Tuesday, April 30, 2013

အမှတ် (၅၅၁)တပ်ရင်းမှ ဒုအရာခံဗိုလ် ရခိုင်ကွန်ဒိုင်ရွာမှ ရွာသားတစ်ဦးအား အကြမ်းဖက်ရိုက်နှက်

ဇင်ကီး

ရခိုင်ပြည်၊ ဘူးသီးတောင်မြို့နယ် ဒပြုချောင်းတံတား ကင်းစခန်းတွင် တာဝန်ကျနေသော အမှတ် (၅၅၁) ခြေလျှင်တပ်ရင်းမှ ဒုအရာခံဗိုလ် မြင့်လွှင်မှ ရခိုင်ကွန်ဒိုင်ကျေးရွာသား ဦးမင်းသူထွန်းအား ဧပြီလ ၂၆ ရက်နေ့က မတရားအကြမ်းဖက် ဖမ်းဆီး ရိုက်နှက်ခဲ့ကြောင်း သတင်းရရှိသည်။

ဦးမင်းသူထွန်း ((ဘ) ဦးသန်းထွန်း၊ အသက်- ၂၂ နှစ်၊ မှတ်ပုံတင်အမှတ်- ၁၁/ဘသတ(နိုင်)၀၂၉၉၉၄) မှာ ကွန်ဒိုင်ရွာမှ ဘူးသီးတောင်မြို့သို့ ဈေးရောင်း၊ ဈေးဝယ်ရန် သွားသူများအား နေ့စဉ်လိုက်ပို့နေသူဖြစ်ပြီး အဆိုပါကင်းစခန်းအနီးတွင် ရေအတက်အကျ စောင့်ဆိုင်းကာ သတင်းပေးပို့ အိပ်လေ့ရှိရာ အဆိုပါနေ့၌ မတရားရိုက်နှက်ခံခဲ့ရကြောင်းကို ဘူးသီးတောင်မြို့ ရခိုင်တိုင်းရင်းသားများ တိုးတက်ရေးပါတီ ဥက္ကဌ ဦးထွန်းအောင်သိန်းက ဆိုသည်။

" မင်းသူထွန်းဟာ ကျနော်တို့ဆီကို ၂၇ ရက်နေ့ နံနက်မှာ ရောက်လာပြီး သူ့အဖြစ်ပျက်တွေပြောပြပါတယ်၊ သူက ကင်စခန်းကို သွားပြီး အကြောင်းကြားတဲ့ အခါ ဒုအရာခံ ဗိုလ်မြင့်လွှင်က ဘယ်သူတွေပါသလဲလို့ မေးပါတယ်၊ အမျိုးသီး ၂ ဦးနှင့် ဦးလေးတစ်ယောက်ပါတယ်ဆိုပြီး မင်းသူထွန်းက ပြောတယ်၊ ဦးမြင့်လွှင်က အဲဒီသုံးယောက်ကို ကမ်းပေါ်ကို တက်ခိုင်းတယ်၊ ဒီအချိန်ဟာ (၁၄၄) ရှိနေတဲ့အတွက် ဘာကြောင့်သွားရသလဲဆိုပြီး ဦးမြင့်လွှင်က မင်းထွန်းသူကို ပြောပါတယ်၊ နောက်ပြီး မင်းသူထွန်းကို မြေပေါ်မှာ ၀မ်းလျားမှောက်ခိုင်းပြီး ကျောကုန်းကို ဒုတ်နဲ့ရိုက်တယ်၊ နောက်ပြီး ဦးမြင့်လွင်က သူ့တပည့်တစ်ယောက်ကို ခေါ်ပြီး မင်းသူထွန်း မျက်နှာကို လက်သီးနှင့်ထိုးခိုင်းတယ်၊ ကင်းစခန်းထဲခေါ်ယူသွားပြီး လက်ကို နောက်ပြန်ကြိုးတုတ်ပြီး ခြေသလုံးကို ဒုတ်နဲ့ ရိုက်တယ်၊ မင်းသူထွန်းက မခံနိုင်တဲ့အတွက် ထွက်ပြေးတဲ့အခါ ခြေထောက်နှစ်ချောင်းကို ကြိုးတုတ်ပြီး ဒုတ်နဲ့ထပ်ရိုက်တယ်၊ မင်းထွန်းသူကို အရိုက်ခံနေရတဲ့အတွက် ဦးလေးဖြစ်သူက ၀င်ပြီးတောင်ပန်ပြန်ရင်လည်း ဦးလေးကိုပါ ရိုက်တယ်၊ ပါလာတဲ့ အမျိုးသမီး နှစ်ဦး ငိုပြီးတောင်ပန်ပေမယ့် ချက်ချင်း ပြန်မလွှတ်ပေးဘူး၊ နောက်ဆုံး မင်းသူထွန်းဟာ ကျောင်းသားတစ်ဦးပါလို့ ပြောလိုက်တဲ့အချိန်ကျမှ လွှတ်ပေးလိုက်တယ်လို့ မင်းသူထွန်း ကျနော်တို့နဲ့ တွေ့တဲ့အခါ ပြောပြခဲ့ပါတယ်။ " ဟု ဦးထွန်းအောင်သိန်းက ပြောသည်။

ဘူသီးတောင်မြို့နယ်တွင် (၁၄၄) ထုတ်ထားတဲ့အချိန်သည် ညနေ ၁၀ နာရီမှာ နံနက် ၄ နာရီထိဖြစ်ပြီး ဦးမင်းသူထွန်းအား ခေါ်ယူစစ်ဆေးချိန်မှာ ၄ နာရီခွဲခန့် အချိန်ဖြစ်နေသဖြင့် (၁၄၄) ထုတ်ထားသည့်အချိန်အား ကျော်လွန်နေကြောင်း ဦးထွန်းအောင်သိန်းက မှတ်ချက်ပေးသည်။

ဦးမင်းသူထွန်းမှာ ကျောကုန်းအား သစ်သားတုတ်ဖြင့် (၂)ချက် တအားရိုက်နှက်ပြီး ကျန်ရဲဘော်တစ်ယောက်က လက်သီးဖြင့် မျက်နှာကို ညာ(၅)ချက်၊ ဘယ်(၇)ချက် တအားထိုးခြင်းခံခဲ့ရပြီး စခန်းထဲသို့ခေါ်သွားကာ လက်နှစ်ဖက်နှင့် ခြေထောက်နှစ်ဖက်အား ကြိုးတုတ်ကာ မြေပေါ်တွင် လဲချ၍ ခြေနှစ်ဖက်လုံးကို သစ်လုံးဖြင့် အကြိမ်ကြိမ်ကြိတ်ပြီး ကိုယ်ခန္ဓာအား သစ်သားတုတ်ဖြင့် (၁၀)ကြိမ်ထက်မနည်း ရိုက်နှက်ခြင်းခံခဲ့ရကြောင်း သိရသည်။

စက်လှေပေါ်၌ပါလာသည့် ဦးကျော်ဇောလှ( မှတ်ပုံတင်အမှတ်- ၁၁/ဘသတ(နိုင်)၀၁၁၈၅၆) (ဘ) ဦးထွန်းအောင်ဖြူ၊ အသက်(၃၇)နှစ်)မှ ၀င်ရောက်တောင်းပန်ရာ ဒုအရာခံဗိုလ်က တုတ်ဖြင့် (၂)ချက် ရိုက်နှက်ခြင်း ခံခဲ့ရကြောင်း သိရသည်။

အဆိုပါ ဦးမင်းသူထွန်းမှာ ခြေ၊ နောက်ကျောနှင့် မျက်နှာတွင် ဒဏ်ရာပြင်းထန်စွာရရှိပြီး ဆေးကုသခံလျှက်ရှိရာ ဦးထွန်းအောင်ဖြူမှာလည်း ခန္ဓာကိုယ်တွင် ဒဏ်ရာရသွားကြောင်း၊ အဆိုပါ ဖြစ်စဉ်အား မင်းသူထွန်းမှာ ဘူးသီးတောင်ရဲစခန်းတွင် ၂၉ ရက်နေ့က သွားရောက်တိုင်ကြားရာတွင် တိုင်ချက်အား ရဲစခန်းမှ လက်မခံကြောင်း ဘူသီးတောင်မြို့မှ လူငယ်တစ်ဦးက ဆိုသည်။

အဆိုပါ ကင်းစခန်းတွင် ထိုသို့ အနိုင်ကျင့်မှုများ ယခင်က မရှိခဲ့ဘဲ ဒုအရာခံဗိုလ် မြင့်လွှင်ရောက်လာမှ ထိုသို့ပြုမူခြင်းဖြစ်ကြောင်း၊ ဧပြီလ ၂၁ ရက်နေ့ နေ့လည်ခန့်ကလည်း ဒုအရာခံဗိုလ်နှင့် ရဲဘော်တို့သည် လှေပေါ်ပါလာသည့် မိန့်ကလေးတစ်ဦးအား ပေးရန်တောင်းရာ ဦးမင်းသူထွန်းမှ ရွာသူတွေဖြစ်ကြောင်း ပြောခဲ့ရသည်ဟု ပြောခဲ့ရပြီး ယခု တစ်ကြိမ်တွင်လည်း ဒုအရာခံဗိုလ် ဦမြင့်လွှင်မှာ စက်လှေပေါ်တွင် ပါလာသော ရခိုင်ကွန်ဒိုင်ကျေးရွာမှ ဒေါ်မလှဝင်း(ဘ) ဦးထွန်းအောင်ဖြူ၊ အသက်(၃၇)နှစ် နှင့် ဒေါ်မစောရွှေ(ဘ) ဦးမောင်စံလှ၊ အသက် (၁၈) နှစ် တို့အား ကုန်းပေါ်သို့ ကိုယ်လက်များကိုကိုင်၍ ဆွဲတင်ခဲ့ခြင်းဖြစ်ကြောင်း သိရသည်။

ကွန်ဒိုကျေးရွာမှာ ဘူးသီးတောင်မြို့သို့ ၆ မိုင်ခန့် ကွာဝေးပြီး ရေကြောင်းဖြင့်သွားလျှင် ၂ နာရီခန့်ကြာပြီး ယခင်က မြို့သို့ ကုန်းလမ်းမှ လာရောက်ကြရာ ၂၀၁၂ ရခိုင်ပြည်တွင် ပဋိပက္ခ ဖြစ်ပေါ်ပြီးနောက်ပိုင်း ဘင်္ဂလီကျေးရွာများမှ ဖြတ်သန်းသွားလာခြင်း မပြုဝံ့တော့သဖြင့် စက်လှေဖြင့် သွားလာနေကြကြောင်း သိရသည်။

သျှမ်း/မြောက် ကျောက်မဲခရိုင်ဘက် အစိုးရတပ် ရိက္ခာ အင်အားတိုးချထား

သျှမ်းသံတော်ဆင့်

သျှမ်းပြည်မြောက်ပိုင်း ကျောက်မဲမြို့နယ် မိုင်းငေါ့မြို့နယ်ခွဲရှိ တအာင်း တပ်စခန်းဟောင်းများတွင် အစိုးရတပ်က ခြေကုပ်နေရာယူထားကာ စစ်အင်အားတိုးဖြည့်ချထား ကြောင်း သျှမ်းပြည်မြောက်ပိုင်းသတင်းရပ်ကွက်ကဆိုပါသည်။

“ခလရ ၁၁၄၊၁၁၅၊ ခမရ ၅၀၁၊ ၅၀၂၊ ၅၀၃ တို့ပေါ့။ ကျောက်မဲမြို့နယ် မိုင်းငေါ့မြို့နယ်ခွဲ ခွန်ခါ အုပ်စု ခွန်ခါရွာဘက်မှာပါ။ အင်အား ၄၀၀ ထက်မနည်း တိုးချလာတယ်။ အရင်နေသွားတဲ့ TNLA တပ်စခန်းဟောင်းတွေမှာ ခြေကုပ်နေရာယူထား တယ်။ စခန်းပြင်တယ်။ကျင်းတူးတယ်။ ရိက္ခဖြည့်တယ်။ အဲလိုလုပ်လာတာ ၃-၄ လ ရှိနေပြီ။ ခုထိဘဲ ” ဟု မိုင်းငေါ့မြို့နယ်ခွဲမှ လယ်သမားတဦးကဆိုပါသည်။

နယ်မြေရှင်းလင်းအတွက် ဖြစ်နိုင်ချေရှိကြောင်း၊ ဆန်အိတ်များသယ်ဆောင်လာပြီး ကျေးရွာဉက္ကဌများအား စခန်းတိုင်းသို့ သယ်ယူပို့ဆောင်ပေးရန် တာဝန်ယူခိုင်းကြောင်း ဆန်အိတ်သယ်ဆောင်ပေးရသူ ဒေသခံတဦးကပြောပါသည်။

“ စခန်းတခုကို ဆန်အိတ် ၃၀ စီပို့ခိုင်းတယ်။ ဥက္ကဌတွေက ပို့ပေးဖို့တာဝန်ယူရတယ်။ သူများတွေမေးရင်လဲ ဒါရပ်ရွာအတွက် ဝယ်လာတာလို့ပြောခိုင်းတယ်။ ဗမာစစ်တပ်အတွက် လို့မပြောရဘူးတဲ့” ဟု ဆန်အိတ်သယ်ဆောင်ပေးရသူက ဆိုပါသည်။

ထိုသို့ အင်အားတိုးချထားသည့်နောက်ပိုင်း ကျေးလက်ဒေသများတွင် ရွာသားများလွတ်လပ်စွာလယ်ယာမလုပ်ရဲခြင်း၊ အချိန် မတော်ခရီးသွားခြင်း မပြုရဲတော့သဖြင့် အခက်အခဲဖြစ်နေရကြောင်း ရွာသားတဦးဖြစ်သည့် စိုင်းဦးကပြောသည်။

“အထူးသဖြင့် ခွန်ခါရွာမှာပေါ့ဗျာ။ အရင်ကဆိုရင်ညနက်တဲ့အထိ ရွာသားတွေက အလုပ်လုပ်ကြတာ။ အခု ဗမာစစ်တပ် ရောက် လာပြီးနောက်ပိုင်းမှာတော့ ညနက်အထိ မီးခွက်ထွန်းဝိုင်းထိုင်စကားပြောတာတောင်မှ အိမ်ပေါ်တက်ပြီး စစ်လား ဆေးလားလုပ်တယ်။ တခြားကနေရွာပြန်တဲ့သူတောင်မှ ခေါ်စစ်တယ် အဲလိုလုပ်လာတော့ ရွာသားတွေက မြို့တက်သူတက်၊ တခြားကိုပြေးသူပြေး ကုန်ကြပြီ” ဟု ဆိုပါသည်။

ထိုဒေသတွင် တအာင်း TNLA ကချင် KIA နှင့် အပစ်ရပ်သျှမ်း SSPP/SSA ၊ RCSS/SSA တပ်တို့လည်းလှုပ်ရှားကြသည်။

စစ်သုံး ရဟတ်ယာဉ်များ တရုတ်ထံမှ မရဟု “ဝ” ငြင်းဆို

လင်းသန်


လက်နက် တပ်ဆင်ထားသည့် တိုက်ခိုက်ရေး ရဟတ်ယာဉ်များ တရုတ်နိုင်ငံက ပေးပို့ခဲ့သည်ဆိုခြင်းကို “၀” ပြည် သွေးစည်းညီညွတ်ရေး အဖွဲ့ (UWSA) က အခြေအမြစ်မရှိသည့် သတင်းဖြစ်ကြောင်း ငြင်းဆိုလိုက်သည်။

တရုတ်နိုင်ငံက TY 90 ဝေဟင်မှ ဝေဟင်ပစ် ဒုံးကျည်လက်နက် တပ်ဆင်ထားသည့် Mi-17 အမျိုးအစား အလတ်စား သယ်ယူပို့ဆောင်ရေး ရဟတ်ယာဉ်များကို ဖေဖော်ဝါရီလ ကုန်ပိုင်းနှင့် မတ်လဆန်းက UWSA အဖွဲ့သို့ လွှဲပြောင်းပေးခဲ့ကြောင်း တိုင်းရင်းသား လက်နက်ကိုင်အဖွဲ့တချို့နှင့် မြန်မာအစိုးရ သတင်းရင်းမြစ်တခုကို ကိုးကား၍ ကာကွယ်ရေးနှင့် လုံခြုံရေးဆိုင်ရာ Jane’s Intelligence Review က ဖော်ပြခဲ့သည်။

“မဟုတ်မမှန် လုပ်ကြံတဲ့ သတင်းတွေပဲလို့ ယူဆပါတယ်၊ ကျနော်တို့ကို ရဟတ်ယာဉ် ပေးတယ်တို့ ဘာတို့ ညာတို့။ ရဟတ်ယာဉ်ပေးတော့ ဘယ်သူက လာမောင်းမှာလဲ၊ ကျနော်တို့ဆီက ဘယ်သူက မောင်းတတ်မှာလဲ၊ ဘယ်အဖွဲ့အစည်းက သွားမောင်းမလဲ” ဟု UWSA အဖွဲ့မှ ပြောခွင့်ရပုဂ္ဂိုလ် ဦးအောင်မြင့်က ဧရာဝတီသို့ ပြောသည်။

Mi-17 အမျိုးအစား ရဟတ်ယာဉ်များသည် တရုတ်နိုင်ငံမှ တိုက်ရိုက်ရောက်ရှိလာခဲ့ခြင်း မဟုတ်ဘဲ လာအိုနိုင်ငံမှ တဆင့် မဲခေါင်မြစ်ကို ဖြတ်သန်းကာ UWSA ထိန်းချုပ်နယ်မြေသို့ ရောက်ခဲ့ကြောင်း၊ တရုတ်နိုင်ငံက ပေးပို့ လိုက်သော ရဟတ်ယာဉ်မှာ ၅ စီးဟု ဆိုသော်လည်း မြန်မာအစိုးရ သတင်းရင်းမြစ်တခု၏ အတည်ပြုချက် အရ UWSA ထိန်းချုပ်နယ်မြေသို့ ရောက်ရှိလာသည့် ရဟတ်ယာဉ်မှာ ၂ စီးသာဖြစ်ကြောင်း အဆိုပါ Jane’s Intelligence Review ၏ သတင်းတွင် ဖော်ပြထားသည်။

သို့သော် မြန်မာ့အရေး ကျွမ်းကျင်သူ ဂျာနယ်လစ် ဘာတေးလ် လစ်တနာကမူ Jane’s Intelligence Review ပါ သတင်းဖော်ပြချက်သည် မှန်ကန်နိုင်သည်ဟု ဧရာဝတီသို့ ပြောဆိုသည်။

မြန်မာစစ်တပ်၏ စစ်ရေးအမြင်အရ UWSA အဖွဲ့ကို ပစ်ခတ်နိုင်သည့် အနေအထားသို့ ရောက်နိုင်ရန်အတွက် ယခုအခါ ရှမ်းပြည်တပ်မတော် မြောက်ပိုင်း (SSA-N) အား ထိုးစစ်ဆင်နေခြင်း ဖြစ်ကြောင်း သူက ဆက်ပြောသည်။

ဦးအောင်မြင့်ကမူ ယခုအခါ ၎င်းတို့၏ UWSA အနေဖြင့် ဒေသတွင်း၌ ဖွံ့ဖြိုးရေးနှင့် တည်ဆောက်ရေး လုပ်ငန်းများကိုသာ လုပ်ဆောင်နေကြောင်း ပြောသည်။

“ကျနော်တို့ကတော့ ငြိမ်းချမ်းရေးကို ဆက်ပြီးတော့ ဆောင်ရွက်သွားဖို့ပဲလေ” ဟု သူက ဆိုသည်။

၂၀၁၁ ခုနှစ် စက်တင်ဘာလက မြန်မာအစိုးရနှင့် အပစ်အခတ် ရပ်စဲရေး သဘာတူညီမှု ပြန်လည် လုပ်ဆောင်ခဲ့သည့် UWSA အဖွဲ့သည် မြန်မာနိုင်ငံရှိ တိုင်းရင်းသား လက်နက်ကိုင်အဖွဲ့များထဲတွင် အင်အားအကြီးဆုံး အဖွဲ့တခုဖြစ်ပြီး ခန့်မှန်းခြေ စစ်သည်အင်အား ၂ သောင်းကျော်ရှိ၍ တရုတ်-မြန်မာ နယ်စပ် မြန်မာနိုင်ငံ မြောက်ပိုင်း၊ ရှမ်းပြည် အရှေ့မြောက်ဒေသ ပန်ဆိုင်းတွင် ဌာနချုပ်ထားရှိသည်။

လေ့လာသူများ အဆိုအရ UWSA အဖွဲ့သည် မူးယစ်ဆေးဝါး လုပ်ငန်းများနှင့် ဆက်နွှယ်မှုရှိခဲ့ပြီး မြန်မာနှင့် အိမ်နီးချင်း နိုင်ငံများတွင် စီးပွားရေးလုပ်ငန်း များစွာ ပိုင်ဆိုင်ကာ ငွေကြေးကြွယ်ဝသည်ဟု ဆိုကြသည်။

UWSA ကမူ မူးယစ်ဆေးဝါး တိုက်ဖျက်ရေး လုပ်ငန်းစဉ်များကို ထောက်ခံထားပြီး မူးယစ်ဆေး တိုက်ဖျက်ရေး လုပ်ငန်းများလည်း လုပ်ဆောင်နေသည်ဟု ဆိုသည်။

တရုတ်-မြန်မာနယ်စပ် အခြေစိုက် မြန်မာ့အရေး လေ့လာစောင့်ကြည့်သူ ဦးအောင်ကျော်ဇောကမူ အစိုးရ စစ်တပ်အနေဖြင့် SSA မြောက်ပိုင်း၏ တောင်ပေါ် အခြေစိုက် စခန်းများကို ရယူလိုနေသည်မှာ UWSA ကို တိုက်ခိုက်လိုသည့် လက္ခဏာဖြစ်ကြောင်း၊ အကယ်၍ UWSA အဖွဲ့အား အစိုးရစစ်တပ်က စစ်ဆင်ခဲ့လျှင် UWSA အနေဖြင့် မိမိကိုယ်ကိုယ် ကာကွယ်ရန် စစ်ရေးပြင်ဆင်မှုများ ရှိကောင်းရှိနိုင်မည် ဖြစ်ကြောင်း ဧရာဝတီသို့ ပြောသည်။

“ရှမ်း (မြောက်) SSA- N နဲ့ အစိုးရနဲ့ အပစ်အခတ် (ရပ်စဲရေး) ယူပြီးကတည်းက စစ်တပ်က သူတို့ ဘယ်တပ်မှ ရုပ်သိမ်း မသွားသေးတဲ့ အပြင် တပ်အင်အားပါ တိုးချဲ့ခဲ့တယ်။ ဒါဟာ ကောင်းတဲ့ လက္ခဏာ မဟုတ်ဘူး။ ဒီတော့ ၀ တပ်ဖွဲ့ဘက်ကလည်း ပြင်ဆင်မှုတွေ လုပ်ချင်တာပေါ့” ဟု သူက ဆိုသည်။

တရုတ်နိုင်ငံက UWSA အား တိုက်ခိုက်ရေး ရဟတ်ယာဉ်ပေးသည် ဆိုသည့်သတင်း ထွက်ပေါ်လာချိန်သည် SSA မြောက်ပိုင်းနှင့် မြန်မာစစ်တပ်တို့ တိုက်ပွဲများ ဖြစ်ပွားနေချိန်နှင့်လည်း တိုက်ဆိုင်နေသည်။

အဆိုပါကိစ္စနှင့် ပတ်သက်၍လည်း UWSA ပြောခွင့်ရ ဦးအောင်မြင့်က ယခုကဲ့သို့ အပစ်အခတ် ရပ်စဲရေး ပြောဆိုထားပြီးမှ တိုက်ပွဲများ ပြန်လည်ဖြစ်သည်မှာ မဖြစ်သင့်ကြောင်း ပြောသည်။

“ဒါကတော့ မကောင်းဘူးပေါ့ဗျာ။ ငြိမ်းချမ်းရေး ယူပြီးမှ ဒီလိုဖြစ်နေတာ ဒါ ဘယ်ဖြစ်သင့်မလဲ” ဟု သူက ဆိုသည်။

“၀” ခေါင်းဆောင်များနှင့် နီးစပ်သူလည်းဖြစ်သူ ဦးအောင်ကျော်ဇောက ရဟတ်ယာဉ်များ အပါအ၀င် ၄င်းတို့၏ စစ်တပ်တွင် ပို၍ ခေတ်မီသည့် လက်နက်များ လိုအပ်ကြောင်းနှင့် “၀” ဒေသအား အားကောင်းစေလိုသည်ဟု “၀” ခေါင်းဆောင်များက ၄င်းအား ပြောဆိုခဲ့ဖူးကြောင်း ပြောသည်။

ဗိုလ်ချုပ်မှူးကြီး မင်းအောင်လှိုင် ကာကွယ်ရေးဦးစီးချုပ် တာဝန်ယူပြီးနောက် ၂၀၁၂ အောက်တိုဘာလ အစောပိုင်းတွင် ပထမဆုံး အကြိမ်အဖြစ် “၀” ပြည် သွေးစည်ညီညွတ်ရေး အဖွဲ့ (UWSA) ဒု ဥက္ကဋ္ဌ ရှောက်မီလျံနှင့် ရှမ်းပြည် အရှေ့ပိုင်း ကျိုင်းတုံ အခြေစိုက် တြိဂံတိုင်း စစ်ဌာနချုပ်တွင် တွေ့ဆုံဆွေးနွေးခဲ့သည်။ ဗိုလ်ချုပ်မှူးကြီး မင်းအောင်လှိုင်သည် ကြိဂံတိုင်း စစ်ဌာနချုပ်တွင် တိုင်းမှူးအဖြစ် ယခင်က တာဝန်ယူခဲ့ဖူးသည်။

ထိုစဉ်က တွေ့ဆုံမှုသည် အစိုးရစစ်တပ်နှင့် ကချင်လွတ်လပ်ရေး တပ်ဖွဲ့ (KIA) တို့အကြား တိုက်ပွဲများ ဖြစ်ပွားချိန်နှင့်လည်း တိုက်ဆိုင်နေခဲ့ပြီး ကချင်နှင့် တိုက်ပွဲများအပြီး UWSA နှင့်လည်း တိုက်ပွဲများ ဖြစ်လာနိုင်သည်ဟု ထိုစဉ်က သတင်းများထွက် ပေါ်ခဲ့သေးသည်။

