတော့ ပါဘူး။ သင်္ချာ လို့ပဲ သုံးကြ ပါတော့တယ်။ ဂ-ဂဏန်းသင် ပြုံးရွှင်ရွှင် ဆိုတဲ့ အဓိပ္ပာယ်ကို ကလေးတို့ နားလည်ဖို့ ဘယ်လိုမှ မလွယ်ပါဘူး။ ဂဏန်းသင်လို့ မပျော်ဘဲ စိတ်ညစ်နေတဲ့ ကလေးဆို ပိုလို့ ဆိုးပါဦးမယ်။ ဆရာ ရေးခဲ့တဲ့ “ဂ- ဂဏန်းကောင် လက်မထောင်” ဆိုတာနဲ့ ယှဉ်ကြည့်စေချင်ပါတယ်။ ဂ – ဂဏန်းကောင် လက်မထောင်လို့ ကလေးက ဆိုလိုက်ရင်ဖြင့် ဂဏန်းကောင်လေး လက်မ တထောင်ထောင်နဲ့ နေနေတာကို မျက်စိထဲ မြင်လာမှာပါပဲ။

အခုတော့ ကျမတို့ရဲ့ ကလေးတွေခမြာ ပါးစပ်ကသာ ဒီသံပေါက် ကဗျာတွေကို ကြက်တူရွေး စာအံသလိုမျိုး အလွတ်ရွတ် နေကြရတာပါ။ စာရဲ့ အဓိပ္ပာယ်ကိုလည်း တော်တော်များများက နားမလည်ကြ ရှာပါဘူး။ ဆရာ၊ ဆရာမ တော်တော်များများ ကလည်း မရှင်းပြကြပါဘူး။ ကလေးတို့ကို မြန်မာ စာသင်တဲ့ ရည်ရွယ်ချက်ထဲမှာ ကလေးတို့ အက္ခရာလေးတွေကို မှတ်မိစေဖို့ ဆိုတဲ့ ရည်ရွယ်ချက်အပြင် ဒီအရွယ်မှာ သိပ်အရေးကြီးတဲ့ အသံနဲ့ ကာရန်လေး တွေကိုပါ မသိမသာ သင်ပေးသွားဖို့ လိုပါတယ်။ ပြီးတော့ ပတ်ဝန်းကျင်ကို သတိထားမိစေဖို့၊ စူးစမ်း လေ့လာတတ်ဖို့၊ ကဗျာလေးတွေ၊ ပုံပြင်လေးတွေကို ချစ်တတ်၊ နားထောင်တတ် စေဖို့လည်း လိုပါတယ်။

ကလေးကဗျာ၊ ကလေးစာပေ၊ ကလေး သင်ရိုးညွှန်းတန်း စတာတွေကို ဆွဲကြ၊ သားကြ၊ ရေးသားရတာဟာ အင်မတန် ခက်ခဲတဲ့ အလုပ်ပါ။ ကလေးတို့ရဲ့ စိတ်ပိုင်းဆိုင်ရာ၊ ကလေး ဦးနှောက်ဖွံ့ဖြိုးမှု အတိုင်းတာ၊ ဒီအရွယ် ကလေးတို့ရဲ့ လိုအပ်တဲ့ စွမ်းရည် စတာတွေကို ချိန်ဆညှိနှိုင်းပြီးသာ သင်ရိုးညွှန်းတမ်း ဆွဲသင့်ပါတယ်။

ကလေးများ ဖတ်ဖို့ အတွက် ရေးတဲ့ ဖတ်စာများကို ရေးတဲ့ အခါမှာလည်း ကလေးတို့ နားလည်လောက်တဲ့ စကားလုံး များကိုသာ သုံးဆွဲပြီးတော့ ရေးသင့်ပါတယ်။ သရသံ (အသံကို) သင်တဲ့ အခါမှာ ကလေးတို့ အဓိပ္ပာယ်ကိုပါ နားလည်အောင် သင်ပေးသင့်ပါတယ်။ ကလေး အရွယ်နဲ့ နားမလည်နိုင်လောက်တဲ့ စကားလုံးမျိုးကို သင်ရိုးညွှန်းတမ်းမှာ ထည့်မဆွဲသင့်ပါဘူး။

