Sunday, January 19, 2014

မြစ်ဆုံကဲ့သို့ စီမံကိန်းများပါဝင်သည့် ယခင်အစိုးရလက်ထက် စီးပွားရေးစာချုပ်များကို ပြန်လည်ဆန်းစစ်ရန်မလိုဟု ဒု-၀န်ကြီးပြောဆို

ဥာဏ်လှိုင်လင်း၊ အောင်သူရထွန်း

မြစ်ဆုံကဲ့သို့သော စီမံကိန်းများ ပါဝင်သည့် ယခင်အစိုးရလက်ထက် စီးပွားရေး စာချုပ်များ ဆက်လက် အသက်ဝင်ဆောင်ရွက်လျက်ရှိသကဲ့သို့ အကောင်အထည်ဖော်ရန် ပြဿနာ တစ်စုံတစ်ရာမရှိ၍ပြန်လည် ဆန်းစစ်ရန်မလိုဟု အမျိုးသား စီမံကိန်းနှင့် စီးပွားရေးဖွံ့ဖြိုးတိုးတက်မှုဝန် ကြီးဌာန ဒုတိယ၀န်ကြီး ဒေါ်ခင် စန်းရီက ဇန်န၀ါရီ ၁၆ ရက်တွင် ကျင်းပသည့် ပြည်သူ့လွှတ်တော် အစည်းအဝေး၌ ပြောသည်။

ချောက်မဲဆန္ဒနယ်မှ ဦးသိန်းလွင်က ယခင်အစိုးရလက်ထက် ပြည်တွင်း၊ ပြည်ပ သဘောတူထားခဲ့သည့် နားလည်မှု စာချွန်လွှာများ၊ သဘောတူစာချုပ်များ၊ စီးပွားရေး စာချုပ်များအပေါ် ပြည်သူ့အကျိုးစီးပွားပိုမို ဖြစ်ထွန်းစေရေး ပြန်လည်သုံးသပ်ရန် ရှိ၊မရှိ မေးမြန်းရာတွင် ၎င်းက ယင်းသို့ ပြောခြင်းဖြစ်သည်။

“လက်ရှိ အသက်ဝင်လျက်ရှိနေသည့် စာချွန်လွှာများ၊ နားလည်မှု စာချွန်လွှာများနှင့် သဘောတူစာချုပ် များ အကောင်အထည်ဖော်ရာတွင် ပြဿနာတစ်စုံတစ်ရာ မရှိပါ၍ ပြန်လည်ဆန်းစစ်ရန် မလိုပါကြောင်း ရှင်းလင်း ဖြေကြားအပ်ပါတယ်”ဟု ဒေါ်ခင်စန်းရီက ဆိုသည်။

အဆိုပါ သဘောတူစာချုပ်များသည် ဖွဲ့စည်းပုံအခြေခံဥပဒေ မရှိသေးချိန်၊ ငွေကြေးမပြည့်စုံချိန်၊ စီးပွားရေး ပိတ်ဆို့မှုကြုံတွေ့နေရချိန်၊ နိုင်ငံခြားရင်းနှီးမြှုပ်နှံမှု ဥပဒေ၊ သဘာဝပတ်ဝန်းကျင်ဆိုင်ရာ ဥပဒေများ မပြ ဋ္ဌာန်းနိုင်သေးချိန်တွင် ချုပ်ဆိုခဲ့ခြင်းဖြစ်၍ လက်ရှိအခြေအနေများ၊ ပြဋ္ဌာန်းပြီးသည့် ဥပဒေများနှင့် ကိုက်ညီ မှု ရှိမရှိ ပြန်လည်စိစစ်ရန် လိုအပ်မည်ဟူ၍ ဦးသိန်းလွင်က မေးမြန်းခြင်းဖြစ်သည်။

“ပြဋ္ဌာန်းပြီးတဲ့ ဥပဒေများနှင့် လိုက်လျောညီထွေစွာ ပြင်ဆင်ကျင့်သုံးခြင်းသည် တရားဥပဒေစိုးမိုးရေးကို လိုက်နာတာ ဖြစ်ပါတယ်” ဟု ၎င်းကပြောသည်။