အစိုးရတပ်က ထိုးစစ်ဆင်နိုင်ခြေ ရှိမရှိနှင့် ပတ်သက်၍ ဦးအောင်မြင့်က “ကျနော်တို့ ပြောသံလေးတော့ ကြားတယ်။ ဒါကတော့ အခြေအနေဆိုတာ အပြတ်လည်းပြောလို့ မရဘူးလေ။ ဒါပေမယ့် ဒီကိစ္စက ဒီလို ဖြစ်မယ်၊ မဖြစ်ဘူး၊ ဒါ ဘယ်သူမှ ဒီလိုပါဆိုပြီး ပြောလို့ ရတာမှ မဟုတ်ပဲ” ဟု သူက ဆိုသည်။

UWSA သို့ စစ်လက်နက်များ ရောင်းချပေးသည်ဟူသော စွပ်စွဲချက်များ မဟုတ်မှန်ကြောင်း မြန်မာနိုင်ငံဆိုင်ရာ တရုတ် သံရုံးက ယခုနှစ် ဇန်နဝါရီ လကုန်ပိုင်းက ငြင်းဆိုခဲ့သေးသည်။ ၂၀၁၂ ခုနှစ် နှစ်လည်ပိုင်းက တရုတ်လုပ် PTL02 ဘီးတပ် တင့်ကားများ UWSA က ရရှိခဲ့ကြောင်း Jane’s Intelligence Review ၏ သတင်းရေးသားချက်ကို တရုတ်သံရုံး က ငြင်းဆိုခဲ့ခြင်း ဖြစ်သည်။

လက်ပံတောင်း ထွန်တုံးတိုက်ပွဲ ယာယီရပ်ဆိုင်း၊ လယ်မြေများ ပြန်ရသည်အထိ တိုက်ပွဲဝင်မည်

နေမျိုး | အင်္ဂါနေ့၊ ဧပြီလ ၃၀ ရက် ၂၀၁၃

လတ်တလောတွင် အာဏာပိုင်များနှင့် ဒေသခံပြည်သူများ အကြား ပဋိပက္ခများ၊ ရဲတပ်ဖွဲ့ဝင်များ၏ ပြည်သူများ အပေါ် အကြမ်းဖက်မှုများ ဖြစ်ပေါ်လာမည်ကို စိုးရိမ်သည့်အတွက် ထွန်တုံးတိုက်ပွဲများ ထွန်ယက်စိုက်ပျိုးမှုတွေကို ခေတ္တရပ်ဆိုင်းထားကြောင်း လက်ပံတောင်းအရေး ကူညီဆောင်ရွက် နေသူများမှ သတင်းရရှိသည်။

လက်ပံတောင်းအရေး ကူညီဆောင်ရွက်နေသူ ကိုသောင်းထိုက်ဦးက “ သွေးထိုးလှုံ့ဆော်တယ် ဆိုပြီး မြန်မာနိုင်ငံ ရဲတပ်ဖွဲ့က အမှုဖွင့်ထားတာပါ။ ကျွန်တော်တို့ ၂၃ ရက်နေ့က စပြီးထွန်တုံး တိုက်ပွဲဝင်ပါတယ်။ မိုးကျပြီဆိုရင်ဒေသခံ ပြည်သူတွေ စိုက်ပျိုးချင်တယ်ဆိုရင် စိုက်ပျိုးနိုင်အောင် ဆက်လက် လုပ်ဆောင်သွားမှာပါ ” ဟုဆိုသည်။

လျော်ကြေးမယူသည့် လယ်မြေများ အပေါ်တွင် ထွန်ယက်စိုက်ပျိုးနိုင်ရေး ကူညီသူ ၈ဦးအား ရဲက လာရောက် အစစ်ဆေးခံရန် အမှုဖွင့် ကြေညာချက် ထုတ်ထားခဲ့သော်လည်း လယ်မြေများ ပြန်လည် ရရှိသည်အထိ တိုက်ပွဲဝင်ရန် ဆုံးဖြတ်ထားကြောင်း ကိုသောင်းထိုက်ဦးက ဆက်ပြောသည်။

လက်ပံတောင်းတောင် ကြေးနီစီမံကိန်း ဖျက်သိမ်းရေးနှင့် လျော်ကြေးမယူ လယ်ယာများ ပြန်လည် ရရှိရေး အတွက် ဆောင်ရွက်နေသူ ၈ဦးကို နယ်မြေအေးချမ်းသာယာရေး ပျက်ပြားအောင် လုပ်ဆောင်သူများ အဖြစ် စစ်ကိုင်းတိုင်းဒေသကြီး ရဲတပ်ဖွဲ့က အမှုဖွင့်အရေးယူမည့် ကြေညာချက်ကို (ဧပြီလ ၂၅ ရက်နေ့) က ရဲက ထုတ်ပြန်ထားခဲ့သည်။

ဒေသခံများ အနေနှင့် ထိုသူများ မည်သည့်အရပ်တွင် ရှိသည်ကို ရဲစခန်းသို့ အကြောင်းမကြားလျှင် ထောင်ဒဏ်ခြောက်လ၊၎င်းတို့အား လက်ခံထားပါက ထောင်ဒဏ် ၅နှစ်အထိ အရေးယူ အပြစ်ပေးနိုင်ကြောင်း ကြေညာချက် တွင် ဖော်ပြထားသည်။

ဧပြီလ ၂၅ရက်နေ့ ရန်ကုန်ပြည်သူ့ အကျိူးဆောင် ကွန်ရက်အဖွဲ့ဝင် ကိုအောင်စိုးကို ရဲကဖမ်းဆီးခဲ့ပြီး အစစ်ဆေးခံ ရမည့် စာရင်းတွင် ပါဝင်သူ ကျန် ၇ဦးကို ရဲကဆက်လက် ရှာဖွေနေဆဲဖြစ်သည်။

ဒေသခံများ၏ အဆိုအရ တုံရွာမှ ကိုထင်ကျော်မှာ သေနတ်ဒဏ်ရာနှစ်ချက် ထိသဖြင့် မုံရွာဆေးရုံကြီးတွင်ဆေးကုသမှု ခံယူနေရပြီး ရွာသားအယောက် ၄၀ခန့် ထိခိုက် ဒဏ်ရာရရှိကာ သည်ဟု သိရသည်။

ဒေသခံတဦးက “ ခေါင်းကွဲတာ ပခုံးတဘက် နိမ့်သွားတာ အဲလိုဒဏ်ရာ ရသူတွေ ရှိတယ်။ ဆေးရုံမှာ ကုသမှု ခံယူနေတာ လောလောဆယ် သုံးယောက် ကျန်တဲ့သူတွေက ဆေးရုံတက်ဖို့ မ၀ံ့မရဲဖြစ်တာကြောင့် ရွာတွေထဲမှာပဲ ကျန်းမာရေးမှူးနဲ့ တိုးတိုးတိတ်တိတ် ကုနေရပါတယ် ” ဟု ရှင်းပြသည်။

စစ်ကိုင်းတိုင်း၊ ဆားလင်းကြီးမြို့နယ်တွင် ဒေသခံ တောင်သူလယ်သမား ၅၀၀ ခန့်က လက်ပံတောင်းတောင်ကြေးနီစီမံကိန်း လုံးဝ ဖျက်သိမ်းပေးရေးအတွက် ဧပြီလ ၂၉ရက်နေ့ မွန်းလွဲပိုင်းက ချီတက်ဆန္ဒပြ ကြကြောင်း ဆန္ဒပြခဲ့သည်။

ယင်းဆန္ဒပြပွဲတွင် ပုဒ်မ ၁၄၄ဖျက်သိမ်းပေးရေး၊ မီးလောင်ဗုံးတရားခံများကို အမြန်ဆုံး ဖော်ထုတ် အရေးယူပေးရေး တောင်းဆိုကြပြီး ကြေးနီစီမံကိန်းအတွက် စာချုပ်အသစ် ပြင်ဆင်ချူပ်ဆိုရန်ကို လည်း တောင်းဆိုခဲ့ကြကြောင်း ဒေသခံများမှ တဆင့်သိရသည်။

ထို့အပြင် ဦးပိုင်နှင့်ဝမ်ပေါင် ကုမ္ပဏီ အလိုမရှိ၊ လျော်ကြေးမယူရသေးသော လယ်ယာမြေများပေါ်ရှိ ကုမ္ပဏီပိုင် အဆောက်အဦနှင့် မြေစာပုံများ ဖယ်ရှားရန်လည်း တောင်းဆိုခဲ့ကြသည်။

ရခိုင်ပဋိပက္ခဒုက္ခသည်တွေ ချက်ချင်းအကူအညီလိုဟု စုံစမ်းရေးကော်မရှင်ပြော

ABC

မြန်မာအစိုးရအနေနဲ့ ​ရခိုင်ပြည်နယ်မှာဖြစ်ခဲ့တဲ့ ​ပဋိပက္ခကြောင့် ​ဒုက္ခရောက်ခဲ့တဲ့ ​မွတ်ဆလင် ​ဒုက္ခသည်တွေကို ​ချက်ချင်းကူညီဖို့လိုတယ်လို့ ​ရခိုင်ပြည်နယ်ပဋိပက္ခ ​စုံစမ်းစစ်ဆေးရေးကော်မရှင်ရဲ့ ​အစီရင်ခံစာထဲမှာဖော်ပြထားပါတယ်။

မနေ့က ​ထုတ်ပြန်တဲ့ ​ပဋိပက္ခစုံစမ်းစစ်ဆေးရေး ​အစီရင်ခံစာ ​သတင်းစာရှင်းပွဲမှာ ​ဒေသထဲမှာလည်း ​ပဋိပက္ခတွေ ​ထပ်ပြီးမဖြစ်ပွားဖို့အတွက် ​စစ်တပ်အင်အား ​ပိုမိုချထားဖို့လိုတယ်လို့လည်း ​ဆိုပါတယ်။

ပြီးခဲ့တဲ့နှစ် ​ဇွန်လမှာ ​ဖြစ်ခဲ့တဲ့ ​ပဋိပက္ခတွေကြောင့် ​လူပေါင်း ​နှစ်ရာကျော်သေဆုံးခဲ့ရပြီး ​တသိန်းလေးသောင်းလောက် ​အိုးအိမ်မဲ့ဖြစ်ခဲ့ရပါတယ်။

အစိုးရက ​ဖွဲ့စည်းထားတဲ့ ​စုံစမ်းစစ်ဆေးရေးကော်မရှင်ရဲ့ ​အစီရင်ခံစာထဲမှာ ​လက်ရှိအခြေအနေမှာတော့ ​ဗုဒ္ဓဘာသာဝင် ​ရခိုင်လူမျိုးတွေနဲ့ ​အစ္စလမ်ဘာသာဝင် ​မွတ်ဆလင် ​လူမျိုးတွေကို ​ယာယီခွဲခြားထားရဦးမှာ ​ဖြစ်တဲ့အကြောင်းလည်း ​ပြောပါတယ်။

အသိုင်းအ၀ိုင်းနှစ်ခုကို ​ခွဲခြားထားတာဟာ ​ရေရှည်အတွက် ​အဖြေတော့မဟုတ်ဘူး ​ဆိုပေမယ့် ​နှစ်ဖက်စလုံးက ​စိတ်ခံစားမှုပြင်းထန်နေမှုတွေ ​လျော့ကျသွားတဲ့အထိတော့ ​ခွဲခြားထားရမှာဖြစ်တယ်လို့ ​စုံစမ်းစစ်ဆေးရေး ​ကော်မရှင်အဖွဲ့ကပြောပါတယ်။

ပြီးခဲ့တဲ့တပတ်ကပဲ ​လူ့အခွင့်အရေးစောင့်ကြည့်လေ့လာရေးအဖွဲ့ကလည်း ​မြန်မာနိုင်ငံမှာဖြစ်ခဲ့ပဋိပက္ခတွေနဲ့ပတ်သက်ပြီး ​အစီရင်ခံစာတစောင်ထုတ်ပြန်ခဲ့ပါတယ်။

အစီရင်ခံစာထဲမှာ ​ဖြစ်ခဲ့တဲ့ပဋိပက္ခတွေဟာ ​လူမျိုးတုန်းသတ်ဖြတ်မှုစွပ်စွဲထားပါတယ်။ ​ဒါပေမယ့် ​အခုလို ​စွပ်စွဲချက်ကို ​မြန်မာအစိုးရက ​ငြင်းဆိုထားပြီးတော့ ​မြန်မာနိုင်ငံရေးလေ့လာသူတချို့ကလည်း ​စွပ်စွဲချက်ဟာ ​တရားမျှတမှုမရှိဘူးလို့လည်း ​သုံးသပ်ထားကြပါတယ်။


ရခိုင်ပြည်နယ်ပဋိပက္ခအစီရင်ခံစာသတင်းအပြည့်အစုံ

ရခိုင်ပြည်နယ်ထဲမှာ ​ဖြစ်ပွားခဲ့တဲ့ပဋိပက္ခတွေကြောင့် ​အိုးအိမ်မဲ့ဒုက္ခရောက်ခဲ့ရသူတွေကို ​စားနပ်ရိက္ခာနဲ့ ​နေရာအမိုးအကာရရှိဖို့ ​ပိုမိုဦးစားပေးလုပ်ဆောင်ပေးရမယ်လို့ ​ရခိုင်ပဋိပက္ခ ​စုံစမ်းစစ်ဆေးရေး ​ကော်မတီရဲ့ ​အစီရင်ခံစာထဲမှာ ​ဖော်ပြထားပါတယ်။

အိုးအိမ်မဲ့ဖြစ်နေတဲ့ ​သူတွေကို ​အရေးပေါ်အကူအညီတွေချက်ချင်းပေးဖို့လိုတဲ့အကြောင်း၊ ​မကြာခင်မှာ ​မိုးတွင်းရောက်လာတော့မှာဖြစ်တဲ့အတွက် ​ဒုက္ခသည်တွေအဖို့ ​လုံခြုံရေးနဲ့ ​ရာယာယီတဲအမိုးအကာတွေပေးဖို့လိုကြောင်း၊ ​အဲ့ဒါအပြင် ​ဒုက္ခသည်တွေအတွက် ​စားနပ်ရိက္ခာ ​တဆယ့်ငါးရာခိုင်နှုံးလိုအပ်နေသေးသလို ​နေအိမ် ​ကိုးဆယ်ရာခိုင်းနှုံး ​လိုအပ်သေးတယ်လို့လည်း ​အစီရင်ခံစာထဲမှာ ​ဖော်ပြထားပါတယ်။

အဲ့ဒါအပြင် ​နိုင်ငံသားဖြစ်နိုင်ရေးနဲ့ ​ဖြစ်ပြီးသားလူတွေအတွက် ​အခွင့်အရေးအာမခံချက်ရရှိဖို့ ​အတွက်လည်း ​အစီရင်ခံစာထဲမှာ ​အကြံပြုဖော်ပြထားပါတယ်။

စုံစမ်းစစ်ဆေးရေးကော်မရှင်ရဲ့အစီရင်ခံစာထဲမှာ ​ပဋိပက္ခတွေကြောင့် ​အိုးအိမ်မဲ့ဖြစ်ခဲ့ရတဲ့ ​ဒုက္ခသည်တွေရဲ့အရေးကို ​ဦးစားပေးဖော်ပြထားတဲ့အကြောင်းကို ​အစီရင်ခံစာ ​ကော်မတီအဖွဲ့ဝင်တဦးဖြစ်တဲ့ ​ဦးကိုကိုကြီးက ​အခုလိုရှင်းပြပါတယ်။

“ပဋိပက္ခ ​စုံစမ်းစစ်ဆေးရေးကော်မရှင်အနေနဲ့ ​အပြီးသတ်အစီရင်ခံစာသတင်းစာရှင်းလင်းပွဲလုပ်တာပါ၊ ​အခန်း ​၁၂ခန်းရှိတဲ့အထဲမှာ ​ဒုက္ခသည်များနဲ့ ​ပတ်သက်တာကို ​ဒီအမိုးအကာရရှိဖို့ ​၊ ​စားနပ်ရိက္ခာထောက်ပံ့ဖို့ဆိုတာတွေကို ​နံပါတ် ​၁ဦးစားပေးအနေနဲ့ ​ကျနော်တို့ ​ဖော်ပြထားပါတယ်၊ ​နောက် ​ပညာရေး၊ ​စီးပွားရေး၊ ​လူမှုရေး ​၊ ​ကျန်းမာရေး ​စတဲ့အခန်းကဏ္ဍတွေ ​၊ ​နိုင်ငံသားဖြစ်မှုနဲ့ ​ပတ်သက်ပြီးတော့ ​ကျနော်တို့စနစ်တကျစီစစ်ကောက်ယူဖို့ ​နိုင်ငံသားဖြစ်ပြီးသား ​သူတွေကို ​နိုင်ငံသားအခွင့်အရေး ​အာမခံချက်ရှိဖို့ ​အဲဒါတွေကို ​ကျနော်တို့ ​အကြံပြုထား ​တာရှိပါတယ်။”

ပြီးခဲ့တဲ့ ​ဇွန်လနဲ့ ​အောက်တိုဘာလတွေမှာ ​ဖြစ်ပွားခဲ့တဲ့ ​ပဋိပက္ခတွေကြောင့် ​ရခိုင်ပြည်နယ်မှာ ​ဗုဒ္ဓဘာသာဝင် ​ရခိုင်လူမျိုးတွေနဲ့ ​အစ္စလမ်ဘာသာဝင် ​မွတ်စဆင်လူမျိုးတွေကြား ​အခြေအနေက ​တင်းမာနေဆဲဖြစ်ပါတယ်။

ဘင်္ဂလားဒေ့ရ်ှဖက်က ​တရားမ၀င်ခိုးဝင်လာတဲ့ ​ရိုဟင်ဂျာဦးရေ ​ရှစ်သိန်းလောက်ရှိတယ်လို့ ​မြန်မာနိုင်ငံဖက်ကအမြင်ရှိပါတယ်။ ​တရားမ၀င်ဝင်ရောက်လာတဲ့သူတွေနဲ့ ​နိုင်ငံသားတွေကို ​စီစစ်ဖို့ကိစ္စကို ​ကြိုစားလုပ်ဆောင်ဖို့လိုတယ် ​ဆိုတဲ့အကြောင်းကိုလည်း ​ဦးကိုကိုကြီးက ​အခုလိုဆက်ပြောပါတယ်။

“တရားမ၀င်ဝင်ရောက်လာတဲ့သူတွေနဲ့ ​ကိုယ့်မှာရှိပြီးသားနိုင်ငံသားတွေနဲ့ ​အဲဒါတွေကို ​စီစစ်ဖို့ကိစ္စပေါ့လေ၊ ​အဲဒါ ​လည်း ​တော်တော်လေးကြိုးစားရမဲ့ကိစ္စပါ၊ ​ဒေသမှာရှိတဲ့ ​တရားမ၀င်ဝင်ရောက်လာတဲ့သူတွေကို ​အကြောင်း ​ပြုပြီးတော့ ​ဖြစ်တဲ့ကိစ္စမှာ ​နောက်ပိုင်းကျတော့ ​ဘာသာရေးပုံစံပြောင်းလာတာမျိုးကို ​ကျနော်တို့ကိုယ်နိုက်က ​ဒါလက်ခံလို့ ​မရဘူး၊ ​ကျနော်တို့က ​လူမျိုးစုကိစ္စကို ​သီးခြားဖြေရှင်းနိုင်ဖို့အတွက် ​ကြိုးစားရမှာ ​ဘာသာရေးပုံစံမျိုး ​ဖန်တီးတဲ့ကိစ္စမျိုးကို ​ကျနော်တို့ ​လက်ခံလို့ ​မရပါဘူး။”

ပဋိပက္ခကြောင့် ​ဇွန်လကနေစပြီး ​ထောင်နဲ့ချီတဲ့ ​ရိုဟင်ဂျာတွေ ​မြန်မာနိုင်ငံကနေ ​အိမ်နီးချင်းနိုင်ငံတွေဆီကို ​လှေတွေနဲ့ ​ထွက်ပြေးကြပါတယ်။ ​ဘင်္ဂလားဒေ့ရ်ှနိုင်ငံက ​ထွက်ပြေးလာတဲ့လှေတွေကို ​လက်မခံတဲ့အတွက် ​များသောအားဖြင့် ​မလေးရှားနိုင်ငံ ​ထွက်ပြေးသွားကြပါတယ်။

ပြီးခဲ့တဲ့တပတ်ကထုတ်ပြန်ထားတဲ့ ​လူ့အခွင့်အရေးစောင့်ကြည့်လေ့လာရေးအဖွဲ့ရဲ့ ​အစီရင်ခံစာထဲမှာ ​ရခိုင်ပြည်နယ်ကပဋိပက္ခကနေလှုံ့ဆော်မှုတွေဟာ ​မိထ္ထီလာအထိ ​ကူးဆက်ခဲ့ပါတယ်။ ​မိထ္ထီလာပဋိပက္ခမှာ ​လူပေါင်း ​လေးဆယ်ကျော်သေဆုံးခဲ့ရပါတယ်။

စံစမ်းစစ်ဆေးရေးကော်မရှင်အဖွဲ့ကတော့ ​ရခိုင်ပြည်နယ်ကပဋိပက္ခတွေကို ​ပြည်တွင်းပြည်ပ ​အဖွဲ့အစည်းတွေအနေနဲ့ ​ချည်းကပ်လေ့လာတဲ့ ​နေရာမှာ ​လူ့အခွင့်အရေးရှု့ဒေါင့်၊ ​နိုင်ငံသားအခွင့်အရေးရှု့ဒေါင့်၊ ​နိုင်ငံတော်လုံခြုံရေးရှု့ဒေါင့်တွေကနေ ​ချည်းကပ်ဖို့လိုပြီး ​စိတ်ခံစားမှုတွေ၊ ​၀ါဒဖြန့်ချီမှုတွေနဲ့ ​လုပ်ဆောင်မယ်ဆိုရင် ​ပြဿနာဖြေရှင်းတဲ့ ​နေရာမှာ ​အခက်အခဲတွေရှိလာနိုင် ​တယ်လို့ ​ဆိုပါတယ်။

မနေ့ကထုတ်ပြန်တဲ့ ​အစိုးရရဲ့ ​အစီရင်ခံစာထဲမှာ ​ဒေသထဲမှာ ​စစ်သားနဲ့ရဲတပ်ဖွဲ့တွေအနေနဲ့ ​ဥပဒေချိုးဖောက်မှုတွေရှိတယ်ဆိုရင် ​ထိုက်တန်တဲ့ ​ပစ်ဒဏ်ပေးဖို့လိုသလို ​နောက်ထပ် ​အကြမ်းဖက်မှုတွေမဖြစ်အောင် ​ထိန်းသိမ်းနိုင်ဖို့အတွက်အတွက်လည်း ​လုံခြုံရေးအင်အား ​နှစ်ဆတိုးမြှင့်ချထားဖို့လိုတယ်လို့လည်း ​ပါရှိတဲ့အကြောင်း ​ရေဒီယိုသြစတြေးလျသတင်းထောက် ​မြတ်မိုးက ​သတင်းပေးပို့ထား ​ပါတယ်။

မိတ္ထီလာ ဒုက္ခသည်များ နေရပ် စပြန်

စနေလင်း

မိတ္ထီလာ ဒုက္ခသည်စခန်းများရှိ နေအိမ်များ မီးလောင်ပျက်စီးခြင်း မရှိသော ဒုက္ခသည်တချို့ မူရင်းနေရပ်ထံ ပြန်လည်အခြေချ နေထိုင်နေကြပြီဖြစ်ကြောင်း သတင်းရရှိသည်။

ဒုက္ခသည်စခန်းများမှ ပြန်လည်အခြေချ နေထိုင်ကြသူအများစုမှာ မိတ္ထီလာမြို့ ပြည်သာယာရပ်ကွက်မှ အများဆုံးဖြစ်ပြီး ကျန်ရပ်ကွက်များတွင်လည်း တဖြည်းဖြည်း သက်ဆိုင်ရာမှ ပြန်လည်နေရာချထားပေးနေကြောင်း မိတ္ထီလာမြို့ ပြည်သူ့ လွှတ်တော်ကိုယ်စားလှယ် ဦးဝင်းထိန်က ဧရာဝတီသို့ ပြောသည်။

“ အိမ် မပျက်စီးတဲ့သူတွေ ပြန်နေနေကြပါပြီ။ အိမ်ပျက်စီးတဲ့သူတွေကတော့ အခုချိန်ထိ ကိုယ့်အိမ်ကိုယ့်နေရာမှာ မနေနိုင်သေးကြပါဘူး။ သူတို့အိမ် ပြန်ဆောက်ပေးဖို့ကလည်း ရန်ပုံငွေတွေက ပြည့်စုံမှ ဖြစ်မှာလေ။ အဲဒီလူတွေအတွက်တော့ ကြာဦးမယ် ထင်တယ် ” ဟု ဦးဝင်းထိန်က ဆိုသည်။

ဒုက္ခသည်များကို မူလနေရပ်များထံသို့ ပြန်လည်နေထိုင်ရန် စီမံဆောင်ရွက်လျက်ရှိသည်မှာ ၃ ရက်ကျော်ပြီဖြစ်ကြောင်း၊ တရက်လျှင် ဒုက္ခသည် ၃၀၀ ကျော်ကို တဖြည်းဖြည်း ပြန်လည်နေရာချထားပေးနေပြီဖြစ်ကြောင်း မိတ္ထီလာခရိုင် ရဲတပ်ဖွဲ့ရုံးမှ တာဝန်ရှိသူတဦးကလည်း ပြောသည်။

လက်ရှိအနေအထားအရ ရွှေ့ပြောင်းပြီးခဲ့သော အိမ်ထောင်စုပေါင်း ၄၅၀၊ လူဦးရေပေါင်း ၁၇၇၉ ဦးရှိကြောင်း၊ ပို့ဆောင် ဆက်သွယ်ရေး သင်တန်းကျောင်းနှင့် တခြားဒုက္ခသည် စခန်းတွင် လူဦးရေ ၅ ထောင်ကျော် ကျန်ရှိနေသေးကြောင်း၊ အိမ်ပြန်ကြသူများမှာ အစ္စလမ်ဘာသာဝင်များဖြစ်ပြီး တချို့မှာ ပဋိပက္ခဖြစ်ပွားစဉ် တခြားမြို့ရွာများသို့ ရှောင်တိမ်းကြသူ များလည်းပါဝင်ကြောင်း မိတ္ထီလာခရိုင် အုပ်ချုပ်ရေးမှူးဖြစ်သူ ဦးတင်မောင်စိုးက ဧရာဝတီသို့ ပြောသည်။