ဥပမာ…၊ ပထမတန်း ဖတ်စာမှာ ဆိုရင် “မျိုးစေ့များ အပင်ပေါက်လာပြီ၊ မညှိုးမခြောက်ပါစေနှင့်” ဆိုတဲ့ အထိက အဆင်ပြေ နေပါပြီ။ ဒါပေမယ့် ဆက်ပြီးတော့ “မြေတောင်မြောက်ပေးပါ” ဆိုတာကို ထည့်ရေးလိုက်တဲ့အ ခါမှာတော့ ကလေးများ အတွက် နားလည်ဖို့ တော်တော်လေးကို ခက်ခဲသွားရ ပါတော့တယ်။ အောက် သရ အတွက် မြှောက်ကို သင်ချင်တယ် ဆိုရင်လည်း တခြား မြှောက်တာကို သုံးလို့ရတာတွေ အများကြီးပါ။

ဥပမာ- ညီလေးကို ချီမြှောက်ထားသည် အောက်ကို ချပေးပါ။ ညီလေး ကြောက်နေသလား၊ ကလေးကို မချောက်ရ။ … စသဖြင့် ရေးလို့ရပါတယ်။

ဒီ အစားထိုး ဖတ်စာ စာသားက ကျမဘာသာ ကျမ ရုတ်တရက် စဉ်းစားမိလို့ ရသလောက်ရေးတာမို့ အမှားအယွင်း ပါနိုင် ပါတယ်။ ဒါပေမယ့် ဒီစာကြောင်းတွေမှာ ဆိုရင်ဖြင့် ခြောက်နှစ်အရွယ် ကလေး နားမလည်နိုင်စရာ မရှိပါဘူး။ ခုနက မြေတောင်မြှောက် ဆိုတဲ့ အသုံးကတော့ ခြောက်နှစ် အရွယ်မပြောနဲ့ လူကြီးများတောင်မှ အလွယ်တကူ နားလည်ဖို့ ခက်ခဲတဲ့ အရာပါ။ မြေတောင်မြှောက်တယ် ဆိုတာဘာလဲလို့ ကျမ လူတော်တော်များများကို လိုက်မေးဖူးပါတယ်။ တော်တော်များများ မသိကြပါဘူး။ မြေတောင်မြှောက်တာကို ကလေး နားလည်အောင်လို့ ခြံထဲထွက်ပြီးတော့ အပင်ကို ကိုယ်တိုင် စိုက်ပြမယ် ဆိုရင်လည်း ကလေးများဟာ အပင်ခြေရင်းမှာ သဲပုံထားတယ် ဆိုတာလောက်ကိုပဲ နားလည်နိုင်ကြ ပါသေးတယ်။ တကယ့် မြေတောင်မြှောက်တဲ့ အဓိပ္ပာယ်ကို မသိနိုင်ကြသေးပါဘူး။ ဒီလိုမျိုး ကလေးအရွယ်နဲ့ မသင့်တော်တဲ့၊ ကလေးတို့ အလွယ်တကူ နားမလည်လောက်တဲ့ စကားလုံးမျိုးတွေ၊ ဖတ်စာ တွေဟာဖြင့် သူငယ်တန်းနဲ့ ပထမတန်း ဖတ်စာ စာအုပ်တွေ ထဲမှာ အများကြီးပါ။

ကျမတို့ ကလေးတွေရဲ့ ဖတ်စာ သင်ရိုးညွှန်းတမ်း တွေကို ပြင်တော့မယ်၊ အသစ် ပြန်ရေးဆွဲတော့မယ်လို့ ကြားရပါတယ်။ ပညာရေး ပြုပြင်ပြောင်းလဲမှုကြီးကို လုပ်တဲ့အခါမှာ ကလေးအကြောင်းကို တကယ်နားလည်တဲ့၊ စိတ်ပါဝင်စားတဲ့၊ လေ့လာချင်စိတ် ရှိတဲ့၊ လေ့လာနေတဲ့ လူများ၊ ပုဂ္ဂိုလ်များ ပါနိုင်ပါစေလို့ မျှော်လင့်ရတာပါပဲ။ မူလတန်း ပညာရေးဟာ ကလေးတို့ အနာဂတ်အတွက် အင်မတန်မှ အရေးကြီးတဲ့၊ အခြေခံကျတဲ့ ပညာရေးပဲမို့ ကျမတို့ ကလေးများ ဒီတကြိမ်တော့ဖြင့် သူတို့အရွယ်၊ သူတို့ အသိလေးနဲ့ လျော်ညီတဲ့ သင်ရိုးညွှန်းတမ်းများ၊ ဖတ်စာအုပ်များကို ကိုင်ပြီးတော့ တကယ်တတ်အောင် သင်နိုင်ကြတော့ မလားရယ်လို့ မျှော်လင့်မိပါတယ်။

