Sunday, June 30, 2013

လူနှစ်ဦး သေဆုံးသည့် ပေါက်တော ရုန်းရင်းဆန်ခတ်မှုကြောင့် တည်ဆောက်ရေးကို ရပ်ထားရ

သိန်းလှိုင် | တနင်္ဂနွေနေ့၊ ဇွန်လ ၃၀ ရက် ၂၀၁၃

ရခိုင်ပြည်နယ်၊ ပေါက်တောမြို့နယ်၊ ကြိမ်နီပြင် ဒုက္ခသည်စခန်း၌ ဇွန်လ ၂၇ ရက်နေ့ က ဖြစ်ပွားခဲ့သော လူစုလူဝေးဖြင့် အကြမ်းဖက်လိုမှုတွင် အာဏာပိုင်များ၏ ပစ်ခတ်မှုကြောင့် နှစ်ဦး သေဆုံးခဲ့ရအပြီးနောက် ဒုက္ခသည်များအတွက် တဲအိမ် ဆောက်လုပ်မှုများကို ရပ်ဆိုင်းထားရကြောင်း ရခိုင်ပြည်နယ်အစိုးရက ဆိုသည်။

“ပေါက်တော ဒုက္ခသည်စခန်း ရုန်းရင်းဆန်ခတ် ဖြစ်ပြီးတဲ့နောက်မှာ ယာယီအားဖြင့် ဆောက်လုပ် ရေးလုပ်ငန်းတွေကို ရပ်ထားရပါတယ်။ ဘယ်နေ့မှာ ဆောက်လုပ်ရေး ပြန်စမယ်ဆိုတာတော့ အတိအကျ မပြောနိုင်သေးဘူး။ ၂၈ ရက်နေ့မှာ ပြည်နယ်ဝ န်ကြီးနှစ်ဦး အခင်းဖြစ်တဲ့နေရာကို သွားနေပါတယ်။ အခြေအနေတွေ ကို လေ့လာစိစစ်သုံးသပ်လို့ တည်ငြိမ်လာတဲ့အခါကျမှ ဆက်လုပ်သွားမှာ ဖြစ်တယ်” ဟု ပြည်နယ်အစိုးရ၊ပြန်ကြားရေးအဖွဲ့ဝင် ဦးမျိုးသန့် က ဆိုသည်။

UNHCR မှ လှူဒါန်းသည့် ကြိမ်နီပြင်ဒုက္ခသည်စခန်း တဲအိမ်ကြီးများ တည်ဆောက်မှု အပေါ် မူဆလင် ဒုက္ခသည်များ အချင်းချင်း မကျေမလည်ဖြစ်ကြရာမှ လူစုလူဝေးနှင့် တိုက်ခိုက်ရန် ကြိုးပမ်းလာ၍ သက်ဆိုင်ရာ တာဝန်ရှိသူများက ခြောက်လှန့်ပစ်ခတ်လူစုခွဲရာမှ ဒုက္ခသည်နှစ်ဦး သေဆုံးကာ ခြောက်ဦးဒဏ်ရာ ရခဲ့ရခြင်းဖြစ်သည်ဟု ပေါက်တောမြို့ ပြည်နယ် လွှတ်တော် ကိုယ်စားလှယ် ဦးတင်ထွန်းအောင် က ဆိုသည်။

“UNHCR က ဆောက်ပေးတဲ့ ယာယီတဲ အိမ်ကြီး (တန်းလျား)တွေမှာ နေလိုသူတွေနဲ့ လုံးချင်း အိမ်တွေ ရလို သူတွေကြား အချင်းချင်း ဖြစ်တဲ့ ပြဿနာပါ။ မူဆလင် တချို့က လုံးချင်းအိမ် ဆောက်ပေးရမယ်။ တချို့ ကျတော့ မိုးရာသီမှာ နေစရာမရှိလို့ ယာယီတဲကြီးမှာ နေမယ်ပေါ့။ နေလိုသူတွေက အမြန်ပြီးအောင် ဝိုင်းကူပေးတယ်။ ဒါကို တဖက်က မကျေမနပ်ဖြစ်ပြီး ဇွန် ၂၇ ရက်နေ့မှာ တုတ်တွေ၊ ဒါးတွေနဲ့ လူ ၅၀၀ လောက်က ကူညီနေသူတွေကို တိုက်ခိုက်ဖို့ ကြိုးစားတဲ့အခါ အာဏာပိုင်တွေဆီ ပြေးလာကြတယ်။

အဲဒီမှာ ပေါက်တောမြို့နယ် ထွေအုပ်ဦးစီး၊ ဒု-ဦးစီး၊ နစက၊ တပ်၊ ရဲ အားလုံး ရှိနေတယ်။ ဆူပူသူတွေက ဒီလူတွေကို ထုတ်ပေးဖို့ တောင်းဆိုတယ်။ မပေးတဲ့အခါ အာဏာပိုင်တွေကို ဦးတည် တိုက်ခိုက်ဖို့ ပြင်လာလို့ အာဏာပိုင်တွေက နောက်ဆုတ်ပေးရတယ်။ နောက်ဆုတ်ရင်းက ချောင်းကမ်းပါးကို ရောက်လာခဲ့တယ်။ ဆုတ်ပေးစရာ မြေ မရှိတော့ဘူး။ သတ်ဖြတ်နိုင်တဲ့ အကွာအဝေးကို ရောက်နေချိန်မှာ မိုးပေါ်ထောင် ပစ်ဖောက် လူစုခွဲခိုင်းတယ်။ ဒါပေမယ့် လူစုကွဲမသွားဘဲ ရှေ့ကို တိုးလာနေကြတဲ့အတွက် လုံခြုံရေးတပ်ဖွဲ့က လူစုခွဲ ပစ်ခတ်ရာမှာ ဦးခေါင်းကို ထိမှန်ပြီး တယောက် ပွဲချင်းပြီး သေတယ်။ နောက်တယောက် ထပ်သေတယ်လို့လည်း သိရတယ်”
ဟု ရှင်းပြသည်။

ခြိမ်းခြောက်ပစ်ဖောက်မှု အချက်၂၀ ခန့်ရှိခဲ့ပြီး ဘော်ဒေါ နှင့် မာမောက် အမည်ရှိ ဒုက္ခသည်နှစ်ဦး သေဆုံးခဲ့ကြောင်း ဒေသခံတို့က ဆိုသည်။

ဒဏ်ရာရသူ ၆ ဦးကို အစိုးရကျန်းမာရေးဌာနနှင့် နယ်စည်းမခြား ဆရာဝန်များအဖွဲ့က ပြုစု စောင့်ရှောက်aပေးနေကြောင်း သိရသည်။

ကြိမ်နီပြင်ရွာမှာ ပေါက်တောမြို့၏ တောင်ဘက် ၆ မိုင် အကွာတွင်ရှိ မူဆလင်များ နေထိုင်ရာ ရွာတရွာဖြစ်ကာ ထိုရွာ၏ ဒုက္ခသည်စခန်း၌ လူဦးရေ ၅,၀၀၀ ကျော် ရှိသည်။ ပေါက်တောမြို့နယ် တခုလုံးတွင် ဒုက္ခသည်စခန်း လေးခုနှင့် ဒုက္ခသည်ပေါင်း တသောင်းကျော်ရှိကြောင်း ဦးမျိုးသန့် က ရှင်းပြသည်။

အလားတူ အဖြစ်အပျက်မျိုး ဇွန်လ ၄ ရက်နေ့ကလည်း မြောက်ဦးမြို့နယ်၊ ပုရိန်ရွာ ဒုက္ခသည် စခန်း၌ ရုန်းရင်း ဆန်ခတ်ဖြစ်ပြီး မူဆလင်ဒုက္ခသည် အမျိုးသမီး ၃ ဦး သေဆုံးခဲ့ရသေးသည်။

မှိုစားပြီးနောက် ၂နှစ်သမီး အပါအ၀င် မိသားစုတစုလုံးနီးပါး သေဆုံး

ဖဲဘူး

တောင်ယာမှအပြန် ကျွဲချေးမှိုကောက်ပြီး မိသားစုနဲ့အတူ အိမ်မှာချက်ပြုတ်စားသောက်ခဲ့လို့ မိခင်နဲ့အတူ သားသမီး လေးဦးသေဆုံးသွားခဲ့ရတယ်လို့ သေဆုံးသူမိသားစုများကို ပြုစုကုသပေးခဲ့တဲ့ သားဖွားဆရာမက ပြောပါတယ်။

ဇွန်လ ၁၉ ရက်နေ့က ကယား(ကရင်နီ)ပြည်၊ ဒီးမော့ဆိုမြို့နယ်၊ ဒေါရော့ခူအုပ်စု၊ ဟာလီကျေးရွာနေ ဦးဆားဘာမိသားစုဟာ ကျွဲချေးမှိုတမျိုးကို ဟင်းလျာအဖြစ် ချက်ပြုတ် စားသောက်ပြီးနောက် ၁၀နာရီခန့် အကြာမှာ ဖခင်ဖြစ် သူဦးဆားဘာ မှိုအဆိပ်တက်တဲ့ ဝေဒနာကို ခံစားခဲ့ရပါတယ်။

၂၁ရက်နေ့ရောက်တော့ ၂နှစ်သမီး မအဲလစ်သေဆုံးပြီး ၂၄ရက်နေ့မှာတော့ မှိုဆိပ်တက်တဲ့ဝေဒနာကို ကျေးလက်သွားဖွားဆရာမနဲ့ ကရင်နီကျန်းမာရေးဌာနမှ ဆေးမှူးတို့ကနေ ကုသပြုစု နေတဲ့အတောအတွင်း မိခင်ဖြစ်သူ ဒေါ်မာတလေးနာ(၃၀နှစ်)၊ သားကြီးဆိုတေးရို (၉နှစ်)၊ သမီးကြီး မေရီ(၆နှစ်)၊ သားလပ်မိုင်ကယ်(၅နှစ်)တို့မှာ ထပ်မံ သေဆုံးသွားခဲ့ကြပါတယ်။

"ကျမသူ့ကိုမေးတော့ အိုးက ၀က်ဆီနဲ့ပေတယ်တဲ့ အဲလိုပြောရ… ကြားရပါတယ်။ ၀က်ဆီတခုပဲလို့ သူ(ဦးဆားဘာ) ပြောပါတယ်။ ဒါပေမဲ့ ငါအဲဒီမှိုယူလာတာ ဖားတကောင်ပါသေးတယ်တဲ့ ဒါပေမဲ့ ပြန်ချက်တဲ့ခါမှာတော့ အဲ့ဖားကိုတော့ မထည့်ဘူးလို့တော့ သူအဲလိုမျိုးတော့ ပြောထားပါတယ်။ ..

အနီရောင်ထွက်တယ်။ သူစားပြီးတော့ ဘာမှမဖြစ်ဘူးတဲ့။ နေလို့ထိုင်လို့တော့ ကောင်းပါတယ်တဲ့။ မနက်ရောက်တော့ အန်တယ်ပေါ့။ သူအလုပ်သွားရင်းနဲ့ လမ်းမှာလျှောက်အန်တယ်"
လို့ ဟာလီရွာမှ သားဖွားဆရာမ ဒေါ်မားကရက်က ပြောပါတယ်။

"အမှန်ဆိုတော့ ကျနော်တို့က ဒီမှာ လမ်းပန်းဆက်သွယ်ရေးကလည်း နဲနဲခက်ခဲတယ်ဆိုတော့ အမှန်ဆို ဒီလူတွေကတော့ ကြိုတင် စောစောစီးစီးသိပြီးတော့ သူတို့ ကိုဆေးရုံတွေဘာတွေပို့ဆောင်ကုသ ပေးနိုင်မယ်ဆိုရင်တော့ သေးဆုံးမှု နည်းပါးသွားမှာပေါ့။ အဲလိုအများကြီး သေသွားတာကြတော့ စိတ်မကောင်းစရာပဲပေါ့လေ။ နောက်ပြီးတော့တခုရှိတာက … အဲမိုတွေက သူတို့ စားနေကျလို့ပြောတော့ ဘာဖြစ်လို့အဲလို ဖြစ်လာလဲဆိုတာတော့ ကျနော်တို့ သေချာလေ့လာဖို့လိုတယ်။ နောက်ပြီးတော့ နောက်ရှေ့ဆက်ပြီးတော့မှ ဒီရာသီမှထွက်နေတဲ့မှိုလည်း စားလို့ ရလာမရလာဆိုတာ ကျနော်တို့သေချာစစ်ဆေးဖို့ လိုတယ်ပေါ့နော" လို့ ကရင်နီ မိုဘိုင်းကျန်းမာရေးကော်မတီမှ ဆရာဖိလစ်က ပြောပါတယ်။

လက်ရှိ အိမ်ထောင်ဦးစီး ဖခင်ဖြစ်သူ ဦးဆားဘာကို လွိုင်ကော်ဆေးရုံကို ပို့ထားပြီး အငယ်ဆုံး ၂လသား နိုဗာကီးဒူကိုတော့ သားဖွားဆရာမတွေက စောင့်ရှောက်ပေးနေပါတယ်။

ဟာလီကျေးရွာဟာ ဒီးမော့ဆိုမြို့နဲ့ ၁၅ မိုင်ခန့်ဝေးလံပြီး ကားလမ်းမရောက်တဲ့အတွက် လူနာများကို ဆေးရုံသို့ အချိန်မှီပိုဆောင်နိုင်ဖို့ လမ်းပန်းဆက်သွယ်ရေး ခက်ခဲမှုတွေ ရှိနေပါတယ်။

ပြီးခဲ့တဲ့ ဇွန်လ ၁၈ ရက်နေ့မှာလည်း ဖရူဆိုမြို့နယ်အတွင်းရှိ ခရို့ခူကျေးရွာက ရွာသားသုံးဦး မှိုနဲ့ဖားသား စားမှားမိလို့ သေဆုံးခဲ့ကြောင်း သတင်းရရှိပါတယ်။

ပဲခူးမြို့နယ် ပညာရေးဖေါင်ဒေးရှင်း(မွန်)ကို ဖွဲ့စည်းပြီးစီး

မင်းတော်လဝီ

ပဲခူးတိုင်းဒေသကြီးပဲခူးမြို့နယ် တွင်းရှိချို့တဲ့နွမ်းပါးသည့် မွန်မိသားစုကလေးများအတွက် ဆက်လက်ပညာသင် ကြားနိုင်ရန်ပဲခူးမြို့နယ်ပညာရေး ဖေါင်ဒေးရှင်းအဖွဲ့(မွန်)ကို ၂၀၁၃ခုနှစ် ဧပြီလမှ စ၍ ဖွဲ့စည်းပြီး အကူအညီများထောက်ပံ့ပေး သွားမည်ဟု သိရသည်။

ပညာသင်ကြားရေးမှာ လောကီအတန်းပညာရေး သာမက လောကုတ္တရာပညာရေးကို ဆည်းပူး လေ့လာ နေ သောရဟန်း၊သာမဏေနှင့်သီလရှင်များအပါအဝင် ဆက်လက်ပညာသင်ကြားနိုင်ရန် ပညာရေးဖေါင်ဒေးရှင်းမှ ထောက်ပံ့ပေးသွားရန် စီစဉ်ထားသည်ဟု ပဲခူးမြို့နယ်ပညာရေးဖေါင်ဒေးရှင်း နာယက အဖွဲ့မှ နိုင်မြင့်သောင်းက ပြောသည်။

“ပဲခူးမြို့ပေါ်နဲ့ ပဲခူးမြို့နယ်ကျေးရွာများမှာရှိနေတဲ့ ချို့တဲ့နွမ်းပါးမွန်မိသားစုတွေရဲ့သားသ္မီးတွေ ဆက်လက် ပညာ မသင် ကြား နိုင်ရင် ဒီဖေါင်ဒေးရှင်းကနေ အထောက်ပံ့ပေးသွားပါ့မယ်” ဟုနိုင်မြင့်သောင်းကပြောသည်။

ပဲခူးမြို့နယ် ပညာရေးဖေါင်ဒေးရှင်းကို ပဲခူးမြို့ ပန်းခြံကုန်းရပ်ရှိ ပဲခူးအလယ်မွန်ကျောင်းတွင် ဖွင့်လှစ်ထားရှိပြီး ဆရာတော်များ၏ အနီးကပ်ကြီးကြပ်မှုအောက်တွင်တည်ရှိနေခြင်းကြောင့် အဖွဲ့၏ရေရှည်တည်တံ့မှုကိုပိုကောင်း မွန်စေနိုင်သလို ပဲခူးအလယ်မွန်ကျောင်းသည် ပဲခူးမြို့၏ ဗဟိုချက်ဖြစ်နေ၍ မြို့နယ်အတိုင်းအတာဖြင့် ဆက် သွယ်ရေးမှာ လွယ်ကူသည်ဟု အဖွဲ့ဝင်များကပြောသည်။

ပဲခူးမြို့နယ်ပညာရေးဖေါင်ဒေးရှင်းကို စတင်ဖွဲ့စည်းသည့်တစ်နေ့တည်းမှာပင် မွန်စေတနာရှင်များ ထည့်ဝင် လှူ ဒါန်းငွေကျပ်သိန်းပေါင်း ၃၀ ကျော်လက္ခံရရှိထားပြီ မွန်စေတနာရှင်များကဆက်လက်ထည့်ဝင်သွားဦးမည် ဟု သိရသည်။

၂၀၁၃-၂၀၁၄ ပညာသင်နှစ်မှစပြီး ချို့တဲ့နွမ်းပါးကလေးတွေကို ပညာသင်စရိတ်အထောက်အပံ့ ပေးသွားနိုင်ရန် လောလောဆယ်မှာ စာရင်းလိုက်ကောက်နေပြီဟု ပြောသည်။

ဒါ့ပြင်ဤဖေါင်ဒေးရှင်းအနေဖြင့်မွန်ကလေးများထဲကအတန်းပညာထူးချွန်အောင်မြင်သူဥပမာ၁၀တန်းစာမေးပွဲကို ထူးချွန်အောင်မြင်သူကိုဆုပေးပြီးဆက်ပညာ သင်နိုင်ရန်ထောက်ပံ့ပေးမှုနှင့် မွန်ပရိယတ္တိပညာရေးဓမ္မာစာရိယစာချတန်းအောင်မြင်သည့်ရဟန်းသံဃာတော်များကိုလည်းဆုတော်လှူဒါန်းပူဇော်သွားမည်ဟုလည်းနိုင်မြင့်သောင်း ကပြောသည်။

ပဲခူးမြို့နယ် ပညာရေးဖေါင်ဒေးရှင်အဖွဲ့တွင် နာယက လူကြီးများအဖြစ် နိုင်စိုးသိန်း(အငြိမ်းစားတိုင်းတရားသူကြီး) နိုင်မင်းကြည်(တရားရုံးချုပ်ရှေ့နေ)နိုင်မြင့်သောင်း(အငြိမ်းစားမြိုနယ်မှူးလဝက)ဦးငြိမ်း(လုပ်ငန်းရှင်)နိုင်စံလှိုင် (လုပ်ငန်းရှင်) တို့ပါဝင်ပြီးဥက္ကဌအဖြစ်နိုင်မောင်ခိုင်နှင့်အဖွဲ့ဝင် (၇)ဦးဖြင့်ဖွဲ့စည်း ထားသည်ဟုသိရသည်။

ယခုအခါ ပဲခူးမြို့ပေါ်မှာသာ ငွေကြေးထည့် ဝင်လှူဒါန်းမှုကိုလက်ခံ ရရှိထားသော်လည်း ပဲခူးမြို့နယ်အတွင်းရှိ ကျေးရွာများနှင့် ပြည်ပရောက်အလုပ်လုပ်ကိုင်နေသည့် မွန်များထံမှလည်း ငွေကြေးထောက်ပံ့မှုကို ရရှိလာမည် ဟု ဖေါင်ဒေးရှင်းအဖွဲ့ဝင် တဦးကပြောသည်။

ထိုနည်းတူ ပဲခူးမြို့နယ် မွန်သာရေးနာရေး အသင်းကိုလည်း ၂၀၁၃ မေလက ဖွဲ့စည်းခဲ့ပြီ ယခုအခါ နာရေး ကိစ္စ ရပ်များကို ကူညီဆောင်ရွက်ပေးနေပြီဖြစ်သည်။

ပဲခူးမြို့သည် မွန်လူမျိုးတို့၏မြို့တော်ဖြစ်ခဲ့ပြီးမွန်စကားပြောသူ လူဦးရေသုံးသောင်းကျော်နှင့် မွန်စကားမပြောသူ လူဦးရေသုံးသောင်းကျော်အပါအဝင်ပဲခူးမြို့နယ်တွင် မွန်လူဦးရေခြောက်သောင်းကျော်ခန့် နေထိုင်နေသည်ဟု ခန့် မှန်းရကြောင်းကို ပဲခူးမြို့မွန်စံပြရပ်မှ မွန်သက်ကြီးများပြောပြချက်အရ သိရသည်။

အစဉ်အလာ ကြီးမြင့်သော တိုင်းရင်းသား ခေါင်းဆောင်များ၏ ဂါရ၀ပွဲ

ရွှေဟင်္သာ

အစဉ်အလာ ကြီးမားသော အထင်ကရ တိုင်းရင်းသား လူမျိုးပေါင်းစုံ ခေါင်းဆောင် များကို သမိုင်း တင်စေမည့် သက်ကြီး ပူဇော်ပွဲ တရပ်ကို လာမည့် ဇူလိုင်လ တတိယ အပတ်တွင် ကျင်းပရန် ရှိသည်ဟု ပွဲဖြစ်မြောက်ရေး ကော်မီတီဝင် တဦးက ဆိုပါသည်။

“ ဒီပွဲ ကတော့ တိုင်းရင်းသား ပေါင်းစုံက ခေါင်းဆောင်တွေ တွေ့ကြတဲ့ ပွဲဗျ။ ဒီပွဲမျိုးကို (၁၉၆၁) ခုနှစ်မှာ တကြိမ် တောင်ကြီး ညီလာခံလို့ ခေါ်တဲ့ ဖက်ဒရယ် ဆွေးနွေး ပွဲတုန်းက တကြိမ် ကျင်းပ ခဲ့ပါတယ်။ သဘော ကတော့ လူကြီးနဲ့ လူငယ်ကြား ချိတ်ဆက်တဲ့ ပွဲလည်း ဖြစ်သလို ညီညွတ် ရေးကို ပြန်လည် တည်ဆောက်တဲ့ ပွဲလည်း ဖြစ်တယ်။ ခေါင်းဆောင် ကြီးများကို ဂါရ၀ ပြုတဲ့ အနေနဲ့ လည်း ခေါင်းဆောင် တချို့ရဲ့ အထ္ထုပ္ပတိ များကို ဖြန့်ချီ သွားမယ်လို့ ရည်ရွယ် ထားပါတယ်” ဟုဆို ပါသည်။

အထူး သဖြင့် မွန်အမျိုးသား ခေါင်းဆောင် “နိုင်ငွေသိမ်း၏ နိုင်ငံရေး ဖြတ်သန်းမှု” ခေါင်းစဉ်ဖြင့် အထ္ထုပ္ပတိ စာအုပ်ကို ဖြန့်ချီ သွားမည်ဟု ဆိုပါသည်။

ဂါရ၀ ပြုပွဲသို့ တက်ရောက်ရန် ဖိတ်ကြား ထားသူများမှာ NLD နာယက ဦးတင်ဦး၊ ဦးဝင်းတင်၊ ဒဂုံတာရာ၊ သခင်သိန်း မောင်၊ ရှမ်းတိုင်းရင်းသားမှ သမိုင်း ပညာရှင် ဒေါက်တာ စိုင်းအောင်ထွန်းနှင့် ရှမ်းပြည် တိုးတက်ရေး ပါတီ (SSPP) နာယက ဗိုလ်ချုပ် ဆေထင်၊ ကချင် တိုင်းရင်းသားမှ ဒူးဝါး ဂမ်ထားရော်နှင့် အခြား ခေါင်းဆောင် အမျိုးသမီး တစ်ဦး၊ တို့ကို ဖိတ်ကြား ထားပါသည်။

မွန်တိုင်းရင်းသား ထဲတွင် နိုင်ငွေသိမ်းနှင့် နိုင်ထွန်းသိန်း၊ ကရင် တိုင်းရင်းသား များမှ မန်းပီတာ ဂျာရင်နှင့် မန်းတင်ရွှေ၊ ရခိုင် တိုင်းရင်းသား များမှ ဦးသာပန်းနှင့် ခိုင်စိုးနိုင်အောင်၊ ပအိုဝ့် တိုင်းရင်းသား များမှ ဦးခွန်စိန်ရွှေနှင့် ဦးဖြားထိန် တို့လည်း ပါဝင်ကြောင်း ဆိုပါသည်။

ထို့အပြင် ဓနု တိုင်းရင်းသား များမှ ဓနု စော်ဘွား၏ အမတ်ချုပ်ကြီး တစ်ဦးနှင့် တအာင်း(ပလောင်) တိုင်းရင်းသားနှင့် ချင်းတိုင်းရင်းသား များမှကိုယ်စားလှယ် တစ်ဦးစီ ကိုလည်း ဖိတ်ကြား ထားပါသည်။

သက်ကြီး ပူဇော်ပွဲ အခမ်း အနားကို နေရာသတ်မှတ်ခြင်း မရှိသေးသော်လည်း ရန်ကုန်မြို့ တနေရာတွင် ကျင်းပမည့် ဖြစ်သည်ဟု ဖြစ်မြောက်ရေး ကော်မတီဝင် ဘဏ္ဍာ ရေးမှူး နိုင်ကျော်ဝင်းက ဆိုပါသည်။

တိုင်းရင်းသား ခေါင်းဆောင် များသည် လွတ်လပ်ရေး အကြို ကာလနှင့် ဒီမိုကရေစီ ကာလ များအထိ တိုက်ပွဲဝင် လာခဲ့ကြပါ သည်။ ၄င်းတို့သည် အမျိုးသား တန်းတူရေးနှင့် ကိုယ်ပိုင် ပြဌာန်းခွင့် ရရှိရေး အတွက် တစိုက်မတ်မတ် တိုက်ပွဲဝင် လာခဲ့ခြင်း ဖြစ်ပါသည်။ ဤသို့သော ခေါင်းဆောင် များအား ဖဆပလ အစိုးရ မှသည် စစ်အာဏာရှင် အစိုးရ အထိ အဆက် ဆက်သော အစိုးရ တို့က တိုင်းပြည် ခွဲထွက်ရေးသမားများဟု တဖက်သတ် စွပ်စွဲပြီး နည်းအမျိုးမျိုးဖြင့် နှိပ်စက် လာခဲ့ပါသည်။

သို့သော် တိုင်းရင်းသား ခေါင်းဆောင် များသည် ယနေ့ အထိ ပြည်ထောင်စု အသွင်ဖြင့် အမျိုးသား ပြန်လည် သွေးစည်း ညီညွတ်ရေးကို ဆက်လက် ကြိုးပမ်းလျှက် ရှိကြောင်း သမိုင်းကြောင်း များနှင့် လက်ရှိ နိုင်ငံရေး အခင်း အကျင်း ပေါ်မှ ယနေ့ အပစ်အခတ် ရပ်စဲရေး ဆွေးနွေး ပွဲများက သက်သေ ခံခဲ့ပြီး ဖြစ်ပါသည်။

မှတ်ပုံတင် ပြနိုင်တော့လည်း ရွှေသိမ်းချင်ပြန်တယ်

ခေါင်လန်ဖူးမြို့နေ တောင်ပေါ်သားတဦး

အယ်ဒီတာခင်ဗျား...