လုံခြုံရေးအပိုင်းမှ မည်သို့စီမံထားသည်ကိုလည်း အတိအကျ မပြောနိုင်သေးကြောင်း၊ အိမ်မပြန်နိုင်သေးသူများအတွက် အလှူရှင်များ လာရောက်လှူဒါန်းသော ပစ္စည်းများ၊ အစိုးရအ ကူအညီများကိုသာ အဓိက စီမံပေးနေရသေးကြောင်း မိတ္ထီ လာမြို့ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဌာနမှ တာဝန်ရှိသူတဦးက ဧရာဝတီသို့ ပြောသည်။

မိတ္ထီလာမြို့ ရပ်ကွက်တချို့တွင် အစ္စလမ်ဘာသာဝင်များ ပြန်ရောက်လာသည်ကို လက်မခံချင်သော သဘော တွေ့ရကြောင်း ပြည်သူလွှတ်တော်ကိုယ်စားလှယ် ဦးဝင်းထိန်က ဆိုသည်။

အစ္စလမ်ဘာသာဝင်များကို မူရင်းနေရပ်သို့ ပြန်ပို့ရာတွင် ဒေသခံ ဗုဒ္ဓဘာသာဝင်များ လက်ခံမှသာ ရွှေ့ပြောင်းပေးနေခြင်းဖြစ်ပြီး လက်မခံသေးသောရပ်ကွက်များသို့ ရွှေ့ပြောင်းမှု မလုပ်သေးကြောင်း မိတ္ထီလာခရိုင် အုပ်ချုပ်ရေးမှူး ဦးတင်မောင်စိုးက ဆိုသည်။

မိတ္ထီလာမြို့ပေါ်ရှိ ရပ်ကွက်တချို့မှ ဗုဒ္ဓဘာသာဝင်များက အစ္စလမ်ဘာသာဝင်များ ပြန်လည်အခြေချနေထိုင်လျှင် ပဋိပက္ခ ထပ်မံဖြစ်ပွားမည်ကို စိုးရိမ်ကြောင်း၊ သို့သော် ရပ်ကွက်တော်တော်များများက ကြိုဆိုသည့် သဘောရှိနေကြောင်း မိတ္ထီလာမြို့မဈေးမှ ဗုဒ္ဓဘာသာဝင် အထည်ဆိုင်ပိုင်ရှင်တဦးက ဆိုသည်။

မိတ္ထီလာမြို့ အရှေ့ပြင်ရပ်ကွက်တွင် ပြန်လည်အခြေချနေထိုင်နေသည့် အစ္စလမ်ဘာသာဝင် ကိုရန်အောင်က ၎င်းတို့ ပြန်အခြေချစဉ်က ၀မ်းသာအားရဖြင့် ပတ်ဝန်းကျင်မှ ပံ့ပိုးကူညီမှုများ ရရှိကြောင်း၊ ပဋိပက္ခဖြစ်ပွားစဉ်ကလည်း ၎င်းတို့ နေအိမ်ကို ပတ်ဝန်းကျင်မှ ဗုဒ္ဓဘာသာဝင်များက စောင့်ရှောက်ပေးခဲ့ကြောင်း ဆိုသည်။

“ အခု ပဋိပက္ခမှာ အကြမ်းဖက်တဲ့သူတွေက မြို့ခံတွေ မဟုတ်ကြပါဘူး။ အဲဒီအတွက် ပညာရေး အားနည်းတဲ့သူတွေက နောက်တကြိမ် ထပ်ဖြစ်မှာ စိုးကြတယ်လေ။ ကျွန်တော်တို့ ရပ်ကွက်မှာတော့ ဗုဒ္ဓဘာသာဝင်တွေက ကောင်းကြသလို၊ ကျနော်တို့နဲ့လည်း နှစ်ပေါင်းများစွာထဲက နေလာကြတော့ ဘာမှမဖြစ်ဘူး။ ချစ်ချစ်ခင်ခင်ပါပဲ ” ဟု ကိုရန်အောင်က ပြောသည်။

မတ်လ ၂၀ ရက်နေ့ နယူးဝိတ်စိန်ရွှေဆိုင်တွင် အရောင်းအ၀ယ်ပြုလုပ်စဉ် စကားများရန်ဖြစ်ရာမှ စတင်ခဲ့သော ၃ ရက်ကြာ ပဋိပက္ခ အကြမ်းဖက်မှုများတွင် လူ ၄၃ ဦး သေဆုံးခဲ့ပြီး ၈၆ ဦးထိခိုက်ဒဏ်ရာရရှိခဲ့ကြောင်း၊ ဈေးဆိုင်များ၊ နေအိမ်များ၊ ပညာရေးမှူးရုံး၊ ဘာသာရေးအဆောက်အဦးများအပါအ၀င် အဆောက်အဦး ၁၃၅၅ လုံး ပျက်စီးဆုံးရှုံးခဲ့ကြောင်း၊ မော်တော်ယာဉ် ၁ စီး၊ ဆိုင်ကယ် ၁ စီး၊ သုံးဘီးဆိုင်ကယ် ၂ စီးလည်း ပျက်စီးဆုံးရှုံးခဲ့ကြောင်း နိုင်ငံပိုင် မီဒီယာများက ကြေညာခဲ့သည်။

UNESCAP အစည်းအဝေးကို သမ္မတဦးသိန်းစိန် တက်ရောက်နေ

ABC

ကမ္ဘာ့ကုလသမဂ္ဂ ​အာရှနှဲ့ပစိဖိတ်စီးပွားရေးနဲ့ ​လူမှုရေးကော်မရှင် ​(UNESCAP) ​ကကြီးမှူးကျင်းပတဲ့ ​သဘာဝဘေးအန္တရယ်များနှင့် ​စီးပွားရေးအကြပ်အတည်းများကိုရင်ဆိုင်ကျော်လွှားရေး ​အစည်းအဝေးကို ​ထုိုင်းနုိုင်ငံ ​ဘန်ကောက်မြို့ ​ကုလသမဂ္ဂရုံးမှာ ​ကျင်းပနေပြီး ​သမ္မတဦးသိန်းစိန် ​တက်ရောက်နေပါတယ်။

နိုင်ငံထိပ်သီးတွေပါဝင်တဲ့ ​ဝန်ကြီးအဆင့် ​ဒီအစည်းအဝေးကို ​၆၉ ​ကြိမ်မြောက် ​ကျင်းပနေတာဖြစ်ပြီး ​မနေ့ကကျင်းပတဲ့ ​အဖွင့်မိန့်ခွန်းအတွင်း ​သမ္မတ ​ဦး ​သိန်း ​စိန် ​က ​မြန်မာ ​အစိုးရ ​အနေနဲ့ ​နိုင်ငံ ​တည်ငြိမ်ရေးနဲ့ ​စီးပွားရေး ​ဖွံ့ဖြိုး ​တိုးတက်မှုတွေကို ​တပြိုင်တည်း ​ရရှိအောင် ​အရှိန်အဟုန်မြင့် ​တည်ဆောက် ​နေကြာင်း ​ပြောကြား ​ခဲ့ပါတယ်။

စီးပွားရေး ​ဖွံ့ဖြိုးတိုးတက်မှု ​ရရှိဖို့အတွက် ​ဖြေလျှော့မှုတွေ ​မူဝါဒပိုင်းဆိုင် ​ရာ ​ပြုပြင်ပြောင်း ​လဲမှုများနဲ့အတူ ​အရေးကြီးတဲ့ ​အမျိုးသားစီးပွား ​ပုံစံချမှုအတွက် ​လိုအပ်တဲ့ ​စီးပွားရေး ​အခြေခံ ​အဆောက် ​အအုံများနဲ့ ​မူဘောင်များကိုလည်း ​ချမှတ် ​ဆောင်ရွက်လျှက်ရှိ ​နေပါတယ်၊ ​မြန်မာ ​နိုင်ငံ ​အနေနဲ့ ​လက်ရှိဖြစ်ပေါ်တိုးတက်နေတဲ့ ​နိုင်ငံရေး ​စီးပွားရေးပြုပြင်ပြောင်းလဲ ​မှုများကနေ ​ပေါ်ပေါက် ​လာတဲ့ ​အခွင့်အလန်းတွေကို ​အမိအရဆုပ်ကိုင် ​အသုံးချနိုင်ဖို့အတွက် ​အရပ်ဘက် ​လူ့အဖွဲ့အစည်း ​များနဲ့ ​stakeholders ​များအားလုံးပါဝင်တဲ့ ​ပွင့်လင်းတဲ့ ​ဆွေးနွေးမှုမျာကို ​အစပြုနေပြီ ​ဖြစ်ပါတယ်၊ ​အစိုးရနဲ့ ​ပုဂ္ဂလိကအကြား ​ပူးပေါင်း ​ဆောင်ရွက်မှုတွေကို ​တိုးမြှင့်ဆောင်ရွက် ​သွားရမှာဖြစ်သလို၊ ​သက်ဆိုင်သူများအကြား ​ယုံကြည်မှု ​တည်ဆောက်ဖို့ ​အတွက်လည်း ​အထူးပဲ ​လိုအပ်မှာ ​ဖြစ်ပါတယ်

မြန်မာနိုင်ငံဟာ ​စိုက်ပျိုးရေးကို ​အခြေခံတဲ့ ​နိုင်ငံဖြစ်တဲ့အတွက် ​ဒီကဏ္ဍဖွံ့ဖြိုးတိုးတက် ​ဖို့အတွက် ​အစိုးရ၊ ​ပုဂ္ဂလိက ​ပူးပေါင်းဆောင်ရွက်မှုတွေကို ​တိုးမြှင့်သွားမှာဖြစ်ကြောင်း၊ ​၂၁ရာစု
အစောပိုင်းကာလတွေမှာ ​အာရှပစိဖိတ်ဒေသတွင်း ​ဆင်းရဲမွဲတေမှု ​လျှော့ချနိုင်မှု ​ဟာ ​ကမ္ဘာမှာ ​အရေးပါတဲ့ ​အဖြစ်အပျက်တခု ​ဖြစ်လာနေတယ်လို့လည်း ​ပြောဆိုသွားပါတယ်။


ပြီးခဲ့တဲ့ ​ဆယ်စုနှစ်တွေအတွင်း ​လူလတ်တန်းစား ​ဖွံဖြိုးလာမှုတွေကိုဝမ်းမြောက် ​ဖွယ်ရာ ​တွေ့ရှိရတာနဲ့အတူ ​စိန်ခေါ်မှုတွေလည်း ​ရှိလာခဲ့ကြောင်း၊ ​စီးပွားရေး ​အကျပ်အတည်းနဲ့ ​ကြုံတွေ့ရမယ်ဆိုရင် ​ အဓိကအားဖြင့် ​ဆင်းရဲတဲ့ ​နိုင်ငံတွေနဲ့ ​သာမာန်ပြည်သူတွေဟာ ​အဦးဆုံး ​ရင်ဆိုင်ရမှာ ​ဖြစ်တယ်လို့လည်း ​သမ္မတကပြောပါတယ်။

ဒါ့အပြင် ​မြန်မာနိုင်ငံဟာ ​ဒေသတွင်း ​အဆင်းရဲဆုံးနိုင်ငံတွေအထဲက ​နိုင်ငံတနိုင်ငံဖြစ်ပြီး ​ရင်ဆိုင်ကျော်လွှားဖို့ ​ပြင်ဆင်နေတာတွေနဲ့ ​ပတ်သက်ပြီးတော့လည်း ​သမ္မတ ​က ​အခုလို ​ပြောပါတယ်။

ကျနော်တို့အစိုးရအနေနဲ့ ​ဒီအခြေအနေကို ​ပြောင်းလဲနိုင်ဖို့ ​အဝှမ်းညီစွာ ​စီးပွားရေး ​ဖွံ့ဖြိုးတိုးတက်လာစေဖို့၊ ​စီးပွားရေးအရ ​ဖွံ့ဖြိုးတိုးတက်လာစေသလို ​ပတ်ဝန်းကျင်ကိုလည်း ​ထိန်းသိမ်းနိုင်ဖို့ ​အထူးကြိုးစားပြီး ​လုပ်ဆောင်နေပါတယ်၊ ​တပြိုင်နက်ထဲမှာပဲ ​ပိုမိုထိခိုက် ​နိုင်တဲ့ ​လူ့အသိုင်းအဝိုင်းကို ​အထူးဂရုပြုကာကွယ်ပေးဖို့ ​နိုင်ငံကို ​ဆင်းရဲမွဲတေ ​သက်ဆိုးရှည်စေတဲ့ ​လက်နက်ကိုင်ပဋိပက္ခတွေကို ​အဆုံးသတ်ပြီး ​တရားနည်းလမ်းတကျ ​ရေရှည်တည်တံ့တဲ့ ​ငြိမ်းချမ်း ​ရေး ​ဖြစ်ထွန်းပေါ်ပေါက်လာစေဖို့ ​အထီးကျန်မှုကို ​အဆုံးသတ် ​ပိတ်ဆို့မှုတွေကို ​ပယ်ဖျက်ပြီး ​ကမ္ဘာ့ ​စီးပွားရေး ​ဈေးကွက်ကို ​မျက်နှာပန်း ​လှလှနဲ့ ​ပြန်လည်ဝင်ရောက် ​လာနိုင်စေဖို့အတွက် ​အထူးကြိုးပမ်း ​ဆောင်ရွက်နေတယ် ​ဆိုတာကိုလည်း ​ထပ်လောင်း ​ဂတိပြုပြောကြားလိုပါတယ်

ကုလသမဂ္ဂ ​အေဂျင်စီတွေ ​၊ ​အာရှ ​ပစိဖိတ် ​ဒေသတွင်းနိုင်ငံတွေက ​ဝန်ကြီးတွေ၊ ​အဆင်မြင့် ​အစိုးရ ​အရာရှိကြီးတွေ ​တက်ရောက်ခဲ့တဲ့ ​ဒီအစည်းအဝေးကနေ ​မြန်မာနိုင်ငံကို ​ပြုပြင်ပြောင်းလဲမှု ​လမ်းကြောင်းပေါ်ကို ​ဆောင်ကျဉ်းလာနိုင်အောင် ​ခေါင်းဆောင်နိုင်မှုနဲ့ ​ရဲဝံ့မှုတို့အတွက် ​သမ္မတ ​ဦးသိန်းစိန်ကို ​UNESAP ​ကဂုဏ်ပြုဆု ​ပေးအပ်ခဲ့တယ်လို့ ​ရေဒီယို ​သြစတေးလျ ​သတင်းထောက် ​သန်းကျော်စိုး ​က ​သတင်းပေးပို့ထားပါတယ်။

စစ်တွေ ဆူပူသူများကို ဥပဒေနှင့် အညီ အရေးယူမည်

နိရဉ္စရာ

ဧပြီလ ၂၆ ရက်နေ့က စစ်တွေမြို့နယ်တွင် ပြုလုပ်ခဲ့သော ဆွဲတင်စစ် လူဦးရေ စာရင်းကောက်ခံသူများအား အနှောင့်အယှက် ပြုလုပ်ခဲ့သူများ၊ လူထု ဆူပူ အုံကြွမူ ဖြစ်အောင် လူံ့ဆော် ဖန်တီးခဲ့သူများအား ဥပဒေနှင့် အညီ အရေး ယူသွားမည် ဖြစ်ကြောင်း အစိုးရ၏ ပြန်ကြားရေး ၀န်ကြီးဌာန ၀က်ဆိုက်တွင် ဖေါ်ပြသည်။

ဧပြီလ ၂၆ ရက်နေ့က အိမ်ထောင်စု လူဦးရေ စာရင်းကောက်ယူမူကို စာရင်း ကောက်ယူရေး အဖွဲ့ (၁၈) ဖွဲ့ဖြင့် စစ်တွေမြိ့နယ်ရှိ ဘင်္ဂလီ ဒုက္ခသည် စခန်းများတွင် စာရင်း ကောက်ယူခဲ့ရာ တည်ငြိမ်အေးချမ်းမူကို ပျက်ပြားစေမည့် အပြုအမူများ၊ လူထု ဆူပူအုံကြွမူ ဖြစ်စေမည့် လူံ့ဆော်မူများ ပေါ်ပေါက်ခဲ့သည်ဟု ဆိုသည်။

သို့အတွက် အိမ်ထောင်စု စာရင်းကောက်ယူမည့် အစီအစဉ်ကို ယာယီ ရပ်နားခဲ့ရသည်။

၎င်းနောက်ပိုင်း ညနေ ၃ နာရီတွင် ရခိုင်ပြည်နယ် အစိုးရရုံးတွင် အဆိုပါ ဖြစ်စဉ်နှင့် ပတ်သက်ပြီး အစိုးရ အရာရှိကြီးများသည် အစည်းအဝေး တစ်ရပ် အရေးပေါ် ပြုလုပ်ခဲ့သည်ဟု ဆိုသည်။

အဆိုပါ အစည်းအဝေးတွင် လူဝင်မူ ကြီးကြပ်ရေးနှင့် ပြည်သူ့အင်အား ၀န်ကြီးဌာန ဒုတိယ၀န်ကြီး ဦးကျော်ကျော်ဝင်းမှ အဆိုပါ လုပ်ရပ်သည် တည်ငြိမ်အေးချမ်းမူကို ထိခိုက်စေပြီး ဥပဒေနှင့် မညီသည့် လုပ်ရပ်ဖြစ်သဖြင့် လိုအပ်သလို ထိန်းသိမ်းပေးကြရန်နှင့် လုံခြုံရေး ဆောင်ရွက်နေသော အဖွဲ့အစည်းများ အနေဖြင့် ဥပဒေနှင့် အညီ ဆောင်ရွက်သွားမည်ဟု ပြောကြားသွားကြောင်း သိရသည်။

ရခိုင်ပြည်နယ် လုံခြုံရေးနှင့် နယ်စပ်ရေးရာ ၀န်ကြီး ဗိုလ်မှူးကြီး ထိန်လင်းကလည်း ဦးဆောင်ပါဝင်သူများကို စိစစ်ဖေါ်ထုတ်ပြီး ဥပဒေနှင့် အညီ အရေးယူဆောင်ရွက်သွားမည် ဖြစ်ကြောင်း ပြောဆိုခဲ့သည်။

ယခု စစ်တွေမြို့နယ်တွင် ဆွဲတင်စစ် လူဦးရေ စာရင်း ကောက်ခံရခြင်းမှာ ရခိုင်ပြည်နယ် အတွင်း ဖြစ်ပွားခဲ့သော ပဋိပက္ခ အပြီးတွင် လူဦးရေ စာရင်း ဇယား အတိုး အလျှော့ တိကျ မှန်ကန်စွာ ရရှိရေး၊ မွေးဖွားခြင်း သေဆုံးခြင်းများကို လိုအပ်သလို စာရင်း အတိုး အလျှော့ ပြုလုပ်နိုင်ရေး၊ ဒုက္ခသည်များအား မိုးမကျမီ အမိုးအကာအောက် ရောက်ရှိရေး၊ ပုံမှန် စားဝတ်နေရေးနှင့် ပြန်လည် ထူထောင်ရေး၊ ဒုက္ခသည် စခန်းများသို့ အခြားဒေသများမှ တရားမ၀င် ရောက်ရှိလာမူ ရှိမရှိကို စစ်ဆေးနိုင်ရေးတို့ အတွက် ပြုလုပ်ခြင်း ဖြစ်သည်ဟု ဆိုသည်။

သို့သော်လည်း ဒုက္ခသည်စခန်းများသို့ စစ်ဆေးရေးအဖွဲ့များ ရောက်ရှိပြီးနောက် ဆူပူမူများနှင့် အတူ စာရင်းစစ် အဖွဲ့များအား အကြမ်းဖက် တိုက်ခိုက်မူများ ပေါ်ပေါက်ခဲ့သည်။ သို့အတွက် တချို့နေရာများတွင် ရော်ဘာ ကျည်ဆံများ အသုံးပြု ပစ်ခတ်ခဲ့ရသည်ဟု သိရသည်။

ရခိုင်ပြည်နယ် အစိုးရ ပြောခွင့်ရသူ ဦးဝင်းမြိုင်မှ ထိုသို့ တိုက်ခိုက်မူကြောင့် လုံခြုံရေး တပ်ဖွဲ့ဝင် နှစ်ဦး ထိခိုက် ဒဏ်ရာ ရရှိခဲ့ပြီး ဘင်္ဂလီ လူငယ် တစ်ဦး ရော်ဘာကျည်ဆံ ထိမှန်၍ ဒဏ်ရာ ရရှိခဲ့သည်ဟု မီဒီယာများသို့ ထုတ်ဖေါ် ပြောဆိုခဲ့သည်။

အဆိုပါ ဆွဲတင်စစ် လူဦးရေ စာရင်းစစ်ဆေးမူကို ၂၀၁၃ ခုနှစ် မတ်လ အတွင်း မောင်တောမြို့နယ်တွင် ပြုလုပ်ရာ အောင်မြင်စွာ ပြီးစီးခဲ့သည်ဟု သိရသည်။

တန်ဖိုးနည်းဖုန်း မှောင်ခိုဈေးကွက် ဆက်သွယ်ရေးက အရေးမယူဟုဆို

မေစစ်ပိုင်

တန်ဖိုးနည်း ၁၅၀၀ ကျပ်တန် ဆင်းကတ်များကို ပုဂ္ဂလိက ဖုန်းဆိုင်များက မှောင်ခိုဈေးဖြင့် ရောင်းချနေသည့် အပေါ် မြန်မာ့ ဆက်သွယ်ရေး လုပ်ငန်းက အရေးယူသွားမည် မဟုတ်ကြောင်း မိုဘိုင်း ဆက်သွယ်ရေးဌာန အင်ဂျင်နီယာချုပ် ဦးဌေးဝင်းက ပြောသည်။

“မဲပေါက်တဲ့သူတွေက ကျေနပ်လို့ ဆိုင်တွေကို ရောင်းတာကို မရောင်းနဲ့လို့ တားလို့မှမရတာ၊ မသမာမှုတွေရှိရင် ပေးထားတဲ့ ဖုန်းတွေအတိုင်း တိုင်လို့ရတယ်၊ ဆက်သွယ်ရေး အစီအစဉ်နဲ့တော့ ဖုန်းဆိုင်တွေကို အရေးယူဖို့မရှိဘူး” ဟု ၎င်းက ဆိုသည်။

လက်ရှိ ထုတ်ပေးနေသော ၁၅၀၀ ကျပ်တန် ဆင်းကတ်များမှာ တိုင်းဒေသကြီး အစိုးရအဖွဲ့များ၏ အစီအစဉ်ဖြင့် မဲပေါက်သူ များကို ချထားပေးခြင်းဖြစ်၍ ပုဂ္ဂလိက ဖုန်းဆိုင်များက မှောင်ခိုဈေး အနိမ့်ဆုံး ၆၀၀၀၀ ကျပ်ဖြင့် ပြန်လည် ရောင်းချနေကြောင်း၊ သို့သော် သက်ဆိုင်ရာအစိုးရအဖွဲ့အား တိုင်ကြားမှသာ ၎င်းတို့အနေဖြင့် အရေးယူနိုင်မည်ဖြစ်ကြောင်း မြန်မာ့ ဆက်သွယ်ရေးမှ တာဝန်ရှိသူများက ပြောသည်။

ဧပြီလ ၂၅ ရက်က ပြည်နယ်နှင့် တိုင်းဒေသကြီး အသီးသီးတွင် မဲစနစ်ဖြင့် ချထားပေးခဲ့သော ဆင်းကတ်များကို ရပ်ကွက်တချို့ ရှိ အုပ်ချုပ်ရေးမှူး ရုံးများက ဖုန်းဆိုင်များ၊ ကြားပွဲစားများထံသို့ ငွေ ၁၁၅၀၀ ကျပ်မှ ၁၇၅၀၀ ကျပ်အထိ ဈေးတောင်းကာ ရောင်းချခဲ့ကြောင်း၊ ပုဂ္ဂလိက ဖုန်းဆိုင်တချို့က ဆင်းကတ်များကို အနိမ့်ဆုံးဈေး ၆၀၀၀၀ ကျပ်မှ အမြင့်ဆုံး ၁၀၀၀၀၀ ကျပ်အထိ တဆင့် ပြန်လည် ရောင်းချလျှက်ရှိကြောင်း ဧရာဝတီမှ စုံစမ်းသိရှိရသည်။

“ကျမတို့ ရပ်ကွက်ရုံးက ယူဖို့ စာရင်းပေးပြီး မယူတဲ့သူတွေရဲ့ ဆင်းကတ်တွေကို ဖုန်းဆိုင်တွေကို ပြန်ရောင်းတာ။ ရပ်ကွက် ထဲက တသောင်းပေးပြီး ဝယ်တာတောင် မရတော့ဘူး။ ဈေးပိုရလို့ ရောင်းလိုက်ပြီတဲ့။ မေ ၈ ရက်နေ့ ထပ်ရမယ့် ဆင်းကတ်တွေ အတွက်တော့ စာရင်းတွေ ကြိုသွင်းနေရပြီ။ ဘယ်လို လာမလဲတော့ မသိသေးဘူး” ဟု မင်္ဂလာဒုံမြို့နယ်နေ မမြင့်စန်းကြည်က ပြောပြသည်။

လှိုင်မြို့နယ်တွင် နေထိုင်သူ ကိုမင်းသူက ၎င်းတို့ ရပ်ကွက်အနီးရှိ ဖုန်းဆိုင်များတွင် ဟန်းဆက်တလုံး အနည်းဆုံး ဝယ်ယူမှ သာ ၁၅၀၀ ကျပ်တန် ဆင်းကတ်များကို ငွေ ၆၅၀၀၀ ကျပ်ဖြင့် ပြန်လည် ရောင်းချပေးကြောင်း၊ ၎င်းတို့ထံမှ ဆင်းကတ်တကတ် လျှင် ၃၁၅၀၀ ကျပ်ဖြင့် ပြန်လည် ဝယ်ယူနေကြောင်း၊ မေ ၈ ရက်နေ့ ထပ်မံ ထုတ်ပေးမည့် ဆင်းကတ်များ အတွက်ကိုလည်း စရံပေးချေကာ ဝယ်ယူလိုသည့် ဖုန်းဆိုင်များ ရှိကြောင်း ဆိုသည်။

