Friday, January 31, 2014

ရခိုင်ရဲတပ်ကြပ်ကြီး တစ်ဦးအသတ်ခံရမှုနှင့် တရားခံ ဒုချရားတန်း အခြေအနေမှန်

သဇင်ဥ

ရခိုင်ပြည် မောင်တောမြို့နယ် ဒုချရားတန်း အလယ်ကျေးရွာတွင် နေထိုင်သော ဘင်္ဂလီတချို့က ရဲတကက ဦးအောင်ကျော်သိန်းအား သတ်ဖြတ်ပြီးနောက် ဒုချရားတန်း အနောက်ရွာနေအိမ်တချို့ကို မိမိတို့ဘင်္ဂလီတချို့က ဇန်နဝါရီလ ၂၈ ရက်နေ့ညဥ့်တွင် မီးတိုက်ကာ ဒေသခံရခိုင်၊ ရဲနှင့် လူထိမ်းများ အကြမ်းဖက်မီးရှီုး တိုက်ခတ်သည်ဟု သတင်းများအား ထုတ်ပြန်ခဲ့ကြောင်း မောင်တောမြို့ ရဲစခန်းမှ တာဝန်ရှိသူ တစ်ဦးက ပြောသည်။

မောင်တောမြို့နယ် ဒုချရားတန်းအလယ်ရွာမှ တရားခံတချို့မှာ ဇန်န၀ါရီလ ၁၃ ရက်နေ့က ယင်းနယ်မြေအခြေစိုက် ရဲတကကအား အလောင်းဖျောက် သတ်ဖြတ်မှု ဖြစ်ပေါ်ခဲ့ရာမှ ယင်းဘင်္ဂလီများနှင့် ဆက်စပ်မှုရှိနေသည့် အကြမ်းဖက်တချို့က တဖန်အကွက်ဆင်ကာ အနီးအနားရှိ အနောက်ရွာကို ရှိုးမီးများဖြင့် ထပ်မံလုပ်ဆောင်ခြင်းဖြစ်ကြောင်း အမည်မဖေါ်လိုသူက ဆိုသည်။

၎င်းဘင်္ဂလီများထံ မတရားသဖြင့် သတ်ဖြတ်ခံရသော ရဲတကက ဦးအောင်ကျော်သိန်းသည် ရဲတပ်ဖွဲ့သို့ ၁၉၉၆ ခုနှစ်က ၀င်ရောက်ခဲ့ကြောင်း၊ သူ၏ ကပနံပါတ်မှာ လ ၁၇၂၁၀၈ ဖြစ်ပြီး ရခိုင်အမျိုးသားတစ်ဦးဖြစ်ကာ မောင်တောမြို့ ခရေမြိုင်စခန်းတွင် ရဲကင်းမှူးအဖြစ် ထမ်းဆောင်နေစဉ် Jan ၁၃ ရက်နေ့က ဘင်္ဂလီများလက်ချက်ကြောင့် ကျဆုံးသွားခဲ့ခြင်းဖြစ်သည်။ တကက ဇနီး မခင်အေးလွင်သည် Jan ၂၅ ရက်နေ့က သမီးလေးတစ်ဦး ဖွားမြင်ခဲ့ကြောင်း သိရှိရသည်။


ရခိုင်ပြည်အတွင်း မှီတင်းနေထိုင်နေကြသော ဘင်္ဂလီများမှာ မိမိနေအိမ်နှင့် မိသားစုများကို မီးရှိုးသတ်ဖြတ်ကာ ဒေသခံရခိုင်နှင့် အာဏာပိုင်များက အကြမ်းဖက်ကြောင်း နိုင်ငံတကာသို့ လုပ်ဇာတ်ခင်းသော အလေ့အထရှိကြောင်း လက်ရှိမြန်မာနိုင်ငံ အစိုးရ အဖွဲ့လည်း တရားဝင် ရှင်းလင်းထားပြီး ဖြစ်သည်။

ဘင်္ဂလီများက ရခိုင်အမျိုးသား တကကအား မတရားလူသတ်မှုကျူလွန်ခြင်း ဖြစ်ပွားပြီးနောက် အခြေအနေတင်းမာနေသည့် ကာလအတွင်း ဇန်န၀ါရီလ ၂၂ ရက်နေ့က ရခိုင်ပြည်နယ် ၀န်ကြီးချုပ်နှင့်အဖွဲ့ အခင်းဖြစ်ပွားရာသို့ ရောက်ရှိခဲ့ပြီး ကျေးရွာအုပ်ချုပ်ရေးမှုများ အပါအ၀င် မော်လ၀ီများနှင့်တွေ့ဆုံကာ တရားခံဖေါ်ထုတ်ရေးနှင့် အပြစ်မရှိဘဲ ထွက်ပြေးနေသော ကျေးရွာသားများ ပြန်လည်နေထိုင်ရေး ညှိနှိုင်းဆွေးနွေးကြရာ ဇန်န၀ါရီ ၂၇ ရက်နေ့အထိ အိမ်ထောင်စု ၈၀ ခန့်ရောက်ရှိနေထိုင်ခဲ့ရာမှ အနောက်ရွာ၌ မိမိနေအိမ်များကို မီးရှိုးပြီး တဖန်အကြမ်းဖက်မှုများအား နှိုးဆွပေးလိုက်ခြင်းဖြစ်ကြောင်း မောင်တောရဲစခန်းက အတည်ပြု ပြောသည်။

မီးလောင်အခင်းဖြစ်ပွားမှုအား တာဝန်ရှိသူများက စစ်ဆေးချက်အရ လုပ်ကြံရှိုးမီးဖြစ်ကြောင်း၊ မောင်တောမြို့သို့ EU အဖွဲ့ဝင်များ ရောက်ရှိလာချိန်တွင် INGO နှင့် AZG များက ဒုချရားတန်းကျေးရွာကို ဒုက္ခသည်စခန်းအဖြစ် ပြောင်းလဲရန် တင်ပြချက်အား အတည်မပြုခြင်းများနှင့် ဆက်နွယ်မှုရှိနိုင်ကြောင်း၊ မီးလောင်ကျွမ်းသွားခဲ့သော နေအိမ် ၁၆ လုံးမှာ တဲအိမ်ငယ်လေးများဖြစ်ကာ မီးလောင် စာများထည့်သွင်းပြီး မီးရှိုးခြင်းဖြစ်ကြောင်း စုံစမ်းသိရှိရသည်။

မောင်တောမြို့နယ်တွင် နေထိုင်ကြသော ဘင်္ဂလီများ အနေဖြင့် ယင်းကင်းလှည့်ရဲတပ်ဖွဲ့က ၁၃ ရက်နေ့တွင် ဘင်္ဂလီအမျိုးသမီးတဦးအား မုဒိမ်းကျင့်ခဲ့ကြောင်း၊ ယင်းမှတင်းမာမှုများဖြစ်ပေါ်ခဲ့ကြောင်း၊ ရဲတပ်ဖွဲ့က ကျဉ်ဆံပေါင်း ၁၀၀ ကျော်ပစ်ခတ်ခဲ့ကြောင်း၊ ရဲ၊ လူထိမ်းနှင့် ရခိုင်တို့ ပူးပေါင်းပြီး ဘင်္ဂလီများကို အကြမ်းဖက်ကြောင်း၊ ဘင်္ဂလီများမှာ အနည်းဆုံး ၂၀ ကျော်သေဆုံးခဲ့ပြီး ၅၀ ကျော်ဒဏ်ရာ ရရှိခဲ့ကြောင်း၊ ရဲတပ်ဖွဲ့က ဘင်္ဂလီ ၁၀၀ ကျော်ဖမ်းဆီယူသွားကြောင်း၊ ရွာလုံးကျွတ်ထွက်ပြေး၍ လွတ်မြောက်ရခြင်းဖြစ်ကြောင်းနှင့် ရဲ၊ လူထိမ်းနှင့် ရခိုင်တို့မှာ ယင်းရွာမှ အိမ်မွေးတိရိစ္ဆာန်များ၊ ဆန်စပါးများနှင့် တခြားတန်ဖိုးရှိ ပစ္စည်းများ လုယူသွားခဲ့ကြောင်းနှင့် မြန်မာအစိုးရက မောင်တောမြို့နယ်အတွင်း ကျေးရွာများ တည်ဆောက်ကာ နေအိမ် ၁၈၀၀၀ ကျော် ဆောက်လုပ်ပြီး ရခိုင်၊ သက်နှင့် ဒိုင်းနက်များ နေရာချထားပေးနေမှုအပေါ် လုံးဝမကြေနပ်မှုများ ရှိနေခြင်းများအား ဖုံးမှတဆင့် အတိုကောက်ရေးသားထားသော စာများကို နိုင်ငံတကာသို့ ယင်းဇွန် ၁၄ ရက်နေ့ကတည်းက ဖြန့်ဝေခဲ့ပြီးစာမူအရ သိရှိရသည်။

သို့သော်လည်း ပြန်ကြားရေးဝန်ကြီးဌာနမှ ဒုချီရားတန်းအနောက်ရွာ ရှိုးမီးမှာ ဘင်္ဂလီများသာ ဖြစ်နိုင်ခြေရှိကြောင်း ကြားနေ တရားသူကြီးပုံစံအဖြစ် ထုတ်ပြန်ထားသည်။

ယင်းနေ့ ဒုချရားတန်းအလယ်ရွာဒေသအတွင်း ကင်းလှည့်နေသော တကက ဦးအောင်ကျော်သိန်းနှင့်အဖွဲ့အား ဘင်္ဂလီ ၅၀ ကျော်တို့က မတရားသဖြင့် ရှောင်တခင် တုတ်ဓါးအုပ်ခဲများဖြင့် ရိုက်ပေါက်ကြရာကနေ ရဲအဖွဲ့ဆုတ်ခွာချိန် လူစုကွဲသွားပြီး ယင်းရွာမြောက်သို့ ထွက်ပြေးသွားသော တကက ကျဆုံး ရခြင်းဖြစ်ကြောင်း၊ တကကအား ကျေးရွာအတွင်း အတွင်းကြွေအောင် သတ်ဖြတ်ပြီး ရဲဝတ်များ ချွတ်ကာ သင်္ချိင်းသို့ယူပြီး အသေသတ်ဖြတ်၍ မြေမြှပ်ခြင်းမှတဆင့် အလောင်းအားပြန်လည်ဖေါ်ယူပြီး ရွာဘေးချောင်းစပ်သို့ ယူသွားကြောင်းဟု စစ်ဆေးခံနေရသူ ဘင်္ဂလီအမျိုးသမီးတဦးက ထွက်ဆိုသည်ဟု fb သတင်းအရ သိရှိရသည်။

မောင်တောမြို့နယ်နှင့် ဝေးကွာနေသူများအနက် တချို့အနေဖြင့် ယခုဖြစ်ပေါ်နေသော သတင်းမှာ ဘင်္ဂလီ-ရခိုင် အခြေအနေ တင်းမာ နေကြောင်း၊ တဖန်ဆူပူမှုများ ဖြစ်ပေါ်လာနိုင်ကြောင်းနှင့် fbတွင် ဖြစ်ပေါ်နေသော သတင်းများအား စောင့်ကြည့်နေကြ သော်လည်း လက်ရှိ မောင်တောမြို့နယ်အတွင်း အခြေအနေမှာ တည်ငြိမ်ဆဲဖြစ်သည်။ သို့သော်လည်း လုပ်ဇာတ်ခင်းတတ်သော အကြမ်းဖက် ဘင်္ဂလီ တချို့မှာ နိုင်ငံတကာသို့ ဆက်လက် သတင်းမှား များ ထုတ်ပြန်ရန် ကြိုးစားနေဆဲဖြစ်ကြောင်း သိရှိရသည်။

ရခိုင်ပြည်အတွင်း အကြမ်းဖက်သောင်းကျန်းမှုများ ရပ်တန့်သွားစေရန်နှင့် တရားခံမှန်ဖေါ်ထုတ်ပြီး တရားဥပဒေအရ အရေးယူနိုင်ရန်မှာ လက်ရှိအာဏာရ အစိုးရအပေါ်တွင်သာ မူတည်နေသည်။

ပြည်တွင်းစစ်အဆုံးသတ်ရေး ငြိမ်းချမ်းသောနည်းလမ်းဖြင့် အဖြေရှာရန် KNU ဥက္ကဋ္ဌ တိုက်တွန်း

စောသိန်းမြင့်

မြန်မာနိုင်ငံတွင် နှစ်ပေါင်း (၆၀)ကျော်ကြာ ဖြစ်ပွားနေသော ပြည်တွင်းစစ်အဆုံးသတ်ရေးကို ငြိမ်းချမ်းသည့်နည်းလမ်းဖြင့် အဖြေ ရှာရန် ကရင်အမျိုးသားအစည်းအရုံး(ကေအဲန်ယူ) ဥက္ကဋ္ဌ စောမူတူးစေးဖိုးက ယခု ဇန်န၀ါရီ ၃၁ရက်နေ့တွင် ကျရောက်မည့် ၆၅ နှစ်မြောက် ကရင့်အမျိုးသားတော်လှန်ရေးနေ့အတွက် ပေးပို့သည့်မိန့်ခွန်းတွင် ပြောကြားလိုက်သည်။

“ပြည်တွင်းစစ်ကို အဆုံးသတ်ပြီး မိမိကရင်အမျိုးသားတို့၏ သမိုင်းနှင့် ပြည်ထောင်စုကြီး၏ သမိုင်းအပြင် နိုင်ငံရေးပဋိပက္ခများကို ငြိမ်းချမ်းသောနည်းလမ်းဖြင့် အဖြေရှာပြီး မိမိတို့နောင်လာနောက်သားများနှင့် အနာဂတ်လူငယ်များ မျှော်မှန်းထားသော ငြိမ်း ချမ်းရေးနှင့် သာယာဝပြောရေးကို လက်ဆင့်ကမ်း ပေးအပ်လိုသောစိတ်ထားဖြင့် ရေးသားရန် လိုအပ်သည်”ဟု ၎င်း၏မိန့်ခွန်း တွင် ထည့်သွင်းထားသည်။

ထို့အပြင် ဒီမိုကရေစီစနစ်ကို အခြေခံသည့် စစ်မှန်သော ပြည်ထောင်စုကြီးကို တည်ဆောက်နိုင်မှသာလျှင် စစ်မှန်သော ပြည် တွင်းငြိမ်းချမ်းရေးနှင့် တိုင်းပြည်၏ အနာဂတ်သာယာဝပြောရေးကို အာမခံနိုင်မည်ဖြစ်ပြီး နိုင်ငံတော်၏ ရေရှည်သာယာဝပြော ရေးအတွက် ဆောင်ရွက်ရာတွင် တိုင်းရင်းသားလူမျိုးများ၊ နိုင်ငံရေးပါတီနှင့် ပြည်တွင်းငြိမ်းချမ်းရေး တည်ဆောက်လိုသော အစိုးရအဖွဲ့အစည်းအသီးသီးမှ ခေါင်းဆောင်များနှင့် အတူတကွ လက်တွဲလုပ်ဆောင်ရန် အရေးကြီးသည်ဟု KNU ဥက္ကဌက ပြောဆိုထားသည်။

အစိုးရနှင့် တိုင်းရင်းသားလက်နက်ကိုင် တော်လှန်ရေးအဖွဲ့အစည်းများသည် တစ်နိုင်ငံလုံး အပစ်အခတ်ရပ်စဲရေး သဘောတူစာ ချုပ်ကို လက်မှတ်ရေးထိုးနိုင်ရန်နှင့် နိုင်ငံရေးဆွေးနွေးမှုများ ပြုလုပ်ရန် စိတ်ဆန္ဒရှိနေကြပြီး ဖြတ်သန်းလာခဲ့ရသည့် အတွေ့အ ကြုံအရ တိုင်းရင်းသားလက်နက်ကိုင် ခုခံတော်လှန်ရေး အဖွဲ့အစည်းများအနေဖြင့် ပြည်တွင်းငြိမ်းချမ်းရေးကို ဦးတည်ပြီး တည် ဆောက်ရေးလုပ်ဆောင်ရာတွင် လိမ္မာပါးနပ်ပြီး အထူးသတိရှိရန်လည်း လိုအပ်ကြောင်း ယင်းမိန့်ခွန်းတွင် ပါရှိသည်။

စင်္ကာပူနိုင်ငံရောက် ကရင်အမျိုးသား စောကပိက ကေအဲန်ယူ ဥက္ကဌကြီး၏ မိန့်ခွန်းပါအတိုင်း ကိုယ်ပိုင်ပြဌာန်းခွင့်နှင့် ဒီမိုကရေစီ ကို အခြေခံသည့် ပြည်ထောင်စုစစ်စစ်ကို တည်ဆောက်နိုင်ရန်လည်း အားလုံးတွင် တာဝန်ရှိကြောင်း ယခုလို ပြောဆိုသည်။

“ကျနော်တို့ရဲ့ အမျိုးသားရေး လှုပ်ရှားမှုက တော်လှန်ရေး အနေအထားမှာပဲ ရှိနေသေးတယ်။ ဒါကို ကရင်တိုင်းက နားလည်ရ မယ်။ ကေအဲန်ယူက ဦးဆောင်တဲ့ ကရင့်အမျိုးသား တော်လှန်ရေးပန်းတိုင်ဟာ အမျိုးသားတန်းတူရေးနဲ့ ကိုယ်ပိုင်ပြဌာန်းခွင့် ရရှိ ရေးဖြစ်တဲ့အတွက်ကြောင့်မို့ ကရင်လူမျိုးတွေမှာလည်းပဲ ပြည်ထောင်စု မြန်မာနိုင်ငံရဲ့ ဖွံ့ဖြိုးတိုးတက်ရေးနဲ့ ကာကွယ်ရေးတို့မှာ တာဝန်ရှိတယ်လို့ ယူဆတယ်။”ဟု စောကပိက ပြောသည်။

၆၅နှစ်မြောက် ကရင့်အမျိုးသားတော်လှန်ရေးနေ့သို့ ကရင်အမျိုးသမီးအစည်းအရုံးနှင့် ကရင်လူငယ်အစည်းအရုံးတို့ကလည်း သ၀ဏ်လွှာများ ပေးပို့ခဲ့ကြရာ (KYO)၏ သ၀ဏ်လွှာထဲတွင် ကရင့်တော်လှန်ရေးခေါင်းဆောင်များသည် အမျိုးသားလွတ်မြောက် ရေးအတွက် အကောင်းဆုံး ကြိုးပမ်းခဲ့ပြီးဖြစ်သလို ရှေ့ဆက်လည်း အကောင်းဆုံး ဆောင်ရွက်လိမ့်မည်ဟု ယုံကြည်ကြောင်း ဖော်ပြထားသည်။

မြန်မာနိုင်ငံတွင် လွတ်လပ်ရေးရရှိပြီးနောက်ပိုင်း ကရင်အမျိုးသားများသည် နိုင်ငံရေးလိုလားချက်နှင့် အမျိုးသားအခွင့်အရေး ရရှိ ရန်အတွက် အုပ်ချုပ်သူ ဖဆပလအစိုးရထံ တောင်းဆိုရာတွင် အစိုးရဘက်က လက်မခံသဖြင့် ခရစ်နှစ် ၁၉၄၉ခုနှစ်၊ ဇန်န၀ါရီလ ၃၁ရက်နေ့တွင် လက်နက်ကိုင်စွဲကာ စတင် တော်လှန်ခဲ့ကြသည်။ ၂၀၁၄ခုနှစ်၊ ဇန်န၀ါရီလ ၃၁ရက်နေ့တွင် ကျရောက်သော ၆၅ နှစ်မြောက် ကရင့်အမျိုးသားတော်လှန်ရေးနေ့ကို ကရင်ပြည်နယ် အတွင်း KNU ထိန်းချုပ်ရာနယ်မြေများနှင့် ပြည်ပရောက် ကရင်လူမျိုးများကလည်း အသီးသီး ကျင်းပသွားမည် ဖြစ်သည်။

ဖွဲ့စည်းပုံပြင်ဆင်ရေး အကြံပြုစာများ သတ်မှတ်ရက်အတိုင်း လွှတ်တော်တင်မည်

စိုးသန်းလင်း၊ ဉဏ်လှိုင်လင်း

ဖွဲ့စည်းပုံအခြေခံဥပဒေ လေ့လာသုံးသပ်ရေး ပူးပေါင်းကော်မတီ၏ လုပ်ငန်းများ ၂ရက်ခန့် နှောင့်နှေးခဲ့ပြီး နောက် အကြံပြုစာအားလုံးကို စာရင်းချုပ်၍ သတ်မှတ်ရက်အတိုင်း ပြည်ထောင်စု လွှတ်တော်သို့ တင်ပြ ရန် ဆုံးဖြတ်လိုက်ပြီဟု ကော်မတီဝင်အချို့က ဇန်န၀ါရီ ၂၉ရက် ညဦးပိုင်းတွင် မဇိ်္ဈမကို အတည်ပြုပြော ကြသည်။

ခေါင်းစဉ်အလိုက် စုပေါင်းလက်မှတ်ထိုး၍ တစ်ဦးတစ်ယောက်ထံမှ တစ်ဆင့်ပေးပို့လာသည့် မပြင်ဆင်လို ဟူသည့် အကြံပြုချက်များကို ကော်မတီအစီရင်ခံစာ၌ ထည့်သွင်းရန် သင့်မသင့် နှစ်ရက်ခန့် အငြင်းပွား ခဲ့ရသည်ဟု ၄င်းတို့ကပြောသည်။ နောက်ဆုံး၌ ယင်းတို့ကို သီးသန့်မှတ်ချက်အနေဖြင့် အစီရင်ခံစာတွင် ထည့်သွင်းရန် ဆုံးဖြတ်ခဲ့ကြခြင်းဖြစ်သည်။ ထို့ကြောင့် ဇန်န၀ါရီ ၃၁ရက် နောက်ဆုံးထား အစီရင်ခံရန် ညွှန်ကြားထားသည့် ပြည်ထောင်စုလွှတ်တော်၏ ဆုံးဖြတ်ချက်အတိုင်း ဆောင်ရွက်နိုင်ကြတော့မည် ဖြစ် သည်။

ထိုသို့မပြင်ဆင်လိုသည့် ပြဋ္ဌာန်းချက်အချို့ကို စုပေါင်းလက်မှတ်ထိုး၍ လွှတ်တော်သို့ ပေးပို့လာသည့် အထဲတွင် တောင်ဥက္ကလာပမြို့နယ်၊ ပြည်သူ့လွှတ်တော် ကိုယ်စားလှယ် ဦးအောင်သိန်းလင်း ထံမှလည်း ပါဝင်သည်ဟု ၄င်းတို့ကအတည်ပြုပြောကြသည်။ ယင်းတွင် သမ္မတအရည်အချင်း၊ ဖွဲ့စည်းပုံပြင်ဆင်ခြင်း၊ တပ်မတော်၏နိုင်ငံရေး ဦးဆောင်ပါဝင်ပတ်သက်ခွင့်နှင့် အခန်းကဏ္ဍ၊ ယခင်အစိုးရအဖွဲ့၏ မူဝါဒလမ်းညွှန် မှုများ၊ ဥပဒေ၊ နည်းဥပဒေများ၊ စည်းမျဉ်းများ၊ အမိန့်ပြန်တမ်းများ၊ ကြေညာချက်များ၊ အစိုးရအဖွဲ့ဝင် တစ် ဦးဦး၏ တာဝန်အရ ဆောင်ရွက်ချက်များအပါ် တရားစွဲခြင်း၊ အရေးယူခြင်းမရှိစေရ ဟူသည်တို့ ပါဝင်သည် ဟု ကော်မတီဝင်အချို့က အသိပေးကြသည်။

ယနေ့တွင်မူ ကော်မတီ၏မူလတာဝန်ပါ သုံးသပ်သည့်လုပ်ငန်းများကို ဆောင်ရွက်ခြင်းမပြုတော့ပဲ အကြံ ပြုစာများ အားလုံးကို စာရင်းချုပ်၍သာ လွှတ်တော်သို့ တင်ပြရန် ဆုံးဖြတ်ခဲ့ကြခြင်းဖြစ်သည်။ ဖွဲ့စည်းပုံပါ စုစုပေါင်းပုဒ်မ ၄၅၇ခုနှင့် ပတ်သက်၍ ပြင်ဆင်လိုသူ၊ မူလအတိုင်းထားလိုသူ၊ ဖြည့်စွက်လိုသူ၊ ပယ်ဖျက် လိုသူများ စာရင်းနှင့် ယင်းတို့၏ အကြံပြုချက်များကို စုစည်း၍ ပြည်ထောင်စုလွှတ်တော်သို့ အစီရင်ခံရန် ဖြစ်သည်။ ဖွဲ့စည်းပုံ လေ့လာသုံးသပ်ရေး ပူးပေါင်းကော်မတီ၏ လုပ်ငန်းတာဝန် သတ်မှတ်ချက်များအရ ကော်မတီ၏ ဆွေးနွေးချက်များ၊ မှတ်တမ်းများကို ခွင့်ပြုချက်မရှိဘဲ ထုတ်ဖော်ပြောဆို၍ မရကြချေ။

ဇန်န၀ါရီ ၂၉ရက် လွှတ်တော်အစည်းအဝေးများ မကျင်းပမီ နံနက်ပိုင်းတစ်ကြိမ် ကော်မတီ အစည်းအဝေး ကျင်းပခဲ့သေးသော်လည်း တစ်စုံတစ်ရာ မဆုံးဖြတ်နိုင်ခဲ့ဘဲ ညနေပိုင်း ထပ်မံတွေ့ဆုံကြိမ်မှသာ ယခုကဲ့ သို့ ဆုံးဖြတ်နိုင်ကြခြင်း ဖြစ်သည်။ ပြည်သူ သုံးသိန်းကျော်တို့က အကြံပြုချက် ပေါင်းနှစ်သောင်း ကျော် ဖွဲ့စည်းပုံလေ့လာ သုံးသပ်ရေးပူးပေါင်း ကော်မတီသို့ ပေးပို့ထားကြသည်။

မြန်မာ-ဂျပန် လေကြောင်း သဘောတူညီမှု ပြန်လည်စိစစ်မယ်

ABC

မြန်မာနဲ့ ​ဂျပန်နိုင်ငံကြား ​လေယာဉ်ပျံသန်းမှု ​ထပ်မံတိုးချဲ့နိုင်ဖို့အတွက် ​အရင်က ​သဘောတူညီထားတဲ့ ​နှစ်နိုင်ငံ ​လေယာဉ်ပျံသန်းမှုကို ​ပြန်လည်စိစစ်သွား ​မယ်လို့ ​မြန်မာနိုင်ငံခြားရေးဌာနက ​ကြာသပတေးနေ့မှာ ​ကြေညာချက် ​ထုတ်ပြန်လိုက်ပါတယ်။

လွန်ခဲ့တဲ့ ​၁၉၇၂ခုနှစ်တုန်းက ​နှစ်နိုင်ငံသဘောတူထားတဲ့ ​လေယာဉ်ပျံသန်းမှုကို ​ပြန်လည်သုံးသပ်သွားဖို့အတွက် ​မြန်မာနိုင်ငံဆိုင်ရာ ​ဂျပန်သံအမတ် ​Mikio ​Numata ​နဲ့ ​မြန်မာ့လေကြောင်းဆိုင်ရာ ​အကြီးအကဲ ​ဦးတင်နိုင်ထွန်းတို့က ​လက်မှတ်ရေးထိုးခဲ့ကြတယ်လို့ ​ကြေညာချက်ထဲမှာ ​ဖော်ပြထားတယ်။

လေယာဉ်ပျံသန်းမှု ​ပြန်လည်စိစစ်တဲ့အထဲမှာ ​မြန်မာနဲ့ ​ဂျပန် ​နှစ်နိုင်ငံကြားမှာ ​လေကြောင်း ​တခုထက်မက ​ပျံသန်းနိုင်ဖို့အတွက် ​ပါဝင်တယ်လို့ ​ဆိုပါတယ်။ ​လက်ရှိသဘောတူညီချက်အရ ​ရန်ကုန်နဲ့ ​ဂျပန်နှစ်နိုင်ငံကြားမှာ ​Nippon ​လေကြောင်းလိုင်း ​တစ်ခုတည်းသာ ​ပြေးဆွဲ ​နေတာဖြစ်ပြီး ​ရန်ကုန်မြို့နဲ့ ​Narita ​မြို့ကြားမှာ ​ပျံသန်းတာဖြစ်ပါတယ်။

မြန်မာနဲ့ဂျပန် ​တာဝန်ရှိသူတွေကြား ​အတည်ပြုချက်ရမှသာ ​ဒီလေကြောင်းပြန်စိစစ်ရေးကိစ္စကို ​စတင်လုပ်ဆောင်နိုင်မှာဖြစ်ပါတယ်။ ​ဒီလို ​နှစ်နိုင်ငံကြား ​လေကြောင်းပြေးဆွဲမှု ​ပြန်လည်စိစစ်ဖို့ကိစ္စဟာ ​မြန်မာနဲ့ ​ဂျပန်ဆက်ဆံရေး ​နှစ် ​၆၀ ​အထိမ်းအမှတ်ပွဲ ​ကျင်းပပြီး ​မကြာခင်မှာပဲ ​ဖြစ်ပေါ်လာတာဖြစ်ပါတယ်။

ဧရာဝတီမြစ်ရေနည်းပါးမှု ဆည်မြောင်း၊ တာတမံများ ဆောက်လုပ်ခြင်းနှင့် မသက်ဆိုင်ဟု ဆည်မြောင်း ဒု-၀န်ကြီးဟောင်း ပြော