ကျနော်တို့ ကချင်ပြည်နယ်က ပူတာအိုခရိုင်၊ ခေါင်လန်ဖူးဒေသဆိုတာ တကယ်ခေါင်းပါးတဲ့ နေရာဒေသ ဖြစ်ပါတယ်။ ကျနော်တို့နယ်က စပါးအထွက်နည်းလို့ ဘိုးစဉ်ဘောင်ဆက် ဆန်ဒုမ့်တောင်ကြီး ကျော်ပြီး အသွားအပြန် ၁၀ ရက်ကနေ ၁၃ ရက်ရှိတဲ့ နောင်မွန်းမြို့နယ်၊ မဂွေဇ စခန်းကနေ ခေါင်လန်ဖူးမြို့ပေါ်မှာရှိတဲ့ ဌာနဆိုင်ရာ နိုင်ငံတော် ဝန်ထမ်းတွေအတွက် ရိက္ခာ (ဆန်၊ ဆီ၊ ဆား) တွေကို နှစ်တိုင်း တနှစ်လျှင် ၂ ခါထက် မနည်း မိမိရိက္ခာဖြင့် အခမဲ့ ထမ်းပြီး နိုင်ငံတော် အစိုးရကို ပံ့ပိုးလာခဲ့တဲ့ တိုင်းရင်းသားလူမျိုးတွေ ဖြစ်ပါတယ်။

ကျနော်တို့က ဗမာစကား ကောင်းကောင်း မပြောတတ်ပါဘူး။ တောင်ပေါ်မှာဘဲ ကြီးပြင်းခဲ့ပါတယ်။ ကျနော်တို့ကတောင်ပေါ်ကနေ ၃ ၊ ၄ ခေါက်လောက် မြို့ပေါ်ကို လာရပါတယ်။ အဲဒီအခေါက်တိုင်းမှာလည်း တနေရာမဟုတ်ရင် တနေရာ အစိုးရဂိတ်တွေမှာ မှတ်ပုံ တင်ပြလိုက်တာနဲ့ တောင်ပေါ်သားမှန်း သိလိုက်တာနဲ့ အမျိုးမျိုး ချိန်းခြောက် ပိုက်ဆံ တောင်းပါတယ်။ ပစ္စည်းတွေကို လုယူတယ်။ ပြီးတော့ ကားသမားတွေလည်း ကားခတွေ ပိုယူလေ့ရှိ ပါတယ်။

လွန်ခဲ့တဲ့ ဧပြီလ ၂၄ ရက် တနင်္လာနေ့မှာ ကျနော်တို့ ကချင်တိုင်းရင်းသား ရဝမ်လူမျိုး အမျိုးသား ၂ ဦး၊ အမျိုးသမီး ၃ ဦးတို့က ခေါင်လန်ဖူးမြို့နယ် ချန်လမ်ဒေသကနေ တရုတ်နယ်စပ် ကမ်ပိုင်တီ ကားလမ်းအတိုင်း မြစ်ကြီးနားမြို့သို့ကျောင်းသူ/ကျောင်းသားတွေကို လိုက်ပို့ခဲ့ပါတယ်။

ကျနော်တို့ ငါးဦးမှာ ကမ်ပိုင်တီကနေ မြစ်ကြီးနားထိ “ဂျီးဖော့မြေ” မော်တော်ယာဉ်အသင်းက ကချင်အထူးဒေသ (၁) ကန်ပိုင်တီ-ဝိုင်းမော်-မြစ်ကြီးနား အဝေးပြေးဆွဲတဲ့ ကားနဲ့ ကျပ် ၂ သိန်း ပေးပြီး လာခဲ့ပါတယ်။

မြစ်ကြီးနားမြို့ ဧရာဝတီမြစ် ဖြတ်ကူးတဲ့ ဗလမင်းထင် တံတား (ဝိုင်းမော် ဘက်ခြမ်း)က အစိုးရရဲ့ စစ်ဆေးရေးဂိတ်ရောက်တဲ့အခါ ရဲတပ်ကြပ်တဦးနဲ့ ရဲတပ်သား ၄ ဦးတို့က ကားပေါ်ကနေ ဆင်းခိုင်းပြီး နိုင်ငံသားမှတ်ပုံတင် စစ်ဆေးစဉ် ရိုင်းရိုင်းစိုင်းစိုင်း ပြောဆို စစ်ဆေးခဲ့ပါတယ်။

ကျနော်တို့က ခေါင်လန်ဖူးမြို့နယ်က ဖြစ်ကြောင်း၊ ကျောင်းသား လိုက်ပို့ရင်း ပစ္စည်း နည်းနည်းပါးပါး လာဝယ်တာဖြစ်ကြောင်း ကောင်းကောင်း မွန်မွန်ရှင်းပြခဲ့ပါတယ်။

ဒါပေမယ့် သူတို့က ကျနော်တို့ဆီက ရွှေ ၄၊ ၅ ကျပ်သား တွေ့တဲ့အခါ “ဒီရွှေတွေက နိုင်ငံတော် အစိုးရမှ လုံးဝ တားမြစ်ထားတဲ့ ပစ္စည်းဖြစ်တယ်။ လုံးဝ ဒါတွေကို တားဆီးဖို့ အထက်က အမိန့်ရှိပါတယ်။ ဒါကြောင့် သိမ်းတာဖြစ်တယ်” ဆိုပြီး ရွှေ ပါသမျှကို သိမ်းယူခဲ့ပါတယ်။

ကျနော်တို့ ဒေသမှာက ဆန်စပါး စိုက်လို့ မကောင်းတဲ့ ရေခဲတောင် ဒေသမှာ နေထိုင်ကြတဲ့အတွက် ဘိုးစဉ်ဘောင် ဆက်ကနေ အခုထိ ရွှေတူးပြီး ရရှိတဲ့ ရွှေတွေနဲ့ ဆန်ကို လဲလှယ်စားသောက်နေရတာ ဖြစ်ပါတယ်။

ခေါင်လန်ဖူးမြို့နယ် ချန်လမ်ဒေသကနေ ပူတာအိုလမ်းအတိုင်း သွားမယ်ဆိုရင် တောတောင် အထပ်ထပ်ကိုကျော်လွားပြီး လနှင့် ချီပြီး သွားရတာကြောင့် ကျနော်တို့ အမြဲတမ်းသွားနေတဲ့ ကမ်ပိုင်တီ-ဆဒုံးကားလမ်းအတိုင်း လာရတာ ဖြစ်ပါတယ်။

ကျနော်တို့ဒေသက ပညာရေး အလွန်နိမ့်ကျလို့ ကလေးတွေ ပညာရေးအတွက် မြစ်ကြီးနားမြို့ပေါ် ကျောင်းထားတာဖြစ်လို့ လမ်းစရိတ်လည်း ကြီးမားတာကြောင့် “ကျေးဇူးပြုပြီး ရွှေ မသိမ်းပါနဲ့ ရွှေသိမ်းမယ်ဆိုရင် ကျနော်တို့ကို သတ်ပစ်တာနဲ့ တူကြောင်း၊ ဒီရွှေ ရောင်းပြီး ကလေး ကျောင်းစရိတ် သုံးရမယ်။ မသိမ်းပေးပါနဲ့” လို့ အကြိမ်ကြိမ်တောင်းခံခဲ့ပေမယ့် နောက်ဆုံး ဒဏ်ငွေအနေနဲ့ ကျပ်ငွေ ၉၀,၀၀၀ (ကိုးသောင်း) အတင်း တောင်းခံလို့ပေးလိုက်ရပါတယ်။

ပိုက်ဆံ ပေးတဲ့အချိန်မှာ ဒီစစ်ဆေးရေးဂိတ်က တပ်ကြပ် (အဲဒီမှာ ရာထူးအကြီးဆုံး) ဆိုသူက ကားနောက်ဖက်ကိုခေါ်သွားပြီး သူ့ရဲဘော်တွေ မတွေ့အောင် ပေးခိုင်းပါတယ်။ “ရဲဘော်တွေကို မပြောလိုက်နဲ့” လို့ ပြောပြီး ပိုက်ဆံ ယူသွားတာ ဖြစ်ပါတယ်။ တကယ်ပဲ ကြေကွဲရတယ်။

ထိုင်းနယ်စပ်ရှိ ၀တပ်စခန်းများ စာရင်းပေးရန် မြန်မာတပ်မှူး ညွှန်ကြား

သျှမ်းသံတော်ဆင့်

သျှမ်းပြည် သံလွင်အရှေ့ခြမ်း ထိုင်းနယ်စပ် ပုံကျင်အခြေစိုက် အစိုးရတပ် စစ်ဗျူဟာမှူးက ၄င်းလက်အောက်ခံ နယ်မြေအတွင်း ၀ ပြည်သွေးစည်းညီညွတ်ရေးတပ်မတော် တပ်စ ခန်း ကြီး စခန်းငယ်စာရင်းများ အားလုံး ပေးအပ်ရန် ညွှန်ကြားထားသည်ဟု နီးစပ်သည့် သတင်းရပ်ကွက်ကပြောသည်။

“ကြာသပတေးနေ့က ပုံကျင်အခြေစိုက် ဗမာတပ်ဗျူဟာမှူးက ၀တပ်ကိုယ်စားလှယ် ကိုခေါ်ပြီး ညွှန် ကြား လိုက် တယ်။ အဓိက ကတော့ သူ့လက်အောက်ခံနယ်မြေ အတွင်းရှိ တဲ့ ၀ တပ်စခန်း တွေ ပေါ့။ ဘယ် တပ် စခန်းက လူသူလက်နက်အင်အားဘယ်လောက် အဲဒီ့အထိ ကို ပေးဖို့ တောင်းထားတာ။ ၀ တပ် က အေးဆေးဘဲ။ ပေးမဲ့ ပုံမပေါ်ဘူး” - ဟု ၀ တပ်မှူးကြီး တဦး နှင့် နီးစပ်သူ တဦးကပြောသည်။

သျှမ်းပြည်တောင်ပိုင်း သံလွင်မြစ်ကူးတံတား တာ့ဆန်းမှ တဆင့် အစိုးရတပ်များက လက် နက်ကြီးအပါအဝင် စစ်ကား ၂၀ စီး အား တောင်ပိုင်း ၀ နယ်သို့ ဂျွန်လ ၂၇ ရက်က ထပ် မံ ပို့ ဆောင် နေသည်ဟု လည်း သျှမ်းပြည်တပ်မတော် RCSS/SSA တပ်မှူး တဦးက ပြောပါ သည်။

“အခုက ကျနော်တို့ သျှမ်းတပ်နဲ့ အပစ်ရပ်တယ်။ ဆက်ဆံရေးအထူး ကောင်းမွန်နေ တယ်။ ကျနော်တို့ ဥက္ကဌ ကလဲ သမ္မတနဲ့ဆွေးနွေးပြီးလို့ နေပြည်တော်ကနေ ပူပူ နွေးနွေး လေးပဲပြန်ရောက်တယ်။ အခုအခြေအနေမှာ ၀ တပ် နဲ့ စစ်ရေး တနေ့ထက် တနေ့ ပိုတင်းမာလာနေတယ်။ ကျနော်တို့နဲ့ ၀ နဲ့က တိုက်ဖို့လဲ ဖိအား ပေးလာ နိုင်တယ်။ အရင်ကလို သျှမ်းပြည်သားအချင်းချင်း တိုက်ခိုက်မှုမဖြစ်အောင်တော့ ကျနော်တို့ အထူးရှောင် ရှားရမယ်။ သတိ ၀ိရိယ ကြီးကြီးထားသွားရလိမ့်မယ်” - ဟု ဒေသအတွင်း တပ်မှူး ကြီးတဦးကပြောပါသည်။

လက်ရှိတွင်မြန်မာအစိုးရတပ်သည် ၀တပ်များအား တိုက်ခိုက်ဦးမည်မဟုတ်ကြောင်း၊ ၀တပ်များ သွားလာရေး ခက်ခဲအောင်၊ ၀မ်းရေးအတွက်နေထိုင်စားသောက်မှုခက်ခဲအောင် စစ်ရေးအရ ဖိအားပေးခြိမ်းခြောက် ခြင်းသာ ဖြစ်ကြောင်း - အဆိုပါတပ်မှူးက ပြောသည်။

“ဗမာတပ်က မိုင်းဆတ် - တာချီလိတ်ကြား လွယ်ဆမ်ဆုံ(မ်)မှာ ဂိတ်တခုထပ်တိုးချထားတယ်။ ၀ တပ် တွေ လက်နက်ကိုင်ဆောင် သွားလာခွင့်မပေးတော့ဘူး။ ကားပေါ်ပါ ပစ္စည်းလဲ အရမ်းစစ်ဆေးတယ်။ အရေးပါတဲ့ ၀တပ်စခန်းတချို့ကိုလဲ ဆုတ်ခိုင်းတာတွေရှိတယ်။ မိုင်းတုံမြို့တောင်ဘက် ၁၀ မိုင်ကျော် မယ့်ကဲင်း အရှေ့ဘက် မောက်စလီ မှာ ရှိတဲ့ လွယ်ကောင်းမူး ၀ တပ်စခန်းကို အစိုးရတပ် ဆုတ်ခိုင်း နေတယ်။ အဲဒီမှာ ၀ စခန်း နှစ်ခုရှိတယ်။ ဗမာတပ်က အဲဒီနား စခန်းတခု သွားချတယ်။ နှစ်ဘက်ချိန် နေတယ်” - ဟု ၀ တပ် နှင့် အစိုးရတပ်ပါနီးစပ်သည့် ဒေသအတွင်း ရပ်မိရပ်ဖ တဦး ကပြောသည်။

မိုင်းဆတ် မိုင်းတုံမြို့နယ်အတွင်း ထိုင်းနယ်စပ် တလျှောက်အခြေစိုက် တောင်ပိုင်း ၀ တပ်ဖွဲ့ အမှတ် ၁၇၁ စစ်ဒေသ၏ တပ်မဟာ ရ၇၂ ၊ ရ၇၅ ၊ ရ၇၈ ၊ ၅၁၈ နှင့် ၂၄၈ ဟူ၍ရှိ၏။ တပ်မဟာ တခုလျှင် ပျှမ်းမျှလူသူ လက်နက်အင်အား ၁,၅၀၀ ရှိပါက တောင်ပိုင်း ၀ တပ်ဖွဲ့၏ စုစုပေါင်းအင်အားမှာ ၁၅,၀၀၀ ထက်ပိုမည်မဟုတ်ဟု မြန်မာစစ်တပ်အရာရှိများက ခန့်မှန်းထားသည်ဟု ဆိုသည်။

ရှိကောင်း၊ မရှိကောင်း ကယားပြည်နယ်တံတား

ဒေလီထက်


ကယားပြည်နယ် လွိုင်ကော်မြို့ကနေ ထိုင်းနယ်စပ်ကို ထွက်လာဖို့ မနက် ၆ နာရီကတည်းက စီစဉ်ထားပေမယ့် မိုးအရမ်းရွာနေလို့ မနက် ၉ နာရီလောက်မှ ထွက်ဖြစ်တယ်လို့ ခရီးသွားလာနေတဲ့ ခူစေးရယ်စိုးက ပြောပါတယ်။

ခရီးသည် ၁၂ ယောက်နဲ့အတူ ကား ၂ စီးနဲ့ ထွက်လာကြပြီး ရှားတောမြို့ကိုရောက်တော့ သံလွင်မြစ်ကို ကားနဲ့ ဖြတ်ကူးဖို့ ရှားတောမှာရှိတဲ့ ဗျူဟာတပ်ကို အကြောင်းကြား ခွင့်ပြုချက်ယူရပါတယ်။ အဖွဲ့အစည်းကားကြုံနဲ့ သွားရတော့ ဘယ်နေရာမှာ လက်မှတ်ယူဖို့လိုလဲ၊ ဘယ်လိုခွင့်ပြုချက် ယူပြီးတော့ သွားရမလဲဆိုတဲ့ လုပ်ငန်းသဘောတရားကို သိကြတယ်လို့ ခူစေးရယ်စိုးက ပြောပါတယ်။

“ရိုးရိုးခရီးသည်တွေအတွက်ဆိုရင်တော့ အခက်အခဲရှိတယ်။ ဘယ်နေရာမှာ လက်မှတ်ယူရမလဲ။ အခုသူတို့ သိထားတာက ဆက်ဆံရေးရုံးရဲ့ လက်မှတ်လောက်ပဲပေါ့နော်။ တခါတလေ စက်လှေက ကူးပေးချင်တဲ့အချိန်မှ ကူးပေးတယ်။ သူတို့ ဗျူဟာရုံးကို အကြောင်းမကြားဘူး ဆိုလို့ရှိရင် စက်လှေကို လုံးဝမကူးပေးဘူး။ ဆိုတော့ အဲဒီအခြေအနေမှာ ခရီးသည်တွေက သံလွင်မှာအိပ်ရတယ်။ ၁နာရီထက်မက ၄ နာရီလောက်ထိစောင့်ရမယ်။ သို့မဟုတ်ရင်လည်း အကယ်၍ စက်မကူးဘူး ဆိုလို့ရှိရင် သူတို့အဲဒီမှာအိပ်ရမယ်။ နောက်တစ်မနက်မှ ပြန်ကူးရတယ် အဲလိုရှိတာပေါ့။”


တခါတလေ အဖွဲ့အစည်းကားနဲ့ သွားတယ်ဆိုပေမယ့် မိုးကြီးလို့ ရေတက်မယ်ဆိုရင် စက်လှေ မကူးပေးတာတို့လည်း ရှိပါတယ်။ အဲဒီအပြင် မိုးတွင်းကာလကို ရောက်လာပြီဆိုရင် ကားခလည်း တဖြည်းဖြည်း တက်လာပါပြီ။ သာမာန်အချိန်တွေ ဆိုရင် ၅ သောင်းသာရှိပေမယ့် မိုးတွင်းကာလကို ရောက်လာပြီဆိုရင် ၈ သောင်းလောက်ထိ တက်ပါတယ်။

အခုလို ခရီးသည်တွေအတွက် ခရီးသွားလာမှု အခက်အခဲရှိနေလို့ လမ်းပန်းဆက်သွယ်ရေး ကောင်းမွန်ဖို့အတွက် ဖားဆောင်းမြို့နယ်မှ သံလွင်မြစ်ကူးတံတားတည်ဆောက်နေတာနဲ့ ပတ်သက်ပြီး အငယ်တန်း အင်ဂျင်နီယာ နှင့် မြို့ပြ တာဝန်ယူထားသူ ဦးမြင့်ကိုက အခုလို ပြောပါတယ်။

“တံတားကို ဆောက်ရတဲ့ ရည်ရွယ်ချက်ကတော့ ဒီဒေသရဲ့ ဖွံ့ဖြိုးမှု နှင့် လမ်းပန်းဆက်သွယ်ရေး ချောမွေ့ဖို့ နဲ့ ထိုင်း-မြန်မာ ကုန်သွယ်ရေးလမ်းကြောင်း ကောင်းပြီးတော့ ဒီကနေ အထွက်မှာ တောင်ငူဖက်ကို သွားနိုင်တဲ့ လမ်းပန်းချောမွေ့သွားမှာ အဲဒီ ရည်ရွယ်ချက်နဲ့ ဆောက်တာပေ့ါ၊ ဘယ်သူမှ ကန်ထရိုက်မယူဘူး၊ ဒီမှာကတော့ အခု ဆောက်လုပ်ရေးဝန်ကြီးဌာန ကနေ တာဝန်ယူပြီးဆောက်လုပ်ထားတာ”

တံတားပြီးစီးသွားပြီဆိုရင် ထိုင်းနဲ့မြန်မာ ကုန်ကူးသန်းသွားလာရေးအတွက် နယ်စပ်လမ်းတခု ဖြစ်လာမှာဖြစ်ပြီး ဖားဆောင်း မှ မယ်စဲ ဒေသခံအတွက်လည်း သွားလာရ လွယ်ကူသွားမှာ ဖြစ်ပါတယ်။

တံတား ဆောက်လုပ်ပေးဖို့အတွက် ဒေသခံတွေရဲ့ တောင်းဆိုမှုနဲ့ စိတ်သဘောထားကိုလည်း ဒေသခံတစ်ဦးဖြစ်တဲ့ ဒေါ်ညိုစန်းက အခုလို ပြောကြားသွားပါတယ်။

“တောင်းဆိုထားတာ ကြာပြီ၊ အခုလို ဆောက်ပေးတာ ၀မ်းသာတာပေ့ါ၊ အခုက တံတားမရှိလို့ရှိရင် မယ်စဲ သွားမယ်ဆိုရင် အခက်အခဲရှိမယ်၊ ဆိုင်ကယ်ကို စက်လှေနဲ့ကူးမယ်ဆိုရင် မ, တင်အုံး ချအုံးနဲ့ အခုက အကုန်အဆင်ပြေပြီ”

တံတားကို တိုင်းဒေသ ရန်ပုံငွေ နဲ့ အစိုးရ ရန်ပုံငွေဖြင့် ဆောက်လုပ်ထားပြီး ခန့်မှန်းခြေအရ ကုန်ကျစရိတ် သန်း လေးထောင်ငါးဆယ် ကုန်ကျမှာဖြစ်ပါတယ်။ တံတားက (၁)နှစ်ခွဲ စီမံကိန်း ဖြစ်ပြီး ၂၀၁၃ ခုနှစ် (၂)လ ပိုင်းမှ ဆောက်လုပ်ရေး လုပ်ငန်းဝန်ကြီး ဌာနက စတင် တာဝန်ယူ ဆောက်လုပ်ပေးနေပါတယ်။

၂၀၁၄-၂၀၁၅ ခုနှစ်အတွင်း အပြီး တည်ဆောက်သွားမှာဖြစ်တယ်လို့ ဆောက်လုပ်ရေးဌာနက ပြောပါတယ်။ အခုချိန်မှာတော့ ၄၀ ရာခိုင်နှုန်း တည်ဆောက်ပြီးစီးသွားပါပြီ။

တံတားပြီးစီးသွားပြီ ဆိုရင် အရင်ကလို တစ်နာရီစောင့်၊ နှစ်နာရီစောင့်ရတာတွေ၊ စက်လှေနဲ့ သွားရတာတွေ မလုပ်ရတော့ပဲ တိုက်ရိုက်လွယ်ကူစွာ သွားလာနိုင်မှာ ဖြစ်သလို တကယ့်အပစ်အခတ်ရပ်စဲရေး အခြေအနေက ခိုင်မာမှုရှိပြီလား မရှိသေးဘူးလား ခန့်မှန်းလို့မရတဲ့အခြေအနေမျိုးမှာ စဉ်းစားစရာ အချက်တွေလည်း ရှိနေသေးတယ်လို့ ခရီးသွား ခူစေးရယ်စိုးက ပြောပါတယ်။

“စစ်ရေးနည်းဗျူဟာအရ ကြည့်မယ်ဆိုလို့ရှိရင် တဖက်အတွက် အန္တာရယ်ရှိတယ်။ အထူးသဖြင့် လမ်းတွေ တံတားတွေ လုပ်တာက အခုချိန်မှာ ကျတော်တို့ ပြောလို့ရတာက ခရီးသွားတွေအတွက်၊ စီးပွားရေး၊ ကုန်သွယ်ရေးတွေအတွက် ပြောပေမယ့်လို့ ကယားပြည်နယ်မှာ လမ်းတွေ တံတားတွေက စစ်တပ်ရဲ့ လှုပ်ရှားမှုက ပိုပြီးတော့ အသုံးချတယ်။ ရိက္ခာပို့တာပဲဖြစ်ဖြစ်၊ လက်နက်ခဲယမ်းတွေ ပို့တာပဲဖြစ်ဖြစ်၊ စစ်ရေးလှုပ်ရှားမှုတွေက ပိုများတယ်။ ပြည်သူတွေ အတွက်တော့ အကျိုးရှိတယ်လို့ နာမည်နာမ ထွက်လာတယ်ပေါ့နော်။ ဒါပေမယ့် တကမ်းတမ်းတော့ တပ်တွေပဲ အသုံးပြုတယ်ဆိုလို့ရှိရင် ငါတို့အတွက် အန္တာရယ်မရှိနိုင်ဘူးလားပေါ့ ကေအဲန်ပီပီဘက်က စိုးရိမ်ကြောင့်ကြမှုတွေလည်း ရှိတယ်ပေါ့။ နှစ်ခုစဉ်းစားဖို့ လိုတယ်ပေါ့”

ဖားဆောင်းမြို့နယ်မှာ တည်ဆောက်မယ့် တံတားဟာ ကရင်နီပြည် သံလွင်မြစ်အတွင်း ပထမဦးဆုံးအကြိမ် တည်ဆောက်တဲ့ တံတားဖြစ်ပါတယ်။

၁၁ နှစ်ကျော်ကြာ ကျောင်းမလာတဲ့ ရခိုင်က ဆရာမ ရာထူး တိုးခံရ

နိရဉ္စရာ

ရခိုပြည်နယ် တောင်ကုတ်မြို့နယ် ဘူးရွှေမော်ကျေးရွာ မူလွန်ကျောင်းတွင် တာဝန်ကျနေသော မူလပြ ဆရာမ တစ်ဦးသည် တာဝန်ကျနေသည့် ၁၁ နှစ်ကျော် အချိန်ကာလအတွင်း တစ်ကြိမ် တစ်ခါမျှ ကျောင်းသို့ ရောက်မလာသော်လည်း ယခုအခါ သူမအား သက်ဆိုင်ရာမှ မူလတန်းဆရာမ အဖြစ်မှ အလယ်တန်းပြ ဆရာမ အဖြစ်သို့ ရာထူး တိုးမြှင့်လိုက်ကြောင်း သတင်း ရရှိသည်။

ဇွန်လ ၂၂ ရက်နေ့က ကျောင်းအကျိုးတော်ဆောင်အဖွဲ့၊ မူလွန်ကျောင်း၊ ဘူးရွှေမော်ကျေးရွာ တောင်ကုတ်မြို့နယ်မှ ပညာရေးမှူးထံသို့ တိုင်ကြားစာ ရေးသားပေးပို့ရာတွင် မူလတန်းပြ ဆရာမ ဒေါ်ကြည်ကြည်ရွှေသည် မူလတန်း ဆရာမအဖြစ်မှ အလယ်တန်းပြ ဆရာမ အဖြစ်သို့ ရာထူး တိုးမြှင်ခံခဲ့ရသည့် (၁၁) နှစ် အချိန် ကာလအတွင်း တစ်ကြိမ် တစ်ခါမျှ ကျောင်းကို မရောက်လာခဲ့ကြောင်း ဖေါ်ပြသည်။

ယခု ကျောင်းမှာလည်း မူလတန်း အဆင့်မှ မူလွန်ကျောင်း အဖြစ်သို့ တိုးမြှင့်ခဲ့ပြီ ဖြစ်သည်ဟု ဆိုသည်။

