Saturday, January 30, 2016

ရက္ခိုင့်တပ်မတော်နှင့်ဆက်သွယ်၍ဟုဆိုကာ ထောင် ၃ နှစ်ကျခံထားရသည့် မင်းပြားမြို့နယ်မှ ကျေးရွာအုပ်ချုပ်ရေးမှူး လွတ်ငြိမ်းချမ်းသာခွင့်ဖြင့် ပြန်လည် လွှတ်မြောက်

မာန်ယုကျော် (ရွှေဝမြေ)


ရက္ခိုင့်တပ်မတော် ( AA )နှင့်ပတ်သက်သည်ဟုဆိုကာ ထောင်ဒဏ် ၃ နှစ်ကျခံထားရသည့် ရခိုင်ပြည်နယ် မင်းပြားမြို့နယ်မှ ကျေးရွာအုပ်ချုပ်ရေးမှူးတစ်ဦးသည် သမ္မတ၏ လွတ်ငြိမ်းချမ်းသာခွင့်ဖြင့် ပြန်လွတ်မြောက်လာကြောင်း အကျိုးဆောင်ရှေ့နေက ပြောသည်။

ယခုလွတ်မြောက်လာသူမှာ ရခိုင်ပြည်နယ် မင်းပြားမြို့နယ် လဟာကျယ် ကျေးရွာအုပ်ချုပ်ရေးမှူး ဦးဝင်းမောင်ဖြစ်ပြီး ဇန်နဝါရီလ ၂၂ ရက်က သမ္မတ၏လွတ်ငြိမ်းချမ်းသာခွင့်ဖြင့် စစ်တွေ အကျဉ်းထောင်မှလွတ်မြောက်လာခြင်းဖြစ်သည်။

“သူလွတ်လာတာ ဟုတ်ပါတယ်။ ကျမတောင်သွားတွေ့ခဲ့ပါသေးတယ်”ဟု သူ၏ အကျိုးဆောင်ရှေ့နေ ဒေါ်အေးနုစိန်က နိရဉ္စရာသို့ ပြောသည်။

ဦးဝင်းမောင်သည် ရက္ခိုင့်တပ်မတော် (AA)နှင့် ပတ်သက်ဆက်သွယ်သည်ဟုဆိုကာ ပြီးခဲ့သည့် ၂ဝ၁၅ ခုနှစ်၊ မေလ ၂၃ ရက်နေ့တွင် မတရား အသင်းအက်ဥပဒေ ပုဒ်မ ၁၇(၁)ဖြင့် ဖမ်းဆီးတရားစွဲဆိုခံခဲ့ရသူဖြစ်သည်။

ယင်းနောက် သူ့အား စက်တင်ဘာ ၂၉ ရက်နေ့တွင် မင်းပြားမြို့နယ်တရားရုံးက အလုပ်ကြမ်းနှင့်ထောင်ဒဏ် ၃ နှစ်ချမှတ်ခဲ့သည်။

စစ်တွေအကျဉ်းထောင်မှ ယနေ့ လွှတ်မြောက်လာသည့် အကျဉ်းသားဦးရေကို နိရဉ္စရာက စုံစမ်းနေဆဲ ဖြစ်ပါသည်။

၂၀၁၀ ရွေးကောက်ပွဲက ဖြစ်ပေါ်လာတဲ့ လွှတ်တော် နှစ်ရပ် ပြီးဆုံး


အစိုးရသစ် ဖြေရမယ့် စာမေးပွဲ

သန်းနိုင်ဦး


တက်လာမယ့် အစိုးရသစ်အတွက် စာမေးပွဲတခုက စောင့်ကြိုနေပါတယ်။ အဂတိလိုက်စားမှုကို ဘယ် လို တိုက်ဖျက်မလဲဆိုတဲ့ မေးခွန်းပါ။ မေးခွန်းက ရိုးရှင်းပေမယ့် အဖြေက နက်ရှိုင်းလှတယ်။ တပါတီနဲ့ စစ်အာဏာရှင် ခေတ်မှာလည်း အဲဒီမေးခွန်းကိုပဲ အပြောင်းအလဲမရှိ မေးခဲ့ပေမယ့် မော်ဒေးရှင်းပင် မရရှိခဲ့ချေ။

ရွေးကောက်ပွဲအနိုင်ရပါတီ အမျိုးသားဒီမိုကရေစီအဖွဲ့ချုပ် အစိုးရသစ်ကို ဦးဆောင်ဖွဲ့စည်းနိုင်ဖို့ လပိုင်းမျှသာ လိုပါတော့ တယ်။ အမျိုးသားဒီမိုကရေစီအဖွဲ့ချုပ်က ရွေးကောက်ပွဲမှာ ပြောင်းလဲချိန်တန်ပြီဆိုတဲ့ ကြွေးကြော်သံနဲ့ ၀င်ရောက် ယှဉ်ပြိုင် ခဲ့တာဖြစ်တယ်။

ပြည်သူတွေ ကိုယ်တိုင်ကလည်း အပြောင်းအလဲကို လိုချင်လို့ မဲပေးရွေးချယ်ခဲ့ကြပြီးဖြစ်တယ်။ အစိုးရသစ်အနေနဲ့ ပြုပြင် ပြောင်းလဲမှုတွေကို ဖော်ဆောင်ရာမှာ လွယ်လင့်တကူဖြစ်မယ်လို့ မျှော်လင့်ထားလို့မရပါဘူး။ အပြောင်းအလဲကို မလိုချင် တဲ့သူအချို့ ရှိနေတယ်။ သူတို့က အပြောင်းအလဲနဲ့ အတူပါလာမယ့် စွန့်စားမှုတွေကို လုပ်ချင်ကြမှာ မဟုတ်ဘူး။ ပိုနေမြဲ ကျားနေမြဲ အခြေအနေကိုသာ နှစ်သက်ကြတယ်။ အဲဒီလိုလူတွေကို သဘောထား ကြီးကြီးထားပြီး အချိန်ပေး ဆွဲဆောင် စည်းရုံးဖို့လိုပါတယ်။ အချိန်ပေး လက်တွဲခေါ်ဆောင်ပါရဲ့နဲ့ မလိုက်ပါခဲ့ရင် ရဲရဲဝံ့ဝံ့ လက်တွဲဖြုတ်လိုက်ကြတာပေါ့။

အစိုးရအဖွဲ့ဆိုတာ အုပ်ချုပ်ရေးပိုင်းမှာ ရာထူးကြီးကြီး ယူထားသူတွေကိုချည်း ဆိုလိုတာမဟုတ်ဘူး။ ၀န်ထမ်းကြီးငယ် ဟူ သမျှက အစိုးရအဖွဲ့ရဲ့ယန္တရားထဲက ခွေးသွားစိတ်လေးတွေ ဖြစ်ကြတယ်။ ပြည်သူအများစု နေ့စဉ်ထိတွေ့ ဆက်ဆံနေရတာ က ၀န်ထမ်းတွေနဲ့ ပြောဆိုဆက်ဆံနေကြရတာပါ။