ယုဝေ၊ ဇာနည်အောင်

ယခုနောက်ပိုင်းနှစ်များတွင် ဧရာဝတီမြစ်အတွင်း သိသာထင်ရှားစွာ ရေနည်းပါးလာခြင်းသည် မြစ်ပေါ် တည်ဆောက်ထားသည့် တာတမံ၊ ဆည်များနှင့် သက်ဆိုင်မှုမရှိဟု ဆည်မြောင်းဝန်ကြီးဌာန ဒုတိယ၀န် ကြီး (ငြိမ်း) ဦးအုန်းမြင့်က ဇန်န၀ါရီ ၂၈ ရက်တွင် ပြောသည်။

ရန်ကုန်မြို့ YMCA ခန်းမတွင် ပြုလုပ်သည့် ဆည်မြောင်း၊ တမံနှင့် မြစ်များဆိုင်ရာ အလုပ်ရုံဆွေးနွေးပွဲ တွင် ပြောကြားခဲ့ခြင်းဖြစ်သည်။

“တာတမံတွေ ဆည်မြောင်းတွေက ဧရာဝတီမြစ်ရေနည်းပါးလာမှုနဲ့ လုံးဝ မသက်ဆိုင်ပါဘူး။ အဓိက ရေနည်းပါးစေတာက သစ်တောတွေ ပြုန်းတီးလာတာကြောင့်ပါ”ဟု မဇ္ဈိမကို ပြောသည်။

ဧရာဝတီမြစ်ရေ နည်းပါးလာမှုအတွက် ရေတိုစီမံကိန်းအနေဖြင့် ချင်းတွင်းမြစ်တွင် ထမံသီရေလှောင်တမံကို တည်ဆောက်ကာ မိုးရာသီကုန်ဆုံးချိန်တွင် ချင်းတွင်းမြစ်နှင့် ဧရာဝတီမြစ်အတွင်း ရေလွှတ်ပေးသင့် ပြီး ရေရှည်စီမံကိန်းအနေဖြင့် သစ်တောများ ပြန်လည်စိုက်ပျိုးသင့်သည်ဟု ဦးအုန်းမြင့်က အကြုံပြု သည်။

ရေတို၊ ရေရှည်စီမံကိန်းအဖြစ် ရေဝေရေလဲဧရိယာ ၁၅၆,၁၀၀ စတုရန်းမိုင်တွင် သစ်တောများပြန်လည် စိုက်ပျိုးရန်နှင့် ထိန်းသိမ်းခြင်းတို့ကို လုပ်ဆောင်သင့်သည်ဟုလည်း ၎င်းက ဆိုသည်။

ဧရာဝတီမြစ်ရေ စီးဆင်းနှုန်းနည်းပါးလာမှုနှင့်ပတ်သက်၍ ရေနှင့်ပတ်သက်သည့် ကျွမ်းကျင်ပညာရှင် ဦးချိုချိုက “ဧရာဝတီမြစ်အတွင်း ရေနည်းပါးနေတယ်ဆိုပေမယ့် တချို့တွေ ပူပန်နေသလိုမျိုး လုံးဝကော သွားတဲ့ အခြေအနေမျိုးကတော့ လုံးဝမဖြစ်နိုင်ပါဘူး။ အရင်အတိုင်း ပြန်လည်ရရှိဖို့အတွက်ဆိုရင် လူ အား၊ ငွေအား အားလုံး လိုအပ်ပါတယ်။ မြစ်တစ်စင်းကို အရင်အတိုင်း ပြန်လည်ကောင်းမွန်စွာ ရရှိနိုင်ဖို့ အတွက်ဆိုရင် နှစ်ပေါင်းရာစုချီပြီး ကြာမြင့်ပါမယ်။ ဆယ်စုနှစ်တောင် မဟုတ်ပါဘူး”ဟု ပြောသည်။

လက်ရှိတွင် ဧရာဝတီမြစ်ဝှမ်းအတွင်း အရွယ်အစားအမျိုးမျိုးရှိသည့် ရေလှောင်တာတမံပေါင်း ၁၃၀ကျော် နှင့် ရေလှောင်ဧကပေ ၁၀ သန်းကျော် ရှိနေသည်။

ရန်ကုန်အဝေးသင်တက္ကသိုလ်၊ ဘူမိဗေဒဌာန၏ အချိန်ပိုင်းပါမောက္ခ (ငြိမ်း) ဦးမောင်မောင်အေးကလည်း “နှစ်ပေါင်းတစ်ရာအတွင်း မြစ်ရေနည်းပါလာတာ အရမ်းကို သိသာထင်ရှားလာပါတယ်။ ဒါပေမဲ့ သက် ဆိုင်ရာကနေ တာဝန်ယူတယ်ဆိုတာက လုံးဝမရှိသလောက်ကို နည်းပါးနေပါတယ်”ဟု ဆိုသည်။

ဧရာဝတီမြစ်သည် မေခမြစ်နှင့် မလိခမြစ်တို့ဆုံရာ မြစ်အစပိုင်းမှ ဧရာဝတီမြစ် အဆုံးထိ မိုင်ပေါင်း ၁၃၅၀ ရှည်လျားသည်။

ပရိသတ်တွေကို ယုံကြည်တဲ့ ၅၀ ပြည့် တူးတူး

အေးချမ်းမြေ့

လိဒ်ဂစ်တာ၊ ကီးဘုတ်၊ ဒရမ် သမားအားလုံး သူတို့နေရာမှာသူတို့ ဝင်ထိုင်ပြီး သူတို့၏ တူရိယာပစ္စည်းများကို စမ်းသပ် တီးခတ်၍ အတော်ကြာမှ စတူဒီယိုထောင့်တွင် ခြေဆင်းထိုင်နေသော ဘေ့စ်သမားက သူနေရာယူရမည့် ခုံသို့သွားရန် ပြင်လိုက်သည်။ သူ့ခုံမှာ ထိုင်ပြီးချိန်တွင် အဆိုတော်က ဘေ့စ်ဂစ်တာကို ယူလာပေးသည်၊ လိုအပ်သည့် ပလပ်ကြိုး များကိုလည်း အဆိုတော်ကပဲ တပ်ပေးသည်။

ဘေ့စ်တီးခတ်သူက ဆံပင်များကော၊ မုတ်ဆိတ်ပါးမြိုင်းမွေးများပါ ငွေရောင်သန်းနေပြီ ဖြစ်သည့် ဆလိုင်းဇာလျန်း၊ ပိန်ချိုင့်နေသည့် ပါးပြင်များနှင့် အနည်းငယ်ကိုင်းနေသော ခါးများက သူ့ဇရာကို ဖော်ပြနေသည့်နှယ်။ ဘေ့စ်ဂစ်တာကို ယူလာပေးပြီး ဆလိုင်းဇာလျန်း လက်ထဲ ထည့်ပေးသူကတော့ ၁၉၈၀ ကျော် ကာလများတွင် ဆယ်ကျော်သက် မိန်းကလေးများ ပါးစပ်ဖျား ရေပန်းစားခဲ့သည့် အဆိုတော် တူးတူးဖြစ်သည်။

ရန်ကုန် ဖိုးစိန်လမ်းရှိ ဟာမိုနီ စတူဒီယိုတွင် အဆိုတော် တူးတူး၏ အသက် ၅၀ ပြည့်မွေးနေ့ပွဲ အထိမ်းအမှတ် တကိုယ်တော် ရှိုးအတွက် သီချင်းကျင့်နေကြခြင်း ဖြစ်သည်။ တူးတူး၏ မွေးနေ့ပွဲ အထိမ်းအမှတ်အဖြစ် သူ့မွေးနေ့ မွေးရက်ဖြစ်သော ဇန်နဝါရီ ၃၀ ရက်နေ့ ကြာသပတေးနေ့တွင် ရန်ကုန် အမျိုးသား ကဇာတ်ရုံ၌ တကိုယ်တော်ရှိုးပွဲ ကျင်းပမည်။

ယနေ့ အချိန်ကဲ့သို့ ဂီတ အမျိုးအစားပေါင်းများစွာ ပေါ်ပေါက်လာချိန်၊ လူငယ်ဂီတသမား များစွာ ပေါ်ထွက်လာချိန်၊ ကိုယ်ပိုင်သံစဉ် သီချင်းများကိုမှ အားပေးချင်သူများ ပေါ်ထွက်လာချိန်၊ အဆို၊ အက၊ အလှ၊ နုပျိုမှု အားလုံး ပေါင်းစပ် တင်ဆက်နိုင်မှသာ လူအများ စိတ်ဝင်စားသည့် ခေတ်ကြီးတွင် အသက် ၅၀ ရှိပြီဖြစ်သော၊ တချိန်က ကော်ပီသီချင်းများဖြင့် နာမည်ကြီးခဲ့ သော်လည်း၊ ယခု လူငယ်များ သိပ်စိတ်မဝင်စားသည့် သီချင်းအေးများကိုသာ ခပ်ငြိမ်ငြိမ် သီဆိုခဲ့သော တူးတူးက တကိုယ်တော် ရှိုးပွဲ ကျင်းပမည် ဆိုသည်မှာ အနည်းငယ် ထူးခြားနေသည်။

ပရိသတ် စိတ်ဝင်စားပါ့မလား၊ သူ့ရှိုးပွဲကို လူဝင်ပါ့မလား ဆိုသည့် ဧရာဝတီ၏ မေးခွန်းကို တူးတူးက သူ့ခေတ်တွင် သူ့ကို နှစ်ခြိုက်ခဲ့သည့် ယခု အသက် ၃၅ နှစ်နှင့် ၅၀ အကြား လူလတ်ပိုင်းများ လာမည်ဟု ယုံကြည်ကြောင်း ပြန်ဖြေသည်။

အဆိုတော်တူးတူးသည် ယမန်နှစ်ကတည်းက သူ၏ Facebook စာမျက်နှာတွင် တကိုယ်တော် ရှိုးပွဲ ကျင်းပချင်ကြောင်း ရေးသားထားခဲ့ရာ သူ့ပရိသတ်များက “နောက်တောင်ကျနေပြီ” “ကျင်းပပါ၊ အားပေးမယ်” အစရှိသည်ဖြင့် Comment ၂၀၀ ခန့် ဝင်ရေး၍ အားပေးခဲ့သည်ဟု ဆိုသည်။

“ဒီပွဲ လုပ်ဖြစ်ဖို့ တွန်းအားကတော့ အဲဒီ Comment တွေလည်း တခုအပါအဝင်ပဲ။ ဒါပေမယ့် ဒီပွဲကို နောက်မဆုတ်ဘဲ လုပ်ကိုလုပ်မယ် ဆိုတဲ့ အဓိက တွန်းအားတခုကတော့ အဲဒီ Comment တွေထဲမှာ စိတ်ဝင်စားစရာ တခု ပါတယ်။ တယောက်ကတော့ ဆရာရေ Facebook ကလူတွေပြောတာ သိပ်မယုံပါနဲ့။ အခုတော့ လာမယ်ပြောပြီး တကယ်လုပ်တော့ လာချင်မှလာမယ်၊ ကိုယ်ကလည်း အသက်ကြီးပြီ၊ အခုခေတ်က လူငယ် လေးတွေကိုပဲ သိပ်အားပေးကြတာ ဆိုပြီး ရေးထားတယ်။ သူကတော့ စေတနာနဲ့ ပြောတာ ဖြစ်ပေမယ့် အဲဒီဟာက မဖြစ်ဖြစ်အောင် လုပ်ဖို့ ဖြစ်သွားတယ်။ အဲဒါတော့ အမှတ်တရပါ” ဟု တူးတူးက ဧရာဝတီကို ပြောသည်။

တူးတူးက သူ၏ Facebook စာမျက်နှာတွင် “ကျနော့်ပရိသတ်တွေကို ယုံကြည်လို့ ဒီပွဲကို လုပ်တာပါ” ဟုလည်း ရေးထား သည်။

နောက်တခု ထူးခြားတာကတော့ ယခု လက်ရှိအချိန်တွင် မင်္ဂလာဆောင်များ၌သာ လိုက်လံ တီးခတ်နေသော၊ တချိန်က နာမည်ကြီးခဲ့သော်လည်း အတီးသမားအားလုံး စုပေါင်းပါဝင်၍ Live Show တခါမှ မတီးဖြစ်တော့သည်မှာ ကြာပြီဖြစ်သော The Aces အဖွဲ့က တူးတူး၏ တကိုယ်တော် ရှိုးပွဲတွင် ပထမဆုံးအကြိမ် အားလုံးစုံညီ တီးခတ်ပေးမည် ဖြစ်ကြောင်း သိရသည်။ ဘေ့စ်တီးသည့် ဆလိုင်းဇာလျန်းဆိုလျှင် ကျန်းမာရေးကြောင့် မတီးခတ်ဖြစ်ခဲ့သည်မှာ ကြာပြီ။ အခုတော့ တူးတူးပွဲတွင် လူစုံတွေ့ရတော့မည် ဖြစ်သောကြောင့် The Aces ကို နှစ်ခြိုက်ခဲ့သူများက ကြည့်ချင်နေကြသည်ဟု သိရသည်။

“လုပ်ဖြစ်သွားတဲ့ အထဲမှာ တခုလည်း ရှိသေးတယ်။ အခုပွဲမှာတီးမယ့် သူတွေက ကျနော့် အခွေတွေမှာ တီးထားတဲ့ သူတွေပဲ။ ဒရမ်ဆို ကိုအော်စကာသန်းတင်၊ Bass က ကိုဇာလျန်း၊ ကီးဘုတ်က ကိုကျော်စိုးနိုင် တို့ပေါ့။ သူတို့က အဖွဲ့လိုက်အနေနဲ့ မဟုတ်ဘဲ တဦးစီ ခွဲပြီး တီးနေတာတော့ ရှိတယ်။ ကိုဇာလျန်းကတော့ မတီးဖြစ်တာ အတော်ကြာပြီ” ဟု အဆိုတော် တူးတူးက ပြောသည်။

ယမန်နှစ်က အဆိုတော် ခိုင်ထူး၊ တူးတူးနှင့် သူ့သူငယ်ချင်းတဦးတို့ စုပေါင်းကာ ကိုယ်ပိုင်သံစဉ် အများစု ပါဝင်သော စီးရီးတခု စီစဉ်ဖြစ်စဉ် The Aces နှင့် တီးဖြစ်ကြကြောင်း၊ ထိုသို့ စီးရီးစီစဉ်ရင်း သူ့ပွဲလုပ်သည့် အချိန်တွင်လည်း ထိုသူများနှင့်သာ ဖျော်ဖြေချင်သည်ဟု တူးတူးက တောင်းဆိုရာ The Aces ဝိုင်းတော်သားများကလည်း လက်ခံခဲ့သောကြောင့် ယခု ပြန်တီးဖြစ်ကြခြင်း ဖြစ်ကြောင်း တူးတူးက ရှင်းပြသည်။

“စီးရီးလေး သွင်းတဲ့အချိန်မှာ ပြန်စလိုက်တော့ စိတ်က မြူးဇစ်ကို ပြန်လုပ်ချင် လာကြတာနေမှာပေါ့။ အရင်တုန်းကလည်း လုပ်ဖြစ်နေတာပဲ၊ ကိုဇာလျန်းတယောက်ပဲ မတီးဖြစ်တာ။ အခု သူလည်း ကျန်းမာရေး ပြန်ကောင်းလာတော့ တက်ကြွပြီးတော့ သူတို့နဲ့ ပွဲလေးလုပ်မယ် တီးကြမလားဆိုတော့၊ တီးမယ်ဆိုပြီး စိတ်အား ထက်သန်တာနဲ့ လုပ်ဖြစ်သွားတာ” ဟု သူက ဆိုသည်။

The Aces အဖွဲ့သည် ၁၉၇၀ ကျော် ၈၀ ကာလများကတည်းက နာမည်ကြီးခဲ့သော်လည်း အဖွဲ့လိုက် လူစုံပါသည့် ရှိုးပွဲများ မတီးခတ်သည်မှာ ကြာပြီဖြစ်သည်။ ထိုစဉ်က ၎င်းအဖွဲ့တွင် ပါဝင် တီးခတ်ခဲ့သည့် ယခု အသက် ၅၀ ကျော် ၆၀ ဝန်းကျင် ရှိနေကြပြီဖြစ်သော လိဒ်ဂစ်တာ ပက်ထရစ်၊ ဘေ့စ်ဂစ်တာ ဆလိုင်းဇာလျန်း၊ ဒရမ် အော်စကာသန်းတင်၊ ကီးဘုတ် ကျော်စိုးနိုင်တို့ ပထမဆုံး လူစုံ ပြန်လည် တီးခတ်ကြမည် ဆိုသည့် သတင်းကလည်း တူးတူး၏ တကိုယ်တော် ရှိုးပွဲကို လူလတ်ပိုင်းအရွယ် ဂီတချစ်သူများ စိတ်ဝင်စားနေကြရသည့် အကြောင်းရင်း တရပ် ဖြစ်သည်။

“The Aces ကို သိပ်ကြိုက်တာ။ သူတို့ တီးခဲ့တဲ့ အခွေတွေ မနည်းဘူး။ ပြီးတော့ သူတို့က သီချင်းကို တီးရင် ကော်ပီ ဆိုရင်လည်း နုတ်အတိုင်း တသဝေမတိမ်း တိတိကျကျ တီးကြတာ။ The Aces ကို ပြန်ကြည့်ချင်တယ်” ဟု အသက် ၅၅ နှစ်အရွယ် The Aces ပရိသတ် တဦးက ဆိုသည်။

တူးတူးက သူ့တကိုယ်တော် ရှိုးပွဲတွင် သူ့သီချင်း အပုဒ် ၄၀ ခန့် သီဆိုမည်ဖြစ်ပြီး သူခဏ နားသည့်အချိန်တွင် သူ့ အစ်ကိုကြီးလည်း ဖြစ်သော အဆိုတော် ဗစ်တာခင်ညို အပါအဝင် ခိုင်ထူး၊ ချစ်ကောင်း၊ ကော်နီ၊ ဟေမာနေဝင်းတို့က သူတို့သီချင်းများဖြင့် ဖြေဖျော်ကြမည်၊ ကော်နီ၊ ဟေမာနေဝင်းတို့နှင့် နှစ်ယောက်တွဲ သီချင်းများလည်း သီဆိုဦးမည် ဖြစ်သည်။

အဆိုတော် တူးတူးသည် ရန်ကုန်စက်မှုတက္ကသိုလ် Civil ကျောင်းဆင်း တဦးဖြစ်ပြီး ၁၉၈၄ ခုနှစ် ကျောင်းတက်ဆဲတွင် သူ၏ “အဆင်သင့်ပဲဟေ့” အခွေ စထွက်ခဲ့ရာ ပထမ အခွေမှာကတည်းက လူကြိုက်များခဲ့သည်။ ထို့ကြောင့် ယခုနှစ်သည် သူ၏ ဂီတသက်တမ်း နှစ် ၃၀ ပြည့်သည့် နှစ်ဟုလည်း ဆိုနိုင်သည်။

စက်မှုတက္ကသိုလ် တက်ရင်း သီချင်းဆိုသောကြောင့် လည်းကောင်း၊ ၈၈၈၈ ပြည်လုံးကျွတ် အရေးတော်ပုံ ကာလနောက်ပိုင်း ကျောင်းပိတ်ရက်များနှင့် ကြုံခဲ့ရ သောကြောင့်လည်းကောင်း တူးတူးက ကျောင်းပျော်ကြီး ဖြစ်ခဲ့သည်။

“စက်မှုတက္ကသိုလ်ကို ကျနော် ၁၁ နှစ် တက်ခဲ့ရတယ်” ဟု သူက ရယ်ရင်းပြောသည်။

ကျောင်းပြီးတော့ သူ့ဘာသာရပ်နှင့် ကိုက်ညီသော ဆောက်လုပ်ရေး လုပ်ငန်းကို လုပ်ခဲ့သော်လည်း သူပျော်မွေ့သည်က အဆိုတော် ဘဝဖြစ်သည်။

“ဆယ်တန်းအောင်ပြီး ပထမနှစ်စတက်တဲ့ နှစ်မှာပဲ သီချင်း စဆိုဖြစ်တယ်။ သီချင်းဆိုဖြစ်ပြီး အခွေထုတ်တော့ အခွေကလည်အောင်မြင်တယ်။ ပွဲတွေကလည်း တောက်လျှောက် လိုက်ဆိုရတော့ အဲဒီတုန်းက ကျောင်းဆိုရင် ပရက်တီကယ်တို့ ဘာတို့ လောက်ပဲ လုပ်ဖြစ်တယ်။ ကျန်တဲ့အချိန်တွေမှာ အတန်းတွေ လွတ်တယ်။ တက္ကသိုလ် မရောက်ခင်အထိ အတန်း တခါမှ မကျဖူးဘူး။ အဲဒီရောက်မှပဲ အတန်းတွေကျတယ်။ တတန်းကို နှစ်နှစ်လောက် တက်ရတယ်။ ဘွဲ့ရပြီးတော့လည်း ဆောက်လုပ်ရေး အလုပ်ကို နည်းနည်းတော့ လုပ်ဖြစ်တယ်။ သီချင်းကို စိတ်ပိုများသွားတော့ အများအားဖြင့် သီချင်းဆိုတဲ့ ဘက်မှာပဲ အချိန်ကုန်ခဲ့တယ်” ဟု တူးတူးက ပြောသည်။

ထိုအချိန်က အဆိုတော် တယောက် ဖြစ်ဖို့ မလွယ်လှ၊ အဆိုတော် တယောက်အဖြစ် နာမည်ကြီးဖို့က ပို၍ မလွယ်ကူလှပေ။ ကိုယ်ပိုင်သံစဉ် သီချင်းကောင်းများ၊ ကော်ပီ သီချင်းများဖြင့် ပရိသတ် ခိုင်ခိုင်မာမာ ရှိနေသော အဆိုတော် များစွာ ပေါ်ထွက် နေသည့် ထိုအချိန်တွင် တူးတူးက ကော်ပီသီချင်းအေးများကို သူ့အသံ ပါဝါကောင်းကောင်း၊ ငြိမ်ငြိမ်ဖြင့် သီဆိုကာ ပရိသတ် အခိုင်အမာ ရခဲ့သည်။

တချိန်က မြန်မာ့ရုပ်မြင်သံကြားတွင် ကြယ်တပွင့် ဖြစ်ခဲ့သော တူးတူးကို ထိုစဉ်က ဆယ်ကျော်သက် မိန်းကလေးများ နှစ်ခြိုက် အားပေးရခြင်း အကြောင်းရင်းတရပ်မှာ သူ၏ အေးဆေး ငြိမ်သက်သော ကိုယ်ပိုင်ဟန်ကြောင့်ဟုလည်း ဆိုနိုင်သည်။

အသံပါဝါ အားပြုသီဆိုရသော သီချင်းအေးအေးများကိုသာ သဘောကျသော တူးတူး အားကျနှစ်ခြိုက်ခဲ့သော ပြည်တွင်း အဆိုတော်များမှာ စိန်လွင်၊ တက္ကသိုလ်အေးမောင်၊ စိုင်းထီးစိုင်၊ ထူးအိမ်သင် စသူတို့ဖြစ်ပြီး ပြည်ပက ဆိုလျှင်လည်း Beetles၊ Beegees၊ Eagles၊ Clift Richard အစရှိသည့် အဖွဲ့များ၊ အဆိုတော်များ ဖြစ်သည်။

ကျနော်ကြိုက်တာက အေးအေးငြိမ့်ငြိမ့် ဆိုရတဲ့ Without You လို အနှေး၊ အချိုလေးတွေ ကြိုက်တယ်။ ရော့ခ်လို၊ မက်တယ်လို အပြင်းဆိုရတာတော့ မကြိုက်ဘူး။ နားထောင်ရတာလည်း မကြိုက်ဘူး။ Rap တို့ Hip Hop တို့တွေကျတောသိပ်ပြီး မခံစားတက်ဘူး။ သီချင်းကတော့ သီချင်းလို မယ်လိုဒီနဲ့မှ သဘောကျတယ်” ဟု တူးတူးက ပြောသည်။

သူ့ပရိသတ်များကို သူ၏ သီချင်းဟောင်းများ ပြန်လည် သီဆိုပြချင်သည့် ဆန္ဒ ယခင်ကတည်းက ရှိခဲ့သော်လည်း ယခု အသက် ၅၀ ပြည့် ရွှေရတု မွေးနေ့ပွဲကျမှသာ သူ့ဆန္ဒ ပြည့်ဝခဲ့ခြင်း ဖြစ်သည်။

“ဟိုးအရင် ကိုခိုင်ထူးနဲ့ ကိုစိုးပိုင်တို့ ဆိုတာကို သွားကြည့်ပြီး ကိုယ့်ပရိသတ်တွေကို ဆိုပြချင်တယ်၊ ဖျော်ဖြေပွဲလေး လုပ်ချင်ခဲ့တယ်။ မလုပ်ဖြစ်ခဲ့ဘူးပေါ့။ ဒီကြားထဲမှာ ကြည့်ဖြစ်တဲ့ အခွေတွေကလည်း Eagles Unplug Show လိုမျိုး၊ ဟိုတယ် ကယ်လီဖိုးနီးယားကို သူတို့ ပြန်လည်းတော့ အသက်ကြီးနေပြီ၊ သူတို့ပွဲကိုလာတဲ့ သူတွေကလည်း လူကြီးတွေ များတယ်။ ပျော်စရာလည်း ကောင်းတယ်” ဟု တူးတူးက ပြောသည်။

သီဆိုမည့်သူကော၊ တီးခတ်ပေးမည့် သူများပါ အသက်ကြီးပိုင်းများ ဖြစ်နေပြီး ရှိုးကြီး အတွေ့အကြုံနှင့် ဝေးနေသူများလည်း ပါနေခြင်းကြောင့် သူတို့ကိုယ်သူတို့ ယုံကြည်မှု ရှိပါ့မလား ဆိုသည့် မေးခွန်း မေးနေသူများလည်း ရှိသည်။

“ဒီပွဲကို တီးမယ်လို့ ပြောကတည်းက သူတို့ကိုယ်သူတို့ ယုံကြည်မှုရှိလို့ လက်ခံတာပဲ။ ယုံကြည်မှုမရှိရင် ဒီလို တီးဖို့ အဆင့်အထိ ဘယ်လက်ခံမလဲ။ ကိုယ်ကလည်း သူတို့ကို တီးခိုင်းတယ် ဆိုတာက သူတို့ကို ယုံကြည်ပြီး သူတို့ လုပ်နိုင်မယ်ထင်လို့ တီးခိုင်းတာပဲလေ။ တကယ်လည်း သူတို့လုပ်နိုင်တယ်။ အသက် ကြီးသွားပေမယ့် သူတို့ ကလည်း မြူးဇစ်နဲ့ အခုထိ မပြတ်သေးဘူး။ Band အနေနဲ့သာ မလုပ်ဖြစ်တာ၊ သူတို့ဟာသူတို့ လေ့လာနေကြတယ်၊ တီးနေကြတဲ့ သူတွေ” ဟု အဆိုတော်က ပြောသည်။

ရွှေရတု မွေးနေ့ရှိုးပွဲက တူးတူး၏ ဘဝသက်တမ်းတွင် ပထမဆုံး လုပ်ဖြစ်သည့် တကိုယ်တော် ရှိုးပွဲ ဖြစ်သော်လည်း ဆိုနိုင်လိမ့်မည်ဟု ယုံကြည်ကြောင်း၊ သူ့သီချင်းများကို သူ ပြန်ဆိုမည် ဖြစ်သောကြောင့် အခက်အခဲမရှိနိုင်ကြောင်း သူက ဆက်ပြောသည်။

“တခုရှိတာက ဒီလိုမျိုးပွဲက ကျနော့်သက်တမ်း တလျှောက်မှာ ပထမဆုံး လုပ်ဖူးတာပေါ့နော်။ တခါတည်း အပုဒ်လေးဆယ်ကို တခါမှတော့ မဆိုဖူးဘူးပေါ့။ အများဆုံး ဆိုဖူးတာက ၁၅ ပုဒ်၊ အပုဒ်၂၀ လောက်။ အခုဟာက အဲဒီထက်ကို နှစ်ဆလောက် ဖြစ်နေတယ်။ သီချင်းတွေ ကလည်း အော်ရတဲ့ သီချင်းတွေများတယ်၊ ငယ်ငယ်တုန်းကတော့ နည်းနည်းအော်ထားတဲ့ သီချင်းတွေ၊ အခုဟာကျတော့ လေးငါးပုဒ်ပဲ ဆိုရရင် အကြောင်းမဟုတ်ဘူး။ အခုက အပုဒ်လေးဆယ် ဆိုရမှာဆိုတော့ ကီးကို နည်းနည်းလေး ချပြီး ဆိုရတာမျိုးတွေ ရှိနိုင်ပါတယ်” ဟု ၎င်းက ရှင်းပြသည်။

ယခင်ထက် အနည်းငယ် ပွင့်လင်း လွတ်လပ်လာချိန်တွင် ကိုယ်ပိုင်သံစဉ်နှင့် ကော်ပီ အားပြိုင်မှုများ ဂီတလောကတွင် ရှိနေသောကြောင့် တူးတူး၏ အမြင်ကို ဧရာဝတီက မေးမြန်းကြည့်ရာ သူက “အဲဒါကတော့ တယောက်နဲ့ တယောက် အမြင်တူချင်မှ တူမယ်။ ကျနော့်အထင် ကိုယ်ပိုင်သံစဉ်လည်း မြူးဇစ်ပဲ၊ ကော်ပီဆိုတာလည်း မြူးဇစ်ပဲ၊ နိုင်ငံတကာမှာလည်Cover တွေကို ကော်ပီလုပ်တာ ရှိကြတာပဲ။ ကော်ပီမရှိရဘူးလို့တော့ ဖြစ်လို့မရဘူးထင်တယ်။ သူ့ပရိသတ်နဲ့ သူရှိကြတာပဲ”


