ABC
မြန်မာနိုင်ငံက နယ်စပ်မြို့တစ်မြို့မှာ ဆင်စွယ်အချောင်း ၃၀ ကျော်အပြင် ဆင်စွယ်နဲ့ ပြုလုပ်ထားတဲ့ ပစ္စည်းပေါင်း ထောင်နဲ့ချီပါ တွေ့ရှိပြီးတဲ့နောက် မြန်မာနိုင်ငံအစိုးရအနေနဲ့ ဆင်တွေကို ကာကွယ်မှုမလုပ်ဘူးလို့ တောရိုင်းတိရိစ္ဆာန် ထိန်းသိမ်းစောင့်ရှောက်သူတွေက ဝေဖန် ပြောဆို လိုက်ပါတယ်။
TRAFFIC ဆိုတဲ့အဖွဲ့နဲ့ Oxford Brooks တက္ကသိုလ်က အဖွဲ့တို့ ပူးပေါင်းပြီး လျို့ဝှက်စုံစမ်းမှုတွေလုပ်ရာကနေ တရုတ်နိုင်ငံနဲ့ နီးစပ်တဲ့ ရှမ်းပြည်နယ် အရှေ့ပိုင်းရှိ Mong La မြို့မှာ ဆင်စွယ်တွေ ပြောင်ပြောင်တင်းတင်း ရောင်းချနေတာကို တွေ့ရှိခဲ့ပြီးနောက် မြန်မာအစိုးရကို ဝေဖန်လိုက်တာ ဖြစ်ပါတယ်။
အဲဒီဒေသမှာ မြန်မာအစိုးရရဲ့ ထိန်းကွပ်မှု အားနည်းသလို ကာဆီနို လောင်းကစားဝိုင်းတွေနဲ့ လိင်အလုပ်သမတွေ ဈေးပေါပေါ ရနိုင်တဲ့ နေရာဖြစ်တဲ့အတွက် တရုတ်နိုင်ငံသားတွေ အများအပြား လာရောက်လေ့ရှိတဲ့ ဒေသလည်း ဖြစ်ပါတယ်။
မြန်မာနိုင်ငံက အာဆီယံဒေသအတွင်း သားရိုင်းတိရိစ္ဆာန်ကာကွယ်ထိန်းသိမ်းရေး ကွန်ယက်ရဲ့ ဥက္ကဌရာထူးလည်း ရယူထားတဲ့အတွက် အဲဒီဒေသမှာ တရားဥပဒေစိုးမိုးမှုတွေရှိအောင် အမြန်ဆုံးဆောင်ရွက်ဖို့လည်း မြန်မာအစိုးရကို တောင်းဆိုလိုက်ကြပါတယ်။
အိန္ဒိယနိုင်ငံပြီးရင် မြန်မာနိုင်ငံဟာ ဆင်အကောင်ဦးရေ ဒုတိယအများဆုံး နိုင်ငံဖြစ်မယ်လို့ ခန့်မှန်းနေကြပြီး စုစုပေါင်း ဆင်ဦးရေ ၆၀၀၀ လောက် ရှိမယ်လို့ ခန့်မှန်းနေကြပါတယ်။
မျိုးတုန်းပျောက်ကွယ်မယ့် အနေအထားရှိတဲ့ သားရိုင်းတိရိစ္ဆာန်တွေကို ကာကွယ်ဖို့ မြန်မာနိုင်ငံမှာ ဥပဒေတွေ ထုတ်ပြန်ထားပေမယ့် နယ်စပ်ဒေသမှာ တရားဥပဒေစိုးမိုးရေး အားနည်းတဲ့အတွက် သားရိုင်းတိရိစ္ဆာန်တွေအပြင် အစိတ်အပိုင်းတွေကို ပြောင်ပြောင်တင်းတင်းရောင်းချနေတာ ဖြစ်တယ်လို့လည်း သိရပါတယ်။
ပြီးခဲ့တဲ့ သတင်းပတ်တွေကပဲ တရုတ်နိုင်ငံ Guangdong မြို့မှာ တရုတ်အာဏာပိုင်တွေက တရားမဝင်ဆင်စွယ်ကုန်ကူးမှုကို တိုက်ဖျက်ကြောင်း ပြသတဲ့အနေနဲ့ ဆင်စွယ်တန်ချိန် ၆ တန်ကို ဖျက်ဆီးခဲ့ပါတယ်။
No comments:
Post a Comment