လာဘ်လာဘယူတဲ့ အကျင့်ပျက်ဝန်ထမ်းနဲ့ ဆက်ဆံရတဲ့ပြည်သူက အစိုးရ လာဘ်စားတယ်လို့ သတ်မှတ်တယ်။ ငေါက် ငမ်းတတ်တဲ့ ၀န်ထမ်းဆိုးနဲ့ ဆက်ဆံရတဲ့ ပြည်သူတွေက အစိုးရမကောင်းဘူးတံဆိပ်ကပ်ကြတယ်။ ဖော်ဖော်ရွေရွေရှိပြီး ကူညီတတ်တဲ့ဝန်ထမ်းတွေနဲ့ ကြုံရပြန်ရင်လည်း အစိုးရ ကောင်းတယ်လို့ ပြည်သူတွေက ကြော်ငြာထိုးဖို့ ၀န်မလေးကြဘူး။

ဝန်ထမ်းတွေဆိုတာ အစိုးရရဲ့မူဝါဒတွေကို လုပ်ထုံးလုပ်နည်းနဲ့အညီ ဖော်ဆောင်ကြရသူတွေဖြစ်တယ်။ ၀န်ထမ်းကောင်း တွေများရင် အစိုးရပုံရိပ်ကောင်းမှာဖြစ်သလို ပြည်သူ့ဆီက ငွေကို ရသလောက်ညှစ်ပြီး ဂွင်ဖန်တတ်တဲ့ ၀န်ထမ်းတွေ ကြီးစိုး နေရင်လည်း အစိုးရရဲ့ပုံရိပ်ကို ထိခိုက်စေမှာဖြစ်တယ်။

ဝန်ထမ်းလောကမှာ လာဘ်ပေးလာဘ်ယူ ဆိုတာကြီး မရှိအောင် အစိုးရအသစ်က ဖော်ဆောင်ပေးဖို့ လိုအပ်တယ်။ အဂတိ လိုက်စားမှု တိုက်ဖျက်ရေးအတွက် ခေတ်အဆက်ဆက် အစိုးရအဖွဲ့တွေ အမျိုးမျိုး ဆောင်ရွက်ခဲ့ပေမယ့် အရာ မထင်ခဲ့တာ သမိုင်းသက်သေပဲ။

မြန်မာနိုင်ငံရဲတပ်ဖွဲ့က ရဲမှူးကြီးအဆင့် တာဝန်ထမ်းဆောင်နေသူကို သူ့လက်အောက်မှာ တာဝန်ထမ်းဆောင်နေတဲ့ ရဲအုပ်ဇနီးတယောက်က လာဘ်လာဘယူမှုနဲ့ တရားရုံးမှာ ဦးတိုက်လျှောက်ထားကြောင်း ပြည်တွင်းထုတ် ပုဂ္ဂလိက သတင်းစာတွေမှာ ရေးသားဖော်ပြကြတယ်။ နေရာကောင်းမှာ ခင်ပွန်းသည် ရဲအရာရှိ ရောက်ဖို့ ရဲမှူးကြီးကတော်ကို ကျပ်သိန်းဆယ်ချီပြီး လာဘ်လာဘ ပေးခဲ့ကြရတာပါ။

ငွေပေးပြီး လအတန်ကြာတဲ့အထိ တောင်းဆိုထားတဲ့ နေရာ မရရှိတာကြောင့် အမှုဖြစ်လာရတာပါ။ တကယ်လို့သာ တောင်းဆိုထားတဲ့နေရာ ရဲအုပ်ရခဲ့ရင် ဒီအမှုကို အများပြည်သူ သိခွင့်ရလိုက်မှာ မဟုတ်ပါဘူး။ ပေးထားရတဲ့ လာဘ်လာဘဖိုး ပြန်ရအောင် ရောက်တဲ့နေရာကနေ မရရတဲ့နည်းနဲ့ ငွေ ကြေးတွေ ရှာဖွေပါလိမ့်မယ်။ အခုတော့ ရဲမှူးကြီးကိုလည်း နေပြည်တော်အထိ ခေါ်ယူစစ်ဆေးနေတယ်။ တပ်ဖွဲ့ဝင်မိသားစု အချင်းချင်းပေါ်မှာသည်ပင် အဂတိလိုက်စားပြီး လာဘ်လာဘ ယူတယ်ဆိုရင် အများပြည်သူဆိုရင်တော့ ဆိုဖွယ်မရှိပြီ။

တရားဥပဒေစိုးမိုးရေးကို အဓိက တာဝန်ယူထားတဲ့ လက်နက်ကိုင်တပ်ဖွဲ့အပေါ် အများပြည်သူတွေက ဘယ်လိုအားကိုး အားထားပြုကြရမလဲ။ တိုင်းပြည်အုပ်ချုပ် မင်းလုပ်သူတွေကို ပြည်သူတွေရွေးချယ်ခွင့်ရခဲ့စဉ်က ကိုယ်ကျင့်သိက္ခာကို တန် ဖိုးထားခဲ့တာတွေ မြန်မာ့သမိုင်းမှာ ဂုဏ်ယူဖွယ် ရှိခဲ့ဖူးတယ်။

ဝန်ကြီးချုပ် ဦးနု တိုင်းပြည်အာဏာ လက်လွှတ်ရတော့ “၀န်ကြီးချုပ် မလုပ်ခင်က မူလပိုင်ဆိုင်မှုထက် ၀န်ကြီးချုပ် တာဝန် ထမ်းဆောင်ပြီး နောက်ပိုင်းမှာ ငွေတကျပ်ပိုခဲ့ရင် ကျုပ်ကို သူခိုးလို့ စွပ်စွဲပါ” လို့ ရဲရဲတောက်ပြောခဲ့တယ်။ ခေါင်က မိုးလုံပြီ ဆိုမှတော့ တအိမ်လုံး မိုးလုံလေလုံ ဖြစ်ပြီပေါ့။ တပါတီ အာဏာရှင်နဲ့ စစ်အာဏာရှင်တွေ လက်ထက်မှာတော့ အုပ်ချုပ်သူ တွေက ပြည်သူတွေကို ဓားမိုး အုပ်ချုပ်ခဲ့ပြီး အာဏာနဲ့ စီးပွားဖြစ်ခဲ့ကြတယ်။

အခုတော့ သမိုင်းတပတ် ပြန်လည်လာပါပြီ။ ပြည်သူရွေးချယ်လိုက်တဲ့ လွှတ်တော်ရဲ့ ကိုယ်စားလှယ်တွေက ပြည်သူ့သမ္မတ ကို ရွေးချယ်နိုင်တော့မယ်။ သမ္မတက လွှတ်တော်ရဲ့အတည်ပြုချက်နဲ့ ပြည်ထောင်စု အစိုးရအဖွဲ့ကို ဖွဲ့စည်းလိမ့်မယ်။ အစိုး ရ အဖွဲ့အနေနဲ့ လာဘ်ပေးလာဘ်ယူမှုကို အဓိက ထားဖြေရှင်းပေးဖို့လိုတယ်။ လာဘ်ပေးလာဘ်ယူမှုကို ပြည်သူက တိုင် တန်းမှ အရေးယူတယ်ဆိုတာထက် စုံစမ်းဖော်ထုတ် အရေးယူဖို့လိုတယ်။