ရန်ကုန်မြို့အတွင်းရှိ လူကြီးမင်း ဖုန်းဆိုင်တချို့တွင် ၁၅၀၀ တန် ဆင်းကတ် များကို ပြန်လည် ရောင်းချနေသည်ဟု သတင်းများ ထွက်ပေါ်နေသော်လည်း ဘုရင့်နောင်မြို့နယ် အတွင်းရှိ လူကြီးမင်းဖုန်း အရောင်းဆိုင် တာဝန်ရှိသူ တဦးကဆိ “ဒီဆိုင်တွေမှာတော့ ရောင်းတာမရှိပါဘူး၊ ဝယ်ခဲ့တယ် ဆိုတဲ့သူ မှားတာ နေမှာပါ။ လူကြီးမင်းဖုန်း ဘယ်ဆိုင်မှာမှ မရောင်း ပါဘူး၊ ရပ်ကွက်ရုံးတွေမှာပဲ ရောင်းတယ်” ဟု ပြောသည်။

လာမည့်မေလ ၈ ရက်နေ့တွင် ဒုတိယအကြိမ်အဖြစ် CDMA 800 MHZ ဆင်းကတ် ၃၅၀၀၀၀ ကို မဲစနစ်ဖြင့် ဆက်လက် ချထားပေးမည် ဖြစ်ကြောင်း၊ GSM နှင့် WCDMA ဆင်းကတ်များကို ချထားပေးမည့် အစီအစဉ်ကိုလည်း ရေးဆွဲနေကြောင်း မြန်မာ့ ဆက်သွယ်ရေး လုပ်ငန်းမှ သိရသည်။

ရန်ကုန်တိုင်း ဒေသကြီးအတွင်းရှိ ရပ်ကွက်တချို့တွင် ပထမအကြိမ် မဲမပေါက်ခဲ့သူများ၏ စာရင်းကို ဆက်လက် သိမ်းယူ ထားပြီး ဒုတိယအကြိမ်တွင် ဦးစားပေး အနေဖြင့် ပြန်လည် မဲနှိုက်စေမည် ဖြစ်ကြောင်း ရပ်ကွက် အုပ်ချုပ်ရေးမှူး များက ပြောသည်။

မန္တလေး တိုင်းဒေသကြီး အတွင်းတွင်မူ မဲစနစ်ဖြင့် မဟုတ်ဘဲ ဦးရာလူ စနစ်ဖြင့် တန်ဖိုးနည်းဆင်းကတ်များ ရောင်းချ ခဲ့သောကြောင့် ခိုက်ရန်ဖြစ်ပွားမှု တချို့ ရှိခဲ့သည်။

ဗမာလူမျိုးများအားအဓမ္မမောင်းထုတ်နေမှုမဟုတ် မှန်ကြောင်း SSPP ပြော

သျှမ်းသံတော်ဆင့်

SSPP/SSA သည် သျှမ်းပြည်တောင်ပိုင်း မိုင်းရှူးမြို့နယ်အတွင်းနေထိုင်သည့် ဗမာလူမျိုးများအား အတင်း အဓမ္မရွှေ့ပြောင်းခြင်း ဖမ်းဆီးခြင်းများ ပြုလုပ်နေသည်ဆိုသည့် Myanmar Online News ၏သတင်း မှာ မဟုတ်မှန်ကြောင်း သျှမ်းပြည်တပ်မတော် SSPP/SSA က ပြောပါသည်။

“ဗမာလူမျိုးတွေကို ကျနော်တို့ အဓိက ပစ်မှတ်ထားမောင်းထုတ်တယ်ဆိုတဲ့သတင်းမဟုတ်မှန်ပါဘူး။ ဒါပေ မယ့် မိုင်းရှူးမြို့နယ်အတွင်း ရေဦး/ရေထွက်အနီး ကျောက်တူးတာ၊ မိုင်းခွဲတာ၊ သစ်ခုတ်၊ ဝါးခုတ်တာတော့ ကျနော်တို့ ခွင့်မပြုဘူး။ ဘယ်လူမျိုးမဆို ကျနော်တို့တားမြစ်ပါတယ်။ ဒေသခံ တွေက အဲဒီရေထွက်တွေ၊ ချောင်းရေတွေကို စိုက်ပျိုးရေးအတွက် အားကိုးနေတယ်လေ” - ဟု SSPP ပြောခွင့် ရ ဗိုလ်မှူးစိုင်းလ ကပြောပါသည်။

ဧပြီ ၂၉ ရက် ၂၀၁၃ ရက်နေ့ထုတ် Myanmar Online News သတင်းစာမျက်နှာတွင် သျှမ်းပြည်တောင်ပိုင်း မိုင်းရှူးမြို့နယ် လွယ်ဆောင်ထောက် မြောက်ဘက် ကျေးရွာ၌ ဗမာလူမျိုးများအား ၇ ရက် အတွင်း ပြောင်းရွှေ့ ရန်၊ မဟုတ်ပါက အိမ်များအားမီးရှို့ဖျက်ဆီးပစ်မည် -- စသဖြင့် ရေးသားထားသည်။

“တခြားဒေသကနေ ကျောက်လာတူးတာတော့လက်ခံပါတယ်။ ဒါပေမယ့် ကျေးလက်ဒေသခံတွေရဲ့ နေထိုင်မှု ဘ၀ကိုတော့ အလေးထားရမှာပေါ့။ ငွေပေးတိုင်း အစိုးရကတော့ ကျောက်တူးခွင့်ပြုနေမှာဘဲ။ ကျောက်တူး နေတဲ့သူတွေ၊ ကျောက်ကျင်းအတွက် သစ်တွေ၊ ဝါးတွေ ခုတ်ရောင်းနေတဲ့သူတွေကောဘဲ ၊ သဘာဝအရင်း အမြစ် ထပ်မဖျက်ဆီးနိုင်အောင် ကျနော်တို့ ဒီ့ထက်ပိုမိုကြပ်မတ်သွားဦးမယ်။ ဒါကဗမာလူမျိုးတွေကို မုန်း တီး လို့ ပစ်မှတ် ထားပြီးလုပ်တာမဟုတ်ဘူး။ ဒေသခံတွေရဲ့ ဘ၀နေထိုင်မှုကို ကျူးကျော် ဖျက်ဆီးတဲ့ သူတိုင်း အတွက်ဖြစ် တယ်” - ဟု မိုင်းရှူးကျောက်တွင်းဒေသ SSPP တပ်မှူးတဦးက ပြောပါသည်။

လူမျိုးရေးပြဿနာဖြစ်ပွားလာစေရန် သွေးထိုးရေးသားမှုအား အထူးရှောင်ရှားရမည်ဖြစ်ကြောင်း၊ တဘက် သတင်း ဖတ်ရှုနားထောင်ခြင်းမပြုသင့်ကြောင်း၊ အစိုးရတပ်များ သျှမ်းပြည်တပ်မတော်နယ်မြေသို့ စစ်အင် အားဖြည့်တင်းနေသည့်အပေါ် နောက်ဆက်တွဲဖြစ်ရပ်များ ပိုမိုများပြားလာနိုင်သောကြောင့် ပိုမိုသတိထား ရမည် ဖြစ်ကြောင်း ဗိုလ်မှူးစိုင်းလ ကပြောပါသည်။

သျှမ်းပြည်တပ်မတော် SSPP/SSA နှင့် မြန်မာအစိုးရသည် ဂျန္နဝါရီ ၂၈ ရက် ၂၀၁၂ ခုနှစ်တွင် ပြည်ထောင်စု အဆင့် ငြိမ်းချမ်းရေးတည်ဆောက်ထားကြ၏။ သို့သော် ယနေ့တိုင် စစ်ရေးပြဿနာငြိမ်းသတ်နိုင်ခြင်းမရှိဘဲ ကျေးလက်လူထုလည်း နေရပ်မှ စွန့်ခွါနေရဆဲဖြစ်သည်။

ရခိုင်ပင်လယ်ပြင် ငါးဖမ်းခွင့် ခေတ္တပိတ်မည်

နိရဉ္စရာ

ရခိုင်ကမ်းဝေ ငါးဖမ်းခွင့်ကို ဇွန်လ တစ်ရက်နေ့မှ စတင်ပြီး Closing Season အဖြစ်သတ်မှတ်ကာ ရက်ပေါင်း (၄၅) ရက် တိတိ ပိတ်ထားမည်ဟု ငါးလုပ်ငန်း တာဝန်ရှိသူ တစ်ဦးက ပြောသည်။

“ ဇွန်လ ၁ ရက်နေ့ ကနေ ဇူလိူင်လ ၁၅ ရက်နေ့ထိ ပိတ်မှာပါ။ ကျွန်တော်တို့ ၃လ တောင်းဆိုထားတာကို တစ်လခွဲဘဲ ဗဟို အစိုးရက သတ်မှတ်ပေးပါတယ်” ဟု ဆိုသည်။

ယခု ပင်လယ်ပြင် ငါးဖမ်းခွင့် ပိတ်ရခြင်းမှာ ငါးမျိုး မပြုန်းတီးရေနှင့် ငါးများ ရှင်သန်ကျက်စားမူ တိုးလာရန် ရည်ရွယ်၍ လုပ်ဆောင်ခြင်း ဖြစ်သည်။

“ အခု သတ်မှတ်ချက်က ကမ်းနီး မပါဝင်ပါဘူး။ ဒါကြောင့် ဒေသအတွင်းက ငါးဖမ်းသမားတွေ အတွက် မထိခိုက်နိုင်ပါဘူး။ အခု ကမ်းဝေး ပင်လယ်ပြင်မှာ ဖမ်းနေတဲ့ ကုမ္ပဏီကြီးတွေနဲ့ နိုင်ငံခြား ကုမ္ပဏီ အတွက် တားမြစ်ထားတာပါ” ဟု ဆိုသည်။

ယခုကဲ့သို့ ကမ်းဝေး ငါးဖမ်းခွင့်အား ယာယီ ပိတ်ထားမည့် အစီစဉ်ကို ရခိုင် ကမ်းရိုးတန်းတွင်သာမက ဧရာဝတီ၊ မွန်နှင့် တနင်္သာရီတို့တွင်ပါ ပြုလုပ်သွားမည်ဟု သိရသည်။

ရခိုင်ပင်လယ်ပြင်သည် ကျောက်ဆောင်များ ပေါများပြီး ငါးများခိုအောင်းရန် သန္တာကျောက်တန်းများကြောင့် ငါးပေါများကြောင်း သိရသည်။ သို့သော် ရခိုင်ပင်လယ်ပြင်တွင် အမျိုးအမည်မသိသော ငါးဖမ်း သင်္ဘောများဖြင့် နေ့စဉ် ၀င်ရောက် ဖမ်းဆီးနေသဖြင့် ငါးများမှာ တဖြည်းဖြည်းနှင့် ရှားပါးလာသည်ဟု သိရသည်။

တရုတ်နဲ့ ရင်းနှီးတဲ့ ဆက်ဆံရေး ဆက်လက်ထားရှိလို- ဒေါ်စု

ABC

မန်မာနိုင်ငံက ​တရုတ်နိုင်ငံနဲ့ ​ရင်းနှီးတဲ့ ​ဆက်ဆံရေးဆက်လက် ​တည်မြဲအောင် ​လုပ်ဆောင်လိုကြောင်း ​မွန်ဂိုးလီးယားနိုင်ငံကို ​ရောက်ရှိနေတဲ့ ​အတိုက်အခံပါတီခေါင်းဆောင် ​ဒေါ်အောင်ဆန်းစုကြည်က
ပြောလိုက်ပါတယ်။

မြန် ​မာ ​နိုင် ​ငံ ​မှာ ​ပြုပြင် ​ပြောင်းလဲမှုတွေ ​ဖြစ်လာတာနဲ့ ​အမျှ ​အနောက်တိုင်း ​နိုင်ငံတွေနဲ့ ​ပိုမိုရင်းနှီးမှု ​ရှိလာချိန်မှာပဲ ​မြန်မာနိုင်ငံအနေနဲ့ ​တရုတ်နိုင်ငံနဲ့ ​ထားရှိတဲ့ ​ရင်းနှီးမှုကို ​ဆက်လက် ​ထိန်း ​သိမ်း ​လို ​ကြောင်း ​ပြော ​သွား ​တာ ​ဖြစ်ပါတယ်။

မွန်ဂိုးလီးယားနိုင်ငံဟာ ​ပထဝီအနေအထားအရ ​မြန်မာနိုင်ငံနဲ့ ​ဆင်တူတဲ့အကြောင်း ​ကမ္ဘာ့အင်အားကြီး ​နှစ်နိုင်ငံဖြစ်တဲ့ ​တရုတ်နဲ့ ​အိန္ဒိယနိုင်ငံကြားမှာ ​တည်ရှိနေတာဟာ ​တူညီတဲ့အချက်တွေ ​ဖြစ်တယ်လို့ ​ပြောပါတယ်။

သမိုင်းအစဉ်အလာအရ ​မြန်မာနိုင်ငံဟာ ​တရုတ်နိုင်ငံနဲ့ရော ​အိန္ဒိယနိုင်ငံနဲ့ပါ ​ရင်းနှီးမှုရှိခဲ့ပြီး ​ဒီအတိုင်း ​ဆက်လက်တည်မြဲအောင် ​လုပ်ဆောင်လိုကြောင်း ​ဒေါ်အောင်ဆန်းစုကြည်က ​ပြောပါတယ်။

ဒေါ်အောင်ဆန်းစုကြည်က ​ဒီမိုကရေစီစနစ်ထွန်းကားရေးအတွက် ​ဆွေးနွေးကြတဲ့ ​အစည်းအဝေးကို ​တက်ရောက်နေတာဖြစ်ပြီး ​ထိုင်းနိုင်ငံဝန်ကြီးချုပ်အပါအဝင် ​နိုင်ငံပေါင်း ​တစ်ရာက ​ထိပ်တန်း ​ကိုယ်စားလှယ်တွေလည်း ​တက်ရောက်နေကြပါတယ်။

မြန်မာနိုင်ငံမှာ ​ဒီမိုကရေစီစနစ်ထွန်းကားအောင် ​နိုင်ငံတကာက ​အကူအညီတွေ ​ပေးနေတဲ့အတွက် ​ဒါကို ​အလွဲသုံးစားမလုပ်ပဲ ​မြန်မာနိုင်ငံအနေနဲ့ ​တိုးတက်အောင်မြင်အောင်လုပ်ဖို့ ​လိုတဲ့အကြောင်း ​မြန်မာနိုင်ငံမှာ ​ဒီမိုကရေစီပြုပြင်ပြောင်းလဲရေးဆီရောက်အောင် ​ကြိုးစားသွားမယ်လို့လည်း ​ပြောခဲ့ပါတယ်။

မြန်မာနိုင်ငံမှာ ​တရားဥပဒေစိုးမိုးမှုရှိဖို့၊ ​လူ့အခွင့်အရေးလေးစားလိုက်နာဖို့၊ ​ပြည်သူတွေဘဝ ​တိုးတက်ဖို့ကို ​စိတ်ထဲကသာ ​ရည်ရွယ်တာမဟုတ်ပဲ ​ဒါဟာ ​နိုင်ငံအတွက် ​တကယ်လိုအပ်လို့ ​ရအောင်လုပ်ဆောင်နေတာလို့လည်း ​ပြောပါတယ်။

ဒီမိုကရေစီမြင့်တင်ရေး ​အစည်းအဝေးအတွင်း ​မွန်ဂိုးလီးယားသမ္မတက ​ကိုးရီးယားကျွန်းဆွယ်မှာ ​ဖြစ်နေတဲ့ ​တင်းမာမှုတွေမှာ ​ကူညီလိုကြောင်း ​ဆန္ဒထုတ်ဖော်ပြောဆိုခဲ့တယ်လို့ ​ကျိုဒိုးသတင်းမှာ ​ပါရှိပါတယ်။

မွန်ဂိုးလီးယားနိုင်ငံဟာ ​မြောက်ကိုးရီးယားနိုင်ငံနဲ့ ​ဆက်ဆံမှုရှိတဲ့အကြောင်း ​တင်းမာမှု ​လျော့ချတဲ့အနေနဲ့ ​မြောက်ကိုးရီးယားနိုင်ငံကိုလည်း ​သူ့အနေနဲ့ ​သွားရောက်လည်ပတ်နိူင်ကြောင်း ​ဒီလိုမှမဟုတ်ရင် ​ကိုးရီးယားကျွန်းဆွယ်အတွင်း ​တင်းမာမှုဟာ ​အာရှဒေသရဲ့ ​လုံခြုံရေးအတွက် ​စိုးရိမ်စရာဖြစ်နေတယ်လို့ ​မွန်ဂိုးလီးယားနိုင်ငံ ​သမ္မတ ​Tsakhia ​Elbegdori ​က ​ပြောလိုက်ပါတယ်။

တရုတ်ထံမှ စစ်သုံး ရဟတ်ယာဉ်များ “ဝ” ရရှိ

လင်းသန့်

တရုတ်နိုင်ငံက မြန်မာနိုင်ငံမှ “၀” ပြည် သွေးစည်း ညီညွတ်ရေး တပ်မတော် (UWSA) သို့ လက်နက် တပ်ဆင်ထားသည့် တိုက်ခိုက်ရေး ရဟတ်ယာဉ်များ ပေးပို့ခဲ့ကြောင်း ကာကွယ်ရေးနှင့် လုံခြုံရေးဆိုင်ရာ Jane’s Intelligence Review မဂ္ဂဇင်းက ဖော်ပြလိုက်သည်။

UWSA အဖွဲ့သည် ပထမဆုံး အကြိမ်အဖြစ် တရုတ်နိုင်ငံမှ လက်နက်တပ်ဆင်ထားသည့် စွမ်းဆောင်ရည်မြင့် ကာကွယ်ရေးပစ္စည်းများ အကူအညီရခဲ့ကြောင်း၊ UWSA က လက်နက် အမြန်တပ်ဆင်ရေး နောက်ဆုံး ကြိုးပမ်းမှု အစီအစဉ်တခုလည်း ဖြစ်ကြောင်း အဆိုပါ သတင်းတွင် ဖော်ပြထားသည်။

တရုတ်နိုင်ငံက TY 90 ဝေဟင်မှ ဝေဟင်ပစ် ဒုံးကျည်လက်နက် တပ်ဆင်ထားသည့် Mi-17 အမျိုးအစား အလတ်စား သယ်ယူပို့ဆောင်ရေး ရဟတ်ယာဉ်များကို ဖေဖော်ဝါရီ လကုန်ပိုင်းနှင့် မတ်လဆန်းက UWSA သို့ လွှဲပြောင်းပေးခဲ့ကြောင်း တိုင်းရင်းသား လက်နက်ကိုင် အဖွဲ့တချို့နှင့် မြန်မာ အစိုးရ သတင်းရင်းမြစ်များကို ကိုးကားပြီး အဆိုပါမဂ္ဂဇင်းက ရေးသားထားသည်။

Mi-17 အမျိုးအစား ရဟတ်ယာဉ်များသည် တရုတ်နိုင်ငံမှ တိုက်ရိုက်ရောက်ရှိလာခဲ့ခြင်း မဟုတ်ဘဲ လာအိုနိုင်ငံမှတဆင့် မဲခေါင်မြစ်ကို ဖြတ်သန်းကာ “၀” တိုင်းရင်းသား ထိန်းချုပ်နယ်မြေသို့ ရောက်ခဲ့ကြောင်း၊ တရုတ်နိုင်ငံက ပေးပို့လိုက်သော ရဟတ်ယာဉ်မှာ ၅ စီးဖြစ်ကြောင်း၊ သို့သော်လည်း မြန်မာအစိုးရ သတင်းရင်းမြစ်တခု၏ အတည်ပြုချက်အရ UWSA ထိန်းချုပ်နယ်မြေသို့ ရောက်ရှိလာသည့် ရဟတ်ယာဉ်မှာ ၂ စီးသာဖြစ်ကြောင်း အဆိုပါ သတင်းတွင် ဖော်ပြထားသည်။

တိုင်းရင်းသား လက်နက်ကိုင် သတင်းရင်းမြစ်တခုအား ကိုးကားချက်အရ Mi-17 ရဟတ်ယာဉ်များသည် တရုတ်နိုင်ငံလုပ် TY-90 အမျိုးအစား တာတို ဝေဟင်မှ ဝေဟင်ပစ် ဒုံးကျည်လက်နက် တပ်ဆင်ထားကြသည်ဟု ဆိုသည်။

အဆိုပါ သတင်းမှန်ကန်ပါက TY-90 အမျိုးအစား ဒုံးကျည်သည် မကြာသေးခင်က ရုရှားနိုင်ငံမှ မြန်မာနိုင်ငံသို့ ပေးခဲ့သော Mi-24P Hind အမျိုးအစား တိုက်လေယာဉ်များကို ထိရောက်စွာ ဟန့်တားနိုင်မည်ဟု သိရှိရသည်။ အဆိုပါ Mi-24P Hind တိုက်လေယာဉ်များကို မကြာသေးမီက ကချင်လွတ်လပ်ရေး တပ်မတော် (KIA) နှင့် တိုက်ပွဲများတွင် မြန်မာအစိုးရ တပ်မတော်က အသုံးပြုခဲ့သည်။


UWSA အဖွဲ့သည် ရှမ်းပြည်မြောက်ပိုင်း တရုတ်နယ်စပ် တလျှောက် နယ်မြေတခုကို ထိန်းချုပ်ထားပြီး ယခုအခါ မြန်မာ့တပ်မတော်နှင့် အပစ်အခတ် ရပ်စဲရေး သဘောတူညီထားမှုသည်လည်း အထိအခိုက် မခံသည့် အခြေအနေတွင် ရှိသည်။

UWSA သို့ စစ်လက်နက်များ ရောင်းချပေးသည်ဟူသော စွပ်စွဲချက်များ မဟုတ်မှန်ကြောင်း မြန်မာနိုင်ငံဆိုင်ရာ တရုတ်သံရုံးက ယခုနှစ် ဇန်နဝါရီ လကုန်ပိုင်းက ငြင်းဆိုခဲ့သေးသည်။ ၂၀၁၂ ခုနှစ် နှစ်လည်ပိုင်းက တရုတ်လုပ် PTL02 ဘီးတပ်တင့်ကားများ UWSA က ရရှိခဲ့ကြောင်း Jane’s Intelligence Review ၏ သတင်းရေးသားချက်ကို တရုတ်သံရုံးက ငြင်းဆိုခဲ့ခြင်း ဖြစ်သည်။

တိုက်ပွဲကြောင့် မြိုင်ကြီးငူ ဒေသခံ ထွက်ပြေးတိမ်းရှောင်နေရ

စောခါးစူးညား (ကေအိုင်စီ)

ကရင်ပြည်နယ်၊ လှိုင်းဘွဲမြို့နယ် မြိုင်ကြီးငူရွာတွင် ဒီမိုကရေစီ ကရင်အကျိုးပြုတပ်မတော်(DKBA)နှင့် နယ်ခြား စောင့်တပ်(BGF)တို့အကြား ဖြစ်ပွားသည့် တိုက်ပွဲကြောင့် ဒေသခံလူထုများ နေအိမ်စွန့်ခွါကာ ထွက်ပြေးတိမ်း ရှောင်နေရသည်ဟု မြိုင်ကြီးငူ ဒေသခံများ၏ ပြောပြချက်အရ သိရသည်။

မြိုင်ကြီးငူတွင် ဧပြီ ၂၇ ရက်နေ့မှစ၍ ယခုထိ ဖြစ်ပွားသည့်တိုက်ပွဲကြောင့် တိုက်ပွဲနေရာနှင့် အနည်းငယ် အလှမ်း ဝေးသည့် လေးလုံးမြိုင်ရပ်ကွက်မှလွှဲ၍ ရွှေနံ့သာမြိုင်၊ ပိတောက်မြိုင်၊ နှင်းဆီမြိုင်နှင့် ဇီဇ၀ါမြိုင် စသည့် ရပ်ကွက် များရှိ လူထုများသည် ယင်းအနီးတ၀ိုက်ရှိ ကမမောင်းမြို့အပါအ၀င် အုန်းတော၊ ကော့လူးကျွန်း၊ ကုန်းန၀င်းနှင့် ရွာသာအေး စသည့်ကျေးရွာများသို့ ထွက်ပြေးတိမ်းရှောင်ကြရသည်ဟု မြိုင်ကြီးငူ ဒေသခံတစ်ဦးက ပြောသည်။

“တိုက်ပွဲဖြစ်တဲ့နေ့က စပြီး မြိုင်ကြီးငူက လူတွေ အားလုံးနီးပါး ထွက်ပြေးကြတယ်။ လူဦးရေဘယ်လောက် ထွက်ပြေးဆိုတာတော့ မမှန်းတတ်ဘူး။ အခု မြိုင်ကြီးငူမှာ တိုက်ပွဲ ဖြစ်တဲ့ နေရာနဲ့ အလှမ်းဝေးတဲ့ ရပ်ကွက် လောက်ပဲ လူတွေနေကြတယ်။ တိမ်းရှောင်နေရတဲ့ လူတွေကလည်း အိမ်မပြန်ရဲကြသေးဘူး”ဟု ၎င်းက ကေအိုင်စီသို့ ပြောသည်။

လက်ရှိ မြိုင်ကြီးငူတွင် DKBA ကလို့ထူးလားဗျူဟာ လက်အောက်ခံ (၉၀၅)စစ်ကြောင်းမှူး ဗိုလ်မှူး ဖူးလေးဘော ဦးဆောင်သည့်အဖွဲ့ကို BGF အမှတ် (၁၀၁၁)တပ်ရင်းမှူး ဗိုလ်မှူးစောစိုးနိုင် ဦးဆောင်သည့် လက်အောက်ခံတပ် ဖွဲ့ဝင်များနှင့်အတူ စစ်ကူအဖြစ် ရောက်လာသည့် (၁၀၁၇)၊ (၁၀၁၈)နှင့် (၁၀၁၉)တပ်ရင်းတို့က ယမန်နေ့ည ၁၂နာရီမှ မနက် ၁နာရီအထိ တိုက်ပွဲဖြစ်ပွားခဲ့သေးကြောင်း DKBA တပ်မှူးတဦးက ကေအိုင်စီသို့ ပြောသည်။

