Sunday, August 31, 2014

အသေးစားနှင့်အလတ်စား ဆန်လုပ်ငန်းရှင်များ အများပိုင်ကုမ္ပဏီစုဖွဲ့ရန် ဆန်စပါးအသင်းအကြံပြု

ကို​ထွေး​

တရုတ်နိုင်ငံက မြန်မာ့ဆန်ကို တရားဝင် တင်သွင်းခွင့်ပြုရင် မန္တလေးမြို့နဲ့ နယ်စပ်ဒေသက အသေးစား အလတ်စား ဆန်လုပ်ငန်းရှင်တွေ အနေနဲ့ အများပိုင် ကုမ္ပဏီစုဖွဲ့ပြီး စနစ်ပြောင်း လုပ်ဆောင်ကြဖို့ မြန်မာနိုင်ငံ ဆန်စပါး အသင်းတာဝန်ရှိသူက ပြောပါတယ်။

မန်မာဆန်တွေ ပိုးမွားကင်းစင်ရေး ဆောင်ရွက်နေတာတွေကို လေ့လာဖို့ အတွက် တရုတ်နိုင်ငံ AQSIQ ညွှန်ကြားရေးမှူးချုပ် ဦးဆောင်တဲ့ အဖွဲ့ မြန်မာနိုင်ငံကိုလာရောက်ခဲ့အပြီး တရုတ်ဘက်က တရားဝင် ဆန်တင်ပို့ခွင့်ပြုပေးခဲ့မယ်ဆိုရင် နယ်စပ်ဒေသမှာ အကြီးစား လုပ်ငန်းတွေ ၀င်ရောက်လာမှာ ဖြစ်တဲ့ အတွက် နယ်စပ်က အသေးစားနဲ့ အလတ်စား လုပ်ငန်းရှင်တွေ အနေနဲ့ စိုးရိမ်ပူပန်မှုတွေရှိနေတဲ့အပေါ် အခုလို အကြံပေးခဲ့တာဖြစ်ပါတယ်။

နယ်စပ်ဒေသမှာ ဆန်လုပ်ငန်းကို အသေးစားနဲ့ အလတ်စား လုပ်ငန်းရှင်တွေက အဓိကထား လုပ်ကိုင်နေကြတာဖြစ်ပါတယ်။

မြန်မာဆန်စပါးအသင်းက တာဝန်ရှိသူတွေနဲ့ AQSIQ ကိုယ်စားလှယ်တွေ ရန်ကုန်မှာ တွေ့ဆုံပြီး အရည်အသွေး စစ်ဆေးမှုနဲ့ပတ်သက်ပြီး ဆွေးနွေးခဲ့သလို တင်ပို့ခွင့်တရားဝင် ဖြစ်သွားရင် ပြင်ဆင်ထားဖို့ မြန်မာနိုင်ငံ ဆန်စပါးအသင်းချုပ် အတွင်းရေးမှူး ဒေါက်တာ စိုးထွန်းက ပြောပါတယ်။

“ကျနော်တို့အနေနဲ့ နယ်စပ်အသင်းတွေရော မန္တလေးက အဖွဲ့တွေရောပေါ့နော်။ အခု ခေတ်ကပြောင်းသွားပြီဆိုတော့ ရန်ကုန်မှာ ကုမ္ပဏီတွေစုပြီးဖွဲ့တဲ့အချိန်မှာ တနိုင်တပိုင် အနေနဲ့လည်း စနစ်ပြောင်းသွားတဲ့ အနေအထားရှိတာပေါ့။ ကျနော်အနေနဲ့ ဒါတွေကို ပြင်ဆင်ထားမှ ရမယ်။”


နယ်စပ်က ဆန်ကုန်သည်တွေကလည်း သြဂုတ်လဆန်းပိုင်းတုန်းက တရုတ်နိုင်ငံက စီးပွားရေး ကောင်စစ်ဝန်နဲ့ တွေ့ဆုံစဉ်မှာ နယ်စပ်က ဆန်ကုန်သည်တွေ အနေနဲ့ တက်ရောက်ခွင့်ရခဲ့ပေမယ့် ဒီအဖွဲ့နဲ့တော့ တွေ့ဆုံခွင်ံမရတဲ့အတွက် AQSIQ အဖွဲ့နဲ့ ဆွေးနွေးတဲ့အကြောင်းအရာတွေကိုလည်း သိချင်နေ ပါတယ်။

မြန်မာနိုင်ငံရဲ့ပြည်ပဆန်တင်ပို့မှု စုစုပေါင်းပမာဏရဲ့ ၈၀ ရာခိုင်နှုန်းကို တရုတ်ကို နယ်စပ်ကနေ မြန်မာဘက်က တရားဝင်တင်ပို့နေပေမယ့် တရုတ်နိုင်ငံဘက်က တရားဝင်တင်သွင်းခွင့်ပြချက် မပေးပါဘူး။ သြဂုတ်လဆန်းပိုင်းတုန်းက တရုတ်နိုင်ငံက နယ်စပ်က တရားမ၀င်ဆန်တင်သွင်းမှုကို တင်းကျပ်တဲ့အတွက် ဗီယက်နမ်နဲ့ မြန်မာ့ဆန်တွေ တင်ပို့နိုင်ရေး အခက်အခဲကြုံခဲ့ရပါတယ်။

ဒီနေတရုတ်မြန်မာနယ်စပ်မှာတော့ နယ်စပ်မှာဆန်တင်သွင်းတာကို တရုတ်ဘက်က မတားမြစ်ခင်က ရှိနေတဲ့ ဆန်ဈေးအနေအထားကို ပြန်လည်ရောက်ရှိလာပြီဖြစ်ပါတယ်။

တရုတ်ကိုယ်စားလှယ်အဖွဲ့ အစိုးရ အရာရှိတွေနဲ့ တွေ့ဆုံသလို စပါးကွင်းတွေ ဆန်စက်တွေ၊ ဆန်စပါးကုမ္ပဏီတွေ ဆန်တင်ပို့တဲ့ ဆိပ်ကမ်းတွေနဲ့ ပိုးမွှား ကင်းစင်ရေး ဆောင်ရွက်ချက်တွေကို လေ့လာခဲ့ကြတာဖြစ်ပါတယ်။

နှစ်နိုင်ငံ တရားဝင်တင်ပို့နိုင်ဖို့အတွက် အရည်အသွေး စစ်ဆေးတဲ့ သဘောတူညီချက်ကို လတ်မှတ် မထိုးနိုင်တဲ့အတွက် မြန်မာဆန်တင်ပို့မှုကို တရုတ်က တရားမ၀င်အဖြစ် သတ်မှတ်ထား ပါတယ်။

အမျိုးသားဒီမိုကရေစီအဖွဲ့ချုပ် လူငယ်မျိုးဆက်များတွေ့ဆုံပွဲ ကျင်းပ

ထွန်းထွန်းသိန်း

အမျိုးသားဒီမိုကရေစီအဖွဲ့ချုပ်ရဲ့ လူငယ်မျိုးဆက်များတွေ့ဆုံပွဲကို ဒီကနေ့ ရန်ကုန်မြို့ တော်ဝင်နှင်းဆီ ခန်းမမှာ ကျင်းပခဲ့ပါတယ်။

၁၉၈၈ ခုနှစ်ကနေ ၂၀၁၄ အထိခေတ်အဆက်ဆက် တာဝန်ယူခဲ့ကြတဲ့ အမျိူးးသားဒီမိုကရေစီ အဖွဲ့ချုပ် လူငယ်မျိုးဆက်တွေတွေဆုံခဲ့ကြတာပါ။ အဲဒီပွဲကို ပြည်နယ်နဲ့ တိုင်းဒေသကြီးတွေက လူငယ်မျိုးဆက် ၁၅၀ ခန့် တက်ရောက်ခဲ့ကြပါတယ်။

တွေ့ဆုံပွဲစီစဉ်ခဲ့တဲ့ အမျိုးသားဒီမိုကရေစီအဖွဲ့ချုပ် ရန်ကုန်တိုင်းဒေသကြီး ဥက္ကဋ္ဌဦးမြင့်ဌေး ကတော့ ၂၀၁၁ ခုနှစ်မှာ ပထမဆုံးလူငယ်တွေ့ဆုံပွဲကြောင့် ၂၀၁၂ ကြားဖြတ်ရွေးကောက်ပွဲကို ပံ့ပိုးနိုင်ခဲ့ပြီးအခုတွေ့ဆုံပွဲကလည်း လာမယ့်ရွေးကောက်ပွဲတွေမှာ အဖွဲ့ချုပ်ရည်မှန်းချက်ကို အကောင်အထည် ဖော်နိုင်မယ်လို့ ပြောပါတယ်။

“၂၀၁၁ ခုနှစ်မှာ ပထမဆုံး ပထမဆုံးလူငယ်တွေ့ဆုံပွဲလုပ်နိုင်တဲ့အတွက် ၂၀၁၂ ကြားဖြတ်ရွေးကောက်ပွဲကို အရင်တာဝန်ယူခဲ့ဖူးတဲ့သူတွေက ပံ့ပိုးနိုင်ခဲ့သလို လက်ရှိ မကြာခင်မှာ ဖြတ်သန်းရတော့မယ့် ၂၀၁၄ ကြားဖြတ်ရွေးကောက်ပွဲနဲ့ ၂၀၁၅ အထွေထွေ ရွေးကောက်ပွဲများအတွက် လက်ရှိတာဝန်ယူနေကြတဲ့ လူငယ်အသီးသီးနဲ့ ယခင်တုန်းက အဖွဲ့ချုပ် လူငယ်မှာ ခေတ်အဆက်ဆက် တာဝန်ယူခဲ့တဲ့ လူငယ်တွေ ပူးပေါင်းပြီးတော့ ကျနော်တို့ အဖွဲ့ချုပ်က လူငယ်တွေ ပူးပေါင်းပြီးတော့ အဖွဲ့ချုပ်ရဲ့ ရည်ရွယ်ချက်တွေကို အကောင်အထည်ဖော် နိုင်မယ်ဆိုတဲ့ ရည်ရွယ်ချက်တွေလည်း ပါဝင်ပါတယ်။”


တွေ့ဆုံပွဲတက်ရောက်ခဲ့တဲ့ အမျိုးသားဒီမိုကရေစီအဖွဲ့ချုပ် နာယက ဦးတင်ဦးကလည်း ၂၀၁၄ ခုနှစ်က ၂၀၁၅ ခုနှစ်မရောက်ခင် ဒီမိုကရေစီပြုပြင်ပြောင်းလဲဖို့ လိုအပ်နေပြီး လူငယ်တွေအနေနဲ့ အရေးကြီးပြီး ပခုံးပြောင်းတာဝန်ယူဖို့ လိုတယ်လို့လည်း အခုလိုပြောပါတယ်။

“ရှေ့လာမယ့် ၂၀၁၄ အပြီး ၂၀၁၅ မရောက်ခင် နိုင်ငံတော်ရဲ့ အခြေအနေတွေကို ပြုပြင်ပြောင်းလဲနိုင်တဲ့ အတိုင်းအတာတွေ ဒီမိုကရေစီအတွက်ကို ဘယ်လောက်အထိ လုပ်ပေးနိုင်သလဲဆိုတာ အရေးတကြီး အားကိုးရမယ့် လူငယ်ပိုင်းဖြစ်တဲ့အတွက် ရှေ့ နောင်တော့်နောင်တော် အမျိုးသမီး၊ အမျိုးသား လူငယ်များတွေရဲ့ ဆင်းရဲပင်ပန်းခံ ဒုက္ခခံသွားတဲ့ ဟာတွေကို ဆက်လက်ပြီးတော့ ပုခုံးထမ်းတာဝန်တွေနဲ့ ယနေ့ ခေါင်းဆောင်ကောင်း ဖြစ်နိုင်ကြပါစေလို့။”

အမျိုးသားဒီမိုကရေစီအဖွဲ့ချုပ်ရဲ့ ပထမအကြိမ် လူငယ်မျိုးဆက်များ တွေ့ဆုံပွဲကို ၂၀၁၁ ခုနှစ်က ကျင်းပခဲ့ပေမယ့် ကျယ်ကျယ်ပြန့်ပြန့် မဖြစ်ခဲ့ပဲ အခုတွေ့ဆုံပွဲကတော့ ဗဟိုချုပ်ကိုင်မဟုတ်ပဲ ဒီမိုကရေစီနည်းလမ်းတကျနဲ့ ကျင်းပခဲ့တဲ့ တွေ့ဆုံပွဲဖြစ်တယ်လို့လည်း အန်အယ်လ်ဒီ က ပြောပါတယ်။

အမျိုးသားဒီမိုကရေစီအဖွဲ့ချုပ်ရဲ့ ပထမအကြိမ် နိုင်ငံလုံးဆိုင်ရာ လူငယ်ညီလာခံကလည်း ပြီးခဲ့တဲ့ ဇူလိုင်လ ၅ ရက်နဲ့ ၆ ရက်နေ့တွေမှာ ရန်ကုန်မြို့မှာပဲ ကျင်းပခဲ့ပါတယ်။

ဗဟိုချုပ်ကိုင်မှုစနစ် လျော့ချစေလိုကြောင်း KDP ဥက္ကဌ ပြောကြား

စောညွှန့်သောင်း

မြန်မာအစိုးရ၏ ဗဟိုချုပ်ကိုင်မှုစနစ်ကျင့်သုံးခြင်းဖြင့် ကရင်ပြည်နယ်အတွင်း ဖွံ့ဖြိုးရေးလုပ်ငန်းများ၊ စီမံကိန်း လုပ်ငန်းများနှင့်အခြားလုပ်ငန်းများ အောင်မြင်သင့်သလောက် မအောင်မြင်သည်ကို တွေ့ရသည့်အတွက် ဗဟိုချုပ်ကိုင်မှုစနစ် လျော့ချစေလိုကြောင်း ကရင်ဒီမိုကရက်တစ်ပါတီ(KDP) ဥက္ကဌ စောရဲဝင်းနိုင်က သြဂုတ် ၂၈ရက်နေ့က ပြောဆိုလိုက်သည်။

“အုပ်ချုပ်ရေး ဖြစ်ဖြစ်၊ တရားစီရင်ရေး ဖြစ်ဖြစ်၊ ဥပဒေပြုတဲ့နေရာပဲ ဖြစ်ဖြစ် ဗဟိုချုပ်ကိုင်မှုက ရှိနေတုန်းပဲ။ အဲဒါတွေ ရှိနေတော့ ပွင့်လင်းမြင်သာမှု မရှိဘူး။ ဒါကြောင့် ပြည်နယ်အတွင်းလုပ်ငန်းတွေမှာ အောင်မြင်သင့်သလောက် မအောင်မြင်ပဲ ဖြစ်နေတယ်”ဟု စောရဲဝင်းနိုင်က ပြောသည်။

မြန်မာနိုင်ငံတွင် အစိုးရသစ်တက်လာသည့်နောက်ပိုင်း ဗဟိုချုပ်ကိုင်မှုစနစ် ဆက်ကျင့်သုံးမှုအောက်တွင် ကရင်ပြည်နယ်၌ ဖွံ့ဖြိုးရေးစီမံကိန်းများဖြစ်သည့် ဘိလပ်မြေစက်ရုံတည်ဆောက်ရေး အပါအ၀င်အခြား ဖွံ့ဖြိုးရေးတို့ကြောင့် လယ်ယာမြေသိမ်းဆည်းမှုများဖြစ်ပေါ်ကာ ပြည်နယ်အစိုးရက မဖြေရှင်းနိုင်သဖြင့် သြဂုတ် ၂၅ ရက်နေ့က ဖားအံမြို့တွင် ဒေသခံလယ်သမားများက ဆန္ဒဖေါ် ထုတ်မှုများ ဖြစ်လာခဲ့ခြင်းဖြစ်သည်။

ထို့အပြင် ဖားအံမြို့ခံလည်းဖြစ်၊ ကရင်ယဉ်ကျေးမှုဒုံးဆရာဖြစ်သူ စောမြင့်သူက အစိုးရသစ်လက်ထက် ၂၀၁၀ ရွေးကောက်ပွဲမှ ၂၀၁၄ ကုန်ခါနီးအချိန်ထိ ပြည်နယ်အစိုးရသည် ပြည်နယ်အတွင်းရှိ ဖွံ့ဖြိုးရေး လုပ်ဆောင်ချက်များနှင့်ပတ်သက်၍ လူထုထံ ချပြခြင်း၊ ဆန္ဒကောက်ယူခြင်းများ မတွေ့ရှိရသေးဟု ကေအိုင်စီသို့ ပြောသည်။

“ကျနော် ကြားနေရတာက ၀န်ကြီးဌာနအသီးသီးတွေမှာ ၀န်ကြီးချုပ်နဲ့ ကာလုံကိုပဲ ကြောက်နေရတယ်။ ကျနော်တို့ ပြည်နယ်ဖွံ့ဖြိုးရေးတွေမှာ အစိုးရက ပွင့်ပွင့်လင်းလင်း လူထုတွေကို ချပြတာ မတွေ့ရသေးဘူး။ ဖွံ့ဖြိုးရေးတွေလည်း ထင်သလောက် ဖြစ်မလာတာကို တွေ့ရတယ်”ဟု စောမြင့်သူက ပြောသည်။

လက်ရှိ ဗဟိုချုပ်ကိုင်မှုစနစ်အပေါ် ကရင်ပြည်နယ် လျှပ်စစ်နှင့် စက်မှုဝန်ကြီးဌာနမှ ၀န်ကြီး စောကြည်လင်း က ပြည်နယ်အစိုးရမှ ချပေးလိုက်သည့် လုပ်ပိုင်ခွင့်နှင့် လုပ်ထုံးလုပ်နည်းများကြောင့် ၀န်ကြီးဌာနအသီးသီးအနေဖြင့် ယခင်က နားလည်မှုအားနည်းခဲ့သည်မှာ မှန်သော်လည်း ယခုအချိန်တွင် နားလည်မှုများရှိ လာပြီး ဖြေလျှော့မှုအချို့ရှိလာပြီဖြစ်သည်ဟု ကေအိုင်စီသို့ ပြောသည်။

စောကြည်လင်းက “ပြည်နယ်အစိုးရအနေနဲ့ အရင်က နားမလည်လို့ရှိခဲ့တယ်။ အခုတော့ နားလည်လာကြ ပြီ။ ဗဟိုထိန်းချုပ်မှု စနစ်တော့ ရှိသေးတာပေါ့။ ဒါပေမယ့် ဖြေလျှော့လို့ရတဲ့အဆင့်တွေ ဖြည်လျော့လိုက်ပါပြီ”ဟု ပြောသည်။

ကရင်ဒီမိုကရက်တစ်ပါတီ(KDP)ကို ပါတီအမှတ်-၅၆ဖြင့် ၂၀၁၁ ခုနှစ်၊ ဇန်န၀ါရီ ၁၁ရက်နေ့တွင် တည်ထောင်ဖွဲ့စည်းခဲ့သည်။

အိုရီဒူး အင်တာနက် အသုံးပြုခ ဈေးနှုန်း လျှော့ချ

DVB

အူရီဒူး အင်တာနက်နှုန်းထားလျော့ချ

ချိုကို

အူရီဒူးက အင်တာနက်နှုန်းထားခများကို ယခင်က1Mbpsကို ၂၅ကျပ် ကောက်ခံရာမှ ၁၀ကျပ်သို့ သြဂုတ် ၃၁ရက်မှ စတင်ကလျော့ချပေးမည်ဟုအူရီဒူးက သြဂုတ် ၃၀ရက်က ထုတ်ပြန်လိုက်သည်။

သို့သော် နေ့စဉ် Data Plan အတွက် နှုန်းထားကိုမူ ပြောင်းလဲခြင်းမရှိပေ။Data Plan အတွက်တစ်နေ့လျှင် 30Mbpsအသုံးပြုခြင်း အတွက် ၅၀၀ကျပ်၊တစ်ပတ်လျှင် 200Mbpsအသုံးပြုခြင်းအတွက် ၃၀၀၀ကျပ်၊ တစ်လလျှင် 1Mbps အသုံးပြုခြင်း အတွက် ၁၂၀၀၀ ကောက်ခံမည်ဖြစ်ပြီး ဖေ့စ်ဘုတ် အခမဲ့ အသုံးပြုနိုင်မည်ဖြစ်သည်။

ယင်းအပြင် အူရီဒူးက ရန်ကုန်မြို့တွင် တာဝါတိုင် ၂၀ တိုးချဲ့ဆောက်လုပ်ပြီး ဖြစ်ကာ သရက်၊ သာယာဝတီ၊ တောင်ငူနှင့်ပြင်ဦး လွင်လေးနေရာတွင်လည်း တာဝါတိုင်များတပ်ဆင်ပြီးဖြစ်သည်ဟု ဆိုသည်။

အူရီဒူးဆင်းကတ်ကို သုံးစွဲသူ ယနေ့အထိ ၉သန်း ရှိနေပြီး စက်တင်ဘာလ၁၅ရက်တွင် ၁၂ဒသမ၃သန်းအထိ ဖြစ်လာမည်ဟုလည်း အူရီဒူးက ခန့်မှန်းထားသည်။

သို့သော် လက်ရှိတွင် အူရီဒူး၏ အင်တာနက် အသုံးပြုမှုနှင့် ဖုန်းအသုံးပြုမှုအတွက် အခက်အခဲများ ရှိနေ၍ ဝေဖန်သံများလည်း ထွက်ပေါ် လျှက်ရှိသည်။

ရခိုင်အစိုးရအဖွဲ့ဝန်ကြီး(၅)ဦး ရာထူးအပြောင်အလဲ နောက်ကွယ်မှ အကြောင်းအရာများ လွှတ်တော်ကိုယ်စားလှယ်များ ထုတ်ဖေါ်ပြောကြား

လင်းမြတ်

များမကြာမီက ရခိုင်ပြည်နယ် အစိုးရအဖွဲ့မှ ၀န်ကြီး (၅) ဦး၏ ရာထူးတာဝန် အပြောင်းအလဲနှင့် ပတ်သက်ပြီး နောက်ကွယ်က အကြောင်းအရာများကို ရခိုင်ပြည်နယ် လွှတ်တော်ကိုယ်စားလှယ်များ ထုတ်ဖေါ်ပြောကြားသည်။

မြေပုံမှ ပြည်နယ်လွှတ်တော်ကိုယ်စားလှယ် ဦးအောင်ဝင်းမှ ရခိုင်ပြည်နယ်ဝန်ကြီးချုပ် ဦးမောင်မောင်အုန်းက ပြည်နယ်ဝန်ကြီး (၅) ဦးအား ကျွမ်းကျင်ရာဌာန အသီးသီးသို့ ပြောင်းလဲခန့်ထားပေးရန် နိုင်ငံတော် သမ္မတထံ တင်ပြခဲ့သဖြင့် ရခိုင်ပြည်နယ်အစိုးရအဖွဲ့မှ ဝန်ကြီး (၅)ဦးကို ဌာနပြောင်းလဲ ခန့်အပ်ခြင်းဖြစ်ကြောင်း ပြောဆိုသည်။

“ မနေ့က ကျင်းပခဲ့တဲ့ ပထမအကြိမ် ရခိုင်ပြည်နယ်လွှတ်တော် ဒသမပုံမှန်အစည်းအဝေးမှာ သမ္မတကြီးဆီးက ပေးပို့တဲ့ စာကို ဖတ်ပြပါတယ်။ အဲဒီစာထဲမှာ ရခိုင်ပြည်နယ် ဝန်ကြီးချုပ် ဦးမောင်မောင်အုန်းရဲ့ တင်ပြမူ အပေါ်မှာ မူတည်ပြီး နေရာပြောင်းလဲ ခန့်အပ်ကြောင်းဖြစ်တယ်လို့ ဖော်ပြထားပါတယ်။ သမ္မတဆီကနေ ထုတ်ပြန်တဲ့ စာမှာ ဝန်ကြီးအပြောင်းအလဲတွေ လုပ်ဖို့အတွက် ဝန်ကြီးချုပ်ကနေ သမ္မတဆီကို တင်ပြတဲ့စာ အပေါ်မှာ မူတည်ပြီးတော့ ပြောင်းလဲလိုက်တယ်ဆိုပြီးတော့ သမ္မတဦးသိန်းစိန်ရဲ့ စာထဲမှာပါတယ်” ဟု ၎င်းက ဆိုသည်။

ထို့သို့ ပြောင်းလဲ ခန့်အပ်ရာတွင် ယခင် ရခိုင်ပြည်နယ် ဘဏ္ဍာရေးဝန်ကြီးဌာနဝန်ကြီး ဦးအောင်ကျော်မင်းအား လူမှုရေးဝန်ကြီးအဖြစ်လည်းကောင်း၊ သစ်တောနှင့် သတ္တုတွင်းဝန်ကြီးဌာန ဝန်ကြီး ဦးကျော်သိန်းအား ပြည်နယ် ဘဏ္ဍာရေးဝန်ကြီးအဖြစ်လည်းကောင်း၊ ပြည်နယ် လူမှုရေးဝန်ကြီး ဦးကျော်ခင်အား သစ်တောနှင့် သတ္တုဝန်ကြီးအဖြစ်လည်းကောင်း၊ ပြည်နယ် စည်ပင်သာယာရေးဝန်ကြီး ဦးမြအောင်အား ပြည်နယ် စီမံကိန်းနှင့် စီးပွားရေးဝန်ကြီးအဖြစ် လည်းကောင်း၊ ဦးမောင်စံရွှေအား စည်ပင်သာယာရေးဝန်ကြီးအဖြစ် လည်းကောင်း အသီသီး ပြောင်းလဲ တာဝန်ပေးအပ်ခဲ့သည်။

သြဂုတ်လ(၁၁)ရက်နေ့ကလည်း ရခိုင်ပြည်နယ်အစိုးရအဖွဲ့အနေဖြင့် လုပ်ငန်းများအကောင်အထည်ဖော်ရာတွင် ထိရောက်မြန်ဆန်မှုမရှိဟုဆိုကာ ပြည်နယ်ဝန်ကြီးချုပ်ထံ တင်ပြခဲ့ကြောင်း ပေါက်တောမြို့နယ်မှ ပြည်နယ် လွှတ်တော်ကိုယ်စားလှယ် ဦးတက်ထွန်းအောင်က ပြောသည်။

“ရခိုင်ပြည်နယ်အစိုးရအဖွဲ့ဟာ လုပ်ကိုင်တဲ့နေရာမှာ ထိရောက်မြန်ဆန်မှုမရှိတဲ့အတွက် ဒီဝန်ကြီးတွေကို ဖိအားပေးဖို့အတွက် လွှတ်တော်ကိုယ်စားလှယ် (၁၆)ယောက်က လက်မှတ်ထိုးပြီးတင်ပြခဲ့ကြတယ်။ အဲဒါနဲ့ ပတ်သက်ပြီး ဒီကိစ္စ(ဝန်ကြီးအပြောင်းအလဲ)ဖြစ်လာတယ်လို့ ယူဆတယ်” ဟု ၎င်းက ပြောသည်။

လုပ်ငန်းများအား အရှိန်အဟုန်မြင့်ဆောင်ရွက်ရန် ရည်ရွယ်ချက်ဖြင့် ဝန်ကြီး(၅)ဦးအား ဌာနအပြောင်းအလဲ လုပ်ခဲ့သော်လည်း ဝန်ကြီးများအနေဖြင့် ဌာနဆိုင်ရာဝန်ထမ်းများအား စနစ်တကျ မကိုင်တွယ်ပါက ရခိုင်ပြည်နယ်ဖွံ့ဖြိုးတိုးတက်ရေးမှာ နဂိုအတိုင်းသာ ရှိမည်ဖြစ်ကြောင်း ဦးတက်ထွန်းအောင်က သုံးသပ် ပြောဆိုသည်။

“တစ်ခုရှိတာက ရခိုင်ပြည်နယ်အစိုးရ အဖွဲ့က ဌာနဆိုင်ရာတွေကို ကိုင်တွယ်လို့ မရဘူးဖြစ်နေတယ်။ ရခိုင်ပြည်နယ်အစိုးရနဲ့ ဝန်ကြီးဌာနတွေဟာ ဌာနဆိုင်ရာတွေကို ထိန်းချုပ်နိုင်မှသာလျှင် အောင်မြင်မယ်လို့ လွှတ်တော်ကိုယ်စားလှယ်တစ်ယောက်အနေနဲ့ ယူဆပါတယ်။ ကောင်းမလား ဆိုးမလားဆိုတာကတော့ ဌာနဆိုင်ရာတွေကို မကိုင်တွယ်နိုင်ဘူးဆိုရင်တော့ နဂိုအတိုင်းပဲ ဖြစ်မှာပေါ့” ဟု ၎င်းက ပြောသည်။

မြေပုံလွှတ်တော်ကိုယ်စားလှယ် ဦးအောင်ဝင်းကလည်း ယခုလိုဆက်ပြောသည်။

”အရင်တစ်ခေါက်လည်း အပြောင်းအလဲဖြစ်ပြီးပြီလေ။ ဆိုလိုတာက အခုအခြေအနေက ခုပြောင်းလိုက်တော့ အခြေအနေတိုးတက်သွားမလားဆိုတာက သိပ်တော့ အပြောင်းအလဲဖြစ်လာမယ်လို့ ကျွန်တော်မထင်ဘူး။ ဒါပေမယ့် စောင့်တော့ ကြည့်ရဦးမှာပေါ့ဗျာ” ဟု ပြောသည်။

လွှတ်တော်သက်တမ်း(၅)နှစ်တာ ကာလအတွင်း ရခိုင်ပြည်နယ် အစိုးရအဖွဲ့မှ ဝန်ကြီးများအား အပြောင်းအလဲ(၂)နှစ်ကြိမ်ပြုလုပ်ခဲ့ပြီး ယခုနေရာပြောင်းလဲခန့်အပ်ခြင်းမှာ ဒုတိယအကြိမ်ဖြစ်သည်။