အကျင့်ပျက်ခြစားမှုနဲ့ပတ်သက်တဲ့ အညွှန်းကိန်းတွေအရ မြန်မာနိုင်ငံရဲ့ အညွှန်းကိန်းတွေက ကျေနပ်အားရဖွယ် မကောင်း ဘူး။ နိုင်ငံတကာ ပွင့်လင်းမြင်သာမှုအဖွဲ့ (Transparency International) ကြီးရဲ့အဆိုအရ မြန်မာနိုင်ငံရဲ့ အကျင့်ပျက် ခြစားမှု အညွှန်းကိန်းက အောက်ဆုံးနိုင်ငံ နှစ်ဆယ်မှာ ငါးနှစ်ဆက်တိုက် ပါဝင်ထားတယ်။ (Transparency Internation- al) အဖွဲ့ကြီးက နိုင်ငံပေါင်း (၁၈၀)ကျော်ကို လေ့လာ သုတေသနပြုထားတာပါ။ မြန်မာနဲ့အတူ အောက်ဆုံးတန်းမှာ ရှိနေ တဲ့ နိုင်ငံတွေက ဇင်ဘာဘွေ၊ မြောက်ကိုရီးယား၊ ဆူဒန်၊ ဆိုမာလီယာ၊ အာဖဂန်နစ္စတန်နဲ့ လစ်ဗျားတို့ ဖြစ်ကြတယ်။ အကျင့် ပျက်ခြစားမှုနည်းတဲ့ နိုင်ငံတွေရဲ့စာရင်းမှာ ဒိန်းမတ်၊ နယူးဇီလန်၊ ဖင်လန်၊ ဆွီဒင်၊ နော်ဝေ၊ ဆွစ်ဇာလန်၊ စကာင်္ပူ၊ နယ်သာ လန်၊ လူဇင်ဘတ်နဲ့ ကနေဒါနိုင်ငံတို့က ထိပ်တန်းစာရင်းဝင် နိုင်ငံတွေအဖြစ် အစဉ်လိုက် နေရာယူထားကြတယ်။ ကမ္ဘာ့ထိပ် တန်း (၁၀) နိုင်ငံစာရင်းမှာ အာရှတိုက်က စင်္ကာပူနိုင်ငံ တနိုင်ငံသာပါဝင်တယ်။

အကျင့်ပျက်ခြစားမှုများတဲ့ အောက်ဆုံးနိုင်ငံစာရင်းဝင် အဖြစ်ကနေ ရုန်းထွက်နိုင်ဖို့ အားလုံးဝိုင်းဝန်းဆောင်ရွက်ကြရမှာဖြစ် တယ်။ အကျင့်ပျက်ချစားတယ်ဆိုတာ ရှက်စရာကောင်းတဲ့ ကိစ္စဖြစ်တယ်။ ရှက်စရာကို ရှက်ရကောင်းမှန်း မသိအောင်ထိ အရှက်မဲ့နေကြရင်ဖြင့် ကျနော်တို့ လူ့အဖွဲ့အစည်း ရေစုန်မျောပြီ။ နိုင်ငံဂုဏ်သိက္ခာအတွက် အစိုးရအဖွဲ့ရော ပြည်သူတွေပါ ရုန်းထွက်နိုင်ကြဖို့ တက်ညီလက်ညီ ကြိုးစားကြရမှာဖြစ်တယ်။

ပြည်သူ့ဆန္ဒမဲတွေနဲ့ တက်လာတဲ့ ပြည်သူ့အစိုးရအနေနဲ့ ဆောင်းပါးအစမှာ မေးခဲ့တဲ့မေးခွန်းအတွက် ကြိုတင်ပြင်ဆင်ထား ကြစေလိုပါတယ်။ အဂတိလိုက်စားမှု တိုက်ဖျက်ရေး(၀ါ) လာဘ်ပေးလာဘ်ယူ ပပျောက်ရေးနဲ့ ပတ်သက်ပြီး ဖြေဆိုရာမှာ ရာပြည့် အမှတ်မရသည့်တိုင် ဂုဏ်ထူးမှတ်တော့ ထွက်စေချင်ပါတယ်။

ဆေးဝါးတို့၏ ကောင်းကျိုး ဆိုးကျိုးနှင့် ရောဂါကင်းဝေးကျန်းမာရေး


ဖမ်းဆီးခံ ကျောင်းသားများကို ထပ်တိုး တရားစွဲဆိုခြင်းများ ဆက်တိုက်ပြုလုပ်နေ

သူဇာ


အစိုးရသစ် အပြောင်းအလဲမဖြစ်ခင် ကာလအတွင်း ဖမ်းဆီးခံကျောင်းသားများနှင့် နိုင်ငံရေး တက်ကြွလှုပ်ရှားသူတချို့ကို ပုဒ်မ ၁၈ အပါအဝင် ထပ်တိုး တရားစွဲဆိုမှုများ ဆက်တိုက် ပြုလုပ်နေကြောင်း စုံစမ်းသိရှိရသည်။

မြို့နယ်ပေါင်း ၁၀ မြို့နယ်ကျော်တွင် တရားစွဲဆိုခံထားရသည့် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်(ဗကသ)မှ အထွေထွေ အတွင်းရေးမှူး မဖြိုးဖြိုးအောင်က သူ့ကို ပုဒ်မ ၁၈ နှင့် တရားရုံးထုတ်ရန် ရန်ကုန်တိုင်း လှိုင်မြို့နယ် တရားရုံးနှင့် သင်္ဃန်း ကျွန်း မြို့နယ် တရားရုံးမှ ထပ်မံ ဆင့်ခေါ်ထားကြောင်း ဧရာဝတီကို ပြောပြသည်။

“မန္တလေး-ရန်ကုန် အမြန်လမ်းမက မြို့နယ်တွေမှာလည်း အမှုဖွင့်ထားတယ်လို့ ကြားပါတယ်။ အမှုဖွင့်ထားတဲ့ အမှုပေါင်း ၂၀ လောက် မှာ ပုဒ်မ ၁၈ နဲ့ က အများဆုံးပဲ။ အခုလို တက်ကြွ လှုပ်ရှားသူတွေကို အမှု တခုမိ တခု ထပ်တိုး တရားစွဲနေတာဟာ လက်ရှိ အစိုးရရဲ့ အငြိုးကြီးကြီး လုပ်ဆောင်နေတာကို ပြသတာပဲ။ ပြည်ထဲရေးဝန်ကြီးဌာနက နောက်တက်လာမယ့် အစိုးရသစ်ကို အခက် အခဲဖြစ်စေတယ်လို့ မြင်တယ်”ဟု ယမန်နေ့ က ကမာရွတ်မြို့နယ် တရားရုံးထုတ်ကို ရောက်ရှိနေသည့် မဖြိုးဖြိုးအောင်က တယ်လီ ဖုန်း မှ တဆင့် ပြောသည်။

ဗကသ ကျောင်းသား ခေါင်းဆောင် တဦးဖြစ်သူ ကိုကျော်ကိုကို ကိုလည်း ဗိုလ်တထောင်မြို့နယ် တရားရုံးက ငြိမ်းချမ်းစွာ စီတန်း လှည့်လည်ခြင်း ဆိုင်ရာ ပုဒ်မ ၁၈ နှင့် ထပ်မံ တရားစွဲဆိုထားပြီး ဇန်န၀ါရီလ ၂၉ ရက် ရုံးထုတ်ရန် ဆင့်ခေါ်ထားကြောင်း သိရသည်။

“အခုထိ ကျနော့်ကို ပုဒ်မ ၁၈ နဲ့ တရားစွဲထားတယ်ဆိုတဲ့ အကြောင်း လက်မှတ်လာထိုးခိုင်းလို့သာ သိရတာ။ ဘယ်နေ့ ဘယ်ရက်က ဘယ်ဖြစ်စဉ်ကြောင့် တရားစွဲထားတယ်ဆိုတာ မသိရသေးဘူး။ မနက်ဖြန် ရုံးချိန်းမှပဲ ကျနော်ရှင်းရှင်း လင်းလင်း သိရတော့မယ်”ဟု ယမန်နေ့က ကမာရွတ်မြို့နယ် တရားရုံးထုတ်တွင် ပါဝင်သည့် ကိုကျော်ကိုကိုက ပြောသည်။

