RiA
ရခိုင်ပြည်နယ်ရေးရာ အကြံပေးကော်မရှင်အဖွဲ့၏ စစ်တွေမြို့ ဒုတိယနေ့ နိုဝင်ဘာ ၁၆ ရက် ခရီးစဉ်တွင် ၂၀၁၂ ခုနှစ် ရခိုင်ပဋိပက္ခကြောင့် တိမ်းရှောင်နေကြရသည့် ဒေသနေ မူဆလင်များနှင့် တွေ့ဆုံခဲ့သည်။
ဒေသဖွံ့ဖြိုးရေးနှင့် နိုင်ငံသားဖြစ်ခွင့် အခြေအနေများတို့ကို ကော်မရှင်အား တင်ပြခဲ့ကြောင်း သဲချောင်းကျေးရွာမှ ဒုက္ခသည် ဦးလှဝင်း က ပြောသည်။
ယင်းအပြင် ဒုက္ခသည်စခန်းများအတွင်း ကျန်းမာရေးစောင့်ရှောက်မှု နည်းပါးမှုများအပေါ် ကော်မရှင်အနေနှင့် ထည့်သွင်းစဉ်းစားနိုင်ရန် တင်ပြခဲ့ကြောင်း သူက ထပ်လောင်း ပြောကြားသည်။
“ကျွန်တော်တို့ဆီမှာ ဆေးကုသဆောင်တွေရှိတယ်။ ဒါပေမယ့် လူတွေက တအားများတယ်။ နောက်ထပ် ဆေးကုသဆောင်တွေရရှိဖို့ အကြံပြုပေးပါလို့ ပြောတယ်၊ ကျွန်တော်တို့ မြို့ပေါ်ကို ဆေးကုသသွားမယ်ဆိုရင် ကုန်ကျစရိတ် မြင့်မားတဲ့ အခြေနေတွေကိုလည်း ရှင်းပြလိုက်ပါတယ်။”
ရခိုင်ပြည်နယ်ရေးအရာအကြံပေးကော်မရှင်အနေနှင့် စစ်တွေမြို့ရှိ ဒုက္ခသည်စခန်းများမှ အရပ်ဘက်ခေါင်းဆောင်များနှင့် သီးခြားတွေ့ဆုံမှုတချို့ ပြုလုပ်ခဲ့သေးသည်။
No comments:
Post a Comment