တိုင်ကြားသည့် စာထဲတွင် တောင်ကုတ် မြို့နယ် ဘူးရွှေမော် ကျေးရွာ မူလွန်ကျောင်းကို ယခုအခါ ဖွင့်လှစ် သင်ကြားနေပါကြောင်း၊ ဆရာကြီိး အဆက်ဆက် ပြောင်းခဲ့ပြီ ဖြစ်ပါကြောင်း၊ ယခုလက်ရှိ ဆရာကြီးမှာ ဦးမြင့်ဆွေ ဖြစ်ပါကြောင်း၊ မူလတန်း ဆရာမများမှာ ဒေါ်အေးအေးနိုင်၊ ဒေါ်ခင်မာလွင်၊ ဒေါ်စန္ဒာစိုး တို့ ဖြစ်ကြပြီး အ.လ.ပြ ဆရာမများမှာ ဒေါ်ညိုကြည်၊ ဒေါ်သန်းသန်းဆွေ၊ ဒေါ်ကြည်ကြည်ရွှေ တို့ ဖြစ်ပါကြောင်း၊ ယခုအခါ မောင်တောမြို့နယ်မှ အလပြ ဆရာ တစ်ဦးဖြစ်သူ ဦးတင်မြင့်မှာ ဘူးရွှေမော် မူလွန်ကျောင်းတွင် တာဝန်ကျသည်ဟု သိရပါကြောင်း၊ ယင်းသို့ တာဝန်ထမ်းဆောင်ရမည့် ဆရာ/မများအနက် မောင်တောမြို့နယ်မှ ဆရာဦးတင်မြင့်မှာ ယခုတိုင် ရောက်လာခဲ့ခြင်း မရှိသေးပါကြောင်း၊ ထို့အတူ မူလတန်းကျောင်း ဘ၀ကပင် မူလတန်းပြ ဆရာမအဖြစ် တာဝန်ကျနေသူ ဆရာ မဒေါ်ကြည်ကြည်ရွှေမှာလည်း ယခု အလပြ ဆရာမ အဖြစ် ရာထူးတိုးပြီး ယခု ကျောင်းမှာလည်း မူလွန်ကျောင်း ရသည် အထိ တစ်ကြိမ်မှ ကျောင်းသို့ လာရောက်ခဲ့ခြင်း မရှိကြောင်း၊ ကျောင်းမရောက်သည် မှာ(၁၁)နှစ်ကျော်မျှပင် ရှိနေပြီ ဖြစ်ကြောင်း ဖေါ်ပြသည်။

ဘူးရွှေမော်ကျေးရွာမှ ကိုသန်းဋ္ဌေး (အမျိုးသား မှတ်ပုံတင် အမှတ် ၁၁/တကန(နိုင်)၀၇၂၀၉၄) ကလည်း ဒေါ်ကြည်ကြည်ရွှေ အနေဖြင့် ကျောင်းမတက်ဘဲ လစဉ်လတိုင်း ပြည်သူ့အခွန်ဘဏ္ဍာကို လစာထုတ်စားနေဆဲ ဖြစ်ကြောင်း ပြောဆိုသည်။

“ ဘူးရွှေမော်ရွာ မူလွန်ကျောင်းမှာ ဒေါ်ကြည်ကြည်ရွှေ တာဝန်ကျပါတယ်။ ဒါပေမယ့် ယနေ့ အချိန် ၂၀၁၃ အထိ အဲဒီဆရာမဟာ ဘူးရွှေမော်ရွာကို တစ်ကြိမ် တစ်ခါမှ ခြေတစ်ဖ၀ါး မချဘူး သေးပါဘူး။ အင်မတန့်- အင်မတန် အံ့သြဖွယ်ရာ ဖြစ်ရပ်ကြီး ပါပဲ။ ဆရာမကိစ္စနဲ့ ပတ်သက်ပြီး ကျေးရွာ ကျောင်း ကော်မတီမှ ရပ်မိရပ်ဖများဟာမြို့နယ်ပညာရေးမှုးနဲ့ သွားရောက်ာ တွေ့ဆုံတိုင်း မေးမြန်းပေမယ့် အော်ဟောက် ကြိမ်းမောင်းခြင်းကို ခံကြရပါတယ်။ ကျေးရွာသူ ကျေးရွာသားတွေ အနေနဲ့ မြို့နယ် ပညာရေးမှုးကို ပြန်မပြောရဲရှာဘဲ ရွာပြန်ခဲ့ကြရတာဟာလည်း နှစ်စဉ်လိုလိုပါပဲ။ ဆရာမကတော့ လစဉ် လတိုင်း ပြည်သူ့ အခွန်ဘဏ္ဍာကို လစာထုတ်စားနေဆဲပါ။ ယခုလို ပြည်သူ့အခွန်ဘဏ္ဍာကို မတော် မတရား လိမ်လည် စားသောက်နေသူကို အမြန်ဆုံးအရေးယူပေးပါရန် တောင်းဆို လိုက်ပါတယ် ခင်ဗျား” ဟု သူက ပြောသည်။

မြန်မာနိုင်ငံ၏ ပညာရည် မြင့်မားရေး ကြိုးပမ်းနေသည့် ကာလတွင် ကလေးငယ်များ၏ ပညာရေးကို ထိခိုက်မခံနိုင်သဖြင့် အဆိုပါ ဆရာ ဆရာမများနေရာတွင် အခြားဆရာ ဆရာမများနှင့် အစားထိုးခန့်အပ်ရန် ကျေးရွာသားများက တောင်းဆိုထားကြောင်း သတင်း ရရှိသည်။

လူသတ်မှု၊ သတ်သေမှုတို့ အကြောင်း ပါမောက္ခ ဒေါက်တာ ဝင်းအောင်မြင့်နှင့် …

ဧရာဝတီ


မန်မာပြည်၌ လူသတ်မှုများပြားနေခြင်း၊ မိမိ ကိုယ်ကိုယ် သတ်သေသည့် မှုခင်းများ နေ့စဉ်ရက်ဆက် ဆိုသလို အင်တာနက် စာမျက်နှာများ၊ ဂျာနယ်၊ သတင်းစာများတွင် တွေ့ရှိနေခြင်းတို့ကြောင့် လူသတ်မှု၊ မိမိကိုယ်ကိုယ် သတ်သေမှုများသည် စိတ်ကျန်းမာရေး အခြေအနေနှင့် သက်ဆိုင်မှု၊ ဆက်နွှယ်မှု ရှိမရှိ ကိစ္စကို ရန်ကုန် စိတ်ကျန်းမာရေး ဆေးရုံကြီး ဆေးတက္ကသိုလ် ၁ ပါမောက္ခ ဌာနမှူး စိတ်ကျန်းမာရေး စီမံချက် မန်နေဂျာ ဒေါက်တာ ဝင်းအောင်မြင့်အား ဧရာဝတီ သတင်းထောက် မေစစ်ပိုင်က တွေ့ဆုံ မေးမြန်းထားပါသည်။

မေး။ ။ မြန်မာနိုင်ငံမှာ ကိုယ့်ကိုယ်ကိုယ် သတ်သေတဲ့သူတွေ များလာတယ်၊ လူသတ်မှုတွေမှာလည်း စိတ္တဇဆန်တဲ့ ရက်ရက်စက်စက် လူသတ်မှုတွေကို ကြားသိနေရပါတယ်။ အဲဒါ ဘာကြောင့်လို့ ထင်လဲ၊ ဘယ်လိုမြင်ပါလဲ။


ဖြေ။ ။ လူသတ်တာတွေမှာ စိတ်ရောဂါကြောင့် လူပိုသတ်တယ် ဆိုတာကိုတော့ လက်မခံပါဘူး။ စိတ်ရောဂါ သည်တွေက လူသတ်မှု ဖြစ်တယ်ဆိုရင် အနီးကပ်မှာ ရှိတဲ့သူတွေနဲ့ အိမ်သားတွေကို သတ်တာ ပိုများတယ်၊ အပြင်က လူတွေကို သတ်တာတော့ ရှိပေမယ့် ရှားတယ်။ ပြောရမယ်ဆိုရင်တော့ မီဒီယာပေါ့၊ ပုံကြီးချဲ့ပြောတာလည်း ပါတယ်၊ ရုပ်ရှင် ဗီဒီယို တွေကလည်း စိတ္တဇ လူသတ်သမားဆိုပြီး ရိုက်နေတာတွေကြောင့် လူသတ်မှုတွေနဲ့ စိတ်ရောဂါသည်တွေ ဆက်စပ်မှု မလိုအပ်ဘဲ ပိုများလာတယ်လို့ ထင်တယ်။ စိတ်ရောဂါသည်တွေက လူသတ်တာမှန်ပေမယ့် လူကောင်း ပကတိတွေက လူသတ်မှု ပိုဖြစ်နေတယ်လို့ ပြောချင်တာပါ။ သတ်သေမှုတွေ ပိုများလာတယ်လို့ ဆိုတာကလည်း အချက်အလက် သေချာဖို့တော့ လိုအပ်ပါတယ်။

မေး။ ။ တခြားနိုင်ငံတွေမှာက သတ်သေတဲ့ နှုန်းတွေကို အချက်အလက် ကောက်တာရှိတယ်။ မြန်မာနိုင်ငံမှာကော ရှိပါသလား။

ဖြေ။ ။ နိုင်ငံတိုင်းမှာ သတ်သေတဲ့နှုန်းတွေကို ပြောတာရှိပါတယ်။ ပြောလည်း ပြောပြရတယ်၊ ပြောရမယ့် တာဝန်လည်း ရှိပါတယ်။ ဒီနိုင်ငံမှာကတော့ အကြောင်းကြောင်းကြောင့် လုပ်ခဲ့တာမရှိခဲ့ဘူး။ နောက်ပိုင်းမှာတော့ ပြောမှာပါ။ အခုတော့ အာဆီယံ နိုင်ငံတွေထဲမှာ၊ အာဆီယံ ကျန်းမာရေး ကိစ္စတွေထဲမှာ စိတ်ကျန်းမာရေးလည်း ပါတယ်၊ အဲဒီထဲမှာမှ သတ်သေမှုနှုန်း ကိစ္စလည်း ပါနေတော့ အချက်အလက်တွေတော့ ကောက်နေပါပြီ၊ ရသင့်သလောက်တော့ ရပြီဆိုပေမယ့် တိကျတဲ့ အချက်အလက်ရမှပဲ မြန်မာနိုင်ငံရဲ့ သတ်သေမှုနှုန်းရဲ့ အတက်အကျကို သေချာသိရမှာပါ။

မေး။ ။ ကိုယ့်ကိုယ်ကိုယ် သတ်သေတာက စိတ်ကျရောဂါနဲ့ ဆိုင်သလား။

ဖြေ။ ။ သတ်သေတာရဲ့ ၇၀ ရာခိုင်နှုန်းက စိတ်ကျရောဂါကြောင့်ပဲ၊ ကျနော်တို့ တကယ်တမ်း ကုသပေးနိုင်တာကလည်း ၅ ရာခိုင်နှုန်းပဲရှိပြီး ၉၅ ရာခိုင်နှုန်းက ကုသပေးနိုင်တဲ့ အခြေအနေမရှိဘူး။ စိတ်ကျရောဂါရှင် ကိုယ်တိုင်က သူ့ကိုသူ ဖြစ်မှန်း မသိတာရှိတယ်၊ ဖြစ်နေတာကို ပတ်ဝန်းကျင်သိမှာကြောင့်၊ ခွဲခြားဆက်ဆံ ခံရမှာကြောင့် မပြောတာရှိတယ်၊ မိသားစုကလည်း ရှက်စိတ်နဲ့ လူသိမှာစိုးပြီး ဖွက်ထားတာရှိတယ်။ တချို့က ပယောဂဆိုပြီး ကုနေတာတွေလည်း ရှိနေတယ်။ မီဒီယာ တချို့မှာကလည်း သတ်သေမှုတွေကို ဖော်ပြတဲ့အခါမှာ အသေးစိတ် ကြိုးက ဘယ်နှပေ၊ ဘယ်အမြင့်၊ ဆေးက ဘာ အမျိုးအစား၊ ဘယ်နှလုံးသောက်တယ် ဆိုတာကအစ ကျင့်ဝတ်နဲ့မညီ ဖော်ပြနေကြတော့ သတ်သေချင်တယ်၊ ဘယ်လို သတ်သေရမှန်း မသိတဲ့သူတွေကို လမ်းပြပေးသလို ဖြစ်နေတာတွေရှိတော့ ရှောင်သင့်ပါတယ်။

မေး။ ။ သတ်သေပေမယ့် မသေသေးဘဲ ရှိနေတဲ့အချိန်မှာ လူတွေက မှုခင်းဆိုပြီး ရဲကိုအရင် အကြောင်းကြားလို့ အချိန်ကြန့်ကြာတာ၊ ဆေးခန်း၊ ဆေးရုံတွေက လက်မခံတွေလည်းကြောင့် အသက်ဆုံးရှုံးရတဲ့ အခြေအနေတွေကိုရော
ဘယ်လိုမြင်ပါသလဲ။


ဖြေ။ ။ အမှန်က လူနာ အသက်ရှိနေသေးတယ် ဆိုတာနဲ့ တပြိုင်နက် ဆေးရုံကြီး အရေးပေါ်ဌာနကို အရင်ဆုံးပို့သင့်တယ်၊ ရဲစခန်းကို နောက်မှ သွားသင့်တယ်၊ အရေးပေါ်ဆိုရင် လူနာအသက်ရှင်ဖို့က အဓိက ကျလို့ ဆေးရုံအရင်ပို့၊ ရဲစခန်းက အဓိကမဟုတ်ဘူး။ ပုဂ္ဂလိက ဆေးခန်းတွေ ကတော့ သူတို့ရဲ့အခြေအနေအရ လက်မခံတာမျိုးတွေ ရှိနေတော့ ဆေးရုံကြီးကို တိုက်ရိုက်သွားတာ အကောင်းဆုံးပဲ။

မေး။ ။ ဒါဆို လက်ရှိ သတ်သေမှု တွေရဲ့ အခြေအနေက ဘယ်လိုရှိပါသလဲ။

ဖြေ။ ။ လက်ရှိကောက်ခံထားတဲ့ ၂၀၁၁ ခုနှစ်နဲ့ ၂၀၁၂ ခုနှစ် နှစ်တဝက် ကောက်ခံချက်တွေ အရတော့ မြန်မာနိုင်ငံမှာရှိတဲ့ လူတသိန်းမှာ ၂ ဦး သတ်သေတာ တွေ့ရတော့ တခြားနိုင်ငံတွေနဲ့ နှိုင်းယှဉ်ရင် အရမ်းနည်းပါတယ်၊ အာဆီယံနိုင်ငံထဲမှာ ဖိလစ်ပိုင်နဲ့ မြန်မာနိုင်ငံရဲ့ သတ်သေသူနှုန်းက အတူတူလောက် ဖြစ်နေတယ်။ လက်ရှိ ဒေတာတွေအရတော့ မြန်မာနိုင်ငံမှာ သတ်သေနှုန်း မမြင့်မားဘူး။ ကမ္ဘာ့သတ်သေ နှုန်းမှာ လူတသိန်းမှာ ၁၆ ဦး ရှိနေတယ်။

မေး။ ။ တခြားနိုင်ငံတွေလိုမျိုး သတ်သေမှုတွေကို ကြိုတင်ကာကွယ်တာတွေ လုပ်ဖို့ရော ရှိပါသလား။

ဖြေ။ ။ မြန်မာနိုင်ငံမှာက သတ်သေမှုကို ကြိုတင်ကာကွယ်နိုင်မယ့် ပေါ်လစီ (Suicide Prevention Policy) မရှိသေးဘူး၊ ဒီကိစ္စကိုတော့ ဝန်ကြီးဌာနကို တင်ပြဖို့ ရှိပါတယ်။ လူတယောက်က ကိုယ့်ကိုယ်ကိုယ် သတ်သေတယ် ဆိုတာ နိုင်ငံအတွက်၊ မိသားစုအတွက် ဆုံးရှုံးမှုပါပဲ။ ဒါတွေကို ကာကွယ်ဖို့ လိုပါတယ်။ ပေါ်လစီကတော့ လက်ရှိလုပ်နေပေမယ့် အခြေအနေအရ လာမယ့်နှစ်တွေ ဆိုရင်တော့ ထွက်လာမယ်လို့ ထင်တယ်။ စာရွက်မှာ ချရေးရတာလွယ်ပေမယ့် လက်တွေ့ အကောင်အထည် ဖော်တဲ့နေရာ မှာတော့ အခက်အခဲတွေ ရှိပါတယ်။ တကယ့်လက်တွေ့မှာ လူမူဝန်ထမ်း၊ ပြန်ကြားရေး၊ ပညာရေး၊ ပြည်ထဲရေး၊ အရပ်ဘက် အဖွဲ့အစည်းနဲ့ NGO အဖွဲ့အစည်းတွေကလည်း ပူးပေါင်းဖို့ လိုပါတယ်။ တခြား အကူအညီတွေလည်း အများကြီး လိုတယ်။

မေး။ ။ ပေါ်လစီ ထွက်လာဖို့က ကြာဦးမှာဆိုတော့ အဲဒီ အချိန်မရောက်ခင် ကြိုတင် ကာကွယ်မှုတွေကို ဘယ်လိုလုပ်ဖို့ ရှိပါလဲ။

ဖြေ။ ။ ပေါ်လစီ မထွက်လာသေးခင်တော့ ပညာပေးတာတော့ လုပ်ရမယ်၊ ရုပ်မြင်သံကြားတွေ ကလည်း ဆွေးနွေး တာတွေ လုပ်မယ်၊ မီဒီယာကတဆင့် ပညာပေးတာတွေ လုပ်မယ်၊ လက်ရှိ အချက်အလက် အရတော့ တချို့ထင်နေသလို မြန်မာနိုင်ငံမှာ သတ်သေနှုန်းက မြင့်နေတာတော့ မဟုတ်ပေမယ့် ပစ်ထားလို့တော့မရဘူး၊ မြန်မာနိုင်ငံက ဗုဒ္ဓဘာသာ နိုင်ငံလည်း ဖြစ်နေတဲ့အပြင် ပတ်ဝန်းကျင်ကလည်း ဖေးမကူညီတဲ့အသိုင်းအဝိုင်းလို့ပြောလို့ရတာကြောင့် အဲဒါကိုက သတ်သေတာကို ကာကွယ်ပေးနိုင်တဲ့ အချက်တခုဖြစ်နေတယ်။

မေး။ ။ အစိုးရရဲ့ စိတ်ကျန်းမာရေး စီမံချက်အပေါ် ဆောင်ရွက်ပေးနေမှုကရော ဘယ်လို အခြေအနေရှိပါလဲ။

ဖြေ။ ။ အစဉ်အလာအရတော့ ကူးစက်ရောဂါတွေကို ဦးစားပေးပြီး ဘတ်ဂျက်က သွားနေတယ်။ မကူးစက်တတ်တဲ့ ရောဂါတွေအတွက် ဘတ်ဂျက် ကတော့ ဦးစားပေးမှု နည်းနေတယ်လို့ထင်တယ်။ ကမ္ဘာ့ကျန်းမာရေးအဖွဲ့ (WHO) ကတော့ အခုနောက်ပိုင်း စိတ်ဝင်စားလာတယ်။ လက်ရှိ ဝန်ကြီးလက်ထက်မှာတော့ ဒီကိစ္စတွေကို အရင်ကထက် စာရင် ပိုနားလည် လာတယ်လို့ ထင်တယ်။ ဒါပေမယ့် စိတ်ကျန်းမာရေး ကိစ္စကတော့ ဝန်ကြီးဌာနရဲ့ မူထဲမှာ အောက်ဆုံးအဆင့်မှာပဲ ရှိတယ်လို့ ယူဆရတယ်။

မေး။ ။ ဆောင်ရွက်ပေးမှု အားနည်းနေတော့ ဆရာတို့ဘက်ကရော ဘယ်လို ဆက်လုပ်မှာလဲ။

ဖြေ။ ။ ဒီမှာက စိတ်ရောဂါသည်တွေကို ကုသပေးရုံနဲ့တော့မရဘူး။ စိတ်ကျန်းမာရေးကို မြှင့်တင်တဲ့ လုပ်ငန်းတွေ၊ စိတ်ရောဂါ မဖြစ်အောင် ကာကွယ်မှုတွေ လုပ်ဖို့တော့ လိုအပ်တယ်။ ကာကွယ်၊ ကုသမှု၊ စောင့်ရှောက်မှု အပိုင်းအလိုက် မျှမျှတတ လုပ်ဖို့တော့ လိုတယ်။ ကျနော်တို့ ဘက်ကတော့ လိုအပ်တာတွေကို အထက်ကို တင်ပြထားတယ်၊ သူတို့တတွေ ကလည်း လုပ်ပေးလို့ ရတာတွေတော့ လုပ်ပေးနေတာတွေ ရှိပါတယ်။ အကောင်အထည်တော့ စပေါ်လာပြီလို့ ခံစားလို့ ရတယ်။

နိုင်ငံတကာမှာတော့ သတ်သေမှုနှုန်းတွေ လျော့နည်းအောင် ဆိုပြီးတော့ အရပ်ဘက် အဖွဲ့အစည်းတွေက သတ်သေမှု ကာကွယ်ဖို့ သက်သက်အဖွဲ့တွေ ဖွဲ့ထားတာတွေရှိတယ်။ သူတို့တတွေက ဖုန်းနံပါတ်တွေ ကြေညာတယ်၊ မြို့နယ်အလိုက် တာဝန်ခံတွေ ထားတယ်၊ တခုခုဖြစ်ပြီလို့ အကြောင်းကြားတာနဲ့ ချက်ချင်း ရောက်နိုင်တော့ သတ်သေမှုကို အတိုင်းအတာ တခုအထိ ကာကွယ်ပေးနိုင်တယ်။ ဒီနိုင်ငံမှာတော့ အဲဒီလိုအ ဖွဲ့အစည်းတွေမရှိသေးဘူး၊ လုပ်သင့်တယ်လို့ ယူဆတယ်၊ ကြိုဆိုတယ်။ ။

မြန်မာတပ်အချင်းချင်းမှားယွင်းတိုက်ခိုက်မှုကြောင့် ၉ ဦးထက်မနည်းသေ

သျှမ်းသံတော်ဆင့်

သျှမ်းပြည်တပ်မတော် SSPP/SSA နယ်မြေအတွင်း မြန်မာအစိုးရတပ်အချင်းချင်း မှားယွင်းပစ်ခတ်သည့်တိုက် ပွဲကြောင့် ၉ ဦးထက်မနည်းသေဆုံးပြီး ၁၀ ဦးကျော် ဒဏ်ရာရှိသည်ဟု ဆိုသည်။

“ရန်သူက ဘုန်းကြီးကျောင်းထဲမှာရှိတယ်အထင်နဲ့ ကျောင်းနားရောက်တာနဲ့ ချတော့တာဘဲ။ လားရှိုးလက် အောက်ခံ တပ်က တိုက်ဖို့ အမိန့် ရထားတာကိုး။ တကယ်တော့ ရန်သူက ကျောင်းထဲမှာ မရှိတော့ဘူး။ ဗမာ စစ်တပ်ကဘဲ ဘုန်းကြီးကျောင်းထဲမှာ ရှိနေတာ ။အလူးအလဲခံလိုက်ရတဲ့တပ်က စကခ ၁၇ လက် အောက်ခံ တပ်ရင်းကလို့ သိရတယ်။ ဒီမှားယွင်းတိုက်ပွဲက နှစ်ဘက်စလုံး ၉ ယောက်သေတယ်။ ရမခ လက်အောက်ခံဘဲ ၁၀ ယောက်ကျော်တယ် ဒဏ်ရာရတာ” - ဟု အစိုးရတပ် နှင့် နီးစပ်သည့် သျှမ်းပြည်မြောက်ပိုင်း ပြည်သူ့စစ် အရာရှိတဦးက ပြောပါတယ်။

ဇွန် ၂၅ ရက်နေ့ နံနက်က ကျေးသီးမြို့မြောက်ဘက် မိုင် ၃၀ ကျော် ၀မ့်ဝပ် ဘုန်းကြီးကျောင်း အတွင်းရှိနေသည့် ခမရ ၅၂၅ ၊ ခမရ ၅၆၉ တို့အား အရှေ့မြောက်ပိုင်းတိုင်းစစ်ဌာနချုပ် ရမခ လက်အောက်ခံ ပူးပေါင်းအင်အား တပ်ရင်း ၃ ရင်းက နံနက် ရ နာရီမှ ၉ နာရီခွဲအထိ ၀ိုင်းရံတိုက် ခိုက်ခြင်းဖြစ်သည်။

“အခုလောလောဆယ်တော့ တိုက်ပွဲမရှိတော့ဘူး။ ကားလမ်းမြောက်ဘက်ခြမ်းလာရင်တော့ ကျနော် တို့နဲ့ ထပ်ဖြစ် မှာဘဲ။ အခုသူတို့အချင်းချင်းမှားတိုက်တာကို ကျနော်တို့ တပ်စခန်းကို တက်သိမ်း သယောင်ဝါဒဖြန့်သေးတယ်။ ကျနော်တို့နဲ့ ၂၃-၂၄ ရက်က လာတိုက်တာလဲ သူတို့တအားသေတယ်။ သူတို့အချင်းချင်း မှားတိုက်တာလဲ ထပ်သေကြတယ်” – ၀မ့်ဟိုင်းမှ အရာရှိတဦးက ပြောပါသည်။

ဝမ့်ဟိုင်းအခြေစိုက် မြောက်ပိုင်း သျှမ်းပြည်တပ်မတော် SSPP/SSA နယ်မြေတွင် အစိုးရတပ်ရင်း ၂၀ ရင်းထက် မနည်း အင်အားဖြည့်လှုပ်ရှားနေသည်။

ဦးဇင်းကို ပစ်မှတ်ထားပြီးတော့ တိုက်ခိုက်တာ

ဇာနည်မာန်


အမေရိကန်အခြေစိုက် တိုင်းမ်မဂ္ဂဇင်း၏ မျက်နှာဖုံးတွင် ဗုဒ္ဓဘာသာ၏ အကြမ်းဖက်မှု မျက်နှာစာ ဟူသော စာသားနှင့် ဆရာတော်ဦးဝီရသူ၏ ပုံကို ယှဉ်တွဲ ရိုက်နှိပ်သည်နှင့် ပတ်သက်ပြီး ဗုဒ္ဓဘာသာဝင်များ၊ သံဃာတော်များအကြား ဆွေးနွေးငြင်းခုံမှုများ ဖြစ်ပေါ်ခဲ့သည်။ ထို့အတူ တိုင်းမ် မဂ္ဂဇင်း၏ ဖော်ပြမှုကို ကန့်ကွက်မှုများလည်း ရှိခဲ့သည်။ ထိုကိစ္စများနှင့်ပတ်သက်ပြီး မန္တလေးမြို့၊ မစိုးရိမ်ကျောင်းတိုက်၊ ဓမ္မသဟာယကျောင်းမှ စာချဆရာတော် ဦးဝီရသူ၏ သဘောထားအမြင်များကို ဧရာဝတီ သတင်းထောက် ဇာနည်မာန်က တွေ့ဆုံမေးမြန်းထားပါသည်။