လွန်ခဲ့သော ရက်ပိုင်းကလည်း ရခိုင်ပြည်နယ်လွှတ်တော်တွက် ဘဏ္ဍာငွေခွဲဝေသုံးစွဲမှုများနှင့် ပတ်သက်ကာ အငြင်းပွားမှုတစ်ချို့ပေါ်ပေါက်ခဲ့ပြီး၊ ယခု ဝန်ကြီးများအား နေရာပြောင်းလဲခန့်အပ်ခြင်းမှာ ဘက်ဂျက်ငွေကိစ္စနှင့် သက်ဆိုင်နိုင်ကြောင်း ဝေဖန်မှုများလည်း ရှိနေသည်။

NGOများအတွက် စစ်တွေ မြို့ပြင်တွင် ပြည်နယ်အစိုးရ နေအိမ်ဆောက်ပေးမည်

ကေဇူး

ရခိုင်ပြည်နယ်တွင် ဒုက္ခသည်များကို အကူအညီပေးရေး လုပ်ငန်းများ ဆောင်ရွက်လျက်ရှိသော နိုင်ငံတကာ အကူအညီပေးရေး အဖွဲ့များကို ပြည်နယ်အစိုးရက စစ်တွေမြို့၏ အပြင်ဘက်၌ သီးခြားနေအိမ်များ ဆောက်လုပ်ပေးမည်ဟုပြည်နယ်အစိုးရ ဆောက်လုပ်ရေးနှင့် လမ်းပန်းဆက်သွယ်ရေး ဝန်ကြီး ဦးလှဟန်က မဇ္ဈိမကို ပြောသည်။

UN အဖွဲ့များအပါအဝင် နိုင်ငံတကာ အကူအညီပေးရေးအဖွဲ့များ အနေဖြင့် စစ်တွေမြို့တွင်းတွင် ရုံးခန်းဖွင့်လှစ်ရန် ဒေသခံများထံမှ အိမ်ငှားရန်းရေးကိစ္စ အဆင်မပြေသဖြင့် ထိုသို့ စီစဉ်ခြင်းဖြစ်သည်ဟု ဦးလှဟန်က ပြောသည်။

“ဈေးမြင့်တာ အပါအဝင် အခက်အခဲ တချို့ကြောင့် ဒီမှာ ရုံးခန်းဖွင့်ဖို့အိမ်ငှားမရတဲ့ အဖွဲ့တွေရှိတယ်၊ ဒါကြောင့် ပြည်နယ်အစိုးရ က ဆောက်ပြီးငှားရန်းမှာ ဖြစ်ပါတယ်”ဟုဦးလှဟန်က ဆိုသည်။

စစ်တွေမြို့၏ အနောက်ဘက် မြေကွက်လပ်တွင် ထိုသို့ တည်ဆောက်ပေးရန်စီစဉ်ထားပြီး ဒီဇင်ဘာလတွင် စတင်နိုင်မည်ဟု ဦးလှ ဟန်ကပြောသည်။

မတ်လ ၂၆ နှင့် ၂၇ ရက်များက NGO အဖွဲ့တစ်ခုက သာသနာ့ အလံကိုမဖွယ်မရာပြုသည်ဟု ဆိုကာ စစ်တွေ ဒေသခံအချို့က နိုင်ငံ တကာအကူအညီပေးရေးအဖွဲ့များ၏ရုံးခန်းများကို ဖျက်ဆီးခြင်းများ ပြုလုပ်ခဲ့သေးသည်။

“NGO တွေနဲ့ ဒေသခံတွေ ပြသနာမဖြစ်ဖို့က တရားဥပဒေစိုးမိုးဖို့နဲ့၊ အကူအညီပေးရေးလုပ်ငန်းတွေ ပွင့်လင်းမြင်သာဖို့လိုတယ်”ဟု အရေးပေါ်ညှိနှိုင်းရေးအဖွဲ့ ECC အဖွဲ့ဝင် ဦးသန်းထွန်းကြေ ပာသည်။

နိုင်ငံတကာ အကူအညီပေးရေး အဖွဲ့ ၂၀ ခန့် ပြန်လည် အကူအညီပေးရေးလုပ်ငန်းတွေ စတင်နေပြီဖြစ်သော်လည်း အချို့အဖွဲ့များမှာ ဝင်ရောက်နိုင်ခြင်း မရှိသေးပေ။

MSF အပါအဝင် နိုင်ငံတကာ အကူအညီပေးရေးအဖွဲ့များကို အစိုးရကပြန်လည် ဖိတ်ခေါ်ထားသည်။ ဒေသခံများကမူ ဒေသတွင်း ပြန်လည်ဝင်ရောက် အကူအညီပေးရေးလုပ်ငန်းများ လုပ်ကိုင်ရန် မာတေဇာ အဖွဲ့နှင့် နယ်စည်းမထားဆရာဝန်များအဖွဲ့MSF ကို ကန့်ကွက်ထားဆဲဖြစ်သည်။

အီဘိုလာ ရောဂါအကြောင်း ကျန်းမာရေး ဟောပြော

DVB

ဖွဲ့စည်းပုံအခြေခံဥပဒေကိုကာကွယ်မည့် ကာကွယ်ရေးဦးစီးချုပ်မိန့်ခွန်း ပြည်သူ့ဆန္ဒနှင့် ဆန့်ကျင်ရာကျဟုဆို

မင်းမင်း

လွှတ်တော်ကပြင်ဆင်ရန် ကြိုးပမ်းနေသည့် ၂၀၀၈ ဖွဲ့စည်းပုံအခြေခံဥပဒေသည် ပြည်သူ့ဆန္ဒနှင့်အညီ ရေးဆွဲအတည်ပြုထားသည့် အတွက်တပ် မတော်က ဥပဒေပါပြဋ္ဌာန်း ချက်များကိုလည်း ကာကွယ်စောင့်ရှောက် ရမည်ဟု တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောဆိုလိုက်သည်။

မှော်ဘီရှိ တပ်မတော်(ကြည်း) ဗိုလ်သင်တန်းကျောင်းတွင် သြဂုတ် ၂၈ ရက်ကပထမဆုံးအကြိမ် ပြုလုပ်သည့် အမျိုးသ မီးဗိုလ်လောင်းသင်တန်းဆင်းပွဲတွင်တပ်စစ်ဆေးနေသည့်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်ကို တွေ့ရစဉ်။ ယင်းမိန့်ခွန်းတွင် ၂၀၀၈ ဖွဲ့စည်းပုံသည် ပြည်သူ့ဆန္ဒနှင့်အညီ ဖြစ်၍တပ်မတော်ကကာကွယ်ရမည်ဟုကာချုပ်ကပြော သည်။ ဓာတ်ပုံ-အမ်အင်န်အေ

“ပြည်သူလူထု၏ ဆန္ဒနှင့်အညီရေးဆွဲအတည်ပြုထားသည့် ဖွဲ့စည်းပုံအခြေခံဥပဒေကို တပ်မတော်ကလေးစားလိုက်နာရမှာဖြစ်သ ကဲ့သို့ ဖွဲ့စည်းပုံအခြေခံဥပဒေပါ ပြဋ္ဌာန်းချက်များကိုလည်းကာကွယ် စောင့်ရှောက် သွားရမည်”ဟု ဗိုလ်ချုပ်မှူးကြီး မင်းအောင်လှိုင် က ပြောသည်။

မှော်ဘီရှိ တပ်မတော်(ကြည်း) ဗိုလ်သင်တန်းကျောင်းတွင် သြဂုတ်လ ၂၈ ရက်ကပြုလုပ်သည့် ပထမဆုံး အကြိမ်ဘွဲ့ရအမျိုးသမီး ဗိုလ်လောင်းသင်တန်းဆင်းပွဲမိန့်ခွန်းတွင် ယင်းသို့ပြောဆိုခဲ့ခြင်းဖြစ်သည်။

ယင်းအပြင် အခြေခံဥပဒေသည် တိုင်းရင်းသားကိုယ်စားလှယ်များ၊ အသိပညာရှင်၊ အတတ်ပညာရှင်များ စုပေါင်းပြီး နိုင်ငံတော်နှင့် တိုင်းရင်းသားပြည်သူတစ်ရပ်လုံးအတွက် စနစ်တကျ အချိန်ယူရေးဆွဲခြင်း၊ ပြည် ပနိုင်ငံများ၏ဒီမိုကရေစီ ကိုပုံတူကူးချခြင်းမဟုတ် ဘဲ နိုင်ငံ၏ပထ၀ီ အနေအထား၊ ရိုးရာယဉ်ကျေးမှုနှင့် ဓလေ့ ထုံးတမ်း၊ သမိုင်းအစဉ်အလာတို့ကိုပါ ထည့်သွင်းစဉ်းစားပြီး ရေးဆွဲအ တည်ပြုခဲ့ခြင်းဖြစ်သည်ဟု ကာကွယ် ရေးဦးစီးချုပ်က ပြောသည်။

ပြည်ထောင်စုလွှတ်တော်အပါအ၀င် အတိုက်အခံပါတီများ၊ တိုင်းရင်းသားတို့နှင့် ပြည်သူများက ဖွဲ့စည်းပုံ ကိုပြင်ဆင်ရန် ဆန္ဒရှိနေ ချိန်တွင်ပြောဆိုသည့် ကာကွယ်ရေးဦးစီးချုပ်၏ အဆိုပါမိန့်ခွန်းကို “လူအများနှစ် ခြိုက်အပ်သည့် မိန့်ခွန်းမဟုတ်”ဟု NLD ပါတီမှ အမျိုးသားလွှတ်တော်အမတ် ဦးအောင်ကြည်ညွန့်ကမှတ် ချက်ပြုသည်။

“ဖွဲ့စည်းပုံအခြေခံဥပဒေက ပြည်သူလူထုရဲ့ သဘောထားနဲ့ရေးထားတာဆိုပြီး မျက်စိမှိတ်ပြီးကာကွယ်မယ် ဆိုတဲ့ရည်ရွယ်ချက်နဲ့ြေ ပာတာ ဆိုရင်တော့ လက်ရှိပြည် သူလူထုရဲ့ဆန္ဒနဲ့ ပြုပြင်ဖို့ရာ လိုအပ် တယ်ဆိုတဲ့ တောင်းဆို မှုတွေကို ဆန့်ကျင် တယ်ဆိုတဲ့ အဓိပ္ပာယ်မျိုးသက်ရောက်သွားတာပေါ့”ဟု ဦးအောင်ကြည်ညွန့် ကပြောသည်။

ဖွဲ့စည်းပုံ အခြေခံ ဥပဒေကို တစ်နိုင်ငံလုံး တွင် ပြည်လုံးကျွတ် ဆန္ဒခံယူပွဲကျင်းပကာ အတည်ပြုခဲ့သော ၂၀၀၈ မေလ၁၀ရက် သည် ပြည်သူတစ်သိန်းကျော်သေကြေစေခဲ့သောနာဂစ်မုန်တိုင်းတိုက်ခတ်ပြီးရက်သတ္တတစ်ပတ်ကျော်သာကြာသေးသည့်အချိန်ဖြစ် သဖြင့် ထိုအတည်ပြုချက်သည် သံသယဖြစ်ဖွယ်ရာရှိ သည်ဟု ဝေဖန်မှုများရှိခဲ့သည်။

အဆိုပါ ၂၀၀၈ အခြေခံဥပဒေကို ပြည်သူ ၉၂ ဒသမ ၄ ရာခိုင်နှုန်းက ထောက်ခံခဲ့သည်ဟုယခင်တပ်မ တော်ကာကွယ်ရေးဦးစီးချုပ် ဗိုလ်ချုပ်မှူးကြီးသန်းရွှေဦးဆောင်သည့် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီက ကြေညာခဲ့သည်။

ယင်းသို့ ပြည်သူကိုးဆယ်ရာခိုင်နှုန်းကျော် ထောက်ခံသည်ဆိုခြင်းကိုမယုံကြည်ဟုအတိုက်အခံခေါင်း ဆောင်ဒေါ်အောင်ဆန်းစုကြည်က ဇွန်လ ၉ ရက် ပြင်ဦးလွင် ပြည်သူများနှင့်တွေ့ဆုံစဉ် ပြောဆိုထား သည်။

“ကျွန်မတို့ဖွဲ့စည်းပုံအခြေခံဥပဒေဟာ တကယ်တော့စစ်မှန်တဲ့ ဒီမိုကရေစီနဲ့မကိုက်ညီတဲ့ ဥပဒေပဲဖြစ် တယ်။ဒါကျွန်မရှင်းရှင်းလင်း လင်းပဲ ပြောမယ်။ တချို့ကပြောတယ်။ ဒီဖွဲ့စည်းပုံအခြေခံဥပဒေဟာ ပြည်သူ တွေကလက်ခံပြီးတော့ အတည်ပြုခဲ့တာပါဆို ပြီး ပြောတယ်။ အဲဒါကို ကျွန်မသိပ်မယုံကြည်ဘူး”ဟု ၎င်းက ဆိုသည်။

ကာကွယ်ရေးဦးစီးချုပ်က ပြည်သူ့ဆန္ဒနှင့်အညီ ရေးဆွဲအတည်ပြုထားသည်ဟု ပြောဆိုသည့် အခြေခံဥပ ဒေကို“တစ်ဖက်သတ်ရေး ဆွဲထားတဲ့ ဖွဲ့စည်းပုံအခြေခံ ဥပဒေ”ဟု ၈၈ မျိုးဆက် ကျောင်းသားခေါင်းဆောင် ဦးဂျင်မီကလည်း ဝေဖန်သည်။

“တကယ်တိုင်းပြည်ကိုတိုးတက်စေချင်တဲ့ဆန္ဒရှိတယ်ဆိုရင် ဒီဖွဲ့စည်းပုံအခြေခံဥပဒေ ပြင်ကိုပြင်ရမယ်ဗျာ။ အဲ့ဒါကိုဘာမှကွယ်ဝှက် မနေနဲ့တော့”ဟု ၎င်းကပြောသည်။

ဖွဲ့စည်းပုံပြင်လိုလျှင် အနိမ့်ဆုံးလိုအပ်ချက်အဖြစ် ပြည်ထောင်စုလွှတ်တော်အမတ် စုစုပေါင်း၏ ၇၅ရာခိုင် နှုန်းထောက်ခံရန်လိုအပ် သည်ဟု ပြဋ္ဌာန်းထားသည်။ ယင်းကို အခြေခံဥပဒေအရ တပ်မတော်သား ၂၅ ရာခိုင်နှုန်းခန့်အပ်ပိုင်ခွင့်ရှိသည့် ကာကွယ်ရေးဦးစီး ချုပ်က ကာကွယ်ရန်ပြောဆိုခြင်းဖြစ်သည်။

ဖွဲ့စည်းပုံကို သမ္မတဦးသိန်းစိန်ကိုယ်တိုင် ပြည်သူဆန္ဒရှိကပြင်နိုင်သည်ဟု ပြောဆိုထားသည်။ ဖွဲ့စည်းပုံအခြေခံဥပဒေကို သော့ ခတ်မထားဘဲ ပြင်ဆင်လိုကပြင်ဆင်နိုင်သည်ဟု အမေရိကန်ခရီးစဉ်တစ်ခုတွင် ပြောခြင်းဖြစ်သည်။

ရခိုင်ပြည်နယ်မှ ဘင်္ဂါလီ ဒုက္ခသည်များ ထပ်မံထွက်ပြေး

ကေဇူး

ရခိုင်ပြည်နယ်၊ ကျောက်ဖြူမြို့နယ်၊ ကျောက်တလုံးဒုက္ခသည်စခန်းမှ ဒုက္ခသည် ၂၉ ဦးသည် သြဂုတ် ၂၈ က ထပ်မံထွက်ပြေးခဲ့ ရာ တောင်ကုတ်မြို့နယ်စစ်ဆေးရေးဂိတ်တွင် ဖမ်းဆီးမိခဲ့သည်ဟု ရခိုင်ပြည်နယ်အစိုးရအဖွဲ့ ပြန်ကြားရေးကော် မတီအတွင်းရေး မှူး ဦးဝင်းမြိုင်က မဇ္ဈိမကိုပြောသည်။

သြဂုတ် ၂၇ ရက်က မြေပုံမြို့နယ် ဒုက္ခသည်စခန်းမှ ဒုက္ခသည် ၁၂၀ ခန့် ထွက်ပြေးခဲ့ရာ ပြန်လည်ဖမ်းဆီး မိခဲ့ပြီး နောက်တစ်ရက် တွင် ကျောက်တလုံး ဒုက္ခသည်စခန်းမှ ဒုက္ခသည်များထပ်မံ ထွက်ပြေးခဲ့ခြင်းဖြစ် သည်။

ဦးဝင်းမြိုင်က“တောင်ကုတ်အုပ်ချုပ်ရေးမှူးကိုအပ်လိုက်ပြီ။ ကျောက်ဖြူကို ပြန်ပို့မယ်ထင်တယ်”ဟု ပြောသည်။အဆိုပါ ကျောက်တ လုံးဒုက္ခသည်စခန်းတွင် ဒုက္ခသည် ၁,၅၀၀ ကျော်ရှိပြီးယခင်က ကျောက်ဖြူမြို့တွင်းရှိ ရပ်ကွက်များတွင် နေထိုင်ခဲ့သူ များဖြစ်သည် ဟုလည်း ၎င်းတို့ကဆို သည်။

ကျောက်တလုံးဒုက္ခသည်စခန်းဒုတိယအကြီးအကဲဦးသာလုချေက“ကျွန်တော်တို့ဒီဒုက္ခသည်စခန်းမှာမနေနိုင်တော့ဘူး။ ဒေသတွင်း မှာလည်း ပြန်တည်ငြိမ်နေပြီဖြစ်တဲ့အတွက် ပြန်ပြောင်းရွှေ့ပေးဖို့ တင်ပြ ထားတယ်၊ မပြောင်းပေးဘူး”ဟု မဇ္ဈိမကို ပြောသည်။

ကျောက်တလုံး ဒုက္ခသည်စခန်းမှ ထွက်ပြေးသူများသည် ကားလမ်းမှတစ်ဆင့် ထွက်ပြေးခြင်းဖြစ်ပြီး မြေပုံ ဒုက္ခသည်စခန်းမှ ထွက်ပြေးသူများသည် ရေလမ်းမှတစ်ဆင့် ထွက်ပြေးခြင်းဖြစ်သည်။

စစ်တွေ၊ ရသေ့တောင်၊ မောင်တော၊ ပေါက်တော၊ မြောက်ဦး၊ မင်းပြား၊ မြေပုံ၊ ကျောက်ဖြူ၊ ရမ်းဗြဲတို့တွင် ဒုက္ခသည် တန်းလျားများ တည်ဆောက်ထားကာ ဒုက္ခသည်စခန်း ၄၃ ခုရှိပြီး ဒုက္ခသည် ၁၄၀,၀၀၀ ကျော် ရှိသည်။

စပါးပင်ခရုကိုက်၍ လယ်စိုက်ရန်တောင်သူများအခက်ကြုံ

ဂျူရီချိုင်း

မွန်ပြည်နယ်၊ (ဘီးလူးကျွန်း)ချောင်းဆုံမြို့နယ်အတွင်းရှိ ကျေးရွာလယ်ကွက်များတွင် ခရုတစ်မျိုး ကိုက်ဖြတ်စားသုံးသဖြင့် စပါးပင်များ သေကြေပျက်စီးနေသဖြင့် လက်စိုက်တောင်သူများ အခက်ကြုံနေရသည်။

“ပြီးခဲ့တဲ့ ဇူလိုင်လရေကြီးတုန်းက သံလွင်မြစ်ရေမြင့်တက်တော့ အဲဒီခရုတွေပါလာတယ်၊ ခရုကိုက်လို့ စပါးပင်တွေအကုန်နီးပါးပျက်စီးကုန်တယ်၊ ပိုးသတ်ဆေးသုံးတာလဲမရဘူး၊ တချို့ကိုက်ထား တဲ့နေရာတွေမှာ ပြန်စိုက်ဖို့အချိန်မမှီတော့ဘူး ထပ်လဲမစိုက်နိုင်တော့ဘူး ဒီတိုင်းပဲပစ်ထားတယ်၊ ကျနော်တို့ ကော့မုပွန် ရွာ စိုက်ပျိုးဧကနှစ်ထောင်ကျော်မှာ သုံးပုံတစ်ပုံ ဖျက်စီး ခံရတယ်” ဟု ကော့မုပွန်ရွာမှ လယ်ပိုင်ရှင်တစ်ဦးက ပြောသည်။

ချောင်းဆုံမြို့နယ်၊ ကော့မုပွန်ရွာအနက် အနီးတဝိုက်ကျေးရွာများသည့် ဒေါင်းရပ်၊ ကညှော်၊ ဘိုးနက် အစရှိသော သံလွင်မြစ်ကမ်းနံဘေးရှိ လယ်ဧကအများအပြား၌ စပါးပင်များ ပျက်စီးဆုံးရှုံး လျက် ရှိသည်။

လွန်ခဲ့သော ၂၀၁၁ ခုနှစ်ခန့်က သံလွင်မြစ်ကြောင်းအတိုင်း ခရုများသည် ရေနှင့်အတူ မျောပါလာခဲ့ရာ ပေါက်ပွားမှုနှုန်း အလွန်မြန်သည်ဟု သိရပြီး ရေမြောင်း တာတမံများရှိပါက ၎င်းခရုများ ရေမြောင်းထဲမျောပါသွားသဖြင့် လယ်ကွင်းတွင်းမရောက်ရှိနိုင်ဟု ဆိုသည်။

ဒေါင်းရပ်ရွာမှ ဒေသခံလယ်သမားတစ်ဦးက “ကျနော့်အနေနဲ့ လယ်လုပ်တာရှုံးတယ်၊ သူရင်းငှားပေး ရတာနဲ့ လယ်ထွန်စက်ငှားရတာနဲ့ ဘယ်လိုမှမကိုက်တော့ဘူး၊ ကျနော်တောင် စိတ်ဓါတ် ကျလို့ လယ်မစိုက်ချင်စိတ် တောင်ပေါက်လာတယ်၊ လယ်မစိုက်ရင် အစိုးရသိမ်းလိုက်မှာကြောက်လို့ ဖြစ်သလို စိုက်နေရတယ်” ဟု ပြောသည်။

ယင်းကဲ့သို့ လယ်ဧကများစွာပျက်စီးခံရသဖြင့် လယ်ယာစိုက်ပျိုးရေး ဘဏ်မှချေးငွေများကို တချို့လယ်သမားများအနေဖြင့် မိမိကျွဲနွားများရောင်းချမှသာ ပြန်လည်ပေးဆပ်နိုင် တော့မည်ဟု လယ်ပိုင်ရှင်များက ပြောဆိုနေကြသည်။

ချောင်းဆုံမြို့နယ်၊ ပြည်နယ်လွှတ်တော်အမတ် ဒေါက်တာအောင်နိုင်ဦးက “ခရုဒါဏ်ခံရတာ (၃)နှစ်လောက်ရှိပါပြီ၊ အပင်စိုက်စနစ်နဲ့ စိုက်တဲ့လယ်တွေကတော့ အထိနာပါတယ်၊ အချို့နေရာတွေက ချဲပြီးစိုက်တော့ သက်သာတယ်” ဟု ပြောသည်။

အလားတူ ပေါင်မြို့နယ် ကော့ကရင်ကျေးရွာအနီးရှိ ကျံကပိုင်ကွင်းတွင်လည်း ခရုကိုက် ဖျက်ခြင်း ကြောင့် စိုက်ပျိုးပြီးစီးခဲ့သော လယ်ဧက ၁၅၀ ကျော်အနက် ဧက ၁၀ဝ ကျော်ခန့် ပျက်စီးဆုံး ရှုံးခဲ့သည်ဟု ဒေသခံလယ်သမားများထံမှ သိရသည်။

အဆိုပါခရုများသည် လွန်ခဲ့သည့် ၃ နှစ်ခန့်မှစတင်၍ မွန်ပြည်နယ်၊ ကရင်ပြည်နယ်၊ တနင်္သာရီ တိုင်း ဒေသကြီးတို့တွင် စတင်တွေ့ရှိခဲ့ပြီး ဥများမှာ အခြားခရုများနှင့်မတူဘဲ အနီရောင်ဖြစ်ကာ တစ်ပတ် တစ်ကြိမ်ခန့် ဥရေ သောင်းဂဏန်းအထိ ဥနိုင်ပြီး ရာသီမရွေးပေါက်ဖွားနိုင်သည်ဟု ဆိုသည်။

ထို့အပြင် ဥများ ၂၅ ရက်အတွင်း သားဖောက်မျိုးပွားနှုန်းမြန်ဆန်၍ စပါးပင်များသာမက ငါး၊ ဖားများ ကိုပါ စားသောက်သောခရုအမျိုးအစားတစ်မျိုးဖြစ်သည်ဟု လေ့လာသိရှိရသည်။

အောင်ပန်းမြို့ ဗုံးပေါက်မှု တလကျော်ပေမယ့် တရားခံမပေါ်သေး

DVB

အခမဲ့ပညာရေး မဖြစ်နိုင်သေးဟု သမ္မတမှတ်ချက်ပြု

ဇာနည်အောင်

ပြည်ထောင်စုလွှတ်တော်က အတည်ပြု ပြီးဖြစ်သည့် အမျိုးသားပညာရေး ဥပဒေမူကြမ်းအပေါ် သမ္မတက မှတ်ချက်ပြုရာတွင်၎င်း ၏အစိုးရသက်တမ်းအတွင်း အခမဲ့အလယ်တန်း ပညာရေးစနစ်ပုံဖော်ရန် မဖြစ် နိုင်သောအချက်ပါဝင်သည်ဟု ဥပဒေကြမ်း ပူးပေါင်းကော်မတီ အဖွဲ့ဝင် ဦးဘရှိန်က မဇ္ဈိမကို ပြောသည်။

နိုင်ငံ၏ လက်ရှိစီးပွားရေးအခြေအနေများကြောင့် ပုံဖော်ပေးရန်မဖြစ်နိုင်သေးဟု သမ္မတက ပြည်ထောင် စုလွှတ်တော်သို့ သဘော ထားပို့သည်ဟု ၎င်းကဆိုသည်။

ပြည်ထောင်စုလွှတ်တော်က အတည်ပြုလိုက်ပြီဖြစ်သည့် အဆိုပါဥပဒေကြမ်းအပေါ် သမ္မတက သဘော ထားမှတ်ချက်၂၅ချက် ကို ပြည်ထောင်စုလွှတ်တော် နာယကထံသို့ သ၀ဏ်လွှာပြန်လည်ပေးပို့ ထားခြင်း ဖြစ်သည်။

သမ္မတ၏ သဘောထားမှတ်ချက် ၂၅ ချက်တွင် ဥပဒေမူကြမ်းပါ စနစ်တစ်ခုလုံးကို ၂၀၁၇ခုနှစ်မှသာအ ကောင်အထည်ဖော်နိုင်မ ည်ဖြစ်ကြောင်း၊ အလယ်တန်အခမဲ့ ပညာရေးစနစ်ပုံဖော်ပေးရာတွင် တိုင်းပြည် ၏ စီးပွားရေးအခြေအနေများကြောင့် မဖြစ်နိုင်ေ သးကြောင်း၊ တက္ကသိုလ်များ၏ ကိုယ်ပိုင်လွတ်လပ်စွာ စီမံခွင့်ပေးမည်ဖြစ်ပြီး တာဝန်ယူမှု၊ တာဝန်သိမှုများဖြင့် သွားသင့်ကြောင်း၊ အရပ်ဘက်အဖွဲ့အစည်းများ ထံမှပေးပို့ထားသော အကြုံပြုချက်များကို လက်ခံဆွေးနွေးကာ ထည့်သွင်းစဉ်းစား သင့်ကြောင်းစ သဖြင့် ပါဝင်သည်ဟု ဥပဒေ ကြမ်းကော်မတီအဖွဲ့ဝင်က ပြောသည်။

ဦးဘရှိန်က “သမ္မတကြီးရဲ့ သဘောထားမှတ်ချက်ကို ဥပဒေကြမ်းကော်မတီက ပြန်လည်ဆွေးနွေးမှာ ဖြစ်ပါတယ်။ ဥပဒေကြမ်း တစ်ခုလုံးက ပြီးပြည့်စုံတယ်လို့ဆိုလို့ မရသေးပါဘူး။ ပညာရေးရဲ့ အချက်အချာ အကျဆုံးမို့လို့ အားလုံးပါဝင်ဖို့လိုပါ တယ်” ဟု ပြောသည်။

ယင်းကို ပြည်ထောင်စုလွှတ်တော်နာယကကဥပဒေကြမ်းကော်မတီထံသို့ ပေးပို့ထားပြီးဖြစ်ပြီးစက်တင်ဘာ၁၂ရက်တို့တွင် ကော်မတီ၌ ဆွေးနွေးမည်ဟု ဦးဘရှိန်ကဆိုသည်။ယင်းနောက်အစီရင်ခံစာ ပြုစုကာ ပြည်ထောင်စုလွှတ်တော်သို့တင်သွင်းသွားရန်ဥပဒေကြမ်းပူးပေါင်း ကော်မတီက စီစဉ်ထားသည်။

လက်ရှိတွင် အစိုးရက အခမဲ့ပညာရေးစနစ်ဖော်ဆောင်နေပြီး ကျောင်းအပ်ခ၊ သင်ရိုးဖတ်စာအုပ်၊ ကျောင်း ထောက်ပံ့စရိတ် ပမာ ဏအချို့ ပေးအပ်ခြင်းကို လုပ်ဆောင်ပေးနေသည်။ ထို့ပြင် ယခုနှစ်ပညာသင်နှစ်မှစ ၍ မြို့နယ်ရှစ်မြို့နယ်တွင် အခြေခံပညာေ ကျာင်းသား၊ ကျောင်းသူများအတွက် ပညာသင်ထောက်ပံ့စရိတ် ပမာဏအချို့ ထောက်ပံ့ခြင်းကို စတင်နေပြီဖြစ်သည်။