ကိုကျော်ကိုကိုသည် လက်ရှိတွင် ပုဒ်မ ၁၈၊ ပုဒ်မ ၁၄၃၊ ပုဒ်မ ၁၄၅၊ ပုဒ်မ ၁၄၇ ၊ ပုဒ်မ ၅၀၅(ခ) အမှုများဖြင့် ကမာရွတ် မြို့နယ်နှင့် ပဲခူးတိုင်း သာယာဝတီမြို့နယ် တရားရုံးတို့တွင် တရားရင်ဆိုင်နေရပြီး ဗိုလ်တထောင် တရားရုံးတွင် ထပ်မံ တရားရင်ဆိုင်ရဖွယ် ရှိသည်ဟု ဆိုသည်။

ယခုရက်ပိုင်း၌ပင် ကျောင်းသား ခေါင်းဆောင် မင်းသွေးသစ်၊ ကိုရဲမင်းဦး၊ မပိုပို၊ မတင်တင်ခိုင် အပါအ၀င် ၁၀ ဦးကို အရှေ့ပိုင်း တက္ကသိုလ် မုခ်ဝရှေ့တွင် လှည့်လည်ဆန္ဒပြသည့် အမှုနှင့်ပတ်သက်ပြီး တနှစ်ကျော်ကြာမှ ပုဒ်မ ၁၈ ဖြင့်တရားစွဲဆိုရန် သန်လျင် မြို့မ ရဲ စခန်း မှ ချိန်းဆိုခဲ့ကြောင်း သိရသည်။

ပြီးခဲ့သည့် ၂၀၁၄ ခုနှစ် သြဂုတ်လ ၈ ရက်နေ့က အရှေ့ပိုင်း တက္ကသိုလ်ရှေ့တွင် တရားစွဲဆိုခံရသူများသည် ခွင့်ပြုမိန့် မယူဘဲ ငြိမ်းချမ်းစွာ စီတန်းလှည့်လည် ဆန္ဒပြခဲ့သည့်အတွက် သန်လျင်မြို့နယ် တရားရုံးသို့ စခန်းမှူး အောင်ဆန်းဦးက တရားလိုပြုလုပ်ပြီး တရားစွဲဆိုခြင်းဖြစ်သည်ဟု ဆိုသည်။

ပဲခူးတိုင်း လက်ပံတန်း ကျောင်းသား သပိတ်တွင် အကြမ်းဖက် ရိုက်နှက်ခံရပြီး တရားစွဲဆိုခံထားရသူ မဖြိုးဖြိုးအောင်၊ ကိုနန္ဒာ စစ်အောင်၊ ကိုဝင်းကျော့မှူး အပါအ၀င် ထပ်တိုး ဖမ်းဆီးထားသည့် ကိုကျော်ကိုကို၊ ကိုဂျိမ်း(လင်းထက်နိုင်)နှင့် မပိုပို တို့ကို ဇန်န၀ါရီ လ ၂၈ ရက်နေ့က ကမာရွတ်မြို့နယ် တရားရုံးတွင် ရုံးထုတ် စစ်ဆေးခဲ့သည်။

ကိုလင်းထက်နိုင်ကိုလည်း လှိုင်မြို့နယ် တရားရုံးက ပုဒ်မ ၁၈ ဖြင့် ထပ်မံ တရားစွဲဆိုထားသည်ဟု ယမန်နေ့က အကြောင်း ကြားခဲ့ကြောင်း သိရသည်။

အလားတူ တက်ကြွလှုပ်ရှားသူ ဒေါ်နော်အုန်းလှ၊ ကိုတင်ထွဋ်ပိုင်၊ ကိုမိုးသူနှင့် ကိုစည်သူတို့ ၄ ဦးကိုလည်း ပြီးခဲ့သည့် ၂၀၁၄ ခုနှစ် သြဂုတ် လ ၈ ရက်နေ့က ပြုလုပ်ခဲ့သည့် ရှစ်လေးလုံး လူထုအုံကြွမှု ၂၆ နှစ်ပြည့် လမ်းလျှောက် ဆန္ဒဖော်ထုတ်ခဲ့ခြင်းကို တနှစ်ကျော် ကြာမှ မင်္ဂလာတောင်ညွှန့် မြို့နယ် တရားရုံးက ထပ်မံ တရားစွဲဆိုခဲ့သည်။

လွှတ်တော် ဥက္ကဌနှင့် ဒုဥက္ကဌနေရာများအတည်ပြု


ပန်းဆေးပြည်သူ့စစ်ခေါင်းဆောင် အထပ်မြင့်ကွန်ဒိုဆောက်ခွင့်မရ၍ ဝန်ကြီးချုပ်ထံစာတင်

ဇော်ခမ်းဟိန်း

ပန်းဆေးဒေသပြည်သူ့စစ်ကြီးကြပ်ရေးကော်မတီက ရန်ကုန်မြို့တွင် ရေရှည်စီးပွားရေးဆောင်ရွက် နိုင်ရန် ၀ယ်ယူထားသော တက္ကသိုလ်ရိပ်သာလမ်း၊ အမှတ် (၇၄) မြေကွက်ပေါ်တွင် အထပ်မြင့်ကွန်ဒို တည်ဆောက်ခွင့်မရခြင်းမှာ စည်ပင်ကော်မတီ ကြောင့်ဟုဆိုကာ ရန်ကုန်တိုင်း ဝန်ကြီးချုပ်ထံ စာတစ်စောင်ပေးပို့ခဲ့သည်။

ရန်ကုန်မြို့တော်စည်ပင်သာယာရေးကော်မတီဝင်(၇) ဦးခင်လှိုင်က ပတ်ဝန်းကျင်ရှိ ဘုန်းကြီးကျောင်း များနှင့် အိမ်ပိုင်ရှင်များအား ကန့်ကွက်ရန်လှုံ့ဆော်ခြင်း၊ ဂျာနယ်များတွင် နစ်နာ သိက္ခာကျအောင် ဆောင်ရွက်ခြင်း၊ တစ်ဦးတည်းဆန္ဒဖြင့် မှုဘောင်နှင့်မကိုက်ညီသော လုပ်ငန်းရပ်ဆိုင်းရန် တိုက်ရိုက်ညွန်ကြားခြင်းတို့ပြုလုပ်ခဲ့ပြီး လုပ်ငန်းပြန်လည်တည်ဆောက် ခွင့်ပြုပါရန် ပန်းဆေးဒေသပြည်သူ့စစ်ခေါင်းဆောင်နှင့် ပြည်နယ်လွှတ်တော်အမတ်ဖြစ်သူ ဦးကျော်မြင့်က တင်ပြထားသည်။