မေး ။ ။ တိုင်းမ်မဂ္ဂဇင်းမှာ ပါလာတဲ့ ဗုဒ္ဓဘာသာရဲ့ အကြမ်းဖက်မှု မျက်နှာစာဆိုတဲ့ စာသားနဲ့ ဆရာတော်ရဲ့ပုံကို အသုံးပြုထားတဲ့ cover story နဲ့ ပတ်သက်ပြီးတော့ ဆရာတော်ရဲ့ သဘောထား ဘယ်လိုရှိပါလဲ ဘုရား။


ဖြေ ။ ။ ဦးဇင်းကို တိုက်ခိုက်တယ်လို့ပဲ ယူဆတယ်ပေါ့နော်။ ဟိုး အင်္ဂလိပ်ခေတ်တုန်းက ကနောင်ကျရင် မန္တလေး ရပြီပေါ့။ အဲ့ဒီတော့ ကနောင်လည်း လုပ်ကြံခံလိုက်ရရော မန္တလေးကို ရယူမယ်လို့ အင်္ဂလိပ်တွေက ကြွေးကြော်ကြတယ်ပေါ့။ အခုလည်း အဲ့လိုပဲ ၀ီရသူကို လုပ်ကြံလိုက်ရင် မြန်မာပြည်ကို ငါတို့ ရပြီလို့ မြန်မာပြည်ကို မွတ်စလင်နိုင်ငံ လုပ်ချင်တဲ့ အင်အားစုတွေက ကြွေးကြော်နေကြတာပေါ့။ အဲ့ဒီတော့ ဦးဇင်းကို ပစ်မှတ်ထားပြီးတော့ တိုက်ခိုက်တယ်လို့ပဲ ဦးဇင်း ယူဆတယ်။ ဗုဒ္ဓဘာသာတခုလုံးကို တိုက်ခိုက်တယ်လို့တော့ မယူဆဘူး။ ဦးဇင်းကို ဖမ်းစေချင်တယ်။ ဦးဇင်းကို သတ်ချင်တယ်။ အဲ့ဒီလိုကြောင့် ဦးဇင်းကို မျက်နှာဖုံးတပ်ပြီးတော့ ရေးတယ်လို့ ယူဆတယ်။

မေး ။ ။ ဘာကြောင့် ဆရာတော်ကိုပဲ တိုက်ခိုက်တယ်လို့ ယူဆရတာလဲ ဘုရား။

ဖြေ ။ ။ အဓိကကတော့ မွတ်စလင်တွေရဲ့ ခြေလှမ်းကို သိတဲ့သူတွေ အများကြီး ရှိတာပေါ့နော်။ အထူးသဖြင့် ရခိုင်တွေ အသိဆုံးပေါ့။ သို့သော်လည်းပဲ ဦးဇင်းလို ဖွင့်ချတဲ့သူကလည်း ဦးဇင်းတပါးပဲ ရှိတယ်ပေါ့။ ဥပမာအားဖြင့် ဦးဇင်း ဖေ့စ်ဘွတ်က မွတ်စလင်ဝဘ်ဆိုက်လို ဖြစ်နေတာပေါ့။ မွတ်စလင်တွေ မြန်မာလူမျိုးကို စော်ကားတဲ့ဟာတွေ၊ နောက် ဗုဒ္ဓဘာသာ ဗုဒ္ဓသာသနာကို ဖျက်ဆီးတဲ့ဟာတွေ၊ နောက် အဲ့ဒါတွေနဲ့ ပတ်သက်တဲ့ဟာတွေ အမြဲလိုလို ဦးဇင်းက တင်နေတော့ သူတို့ မွတ်စလင်တွေကို ဦးဇင်းက သိက္ခာချနေတယ်လို့ ယူဆကြတယ်။ နောက်တခုက မွတ်စလင်တွေက မြန်မာပြည်ကို မွတ်စလင်နိုင်ငံ ဖြစ်ဖို့အတွက် နံပါတ်တစ်က ငွေကြေးအင်အားနဲ့ အလုံးအရင်း ထောက်ပံ့နေတာတွေ ရှိတယ်။ နံပါတ် နှစ် လက်နက်အင်အားနဲ့ အပြည့်အ၀ ထောက်ပံ့နေတာ ရှိတယ်။ နံပါတ် သုံး နည်းပညာနဲ့ ထောက်ပံ့တာ ရှိတယ်။ စစ်သင်တန်းပေးတာတို့ အိုင်တီပညာတွေ သင်တန်းပေးတာမျိုးနဲ့ အပြည့်အ၀ ထောက်ပံ့နေတာမျိုးရှိတယ်။ နောက်နံပါတ် လေးက လူအင်အားနဲ့ပေါ့။ ဥပမာဆိုကြပါစို့။ အာရပ်နိုင်ငံတွေကနေ ငွေထောက်ပံ့တာတို့၊ ဘင်္ဂလားဒေ့ရ်ှကနေ လူအင်အားအနေနဲ့ လူတွေ မြန်မာပြည်ဖက် ပို့နေတာတို့မျိုးတွေပေါ့။ နံပါတ်ငါးကျတော့ အကြံဥာဏ်အရ။ ဒါကျတော့ မီဒီယာတွေလည်း ပါတာပေါ့နော်။ အဲဒါတွေကို ဦးဇင်းတို့က အကုန်လုံးမြင်နေတဲ့ အခါကျတော့ နောက်ပြီးတော့ ကမ္ဘာကြီးသိအောင်လည်း ပြောနေတဲ့အခါကျတော့ ရန်သူတော် နံပါတ် ၁ အဖြစ် သတ်မှတ်ပြီးတော့ ဦးဇင်းကို ပစ်မှတ်ထားပြီး တိုက်ခိုက်နေတာပေါ့။ တကယ်တမ်းကျတော့ တိုင်းမ် မဂ္ဂဇင်းက ဦးဇင်းကို ပစ်မှတ်ထားတိုက်ခိုက်တာမျိုးတော့ မဟုတ်ဘူးပေါ့။ ဦးဇင်းကို တိုက်ခိုက်ခိုင်းတဲ့အဖွဲ့အစည်းက တိုက်ခိုက်တာပေါ့။

မေး။ ။ ဆရာတော်ဟာ ဗုဒ္ဓဘာသာ အစွန်းရောက်ဝါဒီ၊ ဗုဒ္ဓဘာသာနဲ့ မအပ်စပ်တဲ့ အကြမ်းဖက် တရားတော်တွေကို ဟောကြားနေတဲ့သူလို့ တိုင်းမ်က ဆောင်းပါးမှာ ရေးထားတာတွေ တွေ့ရတယ်။ တချို့ကလည်း ဒီလိုပဲ ဝေဖန်ပြောကြတယ်။ အဲ့ဒါတွေက အမှန်တကယ်လားဘုရား။

ဖြေ။ ။ တိုက်ချင်တဲ့သူက ဦးဇင်းတရားဟောတာတွေ မရပ်မချင်း တိုက်နေမှာပဲ။ ဦးဇင်းအနေနဲ့က မုန်းတီးရေးတရားလည်း မဟောဘူး၊ ဆန့်ကျင်ရေးတရားလည်း မဟောဘူး။ စော်ကားတဲ့ တိုက်ခိုက်တဲ့ တရားတွေလည်း မဟောဘူး။ ဦးဇင်းလူမျိုးကို ဦးဇင်း ကာကွယ်တဲ့တရား၊ အမျိုးသား လုံခြုံရေး တရားလို့လည်း ပြောလို့ရတယ်၊ အမျိုးသားရေး တရားလို့လည်း ပြောလို့ရတယ်၊ အမျိုးသား ကာကွယ်ရေး တရားလို့လည်း ပြောလို့ရတယ်။ ဥပမာဆိုကြပါစို့ ကလေးတယောက် အနိုင်ကျင့်ခံရတယ်။ ဒီအနိုင်ကျင့်ခံရတဲ့ ကလေးက အော်မငိုရဲလောက်အောင် ကြိတ်မှိတ် ခံစားနေရမှာလား။ ဒါမှမဟုတ် ကျနော် အနိုင်ကျင့်ခံရပါတယ်ဆိုပြီးတော့ မိဘပြည်သူကို အကူညီတောင်းတာကို လူ့အခွင့်အရေး ချိုးဖောက်တယ်လို့ ဆိုမှာလား။ အဲ့လိုအကူညီတောင်းတာကို အနိုင်ကျင့်တဲ့သူနဲ့ မိဘပြည်သူကြား ရန်တိုက်ပေးနေတယ်၊ အမုန်းတရားတွေ ဖြန့်ဝေပေးနေတယ်လို့ ပြောမှာလား။ ဦးဇင်းတို့က ကိုယ်အရိုက်ခံရတာကို အရိုက်ခံရတယ်လို့ လွတ်လပ်စွာ ငိုကြွေးခွင့်ရှိတယ်။ လွတ်လပ်စွာ တိုင်ကြားခွင့်ရှိတယ်။ အဲ့ဒီအတွက် ဦးဇင်းတို့က ဒီတရားတွေဟောတယ်။

မေး ။ ။ ဒါပေမယ့် ဆရာတော် ဒီလို တရားတွေ ဟောပြီးတိုင်းမှာ အဲ့ဒီတရားတွေ ဟောတဲ့ နေရာပတ်ဝန်းကျင်မှာ အကြမ်းဖက်မှုတွေ ဖြစ်ဖြစ်လာတယ်လို့ ထောက်ပြတာတွေ ရှိတယ်။ အဲ့ဒါတွေနဲ့ ပတ်သက်ပြီးတော့ရော ဆရာတော့်အနေနဲ့ ဆင်ခြင်သုံးသပ်မိတာ ရှိပါသလား။

ဖြေ ။ ။ သုံးသပ်မိတာရှိပါတယ်။ ဦးဇင်းရောက်တဲ့ အရပ်ဒေသနဲ့ ဦးဇင်းတို့ တရားတွေ၊ စတစ်ကာတွေ ပြန့်သွားတဲ့ အရပ်မှာက အဓိကရုဏ်းမဖြစ်ဘူး။ ပြဿနာမဖြစ်ဘူး။ ဦးဇင်းဟောတာက မေလ ၁၈၊ ၁၉ မူဆယ်မှာ ဟောတာ။ ဖြစ်တာက လားရှိုးမှာ ၂၈ ရက်နေ့ကဖြစ်တာ။ မူဆယ်မှာဖြစ်လို့ ဒါက ဦးဇင်းဟောပြီးမှ ဖြစ်တာဆိုရင် ဒါက ဦးဇင်းမှာ တာဝန်ရှိတာပေါ့။ ဒါက သူတို့စွပ်စွဲတာ ဦးဇင်းက လက်ခံရမှာ။ အခုက လားရှိုးက အသွားတုန်းက ဖြတ်သွားတယ်။ ဒါပေမယ့် ကားပေါ်မှာ အိပ်ပျော်နေတော့ ဖြတ်သွားတာတောင် မသိလိုက်ဘူး။ အဲ့ဒီတော့ ဖြတ်သွားဖြတ်လာလေး လုပ်လိုက်တဲ့မြို့မှာ ဖြစ်သွားတာတော့ ကျုပ်လည်း မတတ်နိုင်ဘူးနော်။ နောက် မိတ္ထီလာပေါ့။ မိတ္ထီလာကျတော့ ခင်ဗျားကလည်း ဦးဇင်းဟောခဲ့တာက အောက်တိုဘာလ၊ ဖြစ်တာက မတ်လ။ အဲ့ဒီတော့ ဦးဇင်းတရားဟောလို့ ဖြစ်တယ်လို့ စွပ်စွဲရင် ဦးဇင်း ဘယ်လိုပြောရမလဲ။ နောက်ပြီးတော့ အကယ်လို့ ရွှေဆိုင်မှာ ပြဿနာ မဖြစ်ခဲ့ရင် ရွှေဆိုင် အဖျက်ခံရမလား။ နောက်ပြီးတော့ ဒဟတ်တန်းက မွတ်စလင်တွေက ဦးသောဘိတကို မသတ်ခဲ့ရင် မိထ္ထီလာက အခုလို ဖြစ်လာမလား။ အဲ့ဒီတော့ ဦးဇင်း တရားဟောတာက ကြာပြီ။ ၄ လတောင်ရှိသွားပြီ။ ပြီးတော့ ဖြစ်တာက ကိုယ်ဖန်တီးလို့ဖြစ်တာ မဟုတ်ဘူး၊ ဗမာဖန်တီးလို့ ဖြစ်တာ မဟုတ်ဘူး။ ဗမာအနိုင်ကျင့်ခံရလို့ ဖြစ်တာ။ အဲ့ဒါကြီးကို ဦးဇင်းအပြစ်ရှိတယ်လို့ ပြောရင်တော့ ဦးဇင်းလည်း ဘယ်လို ပြန်ပြောရမလဲ။ နောက်တခုက ဦးဇင်းဟောတာက ညီညွတ်ရေးတရားနဲ့ ငြိမ်းချမ်းရေး။ ဆန့်ကျင်ရေးတခုမှ မပါဘူး။ အမှန်ဆိုရင် ဦးဇင်းဟောလို့ ဒီလိုဖြစ်တာပါဆိုရင် ဒီတရားမှာ ဘယ်အချက် ဘယ်အချက်က ငြိစွန်းလည်းဆိုပြီး ထောက်ပြပြီး စွပ်စွဲရမှာပေါ့နော်။ အခုကျတော့ အဲ့ဒီတရားကိုကျတော့ ဖွက်ထားပြီး ဦးဇင်းဟောလို့ဖြစ်တာချည်း စွပ်စွဲရင်တော့ ဒါက အခြေအမြစ် မရှိဘူးပေါ့နော်။

မေး ။ ။ ဒါဆိုရင် အခု မြန်မာပြည်မှာ ဖြစ်နေတဲ့ ပဋိပက္ခတွေက ဆရာတော်ရဲ့ တရားနဲ့မဆိုင်ဘူး။ ပဋိပက္ခ ဖန်တီးချင်တဲ့ လူတယောက်ယောက်နဲ့ ဆိုင်တယ်လို့ ဆိုလိုချင်တာလား ဘုရား။

ဖြေ ။ ။ တယောက်ယောက်တောင် မဟုတ်ဘူး။ နှစ်ယောက်၊ နှစ်ဖက်ပေါ့။ မွတ်စလင် အဖွဲ့ကလည်း ပြဿနာ ဖန်တီးနေတာ။ အကြောင်း၂ချက်ရှိတယ်။ တစ်အချက်က မြန်မာပြည်ကို ဂျီဟတ် လုပ်ချင်နေတာ။ မိထ္ထီလာလို ပုံစံမျိုး။ ဒါမျိုးသာ နောက်တခေါက် ထပ်ဖြစ်ရင် သေချာပေါက် နိုင်ငံတကာက အစွန်းရောက်တွေက မြန်မာပြည်ကို ဂျီဟတ်ကြေညာတော့မှာ။ ဒါကြောင့် လားရှိုးကို ပြဿနာ မဖြစ်ဖြစ်အောင်ဖန်တီးတာ။ နှစ်အချက်က ဝီရသူကို ဖမ်းချင်တာ။ ဒါကြောင့်မို့လို့ ဗလီတွေကို ထိုးကျွေး၊ ဆိုင်တွေကို ထိုးကျွေး၊ အိမ်တွေ ထိုးကျွေးနေတာ။ ဒီတရားတွေဟောလို့ ဒါဖြစ်ရပါတယ်၊ မန္တလေးမှာလည်း အဓိကရုဏ်းဖြစ်ဖို့ ကောလဟာလတွေထုတ်၊ ပခုက္ကူမှာလည်း ထုတ်။ အဲ့လိုလုပ်နေတာ မွတ်စလင်တွေကလည်း တဖွဲ့၊ ဗမာတွေလည်းရှိတယ်။ ဗမာတွေဆိုတာကတော့ ဦးဇင်း လိုက်လေ့လာကြည့်တော့ သူတို့ရဲ့ နောက်ကွယ်မှာ တစုံတရာ ညွှန်ကြားမှုတော့ မရှိဘူးပေါ့။ ပြောရရင် လမ်းသူရဲလို့တောင် ပြောလို့ရတယ်။ အလုပ်မရှိ အကိုင်မရှိ လက်ကြောတင်းအောင် လုပ်ကိုင်မစားသောက်ဘဲနဲ့ သူများပစ္စည်းကို အချောင်လိုချင်နေတဲ့ လူတစုပေါ့။ သူတို့တွေက အရေးအခင်းဖြစ်ပြီဆိုရင် ပွတာပေါ့ဗျာ တောကြောင်တွေပေါ့။ အဲ့ဒီပုဂ္ဂိုလ်တွေကလည်း ကောလဟလတွေထုတ်လွှင့်ပြီးတော့ ပြဿနာတွေ လိုက်ဖန်တီးနေတာပေါ့။ အဲ့လိုပုဂ္ဂိုလ်မျိုးတွေကို အနယ်နယ်အရပ်ရပ်မှာ တွေ့တယ်၊ အဲ့ဒါက ဦးဇင်းတရားနဲ့မဆိုင်ဘူး။ အဲ့ဒီအုပ်စုနှစ်စုနဲ့ပဲ ဆိုင်တယ်။

မေး ။ ။ ဆရာတော်မိန့်တဲ့ တရားတော်တော်များများမှာ မွတ်စလင်ဘာသာကိုပဲ ဦးတည်နေတော့ လူ့အခွင့်အရေးသမားတွေက ထောက်ပြကြတယ်။ လူနည်းစုဖြစ်နေတဲ့ ဘာသာကို ဦးတည်ထားတယ်ပေါ့။ မြန်မာနိုင်ငံမှာ ဗုဒ္ဓဘာသာအပြင် တခြားဘာသာတွေလည်းရှိနေတဲ့အထဲကမှ ဘာကြောင့် ဒီဘာသာကိုပဲ ဦးတည်ပြီး တရားတွေ ဟောနေရတာလဲ ဘုရား။

ဖြေ ။ ။ နံပါတ်တစ်ကတော့ မျက်စိဖွင့်နားဖွင့်ထားတဲ့ ဘာသာနဲ့လူမျိုးက အန္တရာယ်မကြီးဘူး။ ဦးဇင်းတို့ သူတို့အားလုံးနဲ့ ပေါင်းလို့ရတယ်။ ဥပမာ ခရစ်ယာန်၊ သူတို့တွေက တိုင်းရင်းသား ညီအစ်ကို မောင်နှမတွေပဲ။ မျက်စိဖွင့်နား ဖွင့်ထားတဲ့အတွက် သူတို့က အယူမသည်းဘူး၊ အစွန်းမရောက်ဘူး။ အဲ့ဒီတော့ ဦးဇင်းတို့က ခရစ်ယာန်ကို ဘာလို့ဦးတည်မလဲ။ နောက်တခုက ဟိန္ဒူ။ သူ့ဟာသူ အေးအေးဆေးဆေးနေတာ။ သူတို့ အမျိုးသားတွေကလည်း တခြားဘာသာနဲ့ အိမ်ထောင်မပြုကြဘူး။ သူတို့ အမျိုးသမီးတွေကလည်း တခြားဘာသာနဲ့ ယူထားတာ မရှိဘူး။ အတော့်ကို ရှားပါးတယ်။ သူ့ဘာသာသူ အေးအေးနေတဲ့လူမျိုးကို ကျုပ်က ဘာလို့ပြောမလဲ။ အခုဟာက ငပွကြီးဒဏ်ကို ခံနေရလို့ ကမ္ဘာကို ကျုပ်တို့က အကူအညီ တောင်းနေရတာ။

မေး ။ ။ အမျိုးစောင့် ဥပဒေမူကြမ်း တင်သွင်းတာနဲ့ ပတ်သက်ပြီး ဒါက လွတ်လပ်စွာ ကိုးကွယ်ယုံကြည်ခွင့်ကို ချိုးဖောက်တာလို့ ဝေဖန်ကြတာတွေရှိတယ်။ လူ့အခွင့်အရေးနဲ့ ပတ်သက်ပြီးတော့ လူ့အခွင့်အရေး လှုပ်ရှားသူတွေကလည်း ထောက်ပြနေကြတယ်။ ဒါက အငြင်းပွားစရာ ဖြစ်မနေဘူးလားဘုရား။

ဖြေ ။ ။ ဒါကတော့ သူတို့တွေက ဒီမူကြမ်းကြီးကို ကိုင်ပြီး ပြောရတာဆိုတော့ ပြောစရာဖြစ်သွားတာပေါ့။ တကယ်တမ်းကျတော့ အဲ့ဒီမူကြမ်းကြီးက လွှတ်တော်ထဲကို သွားမယ့်မူကြမ်းမဟုတ်ဘူး။ လွှတ်တော်ထဲကို သွားမယ့်မူကြမ်းက ၂၇ ရက်နေ့မှ ထုတ်ပြန်မှာ။ အဲ့ဒါက အရေးပေါ်လို့ ရေးထားတဲ့အတိုင်းပဲ ပြည်သူလူထုကို ချပြပြီးတော့ သဘောထား ကောက်ခံတဲ့ ပုံစံချထားတာလေ။ နောက်ပြီးတော့ ဦးဇင်းတို့တွေက အမျိုးသမီး အခွင့်အရေးကို ချိုးဖောက်တာမဟုတ်ဘူး။ အမျိုးသမီးအခွင့်အရေး ချိုးဖောက်တာကို မကျေနပ်လို့ ကာကွယ်တာ။ ဦးဇင်းတို့က လူ့အခွင့်အရေး ချိုးဖောက်တာ မဟုတ်ဘူး။ လွတ်လပ်စွာ ကိုးကွယ်ခွင့်ကို အိမ်ရှင်ဖြစ်ပါလျက်နဲ့ ပက်ပက်စက်စက်ကြီး ချိုးဖောက်ခံနေရလို့ ကာကွယ်နေတာ။ အဲ့ဒီတော့ ဦးဇင်းတို့သည် လူ့အခွင့်အရေးကို အပြည့်အ၀ လိုက်နာမယ်။

အမျိုးသမီး အခွင့်အရေးကို အပြည့်အ၀ ရစေချင်တယ်။ မွတ်စလင်နဲ့ ညားတဲ့ ခရစ်ယာန် အမျိုးသမီးတွေ၊ ဗုဒ္ဓဘာသာ အမျိုးသမီးတွေ အိမ်ရှင်မ အခွင့်အရေး အပြည့်အ၀ရလား၊ အမျိုးသမီးအခွင့်အရေး အပြည့်အ၀ရလား၊ လူ့အခွင့်အရေး အပြည့်အ၀ရလား။ သူတို့တတွေ စစ်သုံ့ပန်းလို နေနေရတဲ့ဘ၀ကို ဦးဇင်းတို့က ကယ်ချင်တာ။ နောက်နောင် ဒီစစ်သုံ့ပန်းလို နေရမယ့်ဘ၀မျိုးကို နောင်လာမယ့်မျိုးဆက်သစ် အမျိုးသမီးတွေ ဒုက္ခမရောက်စေချင်ဘူး။ ဒီဆန္ဒတွေနဲ့ ဦးဇင်းတို့က လုပ်နေတာကို လူထုထဲကို ဆင်းမကြည့်ဘဲနဲ့ ရမ်းပြီး ကန့်ကွက်နေတာကိုတော့ မတရားဘူးလို့ ပြောချင်တာပဲ။

မေး ။ ။ ဒါဖြင့် အရင်ရှိပြီးသား မြန်မာအမျိုးသမီးများ လက်ထပ်ထိမ်းမြားခြင်း ဥပဒေက အမျိုးသမီးတွေကို မကာကွယ်ပေးနိုင်လို့လား။

ဖြေ ။ ။ အမျိုးသမီး အခွင့်အရေးတွေတင် မကဘူး ဘာသာတရား အခွင့်အရေးလည်း မကာကွယ်ပေးနိုင်ဘူး၊ အမျိုးသား လုံခြုံရေးနဲ့ပတ်သက်လို့ ဘာဥပဒေမှ သတ်သတ်မှတ်မှတ် မရှိဘူး။ သူများနိုင်ငံမှာ၊ သူများလူမျိုးမှာ သူများဘာသာ သတ်သတ်မှတ်မှတ် ဥပဒေရှိတယ်။ ခြံစည်းရိုး ရှိတယ်။ ကျုပ်တို့နိုင်ငံ၊ ကျုပ်တို့လူမျိုး၊ ကျုပ်တို့ဘာသာမှာ ဘာခြံစည်းရိုးမှ မရှိလို့ တောရိုင်းမျိုးစုံ ၀င်ပြီး နှောင့်ယှက်ခံရသလို ဖြစ်နေတယ်။

မေး ။ ။ ဆရာတော် ဟောပြောနေတဲ့ တရားတော်တွေနဲ့ ဒီမျိုးစောင့်ဥပဒေဆိုတာကို တင်ပြတာတွေက ဗုဒ္ဓတရားတော်တွေနဲ့ ကိုက်ညီပါရဲ့လား ဘုရား။

ဖြေ ။ ။ ကုလ၀ံသော စိရန္တသတ္တိဆိုတာ ဘုရားဟောထားတယ်လေ။ အမျိုးစောင့်ရမယ်တဲ့။ ခင်ဗျားတို့လည်း ငယ်ငယ်က သင်ခဲ့ရတယ်မှတ်လား။ စောင့်လေမျိုးနွယ်ဆိုတာ ပါတယ်မဟုတ်လား။ အဲ့ဒါ ဘုရား တရားဟောထားတာတွေ။ အမျိုးစောင့်ဖို့ဟောတာကို ဘုရားရဲ့တရားနဲ့ မညီဘူးလို့ ပြောလို့မရဘူး။ ဒါက ဘုရားတရားနဲ့အညီကို ရေးတာ ဥပဒေကိုက။ နောက် ဦးဇင်းဟောတဲ့တရားက ဇာတ်တော်၊ ၀တ္တု၊ သုတ္တန် ဒီသုံးခု မလွတ်စေရဘူး။ ပထမ အဲ့ဒီ ၃ ခုကို တခုခု မူတည်ဟောပြီးမှ ဒုတိယ အဲ့ဒီ ၃ခုနဲ့ သင့်တော်တဲ့ အကျုံးဝင်တဲ့ အခုခေတ် မျက်မှောက် အဖြစ်အပျက်တွေကို ဦးဇင်းက ဖော်ပြတယ်။

မေး ။ ။ ဆရာတော်ကတော့ ၉၆၉ ဆိုတာကို ဘုရားဂုဏ်တော်၊ တရားဂုဏ်တော်တွေဆိုပြီး ပြောတယ်။ ဒါပေမယ့် တချို့ကိစ္စတွေမှာ ဒါကို အသုံးချပြီး အကြမ်းဖက်မှုတွေဖြစ်လာတော့ ၉၆၉ ဆိုတာ ဗုဒ္ဒဘာသာတွေက အကြမ်းဖက်ဖို့ လုပ်တာဆိုပြီး ဖြစ်လာတယ်လို့ ပြောကြတယ်။ အဲ့ဒီအပေါ်ကိုရော ဆရာတော့်သဘောထားက ဘယ်လိုရှိပါသလဲ။