သူက “မြိုင်ကြီးငူမှာ ညက တိုက်ပွဲဖြစ်သေးတယ်။ ထိခိုက်သေဆုံးမှုတော့ မသိရဘူး။ BGF ဘက်က လက်နက် ကြီး အဓိက အားကိုးပြီး ပစ်ခတ်ခဲ့ပေမယ့် သူတို့ ထိုးဖောက်လို့မရဘဲ နောက်ဆုံး ပြန်နောက်ဆုတ်လိုက်ရ တယ်”ဟု ပြောဆိုသည်။

ဆက်လက်၍ ယနေ့ မြိုင်ကြီးငူတွင် တိုက်ပွဲဖြစ်ပွားမှု မရှိသော်လည်း မြိုင်ကြီးငူနှင့် မယ်သဝေါအကြား ရေတံခွန် ရှိ နားထီးကွီးတွင် ယနေ့ နေ့လည် ၁၁ နာရီခွဲအချိန်၌ DKBA ကလို့ထူးလားဗျူဟာလက်အောက်ခံ တပ်ခွဲ(၂) တပ်ခွဲမှူး စောစကုတ် ဦးဆောင်သည့်အဖွဲ့နှင့် BGF တပ်ရင်း (၁၀၁၂)နှင့် (၁၀၁၅) လက်အောက်ခံတပ်ဖွဲ့ဝင်တို့ တိုက်ပွဲဖြစ်ပွားကာ BGF ဘက်က နှစ်ဦးသေဆုံးပြီး သုံးဦးဒဏ်ရာရရှိသည်ဟု သူက ဆက်ပြောသည်။

သို့သော် ကေအိုင်စီအနေဖြင့် DKBA နှင့် BGF တို့အကြား ဖြစ်ပွားခဲ့သည့် တိုက်ပွဲများတွင် ထိခိုက်သေဆုံးမှု စာရင်း အတိအကျနှင့် ပတ်သက်၍ သီးခြားအတည်ပြုနိုင်ခြင်း မရှိသေးပေ။

မြိုင်ကြီးငူရှိ လူထုများသည် အေးအေးချမ်းချမ်း နေထိုင်ခဲ့ရာမှ ယခုလို တိုက်ပွဲ ဖြစ်ပွားမှုကြောင့် နှစ်ပေါင်း ၂၀နီးပါးအတွင်း ပထမဆုံးအကြိမ် နေအိမ်စွန့် ထွက်ပြေးတိမ်းရှောင်နေရခြင်းဖြစ်ကြောင်း သိရသည်။

၂၀၁၅ ရွေးကောက်ပွဲ အောင်နိုင်ရေး ကြံ့ခိုင်ရေးပါတီ လူငယ်အဖွဲ့ ဖွဲ့မည်

သာလွန်ဇောင်းထက်

အာဏာရ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက လာမည့် ၂၀၁၅ ခုနှစ်တွင် ကျင်းပမည့် ရွေးကောက်ပွဲ အောင်နိုင်ရေး အတွက် လူငယ်အဖွဲ့များကို ပြန်လည်ဖွဲ့စည်းသွားမည်ဖြစ်ပြီး ကြံ့ခိုင်ရေးပါတီ၏ လူငယ်ညီလာခံတရပ်ကိုိ မေလ ၁ ရက်နေ့မှ ၃ ရက်နေ့ထိ နေပြည်တော်တွင် ကျင်းပမည်ဖြစ်ကြောင်း သတင်းရရှိသည်။

ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီက နိုင်ငံတ၀န်းမှ လူငယ်များပါဝင်သော လူငယ်တွေ့ဆုံပွဲနှင့် လူငယ် စွမ်းရည်မြှင့်တင်ရေး အဖွဲ့များ ဖွဲ့စည်းရေး အစည်းအဝေးတရပ်ကို နေပြည်တော်တွင် မေလ ၁ ရက်နေ့မှ ၃ ရက်နေ့အထိ ကျင်းပမည် ဖြစ်ပြီး ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ၏ ဒုတိယဥက္ကဋ္ဌသူရဦးရွှေမန်း တက်ရောက်မည်ဖြစ်ကြောင်း၊ ပါတီဥက္ကဋ္ဌ ဖြစ်သော သမ္မတဦးသိန်းစိန် တက်ရောက်မည် မတက်ရောက်မည်မှာ မသေချာသေးကြောင်း နေပြည်တော်ရှိ ပါတီဌာနချုပ် လူငယ်ရေးရာဌာန ဌာနခွဲမှူးဦးသောင်းထိုက်က ဧရာဝတီသို့ ပြောသည်။

“လူငယ်တွေ့ဆုံပွဲဆိုပေမယ့် တနိုင်ငံလုံးက လူငယ်တွေ တက်ကြမယ်။ လူငယ်ညီလာခံ လို့လည်း ပြောလို့ရပါတယ်။ အခုထက်ထိတော့ ပါတီရဲ့အကြီးအကဲတွေထဲက သူရဦးရွှေမန်းတက်မယ်။ သမ္မတဦးသိန်းစိန် ကတော့ မဖိတ်ရသေးဘူး၊ နီးမှ ကပ်ဖိတ်မှာလားတော့မသိဘူး။ လူငယ်အဖွဲ့တွေ ပြန်ပြီးဖွဲ့စည်းမှာပေါ့။ ၂၀၁၅ ရွေးကောက်ပွဲအောင်နိုင်ရေးကတော့ အဓိက ရည်ရွယ် ချက်ပါပဲ” ဟု ဦးသောင်းထိုက်က ဆိုသည်။

ကြံ့ခိုင်ရေး ပါတီ၏ လူငယ်တွေ့ဆုံပွဲသို့ ပြည်နယ်နှင့် တိုင်းဒေသကြီးမှ လူငယ်များအပြင် ပြည်နယ်နှင့် တိုင်းဒေသကြီး ပါတီဥက္ကဋ္ဌများ၊ ပါတီဗဟိုအလုပ်အမှုဆောင်များ စုံညီစွာ တက်ရောက်ကြမည်ဟု သိရှိရသည်။

“ပြည်နယ် နှင့် တိုင်းဒေသကြီးတခုစီက လူငယ်ဦးဆောင်သူ ၂၀ တက်ဖို့ ဖိတ်ထားတယ်။ ပြည်ခိုင်ဖြိုးပါတီရဲ့ ပြည်နယ် တိုင်း ဥက္ကဋ္ဌ တွေလည်း တက်မယ်။ စုစုပေါင်း ၆၀၀ ကျော် တက်မယ်” ဟု ဦးသောင်းထိုက် ရှင်းပြသည်။

ကြံ့ခိုင်ရေးပါတီက လူငယ်တွေ့ဆုံပွဲကို မေလ လဆန်းပိုင်းတွင် ကျင်းပရန် ပြင်ဆင်နေချိန် အမျိုးသားဒီမိုကရေစီ အဖွဲ့ချုပ်က လူငယ်ညီလာခံတရပ်ကို ယခုမေလအတွင်းတွင် ကျင်းပရန် စီစဉ်နေကြောင်း အမျိုးသားဒီမိုကရေစီ အဖွဲ့ချုပ်၏ အတွင်းရေးမှူး ဦးဥာဏ်ဝင်းက ပြောသည်။

ကြံ့ခိုင်ရေးပါတီက ၂၀၁၅ ရွေးကောက်ပွဲအောင်နိုင်ရေးအတွက် လူငယ်အဖွဲ့များ ဖွဲ့စည်းရန် ပြင်ဆင်မှုအပေါ် ၀ါရင့်နိုင်ငံရေး သမားကြီး သခင်ချန်ထွန်းက နိုင်ငံရေးပါတီတရပ်အနေဖြင့် ရွေးကောက်ပွဲအတွက် ကြိုတင်ပြင်ဆင်မှုသော နိုင်ငံရေး ဆောင်ရွက်ချက် အဖြစ် ရှုမြင်သော်လည်း ဒေါ်အောင်ဆန်းစုကြည် ဦးဆောင်သော အမျိုးသား ဒီမိုကရေစီ အဖွဲ့ချုပ် က ၂၀၁၅ ရွေးကောက်ပွဲတွင် အပြတ်အသတ် အနိုင်ရနိုင်ခြေ မြင့်မားနေကြောင်း သုံးသပ် ပြောဆိုသည်။

“၂၀၁၅ က သိပ်မလိုတော့ဘူး။ အခုကတည်းက စည်းရုံးထားမှ ကောင်းတာပေါ့။ စောစောစည်းရုံးနိုင်လေ ကောင်းလေပဲ။ စောစောလုပ်တာ မှန်တာပေါ့။ လက်ရှိ အခြေအနေမှာတော့ ဒေါ်အောင်ဆန်းစုကြည်ဦးဆောင်တဲ့ NLD အပြတ်နိုင်မယ် ထင်တယ်။ ဒေါ်အောင်ဆန်းစုကြည်ကို လူထုထောက်ခံမှုက လျော့မသွားသေးဘူး။ ဒါပေမယ့် ၂၀၁၅ မတိုင်ခင် အမှားအယွင်း တခုခုလုပ်မိလို့ ရင်တော့ လူထုထောက်ခံမှုလျော့သွားနိုင်တာပေါ့” ဟု သခင်ချန်ထွန်းက ဆိုသည်။

ကြံ့ခိုင်ရေးပါတီသည် အမျိုးသားဒီမိုကရေစီအဖွဲ့ချုပ် ပါဝင်ယှဉ်ပြိုင်ခြင်းမရှိသည့် ၂၀၁၀ ရွေးကောက်ပွဲတွင် မဲဆန္ဒနယ် အများစု အနိုင်ရရှိခဲ့ပြီး ယခင် စစ်အစိုးရ ၀န်ကြီးချုပ် ဗိုလ်ချုပ်ကြီးသိန်းစိန် အပါအ၀င် စစ်ဗိုလ်ချုပ်ဟောင်းများဖြင့် အဓိက ဖွဲ့စည်းထားသော နိုင်ငံရေးပါတီဖြစ်သည်။

ရခိုင်အစီရင်ခံစာ ထုတ်ပြန်ပြီ

ရိုးကျော်

ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများနှင့်ပတ်သက်၍ လူပေါင်း ၂ ထောင်ကျော်အား ကွင်းဆင်းမေးမြန်းချက်များအပေါ် အခြေခံသည့် အစီရင်ခံစာကို ရခိုင်ပြည်နယ် ပဋိပက္ခများ စုံစမ်းရေးကော်မရှင်က အများပြည်သူသို့ ယနေ့ထုတ်ပြန်လိုက်သည်။

ယင်းထုတ်ပြန်ချက်တွင် နိုင်ငံသားဖြစ်ပိုင်ခွင့်ကိစ္စ၊ ယာယီနေရာချထားရေး၊ စီးပွားရေးနှင့် ဖွံ့ဖြိုးရေးများ၊ နယ်စပ်ပိုင်နက်လုံခြုံရေးနှင့် လူဦးရေ ပြန့်ပွားမှုနှုန်းမြင့်မားသည့် ကိစ္စရပ်များဆိုင်ရာ အကြံပြုချက်များအပါအ၀င် အခန်း ၁၄ ခန်းနှင့် စာမျက်နှာ ၁၃၈ မျက်နှာ ပါရှိသည်။

လူပေါင်း ၁သိန်းကျော် အိုးမဲ့အိမ်မဲ့ဖြစ်ကာ ဒုက္ခသည်များဖြစ်ခဲ့ပြီး၊ အသက်မွေးဝမ်းကြောင်း ခက်ခဲမှုများကြောင့် မိသားစုစားဝတ် နေရေးများ ထိခိုက်မှုရှိနေကြောင်း၊ အမျိုးသမီးနှင့်ကလေးသူငယ်များ စိတ်ပိုင်းရုပ်ပိုင်းဆိုင်ရာ ထိခိုက်မှုများ တိုးပွားလာနေကြောင်း ဖော်ပြထားသည်။

ထို့အတူ လူမျိုးစု တစ်စုနှင့်တစ်စုအကြား မယုံကြည်မှုများတိုးပွားလာနေခြင်း၊ ဆက်ဆံရေး ပြတ်တောက်ခြင်းနှင့် တင်းမာမှုများမြင့်တက်နေခြင်းများလည်း ဖြစ်ပေါ်နေရာ ယင်းကိစ္စရပ်များကို ကိုင်တွယ်ဖြေရှင်းနိုင်ရန်အတွက် လုံခြုံရေးတပ်အင်အားများ ရုတ်တရက် များပြားစွာ လျှော့ချခြင်းမပြုရန်၊ တပ်မတော်ရေတပ် အင်အားတိုးချဲ့ချထားရန်၊ ကမ်းခြေစောင့် ရေဒါစခန်းများ၊ ကင်းလှည့်ရေယာဉ်များ၊ CCTV စောင့်ကြည့်ရေး ကင်မရာများ၊ လူလုပ် အတားအဆီးများချထားရန် စသည့်အချက်များ ပါဝင်သည့် အကြံပြုချက် ၁၆ ချက်ကိုလည်း အကျဉ်းချုပ်ဖော်ပြထားသည်။

ထို့ပြင် လ.၀.က ၀န်ထမ်းများနှင့် ပတ်သက်သည့်အချက်များ၊ စစ်ဘက် အရပ်ဘက် ထောက်လှမ်းရေးများ ပါဝင်သည့် အထူးအဖွဲ့များ ဖွဲ့စည်းရေး ဆိုင်ရာအချက်များ၊ ရခိုင်ပြည်နယ်တွင်း လမ်းပန်းဆက်သွယ်ရေးဆိုင်ရာ လိုအပ်ချက်များ၊ တရားစီရင်ရေးဆိုင်ရာနှင့် ပတ်သက်သည့် အကြံပြုချက်များလည်း ပါဝင်သည်။

ကလေးသူငယ်များ၏ အာဟာရ ချို့တဲ့မှုဆိုင်ရာ ပြဿနာနှင့် စာတတ်မြောက်မှုနှုန်းဆိုင်ရာ ကိစ္စရပ်များကိုလည်း သီးခြားထည့်သွင်း အကြံပြုထားသည်။

ယင်းအစီရင်ခံစာတွင် ပါဝင်သည့် တွေ့ရှိချက်များနှင့် အကြံပြုချက်များကို ဆက်လက် အကောင်အထည်ဖော်ရန် နိုင်ငံတော်သမ္မတ အမိန့် ဖြင့် ၂၀၁၂ နှစ်ကုန်ပိုင်းက ဖွဲ့စည်းထားသည့် ကော်မတီခွဲ ၇ ခုက တာဝန်ဆက်လက်ယူသွားမည် ဖြစ်ကြောင်း စုံစမ်းရေးကော်မရှင်အဖွဲ့ဝင် ၈၈ မျိုးဆက် ကျောင်းသားခေါင်းဆောင် ဦးကိုကိုကြီးက သတင်းစာရှင်းလင်းပွဲတွင် ပြောဆိုသည်။

“အခု ကျနော်တို့ ရင်ဆိုင်နေရတာတွေက လွန်ခဲ့တဲ့ ၁၀ စုနှစ်များစွာကတည်းက ပြဿနာဟောင်းတွေပါ။ ကျနော်တို့က ဒုက္ခသည်တွေ အမိုးအကာနဲ့ အစားအစာရရှိရေးအတွက်ကို အဓိကထား စဉ်းစားမယ်။ လူသားတယောက် အသက်ရှင် ရပ်တည်နိုင်ခွင့်နဲ့ ပတ်သက်ပြီး အလေးအနက်ထား စဉ်းစားသွားမယ်” ဟု ဦးကိုကိုကြီးက ပြောသည်။

ယင်းအစီရင်ခံစာတွင် ဖော်ပြချက်အရ ၂၀၁၂ခုနှစ် ပဋိပက္ခများအတွင်း လူပေါင်း ၁၉၂ ဦး အသက်ဆုံးရှုံးခဲ့ရပြီး ၂၆၅ ဦး ဒဏ်ရာရရှိခဲ့ကာ နေအိမ်ပေါင်း ၈၆၁၄ လုံး ပျက်စီးခဲ့ကြောင်း သိရသည်။ ယင်းအစီရင်ခံစာတွင် ရခိုင်နှင့် ဘင်္ဂါလီဟု သုံးစွဲထားသည်။

မြန်မာနိုင်ငံတွင်း နေထိုင်လျှက်ရှိသည့် ဘင်္ဂါလီလူမျိုးများနှင့် ပတ်သက်၍ နိုင်ငံသားဖြစ်သင့်သူများကို နိုင်ငံသားဖြစ်ရေးနှင့် မဖြစ်သင့်သူများကိုလည်း နိုင်ငံတကာ သဘောတူညီချက်များနှင့်အညီ ဆက်လက်ဆောင်ရွက်သင့်ကြောင်း စုံစမ်းရေးကော်မရှင်က အကြံပြုထားသည်။

ယင်းအချက်နှင့်ပတ်သက်၍ ဦးကိုကိုကြီးက“နိုင်ငံသားဆိုရင် နိုင်ငံအပေါ်မှာ သစ္စာစောင့်သိဖို့ လိုအပ်တဲ့အကြောင်းတွေကို နိုင်ငံသားလျှောက်ထားသူတွေ လေးလေးနက်နက် လက်ခံ လာအောင် အများကြီး လုပ်ဖို့လိုအပ်တယ်။ အစိုးရကလည်း နိုင်ငံသားအားလုံးကို နိုင်ငံသားအခွင့်အရေး တန်းတူပေးဖို့ လိုအပ်တယ်။ ဒါမှ အစ္စလမ်ဘာသာရေး အစွန်းရောက်တွေ မဖြစ်ဘဲ လစ်ဘရယ် ဖြစ်လာမယ်၊ နိုင်ငံအပေါ် သစ္စာစောင့် သိမှုတွေရှိလာမယ်။ လူမျိုးစုတွေကြားမှာ သဟဇာတ ဖြစ်မှုတွေရှိလာမယ်” ဟု ဆက်လက်ပြောသည်။

ယင်းအစီရင်ခံစာကို အဖွဲ့ဝင် ၂၅ ဦးပါဝင်သည့် ကော်မရှင်အဖွဲ့က ၇ လကြာ စုံစမ်းစစ်ဆေးခဲ့ပြီး ယနေ့ အများပြည်သူသို့ မီဒီယာများတဆင့် ယနေ့ထပ်မံထုတ်ပြန်ခဲ့သည်။

အမေရိကန်ပြည်ထောင်စု အခြေစိုက် လူ့အခွင့်အရေးစောင့်ကြည့်ရေးအဖွဲ့ အာရှရေးရာ လက်ထောက်ဒါရိုက်တာ ဖေလ်ရောဘတ်ဆန်ကမူ ယခု အစီရင်ခံစာတွင် “ယမန်နှစ် ဇွန်လနဲ့ အောက်တိုဘာလမှာ ဖြစ်ပွားခဲ့တဲ့ လူသားထုအပေါ် ကျူးလွန်တဲ့ ရာဇဝတ်မှုနဲ့ လူမျိုးတုန်း သန့်စင်မှုတွေအတွက် တာဝန်ခံဖို့ လိုအပ်တာကို ထောက်ပြပြောဆိုမှုတွေ မပါဝင်ဘူး” ဟု ပြောဆိုကြောင်း အေပီသတင်းတပုဒ်က ရေးသားထားသည်။

ပြီးခဲ့သည့်အပတ် အဆိုပါ အဖွဲ့က ယမန်နှစ်အတွင်း ရခိုင်ပြည်တွင် ဖြစ်ပွားခဲ့သော သွေးစွန်းသော အဓိကရုဏ်းနှင့် အစုအပြုံလိုက် သတ်ဖြတ်မှုများကို လူသားမဆန်သော ရာဇ၀တ်မှုများအဖြစ် ဖော်ပြခဲ့ပြီး မြန်မာအာဏာပိုင်များနှင့် ဗုဒ္ဓဘာသာ ဘုန်းတော်ကြီးများက ရခိုင်ပြည်ရှိ မွတ်စလင်များကို “လူမျိုးတုန်းသန့်စင်ရေး” လုပ်ရန် စီစဉ်ဆောင်ရွက်ခဲ့သည်ဟု စွပ်စွဲထားသည်။

ကျောက်ဖြူ ပညာရေးကောလိပ်တွင် ရေအခက်အခဲကြုံ

အာရ်ကန်တိုင်းမ်စ်

ရခိုင်ပြည် ကျောက်ဖြူမြို့ ပညာရေးကောလိပ်ကျောင်း စောသန္တာဆောင်အနီးရှိ ရေတွင်း(ကျောက်တွင်း) တွင် ရေခန်းခြောက်လာ နေပြီဖြစ်သည့်အတွက် စောသန္တာဆောင်နေ ကျောင်းသား/သူများ သုံးရေချိုးရေ အခက်အခဲ ကြုံတွေ့နေရကြောင်း သတင်းရရှိသည်။

ပူပြင်းခြောက်သွေ့သော နွေရာသီ အချိန်ကာလ ဖြစ်သည်ကတကြောင်း ပြန်လည်တူးဖော် ပြုပြင်မွမ်းမံခြင်းမရှိဘဲ ဆယ်စုနှစ်နဲ့ ချီ ကြာမြင့်နေပြီဖြစ်၍လည်း စောသန္တာဆောင်အနီးရှိ ရေတွင်းမှာ ရေထွက်အလွန်နည်းနေသည့်အတွက် ကျောင်းသူများ သုံးရေလိုအပ်ချက် အခက်အခဲကြုံတွေ့ နေရခြင်းဖြစ်ကြောင်း ကျောက်ဖြူမြို့ ပညာရေးကောလိပ် စောသန္တာဆောင်နေ ကျောင်းသူများဆီမှ လာသောသတင်းရ သိရသည်။

" ကျမတို့ ပညာရေးကောလိပ် ကျောင်းအဆောင်ကို နှစ်သစ်ကူး သင်္ကြန်ပြီးတာနဲ့ စ၀င်ပါတယ်။ ၀င်ဝင်ချင်း သုံးရေချိုးရေ အခက်အခဲပြသနာနဲ့  စတိုးပါတယ်။ ပူပြင်းခြောက်သွေ့တဲ့ နွေရာသီလည်းဖြစ်တော့ ရေတွင်းထွက်ရေ အတော်လေး နည်းလာနေတာကြောင့် သုံးရေ အခက်အခဲကြုံတွေ့ နေရတာပါ။ မိုးခေါင်ရေရှားပါးတဲ့ တောရွာတွေမှာလို ရေအိုးရေဗုံးတွေကို တန်းစီချပြီး စောင့်ယူ ခပ်သုံးနေရတဲ့ အခြေအနေမျိုး ကြုံနေပါတယ်။ ညဖက်ဆိုရင် ၁၁ နာရီထိစောင့်ခတ်ယူရပြီး မိုးလင်းဝါ လေးနာရီထိုးတာနဲ့ တန်းစီစောင့်ယူ ခပ်သုံးရပြန်ပါတယ်။ သောက်ရေကတော့ အပြင်ရေသန့် စက်ရုံကနေ ၀ယ်သောက်ကြတဲ့အတွက် အခက်အခဲတော့ မရှိပါဘူး။ " ဟု ကျောက်ဖြူ ပညာရေးကောလိပ်မှ အမည်မဖော်လိုသည့် ကျောင်းသူတဦးက အာရ်ကန်တိုင်းမ်စ်သို့ ပြောဆိုသည်။

ကျောက်ဖြူ ပညာရေးကောလိပ်ကျောင်းဝင်း အတွင်းတွင် ပိုးဝါ၊ စောမဲကျီ၊ စောသန္တာဟူ၍ အမျိုးသမီးကျောင်းသူဆောင် သုံးဆောင်ရှိရာ ယခု သုံးရေချိုးရေ အခက်အခဲ ပြဿနာမှာ စောသန္တာအဆောင် တဆောင်တည်းတွင်ကြုံတွေ့ နေရခြင်းဖြစ်ပြီး ကျန်အမျိုးသမီး ကျောင်းသူဆောင် နှစ်ဆောင်ဖြစ်သည့် ပိုးဝါနှင့် စောမဲကျီ အဆောင်တို့ မှာ သုံးရေချိုးရေ အခက်အခဲ မရှိကြောင်း သိရသည်။

ယခုလို ရေအခက်အခဲကြုံတွေ့နေရခြင်း ပြဿနာကို ကျောက်ဖြူပညာရေးကောလိပ်၏ ကျောင်းအုပ်ဆရာမကြီးဖြစ်သူ ဒေါက်တာ ဒေါ်ဝေေ၀ဦးထံသို့ တင်ပြတောင်းဆိုပေးရန် စောသန္တာအဆောင်မှူး ဒေါ်အေးဝင်းကြည်ကို အကြောင်းကြားထားပြီးဖြစ်ကြောင်းနှင့် ဒေါက်တာ ဒေါ်ဝေေ၀ဦးသည် ပညာရေးကိစ္စ နေပြည်တော် အစည်းအဝေးခရီးစဉ်မှ ယမန်နေ့ ကမှ ပြန်လည်ရောက်ရှိလာခဲ့ကြောင်း အဆိုပါ အမည်မဖော်လိုသည့် ကျောင်းသူက ဆက်လက်ပြောကြားသည်။

ကျောက်ဖြူမြို့ ပညာရေးကောလိပ်တွင် ယခုနှစ် ဇန်န၀ါရီလကလည်း ကျောင်းအုပ်ဆရာမကြီး ဒေါက်တာ ဒေါ်ဝေေ၀ဦးမှ ဆန်လုံလောက်စွာ ထုတ်မပေး၍ ကျောင်းသူ/ကျောင်းသားများ ထမင်းလောက်ငှစွာမစားရသဖြင့် ဆန္ဒဖော်ထုတ် ဖြစ်ခဲ့ဖူးသည်။

ကျောင်းအုပ်ဆရာမကြီး ဒေါက်တာဒေါ်ဝေေ၀ဦးမှာ ပြည်မြို့ဇာတိဖြစ်ပြီး လွန်ခဲ့သော ၂ နှစ်ခန့် က ကျောက်ဖြူသို့ ပြောင်းရွေ့တာဝန်ထမ်းဆောင်ခဲ့ပြီး ၎င်းမှာ လူမျိုးရေးခွဲခြားသောအကျင့်ရှိကာ မကြာခဏဆိုသလို " နင်တို့ ရခိုင်တွေ၊ နင်တို့ ရခိုင်တွေ။ " ဟု ပြောဆို အော်ငေါက်လေ့ရှိသည့်အတွက် ကျောက်ဖြူ ဒေသခံများနှင့် သတင်းမီဒီယာများတွင် နာမည်ကြီးကြောင်း ကောလိပ်ကျောင်းသူများ အဆိုအရ သိရသည်။

