Tuesday, March 31, 2015

ထိုင်းရောက် ပန်းရောင်ကဒ်ကိုင် အလုပ်သမားများ တနှစ်စာ သက်တမ်းတိုးရန် ဧပြီလတွင် စတင်မည်

စောသိန်းမြင့်

ထိုင်းနိုင်ငံရှိ မြန်မာနိုင်ငံသားများ အပါအ၀င် ရွှေ့ပြောင်းအလုပ်သမားများအား တနှစ်သက်တမ်းရှိ ယာယီ နေထိုင်ခွင့်နှင့် အလုပ် လုပ်ကိုင်ခွင့်လက်မှတ် ပန်းရောင်ကဒ် ကိုင်ဆောင်သူများကို ဧပြီလ ၁ရက်နေ့မှစ၍ တနှစ်သက်တမ်း စတင်တိုးပေးတော့မည်ဟု ရွှေ့ပြောင်းအလုပ်သမားအရေး ဆောင်ရွက်နေသူများက ပြောသည်။

မတ်လ ၃ရက်နေ့က ကျင်းပသည့် ထိုင်းနိုင်ငံ ၀န်ကြီးများကောင်စီ အစည်းအဝေး၏ ဆုံးဖြတ်ချက်အရ ထိုင်းနိုင်ငံရှိ ကမ္ဘောဒီး ယား၊ မြန်မာနှင့် လာအို စသည့် အလုပ်သမားများ ကိုင်ဆောင်ထားသော ယာယီ အလုပ်လုပ်ခွင့် ပန်းရောင်ကတ်ကို တနှစ် သက်တမ်းတိုးပေးရန်နှင့် ရေလုပ်သားများကို မှတ်ပုံတင်ရန် ဧပြီလ ၁ရက်မှ ဇွန်လ ၃၀ရက်နေ့အထိ လုပ်ဆောင်သွားမည်ဟု ထိုင်းနိုင်ငံလုံးဆိုင်ရာ မြန်မာရွှေ့ပြောင်းအလုပ်သမားကွန်ရက်(MMNT) အတွင်းရေးမှူး ဦးမိုးကြိုးက ယခုလို ပြောသည်။

“၁၈နှစ်ပြည့်ပြီး မည်သည့်အလုပ်သမားမဆို ပန်းရောင်ကဒ်လို့ခေါ်တဲ့ ယာယီ အလုပ်လုပ်ခွင့်လက်မှတ် ကိုင်ဆောင်သူတွေကို တနှစ် သက်တမ်းတိုးပေးမယ်။ ပြီးတော့ သူတို့ကို မှီခိုနေရတဲ့ ဆယ့်ငါးနှစ်အောက် ကလေးတွေ၊ ကလေးအထောက်အထား ပြု လုပ်ရမယ်လို့ ညွှန်ကြားထားတယ်။ တဆက်တည်းမှာပဲ ရေလုပ်သားတွေကို ခိုင်းစေတဲ့ အလုပ်ရှင်၊ သက်ဆိုင်ရာ ကုမ္ပဏီ၊ အဲဒါ တွေအားလုံးဟာ ထိုင်းအစိုးရဆီမှာ မှတ်ပုံတင်ရမယ်။ မလုပ်ရင် အရေးယူခြင်းခံရမယ်”ဟု ဦးမိုးကြိုးက ကေအိုင်စီသို့ပြောသည်။

ထိုသို့ လုပ်ဆောင်ရာတွင် ထိုင်းပြည်ထဲရေးဋ္ဌာန MOI က ထိုင်းနိုင်ငံ (၇၇)ခရိုင်ရှိ သက်ဆိုင်ရာ မြို့နယ်အသီးသီးတွင် One Stop Service ရုံးများ ဖွင့်လှစ်ကာ အလုပ်သမားနေရာချထားရေးဋ္ဌာန၊ အုပ်ချုပ်ရေးဋ္ဌာနနှင့် ကျန်းမာရေးဋ္ဌာနတို့ကို အထောက်အထား များ အဆင့်ဆင့် တင်ပြပြီး လုပ်ဆောင်ရမည်ဟုလည်း ၎င်းက ဆက်ပြောသည်။

ထိုင်းအစိုးရက အလုပ်သမားများကို ယခုလို လုပ်ဆောင်ပေးခြင်းသည် ကောင်းမွန်သော်လည်း ကုန်ကျစရိတ်အဖြစ် ထိုင်းငွေ ၃,၁၈၀ဘတ်၊ ၁၅နှစ်အောက်ကလေးငယ်များကို ၁,၆၈၀ဘတ် သတ်မှတ်ထားသဖြင့် လုပ်အားခနည်းသည့် အလုပ်သမားများ အတွက် အထောက်အထားလက်မှတ် ပြုလုပ်နိုင်ရန် အခက်အခဲကြုံတွေ့နိုင်သည်ဟု မြန်မာအလုပ်သမားများက ပြောသည်။

ဖန်ငခရိုင်ရှိ မြန်မာအလုပ်သမား ကိုမိုးဝေက “ကုန်ကျစရိတ်ကတော့ များတာပေါ့ဗျာ။ မလုပ်လို့လည်း မဖြစ်ဘူးလေ။ ဗီဇာဖိုး၊ ၀ပ်ပါမစ်ဖိုး၊ ဆေးစစ်ခ စုစုပေါင်း သုံးထောင်ကျော်ကုန်တယ်ဗျာ။ အဲဒါက အလုပ်သမားတွေအတွက် နည်းနည်းကုန်ကျစရိတ် များတယ်ပေါ့။ ဖြစ်စေချင်တာက အလုပ်သမားတွေကို ခိုင်းတဲ့ အလုပ်ရှင်က တာဝန်ယူစေချင်တယ်။ ပြီးမှ အလုပ်သမားဆီက ပြန်နုတ်ယူလို့ ရတယ်လေ”ဟု ကေအိုင်စီသို့ ပြောသည်။

ထိုင်းအစိုးရက ရွှေ့ပြောင်းအလုပ်သမားများအတွက် ၂၀၁၄ နှစ်လည်ပိုင်းမှ စတင်ပြုလုပ်ပေးခဲ့သည့် သန်းခေါင်စာရင်း၊ မှတ်ပုံ တင်မလိုဘဲ အလုပ်လုပ်ခွင့် ပန်းရောင်ကတ်ကို မတ်လ ၃၁ရက်နေ့တွင် သက်တမ်းကုန် ဆုံးမည်ဖြစ်၍ ယခုလို ၂၀၁၆ခုနှစ်အထိ တနှစ် ထပ်မံတိုးပေးပြီး နိုင်ငံကူးလက်မှတ်နှင့် အလားတူ စာအုပ် ပြုလုပ်ပေးရန် စီစဉ်နေခြင်းဖြစ်သည်ဟု သိရသည်။

ထိုင်းနိုင်ငံတွင် မြန်မာရွှေ့ပြောင်း အလုပ်သမား သုံးသန်းခန့်ရှိသည့်အနက် လတ်တလော ပန်းရောင်ကတ် ကိုင်ဆောင်ထားသူ အလုပ်သမားမှာ ၆၄,၀၀၀(ခြောက်သိန်းလေးသောင်း)ကျော် ရှိသည်ဟု မြန်မာအလုပ်သမားအရေး ကူညီဆောင်ရွက်ပေးနေသူ များ၏ မှတ်တမ်းများအရ သိရသည်။

တနိုင်ငံလုံးအပစ်ရပ်စာချုပ်မူကြမ်း သဘောတူညီချက်ရရှိ

DVB

တနိုင်ငံလုံးအပစ်အခတ်ရပ်စဲရေး သဘောတူစာချုပ်(အန်စီအေ) မူကြမ်းပါအချက်တွေ အားလုံးကို စာချုပ် ဦးဆောင်ရေးဆွဲနေကြတဲ့ အစိုးရနဲ့ တိုင်းရင်းသားလက်နက်ကိုင် ကိုယ်စားလှယ်တွေအကြား ဒီကနေ့ နှစ်ဖက်ညှိနှိုင်း သဘောတူညီမှု ရရှိသွားပြီဖြစ်ပါတယ်။

၇ ကြိမ်မြောက် တနိုင်ငံလုံးအပစ်ရပ်စာချုပ်ဆိုင်ရာ ဆွေးနွေးပွဲကို သီတင်း ၁ ပတ်ကြာ ရပ်ထားရာက ဒီကနေ့ ရန်ကုန်မြို့ မြန်မာငြိမ်းချမ်းရေးစင်တာမှာ ၇ ရက်မြောက်အဖြစ် ပြန်လည် ကျင်းပပြီး သဘောတူညီချက်ရခဲ့တာပါ။

ဒီကနေ့ ဆွေးနွေးပွဲသဘောတူညီချက်တွေနဲ့ ပတ်သက်ပြီး အန်စီစီတီအဖွဲ့ဝင် ဒေါ်စောမြရာဇာလင်းက “အန်စီအေထဲ ပါဝင်တဲ့ အခန်းကဏ္ဍတွေ အားလုံးသဘောတူသွားပါပြီ။ ချောချောမောမော ပြီးဆုံးတဲ့အကြောင်း ကျမတို့ အန်စီစီတီဘက်က ကိုယ့်ရဲ့ သက်ဆိုင်ရာ ခေါင်းဆောင်ပိုင်းတွေ ပြန်ပြီး တင်ပြကြမယ်။ အစည်းအဝေးကြီး တခုဖိတ်ခေါ်မယ်။ အစိုးရ ယူပီဒဗလျူစီ ဘက်ကလည်း ပြန်တင်ပြဖို့ အနေအထားတွေ ရှိသေးတယ်”လို့ ပြောပါတယ်။

အန်စီအေစာချုပ်မူကြမ်းပါဝင်အချက်အားလုံး ဒီကနေ့သဘောတူညီခဲ့ပြီးနောက် မနက်ဖြန် ဆွေးနွေးပွဲမှာတော့ ခုဆွေးနွေးပွဲရလဒ်တွေအပေါ် ပြန်အချောသတ်ပြီး ဆွေးနွေးပွဲ တက်ရောက်သူတွေ လက်မှတ်ရေးထိုးသွားဖို့ရှိပါတယ်။

အန်စီစီတီခေါင်းဆောင်တဦးဖြစ်တဲ့ ဦးခွန်ဥက္ကာက ‘ ဒီနေ့သဘောတူတာက မူကြမ်းရေးဆွဲတဲ့ အဖွဲ့တွေကြားထဲမှာ အန်စီအေ မူကြမ်းကို ပဏာမ သဘောတူတာ။ မနက်ဖြန်လက်မှတ်ထိုးမယ်ဆိုတာက အစည်းအဝေးမှတ်တမ်းလက်မှတ်ထိုးသလိုထိုးမှာပါ။ ဒါက အဓိကမဟုတ်ပါဘူး။ နောက်ကျမှ တကယ့် အန်စီအေ စာချုပ်ကို လက်မှတ်ထိုးမယ့် ထိပ်သီးခေါင်းဆောင်တွေကို ပြန်ရှင်းပြမယ်။ အဆင်ပြေရင် လက်မှတ်ထိုးကြမယ်”လို့ ပြောပါတယ်။

ပြည်ထောင်စုဝန်ကြီး ဦးအောင်မင်းခေါင်းဆောင်တဲ့ ပြည်ထောင်စု ငြိမ်းချမ်းရေးဖော် ဆောင်ရေးလုပ်ငန်းကော်မတီ ယူပီဒဗလျူစီ အနေနဲ့ကတော့ အန်စီအေ စာချုပ်ကို လက်မှတ်ရေးထိုးဖို့ အသင့်ဖြစ်နေပြီလို့ ဒီကနေ့ ပြုလုပ်တဲ့ ဆွေးနွေးပွဲအပြီး သတင်းစာရှင်းလင်းပွဲမှာ မြန်မာငြိမ်းချမ်းရေးစင်တာက အကြီးတန်း အကြံပေး ဦးလှမောင်ရွှေက ပြောပါတယ်။

ငြိမ်းချမ်းရေးအကျိုးတော်ဆောင်ဦးညိုအုန်းမြင့်ကလည်း ဒီကနေ့ ဆွေးနွေးပွဲမှာ အစိုးရရောတိုင်းရင်း သားလက်နက်ကိုင်အဖွဲ့ဘက်ကပါ ၂ ဘက်လုံး အပစ်ခတ်ရပ်စာချုပ် မူကြမ်းအောင်မြင်ရေးကြိုးပမ်းခဲ့တယ်လို့ ပြောပါတယ်။

“တိုင်းရင်းသားတွေဘက်ကလည်း ငြိမ်းချမ်းရေးက မရှိမဖြစ်လိုလားတယ်ဆိုတဲ့ သဘောကို ထုတ်ပြတယ်။ တပ်မတော် နဲ့ အစိုးရဘက်ကလည်း အဲဒီလိုအပ်ချက်တွေကို အတတ်နိုင်ဆုံး၊ စိတ်အရှည်ဆုံး၊ စေတနာအပါဆုံး ညှိနှိုင်းသွားတာကို တွေ့ရပါတယ်ခင်ဗျ။”
ပြီးခဲ့တဲ့ သီတင်းပတ်တွင်းက ဆွေးနွေးပွဲမှာတော့ တပ်ပိုင်းဆိုင်ရာကိစ္စတွေ ဆွေးနွေးခဲ့ပြီး ဒီကနေ့ဆွေးနွေးပွဲမှာတော့လုံခြုံရေးဆိုင်ရာ ပြန်လည်ပေါင်းစည်းရေးလုပ်ငန်းတွေကို ငြိမ်းချမ်းရေးတိုးတက်လာတဲ့ အခြေအနေတွေနဲ့အညီ အကောင်အထည်ဖော် ဆောင်ရွက်သွားရေး၊ နောင်လာမယ့် အနာဂတ်ဆွေးနွေးပွဲတွေမှာ လက်နက်ကိုင် တော်လှန်ရေးနဲ့ မပတ်သက်တဲ့ အခြားတိုင်းရင်းသားပါတီတွေပါ ပါဝင်ရေး၊ ပြည်ထောင်စု မပြိုကွဲရေး၊ တိုင်းရင်းသား စည်းလုံးညီညွှတ်မှု မပြိုကွဲရေး၊ အချုပ်အခြာအာဏာ တည်တံ့ခိုင်မြဲရေး တို့ကို ဦးတည်၍ ဆိုတဲ့ စာပိုဒ် စတာတွေကို ဆွေးနွေးညှိနှိုင်းကြတာပါ။

ဒီဆွေးနွေးပွဲကို တက်ရောက်တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (အေဘီအက်စ်ဒီအက်ဖ်) ဒု-ဥက္ကဋ္ဌ ဦးမျိုးဝင်းကတော့ “ကောင်းပါတယ်။ နှစ်ဖက်စလုံးက အပြုသဘောဆောင်ပြီးတော့မှ ဒီတတိုင်းပြည်လုံး အပစ်ခတ်ရပ်စဲနိုင်ဖို့အတွက် ကြိုးပမ်းတဲ့ အပေါ်မှာ ရလဒ်အနေနဲ့ အခုလို ထွက်လာတာပေ့ါနော်။ နှစ်ဖက်စလုံးက အပြန်အလှန် နားလည်မှုရှိရှိနဲ့ အပေးအယူ အလျှော့အတင်း ညှိနှိုင်းနိုင်လို့ပဲ ဒီလို ရလဒ်ရလာတာပေါ့။ ဒါကတော့ အခုမှ ငြိမ်းချမ်းရေးလုပ်ငန်းစဉ်ရဲ့ အစပဲရှိသေးတယ်။ ပြည်တွင်း ငြိမ်းချမ်းရေးပြဿ နာတခုလုံးကို နိုင်ငံရေးအရ နိုင်ငံရေးပြဿ နာ နိုင်ငံရေးနည်းနဲ့ တွေ့ဆုံဆွေးနွေး အဖြေရှာနိုင်ဖို့ အတွက်တော့ အများကြီး ကြိုးပမ်းရဦးမှာပေါ့။ ကြိုးပမ်းတဲ့အပိုင်းမှာတော့ နိုင်ငံရေးအင်အားစု တွေရော အားလုံးပါဝင်ပြီးမှ ပြည်သူတရပ်လုံးပါဝင်ပူးပေါင်းဆောင်ရွက်ဖို့ လိုတာပေါ့နော်။” လို့ ပြောပါတယ်။

အစိုးရဘက်က၀န်ကြီး ဦးအောင်မင်းခေါင်းဆောင်တဲ့ ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီ(ယူပီဒဗလျူစီ)နဲ့ တိုင်းရင်းသားတွေဘက်က နိုင်ငံဟာ ခေါင်းဆောင်တဲ့တပြည်လုံး အပစ်ခတ်ရပ်ရေးညှိနှိုင်းရေးအဖွဲ့ (အန်စီစီတီ) တို့အကြား တနိုင်ငံလုံးအပစ်ရပ် သဘောတူ စာချုပ်ချုပ်ဆိုနိုင်ရေးအတွက် ၇ ကြိမ်မြောက် ဆွေးနွေးပွဲကို မတ် ၁၇ ရက်နေ့ ကတည်းက ရန်ကုန်မှာ စတင်ဆွေးနွေးခဲ့တာပါ။

ငြိမ်းချမ်းရေးဆွေးနွေးနေစဉ်ကာလအတွင်းမှာ ကချင်ပြည်နယ်နဲ့ ရှမ်းပြည်နယ်ထဲမှာ ကချင်လွတ်မြောက်ရေးတပ်မတော်၊ တအာန်းအမျိုးသားလွတ်မြောက်ရေး တပ်မတော်၊ ရခိုင်တပ်မတော်နဲ့ အစိုးရတပ်တွေအကြား တိုက်ပွဲတွေ ပြန်လည်ဖြစ်ပွားနေပါတယ်။

မန်းစည်ပင် ရွေးကောက်ပွဲအတွက် ကိုယ်စားလှယ်လောင်းစာရင်း ကြေညာမည်


တစ်နိုင်ငံလုံး အပစ်ရပ်စာချုပ် နှစ်ဘက်သဘောတူမှု ရသော်လည်း တိုက်ပွဲများ မရပ်သေး

ဖနိဒါ

တစ်နိုင်ငံလုံး အပစ်အခတ် ရပ်စဲရေး ဆွေးနွေးနေချိန်တွင် တပ်မတော်သည် ကချင်လွတ်လပ်ရေး တပ်မတော် (KIA)၊ တအာင်း တပ်မတော် (TNLA)တို့နှင့် တိုက်ပွဲများ ဆက်လက် ပြင်းထန်မည့် အခြေအနေတွင် ရှိနေသည်ဟု သိရသည်။

ကချင်ပြည်နယ် ဗန်းမော်ခရိုင် မန်စီမြို့နယ်အတွင်း (KIA) နယ်မြေတွင် မတ်လ ၃၀ ရက်က အစိုးရ စစ်တပ်က လက်နက်ကြီးများဖြင့် ဆက်လက်ပစ်ခတ်နေဆဲဖြစ်သည်ဟု KIA တပ်မဟာ ၃ လက်အောက်ခံ တပ်ရင်း ၂၇ တပ်ရင်းမှူး ဗိုလ်မှူးဂျွန်းအောင်က ပြောသည်။

“ဒီမနက်တော့ မဒန်ယန်ကနေ လက်နက်ကြီးနဲ့ လှမ်းပစ်တယ်။ ခုန သုံးနာရီလောက်မှာလည်း ဟတ်စကီး တစ်စီး လာသွားတယ်။ ပစ်တော့ မပစ်သွားဘူး၊ ဒီနေ့ တိုက်ပွဲတော့ မဖြစ်သေးဘူး။ မနေ့က မထက်ဒူးခူဘက်မှာ စစ်ကြောင်း ၅ ၊ ၆ ကြောင်းလောက် ဝင်နေတယ်။ ကျွန်တော်တို့ နယ်မြေထဲ ဝင်လာတယ်ဆိုတော့ သူတို့ ဘက်က မထွက်မချင်းတော့ တိုက်ပွဲတော့ ရပ်မယ့် အခြေအနေ မရှိဘူး”ဟု ၎င်းက မတ်လ ၃၀ရက်က ပြောသည်။

မတ်လ ၂၉ ရက်ကမူ အစိုးရ စစ်တပ်ဘက်မှ စစ်ကြောင်းများ တပ်ရင်း ၂၇ နယ်မြေသို့ ထိုးစစ်ဆင်လာသဖြင့် မထက်ဒူးခိုကျေးရွာတွင် နှစ်ဘက် တိုက်ပွဲဖြစ်ပွားခဲ့သည်ဟု ၎င်းက ဆိုသည်။

ပြီးခဲ့သည့် မတ်လ ၂၁ ရက်မှစတင်၍ အစိုးရ စစ်တပ်ဘက်မှ တပ်ရင်း ၆ ရင်း အင်အား ၅၀၀ ခန့်သည် KIA ၏ တပ်ရင်း ၂၇ နယ်မြေအတွင်း လှုပ်ရှားနေဆဲ ဖြစ်သည်ဟု ဆိုသည်။

အလားတူ ရှမ်းပြည်နယ်မြောက်ပိုင်း တအာင်းတပ်မတော် (TNLA) တပ်နှင့် အစိုးရ စစ်တပ်တို့ ကွတ်ခိုင်မြို့နယ်၊ တာမိုးညဲမြို့နယ်ခွဲ၊ မုံးစီးကျေးရွာနှင့် နမ့်မောကျေးရွာကြားတွင် မတ်လ ၂၉ ရက်က တိုက်ပွဲ ဖြစ်ပွားခဲ့ပြီး အစိုးရ စစ်တပ်က အင်အားဖြည့် ထိုးစစ်ဆင်လာနေသဖြင့် တိုက်ပွဲ ဆက်လက်ပြင်းထန်လာနိုင်မည့် အလားအလာ ရှိသည်ဟု TNLA ၏ ပြန်ကြားရေး တာဝန်ခံ မိုင်းအိုက်ကျော်က ပြောသည်။

“ဒီနေ့တိုက်ပွဲတော့ မရှိဘူး။ မနေ့ကတော့ တိုက်ပွဲ ညနေထိ ဖြစ်တယ်။ တပ်မတော်ဘက်က တော်တော်များများ အင်အားတိုးသေးတယ်။ မနေ့ကလည်း အဲဒီတိုက်ပွဲဖြစ်တဲ့ဘက် အင်အား ၂၀၀ ကျော် ထပ်ဖြည့်တယ်။ နမ့်ခမ်း မြို့နယ်ဘက်လည်း အင်အား ၂၀၀ ကျော်အထက် ရောက်လာတယ်။ စစ်တပ်က လျော့သွားတာ မရှိဘူး။ ဒီ ထိုးစစ်အတိုင်းဆို တိုက်ပွဲက လျော့မယ့် အလားအလာမရှိဘူး”ဟု ၎င်းက မဇ္ဈိမကို ပြောသည်။

လက်ရှိတွင် တစ်နိုင်ငံလုံး အပစ်ခတ် ရပ်စဲရေးစာချုပ်မူကြမ်း (NCA) ကို အစိုးရ နှင့် တစ်နိုင်ငံလုံး အပစ်ရပ် ညှိနှိုင်းရေးအဖွဲ့ (NCCT) တို့ ဆွေးနွေးနေရာ မတ်လ ၃၀ ရက်တွင် စာချုပ်ပါ အချက်အားလုံး သဘောတူညီမှု ရရှိခဲ့ပြီ ဖြစ်သည်။

ကချင်ပြည်နယ်နှင့် ရှမ်းပြည်နယ်မြောက်ပိုင်းတွင် အစိုးရနှင့် တိုင်းရင်းသား လက်နက်ကိုင် အဖွဲ့အစည်း တို့အကြား နှစ်ဘက် ကိုယ်စားလှယ်များ တွေ့ဆုံ ဆွေးနွေးနေချိန်တွင် မြေပြင်တိုက်ပွဲသာမက ဝေဟင် စစ်ဆင်ရေးများပါ တိုးမြင့်လာသဖြင့် တိုက်ပွဲများ ရပ်တန့်ရန် ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ (UNFC) က မတ်လ ၂၈ ရက်က သဘောထားထုတ်ပြန်ခဲ့သည်။

ပြည်တွင်း စီးပွားရေး ကုမ္ပဏီ ၁၀ဝ ၏ ပွင့်လင်းမြင်သာမှု MCRB သုတေသနပြုမည်

မေစိုးစံ

မြန်မာနိုင်ငံ၌ လူသိများ ထင်ရှားသော ပြည်တွင်းနာမည်ကျော် ကုမ္ပဏီ ၁၀ဝ ၏ စီးပွားရေး လုပ်ငန်းများတွင် ပွင့်လင်းမြင်သာမှု မည်မျှရှိသည်ကို သုတေသန ပြုလုပ်ရန်ရှိကြောင်း မြန်မာ့စီးပွားရေး အထောက်အကူပြုဌာန (MCRB) မှ တာဝန်ရှိသူ ဒါရိုက်တာ ဗစ်ကီဘိုမန်းက ပြောဆိုသည်။

ပြည်တွင်းအခွန်များ ဦးစီးဌာနမှ ထုတ်ပြန်သော ဝင်ငွေခွန်နှင့် ကုန်သွယ်ခွန် အများဆုံး ပေးဆောင်သော ကုမ္ပဏီ ၁၀ဝ ကို အခြေခံ ရွေးချယ်၍ သုတေသန ပြုလုပ်မည်ဖြစ်ပြီး သုတေသန ပြုလုပ်ရာတွင် အာဂတိ လိုက်စားမှု တိုက်ဖျက်ရေး၊ အဖွဲ့အစည်းဆိုင်ရာ ပွင့် လင်းမြင်သာမှု၊ လူအခွင့်အရေး လေးစားလိုက်နာမှု၊ ကျန်းမာရေး၊ လုံခြုံစိတ်ချရမှုနှင့် ပတ်ဝန်းကျင်အပေါ် သက်ရောက်မှုများကို စစ်တမ်းကောက် ယူသွားမည် ဖြစ်ကြောင်း သိရှိရသည်။

“ဥပမာ ဇေကမ္ဘာ၊ ယုဇန၊ ရွှေသံလွင် ဝက်ဘ်ဆိုက် အခုချိန်ထိ မရှိသေးပါဘူး။ ဒါကြောင့်မို့လို ခရိုနီကုမ္ပဏီနဲ့ ပတ်သက်ပြီး ပြောရရင် ပွင့်လင်းမြင်သာမှုရှိတဲ့ ကုမ္ပဏီလည်း ရှိတဲ့သူရှိတယ်။ အပြောင်းအလဲရှိမလား ကြည့်ချင်တယ်။ ဒီနှစ်လုပ်တဲ့ အစီရင်ခံစာက ဝက်ဘ် ဆိုက်ပေါ်မှာပဲ မူတည်တယ်။ ဝက်ဘ်ဆိုက်မရှိရင် သုညပဲ ရမယ်။ ပွင့်လင်းမြင်သာတဲ့ ကုမ္ပဏီတခု ဖြစ်မယ်ဆိုရင် ဝက်ဘ်ဆိုက်တခု ရှိရပါမယ်။ ဒီကိစ္စက အရေးကြီးပါတယ်”ဟု ဒါရိုက်တာ ဗစ်ကီဘိုမန်းက ဆိုသည်။