ဟု ပြန်ဖြေသည်။ သူကိုယ်တိုင်လည်း ကော်ပီကော၊ ကိုယ်ပိုင်သံစဉ်များပါ သီဆိုခဲ့သူဖြစ်သည်။ ပြီးတော့ သူက မြန်မာ စတီရီယို လောကသည် ကော်ပီနှင့် အစပြု အားယူခဲ့ရခြင်း ဖြစ်သောကြောင့် ကော်ပီသီချင်းများ လုံးဝ မရှိသင့် ဆိုသည်မှာ မဖြစ်နိုင်ကြောင်း ဆက်ပြောသည်။

“ပြောရရင် တချို့  ကိုယ်ပိုင်သံစဉ်တွေလည်း မူရင်းသီချင်းကို ဟိုတကြောင်း။ ဒီတကြောင်း ယူလုပ်ထားတာတွေ ရှိတာပဲလေ။ဒါကပြဿနာမရှိပါဘူး။ တကယ် လုပ်နိုင်ရင်တော့ ကိုယ်ပိုင်သံစဉ်ချည်းပဲ ဖြစ်ရင်တော့ ကောင်းတာပေါ့လေ။ ဒါပေမယ့် မြန်မာပြည်က အရင်ဆိုခဲ့တဲ့ သူတွေရော၊ ပရိသတ်တွေပါ ကော်ပီနဲ့ စတီရီယို လောကကို စခဲ့တယ်လို့ ပြောလို့ရတယ်ပေါ့။

အဲဒီတော့ သူအယူအဆနဲ့ သူပဲလေ။ ကော်ပီလုံးဝမရှိတော့ဘူး ဆိုတာကတော့ လုပ်လို့မရလောက်ပါဘူး။ ကော်ပီဆိုတဲ့သူနဲ့ သူ့ပရိသတ် သူ့ဟာသူတော့ ရှိမှာပဲ။ ကော်ပီလုပ်တယ်ဆိုရင် ပရိသတ်နားဝင်ပြီးသား များတယ်။ များသောအားဖြင့်နာမည်ကြီး သီချင်းကို လုပ်တာများတယ်။ တခုရှိတာက ကော်ပီကကျတော့ ဘောင်ခတ် ပေးထားသလိုပဲ ရှေ့ကလုပ်ထားတဲ့ အတိုင်းကို ဖြစ်အောင် လိုက်လုပ်ရတာပေါ့။ ကိုယ်ပိုင်သံစဉ်က ကျတော့ ကိုယ့်ဖန်တီးမှုပေါ့။ ကိုယ်ပိုင်ချည်းပဲ လုပ်နိုင်ရင်တော့ ကောင်းပါတယ်။ ဒါပေမယ့် ကော်ပီမရှိရဘူး၊ မလုပ်သင့်ဘူး ဆိုတာတော့ ပြောလို့မရဘူးပေါ့” ဟု တူးတူးက ဆိုသည်။

မြန်မာပြည်၏ ဂီတလောကက ယခင် အနှစ် ၃၀ ကျော် ကာလများနှင့် ယှဉ်လျှင် လုံးဝ ပြောင်းလဲသွားခဲ့ပြီ။ ခေတ်မီ နည်းပညာ များကြောင့်ကော၊ လူငယ်ဂီတသမားများ၏ အကြားအမြင် ကျယ်ပြန့်လာမှုကြောင့်ပါ အရည်အသွေးပိုင်း တိုးတက်မှုများ ရှိလာသည်။ သို့သော် ခိုးကူးများနှိပ်စက်မှုကြောင့် ဈေးကွက်ကတော့ ပျက်နေပြီဟု ပြောနိုင်သည်။ လွန်ခဲ့သည့် နှစ်ပေါင်း ၃၀ ကျော် ကာလများက တခွေဆို ဆိုသလောက် အဆိုတော်၊ တီးဝိုင်းနှင့် ထုတ်လုပ်သူ အားလုံး ခံစားခွင့် သူ့ဟာနှင့်သူ ရှိကြသည်။ ယခု ခေတ်မှာတော့ ပျက်နေသည့် ဈေးကွက်ကြောင့် ထုတ်လုပ်သူများလည်း ရင်းနှီးဖို့ ခက်လှသည်။

လက်ရှိ နာမည်ရ အဆိုတော်များပင် ပျက်နေသည့် ဈေးကွက်ထဲ၌ ရုန်းကန်နေကြရသည့် အနေအထားတွင် တခေတ်တခါက ပေါက်ခဲ့၊ ထင်ရှားခဲ့သော အဆိုတော်ကြီးများမှာ မင်္ဂလာဆောင်၊ စားသောက်ဆိုင် အစရှိသည့် နေရာများတွင် သီဆိုရင်း တချို့ သူတို့ဝမ်းရေး၊ တချို့သူတို့၏ ဂီတ အာသီသကို ဖြေဖျောက်နေကြသည့် အချိန်ဖြစ်သည်။

ယခု အသက် ၅၀ ပြည့်မွေးနေ့ တကိုယ်တော်ရှိုးပွဲ ကျင်းပမည့် အဆိုတော်တူးတူးကတော့ ထိုသို့သော တခေတ်တခါက နာမည်ရှိ၊ ထင်ရှားခဲ့သည့် အဆိုတော်ကြီးများ၊ အတီးသမားများကို စုစည်းကာ ရှိုးပွဲများ ကျင်းပပေးချင်သည်ဟု သူ့ဆန္ဒကို ပြောသည်။

“ကျနော် လုပ်ချင်တာက လူဟောင်းတွေပဲ စုပြီးလုပ်ချင်တယ်။ လုပ်မယ့်သူ မရှိဘူးဖြစ်နေတယ်။ ဒီမှာ ဆိုတဲ့သူတွေက ပိုက်ဆံ သိပ်မရှိတော့ လုပ်ဖို့ မဖြစ်ကြသေးဘူး။ တနေ့ကျရင် ကိုယ်နဲ့ ရွယ်တူလို့ ပြောလို့ရမယ့် သူတွေနဲ့ ပွဲမျိုးလေး လုပ်ချင်တယ်။ လူတွေက ကြည့်ကြမှာပါ။ ဒီအသက်အရွယ် ပရိသတ်တွေက စီးပွားရေးပြေလည်တဲ့သူ များတာပဲလေ။ ဟိုးတနှစ်က တခါ လုပ်သေးတယ်။ လာကြည့်တဲ့သူတွေ များတယ်။ ဘာဖြစ်လို့ ဆက်မလုပ်ကြလဲ မပြောတက်ဘူး” ဟု သူက ဆိုသည်။

တူးတူးသည် ၁၉၈၄ ခုနှစ်မှစ၍ အဆင်သင့်ပဲဟေ့၊ မိဆိုး၊ သူ၊ အကြင်နာအကြည့်တွေရဲ့ အကြောင်း၊ ဥပေက္ခာချစ်၊ ရင်ခွင်အိုသစ်၊ ရော့ခ်အက်ဆစ်ချို၊ တခြမ်းပဲ့အသည်းနှင့် ပြဿနာမရှိဘူး ဆိုသည့် စီးရီးခေါင်းစဉ်များဖြင့် တကိုယ်တော် စီးရီး ၉ ခွေ သီဆိုခဲ့သည်။

The Aces ဝိုင်းတော်သားများ စုံစုံညီညီ တီးခတ်ကြမည့် တူးတူး၏ မွေးနေ့ ရှိုးပွဲကို အဓိက စပွန်ဆာပေးသူမှာ ပရီးမီးယား ကုမ္ပဏီမှဖြစ်ပြီး MRTV4 မှ ထုတ်လွှင့်ပြသမည် ဖြစ်ကြောင်း သိရသည်။

ထိုင်းမင်းသမီးဒါဝိကာနှင့် မြန်မာသရုပ်ဆောင်တို့ ရိုက်ကူးမည့် ဇာတ်ကားကို ထိုင်းက ကင်မရာ၊ ဆက်တင်များ ပံ့ပိုးကူညီမည်

ပန်းမြတ်ဇော်

ယခုနှစ်အတွင်း ထိုင်းမင်းသမီး ဒါဝိကာ Davika Hoorne၊ ထိုင်းမင်းသား မို့စ်ပက်ထရာဝိကာရန်(န်) Mos Patiparn Pat aweekarn တို့နှင့်အတူ မြန်မာနိုင်ငံက လူမင်း၊ စိုင်းစိုင်းခမ်းလှိုင်တို့ ပါဝင်ရိုက်ကူးမည့် ရုပ်ရှင်ဇာတ်ကားကို ထိုင်းနိုင်ငံဘက်မှ ကုမ္ပဏီက ကူညီပေးမည်ဖြစ်သည်။

“အခုနှစ်ဦးနှစ်ဘက် အကျိုးတူ ပူးပေါင်းလိုက်တဲ့ သဘောပါ။ တခြားနိုင်ငံတွေဘက်ကို ထိုးဖောက်တဲ့အခါ Media 7 အနေနဲ့ လုပ်မယ့် Local ပိုင်းဆိုရင်တော့ ADMA Media အနေနဲ့ လုပ်သွားမှာပါ”ဟု DMA Media Co.,Ltd မှ မန်နေဂျင်းဒါရိုက်တာ ကိုဝေမင်းမောင်က ပြောသည်။

ယင်းဇာတ် ကားရိုက်ကူးရန်အတွက် ထိုင်း Kant ana JK ကုမ္ပဏီအနေဖြင့် စက်မှုပိုင်းဆိုင်ရာများ၊ ရိုက်ကူးရေးတွင် အသုံးပြုမည့် ကင်မရာပိုင်းဆိုင်ရာများနှင့် ရိုက်ကွင်းဆက်တင်ပိုင်းဆိုင်ရာများကို ကူညီပံ့ပိုး မည်ဖြစ်သည်။

မြန်မာ့ရုပ်ရှင် အနုပညာဈေးကွက်သည် ထိုင်းနိုင်ငံသို့ ထိုးဖောက်နိုင်ရန်အတွက် ယင်းနိုင်ငံဘက်က နာမည်ကြီး မီဒီယာအမာခံရှိမှသာ ထိုးဖောက်နိုင်မည်ဖြစ်ခြင်းကြောင့် ယခုလို နှစ်နိုင်ငံမီဒီယာများ အကျိုး တူပူး ပေါင်းလိုက်ခြင်း ဖြစ်သည်။ ယင်းကဲ့သို့ပူးပေါင်းလိုက်ခြင်းဖြင့် နှစ်နိုင်ငံအတွင်းရှိ အနုပညာရှင်များကို ရိုက်ကူးရန်အတွက် ငှားရမ်းလိုပါက နှစ်ဦးနှစ်ဘက်က စီစဉ်ဆောင်ရွက်ပေးမည် ဖြစ်သည်။

ADMA Media မှ စီစဉ်ထားသည့် ရုပ်ရှင်ဇာတ်ကားသည် ဒါရိုက်တာ လူမင်းက ရိုက်ကူးမည်ဖြစ်ပြီး Pee Mark ဇာတ်ကားမှ မင်းသမီးဒါဝိကာ Davika Hoorne နှင့်ထိုင်းမင်းသား မို့စ်ပက်ထရာဝိကာရန်(န်) Mos Patiparn Pataweekarn အပြင် စိုင်းစိုင်းခမ်းလှိုင်သည်လည်း ပါဝင်သရုပ်ဆောင်မည် ဖြစ်သည်။

ယင်းဇာတ် ကားရိုက်ကူးရန်အတွက် နားလည်မှု စာချွန်လွှာရေးထိုးခြင်းကို ဇန်န၀ါရီ ၃၁ ရက်တွင် ရေးထိုး ပြီးပါက ယခုနှစ်အတွင်း အမြန်ဆုံးရိုက်ကူးသွားမည် ဖြစ်သော်လည်း ဇာတ်ကားနာမည် မပေးရသေး ကြောင်း ကိုဝေမင်းမောင်က ဆိုသည်။

အဆိုပါဇာတ်ကားတွင် ထိုင်းမင်းသမီး ဒါဝိကာ Davika Hoorne ၏အစ်ကို အဖြစ် သရုပ်ဆောင်မည့် ထိုင်းမင်းသားနေရာတွင်Mos Patiparn Pataweekarn ကိုADMA ကုမ္ပဏီက ရွေးချယ်ခဲ့ခြင်းဖြစ်ပြီး ရိုက်ကူးရေးနေရာများသည် မြန်မာနိုင်ငံနှင့် ထိုင်းနိုင်ငံတို့တွင် ရိုက်ကူးကြမည်ဖြစ်သည်။ ဇာတ်ကား၏ ဇာတ်လမ်းကိုADMA ကုမ္ပဏီမှ ဦးဝေမင်းမောင်က ရေးသားထားခြင်းဖြစ်ပြီး ဇာတ်ညွန်းသည် မင်းထင် ကိုကိုကြီး ဖြစ်သည်။ ယင်းဇာတ်ကားကို မြန်မာနိုင်ငံ အပါအ၀င် ထိုင်းနိုင်ငံနှင့်အရှေ့တောင် အာရှနိုင်ငံ များတွင် ပြသသွားရန် ရည်ရွယ်သည်။

မကွေး လက်နက်စက်ရုံအတွက် မြေသိမ်းမှု အခြေအနေတင်းမာ

ဧရာဝတီ

မကွေးတိုင်း၊ ဂန့်ဂေါခရိုင်၊ ဆောမြို့နယ်တွင် တပ်မတော် ကာကွယ်ရေး ပစ္စည်းထုတ်လုပ်မှုအရာရှိ ချုပ်ရုံး (ကပစ ၂၅) က လက်နက်စက်ရုံတည်ဆောက် ရန် မြေဧကထောင်ချီ သိမ်းယူခဲ့ပြီး လက်နက်စက်ရုံ တည်ဆောက်ရန် မြေယာရှင်းလင်းမှုပြုလုပ်ရာတွင် ဒေသခံများနှင့် စစ်တပ်အကြား တင်းမာမှုများ ဖြစ် ပွားလျက်ရှိကြောင်း သတင်းရရှိသည်။

မကွေးတိုင်းဒေသကြီး အမျိုးသား လွှတ်တော် ကိုယ်စားလှယ် ဦးလှဆွေက ၄င်း၏မဲဆန္ဒနယ်မြေဖြစ် သော ဆောမြို့နယ်၊ ပေါက်ပံဆိုင်းကျေးရွာ၊ ငလယ်ဂုံ ကျေးရွာ၊ နက်ပြာကျေးရွာမှ လယ်ယာမြေ ထောင် ပေါင်းများစွာကို ကပစ ၂၅က စစ်အစိုးရ လက်ထက် တွင် သိမ်းယူခဲ့ကြောင်း၊ သိမ်းဆည်းထားသောမြေယာ များပေါ်တွင် လက်နက်စက်ရုံ တည်ဆောက်ရန်အတွက် မြေယာရှင်းလင်းမှုများ စတင်လုပ်ဆောင်လာ ချိန်တွင် တပ်မတော်နှင့် ဒေသခံ ရွာသားများအကြား တင်းမာမှုများ အကြီးအကျယ် ပေါ်ပေါက်လျက်ရှိ ကြောင်း ဧရာဝတီသတင်းဌာနသို့ ပြောသည်။

“မြေသိမ်းထားတာက အရင်အစိုးရလက်ထက် မှာကတည်းက သိမ်းထားတာ။ ဟိုတုန်းက လူတွေက မပြောရဲ၊ မဆိုရဲနဲ့ဖြစ်ကြတော့ မသိခဲ့ဘူး။ အခုက ပွင့်လင်းလာပြီဖြစ်တာမို့ လူတွေက သူတို့ မြေယာ တွေ ပြန်ရဖို့ တောင်းဆိုကြတာပေါ့။ ကပစ ၂၅ က လည်း သိမ်းထားတဲ့နေရာတွေမှာ စက်ရုံ ဆောက်ဖို့ မြေယာတွေ ရှင်းလင်းတာတွေ လုပ်တော့ ဒေသခံ တွေက အဝင်မခံဘဲ မြေတူးစက်တွေရှေ့မှာ ပိတ်ရပ် နေကြတာတို့ ဘာတို့ ဖြစ်နေတယ်။ အခြေအနေက တော်တော်လေးကို တင်းမာနေတယ်။ အဲဒီနေရာက ကျနော့် မဲဆန္ဒနယ်မြေဖြစ်တော့ ကျနော်ကိုယ်တိုင် ဆင်းမယ်။ ကျနော့်ကိုလည်း ကပစက ဗိုလ်ချုပ်တွေ က လုပ်ပါဦးဆိုပြီး ခေါ်ယူညှိနှိုင်းတာတွေ ရှိနေပါတယ်။ ကျနော်အနေနဲ့တော့ ပြည်သူတွေအကျိုး ဦးထိပ်ပန်ဆင်မယ်ဆိုရင် ပြည်သူ့မျက်နှာ ကြည့်သင့် တာပေါ့” ဟု ဦးလှဆွေက ဆိုသည်။

လက်နက်စက်ရုံအတွက် ပေါက်ပံဆိုင်း၊ ငလယ် ဂုံနှင့် နက်ပြာကျေးရွာမှ လယ်မြေများကို သိမ်းယူ သည့်အပြင် ရွာလုံးကျွတ်ရွှေ့ပြောင်းခိုင်းမှုများ ရှိနေ သည့်အတွက် ဒေသခံများက ရွာလုံးကျွတ် ပြောင်း ရွှေ့ရန် ငြင်းဆန်နေကြကြောင်း၊ တပ်မတော်အနေ ဖြင့် ပြောင်းရွှေ့ခံ ကျေးရွာသူ၊ ကျေးရွာသားများ အတွက် တန်ဖိုးနည်းအိမ်ရာ ဆောက်လုပ်ပေးခြင်း၊ မြေလွတ်မြေရိုင်းများ ဖော်ထုတ်ပေးခြင်း လုပ်ဆောင် ရန် လိုအပ်ကြောင်း ဦးလှဆွေက ရှင်းပြသည်။

“ပြောင်း၊ ပြောင်းဆိုပြီး အတင်းအကျပ်ပြောင်း ရွှေ့ခိုင်းလို့ရမလားဗျ။ အိမ်လေး ဆောက်ပေး၊ လယ် ယာမြေ အသစ်တွေထပ်ပြီး ဖော်ထုတ်ပေးတာတွေ လုပ်ရမှာပေါ့။ အဲဒီလို လုပ်ဖို့ဆိုရင်လည်းသူတို့ပိုက်ဆံ ကုန်စရာမလိုဘူး။ အစိုးရဘတ်ဂျက်ထဲကနေလုပ်ပေး လို့ရတာပဲ။ ကျနော်တို့ လွှတ်တော်ကို တင်ပြလာရင် လည်း လွှတ်တော်ကလိုအပ်တဲ့ ဘတ်ဂျက်ကို ခွင့်ပြု ပေးမှာပဲ။ အခုက နှင်ထုတ်ပြီး ဘာမှလုပ်မပေးတော့ ဘယ်သူက ပြောင်းပေးမလဲ” ဟု ၄င်းက ဆက်လက် ပြောသည်။

ယခင်အစိုးရလက်ထက် တပ်မတော်က ဆော မြို့နယ်မှ လယ်မြေများ သိမ်းယူခဲ့ရာတွင် တဧက ငွေကျပ် ၅၀ဝ နှုန်း လျော်ကြေး သတ်မှတ်ပေးခဲ့ ကြောင်း သိရသည်။

သရေခေတ္တရာ ရှေးဟောင်းဇုန် လုံခြုံရေးဂိတ် မီးရှို့မှု တရားခံဖော်ထုတ်နေ

ရေခဲ(ပြည်)

ပဲခူးတိုင်း၊ ပြည်မြို့၊ သရေခေတ္တရာ ရှေးဟောင်းဇုန် လုလင်ကျော်မြို့ဝင်ဂိတ်ရှိ လုံခြုံရေးဂိတ်အဆောက်အ အုံတစ်ခုကို မီးရှို့ဖျက်ဆီးသဖြင့် တရားခံကို ဖော်ထုတ်ပေးရန် ပြည်မြို့ အမှတ်(၃)ရဲစခန်းတွင် အမှုဖွင့်တိုင်ကြားထားသည်ဟု အဆိုပါရဲစခန်းမှ စခန်းမှူးက ပြောသည်။

ဇန်န၀ါရီ ၂၆ ရက် ည ၈ နာရီခန့်က မီးရှို့ခံခဲ့ရပြီး ဇန်န၀ါရီလ ၂၇ ရက်တွင် သရေခေတ္တရာမြို့ဟောင်းအဖွဲ့ လက်ထောက်ညွှန်ကြားရေးမှူး ဒေါ်အေးနီလာက အမှတ်(၃)ရဲစခန်း၌ အမှုဖွင့် တိုင်တန်းခဲ့ခြင်း ဖြစ်သည်။

“သူတို့က ရှို့မီးထင်လို့ အမှုဖွင့်တာပါ။ ရဲကင်းမဟုတ်ဘူး။ ရှေးဟောင်းဇုန်လုံခြုံရေးသက်သက်ပါ”ဟု စခန်း မှူးက ဆိုသည်။

မီးလောင်မှုကြောင့် လုံခြုံရေးအဆောက်အအုံ ပျက်စီးခဲ့ရာ ငွေကျပ် သုံးသိန်းတန်ဖိုးခန့် နစ်နာဆုံးရှုံးမှုရှိ ကြောင်းနှင့် ထိခိုက်ဒဏ်ရာရ သေဆုံးသူမရှိဟု အမှတ်(၃)ရဲစခန်း ရဲမှတ်တမ်းတွင် ဖော်ပြထားသည်။

အဆိုပါအမှုနှင့်ပတ်သက်ပြီး ပြည်မြို့ အမှတ်(၃) ရဲစခန်းက (ပ)၁၁/၂၀၁၄ ပြစ်မှုဆိုင်ရာ ဥပဒေပုဒ်မ ပပက ၆(၁)ဖြင့် အမှုဖွင့်ဆောင်ရွက်နေသည်။

ဝန်ကြီး ဦးအောင်မင်း ၏ NCCT တွေ့ဆုံပွဲ ခရီးစဉ် ပြီးဆုံး

ရွှေဟင်္သာ

ပည်ထောင် စုငြိမ်းချမ်းရေး ဖေါ်ဆောင်ရေး လုပ်ငန်းကော် မီတီ ဒုတိယ ဥက္ကဌ ၀န်ကြီး ဦးအောင်မင်း ၏ တိုင်းရင်း သား လက်နက် ကိုင် အဖွဲ့အစည်း များ၏ တနိုင် ငံလုံးဆိုင်ရာ အပစ် အခတ် ရပ်စဲရေး ဆိုင်ရာ ညှိနှိုင်းရေး အဖွဲ့ (NCCT) နှင့် တွေ့ဆုံရေး ခရီးစဉ်သည် ရှမ်းပြည်ပြန် လည် ထူထောင်ရေး ကောင်စီ ဥက္ကဌ ၏တွေ့ ဆုံနှုတ် ဆက်ပွဲဖြင့် အဆုံး သတ်ခဲ့သည် ဟု ၀န်ကြီး အဖွဲ့မှ ဦးညို အုန်းမြင့်က ဆိုပါသည်။

“ ဒီမနက် မှာ မပြန်ခင် RCSS ဥက္ကဌနဲ့ တွေ့တယ်။ တနိုင်ငံလုံး အပစ်အခတ် ရပ်စဲရေး စာချုပ်နဲ့ ပါတ်သက်တဲ့ သူတို့ အမြင်တွေ ကိုတင်ပြ သွားပါ တယ်။ ပြီးတော့ စစ်ရေးကိစ္စတချို့နဲ့ ပူးပေါင်း ဆောင်ရွက် ရမဲ့ ကိစ္စတွေကို ပြောကြ ပါတယ်။ (NCCT) နဲ့ကတော့ လုံးဝ တင်းမာမှုတွေ မရှိတော့ ဘူး။ နှစ်ဖွဲ့ဖြစ်နေပေ မဲ့တဖွဲ့ပုံစံ မျိုး လိုပိုပေါ်တယ်။ တဖက်နဲ့ တဖက် အခက်အခဲ တွေကို ရိုးရိုးသား သား တင်ပြကြ ပါတယ်။” ဟုဆိုပါသည်။

RCSS ဖက်မှ တင်ပြသွား သည်မှာဒီဇင်ဘာ (၂၉)ရက်နေ့၌ ပေးပို့ခဲ့သည့် အစိုးရ၏ အပစ်အခတ် ရပ်စဲရေး စာချုပ်မူကြမ်း အားလက်ခံ ရရှိ ခဲ့ကြောင်းနှင့် ၄င်း အပေါ် တစုံတရာ ပြောဆို စရာမရှိ ပါကြောင်း။ လက်မှတ်ထိုး သည့်အခါ ယင်းပွဲသို့ ဥက္ကဌ ဒုတိယ ဗိုလ်ချုပ်ကြီး ရွက်ဆစ်ကိုယ် တိုင် တက်ရောက် မှာဖြစ်ကြောင်း၊ ၄င်းသည် တနိုင်ငံလုံး အပစ်အခတ် ရပ်စဲရေး လက်မှတ် ထိုးရန် အဆင်သင့် စောင့်နေခြင်း ဖြစ်ကြောင်း၊ ငြိမ်းချမ်းရေး ဖြစ်စဉ်တွင် အချိန်ကြံ့ကြာ မှုမရှိစေ ရန်လို အပ်သော အကူအညီ ဖြစ်စေရန် ရည်ရွယ် ကြောင်း RCSS ဖက် က တင်ပြခဲ့ သည်ဟု ဦးညိုအုန်းမြင့် ကဆိုပါသည်။

အလားတူ ရှမ်းပြည်နယ် တွင်းရှိ အခြား တိုင်းရင်းသား အဖွဲ့အစည်းများ အပေါ်အစိုးရ၏ အာမ ခံပေးထားမှု အပေါ် အားရကြေ နပ်သည်ဟု တင်ပြခဲ့ပါသည်။

ထို့အပြင် စစ်ရေး ဆိုင်ရာ များတွင် တဖက်နှင့် တဖက် ပိုမို နားလည်မှု ရှိစေရန် အသေးစိပ် တင်ပြ သွားခဲ့ ကြောင်း၊ လာမည့် ဖေဖေါ် ၀ါရီလ (၁၅)ရက်နေ့ တွင် NCCT နှင့် အစိုးရ ကိုယ်စားလှယ် တို့ ရန်ကုန်တွင် တွေ့ဆုံ ရန်ရှိကြောင်း၊ ယင်းဆွေးနွေးပွဲ သို့ (RCSS) ပါ ဖိတ်ကြား မည်ဖြစ်ကြောင်း၊ (RCSS) ဥက္ကဌ အနား ယူရန် မဖြစ် သင့်ကြောင်း၊ ငြိမ်းချမ်းရေး ရသည်အထိ ပါဝင်စေ လိုသည်ဟု ၀န်ကြီးက ဆိုကြောင်း ပြောရေး ဆိုခွင့်ရှိ သူ ဗိုလ်မှူးကြီး စိုင်းလောဝ် ဆိုင်ကဆိုပါ သည်။

ယနေ့ မနက်တွေ့ဆုံပွဲ တွင် RCSS ဥက္ကဌ ဒုတိယ ဗိုလိချုပ်ကြီး ရွက်ဆစ် အပါဝင် ဗိုလ်မှူးကြီး စိုင်းလ (စိုင်းလောဝ်ဆိုင်) ဗိုလ်မှူးကြီး စိုင်လင်း၊ ခွန်စိုင်း နှင့် ငြိမ်း ချမ်းရေး ဖြစ်မြောက်ရေး ကော်မီတီဝင် များပါဝင်ခဲ့ ပါသည်။

ထို့အတူ ယမာန်နေ့တုန်းကလည်း (KIA) ဒုတိယ ဦးစီးချုပ် ဗိုလ်ချုပ် ဂွမ်မော်နှင့် လည်း သီးခြားတွေ့ ဆုံခဲ့ကြောင်း။ ဗိုလ်ချုပ် ဂွမ်မော်သည် ကျန်မာရေး အရ (NCCT) ဆွေးနွေးပွဲ ကို အချိန်ပြည့် မတက်ရော က်နိုင်ခဲ့ သော်လည်း တသဘော တည်း ရှိကြောင်း၊ ကချင် ဒေသ ၌ဖြစ်ပွားနေ သည့် ထိတွေ့ မှုများ ကိုလည်း နားလည်မှု ရှိပြီး ပြေ လည်အောင် ဆောင်ရွက် ကြရန် တင်ပြသွား ဟုဆိုပါသည်။

တရုတ်နှင့် ပေါင်းပြီး သစ်ခိုးထုတ်သည့် အဖွဲ့ကို ဖမ်းဆီးနိုင်ခဲ့ဟုဆို

မောင်သင်တုန်း

သစ်ခိုးထုတ်မှုများကို စီမံချက်ဖြင့် ဖမ်းဆီးအရေးယူဆောင်ရွက်ရာ တရုတ်နိုင်ငံသားအချို့ ပူးပေါင်း ပါဝင်သော သစ်ခိုးထုတ်သည့်အဖွဲ့ကို ဖမ်းဆီးနိုင်ခဲ့သည်ဟု ပတ်ဝန်းကျင်ထိန်းသိမ်းရေးနှင့် သစ်တော ရေးရာဝန်ကြီးဌာနမှ ဒုတိယညွှန်ကြားရေးမှူးချုပ် ဦးဇော်ဝင်းက ပြောသည်။

ပြီးခဲ့သည့်နှစ်လအတွင်း တိုင်းနှင့်ပြည်နယ်သုံးခုအတွင်း ကျွန်းသစ်အပါအ၀င် သစ်မျိုးစုံ တန်ချိန်သုံး ထောင်ကျော်ကို ယာဉ်ကြီးယာဉ်ငယ် ကား ၈၉ စီးနှင့်အတူ ဖမ်းဆီးအရေးယူနိုင်ခဲ့သည်ဟု ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာနက ထုတ်ပြန်သည်။