တိုင်းဒေသကြီးအစိုးရအဖွဲ့က ၁၂ ထပ်ခွဲ ဆောက်ခွင့်ပေးထားသည်ဟု မြို့တော်ဝန်ကပြောကြောင်း ဘေးပတ်ဝန်းကျင်မှ ထောက်ခံခဲ့ခြင်းမှာ အထပ်မည်မျှဆောက်လုပ်မည်ကို မသိ၍ထောက်ခံခဲ့ကြောင်း မြို့တော်စည်ပင်ကော်မတီဝင်(၇) ဦးခင်လှိုင်က ဆိုသည်။ ရန်ကုန်မြို့တော်စည်ပင်သာယာရေးကော်မတီသို့ ၂၀၁၅ ခုနှစ် သြဂုတ်၂၉ ရက်နေ့က တက္ကသိုလ်ရိပ်သာလမ်း၊ အိမ်အမှတ်(၇၄) မြေနေရာ၌ အထပ်မြင့်ဆောက်လုပ်ခြင်းအား အင်းယားကန်ကိုအရုပ်ဆိုး အကျည်းတန်စေသောကြောင့် ပတ်ဝန်းကျင်နေထိုင်သူများနှင့် ဘုန်းတော်ကြီးကျောင်းများမှ ကန့်ကွက်ကြောင်းစာတင်ခဲ့ကြသည်။ ''ဥပဒေရဲ့အားနည်းချက်က ဒဏ်ကြေးဆောင်ရင်ရတယ်။ ခုဖြစ်နေတာက ဆောက်တယ် ဆောက်ပြီးရင် ဒဏ်ငွေဆောင်တယ်။ ဥပဒေမှာ ပြစ်ဒဏ် ထောင်တစ်နှစ်ပါတယ်။ ကျွန်တော်က ထောင်ဒဏ်ဘက်ကို သွားချင်တာ။ စာက ၀န်ကြီးချုပ်ကို တိုက်ရိုက်တင်ခဲ့တဲ့အတွက် ကိုယ့်ဟာကိုယ်တော့ စဉ်းစားကြည့်ပေါ့'' ဟု ဦးခင်လှိုင်က ပြောကြားသည်။

ပန်းဆေးပြည်သူ့စစ်ကြီးကြပ်ရေးကော်မတီမှ ဦးကျော်ထူးက ၁၂ ထပ်ခွဲပြန်ဆောက်ခွင့်ရရှိရန် ဥပဒေအရစာတင်ခဲ့ပြီး ယနေ့အချိန်ထိ ထူးခြားမှုတစုံတရာမရှိသေးပါဟု မဇ္ဈိမသို့ပြောသည်။ ဦးခင်လှိုင်က စစ်ဗျုဟာ၊ မဟာဗျုဟာအရပြောလျှင် အမေရိကန်သံရုံး၏ မလှမ်းမကမ်းတွင် တည်ဆောက်ခြင်း အားဖြစ် အမေရိကန်သံရုံးက ၀င်ပါလာနိုင်ပြီး ယခုကဲ့သို့ အဖြစ်အပျက် ခပေါင်းလမ်း အစ္စရေးသံရုံတွင် ဖြစ်ခဲ့ဖူးကြောင်း ယာယီရပ်ဆိုင်းဆိုသည်မှာ ၄င်းတို့အပြောသာဖြစ်ပြီး ဥပဒေအရ တည်ဆောက်ခွင့်ပြန်ရစရာအကြောင်းမရှိပါဟု ပြောကြားသည်။

''ရန်ကုန်မြို့မှာဘယ်နေရာ ဘာအဆောက်အဦးဆောက်ဆောက် ဆောက်လုပ်ခွင့် စည်ပင်ကိုတင်ပြ ရပါတယ်သန်မန်ပြည်သူတွေက တင်ပြကြပါတယ်။ ပြည်ထောင်စုအဆင့်ရှိတဲ့မြေတွေ၊ ၀န်ကြီးဌာနပိုင် မြေတွေရှိတဲ့ ပုဂ္ဂိုလ်တွေကဘယ်သူမှ စည်ပင်ကိုလာမတင်ကြဘူး။ စည်ပင်ဥပဒေမှာပါပြီးသား ဘယ်ဌာနမဆိုဘယ်အဖွဲ့မဆို ခွင့်ပြုချက်တင်ရမယ်။ ကျွန်တော်က ဥပဒေအရပြောနေတာ၊ ရွှေတိဂုံ ပတ်ဝန်းကျင် အထပ်မြင့်မဆောက်ရတဲ့ဇုန်ထဲမှာလဲပါတယ်'' ဟု ၄င်းက မြို့ပြမြေများကိုဇုန်ခွဲခြားခြင်း နှင့် အဆောက်အဦအမြင့်ဆောက်လုပ်ခြင်း ဥပဒေစာအုပ်ကိုင်၍ ဦးခင်လှိုင်က ရှင်းပြသည်။

ဗဟန်းမြို့နယ်စည်ပင်သာယာရေးကော်မတီဥက္ကဋ္ဌ ဦးဖေထိုက်အောင်က ပန်းဆေးပြည်သူ့စစ်အဖွဲ့က အမှတ်(၇၄) ပြန်လည်တည်ဆောက်ခွင့်ရရန် ၄င်းအား ခြိမ်းခြောက်ခြင်းမရှိသလို လာဘ်ထိုးခြင်းလဲ မရှိပါဟု ပြောကြားသည်။

စမတ်ဖုန်း သုံးစွဲမှုကြောင့် ကျန်းမာရေး ထိခိုက်မှုတွေ ရှိလာ


ထိုင်းငါးဖမ်းလှေတွင် ရောင်းစားခံရသည့် မြန်မာ ၃၀ ကျော် လွတ်မြောက်

ခင်ဦးသာ


ထိုင်းနိုင်ငံ တောင်ပိုင်း၊ ဖူးခက်ကမ်းခြေရှိ ဖယ်ရော့ တံငါဆိပ်ကမ်းတွင် ပိတ်လှောင်ခံထားရသည့် မြန်မာနိုင်ငံသား လှေလုပ်သား ၃၀ ကျော်ကို မြန်မာနိုင်ငံသား လူကုန်ကူးဂိုဏ်းအဖွဲ့တခုထံမှ ထိုင်းနိုင်ငံ လူကုန်ကူးမှု တိုက်ဖျက်ရေးအဖွဲ့ (AHDD)၏ အကူအညီဖြင့် ဇန်န ၀ါရီလ ၂၈ ရက်နေ့က ကယ်ထုတ်နိုင်ခဲ့သဖြင့် လွတ်မြောက်လာပြီဖြစ်ကြောင်း ထိုင်းနိုင်ငံရောက် မြန်မာနိုင်ငံသားများအဖွဲ့(MAT)က ပြောသည်။

မြန်မာနိုင်ငံသား လှေလုပ်သားများသည် ကျဉ်းမြောင်းသည့် အခန်းငယ်တခုအတွင်း၌ လှောင်ပိတ်ခံထားရပြီး အပြင်ထွက်ခွင့် မရ ကြောင်း၊ အခန်းအား သေ့ာခတ်ထားပြီး လူကုန်ကူးဂိုဏ်း ခေါင်းဆောင် ကိုပက်ဆိုသူ၏ အမျိုးသမီး ဖြစ်သူက အပြင်မှ စောင့်နေလေ့ ရှိကြောင်း လှေလုပ်သားများအား ကယ်ထုတ်ရာတွင် ပါဝင်ခဲ့သူ MAT မှ ဒါရိုက်တာ ဦးကျော်သောင်းက ဧရာဝတီသို့ ပြောသည်။