ပြည်တွင်းကုမ္ပဏီ အများစုသည် စစ်အစိုးရ လက်ထက်တွင် တည်ထောင်ခဲ့ခြင်းဖြစ်ပြီး စစ်ဗိုလ်ချုပ်ကြီးများနှင့် ရင်းနှီးသော ဆက်ဆံ ရေး ထူထောင်၍ စီးပွားရေး လုပ်ကိုင်ခွင့်များရရှိကာ ကြွယ်ဝချမ်းသာ လာခြင်းဖြစ်ကြောင်း၊ ကုမ္ပဏီအများစုသည် ပွင့်လင်းမြင်သာ မှု နည်းပါးပြီး ၄င်းတို့လုပ်ကိုင်သော စီးပွားရေး လုပ်ငန်းများကို လူသိမခံဘဲ တိုးတိုးတိတ်တိတ် လုပ်ဆောင်လေ့ရှိသည့် ဓလေ့ရှိခဲ့ကြောင်း၊ ပြည်တွင်းကုမ္ပဏီ အများစုသည် အွန်လိုင်းနှင့် ရင်းနှီးကျွမ်းဝင်မှုမရှိဘဲ လုပ်ကိုင်သော စီးပွားရေးလုပ်ငန်းများကို ကုမ္ပဏီ၏ ဝက်ဘ်ဆိုက်တွင် တင်ထားပေးသည့် အလေ့အထလည်း နည်းပါးကြောင်း ရန်ကုန်စီးပွားရေး အသိုင်းအဝိုင်းက ဆိုသည်။

နယူးဒေး စွမ်းအင်အုပ်စု ကုမ္ပဏီမှ လက်ထောက်မန်နေဂျာ ဦးမြသန်းဝင်းက “ကျနော်တို့က ဝက်ဆိုက်တင်ထားတာတော့ ရှိပါတယ်။ ဒါပေမယ့်လည်း ဒီထဲကို လေ့လာတဲ့သူ နည်းပါတယ်။ ကျနော်တို့ ကိုယ်တိုင်တောင်မှ ဝက်ဘ်ဆိုက်နဲ့ အထိအတွေ့ သိပ်မရှိပါဘူး။ စွမ်းအင်ဝန်ကြီးဌာနမှာတောင် ဝက်ဘ်ဆိုက်က ဖွင့်လို့ရတာရှိတယ်၊ ဖွင့်လို့မရတာ ရှိတယ်။ အထိအတွေ့ နည်းကြပါတယ်” ဟု ပြောသည်။

MCRB အနေဖြင့် ကုမ္ပဏီများ၏ ပွင့်လင်းမြင်သာမှု စစ်တမ်းပြုလုပ်ပြီးပါက ရရှိသော အချက်အလက်များအား ကုမ္ပဏီများကို အသိ ပေးသွားမည်ဖြစ်ပြီး ၊ ကနဦးတွေ့ရှိချက်များကို ဧပြီ၊ မေလများတွင် စတင် အသိပေးသွားပြီး နောက်ဆုံးတွေ့ရှိချက် ရလဒ်များကို ၂၀၁၅ ခုနှစ် ဇူလိုင်လတွင် ထုတ်ပြန်သွားမည် ဖြစ်ကြောင်း သိရှိရသည်။

အများပြည်သူ၊ အရပ်ဘက် အဖွဲ့အစည်းများနှင့် ကုမ္ပဏီများ အနေဖြင့်လည်း ကုမ္ပဏီများနှင့် ပတ်သက်သော တိုင်ကြားချက်များကို ဧပြီလ ၃၀ ရက်နေ့ မတိုင်ခင် MCRB သို့ ပေးပို့နိုင်သည်ဟု ဆိုသည်။

MCRB က ပြုလုပ်ခဲ့သော ၂၀၁၄ ခုနှစ် စစ်တမ်းမှု စစ်တမ်းတွင် ရမှတ်အမြင့်ဆုံး အနေဖြင့် ကမ္ဘောဇ၊ ပါရမီ စွမ်းအင်အုပ်စု ၊ မက်စ်မြန်မာတို့မှ ရရှိခဲ့ပြီး ရမှတ်လုံးဝ မရရှိသည့် စာရင်းတွင် အေရှားဝေါလ်၊ ဧဒင်၊ မြန်မာဩဘာအုပ်စု၊ ရွှေသံလွင်၊ ယုဇန၊ ဇေကမ္ဘာနှင့် စစ်တပ်ပိုင် လုပ်ငန်းစုနှစ်ခုဖြစ်သည့် စီးပွားရေး ဦးပိုင် လီမိတက်(UMEHL) နှင့် မြန်မာ့စီးပွားရေး ကော်ပိုရေးရှင်း (MEC) တို့ ပါဝင်ခဲ့ ကြောင်း သိရှိရသည်။

သင်္ကြန်ရက်အတွင်း ပြည်သူ့ရင်ပြင်ကို လုံခြုံရေး ၂ဆ တိုးမြှင့်


အမြန်လမ်းတွင် ယာဉ်တိုက်မှု ဖြစ်ပွား၊ လူ သုံးဦးသေဆုံး၊ ၂၁ ဦးဒဏ်ရာရ

ကျော်စိုးမိုး

ရန်ကုန်-မန္တလေး အမြန်လမ်းပေါ်တွင် ယာဉ်တိုက်မှုဖြစ်ပွားပြီး လူသုံးဦး သေဆုံးကာ၊ ၂၁ ဦး ဒဏ်ရာ ရရှိခဲ့သည့် ဖြစ်စဉ်တစ်ခု မတ် ၂၈ ရက်၊ ညနေ ၄ နာရီ ခန့်က ဖြစ်ပွားခဲ့သည်ဟု မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

ဖြစ်စဉ်မှာ နေပြည်တော်မှ ရန်ကုန်သို့ ဧရာဝတီတိုင်း၊ သာပေါင်းမြို့နယ်တွင် နေထိုင်သည့် ဒေါ်နီလာထွန်း မောင်းနှင်လာသည့် စူပါကာစတန် ယာဉ်သည် ပဲခူးတိုင်း၊ ရေတာရှည်မြို့နယ်၊ ရန်ကုန်-မန္တလေးအမြန်လမ်း၊ မိုင်တိုင်အမှတ် (၁၇၄/၁-၂) ကြားအရောက် ရှေ့မှ မွန်ပြည်နယ်၊ မော်လမြိုင်မြို့နယ်တွင် နေထိုင်သူ ဦးမင်းစိုး မောင်းနှင်သည့် လိုက်ထရပ်ယာဉ်ကို အရှိန်မထိန်းနိုင်ဘဲ နောက်မှ ဝင်တိုက်မိခဲ့ခြင်း ဖြစ်သည်။

ထိုသို့တိုက်မိခဲ့သဖြင့် နှစ်စီးစလုံး တိမ်းမှောက်သွားခဲ့ပြီး လိုက်ထရပ်ယာဉ်ပေါ်မှ အမျိုးသားတစ်ဦးနှင့် အမျိုးသမီးတစ်ဦးမှာ အခင်းဖြစ်နေရာ၌ သေဆုံးသွားပြီး နောက်အမျိုးသမီးတစ်ဦးမှာ နေပြည်တော် ခုတင် (၁၀၀၀) ဆေးရုံတွင် ကုသမှုခံယူနေစဉ် မတ် ၂၉ ရက်က နံနက်ပိုင်းတွင် သေဆုံးသွားခဲ့သည်။

ထို့ပြင် စူပါကာစတန် ယာဉ်မောင်းနှင့် လိုက်ထရပ်ပေါ်မှ ယာဉ်မောင်းအပါအဝင် စုစုပေါင်း ၂၁ ဦးမှာ ဒဏ်ရာရရှိခဲ့ပြီး နေပြည်တော်ခုတင် (၁၀၀၀) ပြည်သူ့ဆေးရုံတွင် တက်ရောက်ကုသမှု ခံယူနေရသည်ဟု ရဲမှတ်တမ်းများတွင် ဖော်ပြထားသည်။

အဆိုပါဖြစ်စဉ်နှင့် စပ်လျဉ်း၍ စူပါကာစတန် ယာဉ်မောင်း ဒေါ်နီလာထွန်းကို သာဂရအမြန်လမ်းမကြီး ရဲစခန်းက ယာဉ်(ပ) ၅/၂၀၁၅၊ ပြစ်မှုပုဒ်မ ၃၀၄-က/ ၃၃၈/၃၃၇ ဖြင့် အမှုဖွင့် စစ်ဆေးလျက်ရှိသည်ဟု သတင်းထုတ် ပြန်ထားသည်။

ရပ်ရွာတွင်းစစ်ရေးလှုပ်ရှားမှုကြောင့် ဒေသခံ ထောင်ချီ မြို့တွင်းသို့ တိမ်းရှောင်

သျှမ်းသံတော်ဆင့်/ စိုင်းလုံ

သျှမ်းပြည် မြောက်ပိုင်း နမ့်ခမ်း မြို့နယ် တောင်ပေါ် ဒေသရှိ တအာင်း လူမျိုး အများစု နေထိုင်သော ကျေးရွာများ အတွင်း အစိုးရ စစ် တပ်နှင့် တိုင်းရင်းသား လက်နက်ကိုင် တပ်ဖွဲ့များ စစ်ရေး လှုပ်ရှားမှု ကြောင့် ဒေသခံ ရွာသား ထောင်ချီ နေရပ်မှ ထွက်ပြေး တိမ်းရှောင် ခဲ့ရကြောင်း ဒေသတွင်း သတင်းမှ စုံစမ်း သိရှိ ရသည်။

နေရပ်မှထွက်ပြေးတိမ်းရှောင်လာသူများသည် နမ့်ခမ်းမြို့အတွင်းရှိ နီးစပ်ရာဆွေမျိုးအိမ်များနှင့် ဟိုနားကျေးရွာ ဘုန်းကြီးကျောင်းသို့ တည်းခိုနေခဲ့ကြကြောင်း၊ သက်ဆိုင်ရာစာပေယဉ်ကျေးမှုအဖွဲ့နှင့် ဒေသတွင်း အလှူရှင် များက ထောက်ပံ့ကျွေးမွေးမှုပေးနေကြောင်း အမည်မဖော်လိုသော ဟိုနား ကျေးရွာသူ တစ်ဦးကဆိုသည်။

“သူတို့ မတ်ခ်ျလ၂၄ ရက်နေ့ကစပြီး တိမ်းရှောင်လာကြတယ်၊ ကျမတို့ ဟိုနားဘုန်းကြီးကျောင်းကို ၂၄ ရက်က ၁၃၀ ဦး၊ ၂၅ ရက်နေ့မှာ ၂၀၈ ဦး ၊၂၆ ရက်နေ့က ၁၇၇ ဦး အားလုံးစုစုပေါင်း ၅၁၅ ဦးရောက်နေ တယ်၊ တခြား ဆွေမျိုးတွေအိမ်ကိုသွားတည်းခိုနေတဲ့သူတွေပါ ပေါင်းလိုက်ရင် ၂၀၀၀ ၀န်းကျင်လောက် ရှိပါမယ်။ ဘုန်းကြီး ကျောင်း မှာရောက်နေသူတွေအတွက် ချက်ပြုတ် ကျွေးမွေးဖို့အတွက်တော့ ကျမတို့ ရွာကပဲတာဝန်ယူ နေပါ တယ်ရှင့် ” ဟု ၄င်းက သျှမ်းသံတော်ဆင့် အားဆိုသည်။

တိုက်ပွဲဖြစ်ပွါးမှုကြောင့်ထွက်ပြေးခြင်းမဟုတ်ကြောင်း ယခု သတင်းရေးသားနေချိန်၌ စစ်ဘေးရှောင် တချို့ နေရပ်သို့ပြန်သွားနေကြပြီဖြစ်ကြောင်းသိရသည်။

နရပ်မှ ထွက်ပြေးတိမ်းရှောင်လာသူတစ်ဦးဖြစ်သော မိုင်းထွန်းထွန်း က“ တိုက်ပွဲပြင်းထန်လို့ ထွက်ပြေး လာတာ မဟုတ်ပါဘူး ၊ ကျနော်တို့ ရွာထဲမှာက အစိုးရစစ်တပ်လှုပ်ရှားနေပြီး ရွာအပြင်ဘက်မှာတော့ တိုင်းရင်းသား လက် နက်ကိုင်တပ်ဖွဲ့တွေ ရှိနေလို့ တိုက်ပွဲဖြစ်လာနိုင်ခြေများတဲ့ အခြေအနေကြောင့် ထိပ်လန့်ပြီး နေရပ်ကနေ ထွက်ပြေးလာရပါတယ် ” ဟု ၄င်းကဆိုသည်။

စစ်ရေးလှုပ်ရှားမှုကြောင့် ထိပ်လန့်ထွက်ပြေးတိမ်းရှောင်လာကြသောရွာများမှာ မန့်ကောင်း၊မန့်ကန်၊ ကောင်းဝိုင်း၊ အွယ်လော၊ မန့်စန်း၊ ပန်ခါး၊ နမ့်ဆီးရီး စသောကျေးရွာများဖြစ်ပြီး ထိုဒေသ၌ အစိုးရ တပ်မ(၈၈)၊ ဌာနေ ပြည်သူ့စစ်တပ်များ၊ ကချင်လွတ်မြောက်ရေးတပ်မတော် KIA ၊ သျှမ်းပြည်တိုးတက် ရေး ပါတီနှင့် သျှမ်း ပြည်တပ်မတော် SSPP/SSA နှင့် တအာင်းလွတ်မြောက်ရေးတပ်မတော်TNLAတို့ လှုပ်ရှားရာ ဒေသများဖြစ် နေကြ သည်ဟု ဒေသခံများထံမှသိရှိရ သည်။

ငွေကြေးဖောင်းပွမှုဟာ ဆင်းရဲမွဲတေမှုလျှော့ချရေးကို ထိခိုက်စေ


ငြိမ်းချမ်းရေး သဘောတူညီချက်များအပေါ် အမြတ်မထုတ်ရန် တပ်မတော်ပိုင် မြဝတီသတင်းစာတွင် မူဝါဒအဖြစ် ဖေါ်ပြ

မဇ္ဈိမ

တပ်မတော်နှင့် တိုင်းရင်းသားလက်နက်ကိုင်များအကြား ငြိမ်းချမ်းရေး ဆွေးနွေးပွဲများ ပြုလုပ်နေသည့် တစ်ချိန်တည်းတွင် ငြိမ်းချမ်းရေး သဘောတူညီချက်များအပေါ် အမြတ်မထုတ်ရန်နှင့် သဘောတူ စာချုပ်များအတိုင်း ကတိတည်ရန် အချက်များပါဝင်သည့် ငြိမ်းချမ်းရေး မူဝါဒ ၆ ရပ်ကို တပ်မတော်ပိုင် မြဝတီသတင်းစာတွင် မတ်လ ၃၀ ရက်က ဖေါ်ပြပါရှိသည်။

ငြိမ်းချမ်းရေးနှင့် ပတ်သက်သည့်၍ မူဝါဒ ၆ ရပ်ဟု ဖေါ်ပြထားပြီး ထာဝရ ငြိမ်းချမ်းရေး ရယူရန်အတွက် အမှန်တကယ်ဆန္ဒရှိရန်ဟူသည့် အချက်ကို ပထမဆုံး အချက် တစ်ချက်အဖြစ်ဖေါ်ပြထားသည်။

သဘောတူ စာချုပ်များအတိုင်း ကတိတည်ရန်၊ ငြိမ်းချမ်းရေး သဘောတူညီချက်များအပေါ် အမြတ်မထုတ်ရန်၊ ဒေသခံ ပြည်သူများအပေါ် ဝန်ထုပ်ဝန်ပိုး မဖြစ်စေရန်တို့ကိုလည်း ဖေါ်ပြထားသည်။

နိုင်ငံတော်က ထုတ်ပြန်ထားသည့် တည်ဆဲ ဥပဒေများကို လိုက်နာရန်ကိုလည်း မူဝါဒ အမှတ်စဉ် ၅ အဖြစ်ဖေါ်ပြထားကာ ဒို့တာဝန် အရေးသုံးပါးနှင့် ဒီမိုကရေစီ အနှစ်သာရကို လက်ခံပြီး ဖွဲ့စည်းပုံ အခြေခံဥပဒေဖြင့် ဒီမိုကရေစီ လျှောက်လှမ်းနေမှုတွင် လိုက်ပါ ဆောင်ရွက်ရန်ဟူသည်ကို မူဝါဒ အမှတ်စဉ် ၆ အဖြစ် ဖေါ်ပြထားသည်။

မတ်လ ၂၇ ရက်တွင် ကျရောက်သည့် နှစ် ၇၀ ပြည့် တပ်မတော်နေ့ ဦးတည်ချက်များတွင်မူ အင်အားတောင့်တင်းပြီး စွမ်းရည် ထက်မြက်မြင့်မားသော ခေတ်မီတပ်မတော် တည်ဆောက်ရန်၊ နိုင်ငံဖွံ့ဖြိုးရေးအတွက် ပြည်သူလူထုနှင့် လက်တွဲပူးပေါင်းဆောင်ရွက်ရန် ဒို့တာဝန်အရေးသုံးပါးကို ထိန်းသိမ်းကာကွယ်ရန်တို့ ပါဝင်သည့် ဦးတည်ချက် လေးရပ်ကို ဖေါ်ပြထားသည်။ သို့သော် ငြိမ်းချမ်းရေးနှင့် ပတ်သက်သည့် ဦးတည်ချက် မပါရှိပေ။

တိုက်ခိုက်မှုရပ်စဲရေးစာချုပ်မူကြမ်း ပဏာမ သဘောတူလက်မှတ်ထိုး


ကိုနန္ဒစစ်အောင် လက်ပံတန်းတွင် ရုံးထုတ် ရမန်ယူ

နော်နိုရင်း

ပြီးခဲ့တဲ့ သီတင်းပတ်က ရန်ကုန်မှာ ဖမ်းဆီးခံခဲ့ရတဲ့ သပိတ်မှောက် ကျောင်းသား ခေါင်းဆောင်တဦးဖြစ်သူ ကိုနန္ဒစစ်အောင်ကို လမ်းမတော် ရဲအချုပ်မှာ ဖမ်းထားရာက ဒီကနေ့ လက်ပံတန်းမြို့နယ်ရဲစခန်းကို လွှဲပေးလိုက်ပြီး တရားရုံးထုတ် ရမန်ယူခဲ့ပါတယ်။

သူ့ကို တခြားကျောင်းသားခေါင်းဆောင်တွေနဲ့အတူ စွဲထားတဲ့ အမှုတွေနဲ့ ဖမ်းဝရမ်း ထုတ်ထားချက်အရ ဖမ်းဆီးတာဖြစ်ပြီး ဒီကနေ့ လက်ပံတန်းမြို့နယ်တရားရုံးမှာ ရုံးထုတ် ရမန်ယူခဲ့တယ်လို့ လက်ပံတန်းမြို့နယ်ရဲစခန်းက ရဲအရာရှိတဦးက ဒီဗွီဘီကို ပြောပါတယ်။

“နန္ဒစစ်အောင်ကို ဒီနေ့ တရားရုံးမှာ ရုံးထုတ် ရမန်ယူတယ်။ သူ့ကို ပြီးရင်တော့ သာယာဝတီထောင်ကို ပို့မှာပေါ့။”

သူ့ကိုအလိုရှိတဲ့အတွက် ရန်ကုန်ကနေတဆင့် လွှဲပေးလိုက်တာဖြစ်ပြီး ရန်ကုန်မှာဆန္ဒပြမှုနဲ့ ပတ်သက်လို့တော့ ရန်ကုန်ဘက်က ဘယ်လို အရေးယူမလဲဆိုတာ မသိရဘူးလို့လည်း ရဲအရာရှိက ပြောပါတယ်။

ကိုနန္ဒစစ်အောင်ကို လက်ပံတန်းမှာ ရုံးမထုတ်ခင် ဒီမနက် အစောပိုင်းက ကမာရွတ်မြို့နယ်တရားရုံးမှာ ရုံးထုတ်မယ်လို့ သတင်းကြားတဲ့အတွက် သွားတဲ့အချိန်မှာ ကမာရွတ်မှာ မထုတ်ဘဲ မင်္ဂလာဒုံရဲစခန်းဆီ ခေါ်ဆောင်သွားခဲ့ကြောင်းနဲ့ နောက်ပိုင်း ဘယ်ကို ခေါ်သွားမှန်းမသိရဘူးလို့ ကိုနန္ဒစစ်အောင်ရဲ့ မိခင် ဒေါ်မြင့်မြင့်သန်းက ပြောပါတယ်။

“မနက်တုန်းက ကမာရွက်မှာ ရုံးထုတ်မယ်ဆိုလို့ ၁၀ နာရီက ကျမတို့က ကမာရွတ်ကို ရောက်နေတာလေ။ ၁၂ နာရီလောက်လည်းကျရော ကိုနန္ဒစစ်အောင်ကိုတဲ့ မင်္ဂလာဒုံကို ခေါ်သွားပြီးလို့ ကြားတော့ ကျမတို့က မင်္ဂလာဒုံကို လိုက်တာပေါ့နော်။ လိုက်သွားတော့ ကားက ကျပ်နေတော့ ကျမတို့ စော်ဘွားကြီးကုန်းဘဲရောက်သေးတယ်။ ဟိုဘက်က မိနစ် ၂၀ ပဲ မင်္ဂလာဒုံရဲစခန်းမှာ ထားပြီးတော့ အခု ကိုနန္ဒစစ်အောင်ကို ဘယ်ကိုခေါ်သွားမှန်း မသိဘူး။”


ကိုနန္ဒာစစ်အောင်၊ ကိုရှိန်းရာဇာထွန်း၊ ကိုအောင်လေး (ခ) အောင်ထက်အောင် တို့ ၃ ဦးကို မတ်လ၂၇ ရက်နေ့ တော်လှန်းရေးနေ့က သာယာဝတီထောင်မှာ အကြမ်းဖက် ဖမ်းဆီးခံနေရတဲ့ သပိတ်မှောက် ကျောင်းသားတွေ ပြန်လွှတ်ပေးဖို့ သိမ်ကြီးဈေးအနားမှာ ဆန္ဒပြအပြီးမှာ ဖမ်းဆီးခံ ရတာပါ။

ဖမ်းဆီးခံရတဲ့နေ့မှာပဲ ကိုရှိန်းရာဇာထွန်း၊ ကိုအောင်လေး (ခ) အောင်ထက်အောင်တို့ နှစ်ယောက်ကို ပန်းဘဲတန်းတပ်ဖွဲ့က ပုဒ်မ ၁၈ နဲ့ အမှုဖွင့်ပြီးနောက် ပြန်လွှတ်ပေးခဲ့ပါတယ်။ ကိုနန္ဒစစ်အောင်ကိုတော့ လမ်းမတော်ရဲ စခန်းအချုပ်ခန်းမှာ ချုပ်နှောင်ပြီး ဒီနေ့ လက်ပံတန်းမှာ ရုံးထုတ်ပြီး သာယာဝတီထောင်ကို ပို့ ဆောင်တာပါ။

ဒီကနေ့မနက် လမ်းမတော်ရဲစခန်းအချုပ်ခန်းမှာ ရှိနေစဉ် သူ့ကို အမှုတွေများကြီးနဲ့ အမှုဖွင့်ခံထားရတဲ့ပေါ် ကိုနန္ဒစစ်အောင်က “ကျနော်တို့ ၂၄ ရက်နေ့က ကြိုတင်သဘောတူညီချက်မှာ လက်မှတ်ထိုးထားတာရှိ တယ်ဗျာ။ အစိုးရ ၀န်ကြီးတယောက် ထိုးထားတဲ့လက်မှတ် ရှိတယ်ဗျာ။ အဲဒါလည်း တရားဥပဒေဆိုင်ရာ ပြဿ နာ ရှိတယ်။ ကျနော်တို့မြင်က ငြိမ်းချမ်းရေးဆိုင်ရာ ကိစ္စတွေ ရှိတယ်ဗျာ။ အခု နိုင်ငံရေးနည်းလမ်အရ အဖြေရှာကြတယ်။ အဖြေရှာတဲ့အခါကျတော့ နိုင်ငံရေးနည်းလမ်းနဲ့ အဖြေရှာတဲ့ဖက်ကိုပဲ ငြိမ်းချမ်းစွာဖြေရှာမလား သို့မဟုတ် ဥပဒေအရအရ အပြစ်ပေးမလားပေါ့။ အဲဒါဆိုရင်တော့ သေချာတယ်။ ဟိုဘက်ကကိစ္စတွေတော့ ပြဿ နာ ရှိလာတယ်။ ဒါကတော့ ငြိမ်းချမ်းစွာ ညှိနှိုင်းအဖြေရှာတဲ့ ဒီမိုကရေစီခတ်ရဲ့ ပုံစံသွားမှာလား ဒါမှမဟုတ်ရင် အရင်ခေတ်ပုံစံသွားမှာ လားပေါ့။ ကျနော်တို့ လမ်းဆုံလမ်းခွ ရောက်နေတယ်လို့ ကျနော် ပြောချင်ပါတယ်။”လို့ ပြောပါတယ်။

အမျိုးသားပညာရေးဥပဒေကို သပိတ်မှောက်ဆန္ဒပြရာမှာ ပါဝင်တဲ့ ကျောင်းသားခေါင်းဆောင် ကိုအောင်မှိုင်းဆန်း၊ ကိုမင်းသွေးသစ်အပါအဝင် ကျောင်းသားတွေနဲ့ ဝန်းရံသူ ၆၉ ဦးကို မတ်လ ၂၅ ရက်နေ့က လက်ပံတန်းမြို့နယ်တရားရုံးမှာ ပုဒ်မ ၅ ခုနဲ့ တရားရုံးတင်ခဲ့ပါတယ်။

ဒီအမှုတွေနဲ့ပတ်သက်ပြီး ကိုကျော်ကိုကို၊ ကိုရဲရင့်ကျော်၊ ကိုနန္ဒစစ်အောင် နဲ့ ကိုမြတ်သူ ၄ ဦးကို တရားခံပြေးအဖြစ် သတ်မှတ်ထားရာ ကိုနန္ဒစစ်အောင်ကို ဖမ်းဆီးမိခဲ့တာဖြစ်ပါတယ်။