တရုတ်နိုင်ငံသားအချို့ပါဝင်သည့်အဖွဲ့သည် တရားမ၀င်သစ်ခုတ်လှဲလေ့ရှိကြောင်း သတင်းရရှိပြီး ၀န်ကြီးဌာနအစီအစဉ်ဖြင့် ဖမ်းဆီးဆောင်ရွက်ခဲ့ရာတွင် ကျောက်မဲခရိုင်နှင့် ပြင်ဦးလွင်ခရိုင်များတွင် ဖမ်းဆီးနိုင်ခဲ့သည်ဟု ထုက်ပြန်ချက်တွင် ဖော်ပြထားသည်။

“လစဉ်ဖမ်းဆီးတဲ့စီမံချက်တွေရှိတယ်။လျှပ်တစ်ပြက်ဖမ်းဆီးတဲ့စီမံချက်တွေလည်းရှိတယ်။ သတင်းရရှိလို့ ဖမ်းဆီးတာလည်း ရှိတယ်၊ ဒေသခံများက တိုင်ကြားတဲ့အတွက် ချက်ချင်းအရေးယူဆောင်ရွက်တာ လည်းရှိတယ်” ဟု ဒုတိယညွှန်ကြားရေးမှူးချူပ် ဦးဇော်ဝင်းက ပြောသည်။

အဖိုးတန်သစ်များကို ဒေသလုံခြုံရေး၊ လမ်းပန်းဆက်သွယ်ရေး အားနည်းမှုနှင့် အကန့်အသတ် အခြေ အနေများကို အခွင့်ကောင်းယူကာ တစ်ဖက်နိုင်ငံသားများနှင့် ပူးပေါင်းပြီး တရားမ၀င်ခိုးထုတ်ရာတွင် တရားမ၀င် လက်နက်ကိုင်အဖွဲ့အစည်းများ၏ အကူအညီများဖြင့် ဆောင်ရွက်နေသည်ဟု ထုတ်ပြန်ချက် တွင် ဖော်ပြထားသည်။

တရားမ၀င် သစ်ခိုးထုတ်မှုများ ဆောင်ရွက်ရာတွင် ဒေသခံအကူအညီများ အပါအ၀င် လုံခြုံရေးကိုလည်း ဒေသအလိုက် ရဲဝန်ထမ်းများ ပူးပေါင်းဆောင်ရွက်ပြီးလုပ်ဆောင်သည်ဟု ဆိုသည်။ ဒေသခံများ၏ သတင်းအချက်အလက်ပေးမှုပေါ်မူတည်ပြီး နေရာဒေသအလိုက် ချက်ချင်းဖမ်းဆီးခြင်းများလည်း ဆောင် ရွက်နေပြီဟု ဦးဇော်ဝင်းက ပြောသည်။

မန္တလေးတိုင်း၊ ကချင်ပြည်နယ်နှင့် ရှမ်းပြည်နယ်မြောက်ပိုင်းအတွင်း ၂၀၁၃ ခုနှစ် ဒီဇင်ဘာလနှင့် ၂၀၁၄ ခုနှစ် ဇန်န၀ါရီလအတွင်း ပူးပေါင်းဖမ်းဆီးရေးအဖွဲ့သည် ကျွန်း၊ ပျဉ်းကတိုး၊ ပိတောက်၊ တမလန်း၊ စကား ၀ါ၊ သစ်ရာ၊ အင်ကြင်း စသည့် သစ်များအပါအ၀င် တန်ချိန် ၃၂၄၃ ဒသမ ၂၈၆၃ ရှာဖွေဖော်ထုတ်နိုင်ခဲ့ သည်ဟု ဆိုသည်။

စီမံချက်များဖြင့် ဆောင်ရွက်ခဲ့ရာတွင် ၂၀၁၃ ခုနှစ် ဒီဇင်ဘာ ၈ ရက်မှ ၁၉ ရက်အတွင်း သစ်လုံးခွဲသား စုစုပေါင်း ၇၂၈ တန်ကျော် ဖမ်းဆီးမိခဲ့ပြီး မန္တလေး-မူဆယ် ကားလမ်းပေါ်တွင် ယာဉ်ကြီး၊ ယာဉ်ငယ် ကားအစီး ၇၀ ပေါ်တွင် သယ်ဆောင်လာသော ၁၂၅ ဒသမ၁၂ တန်နှင့် မန်စီမြို့နယ်၊ နန်းဟန်ကျေးရွာ အနီးတွင် ၉၂၈ တန်နှင့် ကရိန်းယာဉ် ငါးစီးကို ဖမ်းဆီးနိုင်ခဲ့ကြောင်း ထုတ်ပြန်ထားသည်။

၂၀၁၄ ခုနှစ် ဇန်န၀ါရီ ၁၇ ရက်မှ ခြောက်ရက်တာကာလအတွင်း ပိတောက် နှင့် တမလန်းသစ် စုစုပေါင်း ၁၅၈၇ တန် နှင့် သစ်တင်ယာဉ် ၁၄ စီး၊ လက်ကိုင်လွှစက် ငါးလုံး၊ သစ်ခွဲအင်ဂျင်နှစ်လုံးကို ရှာဖွေဖော် ထုတ် ဖမ်းဆီးနိုင်ခဲ့သည်ဟု ဆိုသည်။

တစ်ဖက်နိုင်ငံသို့ တရားမ၀င်သယ်ဆောင် တင်ပို့မည် အဖိုးတန်သစ်များထပ်မံပြီး ရှာဖွေဖော်ထုတ် ဖမ်း ဆီး အရေးယူ ဆောင်ရွက်သွားမည်ဖြစ်ပြီး တရုတ်နိုင်ငံကိုလည်း သစ်မှောင်ခိုဝယ်ယူနေသူများအား အရေးယူဆောင်ရွက်ပေးရန် တောင်းဆိုမှုများ ပြုလုပ်ခဲ့ဖူးသည်ဟု ဦးဇော်ဝင်းက ပြောသည်။

တိုက်ပွဲ မဖြစ်၍ အပစ်ရပ်ရေးဆွေးနွေးပွဲ “ဝ” တပ်ဖွဲ့ မတက်ဟု ဦးအောင်မင်း ပြော

လင်းသန့်

“ဝ” ပြည် သွေးစည်းညီညွတ်ရေးတပ်မတော် (UWSA) မြန်မာအစိုးရအကြား တိုက်ပွဲများ ဖြစ်ပွားခြင်းမရှိသောကြောင့် အပစ်အခတ် ရပ်စဲရေး ဆိုင်ရာ ဆွေးနွေးပွဲများတွင် “ဝ” တပ်ဖွဲ့ မတက် ရောက်ခြင်းဖြစ်ပြီး ဆွေးနွေးပွဲ မတက်ရောက်သည့် “ဝ” တပ်ဖွဲ့ကို အထင်မလွဲကြရန် သမ္မတရုံးဝန်ကြီး ဦးအောင်မင်းက ပြောဆိုလိုက်သည်။

ထိုင်းနိုင်ငံ၊ ချင်းမိုင်မြို့၊ Green Lake Resort တွင် ဇန်နဝါရီလ ၂၉ ရက်နေ့ ကျင်းပသော တိုင်းရင်းသား လက်နက်ကိုင်တပ်ဖွဲ့များ ပေါင်းစု ဖွဲ့စည်း ထားသော တနိုင်ငံလုံး အပစ်အခတ်ရပ်စဲရေးအဖွဲ့ (NCCT) နှင့် အစိုးရ ငြိမ်းချမ်းရေးဖော်ဆောင်ရေး ကော်မတီ (UPWC) တို့ တွေ့ဆုံဆွေးနွေးပွဲအပြီး ဧရာဝတီသတင်းဌာနနှင့် တွေ့ဆုံစဉ် ဦးအောင်မင်း က အထက်ပါအတိုင်း ပြောဆိုလိုက်ခြင်းဖြစ်သည်။

UWSA အနေဖြင့် အပစ်အခတ်ရပ်စဲရေး ဆိုင်ရာ ဆွေးနွေးပြောဆိုမှုများတွင် ပါဝင်ရန် အစိုးရ က ဖိတ်ခေါ်ခဲ့သော်လည်း မြန်မာအစိုးရ တပ်နှင့် UWSA အကြား တိုက်ပွဲများမဖြစ်ပွား၍ အဆိုပါ ဆွေးနွေးပွဲများ တက်ရောက်မည်မဟုတ်ဘဲ နိုင်ငံရေး ဆွေးနွေးပွဲတွင်သာ ပါဝင်မည်ဟု အကြောင်းပြန် ကြားထားကြောင်း ဦးအောင်မင်းက ဧရာဝတီသို့ ပြောသည်။

“အရင်တုန်းက တိုက်ပွဲတွေက ဗကပ လက် ထက်ကသာ တိုက်ပွဲတွေဖြစ်ခဲ့တာတဲ့။ တကယ်တမ်း ပြောရမယ်ဆိုရင် အပစ်အခတ် ရပ်စဲရေးလည်း ဘာမှ လုပ်စရာမလိုဘူးတဲ့။ ဖြစ်မှ မဖြစ်တာတဲ့။ အဲဒါကြောင့်မို့ ဒီအပစ်အခတ် ရပ်စဲရေးဆွေးနွေးပွဲ တွေ ဘာတွေကို သူတို့ လာကိုမတက်တာ။ ဒါပေမယ့် သူက နိုင်ငံရေးတွေ့ဆုံဆွေးနွေးပွဲကျရင်တော့ လာ တက်မှာပေါ့။ တက်တဲ့အခါကျရင်လည်း သူက သူ့ ပြည်နယ်နဲ့ ပတ်သက်တာ၊ “ဝ” လူမျိုးတွေနဲ့ ပတ် သက်တာ၊ သူ အဲဒီအခွင့်အရေးတွေလည်း တောင်း မှာပေါ့။ သူတောင်းတဲ့ ဟာကိုလည်း ဒီဘက်က ကြည့်ပြီး ပေးလို့ရတဲ့ဟာကို ပေးမှာပေါ့။ ဒါကြောင့် “ဝ” အပေါ်မှာ တမျိုးမထင်ပါနဲ့၊ “ဝ” က မတက်တာ မဟုတ်ဘူး၊ အားမပေးတာ မဟုတ်ဘူး။ သူ့ အလုပ် မဟုတ်ဘူးလို့ ယူဆလို့ သူက လာကို မလာတာ” ဟု ဦးအောင်မင်းက ရှင်းပြသည်။

မြန်မာနိုင်ငံတွင် ဖော်ဆောင်နေသည့် ငြိမ်း ချမ်းရေး ဖြစ်စဉ်သည် ဆက်လက်ဖော်ဆောင်နေဆဲ ဖြစ်သည့်အတွက် အောင်မြင်နေသည်ဟု ဆိုနိုင်ကြောင်း ဦးအောင်မင်းက ဆိုသည်။

“ခြုံပြီးပြောရမယ်ဆိုရင် ဒီ Process ဟာ Still Going Process ဖြစ်တာပေါ့။ ရပ်သွားတယ်ဆိုရင်တော့ မအောင်မြင်ဘူး ပြောလို့ရတာပေါ့။ ဒါကြီးက သွားနေတယ်။ အားလုံးကလည်း ပြုံးပြုံးရွှင်ရွှင်နဲ့ ကျေကျေလည်လည်နဲ့ အခက်အခဲမရှိဘဲ ဆွေးနွေး နိုင်တယ်ဆိုကတည်းက ဒါ အောင်မြင်တဲ့ Process လို့ ပြောလို့ရတာပေါ့” ဟု ၄င်းက ပြောသည်။

ထိုင်းနိုင်ငံ ချင်းမိုင်တွင်ပြုလုပ်သည့် ဆွေးနွေးပွဲ သို့ UPWC မှ သမ္မတရုံးဝန်ကြီး ဦးအောင်မင်းနှင့် မြန်မာငြိမ်းချမ်းရေး စင်တာ (MPC) မှ တာဝန်ရှိသူ များ၊ NCCT မှ တိုင်းရင်းသားခေါင်းဆောင်များ တက်ရောက်ကြပြီး မကြာသေးခင်က ကရင်ပြည်နယ် လောခီးလာ (လေးဝါး) တွင် ကျင်းပခဲ့သည့် တိုင်း ရင်းသားညီလာခံမှရရှိခဲ့သည့် အပစ်ရပ်ရေးမူကြမ်း အပေါ် မူတည်ဆွေးနွေးမှုများ ပြုလုပ်ခဲ့သည်။

“လေးဝါး အစည်းအဝေးမှာ သဘောတူခဲ့တဲ့ ဟာတွေကို လာပြီးတော့ လက်ခံနေတာလေ။ ယူရုံနဲ့ ဒီတိုင်းပဲ မယူဘူး၊ သူတို့ ရှင်းပြတာကို နားထောင် တယ်။ နားထောင်ပြီးတော့ ဒါကို ယူပြီးပြန်မယ်။ ဆုံးဖြတ်ချက်တွေဘာတွေ ဘာမှ မပေးဘူးလေ။ တိုင်းရင်းသားခေါင်းဆောင်တွေရဲ့ လိုလားချက်တွေ၊ တင်ပြချက်တွေ လာယူတာပဲဖြစ်တယ်” ဟု ဝန်ကြီး ဦးအောင်မင်းက ဆက်ပြောသည်။

တိုင်းရင်းသားလက်နက်ကိုင်အဖွဲ့များ၏ လော ခီးလာ (လေးဝါး) ဆွေးနွေးပွဲ ရလဒ်များသည် တိုး တက်သည့် ခြေလှမ်းများဖြစ်သည်ဟု ဦးအောင်မင်း က ဆိုသည်။

“Political Dialogue (နိုင်ငံရေး ဆွေးနွေးမှု) ပြီးမှ အပစ်အခတ်ရပ်စဲမယ်လို့ ပြောခဲ့တာ။ ဒါပေ မယ့် လေးဝါး အစည်းအဝေးမှာတော့ ဆုံးဖြတ်ချက် တခု ကျသွားတယ်။ အပစ်အခတ်ရပ်စဲရေး ပြီးမှပဲ နိုင်ငံရေး တွေ့ဆုံဆွေးနွေးမှု လုပ်မယ်ဆိုတာ။ ဒါ တိုးတက်တက်ခြေလှမ်းတွေပါပဲ”ဟု သူကဆိုသည်။

လောခီးလာ တိုင်းရင်းသား တော်လှန်ရေး အင်အားစုများက သဘောတူညီချက် ယူထားခဲ့သည့် တနိုင်ငံလုံးဆိုင်ရာ အပစ်အခတ်ရပ်စဲရေးဆိုင်ရာ မူကြမ်းတွင် အခန်း ၁၁ ခန်းရှိပြီး စာမျက်နှာ ၂၈ မျက်နှာ ရှိကြောင်း ဦးလှမောင်ရွှေက ပြောသည်။

ချင်းမိုင်ဆွေးနွေးပွဲတွင် အဓိကအားဖြင့် လော ခီးလာ သဘောတူညီမှုပါ စကားလုံးများ၊ မူဘောင် များနှင့် ပတ်သက်၍ အစိုးရ ကိုယ်စားလှယ်နှင့် ကြိုတင်ဆွေးနွေးခြင်း ဖြစ်ကြောင်း NCCT အဖွဲ့ ခေါင်းဆောင်နိုင်ဟံသာ ဧရာဝတီကို ပြောသည်။

“တချို့ စာလုံးတွေကတော့ သူတို့အနေနဲ့ မထည့်စေချင်ဘူး၊ ပြင်စေချင်တယ်၊ အဲဒါကို ကျနော် တို့က လက်မခံနိုင်ဘူးဆိုရင် သူတို့က ယူသွားပြီး တော့ အထက်အရာရှိတွေနဲ့ ညှိနှိုင်းမယ်။ အခု ဒီမှာက တော်လှန်ရေးဆိုတဲ့ဝေါဟာရကို သူတို့ဘက် က ပြင်ချင်တယ်ဆိုတဲ့ဟာ ပြောတယ်” ဟုနိုင်ဟံသာ က ဆိုသည်။

ဖက်ဒရယ် စကားရပ်နှင့်ပတ်သက်၍ ချင်းမိုင် ဆွေးနွေးပွဲတွင် ညှိနှိုင်းဆွေးနွေးခဲ့ကြပြီး ၄င်းကိစ္စကို နိုင်ငံရေးဆွေးနွေးပွဲတွင် မပါမဖြစ် ထည့်သွင်းရန် တိုင်းရင်းသားများက လုပ်ဆောင်လျက် ရှိသည်ဟု သိရှိရသည်။

ကရင်ပြည်နယ်၊ ဘားအံမြို့တွင် အစိုးရနှင့် တိုင်းရင်းသားများအကြား ငြိမ်းချမ်းရေးဆွေးနွေးပွဲ တခုကို လာမည့်မတ်လအတွင်း ကျင်းပရန်ရည်ရွယ် ထားပြီး ဆွေးနွေးပွဲသို့ အမျိုးသားဒီမိုကရေစီအဖွဲ့ချုပ် (NLD) ပါတီ ဥက္ကဋ္ဌ ဒေါ်အောင်ဆန်းစုကြည်ကို လည်း ဖိတ်ကြားမည်ဖြစ်ကြောင်း အစိုးရငြိမ်းချမ်းရေး အကျိုးဆောင် ဦးလှမောင်ရွှေက ပြောသည်။

ကသာတွင် ကျောက်စိမ်းအရိုင်းတုံး တန်ချိန်တစ်ရာကျော် ဖမ်းဆီးမိ

ကိုတိုးကြီး

စစ်ကိုင်းတိုင်း၊ မိုးတားကြီးကျေးရွာ စုပေါင်းစစ်ဆေးရေးဂိတ်တွင် တရုတ်နိုင်ငံသို့ တင်ပို့ရောင်းချမည့် ကျောက်စိမ်းအရိုင်းတုံး တန်ချိန်တစ်ရာကျော်အား သက်ဆိုင်ရာ ပူးပေါင်းစစ်ဆေးရေးအဖွဲ့က ဖမ်းဆီး ရရှိခဲ့သည်ဟု ပူးပေါင်းအဖွဲ့တွင် တာဝန်ကျဝန်ထမ်းတစ်ဦးက ဇန်န၀ါရီ ၂၈ ရက်တွင် ပြောသည်။

ဖြစ်စဉ် ကသာမြို့မှ ဗန်းမော်ဘက်သို့ ယခုလ ၂၂ ရက် ညနေ ၆ နာရီခွဲအချိန်တွင် Nissan Diesel ဆယ့်နှစ်ဘီးယာဉ်အမျိုးအစား ယာဉ်အမှတ် ၈ည/----- ယာဉ်သည် ဆုထူးပန် လမ်းတံတားအသုံးပြုခ တိုးဂိတ်၊ တန်ပိုကတ္တားချိန်ရာတွင် ယာဉ်တန်ချိန်မှာ ၁၄ တန်ရှိရမည့်အစား ၄၄ တန်ဖြစ်နေသည့် အတွက် ဌာနပေါင်းစုံ စစ်ဆေးဂိတ်မှ ယာဉ်ကို စစ်ဆေးခဲ့ရာ တရားမ၀င်သယ်ဆောင်လာသည့် ရေမ ဆေးကျောက်စိမ်းအရိုင်းတုံးများဖြစ်နေကြောင်း တွေ့ရသဖြင့် ဖမ်းဆီးခဲ့ခြင်းဖြစ်သည်။

အဆိုပါယာဉ်ကို မောင်းနှင်လာသူမှာ မိုးညှင်း၊ ညောင်ပင်ကျေးရွာနေ ကိုနိုင်လင်းအောင် အသက် (၂၃) နှစ်ဆိုသူက ယာဉ်နောက်လိုက်တစ်ဦးနှင့်အတူ မောင်းနှင်လာခဲ့သည်။ ထို့ကြောင့် အဆိုပါ ယာဉ်ပေါ် တွင် လိုက်ပါလာသူတို့အား မိုးတားနယ်မြေ ရဲကင်းစခန်း၏ ရဲစခန်းမှူး ရဲအုပ်မင်းခိုင်မှ ကသာမြို့မ ရဲစခန်းတွင် ယခုလ ၂၇ ရက် ညက အမှုဖွင့်ခဲ့သည်။

ထို့ပြင် အဆိုပါ ဆုထူးပန် လမ်းတံတား အသုံးပြုခ ကောက်ခံရေးတိုးဂိတ်တွင် ယခုလ ၂၂ ရက်က တန် ချိန် ၂၉ တန်စီတင်ဆောင်လာသည့် ဆယ့်နှစ်ဘီးယာဉ်နှစ်စီး နှင့် တန်ချိန် ၃၀ တန်ယာဉ်တစ်စီး၊ အဆိုပါ ယာဉ်လေးစီးပေါ်မှ ဖမ်းဆီးရရှိမိသည့် ကျောက်စိမ်းအရိုင်းတုံး စုစုပေါင်း ၁၂၀ တန်ဖြစ်သည်။

ထို့ကြောင့် ကျောက်စိမ်းအရိုင်းတုံးများ သယ်ဆောင်လာသူများအား ကသာမြို့မ ရဲစခန်းက (ပ) ၂၂/ ၂၀၁၄ ၊(ပ)၂၃/၂၀၁၄ (ပ)၂၄/၂၀၁၄ (ပ)၂၅/၂၀၁၄ ကျောက်မျက်ပုဒ်မ ၄၂(က)အရ အမှုများရေးဖွင့် ခဲ့ပြီး ဆက်လက်ဆောင်ရွက်လျက်ရှိသည်။

ပစ်ခတ်ရပ်ကာလ လက်နက်ကြီး လေ့ကျင့်ပစ်ခတ်ခြင်း ခြိမ်းခြောက်မှုဟု KNPP ပြော

စူးမယ်

ကယားပြည်နယ်အတွင်းရှိ အမှတ်(၁၄)တပ်မတော် တန်းမြင့် လေ့ကျင့်ရေးကျောင်းမှ သင်တန်းသားများသည် ဒီးမော့ဆိုမြို့နယ် ဒေါသမကြီး ကျေးရွာအနီးတွင် ပြီးခဲ့တဲ့ ဇန်န၀ါရီ လ ၁၉ ရက်နေ့မှ စ၍ လက်နက်ကြီး အလုံးတစ်ရာကျော် လေ့ကျင့် ပစ်ခတ်သည်ဟု သိရသည်။

ယခုလို ကရင်နီအမျိုးသားတိုးတက်ရေးပါတီ (KNPP) နှင့်အစိုးရတို့မှ အပစ်ခတ်ရပ်စဲရေး လုပ်ထားသည့် ကာလတွင် စစ်ရေးလေ့ကျင့်ခြင်းသည် မလိုအပ်တော့ကြောင်းနှင့် ၄င်းကဲ့သို့ လေ့ကျင့်ခြင်းအပေါ် ခြိမ်းခြောက်မှုတခုအဖြစ် မြင်မိကြောင်း KNPP မှ အမှတ် ၁ ခရိုင်အုပ်ချုပ်ရေးမှူး ဖိုးရယ် က ကန္တာရ၀တီတိုင်းမ် သို့ပြောသည်။

ခရိုင်အုပ်ချုပ်ရေးမှူး ဖိုးရယ်က “သဘောတူထားတုန်းက တပ်စခန်းငယ်တွေကို ရွေ့ပြောင်းပေးရမယ် ဆိုတာရှိတယ်။ ပြန်ဆုတ်ရမယ် ရုတ်ရမယ်ဆိုတာရှိပါတယ်။ ထီးဖိုးကလိုးစခန်းတို့ ဒေါတမကြီးစခန်းတို့ အဲလိုမျိုး စခန်းငယ်တွေပေါ့။ အဲဒီမှာ ဒေါဆိုရှလည်းပါတယ် ဒါပေမယ့် သူတို့မဆုတ်ဘူး။ ခုတော့ ပစ်တာတွေကိုထပ်လေ့ကျင့်တော့ ကျနော်တို့ကို ခြိမ်းခြောက်တဲ့သဘောပဲပေါ့” ဟု ဆိုသည်။

အမှတ် (၁၄)လေ့ကျင့်ရေးသင်တန်းကျောင်းတွင် သင်တန်းသား ၂၀၀၀ ကျော်ရှိရာ လက်နက်ကြီးအစမ်းလေ့ကျင့်ရန် ဒေါတမကြီး အုပ်စုတွင် သင်တန်းသား အယောက် တစ်ထောင်ကျော် (တပ်ရင်းအဖြစ် ၁၂ တပ်ရင်း) လာရောက်လေ့ကျင့်နေသည်ဟု အဆိုပါကင်းစောင့်တပ်သားထံမှ ထပ်မံသိရသည်။

လက်နက်ကြီးလေ့ကျင့်ပစ်ခတ်မည့်ရက်ကို ဇန်န၀ါရီ လ ၁၉ ရက်နေ့မှ ၂၂ ရက်နေ့အထိ သတ်မှတ်ထားပြီး ၂၃ ရက်တွင် ပြန်လည်ဆုတ်ခွာမည်ဟု ခရိုင်အုပ်ချုပ်ရေးမှူး ဖိုးရယ်ကပြောသည်။

ဒေါတမကြီး ရွာအနီးတွင် လက်နက်ကြီးပစ်ခတ်လေ့ကျင့်ကြသောကြောင့် ဒေသခံများမှာ တောင်ယာသို့ မသွားရဲကြတော့ပဲ အိမ်မှာနားနေရကြောင်းနှင့် တောင်ယာထဲသို့ သွားပြီးသူများကို ပြန်ခေါ်လာကြကြောင်း ဒေါညေးခူရွာမှ ပိုးရယ်က ကန္တာရဝတီတိုင်း(မ်)သို့ ပြောသည်။

လက်နက်ကြီးပစ်ခတ်လေ့ကျင့်နေစဉ်တပတ်အတွင်း ဒေသခံများလှုံခြုံရေးအတွက် ကျေးရွာများသို့ ကျေးရွာအုပ်ချုပ်ရေးမှူးများမှ တဆင့် ဒေသခံ များ ၊တောင်ယာအလုပ် လုပ်ကိုင်သူများနှင့် တောလည်နေသူများကို ကြိုတင်သတိပေးတာမြစ်မှုများပြုလုပ်ထားကြောင်း ဒေါတမကြီးသို့သွားသောလမ်းတွင် ကင်းစောင့်နေသော တပ်သားတဦးထံမှသိရသည်။

၂၀၁၃ ခုနှစ် အောက်တိုဘာလ တွင်ပြုလုပ်ခဲ့သော တတိယအကြိမ်းပြည်ထောင်စုအဆင့် အပစ်ခတ်ရပ်စဲရေး တွေ့ဆုံဆွေးနွေးပွဲတွင် အစိုးရဖက်နှင့် တပ်ကိစ္စများကို သဘောတူလက်မှတ်ထိုး နိုင်ခဲ့ခြင်းမရှိသေးသော်လည်း နှုတ်ကတိဖြင့် တပ်လျှော့ချရေးအား သဘောတူညီခဲ့သည်ဟု ခရိုင်ခရိုင်အုပ်ချုပ်ရေးမှူး ကဆိုသည်။

ကယား(ကရင်နီ) ပြည်သူများအနေ ဖြင့် အပစ်ခတ်ရပ်စဲနေစဉ်ကာလအတွင် အစိုးရဖက်မှ လက်နက်ကြီးလာလေ့ကျင့်ခြင်း၊ ကို မလိုလားကြောင်းနှင့် ထိုသို့လေ့ကျင့်ခြင်းကြောင့် အပစ်အခတ်ရပ်စဲရေး သဘောတူညီချက် ပျက်ပျယ်ပြီး ယခင်ကဲ့သို့ ပစ်ခတ်မှုများပြန်လည် ပေါ်ပေါက်လာမည်ကို စိုးရိမ်ကြောင်း ဒေသခံတစ်ဦးဖြစ်သည့် နဲရယ်က ကန္တာရဝတီတိုင်း(မ်)သို့ ပြောသည်။

မွေးရာပါ မျက်စိတစ်ဖက်လပ်နေသူကို အကယ်ဒမီအနုပညာရှင် နှစ်ဦးမှ မျက်စိတုတပ်ဆင်ပေး

မြင့်မြင့်စိုး

ရခိုင်ပြည်နယ်၊ မာန်အောင်မြို့၊ ဇရပ်ကုန်း ခင်ရွာမှ ရခိုင်တိုင်းရင်းသူ မခင်မာထွေး၏ မွေးရာပါမျက်စိ တစ် ဖက်လပ်နေခြင်းကို ရခိုင်အမျိုးသား လူမှုကယ်ဆယ်ရေး အဖွဲ့ (ရန်ကုန်)နှင့် ရုပ်ရှင်သရုပ်ဆောင် ဦးအောင်လွင်နှင့် ဦးအောင်ခိုင်တို့ ပူးပေါင်းပြီး ရန်ကုန်မြို့သို့ ခေါ်ဆောင်ကာ မျက်စိတု အစားထိုးတပ်ဆင် ပေးခဲ့သည်။

အနုပညာရှင် ဦးအောင်ခိုင်က “ ကျွန်တော်တို့ ရခိုင်မှာဖျော်ဖြေရေးသွားတော့ အနုပညာရှင်တွေကို ဧည့်ခံ တဲ့ အုပ်စုထဲမှာ မခင်မာထွေးကိုတွေ့တာ မွေးရာပါ မျက်လုံးတစ်ဖက်က ပါမလာတော့ အင်္ဂါမပြည့်စုံဘူး ဖြစ်နေတာ။ ရုပ်ရည်လေးက သန့်သန့်ပြန့်ပြန့်လေး။ အဲဒါနဲ့ ဦးအောင်လွင်နဲ့တိုင်ပင်ပြီး မျက်စိတုထည့်ပေး ဖို့ စီစဉ်ဖြစ်တာ။ မာန်အောင်မှာပဲ သူမရဲ့ မျက်လုံးကို ဓာတ်ပုံအနီး ကပ်ရိုက်ခဲ့တယ်။ မိန်းကလေးတစ်ယောက်ရဲ့ အလှအပတရားအတွက်ပါ” ဟု မဇ္ဈိမသို့ ပြောသည်။