မန္တလေးစည်းကမ်းဖောက်ယာဉ် အမှုပေါင်း ၄၉၀ မှုရှိ

ရွှေအောင်

မန္တလေး စည်ပင်သာယာနယ်နိမိတ်အတွင်း စည်းကမ်းဖောက်ဖျက်တဲ့ စားသောက်ဆိုင်တွေနဲ့ မော်တော်ဆိုင်ကယ်၊ မော်တော်ယာဉ်တွေကို စီမံချက်ချပြီး အရေးယူ ဆောင်ရွက်နေတာ ၁၇ ရက်အတွင်း ဒဏ်ရိုက်အရေးယူခဲ့တဲ့ အမှုပေါင်း ၄၉၀ ရှိတယ်လို့ မြို့တော်စည်ပင်သာယာရေး ကော်မတီ တွဲဘက်အတွင်းရေးမှူး ဦးသက်နိုင်ထွန်းက ပြောပါတယ်။

မန္တလေးမြို့အတွင်း ယာဉ်စည်းကမ်းဖောက်ဖျက်တာကြောင့် ယာဉ်ကျောကျပ်တာတွေ ဖြစ်ပွားနေတာကို ဖြေရှင်းတဲ့အနေနဲ့ သြဂုတ် ၁၂ရက်ကစပြီး စီမံချက်ချဖမ်းဆီး အရေးယူ လုပ်ဆောင်နေတာ ဖြစ်ပါတယ်။

စီမံချက်ကာလအတွင်း ဖမ်းဆီးအရေးယူခဲ့ပုံကို မန္တလေးစည်ပင်သာယာအဖွဲ့က တွဲဘက် အတွင်းရေးမှူး ဦးသက်နိုင်ထွန်း အခုလို ပြောပါတယ်။

“၁၂ ရက် ၈ လကနေပြီး ၂၂ ရက် ၈ လအထိ အားလုံးပေါင်း ကားဆိုင်ယ် ဖမ်းဆီးအရေးယူမှု ပေါင်း ၄၉၀ ရှိတယ်။ ဒဏ်ရိုက်တာပေါ့။ ဒဏ်က ၁ သောင်းကနေ ၃ သိန်းအထိရှိပြီး ကျနော်တို့က ၃ သောင်းရိုက်တယ်။ ၂ ထပ်ရပ်တာရော၊ မရပ်ရနေရာတွေမှာ ရပ်တာရော စုစုပေါင်းပေါ့။ ဆိုင် ၃ ဆိုင်ရှေ့ကနေ ကားနဲ့ ဆွဲတာတွေရှိတယ်။ လိုင်စင်တော့မပိတ်ပါဘူး။ ပထမအကြိမ်၊ ဒုတိယအကြိမ်၊ တတိယအကြိမ် ပြီးရင်တော့ လိုင်စင်ပိတ်မှာပေါ့။ ”


ဖမ်းဆီးအရေးယူတဲ့နေရာမှာ နယ်မြေခံရဲ၊ စည်ပင်သာယာရဲတပ်ဖွဲ့နဲ့ အရံမီးသတ်တပ်ဖွဲ့တို ပူးပေါင်းပါ ၀င်ပြီး အရပ်ဝတ်နဲ့လူတွေ ပါဝင်ခြင်း မရှိဘူးလို့ ပြောပါတယ်။

မန္တလေးမြို့ခံ သတင်းအယ်ဒီတာ ကိုစန်းယုကျော်ကတော့ စည်းကမ်းဖောက်ဖျက်တဲ့ ဆိုင်ကယ်နဲ့ မော်တော်ကားတွေကို ဖမ်းဆီးအရေးယူနေတာ တွေ့နေရပေမယ့် ယာဉ်ကျောကျပ်တာ သိသိသာသာ ရှင်းသွားတာတော့ မရှိသေးဘူးလို့ ပြောပါတယ်။

“ယာဉ်ကျော ပိတ်ဆို့တာ အဲဒီတခုတည်းနဲ့တော့ မဟုတ်ဘူးဗျ။ မန္တလေးမှာရှိတဲ့ လမ်းတွေ လမ်းတွေက တိုတယ်။ တိုတဲ့အခါမှာ မီးပွိုင့်တွေနေရာမှာ ယာဉ်ကျောတွေ ပိတ်နေတုန်းပဲ။ ယာဉ် ၂ မရပ်ဖို့ ဆိုင်းဘုတ်တွေလည်း တွေ့လာရတယ်။ သို့ပေမယ့် အဲဒါတွေက ယာဉ်ကျောပိတ်ဆို့မှုရဲ့ အပိုင်းအစလေးတခုပဲ ရှိသေးတယ်။ အခြားဟာတွေ ရှိသေးတယ်။ စည်းကမ်းလုပ်တဲ့အချိန်မှာ တော့ ရှင်းတယ်။ ကျန်တဲ့အချိန်တွေမှာ သွားရလာရတာ သိသိသာသာ ရှင်းသွားတယ်လို့တော့ မရှိပါဘူး။”

မန္တလေးမြို့တော်စည်ပင်သာယာရေးကော်မတီကတော့ စည်းကမ်းဖောက်ဖျက်တဲ့ စားသောက်ဆိုင်နဲ့ ယာဉ်တွေကို အချိန်ကာလ သတ်မှတ်ချက်မထားဘဲ စီမံချက်နဲ့ ဆက်လက်အရေးယူသွားမယ်လို့ ထုတ်ဖော်ပြောဆိုထားကြောင်းပါ။

မဟာသိန္တိသုခကိစ္စ ဦးဆန်းဆင့်မပါဟု သာသနာရေးဝန်ကြီးဦးစိုးဝင်း ထွက်ဆို

အောင်သူရထွန်း

ညအချိန်မတော် မဟာသိန္တိသုခဘုန်းကြီးကျောင်းကို ၀င်ရောက်စီးနင်းခဲ့ရာတွင် သာသနာရေးဝန်ကြီး ဟောင်းဦးဆန်းဆင့် ပါဝင်ပတ်သက်ခြင်းမရှိဟု လက်ရှိတာဝန်ထမ်းဆောင်နေသော သာသနာရေးဝန် ကြီးဌာန ပြည်ထောင်စုဝန်ကြီးဦးစိုးဝင်းက ဒက္ခိဏခရိုင်တရားရုံးတွင် ထွက်ဆိုသည်ဟု တရားလွှတ် တော်ရှေ့နေ ဦးတင်ထွန်းက ပြောသည်။

တရားလွှတ်တော်ရှေ့နေ ဦးတင်ထွန်း က “(၁၁) ကြိမ်မြောက် ရုံးချိန်းတုန်းက ဦးစိုးဝင်းနဲ့ ဦးမြင့်ဆွေတို့ အကောင်အထည်ဖော်တဲ့ မဟာသိန္တိသုခကျောင်းတိုက်ကိစ်္စမှာ ဦးဆန်းဆင့် မပါဝင်ကြောင်း ထွက်ဆိုသွား တယ်။ တို့နဲ့မဆိုင်တာမပါတာဆို မပြော ချင်ဘူး” ဟု သြဂုတ်လ ၂၉ ရက် တရားခွင်တွင် ထွက်ဆိုခဲ့သည်ကို ပြောသည်။

မဟာသိန္တိသုခကျောင်းတိုက်ကိစ်္စတွင် ဦးဆန်းဆင့်ပါဝင်ပတ်သက်ခြင်း တစ်စုံတစ်ရာ မရှိသည့်အတွက်တရားလွှတ်တော် ရှေ့နေ ဦးတင်ထွန်းက ဦးဆန်းဆင့်နှင့် သက်ဆိုင်သောကိစ္စများကိုသာ ဆောင်ရွက် လိုခြင်းဟုရည်ညွှန်းပြောကြားသည်။

ပြစ်မှုကြီးမှု ၄၂/၁၄ ပုဒ်မ ၁၂၄(က) အတွက် ပြန်ကြားရေးဒုဝန်ကြီး ဦးပိုက်ထွေး၊ နိုင်ငံခြားရေး ဒု-၀န်ကြီး ဦးတင်ဦးလွင်၊ အမျိုးသား လွှတ်တော်ညွှန်ချုပ် (ယခင် သမ္မတရုံးဒု-ညွှန်ချုပ်) ဦးကြည်မင်းတို့ သုံးဦးအား (၁၂)ကြိမ်မြောက်ရုံးချိန်တွင် ဒက္ခိဏခရိုင်တရားရုံး၌ စစ်ဆေးခဲ့သည်။

သို့ရာတွင် ယင်းလိုပြသက်သေသုံးဦး စစ်ဆေးပြီးချိန်၌ နိုင်ငံတော်ဘက်မှ လိုက်ပါဆောင်ရွက်နေသည့် အကျိုးတော်ဆောင်များက ပုဒ်မ ၁၂၄(က)တွင် သက်သေ အားလုံး ၃၆ ယောက်အနက် ၁၉ ယောက် စစ်ဆေးခဲ့ပြီးပုဒ်မ-၄၀၉ အတွက် သက်သေ၂၈ ယောက် တွင် ၁၃ ယောက် စစ်ဆေးပြီး သည့်အခြေအ နေတွင် ဦးဆန်းဆင့်အား စွဲချက်တင်သင့်မတင်သင့် လျှောက်လဲပါရစေဟု ရုံးတော် သို့ မေးမြန်းခဲ့ကြောင်း ဦးတင်ထွန်းက ဆိုသည်။

ဦးဆန်းဆင့်၏ရှေ့နေက “ကျွန်တော်တို့ ဘက်ကလည်း စွဲချက်မတင်ထိုက်ကြောင်း ပြောခွင့်ရှိတာပေါ့၊ လာ မယ့်ရုံးချိန်းစက်တင် ဘာလ ၂ ရက် အင်္ဂါနေ့မှာ စွဲချက်တင်သင့်မတင်သင့် နှစ်ဖက်လျှောက်လဲမယ်”ဟု မဇ္ဈိမကို ပြောသည်။

ရန်ကုန်တိုင်းထဲ တပတ်အတွင်း ယာဉ်မတော်တဆမှု ၄၅မှုရှိ

DVB

အလုပ်လုပ်ချိန် အပြည့်ရရန် မဲဆောက်ရှိ မြန်မာစက်ရုံအလုပ်သမား ၈၀ တိုင်ကြားမှုပြုလုပ်

စဖန်းရှောင်း

ထိုင်း-မြန်မာနယ်စပ် တာ့ခ်ခရိုင်အတွင်းရှိ မဲဆောက်မြို့အနီး ဝှေ့မုရွာတွင်ရှိသော JAGUAR စတီး စက်ရုံရှိ မြန်မာစက်ရုံအလုပ်သမား ၈၀ ဦးက အလုပ်ချိန် အပြည့်အ၀ မရရှိသဖြင့် မဲဆောက် ထိုင်းအလုပ်သမား ရုံး(ဆ၀ါဒီကန်)ရုံးသို့ ယနေ့ သြဂုတ် ၂၉ ရက်နေ့တွင် တိုင်ကြားမှုတစ်ခု ပြုလုပ်ခဲ့ကြောင်း သိရသည်။

အဆိုပါစတီးပစ္စည်းထုတ်လုပ်သည့် စက်ရုံတွင် ထိုင်းနှင့်မြန်မာအလုပ်သမားပေါင်း ၁၀၀ ခန့်ရှိသည့်အနက် ထိုင်း အလုပ်သမား ၂၀ဦးကိုသာ အလုပ်ချိန်အပြည့် လုပ်ခွင့်ပေးထားသည့်အတွက် မြန်မာအလုပ်သမားများက ထိုသို့ ပြုလုပ်ခြင်းဖြစ်သည်ဟု အလုပ်သမားများအရေး ကူညီဆောင်ရွက်ပေးနေသူ မဲဆောက်အခြေစိုက် မြန်မာ ပြည်သားများအရေး ပူးတွဲလှုပ်ရှားရေး ကော်မတီ(JACBA) ဥက္ကဌဖြစ်သူ ဦးမိုးကြိုးက ကေအိုင်စီသို့ ပြောသည်။

“အခု သူတို့က တစ်ပတ်မှာ သုံးရက်ပဲ လုပ်ခွင့်ရတယ်။ တစ်ရက်ကို နေ့စားခ ၃၀၀ ဘတ်တော့ ပေးတယ်။ အလုပ်လုပ်ရင် ပေးတယ်။ ကျန်တဲ့ ၄ ရက်က တပြားမှ မရဘူး။ မြန်မာအလုပ်သမားတွေအတွက် စားဝတ်နေ ရေး ခက်ခဲတယ်။ အဲဒါကြောင့် အခုလို အလုပ်ရှင်အလုပ်သမား ပြေလည်အောင် ညှိနှိုင်းပေးနေဆဲဖြစ်တယ်”ဟု ပြောသည်။

JAGUAR စတီး စက်ရုံတွင် အလုပ်လုပ်နေကြသော မြန်မာအလုပ်သမားများမှာ တရားဝင် အလုပ်လုပ်ခွင့် လက်မှတ် ကိုင်ဆောင်ထားသူများဖြစ်ပြီး အလုပ်လုပ်ချိန် အပြည့်အ၀မရသည်မှာ လွန်ခဲ့သည့် ၄ လကပင် ဖြစ်သည်ဟု သိရသည်။

အဆိုပါ စတီးစက်ရုံမှ အလုပ်သမားဖြစ်သူ ကိုဝင်းလှိုင်က “အခုက ကျနော်တို့ကို တစ်ပတ်မှာ ၅ ရက်လောက်ပဲ လုပ်ခွင့်ပေးတယ်ဆို ကျနော်တို့ မတိုင်ဘူး။ အခု သုံးရက်ပဲ အလုပ်လုပ်ခွင့်ရတယ်။ သူဌေးကို သုံးရက် ထပ်တိုး အလုပ်လုပ်ခွင့်တောင်းတာကို လက်မခံဘူး။ ဒီကြားထဲ တစ်လကို ရေခ၊ မီးခ တစ်လကို ဘတ် ၅၀၀ ဖြတ်တော့ ကျနော်တို့လည်း မခံစားနိုင်တော့ဘူး”ဟု ကေအိုင်စီသို့ ပြောသည်။

ထို့အပြင် စက်ရုံပိုင်ရှင်အနေဖြင့် အလုပ်သမားများအား နေစရာအတွက်ပေးထားသော်လည်း ရရှိလာသော အလုပ်သမားများ၏ နေ့စားလုပ်အားခများထဲမှ လစာဖြတ်တောက်ယူထားမှုများရှိသည့်အတွက် အခက်အခဲ ကြုံတွေ့နေရသည်ဟုလည်း ကိုဝင်းလှိုင်က ဆက်ပြောသည်။

ယခုကဲ့သို့ တိုင်ကြားမှုအတွက် မဲဆောက်ရှိ ထိုင်းအလုပ်သမားရုံးမှ အရာရှိဖြစ်သူ နန်းဆောင်လပ်ခတ်ကွန်း ကိုယ်တိုင် ကွင်းဆင်းပြီး အလုပ်ရှင်နှင့် အလုပ်သမားကိုယ်စားလှယ်များနှင့်အတူ လာမည့် စက်တင်ဘာလ ၂ ရက်နေ့တွင် ညှိနှိုင်းဆောင်ရွက်ပေးရန် ရှိသည်ဟု ဦးမိုးကြိုးက ဖြည့်စွက်ပြောသည်။

အလားတူ ယနေ့သြဂုတ် ၂၉ ရက်နေ့၌ ထိုင်းနိုင်ငံ မဲဆောက်မြို့ ဟိုဖိုင်ရပ်ကွက်ရှိ Silver and Gold Garment အထည် ချုပ်စက်ရုံရှိ မြန်မာအလုပ်သမား ၇ ဦးသည် အလုပ်ရှင်၏ အလုပ်ထုတ်ပယ်ခံရသည့်အတွက် ရရှိသင့် သော လုပ်အားခများ ပြန်လည်ရရှိရန် ထိုင်းအလုပ်သမားရုံး(ဆ၀ါဒီကန်)တွင် လာရောက်တိုင်ကြားမှုပြုလုပ်ခဲ့ သည်ဟု သိရသည်။

မဲဆောက်ဒေသရှိ JAGUAR စတီး စက်ရုံသည် ၈ နှစ်အတွင်း အလုပ်ရှင်နှင့် အလုပ်သမားများအကြား တင်းမာမှု (၁၀)ကြိမ် ဖြစ်ပွားခဲ့ပြီး ထိုသို့ ဖြစ်ပွားခြင်းအတွက် ထိုင်းအလုပ်သမားရုံးမှ ဖြေရှင်းပေးရသည်မှာ ယခုအကြိမ် အပါအ၀င် ၆ ကြိမ်ရှိပြီ ဖြစ်ကြောင်း ဦးမိုးကြိုးက ပြောဆိုသည်။

မြန်မာ့လူဦးရေ တွက်ဆထားသည်ထက်နည်း၊ ရှေ့ပြေးလူ ဦးရေ ၅၁ သန်းကျော် သာရှိ

ဟိန်းကိုစိုး၊ မင်းမင်း

ပြီးခဲ့သော မတ်လ ၃၀ ရက်မှ ဧပြီလ ၁၀ ရက်ထိပြည်လုံးကျွတ်ကောက်ခံခဲ့သောသန်းခေါင်စာရင်းအရ မြန်မာနိုင်ငံလူဦးရေသည် ၅၁ ဒသမ ၄၁၉ သန်းသာရှိသည်ဟု ဗဟိုသန်းခေါင်စာရင်းကော်မရှင်ကသြ ဂုတ်၂၉ ရက်တွင် ထုတ်ပြန်လိုက်သည်။

ယင်းသည်ကနဦးအဆင့်ရရှိထားသည့် ရှေ့ပြေးလူဦးရေစာရင်းဖြစ်ပြီး၂၀၁၄ခုနှစ်၊ မတ်လ၂၉ ရက်ညသန်းခေါင်ယံ၌ရှိသော ပြည် တွင်းနှင့် ပြည်ပရှိ မြန်မာသံရုံးများမှ ၀န်ထမ်းများပါဝင်သည်ဟု ဖော်ပြထား သည်။

ယင်းပမာဏသည် သန်းခေါင်စာရင်း မကောက်ယူမီ လူဝင်မှုကြီး ကြပ်ရေးနှင့် ပြည်သူ့အင်အား ၀န်ကြီးဌာန ၏ နှစ်စဉ်မွေးသေနှုန်း များဖြင့် ခန့်မှန်းပြုစုထားသည့် လူဦးရေသန်း ၆၀ ထက်လျော့နည်းသွားခြင်းဖြစ် သည်။

ထိုသို့ ခန့်မှန်းလူဦးရေထက်လျော့နည်းရခြင်းသည် ပြည်သူများ၏ စားဝတ်နေရေးကျဆင်းမှုကြောင့်ဟုအ မည်မဖော်လိုသူ အမျိုး သမီးလူဦးရေပညာရှင်တစ်ဦးက မဇ္ဈိမကို သုံးသပ်ပြသည်။

“လူတွေ စီးပွားရေးကျပ်တည်းတဲ့အခါ အိမ်ထောင်မပြုကြတော့ဘူး။ အဓိကက အမျိုးသမီးတွေကအိမ် ထောင်မပြုကြတော့တာ၊ အ ခုမြန်မာနိုင်ငံက လူဦးရေဆုလာဘ်ရထားတယ်ဆိုပေမယ့် နောက်ထပ်နှစ် ၃၀ ကနေ ၄၀ အတွင်းဆိုရင် အသက်ကြီးတဲ့သူတွေများ လာပြီး အလုပ်လုပ်နိုင်တဲ့သူနည်းနိုင်တဲ့ အခြေအနေနဲ့ မြန်မာနိုင်ငံကတွေ့လာနိုင်တယ်”ဟု ၎င်းက ပြောသည်။

ယင်းအပြင် မြန်မာနိုင်ငံတွင် နေထိုင်သူအများစု၏မိသားစုပုံစံများ ပြောင်းလဲလာခြင်းကိုလည်း လေ့လာ တွေ့ရှိရသည်ဟုဆိုသည်။ယခင် ၁၉၈၀ ပြည့်နှစ်မတိုင်မီအချိန်များက မြန်မာနိုင်ငံ၏မိသားစုတစ်ခုတွင် ရှစ်ယောက်မှ ၁၀ယောက်ထိ ရှိသော်လည်း ၁၉၆၀ နှောင်း ပိုင်းမှစကာ မိသားစုတစ်စုတွင် အများဆုံးငါးဦးမှအနည်းဆုံးသုံးယောက်အထိသာရှိလာကြတော့သည်ဟု၎င်းကတွက်ချက်ပြသည်။

ယခုထုတ်ပြန်သည့်စာရင်းသည် လူအင်အားအသုံးပြုရေတွက်ခြင်း(လက်ပေါင်းဇယား)မှရရှိသောစာရင်းများဖြစ်၍၂၀၁၅ခုနှစ် ၊ မေလကုန်ထုတ်ပြန်မည့် စာရင်းများနှင့် ကွဲလွဲနိုင်သည်ဟု လူဝင်မှု ကြီးကြပ်ရေး နှင့် ပြည်သူ့အင်အားဝန်ကြီးဌာန၀န်ကြီး ဦးခင်ရီ က မေလအတွင်း မီဒီယာများကို ပြောထားသည်။

ကျန်ရှိနေသေးသည့် သန်းခေါင်စာရင်းရလဒ်အပြည်အစုံတွင် ကျား၊ မဦးရေ၊ တိုင်းရင်းသား မျိုးနွယ်စုပေါင်း ကိုးကွယ်သည့်ဘာ သာစသည့် အချက်အလက်များပါဝင်မည်ဟု ကော်မရှင်က ထုတ်ပြန်ထားသည်။

“အခြေခံတဲ့ လူမျိုးတွေကလည်းတိကျမှာမဟုတ်ဘူး။ ဘာလို့လဲဆို နဂိုကတည်းက မှားယွင်းတဲ့ဇယားမှာ ကောက်ခံတဲ့အတွက်။ ဥပမာ- ကချင်ဆိုလည်း ဘုံနာမည်ဖြစ်တဲ့ ကချင်ကိုပဲသူတို့ကောက်ထားတယ်။ အဲဒီ အခါကျတော့ တကယ်တမ်းဆို မျိုးနွယ်စုအား လုံးပေါင်းတာကို ကချင်ဖြစ်ရမယ်။ အခုက ဘုံနာမည်ပျောက် သွားမှာစိုးတဲ့သူတွေက စိုးရိမ်လွန်ပြီး ပြဿနာတက်လာနိုင်တာက ကချင်ဆိုတဲ့နာမည်က လူမျိုးစုတစ်ခုလို ထွက်လာမယ့်သဘောရှိတယ်။ အဲဒီမှာတော့ ကချင်ထဲမှာပြဿနာတက် နိုင်တာပေါ့”ဟု ကချင်ပြည်နယ်၊ အင် ဂျန်းယန်မြို့နယ် ပြည်သူ့လွှတ်တော်အမတ် ဒေါ်ဒွဲဘူက ပြောသည်။

ရခိုင်ပြည်နယ် အမှတ် (၁) မဲဆန္ဒနယ် အမျိုးသားလွှတ်တော်ကိုယ်စားလှယ် ဒေါက်တာအေးမောင်ကမူ ပြည်လုံးကျွတ်သန်းခေါင်စာ ရင်းတွင် အငြင်းပွားဖွယ်ရာမရှိနိုင်ဟု သုံးသပ်သည်။

ပြည်လုံးကျွတ် သန်းခေါင်စာရင်းကောက်ယူခြင်းနှင့် ဆက်စပ်သည့် ကုန်ကျစရိတ်ကို မြန်မာအစိုးရက ၁၅ သန်းစိုက်ထုတ်ပြီး ကျန် သည့် ပမာဏကို ကုလသမဂ္ဂက လူဦးရေရန် ပုံငွေအဖွဲ့နှင့် အင်္ဂလန်၊ သြစတြေးလျ အပါအ၀င် ကိုးနိုင်ငံကကူ ညီပံ့ပိုးခဲ့ခြင်း ဖြစ် သည်။

ရခိုင်အမျိုးသားပါတီ ပေါက်တောမြို့နယ် ကော်မတီ အောင်မြင်စွာဖွဲ့စည်း

လင်းမြတ်

ရခိုင်အမျိုးသားပါတီ(ANP)၏ ပေါက်တောမြို့နယ်ကော်မတီ ရွေးချယ်ခြင်း အခမ်းအနားကို ပေါက်တောမြို့တွင် နှစ်ရက်ကြာ ကျင်းပ ပြုလုပ်ခဲ့ပြီးနောက် မြို့နယ် ကော်မတီဝင်များ၊ အလုပ်အမှုဆောင်ကော်မတီဝင်များနှင့် ညီလာခံတက်ရောက်မည့် မြို့နယ်ကိုယ်စားလှယ်များကို ရွေးချယ်တင်မြှောက်ခဲ့ကြောင်း သတင်းရရှိသည်။

ကော်မတီဖွဲ့စည်းခြင်းအား သြဂုတ်လ(၂၆) ရက်နှင့်(၂၇) ရက်များတွင် ပေါက်တောမြို့၊ ဗုဒ္ဓသာသန ဓမ္မဗိမာန်တော် ခန်းမအတွင်း ကျင်းပပြုလုပ်ခဲပြီး၊ မြို့နယ် ကော်မတီဝင်(၁၀၀)ဦးနှင့် အလုပ်မှုဆောင်ကော်မတီဝင်(၂၅)ဦးတို့ကို တက်ရောက်လာသူများက ရွေးချယ်တင်မြောက်ခဲ့ကြောင်း အလုပ်အမှုဆောင်ကော်မတီ တွဲဘက်အတွင်းရေးမှူးအဖြစ် ရွေးချယ်ခံသူ ဦးကျော်ကျော်ခိုင်က ပြောသည်။

ပေါက်တောမြို့နယ်ကော်မတီ ဥက္ကဌအဖြစ် ဦးတက်ထွန်းအောင်၊ ဒုက္ကဌများအဖြစ် ဦးမောင်မြနှင့် ဦးသာထွန်းအေးတို့က လည်းကောင်း၊ အတွင်းရေးမှူးအဖြစ် ဦးအောင်ကျော်ထွီး၊ တွဲဘက်အတွင်းရေးမှူးများအဖြစ် ဦးကျော်ကျော်ခိုင်နှင့် ဦးထွန်းဦးဇံတို့ကို မဲပေးရွေးချယ်ခဲ့ကြကြောင်း ဦးကျော်ကျော်ခိုင်က ဆိုသည်။

“ကော်မတီကနေပြီး ပါတီရဲ့ မူဝါဒလမ်းစဉ်အတိုင်း လာမယ့် သံတွဲ ညီလာခံက ချမှတ်မယ့် မူတွေအတိုင်း အကောင်းအထည်ဖော်သွားရမှာပါ”ဟု ၎င်းက ပြောသည်။

ယခုနှစ် စက်တင်ဘာလတွင် သံတွဲမြို့နယ် ငပလီ၌ ကျင်းပရန် စီစဉ်ထားသည့် ပထမအကြိမ် ရခိုင်အမျိုးသားညီလာခံသို့ တက်ရောက်မည့် မြို့နယ်ကိုယ်စားလှယ်(၅)ဦးကိုလည်း အမှုဆောင်ကော်မတီဝင်များက ဆက်လက်ရွေးချယ်ခဲ့သည်။

ရခိုင်အမျိုးသားပါတီ ပေါက်တောမြို့နယ် ကော်မတီရွေးချယ်ပွဲသို့ ကျေးရွာအုပ်စု (၅၈)အုပ်စုမှ ကိုယ်စားလှယ်လောင်းများ၊ ပါတီဝင်များနှင့်၊ ပေါက်တောမြို့မှ မြို့မိမြို့ဖများအပါအဝင် လူပေါင်း(၃၀၀)ကျော်တက်ရောက်ပြီး မြို့နယ်ကော်မတီကို အောင်မြင်စွာ ဖွဲ့စည်းခဲ့ခြင်း ဖြစ်သည်။

ဓမ္မစေတီခေါင်းလောင်း အမှီပြု စီးပွားရှာသူတွေ အဆင်ပြေ

DVB

နှစ်နိုင်ငံဆက်ဆံရေးအား မြှင့်လိုက်သည်ဟု အစ္စရေး ဒု-နိုင်ငံခြားရေးဝန်ကြီးပြော

Mizzima

နိုင်ငံတော် နှင့် ဘာသာရေးကို ခွဲထားသင့်ဟုဆို

မြန်မာနိုင်ငံသည် အစ္စရေးနိုင်ငံအတွက် အမှန်တကယ် မိတ်ဆွေနိုင်ငံဖြစ်ပြီး၊ သူ၏ မြန်မာနိုင်ငံခရီးစဉ်ဟာ နှစ်၆ဝ ကျော်ကြာ သံတမန်ဆက်ဆံရေး တည်ရှိနေသည့် အစ္စရေး-မြန်မာဆက်ဆံရေးကို ထပ်မံအားအင်ဖြည့်လိုက်ခြင်း ဖြစ်သည်ဟု အစ္စရေး ဒုတိယနိုင်ငံခြားရေးဝန်ကြီးTzachi Hanegbiက မြန်မာနိုင်ငံမှ ပြန်လည်မထွက်ခွာမီ သြဂုတ်၂၉ ရက်က မဇ္ဈိမနှင့် သီးသန့်အင်တာဗျူးတွင် ပြောကြားခဲ့သည်။

၁၉၇၉ ခုနှစ် အစ္စရေးနိုင်ငံခြားရေး ဝန်ကြီး မိုရှေဒါယန်း မြန်မာနိုင်ငံသို့ လာရောက်လည်ပတ်အပြီး၊ ပထမဆုံးအကြိမ် အစ္စရေးအဆင့်မြင့် အရာရှိ တစ်ဦး မြန်မာနိုင်ငံသို့ လာရောက်ခြင်းဖြစ်သည့် သုံးရက်ကြာ ခရီးစဉ်အတွင်း ဒု-နိုင်ငံခြားရေး ဝန်ကြီး Tzachi Hanegbi ခေါင်းဆောင်သော အစ္စရေးတာဝန်ရှိသူများသည် မြန်မာအစိုးရ နိုင်ငံခြားရေးဝန်ကြီး ဦးဝဏ္ဏမောင်လွင်၊ သမ္မတရုံးဝန်ကြီးဦးအောင်မင်း၊ ယဉ်ကျေးမှုဝန်ကြီး ဦးအေးမြင့်ကြူ၊ ပြည်သူ့လွှတ်တော် နိုင်ငံခြားဆက်ဆံရေး ကော်မတီဥက္ကဋ္ဌ ဦးလှမြင့်ဦး တို့အား တွေ့ဆုံခဲ့သည့်အပြင်၊ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နှင့်လည်း တွေ့ဆုံခဲ့သည်။

သြဂုတ်လ ၂၇ ရက်မှစတင်ခဲ့သည် ၎င်း၏ ခရီးးစဉ်အတွင်း ယဉ်ကျေးမှုနှင့် အားကစားကဏ္ဍများတွင် အစ္စရေး-မြန်မာ နှစ်နိုင်ငံ ပူးပေါင်းဆောင်ရွက်ရန် သဘောတူစာချုပ် လက်မှတ်ရေးထိုးခဲ့သည်။

“ဗြိတိသျှ ကိုလိုနီဘဝကနေ ရုန်းထွက်ပြီးလွတ်လပ်တဲ့ နိုင်ငံဖြစ်လာတာရယ်၊ ကျွန်တော်တို့ နှစ်နိုင်ငံ နှစ်ပေါင်းများစွာ တည်ရှိခဲ့တဲ့ သမိုင်းအစဉ်အလာ ရင်းနှီးတဲ့ ဆက်ဆံရေးတွေဟာ၊ မြန်မာနိုင်ငံဟာ မိတ်ဆွေနိုင်ငံအစစ် ဖြစ်တယ်ဆိုတာပါပဲ။ တစ်နိုင်ငံနှင့်တစ်နိုင်ငံ စာနာမှုရှိကြပြီး၊ စီးပွားရေးမှာလည်း ပြိုင်ဆိုင်နေတာ မဟုတ်ဘဲ၊ တစ်ဖက်နဲ့တစ်ဖက် ပံပိုးကူညီနေကြပါတယ်” ဟု မစ္စတာ Tzachi Hanegbi က ပြောကြားသည်။

၎င်းနှင့် မြန်မာခေါင်းဆောင်များ တွေ့ဆုံဆွေးနွေးမှုများမှာ အပြုသဘောဆောင်ပြီး၊ နှစ်နိုင်ငံဆက်ဆံရေး ရှေ့ဆက်တိုးမြှင့်ရန်၊ အားတက်စေခဲ့သည်ဟု ဆိုသည်။

သြဂုတ်လ ၂၉ရက် နံနက်ပိုင်းက အမျိုးသားဒီမိုကရေစီအဖွဲ့ချုပ် ခေါင်းဆောင် ဒေါ်အောင်ဆန်းစုကြည်နှင့် ရန်ကုန်မြို့ရှိ သူမ၏ နေအိမ်တွင် တွေ့ဆုံရာတွင် သူ့အနေဖြင့် ပြီးခဲ့သည့် နှစ်ပိုင်းအတွင်းက မြန်မာနိုင်ငံတွင် ဖြစ်ပေါ်ခဲ့သည့် ဖြစ်ပေါ်တိုးတက်မှုများ၊ အမျိုးသား ရင်ကြားစေ့ရေးလုပ်ငန်းများ၊ ဒီမိုကရေစီနှင့် တည်ငြိမ်အေးချမ်းရေး ဖြစ်ပေါ်မှုများနှင့် ပတ်သက်ပြီး ဒေါ်အောင်ဆန်းစုကြည်၏ အမြင်များ၊ သုံးသပ်ချက်များကို ကြားချင် သိချင်သဖြင့် တွေ့ဆုံရခြင်းဖြစ်သည်ဟု၊ မတွေ့ဆုံမီ ပြုလုပ်ခဲ့သည့် မဇ္ဈိမနှင့် တွေ့ဆုံမေးမြန်းခန်းတွင် ဖြေကြားခဲ့သည်။

အမျိုးသားဒီမိုကရေစီအဖွဲ့ချုပ်မှ၊ ထိုတွေ့ဆုံဆွေးနွေးမှုများနှင့် ပတ်သက်ပြီး၊ တစ်စုံတစ်ရာ သတင်းထုတ်ပြန်ခဲ့ခြင်း မရှိပေ။

မြန်မာနိုင်ငံ နှင့် အစ္စရေးနိုင်ငံသည် သံတမန်ဆက်ဆံရေးအား ၁၉၅၃ ခုနှစ်တွင် တည်ထောင်ခဲ့ပြီး၊ နှစ် နှစ်အကြာ ၁၉၅၅တွင် မြန်မာနိုင်ငံဝန်ကြီးချုပ် ဦးနုက အစ္စရေးနိုင်ငံသို့ ပထမဆုံး နိုင်ငံခြားဝန်ကြီးချုပ်တစ်ဦး၏ အလည်အပတ်ခရီးစဉ်အဖြစ် သွားရောက်ခဲ့သည်။ထို့နောက်တွင် ၁၉၆၁ ခုနှစ်၌ အစ္စရေး ဝန်ကြီးချုပ် ဒေးဗစ်ဘန်ဂူရီရွန်က မြန်မာနိုင်ငံသို့လာရောက်ခဲ့သည်။

ပြီးခဲ့သည့် နှစ်ပိုင်းများကာလအတွင်း မြန်မာနိုင်ငံတွင် ဖြစ်ပေါ်နေခဲ့သည့် ဘာသာရေးအခြေခံ ပဋိပက္ခများအပါ် မည်သို့ ကိုင်တွယ်ဖြေရှင်းသင့်ပါသလဲဟု မဇ္ဈိမ၏ မေးမြန်းချက်ကို အစ္စရေး ဒု-နိုင်ငံခြားရေးဝန်ကြီးက ဘာသာပေါင်းများစွာ၊ ဒေသနိုင်ငံများစွာမှ လာရောက်အခြေချသူများဖြင့် တည်ထောင်ထားသည့် အစ္စရေးနိုင်ငံ၏ အတွေ့အကြုံနှင့်ယှဉ်ပြီး၊ မိမိတစ်ဦးတည်း ပြင်းပြသော စိတ်အားထက်သန်မှု ဆန္ဒဇော (passion) ကို လျော့နည်းစေပြီး၊ စိတ်ရှည်သည်းခံမှု (patience) ကို ပိုမိုထားရှိသင့်ကြောင်း ပြောကြားခဲ့သည်။

“တခါတရံမှာ စိတ်အားထက်သန် ပြင်းပြမှုက တစ်ယူသန်မှုဆီ ဦးတည်သွားစေတတ်ပြီးတော့၊ တခြား ပြိုင်ဘက် ဘာသာရေးရဲ့ စိတ်ထက်သန် ပြင်းပြမှုကို မြင်နိုင်စွမ်း မရှိလောက်အောင် ဦးတည်သွားစေနိုင်ပါတယ်။ အဲဒါနဲ့ ပတ်သက်ပြီး အစ္စရေးမှာ ကျွန်တော်တို့ ကိုင်တွယ်ကျင့်သုံးတဲ့ တစ်ခုတည်းသော နည်းလမ်းကတော့၊ နိုင်ငံတော် (နိုင်ငံရေး) နဲ့ ဘာသာရေး ကို သက်သက်စီ ခွဲခြားထားဖို့ ကျွန်တော်တို့ ကြိုးစားကြပါတယ်။ ခင်ဗျားအနေနဲ့ ခင်ဗျားရဲ့ ဘာသာရေး နဲ့ ယုံကြည်မှုကို ချစ်ခင်မြတ်နိုး နိုင်ပေမဲ့၊ အဲဒီအချက်ကြောင့်တော့ ခင်ဗျားကို (ခင်ဗျားနိုင်ငံရဲ့) အများသဘောဆန္ဒကနေ ကွဲပြားခြားနားသွားစေလိမ့်မယ် ဆိုတာမျိုးတော့ မဆိုလိုပါဘူး” ဟုဆိုသည်။

အစ္စရေးအစိုရသည် မြန်မာနိုင်ငံအား၊ မိုးခေါင်ရေရှား ခြောက်သွေ့ဒေသ စိုက်ပျိုးရေး နည်းပညာများနှင့် ဗဟုသုတများအား ပြန်လည်မျှဝေ သင်တန်းပေးခြင်းများ ပြုလုပ်လျက်ရှိပြီး၊ စီးပွားရေးတွင်လည်း အစ္စရေး ရင်းနှီးမြှုပ်နှံမှုများ မြန်မာနိုင်ငံတွင် ပြုလုပ်ရန် တိုက်တွန်းအားပေးလျက်ရှိသည်။

နှစ်နိုင်ငံစီးပွားရေး၊ နိုင်ငံရေးဆက်ဆံမှုများအား တိုးမြှင့်လုပ်ဆောင်ရန်၊ အစ္စရေးစီးပွားရေး လုပ်ငန်းရှင်များအား ဦးဆောင်ပြီး၊ အစ္စရေးသမ္မတ Reuven Rivlin သည် မြန်မာနိုင်ငံသို့ လာရောက်ရန် ရှိကြောင်းလည်း၊ ဒု-နိုင်ငံခြားရေးဝန်ကြီးက မဇ္ဈိမကိုပြောသည်။

အစ္စရေးနှင့် မြန်မာ နှစ်နိုင်ငံအကြား နိုင်ငံခြား ရင်းနှီးမြှုပ်နှံမှုအား အာမခံသည့် သဘောတူညီချက် ရရှိပြီးဖြစ်ကြောင်း၊ မကြာခင်တွင် ထိုသဘောတူစာချုပ်အား တရားဝင် လက်မှတ်ထိုးမည် ဖြစ်ကြောင်း မြန်မာနိုင်ငံဆိုင်ရာ အစ္စရေးသံအမတ် မစ္စတာ Hagay Moshe Behar က မဇ္ဈိမကို ပြောသည်။

မြန်မာနိုင်ငံတွင် လူဦးရေ ၅၁ သန်းကျော်ရှိဟု ဗဟိုသန်းခေါင်စာရင်း ကော်မတီထုတ်ပြန်

ခင်ရူပါ

ကနဦးအဆင့် ရရှိထားတဲ့ ရှေ့ပြေး လူဦးရေစာရင်းအရ မြန်မာနိုင်ငံ နယ်နမိတ်အတွင်း ၂၀၁၄ ခုနှစ်၊ မတ်လ ၂၉ ရက်နေ့ ညသန်းခေါင်းယံအချိန်မှာ ရှိနေကြတဲ့ (ပြည်ပရှိ မြန်မာသံရုံးများက ဝန်ထမ်းတွေ အပါအဝင်) မြန်မာနိုင်ငံရဲ့ လူဦးရေဟာ ၅၁,၄၁၉,၄၂၀ ရှိတယ်လို့ ဗဟိုသန်းခေါင်းစာရင်း ကော်မတီက သြဂုတ်လ ၂၉ ရက်နေ့က အသိပေးကြေညာ လိုက်တာပါ။ အရင်က အစိုးရဌာနတွေ အပါအ၀င် မီဒီယာတွေမှာ လူဦးရေ သန်း ၆၀ လို့ ခန့်မှန်း ပြောဆိုကြပေမယ့် ကနဦး လူဦးရေစာရင်းအရ ၅၁ သန်းကျော်ပဲ ရှိနေတာ ဖြစ်ပါတယ်။

ပင်မသန်းခေါင်စာရင်းဆိုင်ရာ အချက်အလက်တွေ မထုတ်ပြန်မီ နိုင်ငံတော်ရဲ့ စီမံကိန်းတွေနဲ့ မူဝါဒတွေ ချမှတ်ရာမှာ အထိုက်အလျောက် အထောက်အကူ ပြုနိုင်စေဖို့ ရည်ရွယ်ချက်နဲ့ နိုင်ငံတကာ လုပ်ထုံးလုပ်နည်းတွေနဲ့ အညီ ရှေ့ပြေးလူဦးရေ စာရင်းကို ထုတ်ပြန်ရတာလည်း ဖြစ်ပါတယ်။

လောလောဆယ်မှာတော့ ၂၀၁၄ ခုနှစ်၊ ပြည်လုံးကျွတ်အဆင့် လူဦးရေနဲ့ အိမ်အကြောင်းအရာ သန်းခေါင်စာရင်း ကောက်ယူတာနဲ့ ပတ်သက်လို့ စာရင်းဇယား ပြုစုခြင်း (Data Processing) လုပ်ငန်းကို ဆက်လက် ဆောင်ရွက်နေကြပါတယ်။ သန်ခေါင်စာရင်းနဲ့ ပတ်သက်လို့ ကြိုတင်ပြင်ဆင်ခြင်း၊ စာရင်းကောက်ယူခြင်း၊ စာရင်းဇယား ပြုစုခြင်းနဲ့ စာရင်းထုတ်ပြန်ခြင်း ဆိုပြီး အဆင့် ၄ ဆင့် သတ်မှတ်ပြီး လုပ်ဆောင်နေတာ ဖြစ်ပြီး အခု တတိယအဆင့်ကို ဆက်လက် လုပ်ဆောင်နေတာလည်း ဖြစ်ပါတယ်။

ဒီ တတိယအဆင့်ဖြစ်တဲ့ စာရင်းဇယားပြုစုခြင်း လုပ်ငန်းစဉ်မှာ တနိုင်ငံလုံးက ကောက်ယူရရှိတဲ့ အိမ်ထောင်စုတစုခြင်းစီရဲ့ မေးခွန်းပုံစံ အချက်အလက်တွေကို အသေးစိတ် စစ်ဆေးတာ၊ ပုံရိပ်ဖတ်စက်မှာ အသင့်အသုံးပြုနုိုင်ဖို့ ပြင်ဆင်တာ၊ ကွန်ပျူတာစနစ်အတွင်း မှတ်တမ်းတင်တာ၊ ပုံရိပ်ဖတ်တာနဲ့ အမှားပြင်ဆင်တာ စတဲ့ လုပ်ငန်း အဆင့်ဆင့်ကို အချိန်ယူ ဆောင်ရွက်ရတာ ဖြစ်တဲ့အတွက် ပင်မသန်းခေါင်စာရင်း အချက်အလက်တွေကို ၂၀၁၅ ခုနှစ်၊ မေလလောက်မှာ ထုတ်ပြန်နိုင်ဖို့လည်း ရှိနေပါတယ်။

အမေရိကန် ကုမ္ပဏီက မြန်မာ့ဆက်သွယ်ရေးကို စက်တင်ဘာတွင် တရားစွဲမည်ဖြစ်ပြီး နစ်နာကြေး ရရှိငွေကို ပြည်တွင်းတွင် ဆေးရုံဆောက်မည်

မောင်မန်း

မြန်မာ့ဆက်သွယ်ရေးလုပ်ငန်း (MPT)ကို လာမည့် စက်တင်ဘာ လလယ်တွင် တရားစွဲဆိုသွားမည်ဖြစ်ပြီး ၎င်းအတွက် ရလိုမှုဖြင့် တရားစွဲထားသော နစ်နာကြေး ရရှိပါက ပြည်တွင်းတွင် ဆေးရုံဆောက် လှူဒါန်းသွားမည်ဟု တရားစွဲမည့် အမေရိကန်အခြေစိုက် ဆက်သွယ်ရေး ကုမ္ပဏီ I.I(W.S) ကုမ္ပဏီ၏ မြန်မာနိုင်ငံ ဌာနေကိုယ်စားလှယ် ဒေါက်တာမြတ်နုခိုင်က ပြောသည်။

၎င်းက သြဂုတ် ၂၉ ရက်တွင် ရန်ကုန်မြို့၊ တော်ဝင်နှင်းဆီခန်းမတွင် ပြုလုပ်သော သတင်းစာ ရှင်းလင်းပွဲတွင် ထိုကဲ့သို့ ပြောကြားခြင်းဖြစ်သည်။

လက်ရှိတွင် မြန်မာ့ဆက်သွယ်ရေး လုပ်ငန်းကို ဒုတိယအကြိမ် အကြောင်းကြားစာ ပေးပို့ပြီးဖြစ်ကာ တတိယအကြိမ် ထပ်မံ မပို့တော့ဘဲ အမေရိကန်နိုင်ငံတွင် တရားစွဲသွားမည် ဖြစ်သည်။ မြန်မာ့ ဆက်သွယ်ရေးလုပ်ငန်းက စာချုပ်ပါအချက်များကို ဖောက်ဖျက်သဖြင့် I.I(W.S) ကုမ္ပဏီ၏ ဆုံးရှုံးရမှုအတွက် အမေရိကန်ဒေါ်လာ သန်းသုံးဆယ် နှင့် ဌာနေ ကိုယ်စားလှယ်၏ လူ့အခွင့်အရေး ဆုံးရှုံးခဲ့ရမှုအတွက် အမေရိကန်ဒေါ်လာ သန်း ၁၅ဝ ရလိုမှုဖြင့် တရားစွဲဆိုမည် ဖြစ်သ ည်။

ဒေါက်တာမြတ်နုခိုင်က “ အမေရိကန်အခြေစိုက် ကုမ္ပဏီဖြစ်တဲ့အတွက် အမေရိကန်နိုင်ငံမှာ တရားစွဲဖို့ အဆင်သင့်ဖြစ်နေပါပြီ” ဟုဆိုသည်။

မြန်မာ့ဆက်သွယ်ရေးလုပ်ငန်းနှင့် အမေရိကန်အခြေစိုက် I.I(W.S) ကုမ္ပဏီသည် ဖိလစ်ပိုင်နိုင်ငံမှ အိန္ဒိယနိုင်ငံသို့ ဖုန်းခေါ်ဆိုမှုများအတွက် မြန်မာနိုင်ငံက ကြားခံအဖြစ် ပူးပေါင်း လုပ်ဆောင်ရန် ၁၉၉၉ ခုနှစ်က သဘောတူစာချုပ်ချုပ်ဆိုခဲ့ပြီး စာချုပ်တွင် ပူးပေါင်းလုပ်ကိုင်ခွင့် အတွက် ၂ဝဝ၇ ခုနှစ်အထိ သက်တမ်းရှိခဲ့သော်လည်း တစ်နှစ်ကျော်ကာလအတွင်း ရပ်ဆိုင်းခဲ့သည့်အတွက် ကုမ္ပဏီ၏ ဆုံးရှုံးမှုနှင့် ဌာနေကိုယ်စားလှယ်၏ နိုင်ငံသားအခွင့်အရေး ဆုံးရှုံးခဲ့ရမှုများကြောင့် တရားစွဲဆိုခြင်း ဖြစ်သည်ဟု ဒေါက်တာ မြတ်နုခိုင်က မဇ္ဈိမကို ပြောထားသေးသည်။

ဆက်လက်ပြီး ၎င်းက “ သန်း ၁၅ဝ တောင်းတယ်ဆိုတဲ့ ရည်ရွယ်ချက်ကို သိမှ တရားတယ် မတရားဘူး ဆုံးဖြတ်လို့ရမယ်လို့ ထင်တယ်။ ကျွန်မ မကုလိုက်ရဘဲ သေသွားတဲ့ ကျွန်မအဖေအတွက် ဆေးရုံဆောက်မယ် ”ဟုပြောသည်။

လက်ရှိအချိန်တွင် တရားစွဲဆိုမှု အတွက် ဖိအားပေးမှု တစ်စုံတရာမရှိသေးသော်လည်း မြန်မာ့ ဆက်သွယ်ရေးဘက်က အကြောင်းပြန်ကြားခြင်း အပေါ် အားရကျေနပ်ဖွယ်မရှိဟု ဒေါက်တာ မြတ်နုခိုင်က ပြောသည်။ စာချုပ်တွင် စင်ကာပူနိုင်ငံ၌ နိုင်ငံတကာ ကုန်သွယ်ရေးနှင့် တိကျမှန်ကန်ရေး ကုလသမဂ္ဂ သဘောတူညီချက် အရ ဖြေရှင်းရန် သဘောတူထားသော်လည်း လူ့အခွင့်အရေး အပြည့်အဝရှိသည့် အမေရိကန်နိုင်ငံတွင် တရားစွဲဆိုသွားမည် ဟု လည်း ၎င်းက ဆိုသည်။

I.I(W.S)ကုမ္ပဏီ မြန်မာနိုင်ငံဆိုင်ရာဌာနေကိုယ်စားလှယ်၏ အကျိုးဆောင်ရှေ့နေ ဦးအေးမောင်က “ရှင်းရှင်း ပြောရရင် ငွေလိုချင်လို့စွဲတာ မဟုတ်ဘူး။ လူ့ဂုဏ်သိက္ခာလိုချင်လို့။ တိုင်းပြည်ရဲ့ ဂုဏ်သိက္ခာကို ဒီလိုတာဝန်ယူဖြေရှင်းပေးမယ်ဆိုတာကို နိုင်ငံတကာက သိစေချင်လို့ စွဲတာပါ” ဟု ပြောသည်။

မြန်မာ့ဆက်သွယ်ရေးထံသို့ I.I(W.S)ကုမ္ပဏီက အကြောင်းကြားစာနှစ်ကြိမ်ပေးပို့ခဲ့ပြီးဖြစ်ကာ မြန်မာ့ ဆက်သွယ်ရေးလုပ်ငန်း၊ အဝေးဆက်သွယ်ရေးဌာနက အင်ဂျင်နီယာချုပ် ဦးစိုင်းစောလင်းထွန်းက အကြောင်း ပြန်စာ ပြန်လည်ပေးပို့ထားသည်။ တရားဥပဒေအတိုင်း ဖြေရှင်းသွားနိုင်မည်ဟု ဦးစိုင်းစောလင်းထွန်းက မဇ္ဈိမကို ဖြေကြားထားသည်။

ရခိုင် ကချင်နဲ့ တချို့နေရာတွေ သန်းခေါင်စာရင်း မကောက်ရသေး

DVB

အေးရှားဝေါလ်မှ ၀ါးတူ ထုတ်လုပ်သည့်စက်ရုံ အောင်မြင်သာကျေးရွာတွင်ဖွင့်လှစ်

ုKNG

ကချင်ပြည်နယ် မြစ်ဆုံရေကာတာစီမံကိန်း၏ ပြန်လည်နေချထားရေးနေရာ အောင်မြင်သာ စံပြကျေးရွာတွင် စီမံကိန်းတာဝန်ယူလုပ်နေသော မြန်မာပြည် အေးရှားဝေါ (လ်) ကုမ္မဏီမှ ရုံးဝင်းတွင်သြဂုတ်လ ၂၇ ရက် နေ့က ဝါးဖြင့်ပြုလုပ်သော တူစက်ရုံဖွင့်လှစ်ခြင်း ဆုတောင်းပွဲအခမ်းအနားပြုလုပ်ခဲ့သည်။

အေးရှားဝေါလ်ကုမ္ပဏီမှ ဆောက်လုပ်ပြီးစီးသော ၀ါးတူထုတ်လုပ် စက်ရုံအဆောင်ကြီးကို ဆုတောင်းအပ်နှံခြင်းတွင် စက်ရုံကြီးစတင်ဆောက်လုပ်ချိန်မှစ၍ ရွာသူ/သားများနှင့် လက်တွဲ၍ လုပ်ဆောင်သွားနိုင်ရန်၊ စက်ရုံကြီးမှ တာဝန်ယူလုပ်ဆောင်သွားမည့် လုပ်ငန်းပေါင်းစုံကို ပိုမိုတိုးတက်ကောင်းမွန်စွာလုပ်ဆောင်နိုင်ရန်နှင့် လုပ်ငန်းအပေါ်နှောက်ယှက်မှုများဘေးအန္တရာယ်ကင်းစေရန် ဆုတောင်းချက်များပါဝင်သည်။

အဆိုပါ ဆုတောင်းပွဲမှ တရုတ် CPI (China Power Investment) ကုမ္ပဏီ၏ ဆုတောင်းခံချက်များကို ရိုမန်ကက်သလစ် ဘုန်းတော်ကြီး အူလောနော်အောင် က ဦးဆောင်ဆုတောင်းပေးခဲ့ကြောင်း ဆုတောင်းပွဲတက်ရောက်သော ဆရာတော်များမှသိရသည်။

သို့သော် အေးရှားဝေါ(လ်)ကုမ္ပဏီ၏ ဝါးတူစက်ရုံဖွင့်ပွဲ ဆုတောင်းခြင်းအခမ်းအနားပြုလုပ်ခဲ့သော်လည်း ဝါးတူပြုလုပ်သော စက်ရုံအတွက် လိုအပ်သောပစ္စည်းများ ကိုပင်မတွေ့ရသေးကြောင်း ဒေသခံဆရာ တဦးပြောသည်။

“အဲဒီနေ့က တူစက်ရုံဖွင့်ပွဲဆိုပြီး ကျနော်တို့ကို ခေါ်ပြီး ဆုတောင်းပွဲတော့ လုပ်တယ် ဒါမဲ့ ဒီစက်က မရောက်သေးဘူးဆိုတော့ စက်ကကြီးလား၊ ငယ်လားတော့ မသိရဘူး စက်ကဘယ်တော့ ရောက်လာမလဲတော့ မသိရသေးဘူး ဝါးတွေဝယ်စုထားလည်း မရှိသေးဘူး၊ ဘာမှမသိရသေးဘူး” ဟု ဆိုသည်။

တချိန်တည်းတွင် အဆိုပါ ဝါးတူစက်ရုံကြီးအားဖြင့် ဒေသခံများနှင့်လက်တွဲလုပ်ဆောင်ရန် ပြောဆိုသော်လည်း တဖက်တွင် သဘာဝ ပတ်ဝန်းကျင်နှင့် တိရိစ္ဆာန်များ အန္တရာယ်များရှိနိုင်ကြောင်း သဘာဝပတ်ဝန်းကျင်ထိန်းသိမ်း စောင့်ရှောက်ရေးအဖွဲ့ ကချင်လူမှုဖွံ့ဖြိုးရေးကွန်ယက် (KDNG) မှ ဦး စားဂျီက ယခုကဲ့သို့သုံးသပ်သည်။

“ပထမကတော့ အဲဒီဒေသက သဘာဝ ပတ်ဝန်းကျင်တွေ ပျက်ဆီးသွားမယ်၊ ဒေသခံတွေ တသက်လုံး လုပ်ကိုင် နေတဲ့ ဝါးတွေအားလုံး ပျက်သုန်းသွားမယ်၊ ဒုတိယကတော့ ၀ါးတူစက်ရုံကြီးမှာ ဓာတုဆေးတွေ ကိုင်ရမှာဖြစ်တဲ့ အတွက် စွန့်ပစ်ပစ္စည်းတွေမှာ အဆိပ်တွေပါလာမယ်၊ အဲဒီအတွက်ကြောင့် သဘာဝပတ်ဝန်းကျင်နှင့် တိရိစ္ဆာန်တွေ အန္တရာယ်ရှိနိုင်တယ်။ အချိန်အကြာကြီးလုပ်ရင်တော့ အံသြဖွယ်ရာ ဝါးတွေအားလုံးကုန်သွားမယ်” ဟု ဆိုသည်။

ဝါးတူစက်ရုံကြီးတည်ဆောက်လာသည့်အပေါ် ဆိုးကျိုး၊ ကောင်းကျိုး မည်မျှရှိမည်ကို မသိရသေးသော်လည်း ဒေသခံများက စိတ်ဝင်စားမှုရှိသကဲ့သို့ စိုးရိမ်ပူပန်မှုများလည်းရှိနေကြောင်း သိရှိရသည်။

မြစ်ဆုံရေကာတာစီမံကိန်းကြောင့် ပြောင်းရွှေ့ခံထားရသော အောင်မြင်သာကျေးရွာဒေသခံများသည် အလုပ်အကိုင်များရှားပါးကာ မိမိရွာပတ်ဝန်းကျင်ရှိ တောင်ယာနှင့် စိုက်ခင်းများတွင် နေ့စားဆင်းကာ ခက်ခဲစွာရှာဖွေနေရချိ်န်လည်း ဖြစ်သည်။

ကချင်ပြည်နယ်တွင် ၀ါးတူများကို ပွဲများကျင်းပချိန် အသုံးပြုများပြီး များသောအားဖြင့် တရုတ်ဖက်မှထုတ်လုပ်သော တူများကိုဝယ်ယူသုံးစွဲနေချိန် အောင်မြင်သာကျေးရွာတွင် ယခုကဲ့သို့ အေးရှားဝေါလ်မှ တူစက်ရုံဖွင့်လှစ်လာခြင်းဖြစ်သည်။

၎င်းအခမ်းအနားတွင် မြစ်ဆုံရေကာတာ တာဝန်ရှိအဖွဲ့ CPI၊ THPI၊ Asia World များမှ ကိုယ်စားလှယ်အသီးသီးပါဝင်တက်ရောက်ကာ အောင်မြင်သာပြောင်းရွေ့ဒေသခံများ ၂၀၀ ကျော်ဖြင့် လုပ်ဆောင်ခဲ့ခြင်းဖြစ်သည်။

MPT၏ GSM နှင့် WCDMA ဆင်းကတ်များ နိုင်ငံတဝှမ်း ၁၅၀၀ဖြင့် စိတ်ကြိုက်ဝယ်ယူနိုင်တော့မည်

ချိုကို

မြန်မာ့ဆက်သွယ်ရေးလုပ်ငန်းမှ GSM နှင့် WCDMA ဆင်းကတ်များကို ၁၅၀၀ကျပ်ဖြင့် တစ်နိုင်ငံလုံးတွင် MPTနှင့် ပူးပေါင်းသွားသည့် ကုမ္ပဏီများမှ တစ်ဆင့် စက်တင်ဘာ ၁ရက်မှ စတင်ကာ ရောင်းချသွားမည်ဟု မြန်မာ့ဆက်သွယ်ရေး လုပ်ငန်း မိုဘိုင်းအင်ဂျင်နီယာချုပ်၊ ဦးမြင့်သိန်းထွန်းက မဇ္ဈိမကို ပြောသည်။

"မြန်မာ့ဆက်သွယ်ရေး လုပ်ငန်းနဲ့ ပူးပေါင်း ကုမ္ပဏီတွေ GSM နဲ့ WCDMA နှစ်မျိုးကိုပဲ ရောင်းချသွားမယ်။ MECကိုတော့ နောက်ထပ် အစီအစဉ်တစ်မျိုးနဲ့ ထပ်ရောင်းချသွားဖို့ရှိတယ်။ ရောင်းချမယ့် ပမာဏက လက်ရှိချနေတဲ့ တစ်လလေးသိန်းထက် ပိုတဲ့ ပမာဏနဲ့ ချပေးသွားမယ်။ ဈေးကွက်လိုအပ်ချက်အတိုင်း ရောင်းပေးသွားမယ်"ဟု ၎င်းက ပြောသည်။

မြန်မာတစ်နိုင်ငံလုံးရှိ အရောင်းမြှင့်တင်ရေးဆိုင်များတွင် ကျပ် ၁၅၀၀ဖြင့် ရောင်းချတော့မည်ဖြစ်ပြီး မှတ်ပုံတင်မူရင်းပြကာ မှတ်ပုံတင် မိတ္တူ၊ လိုင်စင်ဓာတ်ပုံ နှစ်ပုံနှင့် ဝယ်ယူနိုင်မည်ဟု သြဂုတ် ၃၀ရက်ထုတ် မြန်မာ့အလင်း သတင်းစာတွင်လည်း ပါရှိသည်။

မြန်မာ့ဆက်သွယ်ရေး အနေဖြင့် လက်ရှိတွင် Elite ၊ Asia Megalink၊ တာမိုးညဲချမ်းသာ၊ ABC Mart စသည့် ကုမ္ပဏီ ၁၀ခုကျော်ဖြင့် ပူးပေါင်း လုပ်ကိုင်လျက်ရှိသည်။

ဈေးကောင်းလာသည့် မွန်ပြည်နယ်သစ်မွှေး

ကသီ

မွန်ပြည်နယ်အတွင်း စိုက်ပျိုးအောင်မြင်ဖြစ်ထွန်းနေသော သစ်မွှေးပင်များကို လာရောက်ဝယ်ယူသူများရှိကြောင်း သိရသည်။

“၃ နှစ်သားလောက်ရှိတဲ့သစ်မွှေးတစ်ပင်ကို ကျပ် ၃ သိန်းခွဲနဲ့ ကချင်ဘက်က လာဝယ်တယ်။ ကျနော်တို့ မရောင်းနိုင်လို့ မရောင်းလိုက်ဘူး” ဟု သစ်မွှေးကို ကိုယ်တိုင်စိုက်ပျိုး၊ ရောင်းချသူ ကိုညီညီက ပြောသည်။

လွန်ခဲ့သည့် ၃ နှစ်ခန့်တွင် ကချင်ပြည်နယ် မြစ်ကြီးနားဒေသတနိုင်းမှစိုက်ပျိုးသည့်သစ်မွှေးမျိုးပင်ကို မှာယူခဲ့ပြီး ၄င်းတို့၏ခြံတွင်စိုက်ပျိုးခဲ့ခြင်း ဖြစ်သည်။

စိုက်ပျိုးပြီး ၄ နှစ်ကျော် သစ်မွှေးအပင်လုံးပတ် ၁၈ လက်မကျော်ပါက ပင်စည်အတွင်းသို့ အဆီရရှိရန် ဆေးသွင်းနိုင်ကြောင်း ကိုညီညီက ပြောသည်။

“ဆေးမသွင်းခင် အပင်တွေကို ရောင်းချင်တဲ့သူတွေရှိရင် လာဝယ်တာလည်းရှိတယ်။ ဈေးအမျိုးမျိုးလာဝယ်တာလည်းရှိပါတယ်။ ကျနော်တို့က ကိုယ့်ခြံထဲမှာပဲ ရှိနေတာဆိုတော့ မရောင်းချင်ဘူးပေါ့။ အဲဒီအခါကျရင် ဈေးဘယ်လောက်ရရပေါ့ ဆေးသွင်းပြီးမှ ရောင်းမယ်” ဟု ၄င်းက ဆိုပါသည်။

ယခင် သစ်မွှေးမျိုးစေ့တစ်ဗူး (နို့ဆီဗူး) လျှင် ကျပ် တစ်သိန်းခွဲဈေးရှိပြီး မျိုးစေ့ကို ကြိုတင်မှာယူရကြောင်း၊ မှာယူသည့်အရည်အတွက်၏ထက်ဝက်ခန့်သာ သစ်မွှေးကုမ္ပဏီတို့မှ ပေးနိုင်သည်။ သစ်မွှေးအသီးတစ်လုံးတွင် သစ်မွှေးစေ့ ၂ စေ့သာပါရှိပြီး တစ်ဗူးလျှင် အစေ့ ၉၀ဝ ခန့်ဝင်သည်။

သစ်မွှေးစိုက်ပျိုးသူအချို့မှ ၄င်းတို့စိုက်ပျိုးပြီးသောသစ်မွှေးပင်၏ ပင်စည်၊ရေသောက်မြစ်ရော ဘေးမြစ်မွှားပါမကျန်အောင် လုံးထွေပြီး ဇကာနှင့်ထုတ်ကာရောင်းခြင်းလည်းရှိသည်ဟု ကိုညီညီက ဆိုသည်။

ကချင်ပြည်နယ် မြစ်ကြီးနာမြို့နယ် တနိုင်းဒေသမှ သစ်မွှေးမျိုး၊ တနင်္သာရီတိုင်း ကျွန်းစုဒေသမှ သစ်မွှေးမျိုးနှင့် ပဲခူးရိုးမမှ သစ်မွှေးမျိုးများကို မှာယူစိုက်ပျိုးကြသော်လည်း တနိုင်းဒေသမှ သစ်မွှေးမျိုးသည် ဆေးသွင်းပြီးပါက သစ်မွှေးအဆီဖြစ်နိုင်ချေများသည်ဟု ၄င်းက ပြောသည်။

“သစ်မွှေးကို ၄ မိုးရှိပြီး စိုက်ထားတာ။ ဆေးတော့ မသွင်းရသေးဘူး။ အခုက တဖန်လာထပ်ဝယ်တာ မရှင်တဲ့နေရာမှာ ပြန်စိုက်မလို့” ဟု မော်လမြိုင်မြို့နယ် သစ်မွှေးစိုက်သူ ဒေါ်အေးစိုးက ပြောသည်။

သစ်မွှေးကို ပြည်နည်အတွင်းရှိ မော်လမြိုင်၊ မုဒုံ၊ ကျိုက်မရောမြို့နယ်ရှိ ကျေးရွာများတွင် တစ်ပိုင်တစ်နိုင်အဖြစ် စိုက်ပျိုးနေကြသည်ကို တွေ့ရှိရသည်။

သစ်မွှေးတစ်ပင်လျှင် အနည်းဆုံး ၂၀ဝ၀ ကျပ်မှ အပင်အနိမ့်အမြင့်ပေါ်မူတည်ပြီး ဈေးနှုန်းသတ်မှတ်ရောင်းချလျက်ရှိရာ သစ်မွှေးပျိုးပင်ကို ပေါင်မြို့နယ် ကျုံကကျေးရွာ၊ မုဒုံမြို့နယ်တွင် ကျောက်တလုံးကျေးရွာနှင့် ဘဲရမ်းကျေးရွာအနီးရှိ ခြံများတွင် ရောင်းချပေးနေသည်ဟု သိရသည်။

ကနေဦးစာရင်းအရ မြန်မာနိုင်ငံ လူဦးရေ ၅၁သန်းကျော်ရှိ

DVB

စွမ်းအားရှင်၊ စစ်ထောက်လှမ်းရေးနှင့် စရဖ

မောင်ရိုး

ယခု ရုရှားမှာ ခိုလှုံနေတဲ့ အမေရိကန် CIA ဝန်ထမ်းဟောင်း အက်ဒဝပ်စနိုဒင် အကြောင်းကို လူတိုင်းလိုလို သိပြီးကြ ပါပြီ။ အမေရိကန်ရဲ့ ထောက်လှမ်းရေး သတင်းတွေကို ကမ္ဘာသိအောင် ဖွင့်ချလိုက်လို့ အမေရိကန်ဟာ သူ့မဟာမိတ် တွေ ကြားမှာ အရှက်တကွဲ အကျိုးနည်း ဖြစ်ခဲ့ရပါတယ်။

ဂျာမနီဝန်ကြီးချုပ် အိန်ဂျလာမာကယ် ဖုန်းပြောတာကို ခိုးနားထောင်၊ သူ့မဟာမိတ် ဥရောပ နိုင်ငံတွေက ခေါင်းဆောင် တွေ ဖုန်းပြောတာ ခိုးနားထောင်နဲ့ အမေရိကန်ကို သူ့မဟာမိတ်တွေက အော့နှလုံးနာလာ ကြပါတယ်။ ထောက်လှမ်းရေး သမိုင်းမှာတော့ ကမ္ဘာကျော် ဖော်ကောင်လုပ်တဲ့ ပွဲကြီးတပွဲပါပဲ။ သူ့အခြေအနေ မဟန်မှန်းသိတာနဲ့ စနိုဒင်ဟာ ဟောင်ကောင်ကနေ မော်စကိုကို ရောက်သွားတာပါ။

တရုတ်က အမေရိကန်ရဲ့ လုပ်ရပ်တွေကို မကြိုက်ပေမယ့် အမေရိကန်နဲ့ ရန်မများချင်၊ စီးပွားရေး လုပ်ဖော်ကိုင်ဖက် တွေ ဖြစ်တာကြောင့် စနိုဒင်ကို ခိုလှုံခွင့် မပေးခဲ့ပါဘူး။ ရုရှားမှာလည်း ယာယီသာ ဆိုပေမယ့် အခုအချိန်ထိ မော်စကိုမှာ ခိုလှုံခွင့်ပေး ထားတယ်။ ယူကရိန်း ပြဿနာနဲ့ ပတ်သက်ပြီး ရုရှားနဲ့ အမေရိကန် ထိပ်တိုက်တွေ့ဆုံမှုတွေ ဖြစ်လာတဲ့ အခါ စနိုဒင်ဟာ မော်စကိုမှာ ကြာမယ့် အခြေအနေပါပဲ။

ဘယ်လိုပဲ ဖြစ်ဖြစ် ထောက်လှမ်းရေး ဆိုတာ ဘယ်နိုင်ငံမှာမဆို အစိုးရ ရပ်တည်နိုင်ဖို့နဲ့ တိုင်းပြည် လုံခြုံရေး အတွက် ထားရှိရတဲ့ ယန္တရားတခုပါပဲ။ ပြည်တွင်းမှာ ထောက်လှမ်းရ သလို ပြည်ပနိုင်ငံများက မိမိနိုင်ငံ အပေါ် ထားရှိတဲ့ သဘောထားကိုသိရှိဖို့လည်း ပြည်ပထောက်လှမ်းရေး ထားရှိရတယ်။ မြန်မာ နိုင်ငံမှာလည်း ၁၉၆၂ ခုနှစ်က စပြီး စစ်ထောက်လှမ်းရေး အားကောင်းလာတယ်။ မဆလခေတ်၊ နအဖ ခေတ်တွေမှာ စစ်ထောက် လှမ်းရေးဟာ ဩဇာ ကြီးမား ပါတယ်။

စစ်အစိုးရ အဆက်ဆက်ဟာ သူတို့ အာဏာ တည်မြဲရေး၊ ပြည်သူကို ဖိနှိပ်ရေး အတွက် အားအကိုးဆုံးက စစ်ထောက်လှမ်းရေး ပါပဲ။ နောက်ပိုင်းကျတော့ သရဲမွေးသလို ဖြစ်လာပါတယ်။ မွေးထားတဲ့ သရဲကို မကျွေး နိုင်တာ ကြောင့် ကိုယ်မွေးထားတဲ့ သရဲက ကိုယ့်ကို ပြန်စားတယ်လို့ လူကြီးတွေ ခိုင်းနှိုင်း ကြတာကို ကြားဖူးပါတယ်။ နောက်ဆုံး ကျွေးလည်း မကျွေးနိုင်၊ သရဲကိုလည်း မနိုင်တဲ့အခါ နောက်ဆုံး မွေးထားတဲ့ သရဲက သခင်ကို ပြန်စားလာတယ်။

ဒီလိုပဲ သရဲလို ကိုယ့်သခင်ကို ပြန်စောင်လာတဲ့ အခါ ရှင်းပစ်ရတဲ့ သမိုင်းဟာ မြန်မာနိုင်ငံ စစ်အစိုးရခေတ် မှာ ၂ ကြိမ် တောင် ရှိခဲ့ပါတယ်။ ပထမအကြိမ်က ဗိုလ်နေဝင်း လက်ထက် မဆလခေတ် ထောက်လှမ်း ရေးမှူး ဗိုလ်တင်ဦးကို ရှင်းလင်းတာပါပဲ။ ဗိုလ်တင်ဦး ခြေရာတိုင်းတာကို သိတဲ့ ဗိုလ်နေဝင်းဟာ ဗိုလ်စန်းယုနဲ့ ပေါင်းပြီး ထောက်လှမ်းရေး ကွန်ရက်ကြီး တခုလုံးကို ဖြိုချတော့တာပဲ။ အကြောင်းပြချက်က အာဇာနည်ကုန်းမှာ တောင်ကိုရီးယားသမ္မတ ချန်ဒူးဝမ်နဲ့ အဖွဲ့ကို မြောက်ကိုရီးယား အေးဂျင့်တွေက လုပ်ကြံတာနဲ့ ပတ်သက်ပြီး စတာပါပဲ။

အမှန်က ဗိုလ်တင်ဦးက အစ္စရေးက အူဇီစက် သေနတ်တွေ မှာယူတာကို ဗိုလ်စန်းယုက ဗိုလ်နေဝင်းထံ တိုင်တယ်။ ဗိုလ်နေဝင်းက သူ့ကို အန္တရာယ် ပြုလာမှာ စိုးရိမ်ပြီး ထောက်လှမ်းရေး ကွန်ရက်ကြီး တခုလုံးကို ဖြိုချပစ်လိုက်ပြီး လူအပြောင်းအလဲ လုပ်ခဲ့တာပါပဲ။

ဒုတိယအကြိမ် ထောက်လှမ်းရေးကို ဖြိုချတာက ဗိုလ်ချုပ်မှူးကြီး သန်းရွှေ လက်ထက်မှာပါ။ ဩဇာ ကြီးသထက် ကြီးလာတဲ့ ဗိုလ်ခင်ညွန့်နဲ့ သူ့နောက်ပါတွေကို အားလုံးဖမ်းပြီး ထောင်ထဲထည့် ခဲ့တယ်။ ဗိုလ်ချုပ်မှူးကြီးသန်းရွှေ ဘေးက စစ်ဘက် လက်ထောက် အဖြစ် ရှိနေတဲ့ ဗိုလ်မှူးချုပ် ကျော်ဝင်း ဆိုတဲ့ လူတယောက်ပဲ လွတ်ခဲ့တာပါ။

စာအုပ်တွေ စိစစ်ရေးမတင်ဘဲ လွတ်လွတ်လပ်လပ် ရေးသားထုတ်ဝေခွင့် ရလာတဲ့အခါမှာ ယခင်က ဆိုရင် နိုင်ငံတော် လျှို့ဝှက်ချက် ပေါက်ကြားမှုနဲ့ ထောင် တသက်တကျွန်း အထိ ချမှတ်ခံရနိုင်တဲ့ စာအုပ်တွေလည်း ထွက်ပေါ်လာ ပါတယ်။ အဲဒီအထဲမှာ မိုးဇေညိမ်းရေးတဲ့ “ဘာလဲဟဲ့ စွမ်းအားရှင်နှင့် အခြားစာစုများ” ဆိုတဲ့ စာအုပ်လည်း ပါနိုင်ပါ တယ်။

စွမ်းအားရှင် ဆိုတဲ့နာမည် ပါလာကတည်းက စိတ် ဝင်စားမိပါတယ်။ ဖတ်ချင်စိတ်လည်း ဖြစ်မိတယ်။ စွမ်းအားရှင် ဆိုတာ ၈၈ ခုနှစ်က အာဏာသိမ်းခဲ့တဲ့ စစ်အစိုးရခေတ်မှာ နာမည်ဆိုးနဲ့ ကျော်ကြားတဲ့ ကြံ့ခိုင်ရေး အဖွဲ့က မွေးထုတ်ထားတဲ့ လူမိုက်၊ လူရမ်းကား အဖွဲ့ တဖွဲ့ပါပဲ။ လူရမ်းကားအဖွဲ့ ဆိုတာကိုတော့ ကြိုက်သည် ဖြစ်စေ၊ မကြိုက်သည် ဖြစ်စေ ဝန်ခံရလိမ့်မယ်။

ယခင်က စွမ်းအားရှင်ဆိုတာ တွေ့ကြ၊ ကြုံကြ ရပေမယ့် စွမ်းအားရှင် ဘယ်လိုဖွဲ့တယ်ဆိုတာတော့ ဂဃနဏ မသိကြ ပါဘူး။ အခုတော့ မိုးဇေညိမ်းက ရန်ကုန်တိုင်းမှာ ရှိတဲ့ စွမ်းအားရှင်တွေရဲ့ နာမည်၊ လိပ်စာ စတာ တွေကို ဖော်ပြလိုက် ကတည်းက ကြက်သီးလည်း ထသွားမိတယ်။ အထောက်အထား ခိုင်ခိုင်လုံလုံနဲ့ ဖော်ပြနိုင်တဲ့ မိုးဇေညိမ်းကို အထင်ကြီးမိ သလို သူ့အတွက် စိုးရိမ်စိတ်တွေလည်း ပေါ်လာမိတယ်။ တချိန်တည်းမှာ သူဟာ ဘယ်လိုလူလဲ။ ကြံ့ခိုင်ရေး ထဲမှာရော၊ စစ်ထောက်လှမ်းရေး မှာရော၊ စရဖ အဖွဲ့ထဲမှာရော ထဲထဲဝင်ဝင် သိနိုင်တဲ့သူ ဖြစ်နိုင်တယ်။ သူ့ကိုလည်း ခပ်ရွံ့ရွံ့ ဖြစ်သွားမိပါတယ်။

စွမ်းအားရှင်နဲ့ ပတ်သက်ပြီး မိုးဇေညိမ်းက ဘယ်လို ရေးထားသလဲဆိုရင် “၂၀ဝ၇ ခုနှစ် သံဃာ့ အရေးအခင်း ကာလ နောက်ပိုင်းမှာ ပြည်သူတွေ အကြားမှာ မသတီစရာ အကြောင်းအရာတခု ပျံ့နှံ့လာခဲ့ပါတယ်။ အဲဒါကတော့ စွမ်းအားရှင် ဆိုတဲ့ စကားလုံးပါပဲ။ သံဃာ့အရေး အခင်းကာလမှာ သံဃာတော်နဲ့ ပြည်သူတွေကို အကြမ်းဖက် နှိမ်နင်းခဲ့ ကြတဲ့ စစ်တပ်တွေ၊ ရဲတွေနဲ့ တတန်းတည်းထားပြီး စွမ်းအားရှင်ဆိုတဲ့ လူတွေကိုလည်း မုန်းတီးခဲ့ကြ ပါတယ်။ စွမ်းအားရှင် ဆိုတဲ့ လူတွေဟာ ဖိနှိပ်မှု ယန္တရားထဲက ခွေးသွားစိပ်လေး တခုမို့ အသားထဲက လောက်ထွက်တဲ့ လူတွေ လို့ ပြည်သူတွေက သတ်မှတ်ခဲ့ ကြပါတယ်။

ဒါပေမယ့် နိုင်ငံတကာ အာဏာရှင်နိုင်ငံတွေက အိုင်ဒီယာ အသစ်တခုတော့ မဟုတ်ပါဘူး။ ဟစ်တလာရဲ့ ရှပ်ညိုတပ် တွေလို၊ အာဏာရှင်တွေရဲ့ ဒေါက်တိုင်လက်ကိုင် အဖွဲ့အစည်း အဖြစ်နဲ့ စွမ်းအားရှင်တွေကို စုဖွဲ့ထားခဲ့တာပါ။ လက်တွေ့မှာ စွမ်းအားရှင်တွေကို စတင်ပြီး အောင်မြင်စွာ အသုံးပြုနိုင်ခဲ့တာက နာမည်ကျော် ဒီပဲယင်း အကြမ်းဖက်မှု မှာ ဖြစ်ပါတယ်။ ၂၀ဝ၃ ခုနှစ်၊ မေလ ၃၀ ရက်နေ့က ဒီပဲယင်းမြို့၊ ရွာသစ်ရွာ အနီးမှာ ဒေါ်အောင်ဆန်းစုကြည်နဲ့ NLD ပါတီဝင် တွေရဲ့ ယာဉ်တန်းကို အကြမ်းဖက် တိုက်ခိုက်ရာမှာ အစိုးရနဲ့ ကြံ့ခိုင်ရေးတို့ရဲ့ လက်ကိုင်တုတ် လူမိုက်တွေကို အသုံးပြုခဲ့ပါတယ်။

ဒါပေမယ့် သတင်းထုတ် ပြန်တဲ့ အခါမှတော့ NLD ကို မလိုလားတဲ့ လူစုလူဝေးလို့ သုံးနှုန်းခဲ့ပါတယ်။ အတိုက်အခံ တွေကို နှိပ်ကွပ်တဲ့ အခါ နအဖ အတွက် ဒီလိုလူမိုက်တွေဟာ အင်မတန် အသုံးတည့်ကြောင်း ဒီပဲယင်း အရေး အခင်းမှာ သိရှိသွား ပါတယ်။ ပြောရရင်တော့ ဒီပဲယင်း အရေးအခင်းဟာ စွမ်းအားရှင်တွေရဲ့ ပွဲဦးထွက်ပါပဲ” လို့ စာအုပ်ရဲ့ စာမျက်နှာ ၁၀ မှာ မိုးဇေညိမ်းက စွမ်းအားရှင်တွေ အကြောင်းကို ဖော်ပြခဲ့တယ်။

“စွမ်းအားရှင်” ဆိုတဲ့ စကားလုံး စတင်အသုံးပြု လာတဲ့ တရားဝင် အသုံး အနှုန်းကိုလည်း သူက ဒီလိုရေးထားပါတယ်။

“စွမ်းအားရှင် ဆိုတဲ့ စကားလုံးကို အစိုးရက တရားဝင် ဖော်ထုတ် စတင်အသုံးပြုခဲ့တာ ကတော့ ၂၀ဝ၆ ခုနှစ်၊ နိုဝင်ဘာလ ၂ ရက်နေ့မှာ ပြုလုပ်ခဲ့တဲ့ နအဖ သတင်းစာ ရှင်းလင်းပွဲ (၇/၂၀ဝ၆) မှာ ဖြစ်ပါတယ်။ အဲဒီ သတင်းစာ ရှင်းလင်းပွဲမှာ စွမ်းအားရှင် ဆိုတဲ့ စကားလုံးနဲ့ပတ်သက်ပြီး မီးသတ်၊ ကြက်ခြေနီ၊ ရ.ယ.က စသဖြင့် အဲဒီပုဂ္ဂိုလ်တွေဟာ လစာရိက္ခာ တပြားတချပ်မှ မယူဘဲနဲ့ သီးခြား စေတနာအလျောက် ကူညီပေးတဲ့ စွမ်းအားများ ဖြစ်တဲ့ အတွက်ကြောင့် ဒီပုဂ္ဂိုလ်များကို စွမ်းအားရှင်လို့ နိုင်ငံတော်က စာလုံးရွေးချယ် သတ်မှတ်ပြီးတော့ ဂုဏ်ပြု ခေါ်ဝေါ်ခြင်း ဖြစ်ပါတယ်။ (၃၊ ၁၁၊ ၂၀ဝ၆ ရက်နေ့ထုတ် မြန်မာ့အလင်း သတင်းစာ၊ စာမျက်နှာ ၁၃) လို့ ရဲချုပ် ဗိုလ်မှူးချုပ် ခင်ရီက ပြောခဲ့ပါတယ်” လို့ ရေးထားတယ်။

အဲဒီကစပြီး စွမ်းအားရှင်တွေရဲ့ နာမည်တွေ၊ နေရပ် လိပ်စာတွေ၊ တာဝန်တွေ၊ တယ်လီဖုန်းနံပါတ် တွေက အစ အသေးစိတ် ဖော်ပြထားတယ်။ စာရေး သူဟာ ဒီစွမ်းအားရှင်တွေကို နှိုက်နှိုက်ချွတ်ချွတ် သိရှိ ရေးသားခဲ့တယ်။

ဒီစာအုပ်မှာ “ဘာလဲဟဲ့ စွမ်းအားရှင်၊ တပ်အင်အား ပြုန်းတီးမှုနှင့် ယနေ့ မြန်မာ့တပ်မတော်၊ တော်လှန်ရေး အဖွဲ့အစည်း များ၊ သတင်းပေးများနှင့် သံဃာတော်များကို စောင့်ကြည့်ခြင်း၊ ဘာလဲဟဲ့ စရဖ၊ တခါတုန်းက အမှတ်တရများ (၁)၊ တခါတုန်းက အမှတ်တရများ (၂)၊ တခါတုန်းက အမှတ်တရများ (၃)” ဆိုပြီး ဆောင်းပါး ၇ ပုဒ်ကို ဖော်ပြထားတဲ့ စာအုပ်ပါပဲ။

မိုးဇေညိမ်းဟာ တပ်မတော်က အရာရှိ တယောက် ဖြစ်နိုင်ပါတယ်။ ထဲထဲဝင်ဝင် သိရှိတဲ့ ထောက်လှမ်းရေးကလည်း ဖြစ်နိုင်သလို စရဖ ကလည်း ဖြစ်နိုင်ပါတယ်။ ဒါမှမဟုတ် စာရေးသူဟာ အပင်ပန်းခံပြီး နှိုက်နှိုက်ချွတ်ချွတ် စုံစမ်း ရေးသားတာလည်း ဖြစ်နိုင်ပါတယ်။ စွမ်းအားရှင် အကြောင်း ရေးထားသလို တပ်အင်အား ပြုန်းတီးမှုနှင့် ယနေ့ မြန်မာ့ တပ်မတော်ဟာ ပြည်သူလူထုနဲ့ ကင်းကွာ သထက် ကင်းကွာပြီး တပ်ပြေးတွေ များသထက် များလာတယ်၊ ခေတ်မီ တပ်မတော် ဖြစ်အောင် ကြိုးစားတယ် ဆိုရင်းနဲ့ ခေတ်မမီဘဲ တိုက်ရည်ခိုက်ရည် ကျဆင်းလာတဲ့ တပ်မတော် ဖြစ်လာတဲ့ အကြောင်း ရေးထား ပါတယ်။

အဲဒီမှာ စစ်တပ်က ထွက်ပြေးတဲ့ တပ်မှူး၊ တပ်သားတွေက အစ ထွက်ပြေးရင်း ပါသွားတဲ့ လက်နက် အမျိုးအစားတွေ က အစ ရေးထားပါတယ်။ စစ်တပ်က ထွက်ပြေးတဲ့ တပ်ပြေးပေါင်းဟာ ၂၀ဝ၅ ခုနှစ်က ၁၃၀၅၀ ဦး ရှိပြီး ၂၀ဝ၆ ခုနှစ်မှာ မေလနဲ့ ဩဂုတ်လ ၂ လအတွင်း တပ်ပြေး ၉၄၉၇ ဦး ရှိခဲ့တယ်။ ၂၀ဝ၈ ခုနှစ် ဒုတိယ ၄ လပတ်အတွင်း တပ်ပြေး ၅၀ဝ၀ ဦး ရှိတယ်လို့ ရေးထားပါတယ်။

မိုးဇေညိမ်းက “စစ်အာဏာရှင်တွေဟာ တပ်မတော်ကို လက်ကိုင်တုတ် အဖြစ် အသုံးချခဲ့ တာကြောင့် လူထုနဲ့ ကင်းကွာခဲ့ရ သလို ကလေးစစ်သားတွေ များပြားလာတဲ့ ပြဿနာ၊ စွမ်းရည် မပြည့်တဲ့ တပ်သားတွေ များပြားလာတဲ့ ပြဿနာ အစရှိတဲ့ ဘေးထွက် ဆိုးကျိုး တွေလည်း ဖြစ်ပေါ်လာတယ်” လို့ ကောက် ချက်ချထားခဲ့ပါတယ်။ နောက် စစ်ထောက်လှမ်းရေး တဖြစ်လဲ စရဖ အကြောင်း ရေးထားသလို စရဖ ထဲက သတင်းပေးတွေ အကြောင်း ရေးထားတာ လည်း ဖတ်ရပါတယ်။

ဒါကြောင့် မိုးဇေညိမ်းရဲ့ “ဘာလဲဟဲ့ စွမ်းအားရှင်” စာအုပ်ဟာ စရဖ အကြောင်း၊ စစ်ထောက်လှမ်းရေး အကြောင်း၊ စွမ်းအားရှင် အကြောင်း နှိုက်နှိုက်ချွတ်ချွတ် ရေးသားထား တာကြောင့် သိသင့်၊ ဖတ် သင့်တဲ့ စာအုပ်ဖြစ်ပါတယ်။ ယခုလို အချိန်မှာ ထွက်လာတာ ဖြစ်လို့ တော်သေးတာပေါ့။

ယခင် စစ်အစိုးရ ခေတ်မှာ ဆိုရင် နိုင်ငံတော်လျှို့ဝှက်ချက် ပေါက်ကြား မှုနဲ့ ထောင်တသက်တကျွန်းအထိ ကျစေမယ့် စာအုပ်ပါပဲ။ ဖောင်းကားစား မောင်မောင်ရဲ့ မယားပြီး မယား၊ စကားပြီး စကားဆိုတဲ့ အသုံးနှုန်းထည့်လိုက် တဲ့ စာရေးဆရာ မောင်ဖေငယ်တောင် တသက်တကျွန်း ကျခဲ့တယ် မဟုတ်ပါလား။ ။

“Vaiolenz Band က အကြမ်းဖက်မှုကို မလိုလားဘူး”

သီဟတိုး

မြန်မာနိုင်ငံ လူငယ်အစည်းအရုံးက ကျင်းပခဲ့တဲ့ မြန်မာနိုင်ငံရဲ့ ပထမဆုံး လူငယ်ရုပ်ရှင်ပွဲတော်မှာ “Vaiolenz against Violence” ဇာတ်ကားနဲ့ အကောင်းဆုံး မှတ်တမ်းရုပ်ရှင်ဆုကို ရရှိခဲ့ပြီး ဒဂုံတက္ကသိုလ်မှာ ဥပဒေဘာသာရပ် နောက်ဆုံးနှစ် အဝေးသင် တက်ရောက်နေတဲ့ အသက် ၂၁ နှစ် အရွယ် အမျိုးသမီး လူငယ်ဒါရိုက်တာ ခင်စုကြည်ကို ဧရာဝတီက သူ့ရဲ့ အတွေ့အကြုံတွေ၊ အမျိုးသမီး ဒါရိုက်တာ တယောက်အနေနဲ့ တွေ့ကြုံရတဲ့ အခက်အခဲတွေနဲ့ ပတ်သက်ပြီး တွေ့ဆုံ မေးမြန်းထားပါတယ်။ နိုင်ငံရေး အကျဉ်းသားဟောင်း၊ ရွှေသံစဉ် တေးဂီတဝိုင်းရဲ့ ဂီတမှူး၊ DVB ရုပ်သံသတင်းထောက် ဦးဝင်းမော်ရဲ့ သမီး ခင်စုကြည်ဟာ သူ့အစ်ကိုနဲ့ မောင်တွေ တည်ထောင်ထားတဲ့ Vaiolenz Band ကို အခြေခံပြီး ရိုက်ကူးခဲ့တဲ့ မှတ်တမ်းရုပ်ရှင်ကားနဲ့ ဆုရခဲ့သူလည်း ဖြစ်ပါတယ်။

မေး။ ။ မခင်စုကြည် အနေနဲ့ ဒီလူငယ်ရုပ်ရှင်ပွဲတော်ကို ဝင်ပြိုင်ဖို့ ဘယ်လို အိုင်ဒီယာရခဲ့တာလဲ။


ဖြေ။ ။ ပထမဆုံး HRHD (Human Rights Human Dignity)၊ “လူ့အခွင့်အရေး လူ့ဂုဏ်သိက္ခာ” ဆိုတဲ့ ရုပ်ရှင် ပွဲတော်မှာ ဝင်ပြိုင်တယ်။ “ပုဒ်မ ၁၈” ဆိုတဲ့ ဇာတ်ကားနဲ့ ဆုရခဲ့တယ်။ ဆုရခဲ့ပြီး အဲဒီက သင်တန်းလည်း တက်ထား တာကြောင့် သင်တန်းက စာတွေလည်း မမေ့သေးခင်မှာ Documentary တခု ရိုက်မယ် ဆိုပြီးတော့ ဆုံးဖြတ်လိုက်တယ်။ ဆုံးဖြတ်လိုက်ပြီးတော့ အွန်လိုင်းမှာ လူငယ်ရုပ်ရှင်ပွဲတော်ဆိုတာ တွေ့တယ်။ အဲဒါနဲ့ လူငယ်တွေရဲ့ အကြောင်းကို ရိုက်မယ်ဆိုပြီးတော့ ရိုက်ဖြစ်သွားတာပါ။

မေး။ ။ “ပုဒ်မ ၁၈” ဇာတ်ကားတုန်းက ဘာဆုရခဲ့တာလဲ။

ဖြေ။ ။ အဲဒါက ကျောင်းသားကားပေါ့။ ကျောင်းသား ၃ ယောက် ပေါင်းရိုက်ခဲ့တာပါ။ ကျောင်းသား ကားတွေထဲမှာ အကောင်းဆုံး Documentary ဆု ရခဲ့တယ်။

မေး။ ။ လူငယ်ရုပ်ရှင်ပွဲတော်မှာ ပြိုင်ခဲ့တဲ့ “Vaiolenz against Violence” ဇာတ်ကားက မခင်စုကြည် တယောက်တည်း ပထမဆုံး ကိုယ်တိုင်ရိုက်တဲ့ Documentary လို့ သိရတယ်။ ပထမဆုံးဆိုတော့ ဘယ်လို အခက်ခဲတွေ တွေ့ခဲ့ရလဲ။

ဖြေ။ ။ အခက်အခဲကတော့ တွေ့တယ်။ ပထမဦးဆုံးကတော့ ကိုယ်တယောက်တည်း လုပ်တာပေါ့။ ကိုယ် တယောက်တည်း လုပ်တယ်ဆိုတော့ ပထမဦးဆုံး မိန်းကလေးတယောက် အနေနဲ့ လုပ်ချင်တဲ့စိတ် ရှိလို့လည်းပါတယ်။ ယောကျာ်းလေးတောင် လုပ်နိုင်တာ၊ ငါလည်း ကိုယ်တိုင်လုပ်နိုင်ရမှာပဲ ဆိုပြီးတော့ ကိုယ်တိုင် ကင်မရာကိုင်ပြီး ရိုက်တယ်။ Edit က အစ အသံတွေ ဘာတွေကအစ ကိုယ်တိုင်လုပ်တယ်။ လုပ်တဲ့ အချိန်မှာ အခက်အခဲကတော့ အခုမှ စလုပ်တယ်ဆိုတော့ ကင်မရာကလည်း သိပ်တော့မကောင်းဘူး။ Lighting တွေ ဘာတွေကအစ သိပ်မရှိဘူး။ ညဘက် Night Scene တွေ ဘာတွေ အရမ်း ရိုက်ချင်တာပေါ့။ လူငယ်အကြောင်းဆိုတော့ ညဘက်မှာ လူငယ်တွေ ဘယ်လို သွားလာတယ် ဆိုတာကို အရမ်းရိုက်ချင်တယ်။ ဒါပေမယ့် Night Scene တွေ ရိုက်ဖို့အတွက် အဆင်မပြေဘူး။ မိုးတွင်း ဆိုတော့လည်း အပြင်ထွက်ဖို့က အဆင်မပြေဘူး။ Lighting က အစ ပထမဦးဆုံး ဗိုလ်တထောင် ကမ်းနားမှာ ရိုက်မယ်လို့ စီစဉ်ထားပြီးတော့မှ ရက်ကလည်း အရမ်းကပ်နေတာနဲ့၊ မိုးကလည်း ရွာတာနဲ့၊ Lighting မရှိတာနဲ့ အဲဒီလို အခက်အခဲလေးတွေ ရှိတယ်၊ ကင်မရာပိုင်း ဆိုင်ရာပေါ့။

မေး။ ။ ဒီ “Vaiolenz against Violence” ကို ရိုက်ဖို့ ဘယ်လို အိုင်ဒီယာရခဲ့တာလဲ။

ဖြေ။ ။ ပထမဦးဆုံး ရိုက်ဖို့ စဉ်းစားကြည့်တော့ လူငယ်အကြောင်းဆိုတော့ လူငယ်တွေလည်း ကြည့်ချင်အောင်ပေါ့။ Documentary က အရမ်းရှည်သွားရင် ပျင်းဖို့လည်း ကောင်းတယ်။ စကားတွေ အများကြီး ပြောရင်လည်း ပျင်းဖို့ ကောင်းတယ်။ ဘယ်လိုရိုက်ရင် ကောင်းမလဲဆိုတော့ ပထမဦးဆုံး အိုင်ဒီယာရတာ Music ကို အခြေခံပြီး ရိုက်မယ်ပေါ့။ အဖေကလည်း Musician တယောက်ဖြစ်တယ်။ အစ်ကိုတွေ၊ မောင်တွေကလည်း Musician တွေဖြစ်တယ်ဆိုတော့ Music ကို အခြေခံပြီးတော့ Musical Documentary လေး လုပ်မယ်ဆိုတော့ အစ်ကိုနဲ့ မောင်နဲ့အကြောင်းကို ရိုက်ဖို့က အရင် ကတည်းက စဉ်းစားထားတယ်၊ သူတို့က Metal Music ပေ့ါ။ Metal Music ကို အခြေခံပြီး ရိုက်မယ်ဆိုပြီးတော့ အဲဒါကတော့ အရင်ကတည်းက စဉ်းစားထားတာ။ ဒီလူငယ်ရုပ်ရှင်ပွဲတော်နဲ့ တိုက်သွားပြီးတော့ ဒီလူငယ်အကြောင်းကို အခြေခံပြီး ရိုက်ဖြစ်သွားတာပါ။

မေး။ ။ ဇာတ်ကားနာမည် “Vaiolenz against Violence” ရဲ့ အဓိပ္ပာယ်လေး ကိုလည်း ရှင်းပြပေးပါဦး။

ဖြေ။ ။ အရှေ့ကစာလုံး Vaiolenz ဆိုတာကတော့ မောင်လေးနဲ့ အစ်ကိုတို့ ထောင်ထားတဲ့ Band နာမည်ပေါ့။ Vaiolenz ဆိုတာက V-i-o-l-e-n-c-e နဲ့ အဓိပ္ပာယ် အတူတူပဲ။ အဓိပ္ပာယ်က အကြမ်းဖက်တာပဲပေါ့။ သူတို့က ပေါက်ကွဲတာကို ဦးစားပေးပြီး ဖော်ပြလိုက်တာပေါ့၊ Metal Music နဲ့ လိုက်ဖက်အောင်လို့။ ဒါပေမယ့် သူတို့က စာလုံးအက္ခရာလေး နည်းနည်းပြောင်းလိုက်တာ သူတို့အတွက် ဆန်းအောင်လို့။ အဓိပ္ပာယ်ကတော့ Violence ၊ အကြမ်းဖက်တာ အတူတူပဲဆိုတော့ “Vaiolenz against Violence” ကို ဘာသာပြန်လိုက်မယ် ဆိုရင် “Vaiolenz Band က အကြမ်းဖက်မှုကို မလိုလားဘူး”၊ အဲဒီ အဓိပ္ပာယ်ပါ။

မေး။ ။ ဒီဇာတ်ကားလေး ဆုရခဲ့တော့ ဘယ်လိုခံစားရလဲ။

ဖြေ။ ။ ဝမ်းသာတယ်။ ပထမဦးဆုံး “ပုဒ်မ ၁၈” ဇာတ်ကား ဆုရတုန်းကလည်း ဝမ်းသာတယ်။ ဒါပေမယ့် ဒါက ကိုယ်တိုင် စီမံပြီး ရိုက်တာ မဟုတ်တဲ့အတွက် အပြည့်အဝတော့ မပျော်နိုင်ဘူးပေါ့။ ဒါ ကိုယ့်အရည်အချင်း လို့လည်း မပြောနိုင်ဘူး။ ဒီ ဇာတ်ကားလေး ကျတော့ ကိုယ်တိုင်ရိုက်တယ်၊ ကိုယ့်အရည်အချင်းလို့လည်း သတ်မှတ်လို့ရတယ်၊ အဲဒီအတွက် ကိုယ်တိုင် ပထမဦးဆုံး ရိုက်တဲ့အချိန်မှာ၊ ပထမဦးဆုံး လူငယ်ရုပ်ရှင် ပွဲတော်မှာ ဆုရတဲ့အတွက် အရမ်းကိုပျော်ပါတယ်။

မေး။ ။ မှတ်တမ်းရုပ်ရှင်ရိုက်ဖို့ အချိန်ဘယ်လောက်ယူခဲ့လဲ။

ဖြေ။ ။ အချိန်ကတော့ သိပ်တော့ မယူခဲ့လိုက်ရဘူး။ ဘာဖြစ်လို့လဲဆိုတော့ ကျမတို့အဖေက သတင်းထောက်၊ အစ်ကိုကလည်း သတင်းထောက်၊ ကျမကလည်း သတင်းထောက်ဆိုတော့ အစ်ကိုတွေ၊ မောင်တွေ တီးတာပဲဖြစ်ဖြစ်၊ အဖေတီးတဲ့ ကချင်ဘက်ကို ပရဟိတသွားတာတွေပဲဖြစ်ဖြစ် အကုန်လုံးက ရိုက်ထားတာတွေ။ အဖေ့ကိုသွားတွေ့တဲ့ ရခိုင်ကတ်တွေ ရိုက်ထားတာတွေရှိတယ်။ ဘယ်လို အသုံးချရမလဲပဲ မသိတာပေါ့။ ဒါပေမယ့် ဒီ လူငယ်ရုပ်ရှင်ပွဲတော် လုပ်မယ်ဆိုတော့ အဲဒါတွေ ထည့်သုံးဖြစ်တယ်။ သုံးဖြစ်ပြီး အဓိကကတော့ အင်တာဗျူးလေးတွေ ရိုက်ဖြစ်တယ်။ အများဆုံးကတော့ အင်တာဗျူးရိုက်တာ တပတ်၊ Edit လုပ်တာတော့ နှစ်ရက်၊ သုံးရက်လောက် ကြာတယ်။

မေး။ ။ ကိုယ်တိုင်က သတင်းထောက်ဆိုတော့ ဘယ်သတင်းဌာနကလဲ။

ဖြေ။ ။ ပထမဦးဆုံးကတော့ သမဂ္ဂဂျာနယ်မှာ စလုပ်တာ။ နောက်တော့ ဒီရုပ်သံဘက် Sky Net MN ၊ Myanmar National TV မှာ လုပ်တယ်။ ဒါပေမယ့် သိပ်မကြာလိုက်ပါဘူး။ ဒီကားလေးလည်း ဆက်ရိုက်ချင်တာကြောင့် ထွက်လိုက်တာ၊ အခုတော့ ဘာအလုပ်မှ မလုပ်တော့ဘူး။ ဘာမှ မလုပ်တော့ဘူးဆိုတာ ဒီ Documentary လေးတွေ ဆက်ရိုက်ချင်တာကြောင့်ပါ။

မေး။ ။ အရင်ကရိုက်ခဲ့ဖူးတဲ့ ဇာတ်လမ်းတွေ၊ မှတ်တမ်းရုပ်ရှင်တွေရှိခဲ့ရင် ပြောပြပေးပါဦး။

ဖြေ။ ။ အရင်က ဒီဇာတ်ကားရဲ့အရှေ့မှာ “ပုဒ်မ ၁၈” ဆိုတဲ့ တကားပဲရှိတယ်။ ဒါကတော့ ကျောင်းသားတွေနဲ့ အတူတူရိုက်တဲ့ ပုဒ်မ ၁၈ ဆိုတဲ့ ဒီနိုင်ငံမှာ ငြိမ်းချမ်းစွာ စီတန်းလှည့်လည်ခွင့်နဲ့ စုဝေးခွင့်ဆိုင်ရာ ပုဒ်မပေါ့။ တဖက်က Constitution ကလည်း လွတ်လပ်ခွင့်ပေးထားတယ်။ တဖက်က ဥပဒေပုဒ်မတွေနဲ့ ပြန်ပိတ်ပင် ထားတာတွေပေါ့၊ အဲဒါတွေကို ရိုက်ထားတာပါ။ “Vaiolenz against Violence” ဇာတ်ကားကတော့ ဒုတိယမြောက်ကားလို့ ပြောလို့ရသလို ကျမတယောက်တည်း ဦးဆောင်ရိုက်တဲ့ ပထမဆုံးကားလို့လည်း ပြောလို့ရပါတယ်။

မေး။ ။ ဒါရိုက်တာပညာကို ဘယ်အရွယ်က စသင်ခဲ့တာလဲ၊ ဘယ်မှာ သင်ခဲ့တာလဲ။

ဖြေ။ ။ လွန်ခဲ့တဲ့ နှစ်နှစ်လောက်က သတင်းထောက် အလုပ်စလုပ်တယ်။ သတင်းထောက် စလုပ်တဲ့ အချိန်မှာ ကင်မရာကိုင်ရတဲ့ အရသာကို ကြိုက်တယ်။ ဓာတ်ပုံပဲဖြစ်ဖြစ်၊ Movie ပဲဖြစ်ဖြစ် ရိုက်ရတာ၊ ကိုယ်ရိုက်ထားတဲ့ အရုပ်တွေကို ပြန်ကြည့်ရတာ သဘောကျတယ်။ အဖေကလည်း သင်ပေးတယ်။ ပထမဦးဆုံး လက်ဦးဆရာကတော့ အဖေပေါ့။ အဖေက ကင်မရာကို ဘယ်လိုရိုက်ရတယ်၊ ဘယ်လို ငြိမ်အောင် လုပ်ရမလဲဆိုတာတွေ သင်ပေးတယ်။ သင်ပေးပြီးတော့မှ အဖေကနေ သင်တန်းတခုကို လာပြတယ်။ Human Rights Human Dignity Film Institute ကနေလုပ်တဲ့ ဆရာမင်းထင်ကိုကိုကြီးရဲ့ Documentary သီးသန့်သင်တဲ့ သင်တန်းကျောင်းပါ။ မနှစ်က နိုဝင်ဘာလ လောက်မှာ စတက်ဖြစ်တယ်။ အဲဒီသင်တန်းတက်ပြီးတော့ ငါးပတ်အကြာမှာ ဆရာဝဏ္ဏကျော်က ကင်မရာပိုင်းဆိုင်ရာ သင်ပေးတယ်။ နောက်တော့ ကနေဒါက ဆရာနှစ်ယောက်လာပြီး Documentary သီးသန့် သင်ပေးတယ်။ ပြီးတော့ Edit အပိုင်းကို ဆရာဝဏ္ဏကျော်ပဲ တာဝန်ယူပြီး ပြန်သင်ပေးတယ်။ အဲဒီကနေမှ ကိုယ်ကလည်း ပထမဦးဆုံးက အမှန်တိုင်းပြောရရင် Documentary ဆိုတာ ဘာမှန်း ကောင်းကောင်းမသိဘူး။ ကင်မရာကိုင်ပြီး ရိုက်ရမယ် ဆိုတာပဲ သိတယ်။ ဘယ်လို ဇာတ်လမ်းမျိုး ရိုက်ရမယ်ဆိုတာလည်း မသိဘူး။ လက်တွေ့ကျကျ သိခဲ့တာက ဆရာမင်းထင်ကိုကိုကြီးရဲ့ သင်တန်းမှာမှ တကယ်လက်တွေ့ကျကျ သိခဲ့တယ်။ တကယ် လက်တွေ့ ကျပြီးတော့ အရမ်းလည်း စိတ်ဝင်စားဖို့ ကောင်းတယ်။ ကျမ တခြားသင်တန်းတွေလည်း တက်ခဲ့ဖူးတယ်။ ကျမ လုံးဝ စိတ်မဝင်စားဘူးဆိုရင် တရက်တည်းနဲ့ မတက်ခဲ့တာတွေလည်း ရှိတယ်။ ဒါပေမယ့် အဲဒီ သင်တန်းကိုတော့ တရက်မှ လုံးဝမပျက်မကွက်ဘဲ သွားတက်ခဲ့တယ်။ ပြီးတော့ တကယ်လည်း စိတ်ဝင်စားတဲ့ အတွက်ကြောင့် အဆက်အသွယ်တွေ လုံးဝ မကွာသွားခင်၊ “ပုဒ်မ ၁၈” ဇာတ်ကားနဲ့ ဆုရပြီး မကြာခင်မှာ ဒီကားလေးကို ဆက်ပြီးတော့ ရိုက်ဖြစ်တာပါ။

မေး။ ။ ဒါရိုက်တာအလုပ်ကိုကော အသက်မွေးဝမ်းကျောင်းအဖြစ် လုပ်ဖို့ စဉ်းစားထားလား။

ဖြေ။ ။ ဒါရိုက်တာ အလုပ်နဲ့ အသက်မွေးဝမ်းကျောင်းပြုဖို့က ခဲယဉ်းတယ်။ ခဲယဉ်းတယ် ဆိုတာက အခုချိန်မှာ Documentary တွေ၊ ဘာတွေကလည်း ပွဲတော်တွေလုပ်မှသာ ဝင်ပြိုင်ဖြစ်တာ။ ဒါရိုက်တာ အလုပ်နဲ့ အသက်မွေး ဝမ်းကျောင်းပြုမယ် ဆိုတာက ဒါ ဝါသနာအရပဲ လုပ်လို့ရမယ်။ အသက်မွေးဝမ်းကျောင်း အရတော့ လုပ်လို့ရမှာ မဟုတ်ဘူး။ အသက်မွေးဝမ်းကျောင်း အတွက်ကတော့ တခြား လုပ်သင့်တာလေးတွေ လုပ်ရမှာပေါ့။ သတင်းထောက် အလုပ်ပဲဖြစ်ဖြစ်ပေါ့။ ဒါပေမယ့် Documentary ရိုက်ကူးတဲ့ အလုပ်ကိုတော့ ဘယ်တော့မှ စွန့်လွှတ်သွားမှာ မဟုတ်ပါဘူး။

မေး။ ။ ရှေ့ဆက်ပြီးတော့ အနုပညာနဲ့ ပတ်သက်ပြီး ဘာတွေထပ်လုပ်သွားဖို့ ရှိပါသလဲ။

ဖြေ။ ။ အဓိက ကတော့ Documentary အပိုင်းပဲပေါ့။ Short Film ကိုလည်း စိတ်ဝင်စားတယ်။ Script ပိုင်းတွေက အစ လေ့လာချင်တယ်။ ဒါပေမယ့် Documentary လိုင်းကို အားသန်တဲ့အတွက်ကြောင့် တကယ့် သတင်း အချက်အလက် မှန်မှန်နဲ့ တင်ပြတဲ့ ရုပ်ရှင်ကားတွေ ပိုသဘောကျတယ်။ ဒါကြောင့် Documentary ပိုင်းကို ဆက်ရိုက်မယ်။ ဒီကားလေး ဆိုရင် ကျမ ငယ်ငယ်ကတည်းက ကျမကိုယ်တိုင် ခံစားခဲ့ရတာပါ။ နိုင်ငံရေးလို့ ပြောလိုက်တာနဲ့ ဘေးက သူငယ်ချင်း တွေက ကိုယ့်ကို မပေါင်းချင်တော့တာမျိုး၊ အဲဒီလိုမျိုးဟာလေးတွေ ကိုယ်တိုင်ခံစားခဲ့ရတာမျိုး ကိုယ်တိုင်ပြန်ရိုက်ပြရတာ။ ကိုယ့်အစ်ကို၊ မောင်တွေလည်း ဒီလိုခံစားခဲ့ရတာပဲ ဆိုတာကို ပြန်ရိုက်ပြရတဲ့အတွက် တကယ် ကိုယ်ခံစားရတာနဲ့ ဥပမာ- အမျိုးသမီးတွေဆိုရင်လည်း အမျိုးသမီးတွေ ညှဉ်းပန်းနှိပ်စက် သတ်ဖြတ်ခံရတာတွေ ဒီနိုင်ငံမှာ ရိုက်ပြတာ ရှားသေးတယ်။ အဲဒါမျိုးလေးတွေ ရိုက်ပြချင်တယ်။ အဓိကကတော့ ကိုယ်ခံစားရတာတွေ၊ လက်တွေ့ဘဝတွေကိုပဲ ရိုက်ပြဖို့ စဉ်းစားထား ပါတယ်။

မေး။ ။ ကိုယ်က မိန်းကလေးတယောက် ဖြစ်နေတော့ ဒီ ဒါရိုက်တာအလုပ်ကို ရေရှည် လုပ်နိုင်မယ်လို့ တွေးထားလား။ ပြီးတော့ အမျိုးသမီးဒါရိုက်တာ တယောက်အနေနဲ့ကော ဘယ်လိုအခက်ခဲတွေ တွေ့ရလဲ။

ဖြေ။ ။ ရေရှည်လုပ်နိုင်မလား ဆိုတော့ တွေးထားတာထက် လုပ်ကိုလုပ်မှာပါ။ ဘာဖြစ်လို့လဲဆိုတော့ မိန်းကလေးနဲ့ ယောက်ျားလေးက မွေးလာကတည်းက ခြေလက်အင်္ဂါ အစုံနဲ့ ဉာဏ်ရည်ချင်းလည်း အတူတူပဲလို့ ကျမကတော့ ယူဆထားတယ်။ ယောက်ျားလေးတွေ လုပ်နိုင်တဲ့အလုပ်ကို မိန်းကလေးတွေလည်း လုပ်နိုင်ရမယ်။ ဒီလို ကင်မရာကိုင်ပြီး ရိုက်တာ မိန်းကလေးတယောက် အတွက် ဒီခေတ်ကြီးမှာတော့ ခဲယဉ်းတဲ့ အလုပ်လည်း မဟုတ်ဘူး။ အဲဒီတော့ ကျမ ကိုယ်တိုင်ပဲ ကင်မရာကိုင်ပြီး ရိုက်မယ်။ Edit က အစ ကျမကိုယ်တိုင် ကိုယ့်စိတ်ကြိုက် ကိုယ်သဘောကျပြီဆိုမှ ပရိသတ်ကို ချပြတယ်။ အဲဒီတော့ ကျမက ဒီအလုပ်ကိုလည်း ဆက်ပြီးတော့ လုပ်သွားမှာ၊ တကယ်ဝါသနာပါတဲ့ အလုပ်လည်းဖြစ်တယ်။ မိန်းကလေး တယောက်အနေနဲ့ အခက်အခဲရှိလားဆိုတော့ ရှိတယ်။ ရှိတယ်ဆိုတာ ဒီနိုင်ငံ မှာကော၊ တချို့ မဖွံ့ဖြိုးသေးတဲ့ နိုင်ငံတွေမှာ မိန်းကလေးတွေကို ဦးစားပေးတာ နည်းသေးတယ်။ မိန်းကလေးတွေရဲ့ အိုင်ဒီယာတွေကို ပယ်ချတာများတယ်။ မိန်းကလေးတွေရဲ့ ဆုံးဖြတ်ချက်ကို မယူကြဘူး။ မိန်းကလေးကဏ္ဍမှာ ပါဝင် တာတော့ မှန်တယ်။ ဒီလို သင်တန်းကျောင်းတွေမှာ မိန်းကလေးတွေလည်း ပါဝင်တယ်။ ၁၂ ယောက်မှာဆို ၄ ယောက်ပဲ ရွေးချယ် ခံရတယ်။ ဒီထက် ယောက်ျားလေးတွေနဲ့ ဆတူ၊ ယောက်ျားလေး ၆ ယောက်ဆို မိန်းကလေး ၆ ယောက်ပါရမယ်။ အဲဒီလိုမျိုးတွေ ဖြစ်လာဖို့လည်း လိုအပ်တယ်။ နောက်တခုကကျတော့ မိန်းကလေးတွေရဲ့ အိုင်ဒီယာကိုလည်း မပယ် ထားသင့်ဘူး။ ဥပမာ- မိန်းကလေးတယောက်က ဒါလေးကို ဒီလိုလုပ်လိုက်ရင် ကောင်းမယ်ဆိုတာက သူက ယောက်ျားလေးအမြင်နဲ့တော့ မတူဘူး။ ဒါပေမယ့် မြင်နေကျ အမြင်မဟုတ်ရင် ထူးဆန်းတာတွေကိုလည်း လူတွေက ခံစားချင်အောင်လို့ မိန်းကလေးတွေရဲ့ အမြင်ကိုလည်း မပယ်ချသင့်ဘူး။ ဆုံးဖြတ်ချက်တွေကိုလည်း မပယ်ချသင့်ဘူး။ မိန်းကလေးတွေကိုလည်း ဦးစားပေးသင့်တယ်။ ဦးစားပေးတယ်ဆိုတာက မိန်းကလေးတွေကို ရှေ့တန်းတင်ဖို့ မဟုတ်ဘူး။ ယောက်ျားလေးတွေက မိန်းကလေးတွေကို လက်တွဲခေါ်ဖို့ ပြောတာ၊ တန်းတူညီမျှခွင့်ကိုပဲ ပြောတာပါ။

မေး။ ။ အိမ်ကကော ဒီအလုပ်လုပ်ဖို့ ခွင့်ပြုလား။ အိမ်နဲ့ သဘောတူညီမှုရအောင် ဘယ်လိုလုပ်ထားလဲ။

ဖြေ။ ။ ကျမတို့အိမ်က တခုရှိတာ လွတ်လပ်ခွင့်ပေးထားတယ်။ သားသမီးတွေကို ဘာလုပ်ချင်တယ်၊ အစ်ကိုတွေ မောင်တွေကလည်း Musician တွေဖြစ်တဲ့အတွက် ကြိုက်တဲ့ Music ကိုလုပ်၊ လုပ်ခွင့်ပေးထားတယ်။ ကျမ ဆိုရင်လည်း သတင်းထောက်ကို တကယ်ဝါသနာပါလို့ လုပ်ခဲ့တာ။ Documentary သင်တန်းဆိုတာလည်း ကျမ တကယ်ဝါသနာပါလို့ တက်ခဲ့တာ။ တခြား သင်တန်းတွေလည်း ကျမတက်ခဲ့တယ်။ အိမ်ကတော့ အဲဒီလို ကန့်ကွက်ပိတ်ပင်တာတွေတော့ မရှိဘူး။ အနောက်ကနေ အမြဲတမ်း Supporting လိုက်လုပ်ပေး ပါတယ်။

မေး။ ။ မြန်မာနိုင်ငံမှာဆိုရင် အမျိုးသမီးဒါရိုက်တာတွေ ရှားတယ်။ အဲဒီအပေါ်ကို မခင်စုကြည်ရဲ့ အမြင် ပြောပြပေးပါ။

ဖြေ။ ။ အမျိုးသမီး ဒါရိုက်တာတွေ ရှားတယ်၊ ဟုတ်တယ်။ ကျမဆိုရင် ဒါရိုက်တာ မကြည်ဖြူသျှင်ကို အရမ်း အားကျတယ်။ ဒါကတော့ ကျမ လက်လှမ်းမီသလောက်ပေါ့။ ဒီနိုင်ငံမှာ မိန်းကလေးတယောက် ဒါရိုက်တာလုပ်တာ ရှားတယ်။ အခွေတွေ ဘာတွေဆိုရင်လည်း မကြည့်ဖူးသလောက်ပဲ။ မကြည်ဖြူသျှင်ကို အားကျတယ်။ သူ့လိုမျိုးလည်း ဖြစ်ချင်တယ်။ ကျမလည်း ရုပ်ရှင်ကားကြီး ရိုက်နိုင်အောင် ကြိုးစားမယ်။ အဓိကအမြင်ကတော့ အမျိုးသမီး ဒါရိုက်တာ ရှားတယ် ဆိုတာက ပြောရမယ်ဆိုရင် လူတယောက်က အဓိက ကတော့ ကိုယ်ဝါသနာပါတာကို ဆက်လျှောက်မယ်။ ဒါကတော့ ဝါသနာအရလည်း ဖြစ်ရင် ဖြစ်နိုင်မယ်။ ဒီ ဒါရိုက်တာအလုပ်ကို ဝါသနာမပါလို့ မလုပ်ကြတဲ့သူတွေလည်း ရှိကောင်းရှိမယ်။ တကယ် ဝါသနာပါတဲ့ သူတွေကလည်း ဇွဲနဲ့ လုပ်တတ်ဖို့လိုတယ်။ လက်တွဲခေါ်မယ့် သူတွေလည်း ရှိဖို့လိုအပ်တယ်။ ရုပ်ရှင်လောကက သူတွေကော တခြားအသိုင်းအဝိုင်းက သူတွေကော အားမလျှော့သွားအောင် မိန်းကလေးတွေကို လက်တွဲခေါ်သင့်တယ်လို့ ထင်ပါတယ်။

မေး။ ။ တခြားလေးစားရတဲ့ ဒါရိုက်တာတွေ ရှိရင် ပြောပြပေးပါဦး။

ဖြေ။ ။ ကျမကတော့ အမျိုးသမီး ဒါရိုက်တာဆိုရင် မကြည်ဖြူသျှင်ကို အားကျတယ်။ နောက်တယောက်ကတော့ ကျမရဲ့ဆရာ ဒါရိုက်တာ မင်းထင်ကိုကိုကြီးပါ။ သူ့ရဲ့ “အင်းသီး” Documentary ဇာတ်ကားလေးကိုကြည့်ပြီး အရမ်း ကြိုက်တယ်။ အဲဒါကြောင့်လည်း ကျမ ဒီအလုပ်ကို ဆက်လုပ်ဖြစ်တာပါ။ နောက် ဒါရိုက်တာ ဆရာမောင်မျိုးမင်းကို ကြိုက်တယ်။ သူ့အိုင်ဒီယာလေးတွေ ဆန်းတယ်။ သူက ရုပ်ရှင်မှ မဟုတ်ဘူး၊ သူရေးတဲ့ ပြက်လုံးလေးတွေကအစ သဘောကျတယ်။ နောက် သူရိုက်တဲ့ ရိုက်ကွက်လေးတွေလည်း သဘောကျတယ်။ ကျမက ဒီနိုင်ငံကထက် Bollywood က ရုပ်ရှင်တွေပိုပြီးတော့ ကြည့်ဖြစ်တယ်။ အိန္ဒိယရုပ်ရှင်တွေကို ကြိုက်တယ်။ ဇာတ်ကားက ရှည်သွားပေမယ့် ဇာတ်လမ်းက ငြီးငွေ့မသွားဘူး။ ဆွဲဆောင်နိုင်တယ်။ အိန္ဒိယကားတွေထဲမှာ “3 Idiots” ဆိုရင် ကျမအကြိုက်ဆုံး ကားလို့ ပြောလို့ရတယ်။ အဲဒီကားလေးကို ပထမဆုံး စကြည့်ဖြစ်တာပဲ။ နောက်ပိုင်း အိန္ဒိယကားတွေကို လေ့လာဖြစ်တယ်။ ဥပမာ- “The Water” ဆိုရင် အမျိုးသမီးတွေ ဖိနှိပ်ခံရတဲ့ကားလေးပေါ့။ အဲလိုမျိုးတွေဆိုရင် ဇာတ်လမ်းက ပျင်းဖို့တော့ ကောင်းတယ်။ ဒါပေမယ့် တဖြည်းဖြည်းနဲ့ Tempo လေးက မြင့်မြင့်သွားတယ်။ အိန္ဒိယက ဒါရိုက်တာတွေကို အရမ်း အားကျတယ်။

မေး။ ။ မခင်စုကြည် လိုမျိုး Directing ကို ဝါသနာပါတဲ့ မိန်းကလေးတွေအများကြီး ရှိတယ်၊ ဒါပေမယ့် မလုပ်ရဲကြဘူး။ အဲဒီအပေါ်ကိုကော ဘယ်လိုအားပေး တိုက်တွန်းစကား ပြောချင်လဲ။

ဖြေ။ ။ မလုပ်ရဲကြဘူးဆိုတာ တဘက်ကကြည့်ရင်လည်း မလုပ်နိုင်တာကြောင့်လည်း ပါမှာပေါ့။ ဥပမာ- ဒါရိုက်တာလုပ်ဖို့ အတွက် ဆိုတာကလည်း တဘက်က Supporting ရှိဦးမှ။ အဓိကက ကင်မရာပိုင်း၊ ကင်မရာတွေကလည်း အခုချိန်မှာ ကျမတို့ နိုင်ငံမှာက ဝယ်ရတာ ခက်သေးတယ်။ ပြောရမယ်ဆိုရင် ဈေးကြီးသေးတယ်။ အဲဒီပိုက်ဆံကို ထုတ်နိုင်ဖို့အတွက် မိန်းကလေးတွေကလည်း ခက်ခဲလိမ့်ဦးမယ်။ ကျမဆိုရင်လည်း အမှန်တိုင်းပြောရင် ကိုယ်တိုင် ကင်မရာ မဝယ်နိုင်သေးဘူး။ အဖေ့ ကင်မရာနဲ့ ရိုက်ရတာ။ အဲဒီလို အစစ အရာရာကြောင့်လည်း ပါမယ်။ နောက်တခုက မိန်းကလေးဆိုတာကလည်း ယောက်ျားလေးတွေလို အလုပ်တခုတည်းကိုပဲ ဦးစားပေးလုပ်လို့မရဘူး။ အိမ်တအိမ်မှာ အဝတ်လျှော်တာ၊ ချက်ပြုတ်တာ၊ ဈေးဝယ်တာ မိန်းကလေးတွေ အကုန်လုပ်ရတယ်။ မလုပ်ရင်လည်း အငြိုငြင်ခံရတယ်။ မိန်းကလေး တယောက်က အဝတ် အစားကိုလည်း သပ်သပ်ရပ်ရပ် ဝတ်ဖို့လည်း လိုအပ်တယ်။ အဲဒီအတွက် အိမ်မှုကိစ္စတွေကအစ လုပ်ရတဲ့အတွက် အခြား သူတို့ ဝါသနာပါရာတွေကို လက်လျှော့သွားတဲ့သူတွေ ရှိတယ်။ ဥပမာ- သတင်းထောက်ဘဝမှာ ဆိုရင်လည်း အိမ်ထောင် ကျပြီးတော့မှ သတင်းထောက် မလုပ်တော့တဲ့ အမျိုးသမီးတွေလည်းရှိတယ်။ အိမ်ထောင်ရေးကို ဦးစားပေးလိုက်တာပေါ့။ အဓိကကတော့ ယောက်ျားနဲ့ မိန်းမသာ တန်းတူအခွင့်အရေးရမယ် ဆိုရင် ယောက်ျားလေးအလုပ်ကိုလည်း မိန်းကလေးက ဝိုင်းကူလုပ်၊ မိန်းကလေး အလုပ်ကိုလည်း ယောက်ျားလေးက ဝိုင်းကူလုပ်၊ မိန်းကလေးချည်းပဲ ဦးဆောင်နေဖို့ မဟုတ်ဘူး။ ဥပမာ- ယောက်ျားလေးက သူစားပြီးတဲ့ ပန်းကန်ကို သူ့ဘာသာသူ ဆေးမယ်ဆိုရင် မိန်းကလေးအတွက် အချိန်ကုန် သက်သာမယ်။ အချိန်ကုန်သက်သာတဲ့ အတွက်ကြောင့် မိန်းကလေးက ဥပမာ – သူ စာရေးဝါသနာပါရင် ငါးမိနစ် ဆိုတဲ့ အချိန်က တန်ဖိုးရှိတယ်။ စာရေးလိုက်ရင် တပုဒ်ပြီးနိုင်တယ်။ အဲဒီလိုမျိုးပေါ့၊ တတ်နိုင်တဲ့ဘက်က ယောက်ျားလေး တွေကနေ ပံ့ပိုးပေးသွားမယ်ဆိုရင် မိန်းကလေးတွေကလည်း သူဝါသနာပါတဲ့လမ်းကို ဖြောင့်ဖြောင့်တန်းတန်း ဆက်လျှောက် နိုင်မှာပါ။

မေး။ ။ အခုနောက်ပိုင်း မြန်မာနိုင်ငံမှာ အမျိုးသမီးကဏ္ဍကို အရေးပေးလာတာ တွေ့ရတယ်။ အဲဒါကိုရော မခင်စုကြည် ဘယ်လိုမြင်လဲ။

ဖြေ။ ။ အရေးပေးလာတာက မှန်ပါတယ်။ ဒီလိုပေါ့နော်၊ တချို့သင်တန်းတွေမှာဆိုရင်လည်း မိန်းကလေးတွေကို ဦးစားပေးပြီး တက်ခိုင်းလာကြတယ်။ ဒါပေမယ့် အဓိကကတော့ ဆုံးဖြတ်ချက်ချတဲ့ နေရာမှာ မိန်းမတွေလည်း ပါဝင်ဖို့ပေါ့။ ဥပမာ – ကချင်စစ်အကြောင်း ဆွေးနွေးကြတယ်၊ ငြိမ်းချမ်းရေးအတွက် စာချုပ်တွေ ချုပ်ဆိုကြတယ်။ အဲဒီအချိန်မှာ အမျိုးသမီးတွေဘက်က ခံစားချက်တွေ ဘယ်လိုရှိလဲ၊ စစ်ကြောင့်စစ်ပြေးနေရတဲ့ အမျိုးသမီးတွေ ရှိတယ်။ စစ်ဖြစ်တဲ့ကာလအတွင်းက အကြမ်းဖက်ခံရတဲ့ မိန်းကလေးတွေလည်း ရှိတယ်။ အဲဒီမိန်းကလေးတွေကိုကော သူတို့ဘယ်လို ကာကွယ်ပေးမလဲ။ အဲဒါတွေကျတော့ ကိုယ်တိုင်ခံစားဖူးသူမှ သိမှာ။ အဲဒီတော့ မိန်းကလေးအချင်းချင်း ပါဝင်ဆွေးနွေးနိုင်ဖို့၊ မိန်းကလေးတွေ ဆုံးဖြတ်ချက်ချနိုင်ဖို့၊ အဲလိုနေရာတွေမှာပါ မိန်းကလေးတွေကို ဦးစားပေးဖို့ လိုအပ်သေးတယ်။

မေး။ ။ အခု ကိုယ့်ကိုယ်ကိုယ် ဘယ်အနေထားရှိပြီလို့ သုံးသပ်ထားလဲ။ ဘာတွေထပ်ပြီး လိုအပ်တယ်လို့ ထင်လဲ၊ ဘာတွေထပ်ပြီးတော့ လေ့လာသွားဦးမလဲ။

ဖြေ။ ။ ကျမကတော့ ကိုယ့်ကိုယ်ကိုယ် သင်ယူဆဲလို့ပဲ မှတ်တယ်။ ကိုယ်တိုင်လည်း ပညာတွေ မပြည့်ဝသေးဘူးလို့ သတ်မှတ်တယ်။ ကျမ ဒီ Documentary ကို ကြည့်တယ်။ ကြည့်တဲ့အခါမှာ တရက်ကြည့်တယ်၊ တရက်ပိုပြီးတော့ သင်ထားရတာတွေရှိတဲ့အတွက် ဒီကားလေးက ဘာလိုအပ်ချက်ရှိလာလဲ၊ အဲဒီလို ပိုမြင်လာတယ်။ ကိုယ်ကတော့ ပညာကို ကုန်သည်မရှိဘူး၊ ထပ်ပြီးတော့ လေ့လာရဦးမှာပဲ။ အဲဒီတော့ ကျမကတော့ ဆုရဒါရိုက်တာ ဆိုပေမယ့်လည်း သင်ယူဆဲဒါရိုက်တာ အနေနဲ့ပဲ ကျမ သတ်မှတ်ပါတယ်။

မေး။ ။ မြန်မာနိုင်ငံက ရုပ်ရှင်ပညာက နိုင်ငံတကာနဲ့ယှဉ်ရင် အရမ်းနောက်ကျနေတယ်လို့ ဆိုကြတဲ့ အပေါ် ဘယ်လို မြင်ပါသလဲ။ ဘာတွေပြောင်းလဲဖို့ လိုအပ်မယ်လို့ ထင်လဲ။

ဖြေ။ ။ အမြင်ဆိုတာထက် ကျမအနေနဲ့ အဲဒါကို မြင်ဖို့၊ သုံးသပ်ဖို့ကျတော့ ကျမ အနေထားနဲ့ကတော့ ပြောဖို့ ခက်သေးတယ်။ ကျမ အဓိက သုံးသပ်ချင်တာကတော့ Documentary ၊ Short Film တွေက ဒီနိုင်ငံမှာ ရှားသေးတယ်။ ဒါပေမယ့် ဖြစ်ချင်တဲ့ ဒါရိုက်တာတွေက များတယ်။ သူတို့ ဘာကို စောင့်မျှော်နေရလဲဆိုတော့ သူတို့ ဒီရုပ်ရှင်ပွဲတော် တွေကိုပဲ အားကိုးနေရတယ်။ ရုပ်ရှင်ပွဲတော်တွေကလည်း ဒီနိုင်ငံမှာ ရှားသေးတယ်။ နိုင်ငံခြားကို ထွက်လုပ်ဖို့ ဆိုတာကလည်း ဒီနိုင်ငံမှာ ခက်ခဲသေးတယ်။ အွန်လိုင်း အခက်အခဲတွေကြောင့်ကောပဲ။ အဓိက ကျမ ဖြစ်စေချင်တာ လေးကတော့ Documentary ပဲ ဖြစ်ဖြစ်၊ Short Film ပဲဖြစ်ဖြစ်၊ လူငယ်တွေ ရိုက်ကူးထားတဲ့ ဟာလေးတွေကို ထုတ်လွှင့်ပြသ ပေးနိုင်တဲ့ Channel တခုပေါ့။ ဥပမာ – MTV ဆိုရင် သီချင်းအသစ်တွေ မှန်သမျှ သူတို့ဘက်က တနှစ်ပတ်လုံး လွှင့်ပေးတယ်၊ ဆုလေးတွေ ပေးပေးတယ်၊ ဒါ Channel တခုအနေနဲ့ပေ့ါ။ အဲဒီလိုမျိုး Documentary ၊ Short Film တွေကို ဝါသနာပါတဲ့ ဒါရိုက်တာတွေက ရိုက်ပြီးတော့ အဲဒီ Channel ကိုပေးပို့မယ်၊ အဲဒီ Channel ကနေ လွှင့်ပေးမယ်။ တခြားပြိုင်ပွဲက ဆုရတဲ့ ဇာတ်ကားလေးတွေ လွှင့်ပေးမယ်၊ နိုင်ငံခြားက ဆုရတဲ့ ဇာတ်ကားလေးတွေ လွှင့်ပေးမယ်ဆိုရင် ဒါရိုက်တာတွေဘက်ကလည်း ပိုပြီးတော့ သင်ကြားရတာလည်း လွယ်မယ်။ ဒါရိုက်တာ အနေနဲ့လည်း ပိုပြီးတော့ လမ်းဆက်လျှောက်ဖို့ လွယ်ကူမယ်။

မေး။ ။ နိုင်ငံတကာက ကျင်းပလာမယ့် ရုပ်ရှင်ပွဲတော်တွေကိုကော သွားပြိုင်ဖို့ အစီစဉ်ရှိမရှိ သိချင်ပါတယ်။

ဖြေ။ ။ ဟုတ်ကဲ့၊ အစီအစဉ်ကတော့ ရှိပါတယ်။ ရုပ်ရှင်ကို ဒီနိုင်ငံမှတင် မဟုတ်ပါဘူး။ ဒါက ကျမတို့ ခံစားခဲ့ရတာတွေကို တကမ္ဘာလုံးကို ချပြသင့်ပါတယ်။ ဘာဖြစ်လို့လဲဆိုတော့ ဒီနိုင်ငံရေး အကျဉ်းသားတယောက်ကို ထောင်ချလိုက်တာနဲ့ ဒီနိုင်ငံရေးအကျဉ်းသား တယောက်တည်း မကဘဲ သူ့တမိသားစုလုံး ဒုက္ခရောက်တယ်ဆိုတာကို တနိုင်ငံလုံးအနေနဲ့ သိစေချင်သလို တကမ္ဘာလုံးကိုလည်း သိစေချင်တယ်။ အဲဒီအတွက် ကျမ နိုင်ငံတကာ ရုပ်ရှင်ပွဲတော်တွေမှာလည်း ပြိုင်ဖို့ ကြိုးစားနေပါတယ်။

မေး။ ။ အခုကတည်းက ဘာတွေပြင်ဆင်နေပြီလဲ၊ ဘာတွေပြင်ဆင်ဖို့ လိုအပ်မယ်လို့ထင်လဲ။

ဖြေ။ ။ အဓိက ပြင်ဆင်ရမှာတော့ ကျမတို့ လုပ်ရဲဖို့ပါပဲ။ ဒီကားလေးဆိုရင်လည်း ကျမ ပထမတော့ ဖြစ်မလား၊ မဖြစ်ဘူးလား၊ အောင်မြင်မလား၊ မအောင်မြင်လားလည်း ကျမ မသိဘူး။ ဒါပေမယ့် ကျမ လုပ်ခဲ့ပါတယ်။ အဓိကကတော့ လုပ်ရဲဖို့ပါပဲ။ လုပ်ရဲမယ်ဆိုရင် မဖြစ်ဘူးဆိုတာ မရှိပါဘူး။

မေး။ ။ အနုပညာအပေါ် ညီမရဲ့ ခံယူချက်ကို ပြောပြပေးပါ။

ဖြေ။ ။ အနုပညာအပေါ် ခံယူချက်က အဓိကကတော့ ထောင်ထဲကဆိုလည်း ထောင်ထဲမှာ ခံစားရတာတွေကို ကဗျာတပုဒ်နဲ့ပဲဖြစ်ဖြစ်၊ စာတကြောင်းနဲ့ပဲ ဖြစ်ဖြစ်၊ သီချင်းတပုဒ်နဲ့ပဲ ဖြစ်ဖြစ် ဖော်ကျူးကြတယ်။ ဒါတွေက အရမ်းကို အဓိပ္ပာယ်ရှိတယ်။ ဒီအတိုင်း စကားချည်းပဲ ပြောမယ်ဆိုရင် နားထောင်ချင်မှ နားထောင်မယ်၊ ခံစားမိချင်မှ ခံစားမိမယ်။ “Vaiolenz against Violence” ဇာတ်ကားမှာဆိုရင် ကျမ နောက်ဆုံးမှာ ဖော်ပြခဲ့တဲ့သီချင်းက ထောင်ထဲမှာနေရင်း အသက်သေဆုံးသွားတဲ့ ကျောင်းသားတယောက်အကြောင်း ရေးစပ်ထားတဲ့ သီချင်းပေါ့။ သီချင်းလေးနဲ့ ရေးစပ်တဲ့အတွက် လူတွေလည်း ပိုပြီးတော့ နားထောင် ချင်တယ်။ အနုပညာကို ကျမက ဂုဏ်ပြုတဲ့အနေနဲ့ ရုပ်ရှင်အနုပညာထဲမှာ ပြန်ပြီးတော့ အသုံးချ လိုက်တယ်။ အဲဒီလို အသုံးချလိုက်တဲ့အတွက် လူတွေက ပိုပြီးတော့ ဒါကိုကြည့်ဖြစ်တယ်၊ ပိုပြီးတော့လည်း ခံစားဖြစ်တယ်။ ကမ္ဘာပေါ်မှာ ထိထိရောက်ရောက်နဲ့ လွှမ်းမိုးနိုင်တဲ့ အနုပညာက ရုပ်ရှင်ပါ။ ရုပ်ရှင် ဆိုတာက ပရိသတ်ကို ပေးချင်တဲ့ Message ကို ထိထိရောက်ရောက်ပေးနိုင်တဲ့အရာလို့ ကျမ ယုံကြည်ပါတယ်။

မေး။ ။ လူငယ်ဘဝကို ညီမရဲ့ ကိုယ်ပိုင်အမြင်နဲ့ အဓိပ္ပာယ်ဖွင့်ပေးပါဆိုရင်။

ဖြေ။ ။ အဓိကကတော့ လူငယ်ဖြစ်တဲ့အတွက် လွတ်လပ်တာကိုပဲ ကြိုက်တယ်။ ကျမကိုယ်တိုင်လည်း အိမ်က ချုပ်ချယ်တာကို မကြိုက်ဘူး၊ လွတ်လပ်တာကို ကြိုက်တယ်။ ကျမ လုပ်ချင်ပြီဆိုရင် လုပ်လိုက်တာပဲ။ ဒီကားကို ရိုက်ချင်တယ်ဆိုရင် ရိုက်လိုက်တာပဲ။ ဒီသင်တန်း တက်ချင်တယ်ဆိုရင် တက်လိုက်တာပဲ။ အိမ်က ခွင့်ပြုချက် ရရ၊ မရရတော့ ကျမလည်း မစဉ်းစားဘူး။ ဒါပေမယ့်လည်း မိဘတွေက ကောင်းစေချင်လို့ ဒါလေးလုပ်ပါဆိုပြီး ဝေဖန် တာတွေရှိတယ်။ မိဘတွေက ပြောပြတယ်၊ ဒီလမ်းကို သွားဖို့အတွက်၊ မှားတဲ့လမ်းကို မလျှောက်ဖို့ ဒါပေမယ့် မိဘတွေကတော့ ကိုယ်တိုင် ဆုံးဖြတ်ချက်မချပေးဘူး။ ဒါကတော့ ကိုယ်ကိုယ်တိုင် လျှောက်မယ့်လမ်း ဖြစ်တဲ့အတွက် ကိုယ်ကိုယ်တိုင် ဆုံးဖြတ်ချက်ချဖို့ သင်ပေးထားတယ်။ အဲဒီအတွက်ကြောင့် ကျမတို့ လျှောက်မယ့်လမ်းကို ကိုယ်ကိုယ်တိုင် ဆုံးဖြတ်ချက်ချတာ မှန်ကန်ဖို့ပဲလိုတယ်။ လူငယ်တွေမှာ လွတ်လပ်တယ်ဆိုပေမယ့်လည်း လမ်းမှား မရောက်သွားဖို့ လိုအပ်တယ်။ အဲဒီအတွက်လည်း လူကြီးတွေ ဆုံးမတာကို နားထောင်၊ နားထောင်ပြီးတော့ တကယ်လုပ်သင့်လား၊ မလုပ်သင့်လားဆိုတာ ကိုယ်တိုင် ဆုံးဖြတ်ချက်ချပြီးတော့ လုပ်သင့်တယ်။

မေး။ ။ လူငယ်တွေကို လက်ဆင့်ကမ်းစကားလေး ပြောပြပေးပါဦး။

ဖြေ။ ။ လက်ဆင့်ကမ်းစကားဆိုရင် အခု ဒီနိုင်ငံမှာ လူငယ်ကဏ္ဍက ဖွံ့ဖြိုးလာတယ်။ အဓိကကတော့ လူငယ် တယောက်ဖြစ်တယ်ဆိုပေမယ့် ရိုးသားဖို့လိုတယ်၊ ရဲရင့်ဖို့လိုတယ်။ နောက်တခုကကျတော့ အကယ်၍ ကိုယ်ကလည်း တခြားလူတွေကို ဆက်သွယ်ရမှာဖြစ်တဲ့အတွက် တခြားလူတွေကို လေးစားဖို့လည်း လိုတယ်။ တခြားလူတွေကို ကိုယ်က မလေးစားဘဲနဲ့ ရာထူးကြီးကြီး ယူထားပြီးတော့ အရင် အာဏာရှင်စံနစ် အတိုင်းပဲ “ငါပြောတာလုပ်၊ ငါလုပ်တဲ့အတိုင်း မလုပ်နဲ့” ဆိုပြီး အဲဒီလို လူမျိုး၊ လူငယ်တွေ ရှိနေသရွေ့ကတော့ လူငယ်ကဏ္ဍက ဖွံ့ဖြိုးတိုးတက်မှာ မဟုတ်ဘူး။ အဲဒီတော့ လူငယ်အချင်းချင်း ပွင့်လင်းမြင်သာစွာ ဆွေးနွေးပါ။ ပွင့်လင်းမြင်သာစွာပဲ လုပ်ဆောင်ပါ။ လူငယ်အချင်းချင်း လေးစားမှု ရှိတယ်ဆိုရင်တော့ ဒီလူငယ်ကဏ္ဍက တိုးတက်လာမှာပါ။

မေး။ ။ ဖြည့်စွက်ပြောစရာ ရှိသေးရင် ပြောပါဦး။

ဖြေ။ ။ ဖြည့်စွက်ပြီး ပြောချင်တာကတော့ ဒီ “Vaiolenz against Violence” ဇာတ်ကားက ကျမရဲ့ ပထမဆုံး Documentary ဖြစ်တယ်၊ Musical Documentary လည်း ဖြစ်တဲ့အတွက် လူတွေမပျင်းရအောင် ကျမ အတတ်နိုင်ဆုံး တင်ပြထားတယ်။ နိုင်ငံရေးအကျဉ်းသား ဘဝတွေရယ်၊ အဖေက Musician တယောက် ဖြစ်ရဲ့သားနဲ့ သားသမီးတွေကို ပြန်မသင်ပေးရဘူးပေါ့၊ အဲဒီဘဝလေးတွေကို ကျမက အဓိက အခြေခံ ရိုက်ပြထားတဲ့အတွက် ဒီကားလေးကိုတော့ လူတိုင်းကို ကြည့်စေချင်ပါတယ်။ ။

ရခိုင်ပြည်နယ်၏ ဘတ်ဂျက် ၁၃ ဘီလျံအား ပြန်သွင်းရသည်ဟု ဆိုသည့် အပေါ် နှစ်ဖက် ကွဲလွဲနေ

ဟင်္သာနီ (မွန်မြေ)

ရခိုင်ပြည်နယ် အစိုးရ အဖွဲ့မှ ၂ဝ၁၃ - ၂ဝ၁၄ ဘတ်ဂျက်နှစ်၌ လျာထား ဘတ်ဂျက် အနက် ၁၃ ဒသမ ၁၈ ဘီလျံကျပ်အား လုပ်ငန်း အကောင်အထည် မဖော်နိုင်ခဲ့သဖြင့် ပြည်ထောင်စု အစိုးရသို့ ပြန်အပ်ခဲ့ရကြောင်း ပြည်နယ်လွှတ်တော် ကိုယ်စားလှယ်များမှ ပြောကြားကာ ၎င်းအား ဟုတ်မှန်မှု မရှိကြောင်း ပြည်နယ် ဘဏ္ဍာရေးနှင့် အခွန်ဝန်ကြီး ဒေါက်တာအောင်ကျော်မင်းမှ ငြင်းဆိုခဲ့သည်။

“ဘတ်ဂျက်ငွေ ၁၃ ဒသမ ၁၈ ဘီလျံကို ပြန်အပ်ရတယ် ဆိုတာ မဟုတ်ဘူး၊ ၁၂ ဒသမ ၇၅ ၊ ၁၃ ဘီလျံ လောက်ကို ပြည်ထောင်စု ဆောက်လုပ်ရေး ဝန်ကြီးဌာနက အကောင်အထည် ဖော်ထားတဲ့ လမ်းတံတား ဆောက်လုပ်ထားတာအတွက် ပေးရမှာ၊ အဲဒါအပြင် အခြား ဝန်ထမ်းလစာ အပါအဝင် ပေးရမှာတွေ အားလုံး ချုပ်လိုက်ရင် ဘဏ္ဍာရေး နှစ်ရဲ့ လက်ကျန် ငွေက ဒသမ (၄) ဘီလျံလောက်ပဲ ကျန်တယ်” ဟု ရခိုင်ပြည်နယ် ဘဏ္ဍာရေးနှင့် အခွန်ဝန်ကြီးဌာန ဒေါက်တာ အောင်ကျော်မင်းက မဇ္ဈိမကို ပြောသည်။

ရခိုင်ပြည်နယ် အစိုးရ အသုံးပြုရန် ၂ဝ၁၃-၂ဝ၁၄ ဘဏ္ဍာရေးနှစ်တွင် ပြည်ထောင်စု အစိုးရမှ ခွင့်ပြုထားသည့် ဘတ်ဂျက် ၁ဝ၉ ဘီလျံကျပ် ဖြစ်ကာ ၎င်း အနက်မှ ၁၃ ဒသမ ၁၈ ဘီလျံကို ပြန်အပ်ခဲ့ရခြင်း ဖြစ်ကြောင်း ဆိုခြင်း ဖြစ်သည်။

ထိုသို့ ပြန်အပ်ခဲ့ရသည်မှာ ဟုတ်မှန်ကြောင်းနှင့် ပြီးခဲ့သည့် ၂၁ ရက်နေ့၌ ကျင်းပခဲ့သည့် ပြည်နယ် လွှတ်တော် အစည်းအဝေးတွင် ပြည်နယ်လွှတ်တော် ကိုယ်စားလှယ် ဦးအောင်မြတ်ကျော်နှင့် ဦးစိုးငြိမ်းတို့မှ အစိုးရ အဖွဲ့နှင့် အခြေအတင် တင်ပြ ဆွေးနွေး ခဲ့ကြောင်း ပြည်နယ် လွှတ်တော် ကိုယ်စားလှယ် ဦးစိုးငြိမ်းက မဇ္ဈိမကို ပြောသည်။

“ပြန်အပ်ရတယ် ဆိုတာ သေချာပါတယ်၊ ကျွန်တော်တို့ အနေနဲ့ အစိုးရ အဖွဲ့ အသုံးစရိတ် ဘယ်လောက်ရှိလဲ၊ ပြည်ထောင်စု အစိုးရကခွင့်ပြုငွေ ပမာဏ ဘယ်လောက် ရှိလဲ ဒီအပေါ် တည်ဆောက်ပြီးမှ အသေအချာ ပြောတာလေ၊ မဟုတ်ဘဲနဲ့ ကျွန်တော်တို့ ပြောပါ့မလား” ဟု RNDP ပါတီ ကျော်တော်မြို့ မဲဆန္ဒနယ်မှ ပြည်နယ်လွှတ်တော် ကိုယ်စားလှယ် ဦးစိုးငြိမ်းက ၎င်းက ပြောသည်။

၂ဝ၁၂-၂ဝ၁၃ ဘဏ္ဍာရေးနှစ်တွင်လည်း အလားတူ အသုံးမပြုနိုင်ခဲ့သည့် ကျပ်ငွေ ၈ ဘီလျံအား ပြည်ထောင်စု အစိုးရအား ပြန်သွင်းခဲ့ရကြောင်းလည်း ဦးစိုးငြိမ်းက ဆက်ပြောသည်။

အမှန်မှာ လွှတ်တော် ကိုယ်စားလှယ်များမှ နားလည်မှုလွဲခြင်း ဖြစ်ကာ ပြည်ထောင်စု အစိုးရမှ အကောင်အထည်ဖော်ခဲ့သည့် လမ်း၊ တံတား ဆောက်လုပ်ရေး စီမံကိန်းများကို ပြည်ထောင်စု အစိုးရ၏ ဘတ်ဂျက်ဖြင့် အကောင်အထည် ဖော်ခဲ့သည်ဟု ထင်မြင်ခဲ့ကြောင်း ဝန်ကြီး ဒေါက်တာအောင်ကျော်မင်းက ပြောသည်။

ထိုပြန်အပ် ရငွေများအနက် လမ်းတံတား ဆောက်လုပ်ရေး ကဏ္ဍ အတွက် ပြန်အပ်ရငွေမှာ (၁ဝ) ဘီလျံကျော် ရှိကြောင်း ပြည်နယ် လွှတ်တော် ကိုယ်စားလှယ်များက စွပ်စွဲ ထားသည်။

ရန်ကုန်မြို့သစ်စီမံကိန်းကို ကျေးရွာဒေသခံတချို့ ကန့်ကွက်

DVB

လူဦးရေ ၅၁ သန်းကျော်တွင် ပြည်ပရောက် ရွှေ့ပြောင်းအလုပ်သမားများ မပါသေး

စနေလင်း

၂၀၁၄ ခုနှစ် လူဦးရေနှင့် အိမ်အကြောင်းအရာ သန်းခေါင်စာရင်း ရှေ့ပြေး လူဦးရေ စာရင်းများအရ ထုတ်ပြန်လိုက်သော မြန်မာနိုင်ငံအတွင်း လူဦးရေ ၅၁ သန်းကျော်တွင် ပြည်ပသို့ ရွှေ့ပြောင်းလုပ်ကိုင်နေကြသူများ မပါဝင်သေးကြောင်း သိရသည်။

လက်ရှိ ကောက်ယူထားသော စာရင်းများသည် မြန်မာနိုင်ငံ နယ်နိမိတ်အတွင်း သန်းခေါင်စာရင်း ကောက်ယူရေး သတ်မှတ်ချက်များအရ လုပ်ထားခြင်းသာဖြစ်ပြီး ၎င်းစာရင်းထဲတွင် နိုင်ငံခြား၌ တာဝန်ထမ်းဆောင်နေသော သံတမန်များသာ ပါဝင်ကြောင်း သြဂုတ် ၃၀ ရက်နေ့က ရန်ကုန်မြို့၊ ကန်တော်ကြီးပဲလေ့စ် ဟိုတယ်တွင် ကျင်းပသော သတင်းစာရှင်းလင်းပွဲတွင် လူဝင်မှုကြီး ကြပ်ရေးနှင့် ပြည်သူ့အင်အား ၀န်ကြီး ဦးခင်ရီက ပြောသည်။

“ဒီထဲမှာ မပါသေးတာက နိုင်ငံခြားမှာ အလုပ်လုပ်နေတဲ့သူတွေ။ အဲဒါတွေ ဘယ်လောက်ရှိမယ်ဆိုတာ မသိဘူးပေါ့။ ဆိုပါစို့၊ အဲဒါတွေက ၄ သန်းလောက် ရှိမယ်ဆိုရင် ထည့်ပေါင်းလိုက်တော့ ၅၅ သန်းဖြစ်လာမှာပေါ့။ ၃ သန်းရှိမယ်ဆိုရင် ၅၄ သန်းဖြစ်လာမှာပေါ့။ အရင် ခန့်မှန်းပြောခဲ့သလို မြန်မာနိုင်ငံ လူဦးရေ သန်း ၆၀ ကတော့ ဟိုမှာလည်း လောက်ရှိနေမလဲ မသိသေးတော့ ပြောလို့မရဘူး။ ကျနော်မှန်းတာကတော့ အဲဒီလောက် မရှိဘူးထင်တယ်” ဟု ၎င်းက ဆိုသည်။

ပြည်ပတွင် ရှိနေသော မြန်မာနိုင်ငံ လူဦးရေ အတိအကျကိုမူ လာမည့် ၂၀၁၅ ခုနှစ် မေလလောက်တွင်မှ သိရမည်ဖြစ်ကြောင်း၊ လ၀က အနေဖြင့် ပြည်ပထွက် အလုပ်လုပ်သူများနှင့် ပတ်သက်ပြီး စာရင်းကောက်ယူမှု ရှိခဲ့သော်လည်း တရားဝင် အပေါ်လမ်းမှ ထွက်သွားကြသူများ ရှိသကဲ့သို့ တရားမ၀င် အောက်လမ်းမှ ထွက်သွားကြသူများလည်း ရှိနေသောကြောင့် ထိုစာရင်းများကို လာမည့်နှစ် မေလမှသာ ထုတ်ပြန်နိုင်မည် ဖြစ်ကြောင်း သိရသည်။

လက်ရှိ ကောက်ယူထားသော သန်းခေါင်စာရင်းများတွင် ကချင်ပြည်နယ်၊ မံစီ၊ လွယ်ဂျယ်နှင့် မိုးမောက်မြို့နယ်များရှိ ကချင် လွတ်လွပ်ရေး တပ်မတော် (KIA) ထိန်းချုပ်နယ်မြေ ကျေးရွာအုပ်စု ၂၅ စု အပါအဝင် မကောက်ယူနိုင်သည့် ဒေသများအတွက် ခန့်မှန်းလူဦးရေ ၄၆၆၀၀ ရှိကြောင်း ထုတ်ပြန်ချက်များအရ သိရသည်။

ရခိုင်ပြည်နယ်တွင် ရိုဟင်ဂျာလူမျိုးဟု စာရင်းသွင်းမှသာ ကောက်ခံမည်ဆိုသည့်အတွက် ကောက်ယူနိုင်ခြင်းမရှိခဲ့သော လူဦးရေမှာ ၁ သန်းကျော်ရှိကြောင်း၊ မောင်တော၊ စစ်တွေနှင့် မြောက်ဦးခရိုင်တို့မှဖြစ်ပြီး ရခိုင်ပြည် နယ်အတွင်းရှိ လူဦးရေ၏ ၃၁ ရာခိုင်နှုန်းဖြစ်ကြောင်းသိရသည်။

ကရင်ပြည်နယ်၊ ကရင်အမျိုးသား အစည်းအရုံး (KNU) တပ်မဟာ ၅ ဌာနချုပ် တည်ရှိရာ နယ်မြေရှိ ကျေးရွာများတွင်လည်း သန်းခေါင်စာရင်း မေးခွန်းပုံစံများကို အသုံးပြုပြီး စာရင်းကောက်ယူနိုင်ခြင်း မရှိခဲ့သော်လည်း KNU အဖွဲ့မှ ရရှိသည့် အချက်အလက်များသည် သန်းခေါင်စာရင်း အချက်အလက်များနှင့် အနီးစပ်ဆုံး မှန်ကန်ခဲ့ပြီး သန်းခေါင်းစာရင်း မေးခွန်းပုံစံကို အသုံးပြု ခြင်းမရှိဘဲ ကောက်ယူနိုင်ခဲ့သည့် လူဦးရေမှာ ၆၉၇၅၃ ဦးခန့်ဖြစ်ကြောင်း သိရသည်။

“အခု ရှေ့ပြေးလူဦးရေ စာရင်းတွေအရ မြန်မာနိုင်ငံမှာ မိန်းကလေးဦးရေက ယောက်ျားလေးဦးရေထက် ပိုများနေတာကို တွေ့ရတယ်။ လူဦးရေစုစုပေါင်းရဲ့ ၅၁.၈ ရာခိုင်နှုန်းက မိန်းကလေးဖြစ်ပြီး ၄၈.၂ ရာခိုင်နှုန်းက ယောက်ျားလေးဖြစ်တယ်။ မြို့ပြလူဦးရေ အများဆုံးက ရန်ကုန်နဲ့ ကချင်ဖြစ်ပြီး အနည်းဆုံးက ဧရာဝတီနဲ့ မကွေးတို့ဖြစ်တယ်” ဟု ၀န်ကြီး ဦးခင်ရီက ဆိုသည်။

တိုင်းနှင့် ပြည်နယ် မြို့ကြီးများအနက် လူဦးရေ အများဆုံးမြို့မှာ ရန်ကုန်မြို့ (၅၂၀၉၅၄၁ ဦး) ဖြစ်ပြီး မန္တလေးမြို့သည် ဒုတိယ လူဦးရေ အများဆုံးနှင့် နေပြည်တော်သည် တတိယ လူဦးရေ အများဆုံးဖြစ်သည်။ လူဦးရေ အနည်းဆုံးမှာ ဟားခါး မြို့ (၄၈၂၆၆ ဦး )၊ ထားဝယ် (၁၂၅၂၃၉ ဦး)၊ လွိုင်ကော် (၁၂၈၈၃၇ ဦး) တို့ဖြစ်ကြောင်း သိရသည်။

လူဦးရေ သိပ်သည်းဆအရ ၁ စတုရန်းကီလိုမီတာတွင် ၇၆ ဦးဖြစ်ပြီး လူဦးရေ ထူထပ်ဆုံးမှာ ရန်ကုန်မြို့ဖြစ်သည်။ လူဦးရေ အကျဲပါးဆုံးဒေသမှာ ချင်းပြည်နယ်နှင့် ကချင်ပြည်နယ်တို့ ဖြစ်ကြောင်း သိရသည်။ ရှေ့ပြေးစာရင်းများအရ ပျှမ်းမျှ တအိမ်ထောင်လျှင် လူ ၄ ဒသမ ၄ ဖြစ်ပြီး အိမ်ထောင်စုဝင် အများဆုံးဖြစ်သည့်နေရာမှာ ကချင်ပြည်နယ်နှင့် ချင်းပြည်နယ်တို့ ဖြစ်သည်။ အိမ်ထောင်စုဝင် အနည်းဆုံးနေရာမှာ နေပြည်တော်၊ မကွေး၊ ပဲခူးနှင့် ဧရာဝတီတို့ ဖြစ်သည်။

သန်းခေါင်စာရင်း မကောက်ယူနိုင်ခဲ့သည့် ဒေသများတွင် ရပ်ဆိုင်းထားကြောင်း ထုတ်ပြန်ခဲ့သော်လည်း ဆက်လက် ကောက်ယူနိုင်ရန် ကြိုးစားလျက် ရှိကြောင်းလည်း ဝန်ကြီး ဦးခင်ရီက ဆိုသည်။

လူမျိုးသတ်မှတ်ချက်များနှင့် ပတ်သက်ပြီး ဧရာဝတီ မေးမြန်းရာ “ရခိုင်ပြည်နယ်မှာဆိုရင် ကောက်ယူလို့မရတဲ့ အကြောင်းရင်းတွေကလည်း ဒီလူမျိုးတွေဟာ ဘင်္ဂါလီလူမျိုးတွေ ဖြစ်ပါလျက်နဲ့၊ ဘင်္ဂါလီ အဖြူကတ် ကိုင်ထားပါလျက်နဲ့ နိုင်ငံရေးအရ ရိုဟင်ဂျာလို့ မရေးပေးရင် အကောက်မခံဘူးဆိုလို့ သူတို့က တောင်းခံတာကြောင့် မကောက်ဖြစ်ခဲ့တာပါ။ အဲဒီတော့ အဖြေကရှင်းပါတယ်။ နဂိုတည်းက ဘင်္ဂါလီ အိမ်ထောင်စုစာရင်း ကိုင်ထားတယ်။ သူတို့ဟာ ကျနော်တို့ရဲ့ မှတ်တမ်းတွေအရတော့ ဒီထဲမှာပဲ ပါသွားမှာ ဖြစ်ပါတယ်။ သန်းခေါင်းစာရင်းမှာတော့ သူတို့ ဟာ ကောက်ခံလို့ မရတဲ့အတွက်ကြောင့် ကောက်ခံလို့မရတဲ့ လူဦးရေစာရင်းမှာပဲ ဖော်ပြသွားမှာဖြစ်ပါတယ်” ဟု ဝန်ကြီး ဦးခင်ရီ ကိုယ်စား လူဝင်မှုကြီးကြပ်ရေး အရာရှိတဦးက အဆိုပါသတင်းစာ ရှင်းလင်းပွဲတွင် ပြန်လည် ဖြေကြားခဲ့သည်။

UNFCနှင့် ပြည်တွင်း ဒီမိုကရေစီအင်အားစုများ ငြိမ်းချမ်းရေး ဘုံသဘောတူညီမှု ချမှတ်မည်

ဖနိဒါ

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) နှင့် ပြည်တွင်း ဒီမိုကရေစီအင်အားစု အဖွဲ့အစည်း ငါးဖွဲ့တို့ ထိုင်းနိုင်ငံ ချင်းမိုင်မြို့တွင် သြဂုတ် ၂၉ရက်က တွေ့ဆုံခဲ့ပြီး မြန်မာ့ငြိမ်းချမ်းရေး အခြေအနေများကို သုံးသပ်၍ ငြိမ်းချမ်းရေး ဘုံသဘောတူညီမှု ချမှတ်မည်ဟု UNFC၏ မဟာမိတ်အဖွဲ့တစ်ခုဖြစ်သည့် ညီညွတ်သောတိုင်းရင်းသား လူမျိုးများ မဟာမိတ်အဖွဲ့(UNA)၏ သဘာပတိ အဖွဲ့ဝင် ဦးအေးသာအောင်က မဇ္ဈိမကို ပြောသည်။

“ကျွန်တော်တို့ UNFC မှာ မပါတဲ့ အဖွဲ့အစည်းများ အနေနဲ့ လက်ရှိ ငြိမ်းချမ်းရေးဖြစ်စဉ် အပါအဝင် မြန်မာနိုင်ငံ အပြောင်းအလဲအတွက် အားလုံးဆွေးနွေး ဆုံးဖြတ်မယ်။ ဘုံလုပ်ငန်းစဉ်တခု ချမှတ်မယ်။ တကယ်တော့ လက်တွဲ ပူးပေါင်း ဆောင်ရွက်မယ် ဆိုရင် နိုင်ငံရေးဆွေးနွေးရမည့် ကဏ္ဍတွေမှာပါ အကျိုးရှိမယ်လို့ ကျွန်တော်ထင်ပါတယ်” ဟု ဦးအေးသာအောင်က ပြောသည်။

UNFC နှင့် အမျိုးသားဒီမိုကရေစီအဖွဲ့ချုပ် (NLD)၊ ၈၈မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်း၊ ရှစ်လေးလုံးအထောင်အထည်ဖော်ရေး ကော်မတီ၊ ၁၉၉ဝ ရွေးကောက်ခံ ကိုယ်စားလှယ်များအဖွဲ့နှင့် ညီညွတ်သော တိုင်းရင်းသားလူမျိုးများ မဟာမိတ်အဖွဲ့(UNA)မှ ကိုယ်စားလှယ်ပေါင်း ၁ဝဝကျော်က အစိုးရနှင့် NCCTတို့ တစ်နိုင်ငံလုံး အပစ်အခတ်ရပ်စဲရေး စာချုပ် အပါအဝင် ငြိမ်းချမ်းရေးဆိုင်ရာ ဆွေးနွေးမှုအပေါ် အကြံပြုရန် UNFC၏ ဖိတ်ကြားချက်အရ လာရောက်ခြင်းဖြစ်ပြီး သြဂုတ်၂၉နှင့် ၃ဝ နှစ်ရက်ဆက်တိုက် ဆွေးနွေးမည် ဖြစ်သည်။

“ပြည်တွင်းက အင်အားစုတွေအနေနဲ့ လက်ရှိ လက်နက်ကိုင်ထားတဲ့ အဖွဲ့အစည်းတွေရော အပစ်ရပ်ထားတဲ့ လူတွေရော၊ ပါတီတွေရော အားလုံးကြားထဲမှာ တွေ့ဆုံနိုင်တဲ့အခွင့်အလမ်း အဲဒါကို ထိထိရောက်ရောက်အသုံးချပြီးတော့ ကျွန်တော်တို့ကြားမှာ နားလည်ညှိနှိုင်းထားတဲ့ ရပ်တည်ချက်တစ်ခုခု ထွက်လာနိုင်လိမ့်မယ်လို့ မျှော်လင့်တယ်”ဟု ၈၈မျိုးဆက် ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ခေါင်းဆောင်တစ်ဦးဖြစ်သူ ဦးကိုကိုကြီးက ပြောသည်။

ငြိမ်းချမ်းရေး အာမခံချက်ရှိရန်အတွက် ပထမအဆင့်အနေဖြင့် တိုင်းရင်းသား လက်နက်ကိုင် အဖွဲ့အစည်းများနှင့် တွေ့ဆုံဆွေးနွေးခြင်း ဖြစ်၍ အရေးကြီးသော တွေ့ဆုံဆွေးနွေးမှု ဖြစ်သည်ဟု ဦးကိုကိုကြီးက ဆက်ပြောသည်။

“ငြိမ်းချမ်းရေးဖြစ်စဉ်က နိုင်ငံသားတွေ အားလုံးပါဝင်လာမှ ဒီငြိမ်းချမ်းရေးက အာမခံချက်ရှိမယ်၊ ပထမအဆင့်မှာက လက်နက်ကိုင် အဖွဲ့အစည်းတွေကြား၊ နိုင်ငံရေး အင်အားစုတွေ အကြား တွေ့ဆုံဆွေးနွေးမှုတွေ စလုပ်တာပေါ့”ဟု ဦးကိုကိုကြီးက ပြောသည်။

သြဂုတ်လ ၂၉ရက် နံနက်ပိုင်းတွင် UNFC ခေါင်းဆောင်များ၏ ညီလာခံ ကျင်းပခဲ့ပြီးနောက် မွန်းလွဲပိုင်းတွင် ပြည်တွင်းမှ ဒီမိုကရေစီအင်အားစုများနှင့် ဆက်လက် ဆွေးနွေးခြင်း ဖြစ်သည်။ UNFC၏ ညီလာခံကို သြဂုတ် ၂၅ရက်မှ စတင်ကျင်းပခဲ့ပြီး ဆွေးနွေးမှု မပြီးပြတ်သေး၍ နိုင်ငံရေး အင်အားစုများနှင့် တွေ့ဆုံဆွေးနွေးမှု ပြီးမှသာ ဆက်လက်ကျင်းပမည် ဖြစ်သည်။

ဦးနေဝင်း မိသားစုနှင့် ဦးတေဇ မိသားစုတို့၏ ပတ်သက်ရာ ပတ်သက်ကြောင်းများ

ရန်ပိုင်

ဦးတေဇပိုင် အာရှစိမ်းလန်းမှု ဖွံ့ဖြိုးရေးဘဏ် (AGD) ဘဏ် ရှယ်ယာများကို အာဏာရှင်ဟောင်း ဦးနေဝင်း၏ မြေးများက ဝယ်ယူမည့် ကိစ္စကို လူအများက စိတ်ဝင်စားခဲ့ကြသည်။ ဦးတေဇ၏ ဖခင် ဦးမြင့်ဆွေနှင့် ဦးနေဝင်းတို့၏ အတိတ်မှ ဆက်ဆံရေးကို ဖော်ပြလိုက်ပါသည်။

ဦးမြင့်ဆွေသည် ပြင်ဦးလွင် (မေမြို့) ဇာတိဖြစ်ပြီး မြန်မာ့တပ်မတော်အတွင်း “ရှမ်းကြီးမြင့်ဆွေ” ဟု လူသိများသူ ဖြစ်သည်။

ဒုတိယ ကမ္ဘာစစ်အပြီး မြန်မာ့တပ်မတော် ပြန်လည်ထူထောင်ရာ ပြည်မြိုအခြေစိုက် ဗမာ့သေနတ်ကိုင် တပ်ရင်း (၄) တွင် မြန့်မာဆိုရှယ်လစ် လမ်းစဉ်အစိုးရ ဝန်ကြီးချုပ်ဟောင်း သူရဦးထွန်းတင် (ကချင် ထွန်းတင်)၊ သပြေမဂ္ဂဇင်းကို တည်ထောင်ခဲ့သူ ဗိုလ်မှူးကြီး သန်းညွန့် (အရမ်းသန်းညွန့်) တို့နှင့်အတူ စတင် အမှုထမ်းခဲ့သူဖြစ်သည်။

ထိုစဉ်က ဗမာ့သေနတ်ကိုင် တပ်ရင်း (၄) ၏ ဒုတပ်ရင်းမှူးမှာ ဗိုလ်နေဝင်း (နောင် ဗိုလ်ချုပ်ကြီး) ဖြစ်သည်။

ဗမာ့သေနတ်ကိုင်တပ်ရင်း (၄) ၏ သမိုင်းကို ပြန်ကြည့်လိုက်ပါက၊ အာဏာရှင်ဟောင်း ဦးနေဝင်းရဲ့ လက်သပ်မွေး၊ ယုံကြည်အားထားရသည့် တပ်ဟု နာမည်ကြီးခဲ့ပြီး ထိုစဉ်ကတည်းက ဦးနေဝင်းနှင့် ဦးတေဇ၏ဖခင် ဦးမြင့်ဆွေတို့ ရင်းနှီးခဲ့ခြင်း ဖြစ်သည်။

နောက်ပိုင်းတွင် ဦးနေဝင်းအနေဖြင့် ဗမာ့သေနတ်ကိုင် တပ်ရင်း (၄)၏ တပ်ရင်းမှူး ဖြစ်လာခဲ့သလို ဦးတေဇ၏ ဖခင် ဦးမြင့်ဆွေလည်း တနင်္သာရီဒေသ မြိတ်မြို့ရှိ စစ်ဝန်ထမ်းတပ်သို့ ရောက်ရှိ တာဝန်ယူခဲ့သည်။

ပြည်တွင်းစစ်ကြောင့် ကာကွယ်ရေးဦးစီးချုပ် ဖြစ်လာသော ဗိုလ်ချုပ် နေဝင်းသည် မေယုစစ် သင်္ဘောဖြင့် ဦးမြင့်ဆွေ တာဝန်ကျရာ မြိတ်ဒေသသို့ ရောက်ရှိစဉ်က အတူတကွ ရိုက်ကူးထားသည့် ဓာတ်ပုံများကို ကြည့်ခြင်းဖြင့် ကာကွယ်ရေး ဦးစီးချုပ် ဗိုလ်ချုပ် နေဝင်းနှင့် ဗိုလ်ကြီး မြင့်ဆွေတို့အကြား ခင်မင်ရင်းနှီးမှု အတိုင်းအတာကို တွေ့နိုင်သည်။

၁၉၅၅ ခုနှစ်တွင် ဦးမြင့်ဆွေသည် ဒုဗိုလ်မှူးကြီး ရာထူး တိုးမြှင့်ခံရပြီး မန္တလေးအခြေစိုက် အမှတ် ၁၀၄ အထူးတိုက်ခိုက်ရေးတပ် (Special Force Air Borne) တွင် တပ်ရင်းမှူး ဖြစ်လာသည်။

သူ၏ အထူးတိုက်ခိုက်ရေးတပ်သည် အထက် မြန်မာပြည် မသုံးလုံး နယ်မြေ၊ ပျဉ်းမနား-တောင်ညို ဒေသရှိ ကွန်မြူနစ် အခြေခံစခန်းများနှင့် ကရင်ပြည် နယ်ရှိ ကရင်အမျိုးသားကာကွယ်ရေးတပ် (KNDO) စခန်းများကို တိုက်ခိုက်ခဲ့ရာ ကြမ်းရမ်းခဲ့ကြောင်း နာမည်ကြီးခဲ့သည်။

အမှတ် ၁၀၄ အထူးတိုက်ခိုက်ရေးတပ်သည် ဗမာပြည် ကွန်မြူနစ်ပါတီ ခေါင်းဆောင် သခင်သန်းထွန်း၏ စခန်းကိုပင် သိမ်းပိုက်နိုင်ခဲ့၏။

၁၉၅၈ ခုနှစ် တပ်မတော် ခေါင်းဆောင် တဦးဖြစ်သည့် ဗိုလ်မှူးချုပ် မောင်မောင် လက်ထက် အမေရိကန် စစ်တပ်နှင့် အနီးကပ် ဆက်ဆံလာရာ ဦးတေဇ ဖခင် ဒုဗိုလ်မှူးကြီး မြင့်ဆွေလည်း အမေရိကန်နိုင်ငံ ဂျော်ဂျီယာ ပြည်နယ်ရှိ United States Army Infantry တွင် သင်တန်းသားတဦးအဖြစ် သွားရောက် တက်ခွင့်ရရှိခဲ့သည်။

သင်တန်းက ပြန်လာသည့်အခါ မြန်မာ့တပ်မတော် စစ်ဘက် သုတေသနတပ်တွင် တပ်မှူးတဦးအဖြစ် တာဝန်ယူရခဲ့ပြီး နောက်ပိုင်းတွင် ကချင် သေနတ်ကိုင် တပ်ရင်း (၅) တပ်ရင်းမှူး၊ ထိုမှတဆင့် ကျိုင်းတုံဒေသ ဗျူဟာမှူး ဖြစ်လာခဲ့သည်။

ကျိုင်းတုံ၌ ဗျူဟာမှူးအဖြစ် တာဝန်ထမ်းဆောင်စဉ်က ဒေသအကျိုးကို လုပ်ဆောင်ခဲ့သည့်အတွက် ဒေသခံများ၏ ချစ်ခင်မှုကိုရရှိပြီး “ဗိုလ်မှူးလုံ” ဟုခေါ်ကြောင်း သူ၏ အထုပ္ပတ္တိစာအုပ်တွင် ဖော်ပြထားသည်။

ဒုဗိုလ်မှူးကြီး မြင့်ဆွေသည် ၁၉၆၃ ခုနှစ် တပ်မတော်မှ အငြိမ်းစားယူခဲ့ရသော်လည်း တော်လှန်ရေး ကောင်စီ၏ အထူး စီမံကိန်းများဖြစ်သည့် စစ်တောင်းစက္ကူစက်နှင့် BPI ဆေးဝါးထုတ်လုပ်ရေး စသော စီမံကိန်းများနှင့် အမှတ် (၁) စက်မှုဝန်ကြီးဌာနတို့တွင် ညွန်ကြားရေးမှူးအဖြစ် တာဝန်ထမ်းဆောင်ခဲ့သည်။

သွက်လက်ချက်ချာပုံရသည် ဒုဗိုလ်မှူးကြီး မြင့်ဆွေသည် ဦးနေဝင်း အပါအဝင် ထိုစဉ်က ထိပ်တန်း စစ်ခေါင်းဆောင်များ ဖြစ်သည့် ဗိုလ်မှူးချုပ် မောင်မောင်၊ ဗိုလ်ချုပ် အောင်ကြီး၊ ဗိုလ်မှူးချုပ် မောင်ရွှေ၊ ဗိုလ်မှူးကြီး စောမြင့် စသူများနှင့် ရင်းနှီးသူဖြစ်သည်။

၁၉၇၈ ခုနှစ်ခန့်က ဒုဗိုလ်မှူးကြီး မြင့်ဆွေ မျက်စိဝေဒနာကြောင့် ဆေးရုံတက်ခဲ့စဉ် ထောက်လှမ်းရေး အကြီးအကဲ ဗိုလ်မှူးချုပ် တင်ဦး (မျက်မှန် တင်ဦး) ကိုယ်တိုင် လာရောက်ကြည့်ရှု့ကြောင်း သိရသည်။