ဖြေ ။ ။ ဒါမျိုး ရှိနိုင်ပါတယ်။ အဲ့ဒါကြောင့် မှော်ဘီ သံဃာ့ညီလာခံဆိုပြီး ကျင်းပခဲ့ရတာလေ။ အဲ့ဒီမှာ သတင်းထုတ်ပြန်တယ်၊ ကြေညာတယ်၊ ဆုံးဖြတ်ချက်ချတယ်။ အဲ့ဒါက ဘာလဲဆိုရင် ဒီငြိမ်းချမ်းရေး သင်္ကေတဖြစ်တဲ့ ဒီရတနာ သုံးပါးရဲ့ ဂုဏ်တော်တွေကို သတ်မှတ်ထားတဲ့ ၉၆၉ ပေါ့နော်။ အဲ့ဒါကို မလိုအပ်တဲ့ နေရာတွေမှာ အသုံးမပြုဖို့၊ အခုလိုပေါ့ အကြမ်းဖက်မှုတွေမှာ အသုံးမပြုဖို့၊ ပြီးတော့ သာသနာ ညိုးနွမ်းစေတဲ့နေရာတွေမှာ အသုံးမပြုဖို့ ဦးဇင်းတို့က ထုတ်ပြန်ထားတာ။ လူတစုက အဲ့ဒီလိုလုပ်သွားတာနဲ့ ၉၆၉ ကြီးတခုလုံးကို အကြမ်းဖက် အဖွဲ့အစည်းလို့တော့ ပြောလို့တော့ မရဘူးပေါ့ဗျာ။ ဘာသာမတူ လူမျိုးမတူတွေကို သတ်ပစ်မယ်ဆိုပြီး အဲ့လိုမျိုးကြီး ပါလာရင်တော့ပြောပေါ့။ ၉၆၉ မူဝါဒကိုက အဲ့ဒါတွေ မပါဘူး။ အကြမ်းမဖက်ဖို့၊ ကိုယ်က အကြမ်းဖက်ဖို့နေနေသာသာ ကိုယ့်ကို အကြမ်းဖက်လာရင်တောင် အကြမ်းမဖက်တဲ့နည်းနဲ့ပဲ တုံ့ပြန်ဖို့၊ ဥပဒေဘောင်ထဲကပဲ တုံ့ပြန်ဖို့ ဦးဇင်းတို့က မူဝါဒချထားတာ။ အဲ့ဒါကို အကြမ်းဖက်တယ်လို့ ပြောတာက လုံးဝကို ယုတ္တိမရှိဘူးပေါ့။

မေး ။ ။ တိုင်းမ်မဂ္ဂဇင်းနဲ့ ပတ်သက်ပြီးတော့ဒါက ဆရာတော်ကို ထိခိုက်တယ် သာသနာကိုလည်း ထိခိုက်တယ်လို့ ဆိုတာတွေရှိတော့ ဆရာတော်အနေနဲ့က ဒီအတွက် တုံ့ပြန်တာတွေ လုပ်မှာလား။

ဖြေ ။ ။ အစတုန်းကတော့ အစီစဉ်ဆွဲတာပေါ့။ ဒီမှာလာပြီး အင်တာဗျူးထားတာကို အင်တာနက်မှာတင်မယ်ပေါ့။ နောက်တခုက လာဗျူးသွားတဲ့ သတင်းထောက်မှာ ဟန်နာဘိခ်ျကို အိတ်ဖွင့်ပေးစာရေးမယ်ပေါ့။ ပြီးရင် အားလုံးကို ထုတ်ပြမယ်ပေါ့။ ဒါပေမယ့် ဦးဇင်းတို့အနေနဲ့က တရားစွဲတာ ဓားဆွဲတာတွေ မဖြစ်ချင်ဘူး။ သူလုပ်တာကတော့ တရားစွဲသင့်တဲ့ အချက်လက်တွေအများကြီး ပါတာပေါ့နော်။ တနိုင်ငံလုံး၊ တသာသနာလုံး စော်ကားတဲ့ပုံသဏ္ဍာန်မျိုး ဖြစ်သွားတာကိုး။ ဒါပေမယ့် ဦးဇင်းတို့တွေက ဒါက သာသနာကို စော်ကားတာ မဟုတ်ဘူး။ ဒါက ၀ီရသူကိုပဲ တိုက်ခိုက်တာ။ ဆိုတော့ ဦးဇင်းက ပုဂ္ဂိုလ်ရေးရာမှာ ဘယ်လိုလူမျိုး၊ ဘယ်လိုဘာသာပဲဖြစ်ဖြစ် သည်းခံမယ်။ ဒါပေမယ့် ဘာသာ၊ သာသနာနဲ့ လူမျိုးကို ထိပါးလာရင်တော့ ဘယ်လိုလူမျိုး ဘယ်လိုဘာသာဝင်ကိုမှ သည်းမခံနိုင်ဘူးဆိုတဲ့ ခံယူချက်က ဦးဇင်း ငယ်ငယ်လေးကတည်းက ရှိတာ။ ဒါကြောင့်လည်း အခုက ပုဂ္ဂိုလ်ရေးရာ တိုက်ခိုက်တာလို့ပဲ သဘောထားလိုက်ပြီးတော့ ကျုပ်က တရားစွဲတာ ဓားဆွဲတာတွေ မလုပ်ချင်ဘူး။ ။

ရန်ကုန်က ထွန်းသစ်စ ကော်ဖီယဉ်ကျေးမှု

ဆိုင်မွန်ရောက္ကနီး

လေညင်းက သစ်သားကြမ်းခင်းကြမ်းပြင် အပြင်ဖက်က ကန်ရေပြင်ကို လှိုင်းဂယက်ငယ်လေးတွေ ထသွားစေသည်။ သစ်ပင်တွေနှင့် အနားသတ်ထားသည့် ရေစပ်မှာ ထီးကလေးတွေ နှင့်ကွယ်ထားကြသည့် စုံတွဲတွေရှိသည်။ ကန်စပ်မှာ အေးအေးလူလူ လမ်း လျှောက်နေကြသည့် မိသားစုတွေက သစ်ပင်တွေအောက်မှာ ဓါတ်ပုံရိုက်နေကြသည်။

ကန်တော်ကြီးသည် ရန်ကုန်မှာ ခဏတာ အချိန်ဖြုန်းဖို့ကောင်းသည့် နေရာတွေထဲက တခုဖြစ်သည်။ Nervin’s Café and Bistro ကော်ဖီဆိုင်က ရေပြင်၏ အထက် ဆယ်ပေအထက်မှာ ရှိပြီး သစ်သားတိုင်တွေနှင့် ပင်စည်ဖြတ်ပိုင်းတွေ ပေါင်းစပ်၍ တန်ဆာဆင် ထားသည်။ ငွေကြေးတတ်နိုင်ပုံရသည့် မြန်မာများနှင့် Laptop စွဲနေသည့် အနောက်တိုင်းသားများက ကော်ဖီ အမျိုးမျိုးနှင့် ဖျော်ရည်တွေကို တငုံချင်း သောက်နေကြ၏။

ဒီမှာက မြင်နေကျ မြို့လယ်ကော်ဖီဆိုင်တွေနှင့် စာလျှင် ပို၍ အေးဆေးသည်။ ရန်ကုန်၏ လက်တဆုပ်စာနေရာများထဲတွင် ခရင်မ်ပါသည့် ကော်ဖီတခွက်ကို ရနိုင်သည့် နေရာလည်းဖြစ်သည်။ ၂၀၁၀ ခုနှစ် ကန်တော်ကြီးမှာ ဗုံးပေါက်ကွဲမှုဖြစ်ခဲ့စဉ်က လူ ၂၄ ဦးသေဆုံးပြီး အများအပြား ဒဏ်ရာရခဲ့သည်ကို အမှတ်တရအနေဖြင့် စားပွဲပေါ်မှာခင်းသည့် အ၀တ်စတွင် “ကော်ဖီစေ့က ဗုံးထက် ပို၍ စွမ်းအားကြီးသည်” ဟု ရေးထား၏။

မြန်မာစီးပွားရေး လုပ်ငန်းရှင်တယောက်ဖြစ်သူ ကိုချမ်းငြိမ်းဟော့က ဒီနေရာသည် အားလပ်ရပ်တွင် သူငယ်ချင်းများနှင့် တွေ့ ဆုံဖို့ ကောင်းသည့်နေရာဖြစ်သည်ဟု ဆိုသည်။ “ကျနော်တို့ ဒီမှာလာပြီး အပန်းဖြေကြတယ်၊ နောက်ပြီး ကော်ဖီကလည်း ကောင်းတယ်လေ” ဟု ဆိုင်၏ အစွန်ဖက်တွင် ထိုင်နေသည့် သူငယ်ချင်းငါးယောက်ကို ညွှန်ပြရင်းပြောသည်။

ကော်ဖီသည် တိုးထွက်လာခါစ မြန်မာ့စီးပွားရေးဈေးကွက်တွင် ဆွဲဆောင်မှု အားကောင်းသည့် လမ်းကြောင်းတခု ဖြစ်လာသည်။ ကမ္ဘာမှာ အကြီးဆုံးကော်ဖီဆိုင်လုပ်ငန်းကြီး ဖြစ်သည့် Starbucks ကလည်း ၀င်လာဖို့ခြေလှမ်းပြင်နေသည်။ Starbucks ၏ အမှုဆောင်အရာရှိချုပ် Howard Schultz က မြန်မာနိုင်ငံတွင်ဆိုင်ဖွင့်ရန် မျှော်လင့်ကြောင်း၊ လာမည့်နှစ် အနည်းငယ်အတွင်းတွင် ဖြစ်လာနိုင်ကြောင်း ဘန်ကောက်မြို့တွင် မေလ ၁၃ ရက်နေ့က ပြောကြားလိုက်သည်။ လတ် တလောတွင် အိန္ဒိယနှင့် ဗီယက်နမ်တွင် Starbucks ဆိုင်ခွဲများ ဖွင့်လှစ်နေပြီဖြစ်သည်။

“ကော်ဖီက မြန်မာနိုင်ငံမှာ ခေတ်စားလာနေပါတယ်” ဟု ရန်ကုန်၏ အထင်ကရ ဟိုတယ်ကြီးများ အနီး စည်ကားသည့် လမ်းဘေးတနေရာတွင် ဖွင့်လှစ်ထားသော Santino Cafe’ ၏ မန်နေဂျာ ကိုမြင့်လင်းအောင် က ပြောသည်။

“လာမယ့် နှစ်တွေမှာပိုပြီး ရေပန်းစားလာဦးမယ်လို့လည်း ထင်ပါတယ်” ဟု သူကထပ်ပြောသည်။ လာမည့်နှစ်တွင် ရန်ကုန် မြို့လည်၌ နောက်ထပ်ကော်ဖီဆိုင် တဆိုင်ထပ်ဖွင့်နိုင်မည်ဟုလည်း အကောင်းဖက်မှ သူက ရှုမြင်သည်။

အချိန်အနည်းငယ် ယူကောင်း ယူရပါဦးမည်ဖြစ်သော်လည်း “ကော်ဖီယဉ်ကျေးမှု” က စစ်အာဏာရှင်ချုပ်ကိုင်မှု နှင့် အနောက်အုပ်စု၏ ဒဏ်ခတ်ပိတ်ဆို့မှုများမှ လွတ်မြောက်လာသည့် စီးပွားရေးနှင့်အတူ မြန်မာနိုင်ငံမှာ နေရာယူစပြုလာပြီဖြစ်သည်။

Starbucks ထက် အရင်ရောက်လာသူမှာ ကနေဒါနိုင်ငံသား Emmanuel Jaquet ဖြစ်သည်။ ယခုအခါ ရန်ကုန်တွင်နေထိုင် သော Jaquet သည် သြစတြေးလျတွင် ၁၄ နှစ်ကြာနေခဲ့ဖူးပြီး ကော်ဖီဝါသနာအိုးတဦး အဖြစ် အများကိုကြေညာထားသူ လည်း ဖြစ်သည်။

“ဆစ်ဒနီ ကိုပြန်သွားတဲ့အခါ ကျနော်က Starbuck နဲ့ တခြားနေရာတွေကိုကျော်ပြီး ကော်ဖီကောင်းတယ်လို့ ကျနော် သိတဲ့ တနေရာကို သွားနေတဲ့ လူတယောက်ဖြစ်နေတယ်” ဟု သူကဆိုသည်။

သူ၏ Coffee Club သက်တမ်းက ရက်သတ္တသုံးပတ်သာ ရှိသေးသည်။ လျှပ်စစ် ပစ္စည်းဆိုင်တဆိုင်၏ အပေါ်ထပ်မှာ ဖွင့်လှစ်ထားသော ဆိုင်လေးသည် ရန်ကုန်မြို့လယ်က ဆူးလေစေတီ နှင့် တမိုင်အကွာလောက်တွင်ရှိပြီး တိုးတက်စပြု နေပြီဖြစ်သည်။ “လမ်းထက် ပိုပြီးမြင့်နေတာ သိပ်ကောင်းတဲ့ စိတ်ကူးတော့ မဟုတ်ပါဘူး။ ဒါပေမယ့် ကျနော်တို့ အပြင် ဖက်မှာ တခုခု လုပ်ပါမယ်။ မိုးရာသီ လွန်သွားတဲ့အခါ လေသာဆောင်က အဆင်သင့် ဖြစ်နေမယ် လို့တော့ မျှော်လင့်မိ ပါတယ်” ဟုပြောပြသည်။

“နေ့လည်စာ စားချိန်ဆိုရင် ဒီမှာ လူတွေပြည့်ကြပ်နေတာပဲ။ ဒီနားတ၀ိုက်မှာက ရုံးတွေနဲ့ သံရုံးတွေလဲ ရှိတယ်လေ၊ အနောက်တိုင်းသားတွေရော၊ ပိုက်ဆံရှိတဲ့မြန်မာတွေ၊ နိုင်ငံခြားမှာ နေဖူးတဲ့မြန်မာတွေ လာကြတယ်။ နောက်ပြီး သူတို့က ဒီရောက်တာနဲ့ အင်တာနက်သုံးကြတော့တာပဲ” ဟု သူကဆက်ပြောသည်။

“စနေ၊ တနင်္ဂနွေ နေ့တွေဆိုရင်တော့ အလုပ်များတယ်။ လူတွေက ၀င်လာကြတယ်။ ကော်ဖီနဲ့ အသားညှပ်ပေါင်မုန့် စား ပြီးတော့ ခပ်မြန်မြန် ပြန်ထွက်သွားတတ်ကြတယ်” ဟု Jaquet ကရှင်းပြသည်။

အမြဲပိတ်ထားသော သမိုင်းဝင် တော်လှန်ရေးပန်းခြံအနီးရှိ Coffee Circles သည် ရန်ကုန်မှ လူသိများသည့် ကော်ဖီဆိုင်တွေထဲက တခုဖြစ်သည်။ အရှေ့ဖက်မှာ မှန်တွေ အပြည့်ကာထားသည့် ဆိုင်သည် Savoy Hotel နှင့် ခဲတပစ် အကွာခန့်မှာ ရှိနေသည်။ ထိုဆိုင်တွင် အနောက်တိုင်းဝတ်စုံ ပြည့်ဝတ်ထားသည့် နိုင်ငံခြားသားများ အချင်းချင်း စီးပွားရေးအလားအလာများအကြောင်း သို့မဟုတ် NGO လုပ်ငန်းအခွင့်အလမ်းတွေအကြောင်း ပြောဆို ဆွေးနွေးနေကြသည်များနှင့် ငွေသုံးစွဲနိုင်သော မြန်မာများကို မြင်ရမည်ဖြစ်သည်။

ဧည့်သည်များ အနေဖြင့်မူ သွားလာစရာကော်ဖီဆိုင် ရှားပါးသည်ကို မြန်မာနိုင်ငံ၏ အိမ်နီးချင်း ထိုင်းနိုင်ငံနှင့် နှိုင်းယှဉ် ကြည့်နိုင်သည်။ ကွဲပြားခြားနားမှုကို ရန်ကုန်သို့ ပထမဆုံးရောက်လာသည့် ထိုင်းအမျိုးသမီး Ming Patananut က ပြောပြသည်။

“ကျမ ဘန်ကောက်မှာဆို Starbucks ကို သွားတယ်၊ Coffee World ကို သွားတယ်။ ဒါပေမယ့် ဒီက ကော်ဖီလည်း ကောင်းပါတယ်” ဟု Coffee Circles တွင် နေ့လည်စာ ကော်ဖီကို သောက်ရင်း ပြောသည်။

ထိုင်းနိုင်ငံ၏ စီးပွားရေးသည် အမေရိကန်ဒေါ်လာ ၆၄၆ ဘီလီယံရှိပြီး ကမ္ဘာတွင် အမှတ်စဉ် ၂၅ ၌ရှိသည်။ ပြည်တွင်း အသားတင်ထုတ်ကုန်တန်ဖိုး (GDP) မှာ လူတဦးချင်းလျှင် အမေရိကန်ဒေါ်လာ ၁၀၀၀၀ ဖြစ်သည်။ မြန်မာနိုင်ငံ၏ GDP မှာ ၉၀ ဘီလီယံသာရှိပြီး ပျမ်းမျှ တဦးချင်းတနှစ်ဝင်ငွေမှာ အမေရိကန်ဒေါ်လာ ၁၄၀၀ သာရှိသည်။ မြန်မာနိုင်ငံ၏ ၀င်ငွေကို ၎င်းမှီခိုအားထားနေရသော သဘာဝသယံဇာတများ ရောင်းချရခြင်းဖြင့် ခန့်မှန်းတွက်ချက်ထား ခြင်းဖြစ်ပြီး ယင်းဝင်ငွေ၏ အကျိုးအမြတ်များကို စိုက်ပျိုးရေးလုပ်ငန်းကို အဓိကလုပ်ကိုင်နေရသည့် ပြည်သူ သန်းပေါင်းများစွာတို့ ခံစားရခြင်းလည်း မရှိပေ။ ထို့ကြောင့် မြန်မာနိုင်ငံသားများသည် ၎င်းတို့၏ အိမ်နီးချင်း ထိုင်းနိုင်ငံသားများလောက် ကော်ဖီအတွက် ငွေကြေးသုံးစွဲ ခြင်းမပြုနိုင်ဟု ဆိုနိုင်ပါသည်။

သို့သော်လည်း ထိုအချက်သည် အချိန်နှင့်အမျှ အပြောင်းအလဲတွေ ရှိနိုင်သည်။ မြန်မာနိုင်ငံတွင် မူဝါဒ ပွင့်လင်းမှုတွေ ဆက်လက်တည်ရှိနေပြီး မြန်မာတို့၏ လူနေမှု အဆင့်အတန်း မြင့်မားလာလျှင် ပြောင်းလဲသွားနိုင်သည်။ စာရင်းစာရွက် တွေ တပုံတပင်ရှိနေသည့် စားပွဲမှာ ထိုင်နေသော Santino Café မှ ကိုမြင့်လင်းအောင်က သူ၏ ဆိုင်သို့လာရောက် သူများ၏ ၇၅ ရာခိုင်နှုန်းသည် နိုင်ငံခြားသားများ ဖြစ်သော်လည်း မကြာတော့သောအချိန်တွင် အခြားပုံစံဖြစ်သွားနိုင် ကြောင်းပြောသည်။

မြန်မာနိုင်ငံ၏ ပြုပြင်ပြောင်းလဲရေးသည် သူ၏လုပ်ငန်းတိုးတက်လာစေရန် အထောက်အကူဖြစ်စေသည်ဟု သူက ဆိုသည်။ “၂၀၁၀ လောက်ကစပြီး နိုင်ငံခြားသားတွေပို ရောက်လာတယ်၊ ကမ္ဘာလှည့်ခရီးသည်တွေရော၊ ဒီမှာ လာအလုပ် လုပ်ကြတဲ့သူတွေရောပေါ့။ သူတို့က ကော်ဖီသောက်ဖို့၊ ၀ိုင်ဖိုင်နဲ့ အင်တာနက်သုံးဖို့ လာကြတယ်၊ ပြုပြင်ပြောင်းလဲ ရေးတွေ ဆက်လုပ်သွားမယ် ဆိုရင် မြန်မာတွေလည်း ပိုရောက်လာကြမယ်လို့ မျှော်လင့်ပါတယ်” ဟုလည်းပြောသည်။

နိုင်ငံခြားသားဖောက်သည်များကို ဆွဲဆောင်နိုင်ရန်အတွက် Espresso၊ Mocha ကဲ့သို့ ကော်ဖီများသာမက စားစရာများ လည်း လိုအပ်သည်ဟု ကိုမြင့်လင်းအောင်က ဆိုသည်။

“၀ိုင်ဖိုင်ကလည်း အရေးကြီးတယ်၊ တကယ်လို့ ကွန်နက်ရှင် မကောင်းဘူးဆိုရင် ဧည့်သည်က မင်းဝိုင်ဖိုင်က နှေးတယ်၊ ကွန်နက်ရှင်ကျသွားပြီ ပြောလာရော၊ တကယ်လို့ ၀ိုင်ဖိုင် အလကားလွှင့်မပေးနိုင်ဘူး ဆိုရင် အရောင်းအ၀ယ်က မကောင်း တော့ဘူး၊ ကျနော်ကတော့ ဒီမှာ ၀ိုင်ဖိုင် အကြာကြီးထိုင်သုံးနေလည်း စိတ်ထဲဘယ်လိုမှ သဘောမထားပါဘူး”
မြန်မာတွေက ကော်ဖီပြင်းပြင်း မကြိုက်ဘူး

Santino ကော်ဖီဆိုင်နှင့် ခပ်လှမ်းလှမ်းတနေရာ ဗိုလ်ချုပ်အောင်ဆန်းဈေး၏ အနောက်ဖက် ရန်ကုန်မြို့ပတ်ရထားလမ်း ကုန်းကျော်တံတား အနီးတွင် ကိုကြည်လွင် လက်ဘက်ရည်ဆိုင်ဖွင့်ခဲ့သည်မှာ ၁၇ နှစ်ရှိပြီဖြစ်သည်။ သစ်သားစားပွဲငယ်များ နှင့် ပလပ်စတစ် ခုံပုလေးများပေါ်တွင်ထိုင်ရင်း လွတ်လွတ်လပ် လက်ဘက်ရည် သောက်နိုင်ကြသည်။ ဆေးလိပ်ဖွာနိုင်ကြသည်။ သို့ မဟုတ် ဘီယာမော့ နိုင်ကြသေးသည်။

“မြန်မာတွေက ကော်ဖီပြင်းပြင်းတွေ မကြိုက်ကြဘူး” ဟု ရန်ကုန်က ဆိုင်အချို့တွင်ရောင်းချသော အာရေဘီကာ ကော်ဖီ များကို ရည်ညွှန်း၍ ကိုကြည်လွင်က ပြောသည်။ သူက ဆက်၍ “ လူတိုင်း လက်ဘက်ရည်ကြိုက်ကြတယ်လို့ ကျနော် ထင်တယ်၊ ကော်ဖီဆိုရင်တော့ အရသာပျော့တဲ့ ကော်ဖီထုပ်တွေကို ကြိုက်ကြတယ်” ဟုပြောသည်။

သူဆိုလိုသည်မှာ three in one ဟုခေါ်သည့် အိတ်သွင်းကော်ဖီထုပ်လေးများဖြစ်သည်။ ကြာရှည်ခံအောင် ပြုလုပ်ထား သည့် ကော်ဖီမှုန့်၊ နို့မှုန့် နှင့် သကြားအနည်းငယ်ကို ပလပ်စတစ် အိတ်ခွံအတွင်း ထည့်သွင်း ၍ အဆင်သင့် သောက်သုံး နိုင်ရန် ပြုလုပ်ပေးထားသည်။ ကော်ဖီအစစ်၏ အရသာနှင့် ကော်ဖီမစ်၏ အရသာက ကွာခြားသလို ဈေးနှုန်းကလည်း ကွာခြားသောကြောင့် မြန်မာအများစု တတ်နိုင်သည့် အနေအထားရှိ ကော်ဖီမစ်ကို တွင်တွင်ကျယ်ကျယ် သောက်သုံးကြသည်။

ကိုကြည်လွင်က မြန်မာများသည် ကော်ဖီကို အရသာခံပြီးမသောက်ကြဟု ယုံကြည်သော်လည်း ကနေဒါနိုင်ငံသား Jaquet ကတော့ ထိုအချက်က မသေချာဟု ဆိုသည်။

“တမနက် ကျနော် ဒီကို တက္ကဆီစီးလာတယ်။ ဆိုင်ရှေ့ရောက်တော့ ကားခပေးရင်း အထဲဝင်ပြီး ကော်ဖီသောက်ပါဦး လို့ပြောတော့ လိုက်လာပြီး Cappuccino သောက်တယ်။ သူတခါမှ ဒီလိုမျိုးကော်ဖီ မသောက်ဖူးဘူးလို့ ပြောတယ်။ ဒါပေမယ့် အရသာရှိတယ်လို့ ပြောသွားတယ်” ဟု Jaquet ကပြောသည်။

ကော်ဖီဆိုင် အသစ်တွေထဲက နောက်ဆုံးဖြစ်သည့် ဖွင့်လှစ်သည်မှာ တပတ်သာကြာသေးသည့် Bar Boon အမည်ရှိသည့် ဆိုင်သည် FMI ဈေးဝယ်စန်တာအသစ်၏ မြေညီထပ်တွင်ရှိသည်။ အမည်မပြောပြသော ဆိုင်မန်နေဂျာက သူ့ဆိုင်ကို လာ ရောက်ကြသူများ၏ ၉၀ ရာခိုင်နှုန်းသည် ဒေသခံ မြန်မာများဖြစ်သည်ဟု ဆိုသည်။

“အံသြစရာပါ၊ နောက်ပြီး အားတက်စရာလည်း ကောင်းပါတယ်” ဟု သူကပြောသည်။ ဟော်လန် အခြေစိုက် ကော်ဖီလုပ်ငန်းသည် ရန်ကုန်မြို့၏ အထင်ကရနေရာများဖြစ်သော ဗိုလ်ချုပ်အောင်ဆန်းဈေး၊ ဆူးလေစေတီ စသည်တို့နှင့် နီးသည့် အတွက် ထိုနေရာကို ရွေးချယ်ခဲ့ခြင်းဖြစ်သည်။

မြန်မာနိုင်ငံကို ကော်ဖီကို အရသာခံသောက်သည့် အလေ့အထ တိုးပွားလာသော်လည်း ကုန်ကျစားရိတ်က ပြဿနာ တခု အဖြစ်ရှိနေသေးသည်။ မြန်မာနိုင်ငံမှ ဥပဒေပြုရေးအဖွဲ့များသည် အနိမ့်ဆုံး လုပ်ခလစာဥပဒေကို အချောသပ်နေကြပြီဖြစ် သည်။ အချို့သော လွှတ်တော်ကိုယ်စားလှယ်များက အနိမ့်ဆုံး လစာသတ်မှတ်မှုသည် တလလျှင် ကျပ်ငွေ ၆၀၀၀၀ ခန့် (အမေရိကန်ဒေါ်လာ ၆၅ ခန့်) ရှိသင့်သည်ဟု ဆိုကြသည်။ ထိုနှုန်းထားသည် မြန်မာနိုင်ငံ၏ အဓိကလုပ်ငန်းတခုဖြစ်သော အထည်ချုပ်လုပ်ငန်းများမှ အလုပ်သမားများ ရရှိနေသည့် တနေ့လျှင် ပျမ်းမျှ ၁၄၀၀ ကျပ်ထက် သာလွန်မှုရှိပါသည်။