ကျောင်းသားတွေတရားစွဲခံရတာနဲ့ပတ်သက်ပြီး နန္ဒစစ်အောင်ရဲ့ ဖခင် ဦးဌေးက “အစိုးရက အရင်တုန်းက အရေးမယူပါဘူးဆိုပြီး ကတိတွေ ပေးထားတာ။ ကတိတွေ ချိုးဖောက်ပေါ့။ အခုအရေးယူတာရိုးရိုးအရေးယူတာမဟုတ်ဘူး ရိုက်နှက်ဖြိုခွဲအရေးယူတာ။ အမှုတွေ ပုဒ်မတွေကလည်း အများကြီးပဲပေါ့နော်။ ဆိုတော့ ကျောင်းသားတွေအပေါ်မှာထားတဲ့ စစ်တပိုင်းအစိုးရနဲ့တပ်မတော်က အာဃာတတွေကြီးမားတယ်ဆိုတာ ထင်ရှားတာပေါ့နော်။ ကျနော်တို့ ပြည်သူတွေ၊ ကျောင်းသားတွေ၊ တိုင်းရင်းသားတွေကတော့ အမျိုးသားပြန်လည်သင့်မြတ်ရေးကို မျှော်လင့်ပြီးတော့ ဘာပဲဖြစ်ဖြစ် ၂၀၀၈ ဖွဲ့စည်းပုံဘောင်အတွင်းမှာ ရွေးကောက်ပွဲတွေဝင်ဖို့ ပြင်ဆင်နေကြတဲ့ကာလမှာ သူဘက်ကတော့ ပြတ်သားပါတယ်။ ပြည်သူတွေကို အုပ်ချုပ်ခံအနေနဲ့ပဲ ဖိနှိပ်နေတာ။ အဲဒါကို အားလုံး သိဖို့လိုပါတယ်။”

ကိုနန္ဒာစစ်အောင်ဟာ ၂၀၀၃ ခုနှစ်ကလည်း ဗကသများအဖွဲ့ချုပ်ပြန်လည်ဖွဲ့စည်းဖို့ ကြိုးစားခဲ့တဲ့အတွက် ထောင်ဒဏ် အနှစ် ၂၀ အချခံရပြီး၊ ၂၀၁၂ ခုနှစ်မှာ ပြန်လွတ်လာခဲ့တာ ဖြစ်ပါတယ်။

ဖမ်းဆီးခံ ကျောင်းသားများကို ချက်ခြင်းလွှတ်ရန် အမေရိကန် တောင်းဆို


သုံးနှစ်ကြာ ဆွေးနွေးခဲ့ရသည့် တစ်နိုင်ငံလုံးအပစ်ရပ်စာချုပ်ပါအချက်အားလုံး သဘောတူညီမှုရပြီ၊ စာချုပ်ချုပ်မည့်ကာလကိုမူ မသတ်မှတ်ရသေး

ကေဇူး

တစ်နိုင်ငံလုံးအတိုင်း အတာဖြင့် အပစ်အခတ်ရပ်စဲရေးချုပ် လက်မှတ်ရေးထိုးနိုင်ရန် အစိုးရ၏ ငြိမ်းချမ်းရေးဖော်ဆောင်မှု လုပ်ငန်းကော်မတီ (UPWC) နှင့် (NCCT)တို့ ဆွေးနွေးလျှက်ရှိသည့် အပစ်အခတ်ရပ်စဲရေးဆိုင်ရာ သဘောတူညီမှုစာချုပ်ပါ အချက်များကို မတ်လ ၃၀ ရက်ကသဘောတူညီမှု ရရှိခဲ့သည်။

ခြောက်ကြိမ်မြောက် ဆွေးနွေးမှုတွင် သဘောတူညီမှု ရရှိခဲ့ခြင်းဖြစ်ပြီး ပြီးခဲ့သည့်ကာလ အတွင်းက တစ်ဆို့ခဲ့သော “ကြားကာလ” အစီအစဉ်အပါအဝင် အချက်လေးချက်ကို အပြီးသတ်ဆွေးနွေးနိုင်ခဲ့ခြင်းဖြစ်သည်။

အချက်အားလုံးပြေလည်သွားပြီးဖြစ်သော်လည်း စာချုပ်ကို မည့်သည့်အချိန်တွင် လက်မှတ်ရေးထိုးမည်ကိုမူ သတ်မှတ်ထားခြင်းမရှိသေးပေ။

“ကြားကာလမှာ အန်ကယ်တို့ တပ်တွေရဲ့တည်ရှိမှုကို အသိအမှတ်ပြုမယ်၊ အချို့ကိစ္စလေးတွေကိုလည်း ပူးပေါင်းဆောင်ရွက်မယ် ဆိုတဲ့သဘောတူညီမှုမျိုးရခဲ့တယ်”ဟု NCCT ပထမ ခေါင်းဆောင် နိုင်ဟံသာ ကပြောသည်။

အပစ်အခတ်ရပ်စဲရေးချုပ်ပါ အခန်း(၇)ခန်း၊ အပိုဒ် (၃၃)ပိုဒ်နှင့် အပိုဒ်ငယ်၈၆ ပိုဒ်ကို ဆွေးနွေးနိုင်ခဲ့ခြင်းဖြစ်သည်။ စာချုပ်ပါ အချက်များနှင့် ပတ်သက်၍ အစိုးရ၏ သဘောထားကို MPC ၏ အကြီးတန်းအကြံပေး ဦးလှမောင်ရွှေက “ဆွေးနွေးနေစဉ်မှာပဲ တပ်မတော်ဘက်ကရော၊ဝန်ကြီးဦးအောင်မင်းတို့ ပြည်ထောင်စုအစိုးရ ဘက်ကရော လူကြီးတွေကို တင်ပြပြီး သဘောတူညီမှုရယူပြီးဖြစ်တဲ့အတွက် ကျွန်တော်တို့ပြည်ထောင်စု အစိုးရဘက်က ဒီစာချုပ်အတိုင်း လက်မှတ်ရေးထိုးနိုင်ဖို့ အသင့်ဖြစ်နေပါပြီ"ဟု ပြောသည်။

သို့သော် တိုင်းရင်းသား လက်နက်ကိုင်များကမူ တိုင်းရင်းသားလက်နက်ကိုင် အားလုံးပါဝင်သော ညီလာခံ တစ်ခုခေါ်ယူ၍ စာချုပ်ပါအချက်များကို ညှိနှိုင်းရဦးမည်ဟု NCCT ပထမ ခေါင်းဆောင် နိုင်ဟံသာက ပြောသည်။

“တိုင်းရင်းသားတွေဘက်က ၉၅ရာခိုင်နှုန်းလောက် တိကျမှု ရှိတယ်လို့ပြောနိုင်တယ်။ ဒါပေမယ့် စာချုပ်မှာ ဘယ်သူတွေ လက်မှတ်ထိုးမယ်ဆိုတာကို ပြန်ညှိနှိုင်းရဦးမှာ ဖြစ်ပါတယ်”ဟု နိုင်ဟံသာကပြောသည်။

အပစ်အခတ်ရပ်စဲရေး စာချုပ်မှ အချက်တစ်ချို့ဖြစ်သော လုံခြုံရေးဆိုင်ရာ ပြန်လည်ပေါင်းစည်းခြင်း နှင့် တပ်သားစုဆောင်းခြင်း စသော အချက်များကို နိုင်ငံရေးဆွေးနွေးပွဲများတွင် ဆွေးနွေးရန် သဘောတူညီလိုက်ခြင်းဖြစ်သည်။

စာချုပ်ပါ အချက်များ ဆွေးနွေးမှုအောင်မြင်သည့်အတွက် မတ်လ ၃၁ ရက်တွင် UPWC နှင့် NCCT တို့ လက်မှတ်ရေထိုးကြမည်ဖြစ်သည်။တစ်နိုင်ငံလုံးအတိုင်းအတာဖြင့် အပစ်အခတ်ရပ်စဲရေးစာချုပ် ချုပ်ဆိုနိုင်ရေးအတွက် အစိုးရ နှင့် တိုင်းရင်းသားလက်နက်ကိုင် အဖွဲ့တို့အကြား ဆွေးနွေးမှုမှာ သုံးနှစ်ကျော်ကြာမြင့်ခဲ့ပြီး ယနေ့ အချက်အားလုံး သဘောတူနိုင်ခဲ့ခြင်း ဖြစ်သည်။

လုပ်ခလစာကိစ္စ အလုပ်သမား အာမခံချက်တွေ ပေးဖို့လို


ဆက်သွယ်ရေးမိုဘိုးတိုင်များ ဧပြီလတွင် စတင်အသုံးပြုနိုင်တော့မည်

ဝေဝေအောင်

ကယားပြည်နယ်တွင် ဆက်သွယ်ရေးမိုဘိုင်းတိုင်များတည်ဆောက်ထားသည့်မြို့နယ်တိုင်းတွင် ဖုန်းလိုင်းများကို ဧပြီလတွင် အသုံးပြုနိုင်တော့မည်ဟု ပြည်နယ်ဆက်သွယ်ရေး မန်နေဂျာ ဦးစိုးစိုးက မတ်လ ၉ ရက်နေ့တွင် ပြောသည်။

“ဒီဖိုင်ဗာဆက်ကြောင်းတွေ ပြီးသွားလို့ရှိရင်တော့ ဆက်သွယ်ရေးတွေ ကောင်းသွားတော့မယ်လို့ပဲ ပြောချင်တယ်။” ဟု ဦးစိုးစိုးက ပြောသည်။

ယခင်က ၂၀၁၄ခုနှစ် စက်တင်ဘာလတွင် ဖုန်းလိုင်းများ အသုံးပြုနိုင်မည်ဟုဆိုထားသော်လည်း အသုံးမပြုနိုင်ရခြင်းမှာ ဆက်ကြောင်းများ စက်ပစ္စည်းများ မရောက်ရှိသေးခြင်းကြောင့်ဟု ဦးစိုးစိုးက ဆက်ပြောသည်။

ဒီးမောဆိုမြို့ ငွေတောင်မှ ဒေသခံ ကိုသုငယ်က “ဖုန်းခေါ်ဆိုစနစ်တွေကို ဒီထက်ကောင်းစေချင်တယ်။ ဖုန်းပြောဖို့ပြီးတော့ အခြားသတင်းအချက်အလက်တွေ ရယူဖို့အဆင်ပြေရင် ပိုကောင်းတာပေါ့ ↔ဟု ပြောသည်။

လက်ရှိကယားပြည်နယ်တွင် လွိုင်ကော်မြို့တခုတည်းဆက်သွယ်ရေးကောင်းပြီး ဒီးမော့ဆိုမြို့နယ်၊ ဖရူဆိုမြို့နယ်၊ မော်ချီး၊ ဖားဆောင်းမြို့နယ်နှင့် ဘောလခဲမြို့နယ်တို့တွင် ယခုမှလာမည့် ဧပြီလတွင်သာ မိုဘိုင်းတိုင်များ အသုံးပြုနိုင်မည်ဖြစ်သည်။

မယ်စဲ့မြို့နယ် ၊ ရွာသစ်မြို့နယ်ခွဲ ၊ ရှားတောမြို့နယ်တို့တွင်မူ လျှပ်စစ်မီးမရသေးသည့်အတွက် မိုဘိုင်းဖုန်းတိုင်များ မတည်ဆောက်နိုင်သေးကြောင်း အချိန်ကြာမြင့်နိုင်မည်ဖြစ်ကြောင်း သိရသည်။

ဖိုင်ဗာလိုင်းများပြီးစီးသွားပါက GSM ၊ CDMA သာမက တယ်လီနော အော်ရီဒူးဖုန်းလိုင်းများကို အသုံးပြုနိုင်မည်ဟု သိရသည်။

ရွေးကောက်ပွဲ ကော်မရှင်အဖွဲ့ဝင်တွေ ထပ်ခန့်ဖုို့ သမ္မတ သ၀ဏ်လွှာပုို့


ပစ်ရပ်ဆွေးနွေးပွဲသို့ လွတ်တော်သည် တိုင်းရင်းသားပြည်သူများ၏ ဆန္ဒနှင့်အညီဖြစ်ရန် ကြိုးပမ်းနေဟု သူရ ဦးရွှေမန်း သဝဏ်လွှာပို့

ယုဝေ

တစ်နိုင်ငံလုံး အပစ်ရပ်စဲရေး စာချုပ်လက်မှတ်ရေးထိုးနိုင်ရန် ရန်ကုန်မြို့ ငြိမ်းချမ်းရေးနှင့် ပြန်လည်ထူထောင်ရေး ဗဟိုဌာနတွင် ကျင်းပလျက်ရှိသည့် သတ္တမအကြိမ် ၇ ရက်မြောက် ဆွေးနွေးပွဲသို့ ပြည်သူ့လွှတ်တော် ဥက္ကဌ၊ ပြည်ထောင်စုလွှတ်တော် နာယက သူရရွှေမန်းက သဝဏ်လွှာပေးပို့ခဲ့ကာ လွှတ်တော်သည် တိုင်းရင်းသားများ တန်းတူညီမျှသော အခွင့်အရေး၊ ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဌာန်းခွင့်များကို တိုင်းရင်းသားပြည်သူများ၏ ဆန္ဒနှင့်အညီဖြစ်ရေး လွှတ်တော်များက ကြိုးပမ်းဆောင်ရွက်နေသည်ဟု ပါရှိသည်။

အပစ်ရပ်ဆွေးနွေးပွဲကို ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ (UPWC) နှင့် တစ်နိုင်ငံလုံး အပစ်အခတ် ရပ်စဲရေး ညှိနှိုင်းရေးအဖွဲ့ (NCCT) တို့ ဆွေးနွေးနေခြင်းဖြစ်ပြီး အပစ်ရပ်စာချုပ်ပါ အချက်များအနက်ကျန် ရှိနေသည့်အချက် လေးချက်ကို မတ်လ ၃၀ ရက်တွင် ပြုလုပ်သည့်ဆွေးနွေးပွဲတွင် ဆက်လက်ဆွေးနွေးမည်ဖြစ်သည်။

ယင်းဆွေးနွေးပွဲတွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ (UPWC) ဒုတိယ ဥက္ကဋ္ဌ သမ္မတရုံး ဝန်ကြီး ဦးအောင်မင်းက “၇ ကြိမ်မြောက်ဆွေးနွေးမှာ အဖွဲ့နှစ်ဖွဲ့ဟာ တစ်ဖွဲ့တည်းကဲ့သို့ ပူးပေါင်းဆွေးနွေးခဲ့လို့ ဒီလောက်များပြားတဲ့ အပစ်ရပ်စဲရေး အချက်တွေကို ဆွေးနွေးနိုင်ခဲ့တာ ဖြစ်ပါတယ်။ ကျန်တဲ့အချက်တွေက တစ်ဖွဲ့နဲ့တစ်ဖွဲ့ ပူးပေါင်းဆွေးနွေးရင် အောင်မြင်စွာနဲ့ ကျော်လွားနိုင်မယ်လို့ ယူဆပါတယ်” ဟု ပြောသည်။

ပြည်သူ့လွှတ်တော်ဥက္ကဌ ပေးပို့သည့် သ၀ဏ်လွှာတွင် လွှတ်တော်များအနေဖြင့် ငြိမ်းချမ်းရေးဖြစ်စဉ်များကို အထောက်အကူပြုစေမည့် လုပ်ငန်းစဉ်များဖြစ်သော ဒီမိုကရေစီ စနစ်ကို ပိုမိုပီပြင်စွာ ဖြစ်ထွန်းပေါ်ပေါက်စေရန် ကြိုးပမ်းဆောင်ရွက်လျှက်ရှိသည်ဟု ပါဝင်သည်။

NCCT ပထမခေါင်းဆောင် နိုင်ဟံသာက “ကျွန်တော်တို့ နားလည်မှုရရှိဖို့အတွက် တိုက်ပွဲတွေကို လျှော့ချဖို့လိုအပ်ပါတယ်။ တာဝန်ယူနေတဲ့ အချိန်ကာလမှာတစ်နိုင်ငံလုံးမှာ တိုက်ပွဲသံတွေ တည်ငြိမ်သွားပြီးတော့ နားလည်မှုရှိရှိနဲ့ လက်တွဲပြီးနိုင်ငံကို ထူထောင်သွားဖို့ တာဝန်ရှိပါတယ်။ ဒီတာဝန်ကို ကျွန်တော်တို့ ဖက်ကလည်း အတက်နိုင်ဆုံးကြိုးစားမယ်။ အစိုးရ ခေါင်းဆောင်းကြီးတွေဖက်ကလလည်း ကြိုးစားပြီးတော့ နိုင်ငံတည်ငြိမ် တိုးတက်အေးချမ်းအောင်ကြိုးစားဖို့တိုက်တွန်းချင်ပါတယ်” ဟု ပြောသည်။

တစ်နိုင်ငံလုံးပစ်ခတ် တိုက်ခိုက်မှုရပ်စဲရေး စာချုပ်( NCA) အတွက် ခုနစ် ကြိမ်မြောက် ညှိနှိုင်းဆွေးနွေးပွဲကို မတ်လ ၁၇ ရက်တွင်စတင်ဆွေးနွေးခဲ့ပြီး ခြောက်ရက်မြောက်အဖြစ် ဆွေးနွေးသည့် မတ်လ ၂၂ ရက် ခေတ္တ ရပ်ဆိုင်းခဲ့ပြီး မတ်လ ၃၀ ရက်တွင် ဆွေးနွေးပွဲ ဒုတိယပိုင်း ၇ ရက်မြောက်ဆွေးနွေးပွဲ ဆက်လက်ကျင်းပနေခြင်းဖြစ်သည်။

သင်္ကြန်ကာလ အဝေးပြေးကား လက်မှတ်ခ ပြဿနာဖြေရှင်းရန် မထသ ကျပ် သိန်း ၁၀၀ သုံးမည်

မေစိုးစံ

သင်္ကြန်ကာလအတွင်း အဝေးပြေးယာဉ်လိုင်းများက ကားလက်မှတ်များကို ပုံမှန်သတ်မှတ်နှုန်းထက် ပိုပြီးရောင်းချမှုများ ပေါ်ပေါက် သဖြင့် ရန်ကုန်တိုင်းဒေသကြီး မော်တော်ယာဉ် လုပ်ငန်းပေါင်းစုံ ထိန်းသိမ်းရေး ကော်မတီ(မထသ/အဝေးပြေး)က ဖြေရှင်းပေးရန် စီစဉ်ထားကြောင်း သိရသည်။

ယင်းပြဿနာများ ဖြစ်ပေါ်လာပါက သတ်မှတ်နှုန်းထက် ပိုသော ငွေကြေးကို ခရီးသည်အား ပြန်လည် ပေးအပ် ဖြေရှင်းပေးနိုင် ရန် အတွက် ငွေကျပ် သိန်း ၁၀၀ အထိ သုံးစွဲရန် လျာထားကြောင်း မထသ/အဝေးပြေး က ပြောပြသည်။

ခရီးသွားလာမှု အများဆုံးအချိန်ဖြစ်သည့် သင်္ကြန်ကာလအတွင်း ကား လက်မှတ်ရောင်းချရာတွင် ဈေးနှုန်းများကို ပိုမိုတောင်း ခံခြင်းသည် အစဉ်အလာ တခုကဲ့သို့ နှစ်စဉ် ဖြစ်လာသဖြင့် ယင်းအခြေအနေကို ထိန်းချုပ်နိုင်ရန် ယခုကဲ့သို့ စီစဉ်ရခြင်း ဖြစ်ကြောင်း မထသ/အဝေးပြေး ဥက္ကဋ္ဌ ဦးညွှန့်ဝေက ဧရာဝတီသို့ ပြောသည်။

သို့ရာတွင် ယာဉ်လိုင်းများက လက်မှတ်များ ရောင်းချရာတွင် လက်မှတ်ပေါ်တွင် သတ်မှတ်နှုန်းထားအတိုင်းသာ ဖြစ်သော်လည်း လက်တွေ့တွင် အပိုပေးဆောင်ရမှု ရှိနေကြောင်း၊ ထိုသို့ ဖြစ်ပွားပါက ရန်ကုန် အောင်မင်္ဂလာ အဝေးပြေး ဂိတ်ရှိ မထသ/အဝေးပြေး ဌာနသို့ လာရောက် တိုင်ကြားနိုင်ပြီး ချက်ခြင်း ဖြေရှင်းပေးသွားမည် ဖြစ်ကြောင်း သိရသည်။

မထသ/အဝေးပြေး ဥက္ကဋ္ဌ ဦးညွှန့်ဝေက“ကြိုရောင်းထားတဲ့ လက်မှတ်ကို ပိုရောင်းထားခဲ့ရင် ငွေစိုက်ပြီး ရှင်းပေးနေတယ်။ ပိုဝယ် လာ တဲ့ လက်မှတ်ကို ၀ယ်ယူလာတဲ့ ခရီးသည်က သူရဲ့ နိုင်ငံသား စိစစ်ရေးကတ်ပြားနဲ့ လက်မှတ်ကိုလည်း ယူလာခဲ့ပါ။ ဖြစ်နိုင်ရင် ပင်ရင်းဂိတ်မှာပဲ ၀ယ်ပြီးတော့ တခါတည်း ဈေးနှုန်းပါ ရေးခိုင်းပါ”ဟု ပြောဆိုသည်။

ထို့သို့ ခရီးသွားများထံမှ စိုက်ထုတ် ပြန်အမ်းငွေများကို သင်္ကြန်ကာလအပြီး ရုံးဖွင့်ရက်များတွင် သက်ဆိုင်ရာဂိတ်များမှ ပြန်လည် ကောက်ယူမည်ဖြစ်ကြောင်း၊ လက်မှတ်ဈေးနှုန်းမြှင့်တင်ပြီး ရောင်းချထားသည့် ယာဉ်လိုင်းများကိုလည်း တစီးလျှင် ကျပ် ၅၀၀၀၀ ဒဏ်ရိုက်သွားမည် ဖြစ်ကြောင်း မထသ/အဝေးပြေး ဥက္ကဋ္ဌ ဦးညွှန့်ဝေက ပြောသည်။

ရေနံချောင်းမြို့မှ ရန်ကုန်မြို့သို့ လာရောက်လိုသည့် ဒေါ်အေမီသိန်းက“အစ်မတို့က အလုပ်က ဒီမှာရှိတော့ လာနေရတာ။ အခု သင်္ကြန်ပိတ်ရက်မှာ အိမ်ပြန်ဖို့ လက်မှတ်က ဈေးက တအားမြင့်နေတယ်။ မထသ ကလည်း အရေးယူမှုတွေ လုပ်ပေးမယ်လို့ မီဒီယာ တွေမှာ တွေ့ရပေမယ့် တော်ကြာ သူက မစီးရင်နေ၊ မရောင်းဘူးလို့ ပြောရင် ဘယ်လို လုပ်ရမှာလဲ။ အခုချိန်အထိ လက်မှတ် မရ သေးဘူး”ဟု ဧရာဝတီသို့ ပြောသည်။

ထို့ပြင် မထသ/အဝေးပြေး က ၂၀၁၅ ခုနှစ်၊ မတ်လ ၃၀ ရက်နေ့မှ စတင်ကာ အောင်မင်္ဂလာနှင့် ဒဂုံ-ဧရာ အဝေးပြေး ယာဉ် ရပ်နား စခန်းများ၏ ဂိတ်ဝင်ပေါက်၊ ထွက်ပေါက်များတွင် သင်္ကြန်ကာလ ယာဉ်လိုင်းများ လက်မှတ်ရောင်းချမှု စိစစ်ကြီးကြပ်ရေးအဖွဲ့က နေ့စဉ် စစ်ဆေးသွားမည် ဖြစ်ကြောင်း သိရသည်။

သတ်မှတ် ဈေးနှုန်းချိုးဖောက်ခြင်းမှုများအတွက် ဒဏ်ကြေးသတ်မှတ်ပြီး ဆောင်ရွက်ခြင်းကြောင့် ပြဿနာ ရာနှုန်းပြည့် လျော့ကျသွားနိုင်မည်ဟု မဆိုနိုင်သော်လည်း အထိုက်အလျောက်အားဖြင့် ရပ်တန့်သွားနိုင်ကြောင်း မထသ/အဝေးပြေး က ပြောသည်။

၂၀၁၄ ခုနှစ်တွင် ခရီးသွား ပြည်သူများ၏ တိုင်ကြားမှုကြောင့် အမှုပေါင်း ၁၄ မှုကို ဒဏ်ကြေး ၅၀၀၀၀ တပ်ပြီး အရေးယူခဲ့ဖူးကြောင်း၊ အလားတူ ယာဉ်စီးခနှုန်းထားများကို ပိုမိုတောင်းခံမှုအပေါ် အရေးယူဆောင်ရွက်မှု အနေဖြင့် မြို့တွင်း ယာဉ်လိုင်းများတွင် လည်း ဒဏ်ကြေး ၃၀၀၀၀ နှင့် ၁လ ပိတ်သိမ်းသွားရန်အထိ ဆောင်ရွက်ထားကြောင်း မထသ(မြို့တွင်း) ဥက္ကဋ္ဌ ဦးလှအောင်က လည်း ပြောဆိုသည်။

မီဒီယာကို ဖိနှိပ် တိုက်ခိုက်မှုအပေါ် သူတို့ ပြောစကား


ဆောက်လုပ်အမှုတွဲများကို မြို့နယ်စည်ပင်ရုံးက ဧပြီ ၂ ရက်မှ စပြီး ဆောင်ရွက်ပေးတော့မည်

နန်းမြင့်

ရန်ကုန် စည်ပင်သာယာ နယ်နိမိတ်အတွင်း ဆောက်လုပ်သော အဆောက်အအုံများနှင့် ပတ်သက်၍ သက်ဆိုင်ရာမြို့နယ် စည်ပင်သာယာ အုပ်ချုပ်ရေးမှူးရုံးများတွင် ဧပြီ ၂ ရက်မှ စတင်ကာ ဆောက်လုပ်ခွင့် အမှုတွဲများကို စိစစ်လက်ခံ ဆောင်ရွက်ပေးသွားမည်ဖြစ်သည်ဟု ရန်ကုန်မြို့တော် စည်ပင်သာယာရေး ကော်မတီ အဆောက်အအုံဌာနမှ ဌာနမှူး ဦးသန်းဌေးက ပြောသည်။