အနုပညာရှင် ဦးအောင်ခိုင်သည် ရခိုင်ဖျော်ဖြေပွဲမှ ပြန်ရောက်ပြီးနောက်တွင် ရန်ကုန်ရှိ ရန်ကင်းကျောက်ကုန်းမှ ယခင်သွားတု ကျောင်းအုပ်ကြီး ဦးမြင့်ဆွေကို တွေ့ဆုံတိုင်ပင်ကာ မျက်လုံးပုံစံယူပြီး လူနာ၏မျက် လုံးပုံစံအတိုင်း ပြုလုပ်ပေးခြင်းဖြစ်သည်။

ယင်းမျက်စိတု တပ်ဆင်ပေးခြင်းကို ရန်ကင်းမြို့နယ်၊ ကျောက်ကုန်းရှိ မဟာဗောဓိလမ်းရှိ ဦးမြင့်ဆွေ၏ ကိုယ်ပိုင်ဆေးကုခန်းတွင် ဇန်န၀ါရီ ၂၃ ရက်က စတင်စမ်းသပ်ခဲ့ပြီး ဇန်န၀ါရီ ၂၄ ရက်တွင် အပြီးသတ် ကုသပေးခဲ့ခြင်း ဖြစ်သည်။ ကုန်ကျစရိတ်သည် ကျပ်ငါးသိန်းရှိပြီး ရခိုင်လူမှုကယ်ဆယ်ရေး အဖွဲ့က ဦးကျော်အေးမောင်၊ ကိုကိုနိုင် (ဗျာလ)၊ စိုးစိုး၊ ကိုခင်မောင်ဆွေ တို့လည်း ပါဝင်ခဲ့ကြောင်း ဦအောင်ခိုင်က ပြောသည်။

ရခိုင်အမျိုးသားလူမှုကယ်ဆယ်ရေး (ရန်ကုန်)မှ အတွင်းရေးမှူးနှင့် အနုပညာရှင်များသည် မာန်အောင်မြို့၊ မေဃအလင်း ရောင်ပညာရေး ရန်ပုံငွေဖျော်ဖြေပွဲသို့ သွားရောက်ဖျော်ဖြေခြင်းကြောင့် မခင်မာထွေး အသက်(၃၅)နှစ်သည် ၎င်း၏မျက်စိတု တပ်ဆင်ခြင်းကို ပြုလုပ်ခွင့်ရခြင်းဖြစ်သည်ဟု သိရသည်။

ဘောလုံးတော်လှန်ရေး ဆင်နွှဲသင့်ပြီ

ခင်မောင်ထွေး(ပျဉ်းမနား)

၂၀၀၉ ခုနှစ် မေလတွင် မြန်မာအမျိုးသားလိဂ် (MNL) ကြေးစားတန်း “Pro”ဘောလုံးပြိုင်ပွဲများကို အသင်း ၈ သင်းဖြင့် စတင်ခဲ့သည်။ ပြိုင်ပွဲ စတင်ကျင်းပစဉ်ကမူ အားပေးကြည့်ရှုသည့် ပရိသတ်အထူးပင် များသည်။ Pro ဆိုသည်ကို လက်တွေ့ ကြည့်လို၊ မြင်လိုကြသဖြင့် လည်းကောင်း၊ ရန်ကုန်တွင် ဘောလုံးပွဲကောင်းများ မရှိကြသဖြင့် လည်းကောင်း၊ သုဝဏ္ဏကွင်း၊ ကွင်းပြည့်ကွင်းလျံသည် အထိ အားပေးခဲ့ကြသည်။

သို့ရာတွင် ဘောလုံးရာသီ တရာသီပင် မခံပါ။ မူလ အတိုင်းဒုံရင်း၊ ဒုံရင်းသို့ ပြန်ရောက်သွားသည်။ ပရိသတ်များ စိတ်ဝင်စားမှု နည်းသွားရခြင်းမှာ မြန်မာနိုင်ငံတွင် ဖွဲ့စည်းတည်ထောင်ယှဉ်ပြိုင်နေကြသည့် ကြေးစားတန်း ဘောလုံး အသင်းများမှာ Pro ဟူသည့် အမည်ခံယူ ထားသော်လည်း လက်တွေ့တွင် အပျော်တမ်း အဆင့်သာ ရှိသည်။ ပြည်တွင်း ဘောလုံးသမား အများစုမှာ ဌာနဆိုင်ရာ အပျော်တမ်းဘောလုံး အသင်းများတွင် ကစားနေကြသူများသာ ဖြစ်သည်။

ပြည်ပမှ ငှားရမ်းခဲ့သည့် ကြေးစား ဘောလုံးသမားများမှာလည်း အိမ်နီးနားချင်း၊ မလေးရှား၊ ထိုင်း၊ စင်ကာပူ၊ အင်ဒိုနီးရှား နိုင်ငံတွင် ကစားနေကြသည့် ကြေးစားတန်း ဘောလုံးသမားများ ဖြစ်ကြသည်။ ကြေးစားတန်း ကမ္ဘာ့အဆင့်နှင့် ဆိုလျှင် စတုတ္ထတန်း၊ တတိယတန်း အဆင့်လောက်သာ ရှိကြသည်။

ဂျပန်နိုင်ငံတွင် ဂျေလိဂ် စတင်စဉ်က ကမ္ဘာကျော် ဘောလုံးသမား ကောင်းကြီးများဖြင့် ပိုင်နီကာ (အင်္ဂလန်)၊ ဇစ်ကို (ဘရာဇီး) စသည်တို့ကို ဈေးခေါ်လက်ဖွဲ့များ သဖွယ် အသုံးပြုခဲ့ကြသည်။

မြန်မာ နိုင်ငံ အနေဖြင့်လည်း ဈေးခေါ်ကြေးစားတန်း ဘောလုံးသမားများကို သုံးချင်ကြသော်လည်း မြန်မာ ဈေးကွက်အရ ကြေးက ခေါင်ခိုက်နေသည်။ မတတ်နိုင်ကြပါ။ သို့ဖြစ်၍ နိုင်ငံခြားသား ဘောလုံးသမားများ ပါလျှင်ပြီးရော သဘောမျိုးဖြင့် ရရာ ကြေးစားတန်း ဘောလုံးသမားများကို ငှားရမ်းခဲ့ကြသည်။

အင်္ဂလန်၊ စပိန်၊ အီတလီနှင့် ဂျာမနီနိုင်ငံမှ ဘောလုံးပွဲများနှင့် ယဉ်ပါးနေကြသော မြန်မာဘောလုံးပရိသတ်ကို မြန်မာ အပျော်တမ်း ဘောလုံးသမားများနှင့် နိုင်ငံတကာတွင် တတိယတန်း အဆင့်လောက်ရှိသည့် နိုင်ငံခြားများ ပါဝင် ကစားနေသည့် MNL ကို အားပေးသူ တဖြည်းဖြည်း နိမ့်ကျလာခဲ့ရသည်။

မြန်မာ အပျော်တမ်း ဘောလုံးလောကမှ ကြေးစား ဘောလုံးအဆင့်သို့ ကူးပြောင်းခဲ့ရာတွင် ဘောလုံးသမားများ၊ နည်းပြဆရာများ၊ ဒိုင်လူကြီးများ၊ အသင်း စီမံခန့်ခွဲအုပ်ချုပ်သူများ၊ အသင်းပိုင်ရှင်များ၊ ဘောလုံးအဖွဲ့ချုပ် ကော်မတီဝင် များသည် “Professional System” ကို စမ်းတ၀ါးဝါးဖြင့် စတင်ခဲ့ကြခြင်း ဖြစ်သည်။

အမှန်က မြန်မာနိုင်ငံတွင် Pro အဆင့်သို့ ဘောလုံး အားကစားနည်း ကူးပြောင်းရာတွင် မြန်လွန်းအားကြီး သည်။ ပြီးတော့ နောက်ကျနေ သည်။ မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌ တာဝန်ကို ဦးဇော်ဇော်က ၂၀၀၆/၂၀၀၇ ဘောလုံး ရာသီတွင် စတင်ရယူခဲ့သည်။ မြန်မာနိုင်ငံ ဘောလုံးအဖွဲ့ချုပ်သစ် လက်ထက်တွင် မြန်မာဘောလုံး လောက ကြေးစားတန်း စနစ်သို့ ပြောင်းလဲရေး စတင်ပြင်ဆင်သည်။ ၂၀၀၈ ခုနှစ်တွင် နိုင်ငံတော်က ခွင့်ပြုသည်။ ၂၀၀၉ ခုနှစ် တွင် ကြေးစားတန်း စနစ်စတင် ကျင့်သုံးသည်။ လွန်ရောကျွံရော ၃ နှစ် အတွင်းတွင် မြန်မာနိုင်ငံ၌ နှစ်ပေါင်း ၁၀၀ ကျော် ခိုင်မြဲလျက်ရှိသည့် အပျော်တမ်း စနစ်ကို ဖယ်ရှားလိုက်ခြင်း ဖြစ်သည်။ ဘောလုံးလောကသား အားလုံးအတွက် အတွေ့အကြုံ ဖြစ်နေသည်။ အားလုံး ကြေးစားတန်းဆိုသည်မှာ ဒီလိုပါလားဟု သိကြသည့် အဆင့်သာ ရှိသည်။

၁ နှစ်တာ ကာလ (၂၀၀၈-၂၀၀၉) အတွင်း ကြေးစားတန်း စနစ်ကူးပြောင်းရေး အတွက် နေ့မအား၊ ညမအား ဆိုသလို ဆောင်ရွက်ခဲ့သည်။ တခါတရံ စည်းဝေးပွဲများ တနေ့တည်း ၃ ကြိမ်ဆက်တိုက် ကျင်းပခြင်းများလည်း ရှိခဲ့သည်။

အမှန်ကတော့ အပျော်တမ်း စနစ်တွင် မွေ့လျော်ခဲ့ကြသည့် ဘောလုံးနှင့် ပတ်သက်သူ (မီဒီယာများ အပါအ၀င်) အားလုံး Pro စနစ်ကို ကျေညက်အောင် နားလည်သည် အထိ လေ့လာသင်ကြား ဆည်ပူးကြပြီး နောက်မှ ဘောလုံး လောကကို အပျော်တမ်း စံနစ်မှ ကြေးစားတန်း စနစ်သို့ ကူးပြောင်းသင့်သည်။ အခုတော့ မြန်လွန်း အားကြီး နေသည်၊ စောလွန်းအားကြီးနေသည်။

မြန်မာနိုင်ငံ အနေဖြင့် မြန်လွန်း၊ စောလွန်း နေသည်ဟု ဆိုသော်လည်း၊ အာရှ အဆင့်မှာပင် နှေးနေသေးသည်။ နောက်ကျနေသေးသည်။

အရှေ့တောင် အာရှနိုင်ငံများ ဖြစ်သည့် အင်ဒိုနီးရှား နိုင်ငံဆိုလျှင် Pro စနစ်ကို ၁၉၇၈ ခုနှစ် မတိုင်မီကတည်းက စတင် ကျင့်သုံးခဲ့ သည်။ Semi-pro စနစ်ဖြင့် စတင် ခဲ့သည်။ ထိုစဉ်က ၁၉၉၇-၉၈ ခုနှစ်တွင် Semi-pro အသင်းပေါင်း ၁၇ သင်းဖြင့် စတင်ခဲ့သည်။ ယခုအခါ အင်ဒိုနီးရှားတွင် “Indo League” ကြေးစားတန်း ဘောလုံးအသင်းများ ကစားနေကြပြီ ဖြစ်သည်။ ထိုနည်းတူစွာ မလေးရှား နိုင်ငံကလည်း ၁၉၉၀ ပြည့်နှစ် မတိုင်မီကပင် ကြေးစားတန်း ဘောလုံးကလပ် အသင်းများ ဖွဲ့စည်းယှဉ်ပြိုင်နေကြပြီ ဖြစ်သည်။

စင်ကာပူ နိုင်ငံကလည်း ၁၉၉၆ ခုနှစ် ဧပြီလထဲတွင် ကြေးစားတန်း ဘောလုံးပွဲများ စတင် ကျင်းပခဲ့သည်။ ကြေးစားတန်း အသင်း ပါဝင်ယှဉ်ပြိုင်ခဲ့ကြ သည်။ စင်ကာပူ “S’ League” စတင် ထူထောင်ရာတွင် အမေရိကန်ဒေါ်လာ ၅ သန်း ရင်းနှီးမြှုပ်နှံ ခဲ့ရသည်။ ယခုအခါ စင်ကာပူနိုင်ငံ၏ ဘောလုံးအဆင့်အတန်းကို အာရှအဆင့်တွင် စောင့်ကြည့်ကြရ မည့် အနေအထား ရောက်ရှိနေပြီ ဖြစ်သည်။

ကျင်းပ ပြီးစီးခဲ့သည့် ၂၇ ကြိမ်မြောက် အရှေ့တောင်အာရှ အားကစားပွဲ၊ ဘောလုံးပြိုင်ပွဲတွင် ရွှေတံဆိပ်များ သိမ်းကြုံး ရယူခဲ့သည်မှာ ထိုင်းနိုင်ငံပင် ဖြစ်သည်။ ကြေးစားတန်း စနစ်ကို ထိုင်းနိုင်ငံတွင် ၁၉၉၅ ခုနှစ် ကတည်းက စတင် ကျင့်သုံးခဲ့သည်။

ဗီယက်နမ် ဘောလုံးကလည်း ယခုအချိန်တွင် အရှေ့တောင် အာရှတိုက်တွင် ပြိုင်ဘက်ကောင်း အသင်းတသင်း ဖြစ်လာသည်။ ဗီယက်နမ်လိဂ် ပြိုင်ပွဲကို ၁၉၉၆ ခုနှစ်တွင် အသင်း ၁၂ သင်းဖြင့် စတင်ခဲ့သည်။

မြန်မာ အမျိုးသားတဦး ဖြစ်သည့် ဦးလှဒင်နှင့် သူ၏မိတ်ဆွေ ဂျပန်လူမျိုးတစုတို့ ပူးပေါင်းကာ ဘောလုံး ကစားနည်းကို စတင်ခဲ့သည့် ဂျပန်နိုင်ငံမှာ ယခု ကမ္ဘာ့အင်အားကြီး ဘောလုံးနိုင်ငံ တနိုင်ငံအဖြစ် ရောက်ရှိနေပြီ ဖြစ်သည်။ ဂျပန်ဘောလုံး အဆင့်အတန်းသည် အစပိုင်းတွင် အောင်မြင်မှု မရရှိခဲ့ပါ။ အာရှအားကစားပွဲတော် ဘောလုံးပြိုင်ပွဲတွင် မြန်မာလက်ရွှေးစင် ဘောလုံးအသင်းက ၂ ကြိမ်ဆက်တိုက် ရွှေတံဆိပ် ဆွတ်ခူးစဉ်က ဂျပန်ဘောလုံး အသင်းများမှာ အာရှအားကစားပွဲ၊ ဘောလုံးပြိုင်ပွဲတွင် နောက်ဆုံး ဗိုလ်လုပွဲသို့ပင် ၁ ကြိမ်မှ မရောက်ခဲ့ ပါ။

ဂျပန်ဘောလုံး အဆင့်အတန်း တိုးတက်ရေး အတွက် အပျော်တမ်း စနစ်မှ ကြေးစားတန်း စနစ်သို့ ကူးပြောင်းရန် ဂျပန်ဘောလုံး အသိုင်းအ၀ိုင်းက ယုံကြည်ခဲ့ကြသည်။ ယုံကြည်ကြသည့် အတိုင်း ကြေးစား ဘောလုံးစနစ် ဂျပန်နိုင်ငံတွင် စတင်နိုင်ရန် အတွက် ၁၉၈၈ ခုနှစ်တွင် စတင် ပြင်ဆင်ခဲ့ကြသည်။ လေ့လာစရာ ရှိသည်များကို လေ့လာကြသည်မှာ ၅ နှစ်တိတိ ကြာသည်။ ၁၉၉၃ ခုနှစ်ကျမှ “J’ League” ကို အသင်း ၁၀ သင်း ဖြင့် စတင်ကျင်းပ ခဲ့သည်။

ဘောလုံး အားကစားနည်းကို ဘေ့စ်ဘော ကစားနည်းလောက် စိတ်ဝင်စားမှု မရှိကြသော ဂျပန် အားကစား ပရိသတ်ကို ဆွဲဆောင်သည့် အနေဖြင့် ကမ္ဘာကျော် ဘောလုံးသမားကောင်းများကို “J’ League” အသင်းများက ငှားရမ်း ကစားစေခဲ့သည်။ အင်္ဂလိပ် လက်ရွေးစင် ကစားသမားကောင်း Gary Lineker ၊ ဘရာဇီးလက်ရွေးစင်ဟောင်း Zico တို့ဖြင့် ဂျပန်ပရိသတ်များကို ဆွဲဆောင် နိုင်ခဲ့သည်။

အာရှတိုက်၏ အအောင်မြင်ဆုံး ဘောလုံးနိုင်ငံမှာ တောင်ကိုရီးယား နိုင်ငံ ဖြစ်သည်။ ၁၉၅၄ ခုနှစ် ကမ္ဘာ့ဖလား ဘောလုံးပွဲတွင် စတင် ပါဝင်ယှဉ်ပြိုင်ခဲ့သည်။ ကြေးစားတန်း ဘောလုံးလောကကိုလည်း အာရှတိုက်တွင် အစောဆုံး ကျင့်သုံးသည့် နိုင်ငံဖြစ်သည်။ ၁၉၈၃ ခုနှစ်ကတည်းက “K’ League” ကို စတင်ခဲ့သည်။

တရုတ်နိုင်ငံတွင် ဘောလုံး ကစားနည်းကို စတင်ခဲ့သည် ဟု တရုတ် မှတ်တမ်းများက ဆိုသည်။ သို့ရာတွင် ခေတ်သစ် ဘောလုံးကစားနည်းတွင်မူ တရုတ်ပြည်သည် ဂျပန်၊ တောင်ကိုးရီးယား တို့လောက် အောင်မြင်မှု မရှိခဲ့ပါ။ သို့ဖြစ်သော ကြောင် ကွန်မြူနစ် စနစ်ကို ကျင့်သုံးသော တရုတ်ပြည်တွင် ကြေးစားတန်း ဘောလုံးပွဲများကို ခွင့်ပြုလာခဲ့ရသည်။ ၁၉၉၃ ခုနှစ်တွင် Marlboro စီးကရက် ကုမ္ပဏီ၏ ထောက်ပံ့မှုဖြင့် Marlboro League အမည်ဖြင့် Pro ဘောလုံးများ စတင်ခဲ့သည်။

အာရှတွင်လည်းကောင်း၊ အရှေ့တောင်အာရှတွင် လည်းကောင်း၊ ကြေးစားတန်း စနစ် ဘောလုံးပွဲများ စတင်သည့် နှစ်ပေါင်း ၂၀ ကျော်မျှ စောနေသေည်ကို တွေ့ရမည် ဖြစ်သည်။ တနည်းဆိုသော် မြန်မာနိုင်ငံတွင် ကြေးစားတန်း စနစ် စတင်သည်မှာ နှစ်ပေါင်း ၂၀ ကျော် နောက်ကျနေ ခြင်းပင် ဖြစ်သည်။

မြန်မာ ဘောလုံး လောကထက် ဆယ်စုနှစ်၊ နှစ်စုစာမျှ ရှေ့ရောက်နေသော နိုင်ငံများကို မီရန်မှာ အားလုံး အဆ နှစ်ရာလောက် ကြိုးစားကြရမည် ဖြစ်သည်။ နိုင်ငံတကာ ဘောလုံးမှတ်တမ်းများကို လေ့လာရာတွင် အပျော်တမ်း စနစ်မှ ကြေးစားတန်းစနစ်သို့ ကူးပြောင်းကြရာတွင် “Rovolution” (တော်လှန်ရေး) ဟူသည့် စကားလုံးကို နိုင်ငံတိုင်းလိုလိုက သုံးစွဲကြသည်ကို တွေ့ရသည်။ သို့ဖြစ်ရာ မြန်မာဘောလုံး လောက တိုးတက်ရေးကို အမှန်တကယ် ဆောင်ရွက်ကြမည် ဆိုပါက အားကစားတော်လှန်ရေး လမ်းစဉ်ကို အများတကာနည်းတူ ကိုင်စွဲမှသာ ဘောလုံးလောက အောင်မြင်နိုင်ဖွယ်ရှိပါသည်။

ဘောလုံး အဆင့်အတန်းမြင့်မားရေး “ဒို့အရေး” ဟုဟစ်ကြွေး၍ ဘောလုံးလောက တော်လှန်ရေး တရပ် ဆင်နွှဲကြပါစို့။ ။

RCSS နှင့် ၀န်ကြီးဦးအောင်မင်းတို့ အပစ်အခတ်ရပ်စဲရေး ယနေ့ဆွေးနွေးမည်

ဖနိဒါ

ရှမ်းပြည်ပြန်လည်ထူထောင်ရေးကောင်စီခေါ် ရှမ်းပြည်တောင်ပိုင်းတပ်မတော် RCSS/SSA နှင့် ပြည် ထောင်စုအစိုးရ ငြိမ်းချမ်းရေးဖော်ဆောင်ရေး လုပ်ငန်းကော်မတီဒု-ဥက္ကဋ္ဌ ၀န်ကြီးဦးအောင်မင်း ဦးဆောင်သောအဖွဲ့တို့ ဇန်န၀ါရီလ ၃၀ ရက်တွင် ထိုင်းနိုင်ငံ ချင်းမိုင်မြို့၌ ထပ်မံတွေ့ဆုံမည် ဖြစ်သည်။

တွေ့ဆုံပွဲတွင် RCSS/SSA ၏ တစ်ပြည်လုံးအတိုင်းအတာ အပစ်အခတ်ရပ်စဲရေး သဘောထားများကို တင်ပြသွားမည်ဖြစ်ကြောင်း ပြောရေးဆိုခွင့်ရှိသူ ဗိုလ်မှူးစိုင်းလောဝ်ဆိုင်းက ပြောကြားသည်။

“တွေ့ဖို့တော့ ပြောထားပါတယ်။ ဒီတစ်ကြိမ်တွေ့မယ်ဆိုရင် ကျွန်တော်တို့အဖွဲ့ရဲ့ တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောထားတွေကို ကျွန်တော်တို့ မူဘောင်တွေကို တင်ပြသွားမှာ ဖြစ်တယ်”ဟု မဇိ်္ဈမကို ပြောသည်။

RCSS/SSA က တစ်နိုင်ငံလုံးဆိုင်ရာ အပစ်အခတ်ရပ်စဲရေးကို လက်ခံပြီး ညှိနှိုင်းဆွေးနွေးရန် လိုအပ် ကြောင်းနှင့် အခြားတိုင်းရင်းသားအဖွဲ့အစည်းများ၏ သဘောထားများ ရယူရန်လိုအပ်ကြောင်း မူလက ပြောဆိုထားပြီးဖြစ်ကြောင်း သူက ပြောသည်။

ဇန်န၀ါရီ ၂၀ မှ ၂၅ ရက်ထိ ကရင်အမျိုးသားအစည်းအရုံး KNU နယ်မြေ လောခီးလာခေါ် လေးဝါးတွင် ကျင်းပခဲ့သော ဒုတိယညီလာခံတွင် တစ်နိုင်ငံလုံး အပစ်အခတ်ရပ်စဲရေးဆိုင်ရာ မူကြမ်းကို တိုင်းရင်းသား လက်နက်ကိုင်အဖွဲ့အစည်း ၁၆ ဖွဲ့က လက်မှတ်ထိုးသော်လည်း RCSS က ပါဝင်လက်မှတ်ထိုးခြင်း မရှိ ခဲ့ပေ။

တိုင်းရင်းသားအဖွဲ့အစည်းများ၏ သဘောတူညီမှု မူကြမ်းအား မူအားဖြင့်လက်ခံထားသော်လည်း RCSS ၏ ပြည်သူလူထုနှင့် နိုင်ငံရေးပါတီများမှ သဘောထားရယူရန် လိုအပ်သဖြင့် လက်မှတ်ထိုးခြင်း မရှိခဲ့ ကြောင်း ဗိုလ်မှူးစိုင်းလောဝ်ဆိုင်းက ပြောသည်။

“နိုင်ငံရေးဆွေးနွေးရေးမူဘောင်မှာ တခါတည်းပါထားတယ်ဆိုတော့ နိုင်ငံရေးကိစ္စမှာ တချို့အပိုင်းမှာ ကျွန်တော်တို့ ပြည်သူလူထုရဲ့သဘောထား၊ ကျွန်တော်တို့ နိုင်ငံရေးပါတီတွေရဲ့သဘောထားတွေ ညှိယူ ရမှာဖြစ်ပါတယ်။ ရှေ့ဆက် အနာဂတ်မှာ သွားပြီ ဆွေးနွေးရမယ့် နိုင်ငံရေးကိစ္စကို ယခု ကြိုတင်ပြီးတော့ မူဘောင်ခတ်ထားမယ်ဆိုရင် အခက်အခဲဖြစ်လာမှာစိုးလို့ မလိုလားအပ်တဲ့ ပြဿနာတွေ ပေါ်လာမှာစိုး လို့ ဒီမူကို လက်ခံတဲ့အပိုင်းတော့ ရှိပါတယ်”ဟု ပြောသည်။

တစ်နိုင်ငံလုံးဆိုင်ရာ အပစ်အခတ်ရပ်စဲရေး ညှိနှိုင်းရေးအဖွဲ့ NCCT ခေါင်းဆောင်များနှင့် တွေ့ဆုံရန် ၀န် ကြီးဦးအောင်မင်း၊ ဒု-ရှေ့နေချုပ် ဦးထွန်းထွန်းဦး၊ ဦးတင်မောင်သန်း၊ ဦးလှမောင်ရွှေ၊ ဦးမင်းဇော်ဦး၊ ဦး အောင်နိုင်ဦး၊ ဒေါက်တာဂျုံးလျှန်နှင့် ဦးညိုအုန်းမြင့် အပါအ၀င် ၁၃ ယောက်တို့သည် ယနေ့ ဇန်န၀ါရီ ၂၈ ရက်ကတည်းက ထိုင်းနိုင်ငံ ချင်းမိုင်မြို့သို့ ရောက်ရှိနေပြီဖြစ်သည်။

တနိုင်ငံလုံးအပစ်ရပ်ရေး ရှမ်းပြည်တပ်မတော်နှင့် အစိုးရ ဆွေးနွေး

နန်းမြနဒီ

တနိုင်ငံလုံးအပစ်ခတ် ရပ်ရေးဆိုင်ရာ မူဘောင်တွေနဲ့ ပတ်သက်ပြီး ရှမ်းပြည် တပ်မတော် တောင်ပိုင်းအဖွဲ့နဲ့ ၀န်ကြီး ဦးအောင်မင်း ဦးဆောင်တဲ့ မြန်မာငြိမ်းချမ်းရေးစင်တာက တာဝန်ရှိသူတွေ ထိုင်းနိုင်ငံ ချင်းမိုင်မြို့မှာ ဒီကနေ့ မနက်ပိုင်း တွေ့ဆုံဆွေးနွေးခဲ့ပါတယ်။

ကရင်ပြည်နယ် ကေအန်ယူ ထိန်းချုပ်ဒေသ လောခီးလာမှာ ကျင်းပသွားတဲ့ တပြည်လုံး အပစ်ခတ်ရပ်ရေးဆိုင်ရာ တိုင်းရင်းသား လက်နက်ကိုင်အဖွဲ့တွေရဲ့ ဆွေးနွေးပွဲပေါ်မှာ ပြန်ညှိနှိုင်း ဆွေးနွေးတာလို့ ဆွေးနွေးပွဲမှာ ပါဝင်ခဲ့သူ ရှမ်းပြည်တပ်မတော်တောင်ပိုင်းအဖွဲ့ ပြောခွင့်ရ ဗိုလ်မှူးကြီး စိုင်းလက ပြောပါတယ်။

“အန်စီစီတီရဲ့ လောခီးလာ ညီလာခံက ရလာတဲ့ သဘောတူညီချက် မူကြမ်းကို အစိုးရက လာပြီး လက်ခံရယူတာဖြစ်ပါတယ်။ နောက်ပြီးတော့ အပြန်အလှန်ဆွေးနွေးချက်တွေကို ပြန်ပြီး ညှိနှိုင်းတဲ့ သဘောဖြစ်ပါတယ်။ အဓိက အပစ်အခတ်ရပ်စဲရေးသာမကဘဲနဲ့ နိုင်ငံရေးဆိုင်ရာ ဆွေးနွေးရေးမူဘောင်တွေ ပါလာတော့ ကျယ်ပြန့်တဲ့အနေအထားပေါ်မှာ သူတို့က တချို့ ကိစ္စတွေမှာ ဆိုရင် ချက်ချင်းကြီး အဖြေပေးနိုင်တဲ့ အနေအထားလည်းမရှိဘူး သူတို့မှာ ဆုံးဖြတ်ပိုင်ခွင့်အာဏာတွေလည်း အပြည့်အ၀ မရှိပါဘူး။ တချို့ကိစ္စတွေမှာဆို နေပြည်တော် ဗဟိုအစိုးရကို တင်ပြရမယ့် ကိစ္စတွေရှိပါတယ်။ ဒါကြောင့်မို့ တနိုင်ငံလုံး အပစ်ခတ်ရပ်စဲရေးမှာ မကြာသင့်ဘဲ ကြန့်ကြာနေတယ် ဆိုတဲ့အကြောင်း ကျနော်တို့ကို ရှင်းပြပါတယ်။”