ကိုကြည်လွင်က လဘက်ရည်တခွက်ကို ၃၀၀ ကျပ်နှင့်ရောင်းသည်။ ထို့ကြောင့် လေအေးစက်တပ်ထားသည့် ရန်ကုန်မြို့မှ ကော်ဖီဆိုင်သစ်များဆီသို့ သူ၏ ဖေါက်သည် အများအပြားပြောင်းရွှေ့သွားလိမ့်မည် မဟုတ်ဟု ခိုင်ခိုင်မာမာ ယူဆထားသည်။

ထိုသို့ ယူဆရခြင်းမှာ ဈေးနှုန်းကြောင့် တစိတ်တပိုင်းဖြစ်သလို အနေအထားကြောင့်လည်း ဖြစ်သည်ဟု ကိုကြည်လွင်က ပြောသည်။ ကော်ဖီတခွက်လျှင် တထောင်ကျပ်၊ နှစ်ထောင်ကျပ်ပေးရခြင်းသည် မြန်မာအများစု လက်လှမ်းမီသည်ထက် များသည်ဟု ဆိုနိုင်သော်လည်း ကိုကြည်လွင်က သူ၏ လေဟာပြင်လဘက်ရည်ဆိုင်လေးကို လက်ညိုးထိုးပြရင်း “အဲဒီမှာ ဈေးကြီးတာတခုထဲကြောင့် မဟုတ်ပါဘူး၊ အဲဒီဆိုင်တွေက သိပ်သီးသန့်ဆန်လွန်းတယ်၊ ကျနော့်ဆိုင်ကိုလာတဲ့ သူတွေက အဲဒီလို နေရာမျိုးတွေက သူတို့နဲ့ မသက်ဆိုင်ဘူးလို့ ယူဆထားကြတယ်လေ” ဟု မှတ်ချက်ပြုလိုက်သည်။

(Simon Roughneen ၏ Faint Waft for Now from Rangoon’s Budding Coffee Culture ကို နိုင်မင်းသွင် ဘာသာပြန်သည်)

ရှမ်းမြောက်ပိုင်း KIA နှင့် အစိုးရတပ်များ တင်းမာနေဆဲ၊ ရွာသားများ ထွက်ပြေးတိမ်းရှောင်

ဖနိဒါ

ရှမ်းပြည်နယ် မြောက်ပိုင်း မိုးကိုးမြို့နယ်အတွင်း ကချင်လွတ်လပ်ရေးတပ် (KIA) ၏ တပ်မဟာ ၄ လက်အောက်ခံ တပ်ရင်း ၃၆ နှင့် အစိုးရစစ်တပ်များနှင့် တင်းမာမှုများ ရှိနေဆဲဖြစ်ပြီး ဒေသခံ ရွာသားများလည်း တဖက်နိုင်ငံသို့ ထွက်ပြေးတိမ်းရှောင်နေရကြောင်း KIA ပြည်သူ့စစ်ခေါင်းဆောင်နှင့် ဓမ္မဆရာတို့ထံမှ သိရသည်။

ယမန်နေ့က နံနက်ပိုင်း ၉ နာရီမှ နေ့လည် ၁၁ နာရီချိန်ထိ ၂ ကြိမ် ကွပ်ခိုင်မြို့နယ် ဦးခွန်မြတ် ပြည်သူ့ စစ်တပ်ဖွဲ့များနှင့် အစိုးရ၏ ခမရ ၅၀၇ တပ်ဖွဲ့ အင်အား ၁၀၀ ကျော်နှင့် KIO တပ်ရင်း ၃၆ တပ်ဖွဲ့များ တိုက်ပွဲ ဖြစ်ပွားခဲ့ပြီး ယနေ့တွင်လည်း နှစ်ဖက် စောင့်ကြည့်နေသည်ဟု KIA ပြည်သူ့စစ် တပ်ခွဲ ၅ တပ်ခွဲမှူး ဇော်ဆိုင်း က ပြောသည်။

“မနေ့ကလည်း နှစ်ကြိမ်တိုက်ပွဲ ဖြစ်တယ်။ ခုလည်း သူတို့ အဲဒီနေရာမှာ မရွေ့သေးဘူး။ ပထမ တိုက်ပွဲ ဖြစ်လာတာက ကျနော်တို့ တပ်တွေ ချထားတဲ့ နေရာကို သူတို့ တက်လာလို့ တိုက်ပွဲဖြစ်တာ။ အခုလည်း သူတို့ ၁၀၅ မိုင်ဘက်က စစ်ကူအင်အား မနေ့ညနေပိုင်းက စစ်တပ် လှုပ်ရှားလာတာတွေ ရှိတယ်လို့ ကြားတယ်။ ဒါပေမယ့် ခုထိတော့ လှုပ်ရှားလာတာာ မရှိသေးဘူး။ ခု ဆက်တိုက်မယ့် အလားအလာ ရှိနေတယ်” ဟု မဇ္စျိမကို ပြောသည်။

KIA တပ်များ အခြေစိုက်ရာ ဆိုင်းထူခက် အနီးတဝိုက်ရှိ မန်ဂျေကျေးရွာတွင် အစိုးရတပ်များ အခြေချနေ သဖြင့် အချိန်မရွေး တိုက်ပွဲဖြစ်ပွားနိုင်သေးသည်ဟု ၎င်းက ဆက်ပြောသည်။

တိုက်ပွဲဖြစ်ပွားရာ အနီးတဝိုက်ရှိ ကျေးရွာ ဖိုင်ကောင်၊ ကောင်းစထေး၊ ကောင်းရောင်း၊ ခလန် စသည့် ကျေးရွာ ၄ ရွာမှ ဒေသခံ ၁၀၀ ကျော်ခန့်သည် တရုတ်ဘက်ခြမ်း နောင်လုန် ရှိ ကချင်နှစ်ခြင်း အသင်းတော် ဘုရားကျောင်းနှင့် ဆွေမျိုးများထံသို့ ထွက်ပြေးတိမ်းရှောင် ခိုလှုံနေကြသည်ဟု ထိုစစ်ပြေး ဒုက္ခသည်များအား သွားရောက်ကြည့်ရှုခဲ့သူ နှစ်ခြင်းအသင်းတော်မှ ဓမ္မဆရာတဦးက မဇ္စျိမကို ပြောသည်။

“ရွာသား ၁၀၀ လောက်ရှိတယ်။ သူတို့ရဲ့ ပစ္စည်းတွေကိုတော့ နောင်လုန် ဘုရားကျောင်းမှာ ထားတယ်။နေတာက သူတို့ မိတ်ဆွေတွေရဲ့ နေအိမ်တွေမှာ ခိုလှုံနေကြတယ်။ အစားအသောက်ကတော့ ခက်တယ် မနေ့က သူတို့နဲ့တောင် ထမင်းသွားစားသေးတယ်။ မုန်လာထုပ် သုတ်နဲ့ပဲ စားနေကြတယ်” ဟု ပြောသည်။

မေလ ၃၀ ရက်နေ့က မြစ်ကြီးနားမြို့တွင် ငြိမ်းချမ်းရေး ဆွေးနွေးမှုတွင် နှစ်ဖက်တပ်ဖွဲ့ ပစ်ခတ်မှုများ လျော့ချခြင်း၊ တိုက်ပွဲများ ထပ်မံ မဖြစ်ပွားအောင် ထိန်းသိမ်းခြင်းတို့ကို ဆောင်ရွက်သွားရန် အပါအဝင် အချက် ၇ ချက် သဘောတူညီခဲ့သည်။

သို့သော်ယင်းဆွေးနွေးပြီးနောက်ပိုင်း ယခုလ ၁၀ ရက်နေ့မှ စတင်၍ တိုက်ပွဲ အကြိမ်ပေါင်း ၆ ကြိမ်ထက် မနည်း ဖြစ်ပွားခဲ့သည်ဟု တပ်ခွဲမှူး ဇော်ဆိုင်းက ပြောသည်။

“ကျနော်တို့လည်း ရွာနဲ့ သွားရေး လမ်းမတွေမှာ မပစ်ခတ်ဖို့ ညွန်ကြားထားတယ်။ ကျနော်တို့လည်း မပစ်ဘူး။ ကျနော်တို့ နေနေတဲ့ နေရာကို သူတို့ ရုတ်တရက် တက်လာလို့ တိုက်ပွဲ ပြန်စတာပဲ။ ခုသူတို့က ရွာသားတွေ ရှိတဲ့နေရာတွေမှာ နေနေတော့ ကျနော်တို့လည်း ရွာသားတွေ ရှိတော့ ပစ်လို့ မရဘူး။ ဒါကြောင့် သူတို့ပြန်သွားမလားဆိုပြီး လမ်းဖွင့်ပေးထားတာ ခုချိန်ထိပဲ” ဟု ၎င်းက ဆက်ပြောသည်။

တိုက်ပွဲများနှင့်ပတ်သက်၍ မဇ္ဈိမမှ သီးခြားအတည်ပြုချက် မရယူနိုင်သေးပေ။

ယနေ့ မြန်မာ့ရေးရာသတင်းများ June,30th,2013

( 30 )မြန်မာ့ပညာရေး လူတိုင်းအတွက်ဖြစ်စေဖို့ ဒေါ်စုပြောကြား

( 29 )Some areas along Indo-Myanmar border turn undemarcated

( 28 )ရာနဲ့ချီတဲ့ မြန်မာအလုပ်သမားတွေ မလေးရှားကနေ ဆက်လက်ရောက်ရှိ

( 27 )Online hate speech on the rise in Myanmar

( 26 )လက်ပံတောင်း ဖြိုခွင်းမှု ၇ လပြည့် လူ ၅ဝဝ ကျော်ဆန္ဒပြ

( 25 )Burma picks Muslim firm for telecom deal, draws ire

( 24 )ရာနဲ့ချီတဲ့ မြန်မာအလုပ်သမားတွေ မလေးရှားကနေ ဆက်လက်ရောက်ရှိ

( 23 )Two Muslims killed as police open fire on Myanmar refugee camp

( 22 )ဗုဒ္ဓဘာသာကို အကြမ်းဖက်ဝါဒအဖြစ် မြန်မာမူဆလင်ခေါင်းဆောင်လက်မခံ

( 21 )Myanmar ruler denies involvement

( 20 )ဒီမိုကရေစီစနစ် အခိုင်အမာ တည်ဆောက်မည်

( 19 )MP meets pro-democracy leader on aid trip

( 18 )တ္ထီလာပဋိပက္ခ ထိန်းသိမ်းခံ ၁၂၀ ကို တရားစွဲဆိုပြီ

( 17 )UN alarmed by deaths of Muslims in Myanmar

( 16 )လယ်သမား ၂ဝ ကျော်ကို စစ်တပ်က တရားစွဲဆို

( 15 )Among the Moken, the Sea Gypsies of Myeik

( 14 )လယ်သမားအခွင့်အရေး ပညာပေးဖို့စီစဉ်

( 13 )A Taste of Chinatown

( 12 )ရန်ကုန်မြို့ လေထုညစ်ညမ်းမှု အန္တရာယ်ကာကွယ်ဖို့ သတိပေး

( 11 )Online Burmese ‘Looking for a Place to Meet, Socialize and Have a Voice’

( 10 )မှိုစားပြီးနောက် ၂နှစ်သမီး အပါအ၀င် မိသားစုတစုလုံးနီးပါး သေဆုံး

( 9 )Ooredoo Wins Myanmar Licence

( 8 )မယ်လစခန်းတွင် MFLF အဖွဲ့မှ သွားနှင့်ဆိုင်သော ကုသမှု အခမဲ့ လာရောက်ပြုလုပ်ပေး

( 7 )Axiata to put cash reserves to other use after failing to get licence in Myanmar

( 6 )ရှမ်းမြောက်ပိုင်း KIA နှင့် အစိုးရတပ်များ တင်းမာနေဆဲ၊ ရွာသားများ ထွက်ပြေးတိမ်းရှောင်

( 5 )Myanmar unlocks Asia's last untapped cellular market

( 4 )အမုန်းပွားစေတဲ့ ရေးသားပြောဆို မှုများ ကာကွယ်ရေး ဆွေးနွေးပွဲ ကျင်းပ

( 3 )2 Muslims killed by Myanmar soldiers

( 2 )ပြည်ပသို့ သစ်တင်ပို့မှုတွင် အလုံးလိုက်သာ အများစု တင်ပို့နေရဆဲဖြစ်

( 1 )Kachin civilians killed despite agreement to end hostilities


Saturday, June 29, 2013

ကျောက်တော်မြို့နယ် ခမီး တိုင်းရင်းသား လယ်သမားများကို စစ်တပ်က တရားစွဲ

နိရဉ္စရာ

ရခိုင်ပြည်နယ် ကျောက်တော်မြို့နယ်မှ ခမီး တိုင်းရင်းသား တောင်သူ လယ်သမား (၄) ဦးအား စစ်တပ်က တရားစွဲဆိုလိုက်ကြောင်း သတင်း ရရှိသည်။

တရားစွဲရခြင်းမှာ စစ်တပ်က သိမ်းထားသော လယ်ဧက ၁၃၂ ဧက ပေါ်တွင် လယ်တက်ထွန်၍ ဖြစ်ကြောင်း လယ်သမားများက ပြောသည်။

တရားစွဲခံရသူ လယ်သမားများမှာ ကျောက်တော်မြို့နယ် အုတ်တောင်ပြင် ကျေးရွာမှ ခမီး အမျိုးသားများ ဖြစ်ကြသော ဦးမောင်ရွှေလှ၊ ထွန်းစံဖြူ၊ ဦးကျော်အေး၊ ဦးစောလှတို့ ဖြစ်ကြသည်။

သူတို့အား မေလ ၈ ရက်နေ့က စတင်တရားစွဲဆိုခဲ့ပြီး ယမန်နေ့ ဇွန်လ ၂၈ ရက်နေ့က ကျောက်တော်မြို့နယ် တရားရုံးတွင် အမူကို စတင်ကြားနာ စစ်ဆေးခဲ့သည်ဟု အုတ်တောင်ပြင် ကျေးရွာမှ လယ်သမား တစ်ဦးက နိရဉ္စရာသို့ ပြောသည်။

“ မနေ့က တရားရုံးမှာ အမူ စစ်တဲ့ အတွက် ဦးမောင်ရွှေလှနဲ့ ဦးထွန်းစံဖြူတို့ သွားကြပါတယ်။ ကျန်တဲ့ လူနှစ်ဦးဖြစ်တဲ့ ဦးကျော်အေးနဲ့ ဦးစောလှတို့က ကျန်းမာရေး မကောင်းတဲ့ အတွက် မသွားနိုင်ပါဘူး။ ဒါကြောင့် အမူကို မစစ်ဆေးဖြစ်လိုက်ပါ” ဟု ဆိုသည်။

ကျောက်တော်မြို့နယ် အုတ်တောင်ပြင်နှင့် ပြိန်းချောင်းမှ လယ် ၁၃၂ ဧက ကို ကန်စောက် အခြေစိုက် ခမရ ၅၃၉ က တစ်စုံတစ်ရာ တပ် အဆောက်အဦးဆောက် လုပ်ရန် မဟုတ်ဘဲ တပ် စိုက်ပျိုးမြေလုပ်ရန် ယခင် ပြည်ထဲရေး ၀န်ကြီး ဦးမောင်ဦး၏ အမ်ိန့်ဖြင့် ၂၀၁၀ ခုနှစ် အောက်တိုဘာလ အတွင်းက သိမ်းယူသွားခဲ့သည်ဟု ဆိုသည်။

အများစု လယ်မြေများမှာ ခမီးတိုင်းရင်းသားများ၏ လယ်မြေများ ဖြစ်ကြပြီး အများစုမှာ လယ်သိမ်းခံရသဖြင့် အလုပ်အကိုင်မဲ့ကာ အထူး ဒုက္ခရောက်နေကြသည်ဟု ဆိုသည်။

“ လယ်သမား ၂၀ ခန့်က လုံးဝ အလုပ်လက်မဲ့ ဖြစ်သွားပါတယ်။ ကလေးတွေကိုတောင် ကျောင်းမထားနိုင်တဲ့ အထိ လုံးဝကို အခြေအနေဆိုးသွားပါတယ်” ဟု ပြိန်းချောင်းရွာက ဦးအောင်လိူင်ဝင်းက ပြောသည်။

သို့အတွက် လယ်သမား ၂၈ ဦးက ယခုလ ၂၃ ရက်နေ့ကလည်း အသိမ်းခံ လယ်များပေါ်တွင် ကျွဲနွားများဖြင့် လယ်တက်ထွန်ကြရာ ခမရ ၅၃၉ မှ ဒုအရာခံဗိုလ် သောင်းလှ ဦးဆောင်သော စစ်သား ၂၀ ခန့်က လာရောက်ဟန့်တားသဖြင့် ပြဿနာ ဖြစ်ပွားခဲ့ရာ နောက်တစ်နေ့တွင် ရခိုင်ပြည်နယ် လျှပ်စစ်ဝန်ကြီး ဦးသာလူချေဦးဆောင်သော အစိုးရ တာဝန်ရှိသူများက လာရောက် ဖြေရှင်းခဲ့ရသည်။

ဝန်ကြီး ဦးသာလူချေအား နိရဉ္စရာမှ မေးမြန်းရာ ယခုလို ဖြေကြား ပြောဆိုသည်။

“ အခုလယ်တွေက အရင်က လယ်သမားတွေ ပိုင်ဆိုင်ခဲ့တဲ့ မြေဖြစ်ပေမယ့် အခုတော့ စစ်တပ် လက်ထဲကို တရားဝင် ရောက်သွားပြီ။ နိုင်ငံတော်ကလည်း စစ်တပ်ပိုင် မြေဖြစ်တယ်ဆိုတာ အသိအမှတ် ပြုလိုက်ပြီ ဖြစ်ပါတယ်။ ဒါကြောင့် အခုလို ဒီမိုကရေစီ ရခါစ ပွင့်လင်းလာတဲ့ အချိန်မျိုးမှာ လွှတ်တော်က ဖွဲ့စည်းပေးထားတဲ့ လယ်ယာမြေနဲ့ တစ်ခြားမြေများ စုံစမ်းရေး ကော်မရှင်ကို တင်ပြပြီး ဥပဒေ ဘောင်အတွင်းကသာ ဖြေရှင်းသင့်တယ်လို့ မြင်ပါတယ်။ လယ်သမားတွေကိုလည်း ကျွန်တော်က ဒီအတိုင်း ပြောခဲ့ပါတယ်” ဟု ဆိုသည်။

ရခိုငပြည်နယ် တွင် စစ်တပ်နှင့် တခြား ဌာနဆိုင်ရာများမှ သိမ်းထားသော လယ်ဧက သောင်းချီ၍ ရှိနေပြီး လယ်သမားများက တိုင်ကြားမူကြောင့် လွှတ်တော်က ဖွဲ့စည်းပေးထားသော ဒုတိယ ဗိုလ်မှူးကြီး စောရွှေ ဦးဆောင်သော လယ်ယာမြေနှင့် တစ်ခြားမြေများ စုံစမ်း စစ်ရေး ကော်မရှင်မှ သုံးကြိမ်တိုင်တိုင် လယ်ယာမြေများကို လာရောက်စစ်ဆေးခဲ့သော်လည်း ယနေ့ထက်ထိ တစ်စုံတစ်ရာ ထူးခြားမူ မရှိသေးကြောင်း သိရသည်။

ယခုနောက်ဆုံး ရရှိသော သတင်းအရ တပ်မတော်က သိမ်းယူခဲ့သည့် လယ်ယာမြေများအနက် လက်ရှိ ဆောင်ရွက်နေသည့် စီမံကိန်းမြေများမှအပ ကျန်လယ်ယာမြေ အားလုံးကို ဇူလိုင်လအတွင်း မူလ ပိုင်ရှင်များထံ ပြန်လည် ပေးအပ်သွားမည် ဖြစ်ကြောင်း အမျိုးသားလွှတ်တော် လယ်ယာမြေနှင့် အခြားမြေများ သိမ်းဆည်းထားမှု စုံစမ်းစစ်ဆေးရေး ကော်မတီဝင် ဦးလှဆွေက ပြောကြောင်း The Voice weekly တွင် ဖေါ်ပြထားသည်။

တပ်သိမ်းဆည်း မြေများ ဇူလိုင် အတွင်း လွှဲအပ် တော့မည်ကို အောက်ခြေ တပ်များ မသိသေး

နော်ဆွိ

မွန်ပြည်နယ် ရေးမြို့နယ် အခြေစိုက် အစိုးရ၏ အမှတ် (၁၉) စစ်ဆင်ရေး ကွပ်ကဲမှု ဌာနချုပ် လက်အောက်ခံ အမှတ် ခမ ရ (၅၈၆) တပ်ရင်းသည် ကာကွယ်ရေး ၀န်ကြီးဌာန၏ သိမ်းဆည်းမြေ ပြန်အပ်ရေး အစီစဉ်ကို မသိရ သေးသဖြင့် မြေယာ တိုင်းတာမှုများ ဆက်လက် လုပ်ဆောင် နေဆဲဟု မျက်မြင် မြေရှင် များက ဆိုပါသည်။

“တိုင်းတာဖို့ စီစဉ်တဲ့ သူတွေ ကတော့ စကခ၁၉ က ဗျူဟာမှူးဒုတိယ ဗိုလ်မှူးကြီး အောင်မျိုး၊ခမရ ၅၈၆ က ဒုတပ် ရင်း မှူး ဗိုလ်မှူး ကောင်းကျော် မြေစာရင်း လက်ထောက် ဦးစီးမှူး ဦးအောင်ကိုကိုဦး တို့က ဦးဆောင် ပြီးတော့ မနေ့က ခမရ၅၈၆ စစ်တပ်ကသိမ်းထားတဲ့ ခြံမြေ တွေကို တိုင်းတာ မှုတွေ မလုပ်ဘဲနဲ့ လိုချင် သလောက်ကို တိုင်စိုက်ပြီး ဧက ဘယ်လောက် ဆိုပြီး တပ်နာမည် စိုက်လိုက် တာပါဘဲ" ဟု မျက်မြင်က ဆိုပါသည်။

ကာကွယ်ရေး ၀န်ကြီး ဌာနသည် တနိုင်ငံ လုံး၌ ရှိသော ၄င်းတို့ သိမ်းယူ ထားသည့် မြေများထဲမှတည်ဆောက်ရေး အစီ အစဉ် ရှိသည်မှ လွဲပြီး ကျန်တာ အားလုံး ဇူလိုင် လအတွင်း ပြန်ပေးရန် အစီအစဉ် ရှိကြောင်း ကာကွယ်ရေး ၀န်ကြီးဗိုလ်ချုပ်ကြီး ဝေလွင်က ကတိပေး ခဲ့သည်ဟု အမျိုးသား လွှတ်တော် အမတ် ဦးလှဆွေက မီဒီယာ များအား ထုတ်ဖေါ်ပြောကြား ခဲ့ပါသည်။

ခမရ (၅၈၆)သည်၊ ခြံမြေ (၃၄၁.၃) ဧက အား သိမ်းဆည်း ထားပါသည်။ ကာကွယ်ရေး ၀န်ကြီး ဌာနမှ ပြောသော သိမ်းဆည်း မြေထဲမှ တည်ဆောက်ရေး အစီ အစဉ်သည် ဤမျှ များပြား နိုင်မည် မထင်ကြောင်း ခမရ (၅၈၆) အရာရှိဟောင်း တဦးက ဆို ပါသည်။

“ ဒီမြို့ထဲမှာ ရှိတဲ့ တပ်မ စကခ (၁၉) တောင်မှ (၁၇၈) ဧကပဲ ရှိပါတယ်။ ဒါတောင် ဆက်သွယ်ရေးတပ် စစ်ကူ တပ်လည်း ပါသေးတယ်။ ဒါက လိုအပ်ချက် အမှန်ပါ။ အဲဒီထဲက တပ်မ သက်သက် အနေ နဲ့တောင် ယူထားတာ ဧက၁၀၀ မပြည့် ပါဘူး။ အခုက ခမရ (၅၈၆) ဟာ တပ်ရင်း အဆင့် ပါဘဲ ဘာဖြစ်လို့ ဧက ၃၀၀ ကျော် ယူရ တာလဲ။ သဘာဝ မကျ ပါဘူး။ ဒါပေ မဲ့ခက်တာက များများ သိမ်းထား ပြီးတော့ အဲဒီ ခြံကနေ ဆပ်ကြေး ရနေတော့ တင်းခံ နေတာပေါ့။ မြေရှင် ဖက်က ကြည့်မယ် ဆိုရင် အများကြီး နစ်နာ ပါတယ်” ဟု အရာရှိ ဟောင်းက ဆိုပါသည်။

မြေရှင် များကမူ ခမရ (၅၈၆) သည် ၂၀၀၆ ခုနှစ် တွင် မြေဧက (၄၃၀.၃၁၇) အထိ သိမ်းဆည်း ထားကြောင်း မြေတိုင်း ဦးစီး ဌာနက အတည်ပြု ထားသည့်အတွက် ပွင့်လင်း မြင်သာသည့် မှန်ကန်သော တိုင်းတာ မှုများ လုပ်လိုခြင်း မရှိခြင်း ဖြစ်သည်ဟု ဆိုပါသည်။

သိမ်းဆည်းမြေ ပြန်ပေးရေး အတွက် လွှတ်တော် စုံစမ်း စစ်ဆေးရေး ကော်မီရှင်သည် ပြီးခဲ့သည့် ဇွန်လ ဆန်းတွင် မွန်ပြည်နယ် ရေးမြို့နယ်၌ လာရောက် လေ့လာ ခဲ့ပါသည်။ ဤလေ့လာရေး အဖွဲ့တွင် ကော်မီရှင် အဖွဲ့ဝင်များ ကိုယ်တိုင် စစ်တပ် ဖက်သို့ ဘက်လိုက် ခဲ့သည်ဟု ကော်မီရှင် အဖွဲ့ဝင် တချို့က ဆိုပါသည်။ http://www.phophtawnews.org/burmese/index.php/news/internal-news/item/380-2013-06-12-12-32-17.html

၂၀၀၂ ခုနှစ်တွင် သိမ်းဆည်းမြေ အတွက် အစိုးရမှ လျော်ကြေးငွေ အဖြစ် (၁၂၇၈၃၀၀၀) ကျပ် ပေးထားပြီး ဖြစ်ပါသည်။ သို့သော် မြေရှင် များဆီ လျှော်ပေးခြင်း မရှိပေ။ လျှော်ကြေးငွေ များအတွက် ခမရ (၅၈၆) ၌ တာဝန် ရှိသည်ဟု ဆိုပါသည်။