ဆောက်လုပ်ခွင့် အမှုတွဲများကို သက်ဆိုင်ရာမြို့နယ်များရှိ မြို့နယ်စည်ပင်သာယာ အုပ်ချုပ်ရေး မှူးရုံးများ၌ တွဲဖက်ဖွင့်လှစ်ထားသည့် အင်ဂျင်နီယာဌာန (အဆောက်အအုံ)သို့ အပတ်စဉ် အင်္ဂါနေ့နှင့် ကြာသပတေးနေ့များတွင် နံနက် ၁၀ နာရီမှ နေ့လယ် ၂ နာရီအတွင်း စိစစ်လက်ခံဆောင်ရွက်ပေးမည် ဖြစ်သည်။

ထိုသို့ ပြောင်းလဲဆောင်ရွက်ခြင်းမှာ ပြည်သူများ ပိုမိုအဆင်ပြေစေရန်အတွက် ဖြစ်သည်ဟု ဦးသန်းဌေးက ဆိုသည်။

ဦးသန်းဌေးက ''စာရွက်စတမ်းပြည့်စုံရင် နှစ်ပတ်အတွင်း အဆိုပြုလွှာထွက်အောင်ဆောင် ရွက်ပေးတယ်။ ပိုင်ဆိုင်မှု အရှုပ်အရှင်းမရှိရင် မြန်ပါတယ်။ အဆိုပြုလွှာအောင်ပြီး နှစ်လအတွင်းမှာ ဆောက်လုပ်ခွင့်ပေးပါတယ်'' ဟု ပြောသည်။

အဆိုပါ ဆောက်လုပ်ခွင့်အမှုတွဲများကို ယနေ့အချိနအထိ ကျောက်တံတားမြို့နယ်ရှိ ရန် ကုန်မြို့တော်စည် ပင်သာယာရုံး (မြို့တော်ခန်းမ) ၌ One Stop Service ဌာနဖွင့်ကာ အပတ်စဉ် တနလာင်္နေ့၊ ဗုဒ္ဓဟူးနေ့နှင့် သောကြာနေ့များတွင် နံနက် ၁၀ နာရီမှ နေ့လယ် ၂ နာရီအထိ စိစစ်လက်ခံပြီးဆောင်ရွက် ပေးနေခြင်းဖြစ်သည်။

ဘင်္ဂလား မြန်မာ နယ်စပ်တွင် ရက္ခိုင့် တပ်မတော်နှင့် မြန်မာတပ်မတော်တိုက်ပွဲဖြစ်

မောင်အေး

ဘင်္ဂလား မြန်မာနယ်စပ်တွင် ရက္ခိုင့်တပ်မတော်နှင့် မြန်မာတပ်မတော်အကြား ပထမဆုံးအကြိမ် ယနေ့ နံနက် ၀၀း ၃၀ နာရီတွင် တိုက်ပွဲဖြစ်ပွားခဲ့ကြောင်း သတင်းရရှိသည်။

တိုက်ပွဲမှာ ရက္ခိုင့်တပ်မတော်မှ အမှတ် (၅) ဗျူဟာ လက်အောက်ခံ စစ်ကြောင်းနှင့် မြန်မာအစိုးအရမှ အမှတ် (၂၈၉) တပ်ရင်းတို့အကြား ဖြစ်ပွားခဲ့ခြင်း ဖြစ်ကြောင်း ရက္ခိုင့်တပ်မတော် သတင်းထုတ်ပြန်သည်။

တိုက်ပွဲဖြစ်ပွားမှုနှင့် ပတ်သတ်ပြီး ရက္ခိုင့်တပ်မတော် ဒုစစ်ဦးချုပ် ဒုတိယ ဗိုလ်မှူးကြီး ဒေါက်တာ ညိုထွန်းအောင်အား နိရဉ္စ ရာမှ ဆက်သွယ်မေးမြန်းရာ သူက ယခုကဲ့သို့ ပြောသည်။

“တိုက်ပွဲ ဖြစ်တဲ့နေရာက ပလက်ဝကနေ အနောက်ဘက်ကျပြီး ကျောက်တော်ကနေ မြောက်ဘက်ကျတဲ့ နေရာမှာပါ။ အခုလောလောဆယ်က ဒီလောက်ဘဲ ပြောလို့ရပါတယ်။ ကျွန်တော်တို့ နောက်ဆုံးရတဲ့ အချက်အလက်တွေအရ ကျွန်တော်တို့ဘက်က အထိအခိုက်မရှိဘူး။ ရန်သူဘက်က ဗိုလ်ကြီး အဆင့် ရှိတဲ့သူတစ်ဦးနဲ့ သူ့ရဲဘော် အလောင်တစ်လောင်းမိတယ်။ နောက် လက်ရ ၂ ယောက် ဖမ်းမိထား တယ်” ဟုဆိုသည်။

တိုက်ပွဲတွင် ရက္ခိုင့်တပ်မတော်မှ ပွိုင့် ၄၅ တစ်လက်၊ MA-1 (၂) လက်၊ MA-3 (၁)လက်နှင့် ကျဉ်မျိုးစုံ အပါအ၀င် စစ်အသုံးအဆောင်များကို သိမ်းဆည်းရထားကြောင်းလည်း သူကဆက်လက် ပြောသည်။

“တိုက်ပွဲက မနေ့ကညဥ့် ၁၂ နာရီကျော်လောက်မှာ ဖြစ်တာပါ။ နာရီဝက်လောက်ကြာတယ်။ ရန်သူကစခန်းကို စွန့်သွားတဲ့အတွက် ရန်သူစခန်းက လိုအပ်တာတွေကိုသိမ်းယူနိုင်ခဲ့ပါတယ်” ဟု ဆို သည်။

ယခုအခါ မြန်မာစစ်တပ်မှ စစ်အင်အားတိုးလာနေသည့်အတွက် တိုက်ပွဲဆက်လက်ဖြစ်ပွားလာ နိုင်ကြောင်လည်း ဒေါက်တာ ညိုထွန်းအောင်က ဆိုသည်။

ဘင်္ဂလားမြန်မာနယ်စပ် အနောက်ဘက်ဒေသတွင် ရခိုင်လက်နက်ကိုင်အဖွဲ့များနှင့် တိုက်ပွဲဖြစ်ပွားမှုမှာ နှစ်ပေါင်း ၁၀ ကျော်ခန့်ရပ်စဲနေရာမှ ယခုတဖန် ရက္ခိုင့်တပ်မတော်နှင့် မြန်မာစစ်တပ်တို့အကြား တိုက်ပွဲ ပြန်လည်ဖြစ်ပွား လာခြင်းဖြစ်သည်။

ရက္ခိုင့်တပ်မတော်ကို ၂၀၀၈ ခုနှစ်က ကချင်လွတ်မြောက်ရေးတပ်မတော် KIA ထိမ်းချုပ်နယ်မြေတွင် စတင်တည်ထောင်ခဲ့ပြီး စစ်ရေးလှုပ်ရှားမှုများကို KIA နှင့်ပူးတွဲလုပ်ဆောင်ခဲ့သည်။

ရက္ခိုင့်တပ်မတော်အနေနှင့် ယခုအခါ ဘင်္ဂလား မြန်မာနယ်စပ်တွင် တပ်ဖွဲ့ဝင်တချို့အခြေစိုက်ပြီး စစ်ရေးလှုပ်ရှားမှုကိုပါ သီးခြားတိုးချဲ့လာနေကြောင်း သိရသည်။

ဘင်္ဂလား မြန်မာနယ်စပ်တွင် ရခိုင်ပြည်လွတ်မြောက်ရေးပါတီ (ALP)နှင့် ရက္ခိုင့်တပ်မတော်တို့ အခြေ စိုက်လှုပ်ရှားနေပြီး ရခိုင်ပြည် လွတ်မြောက်ရေးပါတီ (ALP)မှာ မြန်မာအစိုးရနှင့် ပြည်နယ်အဆင့် အပစ် အခတ် ရပ်စဲရေးကို ၂၀၁၂ ဧပြီလ ၅ ရက်နေ့က စစ်တွေမြို့တွင် သဘောတူလက်မှတ် ရေးထိုးထား သည်။

မြန်မာတပ်မတော်ဘက်မှ ယခုတိုက်ပွဲနှင့် ပတ်သက်ပြီး သဘောထားကို သိရှိနိုင်ရန် တာဝန်ရှိသူများနှင့် ဆက်သွယ်ရန်ကြိုးစားသော်လည်း အဆက်အသွယ် မရရှိခဲ့ပါ။

အပစ်အခတ် ရပ်စဲရေး စာချုပ်ပါ အချက်တွေအားလုံး သဘောတူ


ငြိမ်းချမ်းရေး သဘောတူညီချက်များအပေါ် အမြတ်မထုတ်ရန် တပ်မတော်ပိုင် မြဝတီသတင်းစာတွင် မူဝါဒအဖြစ် ဖေါ်ပြ

မဇ္ဈိမ

တပ်မတော်နှင့် တိုင်းရင်းသားလက်နက်ကိုင်များအကြား ငြိမ်းချမ်းရေး ဆွေးနွေးပွဲများ ပြုလုပ်နေသည့် တစ်ချိန်တည်းတွင် ငြိမ်းချမ်းရေး သဘောတူညီချက်များအပေါ် အမြတ်မထုတ်ရန်နှင့် သဘောတူ စာချုပ်များအတိုင်း ကတိတည်ရန် အချက်များပါဝင်သည့် ငြိမ်းချမ်းရေး မူဝါဒ ၆ ရပ်ကို တပ်မတော်ပိုင် မြဝတီသတင်းစာတွင် မတ်လ ၃၀ ရက်က ဖေါ်ပြပါရှိသည်။

ငြိမ်းချမ်းရေးနှင့် ပတ်သက်သည့်၍ မူဝါဒ ၆ ရပ်ဟု ဖေါ်ပြထားပြီး ထာဝရ ငြိမ်းချမ်းရေး ရယူရန်အတွက် အမှန်တကယ်ဆန္ဒရှိရန်ဟူသည့် အချက်ကို ပထမဆုံး အချက် တစ်ချက်အဖြစ်ဖေါ်ပြထားသည်။

သဘောတူ စာချုပ်များအတိုင်း ကတိတည်ရန်၊ ငြိမ်းချမ်းရေး သဘောတူညီချက်များအပေါ် အမြတ်မထုတ်ရန်၊ ဒေသခံ ပြည်သူများအပေါ် ဝန်ထုပ်ဝန်ပိုး မဖြစ်စေရန်တို့ကိုလည်း ဖေါ်ပြထားသည်။

နိုင်ငံတော်က ထုတ်ပြန်ထားသည့် တည်ဆဲ ဥပဒေများကို လိုက်နာရန်ကိုလည်း မူဝါဒ အမှတ်စဉ် ၅ အဖြစ်ဖေါ်ပြထားကာ ဒို့တာဝန် အရေးသုံးပါးနှင့် ဒီမိုကရေစီ အနှစ်သာရကို လက်ခံပြီး ဖွဲ့စည်းပုံ အခြေခံဥပဒေဖြင့် ဒီမိုကရေစီ လျှောက်လှမ်းနေမှုတွင် လိုက်ပါ ဆောင်ရွက်ရန်ဟူသည်ကို မူဝါဒ အမှတ်စဉ် ၆ အဖြစ် ဖေါ်ပြထားသည်။

မတ်လ ၂၇ ရက်တွင် ကျရောက်သည့် နှစ် ၇၀ ပြည့် တပ်မတော်နေ့ ဦးတည်ချက်များတွင်မူ အင်အားတောင့်တင်းပြီး စွမ်းရည် ထက်မြက်မြင့်မားသော ခေတ်မီတပ်မတော် တည်ဆောက်ရန်၊ နိုင်ငံဖွံ့ဖြိုးရေးအတွက် ပြည်သူလူထုနှင့် လက်တွဲပူးပေါင်းဆောင်ရွက်ရန် ဒို့တာဝန်အရေးသုံးပါးကို ထိန်းသိမ်းကာကွယ်ရန်တို့ ပါဝင်သည့် ဦးတည်ချက် လေးရပ်ကို ဖေါ်ပြထားသည်။ သို့သော် ငြိမ်းချမ်းရေးနှင့် ပတ်သက်သည့် ဦးတည်ချက် မပါရှိပေ။

သေနတ် ကိုင်ဆောင်သည့် ထိုင်ဝမ်နိုင်ငံသား ထောင် ၄ လ ကျ

ဆလိုင်းသန့်စင်

လိုင်စင်မဲ့သေနတ် ကိုင်ဆောင်မှုဖြင့် အလုပ်ကြမ်းနှင့် ထောင်ဒဏ် ၄ လ ချမှတ်ခံခဲ့ရသည့် ထိုင်ဝမ်နိုင်ငံသားတဦးကို ဒေသအုပ်ချုပ်ရေး တာဝန်ရှိသူများက ယခုလ ၂၈ ရက်နေ့တွင် ပုသိမ်ထောင်သို့ ပို့ဆောင်၍ အကျဉ်းချထားကြောင်း သတင်းရရှိသည်။

ပြည်တွင်းရှိ ရွှေနန်းဝင် ကုမ္ပဏီပိုင် ငါးဖမ်းသင်္ဘောသည် သတ်မှတ်ဧရိယာကို ကျော်လွန်၍ ငါးဖမ်းသည်ဟုဆိုကာ ငပုတောမြို့နယ်၊ ဟိုင်းကြီးကျွန်းအခြေစိုက် ပမ္မ၀တီရေတပ်က ဖေဖော်ဝါရီလ ၅ ရက်နေ့တွင် ဖမ်းဆီးခဲ့သည်။

ဖမ်းဆီးပြီးနောက် သင်္ဘောပေါ်၌ ရှာဖွေစစ်ဆေးခဲ့ရာ 12 Bore ပြောင်းရှည်သေနတ် တလက်နှင့် ကျည်ဆံ ၃ တောင့် သိမ်းဆည်း ရမိခဲ့သည့်အတွက် သေနတ်ပိုင်ရှင် ထိုင်ဝမ်နိုင်ငံသား ချန်ချိဝေ (Chen Chih Wei) ကို ရေတပ်က ဟိုင်းကြီးကျွန်းမြို့နယ် ရဲစခန်းသို့ လွှဲပြောင်းပေးအပ်ခဲ့ပြီး ရဲစခန်းက လိုင်စင်မဲ့သေနတ် ကိုင်ဆောင်မှု ပုဒ်မ ၁၉ (စ) ဖြင့် အမှုဖွင့်အရေးယူခဲ့ကြောင်း သိရသည်။

ယင်းအမှုအား ငပုတောမြို့နယ် တရားရုံး၌ ကြားနာစစ်ဆေးပြီးနောက် မြို့နယ်တရားသူကြီးက မတ်လ ၂၆ ရက်နေ့တွင် ချန်ချိဝေကို အလုပ်ကြမ်းနှင့်ထောင်ဒဏ် ၄ လ ချမှတ်ခဲ့ပြီး လိုင်စင်မဲ့သေနတ်နှင့် ကျည်ဆံများကို ပြည်သူ့ဘဏ္ဍာအဖြစ် သိမ်းဆည်းရန် အမိန့်ချမှတ်ခဲ့သည်။

“သေနတ်ကတော့ သင်္ဘောပေါ်မှာ ဆောင်ထားတဲ့ သေနတ်ပါပဲ။ ဘာရည်ရွယ်ချက်နဲ့ ဆောင်သလဲ ဆိုတာတော့ ပြောရခက်တယ်။ ဒါပေမယ့် လိုင်စင်မဲ့ဖြစ်နေလို့ အရေးယူတာပါ” ဟု ဧရာဝတီတိုင်း ဒေသကြီး ရဲတပ်ဖွဲ့မှူးရုံးမှ ပြောရေးဆိုခွင့်ရှိသူ ဒုရဲမှူး အောင်နိုင်မိုးက ဧရာဝတီကို ပြောသည်။

ရေတပ်က ဖမ်းဆီးစဉ်အချိန်က ရွှေနန်းဝင် ကုမ္ပဏီပိုင် Jin Yeu Shuenn ငါးဖမ်းသင်္ဘောပေါ်တွင် မြန်မာနိုင်ငံသားများ မပါရှိဘဲ ထိုင်ဝမ်နိုင်ငံသား ၈ ဦးသာ ရှိနေခဲ့ပြီး ၎င်းတို့အားလုံးမှာ တရားဝင် ဗီဇာဖြင့် မြန်မာနိုင်ငံသို့ လာရောက်သူများ ဖြစ်ကြောင်း သိရသည်။

ယင်း ၈ ဦးအနက် သေနတ်ကိုင်ဆောင်သူ ချန်ချိဝေကို ရဲတပ်ဖွဲ့က အရေးယူခဲ့ပြီး ကျန်ထိုင်ဝမ် ၇ ဦးကို ငါးလုပ်ငန်းဌာနသို့ လွှဲပြောင်းပေးခဲ့ကြောင်း သိရှိရသည်။ ဥပဒေနှင့်ငြိစွန်းခြင်း မရှိသည့်အတွက် အဆိုပါ ထိုင်ဝမ်နိုင်ငံသား ၇ ဦးကို ပြန်လွှတ်ပေးလိုက်ကြောင်း တိုင်းငါးလုပ်ငန်းဌာန ဒုတိယတိုင်းဦးစီးမှူး ဦးကျော်မြင့်ကျော်က ပြောသည်။

မြေတူးဖော်ရင်း ရှေးဟောင်းစေတီ တဆူ တွေ့ရှိ


လှိုင်းဘွဲ့မြို့နယ် က အိမ်ထောင်စု ၂၀၀၀ အတွက် စုငွေနှင့် ချေးငွေ သမ နှစ်ခု အီးယူထောက်ပံ့ငွေဖြင့် ထူထောင်ပေးမည်

နန်းမြင့်

ကရင်ပြည်နယ် လှိုင်းဘွဲ့မြို့နယ်ရှိ ကျေးရွာ ၃၅ ရွာ အိမ်ထောင်စု ၂၀၀၀ အတွက် စုငွေနှင့် ချေးငွေ သမ၀ါယမ နှစ်ခု ထူထောင်ပေးသွားမည်ဖြစ်ကြောင်း PlaNet Finance မှ မတ်လ ၂၉ ရက်က ထုတ်ပြန်လိုက်သည်။

မည်သည့် အဖွဲ့အစည်းများ၏ ဘဏ္ဍာရေးအထောက်အပံ့ မရရှိသေးသည့် အဆိုပါ ဒေသများသို့ အီးယူက ရန်ပုံငွေ မတည်ထောက်ပံ့ပေးထားသည့် ကရင်ပြည်နယ်တွင် ပူးပေါင်းအဆင့်မြှင့်စီမံ ချက်နှင့် လယ်ယာလုပ်ငန်း ဖွံ့ဖြိုးမှုမှတစ်ဆင့် ဘဏ္ဍာရေး အခွင့်အလမ်းများ ထောက်ပံ့ခြင်း စီမံကိန်းမှ ထောက်ပံ့ပေးမည်ဖြစ်သည်။

သမ၀ါယမအဖွဲ့ နှစ်ဖွဲ့က အဖွဲ့ဝင်များသို့ လယ်ယာကဏ္ဍ၏ ၀င်ငွေရရှိစေမည့် လုပ်ငန်းသစ်များတွင် ရင်းနှီးမြှုပ်နှံရန် ချေးငွေထုတ်ချေးမည် ဖြစ်သည်။

အဆိုပါ သမအဖွဲ့နှစ်ခု ထူထောင်ခြင်းအစီအစဉ်မှာ လယ်ယာကဏ္ဍတွင် နည်းပညာအကူအညီ လိုအပ်ချက်ကို ဖြည့်ဆည်းရန် ကြိုးစားသည့် စီမံကိန်းတစ်ခုဖြစ်ပြီး သုံးနှစ်တာ စီမံကိန်းအတွက် ဘတ် ဂျက်မှာ ယူရို ၉၆၅၅၀၉ (ကျပ် ၁ ဒဿမ ၂၅ဘီလီယံ) ဖြစ်ပြီး ၈၂ ရာခိုင်နှုန်းကို အီးယူကမတည် ထောက်ပံ့ပေးထားပြီး ကျန် ၁၈ရာခိုင်နှုန်းကို ပြင်သစ်ဖွံ့ဖြိုးမှုအေဂျင်စီ Agence Francaise Develop pement က ထောက်ပံ့ပေးခြင်း ဖြစ်သည်။

မဲပေးပိုင်ခွင့်ရှိသူစာရင်း မြန်အောင်မြို့နယ်ထဲမှာ ပြုလုပ်နေပြီ


သစ်တော / တွင်းထွက် သယ်ခွင့် မပြု အမိန့်စာ ထုတ်ပြန် ထားသော်လည်း ကုမ္ပဏီများ ခိုးထုတ် နေဆဲ

သျှမ်းသံတော်ဆင့်၊ စိုင်းတိုင်း

သျှမ်းပြည် မြောက်ပိုင်း နမ့်ခမ်း မြို့၌ သစ်တော ထွက်ပစ္စည်း များနှင့် သတ္တု ကျောက်များကို တစ်ဘက်နိုင် ငံ သို့ တရားမဝင် သယ်ဆောင်ခွင့် မပြုဟူသည့် အမိန့်စာ အစိုးရ အုပ်ချုပ်ရေး အာဏာ ပိုင်ဘက်မှ အကြိမ်ကြိမ် ထုတ်ပြန် ထားသော်လည်း အသက်မဝင် သေးဘဲ ကုမ္ပဏီမှ သစ်ခိုးထုတ်မှုများ ပြုလုပ်နေဆဲ ဖြစ်ကြောင်း ဒေသခံများ ကပြောသည်။

၎င်းအမိန့်စာကို မတ်ခ်ျလ ၂၃ ရက်နေ့ ကပင် နမ့်ခမ်းမြို့နယ် အုပ်ချုပ်ရေးမှူး ဦးဇော်မင်း ကိုယ်တိုင်က လက် မှတ် ထိုးပြီး ထပ်မံ ထုတ်ပြန်ထားကြောင်း၊ ထိုစာကို သက်ဆိုင်ရာအစိုးရအဖွဲ့ အသီးသီးထံ လည်း ပေးပို့ထား ကြောင်း၊ သို့သော် ထိုအမိန့်စာထုတ်ပြီးသည့်တိုင် မီးသွေး တင်ကားများနှင့် သစ်တင်ကား များသည် ညလူခြေ တိတ်ချိန် နမ့်ခမ်းမြို့ ရွှေလီမြစ်ကူးတို့ဆိပ်မှတဆင့် တစ်ဘက်နိုင်ငံသို့ သယ် ထုတ် နေသည်ကိုတွေ့နေ ရ ကြောင်း နမ့်ခမ်းမြို့ဒေသခံ ဦးအိုက်မြင့် ကဆိုသည်။

“ဘာအမိန့်လဲမသိပါဘူးဗျာ အသက်ကို မဝင်တာ၊ ညတိုင်းလိုလို မီးသွေးတင်ကား နဲ့ သစ်တင်ကားတွေ တရုတ်ဘက်ကို သယ်ပို့နေတာ လွတ်လွတ်လပ်လပ်ဘဲ၊ တစ်နေ့ အစီး ၄၀-၅၀ ထက် မနဲဘူးဗျ ၊ အထက် လူကြီးက အမိန့်ထုတ်တယ် လက်အောက်ငယ်သားတွေက ငွေယူပြီး လွှတ်ပေးတယ် ဘာထူးလဲ ဗျာ ”ဟု ၄င်း က သျှမ်းသံတော်ဆင့် အားပြောသည်။

နမ့်ခမ်းမြို့နယ်အတွင်း ထွက်ရှိသော သတ္တုကျောက်များကို သယ်ဆောင်ခွင့်ကို နှုတ်မိန့်ရော ထုတ်ပြန် စာပါ မကြာခဏ ထုတ်ပြန်ခဲ့သော်လည်း ယနေ့အထိ သတ္တု တူးဖော်ရေး ကုမ္ပဏီများက သတ္တု ဆက် လက်တူးဖော် နေသည်ကိုတွေ့နေရကြောင်း လယ်သမား စိုင်းအိုက်ပီး ကဆိုသည်။

“ပန်ခါးကျေးရွာ သတ္တုတူးဖော်ရေးစခန်းမှာ ကနေ့အထိ သတ္တုတူးဖော်ရေး ကုမ္ပဏီတစ်ချို့သတ္တု ဆက် လက်တူး ဖော်နေကြတယ်၊ တူးလာတဲ့ သတ္တုကျောက်တွေကို ကျနော်တို့ မြို့ဧရိယာထဲ ဖြတ်မသယ်ဘဲ တောင်ပေါ်လမ်း ကနေ မူစယ်မြို့ နောင်ဆိုင်ကျေးရွာကနေ စယ်လန့်နားက ကူးတို့ဆိပ်ကနေတဆင့် တရုတ်နိုင်ငံထဲသို့ သယ်ဆောင်နေတာ ကျနော်ကိုယ်တိုင် မြင်တွေ့ရတယ် ” ဟု ၄င်းကပြောသည်။

နမ့်ခမ်းမြို့နယ်အတွင်း သစ်တောထွက်ပစ္စည်းနှင့်တွင်းထွက်ပစ္စည်းများ တရားမဝင် သယ်ဆောင် ခွင့် မပြုဟု သျှမ်းပြည်သတ္တုဝန်ကြီး စိုင်းအိုက်ပေါင်းနှင့် မြို့နယ်အုပ်ချုပ်ရေးဦးဇော်မင်းတို့က အကြိမ်ကြိမ် အမိန့်စာထုတ်ပြန် ထားသော်လည်း တစ်ကြိမ်တစ်ခါမျှ အသက်မဝင်သေးပေ။

မျက်မမြင်များအသင်း သင်းလုံးကျွတ် အစည်းအဝေး ကချင်ပြည်နယ်မှာ ပြုလုပ်


AA နှင့် တပ်မတော် တိုက်ပွဲဖြစ် တပ်ဖက်မှ ဗိုလ်ကြီးအဆင့်ရှိသူ ဖမ်းဆီးမိထားဟုဆို

ဟိန်းကိုစိုး

ရခိုင့်တပ်မတော် (AA ) နှင့် မြန်မာတပ်မတော် တို့ မတ်လ ၂၉ရက် နံနက် ၁၂နာရီခွဲအချိန်နှင့် ၇ နာရီခွဲအချိန်တို့တွင် တိုက်ပွဲနှစ်ကြိမ်တိုင်ဖြစ်ပေါ်ခဲ့ပြီး တပ်မတော်ဖက်မှ ဗိုလ်ကြီးအဆင့်ရှိသူ တစ်ဦးကို ဖမ်းဆီးရမိထားကြောင်း AA ဒုတိယ စစ်ဦးစီးချုပ် ဒေါက်တာ ညိုထွန်းအောင်က မဇ္ဈိမကို ပြောသည်။