မူးယစ်ဆေး ထိုးသွင်းပြီး သတိမေ့နေသူကို ကားတစ်စီးအတွင်း ဖမ်းမိ

ဇော်ဇော်ထွေး

ရန်ကင်းမြို့နယ် အမှတ် (၁၅) ရပ်ကွက်တွင် မူးယစ်ဆေးအကြောထဲသို့ ထိုးသွင်းပြီး သတိမေ့နေသူ တစ်ဦးကို ကားတစ်စီးအတွင်း၌ နိုဝင်ဘာ ၂၆ရက် ည ၈ နာရီခွဲက ဖမ်းဆီးရမိခဲ့သည်ဟု တိုင်းရဲတပ်ဖွဲ့မှူး ရုံးက ဆိုသည်။

ဖြစ်စဉ်မှာ မြိုင်မာလာလမ်းနှင့် အနီဃာလမ်းထောင့်တွင် ရပ်ထားသော ကားတွင်ဖြစ်ပွားကြောင်း သတင်း အရ လှည့်ကင်းရဲတပ်ဖွဲ့က သွားရောက်စစ်ဆေးရာတွင် ပရိုဘောက်အဖြူရောင်ယာဉ်၏ ယာဉ်မောင်းနေ ရာတွင် ပက်လက်အနေအထားဖြင့် လူတစ်ဦး သတိလစ်မေ့မြောနေသည်ကို တွေ့ရှိခဲ့သည်။

ကားအတွင်း စစ်ဆေးခဲ့ရာတွင် တစ်ခါသုံးဆေးထိုးအပ်တစ်ချောင်း၊ ဘိန်းဖြူဟုယူဆရသည့် အဖြူညစ် ရောင်အမှုန့် ၀ ဒသမ ၁၄ဂရမ်ပါ ပင်နီဆလင် ပုလင်းတစ်လုံး၊ Nirlife တံဆိပ်ပါ အသုံးပြုပြီး 5ml ပလတ် စတစ်ဘူး တစ်ဘူး (အရည်ပါ) တို့ကို တွေ့ရှိခဲ့သည်။

ယင်းအပြင် ဘိန်းဖြူဟုယူဆရသော အမှုန့်များကပ်လျက် တစ်ဖက်ပိတ် အမည်းရောင် ကော်ပိုက်တစ် ချောင်း၊ တစ်ခါသုံး ပလတ်စတစ်ခွက်သေးနှစ်လုံးတို့ကို တွေ့ရှိခဲ့သည်။

လက်ရှိတွင် သတိမေ့မြောနေသူအား ရန်ကင်းဆေးရုံသို့ ပို့ဆောင်ကုနေပြီး ၎င်းကို မူးယစ်ဆေးဝါးများနှင့် အတူ တွေ့ရှိရသဖြင့် ရန်ကင်းရဲစခန်းက အရေးယူရန်ဆောင်ရွက်လျက်ရှိသည်။

တော်ဝင် ​သစ်​အ​ချော​ထည် ​လုပ်​သား​များ​ကို ​ပြစ်​ဒဏ်​ချ​မှတ်

DVB

ရန်​ကုန်​တိုင်းေ​ရွှ​ပြည်​သာ​မြို့​နယ် ၀ါး​တ​ရာ​စက်​မှု​ဇုန်​ရှိ ​တော်ဝင်​သစ် ​အ​ချော​ထည်​စက်​ရုံ​က ​အ​လုပ်​သ​မား​အ​ခွင့်​အ​ရေး ​ဆ​န္ဒ​ပြ​တောင်း​ဆို​ခဲ့​ကြ​တဲ့​ ​အ​လုပ်​သ​မား ၆ ​ဦး​ကို ​စမ်း​ချောင်း​မြို့​နယ် ​တ​ရား​ရုံး​က ​ဒီ​နေ့ ​စီ​ရင်​ချက်​ချ​မှတ်​လိုက်​ပါ​တယ်။