လွှတ်တော်မှ ပြဌာန်း ထားသော သိမ်းဆီးမြေ ပြန်ပေးရေး ဥပဒေကြောင့် ကာကွယ်ရေး ၀န်ကြီး ဌာနသည် ၄င်းတို့ သိမ်းဆည်း ထားသော မြေများကို တည်ဆောက်ရေး ကိစ္စမှ လွဲပြီး ကျန်မြေများ ဇူလိုင်လ အတွင်း ပြန်လည် ပေးအပ် တော့မည်ဟု ဆိုပါသည်။ ဤနေရာတွင် အပြုသဘော ဆောင်မှု ဖြစ်လာရန် လက်တွေ့ အကောင်အထည် ဖေါ်မှုတွင် ပွင့်လင်း မြင်သာပြီး ခမရ (၅၈၆) ကဲ့သို့ ပြုမူ မှုမျိုး မပြုလုပ် မိရန် လိုအပ်ကြောင်း ခြံရှင် များက ဆိုပါသည်။

တိုက်ပွဲများကြောင့် ထောင်ချီ တအောင်း ကျောင်းသားများ စာသင့်ခွင့် မဲ့သွား

ဖြူဖြူကို

ရှမ်းပြည်နယ် မြောက်ပိုင်း တအာင်း (ပလောင်) ဒေသတွင် တအာင်း အမျိုးသား လွတ်မြောက်ရေး တပ်မတော်နှင့် အစိုးရ ကြား တိုက်ပွဲ ပြင်းထန် လာနေသဖြင့် ကျောင်းသားပေါင်း ထောင်ချီပြီး စာသင်ခွင့် မဲ့နေပြီး ဖြစ်ကြောင်း တအာင်း အမျိုးသမီး အစည်းအရုံးမှ လွေးနွေးနှောင်းက ဆိုပါသည်။

“ တအာင်း ဒေသမှာခဏခဏ တိုက်ပွဲ ဖြစ်နေတဲ့ အတွက် ဆရာ၊ ဆရာမတွေလည်း မလာရဲကြတော့ဘူး။ တအာင်း ဒေသမှာပရဟိတ ကျောင်းတွေရှိပေမယ့်ကျေးရွာပေါင်း (၂၀) ကျော်က ကလေးတွေ အားလုံးကို သွားထားရမယ်ဆို တော့ မဖြစ်သေးဘူးလေ၊ အခက်ခဲတွေလည်း အများကြီး ရှိတယ်။ ဒါကြောင့် ဆရာ၊ ဆရာမတွေအမြန်ပြန်လာဖို့နဲ့ သူတို့ရဲ့ လုံခြုံရေးကို ရွာလူကြီး၊ အစိုးရ အာဏာပိုင်၊ တအာင်း အမျိုးသား လွတ်မြောက်ရေးတပ်မတော် TNLA တို့ အားလုံးမှာ တာဝန်ရှိပါတယ်။ ခက်တာက အစိုးရတပ်တွေနဲ့ ညှိလို့မရဘူး” ဟု ဆိုသည်။

အခက်အခဲ ဖြစ်နေသော ဒေသမှာ ရှမ်းပြည်မြောက်ပိုင်း မန်တုံမြို့နယ် အရှေ့ဘက်ခြမ်းရှိ နှင့် ကွတ်ခိုင်မြို့နယ်ထဲက ကျေးရွာပေါင်း (၂၀)ကျော်က စာသင်ကျောင်းများ ဖြစ်ပါသည်။ ဤကိစ္စအားအစိုးရ အာဏာပိုင်များနှင့် TNLA အား တင်ပြ ခဲ့ကြသော်လည်း အစိုးရဖက်မှ မည်သို့မှ တုန့်ပြန်မှု မရှိဟု ဆိုပါသည်။

အဆိုပါ ကျေးရွာ များသည် အထူးသဖြင့်ကျယ်ကောင်၊ နားအောင်ကြီး၊ နားအော်လေး၊ ခိုမုန်း၊ မန်စပ်၊ ပန်းရောင်၊ မကောက်၊ ဆိုင်းလိန်၊ အွယ်လော၊ မန်းမိုင်၊ မဝေါ၊ မန်အောင်၊ ဟိုတပ်၊ ဆာလူ၊ ထာတ်ကျဲတ်၊ မန်အီ၊ လွယ်ကန်၊ လွယ်ခမ်း၊ တောနေ၊ လွယ်မွန်းနှင့် ကွတ်ခိုင်မြို့နယ်ငေါ့ငါး ကျေးရွာ အပါအ၀င် ပတ်ဝန်းကျင်ကျေးရွာ များဖြစ်ပါသည်။

အဆိုပါ ကျေးရွာများသည် မကြာခဏ တိုက်ပွဲ ဖြစ်ပွားနေသည့် အတွက် ဆရာ၊ဆရာမ များ မလာရဲကြသလို တိုက်ပွဲများကြောင့် လူထုများ ကျေးရွာမှ ထွက်ပြေး နေရသည့် အတွက်ကြောင့် ကလေးများ စာသင်ကြားခွင့် မဲ့သွားရခြင်း ဖြစ်သည်ဟု တအာင်း ကျောင်းသားနှင့် လူငယ် အစည်းရုံးမှ သတင်းနှင့် လူအခွင့်အရေး မှတ်တမ်း တာဝန်ခံ မိုင်းအိုက်မွန်းက ဆိုပါ သည်။

TNLA သည် တိုက်ပွဲ မဖြစ်ပွားရန် နည်းမျိုးစုံဖြင့် ရှောင်ရှား နေခဲ့သော်လည်း အစိုးရတပ်ဖွဲ့၏ နယ်မြေ ရှင်းလင်းရေး စစ်ဆင်ရေးကြောင့် တိုက်ပွဲ ဖြစ်ပွားနေရခြင်း ဖြစ်ကြောင်း ဆိုပါသည်။ တိုက်ပွဲကြောင့် စစ်ပြေး ဒုက္ခသည်များ ဖြစ်လာသလို ခိုလှုံမှုနေရာ မဲ့သည့်ဘ၀ဖြင့် နေရာမဲ့ ခိုကပ် ဒုက္ခသည်များ ဖြစ်နေခဲ့ပါသည်။

အစိုးရ စစ်ဆင်ရေးများ ရပ်တန့်ခြင်း မရှိသည့်အတွက် ကျန်းမာရေး၊ စားသောက်ရေး၊ လုံခြုံရေးများ ကင်းမဲ့နေသည့် အပြင် ရွာပေါင်း (၂၀) ကျော် နှင့် စစ်ဘေးကြောင့် ထွက်ပြေး တိမ်းရှောင် နေရသည့် ကလေးများ၏ ၂၀၁၂ ခုနှစ် ပညာ ရေးသည် မရေမရာသော အဖြစ်သို့ ရောက်နေလာဖွယ် ရှိနေပါသည်။

သုဝဏ္ဏဘူမိမြို့ဟောင်း ပဏာမတူးဖော်ရေးလုပ်ငန်း စက်တင်ဘာလတွင် စတင်တော့မည်

ခတ္တာနန်း

မွန်ရှေးဟောင်းမြို့တော်ဖြစ်သည့် သုဝဏ္ဏဘူမိ တူးဖော်ရေး လုပ်ငန်းကို လာမည့်စက်တင်ဘာလတွင် ပဏာမအဖြစ် ဆာဗေး “survey” စတင်လုပ်ဆောင်သွားမည်ဖြစ်ကြောင်း ယင်းစာတမ်းဖတ်ပွဲတက်ရောက်ခဲ့သူ သမိုင်းသုတေသနဌာနမှ အငြိမ်းစားလက်ထောက် ညွှန်ကြားရေးမှူး ဦးစံဝင်းက ပြောသည်။

ပြီးခဲ့သည့် ဇွန်လ ၂၅-၂၆ ရက်နေ့တွင် ၂ ရက်တာကျင်းပခဲ့သော သုဝဏ္ဏဘူမိမြို့ဟောင်း ပြန်လည် တူဖော်ရေး စားတမ်းဖတ်ပွဲနှင့် အလုပ်ရုံဆွေးနွေးပွဲတွင် ယင်းကဲ့သို့ဆုံးဖြတ်ခဲ့ခြင်း ဖြစ်သည်။

ဦးစံဝင်းက “ အဲဒီဆုံးဖြတ်ချက်တွေအရ တူးဖော်ရေး မလုပ်ခင်းမှာ ဆာဗေး အရင်လုပ်ရပါတယ်၊ အုပ်စုအလိုက်ခွဲပြီး အချက်အလက်တွေကို စုဆောင်းရပါမယ်၊ အဆက်မပြတ်လုပ်ဆောင်သွားရပါမယ်၊ ဆာဗေး ရလာဒ်တွေကို ပြန်လည်သုံးသပ်ပြီးမှ တူးဖော်မှုကို စတင်နိုင်မှာပါ” ဟု ပြောသည်။

နိုင်ငံတော်အစိုးရ၏ ဘတ်ဂျက်ခွင့်ပြုချက်ဖြင့် ၃ နှစ်နှင့် ၅ နှစ်ဟူ၍ နှစ်ပိုင်းခွဲထားမည်ဖြစ်ကြောင်း၊ ယခင်တူးဖော်ခဲ့သည့်နေရာများနှင့် လက်ရှိဖြစ်နိုင်ခြေ အရှိဆုံးနေရာများကို ဆက်လက်တူးဖော်နိုင်ရန် ကြိုးစားသွားမည်ဖြစ်သည့်အတွက် မနူဟာမင်း နေထိုင်ခဲ့သည့် လက်ရှိသထုံမြို့နှင့် “ဝင်းက” ပတ်ဝန်းကျင် အရက်သည်မ(အာယတ္မ) ဒေသ နှစ်နေရာအား ဦးစားပေးကွင်းဆင်း လေ့လာသွားမည် ဖြစ်သည်။

ကနဦးတွင် တူးဖော်ရေးလုပ်ငန်းကော်မတီဖွဲ့စည်းသွားမည်ဖြစ်ပြီး ရှေးဟောင်းသမိုင်းတူးဖော်ရေး ကျွမ်းကျင်ပညာရှင်များအပြင် သစ်တော၊ မြေတိုင်း၊ စည်းပင်နှင့် မွန်သမိုင်းပညာရှင်များလည်း ပါဝင်မည်ဟု သိရသည်။

စာတမ်းတင်သွင်းဖတ်ကြားခဲ့သူ အမျိုးသားမှတ်တမ်းများမော်ကွန်းတိုက်ဦးစီးဌာန၏ ညွှန်ကြားရေးမှုးဟောင်း (အငြိမ်းစား) နိုင်မောင်တိုးက “တူးဖော်ရေးလုပ်ငန်းတွေအကောင်အထည်ဖော်ပြီးတဲ့ နောက်ပိုင်းမှာ တစ်နှစ်တစ်ကြိမ် ပြန်လည်သုံးသပ်မှု အလုပ်ရုံဆွေးနွေးပွဲတွေကို ထပ်လုပ်သွားမယ့်အစီအစဉ် ရှိပါတယ်” ဟု ပြောသည်။

သုဝဏ္ဏဘူမိမြို့ဟောင်း ပြန်လည်တူးဖော်ရေး စာတမ်းဖတ်ပွဲနှင့် အလုပ်ရုံဆွေးနွေးပွဲတွင် စာတမ်း ၁၉ စောင် တင်သွင်းလာသည့်အနက် သုဝဏ္ဏဘူမိ သထုံမြို့ဟောင်းနှင့် မသက်ဆိုင်သော စာတမ်း ၈ စောင်ကို ပယ်လိုက်ကြောင်း၊ စာတမ်းဖတ်ပွဲ ကျင်းပပြီးနောက် အလုပ်ရုံဆွေးနွေးပွဲတွင် အဖွဲ့ ၄ ဖွဲ့ ခွဲ၍ ဆွေးနွေးခဲ့ကြပြီး တူးဖော်ရေးလုပ်ငန်းအစီအစဉ်ရေးဆွဲခဲ့ကြောင်း သိရသည်။

သုဝဏ္ဏဘူမိသည် ထိုင်းနိုင်ငံတွင်းလည်းကောင်း၊ အိန္ဒိယနိုင်ငံတွင် လည်းကောင်း၊ ဂျားဘားကျွန်း ဆူမတ်ထရားကျွန်းဒေသများဖြစ်သည်ဟု ဒဏ္ဍာရီပုံပြင်ကဲ့သို့ပြောဆိုမှုများရှိခဲ့သော်လည်း သထုံမြို့သည် သုဝဏ္ဏဘူမိ မွန်မြို့တော်ဟောင်း ဖြစ်ကြောင်းအဆိုကို မြန်မာပညာရှင်များ အသိအမှတ်ပြု သဘောတူထားကြသည်။

မလေးရှား နိုင်ငံရောက် မြန်မာနိုင်ငံသားများ အရေး ရတက် မအေးရသေးပါ

ရွှေဟင်္သာ

မလေးရှား နိုင်ငံရောက် မြန်မာနိုင်ငံသားများ အပေါ်အကြမ်းဖက် သတ်ဖြတ်မှု ဖြစ်ပွားခဲ့ပြီးနောက်ပိုင်း မိမိတို့နေရပ်နိုင်ငံသို့ ပြန်လိုကြသည့် မြန်မာနိုင်ငံသား များအား ကူညီ ဆောင်ရွက် ပေးနေ မှုများ ရှိနေ သော်လည်း အများစုမှာ မပြန်နိုင် သေးကြောင်း မလေးရှား နိုင်ငံရှိ ကပုန်း (၇) ရက် နာရေး ကူညီမှု အသင်းက ဆိုပါသည်။

“အခက်ခဲဆုံးက မလေးရှား လူဝင်မှု ကြီးကြပ်ရေးကို ဒဏ်ဆောင်ရမယ့် ကိစ္စကြန့်ကြာ တာရယ် ငွေကြေး အခက်အခဲ ရှိတာရယ် နောက်တော့ ဒီကွာလလမ်ပူ မြန်မာ သံရုံးကို ရောက်ဖို့ အခြား ဒေသ အသီးသီးက လာရတဲ့ မြန်မာ နိုင်ငံ သားတွေ အတွက် လမ်းခရီးမှာက လုံခြုံမှု မရှိ ဘူးလေ။ အဲဒါကြောင့် အနည်း စုသာ ပြန်နိုင် ကြသေးတယ်၊ ရာဂဏန်း လောက်ပဲ ပြန်ကြ သေးတယ်” ဟု ကပုန်း (၇) ရက် နာရေး ကူညီမှုအသင်း ဥက္ကဋ္ဌ ကိုဆန်းဝင်းက ဆိုပါသည်။

ထိုအခြေအနေ များ၌ အမြန် ပြန်နိုင်အောင် စီစဉ် ပေးမည်ဟု ဆိုသည့် ကြားပွဲစားများလည်း ပေါ်ထွက် နေကြောင်း ဆိုပါသည်။

ယမာန်နေ့၌လည်း စောင့်ဆိုင်း ရမှုကြန့်ကြာခြင်းကို မခံနိုင် သဖြင့် အောက်လမ်းခေါ် ထိုင်းနယ်စပ် ဖြတ်ကျော် လမ်းမှ တဆင့် ပြန်သွားကြသည့် မြန်မာ နိုင်ငံသားများ ထဲမှ လူပေါင်း (၂၅) ဦး အဖမ်းခံ ရကြောင်းလည်း ကိုဆန်းဝင်းမှ ဆိုပါသည်။

မလေးရှား လူဝင်မှု ကြီးကြပ်ရေးသို့ လူတစ်ဦးလျှင် မလေးရှားငွေ (၄၀၀) ဒဏ်ရိုက်ခံရမည်ဖြစ်ကာ ၄င်းပြီးမှ မိမိတို့နိုင်ငံသို့ ပြန်နိုင်ကြမည်ဖြစ်သည်။ ထိုသို့ ဒဏ်ရိုက်ရန်အတွက် တစ်သုတ်လျှင် ရက်ပေါင်း (၃၀) မှ (၄၅) ရက် အထိ မလေးရှား လူဝင်မှုကြီးကြပ်ရေးမှ ချိန်းဆိုနေသဖြင့် ချက်ခြင်းပြန်လိုသည့် အလုပ်သမားများ အခက်အခဲ ဖြစ်နေကြရသည်။

ဇွန်လ (၂၄) ရက်နေ့တွင် မလေးရှားနိုင်ငံသို့ ရောက်ရှိလာသော အရှင် ဉာဏိ ဿရအား မလေးရှားနိုင်ငံ ဆိုင်ရာ မြန်မာသံမှူး စစ်သံမှူးနှင့် အလုပ်သမား သံအရာရှိ တို့နှင့် တွေ့ဆုံ ခဲ့ကြသည်။ ဆရာတော်မှ မြန်မာ နိုင်ငံသားများ ပြည်တော်ပြန်နိုင်ရေး အခက်အခဲများ မေးမြန်းခဲ့ပြီးနောက် သီတဂူဖောင်ဒေးရှင်းမှ အလှူငွေ အမေရိကန် ဒေါ်လာ ၁၀၃,၃၄၀ ကို သံရုံးမှ ကြားခံ ကူညီပေးနေသည့် ကိုသီဟမောင်မောင်အား ပေးအပ်ခဲ့ပါသည်။

၎င်းငွေများကို မြန်မာနိုင်ငံပြန်လိုသည့် မြန်မာနိုင်ငံသားများ မလေးရှား လူဝင်မှု ကြီးကြပ်ရေး ဒဏ်ရိုက်ငွေပေးရာ၌ အသုံးပြုရန် ပေးအပ်ခဲ့ခြင်း ဖြစ်ပါသည်။ ထိုငွေပမာဏသည် လူပေါင်း (၁၀၀၀) ကျော်ခန့်ဒဏ်ဆောင်ရန် လုံလောက်မှု ရှိသည်ဟု ကိုဆန်းဝင်းက ပြောသည်။

ထို့ပြင် ဧရာဝတီ ဖောင်ဒေးရှင်းမှ အခမဲ့ လေယာဉ် လက်မှတ် ၁၀၀၀ စောင်နှင့် ပရီမီးယား ကော်ဖီမစ်နှင့် ကပုန်း (၇) ရက်နာရေး ကူညီမှု အသင်းတို့မှ စုပေါင်း၍ အခမဲ့လေယာဉ် လက်မှတ် (၅၀၀) စုစုပေါင်း အခမဲ့ လေယာဉ် လက်မှတ် (၁၅၀၀) ရှိသည်ဟုဆိုပါသည်။

“ပြန်ချင်ရင် ငွေမရှိလည်း ရတယ် ဘာမှမလိုဘူး၊ ဒဏ်ကြေးပေးဖို့ငွေလည်း ရှိတယ်၊ အခမဲ့ လေယာဉ်လက်မှတ်တွေလည်းရှိတယ် ၊ဒါပေမယ့် တစ်ဦးချင်းစီ အခြေအနေမှာကိုက ခြားနားတဲ့ ဘဝပေး အခြေအနေ အခက်အခဲတွေက အကြောင်းကြောင်း ရှိနေကြတာ ဆိုတော့ အများဆုံး ပြန်ဖြစ်ရင်တောင် (၅၀၀၀) ဝန်းကျင်လောက်ပဲ ရှိလိမ့်မယ်လို့ ကျွှန်တော် ခန့်မှန်းတယ်” ဟု ကိုဆန်းဝင်းမှ ဆက်ပြောသည်။

မလေးရှားနိုင်ငံတွင် မြန်မာနိုင်ငံသားများ အကြမ်းဖက် အသတ်ခံရမှု ဖြစ်ပွားခဲ့ပြီး နောက်၎င်းတို့၏ မိသားစုဝင်များအား ထောက်ပံရန်၊ ဆေးရုံတက်ရောက် ကုသရသူများ စရိတ်ပေးရန် ၊သေဆုံးသူများအား နာရေး ကိစ္စ အသုံးပြုရန်အတွက် ကပုန်း (၇) ရက်နာရေး ကူညီမှု အသင်းသို့မြန်မာနိုင်ငံသား အလှူရှင် စေတနာရှင်များမှ စုပေါင်း လှူဒါန်း ခဲ့ကြကြောင်း ဆိုပါသည်။

Max Myanmar မှ ဦးဇော်ဇော် အမေရိကန်ဒေါ်လာ ၂၀,၀၀၀၊ ကမ္ဘောဇဘဏ် ဥက္ကဋ္ဌ ဦးအောင်ကိုဝင်းမှ အမေရိကန်ဒေါ်လာ ၅၀,၀၀၀၊ အီလဲဗင်း မီဒီယာဂရုမှ အမေရိကန်ဒေါ်လာ ၁,၀၀၀ ( မလေးရှား ရင်းဂစ်ငွေ ၃,၀၆၅)၊ စင်ကာပူဓမ္မမောင်နှမများအဖွဲ့မှစင်ကာပူဒေါ်လာ (၅,၀၀၀) စသည့် အလှူရှင်များမှကပုန်း (၇) ရက်နာရေး ကူညီမှု အသင်းသို့ အသီးသီးပေးအပ် လှူဒါန်း ခဲ့ကြပါသည်။

မလေးရှားနိုင်ငံတွင် တရားဝင် မြန်မာ အလုပ်သမား နှစ်သိန်းခန့်၊ မရားမဝင် မြန်မာအလုပ်သမား နှစ်သိန်းခန့်UNHCR မှ ဒုက္ခသည် အဖြစ် အသိအမှတ်ပြု ထားပြီး တတိယနိုင်ငံ ထွက်ခွာရန် စောင့်ဆိုင်း နေသူများ တစ်သိန်းခန့် စုစုပေါင်း မြန်မာနိုင်ငံသား ငါးသိန်းခန့်ရှိမည်ဟု မလေးရှား အစိုးရက မလေးရှား အစိုးရ သတင်းစာ၌ ထုတ်ဖော်ရေးသား ခဲ့ဖူးသည်။

၎င်းပြင်မြန်မာနိုင်ငံသား အများစု အလုပ်လုပ်ကိုင် နေကြသည့် စက်ရုံ အလုပ်ရုံများတွင်လည်း ထိုသို့ အားလုံး ချက်ခြင်းပြန်ရန် အလုပ်ရှင်ဘက်မှ ခွင့်မပြုနိုင်သလို အလုပ်လျှောက်စဉ် သဘော တူထားသည့် အတိုင်း အနည်းဆုံး ရက်ပေါင်း (၉၀) ခန့်စောင့်ဆိုင်းပြီးမှ အလုပ်မှ ထွက်ခွင့်ရကြကာ ပြီးမှ ပြန်နိုင်ကြမည်ဖြစ်သည်။

မြန်မာ အစိုးရ၏ စီစဉ် လုပ်ဆောင် ပေးမှုများ သိရှိ နိုင်ရန် အတွက် မလေးရှား နိုင်ငံရှိ မြန်မာ သံရုံးနှင့် အလုပ်သမား သံမှူး ဦးစိုးဝင်းတို့အား ရွှေဟင်္သာ သတင်းဌာနမှ အကြိမ်ကြိမ် ဆက်သွယ်ရန် ကြိုးစား ခဲ့သော်လည်း မရခဲ့ပေ။

ရန်ကုန်- ဒလ မြစ်ကူး တံတားဆောက်မည့် သတင်းကြောင့် ဒလ အိမ်ခြံမြေဈေး တဟုန်ထိုးတက်

ညိမ်းပြည့်စုံ

အစိုးရက ရန်ကုန်မြို့တွင်းနှင့် ဒလမြို့နယ်တို့ကို ပိုင်းခြားထားသော ရန်ကုန်မြစ် ဖြတ်ကူးတံတား တည်ဆောက်ရန် အကြို လေ့လာဆန်းစစ် မှုများ ပြုလုပ်နေပြီဖြစ်ကြောင်း တရားဝင် သတင်းထုတ်ပြန်လိုက်ရာ ဒလမြို့နယ်ရှိ အိမ်ခြံမြေ ဈေးနှုန်းများ ရုတ်တရက် တဟုန်ထိုး မြင့်တက်သွားကြောင်း သတင်းရရှိသည်။

တောင်ကိုရီးယားနိုင်ငံက မြန်မာနိုင်ငံနှင့် ကိုရီးယား နှစ်နိုင်ငံအကြား ချစ်ကြည်ရေး အထိမ်းအမှတ်အဖြစ် ရန်ကုန် – ဒလ မြစ်ကူးတံတား တည်ဆောက်မည် ဖြစ်ကြောင်း တံတား တည်ဆောက်နိုင်ရေးအတွက် အကြို အင်ဂျင်နီယာ ဆိုင်ရာ လေ့လာ ဆန်းစစ်မှုများကို ကိုရီးယား နိုင်ငံအခြေစိုက် Korea SAMBO Engineering ကုမ္ပဏီက ဆောင်ရွက်သွားမည် ဖြစ်ကြောင်း၊ တံတားတည်ဆောက်ရေးစီမံကိန်းသည် ၂၀၁၄ ခုနှစ် နှစ်ဆန်းပိုင်းတွင် စတင်ပြီး ၃ နှစ်နီးပါးကြာမြင့်နိုင်ကြောင်း၊ ဆောက်လုပ်ရေး ၀န်ကြီးဌာန ဒုတိယ အင်ဂျင်နီယာမှူးကြီး ဦးဝင်းဇော်က အစိုးရပိုင်သတင်းစာများသို့ ဇွန်လ ၂၆ ရက်နေ့တွင် တရားဝင် ထုတ်ပြန် ပြောဆိုပြီးနောက် ဒလအိမ်ခြံမြေ ဈေးနှုန်းများ ရုတ်တရက် အဆပေါင်းများစွာ ထိုးတက်သွားခြင်း ဖြစ်ကြောင်း သိရှိရသည်။

ဒလမြို့နယ်တွင် အိမ်ခြံမြေဈေးများ တဟုန်ထိုးမြင့်တက်လျက်ရှိရာ ယခင်က သိန်း ၅၀ ခန့်သာ ရှိသော မြေကွက်များသည် ယခုအခါ သိန်း ၁၀၀၀ မှ ၂၀၀၀ အကြား အဆပေါင်းများစွာ ဈေးထိုးတက်သွားပြီး ဒလမြို့နယ်သို့ ရန်ကုန်မြို့မှ အိမ်ခြံမြေ ကုမ္ပဏီများ လာရောက် ရုံးခန်းဖွင့်လှစ်မှု ရှိနေကြောင်း သိရှိရသည်။

“အရင်က ဒလ မြို့ထဲပိုင်းမှာရှိတဲ့ လမ်းမပေါ်က အလျား ပေ ၄၀၊ အနံ ပေ ၆၀ ရှိတဲ့ အိမ်နဲ့မြေက ကျပ်သိန်း ၅၀ လောက်ဆို ကောင်းကောင်း ရတယ်။ အခုတော့ အဲဒီ အိမ်ခြံမြေတွေက သိန်း ၁၀၀၀၊ ၂၀၀၀ လောက် အနည်းဆုံးထားပြီး ခေါ်နေကြတယ်။ ပါးစပ်ထဲက ဈေးတွေအတိုင်း ခေါ်ချင်သလို ခေါ်နေကြတာ။ တကယ် အရောင်းဖြစ်သွားရင်တော့ ၇၀၀၊ ၈၀၀ လောက်နဲ့ပဲ ထွက်တာ များပါတယ်” ဟု ဒလမြို့တွင် လွန်ခဲ့သည့် ဆယ်ရက်ခန့်ကမှ အိမ်ခြံမြေ ရုံးခွဲဖွင့်လှစ်လိုက်သည့် Fuji အိမ်ခြံမြေ အကျိုးဆောင် လုပ်ငန်းလုပ်ကိုင်နေသူ ကိုကျော်ဝဏ္ဏထွန်းက ပြောသည်။