၎င်းက "အခုထိတွေမှုဖြစ်တာက လုံးဝမရှောင်နိုင်တော့တဲ့ အခြေအနေမှာဖြစ်သွားတာ၊ အရင်လည်း အဲဒီဖက က ကျွန်တော်တို့ လှုပ်ရှားနေတာပဲ၊ အခုမှ တပ်ဖက်နဲ့ တွေ့ပြီး တိုက်ပွဲတွေဖြစ်တယ်၊ ထိတွေ့တဲ့ နေရာက တပ်စခန်းတော့ ဆုတ်သွားပြီ" ဟု ဆိုသည်။

မြန်မာ တပ်မတော် ခမရ ၂၈၉ လက်အောက်ခံ တပ်ဖွဲ့နှင့် AA တို့သည် ရခိုင်ပြည်နယ်၊ ပလက်ဝအနောက်ဖက်နှင့် ကျောက်တော်မြောက်ဖက် အကြားတွင် ည ၁၂နာရီခွဲတွင် မိနစ် ၃၀ ခန့်နှင့် နံနက် ၇ နာရီမှ ၁၂ နာရီအထိ တစ်ကြိမ် တိုက်ပွဲများ ဖြစ်ပွားခဲ့သည်။

တပ်စခန်းဆုတ်ခွာအပြီး ဗိုလ်ကြီးအဆင့်ရှိသူ တစ်ဦးနှင့် အတူ MA 1 နှစ်လက်၊ MA-3 ၁လက်၊ ပွိုင့် ၄၅ တစ်လက်၊ ကျည်ဆံနှင့် တစ်ခြားစစ်အသုံးအဆောင် ပစ္စည်းများကို သိမ်းဆည်းရမိခဲ့သည်ဟု ရခိုင်တပ်မတော်မှ သိရသည်။

လွတ်လပ်မျှတတဲ့ ရွေးကောက်ပွဲ ဖြစ်ဖုို့ ဖွဲ့စည်းပုံကို ပြင်ချင်တာလို့ ဒေါ်စုပြော



သီချင်းများ၏ မူပိုင်ခွင့်ပိုင်ရှင်မှာ တေးရေးများသာ ဖြစ်ကြောင်း ကြေညာချက် ထုတ်ပြန်

တင်ထက်ပိုင်

တေးရေးဆရာများသည် တေးသီချင်းများ၏ မူပိုင်ခွင့်ပိုင်ရှင်များ ဖြစ်သည့်အတွက်ကြောင့် ၎င်းတို့နှင့် ပတ်သက်သည့် သီချင်းများကို မည်သည့် စီးပွားဖြစ် လုပ်ဆောင်မှု မျိုးတွင် မဆို တေးရေးဆရာများ၏ သဘောတူ ခွင့်ပြုချက် မရှိဘဲ သုံးစွဲပါက မူပိုင်ခွင့် ဥပဒေအရ အရေးယူသွားမည်ဟု Myanmar PRO (Myanmar Performance Rights Organization) အဖွဲ့က ကြေညာချက် ထုတ်ပြန်ထားသည်။

တေးသီချင်းများ၏ သံစဉ်ကိုဖြစ်စေ၊ စာသားကိုဖြစ်စေ၊ သံစဉ်နှင့် စာသား ၂ မျိုးစလုံးကိုဖြစ်စေ စင်တင်ဖျော်ဖြေခြင်း၊ ရုပ်သံ ထုတ်လွှင့်ခြင်း၊ Online ရောင်းဝယ်ဖြန့်ဖြူးခြင်း တယ်လီဖုန်း Ring Tunes နှင့် Ring Tone များအဖြစ် အသုံးပြုခြင်း၊ ကာရာအိုကေဆိုင်၌ အခကြေးငွေယူ၍ သုံးစွဲခြင်း၊ ရန်ပုံငွေပွဲ၊ သင်္ကြန်ဖျော်ဖြေပွဲ၊ ဇာတ်ပွဲ စသည်တို့တွင် အသုံးပြုခြင်းတို့ ပြုလုပ်လိုပါက Myanmar PRO အဖွဲ့၏ သဘောတူ ခွင့်ပြုချက် ရရှိပြီးမှသာ အသုံးပြုရန်နှင့် ပျက်ကွက်ပါက တည်ဆဲ ဥပဒေများအရ အရေးယူသွားမည်ဖြစ်ကြောင်း မတ်လ ၂၅ ရက်နေ့ထုတ် မြန်မာ့အလင်း သတင်းစာတွင် ကြေညာထားခြင်း ဖြစ်သည်။

မူပိုင်ခွင့် ဥပဒေသည် မြန်မာနိုင်ငံတွင် အင်္ဂလိပ်ခေတ်ကတည်းက ရှိခဲ့သော်လည်း ထိထိရောက်ရောက် အသုံးမချခြင်းသာ ဖြစ်ကြောင်း၊ ယခုလက်ရှိတွင် FM ရေဒီယိုများ၊ တီဗီအစီအစဉ်များနှင့် အဆိုတော်များထံမှ မူပိုင်ခွင့်အတွက် ခံစားခွင့်ကို အပြည့်အဝ မရရှိနိုင်သေးသော်လည်း စနစ်တခု ချမှတ်၍ သတ်သတ်မှတ်မှတ် လုပ်ဆောင်ပါက ဖြည်းဖြည်းချင်း အဆင်ပြေလာနိုင်သည်ဟုလည်း Myanmar PRO အဖွဲ့၏ ဒုဥက္ကဋ္ဌဖြစ်သူ တေးရေး မြင့်မိုးအောင်က ဧရာဝတီသို့ ပြောသည်။

“မူပိုင်ခွင့်ကို မဖောက်ဖျက်ချင်တဲ့ သူတွေကတော့ ပေးမှာပေါ့။ နဂိုတုန်းက စနစ်မရှိကြတော့ မပေးကြဘူး။ တောင်းတဲ့ သူလည်း မရှိသလို ဖြစ်ခဲ့တာကိုး။ အခုကတော့ မူပိုင်ခွင့် ပိုင်ရှင်က သူ့ရဲ့ဟာကို တောင်းပြီဆိုတော့ ပေးတဲ့သူတွေကလည်း စနစ်တကျ ပေးဖို့ ရည်ရွယ်သွားပြီ။ စနစ်တကျ ပေးချင်ကြတဲ့သူတွေဘက်က ရည်ရွယ်တယ်ဆိုရင်တော့ ဒါတွေက လိုက်ပြီးတော့ ကြည့်စရာ၊ ပြုစရာတောင် လိုချင်မှ လိုတော့မှာပါ” ဟု သူက ဆိုသည်။

Myanmar PRO အဖွဲ့က မူပိုင်ခွင့်အတွက် အပ်နှင်းထားသော Law Office of WYNN & WIN မှ တရားလွှတ်တော် ရှေ့နေ ဦးတင်မောင်ဝင်းက မူပိုင်ခွင့် ဥပဒေသည် ယနေ့အထိ အတည်ဖြစ်သော ဥပဒေတရပ်ဖြစ်သည့်အတွက် မူပိုင်ခွင့် ချိုးဖောက်ခံရသူဘက်မှ တောင်းဆိုပါက ဥပဒေနှင့်အညီ ဆောင်ရွက်နိုင်ကြောင်း ရှင်းပြသည်။

“တို့မြန်မာလူမျိုးတွေကလည်း ပြီးပြီးသား ပြီးပါစေတော့ ဆိုပြီး မလုပ်ဘဲ ထိုင်နေကြတယ်။ တရားရုံး သွားရမှာ ကြောက်တယ်။ အမှန်တရားကို ထွက်ဆိုရမှာ ကြောက်တယ်။ ဒါတွေရှိတယ်။ အဲဒါကြောင့်မို့လို့ တော်ရုံတန်ရုံ ကိစ္စတွေဟာ ပွဲပြီးမီးသေ ဖြစ်ကုန်ကြတယ်။ တိတိကျကျ ဥပဒေအတိုင်း အကောင်အထည်ဖော်ပြီး လုပ်ကြမယ်ဆိုရင် ဥပဒေ လမ်းကြောင်းအတိုင်း သွားရမှာပဲ။ ဥပဒေက သူ့ဟာသူ ရှိပြီးသားပါ” ဟု ရှေ့နေ ဦးတင်မောင်ဝင်းက ဧရာဝတီသို့ ပြောသည်။

တေးရေးဆရာများ၏ ခွင့်ပြုချက် မရှိဘဲ တေးသီချင်းများကို စီးပွားဖြစ် အသုံးပြုပါက ချိုးဖောက်ခံရသူ၏ ဆန္ဒအလျောက် အသုံးပြုမှုပေါ် မူတည်၍ လျော်ကြေးတောင်းပိုင်ခွင့် ရှိကြောင်းလည်း သူက ဖြည့်စွက် ပြောဆိုသည်။

“တဖက်က ဖောက်ဖျက်လိုက်တဲ့အတွက် သူ့မှာ ဘယ်လောက်နစ်နာသွားသလဲ။ နစ်နာသွားတဲ့ဟာရဲ့ နှစ်ဆတို့ သုံးဆတို့ တောင်းခွင့်ရှိတယ်။ ပေးတယ်၊ မပေးဘူးဆိုတာကတော့ တရားရုံးရဲ့ ဆင်ခြင်တုံတရားနဲ့ ဆိုင်တာပေါ့” ဟု ဦးတင်မောင်ဝင်း က ပြောသည်။

Myanmar PRO အဖွဲ့၏ ကြေညာချက်ကို တေးရေး ညီညီသွင်၏ Facebook စာမျက်နှာတွင် တင်ထားရာ ကော်ပီသီချင်း ရေးသူများ အနေဖြင့် ဤသို့ ကြေညာချက် မထုတ်သင့်ကြောင်း ဝေဖန်သူများလည်း ရှိသည်။

နိုင်ငံတကာ သီချင်းများကို ကော်ပီရေးသည်ဟု ဆိုသော်လည်း အားထုတ်မှု မသေးကြောင်း၊ စကားလုံးများကို ဘာသာပြန်ရသည်များ ရှိသကဲ့သို့၊ မူရင်းအနုပညာ မပျက်စီးအောင် ပြန်လည်ရေးသားရ ခြင်းများလည်း ရှိကြောင်း တေးရေးသုခမိန်လှိုင်က ပြောသည်။

“စစ်နဲ့ ငြိမ်းချမ်းရေးကို စာရေးဆရာ မြသန်းတင့်က ဘာသာပြန်တာပါ ဆိုပြီး ထုတ်ချင်သလို ထုတ်၊ ကူးချင်တိုင်း ကူးခွင့် ရှိသလား။ စာရေးဆရာကြီးတွေ ဖြစ်တဲ့ ဆရာမြသန်းတင့်တို့၊ ဆရာကြီး ရွှေဥဒေါင်းတို့လို လူကြီးတွေက ဘာသာပြန်လို့ ကျနော်တို့ နိုင်ငံတကာ စာပေတွေနဲ့ ရင်းနှီးခွင့်ရခဲ့တယ်။ ဒါတွေက ဘာသာပြန်တာပါကွာ ဆိုပြီး သုံးချင်တဲ့ နေရာမှာ သုံးခွင့်မရှိဘူးလေ။ အဲဒီလိုပဲ ကျနော်တို့ သီချင်းရေးတဲ့ သူတွေမှာလည်း အားထုတ်မှုတွေ ရှိတယ်” ဟု သူက ဆိုသည်။

သင်္ကြန်ဖျော်ဖြေပွဲများ၊ ဇာတ်ပွဲများ၊ စီးပွားဖြစ် ဖွင့်ထားသော ကာရာအိုကေဆိုများ၊ စင်တင် ပါရှိသော အရက်ဆိုင်များ အစရှိသည်တို့တွင် နာမည်ကြီး အဆိုတော်များ၏ သီချင်းများကို နှစ်ပေါင်းများစွာ အသုံးပြုနေသော်လည်း သီဆိုသူနှင့် တီးခတ်သူတို့သာ ငွေကြေးများ ရရှိ၍ တေးရေးများက ခံစားခွင့် မရရှိပေ။

ယခုကဲ့သို့ တေးရေးများစုပေါင်း၍ ကြေညာချက် ထုတ်ပြန်လိုက်ခြင်းအားဖြင့် ခံစားခွင့် ငွေကြေး တစုံတရာ ရသည်၊ မရသည်ထက် အဟန့်အတား တခု ဖြစ်လာနိုင်ပြီး တေးရေးများ၏ အခန်းကဏ္ဍကို အသိအမှတ်ပြုရကောင်းမှန်း သိလာနိုင်ကြောင်း၊ ဉာဏမူပိုင်ခွင့် ဥပဒေ ခိုင်ခိုင်မာမာ ထွက်ပေါ်လာသည်အထိ စောင့်ဆိုင်းနေပါက တေးရေးဆရာများ၏ အခန်းကဏ္ဍ ဆက်လက်မှေးမှိန်နေမည် ဖြစ်ကြောင်း ပြောဆိုမှုများလည်း ရှိသည်။

Myanmar PRO အဖွဲ့ကို စောခူဆဲ၊ ဇဝါ၊ စိုင်းခမ်းလိတ်၊ စတုန်း၊ ထူးအိမ်သင်၊ ကေအေတီ၊ ရွှေဂျော်ဂျော်၊ မင်းချစ်သူ၊ ဝင်းမင်းထွေး၊ ညီညီသွင် အစရှိသည့် နာမည်ကြီး တေးရေးများအပါအဝင် ကော်ပီနှင့် ကိုယ်ပိုင်သံစဉ် တေးရေး အယောက် ၃၀ ဖြင့် ၂၀၁၄ ခုနှစ် နှစ်ကုန်ပိုင်းက ဖွဲ့စည်းခဲ့ခြင်းဖြစ်ပြီး ယင်းအဖွဲ့အစည်းတွင် တေးရေး သုခမိန်လှိုင်က ဥက္ကဋ္ဌအဖြစ် လည်းကောင်း၊ တေးရေး မြင့်မိုးအောင်က ဒုဥက္ကဋ္ဌအဖြစ် လည်းကောင်း ပါဝင်ကြောင်း သိရှိရသည်။

သင်္ကြန်တွင်း ယာဉ်ကြောပိတ်ဆို့မှု မဖြစ်ဖို့ ယာဉ်ထိန်းရဲ သတင်းစာရှင်းလင်း



လက်ပံတောင်းတောင် သပိတ်ဖြိုခွင်းခံရမှု ၂၈ လ ပြည့်ပြီဖြစ်သော်လည်း တရားခံ ဖော်ထုတ်နိုင်ခြင်း မရှိသည့်အပေါ် ဆန္ဒထုတ်ဖော်

နန်းမြင့်

လက်ပံတောင်းတောင် ကြေးနီစီမံကိန်း ဖျက်သိမ်းပေးရန် ငြိမ်းချမ်းစွာ တောင်းဆိုခဲ့သူများအား မီးလောင်ဗုံးဖြင့် အကြမ်းဖက် ဖြိုခွဲခဲ့သည့်အပေါ် တရားခံ ဖော်ထုတ်ပေးရန် မတ်လ ၂၉ ရက်တွင် သိမ်ကြီးဈေးရှေ့မှ မြို့တော်ခန်းမရှေ့ထိ ဆန္ဒထုတ်ဖော်တောင်းဆိုခဲ့ကြသည်။

ဆန္ဒထုတ်ဖော် တောင်းဆိုခြင်းသည် ယင်းစခန်းဖြိုခွင်းခံရမှု ၂၈ လ ပြည့်မြောက်သော်လည်း တရားခံမဖော်ထုတ်နိုင်သေး၍ ဒီမိုကရေစီအင်အားစုမှ လူအင်အား ၁၀ ဦးကျော်ဖြင့် ဆန္ဒထုတ်ဖော်ခြင်း ဖြစ်သည်။

ဒီမိုကရေစီ အင်အားစုအဖွဲ့မှ ဦးဌေးအောင်က ''အကြမ်းဖက်ခဲ့သူတွေကို တရားခံ ဖော်ထုတ်ပေးဖို့အတွက် ငြိ်မ်းချမ်းစွာ ဆန္ဒပြတောင်းဆိုတာ ဖြစ်တယ်'' ဟု ပြောသည်။

အဆိုပါ လမ်းလျှောက် ဆန္ဒဖော်ထုတ်ခဲ့ခြင်းနှင့် ပတ်သက်၍ ပန်းဘဲတန်းမြို့နယ်နှင့် ကျောက်တံတား မြို့နယ်မှ ခွင့်ပြုချက် မယူသည့်အတွက် ငြိမ်းချမ်းစွာ စုဝေးခွင့်နှင့် စီတန်းလှည့်လည်ခွင့်ဆိုင်ရာ ဥပဒေပုဒ်မ ၁၈ဖြင့် ငြိစွန်းသည်ဟု ရဲမှူးများက ဆန္ဒထုတ်ဖော်ရာ လမ်းတွင် သတိပေး ပြောကြားသည်။

ဒီမိုကရေစီအင်အားစုအဖွဲ့မှ ဦးစိုးသော်က'' ဒီနိုင်ငံမှာ နေထိုင်တဲ့ သမ္မတ အပါအဝင် အောက်ခြေ အဆင့်အထိ တရားဥပဒေရဲ့ အောက်မှာမျှမျှတတ ခံစားစေချင်တယ်။ မျှတတဲ့ တရားဥပဒေ စိုးမိုးရေးပဲ လိုချင်တယ်'' ဟု ပြောသည်။

လက်ပံတောင်းတောင် ကြေးနီစီမံကိန်းနှင့် အစိုးရ၏ အထွေထွေ အကြမ်းဖက်မှုများကို ဒီမိုကရေစီ အင်အားစုမှ မတ်လ ၂၉ ရက်တွင် သဘောထား ကြေညာချက် ထုတ်ပြန်ခဲ့ပြီး ‘‘လက်ပံတောင်းတောင်ကြေးနီ စီမံကိန်း ဖျက်သိမ်းပေးရေး၊ မီးလောင်ဗုံး တရာခံများ ပြန်လည် အရေးယူပေးရေးနှင့် အစိုးရ အကြမ်းဖက်ဝါဒ အလိုမရှိ’’ကြောင်းကို တောင်းဆိုသည်ဟု ဒီမိုကရေစီအင်အားစုအဖွဲ့မှ ဒေါ်နီလာဟန်က ဖတ်ကြားခဲ့သည်။

အဆိုပါ စီတန်းလှည့်လည် ဆန္ဒဖော်ထုတ်သူများသည့် တောင်းဆိုချက်များကို ဗီနိုင်းများ ကိုင်ဆောင်ပြီး ကြွေးကြော်ဆန္ဒဖော်ထုတ်ခဲ့ကြခြင်း ဖြစ်သည်။

သင်္ကြန်ပိတ်ရက်အတွင်း ကားလက်မှတ် ဖုန်းနဲ့ကြိုတင်မှာယူမှု လက်မခံတော့



ကေအဲန်ယူနှင့် ဒေါ်အောင်ဆန်းစုကြည်တို့ ငြိမ်းချမ်းရေးကိစ္စ အမြင်ချင်းဖလှယ်

စဖန်းရှောင်း

ကရင်အမျိုးသားအစည်းအရုံး(ကေအဲန်ယူ) ဥက္ကဌနှင့် ကိုယ်စားလှယ်အဖွဲ့သည် အမျိုးသားဒီမိုကရေစီအဖွဲ့ချုပ် (အဲန်အယ်လ်ဒီ) ဥက္ကဌ ဒေါ်အောင်ဆန်းစုကြည့်နှင့် မတ်လ ၂၉ရက်နေ့ညနေပိုင်းက တွေ့ဆုံကာ လက်ရှိငြိမ်းချမ်းရေးဆိုင်ရာ အခြေအနေများကို ဆွေးနွေးခဲ့ကြကြောင်း သိရသည်။

ကေအဲန်ယူ ဥက္ကဌ ဗိုလ်ချုပ်ကြီး စောမူတူးစေးဖိုး ဦးဆောင်ပြီး အထွေထွေ အတွင်းရေးမှူး ပဒိုစောကွယ်ထူးဝင်း အပါအ၀င် ပဒို စောရောဂျာခင်၊ ပဒိုစောတာဒို့မူး၊ ပဒိုစောရွှေမောင်း၊ စောတာမူလာ အပါအ၀င် ကိုယ်စားလှယ် အဖွဲ့ဝင် (၁၁)ဦးသည် နေပြည် တော်ရှိ နှင်းဆီစံအိမ်တွင် အဲန်အယ်လ်ဒီ ဥက္ကဌ ဒေါ်အောင်ဆန်းစုကြည်၊ ဦးဝင်းမြင့်၊ ဦးဟန်သာနှင့် ဒေါ်နန်းခင်ထွေးမြင့်တို့အား ညနေ ၄နာရီမှ ၆နာရီကျော်အထိ နှစ်နာရီကျော်ကြာ တွေ့ဆုံရာ၌ ယင်းသို့ ထည့်သွင်းဆွေးနွေးခဲ့ကြခြင်းဖြစ်ကြောင်း ကေအဲန်ယူ အထွေထွေအတွင်းရေးမှူး ပဒိုစောကွယ်ထူးဝင်းက ပြောသည်။

“ကျနော်တို့ဖော်ဆောင်နေတဲ့ ငြိမ်းချမ်းရေးဖြစ်စဉ်နဲ့ ပတ်သက်ပြီးတော့ ရှင်းလင်းတင်ပြပြီး အမြင်ချင်းဖလှယ်တဲ့သဘော ဖြစ်ပါ တယ်။ နိုင်ငံရေးပြုပြုင်ပြောင်းလဲမှုအတွက် ကျနော်တို့ ဘယ်လိုပူးပေါင်းဆောင်ရွက်ကြမလဲပေါ့။ အသေးစိတ်ကတော့ ဆက် လက်တွေ့ဆုံပြီး ဆွေးနွေးသွားဖို့ရှိပါတယ်”ဟု ပဒိုစောကွယ်ထူးဝင်းက ကေအိုင်စီသို့ ပြောသည်။

၎င်းအပြင် ၂၀၀၈ ဖွဲ့စည်းပုံပြင်ဆင်ရေးကိစ္စ၊ ၂၀၁၅ခုနှစ်အတွင်း ပြုလုပ်မည့် ရွေးကောက်ပွဲကိစ္စများကိုလည်း ဆွေးနွေးခဲ့ကြသလို သတင်းအချက်အလက်များ မျှဝေခြင်း၊ အမြင်ချင်းဖလှယ်ခြင်းနှင့် ပူးပေါင်းဆောင်ရွက်ရေးများအတွက် နှစ်ဖက်တွေ့ဆုံမှုများ ဆက်လက်ပြုလုပ်သွားမည်ဖြစ်ကြောင်း ၎င်းက ဆက်လက် ပြောဆိုသည်။

အဆိုပါတွေ့ဆုံမှုတွင် ပါဝင်သည့် အဲန်အယ်လ်ဒီ ဗဟိုအလုပ်အမှုဆောင်အဖွဲ့ဝင် ကရင်ပြည်နယ် ဥက္ကဌ နန်းခင်ထွေးမြင့်က “ကေ အဲန်ယူအနေနဲ့ ငြိမ်းချမ်းရေးကိစ္စနဲ့ ပတ်သက်ပြီး သူတို့ခံစားချက်တွေ အခက်အခဲတွေကို ရှင်းလင်းတဲ့နေရာမှာ ဒေါ်အောင်ဆန်းစု ကြည်က နားလည်လက်ခံပေးတယ်။ ပြန်ပြီးတော့ အကြံပြုဆွေးနွေးတယ်။ အခုလိုတွေ့တာဟာ နှစ်ဦးနှစ်ဖက် ပိုမို နားလည်မှုရှိ ပြီး အကျိုးရှိတဲ့ တွေ့ဆုံမှုတစ်ခုဖြစ်ပါတယ်”ဟု ကေအိုင်စီသို့ ပြောသည်။

ဒေါ်အောင်ဆန်းစုကြည်သည် ပြီးခဲ့သည့် ၂၀၁၂ခုနှစ်၊ ဧပြီလ ၈ရက်နေ့နှင့် ၂၀၁၄ခုနှစ်၊ မေလ ၉ရက်နေ့များကလည်း လက်ရှိ ကေအဲန်ယူ ဒု-ဥက္ကဌ ပဒိုနော်စီဖိုးရာစိန်နှင့် နှစ်ကြိမ်တိုင်တိုင် တွေ့ဆုံခဲ့ဖူးပြီး ယခုတစ်ကြိမ်မှာ ကေအဲန်ယူနှင့် သုံးကြိမ်မြောက် တွေ့ဆုံခြင်းဖြစ်သည်။

အခြေခံ မဲစာရင်းထုတ်ပြန်ရာမှာ နည်းပညာမှားယွင်းမှုတွေ ရှိနေ


အပစ်ရပ်ရေး ဆွေးနွေးမှု ၄ ချက်သာကျန်၊ လက်မှတ်ရေးထိုးရေး ခက်ခဲနိုင်သေး

ကျော်မျိုးထွန်း

အစိုးရနှင့် တိုင်းရင်းသား လက်နက်ကိုင်အဖွဲ့များ ပူးပေါင်းရေးဆွဲနေသည့် တနိုင်ငံလုံး အပစ်အခတ် ရပ်စဲရေး သဘောတူစာချုပ် (NCA) မူကြမ်းတွင် ဆက်လက် ဆွေးနွေးညှိနှိုင်းရန် အချက် ၄ ချက်သာ ကျန်ရှိတော့သော်လည်း အမှန်တကယ် လက်မှတ်ထိုးနိုင်ရန်မှာမူ ထင်သလောက် မလွယ်ကူနိုင်သေးကြောင်း သိရသည်။

ရန်ကုန်မြို့ရှိ မြန်မာနိုင်ငံ ငြိမ်းချမ်းရေး ပြန်လည်ထူထောင်ရေးလုပ်ငန်း ဗဟိုဌာန (MPC) တွင် တနိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့ (NCCT) နှင့် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ (UPWC) တို့၏ ၇ ကြိမ်မြောက် အပစ်အခတ် ရပ်စဲရေးစာချုပ် ဆွေးနွေးပွဲကို မတ်လ ၁၇ ရက်မှ ၂၂ ရက်အထိ ၆ ရက်ကြာ ကျင်းပခဲ့သည်။

ဆွေးနွေးပွဲ၏ အစပိုင်းရက်များတွင် မြန်မာနိုင်ငံမြောက်ပိုင်း၌ တပ်မတော်နှင့် တိုင်းရင်းသားတပ်ဖွဲ့များအကြား တိုက်ပွဲများ ပြင်းထန်နေသဖြင့် စာချုပ်ကိစ္စကို မဆွေးနွေးသေးဘဲ ပဋိပက္ခလျှော့ချရေးနှင့် ပတ်သက်ပြီး ဆွေးနွေးခဲ့ရသည်။