ဒါ့အပြင် အစိုးရဘက်က ချမှတ်ထားတဲ့ တနိုင်ငံလုံး အပစ်ခတ်ရပ်ရေးဆိုင်ရာ မူဘောင် နဲ့ တိုင်းရင်းသားလက်နက်ကိုင်အဖွဲ့တွေနဲ့ ဖွဲ့စည်းထားတဲ့ (အန်စီစီတီ) တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်ရေး အဖွဲ့တို့ရဲ့ မူဘောင်တွေကို ပြန်ပြီးညှိဖို့ ရှေ့လ ဖေဖော်ဝါရီ ဒုတိယပတ်ထဲမှာ တွေ့ဆုံဆွေးနွေးပွဲတခု ပြုလုပ်ဦးမှာဖြစ်ပြီး အဲဒီဆွေးနွေးပွဲမှာ ပါဝင်ဖို့ ရှမ်းပြည် တပ်မတော်တောင်ပိုင်းအဖွဲ့ကို တပါတည်း ဖိတ်ကြားခဲ့တယ်လို့ ဆိုပါတယ်။

ရှမ်းပြည်တပ်မတော်ဘက်ကလည်း သူတို့အနေနဲ့ တိုင်းရင်းသားလက်နက်ကိုင်အဖွဲ့တွေရဲ့ အပစ်အခတ်ရပ်စဲရေး မူကြမ်းကို သဘောတူပါပေမယ့် လက်မှတ်ထိုးရေးမှာတော့ ရှမ်းနိုင်ငံရေး ပါတီတွေနဲ့ ရှမ်းပြည်သူလူထုရဲ့ သဘောဆန္ဒကို ရယူပြီးမှ ဆုံးဖြတ်နိုင်မယ်လို့ ဆိုပါတယ်။

တပြည်လုံးအပစ်ခတ်ရပ် လက်မှတ်မထိုးခင်အချိန်ထိတော့ အရင်က အစိုးရနဲ့ အပစ်ခတ်ရပ် ပဏာမ သဘောတူလက်မှတ် ရေးထိုးတားတဲ့ စာချုပ်အတိုင်း သွားမှာ ဖြစ်ကြောင်း၊ အစိုးရဘက်ကလည်း စာချုပ်ပါအတိုင်းလိုက်နာဖို့၊ အထူးသဖြင့် တိုက်ပွဲတွေ ပြန်မဖြစ်ရေးကိစ္စ၊ မိုင်းပန်မြို့နယ်မှာ ဆက်ဆံရေး ရုံးဖွင့်မယ့်ကိစ္စ တရားဝင်စာထုတ်ပေးဖို့၊ တပ်နေရာချထားရေး နဲ့ တမြို့နယ်ကို ကျေးရွာအုပ်စု ၂ စုမှာ ရှမ်းပြည်တပ်မတော်ကို သီးသန့် နေထိုင်ခွင့်ပြုရေး စတာတွေ တင်ပြခဲ့တယ်လို့ ဗိုလ်မှူးကြီး စိုင်းလက ပြောပါတယ်။

ရှမ်းပြည်တပ်မတော်တောင်ပိုင်းအဖွဲ့ဟာ တခြားတိုင်းရင်းသား လက်နက်ကိုင်တပ်ဖွဲ့ ကိုယ်စားလှယ်တွေနဲ့ ဖွဲ့စည်းထားတဲ့ အန်စီစီတီ အဖွဲ့ထဲ မပါတာကြောင့် မြန်မာငြိမ်းချမ်းရေး စင်တာအဖွဲ့က အခုလို သီးသန့်တွေ့ဆုံရတာပါ။

ဝန်ကြီး ဦးအောင်မင်းနဲ့ ရှမ်းပြည်တပ်မတော်မြောက်ပိုင်းအဖွဲ့တို့ဟာ အပစ်ခတ်ရပ်ရေး ငြိမ်းချမ်းရေးဆွေးနွေးရေးကိစ္စရပ်တွေအတွက် ဆယ်ကြိမ်ထက်မနည်း တွေ့ဆုံခဲ့ပြီးဖြစ်ပါတယ်။

ဒီတခေါက်တွေ့ဆုံမှုနဲ့ ပတ်သက်ပြီး ငြိမ်းချမ်းရေးအကျိုးတော်ဆောင်တဦးဖြစ်သူ ဦးညိုအုန်းမြင့်က ခုလို သုံးသပ်ပြောဆိုပါတယ်။

“ကျနော်ထင်ကတော့ တော်တော်လေး တန်ဖိုးရှိတဲ့ အစည်းအဝေးတခုဖြစ်ပါတယ်။ နှစ်ဖက်ခေါင်းဆောင်တွေကလည်း လာမယ့် နိုင်ငံလုံးဆိုင်ရာ အပစ်အခတ်ရပ်စဲရေးအတွက် သဘောထားအမြင်တွေ တူညီတယ်။ နောက်ပြီးတော့ ဒုတိယ ဗိုလ်ချုပ်ကြီး ယွတ်စစ် ဘက်ကလည်း ဒီကိစ္စတွေနဲ့ ပတ်သက်ပြီးတော်တော်လေးကို အားရတယ်။ သူကတော့ အဆင်သင့် ဖြစ်နေပြီဆိုတာ ပြောတယ်။ ရိုးရိုးသားသားနဲ့ မြန်မြန်ဆန်ဆန် ထိုးချင်တယ်ဆိုတာ ပြောတယ်။ အဲဒီအတွက်ကြောင့် ဒီဆွေးနွေးပွဲလေးက တော်တော်လေး တန်ဖိုးရှိတယ်လို့ ပြောလို့ရပါတယ်ခင်ဗျ။”

ရှမ်းပြည်တပ်မတော်တောင်ပိုင်းအဖွဲ့ဟာ ၁၉၉၅ ခုနှစ်က ဦးခွန်ဆာခေါင်းဆောင်တဲ့ အမ်တီအေ လက်နက်ချတဲ့ အထဲမှာ မပါဝင်ခဲ့ဘဲ ရှမ်းပြည်လွတ်လပ်ရေးအတွက် ဆက်ပြီးတော့ လက်နက်ကိုင်ဆောင်နေတဲ့အဖွဲ့ဖြစ်ပါတယ်။

ဦးသိန်းစိန် သမ္မတဖြစ်လာပြီးတဲ့နောက် ၂၀၁၁ ခုနှစ် နဲ့ ၂၀၁၂ ခုနှစ်တွေမှာ အစိုးရနဲ့ ပြည်နယ်အဆင့်မှာရော ပြည်ထောင်စုအဆင့်မှာပါ ပဏာမ အပစ်ခတ်ရပ်လက်မှတ်ရေးထိုးခဲ့ပေမယ့် တိုက်ပွဲတွေ အကြိမ်ပေါင်း ၁၀၀ ထက်မနည်း ပြန်ဖြစ်ခဲ့ပါတယ်။

ကျန်ရှိနိုင်ကျဉ်းများ စိစစ်လွှတ်ပေးရန် စိစစ်ရေးကော်မတီ တောင်းဆို

နန်းလွင်နှင်းပွင့်

နိုင်ငံရေးအကျဉ်းသားများအားလုံးကို ၂၀၁၃ ခုနှစ်အကုန်တွင် လွတ်ငြိမ်းခွင့်ပေးရန် သမ္မတဦးသိန်းစိန်မှ နိုင်ငံတကာသို့ ကတိပေးပြောဆိုခဲ့သော်လည်း လွတ်ငြိမ်းခွင့်ပေးရန် ၁၂၅ ဦး ကျန်ရှိနေသဖြင့် နိုင်ငံရေး အကျဉ်းသားစိစစ်ရေးကော်မတီ အစည်းအဝေးထပ်မံပြုလုပ်ကာ လွှတ်ပေးနိုင်ရေး တောင်းဆိုထားသည် ဟု စိစစ်ရေးကော်မတီဝင်အချို့က မဇိ်္ဈမကို ပြောသည်။

အဆိုပါ စိစစ်ပြီး ၁၂၅ ဦး လွတ်ငြိမ်းချမ်းသာခွင့်ပေးရန် ကျန်ရှိနေသောကြောင့် ဇန်န၀ါရီ ၁၂ ရက်တွင် အ စည်းအဝေးပြုလုပ်ရန် စီစဉ်ထားခဲ့သော်လည်း ၀န်ကြီးများဘက်မှ ပြောင်းရွှေ့ခဲ့သည်။

လက်ကျန် နိုင်ငံရေးအကျဉ်းသား စိစစ်ရေးကော်မတီဝင်တစ်ဦးဖြစ်သည့် ရှမ်းအမျိုးသားဒီမိုကရေစီအဖွဲ့ ချုပ်မှ ဦးစိုင်းညွန့်လွင်က “ဒီလထဲမှာတော့ မဖြစ်နိုင်တော့ဘူး။ ဖေဖော်ဝါရီလထဲမှာ အစည်းအဝေးလုပ် ပေးဖို့ကိုတော့ ၀န်ကြီးတွေကို တောင်းဆိုထားတယ် လာမယ့်လမှာတော့ ဖြစ်ဖို့များမယ်”ဟု ပြောသည်။

စိစစ်ရေးကော်မတီဝင်များအနေဖြင့် ကျန်ရှိနေသေးသည့် ၁၂၅ ဦးမှာ ဇန်န၀ါရီ ၁ ရက် သမ္မတမိန့်ခွန်းအ ရ သမ္မတမှ လွတ်ငြိမ်းခွင့်ပေးပြီးဖြစ်နိုင်သည်ဟု ယူဆနိုင်သည့်အတွက် မည်သို့ကျန်ရှိနေသေးသည်ကို မေးမြန်းရန်နှင့် လွတ်ငြိမ်းခွင့်ရရှိရေးပြောဆိုရန် အစည်းအဝေးအား ဖေဖော်ဝါရီလအတွင်းတွင် လုပ် ဆောင်ရန် ထပ်မံပြောဆိုရခြင်းဖြစ်သည်ဟု ဆိုသည်။

“ကျန်နေတဲ့စာရင်းတွေအတွက် မေးကြည့်တယ်။ သူတို့ဘက်က အချိန်မပေးနိုင်သေးလို့ ရွှေ့တယ် ပြော တယ်။ အခုက ဘာမှထပ်လုပ်လို့ မရသေးတော့ အစည်းအဝေးမှာ ထပ်ညှိနှိုင်းရမှာပဲလေ။ ဘယ်လိုပဲဖြစ် ဖြစ် လူခွဲပြီးတော့ လုပ်လို့ရပါတယ်။ ကျွန်တော်တို့ကတော့ လွတ်ငြိမ်းခွင့်ရဖို့ အစည်းအဝေးမှာ ဘယ်လို ပြောမလဲပဲ စောင့်ရမယ်”ဟုလည်း ဦးစိုင်းညွန့်လွင်က ဆိုသည်။

လွတ်ငြိမ်းချမ်းသာခွင့်ပေးရန် နိုင်ငံရေးအကျဉ်းသား စိစစ်ရေးကော်မတီမှ စိစစ်ပြီး သမ္မတထံ တင်လိုက် သည့် ၁၂၅ ဦးမှာ နိုင်ငံရေးပုဒ်မဖြင့် ကျန်ရှိနေသူများ၊ တိုင်းရင်းသားအဖွဲ့အစည်းများမှ အဆိုပြုထားသူ များ၊ သမ္မတဘက်မှ အဆိုပြုထားသူများ၊ အဖွဲ့အစည်းများမှ ပုဂ်္ဂိုလ်များဖြစ်သည်ဟု နိုင်ငံရေးအကျဉ်း သားဟောင်းအဖွဲ့ချုပ်မှ ဦးရဲအောင်က အတည်ပြု ပြောသည်။

ထိုကျန်ရှိ ၁၂၅ ဦးထဲမှ နိုင်ငံရေးပုဒ်မဖြင့် ဖမ်းဆီးခံထားရသူ ၃၀ ဦးကျော်သာဖြစ်ပြီး ထိုသူများနှင့် ပတ် သက်၍ AAPP မှ ဦးညိုထွန်းက “အခုအစည်းအဝေးကိုတော့ မြန်မြန်ခေါ်စေချင်တယ်။ ကျန်နေတဲ့သူ တွေက မူးယစ်ပုဒ်မတွေ၊ လူသတ်မှုတွေ၊ တပ်ပိုင်းဆိုင်ရာတွေနဲ့ရှုပ်နေတော့ အစည်းအဝေးပြီးရင်တောင် သူတို့ကို အမှုတွဲတွေပြန်စစ်ရမှာ၊ အဲ့ဒီနောက်ပိုင်းမှ လွတ်ငြိမ်းရေးက ထပ်လုပ်ရမှာ”ဟု သုံးသပ်ပြောဆို သည်။

နိုင်ကျဉ်းစိစစ်ရေးကော်မတီအနေဖြင့် သမ္မတမှ ကတိပေးထားသော နှစ်ကုန်ကျော်လွန်ခဲ့ပြီးဖြစ်သဖြင့် ကျန်ရှိနေသူများ လွတ်မြောက်ရေးအနေအထား ပြောင်းလဲသွားမည်ကိုလည်း စိုးရိမ်နေသည်ဟု ဆို သည်။

လက်ကျန်နိုင်ကျဉ်း စိစစ်ရေးကော်မတီကို အစိုးရအဖွဲ့ဝင်များ၊ အရပ်ဘက်လူ့အဖွဲ့အစည်းများနှင့် နိုင်ငံ ရေးပါတီဝင်များ ပါဝင်သည့် ၁၆ ဦးဖြင့် ၂၀၁၃ ခုနှစ်၊ ဖေဖော်ဝါရီ ၁၉ ရက်တွင် ဖွဲ့စည်းခဲ့သည်။ ကော်မ တီ၏ စိစစ်မှုများအရ ဧပြီလမှ ဒီဇင်ဘာလအတွင်း နိုင်ငံရေးအကျဉ်းသားပေါင်း ၃၅၄ ဦး လွတ်ငြိမ်းချမ်း သာခွင့် ပေးခဲ့ပြီးဖြစ်သည်။ ၂၀၁၀ ရွေးကောက်ပွဲမတိုင်ခင်ကာလတွင် မြန်မာနိုင်ငံအတွင်း အကျဉ်း ထောင်အသီးသီးတွင် နိုင်ငံရေးအကျဉ်းသားပေါင်း ၂,၀၀၀ ကျော်ရှိခဲ့သည်။

ခြစားမှုရှိလျှင် ကမ္ဘာ့ဘဏ် အကူအညီ ပြန်ရုပ်သိမ်းမည်


ကမ္ဘာ့ဘဏ်က မြန်မာနိုင်ငံ၏ ကျန်းမာရေး စောင့်ရှောက်မှုနှင့် လျှပ်စစ်ဓာတ်အား ဖြန့်ဝေမှု အဆင့်မြှင့်တင်နိုင်ရေး အမေရိကန်ဒေါ်လာ ၂ ဘီလီယံ အကူအညီများ ပေးအပ်မည်ဖြစ်ပြီး အကူအညီ ပေးအပ်ရာတွင် အကျင့်ပျက်ခြစားမှုများ ပေါ် ပေါက်ပါက အကူအညီများ ချက်ချင်းပြန်ရုပ်သိမ်း မည်ဟု ဇန်နဝါရီလ ၂၇ ရက်နေ့က သတိပေးပြောဆို လိုက်ကြောင်း ရိုက်တာသတင်းဌာန၏ သတင်းတရပ် အရ သိရှိရသည်။

မြန်မာနိုင်ငံတွင် ကမ္ဘာ့ဘဏ် အကူအညီများ နှင့်ပတ်သက်၍ အကျင့်ပျက်ခြစားမှုများ ပေါ်ပေါက်ပါက အကူအညီများ ပြန်လည်ရုပ်သိမ်းမည်ဟု ကမ္ဘာ့ဘဏ် ဥက္ကဋ္ဌ Jim Yong Kim က နေပြည် တော်တွင် ဇန်နဝါရီလ ၂၇ ရက်နေ့ သတင်းထောက်များကို ပြောဆိုခြင်းဖြစ်ပြီး အကူအညီများကို အလွဲသုံးစားသည့် ဖြစ်စဉ်များ ကာကွယ်နိုင်ရေး စောင့် ကြည့်သွားမည်ဟု ကမ္ဘာ့ဘဏ်ဥက္ကဋ္ဌက ဆိုသည်။

မန်မာနိုင်ငံရှိ ကျေးလက်နေ ပြည်သူတို့၏ ၇၅ ရာခိုင်နှုန်းသည် ကျန်းမာရေးစောင့်ရှောက်မှု မရရှိ ဘဲ နိုင်ငံ လူဦးရေ၏ ၇၀ ရာခိုင်နှုန်းကျော်မှာ လျှပ် စစ်မီး မသုံးစွဲနိုင်ကြောင်း ကမ္ဘာ့ဘဏ်၏ အဆိုအရ သိရသည်။ ကမ္ဘာ့ဘဏ်က ပေးအပ်မည့် အကူအညီ သည် ၂၀၃၀ တွင် မြန်မာနိုင်ငံသားအားလုံး ကျန်း မာရေး စောင့်ရှောက်မှုရရှိနိုင်ရေး ရည်ရွယ်ချက် အတွက် ပေးအပ်ခြင်းဖြစ်ပြီး လျှပ်စစ်ဓာတ်အား ထုတ်လုပ်ခြင်း၊ ပို့လွှတ်ခြင်းနှင့် ဖြန့်ဝေခြင်းလုပ်ငန်း များ တိုးချဲ့ရန်အတွက်လည်း အကူအညီများ ပံ့ပိုး ပေးမည်ဖြစ်ကြောင်း ကမ္ဘာ့ဘဏ်၏ ကြေညာချက် တွင် ဖော်ပြထားသည်။

ဆယ်စုနှစ်ပေါင်းများစွာ တံခါးပိတ်ဝါဒ ကျင့် သုံးခဲ့သော မြန်မာနိုင်ငံသည် အာဏာရှင် စစ်အုပ် ချုပ်ရေးကာလတွင် အလှူရှင် အများအပြားက မြန်မာနိုင်ငံကို ရှောင်ဖယ်ခဲ့ကြပြီး အရှေ့တောင် အာရှ၏ စီးပွားရေးအလားအလာ အကောင်းဆုံး နိုင်ငံတခု ဖြစ်ခဲ့သော်လည်း အာဏာရှင်စနစ်ကြောင့် ဖွံ့ဖြိုးတိုးတက်မှု အခွင့်အလမ်းများ ဆုံးရှုံးခဲ့ရသည်။

၂၀၁၁ ခုနှစ် မတ်လတွင် စစ်တပ်က အာဏာ ကို အရပ်သားတပိုင်း အစိုးရလက်သို့ လွှဲပြောင်းပေး ခဲ့ပြီး နိုင်ငံရေးနှင့် စီးပွားရေး ပြုပြင်ပြောင်းလဲမှုများ စတင်လုပ်ဆောင်ခဲ့သည့်အတွက် ၂၀၁၂ ခုနှစ် ဖေဖော်ဝါရီလတွင် ကမ္ဘာ့ဘဏ်က မြန်မာနိုင်ငံနှင့် ပြန်လည်ဆက်သွယ်ဆောင်ရွက်ခဲ့သည်။

ဂျပန်နိုင်ငံက ၂၀၁၃ ခုနှစ် ဇန်နဝါရီလတွင် ယခင် စစ်အစိုးရလက်ထက်က ပေးဆပ်ရန် ကျန်ရှိ နေသည့်ြွေကးမြီများကိုရှင်းလင်းပေးပြီး ကမ္ဘာ့ဘဏ် နှင့် အာရှဖွံ့ဖြိုးရေးဘဏ်မှ ငွေကြေးအထောက်အပံ့ ရယူနိုင်ခွင့်ရှိစေရန် မြန်မာအစိုးရကိုကူညီပေးခဲ့သည်။

ကမ္ဘာ့ဘဏ် ဥက္ကဋ္ဌ Jim Yong Kim သည် ၂၀၁၂ ခုနှစ် ရာထူးတာဝန် ထမ်းဆောင်သည့် ပထမဆုံးနေ့တွင်ပင် အကျင့်ပျက်ခြစားမှုများ ရှိနေ သည့်ဟုဆိုကာ ဘင်္ဂလားဒေ့ရ်ှနိုင်ငံသို့ ပေးအပ်နေ သည့် အကူအညီပေးရေးအစီအစဉ်တခုကို ရပ်ဆိုင်း ပစ်ခဲ့သည်။

သမ္မတ ဦးသိန်းစိန် အစိုးရသည် စီးပွားရေး ပြုပြင်ပြောင်းလဲမှုများ ဆောင်ရွက်နေသော်လည်း ကမ္ဘာ့ဘဏ်၏ နှစ်ပတ်လည် စီးပွားရေးဆောင်ရွက်မှု အစီရင်ခံစာတွင် နိုင်ငံပေါင်း ၁၈၉ နိုင်ငံအနက် မြန်မာနိုင်ငံကို အဆင့် ၁၈၂ ရှိသော နိုင်ငံအဖြစ် သတ်မှတ်ထားသည်။

“အလယ် အလတ်လောက် အအေးလွန်ကဲမှုတော့ ရှိမယ်”

ဧရာဝတီ

၂၀၁၄ ဇန်န၀ါရီ ၆ ရက် နောက်ပိုင်း အမေရိကန် နိုင်ငံ အရှေ့မြောက်နှင့် အနောက်အလယ်ပိုင်း ဒေသများတွင် အနှစ် ၂၀ အတွင်း အဆိုးဝါးဆုံး အအေးလှိုင်း ရိုက်ခတ်မှုဒဏ်ကို အပြင်းအထန် ခံစားခဲ့ရပြီး လူသေဆုံးမှုနဲ့ ယာဉ်မတော်တဆမှု၊ လေယာဉ်ခရီးစဉ် ဖျက်သိမ်းလိုက်ရမှုများ ဖြစ်ခဲ့ရကြောင်း နိုင်ငံတကာ သတင်းဖော်ပြချက်များ အရ သိရပါတယ်။

အမေရိကန် နိုင်ငံအတွင်းရှိ ဒေသများစွာမှာ ဖြစ်ပေါ်နေတဲ့ အအေးလှိုင်းကို အာတိတ်ပေါက်ကွဲမှု ဖြစ်စဉ်လို့ ခေါ်ဆိုကြပါတယ်။ အပြင်းအထန် ရာသီဥတုအေးခြင်း သာမက လေတိုက်ခတ်မှုကြောင့် အအေးဒဏ် ပိုမို ပြင်းထန်သဖြင့်၊ အဖုံးအကွယ်မရှိသော အသား အရေသည် ၅ မိနစ်အတွင်း Frost Bite ခေါ် နှင်းကိုက်သည့် ဝေဒနာ ခံစားပြီး အအေးကြောင့် အသားများ သွေးမလျှောက် တော့ ဘဲ ခဲသွားပြီး ပျက်စီးသွားနိုင်တာကြောင့် အရေးပေါ် အခြေအနေ ကြေညာထားရပြီး မလိုအပ်ဘဲ အပြင်မထွက်ကြဖို့ အမေရိကန် အာာဏာပိုင်တွေ က သတိပေးထားတယ်လို့ သိရပါတယ်။

ဒီဖြစ်စဉ်ကြောင့် ကနေဒါနိုင်ငံက ကမ္ဘာကျော် နိုင်ဂါရာ ရေတံခွန်ကြီးလည်း အေးခဲသွားတယ်လို့ သိရပါတယ်။ အခုတော့ ဒီ အအေး လှိုင်း တွေက အမေရိကတိုက်ကနေ အရှေ့ဘက်ကိုရွေ့လာပြီလို့ သတင်းများက ဆိုပါတယ်။ ဒီအခြေအနေနဲ့ ပတ်သက်ပြီး မြန်မာနိုင်ငံမှာ အအေးဒဏ် ပိုခံစားရဖွယ် ရှိ၊ မရှိ သိနိုင်ဖို့ ဧရာဝတီ ကော်ပီအယ်ဒီတာ ညိုမီသင်းက မိုးလေ၀သ ပညာရှင် ဒေါက်တာ ထွန်းလွင်နဲ့ တွေ့ဆုံမေးမြန်းထားပါတယ်။

မေး။ ။ ဒီနှစ် ဆောင်းရာသီက ရန်ကုန်မှာရော မြန်မာနိုင်ငံတခုလုံး သိသိသာသာ အအေးဒဏ် ခံစားရတယ်လို့ ပြောကြပါတယ်။ တချိန်တည်းလိုပဲ အမေရိကမှာလည်း ထူးခြား ပြင်းထန်တဲ့ အအေးလွန်ကဲမှု ဖြစ်ပေါ်နေတယ်လို့ ကြားနေရပါတယ်။ ဒါတွေက ဆက်စပ်မှုတွေ ရှိနေလား။


ဖြေ။ ။ မြန်မာနိုင်ငံမှာ ခံစားရတဲ့ သိသာတဲ့ အအေးဒဏ်က ဆောင်းရာသီမှာ အေးနေကျ အအေးဒဏ်လို့ ပြောနိုင်ပါတယ်။ လော လောဆယ် အပူချိန်ကျနေတယ်။ အနိမ့်ဆုံး အပူချိန်က ၈ လောက်ရှိတယ်၊ ဂဏန်း တလုံး အပူချိန်တော့ ဖြစ်တာပေါ့။ ရေခဲမှတ် အောက်တော့ မရောက်ဘူး။ ဒါကလည်း ပုံမှန် ဆောင်းရာသီကြောင့်၊ ဒီနှစ်အတွင်း ပထမအကြိမ် အေးတော့ ချင်းပြည်နယ်တို့မှာ ရေခဲ မှတ်အောက် ရောက်အောင်အေးခဲ့တယ်။

အခု အမေရိကမှာ ဖြစ်နေတာနဲ့ နှိုင်းယှဉ်ပြောရရင် လောလောဆယ်တော့ ရေခဲမှတ်အောက် အေးမယ့် အခြေအနေ မရှိသေးဘူး။ အဲဒီအဆင့် ဖြစ်မယ့် အလားအလာလည်း နည်းတယ်။ အေးတာတော့ သိသိသာသာ အေးမယ်။ ညဘက် နှင်း၊ မြူ ကျလောက် အောင် တော့ အေးမယ်။ မြန်မာနိုင်ငံမှာ ထူးထူးခြားခြား အေးခဲ့တာ တခါ ရှိခဲ့တယ်။

၂၀၁၁ ဆောင်းရာသီတုန်းက အကြီးအကျယ် အေးခဲ့တာမျိူးပေါ့။ ၂၀၁၁ က ဖြစ်ခဲ့သလို အအေးလှိုင်း ဖြတ်တာမျိူး၊ အအေးလွန်ကဲ မှု Cold Wave ဖြစ်မယ့် အဆင့်အထိ ရောက်ဖို့လည်း အလားလာနည်းတယ်။ ၂၀၁၁ ဆောင်းရာသီတုန်းက ဖြစ်လိုက်တဲ့ အအေး လွန်ကဲမှုကြောင့် ရှမ်းပြည်နယ်မှာ ဖြစ်လိုက်တာ လွယ်လင်မှာဆို လူ ၄ ယောက်တောင် သေတယ်။ ဒီတခေါက်တော့ အဲဒီတုန်းက လောက်တော့ မအေးတော့ဘူး၊ အခုပဲ ဇန်န၀ါရီလ ရောက်နေပြီ၊ ဆောင်းတ၀က် ကျိူးနေပြီ ပြောရမှာပေါ့။ အေးတော့ ထပ်အေး မယ်။ အလယ်အလတ်လောက် အအေးလွန်ကဲမှုတော့ ရှိမယ်လို့ ပြောလို့ရတယ်။

ဒီနှစ်ကတော့ အဲဒီလောက် မဆိုးပါဘူး။ အာရှမှာလည်း သိပ်မအေးလောက်ဘူး။ ဥရောပမှာလည်း ထူခြားပြီးအေး မနေဘူး။ အမေရိကမှာတော့ အေးတာပေါ့၊ အဲဒီမှာ အပူချိန်က -25 (အနုတ်၂၅) နဲ့ -30 (အနုတ် ၃၀) လောက် ရှိတာပေါ့။ ဒါပေမယ့် Wind Chill လေတိုက်တဲ့အခါ ရတဲ့ အအေးဓာတ်ပေါ့၊ အအေးဓာတ်က -15 (အနုတ် ၁၅) လောက် ရှိတာပေါ့။ အမေရိကမှာတော့ ဆိုး တာ ပေါ့၊ လူလည်း သေတယ်။ ကျန်တဲ့ ၂ နေရာကပေါ့။ အဲဒီလောက် မဆိုးနိုင်ဘူး။ ကမ္ဘာ့မြောက်ဘက်မှာ ကုန်းမြေ ၃ ခုရှိတယ်။ မြောက် အမေရိကရယ်၊ ဥရောပရယ်၊ အာရှရယ် ရှိတယ်။ အခုဖြစ်ပွားနေတဲ့ အာတိတ် ပေါက်ကွဲမှုကြောင့် ဆက်စပ်နေတဲ့ အမေရိက မှာ တိုက်ရိုက် ခံစားရတာပေါ့။

မေး။ ။ ဒါဆို အမေရိကန် ကနေ အအေးလှိုင်းတွေ အရှေ့ဘက်ကို ရွေ့လာပြီလို့ သတင်းတွေမှာ ဖတ်နေရတယ်။ မြန်မာနိုင်ငံမှာရော အအေးလှိုင်း သက်ရောက်မှု ရှိလာနိုင်လား။