အဆိုပါ ရေအခက်အခဲ ပြဿနာကြောင့် ကျောင်းသူများ ဆန္ဒထုတ်ဖော် အုတ်အော်သောင်းနင်း ဖြစ်လာကြမည်ကို မလိုလား၍ ကောလိပ်ကျောင်း ဆရာ/ဆရာမများ မကြာမီ အစည်းအဝေး ပြုလုပ်လာနိုင်ပြီး မည်ကဲ့သို့ဆက်လက် ဆောင်ရွက်မည်ကို ဆွေးနွေးသွားကြမည့် အရိပ်လက္ခဏာတွေ့ရကြောင်း အဆိုပါ အမည်မဖော်လိုသည့် ကျောင်းသူက ဆက်လက်ပြောကြား သွားခဲ့သည်။

နယ်ခြားစောင့်တပ်နှင့် ဖြစ်ပွားသောတိုက်ပွဲ ရပ်လိုက်ပြီဟု DKBA ပြော

ကျော်ခ

ဒီမိုကရေစီ ကရင်အကျိုးပြုတပ်မတော်(DKBA)နှင့် နယ်ခြားစောင့်တပ်(BGF) တို့အကြားဖြစ်ပွားနေသည့် တိုက်ခိုက်မှုများကို ယနေ့ မွန်းတည့်ချိန်မှစ၍ ရပ်ဆိုင်းလိုက်ပြီဖြစ်ကြောင်း DKBA ဘက်က ပြောဆိုလိုက်သည်။

ကရင်ပြည်နယ်၊ လှိုင်းဘွဲ့မြို့နယ် မြိုင်ကြီးငူရွာ အနီးတွင် ၂၇ ရက်နေ့ညပိုင်းက စတင်ကာ DKBA ကလို့ထူးလားဗျူဟာမှ ဗိုလ်မှူးကြီး စောဘိ လက်အောက်ခံ တပ်ရင်းနှင့် နယ်မြေချင်းထိစပ်နေသည့် နယ်ခြားစောင့်တပ် (၁၀၁၇) တပ်ရင်းတို့ ယနေ့ မနက်ပိုင်း အထိ တိုက်ပွဲများ အပြင်းအထန်ဖြစ်ပွားခဲ့ပြီး နှစ်ဖက် တာဝန်ရှိသူများ နားလည်မှုရရှိပြီးနောက် တိုက်ပွဲများကို ရပ်တန့်လိုက်ကြခြင်း ဖြစ်ကြောင်း DKBA ကလို့ထူးဝါး ကွပ်ကဲရေးရုံးမှ ဗိုလ်မှူး စောဝေထူး က ပြောပြသည်။

“အဲဒီဘက်ကလည်း တိုက်ပွဲတွေရပ် သူတို့ဘက်ကလည်း မပစ်တော့ဘူးဆိုပြီး ဒီနေ့ပဲဗိုလ်ချစ်သူက မြိုင်ကြီးငူက ဆရာတော် တပါး ကနေတဆင့် တယ်လီဖုန်းနဲ့ ဗိုလ်ဘိ (ဗိုလ်မှူးကြီး စောဘိ) ဆီကို ဆက်သွယ်လာတယ်၊ အဲဒီနောက် နေ့လယ် ၁၂ နာရီ ကနေ စပြီး တိုက်ပွဲတွေရပ်လိုက်ပြီ”ဟု ဗိုလ်မှူး စောဝေထူး က ဧရာဝတီသို့ ပြောသည်။

DKBA နှင့် BGF တပ်များအကြား နှစ်ဖက်တိုက်ပွဲများ ရပ်တန့်ရေးအတွက် အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် တင်မောင်ဝင်း က နှစ်ဖက်အကြား ညှိနှိုင်းမှုပြုလုပ်ပေးသကဲ့သို့ ကရင်အမျိုးသား အစည်းအရုံး (KNU) စစ်ဦးစီးချုပ် ဗိုလ်ချုပ် ဂျော်နီ ကလည်း တယ်လီဖုန်းမှတဆင့် နှစ်ဖက်ညှိနှိုင်းမှု ပြုလုပ်ပေးခဲ့ကြောင်း KNU ဗဟိုကော်မတီဝင် မန်းငြိမ်းမောင်ကလည်း ပြောသည်။

“ကျနော်တို့ဘက်ကရော ရတခ တိုင်းမှူးကရော ဝင်ပြီး စေ့စပ်ညှိနှိုင်းပေးလိုက်တဲ့နောက်မှာ စစ်ရှိန်တော့လျော့သွားတဲ့ သဘောမှာရှိတယ်”ဟု မန်းငြိမ်းမောင်က ဆိုသည်။

ယခုလ ၂၆ ရက်နေ့က ကလို့ထူးလားဗျူဟာ လက်အောက်ခံ တပ်ဖွဲ့များနှင့် နယ်ခြားစောင့်တပ်များအကြား သံလွင်မြစ်အတွင်း ပစ်ခတ်မှုများဖြစ်ပွားခဲ့ပြီး နယ်ခြားစောင့်တပ်ဘက်မှ တဦးကျဆုံးခဲ့ရာမှ တိုက်ပွဲများ စတင်ဖြစ်ပွားခဲ့ခြင်းဖြစ်ကြောင်း DKBA က ပြော ဆိုသည်။

ယင်းသို့ ပစ်ခတ်မှုများဖြစ်ပွားပြီ DKBA ကလို့ထူးလား လက်အောက်ခံတပ်ရင်း (၉၀၅) ရှိရာကို နယ်ခြားစောင့်တပ်ရင်း၊ တပ်ဖွဲ့များ က အင်အား အလုံးအရင်းဖြင့် လက်နက်ကြီး လက်နက်ငယ်များ အသုံးပြုတိုက်ခိုက်ခဲ့ကြောင်း နှစ်ဖက်တိုက်ပွဲများကြောင့် အကျအဆုံးစာရင်းကိုလည်း မသိရှိသေးကြောင်း ဗိုလ်မှူး စောဝေထူး က ပြောသည်။

တိုက်ပွဲဖြစ်ပွားမှု အခြေအနေများနှင့် ပတ်သက်၍ နယ်ခြားစောင့်တပ် တာဝန်ရှိသူများထံ ဧရာဝတီက ဆက်သွယ်ခဲ့သော်လည်း ဖြေ ဆိုခြင်း မရှိပေ။

DKBA နှင့် နယ်ခြားစောင့် တပ်များအကြား ယင်းဒေသတွင် နယ်မြေအငြင်းပွားမှု၊ အကျိုးစီးပွား ကိစ္စရပ်များနှင့်ပတ်သက်၍ မကြာ ခဏ ပစ်ခတ်မှုများ ဖြစ်ပွားလေ့ရှိကြောင်း ယင်းဒေသတွင်း လှုပ်ရှားနေသည့် ကရင်လက်နက်ကိုင် တပ်မှူး တချို့က ပြောသည်။

DKBA အဖွဲ့သည် ၁၉၉၄ ခုနှစ်က KNU မှခွဲထွက်ခဲ့သည်။ ထို့နောက် သီးသန့်အဖွဲ့အဖြစ်ရပ်တည်ခဲ့ရာမှ ၂၀၁၀ ပြည့်နှစ်၌် ဗိုလ်မှူးကြီး စောချစ် သူဦးဆောင်သည့် DKBA တပ်ဖွဲ့ဝင်များက အစိုးရတပ် လက်အောက်သို့ ၀င်ရောက်ခဲ့ကြပြီး တပ်ရင်း သုံးခုနှင့် နယ်ခြား စောင့် တပ် အဖြစ် ရပ်တည်ခဲ့ခြင်း ဖြစ်သည်။

ဗိုလ်မှူးချူပ် စောလားပွယ် ၏ DKBA တပ်များကမူ သီးခြား ဆက်လက် ရပ်တည်နေသည်။ ယခု အစိုးရ လက်အောက်ခံ နယ်ခြား စောင့်တပ်နှင့် တိုက်ပွဲဖြစ်ပွားခဲ့သော မြိုင်ကြီးငူ အခြေစိုက်ဗိုလ်မှူးကြီး စောဘိ အဖွဲ့သည် ၂၀၀၈ ခုနှစ်က နယ်ခြားစောင့်တပ်ဖွဲ့ အသွင် ပြောင်း ရာတွင် ပါဝင်သွားခဲ့ပြီးနောက်ပိုင်းတွင် ၎င်း၏ တပ်ဖွဲ့များနှင့်အတူ DKBA အဖြစ်နှင့် ပြန်လည်ရပ်တည်ခဲ့သည်။

SSPP နှင့် အစိုးရ နှစ်ဘက်တပ်အင်အား ၅၀၀၀ ထက်မနည်းအပြိုင်တိုးချနေ

သျှမ်းသံတော်ဆင့်

သျှမ်းပြည်မြောက်ပိုင်း နှင့် တောင်ပိုင်းကြားဒေသ တန့်ယန်း နှင့် မိုင်းရှူးမြို့နယ်အတွင်း အစိုးရတပ်နှင့် သျှမ်းပြည်တပ်မတော် SSPP/SSA တို့ တဘက်နှင့်တဘက် တပ်အင်အားထောင်ချီ အပြိုင်တိုးချ ကာ စစ်ရေးတင်းမာနေသည်ဟု ဒေသအတွင်းသတင်းရပ်ကွက်ကပြောပါသည်။

“တန့်ယန်း - မိုင်းရှူး ဒေသမှာ သူတို့တပ် နဲ့ ကျနော်တို့တပ်တွေ နှစ်ဘက် စုပေါင်းစစ်အင်အား ၅၀၀၀ နီးပါး အပြန်အလှန်ဖြန့်ကျက် နေရာယူထားတယ်။ စစ်ရေးပြင်ဆင်မှု အကြီးအကျယ်ဆောက်ရွက်နေပါတယ်။ မိမိ တို့ဘက်တော့ ရှောင်လမ်းမရှိတော့တဲ့အတွက် တိုက်ပွဲဝင်သွားရမှာဘဲ” - ဟု SSPP ဌာနချုပ် အရာရှိတဦး က ပြောပါသည်။

ဧပြီ ၂၈ ရက်တွင်လည်း တောင်ကြီးမြို့မှ မိုင်းရှူးမြို့ဘက်သို့ စစ်ယာဉ်တန်းအစီး ၁၀၀ ကျော် တက်လာ ကြောင်း၊ စစ်ကားတစီးလျှင် လူ ၁၅ ယောက်တင်ဆောင်ကြောင်း၊ စားနပ်ရိက္ခာနှင့် စစ်လက်နက်များ အဓိက တင်ဆောင်လာဖွယ်ရှိကြောင်း နမ့်စန်မြို့နိုင်ငံရေးပါတီဝင်တဦးက ပြောပါသည်။

“တိုက်ပွဲငယ်လေးတွေက နေ့တိုင်းလိုလို ဖြစ်နေတုန်း။ ပိုမိုပြင်းထန်လာတဲ့ အလားအလာ ရှိတယ်။ နမ့်ပန် နဲ့ နမ့်ခုံး( နမ့်ပန်ချောင်းနဲ့ သံလွင်မြစ်) ကြားမှာ အစိုးရတပ်အင်အား အခု ၂၀၀၀ ကျော် တိုးချလှုပ်ရှားလာ တယ်။ အစိုးရတပ်ဒီတိုင်း လှုပ်ရှားနေရင်တိုက်ပွဲကြီးလာဖို့အလားအလာရှိနေတယ်” - ဟု ရှေ့တန်း ရောက်သျှမ်းတပ် မှူးတဦးက ပြောပါသည်။

မတ်ခ်ျလလယ်ပိုင်းမှ စ၍ သျှမ်းပြည်တပ်မတော် နှင့်အစိုးရတပ်ကြားတိုက်ပွဲကြောင့် တန့်ယန်းမြို့နယ် အတွင်း ကျေးလက်လူ တထောင်ကျော် နေရပ်မှ စွန့်ခွာနေရဆဲဖြစ်သည်။

အစိုးရတပ် အင်အားဖြည့်တင်းမှု စစ်ရေးလှုပ်ရှားမှုများကြောင့် သျှမ်းပြည်တပ်မတော် စစ်ရေးပြန်လည် ပြင်ဆင် သည့်အပေါ် ဒေသခံလူထုက တိုက်ပွဲကြီးဖြစ်ပွားလာမည့်အန္တရာယ်၊ လူ့အခွင့်ရေးချိုး ဖေါက်မှု အန္တရာယ်များ အတွက် စိုးရိမ်နေကြကြောင်း တန့်ယန်းစစ်ဘေးဒုက္ခသည်များ အကူအညီပေးသူ စိုင်းအိုက် က ပြောပါသည်။

ပြည် လူသတ်မှု စစ်ခုံရုံးမှ အရပ်သားများကို ခေါ်ယူစစ်ဆေး

ကောင်းမြတ်မင်း

တပ်မတော်သားများ ပါဝင်ပတ်သက်နေသည်ဟု ယူဆရသော ပြည်မြို့ န၀ဒေး တံတားအောက် လုယက် အသတ်ဖြတ်ခံရသော အမှုကို တပ်မတော် စစ်ခုံရုံးမှ အရပ်သား သက်သေ ထွက်ချက်များ ရရှိရန် ခေါ်ယူစစ်ဆေးမေးမြန်းကြောင်း သိရသည်။

အမှုတွင် အဓိက သက်သေအဖြစ် အသက်ရှင်ကျန်ရစ်ခဲ့သော မအိဇင်မိုးကိုကိုလည်း ဆေးရုံတွင် စစ်ဆေးမေးမြန်းမှုများ ပြုလုပ်ခဲ့ပြီး မအိဇင်မိုးကို၏ ဖခင်ဖြစ်သူကိုလည်း ခလရ ၇၅ တပ်ထဲတွင် တပ်မတော်အရာရှိကြီး ၃ ဦးက အမှုဖြစ်စဉ် အစအဆုံးကို ခေါ်ယူမေးမြန်းခဲ့ကြောင်း သိရသည်။

မအိဇင်မိုးကို၏ ဖခင် ဦးမြင့်ကိုက “၂၇ ရက်နေ့က ကျနော့်ကို တပ်ထဲကို ခေါ်စစ်တယ်။ (အခင်းဖြစ်တဲ့နေ့က) ကျနော့်သမီး ဆေးရုံကို ဘယ်အချိန်ရောက်တယ်၊ ရဲစခန်းကို ဘယ်အချိန်သွားတယ် ဆိုတာတွေကို အချိန် အတိအကျ မေးတယ်။ ဒီလောက် အရေးကြီးတဲ့အချိန်မှာ နာရီ တကြည့်ကြည့်လုပ်ပြီး ကျနော် မှတ်နေနိုင်မလားဗျာ။ ဘာလို့ တပ်မတော်သားတွေကို တရားခံအဖြစ် စွပ်စွဲပြီး အမှုဖွင့်ရတာလည်း မေးတယ်။ သူတို့ကို တရားခံလို့ တပ်အပ်စွပ်စွဲရဲလားလို့ မေးတော့ စွဲရဲတယ်လို့ ပြောခဲ့တယ်။ ကျနော့်သမီးကိုလည်း ဖြစ်တဲ့နေရာကို ခေါ်သွားပြီးတော့ မေးချင်တယ်လို့ ပြောပါတယ်။ သမီးမှာ နှလုံးရောဂါရှိတဲ့အတွက် ကျန်းမာရေးကို တာဝန်ယူပေးနိုင်ရင်တော့ ခေါ်သွားလို့ ပြောထားပါတယ်” ဟု ဧရာဝတီကို ပြောဆိုသည်။

ပြည်မြို့ တဘက်ကမ်း သစ်ဆိမ့်ပင်ရွာရှိ ကိုအေးထွေး၊ ကိုမြင့်ရွှေနှင့် ကိုရဲနိုင်တို့အားလည်း ဧပြီလ ၂၇ ရက်နေ့ ညနေ ၆ နာရီခန့်က စစ်ဆေး မေးမြန်းရန် ခေါ်ဆောင်သွားခဲ့ပြီး ဧပြီလ၂၈ ရက်နေ့ နံနက်ပိုင်းတွင် ၄င်းတို့၏ မိသားစုဝင်များက ပြည်မြို့ အမှတ် ၂ ရဲစခန်းသို့ သွားရောက်မေးမြန်းခဲ့ရာ စခန်းမှူးမှ စိတ်မပူရန်နှင့် မေးမြန်းစရာရှိ၍ဟု ပြောဆိုသည်။

ထိုသူများ ယခုအခါ ရွာပြန်ရောက်လာကြပြီး မေးမြန်းရာတွင် တစုံတရာ ခြိမ်းခြောက်ခြင်းမျိုးမရှိဘဲ ကောင်းမွန်စွာ ဆက်ဆံမေးမြန်းကြောင်း၊ တရားခံအဖြစ် သံသယရှိ၍ မဟုတ်ဘဲ အသတ်ခံရသည့်စုံတွဲအား အခင်းမဖြစ်ပွားမှီက မြင်သောလူများတွင် ၎င်းတို့ပါဝင်နေကြောင်း သတင်းရ၍ ခေါ်ယူမေးမြန်းခြင်းဖြစ်ကြောင်း သိရှိရသည်။

ဧပြီလ ၂၃ ရက် ည ၉ နာရီခန့်က ပြည်မြို့ ဆင်စုရပ်ကွက်အနီး ဧရာဝတီ မြစ်သောင်ပြင်ပေါ် (နဝဒေး တံတားအောက်) တွင် သမီးရည်းစား ဘာသာဘာဝ ချိန်းတွေ့နေသည့် ကိုဇော်မင်းဦးနှင့်မအိဇင်မိုးကိုတို့ စုံတွဲအား လူ ၃ ဦးမှ ပစ္စည်းယူ လူသတ်မှုဖြစ်ခဲ့ရာ မသင်္ကာသူ ၂ ဦးကို ဖမ်းဆီးမိပြီး တပ်မတော်သားများ ဖြစ်နေခဲ့သည်။

အဖမ်းခံရသည့် တပ်သား ရဲကိုဦးနှင့် တပ်သား သန်းထိုက်အောင်တို့ကို ရဲတပ်ဖွဲ့က ခလရ (၇၅) တပ်ရင်းသို့ ပြန်လွှဲခဲ့ရာ ချုပ်နှောင်ထားကြောင်း၊ လွတ်မြောက်သွားသူ တပ်သား သန်းဝင်းအောင် တပ်ရင်းသို့ ပြန်အလာတွင်လည်း ဖမ်းဆီးပြီး အချုပ်ချထားခဲ့သည်။

အမှုမှန်ပေါ်ပေါက်ရေးအတွက် လွှတ်တော် ကိုယ်စားလှယ်များ၊ ပြည်သူရဲတပ်ဖွဲ့များ ပူးပေါင်းဖြေရှင်းသွားမည် ဖြစ်ကြောင်း စစ်ခုံရုံး ဥက္ကဋ္ဌ ဒု ဗိုလ်မှူးကြီးနေဝင်းက သေဆုံးသူ ကိုဇော်မင်းဦး၏ ဈာပနတွင် ပြောဆိုခဲ့သည်။

ဒီမိုကရေစီအစ အိမ်တွင်းက

ခေတ်ဘုန်းသစ်

ဒီမိုကရေစီ နိုင်ငံတော် တခုကို တည်ထောင်တဲ့ အခါမှာ လူတိုင်း လူတိုင်းရဲ့ ရင်ထဲမှာ အာဏာရှင် ဆိုတဲ့ အကျင့်ဆိုး၊ စနစ်ဆိုး ကြီးကို ဖျောက်ပစ်ဖို့လိုပါတယ်။ ကျမတို့ နိုင်ငံကတော့ ဟိုးလွန်ခဲ့တဲ့ နှစ်ပေါင်းများစွာ ကတည်းကိုက သက်ဦးဆံပိုင် ဘုရင်စံနစ်ကနေ စလာလိုက်တာ၊ အင်္ဂလိပ် အုပ်စိုးတဲ့ ခေတ်၊ ဂျပန်အုပ်စိုးတဲ့ ခေတ် အပါအ၀င် တပါတီ အာဏာရှင်စနစ်၊ စစ်အာဏာရှင် ခေတ်တလျှောက်လုံး အားလုံး တောက်လျှောက်ကို အထက်အောက် ဆက်ဆံရေး၊ အကြောက်တရားနဲ့ အုပ်ချုပ်လာခဲ့ကြပါတယ်။ ဟိုးအထက်က စပြီးတော့ အကြောက်တရားနဲ့ အုပ်ချုပ်လာလိုက်တာ နောက်ဆုံး ကိုယ့်ရဲ့ အိမ်ကို ပြန်ရောက်တဲ့ အချိန်ထိ အိမ်မှာ သြဇာအာဏာရှိသူ လူကြီးတဦးက အကြောက်တရားနဲ့ အုပ်ချုပ်တာကို ခံရတဲ့ အထိပါပဲ။

အိမ်တိုင်း အိမ်တိုင်း လိုလိုမှာ ကြောက်ရမယ့် လူကြီးတဦး (အိမ်ထောင်ဦးစီး) ရှိနေခဲ့ပါတယ်။ အိမ်ထောင်ဦးစီးရဲ့ စကားကို မှားသည်ဖြစ်စေ၊ မှန်သည် ဖြစ်စေ နားထောင်ကြရပါတယ်။ အိမ်ထောင်ဦးစီးက အိမ်ရဲ့တာဝန်ကို အပြည့်ယူသလို၊ အရာအားလုံးကို လည်း အာဏာနဲ့ပဲ အုပ်ချုပ်ပါတယ်။ အိမ်ထောင်ဦးစီး အဖေဟာ (အများအားဖြင့်) သားသမီးများနဲ့ ရောနှောပြီး မဆက်ဆံတတ်ကြပါဘူး။ မျက်နှာတည်တည်တံတံ့ ထားပြီးတော့ ကြောက်အောင် နေပါတယ်။ အဖေဟာ အိမ်ရဲ့ အာဏာရှင်ပါ။ အဖေ လုပ်တာကိုင်တာ၊ ဆုံးဖြတ် တာကို ဘယ်သူကမှ ၀င်ရောက် ပါဝင် ဆွေးနွေး ပတ်သတ်ခွင့် မရှိကြပါဘူး။ တချို့ အိမ်များမှာတော့ အမေ (မိန်းမ)က ပါဝင် နိုင်ခွင့်ရကြပါတယ်။

ဒီလို အာဏာနဲ့ အုပ်ချုပ်တဲ့ အိမ်များက သားသမီးများဟာ ကြောက်တတ် ရွံ့တတ် ကြပြီးတော့ ကိုယ့်ရဲ့အစွမ်းအစကို မထုတ်တတ်ကြသူများ ဖြစ်သွားတတ်ကြပါတယ်။ တာဝန်ယူလိုစိတ်လည်း နည်းကြသလို လူရေးလူတာလည်း သိပ်မသိတတ်ကြပါဘူး။ မှားရင်လည်း မပြောရဲ၊ မှန်ရင်လည်း မပြောရဲပဲနဲ့ ကွယ်ရာမှ အတင်းပြောတတ်တဲ့၊ ခိုးကြောင် ခိုးဝှက် လုပ်တတ်တဲ့ စိတ်မျိုးကို မွေးဖွားပေးစေပါတယ်။ ကိုယ့်ရင်ထဲက အမှန်တရားကိုလည်း ရဲရဲ မကြေညာဝံ့ကြပါဘူး။

အိမ်တွင်း ဒီမိုကရေစီ ရှိကြတဲ့ အိမ်များမှာတော့ အာဏာရှင်ဆိုတာ မရှိကြတော့ပါဘူး။ ဒါပေမယ့် အိမ်တွင်းမှာ ထုတ်ထားတဲ့ အိမ်တွင်းဥပဒေလေးတွေတော့ ရှိပါတယ်။ ဒါကို မိသားစုဝင် အားလုံးက လေးလေးစားစား လိုက်နာကြရပါတယ်။ ဥပမာ ထမင်းစားပြီးရင် ကိုယ့်ပန်းကန် ကိုယ်ဆေးရမယ် ဆိုတာမျိုးက အစ၊ ကျောင်းဖွင့်ရက်များမှာ တီဗီ၊ ဗီဒီယို ဂိမ်း မကစားရဘူး ဆိုတာမျိုးအထိကို ပြောတာပါ။

အိမ်တွင်း ဒီမိုကရေစီ ရှိတဲ့ မိသားစုထဲက အဖေနဲ့ အမေဟာ သားသမီးများ နဲ့ ရင်းနှီးနွေးထွေး စွာနေပါတယ်။ သားသမီးများရဲ့ စိတ်ထဲ ရှိရာ လွတ်လပ်စွာပြောဆိုတဲ့ အတွေးအမြင်များ ကို မဟန့်တား၊ မပိတ်ပင်ဘဲနဲ့ လေးလေးစားစား နားထောင်တတ်ကြပါတယ်။ သားသမီးကို ဆုံးဖြတ်ရဲအောင်၊ ဆုံးဖြတ်တတ်အောင် သင်ပေးကြပါတယ်။ အရွယ်အလိုက် ထိုက်သင့်တဲ့ ဆုံးဖြတ်ခွင့်လေးတွေ ပေးပါတယ်။ မှားသွားတဲ့ အမှားကို အပြစ်မတင်ဘဲ အမှားကနေ သင်ယူတတ်အောင် လေ့ကျင့်ပေးကြပါတယ်။ ပြောရမယ် ဆိုရင်တော့ လူ့လောကထဲ လူ့ဘ၀ထဲကို ကလေးတို့ဖာသာ ခြေစုံရပ်နိုင်ဖို့အတွက် လေ့ကျင့်ပေး ကြပါတယ်။