NCCT ခေါင်းဆောင် နိုင်ဟံသာက “တိုက်ပွဲတွေက ပြင်းထန်နေတော့ NCA ဆွေးနွေးမှုမှာ နားလည်မှုရယူဖို့ ခက်ခဲတယ်။ ဒါ့ကြောင့် တိုက်ပွဲတွေကို လျှော့ချဖို့ ရပ်တန့်ဖို့ အရင်ဆွေးနွေးတာပါ” ဟု ဧရာဝတီကို ပြောသည်။

NCCT က ပဋိပက္ခ လျှော့ကျရေးဆိုင်ရာ ဆွေးနွေးမှုတွင် ကချင်ပြည်နယ်၊ ပလောင် (တအာင်း) ဒေသနှင့် ကိုးကန့်ဒေသတို့၌ ဖြစ်ပွားနေသည့် တိုက်ပွဲများကို ရပ်တန့်၍ ယင်းလက်နက်ကိုင် တပ်ဖွဲ့များကို ဆွေးနွေးပွဲသို့ခေါ်ရန်၊ ပြည်တွင်းစစ်နှင့် ပဋိပက္ခများဖြစ်ပွားရာတွင် အစိုးရဘက်မှ အင်အားသုံး ဖြေရှင်းခြင်းမပြုရန် တောင်းဆိုမှုများ ပြုလုပ်ခဲ့သည်။

ယင်းအပြင် ရဲတပ်ဖွဲ့က အမျိုးသားပညာရေး ဥပဒေ ပြင်ဆင်ရန် တောင်းဆိုနေသည့် ဆန္ဒပြကျောင်းသားများနှင့် လုပ်ခလစာ တောင်းဆိုခဲ့သော အလုပ်သမားများကို အကြမ်းဖက် ရိုက်နှက်ခဲ့ခြင်းနှင့် ပတ်သက်၍လည်း အစိုးရက အင်အားမသုံးဘဲ ညှိနှိုင်းဖြေရှင်းရန် ထည့်သွင်းပြောဆိုခဲ့သည်ဟု NCCT ခေါင်းဆောင် နိုင်ဟံသာက ဧရာဝတီကို ပြောသည်။

တောင်းဆိုမှုများ အပေါ်တွင် UPWC ကိုယ်စားလှယ်များထံမှ ယေဘုယျဆန်သည့် အဖြေများသာ ရရှိခဲ့ပြီး တိုင်းရင်းသားများဘက်မှ တောင်းဆိုလိုသည့် အချက်များကို အစီရင်ခံစာ ရေးသားပေးရန် ပြောဆိုသည်ဟု ၄င်းက ဆိုသည်။

၂၀၁၄ ခုနှစ်တွင် ဆွေးနွေးခဲ့စဉ်က အပစ်ရပ်ပြီးနောက် လိုက်နာရမည့် ကိစ္စရပ်များကို NCA တွင် ထည့်သွင်းရန် အချက်အလက် အသေးစိတ် ထည့်သွင်းခဲ့သော်လည်း အဆင်မပြေသဖြင့် ယခုဆွေးနွေးမှုတွင် မူအရ ထားရှိရမည့် အချက်တချို့ကိုသာ NCA တွင် လမ်းညွှန်ချက်များအဖြစ် ထည့်သွင်းထားကြောင်း၊ အသေးစိတ် အချက်အလက်များကို သက်ဆိုင်ရာ တပ်မတော်မှ တပ်မှူးများနှင့် တိုင်းရင်းသား တပ်ဖွဲ့များမှ တပ်မှူးများကို တာဝန်ပေး ဆွေးနွေးစေမည်ဟု NCCT ပြော ရေးဆိုခွင့်ရှိသူ ဗိုလ်မှူးကြီး ခွန်ဥက္ကာက ဆိုသည်။

ကချင် လွတ်လပ်ရေး တပ်မတော် (KIA) မှ ဒု စစ်ဦးချုပ် ဗိုလ်ချုပ် ဂွန်မော်ကလည်း ၎င်း၏ တပ်မှူးများနှင့်အတူ မတ်လ ၁၆ ရက်က နေပြည်တော်တွင် ဒုသမ္မတ၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နှင့် တွေ့ဆုံ၍ တပ်နေရာ ချထားရေးကိစ္စများ ဆွေးနွေးထားသည်။

နိုင်ငံတော်သမ္မတ၊ အစိုးရအဖွဲ့များ၊ တပ်မတော်၊ တိုင်းရင်းသား လက်နက်ကိုင်အဖွဲ့များ အကြား NCA အပြီးသတ် ချုပ်ဆိုပြီးပါက အောက်ခြေတပ်များကို ၂၄ နာရီအတွင်း အကြောင်းကြား၍ တပ်ပိုင်းဆိုင်ရာ ကိစ္စရပ်များဖြစ်သည့် ကျင့်ဝတ်စည်းကမ်းများကို အောက်ခြေတပ်များက လိုက်နာရမည် ဖြစ်သည်ဟု ငြိမ်းချမ်းရေး လုပ်ငန်းစဉ်တွင် သတ်မှတ်ထားသည်။

ဆွေးနွေးပွဲ၏ နောက်ဆုံးနေ့ဖြစ်သည့် မတ် ၂၂ ရက်တွင် အခန်း ၇ ခန်းပါ NCA စာချုပ်မူကြမ်း၌ နှစ်ဖက်ညှိနှိုင်း ဆွေးနွေးရန် အချက် ၄ ချက်သာ ကျန်ရှိတော့ကြောင်း သတင်းထုတ်ပြန်ခဲ့သည်။

MPC မှ အကြီးတန်း အကြံပေး ဦးလှမောင်ရွှေက “အခန်း (၆) ကြားကာလမှာ အချက်တချက်အနေနဲ့ ကျန်ရှိပါတယ်။ ကျန်တဲ့အခန်း (၃) နဲ့ အခန်း (၅) မှာပါတဲ့ အပိုဒ်တပိုဒ်စီမှာ စကားလုံး ရွေးချယ်ဖို့ကိုတော့ ၃၀ ရက်နေ့မှာ ပြန်ဆွေးနွေးပါမယ်။ အဲဒါကလွဲရင်တော့ ကျန်တဲ့အချက်တွေ အားလုံးဟာ သဘောတူညီချက်ရပြီး ဖြစ်ပါတယ်” ဟု မီဒီယာများကို ပြောကြားခဲ့သည်။

ယင်းအချက် ၄ ချက်ကို ဆက်လက် ညှိနှိုင်းဆွေးနွေးရန် ၇ ကြိမ်မြောက် ဆွေးနွေးပွဲကို မတ်လ ၃၀ ရက်သို့ ထပ်မံ ရွေ့ဆိုင်းခဲ့သည်။

အဆိုပါ စာချုပ်မူကြမ်းတွင် အခန်း (၁) အခြေခံမူများ၊ အခန်း (၂) ရည်ရွယ်ချက်နှင့် ဦးတည်ချက်၊ အခန်း(၃) အပစ်အခတ် ရပ်စဲရေးဆိုင်ရာ ကိစ္စရပ်များ၊ အခန်း (၄) အပစ်အခတ် ရပ်စဲရေးကို ခိုင်မာစေရန် လုပ်ဆောင်ရမည့် အချက်များ၊ အခန်း (၅) နိုင်ငံရေး ဆွေးနွေးရန် အပြန်အလှန် ကတိပြုခြင်း၊ အခန်း (၆) စေ့စပ်ညှိနှိုင်း ဆောင်ရွက်ရမည့် ကိစ္စရပ်များ၊ အခန်း(၇) အထွေထွေ၊ အပုဒ် (၃၀) ပုဒ်၊ အပိုဒ်ခွဲ (၈၁) ပုဒ် ပါဝင်ကြောင်းလည်း သိရသည်။

လက်ရှိ ရရှိထားသည့် သဘောတူညီချက်များနှင့် ဆွေးနွေးညှိနှိုင်းရန် ကျန်နေသည့် အချက်များကို နှစ်ဖက်စလုံးမှ ခေါင်းဆောင်များကို ပြန်လည် တင်ပြပြီး အတည်ပြုချက် ရယူရန်အတွက် ယင်းသို့ ရွေ့ဆိုင်းခဲ့ရခြင်းဖြစ်ကြောင်း နှစ်ဖက် ခေါင်းဆောင်များက ပြောသည်။

အပစ်အခတ်ရပ်စဲရေး စာချုပ်ချုပ်ဆိုပြီးနောက်ပိုင်း နိုင်ငံရေး ဆွေးနွေးပွဲများ ကျင်းပနေစဉ် အတောအတွင်း ကြားကာလ၌ တိုင်းရင်းသား လက်နက်ကိုင်တပ်ဖွဲ့များ အနေဖြင့် လက်ရှိ အနေအထားအတိုင်း ဆက်လက် ရပ်တည်လိုပြီး အစိုးရဖက်ကမူ ပညာရေး၊ ကျန်းမာရေး၊ ဒေသတည်ငြိမ်ရေး လုပ်ငန်းများတွင် ပူးပေါင်း ဆောင်ရွက်စေလိုကြောင်း၊ ယင်းသို့ နောက်ခံအခြေအနေ အယူအဆ ကွဲပြားမှုကြောင့် အဆိုပါ အကြောင်းအရာနှင့် ပတ်သက်ပြီး ဆက်လက် ညှိနှိုင်း ဆွေးနွေးသွားမည်ဖြစ်ကြောင်း NCCT မှ ဗိုလ်မှူးကြီး ခွန်ဥက္ကာက ပြောသည်။

NCCT အနေဖြင့် အစိုးရနှင့် ဆွေးနွေးနေသည့် တနိုင်ငံလုံး ပစ်ခတ်တိုက်ခိုက်မှု ရပ်စဲရေးဟု ခေါင်းစဉ်တပ်ထားသဖြင့် တပြည်လုံးရှိ တိုင်းရင်းသားလက်နက်ကိုင် အားလုံးဖြင့် သက်ဆိုင်ကြောင်း၊ ထို့ကြောင့် တိုင်းရင်းသားတပ်ဖွဲ့ အားလုံး ပါဝင်နိုင်ရန်၊လက်ရှိ ငြိမ်းချမ်းရေး ဆွေးနွေးမှုတွင် မပါဝင်သေးသည့် အဖွဲ့များကိုလည်း ပါဝင်လာနိုင်ရန် ညှိနှိုင်းမှုများ ပြုသွားမည်ဟု သိရသည်။

လတ်တလောတွင် အစိုးရနှင့် တိုက်ပွဲများ ဖြစ်ပွားနေသည့် မြန်မာ အမျိုးသား ဒီမိုကရေစီ မဟာမိတ် တပ်မတော် (MNDAA) ကိုးကန့်တပ်ဖွဲ့ အပါအဝင် ရှမ်းပြည်နယ် မြောက်ပိုင်းဒေသမှ မဟာမိတ်တပ်များနှင့် အလွတ်သဘော တွေ့ဆုံဆွေးနွေးသွားရန် ရှိကြောင်း သိရသည်။

“သူတို့နဲ့ (ကိုးကန့်တပ်ဖွဲ့) အစည်းအဝေး ခေါ်ဖို့ရှိပါတယ်၊ အခုချိန်အထိ အခြေအနေတွေက တင်းမာနေတော့ ကျနော်တို့ ကိုယ်တိုင် အခြေအနေ အသေးစိတ်ကို သုံးသပ်ဖို့ အချိန်နည်းနည်း လိုနေတယ်၊ သူတို့ (ကိုးကန့်တပ်ဖွဲ့) ဆီက အခက်အခဲကို ကျနော်တို့ မသိဘူး။ ညှိနှိုင်းဖို့ ကျနော်တို့ ကြိုးစားနေပါတယ်” ဟု ဗိုလ်မှူးကြီး ခွန်ဥက္ကာက ဆိုသည်။

တပ်မတော်နှင့် ကိုးကန့်တပ်ဖွဲ့တို့သည် ဖေဖော်ဝါရီ ၉ ရက်တွင် ရှမ်းပြည်နယ်၊ လောက်ကိုင်မြို့အတွင်း တိုက်ပွဲများ စတင် ဖြစ်ပွားခဲ့ပြီး တပ်မတော်ဘက်မှ အကျအဆုံးများသဖြင့် တိုက်ပွဲများ ပိုမိုပြင်းထန်လာကာ မြန်မာ-တရုတ် နယ်စပ်တွင်လည်း ယနေ့အထိ တိုက်ပွဲများ ဖြစ်ပွားနေဆဲ ဖြစ်သည်။

NCCT က အစိုးရနှင့် တပ်မတော်တို့မှ ကိုးကန့်တိုက်ပွဲကိစ္စ အပေါ်တွင် ပဋိပက္ခ ဖြစ်သည်ဟူသည့် ဘောင်အတွင်း မှနေ၍ ချင့်ချိန်စွာ စဉ်းစားပေးရန်၊ ကိုးကန့် တပ်ဖွဲ့ကို ငြိမ်းချမ်းရေး ဆွေးနွေးပွဲသို့ ခေါ်ယူဆွေးနွေးပေးရန် ကိုးကန့်တပ်ဖွဲ့နှင့် ပြေလည်ရေး နည်းလမ်းရှာပေးရန် တရားဝင် မေတ္တာရပ်ခံထားသော်လည်း အစိုးရဘက်မှ ကိုးကန့်အရေးကို လက်ခံ ဆွေးနွေးရန် တွန့်ဆုတ်နေသည်ဟု NCCT ခေါင်းဆောင်များက ပြောဆိုသည်။

ကိုးကန့်တပ်ဖွဲ့မှာ တိုင်းရင်းသား လက်နက်ကိုင်အဖွဲ့များ၏ တပ်ပေါင်းစုဖြစ်သော ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) တွင် အပါအ၀င်ဖြစ်သည့် တိုင်းရင်းသား တပ်ဖွဲ့တခု ဖြစ်သဖြင့် NCCT အဖွဲ့ဝင် ဖြစ်သည်ဟု NCCT ကိုယ်စားလှယ်များက သတ်မှတ်ထားသော်လည်း အစိုးရဘက်က ကိုးကန့်တပ်ဖွဲ့အား တနိုင်ငံလုံး ငြိမ်းချမ်းရေး ဆွေးနွေးနေသည့် အထဲတွင် ထည့်သွင်းထားခြင်း မရှိဟု သိရသည်။

ကိုးကန့်အဖွဲ့က ဖေဖော်ဝါရီလ အတွင်းက သမ္မတထံသို့ ပေးပို့သည့် အိတ်ဖွင့်ပေးစာတွင် ၎င်းတို့အဖွဲ့မှာ ပြည်တွင်းရှိ တိုင်းရင်းသား အဖွဲ့တခုပင် ဖြစ်သဖြင့် ငြိမ်းချမ်းရေး ဆွေးနွေးပေးရန် တောင်းဆိုချက် ပါရှိသည်။

အစိုးရနှင့် တနိုင်ငံလုံး ငြိမ်းချမ်းရေး ဆွေးနွေးနေသည့် NCCT ထဲတွင် တိုင်းရင်းသား လက်နက်ကိုင်အဖွဲ့ ၁၆ ဖွဲ့ ရှိသည်ဟု အစိုးရက သတ်မှတ်ထားပြီး ထိုအထဲတွင် ကိုးကန့်တပ်ဖွဲ့၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (ABSDF) နှင့် တခြားတိုင်းရင်းသား လက်နက်ကိုင် အဖွဲ့ငယ် ၃ ဖွဲ့ခန့် ပါဝင်ခြင်း မရှိဟု သိရသည်။

ယခု ကျင်းပခဲ့သည့် ၇ ကြိမ်မြောက် အပစ်အခတ်ရပ်စဲရေး စာချုပ်ဆွေးနွေးပွဲသည် ရက်အကြာရှည်ဆုံး ဆွေးနွေးပွဲဖြစ်ပြီး NCCT မှ အဖွဲ့ခေါင်းဆောင် နိုင်ဟံသာ၊ ဗိုလ်ချုပ် ဂွန်မော်၊ ပဒိုစောကွယ်ထူးဝင်းတို့ တက်ရောက်ခဲ့ပြီး အစိုးရဘက်မှ ပြည်ထောင်စုဝန်ကြီး ဦးအောင်မင်း၊ ဒု ဗိုလ်ချုပ်ကြီး မြင့်စိုး၊ ဒု ဗိုလ်ချုပ်ကြီး သက်နိုင်ဝင်းတို့ ပါဝင် တက်ရောက်ခဲ့ကြောင်း သိရသည်။

ယနေ့ ဆွေးနွေးပွဲသို့ ရှမ်းပြည် ပြန်လည်ထူထောင်ရေး ကောင်စီ၊ ရှမ်းပြည် တပ်မတော် (RCSS/SSA)၊ ABSDF, လားဟူအဖွဲ့နှင့် အမျိုးသား ဒီမိုကရက်တစ် မဟာမိတ်တပ်ပေါင်းစု (NDAA) မိုင်းလားအဖွဲ့တို့က လေ့လာသူအဖြစ် တက်ရောက်ပြီး ‘၀’ ပြည် သွေးစည်းညီညွတ်ရေး တပ်မတော် (UWSA) က တက်ရောက်ခဲ့ခြင်း မရှိပေ။ NDAA သည် UWSA နှင့် အနီးကပ်ဆုံး မဟာမိတ်အဖွဲ့ဖြစ်ကြောင်း သိရသည်။

အောင်တံခွန် (၃) သင်္ဘော နစ်မြုပ်ခြင်းနှင့် ပတ်သက်၍ စစ်တွေတွင် ဆရာတော်နှစ်ပါးဆန္ဒပြ

စံမောင်သန်း

အောင်တံခွန် (၃) သင်္ဘောနစ်မြုပ်မှုနှင့် ပတ်သက်၍ ရခိုင်ပြည်နယ် စစ်တွေမြို့တွင် မတ်လ ၂၈ ရက်နေ့က ဆရာတော်နှစ်ပါး ဆန္ဒပြခဲ့ကြောင်း သိရသည်။

ယင်းဆရာတော်နှစ်ပါးမှာ စစ်တွေမြို့ မင်းဂံအကွက် ၁၃ ၀ိဘဇ္ဇကျောင်းတိုက်မှ ဆရာတော်ဦးစက္ကိန္ဒနှင့် စက်ရုံစု ရွာသာယာရပ်ကွက် အာရက္ခဖေါင်းဒေးရှင်းကျောင်းတိုက်မှ ဆရာတော် ဦးကေသာရတို့ဖြစ်ကြောင်း သိရသည်။

အောင်တံခွန် (၃) သင်္ဘောနစ်မြုပ်မှု၌ ကျန်ရစ်သူမိသားစုနှင့်ထပ်တူ ၀မ်းနည်းကြေကွဲကြောင်း ပြသရန်နှင့် ရခိုင်လူမှုဘ၀ တည်ငြိမ်အေးချမ်းရေးနှင့် ရခိုင်ပြည်နယ် ဖွံ့ဖြိုးရေးခေါင်းစည်းအောက်က ယခုဆန္ဒပြပွဲကို ပြုလုပ်ရခြင်းဖြစ်သည်ဟု ဆရာတော် ဦးစက္ကိန္ဒက ပြောသည်။

ယခင်ရခိုင်ကမ်းရိုးတန်းတွင် ပြေးဆွဲခဲ့သည့် သင်္ဘောလိုင်းများကို ခေတ်မီသင်္ဘောများဖြင့် အစားထိုးပြေးဆွဲရန်၊ နယ် မြို့အစုံ ယခင်ပြေးဆွဲခဲ့သည့် လိုင်းများအပြင် နောက်ထပ်သွားလာ၍ ရနိုင်သည့် လိုင်းများကိုလည်း နယ် မြို့ အစုံ ပြေးဆွဲပေးရန်၊ စစ်တွေမြို့ ဆိပ်ခံတံတားများကို ခေတ်မီအောင် ပြုလုပ်ရန် နှင့် အခြားမြို့များတွင် သင်္ဘောဆိုက်ကပ်နိုင်သည့် နေရာများ၌ ဆိပ်ခံတံတားများ ဆောက်လုပ်ပေးရန်တို့ကို တောင်းဆိုခဲ့ကြသည်။

ယင်းတောင်းဆိုမှုများကို ရခိုင်ပြည်နယ်ဝန်ကြီးချုပ်အား တိုက်ရိုက်လိပ်မူ၍ တောင်းဆိုသွားမည်ဖြစ်ပြီး၊ ကုလသမဂ္ဂနှင့် EU တို့မှလည်း ရခိုင်ပြည်သူများဘ၀ ဖွံ့ဖြိုးတိုးတက်ရေးအတွက် ၀ိုင်းဝန်းကူကြရန် တိုက်တွန်းတောင်းဆိုချင်သည်ဟု ဆန္ဒပြဆရာတော်နှစ်ပါးက ပြောသည်။

“အောင်တံခွန် ၃ သင်္ဘောနစ်မြုပ်မှုအပိုင်းနဲ့ ပြောရရင် တအားကြီးအိုဟောင်းနေတဲ့ အဲဒီသင်္ဘောဟာ ကျောက်ဖြူကထွက်လာကတည်းက သင်္ဘောက အပေါက်ကြီး၊ အဲဒီသင်္ဘောအပေါက်ကြီးမှာ ရခိုင်လူမျိုးတွေ ရာချီပြီးတော့ စီးလာရတယ်။ လိုင်းကြီးတဲ့ ပင်လယ်ပြင်ကို ဖြတ်တယ်ဆိုတာ ဒါသေမင်းဆီကို ဦးတည်ပြီး သွားနေသလိုမျိုး တွေ့ရတယ်”ဟု ဆရာတော် ဦးစက္ကိန္ဒက ပြောသည်။

ယခု ရခိုင်ပြည်နယ်တွင် ပြေးဆွဲနေကြသည့် သင်္ဘောများတွင် မည်သည့်သင်္ဘောမျှ နိုင်ငံတကာ စံချိန်စံညွှန်းနှင့် ပြည့်စုံသည်ကို မတွေ့ရဟု ဆရာတော်က ပြောသည်။

သင်္ဘောပြေးဆွဲမှုမှာလည်း ကုန်တင်သင်္ဘော၊ ခရီးသည်တင် သင်္ဘောဆိုပြီး သတ်သတ်မှတ်မှတ်မရှိကြောင်း၊ ကုန်တင်ဆိုလျှင် ကုန်တင်သင်္ဘောသက်သက်သာ နစ်မြုပ်မည်ဖြစ်ပြီး၊ ခရီးသည်တင် သင်္ဘောနစ်မြုပ်ခဲ့လျှင်လည်း ယခုလောက်ထိ ကြီးကြီးမားမား ပေးဆပ်ရလိမ့်မည်မဟုတ်ဟု ပြောသည်။

နောင်အနာဂတ်တွင် ရခိုင်ကမ်းရိုးတမ်း၌ ခေတ်မီသင်္ဘောများဖြင့် ခရီးသည်တင်ဆိုလျှင် ခရီးသည်တင်သက်သက်၊ ကုန်သင်္ဘောဆိုလျှင် ကုန်သင်္ဘောသက်သက် သတ်မှတ်ပြီး ပြေးဆွဲစေလိုသည်ဟု ဆရာတော်က ပြောသည်။

“လူ့အသက်ကို မနှစ်မြို့ဘူး၊ သင်္ဘောအဟောင်းကို နှစ်မြို့ပြီးတော့ လူတွေကို သေစေသလိုမျိုးဖြစ်နေတယ်။ ဒီလိုမျိုး နောက်နောင်မဖြစ်အောင် လူဆွဲသီးသန့်၊ ကုန်တင်သင်္ဘောသီးသန့် သတ်မှတ်ပြီးတော့ ခေတ်မီ သင်္ဘောတွေနဲ့ ပြေးဆွဲစေချင်တယ်”ဟု ဆရာတော်နောက်တစ်ပါး ဖြစ်သူ ဦးကေသာရက ပြောသည်။

ပြည်ထောင်စုအစိုးရ၊ ပြည်နယ်အစိုးရ၊ သမ္မတတို့က သင်္ဘောများကို စိစစ်မှု လုပ်နေခဲ့လျှင် ယခုကဲ့သို့ အဖြစ်ဆိုးနှင့် ကြုံရမည်မဟုတ်ကြောင်း၊ သူတို့မှာ တာဝန်ရှိသည်ဟု ဆရာတော်က ပြောသည်။

ဆရာတော်နှစ်ပါးသည် ဦးဥတ္တမ ပန်းခြံမှ လမ်းမကြီးအတိုင်း သင်္ဘောဆိပ်၊ ယင်းမှ မင်းဘာကြီးလမ်းအတိုင်း ချီတက်လာပြီး ဘီလူးမတံတား၊ မီဇံရပ်ကွက်မှ ကမ်းနားလမ်း၊ ထိုမှ ဝေသာလီလမ်းအတိုင်း ချီတက်ပြီး ဆရာတော် ဦးပညာသီဟ အုတ်ဂူတွင် ဆန္ဒပြပွဲကို အဆုံးသတ်ခဲ့သည်ဟု သိရသည်။

ဆန္ဒပြပွဲကို နံနက် ၈ နာရီခန့်က စတင်ပြီး ၉ နာရီခွဲကျော်တွင် ပြီးဆုံးခဲ့ကြောင်း သိရသည်။

ထိုင်းမြန်မာ ဒေသထွက်ကုန် ဈေးရောင်းပွဲတော် ပြုလုပ်


ဝမ်ပေါင်ကုမ္ပဏီက စွန့်ပစ်မြေစာများ စိုက်ပျိုးမြေများပေါ်စွန့်ပစ်သဖြင့် ဒေသခံများ ကန့်ကွက်ဆန္ဒပြ

ထက်ထက်အောင်

စစ်ကိုင်းတိုင်း၊ ဆားလင်းကြီးမြို့ရှိ လက်ပံတောင်းတောင်ဒေသခံများ၏ စိုက်ပျိုးမြေများပေါ်တွင် ဝမ်ပေါင်ကုမ္ပဏီမှ မြေစာများ စွန့်ပစ်ခြင်းကြောင့် ဝမ်ပေါင်ကုမ္ပဏီရှေ့တွင် မတ်လ ၂၉ ရက်က ဒေသခံများ ကန့်ကွက်ဆန္ဒပြခဲ့ကြသည်ဟု ဆန္ဒပြရာတွင် ပါဝင်သူ မိုးကြိုးပြင်(အလယ်)ရွာမှ မဇာခြည်အေးက မဇ္ဈိမကို ပြောသည်။