ဦးကျော်သောင်းက“မွန်းကြပ် ပူလောင်နေတဲ့ အခန်းကျဉ်းလေး တခုထဲမှာ လူ ၃၀ ကျော်ကို ပိတ်လှောင်ထားတယ်။ စားလည်း အဲဒီ နေရာ၊ အိမ်သာတက်လည်း အဲဒီနေရာ၊ တကယ့် ငရဲခန်းထဲ ရောက်နေသလိုပဲ။ သူတို့ကိုတွေ့တော့ ကျနော်တို့လည်း အတော် စိတ်မ ကောင်း ဖြစ်သွားတယ်”ဟု ဆိုသည်။

ဖူးခက်ကမ်းခြေရှိ အလုပ်လုပ်ကိုင်နေသည့် လူငယ်တချို့က သတင်းပေးရာမှတဆင့် ထိုလှေသမားများကို ကယ်ထုတ်နိုင်ခဲ့ခြင်း ဖြစ် ကြောင်း၊ လူကူကုန်း ဂိုဏ်းခေါင်းဆောင် မြန်မာနိုင်ငံသား ဖြစ်သူ ကိုပက် ထွက်ပြေး လွတ်မြောက်သွားသော်လည်း ကိုပက်၏ ဇနီးကို ဖမ်းမိခဲ့ကြောင်း သိရသည်။

ကယ်ထုတ်ခံရသူများသည် မြန်မာပွဲစားအား ထိုင်းဘတ်ငွေ ၂၄၀၀၀ ၀န်းကျင် ပေးဆောင်ခဲ့ရကြောင်း၊ ကယ်ထုတ်ခံရသည့် လှေလုပ် သားများသည် ဧရာဝတီတိုင်း၊ တနင်္သာရီတိုင်း၊ ရခိုင်ပြည်နယ်၊ ကရင်ပြည်နယ်၊ ရန်ကုန်တိုင်းစသည့် ဒေသများမှ လာရောက်ကြသူများ ဖြစ်ကြောင်း၊ အသက် ၁၈ နှစ် မှ ၅၀ ၀န်းကျင်အထိ ပါဝင်ပြီး အများစုသည် လူငယ်ပိုင်းများ ဖြစ်ကြောင်း၊ ထိုင်းနိုင်ငံသို့ ရောက်ရှိနေ သည်မှာ ၆ လ အထိ ရှိသူများလည်း ပါဝင်ကြောင်း သိရသည်။

ထို့ပြင် လှေပေါ်လိုက်ရာတွင်လည်း အနိုင်ကျင့်ခံရမှု၊ လူ့အခွင့်အရေး ချိုးဖောက်ခံရမှုများ ရှိကြောင်း၊ လှေပေါ်မှ ပြန်နားပါကလည်း ထွက် ပြေးမည် စိုးရိမ်သည်ဟု အကြောင်းပြချက်ဖြင့် အပြင်သွားလာခွင့် မပေးဘဲ အခန်းကျဉ်းထဲ၌သာ ပိတ်လှောင်ခံထားရပြီး ပြင်ပနှင့်လည်း တယ်လီဖုန်း ဆက်သွယ်ခွင့် မရကြဟု ပြောဆိုကြကြောင်း MAT မှ ဦးကျော်သောင်းက ရှင်းပြသည်။

ကယ်ထုတ်ခံရသူ လှေလုပ်သားများအား ယခုအခါ ဖူးခက်ရဲစခန်း၌ ခေတ္တ ထိန်းသိမ်းထားပြီး မကြာမီ ကယ်ဆယ်ရေးစခန်းသို့ ပို့ဆောင် မည် ဖြစ်ကြောင်း၊ ထိုင်းနိုင်ငံ လူဝင်မှု ကြီးကြပ်ရေးဥပဒေအရ စိစစ်ဆောင်ရွက်ပြီးပါက မြန်မာနိုင်ငံသို့ ပြန်လည် ပို့ဆောင်ပေးသွားမည်ဟု ဦးကျော်သောင်းက ပြောသည်။ မြန်မာလှေလုပ်သားအားလုံးသည် တရားဝင် အလုပ်လုပ်ကိုင်ခွင့်ကတ်ပြား ဖြစ်သည့် ပန်းရောင်ကတ်ကို ကိုင်ဆောင်ထားကြကြောင်း သိရသည်။

ထိုင်းနိုင်ငံသည် လူကုန်ကူးမှုနှင့်ပတ်သက်၍ နိုင်ငံတကာက စောင့်ကြည့်ခံနေရသော်လည်း ယင်းကိစ္စကို ထိုင်းအစိုးရအနေဖြင့် ထိ ရောက်စွာ ကိုင်တွယ် ဖြေရှင်းပေးမှု အားနည်းနေကြောင်း၊ နိုင်ငံတကာအနေဖြင့် ထိုကိစ္စကို ထိရောက်သည့် ဆောင်ရွက်မှုဖြင့် လုပ် ဆောင်မှသာ လူကုန်ကူးမှု လျှော့ကျနိုင်မည်ဟု ယူဆကြောင်း MAT အဖွဲ့က ပြောသည်။

မြန်မာနိုင်ငံသားများ ထိုင်းနိုင်ငံသို့ လူကုန်ကူးခံရမှုသည် လျော့ကျမသွားဘဲ ပိုမို များပြားလာကြောင်း၊ MAT အဖွဲ့ အနေနှင့်လည်း ထိုင်း နိုင်ငံ အစိုးရ အာဏာပိုင်များ၊ လူကုန်ကူးမှုအဖွဲ့များနှင့် ပူးပေါင်း၍ ၂၀၁၁ ခုနှစ်မှ ၂၀၁၆ ခုနှစ် အတွင်း လူကုန်ကူးခံရသူ မြန်မာနိုင်ငံသား စုစုပေါင်း ၁၀၀၀ ၀န်းကျင်ကို ကယ်တင်နိုင်ခဲ့ကြောင်း MAT အဖွဲ့က ပြောသည်။

လူကုန်ကူးခံရသူ အများစုသည် လှေလုပ်သား၊ စက်ရုံ၊ အလုပ်ရုံများသို့ ရောင်းစားခံရသူများ ဖြစ်ကြောင်း သိရသည်။

ကျေးရွာပိုင်မြေ တွေကို ပြန်ရဖို့ ရွာသားတွေက လိုလား


သံယံဇာတတူးဖော်သည့် စက်ယန္တရားပေါင်းစုံ တစ်သောင်းကျော် ဖားကန့်တွင်တွေ့ရှိ

ဟိန်းကိုစိုး

ဖားကန့်ဒေသအတွင်း သယံဇာတတူးဖော်သည့် စက်ယန္တရားပေါင်းစုံ အစီးရေတစ်သောင်းကျော် တွေ့ရှိထားသည်ဟု ကချင်ပြည်နယ်အစိုးရအဖွဲ့ အတွင်းရေးမှူး ဦးဇော်သိန်းက ဇန်န၀ါရီ ၂၇ရက်တွင် မဇ္ဈိမသို့အတည်ပြု ပြောကြားသည်။

"အဖွဲ့ပေါင်းစုံ၊ ဌာနပေါင်းစုံက ကွင်းဆင်းပြီးစာရင်းယူတာ စက်ယန္တရားပေါင်းစုံ အစီးရေ တစ်သောင်းကျော် ရှိတယ်။ မှတ်ပုံတင်ပေးဖို့ ဌာနပေါင်းစုံက ဆင်းစစ်တာပါ။ မှတ်ပုံတင်မယ့်ကိစ္စကိုတော့သူ့သက်ဆိုင်ရာ ဌာနကနေ လုပ်ပေးဖို့ပြင်ပါလိမ့်မယ်။ ပြည်ထောင်စုအစိုးရက ဘာညွှန်ကြားလဲဆိုတာကိုတော့ ပြည်ထောင်စုအစိုးရကိုပဲမေးလိုက်ပါ။" ဟု ၎င်းကဆိုသည်။

ပြည်နယ်အစိုးရအဖွဲ့အတွင်းရှိ ဌာနပေါင်းစုံပါဝင်သည့် ကော်မတီက ဇန်န၀ါရီလ ၂၄ရက်နေ့တွင် လုပ်ကွက်များ အတွင်း မြေပြင်ကွင်းဆင်းကာ ယန္တရားစားရင်းကို ကောက်ယူခဲ့ခြင်းလည်းဖြစ်သည်ဟု ဦးဇော်သိန်းက ပြောသည်။

စစ်ဆေးတွေ့ရှိသည့် ယန္တရားတစ်သောင်းကျော်မှ အားလုံးသည် မှတ်ပုံတင်ထားခြင်းရှိမရှိကိုမူ အစည်းအဝေး ဝင်ရောက်တော့မည်ဖြစ်သည့်အတွက် မဇ္ဈိမသို့ ပြန်လည်ဖြေကြားပေးနိုင်ခြင်းမရှိခဲ့ပေ။

ယင်းတွေ့ရှိသည့် စက်ယန္တရားအရေအတွက်သည် ရန်ကုန်တိုင်းအတွင်း မော်တော်ယာဉ်လိုင်းပေါင်းစုံကြီးကြပ် ထိန်းသိမ်းရေးကော်မတီအောက်ရှိ မှတ်ပုံတင်ပြီးလိုင်းကားအစီးရေ ၅၀၀၀ခန့်၏ နှစ်ဆခန့်ရှိနေသည်။

ဖားကန့်ဒေသတွင်တွေ့ရှိထားသည့် စက်ယန္တရားများကိုမှတ်ပုံတင်နိုင်ရေးနှင့် ပက်သက်ပြီးပြည်နယ် ကုန်းလမ်းပို့ဆောင်ရေးညွှန်ကြားမှုဦးစီးဌာန (၀၇၄ ၂၀၂၆၁) ဦးစီးမှူးသို့ဆက်သွယ်မေးမြန်းရာ ပြန်လည်ဖြေကြားခြင်းမရှိပေ။

ဖားကန့်ဒေသတွင် ၂၀၁၅ ခုနှစ်အတွင်းမှာပင် မြေစာပုံပြိုကျမှု အနည်းဆုံး ၃၇ကြိမ်ရှိခဲ့သည်ဟု ကချင် ပြည်နယ်မှ အမျိုးသားလွှတ်တော် အမတ်တစ်ဦးက ၂၀၁၅နှစ်ကန်ပိုင်းက ပြောဆိုထားပြီး မြေစာပုံပြိုကျမှုကြောင့် လူပေါင်းရာဂဏန်းထိ သေဆုံးခဲ့ရသည်။

ယင်းကိစ္စဖြေရှင်းရန် လွှတ်တော်ကမေးခွန်းမေးမြန်းခြင်းကိုလည်း သတ္တုတွင်းဝန်ကြီးဌာန၊ ဒုဝန်ကြီး ဦးသန်းထွန်းအောင်က လုံခင်း၊ ဖားကန့်ရတနာနယ်မြေတွင် ကျောက်စိမ်းတူးဖော်ခြင်း လုပ်ငန်းလုံးဝရပ်နားခြင်း (သို့မဟုတ်) ထိုဒေသအား ပုဒ်မ ၁၄၄ထုတ်ပြန်ကာ ရဲတပ်ဖွဲ့ဖြင့် ထိန်းသိမ်းခြင်း (သို့မဟုတ်) စစ်အုပ်ချုပ်ရေး အမိန့်ထုတ်ပြန်ခြင်းဖြင့် ဖြေရှင်းနိုင်သည်ဟု ဒီဇင်ဘာ ၂၈ရက် ပြည်ထောင်စုလွှတ်တော်အစည်းအဝေးတွင် တင်ပြခဲ့ပြီး ယင်းဖြေရှင်းချက်ကိုမူ လွှတ်တော်ကလက်မခံခဲ့ပေ။

ဦးသိန်းစိန်အစိုးရက ဖားကန့်ဒေသအတွင်း မြေပြိုမှုအကြိမ်များစွာဖြစ်ပွားခဲ့ပြီးနောက် စုံစမ်းစစ်ဆေးမှုပြုလုပ်ရန် ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဋ္ဌာန ဝန်ကြီးဦးဆောင်သည့် စုံစမ်းစစ်ဆေးရေးအဖွဲ့ကို ဖွဲ့စည်းကာ စစ်ဆေးမှုများပြုလုပ်စေခဲ့သော်လည်း မည်သို့စိစစ်ထားသည်ကိုမသိရှိရသေးပေ။

၂၀၁၅ ခုနှစ် နိုဝင်ဘာ ၃၀ ရက် စာရင်းအရ လုံးခင်း၊ ဖားကန့်ရတနာမြေတွင် သယံဇာတတူးဖော်ရေးကုမ္ပဏီ ၆၂၇ ခု ကို ပုဂ္ဂလိက လုပ်ကွက်ပေါင်း ၇၇၁၄ ကွက်နှင့်၊ အကျိုးတူလုပ်ကွက် ၃၁၁ ကွက်အတွက် ကုမ္ပဏီ ၂၃၁ ခုကို ၊ စုစုပေါင်း ဧရိယာ ၂၂၅၅၈ ဒသမ ၃၀ ဧက လုပ်ကိုင်ခွင့်ပြုထားသည်ဟု ပြည်ထောင်စုအစိုးရက ၁၃ကြိမ်မြောက် ပြည်ထောင်စုလွှတ်တော်အစည်းဝေးတွင် ဖြေကြားထားသည်။

သစ်အလုံးလိုက် တရားမဝင် တင်ပို့မှု ဆက်ရှိနေ


DKBA စစ်မှုထမ်းဟောင်းရွာထဲက ဘ၀များ

ထွန်းထွန်း


“ကျနော် တခါတခါ စိတ်တအားငယ်တယ်၊ အရင်တုန်းကဆိုရင် ဟိုလူကြီးကခိုင်းလို့ ဟိုကိုသွားလိုက်၊ ဒီကိုသွားလိုက်နဲ့၊ အခုလို ခြေထောက် နှစ်ဖက်စလုံးမ ရှိတော့ ဘယ်သူမှ လာမကြည့်တော့ဘူး၊ ဘယ်လူကြီးမှလည်း လာမခိုင်းတော့ပါဘူး”။

ဒီမိုကရေစီအကျိုးပြု ကရင်အမျိုးသား တပ်မတော် (DKBA) မှာ တာဝန်ထမ်းဆောင်ရင်း မိုင်းထိကာ ခြေနှစ်ဖက် ဖြတ်ခဲ့ရတဲ့ ကိုဝင်းထွန်း (ခ) ရဲကိုကိုက ဒဏ်ရာရ တပ်သားတဦးရဲ့ ဘ၀အခြေအနေကို ပြောလိုက်တာပါ။