ဖြေ။ ။ အမေရိကမှာတော့ အရှေ့ဘက်ကို ရွှေ့သွားပြီ။ သမုဒ္ဒရာကို ဖြတ်သန်းပြီးတော့ ဒီဘက်ကို ရောက်ရင် အရင်ထိတွေ့မှာက ဥရောပပေါ့။ ဥရောပမှာ ဘယ်လောက် အေးလည်း ကြည့်ရမှာပေါ့။ ဥရောပမှာ ဘာမှ မဖြစ်ရင်တော့ ဒီဘက် သိပ်မဖြစ်ပါဘူး။ အခု ဥရောပမှာ လောလောဆယ် ဖြစ်နေတာတော့ အအေးလှိုင်း လွန်ကဲတာတော့ မဟုတ်ဘူး။ မုန်တိုင်း ဖြစ်နေတာ။ မုန်တိုင်းတွေ ဖြစ်ပြီးတော့ ဒီရေလှိုင်းတွေ ဘာတွေဝင်ပြီး အပျက်အစီး အသေအပျောက်တွေ ဖြစ်နေတာပေါ့။ အအေးပေါ့ပြီး အနွေးဓာတ်တောင် ရနေတယ် ကြားတယ်။

အဲဒါကလည်း မထူးဆန်းဘူး ဒီလေတွေက အာတိတ်က လေတွေပဲ။ အာတိတ်ဘက်က လေတွေက တောင်ဘက် လတ္တီကျူနိမ့်တဲ့ ဘက်ကို ဆင်းလာတော့ လှိုင်း ပုံသဏ္ဌာန် ဆင်းလာတယ်။ လှိုင်း ပုံသဏ္ဌာန် လေတွေက တနေရာမှာ အာတိတ်ဘက်က လေတွေနဲ့ ဆင်းတယ်။ နောက်သူနဲ့ ကပ်လျက် ဘေးမှာကျတော့ အပူပိုင်းဒေသက လေတွေက မြောက်ဘက်ကို တက်သွားတယ်။ အရှေ့ဘက် ရောက်တော့ အာတိတ်လေက ဆင်းတယ်။ ဒီပုံစံနဲ့ သွားတဲ့အခါမှာ အခု အမေရိကမှာ မြောက်ဘက်က ဆင်းတဲ့ လေကြောင့် အေးတယ်။ ဒါပေမယ့် ဥရောပ ရောက်တဲ့ အခါမှာ တောင်ဘက်က လေတွေက တက်တော့ ပူတယ်ပေါ့။ ဒါကတော့ ဖြစ်လေ့ဖြစ်ထ ရှိတဲ့ ပုံစံပဲ။

မေး။ ။ နိုင်ငံတကာ သတင်းတွေမှာ ဖော်ပြထားချက် အရ အာတိတ်မှာ ပေါက်ကွဲမှု ထပ်ဖြစ်နိုင်သေးတယ်လို့ သတိပေးထားတာ တွေ့ရတယ်။ အဲဒီ အခြေအနေကိုလည်း ပြောပြပေးပါ။

ဖြေ။ ။ အဲဒီအခြေအနေကို စောင့်ကြည့် နေသူတွေက အထောက်အထားရှိလို့ ပြောတာ ဖြစ်မှာပေါ့။ ဒါဆိုရင်တော့ စောင့်ကြည့်ရ မှာပေ့ါ။ တို့ကတော့ တဆင့်ခံ ကြည့်ရတဲ့ သူကိုး။ ကိုယ်ကိုယ်တိုင် တိုင်းတာရတာ မဟုတ်တော့ အတိအကျ မပြောနိုင်ဘူးပေါ့။

မေး။ ။ ဒါဆို ထပ်မံပြီး အအေးပိုလာနိုင်မယ် ဆိုတာ မြန်မာနိုင်ငံမှာ ဘယ်ရက်ပိုင်းလောက်ဆို ဖြစ်နိုင်မလဲ။

ဖြေ။ ။ လောလောဆယ်တော့ ဥရောပမှာတောင် မဖြစ်သေးတော့ စောင့်ရမှာပေါ့။ တွက်ကြည့် ရသလောက်ကတော့ ဇန်န၀ါရီ နောက်ဆုံးပတ်လောက် ဖြစ်လိမ့်မယ် ထင်ပါတယ်။ အခုလည်း အထိုက်အလျောက်တော့ အေးတာပဲ။ ဆောင်းတွင်းဆိုတော့ အေး တာ ကတော့ အတက်၊ အကျ ရှိမှာပဲ။ မိုးလေ၀သကတော့ စောင့်ကြည့်ရမှာပဲ။ အမေရိကမှာ အေးပြီဆိုကတည်းက ကိုယ့်ဆီတော့ ရောက်မှာပဲ။ ဘယ်အချိန် ရောက်လာမလဲပဲ စောင့်ကြည့်ရမယ်။ ဥရောပမှာ ပြဿနာ တက်လာတယ်၊ ထူးခြား အေးလာတယ် ဆိုရင်တော့ ကိုယ့်ဘက်လည်း လာပြီပေါ့။

မေး။ ။ တကယ်လို့ အေးလာပြီဆိုရင်လည်း ၂၀၁၁ အအေးလှိုင်းဒဏ်ကို မီနိုင်လား။ ၂၀၁၁မှာ အအေးလှိုင်း ဖြတ်တာက အာတိတ် ပေါက်ကွဲမှုကြောင့်ပဲလား။

ဖြေ။ ။ မြန်မာပြည်နဲ့ သိပ်မဝေးတဲ့ မြောက်ဘက် ဟိမ၀န္တာတောင်ပေါ်မှာ ရေခဲမှတ်အောက် အေးတဲ့လေတွေ ရှိတယ်။ မြန်မာပြည်ရဲ့အရှေ့မြောက်ဘက် တရုတ်ပြည်ထဲမှာလည်း ရေခဲမှတ်အောက် လေအေးတွေ ရှိတယ်။ အဲဒီ လေအေးတွေက အပေါ်မှာ ဒီ အတိုင်း တည်နေတာပဲ၊ လေအေးတွေ အောက်ဘက် ဆင်းလာရင် မြန်မာပြည် အေးတယ်။ ၂၀၁၁ က အဲဒီက လေအေးတွေ အောက်ဘက်ကို တိုးဝင် ဆင်းလာတဲ့ အခြေအနေ ဖြစ်ပေါ်ခဲ့လို့ အအေးလှိုင်းတွေ ရောက်လာပြီး လွန်လွန်ကဲကဲ အေးခဲ့တာပေါ့။

အခု အခြေအနေက ၂၀၁၁ ကို မမီနိုင်ပါဘူး။ မြန်မာပြည်က အေးတယ် ဆိုရင်လည်း ရန်ကုန်လောက်ဆို အပူချိန် ၁၂ ပေါ့၊ မြန်မာပြည် မြောက်ပိုင်းဒေသတွေ ဆိုရင်တော့ ဂဏန်း တလုံးအောက် အပူချိန် ၁၀ အောက် အေးမှာပေါ့။ ချင်းတောင်တန်းနဲ့ ရှမ်း (ပင်လောင်း၊ လွိုင်လင်)ကတော့ ရေခဲမှတ်အထိ ရောက်အောင် အေးသွားနိုင်တာပေါ့။ အလယ်ပိုင်း ဒေသတွေဆို ၁၄၊ ၁၅ ပေါ့။

မေး။ ။ ပုံမှန် အပူချိန်နဲ့ Wind Cill ကြောင့် အေးလာတဲ့ အပူချိန်ကရော ဘာကွာခြားမှု ရှိပါသလဲ။

ဖြေ။ ။ Wind Chill ဆိုတာ လေတိုက်လို့ အအေးဓာတ် ပိုလာတာကိုပြောတာ၊ လေးအေးတိုက်တဲ့ အချိန်ဆို ချမ်းတုန်နေအောင် ပိုအေးတာ။ အဲဒီအချိန်မှာ သိသိသာသာ အပူချိန် ကျဆင်းသွားပြီး အေးတာပေါ့၊ အဲဒါကို Wind Chill လို့ခေါ်တယ်။ အမေရိကတို့ ဥရောပတို့မှာ Wind Chill က ပိုသိသာတယ်။ မြန်မာနိုင်ငံမှာလည်း အေးနေတဲ့အချိန် လေအေးတိုက်ရင် ခိုက်ခိုက်တုန် အေးလာ သလိုမျိူးပေါ့။ ဒီနှစ် အအေးဓာတ်က ဖေဖော်ဝါရီလလောက် အထိ ရှိနေမယ်လို့ ခန့်မှန်းထားတယ်။

မေး။ ။ ဆရာ့ရဲ့ဖေ့စ်ဘုတ် မှာ ရေးသားထားတဲ့ မြန်မာနိုင်ငံမှာ Hot Spot နေရာ ၃၉ နေရာတွေ့တယ် ဆိုတာ။ အဲဒီ အခြေအနေ ကိုလည်း ပြောပြပေးပါ။

ဖြေ။ ။ အဲဒါက လယ်ကွင်းတွေ မီးရှို့နေတာကို ဖော်ပြထားတာ။ ဂြိုဟ်တုကနေ မီးလောင်နေတဲ့ နေရာတွေကို ရိုက်တာ။ Spot တွေကို လိုက်ရှာတာပေါ့။ ဒီအချိန်ခါ ၃၉ နေရာတွေ့တာ ဆိုတော့ ထင်တာကတော့ လယ်ယာမြေတွေ မီးရှို့တာလို့ပဲ ထင်တယ်။

မေး။ ။ အဲဒီ အခြေအနေကရော ရာသီဥတုအပေါ်ကို သက်ရောက်တာမျိုး ရှိလား။

ဖြေ။ ။ ချက်ချင်းတော့ မရှိပါဘူး။ ဒါပေမယ့် ဒြပ်ငွေ့ ထုတ်လုပ်မှုကိုတော့ တိုးစေတာပေါ့။ ရေရှည် ကြည့်ရင်တော့ ကမ္ဘာကြီး ပူနွေးမှုကို ဖြစ်စေတာပေါ့။ ။

တယ်လီနောနှင့် အော်ရီဒူးကို ဆက်သွယ်ရေးလုပ်ငန်းလုပ်ခွင့် ချပေးလိုက်ပြီ

ကို​ထွေး​

မြန်မာနိုင်ငံအတွင်း ဆက်သွယ်ရေးဆိုင်ရာ လုပ်ငန်းများလုပ်ကိုင်ဖို့အတွက် တင်ဒါအောင်ထားခဲ့ကြတဲ့ တယ်လီနောမြန်မာ၊ အော်ရီဒူ မြန်မာကုမ္ပဏီနှစ်ခုတို့ကို လုပ်ကိုင်ခွင့်လိုင်စင် စတင်ပေးအပ်လိုက်ပြီ ဖြစ်ကြောင်း ဒီနေ့ရက်စွဲနဲ့ မြန်မာအစိုးရက ကြေညာလိုက်ပါတယ်။

အော်ရီဒူး မြန်မာ ကုမ္ပဏီနဲ့ ဆက်သွယ်ရေးနဲ့ သတင်းနည်းပညာဝန်ကြီးဌာနက အရာရှိတွေ နေပြည်တော်မှာ တရားဝင် အခမ်းအနားနဲ့ ဒီနေ့ လက်မှတ်ရေးထိုးခဲ့ပါတယ်။

ဆက်သွယ်ရေး စာတိုက်နဲ့ ကြေးနန်းဝန်ကြီးဌာနမှာ သက်ဆိုင်ရာအစိုးရ တာဝန်ရှိသူတွေနဲ့ အော်ရီဒူးကုမ္ပဏီက အမှုဆောင်အရာရှိတို့ နေပြည်တော် တရားဝင်လက်မှတ်ရေးထိုးခဲ့ကြတာပါ။ ဆက်သွယ်ရေးနည်းဥပဒေ မထွက်သေးပေမယ့် တရားဝင်လုပ်ကိုင်ခွင့်လိုင်စင် ချပေးခဲ့တာလည်း ဖြစ်ပါတယ်။

အော်ရီဒူးကုမ္ပဏီနဲ့အတူ လုပ်ကိုင်ခွင့်လိုင်စင်ရခဲ့တဲ့ နော်ဝေအခြေစိုက် တယ်လီနောမြန်မာ ကုမ္ပဏီကတော့ လာမယ့်သီတင်းပတ်မှာ လတ်မှတ်ရေး ထိုးမှာပါ။

ဒီလက်မှတ်ရေးထိုးပွဲအခမ်းအနားဖွင့်ပွဲမှာ မြန်မာ့ဆက်သွယ်ရေးဝန်ကြီး ဦးမြတ်ဟိန်းက မြန်မာလူထုဟာ ကမ္ဘာအဆင့်မီ တယ်လီဖုန်း ၀န်ဆောင်မှုကို ဆာလောင်နေတယ်လို့ အင်္ဂလိပ်ဘာသာနဲ့ အခုလို ပြောဆိုခဲ့တာပါ။

လုပ်ငန်းတွေ အကောင်ထည်ဖော်တာနဲ့ တပြိုင်နက် ကုမ္ပဏီရဲ့ ၀န်ဆောင်မှုကို အဓိက မြို့ပြတွေကို ပေးအပ်သွားမှာ ဖြစ်ပြီး အလျင်အမြန်ဆိုသလို ကျေးလက်တောရွာတွေကိုလည်း ဖြန့်ချသွားမယ်လို့ အစိုးရနဲ့ အော်ရီဒူးနဲ့ တယ်လီနော ကုမ္ပဏီတို့ရဲ့ ပူးတွဲထုတ်ပြန်ချက်မှာ ရေးသားထားပါတယ်။

အော်ရီဒူးက မြန်မာနိုင်ငံဆိုင်ရာ အမှုဆောင် အကြီးအကဲ ရိုစ့်ကောမက်က ရန်ကုန်၊ မန္တလေး၊ မော်လမြိုင်၊ နေပြည်တော်စတဲ့ မြို့ကြီးတွေကို ဆက်သွယ်ပေးနိုင်မယ့် ကွန်ရက်တွေကို ဆောက်လုပ်ဖို့ လအနည်းငယ်ကြာမြင့်မှာ ဖြစ်ပြီး ၂၀၁၄ ခုနှစ်လယ်ပိုင်းကနေ စတင်ပြီး အဲဒီဒေသက လူတွေက တယ်လီဖုန်း ၀န်ဆောင်မှုတွေကို စတင်ရရှိမယ်လို့ ပြောပါတယ်။

တယ်လီဖုန်းနဲ့ပတ်သက်တဲ့ ဈေးနှုန်းကိုတော့ ပြောဖို့ စောသေးသလို နောက် ၅ နှစ်အတွင်း လူဦးရေ ၉၇ ရာခိုင်နှုန်းလောက် တယ်လီဖုန်းကို အသုံးပြုနိုင်မှာဖြစ်တယ်လို့ သတင်းထောက်တွေကို ပြောပါတယ်။

အစိုးရက လိုင်စင်ချပေးလိုက်တဲ့ ဒီကုမ္ပဏီတွေဟာ နိုင်ငံတ၀န်း တယ်လီဖုန်း ၀န်ဆောင်မှုတွေကို ပြည်သူတွေ တတ်နိုင်တဲ့ နှုန်းနဲ့ ၀န်ဆောင်မှု ပေးနိုင်မှာ ဖြစ်သလို အလုပ်အကိုင် အခွင့်အလမ်းနဲ့ စီးပွားရေး၊ လူမှုရေး တိုးတက်မှုတွေကို လုပ်ဆောင်နိုင်လိမ့်မယ်လို့ ယုံကြည်ထားကြောင်း ထုတ်ပြန်ချက်မှာ ရေးပါတယ်။

ဒီနည်းဥပဒေကို ဖေဖော်ဝါရီလမှာ ပြဋ္ဌာန်းပေးဖို့ မျှော်မှန်းထားတယ်လုိ့ ဆက်သွယ်ရေးနှင့် သတင်း အချက်အလက် နည်းပညာဝန်ကြီးဌာနက ညွှန်ကြားရေးမှူး ဦးသန်းထွန်းအောင်က ပြောပါတယ်။

“နည်းဥပဒေ ထွက်လာတဲ့အခါမှာ ကျန်တဲ့ တယ်လီဖုန်း ၀န်ဆောင်မှုနဲ့ ပတ်သက်ပြီး ဥပမာ – တာဝါတိုင်တို့၊ ဖိုက်ဘာလမ်းကြောင်းတို့ နောက်တခါ အင်တာနက် ၀န်ဆောင်မှုတို့ စတဲ့ လုပ်ငန်းတွေကို လုပ်ဖို့ အတွက် လိုင်စင်တွေ တခုပြီးတခု ထပ်ပြီး ရွေးချယ်ပေးနိုင်ခဲ့ခြင်း ဖြစ်ပါတယ်။ နည်းဥပဒေက အင်္ဂလိပ်လို လုပ်ထားတာ။ ဒါပေမယ့် ကျနော်တို့ မြန်မာနိုင်ငံရဲ့ ဥပဒေ နည်းဥပဒေက မြန်မာလို ထွက်ရတယ်။ ဒါတွေ အားလုံးကို ဘာသာပြန်ပြီးတော့ ရှေ့နေချုပ်နဲ့ ညှိနှိုင်းတာတို့၊ ကက်ဘိနက်ရဲ့ ခွင့်ပြုချက်ရအောင် လုပ်တာနဲ့ဆိုရင် ကျနော် မှန်းတာက ဖေဖော်ဝါရီလ မကုန်ခင်တော့ အတည်ဖြစ်မယ်လို့ ယူဆပါတယ်။ ကျန်တဲ့ လိုင်စင် အမျိုးအစားတွေ အများကြီး ရှိပါတယ်။”


တယ်လီနောနဲ့ အော်ရီဒူးကုမ္ပဏီတို့ဟာ ၂၀၁၃ ခုနှစ်လယ်ပိုင်းမှာ နိုင်ငံတ၀န်း ဆက်သွယ်ရေးလုပ်ငန်း လုပ်ခွင့် တင်ဒါအောင်ခဲ့ကြပါတယ်။

လမ်းပြင်ရန် လှူဒါန်းထားသည့် ငွေများ ဘုန်းကြီးကျောင်းတွင် ခိုးယူခံရ

ဇော်ဇော်ထွေး

တွံတေးမြို့နယ်တွင် လမ်းပြင်ရန် လှူဒါန်းထားသည့် ငွေများ ဘုန်းကြီးကျောင်းတွင် သိမ်းဆည်းထားစဉ် အခိုးခံလိုက်ရသဖြင့် မြို့နယ်တွင်းရှိ ခလောက်ချိုက်နယ်မြေ ရဲစခန်းတွင် ဇန်နဝါရီ ၂၇ ရက်တွင် အမှုဖွင့် စစ်ဆေးနေသည်။

အဆိုပါ အမှုကို ကျွန်းကလေးကျေးရွာအုပ်စု ၊ ချောင်းဖျားကျွေးရွာနေ ဘုန်းကြီးကျောင်း ဂေါပကအဖွဲ့ဝင် တစ်ဦး ဖြစ်သည့် ဦးမောင်လှိုင် က အမှုဖွင့် တိုင်တန်းထားခြင်း ဖြစ်သည်။

အမှုတွင် ဇန်နဝါရီ ၂၆ ရက်က တရားလိုသည် ကျေးရွာလမ်းပြုပြင်နေစဉ် ကျွန်းကလေး ဘုန်းတော်ကြီးကျောင်း၊ ကျောင်းထိုင် ဆရာတော်က ခေါ်သဖြင့် သွားရောက်တွေ့ဆုံခဲ့သည်။

ထို့နောက် ဇန်နဝါရီ ၂၆ ရက်နံနက် ၅ နာရီခွဲက ကျောင်းထိုင်ဆရာတော်နှင့် သံဃာတော် (၇)ပါး တို့သည် ကျွန်းကလေး ကျေးရွာနေဒေါ်လှလှရီ နေအိမ်သို့ အာရုံဆွမ်းစားကြွရောက်ပြီး ကျောင်းပြန်ရောက်ချိန်တွင် ဘုန်းကြီးကျောင်းတံခါးပွင့်နေသည်ကို တွေ့ရှိရသည်ဟု ဆရာတော်က ပြန်လည်မိန့်ကြားထားသည်ဟု တရားလိုက ရဲထံတွင် ထွက်ဆိုထားသည်။

ထို့ကြောင့် ကျောင်းအတွင်း စစ်ဆေးရာတွင်လည်း ကျက်သရေခန်းအတွင်းရှိ သစ်သားဘီရိုတွင် ခက်ထားသော သော့အား ရိုက်ဖျက်၍ ဘီရိုအတွင်းထားရှိသည့် လမ်းပြုပြင်ရန်အတွက် အလှူငွေ (၃၈)သိန်းမှာ ပျောက်ဆုံးနေခဲ့ခြင်း ဖြစ်သည်။

ထို့ကြောင့် ငွေခိုးယူသူအား ဖော်ထုတ်ဖမ်းဆီးပေးရန် အမှုဖွင့် တိုင်တန်းခဲ့ခြင်း ဖြစ်သဖြင့် ရဲစခန်းက (ပ)၂၅/၂ဝ၁၄ ဖြင့် အမှုဖွင့်ပြီး စုံစမ်းနေကာ ခိုးယူသူကို ဖမ်းမိပါက ပုဒ်မ ၃၈ဝ ဖြင့် တရားစွဲတင်မည်ဟု ဆိုထားသည်။

ရခိုင် ရေနံပိုက်လိုင်း လုပ်ငန်းခွင် တရုတ်နှင့်မြန်မာ ၀န်ထမ်း ပဋိပက္ခ လူ ၂၀ ကျော် ဖမ်းဆီးခံရ

ခင်ဦးသာ

ရခိုင်ပြည်နယ်မှ တရုတ်နိုင်ငံသို့ သွယ်တန်းထားသည့် ရေနံပိုက်လိုင်းတွင် အလုပ်လုပ်ကိုင် နေကြသော တရုတ် နိုင်ငံသားများနှင့် မြန်မာများ အကြား ပဋိက္ခ ဖြစ်ပွားမှုနှင့် ပတ်သက်ပြီး မြန်မာ ၂၀ ကျော်ကို ဖမ်းဆီး စစ်ဆေးနေကြောင်း သိရသည်။

ရခိုင်ပြည်နယ် အမ်းမြို့နယ် အမ်းတောင်အုပ်စု ရေနံပိုက်လိုင်း ကြားခံစခန်းတွင် တာဝန် ထမ်းဆောင်နေကြသည့် တရုတ်နှင့်မြန်မာ ၀န်ထမ်းများသည် ဇန်န၀ါရီ ၂၆ ရက်က အချင်းများရာမှတဆင့် အဆောက်အအုံ တချို့ကို ဖျက်ဆီးမှု၊ မီးရှို့မှုများ ဖြစ်ပွားခဲ့ကြောင်း အမ်းမြို့နယ် ရဲ စခန်းက ပြောပြသည်။

“လူ ၂၀ ကျော်ကို ခဏ ထိန်းသိမ်း စစ်ဆေး နေပါတယ်၊ အသေးစိတ်တော့ ပြောလို့ မရသေးပါဘူး”ဟု အမ်း ရဲစခန်း တာဝန်ရှိသူ တဦးက ပြောသည်။

မြန်မာနှင့် တရုတ် ၀န်ထမ်းများသည် အိမ်တအိမ်တည်း၌ အတူ နေထိုင်ကြကြောင်း၊ အပေါ်ထပ်တွင် နေထိုင်သည့် တရုတ် ၀န် ထမ်း တချို့က အပေါ်ထပ်မှ ရေသွန်ချရာ အောက်ထပ်တွင် နေထိုင်သည့် မြန်မာ အလုပ်သမား နှစ်ဦး ရေစိုသွားခြင်းကို မကျေနပ်သည့် အတွက် မြန်မာ အလုပ်သမားများက နေအိမ်အား ခဲများဖြင့် ပစ်ပေါက်ခြင်း၊ ဆီဂိုဒေါင်တခု မီးရှို့ခြင်းများ ပြုလုပ်ခဲ့ကြကြောင်း ယမန်နေ့က အစိုးရ သတင်းစာများ၌လည်း ရေးသားထားသည်။

အိမ်အပေါ်ထပ်တွင် နေထိုင်သည့် တရုတ် ၀န်ထမ်းများသည် အောက်ထပ်သို့ မကြာခဏ ရေသွန်ချခြင်း၊ အမှိုက်များ ပစ်ချခြင်း၊ အော့အန်ထားသည့် အညစ်အကြေးများကို ပစ်ချခြင်း စသည်တို့ကို မကြာခဏ လုပ်ဆောင်လေ့ရှိသည်ဟု သိရှိရကြောင်း အမ်း ဒေသ ခံ ဒေါ်သွယ်သွယ်စိုးက ဧရာဝတီကို ပြောပြသည်။

“အိမ်အောက်ထပ်မှာ နေထိုင်တဲ့ သူတွေဟာ မကွေးတိုင်းထဲက တောင်ပေါ်နေ ချင်းတိုင်းရင်းသား လူမျိုးတွေပါ၊ ဒီလူတွေဟာ အင် မတန် ရိုးသားတဲ့ သူတွေပါ၊ အပေါ်ထပ်က ရေသွန်ချတာ၊ အန်ချတာတွေ မကြာခဏ လုပ်ပေမယ့် အလုပ်အကိုင် ရှားပါးတာ၊ ဆင်း ရဲ တာတွေကြောင့် ပြန်မပြောရဲဘဲ သည်းခံနေကြတဲ့ သဘောပါ၊ အခုမှ သည်းမခံနိုင်တော့တဲ့ အတွက် အခုလို ပေါက်ကွဲပြီး မီးရှို့တဲ့ အထိ ဖြစ်သွားရတယ်”ဟု ၎င်းက ဆိုသည်။

နှစ်ဘက် အကြား စကားများကြ ပြီးနောက် ဇန်န၀ါရီလ ၂၇ ရက်တွင် လောင်စာဆီ သိုလှောင်ထားသည့် ဆီဂိုဒေါင် တလုံးနှင့် ယာ ယီ ငါးခန်းတွဲ နှစ်ထပ် အဆောက်အအုံ တလုံးကိုပါ မီးရှို့လိုက်ကြောင်း၊ မီးရှို့သူများသည် ထွက်ပြေး လွတ်မြောက်နေသည့်အတွက် သက်ဆိုင်ရာ မြို့နယ် ရဲတပ်ဖွဲ့ဝင်များ၊ အာဏာပိုင်များက ဆောင်ရွက်နေကြောင်း အစိုးရ သတင်းစာများက ဖော်ပြသည်။

ပဋိပက္ခများနှင့် ပတ်သက်၍ အမ်းမြို့နယ် ရဲစခန်း၌ ဖမ်းဆီး စစ်ဆေးနေကြောင်း၊ နှစ်ဘက် အကြား ဖြစ်ပွားသည့် ပြဿနာတွင် မြန်မာ ၀န်ထမ်းများကိုသာ တဖက်သတ် ဖမ်းဆီး စစ်ဆေးနေခြင်းသည် မျှတမှု မရှိကြောင်း ဒေါ်သွယ်သွယ်စိုးက ပြောဆိုသည်။

“ပြဿနာ ဖြစ်အောင် အရင်စတဲ့ တရုတ် လူမျိုးတွေကို တယောက်မှ မဖမ်းဘဲ ကိုယ့်နိုင်ငံသားတွေကိုပဲ ဖမ်းတာဟာ တရားမမျှတဲ့ လုပ်ရပ်လို့ ပြောချင်ပါတယ်”ဟု ၎င်းက ဆိုသည်။

အမ်းမြို့နယ် ရဲစခန်း တာဝန်ရှိသူ တဦးက ပြောဆိုရာတွင် ခေါ်ယူ စစ်ဆေး နေသူများ၌ တရုတ် လူမျိုး တဦးလည်း ပါဝင်ကြောင်း ဧရာဝတီကို ပြောသည်။

ယခု ဖြစ်ပွားသည့် နေရာသည် အမ်းမြို့မှ ၂၂ မိုင်ခန့် ဝေးကွာပြီး ရခိုင်ပြည်နယ်နှင့် မကွေးတိုင်း နယ်စပ်ဒေသ ဖြစ်ပြီး ရန်ကုန်-စစ်တွေ လမ်းပေါ်တွင် ရှိသည့် ဆီသန့်ထုတ် ကြားခံစခန်းတခု ဖြစ်သည်။

ထိုစခန်း၌ တရုတ် ၀န်ထမ်း ၈၀ ခန့်နှင့် မြန်မာနိုင်ငံသား အလုပ်သမား ၁၅၀ ၀န်းကျင် လုပ်ကိုင်လျက်ရှိပြီး မြန်မာဝန်ထမ်း အများစု မှာ တောင်ပေါ် ချင်း တိုင်းရင်းသားများ ဖြစ်ကြောင်း သိရသည်။

ကျောက်ဖြူ ဒေသ၌ လုပ်ဆောင်နေသည့် ရေနံပိုက်လိုင်း၊ ဂက်စ်ပိုက်လိုင်းများတွင် တာဝန် ထမ်းဆောင်နေကြသည့် တရုတ် လူမျိုးများသည် မြန်မာနိုင်ငံသား အလုပ်သမားများနှင့် ဆက်ဆံရာတွင် ယဉ်ကျေးမှု နည်းပါးပြီး ရိုင်းပြသည့် အပြုအမူ ပြောဆိုမှုများကြောင့် လုပ်ငန်းခွင် အတွင်း ပဋိပက္ခ မကြာခဏ ဖြစ်ပွားလေ့ ရှိကြောင်း ဒေသခံများက ပြောသည်။

ရေနံပိုက်လိုင်းသည် ကျောက်ဖြူမြို့နယ်၊ မဒေးကျွန်းမှ တရုတ်နိုင်ငံ ယူနန် ပြည်နယ်သို့ သွယ်တန်းထားပြီး မကွေးတိုင်း၊ မန္တလေး တိုင်း နှင့် ရှမ်းပြည်နယ် တို့ကို ဖြတ်သန်း ဖောက်လုပ် ထားခြင်း ဖြစ်သည်။