ဖြစ်စဉ်မှာ မတ်လ ၂၉ ရက် နံနက်တွင် မုံရွာ-ပုသိမ်လမ်း အရှေ့ဘက် (လိပ်ခွံတောင် အရှေ့ဘက်) ရှိ ရိတ်သိမ်းပြီး လယ်များပေါ်သို့ ယင်းကုမ္ပဏီမှ မြေစာများ စွန့်ပစ်လာသည့်အတွက် ဒေသခံများက ထိုနေ့ညနေ ၄ နာရီခွဲတွင် ဝမ်ပေါင်ကုမ္ပဏီရှေ့တွင် ကန့်ကွက်ဆန္ဒပြကြခြင်း ဖြစ်သည်။

အဆိုပါ မြေစာစွန့်ပစ်မှုသည် ဝမ်ပေါင်ကုမ္ပဏီမှ သွပ်ဆူးကြိုး ခြံစည်းရိုးခတ်ထားသော နယ်နိမိတ်အတွင်း ဖြစ်သော်လည်း ဒေသခံများက ထိုမြေများမှာ လျော်ကြေးငွေ ရယူထားခြင်းမရှိသည့်အတွက် ၎င်းတို့ပိုင် လယ်ယာမြေများသာ ဖြစ်သည့်အတွက် ကန့်ကွက်ခြင်း ဖြစ်သည်ဟု ဆိုသည်။

မဇာခြည်လင်းက “ ရိတ်သိမ်းပြီး လယ်တွေပေါ် မြေစာလာပုံတော့ နောက်လုပ်ငန်းခွင်ပြန် စရင် ထိခိုက်လာမယ်။ ဒီအတွက် ဆန္ဒပြတာပါ။ ဒီမြေစာတွေက သီးနှံလျော်ကြေး၊ မြေယာလျော်ကြေး လုံးဝယူမထားတဲ့ မြေတွေပေါ် လာပုံတာ”ဟု ပြောသည်။

ဝမ်ပေါင်ကုမ္ပဏီက လက်ပံတောင်းတောင်မှ တူးယူသော မြေစာများကို အထက်ပါ စိုက်ပျိုးမြေများ ပေါ်သို့ မြေတူးစက်များဖြင့် စွန့်ပစ်စုပုံခဲ့ခြင်းဖြစ်ပြီး ညနေလေးနာရီခွဲအချိန်အထိ မြေသုံးဧကခန့််ပေါ်သို့ စုပုံထားပြီးဖြစ်သည်ဟု ၎င်းက ဆိုသည်။

ကန့်ကွက်ဆန္ဒပြမှုသူများက ညနေ ၄ နာရီမှ စတင်ကာ မိုးကြိုးပြင်အလယ်ရွာမှ အင်အား ၁၂ဝ ဖြင့် ထွက်ခွာခဲ့ကြခြင်း ဖြစ်သည်။

ကန့်ကွက်ဆန္ဒပြရာတွင် လက်ပံတောင်းဒေသရှိ မိုးကြိုပြင် အနောက်ရွာ၊ ဆည်တည်းနှင့် တုံရွာတို့မှ ဒေသခံများက ပါဝင်ပြီး ၎င်းတို့က လက်ပံတောင်းတောင် ကြေးနီစီမံကိန်း လုံးဝဖျက်သိမ်းရေး၊ မီးလောင်ဗုံးကိစ္စ အရေးယူပေးရေး၊ မတရားသိမ်းပိုက်ထားသော လယ်ယာမြေများ ပြန်လည်ရရှိရေး၊ လိမ်လည်နေသော ဦးပိုင်နှင့် ဝမ်ပေါင် အလိုမရှိ၊ ပုဒ်မ ၁၄၄ ဖျက်သိမ်းပေးဆိုသည့်ကြွေးကြော်သံများ ဟစ်ကြွေးကာ ဆန္ဒပြခဲ့ကြသည်။

ကန့်ကွက်ဆန္ဒပြသူများ ဝမ်ပေါင်ကုမ္ပဏီ ရှေ့အရောက်တွင် ရဲအင်အား ၃၀၀ ခန့်က ဒိုင်းများ ကိုင်ဆောင်ကာ ပိတ်ဆို့တားမြစ်ခဲ့သည်ဟုလည်း ဒေသခံ တစ်ဦးက ဆိုသည်။

ဒေသခံများက တာဝန်ရှိသူတစ်ဦးနှင့် တွေ့ဆုံခွင့် တောင်းခံသော်လည်း တွေ့ခွင့် မရခဲ့ကြောင်း၊ ဒေသခံများက တားမြစ်ထားသော ရဲဝန်ထမ်းများနှင့် ပြောဆိုနေစဉ်မှာပင် နောက်ထပ်ရဲအင်အား ၁၀၀ခန့် ထပ်မံရောက်ရှိလာပြီး ကန့်ကွက်ဆန္ဒပြသူများကို ဘက်လေးဘက်မှ ဝန်းရံကာ ဆက်လက် ပိတ်ဆို့ထားသဖြင့် နိုင်ငံတော်သီချင်းသီဆို၍ ထိုနေ့ညနေခြောက်နာရီခန့်က ဆန္ဒပြသူများ ပြန်လည်ဆုတ် ခွာခဲ့ကြသည်ဟု မဇာခြည်လင်းက ဆိုသည်။

မတ်လ ၂၉ ရက်သည် လက်ပံတောင်းတောင် သပိတ်စခန်းတွင် သံဃာတော်နှင့် ဒေသခံပြည်သူများ မီးလောင်ဗုံးများဖြင့် ဖြိုခွင်းခံရခြင်း ၂၈ လပြည့်လည်း ဖြစ်သည်။

ဗိုလ်ချုပ်ဟောင်း တဦး သိမ်းယူထားသည့်မြေများ ပြန်ရရန် ဒေသခံများ တောင်းဆိုမည်

ဘုန်းမြတ်

ယခင် စစ်အစိုးရ လက်ထက် ပို့ဆောင်ရေးဝန်ကြီး တာဝန်ယူခဲ့သူ ဗိုလ်ချုပ်ဟောင်း သိန်းဆွေ သိမ်းယူထားသည့် ရန်ကုန်တိုင်း ဒေသကြီး လှည်းကူးမြို့နယ် စာဘူးတောင်း ကျေးရွာအုပ်စုရှိ မြေ ဧက ၅၀ ကျော်ကို ဒေသခံ ရွာသားများက ပြန်လည် ရယူရန် စီစဉ် နေကြောင်း သတင်း ရသည်။

စာဘူးတောင်း ကျေးရွာအုပ်စု အင်ကြင်းကွင်း ကျေးရွာအနီး ကွင်းအမှတ် ၁၀၀၆ ကျေးရွာပိုင်မြေ ၈၅ ဧကအနက် ဧက ၅၀ ကျော်ကို ၂၀၀၁ -၂၀၀၂ ခုနှစ်က သိမ်းယူခဲ့ခြင်း ဖြစ်ကြောင်း ဒေသခံများက ပြောပြကြသည်။

“ဗိုလ်ချုပ်သိန်းဆွေက ၂၀၀၁- ၂၀၀၂ ကစပြီး သိမ်းထားတာပါ။ အခုချိန်ထိအဲဒီနေရာမှာ ဘာစီမံကိန်းမှလည်း မလုပ်ဘူး။ မြေလွတ် တောရိုင်းကြီး ဖြစ်နေတယ်။ ဒါကို စာဘူးတောင်းကျေးရွာအုပ်စုက အိမ်ယာမဲ့တွေ၊ စစ်တပ်အငြိမ်းစားတွေ အတွက် အိမ်နေရာ ကွက် သစ် ဖော်ဆောင်ဖို့ တောင်းခံသွားမှာပါ”ဟု အင်းကြင်းကွင်း ကျေးရွာမှ ဦးအေးကျော်က ပြောသည်။

ဗိုလ်ချုပ်သိန်းဆွေ သိမ်းယူထားသည် ဆိုသော မြေဧက ၅၀ ကျော်သည် လှည်းကူးမြို့နယ် ရဲမွန်တပ်မြို့ရှိ တပ်မ ၁၁ အနီးတွင် တည်ရှိကြောင်း သိရသည်။

ထိုသိမ်းဆည်းခံထားရသည့် မြေဧကများ ပြန်လည်ရရှိရန် လှည်းကူးမြို့နယ် မြေစာရင်း ဦးစီးဌာနမှ တဆင့် သက်ဆိုင်ရာ ဌာနများသို့ တင်ပြတောင်းခံ သွားမည်ဖြစ်ကြောင်း ဒေသခံများက ပြောဆိုသည်။

အဆိုပါ မြေများနှင့်ပတ်သက်ပြီး ရဲမွန်တပ် အရာခံနှင့် အကြပ်ကြီး သင်တန်းကျောင်းမှ အငြိမ်းစား ဒုအရာခံဗိုလ် အုန်းကျော်က“ ကျနော်က ဗိုလ်ချုပ်ဝင်းမြင့်ခြံမှာ တာဝန်ထမ်းဆောင် ခဲ့တာပါ။ ဗိုလ်ချုပ်ဝင်းမြင့် ဆိုတာက လေ့ကျင့်ရေးချုပ်ပါ။ ဗိုလ်ချုပ်ဝင်းမြင့်က ဗိုလ်ချုပ် သိန်းဆွေကို ဒီမြေကို မင်းသိမ်းလိုက်၊ ပြီးရင် ခြံခတ်လိုက်လို့ ပြောပါတယ်၊ ကျနော်က အနီးကပ်နေခဲ့တော့ သိခဲ့ရတယ်။ အရင်က ဒီနေရာက ၀ါးတောကြီး။ ကျနော်တို့ ရှင်းလင်းပေးခဲ့ရတာပါ။ ရှင်းပြီးတော့ ၉၅ ဧက လောက် ထွက်တယ်”ဟု ပြောပြသည်။

ဗိုလ်ချုပ်ဟောင်း သိန်းဆွေ သိမ်းယူထားသည်ဆိုသည့် မြေဧကများနှင့်ပတ်သက်ပြီး ဧရာဝတီ သတင်းဌာနက လှည်းကူးမြို့နယ် မြေ စာရင်း ဦးစီးဌာနသို့ ဆက်သွယ်မေးမြန်းရာ ဦးစီးမှူး မရှိကြောင်းသာ တာဝန်ကျဝန်ထမ်းတဦးက ပြန်လည်ဖြေကြားသည်။

မြေသိမ်းဆည်းခံခဲ့ရသည့် အင်းကြင်းကွင်း ရွာသူ အသက် ၆၀ အရွယ် ဒေါ်လှမြိုင်က“ကျမရဲ့မြေ ဧက ၇ ဧက သိမ်းခံခဲ့ရတာပါ။ ဗိုလ်ချုပ် ဦးသိန်းဆွေပဲ သိမ်းတာပဲ။ ဒီနေ့ထိ လျော်ကြေးလည်း တပြားမှ မရဘူး”ဟု ပြောသည်။

ဗိုလ်ချုပ်ဟောင်း သိန်းဆွေသည် ယခင် စစ်အစိုးရ လက်ထက်က ပို့ဆောင်ရေး ၀န်ကြီးအဖြစ် တာဝန် ထမ်းဆောင်ခဲ့သည့် ဗိုလ်ချုပ် ဟောင်းတဦး ဖြစ်သည်။

အစားစာဘေးရန်ကင်းရှင်းရေးအတွက် ဟောပြောပွဲ ကျင်း


ယခု ၂၀၁၅ တွင် သွင်းကုန်များအပေါ် ကောက်ခံသည့် အကောက်ခွန်များ ထပ်မံလျှော့ချသွားရန် စီစဉ်နေ

ထင်လင်းအောင်

ပြည်တွင်းသို့ တင်သွင်းမည့် သွင်းကုန်များအပေါ် ကောက်ခံမည့် အကောက်ခွန်(Custom Duty)များကို ထပ်မံလျှော့ချသွားရန် အကောက်ခွန် ဦးစီးဌာနက စီစဉ်လျက်ရှိသည်ဟု အကောက်ခွန် လုပ်ငန်းများဆိုင်ရာ ဝန်ဆောင်မှု အဖွဲ့အစည်း MCCA (Myanmar Custom Clearance Agents Group) မှ အဖွဲ့ဝင်များက ဆိုသည်။

ယခု ၂၀၁၅ ခုနှစ်တွင် တင်သွင်းမည့် သွင်းကုန်များ အပေါ်တွင် ကုမ္ပဏီများက အကောက်ခွန် ဦးစီးဌာနသို့ အကြောင်းပြချက် ခိုင်လုံစွာ တင်ပြနိုင်ပါက အကောက်ခွန်(MFN rate Customs Duty)များ လျှော့ပေါ့ခွင့်ရရန် စီစဉ်နေခြင်း ဖြစ်သည်။

ထိုကဲ့သို့ အခွန်လျှော့ချရေး ပြင်ဆင်မှုများသည် အာဆီယံဒေသတွင်း လွတ်လပ်သော ကုန်သွယ်မှု အစီအစဉ်ဖြင့် AFTA အရ ပြည်တွင်း လုပ်ငန်းရှင်များသည် ဒေသတွင်း နိုင်ငံများမှ လုပ်ငန်းများနှင့် ယှဉ်ပြိုင်နိုင်ရန် ဖြစ်သည်ဟု ဆိုသည်။

အခွန်လျှော့ချမှုနှင့် သက်ဆိုင်သည့် စည်းမျဉ်းများကိုမူ မတ်လ ၃၀ ရက်တွင် မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ် UMFCCI ၌ အကောက်ခွန် ဦးစီးဌာနက ကျင်းပမည့် အကောက်ခွန် နှုန်းထား လျှော့ချရေး စနစ် Rule of Origin ဆွေးနွေးပွဲတွင် ထုတ်ပြန်သွားမည် ဖြစ်သည်။

အခွန်လျှော့ပေါ့ခွင့် ရရှိမည့် ကိစ္စများကိုလည်း ကုမ္ပဏီများကပင် တင်သွင်းမည့် သွင်းကုန်များကို မြန်မာ့အကောက်ခွန် ဦးစီးဌာနသို့ လျှောက်ထားရမည်ဖြစ်သည်။

အကောက်ခွန် ဦးစီးဌာနသည် ပြည်တွင်းစီးပွားရေး ဖွံ့ဖြိုးစေရန် ၂၀၁၃ ခုနှစ်အတွင်းကလည်း ယာယီအခွန် ကင်းလွတ်ခွင့် စနစ်တစ်ရပ်ကို ဆောင်ရွက်ခဲ့သည်။ ၎င်းစနစ်သည် ပြပွဲ၊ ဈေးပွဲတော်နှင့် အစည်းအဝေးပွဲ စသည့်ပွဲများနှင့် သက်ဆိုင်သည့် ပစ္စည်းများ၊ စီးပွားရေး ဆောင်ရွက်မှုနှင့် သက်ဆိုင်သည့် သွင်းကုန် နမူနာပစ္စည်းများကို တင်သွင်းပြီး ခြောက်လအထိ အခွန်ပေးဆောင်ရန် မလိုဘဲ ယာယီကင်းလွတ်ခွင့် ရရှိသည့်စနစ်ဖြစ်သည်။

လုပ်ငန်းသုံး စက်ပစ္စည်း ကိရိယာများ၊ ထုတ်ကုန်လုပ်ငန်းများ သက်ဆိုင်သော ပစ္စည်းများ၊ ပညာရေးသိပံ္ပနှင့် ယဉ်ကျေးမှုဆိုင်ရာ ပစ္စည်းများ၊ အားကစားဆိုင်ရာ ပစ္စည်းများ၊ ခရီးသွားလုပ်ငန်းများနှင့် ဆေးပညာဆိုင်ရာ ပစ္စည်းများ စသည့်ပစ္စည်းများကိုလည်း ၁၂ လအထိ ယာယီ အခွန်ကင်းလွတ်ခွင့်ပြုကာ တင်သွင်းခွင့်ပြုမှုများ ရှိခဲ့သည်။

မြန်မာနိုင်ငံသည် ကုန်သွယ်မှုဆောင်ရွက်ရန် လွယ်ကူစေသည့် လုပ်ထုံးလုပ်နည်း ပြင်ဆင်မှုကို ဆောင်ရွက်နိုင်ခဲ့ခြင်း ကြောင့် ကမ္ဘာ့စီးပွားရေး လုပ်ကိုင်ရန် လွယ်ကူသည့် နိုင်ငံများစာရင်းတွင် အဆင့်သတ်မှတ်ချက် တက်ခဲ့သည်။ သို့သော် အခွန်ဆိုင်ရာ လုပ်ဆောင်ချက်များကို ပြင်ဆင်ရန် လိုအပ်မည်ဟု ကမ္ဘာ့ကုန်သွယ်ရေးအဖွဲ့ WTO က သတိပေးပြောကြားထားသည်။

မန္တလေး ပဋိပက္ခနှင့် ရလဒ် သုည၊ အနာဂတ် သုည

ငြိမ်းချမ်းအေး

၂၀၁၄ ခုနှစ် ဇွန်လ မန္တလေး ဘာသာရေးပဋိပက္ခ နောက်ဆက်တွဲ အရေးယူမှုအဖြစ် သားမယားပြုကျင့်မှု လီဆယ်တိုင်တန်းသူ အပါအဝင် လှုံ့ဆော်သူ စွပ်စွဲခံ ၅ ဦးကို ထောင်ဒဏ်နှစ်ရှည်ချမှတ်ခဲ့ပါတယ်။ ဒါပေမယ့် တိုင်းပြည်ရဲ့ အနာဂတ် သုခချမ်းသာရာအတွက် ဝေဖန်ပိုင်းခြား အဖြေရှာရမယ့် မေးခွန်းတွေက တပုံကြီး ကျန်နေသေးပါတယ်။ လူမျိုးရေး၊ ဘာသာရေး ပဋိပက္ခ အတွက် ရင်းမြစ်တရားခံတွေ၊ နောက်ကွယ်က ကြိုးကိုင် မြှောက်ပင့်ပေးသူတွေ၊ မီးလောင်ရာ လေပင့်စေသူတွေ၊ ဘာသာရေး အဓိကရုဏ်းအတွင်း သေဆုံးခဲ့သူရဲ့ အလောင်းကို မြို့ပတ်စေပြီး သွေးထိုးခဲ့သူတွေ စတဲ့ တခြား သွေးစွန်းတဲ့ လက်တွေအားလုံး စုံလင်ထိုက်သင့်တဲ့ အရေးယူမှုတွေ ပြုလုပ်နိုင်ခဲ့ပါပြီလား။ နောင် ဒါမျိုး အဖြစ်ဆိုးတွေ မဖြစ်ပေါ်နိုင်အောင်ကော ကြိုတင်ကာကွယ် စီစဉ်မှုတွေ အခြေခံကျကျ ပြင်ဆင် ပြုပြင်နိုင်ခဲ့ပါပြီလား။

၂၀၁၃ ခုနှစ် မတ်လ မိတ္ထီလာမြို့မှာ ဖြစ်ပွားခဲ့တဲ့ အကြမ်းဖက်၊ မီးရှို့၊ သတ်ဖြတ်ခဲ့မှု ဆိုရင် ၂ နှစ် ရှိခဲ့ပါပြီ။ တရားမျှတမှုတွေ အပြည့်အဝ အလုံးစုံ ဖော်ဆောင်ပြီးပါပြီလား။

လူ့အဖွဲ့အစည်းမှာကော အမုန်းတရားတွေ လျော့ပါးသွားပါပြီလား။ နိုင်ငံရေးပယောဂ၊ အာရုံလွှဲမှုဆိုတဲ့ လက်ငင်းအကြောင်းကိုပဲ ဇောင်းပေး အကြောင်းပြ ဓာတ်ပြားဟောင်းဖွင့် ဆိုချင်နေကြတုန်းပဲလား။ တခါလာလည်း အစိုးရနဲ့လူထု နိုင်ငံရေးပါတီတွေ၊ လူမှုရေးအဖွဲ့တွေ အပြန်အလှန် နောက်ကွယ်က လက်မည်းကြီး မှန်းဆ စွပ်စွဲ သုံးသပ်ကြတဲ့ ခေတ်ကုန်ပါပြီလား။ အကောင်အထည် တကယ် လက်မည်းကြီး ရှိရင်လည်း နောင် ဝင်မစွက်၊ ကြိုးမဆွဲနိုင်အောင် လက်ထိပ်ခတ်နိုင်ခဲ့ပါပြီလား။ တခုခုဖြစ်လိုက်ရင် ဘာအလုပ်မှ မဖြစ်တဲ့ စုံစမ်းရေး ကော်မရှင်တွေ ဖွဲ့လိုက်၊ စိုးရိမ်ကြောင်း ဟန်ပြစကားတွေ ထုတ်ဆိုလိုက် အခြေအနေကရော ပြောင်းလဲပြီလား။

ဒီ ရန်ပွဲ၊ ပဋိပက္ခ၊ အငြိုး၊ အမုန်းတွေရဲ့ ဆန့်ကျင်ဘက်အဖြစ် တဖက်မှာ ပြည်ထောင်စုအတွင်းက နိုင်ငံသား လူမျိုး၊ ဘာသာစုံ ဥမကွဲ သိုက်မပျက် ငြိမ်းချမ်းစွာ အတူယှဉ်တွဲနေထိုင်နိုင်ဖို့ သမမျှတတဲ့ ရာသီဥတု အာမခံရာ စနစ်အဖွဲ့အစည်း၊ အစီအမံ၊ အခြေခံ ဥပဒေတွေ၊ လူ့အခွင့်အရေး ပညာပေး လှုပ်ရှားမှုတွေ ဖော်ဆောင်ဖို့ရာရော ဘယ်အခြေအနေများ ရောက်နေ၊ ဘယ်လောက်တောင် တိုးတက်နေပါပြီလဲ။ အမုန်းတရားတွေကို တန်ပြန်ဖို့ရာ ချစ်ကြည်ရေးတရား ပြန့်ပွားမှုတွေ ဘယ်လောက် ထိရောက် လုပ်ဆောင်နိုင်ခဲ့ပါပြီလဲ။

လူမှုရေး၊ ဘာသာရေး၊ နိုင်ငံရေးအဖွဲ့အသီးသီးက ဘာသာပေါင်းစုံ ချစ်ကြည်၊ ငြိမ်းချမ်းရေး ဖော်ဆောင်နေသူတွေ ကြယ်ငါးပွင့်ဟိုတယ်တွေက ဆွေးနွေးပွဲတွေမှာ သတင်းဖြစ် ပွဲတက်ခံ၊ ဓာတ်ပုံတွဲရိုက်ခံ၊ ခေါင်းဆောင်တွေချည်း ကြည်စေ၊ အေးစေ၊ ငြိမ်းစေ လုပ်နေကြတဲ့ အဆင့်ကရော တက်ခဲ့ပြီလား။ ဘယ်လောက်အထိ တိုးတက်အောင်မြင် လူအများကြားကို ငြိမ်းချမ်းရေးတရားတွေ ပြန့်နှံ့ စိမ့်ဝင်သက်ရောက်နိုင်ပြီလဲ။ လူမျိုးမတူ၊ ဘာသာကွဲရုံနဲ့ လူသားအချင်းချင်း အမြင်မကြည်လင်မှု၊ သံသယထားမှုတွေ အခု လျော့ပါးခဲ့ပြီလား။ အမုန်းပင်စည် အမြစ်တွယ်မှုတွေကို ဘယ်လောက် လှန်ထုတ် သင်းကွပ် နိုင်ပါပြီလဲ။

ရုပ်ရှင်၊ သဘင်၊ ဂီတ၊ စာပေ၊ ကာတွန်း၊ ပညာရေးစနစ် စတဲ့ လူထုကြားခံတွေက လူမျိုးမတူချင်း၊ ဘာသာမတူချင်း အမြင်မကြည်လင် မနှစ်မြို့ အယ်လာဂျစ်ဖြစ်တတ်တဲ့၊ တဖက်သတ် ကောက်ချက်ဆွဲတတ်တဲ့၊ ပုံသေကားချပ်ချ ပုံဖော်တတ်တဲ့ အမုန်းပွားရေး ‘ကြောင်ချေး’ တွေရော အခု ကုန်စင် ရှင်းလင်းပြီးပါပြီလား။

လိုရာဆွဲတွေး ပုံဖော် လူမျိုးရေး၊ ဘာသာရေး သွေးထိုးတတ်တဲ့ အကျင့်တွေ ဖျောက်နိုင်ခဲ့ကြပြီလား။ အသံဝဲဝဲနဲ့ မြန်မာစကားသံကို နားထောင်၊ အသားအရောင်ကို ကြည့် နိုင်ငံသား သတ်မှတ်လိုတဲ့ သဘောထား အမြင်တွေ ရေပန်းမစား ခေတ်ကုန်သွားခဲ့ပါပြီလား။

ဘာသာ၊ လူမျိုးစုံ မှီတင်းနေထိုင်နေတဲ့ တိုင်းပြည်မှာ လူမျိုစုစုံ ချစ်ကြည်ရေး တိုးပွားစေတဲ့ သင်ရိုးညွန်းတမ်းတွေ ပညာရေးစနစ်မှာ ထည့်သွင်း ပြဌာန်းနိုင်ပြီလား။ မြန်မာပြည်မှာ တလူမျိုး၊ တဘာသာ ဗဟိုပြု “Ethnocentric” ပြုကာ မျိုးမြင့်စိတ်နေ ထောင်လွှား ပုံဖော်တဲ့ ပညာရေးစနစ်၊ အနုသုခုမ ပုံစံတွေ အခု လျှော့ချပစ်နိုင်ခဲ့ပြီလား။ ခွင့်တူညီမျှ ဝါဒဖြူစင်တဲ့ ပြည်ထောင်စုစစ်စစ် တည်ဆောက်ဖို့ လမ်းစမှန်ပေါ် ရောက်နေပြီလား။

အထက်မှာ ဆိုခဲ့သမျှ မေးခွန်းများ အားလုံးအတွက် အဖြေက ‘သုည’ ပါ။ ပင်မရေသောက်မြစ် နိုင်ငံရေး သဘောထား စနစ် မပြောင်းလဲမှုနဲ့အတူ လူမှု၊ စီးပွား၊ ပညာ၊ ကျန်းမာ ကဏ္ဍစုံ ဒုံရင်းထက် ပိုဆိုးနေကာ အလုပ်သမား၊ လယ်သမား၊ ကျောင်းသား ပြဿနာစုံ တိုးပွားနေသလို လူမျိုးရေး၊ ဘာသာရေး ပဋိပက္ခတွေလည်း တိုးပွားမြဲ တိုးပွားနေခြင်းကြောင့် အဖြေက ဘဲဥမကွဲရတာပါ။ ဒါကြောင့်လည်း လက်ရှိအစိုးရရဲ့ နောက်ဆုံးနှစ် ၂၀၁၅ အရောက်မှာ တိုင်းပြည်ရဲ့ အထွေထွေ ပြုပြင်ပြောင်းလဲမှုနဲ့ ဒီမိုကရေစီတည်ဆောင်မှုက ရပ်တန့်ရုံမက၊ နောက်ပြန် ကျဆုံးနေတယ်လို့ နိုင်ငံတကာက သုံးသပ်နေကြတာပါ။