ထို့ပြင် ပြည်တွင်း၌လုံလောက်မှု မရှိသည့် မြန်မာ့ကမ်းလွန် ပင်လယ်ပြင်မှထွက်ရှိသည့် သဘာဝဓာတ်ငွေ့ များ ပြည်ပသို့ပိုမိုတင်ပို့နေခြင်းကို ပြန်လည်ဆွေးနွေး ညှိနှိုင်းရန် လိုသည်ဟုလည်း ဦးသိန်းလွင်က တိုက် တွန်းသည်။

ဒုတိယ၀န်ကြီး၏ ဖြေကြားမှုအပြီး မေးခွန်းရှင်က လက်ပံတောင်း၊ မြစ်ဆုံကဲ့သို့သော စီးပွားရေးစာချုပ်များ သည် ပြဿနာ တစ်စုံတစ်ရာမရှိသည့် စာချုပ်တွေမဟုတ်သဖြင့် ပြောင်းလဲလာသည့် ခေတ်စနစ်၊ ဥပဒေ များနှင့်အညီ ပြန်လည်သုံးသပ်ရန် ရှိမရှိ ထပ်မံမေးမြန်းရာ ဒုတိယ၀န်ကြီးက “အခြားဝန်ကြီးဌာနများနှင့် ညှိနှိုင်း ဆောင်ရွက်သွားပါမယ်” ပြန်လည်ဖြေကြားခဲ့သည်။

ပြည်သူများကန့်ကွက်ခဲ့သဖြင့် နိုင်ငံတော် သမ္မတကိုယ်တိုင် လုပ်ငန်းဆောင်ရွက်မှု ရပ်ဆိုင်းထားရန် ဆုံး ဖြတ်ထားသည့် မြစ်ဆုံစီမံကိန်း အပါအ၀င် စစ်အစိုးရလက်ထက် စီမံကိန်းများကို ပြဿနာ တစ်စုံတစ်ရာ မရှိ၍ ပြန်လည်ဆန်းစစ်ရန် မလိုဟု ပြည်ထောင်စုအစိုးရအဖွဲ့ ဒုတိယ၀န်ကြီးတစ်ဦးက လွှတ်တော်မှ တစ် ဆင့် ထုတ်ဖော်ပြောဆိုခဲ့ပြီးမှ သက်ဆိုင်ရာ ၀န်ကြီးဌာနများနှင့် ညှိနှိုင်းဆောင်ရွက်မည်ဟု ပြန်လည် ဖြေ ကြားခဲ့ခြင်း ဖြစ်သည်။

တရုတ်နိုင်ငံ CPI ကုမ္ပဏီနှင့် ချုပ်ဆိုခဲ့သော မြစ်ဆုံစီမံကိန်းအပေါ် ပြည်သူတို့ အပြင်းအထန် ကန့်ကွက် ခဲ့သဖြင့် ဦးသိန်းစိန်က ၎င်း၏သမ္မတသက်တမ်းကုန်ဆုံးချိန် ၂၀၁၅ ခုနှစ်အထိ လုပ်ငန်းဆောင်ရွက်ခြင်း မပြုဟု ဆုံးဖြတ်ထားပြီး ဖြစ်သည်။

ယခင်အစိုးရလက်ထက်တွင် အမျိုးသား စီမံကိန်းနှင့် စီးပွားရေးဖွံ့ဖြိုးတိုးတက်မှု ၀န်ကြီးဌာနမှ တာဝန်ခံ ချုပ်ဆိုခဲ့သည့် စာချုပ်ပေါင်း ၉၁ ခုရှိပြီး မဆောင်ရွက်ရသေးသည့် စာချုပ် ငါးခုရှိနေသေးသည်ဟု ဒုတိယ ၀န်ကြီး၏ ပြောဆိုချက်၌ ပါဝင်သည်။

ထို့ပြင် အခြားသော ၀န်ကြီးဌာနများ ချုပ်ဆိုခဲ့သည့် စာချုပ်ပေါင်း ၉၈၂ ခုအထိ ရှိနေပြီး ၈၂၁ ခုမှာ ဆောင် ရွက်ဆဲအခြေအနေ၌သာ ရှိနေသည်။

No comments: