Tuesday, September 30, 2014

မြန်မာ့လူ့အခွင့်အရေးကိစ္စ ကုလသမဂ္ဂတွင် မဆွေးနွေးရန် နိုင်ငံခြားရေးဝန်ကြီးပြော

DVB

မြန်မာနိုင်ငံရဲ့ လူ့အခွင့်အရေး အခြေအနေတွေဟာ တိုးတက်လာတဲ့အတွက် လူ့အခွင့်အရေး ကောင်စီနဲ့ ကုလသမဂ္ဂ အထွေထွေညီလာခံ တတိယကော်မတီရဲ့ ဆွေးနွေးမယ့် အစီအစဉ်မှာ မပါသင့်တော့ဘူးလို့ အခိုင်အမာယုံကြည်ကြောင်း မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က ပြောကြားလိုက်ပါတယ်။

မြန်မာ့လူ့အခွင့်အရေးအခြေအနေ ဟာ အလယ်အလတ်အဆင့်ကို တိုးတက်လာသလို ဒီတိုးတက်မှုဟာ မြန်မာနိုင်ငံ သားတွေ ရဲ့ အခြေခံလွတ်လပ်ခွင့်နဲ့ လူ့အခွင့်အရေးကို ပိုမို ခံစားရစေတာ ဖြစ်လို့ မြန်မာ လူ့အခွင့်အရေးကိစ္စ ကုလသမဂ္ဂမှာ မဆွေးနွေး ဖို့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က နယူးယောက်မှာ ကျင်းပတဲ့ ကုလသမဂ္ဂ အထွေထွေ ညီလာခံ မိန့်ခွန်းမှာ ပြောဆိုလိုက်တာပါ။

မြန်မာစစ်တပ်က အသက်မပြည့်တဲ့ ကလေးစစ်သား အသုံးပြုရေးကို ကာကွယ်တားဆီးတဲ့ လက်တွေ့အကောင်ထည်ဖော်ရေး အစီအစဉ် (Action Plan)ကို အကောင်အထည်ဖော်ရာမှာ အရေးပါတဲ့ တိုးတက်မှုတွေကို ပြုလုပ်နိုင်ခဲ့တဲ့အကြောင်းနဲ့ အသက်မပြည့်သူတွေကို တပ်သားသစ်အဖြစ် စုဆောင်းမှုတွေ မရှိတော့ဘူးလို့လည်း ပြောကြားသွားပါတယ်။

“ကျနော်တို့ရဲ့ ဒီမိုကရေစီက အစပျိုးတဲ့အဆင့်မှာပဲ ရှိနေသလို တခြားနိုင်ငံတွေရဲ့ ပြုပြင်ပြောင်းလဲမှုတွေလို ကျနော်တို့ကလည်း ပြင်းထန်တဲ့ စိန်ခေါ်မှုတွေကို ရင်ဆိုင်နေရပါတယ်။ အရည်အသွေး ကန့်သတ်ချက်တွေနဲ့ လုပ်စရာတွေအများကြီး အစိုးရမှာ ရှိနေပါတယ်။ ရည်မှန်းချက်တွေ ပြည့်မီမယ်လို့လည်း ကျနော်တို့ ယုံကြည်ပါတယ်”လို့ သူက ပြောပါတယ်။

လူ့အခွင့်အရေး တိုးတက်မှုတွေကို လှိုင်း ၃ လှိုင်းနဲ့ တင်စားပြောဆိုခဲ့သလို ပထမလှိုင်းမှာတော့ အမျိုးသား ရင်ကြားစေ့ရေးအတွက် လွတ်ငြိမ်းချမ်းသာခွင့်တွေ ပေးခဲ့ပြီး နိုင်ငံရေးပါဝင်ခွင့် နေရာ၊ မီဒီယာလွတ်လပ်ခွင်၊ လွတ်လပ်စွာ ထုတ်ဖော်ပြောဆိုခွင့်၊ အသင်းအဖွဲ့တွေ လွတ်လွတ်လပ်လပ်ဖွဲ့ စည်းခွင့်လွတ်စွာစွာစီတန်းလှည့်လည်ခွင့်ပေးခဲ့တယ်လို့ ဆိုပါတယ်။

ဒါ့အပြင် ဒုတိယလှိုင်းမှာတော့ နိုင်ငံရေး စီးပွားရေး။ အုပ်ချုပ်ရေး၊ ပုဂ္ဂလိကဆိုင်ရာတွေမှာ ပြုပြင်ပြောင်းလဲမှုတွေ လုပ်ဆောင်ခဲ့သလို လက်ရှိလုပ်ဆောင်နေတဲ့ တတိယလှိုင်းကတော့ ဒီမိုကရေစီ နိုင်ငံသစ်အတွက် ခိုင်မာတဲ့ အခြေခံအုတ်မြစ်တွေချနေတယ်လို့ ပြောပါတယ်။

အကြမ်းဖက်မှုကိုလည်း ဘယ်လိုအကြောင်းပြချက်၊ ဘယ်လိုအခြေအနေမျိုးနဲ့မှ လစ်လျူရှုလို့ မရသလို ဘာသာရေးအမည်ခံပြီး သတ်ဖြတ်နေတာဟာလည်း လစ်လျူရှုလို့ မရဘူးလို့ ဦးဝဏ္ဏမောင်လွင်က ပြောပါတယ်။

ဒါ့အပြင် ငြိမ်းချမ်းရေးကို ချစ်မြတ်နိုးတဲ့နိုင်ငံ ဖြစ်တာနဲ့အညီ အစုလိုက်အပြုံလိုက် ပျက်စီး စေနိုင်တဲ့ လက်နက်တွေကို စက်ဆုပ်သလို နျူကလီးယားလက်နက်ရဲ့ အန္တရာယ်ကိုလည်း သတိပြုမိတဲ့အတွက် ဒါတွေကို အဆုံးသတ်စေဖို့ ၁၉၉၅ ခုနှစ်ကတည်းက ကုလသမဂ္ဂရဲ့ နျူကလီးယား လက်နက်ဖျက်သိမ်းရေး ဆုံးဖြတ်ချက်မူကြမ်း နှစ်စဉ်ဆွေးနွေးပွဲတွေမှာ မြန်မာက ပါဝင်ခဲ့တယ်လို့လည်း သူက ပြောပါတယ်။

ဒီမိုကရေစီပြုပြင်ပြောင်းလဲရေးကို ဆက်လက်လုပ်ဆောင်ရာမှာ မြန်မာက နိုင်ငံတကာ အသိုင်းအ၀ိုင်းရဲ့ အကူအညီတွေ ဆက်လက် လိုအပ်နေသလို တနိုင်ငံလုံး အပစ်ခတ်ရပ်စဲရေး ရဖို့ တိုင်းရင်းသားလက်နက်ကိုင်အဖွဲ့အားလုံးနဲ့ အတူ လုပ်ဆောင်နေတယ်လို့ သူက ပြောသွားပါတယ်။

လက်နက်ကိုင် ၁၆ ဖွဲ့မှာ ၁၄ ဖွဲ့နဲ့ သဘောတူညီချက်တွေ ရရှိနေသလို နှစ်ပေါင်း ၆၀ ကြာ ပဋိပက္ခ အဆုံးသတ်စေနိုင်တဲ့ နိုင်ငံရေးမူဘောင်ဆွေးနွေးပွဲအတွက် လုပ်ဆောင်နေသလို ငြိမ်းချမ်းရေးဖြစ်စဉ် အောင်မြင်ဖို့ အစိုးရမှာ လေးနက်တဲ့ ခံယူချက်ရှိနေတယ်လို့ ဆိုပါတယ်။

ရေရှည် ငြိမ်းချမ်းရေး ရရှိဖို့ အတွက်လည်း နီးကပ်လာပြီလို့ ယုံကြည်တယ်လို့လည်း မြန်မာအစိုးရ ကိုယ်စားလှယ်က မိန့်ခွန်းမှာ ထည့်သွင်းပြောကြားသွားပါတယ်။

အာရှလူ့အခွင့်အရေးအဖွဲ့က ဦးမင်းလွင်ဦးကတော့ အစိုးရက လွတ်ငြိမ်းချမ်းသာခွင့် ပေးနေပေမယ့် နိုင်ငံရေး အကျဉ်းသား ၃၀ လောက်ကျန်နေသေးသလို သတင်းစာ စာနယ်ဇင်း လွတ်လပ်ခွင့်မှာလည်း ဥပဒေတွေက ရေးဆွဲနေဆဲဖြစ်ပြီး လက်တွေ့အကောင်ထည်မဖော်သေးဘူးလို့ ပြောပါတယ်။

လွတ်လပ်စွာ စီတန်းလှည့်လည်ခွင့်မှာလည်း ပုဒ်မ ၁၈ ကို ပြင်ဆင်ထားပေမယ့် နည်းဥပဒေတွေက အရင်အဟောင်းတွေကို ကျင့်သုံးနေဆဲ ဖြစ်တဲ့အတွက် လူ့အခွင့်အရေး အခြေအနေက တိုးတက်တဲ့ အလားအလာမရှိဘူးလို့ ဆိုပါတယ်။

“ကျနော်တို့အနေနဲ့ကတော့ မြန်မာနိုင်ငံအတွင်းမှာ လူ့အခွင့်အရေးအရ ပြောရမယ်ဆိုရင် ယခင်အစိုးရနဲ့ ဘာမှ သိပ်မထူးဘူး၊ ဖွံ့ဖြိုးတိုးတက်လာမှု ဘာမှ ပြောင်းလဲမှု မရှိသေးဘူးလို့ပဲ ကျနော်တို့ မြင်ပါတယ်။ အစိုးရသစ်အနေနဲ့ လူ့အခွင့်အရေး ချိုးဖောက်မှုတွေအပေါ်မှာ ကျူးလွန်နေတာတွေကို နိုင်ငံတကာက အစိုးရတွေရှေ့မှာ မပေါ်စေချင်လို့ ဒီလိုပဲ ပြောတယ်လို့ ကျနော်တို့က ထင်မြင်ယူဆပါတယ်။

ဒါ့အပြင် မြန်မာနိုင်ငံမှာ နေစဉ်နဲ့အမျှ လယ်ယာမြေပြန်ရဖို့ လယ်သမားတွေ ဆန္ဒပြနေတာ၊ တရားရင်ဆိုင်နေရတာတွေဟာ နိုင်ငံခြားရေး ၀န်ကြီး ပြောဆိုနေတဲ့ မိန့်ခွန်းနဲ့ လွဲမှားနေတယ်လို့ သူက ထောက်ပြပါတယ်

မြဝတီမြို့၏ စစ်ရေး မငြိမ်သက်မှုတွင် လုပ်ငန်းရှင် များထက် အခြေခံ လူတန်းစားများ ပိုမိုထိခိုက်

ရွှေဟင်္သာ

ဒီမိုကရေစီ အကျိုးပြု ကရင် အမျိုးသား တပ်မတော် (DKBA) နှင့် တပ်မတော် တပ်ဖွဲ့ တို့အကြား စက်တင်ဘာလ ၂၇ ရက်နေ့ မြဝတီမြို့၌ ပစ်ခတ်မှု ဖြစ်ပွား ခဲ့ခြင်း၏ အကျိုးဆက် စီးပွားရေးနှင့် နေထိုင်မှု ဘဝ ရိုက်ခတ်မှု များကို မြဝတီ မြို့ခံ အခြေခံ လူတန်း စားများ ပိုမို ခံရကြောင်း မြဝတီမြို့ ရပ်ကွက် အုပ်ချုပ်ရေးမှူးနှင့် မြဝတီမြို့ စီးပွာရေး လုပ်ငန်းရှင် များက ပြောသည်။

“ကုန်သည်တွေ လုပ်ငန်းရှင်တွေ ငွေရှင် ကြေးရှင် တွေကို ထိခိုက် တာလည်း ထိခိုက် ပါတယ်၊ ဒါပေမယ့် သူတို့ တွေက ချက်ခြင်း ထမင်း မငတ်ဘူး။ ဥပမာ ဆိုင်ကယ် တက္ကစီ သမားတွေ၊ စားသောက် ဆိုင်တို့၊ နေ့စား အလုပ်သမားတွေ စတဲ့ အခြေခံ လူတန်းစား တွေရဲ့ မိသားစု အတွက် ဝင်ငွေရဖို့ အလုပ် လုပ်ဖို့ မဖြစ် တော့ဘူး၊ သူတို့ တွေက ဒီမတည်မငြိမ် ဖြစ်မှုကို အခံ ရဆုံး လူတွေပါ” ဟု မြဝတီမြို့ အမှတ် (၁) ရပ်ကွက် ရပ်ကွက် အုပ်ချုပ်ရေးမှူး ဦးစိုးနောင်က ပြောသည်။

ထိုသို့ ပစ်ခတ်မှု ဖြစ်ပွားပြီး အခြေအနေ မတည်ငြိမ်မှု အပေါ် ကုန်သွယ်ရေး ထိခိုက် မည်ကို စီးပွားရေး လုပ်ငန်းရှင် အချို့က စိုးရိမ် နေပြီး ကုန်သွယ်ရေး လမ်းကြောင်း၌ ကုန်စည် စီးဆင်းမှု လျော့နည်း သွားသော်လည်း ကုန်စည် စီးဆင်း နေဆဲ ဖြစ်ကြောင်းနှင့် ပုံမှန် ကုန်သွယ်ရေး လမ်းကြောင်း ပြတ်တောက် သွားသည် အထိ ရိုက်ခတ်မှု မရှိကြောင်း ဦးစိုးနောင်က ဆက်ပြောသည်။

ထိုသို့ နှစ်ဖက် တိုက်ခိုက်မှု၏ အကျိုးဆက် မတည် မငြိမ် ဖြစ်မှုကြောင့် ဆောက်လုပ်ရေး လုပ်ငန်းများ၊ အခြား ပရိဘောဂ စသည့် လုပ်ငန်းငယ် များလည်း ဤရက်ပိုင်း အတွင်း လုပ်သား ရှားပါးမှု ပြသနာ များကို ရင်ဆိုင် နေကြရကြောင်း မြဝတီ မြို့ခံ စီးပွားရေး လုပ်ငန်းရှင် တဦး ဖြစ်သည့် ဦးတင်ဦးက ပြောသည်။

“ကျွှန်တော့် ဆီမှာတောင် အလုပ် သမားတွေ မနေ့က စပြီး အလုပ်မဆင်း ကြဘူး ၊ ဒီနေ့မှ လာပါ ဆိုပြီး ပြန်ခေါ်ရတယ်၊ တချို့ဆိုရင် သုံးရက်စလုံး အလုပ်မဆင်း ကြဘူးလေ။ ကုန်စည် နည်းတော့ နေ့စား ၊ အခေါက်စား အထမ်းသမားတွေ ထိခိုက်တယ်၊ ဒါ့ပြင်ကို ရန်ကုန်၊ မန္တလေး ကနေ၊ တောင်ကြီး ကနေ လာပြီး ဒီမှာ ဆောက်လုပ်ရေး လုပ်ငန်းနဲ့ သစ်လုပ်ငန်း တွေမှာ လုပ်ကြတဲ့ အလုပ်သမား တွေဆို နေရပ် ပြန်တဲ့ လူတွေတောင် ရှိနေကြတယ်” ဟု ဦးတင်ဦးက ပြောသည်။

ယနေ့တွင် ဆိုင်အချို့ ပြန်ဖွင့်၍ ကုန်သွယ်မှု၊ ရောင်းဝယ် မှုများ ပုံမှန် လည်ပတ်ရန် ကြိုးစား နေကြ သော်လည်း မြို့ခံများ၏ စိတ်၌ အခြေအနေအား ထိတ်ထိတ် လန့်လန့်ဖြင့် စောင့်ကြည့်လျက် ရှိနေကြောင်းလည်း ဦးတင်ဦးက ဆက်ပြောသည်။

မြဝတီ မြို့သည် တစ်ဖက် ထိုင်းနိုင်ငံ မဲဆောက်မြို့နှင့် ဆက်စပ် နေသည့် ထိုင်းမြန်မာ နယ်စပ်မြို့ ဖြစ်ကာ မြန်မာ နိုင်ငံသို့ နယ်စပ် ဖြတ်ကျော်၍ သွင်းကုန်/ထုတ်ကုန် တင်ပို့သည့် လမ်းမကြောင်း ကြီးလည်း ဖြစ်သည်။

ထို့ပြင် လက်နက်ကိုင် အဖွဲ့ အများအပြား အခြေ စိုက်သည့် မြို့တစ်မြို့လည်း ဖြစ်ကာ မြဝတီ တစ်မြို့ တည်း၌ မြန်မာ အာဏာ ပိုင်များ အပါအဝင် လက်နက်ကိုင် အဖွဲ့များ၏ အကောက်ဂိတ်များ စုစုပေါင်း (၆၀) ကျော် ရှိကြောင်း ဦးတင်ဦးက ပြောသည်။

ပြီးခဲ့သည့် စက်တင်ဘာလ ၂၇ ရက်နေ့၌ ဖြစ်ပွား ခဲ့သည့် တပ်မတော် ယဉ်တန်းအား ချောင်းမြောင်း ပစ်ခတ်မှု သည်လည်း DKBA အဖွဲ့မှ လက်အောက်ခံ တပ်များအား ထိန်းချုပ် နိုင်မှု မရှိခြင်းမှစ၍ ပြသနာ ကြီးထွားသည် အထိ ဖြစ်လာ ရခြင်း ဖြစ်ကြောင်းလည်း မြဝတီမြို့ အမှတ် (၁) ရပ်ကွက် အုပ်ချုပ်ရေးမှူးက သုံးသပ် ပြောဆိုသည်။

“ပြောရ ရင်တော့ တိုင်းရင်းသား လက်နက်ကိုင် အဖွဲ့ အစည်း တွေက တစ်ကယ့် အစစ်အမှန် တွေက ဘယ်လောက်မှ မဟုတ်ဘူးဗျ၊ အောက်ခြေ မှာက လှောင့်နေတာ၊ ပြောရ ရင်တော့ မနေ့ တနေ့ကမှ သေနတ် ကိုင်ပြီး ၊ တော်လှန်ရေး သမိုင်း မှာလည်း မပါ ၊ ဟိုမရောက် ဒီမရောက် တွေက လုပ်လိုက်တဲ့ ကိစ္စလို့ပဲ ကျွှန်တော် အဲလို မြင်တယ်” ဦးစိုးနောင်က သုံးသပ် ပြောဆို ခဲ့သည်။

ထို စက်တင်ဘာ (၂၇) ရက်နေ့ မြဝတီ မြို့၌ တပ်မတော် ယဉ်တန်းအား ချောင်းမြောင်း ပစ်ခတ် ခဲ့သူမှာလည်း ပစ်ခတ် စဉ်၌ ကရင် ပုဆိုး ဝတ်ထားသည့် လူတဦးမှ လက်နက်ကြီး အာပီဂျီမှ ပစ်ခတ် ခဲ့ခြင်း ဖြစ်ကာ ၎င်းလူမှာ DKBA တပ်မှ ဟုတ်မဟုတ် ဆိုသည် ကိုလည်း စုံစမ်းလျက် ရှိနေကြောင်း DKBA အဖွဲ့၏ မြဝတီမြို့ ဆက်ဆံရေးရုံး တာဝန်ခံ ဗိုလ်ကြီး စောစိုးမြင့်က ပြောသည်။

ပါတီတစ်ခုမှ အမျိုးသမီး တစ်ဦးနှင့် ရတနာပုံ အသင်းသားများ ဘောင်းဘီချွတ်ပြ သည်ဟုဆိုကာ ပြဿနာဖြစ်

ကျော်စိုးမိုး

ကားပါကင်မရှိ၍ ရတနာပုံဘောလုံး အသင်းရှေ့၌ ကားရပ်ထားသည်ကို အသင်းမှ ဘောလုံးသမား သုံးဦးက ဆဲဆိုခြိမ်းခြောက်ပြီး ဘောင်းဘီ ချွတ်ပြသည် ဟုဆိုကာ နိုင်ငံရေးပါတီ တစ်ခုမှ အမျိုးသမီး တစ်ဦးက အမှုဖွင့်ထားသည်ကို အသင်းပိုင်ရှင်၊ အုပ်ချုပ်သူများထံ တင်ပြပြီး ဆက်လက် ဆောင်ရွက်သွားမည် ဟု ရတနာပုံအသင်းမှ နည်းပြချုပ် ဦးခင်မောင်တင့်က စက်တင်ဘာ ၂၆ ရက်တွင် ပြောသည်။

ပြီးခဲ့သည့် စက်တင်ဘာ ၂၃ ရက်၊ ည ၈ နာရီခန့်က တာမွေမြို့နယ်၊ နတ်မောက် ရပ်ကွက်၊ ဖိုးစိန်လမ်းရှိရတနာပုံအသင်း၏ အဆောင်ရှေ့တွင်ကားရပ်သည် ကိုအသင်း မှဘောလုံး သမားသုံး ဦးကဆဲ ဆိုခြင်း၊ဘောင်း ဘီချွတ်ပြခြင်း၊ ကားမီးရှို့ မည်ဟုခြိမ်းခြောက်ခြင်း များ ပြုလုပ်ခြင်း ခံခဲ့ရ သည်ဟုဆို ကာမင်္ဂလာ တောင်ညွန့်မြို့နယ်၊ အမျိုးသား ဒီမိုကရေစီပါတီသစ် ဒု-ဥက္ကဋ္ဌ ဒေါ်အောင်အောင်မြင့်က တာမွေရဲစခန်းတွင် အမှုဖွင့်ထားသည်ဟု ဆိုသည်။

အမှုဖွင့်ခံထားရသည်မှာ ရတနာပုံ အသင်းမှ ဇော်ရဲထွန်း၊ ပြည့်လျှံအောင်၊ သက်နိုင် တို့သုံးဦးဖြစ်ပြီး စက် တင်ဘာ ၂၄ ရက်တွင် တာမွေမြို့မရဲ စခန်းက (ပ) ၅၆၈/၁၄၊ ပြစ်မှု ပုဒ်မ ၂၉၄/၁၁၄/၅၀၆ ဖြင့် အမှုဖွင့် ထားခြင်း ဖြစ်သည်။

ရတနာပုံ ဘောလုံးအသင်းသည် တာမွေမြို့နယ်၊နတ်မောက်ရပ်ကွက်၊ဖိုးစိန်လမ်းတွင် ၂၀၁၄ နှစ်ဦးပိုင်း ကစတင်ပြီးစခန်းသွင်း လေ့ကျင့်နေခြင်း ဖြစ်သည်။

အမှုဖွင့်ခံထားရသည့် ရတနာပုံအသင်းမှ ကစားသမား ဇော်ရဲထွန်းက “ကျွန်တော်တို့အသင်းက ကားက ခဏနေလာမှာမို့လို့ တခြားနေရာမှာ ရပ်ပေးဖို့ပြော တာပါ၊ မိုက်ရိုင်းတာတစ်ခုမှ မပါပါဘူး၊ အဲ့ဒါကို အဲ့ဒီ အမျိုးသမီးက ကားဘီးခွန်ဆောင်ထားတာ ရပ်ချင်တဲ့နေရာ ရပ်မယ်လို့ပြောပြီး ၀တ်ထားတဲ့ စကတ်ကို လှန်ပြတာပါ၊ နောက်ပြီးတော့ ကျွန်တော်တို့က သူ့ကို ၀ိုင်းအနိုင်ကျင့်တယ်ဆိုပြီး တိုင်တာပါ၊ သူ့ကိုလဲ ကျွန်တော်တို့ မသိပါဘူး” ဟု ပြောသည်။

ဖြစ်စဉ်တွင် မည်သည့် ရတနာပုံကစားသမား တစ်ဦးတစ်ယောက်မှ အဆိုပါအမျိုးသမီးကိုရိုင်းပြဆဲဆိုစော်ကားခြင်း မရှိခဲ့ဘဲ ဖြစ်စဉ်ဖြစ်ပွားပြီးအဆောင်တွင် အိပ်ရန် ပြင်နေစဉ် ရဲကားနှစ်စီးနှင့် ယင်းအမျိုး သမီးပြန် ရောက်လာပြီး ကစားသမားများကို စခန်းသို့လိုက်ခဲ့ရန် ခေါ်ဆောင်ခံခဲ့ရသည်ဟု ဆိုသည်။

ဒေါ်အောင်အောင်မြင့်က “အရေးကြီး လူနာတစ်ဦးကို ဆေးခန်း လာပြတဲ့အချိန်မှာ ကားပါကင်နေရာ မရှိလို့ ရပ်တာကို ၀ိုင်းပြီး စော်ကားခြိမ်းခြောက်မှုတွေ လုပ်ပါတယ်၊ စော်ကား ခံရလို့ အမှုဖွင့်တာကို သူတို့ဘက် ကလဲ ပြန်ဖွင့်မယ်လို့ ထပ်ခြိမ်းခြောက်ပါတယ်၊ သက်ဆိုင်ရာ တာဝန်ရှိ သူတွေနဲ့ ဘောလုံးသမား သုံးယောက်က တရားဝင် တောင်းပန်ရင်တော့ ကျေအေးပေးပါမယ်၊ မဟုတ်ရင်တော့ ဥပဒေအတိုင်း ဆက်လက် ဆောင်ရွက်သွားပါမယ်” ဟု ပြောသည်။

အခင်းဖြစ်ပွားချိန်တွင် မျက်မြင်တွေ့ရှိသည့် တက္ကစီယာဉ်မောင်း တစ်ဦးက “ဖြစ်စဉ်ဖြစ်ပွားတဲ့အချိန် ကျွန် တော်က အဲ့ဒီအနားက အုတ်ခုံမှာ ထိုင်နေတာပါ၊ အဲ့ဒီ အမျိုးသမီးကပဲ မိုက်မိုက်ရိုင်းရိုင်း ဆဲဆိုပြီး စကတ် လှန်ပြတာကို မျက်မြင်ပါပဲ” ဟု ပြောသည်။

ရတနာပုံ အသင်း၏နည်းပြချုပ် ဦးခင်မောင်တင့်က “ဖြစ်စဉ်ကိုတော့ ကျွန်တော့် ကလေးတွေပြောမှ သိရ တာပါ၊ အုပ်ချုပ်သူ ကိုယ်တိုင် လည်း ရဲစခန်းမှာ သူ့ကို တောင်းပန် ပြီးသွားပါပြီ၊ ဒါကိုမှ မကျေနပ်ဘဲ အခု လိုထပ်ပြီး အမှုဖွင့် ထားတော့ ကျွန်တော်တို့ ဘက်က အပြစ်ကျူးလွန် ထားခြင်း မရှိတဲ့အတွက် အ သင်းပိုင် ရှင်အုပ်ချုပ်သူတွေ နဲ့တိုင်ပင်ပြီး တုံ့ပြန်သွားပါမယ်” ဟု ပြောသည်။

ဖြစ်စဉ်ကို ဘောလုံးအဖွဲ့ချုပ်ဥက္ကဋ္ဌ ဦးဇော်ဇော်နှင့် အမျိုးသမီးရေးရာအဖွဲ့များကိုလည်း ကူညီဆောင်ရွက်ပေး ရန် အကြောင်းကြားစာများ ပို့ထားသည်ဟု ဆိုသည်။

တိုက်ပွဲများကြောင့် DKBA တပ်သား ၅ ဦး သေဆုံး၍ အစိုးရစစ်သား၂ ဦးဒဏ်ရာရ

ဧရာဝတီ

ကရင်ပြည်နယ်နှင့် မွန်ပြည်နယ်တွင် ဒီမိုကရေစီအကျိုးပြုကရင်အမျိုးသားတပ်မတော် (DKBA)နှင့် အစိုးရစစ်တပ်အကြား တိုက်ပွဲများ ဆက်တိုက်ဖြစ်ပွားလျက်ရှိရာ DKBA တပ်သား ၅ ဦးသေဆုံးပြီး အစိုးရစစ်တပ်မှ စစ်သား ၂ ဦးဒဏ်ရာ ရရှိကာ တိုက်ပွဲများကြောင့် ဒေသခံရာချီ ထွက်ပြေး တိမ်းရှောင်နေရကြောင်း သတင်းရရှိသည်။

စက်တင်ဘာ ၁၈ ရက်နေ့ညက မြဝတီမြို့ပေါ်မှာ DKBA တပ်ဖွဲ့ဝင် ၂ ဦး မောင်းနှင်လာတဲ့ အနက်ရောင် SURF အမျိုးအစား ကားကို အစိုးရ လုံခြုံရေး အဖွဲ့တွေက စစ်ဆေးဖို့ တားမြစ်ရာမှာ မောင်းထွက်သွားတဲ့ အတွက် စစ်တပ်က ပစ်ခတ် ဖမ်းဆီး ရာမှ DKBA တဦး သေဆုံးသွားခဲ့ကြောင်း၊ အဆိုပါ ဖြစ်ရပ်နှင့်ပတ်သက်၍ အစိုးရစစ်တပ်က ထိရောက်သော ဖြေရှင်းမှုမျိုး ဆောင်ရွက်ခြင်းမရှိသည့်အတွက် DKBA နဲ့ အစိုးရစစ်တပ်အကြား တင်းမာမှုတွေ ဖြစ်ပွားပြီး ကရင်ပြည်နယ်၊ မြ၀တီမြို့တွင် တိုက်ပွဲများ စတင်ခဲ့ကြောင်း သိရှိရသည်။

စက်တင်ဘာလ ၂၇ ရက်နေ့ နံနက်၁၁ နာရီတွင် မြဝတီမြို့အထွက်အာရှလမ်းမကြီးပေါ်တွင် မောင်းနှင်လာသော အစိုးရ စစ်တပ်ကားကို DKBA က အာပီဂျီနှင့် ပစ်ခတ်ခဲ့ပြီး ၂ ဘက်တိုက်ပွဲများ စတင်ဖြစ်ပွားကြောင်း၊ ယင်းနောက် အစိုးရ စစ်တပ် က မြ၀တီမြို့တွင် စစ်တပ်အင်အား တိုးမြှင့်ချထားလိုက်ပြီး DKBA ဌာနချုပ် တည်ရှိရာ မြ၀တီခရိုင်၊ ဝေါလေမြို့နယ် တွင် အစိုးရတပ်များ အလုံးအရင်းဖြင့် ၀င်ရောက်လျက်ရှိကြောင်း၊ စက်တင်ဘာလ ၂၉ ရက်နေ့တွင် ဝေါလေတွင် တိုက်ပွဲ များ ဖြစ်ပွားခဲ့ကြောင်း သိရှိရသည်။

ကရင်အမျိုးသားအစည်းအရုံး(KNU) မှ ဆက်ဆံရေး အရာရှိဖြစ်သူဗိုလ်မှူးစောဇောရိုးက မြ၀တီမြို့သည် အစိုးရ၏ ထိန်းချုပ်မှု အောက်တွင် ရှိနေပြီး DKBA ဌာနချုပ်တည်ရှိရာ ဝေါလေတွင် စက်တင်ဘာလ ၂၉ ရက်နေ့ နံနက်ပိုင်းက တိုက်ပွဲဖြစ်ပွားကြောင်း အတည်ပြုပြောဆိုသည်။

“မွန်ပြည်နယ်မှာ တိုက်ပွဲတွေ ဒီနေ့ (စက်တင်ဘာ ၂၉ ရက်) ပြန်ဖြစ်နေတယ်။ နောက်ထပ် တိုက်ပွဲတွေလည်း ဝေါလေ မှာ ထပ်ဖြစ်နေတယ် ဆိုပြီး သတင်း ပို့လာတယ်။ မနက် ၉ နာရီ နဲ့ ၁၁ နာရီ ၁၅ လောက်မှာ ၂ ခေါက်ဖြစ်သွားတယ်လို့ သတင်းပို့လာတယ်”ဟု ဗိုလ်မှူး စောဇောရိုးက ပြောသည်။

ကရင်ပြည်နယ်၊ မြ၀တီခရိုင်တွင် ဖြစ်ပွားနေသော တိုက်ပွဲကြောင့် အထိအခိုက်နှင့် အသေအပျောက် စာရင်းကို အတိအကျ မသိရှိရသေးသော်လည်း တိုက်ပွဲမှာ ပြင်းထန်ပြီး လက်နက်ကြီးများဖြင့် ပစ်ခတ်မှုများ ပါဝင်ကြောင်း သိရှိရသည်။

အလားတူ မွန်ပြည်နယ်တွင်လည်း DKBA နှင့် အစိုးရစစ်တပ်အကြား တိုက်ပွဲများဖြစ်ပွားလျက်ရှိပြီး DKBA တပ်သား ၅ ဦးသေဆုံးပြီး အစိုးရစစ်သား ၂ ဦးဒဏ်ရာရရှိကြောင်း၊ တိုက်ပွဲ စတင်ဖြစ်ပွားရခြင်းမှာ ကျိုက်မရောမြို့နယ်တွင် DKBA ၏ သေနတ်များကို အစိုးရစစ်တပ်က သိမ်းဆည်းထားမှုနှင့် ပတ်သက်၍ စစ်တပ်နှင့် DKBA ကြား ဆွေးနွေးမှု တရပ် စက်တင် ဘာလ ၂၆ ရက်နေ့တွင် ပြုလုပ်စဉ် DKBA က စစ်သား ၂၀ ကို ထိန်းသိမ်းလိုက်ကြောင်း သိရှိရသည်။

စစ်သားများကို DKBA က ဖမ်းဆီးသည့်အတွက် အစိုးရစစ်တပ်က ကျိုက်မရောအနီးတွင် တပ်စခန်းများချထားရာမှ ၂ ဖက် တင်းမာ၍ ပစ်ခတ်မှု ဖြစ်ပွားခဲ့ကြောင်း၊ ယင်းပစ်ခတ်မှုတွင် အစိုးရစစ်တပ်မှ စစ်သား ၂ ဦး ဒဏ်ရာရရှိခဲ့ကြောင်း၊ ယင်းနောက် စက်တင်ဘာလ ၂၇ ရက်နေ့ နံနက်ပိုင်းတွင် DKBA က ဖမ်းဆီးထားသော စစ်သား ၂၀ ၏ သေနတ်များကို သိမ်းဆည်းပြီး စစ်သားများကို ပြန်လွှတ်ပေးလိုက်ကြောင်း၊ စက်တင်ဘာလ ၂၉ ရက်နေ့တွင်လည်း မွန်ပြည်နယ်၊ ကျိုက်မရော အနီးတွင် တိုက်ပွဲများ ထပ်မံဖြစ်ပွားကြောင်း သိရှိရသည်။

တိုက်ပွဲများ ဖြစ်ပွားလျက်ရှိသော မွန်ပြည်နယ်၊ ကျိုက်မရောမြို့နယ်၊ ရွှေဝါချောင်ကျေးရွာတွင် တာဝန်ထမ်းဆောင် လျက်ရှိ သော ရဲအထူးသတင်းတပ်ဖွဲ့မှ ရဲအရာရှိ စိုးနိုင်ဦးက တိုက်ပွဲများအတွင်း DKBA တပ်သား ၅ ဦးကျဆုံးကြောင်း ထုတ်ဖော် ပြောဆိုပြီး အစိုးရစစ်တပ်မှ အထိအခိုက်ကျဆုံးမှုများနှင့်ပတ်သက်၍မူ တစုံတရာ ထုတ်ဖော်ပြောဆိုခြင်း မပြုပေ။

ဧရာဝတီအင်္ဂလိပ်ပိုင်းသတင်းထောက်တဦးနှင့် ဓာတ်ပုံဆရာတဦး တိုက်ပွဲများဖြစ်ပွားလျက်ရှိသော မွန်ပြည်နယ်၊ ကျိုက်မရော မြို့နယ်အတွင်းမှ ရွှေဝါချောင်ကျေးရွာသို့ စက်တင်ဘာလ ၂၉ ရက်နေ့ နံနက်ပိုင်းက ရောက်ရှိသွားရာ လမ်း တလျှောက်တွင် အစိုးရစစ်တပ်မှ စစ်သား ၁၀၀ ခန့် ချထားသည်ကို တွေ့မြင်ခဲ့ရသည်။

မွန်တိုင်းရင်းသား လက်နက်ကိုင်အဖွဲ့အစည်းတခုဖြစ်သော မွန်ပြည်သစ်ပါတီမှ တာဝန်ရှိသူတချို့၏ အဆိုအရ အစိုးရစစ်တပ်မှ အင်အား ၁၀၀၀ ကျော် မွန်ပြည်နယ်၊ ကျိုက်မရောမြို့နယ်တွင် ချထားကြောင်း သိရှိရသည်။

“ဒီ ကျိုက်မရော မှာ အစိုးရတပ်တွေ အများကြီးပဲ။ ကျွန်တော်တို့ ကိုဓာတ်ပုံလည်းပေးမရိုက်ကြဘူး။ ကျနော်တို့က ဒီပဋိပက္ခ ဖြစ်တဲ့ နေရာတွေ နဲ့ ဝေးဝေးမှာ သွားနေခိုင်းကြတယ်” ဟု ကျိုက်မရောမြို့ရောက် ဧရာဝတီ သတင်းထောက် က ပြောဆိုသည်။

အစိုးရစစ်တပ် နှင့် DKBA တပ်များအကြား မွန်ပြည်နယ် ကျိုက်မရော မြို့နယ်နှင့် ကရင်ပြည်နယ် မြ၀တီခရိုင်များတွင် တိုက်ပွဲများ သီးခြားစီ ဖြစ်ပေါ်ခဲ့ရာ မြ၀တီမြို့ခံ ၁၀၀ ခန့် သည် စက်တင်ဘာလ ၂၉ ရက်နေ့တွင် သောင်ရင်း မြစ်ကို ဖြတ်ကျော်၍ မဲဆောက်သို့ ပြောင်းရွေ့ ခဲ့ကြကြောင်း၊ သို့သော်လည်း တိုက်ပွဲများ ရပ်တန့် သွားပြီးနောက် မြ၀တီမြို့သို့ ပြန်လည် ရွှေ့ပြောင်းလာကြောင်း၊ အလားတူ ကျိုက်မရောမြို့နယ်၊ ရွှေဝါချောင်ကျေးရွာမှ ဒေသခံ ၁၀၀ ခန့်မှာ လည်း တိုက်ပွဲများကြောင့် နေရပ်စွန့်ခွာ ထွက်ပြေးနေရကြောင်း သိရှိရသည်။

ကုလသမဂ္ဂမှာ မြန်မာ့ လူ့အခွင့်အရေး မဆွေးနွေးဖုို့ တောင်းဆုို

DVB

နိုင်ငံအပေါ် စေတနာမရှိခြင်းကြောင့် နိုင်ငံပိုင်လုပ်ငန်းများ အရှုံးပေါ်ဟု လွှတ်တော်အမတ်များ ပြင်းပြင်းထန်ထန်ဝေဖန်

ဝင်းကိုကိုလတ်၊ အောင်သူရထွန်း

နိုင်ငံပိုင်လုပ်ငန်းများ အရှုံးပေါ်နေရခြင်းသည် ဝန်ကြီးဌာနများက နိုင်ငံအပေါ် စေတနာမရှိခြင်း အပါအဝင် အဂတိလိုက်စားခြင်း၊ စီမံခန့်ခွဲမှု အားနည်းခြင်းတို့ကြောင့်ဟု စက်တင်ဘာ ၂၉ ရက် ပြည် ထောင်စုလွှတ်တော် အစည်းအဝေးတွင် အမတ်တို့က ဝေဖန်ပြောဆိုလိုက်သည်။

နိုင်ငံပိုင် စီးပွားရေးလုပ်ငန်းများက စီမံခန့်ခွဲလျက်ရှိသည့် စက်ရုံအလုပ်ရုံများအနက် အရှုံးပေါ်နေသည်ကို ဝန်ကြီးများက လွှတ်တော်သို့လာရောက် ရှင်းလင်းရာတွင် အမတ်တို့က ဝေဖန်လိုက်ခြင်း ဖြစ်သည်။

ကွန်ဟိန်းမြို့နယ် ပြည်သူ့လွှတ်တော် ကိုယ်စားလှယ် ဒေါ်နန်းဝါနုက “စက်ရုံတွေ ရှုံးရတဲ့အကြောင်းရင်းကို လေ့လာကြည့်တဲ့အခါ အဓိကအားဖြင့် သုံးချက်ပဲတွေ့ရတယ်။ စီမံခန့်ခွဲမှု အားနည်းတယ်၊ အဂတိလိုက်စား မှုတွေ ရှိနေတယ်၊ နိုင်ငံတော်အပေါ်မှာ စိတ်စေတနာ နည်းပါးတယ်” ဟု ဝေဖန်ပြောဆိုသည်။

ထို့ပြင် စက်ရုံများ ခေတ်မမီခြင်း၊ လျှပ်စစ်ဓာတ်အား မရခြင်း၊ ကုန်ကြမ်းရရှိသည့်နေရာနှင့် ဝေးရာတွင် စက်ရုံတည်ထားခြင်း၊ ဝန်ထမ်းအရေအတွက်များစွာ အသုံးပြုသော်လည်း စွမ်းရည်နည်းပါးခြင်းတို့ကလည်း နိုင်ငံပိုင်လုပ်ငန်းများ အရှုံးပေါ်စေသည့် အချက်များဖြစ်သည်ဟုလည်း ထောက်ပြပြောဆိုသည်။

“အလုပ်မလည်ပတ်နိုင်သော်လည်း လစာပေးထားတာက နိုင်ငံတော်ရဲ့ငွေကိုလည်း ဖြုန်းတီးရာ ကျနေပါတယ်” ဟု ဒေါ်နန်းဝါနုက ပြောသည်။ အရှုံးကြီးရှုံးနေသည့် လုပ်ငန်းများနှင့် ဝန်ကြီးဌာနများ မည်သည့်အတွက် ထားရှိသနည်းဟုလည်း မေးခွန်းထုတ်ခဲ့သည်။

“ပြည်သူလူထုကိုလည်း အကျိုးမပြု၊ နိုင်ငံတော်ကိုလည်း အကျိုးမပြုတဲ့ လုပ်ငန်းများ ဌာနများကို ဘာကြောင့် ဆက်လုပ်နေရသလဲ၊ ဘာကြောင့် ထားနေရသေးသလဲ” ဟု မေးခွန်းထုတ်ခဲ့သည်။

ပြည်သူ့လွှတ်တော်အမတ် ဒေါ်တင်နွယ်ဦးကလည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန လက်အောက်ရှိ ဖွဲ့နုဆီလုပ်ငန်းသည် စက်ပစ္စည်းဈေးကြီးရုံသာမက မအောင်မြင်ဘဲ ဆက်လည်ပတ်နေသည်မှာ အံ့သြဖွယ်ဖြစ်သည်ဟု ဝေဖန်ခဲ့ပြီး ယင်းကြောင့်အစိုးရကို နှစ်ပေါင်းများစွာလိုငွေပြမှု ပိုမိုတိုးပွား စေမည်ဟုလည်း ထောက်ပြသွားခဲ့သည်။

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ သတ္တုတွင်းဝန်ကြီးဌာန၊ ဘဏ္ဍာရေးဝန်ကြီးဌာနနှင့် ရထားပို့ဆောင်ရေး ဝန်ကြီးဌာနတို့က အရှုံးပေါ်လျက်ရှိ သောစက်ရုံ၊ အလုပ်ရုံများ အခြေအနေနှင့် ပုဂ္ဂလိကပိုင်လုပ်မှု အခြေအနေများကို ရှင်းလင်းခဲ့သည်။

စစ်တပ်မှ နှိပ်စက်မှုကြောင့် မြေပုံမြို့နယ်မှ ရွာသားတစ်ဦး မျက်လုံးတစ်ဖက် ဒဏ်ရာရရှိ

နှင်းသန္တာ

ရခိုင်ပြည်နယ် မြေပုံမြို့နယ် ကျွန်းသာယာကျေးရွာမှ မောင်ရွှေမြင့်ဆိုသူမှာ စစ်သားအချို့၏ နှိပ်စက်မူကြောင့် မျက်လုံးတစ်ဖက် ဒဏ်ရာ ရရှိသွားခဲ့သည်ဟု သိရသည်။

ယခုကဲ့သို့ နှိပ်စက်ခံရခြင်းမှာ တစ်ရွာတည်းနေ ဦးဖိုးဗာကြီးဆိုသူနှင့် သောက်စားမူးယစ်ပြီး အချင်းချင်း ရန်ဖြစ်စကားများကာ တုတ်ဆွဲ ဓါးဆွဲဖြစ်ကြရာမှ စစ်တပ်၏ ဖမ်းဆီးနှိပ်စက်ခြင်းကို ခံခဲ့ရ၍ ဖြစ်သည်ဟု စစ်တွေ ဆေးရုံကြီးတွင် ဆေးကုသမူ ခံယူရန် ရောက်ရှိနေသော မောင်ရွှေမြင့်က ပြောဆိုသည်။

စက်တင်ဘာလ ၂၁ ရက်နေ့ နံနက် ၉ နာရီအချိန်တွင် ကျွန်းသာယာကျေးရွာရှိ ဦးဖိုးဗာကြီးဆိုသူနှင့် မောင်ရွှေမြင့်တို့ နှစ်ဦးမှာ သောက်စားမူးယစ်ပြီး အချင်းချင်းရန်ဖြစ် စကားများပြီး တုတ်ဆွဲဓါးဆွဲဖြစ်ခဲ့ကြသည်။

ယင်းသို့ ဖြစ်ပွားပြီးနောက် ဦးဖိုးဗာကြီးက ၄င်းတို့ ရွာရှိ အမြောက်တပ် အမတ(၃၇၇) တပ်ခွဲသို့ သွားရောက် တိုင်တန်းခဲ့သည်ဟု ဆိုသည်။

မောင်ရွှေမြင့်အား စစ်တပ်မှ စက်တင်ဘာလ ၂၂ ရက်နေ့နံနက် ၁၀ နာရီတွင် လာရောက် ခေါ်ဆောင် သွားပြီး ထိပ်တုံးခတ် ဖမ်းဆီးကာ မျက်လုံးတစ်ဖက်အားလည်း ဖယောင်းစက်များချကာ ညှဉ်းပမ်းနှိပ်စက်ခဲ့သည်ဟု ဆိုသည်။

၎င်းကိစ္စနှင့်ပတ်သက်ပြီး မောင်ရွှေမြင့်က “ကျနော်ကို ပြဿနာဖြစ်ပြီး မိုးလင်းတော့ စစ်တပ်ကလာဖမ်းပါတယ်။ နှစ်ယောက်လုံး သောက်စားပြီး ဖြစ်ကြတာပါ။ ဦးဖိုးဗာကြီးရဲ့ သမီးနှစ်ယောက်က အမတ(၃၇၇)က တပ်သားတွေနဲ့ ညားနေကြတာဆိုတော့ တပ်ကိုသွားတိုင်ပါတယ်။ ကျနော်တပ်ကို ရောက်သွားတော့ ဗိုလ်ကြီး အောင်ကိုကိုကျော်က ခင်းဗျားကို ဒဏ်ပေးတဲ့အနေနဲ့ ဒီနေ့ည ဒီမှာ အိပ်ရမယ်ပြောတယ်။ ပြီးတော့ ကျနော့် အမေနဲ့ကျနော်ကိုနေ့လည် ၂ နာရီကစပြီး ၄ နာရီအထိတောင်ပေါ်ရှိမြက်တွေကို ပေါက်ခိုင်းပါတယ်” ဟု ဆိုသည်။

ဆက်လက်ပြီးမောင်ရွေမြင့်က သူ့အား နှိပ်စက်ပုံကို ယခုလိုဆက်ပြောသည်။

“ ညနေ ၄ နာရီခွဲတော့ ကျနော်ကို ထိပ်တုံးခတ်တယ်။ ၅ နာရီခွဲလောက်မှာ ရေချိုး ထမင်းစားခိုင်းပါတယ်။ ပြီးတော့ ညနေ ၆ နာရီကျော်လောက်မှာ ဗိုလ်ကြီး အောင်ကိုကိုကျော် တပည့်တွေက ကျနော်လည်မြိုကို ဖျစ်ပြီး ဗိုက်ကို တန်းတောင်ဆစ်တွေနဲ့ ထိုး၊ ခြေတွေနဲ့ တက်နင်းပါတယ်။ ပြီးတော့ ကျနော်မျက်လုံးကို အပေါ်မှ မီးတိုင်ထွန်းပြီး ဖယာင်းစက်တွေချပါတယ်။ သူတို့နှိပ်စက်ပြီး ၁၂ နာရီကျော်မှ ကျနော်ကိုအိပ်ခိုင်းပါတယ်။ တစ်ညလုံး နှိပ်စက်ညှင်းပန်းမှုတွေကြောင့် ကျနော် အိပ်မပျော်ခဲ့ပါဘူး” ဟု သူက ဆိုသည်။

စက်တင်ဘာလ ၂၃ ရက်နေ့တွင် မောင်ရွှေမြင့်၏ ဇနီး ရောက်ရှိလာကြောင်း၊ ယောင်္ကျားဖြစ်သူ နာကြင်မှု ဝေဒနာများ ခံစားနေရခြင်းကို မြင်တွေ့ပြီး ဗိုလ်ကြီးအောင်ကိုကိုကျော်အား မေးမြန်းကြောင်း၊ ဗိုလ်ကြီးက ယခုလို ပြောဆိုခဲ့ကြောင်း မောင်ရွှေမြင့်၏ ဇနီးကဆိုသည်။

“ ခင်ဗျား ယောင်္ကျားက ငါတို့ ခိုင်းစေတာ ကို မထီမဲမြင်လုပ်တဲ့ အတွက် ငါ့တပည့်တွေကို ငါကိုယ်တိုင် ရိုက်ခိုင်းတာ။ ပီးရင် ကိုမောင်ရွှေမြင့်ရဲ့ မိခင်နဲ့ ကျွန်မကိုလည်း ဗိုလ်ကြီးအောင်ကိုကိုကျော်က ခြေကိုင်ပြီး ရှိခိုး တောင်းပန်ခိုင်းပါတယ်။ သူပြောတဲ့ အတိုင်း ရှိခိုးတောင်းပန်ပြီးမှ ကိုမောင်ရွှေမြကို ပြန်လွှတ်ပေးခဲ့ပါတယ်” ဟု ဆိုသည်။

စစ်တပ်မှ ပြန်လွှတ်ပေးလိုက်ပြီးနောက် မောင်ရွှေမြင့်မှာ တစ်ညလုံး ညှင်းပန်းနှိပ်စက်မှုများကြောင့် ဗိုက်နာပြီး ဘယ်ဘက် မျက်လုံးတစ်ဖက်မှာလည်း မှုန်ဝါးကာ အလင်းရောင်အား လုံးဝမမြင်ရတော့သဖြင့် ကျေးရွာရှိ ကျန်းမာရေးမှူးအား သွားပြရာ စစ်တွေသို့အချိန်မှီ ဆေးကုသရန်စေလွှတ်ခဲ့သည်ဟု ပြောသည်။

ယခုအခါ မောင်ရွှေမြင့်မှာ စစ်တွေ ဆေးရုံကြီးတွင် ပြင်ပလူနာအဖြစ် ဆေးကုသမှုခံယူနေပြီး ဘယ်ဖက် မျက်လုံးအား ခွဲစိတ်ရမည်ဖြစ်ကြောင်း သိရသည်။

အဆိုပါကိစ္စနှင့်ပတ်သက်ပြီး ကျွန်းသာယာကျေးရွာအုပ်ချုပ်ရေးမှူးအား နိရဉ္စရာမှ ဆက်သွယ်မေးမြန်းရာ မောင်ရွေမြင့်အား အမတ(၃၇၇)တပ်ခွဲမှ အထက်ဖေါ်ပြပါ အတိုင်း ဖမ်းဆီးနှိပ်စက်မှုများ ပြုလုပ်ခဲ့သည်မှာ မှန်ကန်ကြောင်း အတည်ပြုပြောကြားသည်။

တောင်တက်သမား၂ဦးနဲ့ ရဟတ်ယာဉ်ကို ရှာမတွေ့သေး

DVB

တိုက်ပွဲများကြောင့် တပ်မတော်ကို အပြစ်မတင်ရန် ဦးရဲထွဋ် တုံ့ပြန်

ဟိန်းကိုစိုး

ဒီမိုကရေစီအကျိုးပြု ကရင့်တပ်မတော် (DKBA) နှင့် တိုက်ပွဲများတွင် တပ်မတော်ကို အပြစ်တင်ရန် မသင့်ဟု သမ္မတ၏ ပြောရေးဆိုခွင့်ရှိသူ ဦးရဲထွဋ်က စက်တင်ဘာ ၂၉ရက်တွင် မဇ္ဈိမကို ပြောသည်။

“အခုဖြစ်နေတာက ကရင်လက်နက်ကိုင်လို့ပြောလို့မရပါဘူး။ ဒီကေဘီအေ တစ်ဖွဲ့တည်းပါ။ ဒါကလည်း သူတို့က မြို့ထဲမှာ လက်နက်တွေကိုင် လျှောက်သွားနေတာတွေ ထိုင်းက ကုန်ကားတွေကို တားတာတွေကြောင့်ပါ။ ကိုယ့်သဘောနဲ့ကို အုပ်ချုပ်ရေးကို ၀င်မတားဖို့ ပြောထားတယ်။ ဘယ်နိုင်ငံရဲ့ တရားဥပဒေစိုးမိုးရေးမှ အဲဒီလိုလုပ်တာကို လက်ခံမှာမဟုတ်ပါဘူး” ဟု ၎င်းက ဆိုသည်။

ဖြစ်ပွားနေသည့် ပဋိပက္ခများဖြေရှင်းရေးနှင့် ယင်းကြောင့် ငြိမ်းချမ်းရေးဆောင်ရွက်နေမှုများ မထိခိုက်စေ ရန် မြန်မာ့တပ်မတော် ခေါင်းဆောင်ပိုင်းနှင့် DKBA ခေါင်းဆောင်ပိုင်းတို့ ဆွေးနွေးနေကြပြီး မကြာမီတွင် ဖြေရှင်းသွားနိုင်မည်ဟု ပြောသည်။

တပ်မတော် ခြေလျင်တပ်ရင်း ၂၇၅ က စက်တင်ဘာ ၁၄ ရက်တွင် မြ၀တီမြို့အတွင်း လှုပ်ရှားနေသော တိုင်းရင်းသား လက်နက်ကိုင် တပ်ဖွဲ့အားလုံးကို ယူနီဖောင်းနှင့်တကွ လက်နက်ကိုင်ဆောင်မှု မပြုရန် သတိ ပေးပြီးနောက် ယင်းသို့ ပဋိပက္ခ ဖြစ်ပေါ်ခဲ့ခြင်းဖြစ်သည်။

နှစ်ဖက်တပ်များ ရင်ဆိုင်ပစ်ခတ်မှုအချို့ကြောင့် စက်တင်ဘာ ၂၉ ရက်အထိ ကရင်အကျိုးပြု တပ်မတော်မှ ဗိုလ်ကြီးအဆင့်ရှိ သူတစ်ဦး သေဆုံးခဲ့ရသည်။ ထို့ပြင် မွန်ပြည်နယ် ကျိုက်မရောမြို့နယ်အနီး ကရင်ပြည်နယ်အစပ်တွင် ပိတ်မိနေသဖြင့် လမ်းကြောင်းဖွင့်ပေးရန် DKBA တို့ တောင်းဆို ထားသည်။ ယင်းကို တပ်မတော်ဘက်ကလည်း စက်တင်ဘာ ၂၆ ရက် ကျိုက်မရော တိုက်ပွဲအတွင်း သိမ်းဆည်းထားသော လက်နက်များပြန်ပေးရန် ညှိနှိုင်းထားသည်ဟု DKBA ဘက်က ပြောသည်။

ဒီကေဘီအေသည် ၂၀၁၁ ခုနှစ်၊ နိုဝင်ဘာတွင် ပမာဏအပစ်ရပ်စဲရေး လက်မှတ် ရေးထိုးထားသည့် အဖွဲ့ဖြစ်သည်။ ယင်းနောက် ၂၀၁၂ ခုနှစ်တွင် တစ်ကြိမ်၊ ၂၀၁၃ ခုနှစ်တွင် လေးကြိမ် တပ်မတော်နှင့် ရင်ဆိုင် ထိတွေ့မှု ဖြစ်ဖူးသည်။

နှစ်ဖက်ထိတွေ့မှု ပြသနာ များအား ငြိမ်းချမ်းစွာ ဖြေရှင်းရန် DKBA စစ်ဦးချုပ် သဘောထားရှိ

ရွှေဟင်္သာ

ဒီမိုကရေစီ အကျိုးပြု ကရင် အမျိုးသား တပ်မတော် (DKBA) နှင့် အစိုးရ တပ်များ အကြား ဖြစ်ပွား နေသည့် လက်နက်ကိုင် ပဋိပက္ခ ဆက်လက် မကြီးထွားရေး ညှိနှိုင်း ဆောင်ရွက် ကြရန် DKBA စစ်ဦးစီးချုပ် ဗိုလ်ချုပ် စောလားပွယ်မှ သဘောထား ရှိကြောင်း DKBA အဖွဲ့၏ မြဝတီ ဆက်ဆံရေးရုံး တာဝန်ခံ ဗိုလ်ကြီး စောစိုးမြင့်က ပြောသည်။

“စစ်ဦးစီးချုပ် သဘောထား ကတော့ တတ်နိုင် သလောက် ငြိမ်းငြိမ်း ချမ်းချမ်း ဖြေရှင်း စေချင်တဲ့ သဘောထား ရှိတယ်၊ လက်ရှိ မှာတော့ အပြေ လည်လုံး ဖြစ်အောင်တို့ ကျနော်တို့ ညှိနှိုင်း ထားပါတယ် ခင်ဗျ၊ တစ်နိုင်ငံလုံး အပစ်အခတ် ရပ်စဲရေး ညှိနှိုင်းရေး အဖွဲ့က နိုင်ဟံသာနဲ့ ဝန်ကြီး ဦးအောင်မင်း၊ ကျနော်တို့ ဆီက ဗိုလ်မှူးလုံလုံနဲ့ တို့နဲ့ တပ်မတော် ခေါင်းဆောင်တွေ ဝိုင်းဝန်း ညှိနှိုင်း ပေးဖို့လည်း အကူအညီ တောင်းထား ပါတယ်” ဟု ဗိုလ်ကြီး စိုးမြင့် ပြောသည်။

စက်တင်ဘာ ၂၆ ရက်နေ့မှ စ၍ မွန်ပြည်နယ် ကျိုက်မရော မြို့နယ်တွင် DKBA တပ်ဖွဲ့နှင့် အစိုးရ တပ်တို့ အကြား လက်နက်ကိုင် ထိတွေ့မှု စတင် ဖြစ်ပွားခဲ့ရာမှစ စက်တင်ဘာ ၂၇ တွင် မြဝတီ မြို့၌ လည်းကောင်း စက်တင်ဘာ ၂၈ ရက်နေ့တွင် ကျိုက်မရော မြို့နယ် တွင်းရှိ ရွှေဝါချောင်း အရပ် ငါးပြေမ ရွာအနီး၌ သုံးရက် ဆက်တိုက် လက်နက်ကိုင် ထိတွေ့မှု ဆက်လက် ဖြစ်ပေါ် ခဲ့သည်။

ထိုသို့ ဖြစ်ပွားနေသည့် တိုက်ပွဲများ ချုပ်ငြိမ်း စေရန်နှင့် နှစ်ဖက် အကြား နားလည်မှု ရှိစေရန် အတွက် ယမာန်နေ့ စက်တင်ဘာ ၂၈ ရက်နေ့၌ DKBA ဘက်မှ ဗိုလ်ချုပ် ကျော်သက် ဦးဆောင်သည့် အဖွဲ့နှင့် စကခ (၁၂) စကခ မှူးတို့ ကရင်ပြည်နယ် ကော့ကရိတ်မြို့၌ ဆက်လက် တွေ့ဆုံ ဆွေးနွေး ခဲ့ကြကြောင်း ဗိုလ်ကြီး စောစိုးမြင့်နှင့် ကရင် နယ်ခြားစောင့်တပ်မှ ဗိုလ်မှူးကြီး စောချစ်သူ၏ ပြောရေး ဆိုခွင့် ရှိသူ ဗိုလ်မှူး နိုင်မောင်ဇော် တို့က ပြောသည်။

ဗိုလ်ကြီး စောစိုးမြင့်က “မနေ့က ဗိုလ်ကျော်သက်နဲ့ စကခ ၁၂ မှူးနဲ့ တွေ့ကြပြီး တိုက်ပွဲတွေ ထပ်မံ မဖြစ်ပွားဖို့ ညှိနှိုင်း ခဲ့ကြတယ်၊ ကျနော်တို့က ကျနော်တို့ ကျိုက်မရော ဂွင်မှာ ပိတ်မိနေတဲ့ တပ်တွေ ဆုတ်နိုင်အောင် ထွက်ပေါက် ဖွင့်ပေးဖို့ တောင်းဆို ထားတယ်၊ အဲလို ထွက်ပေါက် ရရင် ကျနော်တို့ ဘက်ကလည်း သူတို့ဆီက သိမ်းထားတဲ့ လက်နက်တွေ ပြန်ပေးဖို့ ကနဦး ညှိနှိုင်း ထားတယ်” ဟု ဗိုလ်ကြီး စောစိုးမြင့်က ပြောသည်။

ဗိုလ်မှူး နိုင်မောင်ဇော် ကလည်း “ ဗိုလ်ချုပ် ကျော်သက်နဲ့ တပ်မတော် အရာရှိတွေ မနေ့က တွေ့ကြ တာတော့ ကျနော်တို့ သိတယ်၊ အသေးစိတ် ကိုတော့ ကျနော် ထုတ်ပြောလို့ မဖြစ်နိုင်ပါဘူး” ဟု ကရင် နယ်ခြားစောင့်တပ်မှ ဗိုလ်မှူးကြီး စောချစ်သူ၏ ပြောရေး ဆိုခွင့် ရှိသူ နိုင်မောင်ဇော်က ပြောသည်။

နှစ်ဖက် တပ်များ ထပ်မံ၌ လက်နက်ကိုင် ပဋိပက္ခ ဆက်လက် မဖြစ်ပွားရေး အတွက် DKBA ဘက်မှ မိမိတပ်ကို မိမိ ထိန်းချုပ် စေလိုကြောင်းလည်း စက်တင်ဘာ ၂၇ ရက်နေ့တွင် စစ်ဆင်ရေး အထူးအဖွဲ့ (၄) မှူး ဒုတိယ ဗိုလ်ချုပ်ကြီး ခင်ဇော်ဦးက သတိပေးစာ ပို့ထားပြီး ဖြစ်သည်။

စက်တင်ဘာ၂၆ ရက်နေ့၌ မွန်ပြည်နယ် ကျိုက်မရော မြို့နယ်၌ အစိုးရတပ် ခလရ ၂၀၈ တပ်ရင်းပိုင် ကားအား DKBA မှ စတင် ပစ်ခတ်ရာမှ တပ်မတော်နှင့် အစိုးရ တပ်တို့ အကြား နှစ်ဖက် တိုက်ပွဲ စတင် ဖြစ်ပွား ခဲ့ရပြီး ထိုရက်၌ အစိုးရ အာဏာပိုင်၊ ရဲ၊ SB (၈) ဦးခန့် တို့အား DKBA မှ ခေတ္တ ဖမ်းဆီး ထိန်းသိမ်း ခဲ့ပြီး ညနေ (၄) နာရီတွင် ပြန်လွှတ် ပေးခဲ့သည်။

ထိုစက်တင်ဘာ ၂၆ ရက်နေ့ ကျိုက်မရော ပစ်ခတ် မှုကြောင့် ကားပေါ်တွင် ပါလာသည့် ခလရ ၂၀၈မှ ဗိုလ်မှူး တစ်ဦး ပေါင်တွင် လက်နက်ငယ် ကျည်ဆံ ထိမှန်၍ လည်းကောင်း၊ယဉ်မောင်း တပ်ကြပ်မှာ ဘယ်ဘက် ရင်ဘတ်၌ လက်နက်ငယ် ထိမှန်ခဲ့ကာ နောက်၌ ထိုင်နေသည့် တပ်ကြပ်ကြီး တစ်ဦးမှာ ညာဘက် လက်မောင်း၌ လက်နက်ငယ် ဒဏ်ရာ အသီးသီး ထိမှန် ခဲ့ရသည်။

ထို၂၆ ရက်နေ့ တိုက်ပွဲ ဖြစ်ရာမှ တပ်မတော်၏ ခလရ ၂၀၈ တပ်မှ လက်နက် (၇) လက်ခန့် တို့အား DKBA အဖွဲ့မှ လက်ရှိ အထိ သိမ်းယူ ထားဆဲ ဖြစ်ကာ ထို DKBA မှ သိမ်းဆည်း သွားသည့် တပ်မတော် လက်နက်များ ပြန်လည် ရရှိရေး အတွက် အစိုးရ ဘက်မှ ညှိနှိုင်း တောင်းဆို နေခြင်း ဖြစ်သည်။

ပြီးခဲ့သည့် ၂၀၁၀ ခုနှစ်တွင်း ၌လည်း ၂၀၀၈ ဖွဲ့စည်းပုံ အခြေခံ ဥပဒေနှင့် အထွေထွေ ရွေးကောက်ပွဲအား ဆန့်ကျင်သည့် အနေနှင့် DKBA တပ်နှင့် အစိုးရ တပ်များ အကြား ထိုင်းမြန်မာ နယ်စပ် မြဝတီမြို့နှင့် ဘုရားသုံးဆူမြို့များ တို့တွင် တစ်လခန့် တိုက်ပွဲများ ဖြစ်ပွား ခဲ့ကြသည်။

ထို ၂၀၁၀ တိုက်ပွဲ ၌လည်း မြဝတီနှင့် ဘုရားသုံးဆူ မြို့တို့မှ ဒေသခံများ သောင်းဂဏန်းခန့် နယ်စပ် ဖြတ်ကျော်ကာ ထိုင်းနိုင်ငံ ထဲသို့ စစ်ပြေး ဒုက္ခသည် များအဖြစ် ထွက်ပြေး တိမ်းရှောင် ခဲ့ကြရသည်။

မြေနုကျွန်း နယ်နမိတ်သတ်မှတ်နိုင်ရေး ကိုင်းတောင်သူများ ဆန္ဒထုတ်ဖော်

DVB

မိကျောင်းကန် သပိတ်စခန်းပိတ်ရန် အမိန့်ထုတ်သော်လည်း မပိတ်ဟု ဆန္ဒပြသူများ ငြင်းဆန်

ကေဇူး

ရန်ကုန်မြို့ ကျောက်တံတားမြို့နယ် မဟာဗန္ဓုလပန်းခြံအနီးတွင် ခြောက်လကျော်ကြာ သပိတ်စခန်းဖွင့် ဆန္ဒပြခဲ့သည့် မိကျောင်းကန် သပိတ်စခန်းကို အောက်တိုဘာ ၃ ရက်တွင် အပြီးသတ်ဖယ်ရှားပေးရန် အစိုး ရက စက်တင်ဘာ ၂၉ ရက်က စာထုတ်လိုက်သော်လည်း ဆန္ဒပြသူတို့က ပိတ်သိမ်းမည်မဟုတ်ဟု ပြောသည်။

စက်တင်ဘာ ၂၉ ရက်က ရဲတပ်ဖွဲ့ဝင် ၁၀ ဦး၊ စည်ပင်သာယာရေးအဖွဲ့ဝင် လေးဦးခန့်က လာရောက်၍ သပိတ်စခန်း ဖယ်ရှားပေးရန် အကြောင်းကြားစာ ကပ်သွားသည်ဟု သပိတ် ဒုတိယ ခေါင်းဆောင် ကိုမောင်မောင်က ပြောသည်။

“ကျွန်တော်တို့ ဖယ်မှာလည်းမဟုတ်ပါဘူး။ အားလုံး အသေခံဖို့ထိ ရည်ရွယ်ပြီး သရဏဂုံတင်ပြီးသား” ဟု ပြောသည်။

အဆိုပါ သပိတ်စခန်းအတွင်း နေထိုင်သူ မသန္တာမြင့်က “ကျွန်မတို့က ဥပဒေကို လေးစားတယ်။ ဥပဒေက လည်း ကျွန်မတို့ကို ကာကွယ်မယ်လို့ မျှော်လင့်တယ်။ ပြည်သူကို အကြမ်းမဖက်ပါနဲ့လို့ပဲ ပြောချင်တယ်” ဟု ဆိုသည်။

သပိတ်စခန်းဖယ်ရှားရေး အကြောင်းကြားစာတွင် ကျောက်တံတားမြို့နယ် အမှတ်(၂)ရပ်ကွက် လူသွား စင်္ကြံပါ်၌ ယာယီအမိုးအကာများပြုလုပ်၍ နေ့ညမပြတ် နေထိုင်အသုံးပြုနေသည်ကို တွေ့ရပြီး မြို့တော်စည်ပင်၏ တည်ဆဲဥပဒေ ချိုးဖောက်သည်ဟု ထုတ်ပြန်ထားသည်။

ရန်ကုန်တိုင်းဒေသကြီး သင်္ဃန်းကျွန်းမြို့နယ် မိချောင်းကန် အပိုင်း ၁၊ ၂၊ ၃ မြေယာများကို စစ်တပ်က သိမ်းဆည်းထားခြင်းကြောင့် ဒေသခံများက ပြန်လည်ပေးအပ်ရန် လွန်ခဲ့သော ခြောက်လကျော်ခန့်က တည်းက သပိတ်စခန်းဖွင့်လှစ်၍ တောင်းဆိုနေခြင်း ဖြစ်သည်။

DKBA နှင့် အစိုးရတပ်ဖွဲ့တို့ ယနေ့တွင်ပစ်ခတ်မှုဆက်လက်ဖြစ်ပွား

မင်းသုတ

ဒီမိုကရေစီ ကရင် အကျိးပြု တပ်မတော်DKBA ကလို့ထူးဘောအဖွဲ့နှင့် အစိုးရတပ် ဖွဲ့ဝင်များ ယနေ့(စက်တင်ဘာ ၂၇ ရက်နေ့) နံနက် ၅ နာရီအချိန်ခန့်တွင် မွန်ပြည်နယ်၊ ကျိုက်မရောမြို့နယ်၊ ရွှေဝါချောင်းကျေးရွာအနီး တွင် နာရီဝက်ကျော်ကြာအပြန်အလှန်ပစ်ခတ်မှု ဆက်လက်ဖြစ်ပွားခဲ့သည်ဟု အနီးကပ်စောင့်ကြည့်နေသည့် မွန်ပြည်သစ်ပါ တီအရာရှိတစ်ဦးက လွတ်လပ်သော မွန်သတင်းအေဂျင်စီ IMNA သို့ ပြောသည်။

ထို့အပြင် နံနက် ၇ နာရီ ၄၅ မိနစ်အချိန်တွင် ကရင်လှိုင်ကျေးရွာအနီး၌ DKBA နှင့် အစိုးရနယ်ခြားစောင့်တပ် BGF တို့ နံနက် ၉ နာရီ အထိ တိုက်ပွဲဆက်လက်ဖြစ်ပွားခဲ့သည်ဟုလည်း ဆိုသည်။

သူက “လက်နက်ကြီးသံတွေကြားနေရတယ်၊ အထိအခိုက်ဒဏ်ရာကျဆုံးသတင်းတွေကိုတော့ လောလောဆယ်မရနိုင်သေးဘူး၊ ရွာသား တွေ ကျိုက်မရောမြို့ပေါ်ကို ထွက်ပြေးလာတယ်” ဟု ပြောသည်။

ကျိုက်မရောဆုတောင်းပြည့်ဘုရားကြီးဝင်းအတွင်း၌ စစ်ဘေးရှောင်ဒေသခံ ၂၀ဝ ဝန်းကျင်ခန့်ရောက်ရှိနေသည်ဟု ကျိုက်မရောမြို့ပေါ် ရပ်ကွက်အုပ်ချုပ်ရေးမှူးတစ်ဦးက ပြောသည်။

သူက “ ထွက်ပြေးလာတဲ့ရွာသားတွေကို ဘုရားကြီးဝင်းမှာနေရာချပေးထားတယ်၊ မနေ့က ရောက်လာတဲ့ ကရင်တောရွာသားတွေက တိုက်ပွဲဖြစ်နေတာသူတို့ရွာနဲ့ဝေးသွားပြီဆိုတော့ ဒီနေ့မနက်မှာ ပြန်သွားပြီ” ဟု ဆိုသည်။

ယမန်နေ့ (စက်တင်ဘာ ၂၆ ရက်)နံနက် ၁ဝ နာရီခွဲခန့်တွင် ကျိုက်မရောမြို့နယ်၊ ကလိုင်းကနိုင်ကျေးရွာအုပ်စု ကရင်တောကျေးရွာရှိ DKBA ဂိတ်သို့ ခလရ (၂ဝ၈) တပ်ရင်းမှ မော်တော်ယာဉ်ဖြင့် ဝင်ရောက်လာရာ DKBA က ခြောက်လှန့်ပစ်ခတ်ခဲ့ပြီး ယာဉ်ပေါ်ပါလာ သည့် အစိုးရတပ်ဖွဲ့နှင့် ရဲတပ်ဖွဲ့ဝင် ၁၀ ဦးထက်မနည်း ဖမ်းဆီးထိန်းသိမ်းခဲ့သဖြင့် နှစ်ဖက်တပ်များ ထိတွေ့မှုဖြစ်ပွားခဲ့ကြောင်း သိရ သည်။

ထို့နောက် မွန်းတည့် ၁၂ နာရီကျော်ခန့်တွင် ခလရ (၂ဝ၈) တပ်ဖွဲ့များ ထပ်မံရောက်ရှိလာရာ ပစ်ခတ်မှုဖြစ်ပေါ်သဖြင့် DKBA တပ်ဖွဲ့များ နေရာပြောင်းရွေ့သွားခဲ့ပြီး ညနေ ၅ ခန့်တွင် ဖမ်းဆီးထိန်းသိမ်းထားသူအားလုံးကို ပြန်လွှတ်ပေးခဲ့သည်ဟု သိရသည်။

ကျိုက်မရော မြို့နယ်နှင့် မုဒုံ မြို့နယ်တို့ရှိ ဒီမိုကရေစီအကျိုးပြု ကရင့်တပ်မတော် (DKBA) အဖွဲ့ဝင်များ၏ နေအိမ်ကို စစ်တပ်က ဝင် ရောက်ရှာဖွေကာ သေနတ်သုံးလက်ကို သိမ်းယူခဲ့သည်ဟု မွန်ပြည်နယ် DKBA တာဝန်ခံ ဗိုလ်မှုး စောအောင်ကိုကိုက ပဲခူးတိုင်း ၊ ညောင် လေးပင်မြို့နယ်၌ စက်တင်ဘာ ၂၆ ရက် သတင်းစာရှင်းလင်းပွဲတွင် ပြောကြားလိုက်ကြောင်း မဇ္ဇျိမသတင်းတွင် ဖေါ်ပြထားသည်။

စက်တင်ဘာ ၁၉ ရက်နေ့တွင်လည်း မြဝတီမြို့၌ နယ်ခြားစောင့်တပ်နှင့် တပ်မတော်ဘက်မှ DKBA အဖွဲ့ကို ပစ်ခတ်သဖြင့် ဗိုလ်တစ်ဦး သေဆုံး၊ တပ်သားတစ်ဦး ဒဏ်ရာရရှိခဲ့သည်။

ပါတီမရှိဘဲ ဒီမိုကရေစီနိုင်ငံရေး လုပ်လို့မရဘူးလို့ ဒေါ်အောင်ဆန်းစုကြည်ပြော

DVB

အမတ်တို့ စွမ်းဆောင်ရည် မှတ်တမ်းထွက်မည်

မင်းဟိန်းထက်

လာမည့် ၂၀၁၅ အထွေထွေ ရွေးကောက်ပွဲတွင် မဲဆန္ဒရှင်ပြည်သူတို့ စိတ်ကြိုက်အမတ်များ ရွေးချယ်နိုင်ရေး ရည်ရွယ်၍ လွှတ်တော်အမတ် တစ်ဦးချင်းစီ၏ လွှတ်တော်တွင်း စွမ်းဆောင်ရည် မှတ်တမ်းများ စုစည်း ဖော်ပြမည့်စာအုပ် ထုတ်ဝေရန် စီစဉ်နေပြီဟု ပွင့်လင်း မြန်မာ့ရှေ့ဆောင် (OMI) အဖွဲ့၊ သုတေသန တွဲဖက် ဒါရိုက်တာ ကိုထင်ကျော်အေးက မဇ္ဈိမကိုပြောသည်။

လက်ရှိ လွှတ်တော်သက်တမ်းကာလ အထိ မည်သည့်အမတ်က အဆိုမည်မျှ တင်သွင်းခဲ့သည်၊ မည်သို့ သောအဆိုများ တင်သွင်းခဲ့သည်၊ မေးခွန်းမည်မျှမေးခဲ့သည်၊ မည်သို့သော မေးခွန်းများကို မေးမြန်းခဲ့သည် စသဖြင့် အမတ် တစ်ဦးချင်းစီ၏ စွမ်းဆောင်ချက်များအပြင် လွှတ်တော်ကော် မတီများ၏ စွမ်းဆောင်မှုတို့ ကိုပါ ဖော်ပြသွားမည်ဟု ဆိုသည်။

“အဓိကက ဘယ်အမတ်တွေ ဘယ်လောက် အလုပ်လုပ်တယ်ဆိုတာ မဲဆန္ဒ ရှင်ကသိပြီး ၂၀၁၅ ရွေး ကောက်ပွဲမှာ မဲပေးနိုင်အောင်ရည်ရွယ်ပါတယ်” ဟု ကိုထင်ကျော်အေးက ပြောသည်။

အဆိုပါစာအုပ်ကို ၂၀၁၅ ရွေး ကောက်ပွဲကြီးမတိုင်မီ ထုတ်ဝေသွား မည်ဖြစ်ကြောင်း ၎င်းကဆိုသည်။

“ဒါ အရမ်းကောင်းတဲ့ကိစ္စပါ။ အစိုးရက လုပ်သင့်တဲ့ကိစ္စကို OMI က လုပ်ပေးတာ ကောင်းပါတယ်။ အလုပ် မလုပ်တဲ့ ကိုယ်စားလှယ်တွေကို မဲဆန္ဒရှင် ပြည်သူတွေအနေနဲ့ သိသွားတာပေါ့” ဟု ပြည်ထောင် စုကြံ့ခိုင်ရေးနှင့် ဖွံ့ဖြိုးရေးပါတီ အမျိုးသားလွှတ်တော်အမတ် ဦးလှဆွေက ဆိုသည်။

OMI က စက်တင်ဘာ ၂၁ ရက်တွင်လည်း လွှတ်တော်လေ့လာ စောင့်ကြည့်ရေး အစီရင်ခံစာ အမှတ်-၃ ထုတ်ဝေခဲ့ပြီး ယင်းတွင် လွှတ်တော်နှစ်ရပ်၏ ပြီးစီးခဲ့သော အစည်းအဝေးအထိ အဆိုများ၌ ပါဝင်မဆွေး နွေးခဲ့သည့် လွှတ်တော်အမတ် ၃၀၇ ဦး ရှိခဲ့သည်ဟု ဖော်ပြထားသည်။

ထို့အပြင် လွှတ်တော်အမတ်တို့၏ မေးခွန်းမေးမြန်းမှု ဆွေးနွေးမှု အရည်အသွေးများ တိုးတက်မှုရှိရန် လိုအပ်နေသည်ဟု ဝေဖန်ထောက်ပြထားသည်။

OMI အမတ်တို့၏ တစ်ဦးချင်းစွမ်းဆောင်မှု မှတ်တမ်းအပြင် လွှတ်တော်နှစ်ရပ်၏ ၁၁ ကြိမ်မြောက် အစည်း အဝေးတွင် တင်သွင်းခဲ့သော မေးခွန်းနှင့်အဆိုတို့ကို လေ့လာထားသည့် အစီရင်ခံစာ အမှတ်-၄ ကိုလည်း ယခုနှစ်မကုန်မီ ထုတ်ဝေနိုင်ရန် စီစဉ်နေသည်။

ဝံလက်ဖေါင်ဒေးရှင်း စစ်တွေတွင် မီဒီယာ သင်တန်းပေး

စံမောင်သန်း

ရခိုင်ပြည်နယ်ထဲမှ သတင်းသမားများ ပေါ်ထွက်လာရေး ရည်ရွယ်ချက်ဖြင့် ပဋိပက္ခဂရုပြု နားလည်စွာ သတင်းရေးသားခြင်း၊ အခြေခံသတင်းပညာ သင်တန်းတစ်ခုကို ရခိုင်ပြည်နယ် စစ်တွေမြို့ မင်းဂံ ရပ်ကွက်ရှိ ၈၈-မျိုးဆက်လူမှုကွန်ယက် ရုံးခန်း၌ ၀ံလက်ဖေါင်ဒေးရှင်းက ပြုလုပ်လျှက်ရှိသည်။

ယင်းသင်တန်းကို Internews မှ အကူအညီဖြင့် ပြုလုပ်နေခြင်းဖြစ်ပြီး ယင်းအဖွဲ့မှ သတင်းစာဆရာမ နှစ်ယောက်က လာရောက် သင်ကြားပို့ချနေသည်ဟု သိရသည်။

ယင်းသင်တန်းအား စက်တင်ဘာလ ၂၂-ရက်နေ့မှ ၂၈-ရက်နေ့ထိ တပတ်ကြာ သင်ကြား သွားမည် ဖြစ်သည်ဟု ဆိုသည်။ သင်တန်းတွင် သား ၁၅-ယောက်၊ သင်တန်းသူ ၇-ယောက် စုစုပေါင်း ၂၂ ယောက် တက်ရောက်နေသည်ဟု ၀န်လက်ဖေါင်ဒေးရှင်း ဒါရိုက်တာ ခိုင်ကောင်းစံက ရှင်းလင်း ပြောကြားသည်။

ယခုသင်တန်းသည် ၀ံလက်ဖေါင်ဒေးရှင်းမှပြုလုပ်သည့် သတင်းအခြေခံရေးသားနည်း ဒုတိယ အကြိမ်မြောက် သင်တန်းဖြစ်ပြီး ရခိုင်ပြည်တွင်ဖြစ်ပွားလျှက်ရှိသော သတင်းများနှင့်ပတ်သက်၍ သတင်းမှန်များကို နိုင်ငံတကာသို့သော်၎င်း၊ ပြည်တွင်းရှိဂျာနယ်တို့သို့ ရောက်ရှိနိုင်စေရန်အတွက် ပြည်သူ့သတင်းသမား များများမွေးထုတ်ပေးရန် လိုအပ်သည်ဟု ထင်မြင်ချက်အပေါ်မူတည်၍ ယခုသင်တန်းကို ပြုလုပ်ရခြင်းဖြစ်ကြောင်း ခိုင်ကောင်းစံက ပြောကြားသည်။

“ ရခိုင်ဒေသဟာ နိုင်ငံတကာက စိတ်ဝင်စားနေတဲ့ ဒေသတစ်ခုဖြစ်ပါတယ်။ အဲဒီအထဲမှာ ရင်းနှီးမြှုပ်နှံမှုဆိုင်ရာနဲ့ ၂၀၁၂-ခုနှစ်မှာ ဖြစ်ပွားခဲ့တဲ့ ပဋိပက္ခဆိုင်ရာ အကြောင်းအရာတွေ အပေါ်မှာ နိုင်ငံတကာမှ စိတ်ဝင်စားမှုရှိနေပါတယ်။ ရင်းနှီးမြှုပ်နှံမှုနဲ့ပတ်သက်တာတွေ၊ လူအခွင့်အရေး ချိုးဖေါက်မှုတွေ၊ လူမှုရေးဆိုင်ရာ အကျိုးသက်ရောက်မှုတွေ၊ သဘာဝပတ်ဝန်းကျင်းဆိုင်ရာ အကျိုးသက်ရောက်မှုတွေ၊ ကျန်းမာရေးဆိုင်ရာ အကျိုးသက်ရောက်မှုတွေ၊ ယဉ်ကျေးမှု အမွေအနှစ် ဆိုင်ရာ အကျိုးသက်ရောက်မှုတွေနဲ့ ဖြစ်ပျက်နေတဲ့ ပဋိပက္ခတွေရဲ့အခြေအနေအပေါ်မှာ သတင်းမှန်တွေကို နိုင်ငံတကာနဲ့ ပြည်တွင်းဂျာနယ်တွေကို ပို့ပေးနိုင်စေဖို့ ပြည်သူ့သတင်းသမားတွေ သိပ်လိုအပ်နေပါတယ်။ ဒါကြောင့် ဒီသင်တန်းကို ပြုလုပ်ရတာပါ”ဟု သူက ထပ်လောင်း ပြောကြားသည်။

ယခု သတင်းသင်တန်းသို့ တက်ရောက်နေကြသများမှာ ကျောက်ဖြူ၊ မြောက်ဦး၊ ကျောက်တော်၊ ပုဏ္ဏားကျွန်း၊ ပေါက်တော၊ စစ်တွေမြို့နှင့် ပလက်ဝမြို့နယ်တို့မှ ဖြစ်ကြသည်။

“အယမ်းပဲဝမ်းသာပါတယ်။ ပလက်ဝမြို့နယ်ကဆိုရင် နှစ်ယောက်ပဲ ခေါ်လို့ရတယ်။ ဒီဟာက ပထမအကြိမ် အခြေခံသင်တန်းဆိုတော့ သတင်းတွေကို စနစ်တကျရေးသားနိုင်မယ်လို့ မယုံကြည်သေးပါဘူး။ ချင်းပြည်နယ် ပလက်ဝမြို့နယ်ဟာ အင်တာနတ်ဆက်သွယ်ရေး မကောင်းဘူးလေ။ ကျွန်တော့်အနေနဲ့ ရရှိထားတဲ့ သတင်းအချက်အလက်တွေကို သတင်းထောက်တွေကို အထောက်အကူပြုနိုင်အောင် ပေးပို့သွားပါမယ်”ဟု ချင်းအမျိုးသား ဆလိုင်းတွန်းသားက ပြောသည်။

ပလက်ဝက်မှ တက်ရောက်သူသုံးယောက်ထဲတွင် ချင်းတစ်ယောက်၊ ခမီတစ်ယောက်နှင့် ရခိုင်တစ်ယောက် ပါဝင်ကြောင်းလည်း သိရသည်။

ယခုသင်တန်းပြီးလျှင် ယခုနှစ် ဒီဇင်ဘာလလောက်တွင် နောက်ထပ်မွန်းမံသင်တန်းတစ်ခုကို ပြုလုပ်ဦးမည်ဟုလည်းသိရှိရသည်။ ယင်းမွန်းမံသင်တန်းသို့ ယခုသင်တန်းမှ သတင်းပညာကို စိတ်ဝင်စားသူ၊ သတင်းလုပ်ငန်းနှင့်ဆက်စပ်မှုရှိသူများကို ဦးစားပေးခေါ်ယူမည်ဖြစ်ပြီး၊ သတင်းဌာနတွင် လက်ရှိအလုပ်လုပ်နေသူများနှင့် သတင်းဌာနများတွင် ၀င်ရောက် လုပ်ကိုင် လိုသူများကိုလည်း တက်ရောက်ခွင့် ပြုမည်ဖြစ်သည်။

“ ရခိုင်ပြည်နယ်မှာဖြစ်ပျက်နေတဲ့သတင်းတွေကို အပေါ်ကိုတင်ပြချင်ပါတယ်။ ပြည်သူတွေကို သိစေချင်ပါတယ်။ သတင်းတပုဒ်ရဲ့ အဓိပ္ပါယ်ဟာဘာလဲဆိုတာကို သိချင်တဲ့အတွက် ဒီသင်တန်းကို လာတက်တာပါ။ သတင်းတပုဒ်ဟာ ထင်မြင်ချက်လား၊ တကယ့်သတင်းလား ဆိုတာတွေကို ခွဲခြား တတ်အောင် ဆရာမတွေက သင်ပြပေးပါတယ်။ သတင်းသမားတစ်ယောက်ရဲ့ ကိုယ့်ကျင့်တရားနဲ့ ပတ်သက်ရင် ပုဂ္ဂိုလ်ရေးအရထိခိုက်နစ်နာမှုတွေကို ရှောင်ရမည်၊ သတင်း အရင်းအမြစ်ရဲ့ လုံခြုံမှုကိုလည်းက ကိုယ်ကတာဝန်ယူရမယ် ဆိုတာလောက်ဘဲ နားလည် ထားပါတယ်ဟု” ပုဏ္ဍားကျွန်းမှ သင်တန်းသူ ဌေးဌေးဦးက ပြောသည်။

“ သင်တန်းပြီးသွားရင် သတင်းတွေကို ရေးသားနိုင်လိမ့်မည်လို့ ယုံကြည်ပါတယ်။ အယင်တုန်းက သတင်းတွေသိပ်ရေးချင်ခဲ့တာပါ။ ဆရာမတွေရဲ့သင်ပြမှုတွေကြောင့် မသိရတာတွေကို သိပ်သိလာရတဲ့ အတွက် အယင်နဲ့စာရင် သတင်းတွေကို ရေးသားနိုင်လိမ့်မည်လို့ ယုံကြည်ပါတယ်။ သတင်းသမားဖြစ်ချင်တဲ့စိတ် အပြည့်အ၀ရှိပါတယ်။ နောက်ထပ်သင်တန်းတွေကိုလည်း ထပ်ပြီးတော့ တက်ချင်ပါသေးတယ်”ဟု မြောက်ဦးမြို့နယ်မှ သင်တန်းသားတစ်ယောက်က ရှင်းပြပြောဆိုသည်။

သင်တန်းပြရာ၌ သင်တန်းသားများပြောသောစကားများကို သင်တန်းဆရာမများအနေဖြင့် အပြည့်အ၀ နားလည်ကြောင်း၊ သင်တန်းဆရာမများပြောသည်ကို လုံးစေ့ပတ်စေ့ နားမလည်နိုင်မည်ကိုသာ စိုးရိမ်ကြောင်း သင်တန်းဆရာမ အေးသီရိဝင်းက နိရဉ္စရာသို့ပြောသည်။

“အခုသင်တန်းက ဒေသခံသတင်းသမားတွေအတွက် ပထမဆုံးအကြိမ်ဖြစ်တယ်ရှင့်။ ရန်ကုန်မြို့က သတင်းစာတိုက်တွေမှာခေါ်ရင် သွားပြဖူးပါတယ်။ ရခိုင်ပြည်နယ်က သင်တန်းဆရာအဖြစ် နောက်ထပ်ဖိတ်မယ်ဆိုရင် လာပြပေးပါဦးမယ်ရှင့်”ဟု သင်တန်းဆရာမတစ်ဦးက ပြောသည်။

ဝံလက်ဖေါင်ဒေးရှင်းအနေဖြင့် သင်တင်းရေးသားနည်း အခြေခံသင်တန်းအပြင် လူငယ် အခြေပြု စွမ်းရည်မြှင့်သင်တန်း၊ လူထုအခြေပြု စွမ်းရည်မြှင့်သင်တန်း၊ လူ့အခွင့်အရေးသင်တန်း၊ သဘာဝ ပတ်ဝန်းကျင်ဆိုင်ရာ အသိပညာပေးသင်တန်း၊ အမျိုးသမီးရေးဆိုင်ရာ အခွင့်အရေးသင်တန်းများကို ပေးဖူးပြီဖြစ်ကြောင်းနှင့် ရခိုင်ပြည်နယ်နှင့် ရခိုင်လူထုကို အကျိုးပြုနိုင်မည်ဆိုလျှင် ၀ံလက် ဖေါင်းဒေးရှင်း မူဘောင်နှင့် ကိုက်ညီမည်ဆိုပါက အစိုးရအပါအ၀င် မည်သည့်အဖွဲ့အစည်းနှင့်မဆို ပူးပေါင်းလုပ်ဆောင်ရန် အဆင်သင့်ရှိကြောင်း ဒါရိုက်တာခိုင်ကောင်းစံကပြောကြားသည်။

လက်ပံတောင်း အကြမ်းဖက်ခံရမှု ၂၂လပြည့် ရန်ကုန်မှာ ဆန္ဒထုတ်ဖော်

DVB

ပျောက်ဆုံး ခါကာဘိုရာဇီ တောင်တက်သမားနှစ်ဦးနှင့် ရဟတ်ယာဉ်ရှာဖွေရာတွင် တရုတ် ကယ်ဆယ်ရေးအဖွဲ့ကူညီ

ကျော်စွာဝင်း

ပျောက်ဆုံးခါကာဘိုရာဇီ တောင်တက်သမားနှစ်ဦးနှင့် ကယ်ဆယ်ရေး ရဟတ်ယာဉ်ကို ရှာဖွေရာတွင် ကူညီရန် တရုတ်နာမည်ကြီး အရပ်သား ကယ်ဆယ်ရေးအဖွဲ့က ၁၇ ဦး စက်တင်ဘာလ ၂၉ ရက်တွင် ထပ်မံရောက်ရှိပြီဟု ထူးဖောင်ဒေးရှင်း ပြန်ကြားရေးတာဝန်ခံ ဦးဖြိုးကိုကိုသက်က မဇ္ဈိမကို ပြောသည်။

"လောလောဆယ်မှာ သူတို့မှာပါလာတဲ့ ပစ္စည်းကိရိယာတွေက ရဟတ်ယာဉ်ပျောက်တာ ရှာတဲ့နေရာမှာ တော်တော် အသုံးဝင်တဲ့ ပစ္စည်းတွေပါလာပါတယ်" ဟု ထူးဖောင်ဒေးရှင်း၏ တာဝန်ရှိသူ ဦးဘိုထွန်းက မဇ္ဈိမကို ပြောသည်။

အဆိုပါ Blue Sky အဖွဲ့သည် တရုတ်-မြန်မာ ချစ်ကြည်ရေး အစီအစဉ်ဖြင့် လာရောက်ခြင်းဖြစ်ပြီး ပျောက်ဆုံး တောင်တက်သမားနှစ်ဦး အပြင် အဆက်အသွယ်ပြတ်တောက်နေသည့် ထိုင်းနိုင်ငံ ကယ်ဆယ်ရေး B4 ရဟတ်ယာဉ်ကိုလည်း ထပ်မံရှာဖွေမည်ဖြစ်သည်။

တရုတ်နိုင်ငံမှ နာမည်ကြီး အရပ်သား ကယ်ဆယ်ရေး (BSR) အဖွဲ့မှ နည်းပညာရှင် ၂ ဦးသည် စက်တင်ဘာ ၂၈ ရက် ညပိုင်းက ရန်ကုန်သို့ရောက်ရှိခဲ့ပြီး စက်တင်ဘာ ၂၉ ရက် နံနက်တွင် ပူတာအိုသို့ ရောက်ရှိခဲ့သည်။

ခါကာဘိုရာဇီတောင်ထိပ်တွင် ပျောက်ဆုံးခဲ့သည့် သဘာဝခေါ် သံဖောင်ဒေးရှင်းမှ တောင်တက်သမားနှစ်ဦးအား ထူးဖောင်ဒေးရှင်းက မြေပြင်ခြေလျှင်ရှာဖွေရေးအဖွဲ့နှင့် ပူးပေါင်းရှာဖွေရန် တိဗက်ဘက်အခြမ်းမှ တက်ရောက်လာသည့် Blue Sky တောင်တက်သမားများသည် စက်တင်ဘာ ၂၈ ရက်တွင် ပေ ၁၃၂၀၀ ရှိ Base Camp သို့ ရောက်ရှိခဲ့သည်။

ထူးဖောင်ဒေးရှင်း၏ ပြန်ကြားရေးတာဝန်ခံ ဦးဖြိုးကိုကိုသက်က "တရုတ် Blue Sky အဖွဲ့က နောက်ထပ် ကယ်ဆယ်ရေး တောင်တက်သမား ၁၇ ဦး ထပ်ရောက်ဦး စက်တင်ဘာ ၂၉ ရက် ညပိုင်းမှာရောက်မှာပါ" ဟု ဆိုသည်။

ခါကာဘိုရာဇီတောင်ပေါ်သို့ သဘာဝခေါ် သံဖောင်ဒေးရှင်း အထောက်အပံ့ဖြင့် တက်ရောက်ခဲ့သည့် ကိုဝေယံမင်းသူနှင့် ကိုအောင်မြင့်မြတ်တို့နှစ်ဦး သြဂုတ်လ ၃၁ ရက်က တောင်ထိပ်သို့ရောက်ရှိကာ မြန်မာနိုင်ငံအလံစိုက်ထူပြီးနောက်အဆက်အသွယ်ပြတ် ပျောက်ဆုံးခဲ့ခြင်းဖြစ်သည်။ ထိုပျောက်ဆုံး တောင်တက်သမားနှစ်ဦးကို ရှာဖွေသည့် ထိုင်းနိုင်ငံ Advance Aviation မှ B4 ရဟတ်ယာဉ်မှာ မြေပြင်ရှာဖွေရေးအဖွဲ့ထံ ရိက္ခာပို့ရန် သွားရောက်စဉ် စက်တင်ဘာ ၂၇ ရက်က ပျောက်ဆုံးခဲ့ခြင်းဖြစ်သည်။

အစိုးရစစ်တပ် ပစ်ခတ်ခြင်းခံရ၍ KNDO တပ်သား ၁ဦးသေ၊ ၁ဦး ဒဏ်ရာရ

ကေအိုင်စီ

ပဲခူးတိုင်း ကျောက်ကြီးမြို့နယ်အတွင်းရှိ မြန်မာအစိုးရစစ်တပ် စစ်ကွပ်ကဲရေးဌာနချုပ်-စကခ (၁၀)၏ ခြေမြန်တပ်ရင်း(ခမရ-၃၆၁)မှ ကရင်အမျိုးသားအစည်းအရုံး(KNU) လက်အောက်ခံ ကရင်အမျိုးသား ကာကွယ်ရေးအဖွဲ့(KNDO)ကို ပစ်ခတ်ခဲ့သဖြင့် ၁ဦးသေဆုံးကာ ၁ဦး ဒဏ်ရာရရှိကြောင်း သိရသည်။

အစိုးရစစ်တပ်သည် ကြိုတင်အကြောင်းကြားခြင်းမရှိဘဲ သွားလာလှုပ်ရှားသဖြင့် စက်တင်ဘာ ၂၇ရက်နေ့က ကျောက်ကြီးမြို့ နယ်၊ မူသယ်ကျေးရွာအနီးရှိ ကေအဲန်ယူ တပ်မဟာ(၃)နယ်မြေ၏ KNDO ရှေ့တန်း တပ်ခွဲစခန်း(ပလယ်ကော်ပလောစခန်း)နေ ရာတွင် KNDO တပ်သား ၅ဦးပါအဖွဲ့ကို ပစ်ခတ်ကာ တစ်ဦးသေဆုံးပြီး တစ်ဦးမှာ ခြေထောက်ဒဏ်ရာရရှိခဲ့ခြင်းဖြစ်သည်ဟု KNU ကျောက်ကြီးဆက်ဆံရေးရုံးတာဝန်ခံ စောမောင်အေးက ကေအိုင်စီသို့ ပြောသည်။

“ရန်သူ(အစိုးရစစ်တပ်)က တောင်ယာခင်းတစ်ခုမှာ သွားပြီး အပြန်မှာ ကျနော်တို့ ရဲဘော်တွေကို ပစ်တာ ဖြစ်ပါတယ်။ သူတို့က ပဲ အရင်ပစ်ပါတယ်။ အဲမှာ ကျနော်တို့ဘက်က တစ်ယောက်သေ၊ တစ်ယောက် ဒဏ်ရာရသွားတယ်။ သေသွားတဲ့ ရဲဘော်ရဲ့ အလောင်းကိုတော့ ပြန်သွားယူပြီး သင်္ဂြိုလ်လိုက်ပါပြီ”ဟု စောမောင်အေးက ပြောဆိုသည်။

အဆိုပါ ပစ်ခတ်မှုအပြီးတွင် အစိုးရစစ်တပ်သည် KNDO ထံမှ အမ်-၁၆ တစ်လက် သိမ်းယူရရှိခဲ့ကြောင်း၊ ပစ်ခတ်မှုအပေါ် သက် ဆိုင်ရာ အစိုးရဗျူဟာအား ဖုန်းဖြင့် ဆက်သွယ်ခဲ့သော်လည်း ဖုန်းပိတ်ထားကြောင်း၊ ဖြစ်စဉ်အားလုံးကို ကေအဲန်ယူ ဗဟိုသို့ အကြောင်းကြားထားကြောင်းနှင့် အထက်ခေါင်းဆောင်များအနေဖြင့် ညှိနှိုင်းမှုများပြုလုပ်ပြီး ပြေလည်ရန် မျှော်လင့်ကြောင်း လည်း စောမောင်အေးက ဆက်ပြောသည်။

ထို့အပြင် ပစ်ခတ်မှုဖြစ်ပွားသည့်နေရာသည် နယ်လှည့်ကျောပိုးအိတ် ကျန်းမာရေးလုပ်သားများအဖွဲ့ (BPHWT)၏ ဟဲဒဲနယ်မြေ ဖြစ်ပြီး လက်ရှိ ထိခိုက်ဒဏ်ရာရသူ KNDO တပ်သားအား ကေအဲန်ယူ တပ်မဟာ(၃) ဌာနချုပ်သို့ စက်တင်ဘာ ၂၈ရက်နေ့ ညနေက ပို့ဆောင်ခဲ့သည်ဟု သိရသည်။

ပစ်ခတ်မှုနှင့် ပတ်သက်၍ နယ်မြေခံ ဆေးတပ်သားတစ်ဦးက “အစိုးရဘက်က စစ်ကြောင်းပုံစံ ၀င်လာတာကို စခန်းနားရောက်မှ သိရတယ်။ အဲဒီမှာ ပစ်ခတ်ခံရတာပါ။ လတ်တလော ဒဏ်ရာရတဲ့တစ်ယောက်ကို KNU တပ်မဟာ ၃ဌာနချုပ်ကို ပို့ထားပါတယ်” ဟု ကေအိုင်စီသို့ ပြောသည်။

၎င်းဒေသရှိ အစိုးရစစ်တပ်သည် KNU သတ်မှတ်နယ်မြေအတွင်း ကျော်လွန်ပြီး မကြာခဏ သွားလာလှုပ်ရှားမှုများ ပြုလုပ်လာ သည်နှင့်အမျှ ယခုလို ပစ်ခတ်မှု ဖြစ်ပွားသည်အထိ ဖြစ်လာရခြင်းဖြစ်သည်ဟု KNU ကျောက်ကြီးဆက်ဆံရေးရုံးက ဆိုသည်။

စက်တင်ဘာလ ၁၆ရက်နေ့ကလည်း KNU တပ်မဟာ(၆) ကရင်အမျိုးသားလွတ်မြောက်ရေးတပ်မတော်(KNLA) တပ်သားတစ် ဦးဖြစ်သူ စောတာနိုကို မြ၀တီမြို့နှင့် မေတ္တာလင်းမြိုင်အကြား နယ်ခြားစောင့်တပ် BGF အမှတ်(၁၀၂၂)တည်ရှိရာ မင်းခန့်ဂိတ်၌ ဖမ်းဆီးခေါ်ယူစစ်ဆေးခံခဲ့ရပြီး စက်တင်ဘာ ၂၂ရက်နေ့တွင် အလောင်းသာ ပြန်တွေ့ခဲ့ကြောင်း သိရသည်။

တရားရေးမဏ္ဍိုင် ပြိုပျက်နေတာတွေကို တကိုယ်တော် ဆန္ဒထုတ်ဖော်

DVB

တရားဥပဒေစိုးမိုးရေးကော်မတီသို့ တိုင်ကြားစာ ၇၀၀၀ ကျော်အနက် ထက်ဝက်ကျော်မှာ တရားစီရင်ရေးနှင့် သက်ဆိုင်ဟု အစီရင်ခံစာဖော်ပြ

ဝင်းကိုကိုလတ်

တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီသို့ တိုင်ကြားစာပေါင်း ၇၂၇၀ အနက် ထက်ဝက်ကျော်ဖြစ်သည့် ၃၅၀၀မှာ တရားစီရင်ရေးနှင့် သက်ဆိုသည့် တိုင်ကြားစာများဖြစ်သည်ဟု အဆိုပါကော်မတီ၏ နှစ်ပတ်လည်အစီရင်ခံစာတွင် ဖော်ပြထားသည်။

ဒေါ်အောင်ဆန်းစုကြည် ဥက္ကဋ္ဌအဖြစ်ဆောင်ရွက်ပြီး အဖွဲ့ဝင် ၁၅ ဦးပါ တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီက စက်တင်ဘာ ၂၉ ရက်က ပြည်သူ့လွှတ်တော်သို့ အစီရင်ခံစာ တင်သွင်းခဲ့ရာတွင် အထက်ပါအတိုင်းဖော်ပြထားခြင်း ဖြစ်သည်။

ကော်မတီသို့ တစ်နှစ်တာအတွင်း တိုင်ကြားစာပေါင်း ၇၂၇၀ အနက် တရားစီရင်ရေး ၃၅၀၀ စောင်၊ လယ်ယာမြေ ၂၅၀၀ စောင်၊ အုပ်ချုပ်ရေး ၁၁၇၀ စောင်၊ တပ်မတော် အစောင် ၁၀၀ တို့ဖြစ်သည်ဟု ဖော်ပြထားသည်။

ယင်းတိုင်ကြားစာများအား သက်ဆိုင်ရာ လွှတ်တော်ကော်မတီနှင့် ကော်မရှင်များ အဖွဲ့အစည်းများသို့ ပေးပို့ဆောင်ရွက်လျက်ရှိသည်ဟု ဆက်လက်ဖော်ပြထားသည်။

"အထူးသဖြင့် တရားရုံးများစောင့်ကြည့်လေ့လာရေး၊ လွတ်လပ်သည့်အဖွဲ့ အစည်းများရှိသင့်ကြောင်း အလေးအနက်အကြံပြုပါသည်’’ ဟု အကြံပြုထားသည်။

ပြည်သူ့လွှတ်တော်က ၂၀၁၂ ခုနှစ်၊ သြဂုတ်လ ၇ ရက်တွင် စတင်ဖွဲ့စည်းခဲ့သည့် တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီသည် အာဏာပိုင် အဖွဲ့အစည်းများ၊ ဝန်ကြီးဌာနအားလုံးနှင့် သက်ဆိုင်ပြီးနှစ်ပတ်လည် အစီရင်ခံစာကို ပြီးခဲ့သည့် ၂၀၁၃ ခုနှစ်၊ သြဂုတ်လကလည်း တင်သွင်းခဲ့သေးသည်။

နှောင့်နှေး နေသည့် ရေနက်ဆိပ်ကမ်း စီမံကိန်း အရှိန်မြှင့်ဖို့ ထိုင်းဝန်ကြီးချုပ် မြန်မာပြည် လာရန်ရှိ

ရွှေဟင်္သာ

ထိုင်းနိုင်ငံ၏ အာဏာသိမ်း ဗိုလ်ချုပ်ကြီး အဖြစ်မှ လက်ရှိ ဝန်ကြီးချုပ် ရာထူး ဆက်ခံ ထားတူ မစ္စတာ ပရာ့ယုဒ် ဂျန်းအိုးချာသည် မြန်မာ နိုင်ငံသို့ အောက်တိုဘာ လဆန်း၌ လာရောက်ရန် ရှိပြီး နှောင့်နှေးမှု ဖြစ်နေသည့် “ထားဝယ် ရေနက် ဆိပ်ကမ်း” စီမံကိန်း အရှိန်မြှင့် လုပ်ဆောင်ရန် ဆွေးနွေးဖွယ် ရှိနေကြောင်း စက်တင်ဘာလ (၂၆) ရက်နေ့ထုတ် ဗန်ကောက်ပိုစ့်၏ အင်္ဂလိပ် ဘာသာ အွန်လိုင်း သတင်း၌ ဖော်ပြ ထားပါသည်။

“ဝန်ကြီးချုပ် အနေနဲ့ ခရီးစဉ် အသေးစိတ် အထိ မထုန်ပြန် ရသေးပေမယ့် လာမယ့် အောက်တိုဘာ လဆန်း လောက်မှာ လာဖို့ စီစဉ် နေပါတယ်” ဟု မြန်မာနိုင်ငံ ဆိုင်ရာ ထိုင်းသံအမတ် မစ္စတာ ဖိစနု စုဝန်နကျာဒ် အားကိုးကား၍ ဗန်ကောက်ပိုစ့်၌ ဆက်လက် ဖော်ပြ ထားသည်။

ဤခရီးစဉ်ကို အောက်တိုဘာလ (၇) ရက်နေ့ ခန့်တွင် စတင် ဖွယ်ရာ ရှိနေကြောင်း စစ်ဘက် ဆိုင်ရာ သတင်း အရင်း အမြစ် တစ်ခုအား ကိုးကား၍လည်း ဗန်ကောက်ပိုစ့် သတင်း၌ ဆက်လက် ဖော်ပြ ထားပါသည်။

ထားဝယ် ရေနက် စီမံကိန်းမှ ဘင်္ဂလား ပင်လယ်အော် ဖြတ်ကျော်၍ ထိုင်းမြန်မာ နှစ်နိုင်ငံ၏ စီးပွားရေးနှင့် ကုန်သွယ်ရေး ဆိုင်ရာ တင်ပို့မှုများကို ပိုမို လုပ်ဆောင် နိုင်ရန် နှစ်ဖက် စလုံးမှ လျာထား ခဲ့ကြသော်လည်း ထိုင်းနိုင်ငံရေး အခြေအနေ မတည်ငြိမ်မှုများ ဖြစ်ပေါ် လာခဲ့ ပြီးနောက် လုပ်ငန်းများ နှောင့်နှေး ခဲ့ရသည်။

“ဝန်ကြီးချုပ်ရဲ့ နောက်လ မြန်မာကို လာမယ့် ခရီးစဉ် မှာကတော့ ဒီထိုင်းမြန်မာ နှစ်နိုင်ငံ စီးပွားရေး ပူးပေါင်း ဆောင်ရွက်မှုကို အားကောင်းအောင် ဂတိကဝတ် ပြုပြီး ဆွေးနွေး နိုင်မယ်လို့ မျှော်လင့် ထားပါတယ်” ဟု မြန်မာနိုင်ငံ ဆိုင်ရာ ထိုင်းသံအမတ် ဖိစနု စုဝန်နကျာဒ် အားကိုးကား၍ ဗန်ကောက်ပိုစ့်၌ ဆက်လက် ဖော်ပြ ထားသည်။

၂၀၁၀ ခုနှစ်မှ စ၍ အကောင်အထည် ဖော်ခဲ့သည့် ထားဝယ် ရေနက် အထူး စီးပွားရေးဇုံ စီမံကိန်းသည် ထိုင်းနိုင်ငံ၌ နိုင်ငံရေး အကျပ် အတည်း များကြောင့် လုပ်ငန်း တိုးတက်မှု ယုတ်လျော့ လာခဲ့ကာ ထို့နောက် တဆက်တည်း အာဏာ သိမ်းမှုများ ဖြစ်ပေါ် ခဲ့၍ ရှေ့မတိုးနိုင် ဖြစ်ခဲ့ ရသည်။

မစ္စတာ ပရာယုဒ် ဝန်ကြီးချုပ် အဖြစ် ဦးဆောင်သည့် ကြားဖြတ် အစိုးရ မဖွဲ့မီ အာဏာသိမ်း စစ်ကောင်စီဖြင့် အုပ်ချုပ် နေသည့် သြဂုတ်လ အတွင်း ၌လည်း ဤ စီမံကိန်း ပြန်လည် စတင်ရန် စစ်ကောင်စီမှ သုံးသပ်မှု ပြုလုပ်ခဲ့ပြီး ပြန်လည် စတင်ရန် ဆုံးဖြတ် ခဲ့ကြောင်း ဗန်ကောက်ပိုစ့်၏ သြဂုတ် ၂၁ ရက်နေ့ သတင်းဖော်ပြချက် အရ သိရှိ ရပါသည်။

ထိုသို့ ရပ်တန့်မှ ဖြစ်နေသည့် ရေနက် ဆိပ်ကမ်း အထူး စီပွားရေးဇုံ စီမံကိန်းကို အလျင်အမြန် ပြန်လည် စတင်ရန် မြန်မာ အစိုးရ ဘက်မှ လိုလား နေကြောင်းလည်း ဗန်ကောက်ပိုစ့်၏ သြဂုတ် ၂၁ ရက်နေ့ သတင်း ဖော်ပြအရ ဆက်လက် သိရှိ ရသည်။

ဤ စီမံကိန်းသည် ထိုင်းမြန်မာ နှစ်နိုင်ငံမှ ၅၀-၅၀ ရာခိုင်နှုန်းစီ အစုရှယ်ရာ ပိုင်ဆိုင်ထားသည့် စီမံကိန်း ဖြစ်ကာ ၇၅ နှစ်ကြာ အကောင်အထည် ဖော်မည့် နှစ်ရှည် စီမံကိန်း တစ်ခု ဖြစ်သည်။

ထားဝယ်ရေနက် ဆိပ်ကမ်း စီမံကိန်း အတွက် စုစုပေါင်း အမေရိကန် ဒေါ်လာ ၅၈ သန်း ကုန်ကျမည် ဖြစ်ပြီး ဒေါ်လာ ၈ သန်း ကုန်ကျမည့် ပထမ အဆင့် စီမံ ကိန်းတွင် ရေနက် သင်္ဘော ဆိပ်ကမ်း၊ အဝေးပြေး လမ်းမ ကြီးနှင့် မီးရထားလမ်း ဖောက်သည့် လုပ်ငန်းများ ပါဝင်သည် ဟုလည်း ဧရာဝတီ သတင်း ဌာန၏ စက်တင်ဘာလ (၁၈) ရက်နေ့တွင် မြန်မာ ဘာသာဖြင့် ရေးသား ထားသည့် သတင်း တစ်ပုဒ်၌ ဖော်ပြ ထားပါသည်။

အလားတူ ဒေါ်လာ သန်း ၅၀ ကုန်ကျမည့် ဒုတိယ စီမံကိန်းတွင် ရေနံချက် စက်ရုံ၊ စက်မှုဇုန် နယ်မြေများ တည်ဆောက်ခြင်း၊ ရေနံ ဓာတု ဆိုင်ရာ စက်မှု လုပ်ငန်းများ ထူထောင်ခြင်း၊ တည်ဆောက်ခြင်း၊ လျှပ်စစ် စက်ရုံများ တည်ဆောက်ခြင်း၊ စက္ကူနှင့် သံမဏိ လုပ်ငန်းများ တည်ဆောက် ခြင်းတို့ ပါဝင်မည် ဖြစ်သည်ဟု ဆက်လက် ဖော်ပြ ထားသည်။

ပထမ စီမံကိန်းကို ၂၀၁၀ ပြည့်နှစ်မှ ၂၀၁၅ ခုနှစ် အထိ သတ်မှတ် ထားပြီး ဒုတိယ စီမံကိန်း ကိုမူ ၂၀၁၆ တွင် စတင်မည် ဖြစ်ကာ ထားဝယ် ရေနက် ဆိပ်ကမ်း စီမံကိန်းသည် စတုရန်းမိုင် ၁၀၀ ခန့် (၂၅၀ စတုရန်း ကီလိုမီတာ) အကျယ်အ၀န်း ရှိကြောင်း ဧရာဝတီ သတင်း၌ ဆက်လက် ဖော်ပြ ထားပါသည်။

ဤလာရောက်ဖွယ် ရှိသည့် မစ္စတာ ပရာယု၏ ခရီးစဉ်သည် ၎င်းအာဏာ သိမ်းပြီးနောက် မြန်မာနိုင်ငံသို့ လာရောက်ရန် စီစဉ် နေသည့် ပထမဆုံး အကြိမ် ခရီးစဉ်လည်း ဖြစ်သည်။

မကွေး ၄၃၆ ပြင်ဆင်ရေး တရားရုံးအမှု တရားလိုတွေရောက်မလာ

DVB

ကျုံဒိုးနှင့် သာမညအကြား ခရီးသည်တင်ယာဉ်ကို လက်နက်ကြီးဖြင့် ပစ်၍ လေးဦးဒဏ်ရာရ

Mizzima

ကရင်ပြည်နယ်၊ ကျုံဒိုးနှင့် သာမညကြားရှိ သူရိန်ရွာအနီးတွင် စက်တင်ဘာ ၂၉ ရက် နေ့လည် ၁ နာရီခွဲခန့်က ခရီးတင်ယာဉ်တစ်စင်းကို လက်နက်ကိုင်အဖွဲ့တစ်ခုက လက်နက်ကြီး RPG ဖြင့် ပစ်ခတ်လိုက်သဖြင့် ခရီးသည်လေးဦး ဒဏ်ရာပြင်းထန်စွာ ရရှိခဲ့ပြီး ကော့ဂရိတ်ဆေးရုံသို့ ခေါ်ဆောင်သွားပြီဟု ကရင်ပြည်နယ် နယ်ခြားစောင့်တပ် အကြမ်းဖက် နှိမ်နင်းရေးအဖွဲ့ ခေါင်းဆောင် ဗိုလ်မှူး နိုင်မောင်ဇော်က မဇ္ဈိမကို ပြောသည်။

ဒဏ်ရာရ ခရီးသည်များကို ကျုံဒိုးဆေးရုံကို ပို့ဆောင်ခဲ့ရာ ဒဏ်ရာပြင်းထန်၍ ကျုံဒိုးဆေးရုံက လက်မခံသဖြင့် ကော့ဂရိတ်ဆေးရုံသို့ ပို့ဆောင်ခဲ့ရသည်ဟု ၎င်းက ပြောသည်။

ထို့ပြင် စက်တင်ဘာ ၂၈ရက် ည ၉နာရီခန့်ကလည်း စစ်သားအချို့ ပါသည့် ခရီးသည်တင် ကားတစ်စင်းကိုလည်း ဒီမိုကရေစီအကျိုးပြု ကရင့်တပ်မတော် (DKBA) အဖွဲ့က ပစ်ခတ်ခဲ့သေးသည်ဟု DKBA မြဝတီဆက်ဆံရေးရုံးက ဒုဗိုလ်စောဆေးဝါးက မဇ္ဈိမကိုပြောသည်။ ယင်းပစ်ခတ်မှုကြောင့် ဒဏ်ရာရသူ မရှိဘဲ စစ်သားများ ထွက်ပြေးသွားသည်ဟု သူကဆိုသည်။

မဖြူနှင်းထွေး လွတ်မြောက်ရေး မန္တလေးနှင့် ရန်ကုန်တွင် ဆန္ဒပြ ၀တ်ပြုဆုတောင်း

သူဇာ

မန္တလေးခရိုင် ကျောင်းသားသမဂ္ဂ မှ မြန်မာစာ ဒုတိယနှစ် ကျောင်းသူ မဖြူနှင်းထွေး လွတ်မြောက်ရေးအတွက် ယနေ့ ညနေပိုင်းတွင် မန္တလေးမြို့ ဘုရားကြီးဝင်းထဲ၌ အမျိုးသမီးအရေး လှုပ်ရှားနေသူများက ဘုရားဝတ်ပြု ဆုတောင်းပွဲ ကျင်းပသည်။

မဖြူနှင်းထွေးသည် စစ်ကိုင်းတိုင်း မုံရွာခရိုင် ဆားလင်းကြီးမြို့နယ် လက်ပံတောင်းတောင် ကြေးနီစီမံကိန်းမှ တရုတ်နိုင်ငံသား ၂ ဦး ကို ဖမ်းဆီးထိန်းသိမ်းရာတွင် ပါဝင်ခဲ့သည်ဆိုသောစွပ်စွဲချက်ဖြင့် ၂၀၁၄ ခုနှစ် စက်တင်ဘာ ၁၃ ရက်က ဖမ်းဆီးခံခဲ့ရခြင်း ဖြစ်သည်။

ယင်းဖမ်းဆီးခံရမှုနှင့် ပတ်သက်၍ မန္တလေးမြို့ရှိ အမျိုးသမီး အခွင့်အရေး စောင့်ရှောက်သူ ၁၀၀ နီးပါးက ယနေ့ညနေပိုင်းတွင် ပန်း၊ ဆီမီးများ ပူဇော်ပြီး ဆုတောင်း ၀တ်ပြုခဲ့ကြခြင်း ဖြစ်ကြောင်း ၀တ်ပြုဆုတောင်းပွဲတွင် ပါဝင်သည့် မနီက ဧရာဝတီသို့ ပြောသည်။

“မြန်မာနိုင်ငံမှာ အမျိုးသမီး အခွင့်အရေးတွေ အပြည့်အ၀မရဘူး။ အခုပဲကြည့် မဖြူနှင်းထွေကို ဖမ်းဆီး ထိန်းသိမ်းထားတယ်။ အာမခံ လည်း မပေးဘူး။ ဒါတွေကို ကြည့်ပြီး ကျမတို့အမျိုးသမီးတွေ အခွင့်အရေး အပြည့်အ၀ရဖို့ ဒီနေ့ဘုရားကြီးမှာလာပြီး ၀တ်ပြု ဆုတောင်းတာပါ”ဟု ၎င်းက ပြောပြသည်။

မဖြူနှင်းထွေးကို စွပ်စွဲထားသည့် ပုဒ်မ ၃၆၄ နှင့် ၃၆၈ တို့မှာ ရာဇ၀တ်မှုဆိုင်ရာ ကျင့်ထုံးဥပဒေများ ဖြစ်နေပြီး ထောင်ဒဏ် ၁၀ နှစ် အထိ ချမှတ်နိုင်သည့် ပုဒ်မများ ဖြစ်သည်။

ပြီးခဲ့သည့် စက်တင်ဘာလ ၁၅ ရက်နေ့တွင် ပထမဆုံးအကြိမ် ရုံးထုတ်စစ်ဆေးခဲ့ပြီး ဒုတိယ မြောက် ရုံးချိန်းတွင် အာမခံရရှိရန် လျှောက်ထားခဲ့သော်လည်း ပယ်ချခံရကြောင်း သိရသည်။

တချိန်တည်းတွင် ရန်ကုန်မြို့ မြေနီကုန်း ဒဂုံစင်တာရှေ့တွင်လည်း မဖြူနှင်းထွေး လွတ်မြောက်ရေး အပါအ၀င် ဖမ်းဆီးခံထားရ သည့် တောင်သူများ လွတ်မြောက်ရေးအတွက် ဆန္ဒပြတောင်းဆိုခဲ့ကြပြီး ထိုမှတဆင့် ရွှေတိဂုံဘုရားပေါ်သို့ လမ်းလျှောက်၍ ၀တ်ပြု ဆုတောင်း ခဲ့ကြသည်။

ယင်းဆုတောင်းပွဲတွင် မဖြူနှင်းထွေး လွတ်မြောက်ရေး၊ လက်ပန်းတောင်းတောင် မီးလောင်ဗုံး တရားခံများ အမြန်ဆုံး ဖော်ထုတ် ရေး၊ ဖမ်းဆီးခံထားရသည့် တောင်သူများ အမြန်ဆုံး လွှတ်ပေးရေး စသည့် တောင်းဆိုချက်များကို လူ ၂၀ နီးပါးက ငြိမ်းချမ်းစွာ စုပေါင်း ဆန္ဒပြခဲ့ကြသည်။

မဖြူနှင်းထွေးကို ဖမ်းဆီးထိန်းသိမ်းထားမှုနှင့် ပတ်သက်၍ ပြည်တွင်းမှ လူ့အခွင့်အရေး လှုပ်ရှားသည့် အမျိုးသမီးများအဖွဲ့များ၊ကျောင်းသား သမဂ္ဂများ အပါအ၀င် လူ့အခွင့်အရေးလှုပ်ရှား ဆောင်ရွက်နေသည့် အဖွဲ့များလည်း ဝေဖန်ရှုတ်ချမှုများ ပြုလုပ်ခဲ့ကြ သည်

တွံ့တေးမြို့နယ်ထဲ မိဘမဲ့ကလေးတွေ အထောက်အပံ့လိုအပ်နေ

DVB

ရေနံလုပ်ကွက်များကို တင်ဒါ ခေါ်ယူဆောင်ရွက်ခြင်းဖြင့် ပြည်တွင်းသို့ ဝင်ရောက်လာသော ရင်းနှီးငွေကို မြင်သာစေ

ထင်လင်းအောင်

လက်ရှိအစိုးရ လက်ထက်တွင် ရေနံလုပ်ကွက်များ ချပေးရာ၌ တင်ဒါခေါ်ယူမှုရှိလာခြင်းက ရင်းနှီးမြှုပ်နှံသူများထံမှ စီးဝင်လာသော နိုင်ငံခြားဝင်ငွေများကို မြင်သာစေရန် အားကောင်းသည့် အချက်ဖြစ်လာသည်ဟု ရေနံနှင့် သဘာဝဓာတ်ငွေ့ ဝန်ဆောင်မှုအသင်း ဥက္ကဋ္ဌ ဦးကျော်ကျော်လှိုင်က မီဒီယာများကို ပြောသည်။

မြန်မာ့ရေနံနှင့် သဘာဝဓာတ်ငွေ့ထုတ်လုပ်မှု၌ နိုင်ငံတကာမှ ၀န်ဆောင်မှုနှင့် ရင်းနှီးမြှုပ်နှံမှုများ ဝင်လာရေး အရှိန်မြင့်လာစေရန် မြန်မာ့ရေနံနှင့် သဘာဓာတ်ငွေ့ ၂၀၁၄ ပြပွဲကို ရန်ကုန်မြို့ မြန်မာကွန်ဗင်းရှင်း စင်တာတွင် အောက်တိုဘာ ၁၅ ရက်မှ ၁၇ ရက် အထိ ကျင်းပသွားမည်ဖြစ်သည်။ စက်တင်ဘာ ၂၉ ရက်၌ အဆိုပါပြပွဲအတွက် ပြုလုပ်သော သတင်းစာရှင်းလင်းပွဲတွင် ဦးကျော်ကျော်လှိုင်က ပြောခဲ့ခြင်းဖြစ်သည်။

“အရင်အစိုးရလက်ထက်ကတော့ ရေနံလုပ်ကွက်တွေ ချပေးတဲ့အခါမှာ ညှိနှိုင်းတဲ့ ပုံစံနဲ့ပဲ ပေးခဲ့တယ်။ အခုကျတော့ တင်ဒါခေါ်ယူပြီး ပေးလာပါတယ်။ လုပ်ကွက်တွေမှာ ရေနံရှာဖွေတဲ့အခါ ကုမ္ပဏီတစ်ခုဟာ ငါးနှစ်အတွင်း အနည်းဆုံး ဒေါ်လာ သန်း ၃၀ ကနေ ၁၀၀ အထိ အသုံးပြုတာဖြစ်တဲ့အတွက် စီးဝင်လာတဲ့ ဝင်ငွေတွေကို တွက်ကြည့်လာနိုင်ပါတယ်” ဟု ၎င်းက ပြောသည်။

လက်ရှိအစိုးရသက်တမ်း လေးနှစ်ကာလအတွင်း ကုန်းတွင်းလုပ်ကွက် ၂၄ ကွက်နှင့် ကမ်းလွန်ရေနံလုပ် ကွက် ၃၀ ကို တင်ဒါ ခေါ်ယူမှုရှိခဲ့သည်။ ယင်းအနက် ကုန်းတွင်း နှင့် ကမ်းလွန် လုပ်ကွက်ပေါင်း ၄၄ ကွက် ကို လုပ်ကိုင်ခွင့်ပေးထားခြင်းဖြစ်ရာ ရေနံရှာဖွေရေးတွင် သုံးစွဲမည့် ကုန်ကျစရိတ်ဖြင့် တွက်ဆကြည့်နိုင် သည့်အခွင့်အရေးဖြစ်လာသည်ဟု ၎င်းက ပြောသည်။

ရေနံလုပ်ကွက်အသစ် ၄၄ ကွက်ကို ငါးနှစ်အတွင်း ရှာဖွေရေးလုပ်ငန်းဆောင်ရွက်ရန် ချပေးထားခြင်းဖြစ် သည်။ သို့ဖြစ်ရာ လုပ်ကွက်တစ်ကွက်လျှင် သန်း ၃၀ နှုန်းဖြင့် တွက်မည်ဆိုပါက ငါးနှစ်အတွင်း အနည်းဆုံး ကန်ဒေါ်လာ ၁,၄၅၂ သန်းမှ သန်း ၄,၄၀၀ အကြား ရေနံရှာဖွေရေးလုပ်ငန်းများအတွက် အသုံးပြုဆောင်ရွက်ကြမည်ဖြစ်သည်ဟု ၎င်းက ခန့်မှန်းတွက်ချက်ပြသည်။

ရေနံတူးဖော်မှုဆောင်ရွက်ရာ၌ တူးဖော်ရေးကုမ္ပဏီတစ်ခုအတွက် ဝန်ဆောင်မှုပေးရသည့် ကုမ္ပဏီ အရေအတွက်သည် အနည်းဆုံး ၃၀ ခန့်ရှိရာ ယင်းကုမ္ပဏီများက သုံးစွဲသည့်ငွေကြေးများလည်း ရှိလာနိုင်သည်ဟု ဆိုသည်။

ပြပွဲစီစဉ်သူဖြစ်သည့် စင်ကာပူပြပွဲဝန်ဆောင်မှုလုပ်ငန်းမှ အကြီးတန်း စီမံကိန်း မန်နေဂျာ Mr. Carol New က “အခုလုပ်မယ့် ပြပွဲက ရေနံနဲ့ သဘာဝဓာတ်ငွေ့ ကဏ္ဍအတွက် ရင်းနှီးမြှုပ်နှံမှုတွေကို ချိတ်ဆက် မိစေမယ့်အပြင် လိုအပ်တဲ့ဝန်ဆောင်မှုပိုင်းကိုလည်း ချိတ်ဆက်မိစေမှာပါ” ဟု ရေနံနှင့် သဘာဝလုပ်ငန်း ပြပွဲမှရရှိနိုင်သည့် အခွင့်အလမ်းအပေါ် ရည်ညွှန်းပြောသည်။

ရွှေဝါရောင်နှစ်ပတ်လည်နေ့ အခမ်းအနား စစ်တွေတွင် ကျင်းပပြုလုပ်

စံမောင်သန်း

ရခိုင်ပြည်နယ် စစ်တွေမြို့တွင် ရွှေဝါရောင် နှစ်ပတ်လည်နေ့ အထိန်းအမှတ် အခမ်းအနားကို ယနေ့ကျင်းပရာ သံဃာတော် အပါး (၉၀) မှ ကြွရောက်ပြီး ပြည်သူများ လောင်းလှူသော ဆွမ်း ဆန်စိမ်းများကို လက်ခံခဲ့ကြသည်ဟု သိရသည်။

ရွှေဝါရောင်သံဃာအရေးအခင်း နှစ်ပတ်လည်နေ့ (၈) နှစ်မြှောက် အခမ်းအနားကို စည်းကမ်း ထိန်းသိမ်းရေးနှင့် ကူညီစောင့်ရှောက်ရေး ရဟန်းပျိုအဖွဲ့၊ မိဇံလူငယ်အင်အားစုနှင့် စစ်တွေမြို့ပေါ်ရှိ ရခိုင်ကျောင်းသားလူငယ်များ စုပေါင်း၍ စစ်တွေမြို့ မိဇံ ရပ်ကွက်တွင် ပြုလုပ်ခဲ့ကြသည်။

“၂၀၀၇-ခုနှစ်က ပြည်သူတွေ ဆင်းရဲကြပ်တည်းခြင်းက လွတ်မြောက်အောင် ဗုဒ္ဓဘာသာ ရဟန်းတော်တွေ ဆန္ဒပြတောင်းဆို တိုက်ပွဲဝင်ခဲ့ကြတယ်။ အဲဒီတုန်းက စစ်အစိုးရအုပ်ချုပ်တဲ့ ကာလ ဖြစ်တဲ့အတွက် အကြမ်းဘက် နှိမ်နင်းတာကို ခံခဲ့ကြရပါတယ်။ ထောင်ထဲမှာလည်း သံဃာတော်တွေ အများအပြား အသက် ဆုံးရှုံးခဲ့ကြတယ်။ အဲဒီသံဃာတော်တွေကို ရည်ရွယ် ဂုဏ်ပြုတဲ့အနေနဲ့ရော၊ ပူဇာစပူဇာနေယာနံ ပူဇော်ထိုက်သူကို ပူဇော်တဲ့အနေနဲ့ရော ဒီ (၈) နှစ်မြောက် အောက်မေ့ဖွယ် အခမ်းအနားအနေနဲ့ ပြုလုပ်ရခြင်းဖြစ်တယ်” ဟု စည်းကမ်း ထိန်းသိမ်းရေးနှင့် ကူညီစောင့်ရှောက်ရေးအဖွဲ့မှ သတင်းနှင့် မှတ်တမ်းတာဝန်ခံ ပညာမဂ်ဂင်ဆရာတော် ဦးပညာသာမိက ပြောကြားသည်။

ရွှေဝါရောင်အရေးအခင်း ပေါ်ပေါက်လာရခြင်းမှာ မြန်မာနိုင့်၌ ကုန်ဈေးနှုန်းတက်လာ၍ ဖြစ်ကြောင်း၊ ကုန်ဈေးနှုန်း ကျဆင်းရေးအတွက် တကာတကာမများက ဆန္ဒပြတောင်းဆိုလာခဲ့ကြကြောင်း၊ သံဃာတော်များသည်လည်း ဗုဒ္ဓဘာသာ ရဟန်းတော်များဖြစ်သည့်အတွက် ဗုဒ္ဇဘာသာ တကာ တကာမများ ဆင်းရဲကြပ်တည်းခြင်းကို မမြင်နိုင်သည့်အတွက် လမ်းပေါ်ထွက် ဆန္ဒပြခဲ့ကြရခြင်း ဖြစ်ကြောင်း၊ ဆန္ဒပြပွဲတွင် ပြည်သူများ လိုလားနေသော ဒီမိုကရေစီရရှိရေး အတွက် ငြိမ်းချမ်းစွာ စီတန်း တောင်းဆိုခဲ့ကြကြောင်း၊ ယင်းဆရာတော်များ၏ လူပ်ရှားမူများ၏ ကျေးဇူးတရား အချို့ကြောင့် မြန်မာနိုင်ငံသည် ဒီမိုကရေစီ ပန်းတိုင်းကို လျှောက်လှမ်းနိုင်သည့် အဆင့်သို့ရောက်ရှိလာနေပြီဖြစ်ကြောင်း ဆရာတော်က ဆက်လက် မိန့်ကြားသည်။

ယခု အခမ်းအနားသည် စစ်တွေမြို့ မိဇံရပ်ကွက်တွင် ပြုလုပ်သော တတိယအကြိမ်မြောက်ဖြစ်သည်။

ယခုလို အထိန်းအမှတ် အခမ်းအနားများကို ရခိုင် လူငယ်များ အနေဖြင့် စည်းလုံးညီညွတ်စွာဖြင့် ပြုလုပ်ရန် လိုကြောင်း မိဇံလူငယ်အင်အားစုမှ ကိုစံကျော်က ပြောသည်။

“ကျွန်တော် ရခိုင်သူတွေကို မှာကြားချင်တာကတော့ ကျွန်တော်တို့လို စည်းစည်းလုံးလုံးနဲ့ ရွှေဝါရောင် တော်လှန်ရေး နေ့ပဲဖြစ်ဖြစ်၊ ဦးဥတ္တမနေ့ပဲဖြစ်ဖြစ် အဲဒါတွေကို အထိမ်းအမှတ်အနေနဲ့ အားလုံးသူ ဂုဏ်ပြု ကျင်းပ ပြုလုပ်သင့်တယ်လို့ ထင်ပါတယ်” ဟု သူကဆက်ပြောသည်။

သံလာတော်များကို ဆွမ်းလောင်းခဲ့သူ ရခိုင်အမျိုးသမီးတစ်ဦးကလည်း ရွှေဝါရောင်သံဃာ့ အရေးအခင်း နှစ်ပတ်လည်နေ့တွင် ဆွမ်းလှူရသည့်အတွက် ပျော်ရွှင်ပြီး ၀မ်းသာပီတိဖြစ်မိကြောင်း၊ နောက်နှစ်များတွင်လည်း ဤကဲ့သို့လှူချင်ကြောင်း၊ ဘုန်းကြီးကျောင်းများတွင် သွားရောက် လှူဒါန်းခြင်းထက် ဤကဲ့သို့လှူရသည်မှာ ပိုပြီးဝမ်းသာပီတိဖြစ်ရကြောင်း နိရဉ္စရာသတင်းဌာနသို့ သူမ၏ခံစားချက်ကို ပြောကြားသည်။

အခမ်းအနား၌ ပူးပေါင်းဆောင်ရွက်ခဲ့သူ အမျိုးသားရေးနိုင်နိုင်နိုင်ကမူ ယခု အခမ်းအနားကို အမြဲတန်း ဖေါ်ထုတ်သွားရန် အစီအစဉ်ရှိသည်ဟု ပြောသည်။

“ဒီရွှေဝါရောင်သံဃာ့အရေးအခင်းကို မမေ့မပျောက်ရအောင် လူငယ်တွေသိအောင် ရည်စူးပြီး လုပ်တာပါ။ စစ်တပ်ကနေပြီးတော့ ရက်ရက်စက်စက် ရဟန်းသံဃာတွေ၊ ကျောင်းသားတွေကို သတ်ဖြတ်ခဲ့တယ်။ ရဟန်းသံဃာတွေကို အတင်းအဓမ္မ သင်္ဃန်းဆွဲချွတ်ခဲ့တယ်ဆိုတာတွေကို နောက်မျိုးဆက်သစ်တွေသိအောင်၊ စစ်တပ်ကလည်း နောက်တခါ ဒီလိုမျိုးမလုပ်ရအောင် ဆိုပြီးတော့ အမြဲတမ်း ဖေါ်ထုတ်သွားမဲ့ အစီအစဉ်တွေရှိပါတယ်” ဟု ဆိုသည်။

ရွှေဝါရောင်တော်လှန်ရေး စဖြစ်သည်မှာ ရခိုင်ပြည် စစ်တွေမြို့မှဖြစ်ကြောင်း၊ ဤကဲ့သို့ ဖြစ်ပေါ် ရခြင်းမှာလည်း ရခိုင်ပြည်နယ်မှာ စစ်အုပ်ချုပ်မှုအောက်၌ ပြင်းပြင်းထန်ထန် ခံစားနေခဲ့ရ၍ ဖြစ်ကြောင်း၊ ရဟန်းတော်များနှင့် ပြည်သူများပူးပေါင်းပြီး လမ်းပေါ်ထွက် ဆန္ဒပြရာမှ ရွှေဝါရောင်တော်လှန်ရေး ပေါ်ပေါက်လာခြင်း ဖြစ်သည်ဟု သူကဆက်ပြောသည်။

အစုိုးရ ပူးပေါင်းမှု အားနည်းလုို့ ဥပဒေစုိုးမုိုးရေး စင်တာတွေ မဖွင့်နုိုင်သေး

DVB

နည်းပြနှင့် သရုပ်ပြရာထူးများအတွက် တက္ကသိုလ်သို့ တိုက်ရိုက်လျှောက်ထားနိုင်

ဇာနည်အောင်

အထက်မြန်မာပြည်နှင့် အောက်မြန်မာပြည် အဆင့်မြင့်ပညာဦးစီးဌာန နှစ်ခုအောက်ရှိ တက္ကသိုလ်၊ ဒီဂရီ ကောလိပ်များတွင် နည်းပြနှင့်သရုပ်ပြရာထူး လျှောက်ထားလိုသည့် ဆရာ၊ ဆရာမများအနေဖြင့် မိမိစိတ် ကြိုက်ရွေးချယ်ပြီး တိုက်ရိုက်လျှောက်ထားနိုင်တော့မည်ဟု အဆင့်မြင့်ပညာဦးစီးဌာန အောက်မြန်မာပြည် ညွန်ကြားရေးမှူးချုပ် ဦးဇော်ဌေးက မဇ္ဈိမကို ပြောသည်။

ယခုနှစ်အတွက် နည်းပြနှင့် သရုပ်ပြရာထူးများကို လာမည့် အောက်တိုဘာလဆန်းတွင် နောက်ဆုံးထား၍ ခေါ်ယူမည်ဖြစ်ပြီး ယင်းသို့ခေါ်ယူမည့် အချိန်တွင် တိုက်ရိုက်လျှောက်ထားနိုင်သည့် စနစ်ကို ကျင့်သုံးမည် ဖြစ်သည်။

ဦးဇော်ဌေးက “နည်းပြနဲ့ သရုပ်ပြရာထူးလျှောက်ထားမှုကို အရင်က ဗဟိုက ကြီးကြပ်ခန့်ထားတာကနေ အခုစနစ်က မိမိလျှောက်ချင်တဲ့ နေရာတွေမှာ တိုက်ရိုက်လျှောက်နိုင်တယ်။ တက္ကသိုလ်အလိုက် လိုအပ် ချက်အပေါ်မူတည်ပြီး ခန့်ထားပေးမှာ ဖြစ်ပါတယ်။ သတ်မှတ်ထားတဲ့ စည်းမျဉ်းအတိုင်း ၀င်ခွင့်စာမေးပွဲ ဖြေဆိုအောင်မြင်တဲ့သူကို ခန့်အပ်တာဝန်ပေးမှာဖြစ်ပါတယ်”ဟု ပြောသည်။

အဆိုပါ တိုက်ရိုက်လျှောက်ထားခြင်း စနစ်မှာ လက်ရှိအချိန်တွင် နည်းပြနှင့် သရုပ်ပြရာထူး နှစ်ခုအတွက်သာ ကျင့်သုံးမည်ဖြစ်သည်။

ယင်းစနစ်ကျင့်သုံးမည့် တက္ကသိုလ် တစ်ခုဖြစ်သော ရန်ကုန်တက္ကသိုလ်မှ ပါမောက္ခချုပ် ဒေါက်တာ အောင်သူက “တက္ကသိုလ်တွေကို လွတ်လပ်စွာ စီမံခွင့်ပေးလိုက်တာ ဖြစ်ပါတယ်။ ကိုယ် လျှောက်ချင်တဲ့ နေရာနဲ့တစ်ပြိုက်နက်ထဲ သုံးလေးခုမှာ လျှောက်ထားပြီး ရေးဖြေ၊ နှုတ်ဖြေ အောင်မြင်ရင် ခန့်အပ်မှာ ဖြစ်ပါ တယ်။” ဟု ပြောသည်။

တက္ကသိုလ်၊ ဒီဂရီကောလိပ် ၄၇ ခုတွင် အဆိုပါစနစ်ကို ကျင့်သုံးမည်ဖြစ်ပြီး လျှောက်ထားလိုသူများသည် အဆိုပါ တက္ကသိုလ်၊ ဒီဂရီကောလိပ်များသို့ တိုက်ရိုက်လျှောက်လွှာပေးပို့နိုင်မည် ဖြစ်သည်။ သို့သော်လည်း လျှောက်ထားလိုသူသည် ဝန်ထမ်းဖြစ်ပါက အဆင့်မြင့်ပညာဦးစီးဌာနနှစ်ခုသို့ လည်းလျှောက်လွှာ ပူးတွဲပေး ပို့ရမည် ဖြစ်သည်။

နည်းပြနှင့် သရုပ်ပြရာထူးများ လျှောက်ထားလိုပါက တည်ဆဲဥပဒေအရ နိုင်ငံသားဖြစ်ခြင်း၊ သက်ဆိုင်ရာ ဘာသာရပ်အလိုက် မဟာဘွဲ့များ ရရှိရမည်ဖြစ်ပြီး ရေးဖြေ၊ နှုတ်ဖြေ စာမေးပွဲဖြေဆို ရမည်ဖြစ်ပြီး ပါရဂူ ဘွဲ့ရရှိသူ ဖြစ်ပါက လူတွေ့စစ်ဆေးမှုသာ ဖြေဆိုရမည်ဖြစ်သည်။

အဆိုပါ စနစ်ကျင့်သုံးခြင်းနှင့် ပတ်သက်၍ ပုသိမ်တက္ကသိုလ် သမိုင်းဌာန လက်ထောက်ကထိက ဦးသန်း ထိုက်အောင်က “အခုလို ပြောင်းလဲ ကျင့်သုံးတဲ့စနစ်အရ ပါမောက္ခချုပ်တွေရဲ့ အခန်းကဏ္ဍက အရေးပါလာ တယ်။ သူတို့နဲ့ အဆင်ပြေတဲ့သူက နည်းပြတို့ သရုပ်ပြတို့ ရရှိမှာပဲ။ သူတို့ ရွေးချင်တဲ့ သူရွေးချယ်မှာပဲ။ ဘက်လိုက်မှုမရှိဘဲ မျှတအောင် သေချာစိစစ်ရမယ်။ အဲဒီလိုမှ မဟုတ်ရင် စနစ်ပြောင်းလဲလည်း ဘာမှဖြစ် လာမှာ မဟုတ်ဘူး”ဟု ဆိုသည်။

နည်းပြနှင့် သရုပ်ပြရာထူးများ လျှောက်ထားနိုင်ရန်အတွက် ရန်ကုန်တက္ကသိုလ်တွင် ဘာသာရပ် ၁၈ ခု၊ ဒဂုံတက္ကသိုလ်တွင် ၁၅ ခုစသည်ဖြင့် သတ်မှတ်ထားသည်။

ဂုဏ်သိက္ခာရှိပြီးတန်းဝင် မြန်မာ့တပ်မတော်ဖြစ်ရန် စီးပွားရေးနှင့် နိုင်ငံရေးတွင်ပါဝင်မှု လျှော့ချရန်ပြော

ဟိန်းကိုစိုး

မြန်မာ့တပ်မတော်ကို နိုင်ငံတကာအဆင့်မီ တပ်မတော်တစ်ရပ်ဖြစ်စေရန် စီးပွားရေးနှင့် နိုင်ငံရေးတွင် ပါဝင်နေမှုကို လျှော့ချရန်လိုအပ်သည်ဟု နိုင်ငံရေးနှင့် စီးပွားရေး လေ့လာသုံးသပ်သူများက သုံးသပ်သည်။

ဂုဏ်သိက္ခာရှိသည့် ကျွမ်းကျင်တန်းဝင်သည့် တပ်မတော်ဖြစ်ရန် စီးပွားရေးတွင်သာမက နိုင်ငံရေးတွင်ပါ ပါဝင်နေခြင်းကို တဖြည်းဖြည်းချင်း လျှော့ချသွားရန် လိုအပ်သည်ဟု စီးပွားရေး လေ့လာသုံးသပ်သူ ဦးသန်းစိုး (ဘောဂဗေဒ)က ပြောသည်။

တပ်မတော်က တိုက်ရိုက်ရင်းနှီးမြှုပ်နှံ ထားသည့် စီးပွားရေးလုပ်ငန်းကြီးများသာမက နိုင်ငံသားများ ရင်းနှီး မြှုပ်နှံကြသည့် လုပ်ငန်းများတွင်လည်း တပ်မတော်မှ အငြိမ်းစားယူသည့် အဆင့်မြှင့် အရာရှိကြီးများ၊ လက်ရှိ တပ်မတော်ခေါင်းဆောင်များ၊ နိုင်ငံ့ခေါင်းဆောင် အများစုနှင့် ဆက်နွှယ်သည့်သူများက အများဆုံးဖြစ်နေသည်ဟု ၎င်းက သုံးသပ်သည်။

တပ်က စီးပွားရေးဝင်လုပ်နေခြင်းမှာ နိုင်ငံတော်၏ ကူပံ့မှုအားနည်းခြင်းကြောင့် ဟု ယူဆသူများကလည်း ရှိနေသည်။

“တပ်က လိုအပ်တာကို နိုင်ငံတော်က ဖြည့်ဆည်းပေးနိုင်ရပါမယ်။ အဲဒါဆိုရင်တော့ သူဘာသာသူ ဆုတ် သွားပါလိမ့်မယ်” ဟု ဒုတိယ ဗိုလ်မှူးကြီး(ငြိမ်း)နှင့် လက်ရှိ အမျိုးသားလွှတ်တော်အမတ် ဦးလှဆွေက မဇ္ဈိမ ကို ပြောသည်။

“ကျွန်တော့်အထင် အဆင်းရဲဆုံးနိုင်ငံစာရင်းက လွတ်ရင်တော့ အဲဒါက ဖြစ်သွားနိုင်ပါတယ်။ အခု တပ်မ တော်သားလစာတွေက တခြားနိုင်ငံတွေထက် သုံးဆအထိ နိမ့်ပါတယ်” ဟု ၎င်းကဆိုသည်။

မြန်မာစီးပွားရေး ဦးပိုင်လီမိတက်သည် တပ်မတော်သားများ၏ အစုရှယ်များဖြင့် ရင်းနှီးမြှုပ်နှံကာ ရရှိသည့် အကျိုးအမြတ်များကို ၎င်းတို့အပြင် စစ်မှုထမ်းဟောင်းများကို ထောက်ပံ့ပေးနေခြင်းဖြစ်သည်ဟု အမည် မဖော်လိုသည့် အကြီးတန်းအရာရှိကြီး တစ်ဦးက မဇ္ဈိမကိုပြောသည်။

မြေယာသိမ်းဆည်းခံ ပြည်သူများနှင့် မျက်မှောက်မြန်မာ့နိုင်ငံရေးကို အကဲခတ် သုံးသပ်နေသူများကမူ တပ်သည် စီးပွားရေးအပြင် လိုအပ်သည်ထက် အခွင့်အရေးယူနေသည်ဟု ခံစားနေကြသည်။

“မိကျောင်းကန်မြေတွေကို သိမ်းစဉ်က လူမဆန်စွာ တပ်ကလုပ်ခဲ့တာ မြေတူးစက်တွေနဲ့ ထိုးခဲ့တယ်။ အဲဒီ မြေတွေဆိုရင်လည်း အခု ၂၃ နှစ်အထိဘာမှမလုပ်ဘဲ ဒီအတိုင်း ကျန်တာတွေ ရှိနေတယ်” ဟု တပ်သိမ်း မြေအတွက် အခွင့်အရေးပြန်ရရန် ခြောက်လကျော်တိုင် ရန်ကုန်မြို့လယ်ခေါင် သပိတ်စခန်းဖွင့် ထိုင်သပိတ်ဖြင့် တောင်းဆိုနေသူ ဒေါ်နေနွယ်သန်းက ပြောသည်။

“တပ်လိုတာကိုဖြည့်ပေးရုံနဲ့ ဆုတ်မယ် ဆိုတာက ယေဘုယျဆန်ပါတယ်။ အခု အနေအထားအရ တပ်ကလုပ်နေတဲ့ ဖူလုံရေးဆိုတာကလည်း လုံလောက်တဲ့ပမာဏထိ ရနေပါပြီ။ လိုအပ်တာထက် ပိုပြည့်နေပါ တယ်” ဟု ဦးသန်းစိုးက ပြောသည်။

“အဓိကတော့ အာဏာနဲ့ ဓနကို မက်မောနေကြတဲ့အတွက် အခုလိုတွေ တပ်ကပါနေတာပါ” ဟု ၎င်းက ပြောသည်။

မြန်မာနိုင်ငံ၏ ကာကွယ်ရေးအသုံး စရိတ်အတွက် ပြည်တွင်းအသားတင်ထုတ် လုပ်မှုတန်ဖိုး ဂျီဒီပီ၏ ၃၅ ရာခိုင်နှုန်းခန့်ကို အသုံးပြုနေပြီး ကျန်းမာရေး၊ ပညာရေးတို့ထက် အဆများစွာ ပိုမိုအသုံးပြုနေခြင်းဖြစ် သည်။

တပ်မတော်သုံးစွဲနေသည့် ဘတ်ဂျက်များကို လျှော့ချမည်ဆိုပါက လျှော့ချနိုင်သည့် အခြေအနေများရှိနေ သည်ဟု ကာကွယ်ရေးဦးစီးချုပ်ဟောင်း သူရဦးတင်ဦး က ပြောသည်။

တပ်က အင်ဂျင်နီယာကျောင်းဆင်းတွေကို အချိန်အကန့်အသတ်နဲ့ တာဝန်ထမ်းဆောင်စေပြီး အရပ်ဘက် ပြန်ခိုင်းရင် သူတို့အတွက်လည်း အကျိုးရှိသလို နိုင်ငံအတွက်လည်း ဘတ်ဂျက်ပေးရတာ လျော့တာပေါ့” ဟု ၎င်းက သုံးသပ်သည်။

တပ်မတော်မှ စီးပွားရေးလုပ်ငန်းများတွင် ဝင်ရောက်ဆောင်ရွက်နေမှုနှင့် ပတ်သက်ပြီး သမ္မတ ပြောရေးဆို ခွင့်ရှိသူ ဦးရဲထွဋ်အား မေးမြန်းရန် ဆက်သွယ်ခဲ့သော်လည်း ဆက်သွယ်၍မရခဲ့ပေ။

မြန်မာတပ်မတော်ကို ပရော်ဖက်ရှင်နယ် အဆင့်မီဖြစ်ရန် အနောက်နိုင်ငံများနှင့် စစ်ရေးဆက်ဆံမှုများရှိရန် လိုအပ်သည်ဟု နိုင်ငံရေးလေ့လာသုံးသပ်သူ ဦးကျော်လင်းဦးက သုံးသပ်သည်။

ဇီဝလက်နက် တားဆီးပိတ်ပင်ရေးစာချုပ် အဖွဲ့ဝင်ဖို့ လွှတ်တော်အတည်ပြု

DVB

ဖြူနှင်းထွေးမှာ အပြစ်မရှိပါ

လင်းသန့်

မန္တလေး ရတနာပုံတက္ကသိုလ်က အဝေးသင်ကျောင်းသူ မဖြူနှင်းထွေးကို လက်ပံတောင်း ကြေးနီစီမံကိန်းက ၀မ်ပေါင်တရုတ်ဝန်ထမ်း ၂ ဦးကို ပြန်ပေးဆွဲမှု အားပေး ကူညီတဲ့အတွက် မုံရွာခရိုင် ဆားလင်းကြီး မြို့နယ် တရားရုံးမှာ ရုံးထုတ်စစ်ဆေးတော့မှာဖြစ်ပါတယ်။

ဒါကြောင့်လည်း မုံရွာတမြို့လုံး လုံခြုံရေးတွေ တင်းတင်းကျပ်ကျပ်လို့တောင် မြို့ခံတွေကြား ပြောဆိုမှုတွေရှိနေပါ တယ်။

မဖြူနှင်းထွေးအနေနဲ့ အာဏာပိုင်တွေရဲ့ ဖမ်းဆီးခံရပြီး အကျဉ်းထောင်ထဲရောက်နေပေမယ့်၊ မိသားစုအရေးထက် လုပ်ဖော် ကိုင်ဖက်တွေ ဖမ်းဆီးခံရမှာကိုသာ သူ စိုးရိမ်နေတယ်လို့ မိသားစုဝင်တွေကဆိုပါတယ်။

“အမေ နေကောင်းလား ဘာလားတောင်း မေးဖော်မရဘူး။ သူ့လုပ်ငန်းကိုပဲ အာရုံစိုက်နေတဲ့ပုံစံရှိတယ်” လို့ အကိုဖြစ်သူ ကိုပြည့်ဖြိုးက ပြောပါတယ်။

မိဘနဲ့ အကိုအမတွေကလည်း မဖြူနှင်းထွေးရဲ့ နိုင်ငံရေးစိတ်အားထက်သန်မှုကို အားပေးကြပြီး အခုလို ဖမ်းဆီးခံရမှု အတွက် စိတ်မကောင်းသာဖြစ်ကြတယ်လို့ သူက ဆက်ပြောပါတယ်။

“အမေတို့၊ အဖေတို့ကတော့ ရှင်းရှင်း ပြောရရင် နိုင်ငံရေးတွေ ဘာတွေ လုပ်တာကို အားပေးတယ်၊ မနှောက်ယှက်ဘူး၊ ဒါပေမယ့် သူတို့စိတ်ထဲမှာ မိဘဆိုတော့ သားသမီးက ဒီလို အကျဉ်းကျတော့ စိတ် မကောင်းဖြစ်တာတခုပါဘဲ၊ အရမ်း ကြီး စိတ်ဓာတ်ကျသွားတာမျိုးတွေ မရှိဘူး။ သူ ဒီဟာလုပ်တာမှားလေခြင်း ဆိုတာမျိုး မရှိပါဘူး” လို့ ကိုပြည့်ဖြိုးက ဆို ပါတယ်။

နိုင်ငံရေးမှာ တက်ကြွလှုပ်ရှားမှုတွေ လုပ်နေခဲ့တာကြောင့် တနေ့တချိန် ခိုင်မာမှု မရှိတဲ့ ပုဒ်မတွေ တပ်ပြီး ဖမ်းဆီးကာ အခုလို ဖမ်းဆီးချုပ်နှောင်ခံရမယ်ဆိုတာ မဖြူနှင်းထွေးအနေနဲ့ ကြိုတင်တွက်ဆထားကြောင်းလည်း သူက ဆက်ပြော ပါ တယ်။

“ညီမလေး သဘောတရားကလည်း သူ့စိတ်ဓာတ်ထဲမှာ တက်ကြွလှုပ်ရှားမှုတွေမှာပါဝင်တဲ့အတွက်ကြောင့် တချိန်ချိန် မှာ တော့ ဒီလို တပ်ချင်တဲ့ပုဒ်မနဲ့တပ်ပြီး လုပ်ချင်သလို လုပ်မယ်ဆိုတာ နားလည်ပြီးသားပါ” လို့ သူက ဆိုတယ်။

မုံရွာခရိုင် ယင်းမာပင်မြို့မှာ ၀မ်ပေါင် တရုတ်ဝန်ထမ်း ၂ ဦးကို ရွာသားတွေက မြင်တွေ့ခဲ့ချိန် လွန်ခဲ့တဲ့ မေလက ဒေါသ အလျှောက် လက်ရဖမ်းဆီးကာ ဆည်တဲရွာသို့ ခေါ်လာချိန်က ၁၀ တန်း ကျောင်းသူ၊ ကျောင်းသားတွေကိုစာသင်ကြား ပေး နေသူ မဖြူနှင်းထွေးလည်း ရွာထဲမှာ ရှိနေခဲ့လို့ ရဲက သူ့ကိုပါ ၀ရမ်းထုတ်ခဲ့တာလို့ ဒေသခံတွေက ပြောပါတယ်။

“တရုတ်တွေကို ဖမ်းတဲ့ အချိန်မှာ အဲဒီရွာမှာ သူက ရှိနေတဲ့အတွက် သူ့ကို နောက်ကွယ်က ပါတယ်ဆိုပြီးတော့ စွဲချက် တင်တာပေါ့။ သူက ဒီကိစ္စမှာ မပါဝင်ပါဘူး” လို့ ဒေသခံ ရွာသား တဦးက ဧရာဝတီကို ရှင်းပြပါတယ်။

ဒီကိစ္စနဲ့မပတ်သက်တဲ့ မဖြူနှင်းထွေးကို ၀ရမ်းထုတ်ခံခဲ့တာကြောင့် ဒေသခံ ရွာသားတွေက သူ့ကို အကာအကွယ် ပေး ရင်း လက်ပံတောင်းကြေးနီ စီမံကိန်း ဒေသရွာတွေမှာ မဖြူနှင်းထွေး ပုန်းအောင်းနေခဲ့ရတာ ၁ လကျော် ကြာခဲ့ပါတယ်။

ပြန်ပေးဆွဲတဲ့ ကိစ္စနဲ့ လူ ၇ ဦးကို တရားစွဲခဲ့ပြီး ၅ ဦးကို ဖမ်းဆီးခဲ့ပါတယ်။ ဒါပေမယ့် နောက်ပိုင်းမှာ တရားရုံးက ဖမ်းဆီး ထား သူတွေကို ပြန်လွှတ်ပေးခဲ့တယ်။ မဖြူနှင်းထွေးနဲ့ ကိုဝင်းကျော် အပါ အ၀င် ၃ ဦးလည်း အဲဒီကိစ္စနဲ့ တရားစွဲခံထား ရပေမယ့် တရားရုံးကို မသွားဖြစ်ခဲ့ကြပါဘူး။

“မဖြူနှင်းထွေးက ခရီးလွန်နေလို့ တရားရုံးကို မသွားနိုင်ခဲ့ဘူး”လို့ ဒေသခံ ရွာသားတဦးက ဆိုပါတယ်။

ဒါကြောင့်ပဲ မန္တလေးတိုင်း ပုသိမ်ကြီးမြို့နယ်ရှိ နေအိမ်ကနေ မဖြူနှင်းထွေးကို ပြီးခဲ့တဲ့ စနေနေ့က မုံရွာမြို့နယ်ရဲ တွေ က လာရောက်ခေါ်ယူဖမ်းဆီးသွားကာ မုံရွာအကျဉ်းထောင်ကို ပို့ခဲ့ပါတယ်။

အသက် ၂၃ နှစ်အရွယ် မဖြူနှင်းထွေးကို ပုဒ်မ ၃၆၄၊ ၃၆၈ ဆိုတဲ့ ပြန်ပေးဆွဲမှု အားပေးကူညီမှုနဲ့ တရားစွဲဆိုထားတယ် လို့ သိရပါတယ်။ ဒီပုဒ်မတွေနဲ့ ထောင်ဒဏ်ချမှတ်ရင် အလုပ်ကြမ်းနဲ့ ထောင်ဒဏ် ၁၀ နှစ် ထိ ကျခံရနိုင်ဖွယ်ရှိပါတယ်။

မဖြူနှင်းထွေး လွတ်မြောက်ရေးအတွက် လုပ်ဖော်ကိုင်ဖက် ကျောင်းသား အဖွဲ့အစည်းတွေ၊ လူထုအခြေပြု အဖွဲ့အစည်း တွေက အသီးသီး ကြေညာချက်တွေ ထုတ်ကာ တောင်းဆိုနေကြပါတယ်။

လက်ပံတောင်း ကြေးနီစီမံကိန်းဒေသမှာ ဒေသခံတွေက ဦးပိုင်နဲ့ တရုတ် ၀မ်ပေါင်ကုမ္ပဏီတွေလုပ်နေတဲ့ စီမံကိန်းကို ရပ်တန့်ရေး ကန့်ကွက်မှုတွေလုပ်နေတာ နှစ်ချီကြာနေပြီဖြစ်ပါတယ်။ ဒေသ အာဏာပိုင်တွေ၊ ဦးပိုင်နဲ့ ၀မ်ပေါင် တရုတ် ကုမ္ပဏီတွေနဲ့ ဒေသခံရွာသူ၊ ရွာသားတွေအကြားတင်းမာမှုတွေကလည်း မကြာခဏဖြစ်နေတာပါ။

လက်ပံတောင်း ဒေသခံတွေအရေးအတွက် မဖြူနှင်းထွေးကလည်း တတ်နိုင်တဲ့ ဘက်က ပါဝင်ကူညီခဲ့တယ်လို့ သိရပါ တယ်။

ကျောင်းသားသမဂ္ဂ ပေါ်ပေါက်ရေးအပါအ၀င် နိုင်ငံရေး၊ လူမှုရေး၊ ငြိမ်းချမ်းရေး စတဲ့ ကိစ္စတွေမှာ တက်တက်ကြွကြွနဲ့ မဖြူနှင်းထွေးက မထင်မရှားပါဝင်ခဲ့တယ်လို့ မန္တလေးမြို့က ရှစ်လေးလုံးကာလ ကျောင်းသားခေါင်းဆောင်တဦးဖြစ်တဲ့ ဦးညီညီကျော် ( ကဖေး ၈၈ ) က ဧရာဝတီကိုပြောပါတယ်။

“ဒီကလေးမလေးကို လွန်ခဲ့တဲ့ ၂ နှစ်ကျော်က စပြီးတော့ ဗကသ လှုပ်ရှားမှုတွေမှာ သတိထားမိတဲ့အခါမှာ သာမန် ကျောင်းသူလို့ပဲ ထင်မိတယ်။ လူပုံစံက သေးသေးကွေးကွေးနဲ့ ခပ်အေးအေးလေးပဲ၊ စကားနည်းတယ်၊ နေရာတိုင်း လှုပ်ရှားမှုတိုင်းမှာတွေ့တဲ့အခါမှာလည်း သူဟာ ထင်ရှားအောင် ပေါ်ပြူလာဖြစ်အောင် လုပ်တတ်တဲ့အနေအထားမျိုး မဟုတ်ဘူး”ဟု သူက ဆိုသည်။

မဖြူနှင်းထွေးရဲ့ မိဘများက အလွန်အေးအေးဆေးဆေးသမားတွေဖြစ်ပြီး သားသမီး ၃ ဦးက ထက်ထက်မြက်မြက် ရှိကာ ညီမဖြစ်သူကိုလည်း အမြဲ အားပေးနေတာတွေ့ရတယ်လို့လည်း သူက ဆက်ပြောပါတယ်။

အခြေခံ လူတန်းစားဘ၀ ဈေးရောင်းရင်း ဘ၀ကို ရုံးကန်ခဲ့ကြသူ ဦးချိုအေး၊ ဒေါ်တင်နွဲ့ တို့ရဲ့ သားသမီး ၃ ဦးအနက် အငယ်ဆုံး သမီး မဖြူနှင်းထွေးဟာ ငယ်စဉ်ကတည်းက အေးဆေးတည်ငြိမ်ပြီး မတရားမှုကို လက်မခံတဲ့ ဗီဇ ပါလာခဲ့ တယ်လို့ အကိုဖြစ်သူ ကိုပြည့်ဖြိုးကလည်း ဧရာဝတီကို ပြောပါတယ်။

“သူ့ရဲ့ ပင်ကိုယ်စိတ်ခံကိုယ်တိုင်က ဒီ စနစ်ကြီးမကောင်းမှန်း သိတယ်။ မတရားတာကိုလည်းသိတယ်။ ကျနော်တို့က အောက်ခြေလူတန်းစားက မွေးဖွားလာတာဆိုတော့ တော်တော်များများလည်း ထိတွေ့နေရတော့ စနစ်ကြီးကြောင့်မို့ အားလုံးက ဖြစ်နေကြတာဆိုတာ သိတယ်”လို့ သူက ဆိုပါတယ်။

အသားညိုညို ရိုးရှင်းတဲ့ အသွင်းအပြင်ရှိတဲ့ မဖြူနှင်းထွေးစာ ၂၀၁၂ ခုနှစ်လောက်က စတင်ပြီး လျှပ်စစ်မီး ၂၄ နာရီ ရရှိ ရေးကိစ္စ၊ ဒေါ်အောင်ဆန်းစုကြည်နဲ့ NLD ပါတီအတွက်လှုပ်ရှားမှုတွေ၊ ငြိမ်းချမ်းရေးကိစ္စ၊ ကျောင်းသားအရေး စတဲ့ကိစ္စ တိုင်းလိုလိုမှာ တက်တက်ကြွကြွ ပါဝင်ခဲ့သူလည်း ဖြစ်ပါတယ်။

“၂၀၁၂ ခုနှစ် ကြားဖြတ်ရွေးကောက်ပွဲတုန်းကလည်း NLD အောင်နိုင်ရေး တက်တက်ကြွကြွကို လုပ်ပေးခဲ့တာ။ ဗကသ နဲ့ပတ်သက်တဲ့ ကိစ္စတွေလည်း တော်တော်များများကို သူက လုပ်ပေးတယ်။ လက်ပံတောင်း ကိစ္စမှာဆိုရင်လည်း အိမ် ကနေ ခွာပြီးတော့ သေသေချာချာ စနစ်တကျ လုပ်ပေးခဲ့တာ” လို့ ကိုပြည့်ဖြိုးက ဆိုပါတယ်။

မိဘ ၂ ဦးနဲ့ အကို၊ အမဖြစ်သူတွေကလည်း ညီမထွေး ဖြူနှင်းထွေကို နိုင်ငံရေးမှာ စိတ်အားထက်သန်စွာလုပ်ကိုင်နေ တာတွေကို ခွင့်ပြုထားတယ်လို့လည်း သိရပါတယ်။

“အိမ်ကလည်း နိုင်ငံရေးနဲ့ပတ်သက်ရင် သူ့သဘောထားအတိုင်းပဲ သူ့စိတ်အတိုင်းပဲ ကျနော်တို့ကတော့ ခွင့်ပြုထားတာ ပေါ့။ နောက်ကနေ မလုပ်သင့် မလုပ်ထိုက်တာ၊ မဖြစ်သင့် မဖြစ်ထိုက်တာတော့ နည်းနည်း ပါးပါး ပြောပြတယ်” လို့ ကိုပြည့်ဖြိုးက ဆိုပါတယ်။

မဖြူနှင်းထွေးဟာ လုပ်သင့်လုပ်ထိုက်တာကို တာဝန်ကျေကျေ လုပ်တတ်သူတဦးဖြစ်ပြီး တက္ကသိုလ်ဝင်တန်း ကျောင်း သူ ဘ၀ကတည်းက အကိုဖြစ်သူ ကိုပြည့်ဖြိုးရဲ့ လမ်းညွှန်မှုတွေနဲ့ နိုင်ငံရေးစာပေတွေ လေ့လာဖြစ်ခဲ့တယ်လို့ သိရပါ တယ်။

“ရတနာပုံတက္ကသိုလ်ရောက်တော့ ကျောင်းသားအဖွဲ့အစည်းတွေနဲ့ချိတ်မိပြီးတော်တော်များများ ဆက်လုပ်ခဲ့တာပေါ့” ကိုပြည့်ဖြိုးက ဆိုပါတယ်။

တက်ကြွနိုင်ငံရေးလှုပ်ရှားသူ မဖြူနှင်းထွေးရဲ့ မိသားစုကလည်း တနေ့ ဒီလိုအခြေအနေ ရင်ဆိုင်ကြုံတွေ့ရမယ် ဆိုတာ မျှော်လင့် ထားပြီးသားဖြစ်တယ်လို့ ပြောပါတယ်။

ပုဂံကို ကမ္ဘာ့အမွေအနှစ် စာရင်းတင်သွင်းဖို့ ပြင်ဆင်တော့မည်

ရန်ပိုင်

ရှေးဟောင်း ပုဂံဒေသကို ကုလသမဂ္ဂ ပညာရေး၊ သိပံ္ပနှင့် ယဉ်ကျေးမှုအဖွဲ့ (ယူနက်စကို)အသိအမှတ်ပြု ကမ္ဘာအမွေအနှစ်စာရင်း (World Heritage List) တင်သွင်းနိုင်ရေး အစည်းအဝေးတရပ်ကို လာမည့် အောက်တိုဘာလအတွင်းကျင်းပမှာဖြစ်ပါတယ်။

“Bagan Consultation Meeting” အမည်ပေးထားတဲ့ အစည်းအဝေးကို လာမယ့် အောက်တိုဘာလ ၁၀ ရက်နေ့က ၁၂ရက်နေ့ တိုင် ပုဂံမြို့ ရှေးဟောင်းသုတေသန ပြတိုက်မှာ ကျင်းပမှာဖြစ်ပြီး၊ အမေရိကန်၊ သြစတြေးလျ၊ ဂျပန်၊ အင်္ဂလန်၊ နီပေါ စ သည့် နိုင်ငံ များမှ ပညာရှင် ၁၅ဦး၊ ပြည်တွင်းမှ ပညာရှင်များ၊ တာဝန်ရှိသူများပါဝင်တက်ရောက်မယ်လို့ သိရပါတယ်။

ရှေးဟောင်း သုတေသနနှင့် အမျိုးသားပြတိုက် ဦးစီးဌာန ဒု ညွန်ကြားရေးမှူးချုပ် ဦးသိန်းလွင်က “World Heritage မူဘောင်နဲ့ ညီ အောင် ရှေးဟောင်းဇုန်တွေ ဘယ်လို သတ်မှတ်မလဲ၊ ယူနက်စကိုက လူတွေကလည်း သူတိုရဲ့မူဘောင်တွေကို ဘယ်လိုရှိသလဲ၊ အဲဒီ မူဘောင်တွေနဲ့ ဒေသတွင်းမှာရှိတဲ့ ပြည်သူတွေ လိုက်လျောညီထွေမှုရှိမရှိဆိုတာတွေကို ဆွေးနွေးမှာပါ” လို့ ဆိုပါတယ်။

ယခုအစည်းအဝေးမှာ ရှေးဟောင်း ဇုန်နယ်နိမိတ်များ သတ်မှတ်ဖို့၊ ပုဂံဒေသရှိ ယဉ်ကျေးမှု အမွေအနှစ်များအား စီမံခန့်ခွဲရေးနှင့် ထိန်းသိမ်း ဆွေးနွေးဖို့၊ ကမ္ဘာလုံးဆိုင်ရာ စံတန်ဖိုးများ( Outstanding Universal Value)၊စစ်မှန်မှု ( Authenticity)နှင့် စုစည်းမှု (Integrity) ကို သတ်မှတ်ရေးစတဲ့ ကိစ္စရပ်တွေကို ဆွေးနွေးမယ်လို့ သူက ဆက်ပြောပါတယ်။

ပြီးခဲ့တဲ့ မတ်လအတွင်းက သမ္မတ ဦးသိန်းစိန် ပုဂံဒေသကို သွားရောက်ခဲ့ရာ၊ ပုဂံဒေသ ကမ္ဘာ့ အမွေအနှစ် စာရင်း ၀င် ဖြစ်လာရေး ယူနက်စကို စည်းမျဉ်းစည်းကမ်းများနဲ့ အညီပြင်ဆင် ဆောင်ရွက်ဖို့ ပြောဆိုခဲ့ပါတယ်။

ဒါ့အပြင် ညောင်ဦးလေဆိပ်ကိုဝင်ထွက် နေတဲ့ လေယာဉ်ပျံများကြောင့် ဖြစ်ပေါ်လာတဲ့ တုန်ခါမှုက ပုဂံ ဘုရားတွေကို ထိခိုက်မှုရှိ၊ မရှိ စစ်ဆေးဖို့၊ တိုးချဲ့လာတဲ့ ဟိုတယ်လုပ်ငန်းတွေကြောင့် ရှေးဟောင်း ဇုန် ထိခိုက်မှု မရှိစေဖို့၊ မြို့ပြ စီမံကိန်း ရေးဆွဲ ဆောင်ရွက် ဖို့၊ ကမ္ဘာလှည့် ခရီးသွားများကို ပုဂံ ဘုရား များ အပေါ် တက်ရောက်ခွင့် ပြုထားခြင်းနဲ့ ပတ်သက်ပြီး စနစ်တကျ စည်းကမ်းနဲ့ အညီခွင့်ပြုဖို့ စတာတွေကို ညွန်ကြားခဲ့ပါတယ်။

အဲဒီနောက်မှာတော့ ပုဂံဒေသကို ယူနက်စကို အသိအမှတ်ပြု ကမ္ဘာ့အမွေအနှစ်စာရင်းဝင်ရေး စတင်လုပ်ဆောင်လာခဲ့တာပါ။

ဒီလိုလုပ်ဆောင်ဖို့ နိုင်ငံတကာ အကူအညီကို ရယူရာမှာ အီတလီနိုင်ငံက အဓိက ထောက်ပံပြီး၊ တောင်ကိုရီယားနဲ့ ဂျပန်၊ အိန္ဒိယ ကလည်း ပုဂံဘုရားများ ပြုပြင်ထိန်းသိမ်းရေးကို အကူအညီပေးတယ်လို့သိရပါတယ်။

ပြီးခဲ့တဲ့ လအတွင်းကပဲ ပုဂံဒေသရှိ ရှေးဟောင်းဘုရားအဆူပေါင်း ၃ထောင်ကျော်ကို စေတီတဆူချင်းအလိုက် သမိုင်းမှတ်တမ်း တင်ခြင်း၊ ပြုပြင်ထိန်းသိမ်းမှု ရာဇ၀င်၊ ဓာတ်ပုံကူးရိုက်ခြင်း၊ ပုံဆွဲခြင်း၊ အနုပညာလက်ရာများ နှင့် နံရံပန်းချီများ၏ အခြေအနေကို သုတေသ နလုပ်ခြင်း စသည့် တိကျတဲ့ မှတ်တမ်းတင် စာရင်းသွင်းနိုင်ဖို့ ယူနက်စကိုနဲ့ ပူးပေါင်းပြီး အလုပ်ရုံဆွေးနွေးပွဲများ ကျင်းပခဲ့ပါသေး တယ်။

“ဒီရှေးဟောင်းဘုရားတွေကို စာရင်းသွင်းနိုင်ဖို့ လုပ်ရတာ မလွယ်ဘူး၊ World Heritage စံချိန်မီ ဖြစ်ဖို့အတွက် စာရင်းသွင်းတဲ့ နေရာမှာ ဘယ်လို နည်းစနစ်တွေသုံးမလဲ၊ အနုပညာ လက်ရာ တွေ နံရံပန်းချီတွေ ဘယ်လောက်ကောင်း သေးလဲ၊ ဘယ်လောက် ပျက်စီးသွားပြီလဲဆိုတာတွေကို အသေးစိတ် ပြုစုရမှာ ဖြစ်တဲ့ အတွက် အချိန်ယူရပါလိမ့်မယ်” လို့ ဦးသိန်း လွင် ကရှင်းပြပါတယ်။

လွန်ခဲ့တဲ့ ၁၉၉၂ ခုနှစ် စစ်အစိုးရလက်ထက်က ပုဂံဘုရားတွေနဲ့ ပတ်သက်ပြီး အသေးစိတ်စစ်တမ်းတခု ပြုစုခဲ့ဖူးပေမယ့်၊ ၂၂ နှစ်အတွင်းမှာ ဘုရားများပြုပြင်တာတွေ၊ အသစ်တွေ့ရှိတာတွေ၊ နန်းတော်ရာကုန်းများကို တူးဖော်တာတွေ စတဲ့ အပြောင်းအလဲ တွေကြောင့် အသစ်ပြန်လည်ကောက်ယူရတာဖြစ်တယ်လုိ့သိရပါတယ်။

စစ်အစိုးရလက်ထက် ရှေးဟောင်း ပုဂံဒေသမှာရှိတဲ့ ဘုရားပုထိုးတချို့ကို ပြုပြင်မှုများ ပြုလုပ်ခဲ့တဲ့အတွက် ရှေးဟောင်းတန်ဖိုးကျ ဆင်းစေခဲ့ပေမယ့်၊ လက်ရှိ အချိန်မှာ နံရံပန်းချီများရှိတဲ့ ဂူဘုရားပေါင်း ၄၀၀ ကျော် ကျန်ရှိနေခြင်းဟာ ကမ္ဘာ့အမွေအနှစ် စာရင်းဝင် ဖို့ အတွက် မျှော်လင့်ချက်တခုလို့ ဆိုရမှာပါ။

ဒါပေမယ့် ပုဂံဒေသအား ကမ္ဘာအမွေအနှစ် စာရင်းဝင်အဖြစ် ယူနက်စကိုသို့ တင်သွင်းနိုင်ဖို့ စိန်ခေါ်မှုတွေကတော့ အများအပြားရှိ နေဆဲဖြစ်ပါတယ်။

အဓိကပြဿနာက စစ်အစိုးရ လက်ထက် ၎င်းတို့နဲ့ နီးစပ်တဲ့ စီးပွားရေး လုပ်ငန်းရှင်ကြီးတွေကို ဟိုတယ်ကြီးများ၊ စားသောက်ဆိုင် ကြီးများ တည်ဆောက်ခွင့် ပေးခဲ့တာတွေ၊ အဲဒီ ဟိုတယ်ကြီးတွေ၊ စားသောက်ဆိုင်ကြီးတွေက ခွင့်ပြုချက်မရပဲ၊ ခိုးကြောင် ခိုး ၀ှက် တိုးချဲ့မှု လုပ်နေတာတွေ၊ ဒါ့အပြင် အစိုးရသစ်လက်ထက် တိုးတက်လာတဲ့ ကမ္ဘာလှည့် ခရီးသွား လုပ်ငန်းနဲ့အတူ ဟိုတယ်အသစ် တွေ၊ စားသောက်ဆိုင်အသစ်တွေကို ကို ပုဂံ မြို့ဟောင်း အတွင်း ထပ်မတိုးချဲ့အောင် ထိန်းချုပ်နေရတာတွေဖြစ်ပါတယ်။

“ပုဂံက ကျနော်တို့အတွက် စိန်ခေါ်မှု ပိုကြီးပါတယ်၊ ဘာကြောင့်လဲဆိုတော့ အခုလို မြို့ပြတွေတိုးချဲ့လာတာကို ဘယ်လို ထိန်းချုပ် မလဲ၊ စီမံခန့်ခွဲရမလဲဆိုတာတွေကို ပညာရှင်တွေနဲ့ တိုင်ပင်ပြီးရေးရမယ်၊ ပြဿနာတွေအများကြီးရှိတယ်၊ ဒီလိုအခြေအနေ မျိုးမှာ ကမ္ဘာအမွေအနှစ်လည်း ၀င်အောင်၊ အားလုံးနဲ့လည်း အဆင်ပြေအောင် အကြိတ်အနယ်ဆွေးနွေးတိုင်ပင်ပြီး လုပ်ရမှာပါ” ဟု ဦးသိန်းလွင်က ဆိုပါတယ်။

ရှေးဘုရားအဆူပေါင်း ၃ထောင်ကျော်ရှိသည့် ပုဂံဒေသ ကမ္ဘာအမွေအနှစ်စာရင်းဝင်ရေး အခြေအနေဟာ၊ တခြားသော ပျူမြို့ ဟောင်း များ၏ အခြေ အနေနှင့် မတူတဲ့အတွက် ကမ္ဘာအမွေအနှစ်စာရင်းတင်သွင်းရေး ၃နှစ်ခန့် အချိန်ယူလုပ်ဆောင်ရမယ်လို့ သိရပါတယ်။

၁၆ စတုရန်းမိုင် ကျယ်ဝန်းတဲ့ ပုဂံ ရှေးဟောင်းမြို့ကို အေဒီ ၉ ရာစုမှာ စတင် တည်ထောင်ခဲ့ကာ ၁၁ ရာစုခန့် အထိ ထွန်းကားခဲ့ပြီး ပုဂံကို မင်းဆက် ၅၅ ဆက်ခန့် အုပ်ချူပ် စိုးစံခဲ့ကြောင်း သမိုင်းမှတ်တမ်း အရ သိရပါတယ်။

ငလျင်ဒဏ်ကို သုံးကြိမ်ခံခဲ့ရပြီး၊ လက်ရှိအခြေအနေမှာတော့ ဘုရား၊ ပုထိုး၊ စေတီ၊ အုတ်ကျောင်းပေါင်း ၃၀၀၀ကျော် ရှိပါတယ်။

ရှေးဟောင်းဇုန် အဖြစ် သတ်မှတ်ထားတဲ့ ပုဂံ မြို့ဟောင်း ဧရိယာ အတွင်းမှာ မြန်မာ ဆိုရှယ်လစ် လမ်းစဉ် အစိုးရ လက်ထက်က တည်ဆောက်ထားတဲ့ ဆာကူရာ၊ ပုဂံ၊ သံတဲ၊ သီရိပစ္စယာနဲ့ ဧရာ ဟိုတယ်တို့ အပြင် စစ်အစိုးရ လက်ထက်က တည်ဆောက်ခဲ့တဲ့ သရပါနဲ့ နန်းမြင့် ဟိုတယ်၊ လတ်တလော တည်ဆောက် နေတဲ့ ဧဒင် ဟိုတယ်၊ Adventure ဟိုတယ်တွေနဲ့ နိုင်ငံခြားသားများ စီးဖို့ မြင်းငှားတဲ့ မြင်းဇောင်းတွေ၊ စားသောက်ဆိုင်တွေက ပုဂံ အလှ၊ တန်ဖိုးကို ရုပ်ဆိုး အကျည်းတန်မှု ဖြစ်စေတယ်လို့ ဒေသခံတွေက ဆိုကြပါတယ်။

ဝသန်ရုပ်ရှင်ပွဲတော်က ဆုရရှိတဲ့သူတွေကို ရန်ကုန်မြို့မှာ ဆုချီးမြှင့်

DVB

နေပြည်တော်ရှိ ရွှေထွက်သည့်တောင်ကို တက်ခွင့်ပုဒ်မ ၁၄၄ ဖြင့် အချိန်ပြည့်ပိတ်

မောင်သင်တုန်း

နေပြည်တော်ကောင်စီနယ်မြေ၊ ဇေယျာသီရိမြို့နယ်ရှိ ပေါင်းလောင်း ရေအားလျှပ်စစ်ဝင်းမြောက်ဘက် တောင်စောင်းထိပ်တွင် ရွှေအမြောက် အမြားထွက်ရှိသည်ဟု ကောလာဟလ ထွက်ပေါ်ပြီးနောက် အဆိုပါ တောင်ထိပ်ကို ၂၄ နာရီ မတက်ရအမိန့် ပုဒ်မ ၁၄၄ ဖြင့် စက်တင်ဘာ ၂၈ ရက်တွင် ကန့်သတ်လိုက်သည်။

ဇေယျာသီရိမြို့နယ် အုပ်ချုပ်ရေးမှူး ဦးမြတ်သိန်းထွန်း၏ အမိန့်အမှတ် ၁/ ၂၀၁၄ ဖြင့် လက်မှတ်ရေးထိုး ထုတ်ပြန်ခဲ့ခြင်းဖြစ်သည်။ အမိန့်စာကို အဆိုပါ တောင်အနီးရှိ ကျည်တောင်ကျေးရွာ အုပ်ချုပ်ရေးမှူးရုံးတွင် ကပ်ထားသည်ကို မဇ္ဈိမက တွေ့ရှိခဲ့သည်။

ရွှေထွက်သည်ဟု သတင်းများထွက် ပေါ်ခြင်းကြောင့် အဆိုပါတောင်ပေါ်သို့ ထောင်နှင့်ချီ သွားရောက် ရွှေ ကျင်သူများရှိနေရာ ထိုသူများကိုလည်း တားမြစ်လိုက်ရာ တောင်ပေါ်သို့ တက်ရောက်ခွင့် ပိတ်ပင်လိုက်ခြင်း ဟု ကျည်တောင် ကျေးရွာ အုပ်ချုပ်ရေးမှူးက ပြောသည်။

“၁၄၄ ပုဒ်မ ထုတ်လိုက်တယ်၊ တူးနေတဲ့ သူတွေကို ပြန်ခိုင်းတာပေါ့။ အေးအေးဆေးဆေး ပြန်ခိုင်းတာပါ။ နောက်ထပ် လာတူးတဲ့သူတွေကိုတော့ တောင်ပေါ်ကို အတက်မခံတော့ဘူး” ဟု ကျေးရွာ အုပ်ချုပ်ရေးမှူး ဦးနောင်နောင်က ပြောသည်။

ကျည်တောင် ကျေးရွာအုပ်စုအတွင်းရှိ ရွာရှစ်ရွာမှ ဒေသခံများအပြင် ပျဉ်းမနားမှလည်း သွားရောက်တူးဖော် နေသည်ကို တွေ့ရသည်။ တူးဖော်သူအချို့၏ အဆိုအရ ရွှေ ၂၀ ကျပ်သားအထိ တူးဖော်ရရှိသူများ ရှိသည် ဟု ဆိုသည်။

ဇေယျာသီရီမြို့နယ် အုပ်ချုပ်ရေးမှူး၏ တားမြစ်မိန့်တွင် အဆိုပါမြေနေရာသည် အဓိကအားဖြင့် ကာကွယ် ရေး ၀န်ကြီးဌာန ခြေမြန်တပ်ရင်း၊ အမြောက်တပ်ရင်းများနှင့် နီးကပ်စွာရှိခြင်း၊ ပေါင်းလောင်း ရေလှောင် တမံနှင့် ရေအားလျှပ်စစ်စက်ရုံဝင်းအနီးတွင် တည်ရှိခြင်းကြောင့် လုံခြုံရေးအရ တားမြစ်ရခြင်း ဖြစ်သည်ဟု ထုတ်ပြန်ချက်တွင် ဖော်ပြထားသည်။

ရွှေတူးဖော်မှုနှင့် ပတ်သက်၍ ဇေယျာသီရိမြို့နယ် မြေစာရင်းဦးစီးမှူး ဦးညွန့်ထွေးကမူ “အစိုးရပိုင်မြေပါ။ ဘယ်ဝန်ကြီးဌာနအောက်မှာမှ မရှိဘူး။ တရားဝင်တူးခွင့်ပေး မပေးကတော့ အုပ်ချုပ်ရေးမှူးပဲ သိမယ်” ဟု ပြောသည်။

အဆိုပါတောင်ကုန်းသို့တက်ရောက် နိုင်သည့်လမ်း နှစ်ခုရှိပြီး မဇ္ဈိမရောက် ရှိခဲ့သည့် တောင်တက်လမ်း တွင်မူ မီးသတ်ဝန်ထမ်း၊ ရဲ၊ ကျေးရွာ အုပ်ချုပ်ရေးမှူးတို့ ပါဝင်သည့် ၁၀ ဦးခန့်က တူးဖော်ရရှိသည့် ပစ္စည်း များကို ယူသွားစေပြီး ဆက်လက်မတူးဖော်ရန် တားဆီးနေသည်ကို တွေ့ရှိရသည်။

ရွှေထွက်သည်ဟု ဒေသခံများ ယူဆထားသည့် တောင်စောင်းသို့ရောက်ရန် တောင်ခြေမှ မိနစ် ၃၀ ခန့် ခြေလျင်တက်ရပြီး အနက် ၁၂ တောင်မှ ၁၅ တောင်အထိ တူးကာ ရွှေစများပါဝင်သည့်မြေနှင့် ကျောက်ခဲ များကိုယူ၍ ရွာများတွင် ပြန်လည်ကျင်ယူကြခြင်း ဖြစ်သည်။

“မသိဘူး၊ ကံပါရင် ရွှေပါမှာပေါ့။ သူများတူးလို့ ကိုယ်လိုက်တူးတာ။ တူးတဲ့သူတွေ အများကြီးပဲ။ ဘယ် လောက်ရမလဲ ခုစက်ခွဲပြီး သွားကြည့်မှသိရမှာပဲ။ တူးလာတာပဲ” ဟု ရွှေတူးဖော်လာသူ ဦးကြည်က ပြော သည်။

အဆိုပါရွှေများ ပါဝင်သည့်ကျောက်များကို ကြိတ်ခွဲသည့် အရောင်းအ၀ယ်ဒိုင်များ ကျည်တောင်ကျေးရွာတွင် စည်ကားလျက်ရှိပြီး ဒိုင်တစ်ဒိုင်လျှင် တစ်ရက် အယောက် ၄၀ နီးပါးအထိ ခွဲကြိတ်ပေးရသည်ဟုဆိုသည်။ ကျောက်များခွဲကြိတ်ရာတွင် ရွှေပါရှိပါက ဆာလာအိတ်တစ်ပိုင်းလျှင် ခွဲကြိတ်ခ တစ်ထောင်ကျပ်ပေးရပြီး ရွှေမပါရှိပါက အခကြေးငွေမယူဘဲ အခမဲ့ ကြိတ်ခွဲပေးသည်ဟု ခွဲစက်ပိုင်ရှင်ကပြောသည်။

“တချို့လည်း ရွှေမပါဘူး၊ တအားပါတဲ့သူတော့ မရှိသလောက်ပဲ။ တစ်ယောက်မှာ တစ်သောင်းခွဲဖိုး နှစ် သောင်းဖိုး များပါတယ်။ တစ်ရက်ကို တစ်ကျပ်သားလောက်ပဲ ၀ယ်ရပါတယ်။ ကျပ် ၄၄၀,၀၀၀ နဲ့ဝယ်တာ” ဟု ကျောက်ခွဲစက်ပိုင်ရှင် ဦးသန်းကျော်မြင့် က ပြောသည်။

တောင်စောင်းတောင်ထိပ်၌ ရွှေစတင်ထွက်ရှိသည်ကို ဒေသခံတစ်ဦးက စက်တင်ဘာ ၂၁ တွင် သတိပြုမိကာ သွားရောက်တူးဖေါ်ရာမှ ဒေသခံများလည်း သွားရောက်တူးဖော်ကြပြီး တူးဖော်သူ ၁,၀၀၀ နီးပါးရှိ သည်ဟု ဆိုသည်။

အဆိုပါတောင်ကို အချိန်ပြည့် ပိတ်ပင်ထားသော်လည်း ဒေသခံများကမူ သွားရောက်တူးဖော်ကြဦးမည်ဟု ဆိုသည်။

ပုဒ်မ ၁၄၄ ထုတ်ပြန်ကြောင်းနှင့် ရွှေသွားရောက်တူးဖော်ခြင်းမပြုရန် အသံချဲ့စက်များဖြင့် ကျည်တောင် ကျေးရွာတွင်း လိုက်လံကြေညာနေသည်ကိုလည်း မဇ္ဈိမက ကြားသိခဲ့ရသည်။

ရွှေထွက်ရှိသည့် တောင်စောင်း တောင်ထိပ်သည် နေပြည်တော်ကောင်စီ ဥတ္တရခရိုင်၊ ဇေယျာသီရိမြို့နယ်၏ နယ်နိမိတ်တွင် ပါဝင်သည်။ ပြည်ထောင်စု လွှတ်တော်နာယက သူရဦးရွှေမန်း ရွေးကောက်ပွဲဝင်ရောက် ယှဉ်ပြိုင်ခဲ့သည့် မြို့နယ်လည်းဖြစ်သည်။

စတော့ အိတ်ချိန်း ၀င်ရန် ပြည်တွင်း ဦးဆောင်ကုမ္ပဏီကြီးများ မသေချာသေး

သစ်နေမိုး

ပြည်တွင်းရှိ ဦးဆောင် ကုမ္ပဏီကြီးများသည် လာမည့် ၂၀၁၅ တွင် ဖွင့်လှစ်မည်ဖြစ်သော စတော့ အိတ်ချိန်း(Stock Exchange) သို့ ၀င်ရန်အတွက် စဉ်းစားနေဆဲသာ ဖြစ်ကြောင်း စတော့ ရှယ်ယာ အရောင်းအ၀ယ် ကြားခံ ကုမ္ပဏီ က ပြောသည်။

“သူတို့က အကုန်လုံးစဉ်းစားနေတယ်။ ကျနော်တို့ဘက်က တွေ့ပြီးပြီ။ လက်ရှိစကားပြောနေတာက အလားအလာရှိတဲ့ သူတွေ ပေါ့။ အခုဟာတော့ အဲ့ဒီလို အလားအလာရှိတဲ့ ဟာတွေ အများကြီးပဲ။ ဦးအိုက်ထွန်း ရွှေတောင်တို့၊ ကမ္ဘောဇတို့ City Mart Holding တို့ ဒါတွေက အကုန်ပါတာ။ နောက်တော့ ဦးဇော်ဇော်တို့၊ ဒေါက်တာ ကိုကိုကြီးတို့ပေါ့”ဟု စတော့ ရှယ်ယာ အရောင်းအ၀ယ် ကြားခံ ကုမ္ပဏီ Myanmar Securities Exchange Centre (MSEC) ၏ Executive Director ဦးတင်မြင့်က ပြောပြသည်။

လက်ရှိအချိန်တွင် ယင်းကဲ့သို့ ပြည်တွင်း ဦးဆောင် ကုမ္ပဏီကြီးများ အပါအ၀င် စတော့ ရှယ်ယာ ဈေးကွက်သို့ ၀င်ရန် ပြောဆိုထား သည့် ကုမ္ပဏီပေါင်းမှာ ၆၀ ခန့် ရှိကြောင်း၊ ထို ကုမ္ပဏီများတွင် အများပိုင်အဖြစ် မပြောင်းလဲသေးသည် ကုမ္ပဏီများပါရှိနေပြီး အများပိုင် ပြောင်းလဲရန် အချိန်ယူနေသည်များလည်း ရှိကြောင်း သိရသည်။

ဦးတင်မြင့်က“ကုမ္ပဏီကြီးတွေက ဘယ်အပိုင်းကို သွားမယ်၊ ဘယ်အပိုင်းကို မသွားသေးဘူး စဉ်းစားနေတုန်းပဲပေါ့။ ဥပမာ KBZ မှာဆို ကုမ္ပဏီခွဲတွေ အများကြီးရှိတယ်။ အဲလိုင်း ကို သွားမလား၊ ဟိုတယ်ကို သွားမလား၊ ဘဏ်ကို သွားမလား စဉ်းစားနေတဲ့ အနေအထားမျိုးပေါ့”ဟု ပြောသည်။

သို့သော် စတော့အိတ်ချိန်းတွင် လိုအပ်သော ငွေချေး သက်သေခံ လက်မှတ်ဥပဒေ Security Exchange Law ကိုပြဌာန်းပြီး စတော့ အိတ်ချိန်း ကော်မရှင်(SEC) ကို ဖွဲ့စည်းပြီးဖြစ်သော်လည်း လုပ်ထုံးလုပ်နည်း ဥပဒေကို ပြဌာန်းရန် ကျန်နေသေးသည့်အတွက် ကုမ္ပဏီ များဘက်က အားမရမှု ရှိနေကြောင်းလည်း သိရသည်။

စတော့ အိတ်ချိန်း ကော်မရှင်(ငွေချေး သက်သေခံ လက်မှတ် ကြီးကြပ်ရေးကော်မရှင်) မှာ ပြီးခဲ့သည့် လအတွင်း ဖွဲ့စည်းခဲ့ခြင်းဖြစ်ပြီး ယင်းကော်မရှင်က စတော့ အိတ်ချိန်းကို လိုင်စင်ချပေးခြင်း၊ Security ကုမ္ပဏီများကို လိုင်စင်ချပေးခြင်း စသော လုပ်ငန်းများကို လုပ်ဆောင် ပေးရမည် ဖြစ်သည်။

လက်ရှိတွင် စတော့ အိတ်ချိန်းသို့ ၀င်နိုင်ရန် သေချာလုနီးပါးအထိ ရှိနေပြီး လက်တွေ့ အကောင်အထည်ဖော်မှုများ ပူးပေါင်း လုပ်ဆောင် နေသော အများပိုင်ကုမ္ပဏီ အရေအတွက်မှာ ၃ ခု ရှိနေပြီ ဖြစ်ကြောင်း သိရသည်။

အဆိုပါ အများပိုင် ကုမ္ပဏီ ၃ခုမှာ မြန်မာ့ လယ်ယာစီးပွား အများပိုင် ကော်ပိုရေးရှင်း(MAPCO) ၊ First Myanmar Investment Company (FMI) နှင့် အာရှစိမ်းလန်းမှု ဖွံ့ဖြိုးရေး (AGD) ဘဏ်တို့ ဖြစ်သည်ဟု ဆိုသည်။

စတော့အိတ်ချိန်းကို မြန်မာနိုင်ငံတွင် ၂၀၁၅ ခုနှစ် အောက်တိုဘာ လအတွင်း ဖွင့်လှစ်သွားရန် ရည်ရွယ်ထားပြီး ထိုကာလထက် စော လျှင် စောနိုင်ကြောင်းလည်း MSEC ၏ Deputy Director ဦးသက်ထွန်းဦး က ပြောသည်။

အဆိုပါ စတော့ အိတ်ချိန်းဖွင့်မည့် ကာလသတ်မှတ်ချိန်တွင် ကုမ္ပဏီအရေအတွက် အနည်းအများကို ကြည့်နေတော့မည်မဟုတ်ဘဲ ရှိသလောက် နှင့် စတင်ဖွင့်လှစ်သွားမည်ဟု ဘဏ္ဍာရေး ၀န်ကြီးဌာန ဒုဝန်ကြီးက ပြောဆိုထားသည်။

ရန်ကုန် စတော့အိတ်ချိန်းကို မြန်မာအစိုးရ၊ ဂျပန် စတော့အိတ်ချိန်းနှင့် Daiwai ကုမ္ပဏီတို့က ဖက်စပ်စနစ်ဖြင့် တည်ထောင်မည် ဖြစ်ပြီး အများပိုင်ကုမ္ပဏီများက ရန်ကုန် စတော့အိတ်ချိန်းတွင် စာရင်းဝင်စေရန် ပြုလုပ်၍ ရှယ်ယာများ ရောင်းချကြရမည် ဖြစ်သည်။

စတော့ အိတ်ချိန်းပေါ်လာပါက စတော့အိတ်ချိန်းဝင်(Listed) ကုမ္ပဏီကြီးများနှင့် ၎င်းတို့ ရှယ်ယာများကို ၀ယ်ယူလိုသူများကြား ကြားခံ အရောင်းအ၀ယ်လုပ်ပေးမည့် Security ကုမ္ပဏီများလည်း လိုအပ်လာမည်ဖြစ်သည်။

လက်ရှိအချိန်တွင် ယင်းကဲ့သို့ လုပ်ဆောင်ပေးမည့် Security ကုမ္ပဏီမှာ မြန်မာနိုင်ငံတွင် MSEC ကုမ္ပဏီ တခုတည်းသာ ရှိသည်။

စတော့ ဈေးကွက် ဆိုသည်မှာ အများပိုင်ကုမ္ပဏီများက စတော့ အိတ်ချိန်းသို့ စာရင်းဝင်အဖြစ် ၀င်ရောက်၍ ၎င်းတို့၏ ရှယ်ယာများကို တန်ဖိုးသတ်မှတ် ရောင်းချခြင်းဖြစ်သည်။

ထိုသို့ စတော့ အိတ်ချိန်း စာရင်းဝင်ဖြစ်ရန်မှာ စတော့ အိတ်ချိန်းက သတ်မှတ်ထားသော လိုအပ်ချက်များနှင့် ကိုက်ညီမှသာ ရမည်ဖြစ်သည်။

စတော့ အိတ်ချိန်း ထူထောင်ရန်အတွက် အစိုးရက Share Certificate ငွေချေး သက်သေခံ လက်မှတ် ဥပဒေကို ပြဌာန်းရပြီး ယင်း ဥပဒေအတိုင်း ငွေချေးသက်သေခံ လက်မှတ် ကြီးကြပ်ရေးကော်မရှင်ကို ဖွဲ့စည်းရသည်။

ထို ကော်မရှင်သည် စတော့ အိတ်ချိန်းတွင် အရေးအပါဆုံး အဖွဲ့အစည်း ဖြစ်သည်။

၂၀၁၄ နေရှင်နယ်လိဂ် ချန်ပီယံ ရတနာပုံဘောလုံးအသင်း အောင်ပွဲခံ

DVB

ရေကြောင်းရဲ ပစ်ခတ်မှုကြောင့် ရေလုပ်သား တစ်ဦး သေနတ်ထိမှန်

အောင်ကိုဦး

စဥ့်ကိုင်မြို့နယ်၊ တဘက်ဆွဲကျေးရွာ၊ ပန်းလောင်မြစ်အတွင်းတွင် စက်တင်ဘာ ၂၇ ရက် နံနက် ၆ နာရီတွင် ဒေသခံ ရေလုပ်သားများကို မြန်မာနိုင်ငံရဲတပ်ဖွဲ့က သေနတ်ဖြင့် ပစ်ခတ်ရာ ဒေသခံတစ်ဦး သေနတ်ဒဏ်ရာ ရရှိခဲ့သည်ဟု တဘက်ဆွဲ ကျေးရွာ ဒေသခံများက မဇ္ဈိမကို ပြောသည်။

“ကျွန်တော်တို့ရွာမှာ ဒါမျိုးတစ်ခါမှ မရှိဘူး။ အခုလို ပစ်ခတ်မှုဖြစ်တာဟာ ဒါပထမဆုံးပဲ။ အခုမှန်တဲ့ကလေး ကလည်း ကျွန်တော်တို့ရွာမှာ ဘာပြစ်မှုမှ ကျူးလွန် ထားတာမရှိဘူး။ အားလုံးရိုးရိုးသားသား လုပ်စားနေ ကြတဲ့ ကလေးတွေပါ” ဟု တဘက် ဆွဲကျေးရွာအုပ်ချုပ်ရေးမှူး ဦးသောင်းစိန်က မဇ္ဈိမကို ပြောသည်။

ပန်းလောင်မြစ်အတွင်း၌ သေနတ်သံများ ကြားသောကြောင့် ဒေသခံများကရွာကို ဓားပြဝင်တိုက်သည် ဟုဆို၍သေနတ်ဖြင့် ပစ်သွားသော စက်လှေနောက်သို့ လိုက်ကြရာ စကားအင်း၌ ဖမ်းမိသည်ဟုဆိုသည်။

ထိုသို့ဖမ်းဆီးရာတွင် ရဲများဖြစ်နေ၍ ဒေသခံများ ကိုယ်ထိလက်ရောက်မကျူး လွန်မိစေရန် တဘက်ဆွဲကျေး ရွာ အုပ်ချုပ်ရေးမှူးက တားမြစ်ပြီး ဥပဒေအတိုင်း ဆောင်ရွက်ပေးမည်ဟု ပြောသောကြောင့် ဒေသခံများက ပြန်လွှတ်ပေးခဲ့သည်ဟု ကိုဟန်ဌေးက ပြောသည်။

အဆိုပါ ရဲစက်လှေရောက်လာချိန်တွင် ပန်းလောင်တံတားဘေးတွင် ငါးပိုက်တန်းနေသူ ကိုသန်းဦးက လည်း “စက်လှေတစ်စင်းက တခြားစက်လှေတစ်စင်းနောက်ကို လိုက်နေတာတွေ့တယ်။ မနက် ၆ နာရီဆို တော့ မသဲကွဲလိုက်ဘူး။ ခဏနေမှ ဗြောက်ဖောက်သလို အသံတစ်ချက်ကြားလိုက်တယ်။ နောက်တစ်ချက် ဆက်ဖောက်တော့ ရွာထဲက လူတွေထွက်လာပြီး ဓားပြတိုက်တယ်ဆိုပြီး အော်ကြတယ်။ ပြီးမှ ကျွန်တော် တို့ရွာသား သေနတ်မှန်တာသိတယ်” ဟု မဇ္ဈိမကို ပြောသည်။

“ကျွန်တော့်ကို ပစ္စည်းခိုးတရားခံဆိုပြီး အခုလိုလုပ်ထားတယ်။ ကျွန်တော်ဘာမှ မလုပ်ဘူး။ ကျွန်တော်တို့ ကို မြင်တာနဲ့ ပစ်တာပါ။ ပခုံးမှန်တယ်။ အခုလိုခြေကျင်း နဲ့နေရတယ်။ ကျွန်တော်ဘာပြစ်မှုမှ မလုပ်ဘဲခံနေ ရတယ်” ဟု သေနတ်ဒဏ်ရာရရိသူ ကိုကျော်သန်းက မဇ္ဈိမကို ပြောသည်။

အဆိုပါ ရေလုပ်သား သေနတ်ဒဏ်ရာရရှိသည်နှင့် ပတ်သက်၍ မန္တလေးတိုင်း ရဲတပ်ဖွဲ့မှူးရုံးက ဧရာဝတီ မြစ်အတွင်းရှိ စက်လှေများပေါ်တွင် ကေဘယ်လ်ကြိုးခွေများ၊ အင်ဂျင်ဝိုင်ပုံးများ၊ ဘက်ထရီအိုးများကို ဓားများဖြင့် ခြိမ်းခြောက် လုယူသွားသောကြောင့် ရဲအုပ်မြတ်ကျော်သူနှင့်အဖွဲ့ က လိုက်လံဖမ်းဆီးကြောင်း၊ လုယက်သွားသည့်ပစ္စည်းများကို ကုန်းပေါ်သို့ တင်ဆောင်စဉ် ရဲအုပ်မြတ်ကျော်သူနှင့်အဖွဲ့မှ တားမြစ်ရာ အဆိုပါအဖွဲ့က ဂျင်ဂလိ၊ လေးခွများဖြင့် ၀ိုင်းဝန်းပစ်ခတ်သဖြင့် ရဲတပ်သားပြည့်စုံအောင် ဝဲဘက် လက်မောင်း ကုံးသီးထိမှန်ခဲ့သောကြောင့် တပ်ဖွဲ့ဝင်များ အန္တရာယ် မဖြစ်ပေါ်စေရေးအတွက် ရဲအုပ် မြတ်ကျော်သူက ပွိုင့် ၃၀၃ ရိုင်ဖယ်ဖြင့် ၁ ချက်၊ ရဲတပ်သားပြည်စုံအောင်က ပွိုင့် ၃၀၃ ရိုင်ဖယ်ဖြင့် တစ်ချက် ခြောက်လှန့်ပစ် ခတ်ခဲ့သည်ဟုဆိုသည်။

ပြစ်မှုကျူးလွန်သူများက စက်လှေများဖြင့် ထွက်ပြေးတိမ်းရှောင်သွားကြ၍ လိုက်လံဖမ်းဆီးနိုင်ခြင်း မရှိသော် လည်း ကျော်သန်း ၃၅ နှစ် ကျပန်း တဘက်ဆွဲကျေးရွာ အနောက်ပိုင်းနေထိုင်သူသည် သေနတ်ထိမှန်၍ ယာပုခုံးပေါက်ပြဲ ဒဏ်ရာတစ်ချက်ရရှိပြီး စဥ့်ကိုင်မြို့နယ်၊ ပလိပ်ဆေးရုံမှ မန္တလေးဆေးရုံကြီးသို့ လွှဲပြောင်း ကုသလျက်ရှိသည်ဟု သတင်းထုတ်ပြန်ထားသည်။

တဘက်ဆွဲကျေးရွာနေ သေနတ်ဒဏ်ရာရရှိသူ ကျော်သန်း အပါအဝင် ခြောက်ဦးကို “အောင်သန်းဝင်း” မော်တော်ပိုင်ရှင် ကိုသန်းထိုက်ဇော်က စက်လှေပေါ်မှပစ္စည်းများ လုယူခံရသည့်အတွက် အမရပူရ ရဲစခန်းသို့ တိုင်တန်းခဲ့သောကြောင့် အမရပူရမြို့နယ် ရဲတပ်ဖွဲ့က (ပ)၃၉၇/ ၂၀၁၄ ပြစ်မှုပုဒ်မ ၃၉၅ အမှုဖွင့် ထားပြီး ကျန်ကွင်းဆက် တရားခံများ ဖမ်းဆီးရမိရေးအတွက် စုံစမ်းစစ်ဆေးလျက်ရှိသည်ဟု မန္တလေးတိုင်း ရဲတပ်ဖွဲ့မှူးရုံးထံမှ သိရှိရသည်။

အန်တီစန်း ပန်းဆိုးတန်းမှာ အလုပ်လုပ်သည်

မြတ်စုမွန်

သူ့နာမည်က ဒေါ်စန်း။ ခင်မင်သူများက အန်တီစန်းဟု ခေါ်ကြသည်။ နေ့စဉ် နံနက် ၁၀ နာရီမှ ညနေ ၆ နာရီအထိ ပန်းဆိုးတန်း ခုံးတံတား အောက်တွင် သူရှိသည်။ သူ့မှာ စနေ အလုပ်ပိတ်ရက် မရှိ၊ တနင်္ဂနွေ အလုပ်ပိတ်ရက် မရှိ။

သူ၏ အလုပ်ပိတ်ရက်သည် သူ နေထိုင် မကောင်းသော နေ့ပင် ဖြစ်သည်။

အသက် ၅၀ ကျော်ခဲ့ပြီ ဖြစ်သော်လည်း သူသည် လူငယ်တယောက်လို လျင်မြန်သွက်လက်ဆဲ။ အနည်းငယ် ဝဖိုင့်သော ခန္ဓာကိုယ်၊ ခေါင်းတုံးဆံတောက် ဆံပင်ပုံစံနှင့် ပါဝါမျက်မှန် တပ်ထားသည့် သူ့ကို တကြိမ်မြင်ဖူးလျှင် အလွယ်တကူ မှတ်မိနိုင်သည်။

သနပ်ခါးရေကျဲကို ညီညီညာညာ လိမ်းထားသည့် အန်တီစန်းသည် စကားပြောလျှင် လက်ဟန်ခြေဟန် အပြည့်ဖြင့် အားရပါးရ ပြောတတ်သည်။ ယခုလည်း သူ စကားပြောနေသည်။ သူ့ဘေးတွင် ထိုင်နေသည့် သတင်းထောက် တယောက်ကို သူ့ဘဝနှင့် အလုပ်အကြောင်းကို ပြောပြနေသည်။

ဒလမြို့နယ်၊ သမ္မတကမ်းခြေ ရပ်ကွက်သည် သူ၏ ဇာတိချက်မြှုပ် ဖြစ်သည်။ ယခု ပန်းဆိုးတန်း ခုံးတံတား ပတ်ဝန်းကျင်က သူ့လူနေမှု ဘဝကို မြှင့်တင်ပေးခဲ့သော ဘူမိနက်သန်ပင် ဖြစ်၏။ ဒီဝန်းကျင်တွင် သူအလုပ် လုပ်ခဲ့သည်မှာ ၁၉၈၈ အရေးအခင်း ကာလမတိုင်ခင် ကတည်းက ဖြစ်သည်။ သူ လုပ်ကိုင်ခဲ့သည်မှာ ၂၇ နှစ် ဝန်းကျင် ရှိခဲ့ပြီ။

“အဲဒီတုန်းက ဒီတံတားကြီး မရှိသေးဘူး။ ရွှေဂုန်ရုံ နဲ့ မြို့မရုံတွေရဲ့ အရှေ့က အမိုးကြီးအောက်မှာ အလုပ်လုပ်ခဲ့ရတာ” ဟု သူက ခင်မင်နှစ်လိုဖွယ် အမူအရာနှင့် ပြောပြသည်။

ရန်ကုန်မြို့၏ လူစည်ကားရာ မြို့လယ်တနေရာ ဖြစ်သည့် ပန်းဆိုးတန်း ခုံးကျော် တံတားကြီး၏ အောက်ဘက်တွင် ခြေသည်းလက်သည်း လှီးပေးခြင်း၊ နားသန့်ရှင်းရေး လုပ်ခြင်း၊ ဆံပင်ဖြူနုတ်ခြင်းနှင့် အညောင်းအညာ ပြေစေရန် နှိပ်နယ်ပေးခြင်း စသည့် အလုပ်များကို လုပ်ကိုင်ကာ စားဝတ်နေရေး အတွက် ဝင်ငွေရှာဖွေနေသူများ အနက် အန်တီစန်း တယောက်လည်း အပါအဝင် ဖြစ်သည်။

“ဒီနားတဝိုက်မှာ အယောက် ၃၀ လောက်ရှိတယ်။ ဒလဘက်၊ မြောက်ဥက္ကလာ၊ ယုဇန၊ သာကေတနဲ့ သန်လျင်ဘက်က လာလုပ်ကြတယ်။ နေရာကတော့ အစုံပဲ” ဟု အန်တီစန်းက ဆိုသည်။

မြန်မာနိုင်ငံတွင် ထိုသို့ ဝန်ဆောင်မှုပေးသည့် မြို့မှာ ရန်ကုန်နှင့် မန္တလေးတို့၌သာ ရှိကြောင်း သူက ပြောပြသည်။

စကား ပြောနေသော်လည်း သူ၏မျက်လုံးများ က လမ်းပေါ်တွင် ဖြတ်သွားဖြတ်လာ လုပ်နေသူများနှင့် ကားများဆီသို့ မကြာခဏ ရောက်ရောက် သွားတတ်သည်။ ပြောလက်စ စကားကို ဖြတ်ကာ “အစ်ကိုကြီး… လှီးပေးရမလား” ၊ “လှီးမလို့လား” စသဖြင့် သူတို့အနီးသို့ ရောက်လာသူများအား လှမ်း၍လှမ်း၍ မေးသည်။

စကားလက်ဆုံ ကျကာ အလုပ်ပျက်၍ မဖြစ်။ သို့သော် နံနက် ၁၀ နာရီ ကတည်းက အခု စကားပြောနေသည့် အချိန်အထိ သူ့ဝင်ငွေမှာ ၅၅၀ဝ ကျပ်ရရှိထားပြီဖြစ်ရာ သူ့အတွက် နေ့တွက်တော့ ကိုက်နေပြီဟု ဆိုသည်။

ပလတ်စတစ်ထိုင်ခုံ ၂ ခုံ၊ ပလတ်စတစ် ခွေးခြေပုကလေး ၁ လုံးနှင့် စုံစီနဖာ ပစ္စည်းလေးများ အစီအရီ ထည့်ထားသည့် ပလတ်စတစ် ခြင်းကလေး တလုံးသည် အန်တီစန်း၏ အလုပ်ခွင် အပြင်အဆင် ဖြစ်သည်။ ပန်းဆိုးတန်းခုံး တံတားကြီး၏ အမိုးသည် အန်တီစန်းအတွက် အရိပ်အာဝါသ တခုဖြစ်သည်။

ပန်းဆိုးတန်း ခုံးတံတားကြီး၏ အင်္ဂတေတိုင်လုံးကြီး သည် အန်တီစန်း၏ အမှီအခို ဖြစ်သည်။ ထိုတိုင်လုံး ကြီး၏ ခြေရင်းအုတ်ခုံတွင် ရေအပြည့်ထည့်ထားသည့် ပလတ်စတစ် ပုံးငယ်တခု၊ အချိုရည် ပန်းကန်လေး တလုံး၊ ထမင်းချိုင့်ငယ် တခု၊ နောက်မှီတန်း ကျိုးပဲ့ နေသည့် သစ်သားထိုင်ခုံ တလုံးနှင့် လက်သုတ်ပုဝါ တထည်ကို တင်ထားသည်။

သူ၏ ရှေ့ရှိ အပြာရောင် ပလတ်စတစ် ခြင်းတောင်းငယ် ထဲတွင် သပ်သပ်ရပ်ရပ် ထုပ်ပိုးထားသည့် လက်သည်းလှီး ဓားငယ်များ၊ နားကြပ်သည့် ဂွမ်းတံငယ်များ ထည့်ထားသည့် ဘူး၊ အရောင်မပါသော လက်သည်းဆိုးဆေး ပုလင်းငယ် များ၊ နှာရည် ဆေးတောင့်ငယ်တခု၊ ဦးသာရင် လိမ်းဆေးပုလင်းငယ်၊ နားသန့်ဆေး၊ ခြေသည်းလက်သည်း ကြေး (ချေး) ချွတ်ဆေး ပုလင်း စသည့် ပစ္စည်းလေးများကို စီစီရီရီ ထည့်ထားသည်။ ရေထည့်ထားသည့် ဆေးပုလင်းခွံ ထဲတွင် သွားပွတ်တံ အဟောင်း တခုကိုလည်း ထိုးစိုက်ထားသေးသည်။

“ဒီအလုပ်က တခြား အလုပ်တွေ ထက်စာရင် သက်သက်သာသာတော့ ရှိတယ်။ ဒါပေမယ့် သူများ ခြေထောက်တွေ၊ လက်တွေတော့ ကိုင်ရတာပေါ့။ ကိုယ့်ဘဝကို စွန့်ရတာပေါ့။ တချို့က ဒီလို မကိုင်ရဲကြဘူး။ ဒီလိုလုပ်တာကို သိမ်ငယ် တယ် ထင်ကြတာပေါ့” ဟု အန်တီစန်းက သူ့အလုပ်နှင့် ပတ်သက်သည့် သူ့အမြင်ကို ပြောပြသည်။

အသက် ၁၆ နှစ်သမီး အရွယ်တွင် အိမ်ထောင်ကျကာ သမီးလေးတယောက်ကို မွေးဖွားခဲ့ပြီး မည်သည့် အလုပ်အကိုင် ကိုမျှ မလုပ်တတ်သေးသည့် သူ့ကို အစ်မကြီးဖြစ်သူက ရှာဖွေ ကျွေးမွေးခဲ့သည်။ ထို့နောက် အစ်မဖြစ်သူ အိမ်ထောင် ပြုလိုက်ပြီး တနယ်တကျေးသို့ ပြောင်းရွှေ့သွားရာ လူမမည် သမီးငယ်နှင့် အသက် ၈၀ ကျော်အရွယ် အမေအိုတို့နှင့် အတူ သူ ဒုက္ခရောက်ခဲ့ရတော့သည်။

“အဲဒီတော့ ကလေးလေးနဲ့ ဒုက္ခရောက်ပြီး နေနေရင်းကနေ ရေထမ်းရောင်းတယ်။ နောက် အစ်မက သူ့မှာ ကလေး တယောက်မှ မမွေးတော့ သမီးလေးကို ခေါ်ထားတယ်။ အန်တီစန်းက ဒီက လွတ်လွတ်လပ်လပ် စီးပွားရှာ၊ ပိုက်ဆံပို့ ပေးပြီး ၈၆ နှစ် အရွယ် အမေကို ထိန်းရတယ်။ အမေက အသက်ကြီးတော့ အိပ်ရာထဲမှာ ပက်လက်ကြီးပေါ့” ဟု အန်တီစန်းက သူ ဖြတ်သန်းခဲ့ရသည့် ဘဝခရီး တစိတ်တပိုင်းကို ပြန်လည်ပြောပြသည်။

ငယ်ရွယ် နုနယ်သေးသည့် အချိန်က ရေထမ်း၍ ရောင်းဖူးသည်။ ကုန်စိမ်း ဈေးသည်လည်း လုပ်ဖူးသည်။ မြစ်တဖက် ကမ်းရှိ ရန်ကုန်မြို့ကို ကူးကာ အမဲသားများကို ဖောက်သည် ဝယ်ယူ၍ အမဲသားသည်လည်း လုပ်ခဲ့ဖူးသည်။

ထို့နောက် ယခုလုပ်ကိုင်နေသည့် လုပ်ငန်းကို ပန်းဆိုးတန်း ခုံးတံတားအောက်တွင် အလုပ်လုပ်သည့် ခင်ပွန်း ဖြစ်သူနှင့် အတူ သင်ယူလေ့ကျင့်ရင်း အသက်မွေးဝမ်းကျောင်း ပြုခဲ့သည်။

“ဒီလုပ်ငန်း လုပ်ပြီးမှ စီးပွားရေး အဆင်ပြေလာတာ။ အန်တီစန်း ယောက်ျားတို့ လုပ်တုန်းက ၂ ကျပ်ခေတ်။ သူ့ကို ထမင်းချိုင့် သွားပို့ရင်းနဲ့ ဓားကိုင်တာ လေ့ကျင့်ရင်း သူများတွေ ပိုက်ဆံရတာကို အားကျပြီး ဝင်လုပ်တာ။ အန်တီတို့ စလုပ်တော့ လူတယောက်ကို ၁၅ ကျပ်ပဲ ရသေးတယ်။ အဲဒီတုန်းက လူတယောက်က ၄၅ ကျပ်လောက်ပေးသွားရင် အရမ်းပျော်တာ။ အစပိုင်းမှာ ဓားကိုင်တာ မကျွမ်းသေးတော့ သူများကိုထိမှာ နည်းနည်း ကြောက်တာပေါ့” ဟု အန်တီစန်းက ပြုံးရွှင်ဖော်ရွေသည့် မျက်နှာအမူအရာဖြင့် ပြောပြသည်။

အခြေအနေအရ အဝေး၌ ခွဲနေရသည့် သမီးဖြစ်သူအား ဘွဲ့တခုရအောင် သင်ကြားပေးနိုင်ခဲ့သည်။ ယခုဆိုလျှင် အန်တီစန်းတို့တွင် တိမွေးကု တက္ကသိုလ် တက်နေသည့် မြေးငယ်တဦးနှင့် အထက်တန်း တက်နေသည့် မြေးတဦးပင် ရှိနေပြီ ဖြစ်သည်။

မြေးငယ်များ၏ ကျောင်းနေ စရိတ်ကို ထောက်ပံ့ပေးနေရခြင်း အတွက် ဂုဏ်ယူနေကြောင်းကို သူ့မျက်နှာတွင် အထင်းသား မြင်နေရသည်။ သို့သော် ထိုအကြောင်းကို သူသိပ်မပြောလိုကြောင်း ပွင့်ပွင့်လင်းလင်းပင် ထုတ်ဖော် ပြောပြသည်။

“တချို့ကျတော့ ရှက်တတ်တယ်။ တချို့ကျတော့လည်း မရှက်ဘူးပေါ့။ နင်တို့မိဘတွေ ဘာလုပ်လဲ ဆိုရင် သူတို့ ဘယ်လို ဖြေကြမလဲ။ အဲဒါကြောင့် ထိန်းပြီးဖြေရတာပါ” ဟု သူက ဆိုသည်။

စကားပြောနေစဉ် ခြေစွယ်ငုပ်သူ တဦး ရောက်လာ သဖြင့် စကားဖြတ်ကာ သူ၏ဖောက်သည်ကို ဝန်ဆောင်မှု ပေးသည်။

လက်သည်းလှီး ဓားငယ်ကို အရက်ပြန် ဆွတ်ထားသည့် ဂွမ်းဖြင့် သုတ်လိုက်သည်။ ထို့နောက် ရေဆွတ်ထားသော သွားပွတ်တံဖြင့် ခြေသည်းများကို သန့်ရှင်းလိုက်သည်။ ဓားကောက် ကလေးကို ကိုင်ကာ ခြေသည်းများကို ကျွမ်းကျွမ်းကျင်ကျင် လှီးဖြတ်လိုက်သည်။ ထို့နောက် ငုပ်နေသော ခြေစွယ်ကို သံဖြတ်လွှ အပါးစားအား ဓားသွေးကျောက်ဖြင့် တိုက်စားထားသည့် ဓားငယ်လေးနှင့် ထိုးကော်ကာ လှီးလိုက်ပြန်၏။

“အလှပြင်ဆိုင်တွေမှာ သွားလုပ်ရင် သူတို့က အလှအပ အတွက်ပဲ လုပ်ပေးတတ်တာ။ ခြေစွယ်ငုပ်တာကို ဒီလို မဖော်ပေးတတ်ဘူးလေ” ဟု အန်တီစန်း၏ ဖောက်သည်ဖြစ်သူက ပြောပြသည်။

အနီရောင် အောက်ခံပေါ်တွင် အဖြူစက်ကလေးများဖြင့် လက်သည်းဒီဇိုင်း ပုံဖော်ထားသည့် အန်တီစန်း၏ လက်တို့သည် သူ့ဖောက်သည်၏ ခြေထောက်နှင့် ခြေချောင်းများပေါ်တွင် သွက်လက်စွာ လှုပ်ရှားနေသည်။

“ကိရိယာတွေကို ကိုင်တဲ့အခါမှာ သန့်ရှင်းအောင်ထားရတယ်။ ခြေစွယ်ငုပ်လို့ ရောင်လာတဲ့လူတွေ၊ ပြည်တည်လာတဲ့ လူတွေကို ခြေစွယ်ဖော်ပေး ရင် သွေးမထွက်ဘူး လို့ အန်တီစန်း အာမမခံနိုင်ဘူး။ အဲဒီအခါကျရင်တော့ ဓားကို လဲပစ်ရ တယ်။ အဲဒီ တနေ့တာမှာ အဲဒီဓားကို မသုံးတော့ဘူး။ အိမ်ကျမှ ပြန်ပြုတ်တယ်။ အရက်ပြန်နဲ့ ပိုးသတ်တယ်။ မီးကင်တယ်။ ကျောက်နဲ့ ပြန်တိုက်စားတယ်။ အဲလိုတွေ လုပ်ရတယ်” ဟု ဆိုကာ သူ၏ လုပ်လက်စ အလုပ်ကို လက်စသတ် လိုက်သည်။

၁၀ မိနစ်လောက်သာ ကြာမြင့်သည့် ခြေစွယ်ဖော်ခြင်း အလုပ်မှ လုပ်အားခ ၇ ထောင်ကျော် ရလိုက်သည်။ ဓားအသစ်ကို သုံးရန် တောင်းဆိုသဖြင့် ဓားတချောင်း ရောင်းရသည့်ငွေနှင့် ခြေစွယ်ဖော်ပေးသည့် ဝန်ဆောင်ခ နှစ်ခုပေါင်းဝင်ငွေ ဖြစ်သည်။

ထို့နောက် ခြင်းတောင်းငယ် ထောင့်တွင် ထောင်ထားသည့် Lux ဆပ်ပြာအရည်ဘူးကို ယူကာ ပလတ်စတစ် ပုံးငယ်ထဲက ရေဖြင့်လက်ဆေးကာ စကားဆက်သည်။

“ရောဂါကူးရင် သူများတွေက နောက်မှ ကူးမှာ။ အန်တီတို့က အရင်ကူးမှာ။ ကိုယ့်ကိုယ်ကို အရင်ကာကွယ်မှ သူများကို ကာကွယ်ရာ ရောက်မယ်။ လူမှာ မိတ်က အရေးကြီးတယ်။ ပိုက်ဆံက အရေးမကြီးဘူး” ဟု အန်တီစန်းက အလေးအနက် ပြောသည်။

လက်ဟန်ခြေဟန်ဖြင့် စကားပြောလိုက်တိုင်း ရွှေလက်ကောက်ချင်း ပွတ်တိုက်သံ တချွင်ချွင် ကြားနေရခြင်းက သူ၏ အဆင်ပြေမှုကို သက်သေပြနေ သလို ရှိသည်။

ဖောက်သည်တဦး လက်သည်းခြေသည်း လှီးလျှင် အခြေခံအားဖြင့် ကျပ် ၁ ထောင်မှ ၁၅၀ဝ အထိ ပုံမှန်ယူလေ့ရှိပြီး ဓားအသစ်ဝယ်ကာ လှီးသူများ၊ ခြေစွယ်ငုပ်ကာ ရောဂါအခြေအနေ ဆိုးသူများ၊ နားပြည်ယိုသူများနှင့် နားအတွင်းသို့ ပြင်ပပစ္စည်း ဝင်သဖြင့် ပြန်လည်ထုတ်ယူလိုသည့် ဖောက်သည်များ ဆိုလျှင် ထိုထက်ပို၍ ဝင်ငွေများသည်။

သို့သော် တနေ့တာ ဝင်ငွေနှင့် ဝန်ဆောင်ပေးရသည့် ဖောက်သည် အရေအတွက်ကိုမူ ပုံသေတွက်ပြရန် ခက်ခဲကြောင်း အန်တီစန်းက ဆိုသည်။ အနည်းဆုံးဝင်ငွေရသည့် နေ့တွင်ပင်လျှင် အိမ်၏ ဈေးဖိုးထွက်ငွေ ကာမိပြီး တသောင်းကျော်လည်း ရသည်။ ထို့ထက်လည်း ပိုနိုင်သည်။

ဤ ပန်းဆိုးတန်း ခုံးတံတားကြီး အောက်တွင် အန်တီစန်း နည်းတူ အလုပ်လုပ်လုပ်နေသူများကို ဟိုတစု သည်တစု တွေ့ရသည်။ လမ်းသွား လမ်းလာများက သူတို့ကို လှည့်၍ ကြည့်သွားကြသည်။ တချို့ဖောက်သည်များက ခြေကျင်လာကြပြီး တချို့ဖောက်သည်များက ကိုယ်ပိုင်ကားဖြင့် လာကြသည်။ စကားပြောနေစဉ် အချိန်၌ပင် ဖောက်သည် ၄ ဦး ရရှိခဲ့ပြီ ဖြစ်သည်။

“အန်တီက မန္တလေးရောက်ရောက်၊ မူဆယ်ရောက်ရောက် ဘယ်နေရာမှာမှ မလှီးဘူး။ ရန်ကုန်ရောက်မှ သူ့ဆီပဲ လာလှီးတာ။ သူ့ဖောက်သည်ဖြစ်နေတာ ၁၈ နှစ်လောက်ရှိပြီ” ဟု အန်တီစန်း၏ ဖောက်သည် အမျိုးသမီးကြီး တဦးက ပြောသည်။

အလှပြင်ဆိုင် များတွင် ခြေသည်းလက်သည်း အလှပြင် ပုံဖော်ပေးသည့် ဝန်ဆောင်မှုမျိုး မပေါ်ခင်ကာလများက အန်တီစန်းတို့ အလုပ်သည် ယခုထက် ဝင်ငွေကောင်းခဲ့သည်။ နောက်ပိုင်းတွင် အလှပြင်ဆိုင်များ၌ ခြေသည်း လက်သည်း ပုံဖော်ခြင်း၊ အလှပြင်ခြင်း ဝန်ဆောင်မှုများ ပေးလာကြရာ ယခင်ကထက် ဖောက်သည်များ လျော့နည်း လာသည်။

အန်တီစန်းတယောက် ပန်းဆိုးတန်း ခုံးတံတားကြီး၏ အောက်၌ အလုပ် လုပ်နေချိန်တွင် ခင်ပွန်းဖြစ်သူက အိမ်တိုင် ရာရောက် ဝန်ဆောင်မှုပေးလျက်ရှိသည်။

“သူက ၁၀ ရက်နေလို့ တရက်တောင် ဒီနေရာမှာ မရှိဘူး။ နာမည်ကြီး သူဌေးတွေရဲ့ အိမ်တွေမှာ သွားလုပ်ပေးတယ်။ အန်တီစန်း အမျိုးသားက အရမ်းလက်ရာလှတာ။ ချမ်းသာတဲ့ အိမ်တွေက ခေါ်ရင် အဲဒီအိမ်တွေက မိသားစုလိုက် နှိပ်တာ၊ လှီးတာတို့ ရှိတယ်။ ဘယ်သူတွေ ဆိုတာတော့ မပြောလိုတော့ပါဘူး” ဟု သူက အပြုံးဖြင့် စကားဆက်သည်။

အဆင်မပြေစဉ် ဘဝတွင် မိန်းမသားတန်မဲ့ ရေထမ်း၍ ရောင်းစားခဲ့သည်။ ဈေးတောင်းကို ခေါင်းပေါ်ရွက်ကာ နေပူစပ်ခါး လျှောက်သွားကာ ငွေရှာခဲ့ရသည်။ ယခု လက်ရှိအလုပ်ကို လုပ်နေသည်။ လူတကာတို့၏ ခြေထောက်များ၊ လက်များကို ကိုင်တွယ်ကာ ဝန်ဆောင်ပေးနေရသည့် ဤအလုပ်ကို သိမ်ငယ်စရာဟု သူ မည်သည့်အခါ ကမှ မတွေးခဲ့ဘူး ဟု ဆိုသည်။

သမ္မာအာဇီဝ ဖြင့် လုပ်ကိုင်စားသောက်ရသည့် အလုပ်မှန်လျှင် ပလတ်စတစ်ဘူးခွံ ကောက်၍ ရောင်းစားသည့် အလုပ်ကိုပင် သူလုပ်ရဲသည်။ ယခုအလုပ်ကြောင့် သူ့ဘဝ အဆင်ပြေလာသည်၊ မိသားစုဘဝလည်း အဆင်ပြေလာ သည်။ လက်ဝတ် လက်စားကလေးများ ပိုပိုလျှံလျှံ စုဆောင်းလာနိုင်ပြီး သပ်ရပ်စွာ ဝတ်စားနေထိုင်သော သူ့ကို တချို့က အလုပ်အကြောင်း မေးကြသည်။

“အလှူသွားရင်ဖြစ်ဖြစ်၊ တချို့ စတိုးဆိုင်တွေမှာ လုပ်တဲ့လူတွေက ဖြစ်ဖြစ် မေးရင် အန်တီ အမှန်အတိုင်းပြောတယ်။ ကိုယ်က သမာအာဇီဝ လုပ်တဲ့ အတွက် လိမ်စရာလည်း မလိုဘူး။ တချို့ဆိုရင် အန်တီစန်း ဒီလိုဝတ်စားထားလို့ ဒီအလုပ် လုပ်တယ်လို့ မထင်ကြဘူး ပေါ့နော်” ဟု သူက ပြောသည်။

သို့သော် ငယ်ရွယ်သူများနှင့် ယှဉ်၍ အလုပ် လုပ်ရခြင်းဖြစ်ရာ တချို့ဖောက်သည်များက အသက်အရွယ်ကို အားနာ၍ ခြေသည်း လက်သည်း အလှီးမခံချင်ကြ သူများလည်း ရှိသည်။ ရေရှည်တွင် မိမိနှင့် ပို၍သင့်လျှော်မည့် အလုပ်တခုကို လုပ်မည်ဟု သူမျှော်မှန်းထားသည်။ မိမိတို့ စုဆောင်းထားသော ငွေပိုငွေလျှံလေးများ ဖြင့် အိမ်ဆိုင်ဖွင့်ရန် ရည်ရွယ်ထားသည်။ ဈေးသည် အလုပ်သည် သူနှင့် ရင်းနှီးကျွမ်းဝင်ပြီးသား ဖြစ်သည်။ အလုပ်လုပ်စားရမည်ကို သူမကြောက်။

“အန်တီတို့ မာနကလည်း သားသမီးတွေဆီက ပြန်တောင်းချင်တဲ့ ဆန္ဒမရှိဘူး” ဟု သူက ခပ်တည်တည်ဖြင့် စကားဆိုသည်။

သို့သော် လတ်တလောတွင် သူ့အသက်အရွယ်နှင့် သူ့လုပ်နိုင်စွမ်းအပေါ် မူတည်ကာ ဤအလုပ်ကို ဆက်လက် လုပ်နေဦးမည် ဖြစ်သည်။ မိုးရွာသော နေ့များတွင် အလုပ်အကိုင် သိပ်၍ မကောင်းသော်လည်း ဈေးဖိုးကတော့ လုံလောက်သည်။

“မိုးတွေ ရွာရင် အလုပ် မကောင်းဘူး။ အဲဒီအခါ ကျရင် ကားသမားဖောက်သည် တွေကို မျှော်ရတာပဲ။ ကုန်းကြောင်းသမားက မိုးရွာရင် သိပ်မလာကြဘူးလေ။ ကိုယ်က စေတနာထားပြီး လုပ်ပေးတော့ “အလုပ်မကောင်းဘူး အစ်မရယ်၊ အစ်ကိုရယ်” ဆိုရင် တချို့က ပိုပေးသွားကြတာပဲ။ တချို့ကတော့ ဒါပဲပါတယ် ဆိုပြီး မပေးတာလည်း ရှိပါတယ်” ဟု အန်တီစန်းက တဖွဲဖွဲ ကျနေသည့် မိုးစက်များကို ကြည့်ကာ ပြောပြသည်။

ပန်းဆိုးတန်း ခုံးတံတား၏ ဘေးအစွန်းမှ စီးကျနေသော မိုးရေစက်များက အန်တီစန်းတို့ထံသို့ လေနှင့်အတူ တခါတခါ လွင့်လာတတ်သည်။ အနီးအပါးမှ ဖြတ်သွားသည့် လမ်းသွားလမ်းလာ တို့သည် အန်တီစန်းတို့အား စူးစမ်းသလို ကြည့်သွား ကြသည်။

ပုံမှန် လာနေကျ ဖောက်သည် တယောက်သည် အန်တီစန်းရှိရာသို့ ဦးတည်၍ လှမ်းလာနေသည်။ အန်တီစန်းသည် သူ့လက်စွဲတော် ဓားကောက်ကလေးကို ကိုင်ကာ ဝန်ဆောင်မှုပေးရန် အသင့်စောင့်ဆိုင်းနေပြီ ဖြစ်သည်။

သူ့အား မေးခွန်းများ မေးကာ တနေ့တာ စကားပြောလိုက်ရသော သတင်းထောက်ကို “အန်တီက တနေ့တာ ညောင်းညာ နေတာတွေကိုလည်း သက်သာအောင်နှိပ်ပေးတယ်။ ရုံးမှာ အလုပ်တွေလုပ်လို့ ဇက်ကြောတွေ တက်လာတယ် ဆိုရင် ၁ နာရီအတွင်း ပျောက်အောင် နှိပ်ပေးနိုင်တယ်။ မိတ်ဆွေတွေ ရှိရင် ပြောပြပေးနော်” ဟုဆိုကာ ကတ်ပြားလေးတခု ထုတ်ပေးသည်။

အပြာရောင် ထိုကတ်ပြားလေးပေါ်တွင် “မစန်း၊ လက်သည်းခြေသည်း ပုံဖော်ခြင်း၊ ခြေစွယ်ဖော်ပေးခြင်း၊ နားကိုက်၊ နားပြည်ယို၊ နားသန့်ရှင်းခြင်း၊ အကြောတင် အကြောကပ်၊ အကြော ပြုပြင်ပေးခြင်းများ အထူး ဆောင်ရွက်ပေးပါ သည်” ဟု ရေးသားထားသည်။

ရန်ကုန် မိုးစက်များ အောက်တွင် ပန်းဆိုးတန်း ခုံးတံတားကြီး၏ အမိုးအရိပ်ကို ခိုလှုံကာ ရည်ရွယ်ချက်တခုဆီ လျှောက်လှမ်း နေသော အန်တီစန်းသည် ဖော်ရွေသော အပြုံး၊ သွက်လက်သော လက်ချောင်းများဖြင့် ဖောက်သည်များကို ဝန်ဆောင်မှု ပေးလျက် ရှိလေသည်။ ။