စမ်း​ချောင်း​မြို့​နယ်​တ​ရား​ရုံး​က ​ပုဒ်​မ ၁၈ ​ငြိမ်း​ချမ်း​စွာ ​စီ​တန်း​လှည့်​လည်​ခြင်း​ဆိုင်​ရာ ​ဥ​ပ​ဒေ​ကို ​ချိုး​ဖောက်​မှု​နဲ့​ ​အ​လုပ်​သ​မား​တွေ​ကို ​တ​ရား​စွဲ​ဆို​ခဲ့​တာ ​ဖြစ်​ပြီး ​အ​လုပ်​ကြမ်း​နဲ့ ​ထောင်​ဒဏ် ၁ ​လ ​ဒါ​မှ​မ​ဟုတ်​ရင် ​ဒဏ်​ငွေ ၁ ​သောင်း ​ပြစ်​ဒဏ်​ကိုေ​ရွး​ချယ်​ကျ​ခံ​ခွင့် ​ပြု​လိုက်​တာ ​ဖြစ်​ပါ​တယ်။

ပြစ်​ဒဏ်​ချ​မှတ်​ခံ​ရ​တဲ့ ​အ​လုပ်​သ​မား​တွေ​က​တော့ ​ဦး​နေ​လင်း​ဦး​၊ ​ဦး​ဇင်​မျိုး​ကို​ကို၊ ​ဦး​ထွန်း​ထွန်း​၀င်း​၊ ​ဒေါ်​သီ​တာ​အောင်၊ ​ဒေါ်​အိ​ဇာ​ဖြူ​နဲ့ ​ဒေါ်​သင်း​သင်း​မော်​တို့ ​ဖြစ်​ပါ​တယ်။

အ​လုပ်​ရှင်​က ​အ​လုပ်​ဖြုတ်​လိုက်​တာ​ကြောင့် ​အ​လုပ်​လက်​မဲ့ ​ဖြစ်​တာ​ကြာ​ပြီ ​ဖြစ်​တဲ့​အ​တွက် ​ထောင်​ဒဏ် ၁ ​လေ​ရွး​ချယ်​ရ​မယ့်​အ​ချိန်​မှာ ​နိုင်​ငံ​ရေး ​အ​ကျ​ဉ်း​သား​ဟောင်း​များ​အ​ဖွဲ့​ချုပ်​က ​ဒဏ်​ငွေ​ကို ​လာ​ရောက် ​ကူ​ညီ​ပေး​ဆောင်​ခဲ့​တယ်​လို့ ​ဦး​နေ​လင်း​ဦး​က ​ပြော​ပါ​တယ်။

“​ကျ​နော်​တို့​မှာ ၁ ​နှစ်​ကျော် ​ရုံး​ချိန်း​ကို ​တက်​နေ​ရ​တဲ့​အ​တွက် ​မိ​သား​စု ​စား​၀တ်​နေ​ရေး ​အ​ခက်​အ​ခဲ​တွေ​ကြောင့် ​ငွေ​ဒဏ်​ကို​လည်း ​မ​ပေး​ဆောင်​နိုင်​ဘူး​။ ​ကျ​နော်​တို့​က ​အ​လုပ်​လည်း ​မ​ရှိ​ဘူး​။ ​သူ​တို့ ​ချ​မှတ်​တဲ့ ​ထောင်​ဒဏ် ၁ ​လ​ကို​ပဲ ​နောက်​ဆုံး ​ခံ​ယူ​ရ​မယ့် ​အ​နေ​အ​ထား​မျိုး​မှာ ​နိုင်​ငံ​ရေး​အ​ကျ​ဉ်း​သား​များ​ဟောင်း ​အ​ဖွဲ့​ချုပ်​က ​လာ​ရောက်ေ​ရွး​သွား​တယ်။”

အ​လုပ်​သ​မား​တွေ​က​တော့​ ​ပြစ်​ဒဏ်​ကို ​ကျူး​လွန်​ခဲ့​တာ ​မ​ဟုတ်​တဲ့​အ​တွက် ​ဒီ​အ​မှု​ကို ​ဆက်​လက် ​အ​ယူ​ခံဝင်​သွား​မယ်​လို့ ​ပြော​ပါ​တယ်။