အလိုမတူဘဲ ကားတင်ပြေး၍ ပေါင်းသင်းခံရသည်ဟုဆိုကာ အမှုဖွင့်

ဇော်ဇော်ထွေး

အသက် ၁၆ နှစ်အရွယ် သမီးဖြစ်သူကို ချစ်သူရည်းစားမဟုတ်သည့် အလုပ်အတူလုပ်သူက ကားတင် ခေါ်ဆောင်ပြေးပြီး ၀ါးခယ်မမြို့တွင် သားမယားအဖြစ် ပေါင်းသင်းခဲ့သည်ဟုဆိုကာ တိုင်တန်းမှုကို လှိုင် သာယာရဲစခန်းက ဇန်န၀ါရီ ၂၆ ရက်တွင် အမှုဖွင့်စစ်ဆေးနေသည်ဟု ရန်ကုန်တိုင်းရဲ တပ်ဖွဲ့စခန်းက ထုတ်ပြန်ထားသည်။

အမှုတွင် ဇန်န၀ါရီ ၂၁ ရက် ည ၈ နာရီ ခွဲက (၇)ရပ်ကွက်နေ အသက် ၅၄ နှစ်ရှိ တရားလို အမျိုးသမီး ကြီးသည် ၁၆ နှစ် သမီးအပါအ၀င် ၎င်းအလုပ်သမားတစ်ဦးတို့နှင့်အတူ တံတားဖြူလမ်းမကြီးဘေးရှိ လက်ဖက်ရည်ဆိုင်တစ်ခုတွင် လက်ဖက်ရည်သောက်ခဲ့သည်ဟု ဆိုထားသည်။

ထို့နောက် သမီးဖြစ်သူကို ကြာဆံကြော်ဝယ်ခိုင်းရာမှ ည ၉ နာရီခွဲအချိန်ထိ ပြန်လည်ရောက်ရှိလာခြင်း မရှိသဖြင့် လိုက်လံရှာဖွေရာ အမျိုးသားတစ်ဦးက လက်ဆွဲ၍ တက္ကစီဖြင့် ခေါ်ဆောင်သွားကြောင်း သိရှိခဲ့ရသည်ဟု တရားလိုက ရဲထံတွင် ဆိုထားသည်။

ထို့နောက် ဇန်န၀ါရီ ၂၃ ရက်တွင် ကြက်ဒိုင်တစ်ခုတည်းတွင် အလုပ်လုပ်သည့် သန့်ဇင် (၂၃)နှစ်၏ ၀ါးခယ်မမြို့ရှိ နေအိမ်သို့ သွားရောက် စုံးစမ်းရှာဖွေရာ သမီးဖြစ်သူကို ပြန်လည်တွေ့ရှိခဲ့သည်ဟု ဆို သည်။

ထို့ပြင် သန့်ဇင်သည် သမီးဖြစ်သူကို အအေးနှင့် ဘီယာရောတိုက်ပြီး ၀ါးခယ်မမြို့သို့ ခေါ်ဆောင်သွား ကာ ချစ်ကြိုက်ခြင်းမရှိဘဲ သားမယားအဖြစ် ပေါင်းသင်းထားကြောင်း သမီးဖြစ်သူက ပြောပြခဲ့သဖြင့် မိခင်ဖြစ်သူက ၀ါးခယ်မရဲစခန်းတွင် အမှုဖွင့်တိုင်တန်းခဲ့ခြင်းလည်း ဖြစ်သည်။

ထို့ကြောင့် ၀ါးခယ်မရဲစခန်းက (ပ)၁၁ /၂၀၁၄ဖြင့် ပုဒ်မ ၃၆၃/၃၆၆တို့ဖြင့် အမှုဖွင့်စစ်ဆေးပြီး ပေါ်ပေါက် ချက်များအရ လှိုင်သာယာရဲစခန်းက (ပ)၁၀၃/၂၀၁၄ ဖြင့် အမှုဖွင့်ပြီး ပြစ်မှုပုဒ်မ ၃၆၃/၃၆၆ တို့ဖြင့် ဆက် လက်အရေးယူရန် တိုင်တန်းခံထားရသူကို ဖမ်းဆီးစစ်ဆေးနေသည်။

အာဏာရှင်များနှင့် မြန်မာ့တပ်မတော် အပိုင်း ၃ – စစ်ထောက်လှမ်းရေး ခေါင်းထောင်လာခြင်း

အောင်ဇော်

၁၉၇၆ ခုနှစ်အတွင်းမှာ ဦးနေဝင်းအတွက် အိပ်ရေးပျက်ရတဲ့ ညတွေ အများကြီး ရှိခဲ့တယ်။ ကျောင်းသားဆန္ဒပြမှုတွေ၊ စစ်ဦးစီးချုပ်နဲ့ ကာကွယ်ရေးဝန်ကြီး ဗိုလ်ချုပ်ကြီး သူရတင်ဦးရဲ့ အရေးကိစ္စတွေအပြင် အဲဒီနှစ်ထဲမှာပဲ ကချင် လက်နက်ကိုင်တွေနဲ့ မြန်မာပြည်မြောက်ပိုင်း တောင်ကုန်းတွေက ကွန်မြူနစ်တပ်ဖွဲ့တွေ စစ်ရေးအရ မဟာမိတ်ဖွဲ့ဖို့ သဘောတူ လက်မှတ်ရေးထိုး လိုက်ကြတယ်။ ရဲဘော်သုံးကျိပ်ဝင် ဗိုလ်မှူးချုပ် ကျော်ဇောကလည်း ရန်ကုန်ကနေ ထွက်သွားပြီး တရုတ်နယ်စပ်က ကွန်မြူနစ်တွေဆီ ရောက်သွားခဲ့တယ်။ အစိုးရအနေနဲ့လည်း မအောင်မြင်တဲ့ အာဏာသိမ်းဖို့ ကြံစည်မှုတခုနဲ့ ကြုံတွေ့ခဲ့ရသေးတယ်။

နှစ်သစ်ကူး အကြိုညမှာ အိမ်နဲ့သိပ်မဝေးတဲ့ အင်းယားလိတ် ဟိုတယ်ထဲမှာ ပါတီပွဲတခုလုပ်နေချိန် မှာ ပင်ပန်းနွမ်းနယ်နေပုံရတဲ့ ဦးနေဝင်း ဒေါသတကြီး နဲ့ ရောက်လာပြီး ဒရမ်ဆက်ကို ခြေထောက်နဲ့ကန်၊ အခန်းထဲမှာ ရှိတဲ့သူတချို့ကို ကိုယ်ထိလက်ရောက် တိုက်ခိုက်တာကို မြင်ရတော့ ပါတီပွဲလာသူတွေ ထိတ်လန့်တကြားဖြစ်ခဲ့ရတယ်။

ဒီအချိန်မှာ သူ့ကိုဝန်းရံထားတဲ့ လူရင်းတွေထဲ က ဦးနေဝင်းရဲ့ ယုံကြည်မှုအရဆုံးသူကတော့ မျက်မှန်အမြဲတပ်တဲ့ ထောက်လှမ်းရေး အကြီးအကဲ ဗိုလ်မှူးချုပ်တင်ဦးပါ။ ကာကွယ်ရေးဝန်ကြီးဟောင်း သူရဦးတင်ဦးနဲ့ ကွဲပြားအောင်လို့ အာဏာရှင် ဦးနေ ဝင်းရဲ့ ကိုယ်ရေးအရာရှိလည်း ဖြစ်တဲ့ သူ့ကို လူတွေ က “မျက်မှန်တင်ဦး” လို့ ခေါ်ကြတယ်။ မွန်ပြည်နယ် မုဒုံမြို့မှာ မွေးဖွားခဲ့တဲ့ ဗိုလ်မှူးချုပ် တင်ဦးဟာ မွန်လူမျိုး ဖြစ်ပါတယ်။

ဆယ်တန်းအထိ ပညာသင်ကြားဖူးပြီးတော့ အသက် ၁၅ နှစ်အရွယ်မှာ စစ်ထဲဝင်ခဲ့ပါတယ်။ သူ က အရပ်ရှည်တာကြောင့် အသက် ၁၈ နှစ်ရှိပြီလို့ ပြောတာကို စစ်သားစုဆောင်းရေးက လက်ခံခဲ့ပါ တယ်။ အင်္ဂလိပ်တပ်တွေကို တိုက်ခိုက်ဖို့ ဂျပန်နဲ့ မြန်မာတပ်တွေ ရန်ကုန်ကို ချီတက်လာတဲ့ အချိန်မှာ တော့ သူက တပ်စုမှူးဖြစ်နေပါပြီ။

မြန်မာနိုင်ငံအတွင်းကို ဂျပန်တပ်တွေနဲ့ အတူ ဦးနေဝင်း ပြန်လည် ဝင်ရောက်လာချိန်မှာ ဗိုလ်မှူး ချုပ်တင်ဦးနဲ့ သိကျွမ်းခဲ့တယ်။ ဒို့ဗမာအစည်းအရုံးရဲ့ လှုပ်ရှားမှုတွေမှာ ပါဝင်ခဲ့ဖူးတဲ့ ဗိုလ်မှူးချုပ်တင်ဦးရဲ့ မိဘတွေက စစ်ထဲဝင်သွားကြတဲ့ သား ၄ ယောက်ကို စောင့်ရှောက်ပေးဖို့ ဦးနေဝင်းကို မေတ္တာရပ်ခံခဲ့ပါ တယ်။ ဒါပေမယ့် သူတို့ ညီအစ်ကိုတွေထဲက ၂ ယောက် စစ်အတွင်းကျဆုံးခဲ့ကြတယ်။ ဒါကြောင့် ဦးနေဝင်းက ထက်မြက်ပြီး ပါရမီရှိတဲ့ မောင်တင်ဦး ကို စစ်မြေပြင်ကို မလွှတ်တော့ဘဲ သူ့ရဲ့ မျက်စိ အောက်မှာပဲထားဖို့ ဆုံးဖြတ်လိုက်တယ်။

လွတ်လပ်ရေး ရပြီးတဲ့နောက် မောင်တင်ဦးဟာ ရန်ကုန်တက္ကသိုလ်မှာ ကျောင်းဆက်တက်ပြီး စီးပွား ရေးနဲ့ သမိုင်းပညာရပ်တွေ သင်ယူတယ်။ ဒါ့အပြင် တက္ကသိုလ်တက်ရင်း မာ့က်စ်ဝါဒကို လေ့လာခဲ့သလို လက်ဝဲအယူအဆတွေကို ယုံကြည်တဲ့ ကျောင်းသား တွေနဲ့လည်း သိကျွမ်းခဲ့တယ်။ သူ့ရဲ့ ကျောင်းနေဖက် တွေထဲက တဦးကတော့ ၁၉၈၈ ခုနှစ်မှာ ဖွဲ့စည်း ခဲ့တဲ့ အမျိုးသား ဒီမိုကရေစီအဖွဲ့ချုပ် ဗဟိုအလုပ် အမှု ဆောင်တယောက်ဖြစ်တဲ့ စာရေးဆရာ မောင် စူးစမ်း ဖြစ်လာမယ့် မောင်ချမ်းအေး ဖြစ်ပါတယ်။ မောင်ချမ်းအေးက သူ့ကိုကွန်မြူနစ်ပါတီဝင်ဖို့ ဖိတ် ခေါ်ခဲ့ပေမယ့် မောင်တင်ဦးက စိတ်မဝင်စားခဲ့ဘူး။ နောက်ဆုံးမှာတော့ စစ်တပ်ကိုပဲ ပြန်ရောက်သွားပြီး ဗိုလ်ချုပ်ကြီးနေဝင်းရဲ့ ကိုယ်ရေးအရာရှိ ဖြစ်လာ တယ်။ ဗိုလ်ချုပ်ကြီး နေဝင်းက သူ့ကို ထိရောက်မှု မရှိတဲ့ ထောက်လှမ်းရေးအဖွဲ့ကို ပြင်ဆင်ဖွဲ့စည်းဖို့နဲ့ စစ်ထောက်လှမ်းရေးဌာန တည်ထောင်ဖို့ တာဝန် ပေးခဲ့တယ်။

ဗိုလ်ချုပ်ကြီးနေဝင်းက သူ့ကို ပစိဖိတ်သမုဒ္ဒရာ ထဲက ဆိုင်ပန်ကျွန်းမှာ အမေရိကန်ထောက်လှမ်းရေး အေဂျင်စီ (CIA) က ဖွင့်တဲ့ သင်တန်းတက်ဖို့ စေလွှတ်ခဲ့တယ်။ အင်္ဂလန်နိုင်ငံက တော်ဝင်စစ်ရဲအဖွဲ့ ထံမှာ လေ့ကျင့်သင်ကြားခွင့်လည်း ရရှိခဲ့တယ်။ ၁၉၆၂ ခုနှစ် စစ်တပ်က အာဏာသိမ်းယူပြီးတဲ့ နောက်မှာတော့ သမ္မတဟောင်း မန်းဝင်းမောင်နဲ့ ဝန်ကြီးချုပ်ဟောင်း ဦးနုအပါအဝင် နိုင်ငံရေး အကျဉ်းသားတွေကို ရန်ကုန်မြို့ပြင်မှာရှိတဲ့ ရေကြည်အိုင်လို့ ခေါ်ကြတဲ့ စခန်းမှာ ထိန်းသိမ်းဖို့ ဒုဗိုလ်မှူးကြီးတင်ဦး က တာဝန်ယူရတယ်။

ဦးနု နဲ့ အစိုးရအဖွဲ့ဝင်တွေကို ကယ်ဆယ်ဖို့ ကြိုးစားလာမှုမှန်သမျှကို ကာကွယ်နိုင်ဖို့လည်း သူက ပြင်ဆင်တယ်။ လေကြောင်းတိုက်ခိုက်မှုတွေ ဒါမှ မဟုတ် နိုင်ငံခြားက အထူးတပ်ဖွဲ့တွေ လေကြောင်းချီ စစ်ဆင်ရေးပြုလုပ်လာရင်လည်း တုံ့ပြန်နိုင်ဖို့ သနက ၄ ရဲ့ အကူအညီနဲ့ ပြင်ဆင်ထားတယ်။

လုပ်ကြံသတ်ဖြတ်ဖို့ ကြံစည်မှုတွေကိုလည်း ဖယ်ရှားပေးနိုင်ခဲ့တဲ့အတွက် ဗိုလ်ချုပ်ကြီးနေဝင်းရဲ့ သဘောကျနှစ်ခြိက်မှု အကြီးအကျယ် ရရှိခဲ့ပါတယ်။ မြန်မာပြည်ကွန်မြူနစ်ပါတီ အလံဖြူအဖွဲ့ ခေါင်းဆောင် သခင်သန်းထွန်း သေဆုံးမှုကို အတည်ပြုပေးနိုင်ဖို့ အတွက် စစ်မြေပြင်ကိုလည်း လိုက်သွားခဲ့တယ်။ ဗိုလ်ချုပ်အောင်ဆန်းနဲ့ ရင်းနှီးတဲ့ မိတ်ဆွေတယောက် လည်းဖြစ်တဲ့ သခင်သန်းထွန်းကို သူပုန်းခိုရာ တော တွင်းစခန်းတခုမှာ တပ်ပြေးတယောက်လို့ ယူဆရသူ တဦးက လုပ်ကြံသတ်ဖြတ်ခဲ့တယ်။

စာဖတ်ဝါသနာပါသူ တယောက်ဖြစ်တဲ့ ဒုဗိုလ်မှူးကြီး တင်ဦးဟာ စစ်ထောက်လှမ်းရေးဌာနမှာ စာအုပ်ထုတ်ဝေရေး တိုက်တတိုက် တည်ထောင်ပြီး တော့ ကွန်မြူနစ်လှုပ်ရှားမှုတွေမှာ ပါဝင်ခဲ့ဖူးပြီး အစိုးရနဲ့ ပြန်လည်ဆက်သွယ်လာသူတွေကို စစ်ထောက်လှမ်းရေး ရန်ပုံငွေနဲ့ ဆောင်ရွက်ရမယ့် လုပ် ငန်းတွေအတွက် စည်းရုံးစုဆောင်းတယ်။ ထုတ်ဝေခဲ့ တဲ့ စာအုပ်တွေထဲက “သခင်သန်းထွန်း၏ နောက်ဆုံး နေ့များ” နဲ့ “ဇင်ချစ်နောက်ဆုံးနှစ်” ဆိုတဲ့ ၂ အုပ်ကို လက်နက်ချ အလင်းဝင်ကွန်မြူနစ်ဟောင်းတွေဖြစ်တဲ့ ရဲဘော်မြနဲ့ ရဲဘော်ဘခက်တို့က ရေးသားခဲ့တယ်။ ထိရောက်တဲ့ ကွန်မြူနစ်ဆန့်ကျင်ရေး ဝါဒဖြန့်မှုလည်း ဖြစ်ခဲ့ပါတယ်။

အဲဒီ အချိန်အထိ ဒုဗိုလ်မှူးကြီး တင်ဦးဟာ ထောက်လှမ်းရေးဌာနရဲ့ အကြီးအကဲ မဖြစ်သေးပါ ဘူး။ ဌာနအတွင်းမှာလည်း ပြိုင်ဆိုင်မှုတွေ ကွဲပြားမှု တွေ ရှိနေခဲ့တယ်။ တဖက်က နှုတ်ခမ်မွေး မောင်လွင် လို့သိကြတဲ့ ဗိုလ်မှူးကြီး မောင်လွင်ရှိတယ်။ ရှေးရိုး ဆန်တဲ့ စစ်သားတယောက်ဖြစ်တဲ့ ဗိုလ်မှူးကြီး မောင်လွင်ဟာ ဗိုလ်ချုပ်ကြီးနေဝင်း အပေါ်သစ္စာရှိ ပေမယ့် သူ့ရဲ့ ထောက်လှမ်းရေးဌာနနဲ့ ပတ်သက်ရင် ဝန်တိုစိတ်နဲ့ စောင့်ကြည့်တတ်သူ တယောက်ပါ။ တခြားဖက်မှာတော့ ဗိုလ်ချုပ်ကြီးနေဝင်းရဲ့ နှစ်ခြိုက် သဘောကျတဲ့ လက်ထောက်တယောက်ဖြစ်ပြီး ထောက်လှမ်းရေးတပ်ဖွဲ့ကို ပြုပြင်ပြောင်းလဲရေး လုပ်ဖို့အတွက် ရန်ကုန်မြို့က အမေရိကန်သံရုံးမှာ CIA အရာရှိတွေဆီမှာ သင်တန်းတက်ထားတဲ့ ဗိုလ်မှူးချုပ် မောင်မောင်ရှိနေတယ်။ အဲဒီပြဿနာကို ပြေလည်အောင် ဖြေရှင်းနိုင်ရေးက ဗိုလ်ချုပ်ကြီး နေဝင်းအတွက် ဖိအားလည်း ဖြစ်စေခဲ့တယ်။ ၁၉၆၁ ခုနှစ် ဖေဖော်ဝါရီလမှာတော့ ဗိုလ်ချုပ်ကြီးနေဝင်းက ဗိုလ်မှူးချုပ် မောင်မောင်ကို ရာထူးက ထုတ်ပယ် လိုက်တဲ့အတွက် ဗိုလ်မှူးတင်ဦးအတွက် အထက်ကို တက်နိုင်ဖို့ လမ်းတွေ မြန်မြန်ပွင့်သွားတော့တယ်။

ဗိုလ်ချုပ်ကြီးနေဝင်းက နိုင်ငံခြားခရီးသွားတဲ့ အခါတိုင်း ထောက်လှမ်းရေးတပ်ဖွဲ့မှာ စစ်ဆင်ရေး အရာရှိအဖြစ် တာဝန်ထမ်းဆောင်နေတဲ့ အင်္ဂလိပ်-မြန်မာ ကပြား ဗိုလ်ကြီးကျော်စွာမြင့်ကို ခေါ်သွားလေ့ ရှိတယ်။ ဒါပေမယ့် ဗိုလ်ကြီးကျော်စွာမြင့်က မြန်မာ့ ဆိုရှယ်လစ် လမ်းစဉ်ကို မနှစ်သက်တဲ့အတွက် ဗိုလ်ချုပ်ကြီးနေဝင်းကို လုပ်ကြံသတ်ဖြတ်ဖို့အထိ စီစဉ်ခဲ့တယ်လို့ သတင်းတွေက ဆိုတယ်။

လုပ်ကြံမှုက ဖြစ်မလာခဲ့ဘူး။ သူ့ရဲ့ အကြံ အစည်တွေကို ဗိုလ်ချုပ်ကြီးနေဝင်း မရိပ်မိမီမှာပဲ ဗိုလ်ကြီး ကျော်စွာမြင့်က ထိုင်းနယ်စပ်ကနေတဆင့် ဩစတြေးလျနိုင်ငံကို ထွက်ပြေးသွားခဲ့တယ်။ ဒါပေမယ့် ဗိုလ်ကြီးကျော်စွာမြင့် မြန်မာနိုင်ငံကနေ ထွက် သွားတဲ့အချိန်မှာ ပဲခူးရိုးမမှာရှိတဲ့ ဒုဗိုလ်မှူးကြီး တင်ဦးရဲ့ ထောက်လှမ်းရေး ကွန်ရက်တွေက သူ့ကို အဲဒီဒေသမှာ တွေ့ရှိရကြောင်း ထောက်လှမ်းရေးဌာန ချုပ်ကို သတင်းပို့ရင်း “သူအဲဒီမှာ ဘာလုပ်နေတာလဲ” လို့ လှမ်းမေးတယ်။

ဒုဗိုလ်မှူးကြီးတင်ဦးက စစ်ရုံးကို ခပ်မြန်မြန်ပဲ လှမ်းစုံစမ်းပေမယ့် အကြောင်းပြန်ချက် မရခဲ့ဘူး။ ဘာဖြစ်လို့လဲဆိုတော့ ဗိုလ်မှူးကြီး မောင်လွင်က ဗိုလ်ချုပ်ကြီးနေဝင်းကို ဒီသတင်းပို့ဖို့ ကြောက်ရွံ့နေ လို့ပါ။ ဒါပေမယ့် ဒုဗိုလ်မှူးကြီးတင်ဦးက သူ့ဆရာ သမားဆီကို တိုက်ရိုက်သွား အစီရင်ခံပါတယ်။ ဗိုလ်ချုပ်ကြီး နေဝင်းကလည်း အဆင့်မြင့်ထောက် လှမ်းရေးအရာရှိတွေကို ဆင့်ခေါ်ပြီး နောက်ဆိုရင် သူ့ဆီတိုက်ရိုက် သတင်းပို့ဖို့ပြောတယ်။ အဲဒီနောက် မှာတော့ ဗိုလ်ချုပ်ကြီးနေဝင်း က ဒု ဗိုလ်မှူးကြီးတင်ဦး ကို စစ်ရုံးချုပ်ကို ပို့လိုက်ပြီး သူကောင်းပြုခဲ့တယ်။ အမျိုးသား ထောက်လှမ်းရေးဗျူရိုရဲ့ အကြီးအကဲဖြစ် လာပြီး သမ္မတရဲ့ စစ်ရေးလက်ထောက်ဆိုတဲ့ ရာထူး သစ်တမျိုးလည်း ရရှိခဲ့တယ်။ အဲဒီရာထူးဟာ စစ်ဦး စီးချုပ်ထက်တောင်မှ ပိုပြီး အာဏာရှိပါတယ်။ အမ်အိုင်တင်ဦးဆိုတဲ့ မြန်မာနိုင်ငံသား အများစု ဒီနေ့အထိ အမှတ်တရဖြစ်နေတဲ့ နာမည်ကိုလည်း ခပ်မြန်မြန်ပဲ ရခဲ့ပါတော့တယ်။

ဒါပေမယ့် သူ့မှာ တိုက်ပွဲအတွေ့အကြုံ အား နည်းပါတယ်။ တိုက်ခိုက်ရေးဘက်က သူ့ရဲ့ပြိုင်ဘက် တွေက သူရဲ့လုပ်ပိုင်ခွင့်နဲ့ ဩဇာကို ထိခိုက်ကျဆင်း စေချင်ရင် ဒီအချက်ကို သုံးမယ်ဆိုတာ သူသိတယ်။ ဒါကြောင့် မှန်ကန်တဲ့ထောက်လှမ်းရေး သတင်းမပါ ဘဲ စစ်မြေပြင်မှာ အောင်မြင်မှု မရရှိနိုင်ဘူးဆိုတာကို သိအောင်ပြသတဲ့ အလိမ္မာနည်းနဲ့ တုံ့ပြန်ခဲ့ပါတယ်။ ၁၉၇၀ နှစ်တွေအတွင်း ကွန်မြူနစ်နဲ့ တိုင်းရင်းသား လက်နက်ကိုင်တွေကိုတိုက်ခိုက်တဲ့ စစ်တပ်ရဲ့ အရေး ပါတဲ့ ထိုးစစ်တွေတိုင်းမှာ ဗိုလ်မှူးချုပ်တင်ဦးနဲ့ သူ့ရဲ့ ထောက်လှမ်းရေးအဖွဲ့တွေက စစ်မြေပြင်တပ်မှူးတွေ ကို ထိရောက်တဲ့ ထောက်လှမ်းရေး သတင်းအချက် အလက်တွေပေးပြီး ကူညီခဲ့တယ်။ ကွန်မြူနစ်တပ် တွေကို အပြီးအပိုင် တိုက်ထုတ်တဲ့နေရာမှာ စစ်မြေ ပြင် တပ်မှူးတွေကို ကူညီဖို့အတွက် သူကိုယ်တိုင် ပဲခူးရိုးမပေါ် သွားခဲ့တယ်။

တပြိုင်တည်းလိုမှာပဲ ဗိုလ်မှူးချုပ်တင်ဦးဟာ သူ့ရဲ့ ထောက်လှမ်းရေးကွန်ရက်ကို မြန်မြန်ဆန်ဆန် ချဲ့ထွင်နိုင်ခဲ့ပါတယ်။ လွတ်လပ်ရေး တိုက်ပွဲမှာပါဝင် တိုက်ခိုက်ခဲ့တဲ့ သခင်တွေနဲ့ နိုင်ငံရေးသမားဟောင်း တွေကို ဂုဏ်ပြုတဲ့ နိုင်ငံ့ဂုဏ်ရည် ဘွဲ့တံဆိပ်ကို တီထွင်ပြီးတော့ ဦးနေဝင်းက ချီးမြှင့်ပေးနိုင်အောင် ကူညီခဲ့ပါတယ်။ မြန်မာနိုင်ငံအတွင်းနဲ့ ပြည်ပမှာ ပြုလုပ်တဲ့ လျှို့ဝှက်လှုပ်ရှားမှုတွေအတွက် သီးသန့် ရန်ပုံငွေကိုလည်း သူပဲစီမံခန့်ခွဲရပါတယ်။ အဲဒီထဲမှာ ပြည်ပမှာနေထိုင်တဲ့ မြန်မာတွေဖြစ်တဲ့ သံရုံးဝန်ထမ်း တွေ၊ ထိုင်းနိုင်ငံ၊ တရုတ်နိုင်ငံနဲ့ ဘင်္ဂလားဒေ့ရှ် နယ်စပ်မှာရှိတဲ့ နိုင်ငံအတွင်းက ထွက်ပြေးခိုလှုံတဲ့ အဖွဲ့တွေကို စောင့်ကြည့်လေ့လာတာတွေ ပါဝင်ပါ တယ်။ ဒီလိုလုပ်တာဟာ ဆွစ်ဇာလန်ဘဏ်တခုမှာ အပ်နှံထားတဲ့ ဦးနေဝင်းရဲ့ လျှို့ဝှက်ဘဏ်စာရင်းထဲက ငွေတွေကို ပြန်လည်ရနိုင်ဖို့အတွက် အကူအညီတောင် ဖြစ်သေးတယ်လို့ သူကပြောပါတယ်။

ဗိုလ်မှူးချုပ် တင်ဦးဟာ ပေါင်မုန့်ကို ဘယ် နေရာမှာ ထောပတ် သုတ်ရမယ်ဆိုတာ သိတဲ့သူပါ။ ဦးနေဝင်းအပေါ် ကြည်ညိုလေးစားမှုကိုလည်း ဖုံး ကွယ်မထားခဲ့ပါဘူး။ လုပ်ဖော်ကိုင်ဖက်တွေနဲ့ ဝီစကီ သောက်တဲ့အခါတိုင်း “ကျနော့်မှာ ဘုရား တဆူပဲ ရှိတယ်။ အဲဒါ ဗိုလ်ချုပ်ကြီး နေဝင်းပဲ” လို့ ပြောတတ် ပါတယ်။ တဖက်မှာလည်း ဦးနေဝင်းက သူ့ကို အရမ်းယုံကြည် အားထားပါတယ်။ ဝန်ကြီးအဖွဲ့နဲ့ စစ်တပ်ရဲ့ ထိပ်ပိုင်းရာထူးတွေ ခန့်ထားဖို့ကိုတောင်မှ ဆုံးဖြတ်ချက်မချခင် ဗိုလ်မှူးချုပ်တင်ဦးရဲ့ အကြံ Óဏ် ရယူလေ့ရှိပါတယ်။

နောက်ပိုင်းမှာတော့ ဗိုလ်မှူးချုပ်တင်ဦးဟာ မြန်မာ့ဆိုရှယ်လစ် လမ်းစဉ်ပါတီရဲ့ တွဲဖက်အတွင်း ရေးမှူးဖြစ်လာပါတော့တယ်။ လက်အောက်ငယ်သား တွေကလည်း ဦးနေဝင်းကို “နံပါတ်တစ်” လို့ စတင် ခေါ်လာကြပြီး သူ့ကိုတော့ “တစ်ခွဲ” လို့ သူတို့ နောက်ကွယ်မှာ ခေါ်ကြပါတယ်။ ဒါပေမယ့် ဒီ အကြောင်းတွေကို သူတပါးအပေါ် သံသယအလွန် ကြီးတဲ့ စစ်အာဏာရှင် ဦးနေဝင်း သတိမထားမိ အောင်တော့ ကြာရှည်ဖုံးကွယ်မထားနိုင်ခဲ့ပါဘူး။

အပိုင်း (၄) ကို ဆက်လက်ဖော်ပြပါမည်။