အကျိုးစီးပွား၊ အာဏာ၊ လုပ်ပိုင်ခွင့် ရေရှည်တည်တံ့ရေး မျှော်ကိုး နိုင်ငံရေးစနစ်ကို ဟန်ပြ ပြောင်းပြနေခြင်းကြောင့် လူဆိုး၊ မူဆိုးတွေ ရှင်သန် အမြစ်တွယ်မှုက မပျက်ပါ။ လူမျိုး၊ ဘာသာ ဆက်စပ် ပြဿနာ အတွက်လည်း အခြေခံ ပြောင်းလဲ တိုးတက်မှု လုံးဝ မဖော်ဆောင်နိုင်သေးပါ။ ပြည်တွင်းစစ်အတွက် ဟန်ပြ ငြိမ်းချမ်းရေး အလုပ်တွေသာ ပေါများနေသလို လူမျိုးရေး၊ ဘာသာရေး အမုန်းတွေ အတွက်လည်း ရင်းမြစ် ပြဿနာကို ဖြေရှင်းစေတဲ့ မူဝါဒ၊ အလုပ် ပြောင်းလဲ ဖော်ဆောင်မှုတွေ မလုပ်ချင်ကြသေးပါ။ စစ်အာဏာရှင်စနစ်က ရာစုဝက်ကျော်ကြာ မှိုင်းတိုက်ခဲ့တဲ့ အစွန်းရောက် အမျိုးသားရေး စိတ်အခံဟာ လူအများကြားမှာ အတိုင်းအတာတခုအထိ သက်ရောက်နေကြောင်း မျက်မှောက် ဖြစ်စဉ်တွေက အထင်အရှား ပြသလို့နေပါတယ်။

ဒါထက် ပိုဆိုးတာက အမုန်းတရား ပွားများလိုသူတွေရဲ့ နောက်ကွယ်က ကြံစည်ချက်စနက်မှာ အမျိုးသားရေး သကြားချိုချို အုပ်ထားတဲ့၊ ရဟန်း သံဃာတွေပါ ဝင်ရောက် အသုံးတော်ခံ ပါဝင်ရတဲ့ မျိုးစောင့် ဥပဒေများဟာလည်း မျက်မှောက်မှာ လုံးလုံး အသက်ဝင်လို့ သွားခဲ့ပါပြီ။ လူ့အခွင့်အရေး၊ အမျိုးသမီး အခွင့်အရေး နိုင်ငံတကာအဆင့် စံချိန်မီတဲ့၊ ကမ္ဘာ့ အနောက် ဒီမိုကရေစီ နိုင်ငံကြီးများထက်တောင် ရိုးရာဓလေ့မှာ အမြင်ကျယ်တဲ့ လူမှုထုံးတမ်းတွေဟာလည်း လူမျိုးရေး၊ ဘာသာရေး၊ နိုင်ငံရေး အရောင်ဆိုးထားတဲ့ ဥပဒေတွေအောက်မှာ ကျဆင်း အားနည်းခဲ့ရပါပြီ။ မျိုးစောင့်ဥပဒေလို ကိစ္စတွေ အခုတရားဝင် နိုင်ငံရဲ့ တရားစီရင်ရေးစနစ်မှာ အကျုံးဝင် ရပ်တည်လာခဲ့ပြီမို့ လူမျိုးရေ၊ ဘာသာရေး ခွဲခြားမှုကိစ္စက ပိုတောင် ယိုယွင်း ဆုတ်ယုတ်လာတယ် ဆိုရမှာပါ။

ဒါ့အပြင် ဒီမိုကရေစီ ရှေ့ဆောင် နိုင်ငံရေး ပါတီကြီးလိုမျိုးက အစလည်း အစိုးရနဲ့ ရွေးကောက်ပွဲ ကော်မရှင်ရဲ့ တင်းကျပ်မှု၊ ပြဿနာ အရှာခံရမှု လွတ်အောင်၊ အမျိုးသားရေးသမားများလည်း ကြည်ဖြူအောင်၊ လူအများလည်း ထောက်ခံအောင် ဘာသာရေး လူမျိုးရေး ကိစ္စတွေများ ပေယျာလကန် ပြုခဲ့တာတွေလည်း တွေ့ခဲ့ရပါပြီ။

လူ့အဖွဲ့အစည်းမှာ သြဇာကြီးတဲ့ ဘာသာရေးခေါင်းဆောင် ဘုန်းတော်ကြီးများ ပါဝင်တဲ့ သံဃာအဖွဲ့အစည်းတွေရဲ့ အမြင်ကလည်း ဝေဝါးနေပါတယ်။ ကျောင်းသားတွေနဲ့ ပညာရှင်တွေ တောင်းဆိုတဲ့ ဒီမိုကရေစီပညာရေး ပြုပြင်ပြောင်းလဲမှု ဥပဒေကြမ်းတွေကို သံဃာအဖွဲ့စုံ ဝေဖန်ထောက်ပြ အသံတွေ ညံခဲ့တဲ့ ပြီးခဲ့တဲ့ ဖြစ်စဉ်က သက်သေပါပဲ။ ဒီကိစ္စမှာ ကျောင်းသားလှုပ်ရှားမှုကို အားပျော့စေလိုတဲ့ နိုင်ငံရေးပယောဂ၊ အုပ်စိုးသူ အာဏာရှိသူတွေရဲ့ ဖိအားကြောင့် ပါတယ်ဆိုတာ မှန်ပေမယ့် မီးမရှိဘဲ မီးခိုးမထွက်ပါဘူး။

ဒါတွေအပြင် စစ်အစိုးရအဆက်ဆက် ကုလသမဂ္ဂ လူ့အခွင့်အရေး ကိုယ်စားလှယ်တိုင်းနဲ့ အဆင်မပြေ၊ သူတို့ပြောသမျှ လက်မခံ၊ ဘူးခံငြင်းတဲ့ အနေအထားကလည်း အခု ပြောင်းမသွားတဲ့အပြင် ပိုတောင်ဆိုးလာပါတယ်။ အရင်က အစိုးရ တခုတည်းက ကုလသမဂ္ဂကို ပြန်လည် အပြစ်တင်ခဲ့ရာက အခုဆိုရင် လူမျိုးရေး၊ ဘာသာရေး အခြေခံ ပြင်းထန်မှုကြောင့် နိုင်ငံရေးပါတီများနဲ့ လူမှုအဖွဲ့တချို့ကပါ ကုလကိုယ်စားလှယ်ကို ကန့်ကွက်တာ၊ ဆန္ဒပြတာတွေလည်း လုပ်ပြခဲ့ကြပါပြီ။ ကုလသံကိုယ်စားလှယ်ကို ကမ္ဘာကျော် စော်ကားပြောဆို တိုင်းထွာမှုကိုလည်း ခပ်တည်တည်ပဲ အသာ နှာစေး ပြဝံ့ခဲ့ကြပါပြီ။

တကယ်တော့ အားမနာ မညှာစတမ်း သုံးသပ်ရရင် မျက်မှောက် ဒီမိုကရေစီစနစ် အမည်ခံထားတဲ့ တိုင်းပြည်က လက်ရှိ လူ့အခွင့်အရေး၊ ဘာသာရေး လွတ်လပ်ခွင့်၊ အမျိုးသမီး အခွင့်အရေးတွေဟာ စစ်အစိုးရခေတ်အတိုင်း မပြောင်းလဲ သေးတဲ့အပြင် တချို့ကဏ္ဍတွေမှာ ပိုလို့တောင် နိမ့်ကျလာတယ် ဆိုရပါမယ်။ လူထုရဲ့ သဘော စိတ်ဓာတ်ဟာလည်း ငြိမ်းချမ်းရေး၊ လူမျိုး၊ ဘာသာ မခွဲ သွေးစည်းချစ်ကြည်ရေးကို အခြေခံကျကျ နှစ်နှစ်ကာကာ အစွဲကင်းကင်း လုပ်လိုစိတ်၊ မြင်လိုစိတ်၊ ကျင့်ကြံလိုစိတ် မရှိဘူးလို့လည်း ဆိုနိုင်ပါတယ်။ ဘာသာ၊ လူမျိုး မခွဲဖို့ အကြောင်းတွေ ရေးရင်၊ ပြောရင် ရေးသူ ပြောသူနဲ့ စာနယ်ဇင်းကို ခေါင်းစဉ်တပ် တံဆိပ်ခတ် အမြဲ စွပ်စွဲချင်ကြတာလည်း သတိထားမိတယ်။

သူလိုကိုယ်လို လူသာမန်မှာတောင်မှ လူမျိုး၊ ဘာသာ ဆိုတဲ့ လူမှုအသိုင်းအဝန်းက ကန့်သတ်လိုက်တဲ့ သညာတွေ၊ ပညတ်ချက်တွေ ပါလာတာနဲ့ အစွဲမကင်းတဲ့ သဘောထားတွေ၊ တဖက်သတ် ကြိုတင် ကောက်ချက်ချလိုမှုတွေ၊ တိမ်သလ္လာဖုံးနေတဲ့ အမြင်တွေ၊ မကြီးမကျယ်နိုင်တဲ့ ဦးနှောက်၊ ရင်ဘတ်နှလုံးသားတွေ အကြောင်းတွေက နေ့စဉ် လူမှုလောကမှာ၊ သတင်းဖြစ်ရပ်တွေမှာ အသစ် အသစ် အမြဲ ထင်ရှား ဖြစ်ပေါ်နေပါတယ်။ အမုန်းပွားဖို့ ပိုလွယ်တဲ့၊ ထိရောက်မှု ကျယ်ပြန့် မြန်ဆန်တဲ့ အင်တာနက် လူမှုကွန်ရက်များမှာဆို ပိုတောင်ဆိုးပါသေးတယ်။

ဒါတောင် အစိုးရက လူသုံးများတဲ့ လူမှုကွန်ရက် ဝန်ဆောင်မှုတခုဖြစ်တဲ့ Facebook က တာဝန်ရှိသူတွေနဲ့ တရားဝင် ပူးပေါင်းပြီး အပုန်းအလျှိုး နာမည်ဝှက်တွေနဲ့ အွန်လိုင်း အမုန်းပွားနေသူတွေကို နှိမ်နှင်းနေတယ်လို့ ဆိုပါတယ်။ လက်တွေ့မှာတော့ အွန်လိုင်းမှာ အမုန်းစကားတွေက လျော့မသွားပါ။ နိုင်ငံရေးအရ အစိုးရကို ဝေဖန် အတိုက်ခံတဲ့ လူတွေရဲ့ စာမျက်နှာတွေသာ ပိုမို ကန့်သတ်ခံလာရတာပဲ အဖတ်တင်ပါတယ်။ အမုန်းပွားရေး စာမျက်နှာတွေကတော့ ရှိမြဲ ရှိနေလျက်၊ လူမျိုး၊ ဘာသာ ဆက်စပ် အမှန်တဝက်၊ အမှားတဝက် ပုံဖျက် အချက်အလက်တွေ၊ အမုန်းစကားတွေ၊ ဓာတ်ပုံတွေ ဖြန့်ဝေလျက်ပါပဲ။

ခြုံပြောရရင် လူမျိုး၊ ဘာသာ အကဲဆတ်မှု လျော့ပါးရေးမှာ အခြေခံကျကျ ခံယူချက်၊ အတွေးအခေါ် ပြောင်းလဲလိုမှုက တဦးချင်းသဘောမှာကို အင်မတန် အားနည်းလှပါသေးတယ်။ ဒါကြောင့်ကို နေ့စဉ် အွန်လိုင်းမှာ အမုန်းပွားလိုသူတွေရဲ့ အလုပ်တွေ တွင်ကျယ်နေတာပါ။ လူတဦးချင်း အသိစိတ်နဲ့ တကိုယ်ရေ ပြောင်းလဲချင်စိတ်မရှိရင် မငြိမ်းချမ်းတဲ့ အနိဋ္ဌာရုံ ဖြစ်ရပ်တွေကို အလိုတူအလိုပါ ဝင်ရောက် ဖန်တီးနေသလို ဖြစ်နေဦးမှာပါပဲ။

ဒီလိုအနေအထားနဲ့ တိုင်းပြည် အနာဂတ်ဟာလည်း အတိတ်နဲ့ ပစ္စုပ္ပန်လိုပဲ တိုင်းရင်းသား လူမျိုးစု စစ်ပွဲတွေ၊ လူမျိုး၊ ဘာသာ ပဋိပက္ခတွေ တင်းကျမ်းနဲ့ ငြိမ်းချမ်းရေး ပင်စည် မရှင်သန်၊ ဖွံဖြိုးတိုးတက် ချမ်းသာမှု အကိုင်းအခက် မကြီးထွားနိုင်၊ တရားမျှတမှု အသီးအပွင့် မစားသုံးနိုင်၊ လွတ်လပ်အေးချမ်းခြင်း အရိပ်အာဝါသအောက် မခိုလှုံနိုင် ဖြစ်နေဦးမှာပါပဲ။ ဒါကြောင့် ညီညွတ်မျှတ လောကပါလ တရားဓမ္မ ထွန်းကား လွှမ်းမိုး စောင့်ရှောက်တဲ့ သုခချမ်းသာ စံစားရာ ဒီမိုကရေစီ လောကနိဗ္ဗာန် မျက်မှောက်ပြုဖို့ရာလည်း အလှမ်းဝေးနေဦးမယ့် သဘောကို အားလုံး ဆင်ခြင် မြော်ချင့်စေချင်ပါတယ်။ တိုင်းပြည် အနာဂတ် ငြိမ်းချမ်းဖွံ့ဖြိုး ချမ်းသာရာရဖို့ လူတဦးချင်း အသိစိတ်ဓာတ်ရှိရှိနဲ့ ဘာသာစွဲ၊ လူမျိုးစွဲကြီးမှုတွေ လျှော့ချ၊ ပြုပြင်သင့်တာတွေ ပြုပြင်၊ ပြောင်းလဲသင့်တာတွေ ပြောင်းလဲ၊ အလုပ်ကောင်းတွေ၊ ခံယူချက်ကောင်းတွေ စံပြတနိုင် ထားနိုင်ကြစေကြောင်း တိုက်တွန်းချင်ပါတယ်။

ကိုနန္ဒစစ်အောင်ကို ရုံးထုတ်စစ်ဆေးခြင်း မရှိ


သင်္ကြန်တွင်းကာလ အထည်ချုပ်ကဏ္ဍ အမှာစာထိန်းလက်ခံနေရ

နိုင်နိုင်ဇော်

သင်္ကြန်တွင်းကာလ အထည်အမှာစာလက်ခံမှုများ ထိန်းထားရသည်ဟု မြန်မာနိုင်ငံ အထည်ချုပ် လုပ်ငန်းရှင်အသင်းက ပြောသည်။

နိုင်ငံခြားရင်းနှီးမြှုပ်နှံမှုနှင့် အထည်အမှာစာရရှိမှု တိုးတက်လာသော်လည်း နှစ်ကူးရုံးပိတ်ရက်ရှည် ရှိနေခြင်းကြောင့် အမှာစာလျှော့လက်ခံခြင်းဟု အဆိုပါအသင်း ဥက္ကဋ္ဌ ဦးမြင့်စိုးက ဆိုသည်။

“အမှာစာတွေတိုးနေပေမယ့် ဒီသင်္ကြန်တွင်းပိတ်ရက်ရှည်ရှိတော့ စက်ရုံတွေအမှာစာ သိပ်လက်မခံရဲဘူး။ အလုပ်သမားတွေ ကလည်း နှစ်ကူးရုံးပိတ်ရက် မျှော်နေတာ။ နောက်လတွေမှာတော့ စက်ရုံတွေ ပုံမှန်ပြန်လည်ပတ် ကြမှာပါ” ဟု ၎င်းက ရှင်းပြသည်။

အလုပ်သမားပြဿနာများ အနည်းငယ်ရှိခဲ့သော်လည်း ယခုနှစ်အထည်ချုပ်ကဏ္ဍ နိုင်ငံခြားရင်းနှီးမြှုပ်နှံမှုနှင့် အမှာစာရရှိမှု ပိုလာနေသည်ဟုလည်း မြန်မာနိုင်ငံ အထည်ချုပ် လုပ်ငန်းရှင်အသင်းက ထုတ်ဖော်ပြောဆိုထား သည်။

ယခုနှစ်အီးယူနိုင်ငံများ၏ အထည်ချုပ်အမှာ စာတိုးတက်မှု ၁၀၀ ရာခိုင်နှုန်းတိုးတက်ခဲ့ပြီး ဂျပန်၊ ကိုရီးယာနှင့် ဟောင်ကောင်အထည်မှာယူမှု၃၀ ရာခိုင်နှုန်း တိုးတက်လာသည်ဟုလည်း အသင်းဥက္ကဋ္ဌဦးမြင့်စိုးက ထပ်မံပြောဆိုသည်။

Happy အထည်ချုပ်လုပ်ငန်းတာဝန်ရှိသူတစ်ဦးက“အလုပ်သမား ပြဿနာတွေလည်း ရှိပေမယ့် အထည်ချုပ် စက်ရုံတွေမှာ သူချိတ်နဲ့သူ ပုံမှန်လုပ်နေရသူတွေ ရှိသလို အမှာများလို့ တစ်ဆင့်အမှာချပေးတာတွေလည်းရှိပါ တယ်။ အမှာစာအများစုကတော့ အီးယူကရတာပါ” ဟု ဆိုသည်။

အီးယူနှင့် အနောက်အုပ်စုပိတ်ဆို့မှုကာလတစ်လျှောက် အထည်ချုပ်လုပ်ငန်းမှာ တောင်ကိုးရီးယား၊ ဂျပန်နှင့် ဟောင်ကောင် ဈေးကွက်များကိုသာ မှီခိုရပ်တည်ခဲ့ရသော်လည်း ယခုအချိန်တွင် အမေရိကန်နှင့် အီးယူဈေး ကွက်ပြန်လည် ပွင့်လာခြင်းကြောင့် အထည်ချုပ် လုပ်ငန်းတိုးတက်မှု အားရဖွယ်အနေအထား တစ်ခုဟုလည်း အဆိုပါလုပ်ငန်းရှင်များက ပြောသည်။

အလုပ်သမားပြဿနာနှင့် အခြေခံအဆောက်အအုံကဏ္ဍ တိုးတက်လာပါက အထည်ချုပ်တင်ပို့မှုပိုမိုတိုးတက် လာနိုင်မည်ဟု အထည်ချုပ် လုပ်ငန်းရှင်များက ပြောဆိုသည်။ ၂၀၁၄ ခုနှစ်တွင် ချုပ်ပြီးအထည်တင်ပို့မှုမှ ကန် ဒေါ်လာ ၁ ဒသမ ၃ ဘီလီယံကျော် ရရှိခဲ့သည်။

တစ်နိုင်ငံလုံး အပစ်ရပ်ရေး မူကြမ်း ပြန်လည်ဆွေးနွေး

ABC

တစ်နိုင်ငံလုံး ​အပစ်အခတ် ​ရပ်စဲရေး ​အတွက် ​မူကြမ်းတွေကို ​ဒီကနေ့ ​ပြန်လည် ​ဆွေးနွေးကြမှာ ​ဖြစ်ပါတယ်။

တစ်နိုင်ငံလုံး ​အပစ်အခတ် ​ရပ်စဲရေး ​မူကြမ်းမှာ ​ကျန်ရှိနေသေးတဲ့ ​အချက်တွေကို ​ဆွေးနွေးကြမှာ ​ဖြစ်ပါတယ်။

ပြီးခဲ့တဲ့ ​နှစ်ပါတ် ​တုန်းကပဲ ​ခြောက်ရက်ကြာ ​ဆွေးနွေးကြပြီးနောက် ​ကျန်တဲ့အချက်တွေက ​ထိပ်ပိုင်းနဲ့ ​ဆွေးနွေးရဦးမှာ ​ဖြစ်တဲ့အတွက် ​ဆွေးနွေးမှုကိုတပါတ်ကြာ ​ရပ်နားထားတာ ​ဖြစ်ပါတယ်။

အပစ်အခတ် ​ရပ်စဲရေးအတွက် ​ဆွေးနွေးနေကြပေမယ့်လည်း ​တဖက်မှာတော့ ​စစ်အင်အား ​တိုးချဲ့မှုတွေ၊ ​တိုက်ပွဲတွေ ​ဆက်လက်ဖြစ်ပေါ်နေတဲ့အတွက် ​စိုးရိမ်မကင်း ​ဖြစ်နေကြပါတယ်။

ဆွေးနွေးမှုတွေ ​ပြုလုပ်နေကြချိန်မှာ ​တိုက်ပွဲတွေ ​ဆက်ဖြစ်နေတာက ​ဒီဆွေးနွေးမှုတွေကို ​အလဟသ ​ဖြစ်စေသလို ​မြန်မာငြိမ်းချမ်းရေးမှာ ​နှောင့်နှေးမှုတွေ ​ဖြစ်နေတဲ့အတွက် ​ကိုးကန့်ဒေသ ​စစ်ကို ​ချက်ချင်းရပ်ပစ်ဖို့ ​ညီညွတ်သော ​တိုင်းရင်းသားလူမျိုးများ ​ကောင်စီ ​UNFC ​က ​တောင်းဆိုထားပါတယ်။

အခုဆိုရင် ​မြေပြင် ​စစ်သာမက ​ဝေဟင်ကနေပါ ​တိုက်ခိုက်မှုတွေ ​ရှိနေတဲ့အတွက် ​စိုးရိမ်မကင်း ​ဖြစ်ရတယ်လို့လည်း ​ပါဝင်ပါတယ်။

ဒါ့အပြင် ​တိုက်ခိုက်မှုတွေ ​ဖြစ်လေ့မရှိတဲ့ ​ရခိုင်ပြည်နယ်မှာလည်း ​ရခိုင်တပ်တွေနဲ့ ​မြန်မာ ​စစ်တပ်အကြား ​တိုက်ပွဲတွေ ​ဖြစ်ပွားခဲ့ပါတယ်။

ယနေ့ မြန်မာ့ရေးရာသတင်းများ March, 31st,2015

( 40 )ပညာရေးဆန္ဒပြမှုမှာပါသူ အမှုပေါင်း ၃၈ မှုစွဲချက်တင်

( 39 )US Presses for Release of Myanmar Protesters

( 38 )မြန်မာကြက်ခြေနီ စေတနာ့ဝန်ထမ်း သေဆုံးမှု ကုလအထူးဝမ်းနည်း

( 37 )Thailand detains 76 migrants, including Rohingya

( 36 )အပစ်ရပ်စဲရေးစာချုပ်ရရှိဖို့ ရာနှုန်းပြည့်နီးပါး နီးစပ်ပြီ - NCCT

( 35 )Myanmar, rebels agree to landmark draft deal

( 34 )ဆန္ဒပြသူတွေ အမြန်ဆုံးလွှတ်ဖို့ အမေရိကန် တောင်းဆို

( 33 )Voters in Myanmar being kept in the dark

( 32 )ရွှေည၀ါ ဆရာတော် တရားဟောခွင့် ပိတ်ပင်ခံရ

( 31 )Myanmar’s peace process takes tentative step forward

( 30 )ပညာရေး၊ လယ်ယာမြေ အရေး ပြည်သူ့ဖိုရမ် မှာ ဆွေးနွေးမည်

( 29 )Peace negotiators in Myanmar reached a draft nationwide ceasefire deal

( 28 )သပိတ်စစ်ကြောင်းမှာ ပါဝင်ခဲ့သူ တိုက်ခန်းပြန် အတောင်းခံရ

( 27 )Govt, Rebels Say They Agree In Principle on Nationwide Ceasefire Text

( 26 )ဖမ်းဆီးခံကျောင်းသားများ ပြန် လွှတ်ရေး ကလေးမြို့မှာ ဆန္ဒပြ

( 25 )Draft nationwide ceasefire agreement finalized in Myanmar

( 24 )အမျိုးသား ပညာရေး ဥပဒေကြမ်း ပြည်သူ့ လွှတ်တော် ရောက်

( 23 )Ceasefire talks: leaders pledge compromise

( 22 )ကျောင်းသားများလွတ်မြောက်ရေး သရုပ်ပြသူ ပုဒ်မ ၁၈ဖြင့် အမှုဖွင့်ခံရ

( 21 )Illegal Myanmar migrants arrested on train to Malaysia

( 20 )နေစွမ်းအင်သုံးလေယာဉ် မြန်မာပြည်ကထွက်ခွာ

( 19 )Toshiba to support 308MW Upper Yeywa hydropower project in Myanmar

( 18 )မလေးရှားသွားမည့် ရထားပေါ်တွင် တရားမ၀င်မြန်မာ ၇၆ ဦးကို ထိုင်းရဲ ဖမ်းဆီး

( 17 )Water wells dry up in Myanaung

( 16 )အင်ဒိုနီးရှားရောက် မြန်မာရေလုပ်သားတွေ မြန်မာအကူအညီပေးမည်

( 15 )Toshiba Wins Order For Myanmar Hydorelectric Plant

( 14 )ကမ္ဘာပတ် နေရောင်ခြည်စွမ်းအင်သုံးလေယာဉ် မြန်မာမှ ထွက်ခွာ

( 13 )Myanmar aid worker dies from convoy attack wounds

( 12 )ဒေါ်အောင်ဆန်းစုကြည်နှင့် KNU ခေါင်းဆောင်များ ဆွေးနွေး

( 11 )Myanmar welcomes AIIB investment

( 10 )ပစ်ခတ်မှု ၂၈ လပြည့် ဆန္ဒပြပွဲ လက်ပံတောင်းနဲ့ ရန်ကုန်မှာ ကျင်းပ

( 9 )Suu Kyi Meets Karen Leader to Discuss Peace, Politics

( 8 )နိုင်ငံဂုဏ်ကို တက်စေသည့် ကရင်လူငယ် ၅ ဦး

( 7 )Solar Impulse departs for challenging 19-hour flight

( 6 )ကိုနန္ဒာစစ်အောင်ကို ကမာရွတ်ရဲစခန်းမှာ ရုံးထုတ်မည်

( 5 )Fighting Reported Between Govt and Arakan Army

( 4 )ဖွဲ့စည်းပုံပြင်ဆင်ရေး ဒေါ်အောင်ဆန်းစုကြည်နှင့် ကေအဲန်ယူတို့ ဆွေးနွေး

( 3 )Burma’s Military Milestone

( 2 )အစိုးရလုပ်ငန်း တားဆီးခဲ့သူ လယ်သမားများ အမှုဖွင့်ခံရ

( 1 )Govt report blames drunk captain, crew, port authorities for Arakan ferry disaster