အာဏာနဲ့ အုပ်ချုပ်တဲ့ အိမ်များမှာတော့ အဖေ သို့မဟုတ် အမေက မှားသွားခဲ့ရင် သားသမီးက ပြောပိုင်ခွင့်၊ ဝေဖန်ပိုင်ခွင့် မရှိပါဘူး။ မိဘလုပ်သမျှ အားလုံးမှန်တယ် ဆိုတဲ့ အယူဆကို စွဲကိုင်ထားတတ်ကြတာပါ။ ဒါပေမယ့် အိမ်တွင်း ဒီမိုကရေစီ ရှိတဲ့ အိမ်များမှာတော့ မိဘဟာလည်း လူပဲမို့ မှားတတ်တာကို မိဘတို့က ၀န်ခံကြပါတယ်။ မိဘတို့က ကိုယ့်ရဲ့ အမှားကို ရဲရဲဝံ့ဝံ့ ၀န်ခံရင်းနဲ့ပဲ မှားရင် ၀န်ခံရမယ် ဆိုတာကို သားသမီးတို့ကို တခါတည်း သင်ပေး လိုက်ကြပါတယ်။ အမှားကနေ ဘယ်လို သင်ယူမလဲ။ မှားတာကို ဘယ်လို ပြင်ယူမလဲ ဆိုတာကိုပါ စံနမူနာအနေနဲ့ မိဘတို့က ကျင့်သုံးပြ ကြပါတယ်။

အာဏာနဲ့ အုပ်ချုပ်တဲ့ အိမ်များမှာတော့ အာဏာရှိသူ အိမ်ထောင်ဦးစီး (မိဘ) ဟာ ကိုယ့်ရဲ့ မပြေလည်မှု၊ ဒေါသ၊ စိတ်ဖိစီးမှု စတာတွေကို အိမ်ရှင်မဆီမှာ၊ သားသမီးများဆီမှာ ဖောက်ခွဲ အော်ဟစ် ပြီးတော့ ဒေါသ ဖြေဖျောက်တတ်ကြပါတယ်။ ဒါပေမယ့် အိမ်တွင်း ဒီမိုကရေစီစနစ်ကို ကျင့်သုံးတဲ့ အိမ်များမှာတော့ မိဘများဟာ သားသမီးများ ကြုံလာရတဲ့ မပြေလည်မှု၊ ဒေါသ၊ စိတ်ဖိအား စတာတွေကို မှန်ကန်တဲ့နည်းနဲ့ ဖြေလျှော့ပစ်နိုင်ဖို့ အကူအညီပေးတတ်ကြပါတယ်။ ကိုယ့်ရဲ့ ဒေါသ၊ ကိုယ့်ရဲ့ စိတ်ဖိအားကို ဖြေလျော့အောင်လုပ်တဲ့အခါမှာ ကိုယ့်အနားက လူတွေနဲ့ ပတ်ဝန်းကျင်ကို စိတ်အနှောင့်အယှက် မဖြစ်စေဘဲနဲ့ ကိုယ့်ဖာသာကိုယ် ဖြေလျှော့ပစ်နိုင်ဖို့ အကူအညီပေးတတ်ကြပါတယ်။

အိမ်တွင်း ဒီမိုကရေစီ ရှိကြတဲ့ အိမ်များမှာ တရားမျှတစွာနဲ့ ကြီးပြင်းခွင့်ရတဲ့ ကလေးများဟာ အမှန်တရားကို ရဲဝံ့စွာ ပြောရဲကြပါတယ်။ ကိုယ့်ရဲ့အမှား ကိုယ်တာဝန်ယူရဲကြပါတယ်။ ဆုံးဖြတ်ရဲကြ၊ လုပ်ကိုင်ရဲ ကြပါတယ်။ လူကြီးမို့လို့၊ မိဘမို့လို့၊ အသက်ကြီးလို့၊ အာဏာရှိနေလို့၊ ကြည်ညိုရတဲ့ သူဖြစ်နေလို့ ဆိုပြီး မဟုတ်တာလုပ်နေတာကို သိသိကြီးနဲ့ မပြောရဲဘဲ ထိုင်ကြည့် မနေတတ်ကြပါဘူး။ ဒီလို ရဲဝံ့တဲ့ စိတ်မျိုးကို ကလေးတို့ ရင်ထဲကို သွင်းပေးနိုင်ဖို့ ဆိုတာဟာ အိမ်တိုင်းအိမ်တိုင်းမှာ အိမ်တွင်း ဒီမိုကရေစီ စံနစ်ကို ကျင့် သုံးပါမှဖြစ်မှာပါ။

ကျမတို့ဟာ အကြောက်တရားနဲ့ မနေချင်သလိုပဲ ကလေးတို့ဟာလည်း အကြောက်တရားအောက်မှာ မကြီးပြင်းချင်ကြပါဘူး။ ကျမတို့ မမှန်တာကို ငုံ့ မခံချင်သလိုပဲ သူတို့လည်း ငါမိဘ ငါကြိုက်ရာလုပ်မယ် ဆိုတဲ့ မိဘတို့ရဲ့ မတရားမှုတချို့ကို ငုံ့ မခံချင်ကြပါဘူး။ အိမ်တွင်း ဒီမိုကရေစီ စနစ်ကို ကျင့်သုံးဖို့ အတွက် အရေးကြီဆုံး အရာကတော့ ငါ မိဘ ဆိုတဲ့ စိတ်ကလေးကို လျှော့ပြီး ကလေးတို့ကို လူသားလေးများ အနေနဲ့ လေးလေးစားစား ဆက်ဆံစိတ်လေး မွေးတတ်မယ် ဆိုရင်ဖြင့် ကျမတို့ရဲ့ အနာဂါတ် နိုင်ငံတော်မှာ မှန်ရာကို ရဲဝံစွာပြောရဲဆိုရဲတဲ့ လူကြီးတွေ များလာမှာပါ။ ကျမတို့ ရင်ထဲက အကြောက်တရားတွေကို ဆွဲနုတ်ပစ်နိုင်ဖို့ ကလေးတွေရဲ့ စိတ်ထဲကို မကြောက်တရားတွေ များများ သွင်းပေး နိုင်မယ်ဆိုရင်ဖြင့် တကယ့်ဒီမိုကရေစီနဲ့ တူတဲ့ နိုင်ငံကြီးကို တချိန်ချိန်မှာ ကျမတို့ မြင်တွေ့နိုင်မယ်လို့ ယုံကြည်ပါတယ်။ မိသားစုဆိုတာ နိုင်ငံတော်ရဲ့ အစိတ်အပိုင်း ယူနစ်တခု မဟုတ်လား။


(ခေတ်ဘုန်းသစ် သည် စာရေးဆရာမ ပန်းရိပ်ဖြူ၏ ကလောင်ခွဲဖြစ်သည်။ ခေတ်ဘုန်းသစ် ကလောင်အမည်ဖြင့် ကလေးစာပေ၊ ပုံပြင်၊ ကဗျာများရေးသား နေသကဲ့သို့ ပန်းရိပ်ဖြူ ကလောင်အမည်ဖြင့် ရသစာပေ ၀တ္ထုတို၊ ၀တ္ထုရှည်နျင့် ကဗျာများ ရေးသားလျက် ရှိသည်။)

ယနေ့ မြန်မာ့ရေးရာသတင်းများ April,30th,2013

( 52 )တရုတ်စစ်လေယာဉ် မရရှိဟု ယူဒဗလျူအက်စ်အေ ငြင်းဆို

( 51 )Myanmar's solution to ethnic clashes is chilling

( 50 )အမေရိကန်တွင် ကရင်နီအမျိုးသားနှစ်ဦး ဓါးထိုးအသတ်ခံရ

( 49 )KIO invited to peace talks in early May

( 48 )ရမ်းဗြဲဒုက္ခသည်စခန်းမှ ကမန်များစီးလာသောကား တိမ်းမှောက်မှုဖြစ်ပွား

( 47 )Thai-Myanmar disputed islands shelter illegal workers

( 46 )အကျင့်ပျက်ခြစားမှုကြောင့် ဒီမိုကရေစီစနစ် ပျက်ပြားစေနိုင်

( 45 )Ford to enter Myanmar with showroom by August

( 44 )လက်ပန်းတောင်း ဒေသခံ ၅၀၀ ညောင်ပင်ကြီး ရဲခန်းတွင် သွားရောက်ဖမ်းဆီးခံ

( 43 )Double security forces in Rakhine, says Commission

( 42 )လက်ပန်းတောင်းအရေး လှုပ်ရှားသူတွေကို ဖမ်းမိန့်ထုတ်ပြန်ခြင်းကို AHRC ကန့်ကွက်

( 41 )China Sells Helicopter Gunships to UWSA

( 40 )မက်စ် မြန်မာကုမ္ပဏီနဲ့ ပူးပေါင်း လုပ်ကိုင်ဖို့ စင်္ကာပူကုမ္ပဏီက ရှယ်ယာသစ်ရောင်းမည့် အစီအစဉ် ပယ်ချခံရ

( 39 )Muslim Victims of Burma Unrest Face Uncertain Future

( 38 )ထိုင်း-မြန်မာ နယ်စပ် ကျွန်းငယ် (၃)ခု ပြဿနာ ပြန်လည်ပေါ်ပေါက်

( 37 )Myanmar's solution to ethnic clashes is chilling and disturbing

( 36 )ရခိုင်အရေး စုံစမ်းရေးကော်မရှင် အစီရင်ခံစာအကြောင်း ရှင်းလင်း

( 35 )Yongnam-led group submits proposal for Myanmar airport bid

( 34 )နှစ် ၅၀ အတွင်း ပထမဆုံး အလုပ်သမားညီလာခံ ရန်ကုန်မှာ ကျင်းပ

( 33 )Burma Muhammadan record first win

( 32 )မြန်မာ့ဈေးကွက် အင်ဒိုနီးရှား မျက်စေ့ကျ

( 31 )Government issues 'plan to ease tentions'

( 30 )ကရင်လက်နက်ကိုင်အဖွဲ့ကြား တိုက်ပွဲကြောင့် ဒေသခံပြည်သူ ရာနဲ့ချီထွက်ပြေး

( 29 )'Gangs' stoke island conflict

( 28 )ရခိုင်စုံစမ်းရေးကော်မရှင် အကြံပြုချက် ကင်တားနားနဲ့ အမေရိကန် လေ့လာသုံးသပ်မည်

( 27 )Burma proposes family planning regime to control Muslims

( 26 )လက်ပံတောင်းအရေး ကူညီသူတွေ ပြန်လွှတ်ပေးဖို့ ရန်ကုန်မှာ ဆန္ဒပြ

( 25 )China 'sends armed helicopters to Myanmar separatists'

( 24 )မြန်မာလူမှုဘ၀ တိုးတက်ကောင်းမွန်ဖို့ အလှမ်းဝေးစဲ ဒေါ်စုပြောကြား

( 23 )Myanmar examining election issues

( 22 )လက်ပံတောင်းတောင် သပိတ်စခန်း အကြမ်းဖက်ဖြိုခွင်းမှု ၅ လပြည့် ဒေသခံတွေ ဆန္ဒပြ

( 21 )Myanmar's strife-torn region 'needs aid, troops'

( 20 )အပြောင်းအလဲကြောင့် မြန်မာ့စီးပွားရေးတိုးတက် IMF သုံးသပ်

( 19 )SGX rejects Myanmar tycoon's backdoor listing attempt

( 18 )သမ္မတ ဦးသိန်းစိန် ကုလသမဂ္ဂရဲ့ အပြောင်းအလဲဖော်ဆောင်မှုဆု လက်ခံရယူ

( 17 )Myanmar government calls for family planning programmes to stem population growth among Muslims

( 16 )လက်ပံတောင်းစီမံကိန်း ဆက်လက်ကန့်ကွက် ဆန္ဒပြ

( 15 )New Numerology of Hate Grows in Burma

( 14 )ချင်းအမျိုးသားတပ်ဦး ကန်ပက်လက် မြို့ ပြည်သူများနှင့် လူထုတွေ့ ဆုံပွဲပြုလုပ်

( 13 )Use Controversial Citizenship Law to Assess Rohingya’s Rights

( 12 )အမေရိကန် GSP က ချက်ချင်း အကျိုးမထူးသော်လည်း ရေရှည်အကျိုးရှိနိုင်

( 11 )Arakan Report Angers Rohingya Leaders

( 10 )ကြေးနီစီမံကိန်း ဖျက်သိမ်းရေး ထပ်မံဆန္ဒဖော်ထုတ်

( 9 )Suu Kyi's 'mantra' stammers in Myanmar

( 8 )လက်ပံတောင်း ဒေသခံများ ကြေးနီစီမံကိန်း လုံးဝဖျက်သိမ်းရေး ဆန္ဒပြ

( 7 )Myanmar should deploy more troops in volatile state

( 6 )မြန်မာအလုပ်သမား ခေါင်းဆောင်များ ဖိုရမ်ကျင်းပ

( 5 )No need to change law on Rohingya citizenship

( 4 )အမေရိကန်နှင့် မြန်မာ ကာကွယ်ရေးဆိုင်ရာ ထိတွေ့ဆက်ဆံမှု ပြန်လည်စတင်

( 3 )Ethnic media call for recognition

( 2 )ထိုင်းတွင် အလုပ်လုပ်ရန် စောင့်ဆိုင်းနေသည့် မြန်မာအချို့ နေရပ်ပြန်

( 1 )Myanmar's strife-torn region needs aid, troops

Monday, April 29, 2013

အဂတိလိုက်စားမှု တိုက်ဖျက်ရေး အရေးကြီးဟု ဒေါ်အောင်ဆန်းစုကြည် ပြော

လင်းသန့်

အဂတိလိုက်စားမှုသည် ဒီမိုကရေစီ စနစ်နှင့် ဒီမိုကရက်တစ် လူ့အဖွဲ့အစည်းကို ထိခိုက် နစ်နာစေသည့် အဓိက အကြောင်း တရားဖြစ်ကြောင်း ငြိမ်းချမ်းရေး နိုဗဲလ်ဆုရှင် ဒေါ်အောင်ဆန်းစုကြည် က ပြောကြားလိုက်သည်။

မွန်ဂိုလီးယားနိုင်ငံ Ulaanbaatar မြို့တွင် ဧပြီ ၂၇ ရက်မှ ၂၉ ရက်အထိ ၃ ရက် ကျင်းပနေသည့် ၇ ကြိမ်မြောက် ဒီမိုကရေစီ လူ့အဖွဲ့အစည်း ဆိုင်ရာ ၀န်ကြီးများ အဆင့် ညီလာခံ၌ တရား ဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဌ ဒေါ်အောင်ဆန်းစုကြည်က စာတမ်းဖတ်ကြားကာ အဓိက ဆွေးနွေးသူ တဦးအဖြစ် တင်ပြသွားခြင်း ဖြစ်သည်။

မွန်ဂိုလီးယားနိုင်ငံ အစိုးရအိမ်တော် Grand Hall တွင် ကျင်းပနေသော အဆိုပါ ညီလာခံသို့ တက်ရောက်ရန် မွန်ဂိုလီးယား သမ္မတ Tsakhiagiin Elbegdorj က ဒေါ်အောင်ဆန်းစုကြည် အား ဖိတ်ကြားခဲ့ခြင်းဖြစ်သည်။

အဂတိလိုက်စားမှု တိုက်ဖျက်ရေးနှင့် ပတ်သက်ပြီး နိုင်ငံသားတိုင်းက အစိုးရများနှင့် ခေါင်းဆောင်တိုင်းအပေါ် မျှော်လင့်ချက် မြင့်မားကြောင်း၊ ဒီမိုကရေစီ စနစ်နှင့် ဒီမိုကရက်တစ် လူ့အဖွဲ့အစည်း ပိုမိုအားကောင်းစေရန် အဂတိလိုက်စားမှု တိုက်ဖျက် ရေးသည် လွန်စွာ အရေးကြီးကြောင်း ဒေါ်အောင်ဆန်းစုကြည်က ဆွေးနွေးပြောဆိုသည်။

အဂတိလိုက်စားမှုသည် ရှုပ်ထွေး နက်ရှိုင်းပြီး အလွှာအသီးသီး၌ ပြဿနာအဖြစ် တည်ရှိနေသည်ကို အသိအမှတ် ပြုရမည်ဖြစ်ကြောင်း၊ အဂတိ လိုက်စားမှုကြောင့် နိုင်ငံတော်၏ ခွန်အား ယုတ်လျော့စေပြီး တိုင်းပြည် စီးပွားရေးကိုလည်း ဆုတ် ယုတ် စေကြောင်း အဓိကထား ဆွေးနွေးသွားသည်။

အဂတိလိုက်စားမှုသည် နိုင်ငံနှင့် လူ့အဖွဲ့အစည်းတွင် လူထု ယုံကြည်မှု ကျဆင်းစေပြီး တန်းတူညီမျှ အခွင့် အရေးများအပေါ် ထိခိုက်စေကြောင်းလည်း ဒေါ်အောင်ဆန်းစုကြည်က ဆိုသည်။

ဒေါ်အောင်ဆန်းစုကြည်က“နိုင်ငံတနိုင်ငံရဲ့ အရေးအကြီးဆုံး အစိတ်အပိုင်းဟာ အစိုးရမဟုတ်ဘူး၊ ပြည်သူတွေပဲ ဖြစ် တယ်”ဟုလည်း ပြောဆိုသွားသည်။

နိုင်ငံပေါင်း ၁၃၁ နိုင်ငံမှ ညီလာခံ တက်ရောက်လာသူများကလည်း အဂတိလိုက်စားမှု တိုက်ဖျက်ရေး လုပ်ဆောင်နေကြ သည့် နိုင်ငံများ၏ လုပ်ဆောင်ချက်များကို အသိအမှတ်ပြု ပြောဆို ဆွေးနွေးခဲ့ကြောင်း ညီလာခံ၏ တရားဝင် အင်တာနက် စာမျက်နှာ၌ ဖော်ပြထားသည်။

ထို့အပြင် ဒီမိုကရေစီအား ခြိမ်းခြောက်မှု၊ လူထုအခြေပြု လူ့အဖွဲ့အစည်းများ ရင်ဆိုင်နေရသည့် စိန်ခေါ်မှု၊ အွန်လိုင်းနှင့် ပုံနှိပ် မီဒီယာ ဆိုင်ရာ လွတ်လပ်မှုများနှင့် ဒီမိုကရေစီ စံနှုန်းများ၊ သင်ခန်းစာများ စသည့် အကြောင်းအရာများကိုလည်း ဆွေးနွေးကြ ကြောင်း သိရသည်။

ယခုအခါ မြန်မာနိုင်ငံသည် နိုင်ငံတကာ၏ အာရုံစိုက်မှု ရလာသော်လည်း လက်ရှိအခြေအနေများကို မျက်ကွယ်မပြုသင့်ကြောင်း၊ တိုင်းရင်းသား ပဋိပက္ခများ မြန်မာနိုိင်ငံတွင် ယနေ့အထိ ရှိနေဆဲဖြစ်ကြောင်း ဒေါ်အောင်ဆန်းစုကြည်က သူ၏ ကြေ ညာ ချက်တွင် ထည့်သွင်း ဖော်ပြခဲ့သည်။

“တိုင်းပြည်အပေါ် အာရုံစိုက်ခံလာရချိန်မှာ ကျမတို့ လက်ရှိအခြေအနေကို မျက်ကွယ်မပြုသင့်ဘူး။ ဘာပဲဖြစ်ဖြစ် ဒီမို ကရေစီ အရေးကို ကျမတို့ ကာကွယ်သွားသင့်တယ်။ အခုထိ မြန်မာနိုင်ငံမှာ တိုင်းရင်းသား ပဋိပက္ခက ရှိနေဆဲပဲ”ဟုလည်း ဒေါ်အောင်ဆန်း စုကြည်၏ ကြေညာချက်တွင် ဖြော်ပထားသည်။

အဆိုပါ ပြဿနာများကို ကိုင်တွယ်ဖြေရှင်းရာတွင် ဒီမိုကရေစီနည်းကျ ငြိမ်းချမ်းစွာ ဖြေရှင်းသင့်ကြောင်း၊ မွန်ဂိုလီးယားနှင့် မြန်မာတို့မှာ အခြေအနေ ဆင်တူသည်များရှိကြောင်း သူက ဆက်လက်ပြောဆိုသည်။

“မွန်ဂိုလီးယားနဲ့မြန်မာဟာလည်း ဥပမာအားဖြင့် အိမ်နီးချင်း အင်အားကြီး ၂ နိုင်ငံရှိတာလည်း အတူတူပါဘဲ၊ ကျမတို့ ဟာ အိမ်နီးချင်းတွေနဲ့ ဆက်ဆံတဲ့အခါ ညီမျှတဲ့ ဆက်ဆံရေးစနစ် ရှိကြရပါမယ်။ မွန်ဂိုလီးယားရဲ့အတွေ့အကြုံတွေလည်း ကျမတို့ သင်ခန်းစာယူကြရမှာပါ”ဟု ဒေါ်အောင်ဆန်းစုကြည်က ဆိုသည်။

ယနေ့ ညီလာခံဖွင့်ပွဲ မိန့်ခွန်းကို မွန်ဂိုလီးယားသမ္မတ Tsakhia Elbegdorj က ပြောကြားခဲ့ရာတွင် လွန်ခဲ့သည့် ၂ နှစ် က ယခုကဲ့သို့ ညီလာခံမျိုးကျင်းပချိန်တွင် ဒေါ်အောင်ဆန်းစုကြည်သည် ဗီဒီယို မိန့်ခွန်းသာ ပေးပို့နိုင်ခဲ့ပြီး ယခုနှစ် လူကိုယ်တိုင် တက်ရောက်နိုင်သည့် အတွက် လွန်စွာ ၀မ်းမြောက်ကြောင်း ထည့်သွင်း ပြောဆိုသည်။

ဒေါ်အောင်ဆန်းစုကြည်အား မြန်မာ့ဒီမိုကရေစီ အရေး ရုန်းကန်လှုပ်ရှားမှုများကြောင့် ယခုနှစ် အတွက် Geremek Award ဆုကို ပေးအပ်ရန် ညီလာခံက ရွေးချယ်လိုက်ကြောင်းလည်း သိရသည်။

မွန်ဂိုလီးယား သမ္မတနှင့် ငြိမ်းချမ်းရေး နိုဗဲလ်ဆုရှင် ဒေါ်အောင်ဆန်းစုကြည်တို့သည် ၂ ဦး တွဲဖက်၍ ဧပြီလ ၃၀ ရက် နေ့တွင် အစိုးရ အိမ်တော်၌ “Mongolia and Myanmar: Freedom and Path Toward Democracy” ခေါင်းစဉ်ဖြင့် ဟောပြောရန် ရှိကြောင်း ညီလာခံ၏ တရားဝင် အင်တာနက် စာမျက်နှာ၌ ဖော်ပြထားသည်။

ဒေါ်အောင်ဆန်းစုကြည်သည် အဆိုပါညီလာခံသို့ တက်ရောက်ရန် ဧပြီလ ၂၇ နေ့ ည ၁၂ နာရီခန့်က ရန်ကုန်မှ ထွက်ခွာခဲ့ပြီး မေလ ၃ ရက် နေ့တွင် မြန်မာနိုင်ငံသို့ ပြန်လည် ရောက်ရှိမည်ဖြစ်သည်။

မြန်မာနှင့် မွန်ဂိုလီးယားနိုင်ငံတို့သည် သံတမန်ဆက်ဆံရေးကို ၁၉၅၆ ခုနှစ် စက်တင်ဘာလ ၂၆ ရက်နေ့က စတင်ခဲ့သည်။

KIO နဲ့ အစိုးရ မေလဆန်းတွင် ပြန်တွေ့ရန် ဦးအောင်မင်း ကမ်းလှမ်း

ဖနိဒါ | တနင်္လာနေ့၊ ဧပြီလ ၂၉ ရက် ၂၀၁၃

ကချင်လွတ်လပ်ရေးအဖွဲ့ (KIO)နှင့် မေလဆန်းပိုင်းတွင် ပြန်လည်တွေ့ဆုံရန် အစိုးရ ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု-ဥက္ကဋ္ဌမှ ကမ်းလှမ်းစာ တင်ပြထားကြောင်း ငြိမ်းချမ်းရေး အကျိုးဆောင် ဦးလှမောင်ရွှေ က ပြောသည်။

ဝန်ကြီး ဦးအောင်မင်း က ၎င်း၏ ကမ်းလှမ်းစာကို မကြာမီက ပေးပို့ထားပြီး ဖြစ်ကြောင်း တနင်္လာနေ့ နံနက်ပိုင်းကမြန်မာ ငြိမ်းချမ်းရေးစင်တာတွင် ပြောဆိုခဲ့သည်ဟု “KIO နဲ့ တွေ့ဖို့ကတော့ မနက်က ဝန်ကြီး ဦးအောင်မင်းက ရှင်းပြတာက သူ့အနေနဲ့ လွန်ခဲ့တဲ့ ရက်ပိုင်းက မေလ ပထမပတ် မြစ်ကြီးနားမှာ တွေ့ဆုံဆွေးနွေးဖို့အတွက် အဆိုပြုလွာ ပေးထားတယ်။ KIO အနေနဲ့တော့ သူတို့ တက်ရောက်တဲ့ observer (လေ့လာသူ) တွေ ကိစ္စတွေကို ညှိနှိုင်းပြီးရင်တော့ ဆောင်ရွက်နိုင်မယ်လို့ မျှော်လင့်ထားတယ်တဲ့” ဟု ဦးလှမောင်ရွှေ က မဇ္ဈိမကို ပြောသည်။

သို့သော် ကချင်ငြိမ်းချမ်းရေး အကျိုးဆောင် ဦးဂွမ်ဂျာ အဆိုအရ ဝန်ကြီးဘက်မှ ကမ်းလှမ်းစာကို ဧပြီလ ၂၇ ရက်နေ့ထိ KIO ဘက်မှ လက်ခံမရရှိသေးဟု ဆိုသည်။

“ခုထိဘာမှ အကြောင်းမကြားလာသေးဘူး။ ဟိုတနေ့ နှစ်ရက်လောက်က ဝန်ကြီး ဦအောင်မင်းရဲ့ စာနဲ့ ပတ်သက်လို့ ကျနော် မေးကြည့်တော့ သူတို့ မရသေးဘူးလို့ ပြောတယ်။ ဒါကြောင့် ဒီည ပြန်မေးကြည့်မယ်လို့ လုပ်နေတယ်” ဟု မဇ္စျိမကို ပြောသည်။

ပြန်လည်တွေ့ဆုံရန် ကိစ္စနှင့်ပတ်သက်၍ မဇ္ဈိမက KIO ထံ မေးမြန်းရန် ဆက်သွယ်ခဲ့သော်လည်း တယ်လီဖုန်းလိုင်း များ ဆက်သွယ်၍ မရခဲ့ပေ။