“​ကျ​နော်​တို့​က ​ဒီ​ပုဒ်​မ​ကို ​ကျူး​လွန်​ထား​ခြင်း ​မ​ရှိ​ဘူး​။ ​အဲ​ဒီ​အ​တွက် ​နိုင်​ငံ​တော်​က ​ဒီ​လို ​ဆုံး​ဖြတ်​လိုက်​တာ​ကို ​မှန်​ကန်​မျှ​တ​တဲ့ ​ဆုံး​ဖြတ်​ချက် ​မ​ဟုတ်​တဲ့​အ​တွက် ​ဆက်​လက်​ပြီး ​အ​ယူ​ခံ ၀င်​သွား​မှာ​ခင်​ဗျ။ ​မြို့​နယ်​ထက်​မြင့်​တဲ့ ​ရုံး​တွေ​ကို ​အ​ယူ​ခံ ၀င်​သွား​မယ်။ ​ခ​ရိုင်​ရုံး​က​နေ ​ဒီ​အ​မိန့်​ပဲ ​ထက်​မံ ​ချ​ခဲ့​ရင် ​တိုင်း​ဒေ​သ​ကြီး​ရုံး ​နောက်​ဆုံး ​လွှတ်​တော်​အ​ထိ ​အ​ယူ​ခံ​လျှောက်​ထား​မှာ ​ခင်​ဗျ။”

ပြီး​ခဲ့​တဲ့​နှစ် ​အောက်​တို​ဘာ​မှာ ​တော်ဝင်​သစ်​အ​ချော​ထည်​စက်​ရုံ ​လုပ်​သား​တွေ​က ​လုပ်​အား​ခ ​တိုး​မြှင့်​ပေး​ရေး​အ​ပါ​အ၀င် ​အ​လုပ်​သ​မား​ရ​ပိုင်​ခွင့်​တွေ ​ပေး​ဖို့ ​ဆ​န္ဒ​ပြ ​တောင်း​ဆို​ခဲ့​ကြ​တာ ​ဖြစ်​ပါ​တယ်။

က​န​ဦး​ပိုင်း​က ​ခုံ​သ​မာ​ဓိ​ရုံး​က ​အ​လုပ်​သ​မား​အ​ခွ​င့်​အ​ရေး ​ပေး​ဖို့ ​ဆုံး​ဖြတ်​ခဲ့​ပေ​မယ့် ​အ​လုပ်​ရှင်​က ​တ​ရား​လွှတ်​တော်​ချုပ်​ကို ​တင်​ပြ​ခဲ့​ရာ​မှာ ​အ​ချိန် ၃ ​လ ​စော​င့်​ဆိုင်း​ဖို့ ​ဖြစ်​ခဲ့​ပါ​တယ်။

ဒီ​ကြား​ကာ​လ​မှာ ​အ​လုပ်​သ​မား ​ညွှန်​ကြား​ရေး​မှူး​ရုံး​က ​တာဝန်​ရှိ​သူ​တွေ​က ​အ​ရပ်​ဘက်​လူ့ ​အ​ဖွဲ့​အ​စည်း​တွေ​နဲ့ ​ခေါ်​ယူ​ညှိ​နှိုင်း​ပြီး ​အ​လုပ်​သ​မား​တွေ ​လုပ်​ငန်း​ခွင်​ပြန်ဝင်​ရာ​မှာ ​မ​ပြေ​လည်​မှု​တွေ ​ဖြစ်​ပွား​ခဲ့​တာ​လည်း ​ဖြစ်​ပါ​တယ်။

ဒီ​ဇင်​ဘာ​လ​မှာ​တော့ ​အ​လုပ်​သ​မား​ခေါင်း​ဆောင်​တွေ​နဲ့ ​စက်​ရုံ ​အ​ရာ​ရှိ​တို့ ​အ​ပြန်​အ​လှန် ​ရိုက်​နှက်​တာ​တွေ ​ဖြစ်​ပွား​ခဲ့​ပြီး ​အ​ပြန်​အ​လှန်​တ​ရား​စွဲ​ခဲ့​ကြ​ပါ​တယ်။

ယနေ့ မြန်မာ့ရေးရာသတင်းများ November,30th,2013

( 40 )ဆီးဂိမ်းလက်ခံကျင်းပဖို့ ရာနှုန်းပြည့်အဆင်သင့်လို့ ဒုဝန်ကြီးပြော

( 39 )Ethnic autonomy is the only road to peace, says KIA

( 38 )စားပွဲတင်တင်းနစ် ကစားသမား (၁၀) ဦးအနက် နိုင်ငံတကာအတွေ့အကြုံရှိသူ (၄) ဦးသာ ပါဝင်

( 37 )Burma Expert Doubtful That Current Talks Will Bring Peace

( 36 )အ​ကယ်​ဒ​မီ​ပွဲ​အ​တွက် ​စင်​ကာ​ပူ​အ​ခြေ​စိုက် Varco ​ကု​မ္ပ​ဏီေ​ရွး​ချယ်​ခံ​ရ