ဒလမြို့နယ်တွင် အိမ်ခြံမြေဈေး မြင့်တက်မှုနှင့်အတူ ၀ယ်ယူရန် လေ့လာသူ များပြားပြီး အရောင်းအ၀ယ်မှာလည်း နေ့စဉ်ဖြစ်နေကြောင်း၊ လတ်တလော အိမ်ခြံမြေ အကျိုးဆောင် အများစု ဒလမြို့နယ်သို့ အပြေးအလွှား ရောက်ရှိလာပြီး အိမ်ခြံမြေ ၀ယ်လက် အများစုမှာ နယ်ဒေသများမှ စီးပွားရေး လုပ်ငန်းရှင်များ၊ နယ်စပ်ဒေသများမှ ရှမ်းတရုတ်နှင့် တရုတ် လူမျိုးအများစုဖြစ်ကြောင်း သိရှိရသည်။

“တချို့ ရှမ်းတရုတ်တွေဆိုရင် ကိုယ်တိုင် ကားနဲ့လာပြီး လိုက်ဝယ်တာ။ ရောင်းမယ့်သူနဲ့ တိုက်ရိုက်တွေ့ပြီး တိုက်ရိုက်ဝယ်တာ။ အိမ်ခြံမြေ ၀ယ်တဲ့သူတွေက ဒေသခံ အဆက်အသွယ် တွေနဲ့ လာကြတယ်။ တချို့ ၀ယ်လက်တွေက ဒလမြို့နယ်ရောက်မှ အဆက်အသွယ်ရှာပြီး စကားပြော မြေ၀ယ်ဖို့ ကြိုးစားကြတယ်။ အိမ်ခြံမြေ၀ယ်တဲ့သူတွေထဲမှာ ၁၀ ယောက် လာရင် ၈ ယောက် လောက်ကတော့ တရုတ်လူမျိုး တွေပဲ” ဟု ဒလမြို့နယ်မှ ဒေသခံ အိမ်ခြံမြေ အကျိုးဆောင် ကိုမျိုးက ပြောသည်။

ဒလမြို့တွင် ယခုရက်ပိုင်းအတွင်း အဓိက အရောင်းသွက်နေသည့် နေရာများသည် ဒလမြို့တွင်း နာရီစင် အနီးရှိ ကမာကစစ် ရပ်ကွက်၊ ဒလ – တွံတေး လမ်းမ အနီးရှိ ရပ်ကွက်၊ ရန်ကုန်ပေါက်ကျေးရွာ အပါအ၀င် လယ်မြေများပါ အရောင်းအ၀ယ် ဖြစ်နေကြောင်း သိရှိရသည်။

ဒလမြို့တွင် ယခင်ကလည်း မြစ်ကူးတံတား တည်ဆောက်မည်ဆိုသော သတင်းများကြောင့် ယခုကဲ့သို့ အိမ်ခြံမြေ ဈေးကွက် လှုပ်ခတ်ခဲ့ဖူးကြောင်း၊ ၂ဝ၁၂ ခုနှစ် မေလတွင် ရန်ကုန် နှင့် ဒလ ရေအောက်ကားလမ်း ဖောက်ရန်စီမံချက်ရှိသည်ဆိုသော သတင်းများကြောင့် အိမ်ခြံမြေဈေးနှုန်းများ မြင့်တက်ခဲ့ကြောင်း သိရှိရသည်။

လတ်တလော ဒလဒေသခံအများစုသည် အိမ်ခြံမြေများ တက်ဈေးဖြင့် ရောင်းချပြီး ရရှိငွေများကို စုဆောင်းပြီး အိမ်ပြန်ငှား နေကြသည်ဟု ဒေသခံများက ဆိုကြသည်။

“ဒေသခံတွေ ဈေးကောင်းကောင်းလေးနဲ့ ရောင်းလို့ ရတုန်း ရောင်းနေကြတယ်။ ရောင်းထွက်သွားရင် သူတို့က ပြန်ငှား နေကြတယ်။ သူတို့တတွေ အိမ်ကိုရောင်းလိုက်ပြီး အိမ်ပြန်ဝယ် နေတာတော့ မတွေ့ဘူး။ တက်ဈေးဖြစ်နေတဲ့ အချိန် လက်လွတ် မခံကြဘူး” ဟု ဒလမြို့မှ အိမ်ခြံမြေ အကျိုးဆောင် ဦးထွန်းဇော်က ဆိုသည်။

ဆောက်လုပ်ရေး ၀န်ကြီးဌာန၏ ထုတ်ပြန်ချက်အရ ရန်ကုန် – ဒလ မြစ်ကူးတံတား တည်ဆောက်ပြီးပါက ဒလ မြို့နယ်တွင် စက်မှုဇုန်များ ဖော်ဆောင် ရင်းနှီးမြှုပ်နှံရန် ကိုရီးယားကုမ္ပဏီများက စိတ်ဝင်စားနေကြောင်း၊ ဒလမြို့နယ်မှ ရန်ကုန်မြို့သို့ နေ့စဉ် လူဦးရေ ၇၅၀၀၀ ခန့် ကူးသန်းသွားလာနေကြောင်း သိရှိရသည်။

ပေါက်တော ကြိမ်နီပြင် ဒုက္ခသည်စခန်း မတည်ငြိမ်မူ အတွင်း လူ (၂) ဦးသေဆုံး

နိရဉ္စရာ

ရခိုင်ပြည်နယ် ပေါက်တောမြို့နယ် ကြိမ်နီပြင် ဒုက္ခသည် စခန်းတွင် မတည်ငြိမ်မူ ဖြစ်ပွားသဖြင့် စစ်တပ်က ပစ်ခတ်၍ လူ (၂) ဦး သေဆုံးသွားကြောင်း ပေါက်တော မြို့နယ် ပြည်နယ် လွှတ်တော် ကိုယ်စားလှယ် ဦးတက်ထွန်းအောင်က ပြောသည်။

ဖြစ်ပွားပုံနှင့် ပတ်သက်ပြီး သူသိသလောက် ရှင်းပြရာ ကြိမ်နီပြင် မွတ်ဆလင် ဒုက္ခသည် စခန်းတွင် အစိုးရမှ တည်ဆောက်ပေးသော အိမ်ယာ အစီအစဉ်ကို လက်ခံသူများနှင့် လက်မခံသူများဟူ၍ အုပ်စု (၂) စုကွဲနေကြောင်း၊ အုပ်စု တစ်ခုက အစိုးရက စီစဉ် တည်ဆောက်ပေးသော အိမ်ယာများတွင် နေထိုင်နေကြောင်း၊ ယမန်နေ့က မိုးရွာသဖြင့် အိမ်များ မိုးယိုရာ အိမ်ကို ပြုပြင်နိုင်ရန်အတွက် လိုအပ်သော ၀ါးများ၊ ဓနိများကို သယ်ယူရန် သွားစဉ် အစိုးရ၏ အိမ်ယာ ဆောက်လုပ်ပေးမူ အစီအစဉ်ကို လက်မခံသော အုပ်စုက တုတ်ဓါးများ တိုက်ခိုက်ရန် ကြိုးပမ်းသဖြင့် အနီးအနားရှိ တပ်စခန်းသို့ ၀င်ပြေးကြကြောင်း၊ စစ်တပ်မှ ဟန့်တားသော်လည်း မရကြောင်း၊ နောက်ပိုင်းတွင် လူအုပ်ဖြင့် စစ်သားများကိုပါ ရန်ရှာလာသဖြင့် စစ်တပ်က ပစ်ခတ်ခဲ့ကြောင်း၊ အဆိုပါ ပစ်ခတ်မူကြောင်း တစ်ဦးမှာ ပွဲချင်းပြီး သေဆုံးပြီး ကျန်တစ်ဦးမှာ နောက်ပိုင်းမှ သေဆုံးသွားခဲ့ကြောင်း ပြောကြားသည်။

ယခုအခါ သေဆုံးသူများ၏ အလောင်းများမှာ ပေါက်တောမြို့နယ် ဆေးရုံသို့ ရောက်ရှိနေပြီ ဖြစ်ကြောင်း သူက ပြောသည်။

ပေါက်တောရဲစခန်းသို့ ဆက်သွယ်မေးမြန်းရာ သေဆုံးသူ တစ်ဦး၏ အလောင်းသာ ပေါက်တော ဆေးရုံသို့ ရောက်ရှိပြီး ယခုအခါ အလောင်းကို သက်ဆိုင်ရာ ဒုက္ခသည် စခန်းရှိရာသို့ ပြန်လည် ယူဆောင်သွားပြီ ဖြစ်ကြောင်း ပြောဆိုသည်။

သေဆုံးသူ ဘယ်နှစ်ဦးရှိသည်ကို မိမိတို့ အနေဖြင့် အတည်မပြုနိုင်သေးကြောင်း၊ သက်ဆိုင်ရာ ရဲတာဝန်ရှိသူများမှ သွားရောက် စစ်ဆေးနေတုန်း ဖြစ်ကြောင်း၊ ပိုမိုသိလိုပါက ပြည်နယ် အဆင့်တာဝန်ရှိသူများကိုသာ ဆက်သွယ်မေးမြန်းပါဟု ဆိုကာ ဖုံးချသွားခဲ့သည်။

ပြည်နယ်အဆင့် တာဝန်ရှိသူ ဦးဝင်းမြိုင်ထံ ဆက်သွယ်သော်လည်း လူကြီးမင်း ခေါ်ဆိုသော တယ်လီဖုံးမှာ စက်ပိတ်ထားပါတယ်ဟု ပြန်လည် ဖြေကြားသဖြင့် အသေးစိတ် အချက်အလက်များကို မေးမြန်းနိုင်ခြင်း မရရှိခဲ့ပါ။

ဧရာဝတီမြစ်တွင်း စက်လှေသမားများထံမှ အစိုးရစစ်တပ် အဓမ္မငွေတောင်း

သျှမ်းသံတော်ဆင့်

ဧရာဝတီမြစ်ကြောင်းတစ်လျှောက် ကချင်ပြည်နယ် ဗန်းမော်မြို့နှင့် ဆင်ဘိုမြို့အကြား သွားလာနေသည့် စက်လှေသမား များထံမှ အစိုးရစစ်တပ်က အဓမ္မငွေတောင်းယူမှုများ ပြုလုပ်နေကြောင်း အဆိုပါနယ်ခံများ အဆိုအရ သိရသည် ။

ကျွန်းနှင့်ကျောက်စိမ်းသယ်ယူနေသည့် မှောင်ခိုစက်လှေများနှင့် ဒေသခံတောင်သူများ၏ ကိုင်းကျွန်းသွားလာနေသည့် စက် လှေသမားများထံမှ ငွေတောင်းယူနေခြင်း ဖြစ်ကြောင်း ဆင်ဘိုနယ်ခံ အမျိုးသမီးတစ်ဦးက သျှမ်းသံတော်ဆင့်သို့ ပြော သည် ။

“စစ်တပ်က ညောင်ပင်သာရွာမှာထိုင်တာ။ သူတို့က မှောင်ခိုစက်လှေတွေရော အခင်းထဲသွားတဲ့ စက် လှေတွေရော အကုန်လုံးကို ဂိတ်ကြေးဆိုပြီး တောင်းနေတာ။ ဂိတ်လို့ပြောရအောင် ဧရာဝတီမြစ်ထဲမှာ ဂိတ်မှမရှိတာ။ သူတို့စခန်းနဲ့ မြစ်နဲ့ ဆိုလည်း အဝေးကြီးပဲ ။အဲဒါ သေနတ်တစ်လက်ကိုင်ပြီး သောင်ပြင် တွေလျှောက်သွား တွေ့တဲ့စက်လှေခေါ်ကပ်။ ကြမ်းကြမ်း တမ်းတမ်း စကားတွေနဲ့ တောင်းနေတာ ” ဟု အဆိုပါ အမျိုးသမီးက ဆိုသည် ။

ညောင်ပင်သာရွာ၌ ခလရ ၁၄၁ တပ်ရင်းမှ စခန်းချထားပြီး စခန်းမှူးမှာ ဗိုလ်ကြီး ကျော်မျိုးနိုင်နှင့် မြစ်ကြောင်းတစ်လျှောက် ငွေလိုက်တောင်း နေသူမှာ တပ်ကြပ် ချစ်မောင်ဖြစ်ကြောင်း သူက ဆက် ပြောသည် ။

“၁၄၁ တပ်ရင်းမှူး ဒုဗိုလ်မှူးကြီး စိုးသူရက ဆင်ဘိုမှာထိုင်တယ် တပ်ကြပ် ချစ်မောင်က ဦးဆောင်ပြီး ငွေတောင်းနေတာ ငွေမပေးလို့ရှိရင် စခန်းလိုက်ခဲ့ စခန်းမှူးနဲ့ စကားပြောရမယ် ရိုက်နှက်ခံရမယ်ဆိုပြီး ကြမ်းကြမ်းတမ်းတမ်းပြောတောင်း တယ် ” ဟု ဆိုသည် ။

အဆိုပါ တောင်းယူသည့် ငွေပမာဏမှာ မှောင်ခိုစက်လှေများတွင် ပစ္စည်းပေါ်မူတည်၍ သောင်းပိုင်း သိန်းပိုင်း အစားစား ရှိပြီး ဒေသခံတောင်သူများ၏ စက်လှေများတွင် အနည်းဆုံး ကျပ် ၅၀၀၀ မှ ၁ သောင်း အကြား ပေးဆောင်နေရကြောင်း သိရသည် ။

စစ်ဘေးဒဏ်သင့် ဒေသများရှိ အမျိုးသမီးတို့ကို ဦးစားပေးထောက်ပံ့သွားရန် အရပ်ဘက်အဖွဲ့များ စီစဉ်နေ

နန်းလွင်နှင်းပွင့်

စစ်ဘေးဒဏ်သင့် ဒေသများ၊ ပဋိပက္ခဒေသများရှိ အမျိုးသမီးများ၏ လိုအပ်ချက်များအား ကွင်းဆင်းလေ့လာမှုများပြုလုပ်ထားပြီး ဦးစားပေး ထောက်ပံ့သွားရန် ပြည်တွင်းပြည်ပ အရပ်ဘက်လူမှုအဖွဲ့များ ပူးပေါင်း စီစဉ်လျက်ရှိသည်ဟု ကချင်အမျိုးသမီးများ ကွန်ရက်မှ မမေစပယ်ဖြူက မဇ္စျိမသို့ ပြောသည်။

''တစ်ဖွဲ့တည်းနဲ့ လုပ်လို့လဲ ဘယ်လိုမှ လမ်းခရီးရောက်မှာ မဟုတ်ပါဘူး၊ အခု အဖွဲ့တွေ တော်တော်များများ တိုင်ပင်ထားပါတယ်။ အမျိုးသမီးရေးကို အဓိကအသားပေး လုပ်ဆောင်သွားဖို့ပါ'' ဟု မမေစပယ်ဖြူက ဆိုသည်။

ယင်းကဲ့သို့ ကူညီသွားနိုင်ရန် အဖွဲ့မည်မျှရှိသည်ကို အတိအကျ မသတ်မှတ်နိုင် သေးသော်လည်း အစည်းအဝေးများဆက်တိုက် ပြုလုပ်လျက်ရှိသည်ဟု ကချင်အမျိုးသမီးများ ကွန်ရက်က ဆိုသည်။ လက်ရှိ အရပ်ဘက် လူမှုအဖွဲ့အစည်းများသည် ကချင်ပြည်နယ်ရှိ စစ်ဘေးဒဏ်သင့်ဒေသများတွင် ထောက်ပံ့မှုများ ပြုလုပ်ပေးလျက်ရှိပြီး နောက်ပိုင်းတွင်စစ်ဘေးဒဏ်သင့် ဒေသများတွင်သာမက ပဋိပက္ခဒေသများရှိ အမျိုးသမီးတို့၏ လိုအပ်ချက်များကိုပါ အသားပေး လုပ်ဆောင်သွားရန် စီစဉ်နေသည်ဟုလည်း ဆိုသည်။

''ဘေးဒဏ်သင့် နေရာတွေမှာ အခြားအဖွဲ့အစည်းတွေက ထောက်ပံ့တာတွေလည်း ရှိပါတယ်၊ ဒါပေမယ့် သူတို့တွေကအဖွဲ့အစည်းအသိုက်အဝန်း တစ်ခုအတွက် ထောက်ပံ့တာပါ။ အမျိုးသမီးအတွက် သီးသန့်ထောက်ပံ့တယ်ဆိုတာမတွေ့ရပါဘူး၊ တချို့အခက်အခဲတွေမှာ အမျိုးသမီးတွေက ပိုခံစားရတာ၊ ပိုလိုအပ်တဲ့ အချက်တွေ ရှိပါတယ်'' ဟု မမေစပယ်ဖြူက ဆိုသည်။

ဘေးဒဏ်သင့် ဒေသများရှိ အမျိုးသမီးတို့အတွက် နေရာထိုင်ခင်း အဆောက်အအုံများ၊ လုံခြုံရေးဆိုင်ရာ လုပ်ငန်းစဉ်များ၊ သက်မွေးဝမ်းကျောင်းဆိုင်ရာ လုပ်ငန်းစဉ်များ၊ အမျိုးသမီးများ လိုအပ်မည့် အစားအသောက် မဟုတ်သည့် ပစ္စည်းများကိုအခန်းကဏ္ဍအလိုက် ခွဲကာ ထောက်ပံ့သွားမည်ဖြစ်ပြီး စိုးရိမ်ပူပန်မှုများ ပြေလျော့စေရန်လည်း အစီအစဉ် အသေးစိတ်ရေးဆွဲကာ ဆောင်ရွက်သွားမည်ဟု မမေစပယ်ဖြူက ပြောသည်။

ကွင်းဆင်း လေ့လာချက်များအရ အမျိုးသမီးများအကြား စိုးရိမ်သောက ဖြစ်စေရသည့် အကြောင်းအရာ အခြေခံတို့မှာ သန့်ရှင်းသော ရေရရှိရေး လျှပ်စစ်မီး ရရှိရေး၊ အာဟာရပြည့်ဝသည့် အစားအသောက်များ၊ လုံခြုံမှုရှိသော အိပ်ခန်း၊ ရေချိုးခန်းနှင့် အိမ်သာများ မရနိုင်ခြင်းတို့ဖြစ်နေကြခြင်း ဖြစ်သည်။

အရေးတကြီး လိုအပ်နေသည့် ပစ္စည်းများမှာ အမျိုးသမီး လစဉ်သုံးပစ္စည်း၊ အတွင်းံ၊ လုံချည်နှင့်နွေးထွေးသော အဝတ်အထည်များဖြစ်ကြပြီး အမျိုးသမီးများ ခံစားနေရသော်လည်း ထုတ်ဖော်ပြောကြားခြင်းမရှိသည့် အဓိက ကျန်းမာရေး ပြဿနာများမှာ လိင်ပိုင်းဆိုင်ရာနှင့် မျိုးဆက်ပွား အင်္ဂါတို့နှင့် ကြီးကြီးမားမား ဆက်စပ်နေ သည်ဟု ကွင်းဆင်းလေ့လာချက်များတွင် တွေ့ရသည်။

ဖူးကက်တွင် မြန်မာ တဦး မူးယစ်ဆေးဝါးမှုဖြင့် ဖမ်းဆီးခံရ

သန်းထိုက်ဦး

ထိုင်းနိုင်ငံ တောင်ပိုင်း ဖူးကက်မြို့နယ်တွင် မူးယစ်ဆေးဝါး ရောင်းချနေသည်ဟု ယူဆရသော မြန်မာနိုင်ငံသား တဦးကို ထိုင်း အာဏာပိုင်များက ဖမ်းဆီးလိုက်သည်။

အသက် ၂၅ နှစ်အရွယ် ဇော်ကိုကိုအောင်ထံမှ စိတ်ကြွဆေးပြား၊ ဆေးခြောက်၊ အိုက်စ်(ICE)ဟု ခေါ်သည့် မူးယစ်ဆေးဝါး တို့ကို နယ်မြေခံ ရဲတပ်ဖွဲ့ဝင်များက နေအိမ် တအိမ်တွင် ယမန်နေ့က ဖမ်းမိခဲ့ကြောင်း ထိုင်းသတင်းများတွင် ဖော်ပြထားသည်။

အဆိုပါ နေအိမ်တွင် ဇော်ကိုကိုအောင်နှင့် ထိုင်းနိုင်ငံသား တဦးကို ဖမ်းဆီးရမိပြီး မြန်မာနိုင်ငံသား တင်နိုင်ဦး ဆိုသူမှာ ထွက်ပြေး လွတ်မြောက် သွားကြောင်း သိရသည်။

“အဖမ်းခံထားရတဲ့ ထိုင်းနိုင်ငံသားရဲ့ ထွက်ဆိုချက်အရ ရဲတွေ ဖမ်းမိထားတဲ့ ဆေးခြောက်တွေဟာ အဲဒီအိမ်မှာနေတဲ့ မြန်မာ ၂ ယောက်ဆီကနေ တထုပ်ကို ဘတ် ၂၀၀ နဲ့ ၀ယ်တာ ဖြစ်တယ် ဆိုပြီးတော့ ထွက်ဆိုထားတယ်”ဟု ဖူးကက်မြို့နယ်မှ ရဲအရာရှိကြီး တဦး ကပြောကြောင်း ထိုင်းသတင်းများက ဆိုသည်။

ဇော်ကိုကိုအောင်ကလည်း ယခု ဖမ်းဆီးရမိသော မူးယစ်ဆေးဝါးများနှင့် ပတ်သက်၍ ၎င်း၏ ပစ္စည်းများ မဟုတ်ကြောင်း၊ ထွက်ပြေး သွားသည့် တင်နိုင်ဦးထံမှ ရရှိခြင်း ဖြစ်ကြောင်း ငြင်းဆိုထားသည်။

ဖူးကက်မြို့နယ်မှ ရဲအရာရှိကြီးက“ဘာပဲ ဖြစ်ဖြစ် ၂ ယောက် စလုံးကို စုံစမ်းစစ်ဆေးမှုတွေ လုပ်ပြီးရင် ထိုင်းဥပဒေအရ အရေးယူ ဆောင်ရွက်သွားမှာ ဖြစ်ပါတယ်”ဟု ဆက်ပြောသည်။

သက်သေခံ ပစ္စည်းများ အဖြစ် ဆေးခြောက် ၃.၅၀ ဂရမ် ၄၅ ထုပ်၊ အိုက်စ် ၀.၄၅နှင့် ၀.၅၀ ဂရမ် စုစုပေါင်း ၃၄ ထုပ်၊ စိတ်ကြွဆေး ပြား (ခေါ်) ရာဘ ၅၈ လုံးတို့ကို သိမ်းဆည်းရမိထားကြောင်း၊ မူးယစ်ဆေးဝါး ရောင်းဝယ်မှုနှင့် အရေးယူသွားမည် ဖြစ်ကြောင်း သိရ သည်။

လတ်တလာတွင် ဖမ်းဆီးခံရသူ ၂ ဦးကို ဖူးကက်မြို့နယ် အတွင်းရှိ ကာလွန် (Karon) ရဲစခန်းတွင် ထိန်းသိမ်းထားကြောင်း ထိုင်း သတင်းများတွင် ပါရှိသည်။

ထိုင်းဥပဒေအရ မူးယစ်းဆေးဝါးရောင်းဝယ် ဖောက်ကားမှုနှင့် ပတ်သက်၍ ပြစ်မှု ထင်ရှားပါက ထောင်ဒဏ် တသက်တကျွန်း အထိ ကျခံရနိုင်ကြောင်း သိရသည်။

၂၀၁၃ ခုနှစ် ဖေဖော်ဝါရီလကလည်း မြန်မာနိုင်ငံသား ၂ ဦးနှင့် ထိုင်းနိုင်ငံသား တဦးတို့ကို ရာဘ စိတ်ကြွဆေးပြား ၂ သိန်းနှင့်အတူ ထိုင်း အာဏာပိုင်များက ထိုင်းနိုင်ငံ မြောက်ပိုင်း လန်ပန်းမြို့တွင် ဖမ်းဆီးရမိခဲ့သည်။

အဆိုပါ မြန်မာနှင့် ထိုင်းနိုင်ငံသားတို့ကို ချင်းမိုင်-ဘန်ကောက် ပြေးဆွဲနေသည့် လိုင်းကားပေါ်တွင် ဖမ်းမိခဲ့ခြင်း ဖြစ်သည်ဟု ဆို သည်။

နိုင်ငံခြားသား ခရီးသွားများ အပန်းဖြေရာ ဒေသအဖြစ် နာမည်ကြီးသည့် ဖူးကက်မြို့နယ်တွင် မြန်မာ ရွှေ့ပြောင်း အလုပ်သမား ၇ သောင်း မှ ၁ သိန်းခန့် အထိရှိကြောင်း သိရသည်။

ဇွန် ၂၆ ရက် အပြည်ပြည်ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င် ရောင်းဝယ်ဖောက်ကားမှု တိုက်ဖျက်ရေးနေ့တွင် ထိုင်း အစိုးရက ဘတ်ငွေ သန်းပေါင်း ၁၀၀၈၀ ခန့် တန်ဖိုးရှိသည့် ဖမ်းဆီးရမိထားသော မူးယစ်ဆေးဝါး ၃.၃ တန်ကို မီးရှို့ဖျက်ဆီးခဲ့ကြောင်း သိရသည်။ ထိုင်း အစိုးရ အနေနှင့် နိုင်ငံအတွင်း မူးယစ်ဆေးဝါး တိုက်ဖျက်ရေး လုပ်ငန်းများကို လုပ်ကိုင်လျက်ရှိသည်။

မြန်မာအစိုးရက မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများ အန္တရာယ် တားဆီးကာကွယ်ရေး အဖွဲ့ကို ဖွဲ့စည်း၍ မူးယစ်ဆေးဝါး ပပျောက်ရေး ၁၅ နှစ် စီမံကိန်းကို ၁၉၉၉ ခုနှစ်မှ ၂ဝ၁၄ ခုနှစ်အထိ သတ်မှတ်ထားသော်လည်း ၂၀၁၉ အထိ ပြန် လည် သတ်မှတ်လိုက်သည်။

အပြည်ပြည်ဆိုင်ရာ မူးယစ်ဆေးဝါး တိုက်ဖျက်ရေးနေ့ အထိမ်းအမှတ်အနေနှင့် မြန်မာ အစိုးရကလည်း ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ မွန်ပြည်နယ်၊ ရခိုင်ပြည်နယ်၊ ကရင်ပြည်နယ် တို့မှ ဖမ်းဆီးရမိသည့် ကျပ်ငွေ သိန်း ၄၄၀၇၀ ကျော် တန်ဖိုးရှိသော မူးယစ်ဆေးဝါး ၁၅ မျိုးတို့ကို မီးရှို့ဖျက်ဆီးခဲ့ကြောင်း သိရသည်။