ဝန်ကြီး ဦးအောင်မင်းမှာ အင်္ဂါနေ့တွင် စင်္ကာပူနိုင်ငံသို့ ဖိုရမ်တခု တက်ရောက်ရန်သွားရောက်မည် ဖြစ်ပြီး မေလ ၂ ရက်နေ့တွင်မှ မြန်မာနိုင်ငံသို့ ပြန်လည် ရောက်ရှိလာမည် ဖြစ်ကြောင်း သိရသည်။

ဧပြီလ ၆ ရက်နေ့က မြစ်ကြီးနားမြို့၌ တွေ့ဆုံရန် စီစဉ်ထားသော်လည်း လေ့လာသူများ တက်ရောက်ရန်ကိစ္စ ညှိနှိုင်းမရသေး၍ ဧပြီလ ၂၂ ရက်နေ့ နောက်ပိုင်းသို့ ပြန်လည် ရွှေ့ဆိုင်းခဲ့သည်ဟု ဦးလှမောင်ရွှေ က မကြာမီက မဇ္စျိမကို ပြောဆိုခဲ့သည်။

သို့သော် တချို့ ကချင်ငြိမ်းချမ်းရေး အကျိုးဆောင်များကမူ တရုတ်အစိုးရအနေဖြင့် အနောက်နိုင်ငံများမှ တက်ရောက်လေ့လာရန် ရှိသည်ကို သဘောမတူသဖြင့် တွေ့ဆုံမှု ရွှေ့ဆိုင်းလိုက်ရသည်ဟု သတင်းများတွင်ဖော်ပြခဲ့ကြသည်။

မတ်လ ၁၁ ရက်နေ့က KIO နှင့် အစိုးရ ငြိမ်းချမ်းရေးကိုယ်စားလှယ်များ တရုတ်နိုင်ငံ၊ ရွှေလီမြို့တွင် နောက်ဆုံးတွေ့ဆုံခဲ့ပြီး တလအတွင်း ပြန်လည် တွေ့ဆုံရန် သဘောတူညီခဲ့ကြသော်လည်း ကြန့်ကြာနေဆဲ ဖြစ်သည်။

တာမိုးညဲပြည်သူ့စစ်ပိုင် လောင်းကစားရုံဝင်ဖမ်းသည့် ရဲများ စစ်ဆေးခံနေရ

သျှမ်းသံတော်ဆင့်

လွန်ခဲ့သည့်နှစ်အတွင်းက သျှမ်းပြည် (မြောက်ပိုင်း) မူစယ်မြို့ရှိ တာမိုးညဲပြည်သူ့စစ်ပိုင် လောင်းကစားရုံအား ရဲများဝင် ရောက် ဖမ်းဆီးသည့်ကိစ္စအပေါ် ၄င်းပြည်သူ့စစ်အဖွဲ့က ပြန်လည်တိုင်ကြားသဖြင့် ယခုအခါ မူစယ်ဒေသခံရဲများ စစ်ဆေးခံ နေရကြောင်း မူစယ် ရဲသတင်းရပ်ကွက် အဆိုအရ သိရသည် ။

ယခုလ ၂၇ ရက်နေ့က ကျောက်မဲခရိုင် ရဲမှူးကြီး မူစယ်သို့ ရောက်ရှိကာ မြို့နယ်ရဲမှူးနှင့် အောက်ခြေရဲဝန်ထမ်းများအား ယနေ့အထိ စစ်ဆေးနေကြောင်း မူစယ်ဒေသခံရဲဝန်ထမ်းတစ်ဦးက သျှမ်းသံတော်ဆင့်သို့ ပြောသည် ။

အဆိုပါ လောင်းကစားရုံ ဖမ်းဆီးစဉ်က တရုတ်လူမျိုး ၉ ဦးနှင့် မြန်မာ ရ ဦး ဖမ်းဆီးခံခဲ့ပြီး ၄င်းတို့အား ၆ လကျော် ကြာ ထိန်းသိမ်းထားရာမှ မတ်လ ၂၉ ရက်နေ့က တရားရုံးလွှတ်မိန့်ဖြင့် ပြန်လွှတ်ပေးခဲ့ရာ ရဲ ပြန်အပ်ငွေများ ကွာဟမှုရှိသည်ဟု စွပ်စွဲကာ ပြည်သူ့စစ်က တိုင်ကြားခြင်း ဖြစ်ကြောင်း သိရသည် ။

“လောင်းကစားရုံမှာ မန်နေဂျာလုပ်တဲ့ အရင်တပ်မတော်က ဗိုလ်မှူးဟောင်း ကျော်ဇေယျက ဖမ်းတုန်းက သိမ်းထားတဲ့ ငွေတွေ ရဲက ပြန်လွှဲပြောင်းတော့ ကွာဟမှုရှိနေတယ်ဆိုပြီးတိုင်တာ။ လာစစ်တာက ခရိုင်ရဲမှူးကြီးဆိုတော့ မူစယ်က မြို့နယ်မှူး ၊ စခန်းမှူး ၊ နယ်ထိန်းကအစ အောက်ခြေရဲတွေ အစစ်ခံနေရတာပေါ့ ” ဟု ဆိုသည် ။

အဆိုပါ လောင်းကစားဝိုင်းဖမ်းစဉ်က မူစယ်ခရိုင်ရဲမှူးကြီးကိုယ်တိုင် အသိသက်သေများဖြင့် ၀င်ရောက်ဖမ်းဆီးခဲ့သော် လည်း ယခုအခါ ပြည်သူ့စစ်အဖွဲ့က ၄င်းနေရာမှာ လောင်းကစားရုံမဟုတ်ပဲ အလုပ်ရုံဖြစ်ကြောင်း ပြောဆိုနေသဖြင့် နောင်အခါ ရဲများအတွက် လောင်းကစားဝိုင်း ဖမ်းဆီးရာတွင် အခက်အခဲရှိကြောင်း၊ မဖမ်းလျှင်လည်း ပြည်သူများက ရဲများငွေယူ၍ လွှတ်ထားသည်ဟု ဝေဖန်တိုင်ကြားကြမည်ဖြစ်သဖြင့် ရဲဝန်ထမ်းများမှာ ဘေးကျပ်နံကျပ်ဖြစ်နေကြောင်း ၄င်းက ဆက်ပြောသည် ။

ဆည်တည်းရွာ ဆန္ဒပြမှု ဦးဆောင်သူ ၃ ဦးကို အမှုဖွင့်လိုက်ပြီ

မန်းသားလေး

စစ်ကိုင်းတိုင်းဒေသကြီး ဆည်တည်း ကျေးရွာတွင် ဆန္ဒပြရာ၌ ဦးဆောင်လှုပ်ရှားသူ ၃ ဦးကို အမှုဖွင့်လိုက်ပြီ ဖြစ်ပြီး ကျန်ရှိနေသော ပါဝင်ဦးဆောင်သူ များကိုလည်း ဥပဒေနှင့်အညီ ဆက်လက် ဖမ်းဆီးသွားမည် ဖြစ်ကြောင်း ဆားလင်းကြီး ရဲစခန်းမှ သိရသည်။

ပုဒ်မ ၁၄၄ ထုတ်ပြန်ထားသည့် မြေနေရာအတွင်း ဒေသခံများက ဧပြီလ ၂၅ ရက်နေ့တွင် ဝင်ရောက် ထွန်ယက် စိုက်ပျိုးမှု ပြုလုပ်ခဲ့ပြီး အကြမ်းဖက်မှုများ ပြုလုပ်သည် ဆိုသည့် စွပ်စွဲမှုများနှင့် ဆားလင်းကြီးမြို့နယ် ရဲစခန်းမှ တရားခံဟု ယူဆရသူ ၃ ဦးကို အမှုပေါင်း ၄ ခုနှင့် အမှုဖွင့်လိုက်ခြင်း ဖြစ်သည်။

ဖမ်းဆီး ခံရသည့်အထဲတွင် ရန်ကုန် ပြည်သူ့ အကျိုးဆောင်ကွန်ရက်မှ ကိုအောင်စိုးနှင့် ရွာသားနှစ်ဦး ပါဝင်သည်။

၎င်းတို့ကို ပုဒ်မ ၃၃၃ (တာဝန်ဝတ္တရား ဆောင်ရွက်နေသော ပြည်သူ့ဝန်ထမ်းကို နာကျင်စေမှု)၊ ၄၄၇ (စီမံကိန်း ဧရိယာအတွင်း ကျော်နင်းမှု)၊ ၁၄၃ (ဥပဒေနှင့် ဆန့်ကျင်သည့် စုဝေးမှု)၊ ၃၄ (အကြံအစည် တခုကို အထမြောက်စေရန် တဦးထက်ပိုသော လူများ စုဝေးမှု) စသည့် အမှုများနှင့် ဆားလင်းကြီး တရားရုံးတွင် အမှုဖွင့်ထားကြောင်း သိရသည်။

ထို့အပြင် လက်ပန်းတောင်း လယ်မြေကိစ္စနှင့် ပတ်သက်ပြီး စီမံကိန်းဒေသအတွင်း မတည်ငြိမ်မှုများ ဖြစ်စေရန် နောက်ကွယ်မှ ကြိုးကိုင်စေခိုင်းသူဟု ရဲဌာနက သတ်မှတ်သူ ၈ ဦးကို ဖမ်းဆီးအရေးယူရန် စစ်ကိုင်းတိုင်း ရဲတပ်ဖွဲ့က ဖမ်းဝရမ်းထုတ်လိုက်ပြီ ဖြစ်ပြီး လက်ရှိတွင် ၁ ဦးကို ဖမ်းဆီးထားပြီး ဖြစ်ကြောင်း သိရသည်။

“ဖမ်းဝရမ်း ထုတ်ထားတဲ့ တရားခံတွေကို ဖမ်းမိဖို့အတွက် ကျနော်တို့ တရားဥပဒေနဲ့ အညီ ၀င်ရောက်ရှာဖွေ ဖမ်းဆီး ဆောင်ရွက် သွားမှာပါ။ ပြီးခဲ့တဲ့ အဓိကရုဏ်း ဖြစ်စဉ်တုန်းကလည်း ဒေသခံ လယ်သမားတွေက တားမြစ်ထားတဲ့ မြေနေရာကို ကျူးကျော် ၀င်ရောက် ခဲ့ကြတယ်။ ဒါကို ကျနော်က သုံးကြိမ်သုံးခါ အော်ပြီး တားမြစ် ပြောဆိုခဲ့ပါတယ်” ဟု မုံရွာခရိုင်ရဲမှူး ဦးတင်ထွန်းက ဧရာဝတီသို့ ပြောသည်။

ဆက်လက်၍ ၎င်းက တားမြစ်သည့်သဘော အော်ပြောနေချိန်တွင်ပင် ပြည်သူ့အကျိုးဆောင် ကွန်ရက်မှ ကိုအောင်စိုးက ဒေသခံ လယ်သမားများအား ရဲမှူးစကား နားမထောင်ဘဲ ရှေ့ကို ဆက်တိုးရန် နောက်မှ ပြောဆိုသဖြင့် လယ်သမားများနှင့် ပဋိပက္ခ ဖြစ်ခဲ့ရသည်ဟု ဆိုသည်။

“ရဲမှူးစကား နားမထောင်နဲ့ ဆက်တိုးဆိုပြီး အောင်စိုးက နောက်ကနေ ပြောလို့ မဖြစ်သင့်တာတွေ ဖြစ်ခဲ့ရတာပါ။ ဒါ့ကြောင့် ကျနော်တို့က အောင်စိုးကို ၀င်ဖမ်းရတာပါ” ဟု သူက ပြောသည်

၂၅ ရက်နေ့က ဖြစ်ပွားခဲ့သည့် အဓိကရုဏ်းအသွင် ဆောင်သော ဖြစ်စဉ်မှာ ကိုအောင်စိုးကို ၀င်ရောက်ဖမ်းဆီးသဖြင့် ဒေသခံများက လက်မခံဘဲ ကိုအောင်စိုးကို ပြန်လည်ဆွဲခေါ်ရာမှ နှစ်ဘက် တင်းမာမှုများ ဖြစ်ပေါ်ကာ နှစ်ဘက်စလုံး ထိခိုက် ဒဏ်ရာရရှိမှုများ ပြင်းထန်ခဲ့ခြင်း ဖြစ်ကြောင်း ဒေသခံများက ပြောကြသည်။

ဖမ်းဝရမ်းထုတ်ခံရသည့် အကျိုးဆောင်များ အပေါ် ရဲများ၏ လုပ်ဆောင်မှုကို ဆည်တည်းရွာမှ ရွာခံများက လက်မခံကြပေ။

“ကျမတို့က ဥပဒေကို နားမလည်ဘူး။ သူတို့က ဥပဒေနဲ့ ပတ်သက်တဲ့ အကြောင်းရာတွေကို ကျမတို့ကို ရှင်းပြနိုင်တယ်။ ဒေသခံတွေက ကိုယ်တိုင်မပါဘဲ ကျမတို့ကို ဘယ်သူကမှ မြှောက်ပေးလို့ မရပါဘူး။ ကျမတို့ ဒေသခံတွေနဲ့ ဒီအဖွဲ့စည်းတွေက စိတ်ထပ်တူညီမျှ ခံစားချက်ခြင်း တူလို့ ဒီလို လုပ်ဆောင်ကြတာပါ” ဟု ဆည်တည်းရွာသူ မ၀င်းဝင်းဌေးက ဧရာဝတီသို့ ပြောသည်။

ပြည်သူ့ အကျိုးဆောင် ကွန်ရက်အဖွဲ့ဝင်များနှင့် တခြားအဖွဲ့စည်းများမှ ဖမ်းဝရမ်း ထုတ်ထားသူများကို ဆည်တည်းရွာအတွင်း ၀င်ရောက် ဖမ်းဆီးခြင်းများ ဆောင်ရွက်မည် ဆိုသောကြောင့် ရွာတွင် ကင်းများ ချထားကြောင်း ပြည်သူ့ အကျိုးဆောင် ကွန်ယက်မှ ကိုဗထူးက ဆိုသည်။

ဆည်တည်းကျေးရွာရှိ ဒေသခံများက ၎င်းတို့ လျော်ကြေးမယူခဲ့သည့် လယ်မြေများတွင် ဧပြီ ၂၅ ရက်နေ့က ဝင်ရောက် ထွန်ယက်ရာမှ ရဲများက အကြမ်းဖက် နှိမ်နင်းခဲ့ခြင်း ဖြစ်ကြောင်း၊ ဒေသခံများထံ ရောက်ရှိနေသည့် ရန်ကုန် ပြည်သူ့ အကျိုးဆောင် ကွန်ရက်မှ ကိုအောင်စိုးကို ၀င်ရောက် ဖမ်းဆီးခဲ့ခြင်း ဖြစ်ကြောင်း၊ ဒေသခံ လယ်သမားများနှင့် အပြန်အလှန် တိုက်ခိုက်မှုများ ဖြစ်ပေါ်ရာတွင်လည်း ဒေသခံများကို မီးခိုးဗုံးများ၊ သေနတ်များ၊ ရာဘာဒုတ်၊ ဒိုင်းများ သုံး၍ ရိုက်နှက် ဖမ်းဆီးခဲ့ခြင်း ဖြစ်ကြောင်း၊ ဒေသခံများ ထိခိုက်ဒဏ်ရာ ပြင်းထန်ခဲ့ကြောင်း ပြောဆိုကြသည်။

အဆိုပါ အဓိကရုဏ်း ဖြစ်စဉ်ကြောင့် ဒေသခံ ၂၀ ထက်မနည်း ဒဏ်ရာ ရရှိခဲ့ပြီး ၃ ဦး အတွင်းလူနာဖြစ် ဆေးကုသမှု ခံယူခဲ့ရသည်။ ဒေသခံတဦးမှာ လက်မောင်းတွင် သေနတ်ဒဏ်ရာ ရရှိခဲ့ပြီး မုံရွာဆေးရုံတွင် ဆေးကုသမှု ခံယူလျှက် ရှိသည်။ရဲများဘက်တွင်လည်း ၁၅ ဦး ဒဏ်ရာရရှိကာ ၃ ဦးမှာ ဆားလင်းကြီးမြို့နယ် ရဲစခန်းတွင် ဆေးကုသမှု ခံယူလျှက် ရှိသည်။

ဒဏ်ရာရရှိသည့် ရဲ ၃ ဦးကို ဧရာဝတီမှ ကိုယ်တိုင် သွားရောက် တွေ့ဆုံပြီး ဖြစ်စဉ်များကို မေးမြန်းခဲ့သော်လည်း အထက်မှ ဖြေကြားခွင့် အမိန့် မရရှိသည့်အတွက် မဖြေကြားရဲကြောင်း ပြောဆိုခဲ့သည်။ ဓာတ်ပုံရိုက် ယူရာတွင်လည်း တာဝန်ရှိ ရဲမှူးက တားမြစ် ခဲ့သည့်အတွက် မှတ်တမ်း မယူခဲ့ရပေ။ သို့သော်လည်း ရဲ တဦးမှာ ညဘက် မျက်လုံးအောက်တွင် လေးခွ မှန်ထားသည့် ဒဏ်ရာကြောင့် ၆ ချက် ချုပ်လိုက်ရကြောင်းနှင့် ကျန်တဦးမှာ နောက်စေ့ ထိခိုက်ဒဏ်ရာနှင့် ဘယ်ဘက် မျက်လုံးအထက် နဖူးတွင် ထိခိုက်ဒဏ်ရာတို့ ပြင်းထန်ခဲ့သည်ကို တွေ့ခဲ့ရသည်။

အခင်းဖြစ်ပွားသည့် နေရာတွင် ရှေ့မှ တားမြစ် အမိန့်ပေးခဲ့သည့် မုံရွာခရိုင်ရဲမှူး ဦးတင်ထွန်းမှာလည်း ညာဘက်ဒူးဆစ်တွင် ပြင်းထန်သည့် ဒဏ်ရာရရှိခဲ့သည်။

“ကျနော်က တားမြစ်ဧရိယာမှာ ၀င်ရောက်လုပ်ကိုင်နေတဲ့ လယ်သမားတွေကို ဖယ်ရှားပေးဖို့ သုံးကြိမ်အော်ပြီး သတိပေး ပါတယ်။ အဲဒီအချိန်မှာ ရွာသားတွေက ရဲတွေကို ခဲနဲ့ စပြီး ပစ်ပါတယ်။ ကျနော့်ဆီလာတဲ့ ခဲတွေကို ရဲသားနှစ်ဦးက ဒိုင်းတွေနဲ့ ကာပေးလို့ ခဲတွေက မျက်နှာကို မမှန်တာပါ” ဟု ခရိုင်ရဲမှူးက ပြောသည်။

ဆည်တည်း ကျေးရွာမှ ထိခိုက်ဒဏ်ရာ ရရှိသော ဒေသခံများက မုံရွာဆေးရုံသို့ သွားရောက် မကုသရဲကြောင်း၊ သွားရောက် ကုသသည့် အခါတွင် ရဲများ၏ ဖမ်းဆီးခြင်း ခံရမည်ကို စိုးရိမ်ကြောင်း၊ ထို့ကြောင့် နီးစပ်ရာ ဆေးပညာ နားလည်သူများနှင့်သာ ပြသ နေရကြောင်း ဆည်တည်းရွာသူ မ၀င်းဝင်းဌေးက ဆိုသည်။

“ကျမတို့ ရွာက ရဲဆိုရင်ကို တအား မုန်းနေကြပြီ။ ဘာလို့လဲဆိုတော့ သူတို့တွေက ကျမတို့ကို အရမ်း နှိပ်စက်တယ်။ နောက်ပြီး မဟုတ်မမှန် စကားတွေကိုလည်း ပြောဆိုကြတယ်။ အခုကိစ္စမှာလည်း ရဲတွေက ကျမတို့ လက်တွေကို တုတ်တွေနဲ့ ရိုက်တယ်။ ပေါင်နှစ်လုံးကြားထဲ ခေါင်းဝင်ခိုင်းပြီး နောက်ကြောကို တအုန်းအုန်းနဲ့ ထုတာ” ဟု သူက ပြောသည်။

ဆက်လက်၍ ၎င်းက ရဲများသည် မီးသတ်ပိုက်ထဲသို့ ဓာတ်ဆီများ ထည့်ပြီး ဖြန်းပက်ရန် လုပ်ဆောင်ကြောင်း၊ ပထမ ဖြစ်စဉ် ရှိခဲ့သည့် အတွက် ၎င်းတို့က မီးသတ်ကားကို လေးခွနှင့် ပစ်လိုက်ခြင်း ဖြစ်ကြောင်း၊ ၎င်းတို့ လူအုပ်ကြားထဲသို့လည်း မီးခိုးဗုံး နှစ်လုံး ပစ်သွင်းကြောင်း ရှင်းပြသည်။

“တကယ်လို့သာ ကျမတို့က လက်ဦးမှု မရရှိဘူးဆိုရင် မီးခိုးဗုံးနဲ့ မီးသတ်ပိုက်က ဓာတ်ဆီတွေ ပေါင်းပြီး အခုဆို သေလောက် ပါပြီ” ဟု မ၀င်းဝင်းဌေးက ပြောသည်။

မ၀င်းဝင်းဌေး ပြောဆိုမှုနှင့် ပတ်သက်ပြီး ဆားလင်းကြီး စခန်းမှူး ဦးလှငွေက လုံးဝမဟုတ်ကြောင်း ငြင်းဆန်ပြီး ရဲများ အနေဖြင့် အကြမ်းဖက်နည်းကို အသုံးမပြုကြောင်း၊ မီးသတ်ကားမှာ လူစုလူဝေးပြုခြင်းကို ဖြိုခွင်းရန်သာ ဖြစ်ကြောင်း ပြန်လည် ရှင်းပြသည်။

“မီးသတ်ပိုက်က ရေတောင် မထုတ်ရသေးဘူး။ ကားကို လေးခွတွေ ခဲတွေနဲ့ ပစ်လို့ မီးသတ်ကားလည်း ထွက်ပြေး သွားရတယ်။ ကျနော်တို့ ဘက်က မီးခိုးဗုံး မသုံးပါဘူး။ သူတို့ဘက်ကပဲ ပုလင်းထဲကို ဓာတ်ဆီထည့်ပြီး မီးစနဲ့ပစ်လို့ မီးတွေ လောင်ရတာပါ။ တကယ်တမ်း ရဲတွေက ၀ိုင်းလုပ်ရင် လုပ်လို့ရတာပေါ့။ ကျနော်တို့က လူအင်အားသုံးပြီး ဖြိုခွင်းတယ်ဆိုတာ မဟုတ်ပါဘူး” ဟု သူက ဆိုသည်။

ဆည်တည်းရွာသည် လက်ရှိအချိန်တွင် ဥပဒေမဲ့ လုပ်ဆောင်နေကြောင်း၊ တရားဝင် ဆန္ဒပြသည်ကို အုပ်ချုပ်သူများ ဘက်မှ လက်ခံ၍ ရကြောင်း၊ ၂၅ ရက်နေ့က တားမြစ်ဧရိယာတွင် ဝင်ရောက် လယ်ထွန်သည်ကို ရဲများက တားမြစ်ခြင်းသာ ဖြစ်ကြောင်း ဆားလင်းကြီး မြို့နယ်အုပ်ချုပ်ရေးမှူး ဦးကျော်သောင်က ပြောသည်။

“တကယ့်တကယ် အဲဒီလယ်တွေက ဦးပိုင်အမည် မပေါက်သေးတဲ့ လယ်ယာမြေတွေ။ အဲဒီအပေါ်မှာ သူတို့က ထွန်ကြတာ။ ကျနော်တို့က လယ်ယာမြေ လျော်ကြေးကို အားလုံး တပြေးညီ ပေးပြီးပြီ။ ယာမြေ တဧကကို ကျပ် ၁၀ သိန်း ပေးထားတယ်” ဟု သူက ဆက်ပြောသည်။

ဧပြီ ၂၇ ရက်နေ့အထိ လျော်ကြေး ပေးထားသည့်မြေ ၂၀၃၁ ဧက ဖြစ်ပြီး ငွေကျပ်သိန်းပေါင်း ၂၀၆၈၀. ၈၁ ထုတ်ပေးပြီး ဖြစ်ကြောင်း ဧရာဝတီမှ စုံစမ်း သိရှိရသည်။

လက်ပန်းတောင်း ဒေသတွင် ဒေသခံများ လုပ်ကိုင် စားသောက်နေသည့် မြေဧက ၇၀၀၀ ကျော်ရှိပြီး ယင်းမြေဧက ၇၀၀၀ ကျော်ကို ပုဒ်မ ၁၄၄ ထုတ်ကာ စီမံကိန်း တားမြစ်နယ်မြေအဖြစ် သတ်မှတ် ဆောင်ရွက်လျှက် ရှိကြောင်း၊ ဒေသခံများ အနေဖြင့် လယ်ထွန် စိုက်ပျိုးစရာ လုပ်ကွက်များ မရှိတော့သည့်အတွက် အစိုးရကို နည်းလမ်းမျိုးစုံနှင့် ဆန့်ကျင်မှုများ ပြုလုပ်လျှက် ရှိနေခြင်း ဖြစ်ကြောင်း ဒေသခံများက ပြောသည်။

လက်ပံတောင်းတွင် ဖြစ်ပွားခဲ့သည့် အခြေအနေနှင့် ပတ်သက်၍ ၈၈ မျိုးဆက် ကျောင်းသားများအဖွဲ့မှ ကိုမင်းကိုနိုင်က “ပုဒ်မ ၁၄၄ ထုတ်ထားတဲ့ ဧရိယာလို့ အကြောင်းပြပြီး လယ်မထွန်ရဘူး ဆိုတာတော့ သိပ်တော့ မဟုတ်ဘူး။ နှစ်ဖက်စလုံး ထိန်းထိန်းသိမ်းသိမ်း လုပ်ဖို့လိုတယ်” ဟု ပြောသည်။

ဧပြီလ ၂၉ ရက်နေ့တွင် လက်ပန်းတောင်းတောင်ရှိ ကျေးရွာ ၂၆ ရွာမှ ဒေသခံ အင်အား ၅၀၀ ကျော်တို့သည် တရားဝင် ဆန္ဒပြခွင့် ရရှိခဲ့ပြီး ဖြစ်ကြောင်း သိရသည်။