( 35 )Myanmar ’100 Percent’ Ready for SEA Games

( 34 )ဒေါ်စု သြစတြေးလျ ခရီးတတိယနေ့

( 33 )Former MI chief spurns politics, calls for national intelligence agency

( 32 )လက်ပံတောင်းဖြိုခွင်းမှု တစ်နှစ်ပြည့် လမ်းလျှောက်ဆန္ဒပြ

( 31 )Primped, Pruned and Peaceful in the Heart of Rangoon

( 30 )လူ​ထု​ဒေါ်​အ​မာ ၉၈ ​နှစ် ​ပြည့်​မွေး​နေ့ ​အ​မှတ်​တ​ရ ​ကျင်း​ပ

( 29 )Govt rejects NLD proposal for quadripartite meeting

( 28 )လက်ပံတောင်း နှစ်ပတ်လည် ဆန္ဒပြ

( 27 )Rapid Plantation Expansion Fuels Deforestation in Ethnic Regions

( 26 )မြိုလူမျိုးအဖြစ် သတ်မှတ်ဖော်ပြရေး သတင်းစာရှင်းလင်းပွဲ ကျင်းပ

( 25 )Myanmar, India hold seminar on tripartite highway

( 24 )ဆင်တံဆိပ် ဘိလပ်မြေက ကျောင်းသား ၂၀၀ ကျော်အတွက် ပညာသင်စရိတ် ထောက်ပံ့

( 23 )'K' Line to open new office in Myanmar

( 22 )ထိုင်းအရေးအခင်း မြန်မာ့ခရီးသွားလုပ်ငန်းကို မထိခိုက်

( 21 )The new world order

( 20 )မြန်​မာ​နိုင်​ငံ​က ​ရာ​ဘာ ​ဂျ​ပန် ၀ယ်​ယူ ​တင်​သွင်း​မည်

( 19 )Suu Kyi conferred with honorary doctorate

( 18 )ရော်ဘာလုပ်ငန်းများအတွက် ငွေကြေးပံ့ပိုးမည့်ရန်ပုံငွေ တည်ထောင်သွားမည်

( 17 )Additional US$1 million for development in Chin state – but is it enough?

( 16 )အ​မျိုး​သ​မီး​ငယ်​များ​ကို ​လူ​ကုန်​ကူး​သူ ​ဖမ်း​ဆီး​ခံ​ရ

( 15 )Aung San Suu Kyi awarded honorary doctorate from ANU

( 14 )စားပွဲတင်တင်းနစ် ကစားသမား (၁၀) ဦးအနက် နိုင်ငံတကာအတွေ့အကြုံရှိသူ (၄) ဦးသာ ပါဝင်

( 13 )Myanmar’s Weak Legislation a “Lucky Strike” for Foreign Tobacco Giants

( 12 )အောင်​မြင်​မှု​များ​ကို ​ထိုက်​ထိုက်​တန်​တန် ​ဂုဏ်​ပြု​စေ​လို​ဟု ​ရိုး​ရာ​လှေ​က​စား​သ​မား​များ​ပြော

( 11 )Beautiful, beguiling Burma

( 10 )ချောင်ဘူရီ ဘောလီဘောကလပ် မြန်မာကစားသမား ၂ ဦးကို ကမ်းလှမ်း

( 9 )The battle for gay rights in Burma

( 8 )မြန်မာအစိမ်းရောင်ကွန်ယက်၏ တတိယအကြိမ်တွေ့ဆုံပွဲ ကရင်ပြည်နယ်၌ ကျင်းပမည်

( 7 )Myanmar family with sick baby can stay

( 6 )မိုလူမျိုး တိုင်းရင်းသားလွှတ်တော်ကိုယ်စားလှယ်တစ်ဦး ပေါ်ထွက်လာရန် မြို (ခ) ခမီး ညီညွှတ်ရေးအဖွဲ့ ကြိုးပမ်းမည်

( 5 )Suu Kyi Calls People To Focus On Ending Violence

( 4 )တစ်နှစ်ပြည့် လက်ပံတောင်းအကြမ်းဖက်မှုနှင့် မေးခွန်းငါးခု

( 3 )Asylum seeker family from Myanmar continues fight to stay in Australia

( 2 )အခြေခံဥပဒေပြင်မှ ဒီမိုကရေစီနိုင်ငံဖြစ်မယ် လို့ ဒေါ်အောင်ဆန်းစုကြည်ပြော

( 1 )Aung San Suu Kyi seduces Australia with presidential ambitions