သူဟာ လွန်ခဲ့တဲ့ ၉ နှစ်ခန့်က DKBA တပ်သား ၄ ဦးနဲ့အတူ နယ်မြေလှုပ်ရှား လှည့်လည်ရင်း ထိုင်းနိုင်ငံ၊ မဲဆောက်ဘက် ကမ်းနဲ့ ကပ်လျက် ကရင်လက်နက်ကိုင် တပ်ဖွဲ့တခုရဲ့ နယ်မြေအနီးမှာ ထောင်ထားတဲ့မိုင်းကို နင်းမိခဲ့တာဖြစ်ပြီး သူနဲ့အတူ တပ်ဖွဲ့ဝင်တဦးပါ အပြင်းအထန် ဒဏ်ရာရခဲ့ပါတယ်။

“ကျနော်တို့ ရေနွေးသောက်နေကြရင်း ညာဘက်ခြေထောက်နဲ့ နင်းမိထားတာကို မသိဘူး၊ ပန်ကန်ဆေးမလို့ ခြေထောက် ကြွလိုက်တော့မှ ထပေါက်ကွဲတာ၊ မိုင်းက နှစ်လုံးဆင့်မိုင်း၊ နောက်တယောက်ရဲ့ ခြောက်ထောက်ကို မိုင်းစတွေက ဓားနဲ့ လှီးလိုက်သလို ပြတ်ကုန်တာ၊ သူကအရိုးတော့ မထိဘူး၊ ကျနော်တို့ မဲဆောက်ဆေးရုံရောက်တော့ ကျနော်ကို နှစ်ဖက်လုံး ဖြတ်လိုက်တယ်” လို့ ကိုဝင်းထွန်းက သူကြုံခဲ့ရတဲ့ အဖြစ်အပျက်ကို ပြန်ပြောပြပါတယ်။

ခြေနှစ်ဖက် ဖြတ်လိုက်ရပြီးနောက်ပိုင်း ရွှေကုက္ကိုဆေးရုံ ဘားတိုက်မှာ နေထိုင်ခဲ့ပါတယ်။ အစိုးရနဲ့ DKBA တို့ ပူးပေါင်း ဆောက်လုပ်ပေးတဲ့ စစ်မှုထမ်းဟောင်း အိမ်ယာတွေ ပြီးချိန်မှာတော့ သူ့လိုပဲ တပ်ဖွဲ့မှာ တာဝန်ထမ်းဆောင်ရင်း ကိုယ်အင်္ဂါ ဆုံးရှုံးခဲ့ရသူတွေနဲ့အတူ ယခုနေအိမ်ကို စတင်ပြောင်းရွေ့ နေထိုင်ခဲ့တာ ၆ နှစ်ကျော် ကြာခဲ့ပြီ ဖြစ်ပါတယ်။ ကိုဝင်းထွန်းဟာ DKBA တပ်ကနေ အခုအထိ တရားဝင် နုတ်ထွက်ထားခြင်းတော့ မရှိသေးပါဘူး။

အဲဒီ DKBA စစ်မှုထမ်းဟောင်း ရွာလေးဟာ မြ၀တီမြို့နယ်၊ ရွှေကုက္ကိုမြိုင်ထဲမှာ တည်ဆောက်ထားတာဖြစ်ပြီး အိမ်အကွက် ၁၀၀ ရိုက်ထားပေမယ့် အိမ်ခြေ ၉၇ လုံးသာ တည်ဆောက်ထားတာ တွေ့ရပြီး လူနေထိုင်ခြင်းမရှိတဲ့ အိမ်တချို့ကိုလည်း တွေ့ရပါတယ်။

သွပ်မိုး၊ ပျဉ်ထောင် တည်ဆောက်ပေးထားတဲ့ စစ်မှုထမ်းဟောင်း အိမ်ယာတွေဟာ နေထိုင်ရ အဆင်ပြေမှု ရှိပေမယ့် စားဝတ်နေရေး အခက်အခဲကြောင့် ဒဏ်ရာရရှိတဲ့ တပ်ဖွဲ့ဝင်ဟောင်း တချို့ဟာ မိသားစုတွေထံ ပြန်လည်နေထိုင်ကြ သူတွေလည်း ရှိတယ်လို့ သိရပါတယ်။
စစ်မှုထမ်းဟောင်း အိမ်ယာမှာ မိသားစုတွေနဲ့အတူ နေထိုင်ရင်း လုပ်ကိုင်စားသောက် နေကြသူတွေရှိသလို မိသားစုမရှိဘဲ တယောက်တည်း နေထိုင်နေရတဲ့ သူတွေလည်း တွေ့ရပါတယ်။

“အခု နှစ်လ၊ သုံးလလောက်မှ ထောက်ပံ့ကြေး (ထိုင်း) ဘတ် (ငွေ) တထောင်လောက် ပေးတယ်၊ ဆန်ကတအိတ်၊ ဒါကလည်း အင်္ဂလိပ်တို့၊ ဂျပန်တို့က လာပေးကြတာ။ ဒီမှာက အကုန်ဝယ်နေရတာ ဘယ်လောက်မှာလဲ။ ကျနော် မဖျားမနာလို့ တော်သေးတယ်” လို့ အသက် ၇၀ ကျော်အရွယ် အမေဖြစ်သူနဲ့ အတူနေထိုင်နေသူ ကိုဝင်းထွန်းက ဆိုပါတယ်။

အိမ်ယာတည်ရှိတဲ့နေရာဟာ ရေကောင်းမွန်မှု မရှိတဲ့အတွက်လည်း နေထိုင်သူတွေဟာ ၀ယ်သုံးကြရပြီး မဲဆောက်ဘက် ကနေ သွယ်တန်းပေးထားတဲ့ လျှပ်စစ်မီတာခကိုတော့ ၁ လကို ဘတ် ၁၅၀ ဖိုးအတွက် ကရင်နယ်ခြားစောင့်တပ် (BGF) အထွေထွေ အတွင်းရေးမှူး ဗိုလ်မှူးကြီး စောချစ်သူက ပေးဆောင်ပေးပြီး ကျန်တာကိုတော့ ကိုယ့်ဖာသာ ပေးဆောင်ရ တယ်လို့ ဆိုပါတယ်။

အသက် ၂၆ နှစ်အရွယ်မှာ မွေးရပ်ဇာတိ အပေါင်မြို့ကနေ အလုပ်လုပ်ဖို့ ထွက်လာတဲ့ ကိုဝင်းထွန်းအနေနဲ့ ဘေးလူတွေရဲ့ တိုက်တွန်း ပြောကြားမှုကြောင့် DKBA တပ်ဖွဲ့ထဲကို တပ်သားအဖြစ် စတင်ရောက်ရှိခဲ့တာဖြစ်ပြီး အစိုးရတပ်မတော်နဲ့ ပူးပေါင်းကာ ကော်သူလေးစခန်းကို ၀င်တိုက်တဲ့ တိုက်ပွဲတွေမှာ ပါဝင်ခဲ့ရတယ်လို့ ဆိုပါတယ်။

ခြေထောက် မဆုံးရှုံးခင် နေထိုင်မှုပုံစံနဲ့ ပတ်သက်လို့လည်း “ကျနော် အရင်က သန့်သန့်ပြန့်ပြန့်နေတတ်တာ၊ အစ်ကို့လိုမျိုး ရှူးဖိနပ် ၄၊ ၅ ရံနဲ့။ အဲဒီတုန်းက လူကြီးတွေက ရဲကိုကို လို့တောင် ခေါ်ကြတာ၊ အခုလို နှစ်ဖက်စလုံး ပြတ်တော့ သွားဖို့တောင် မလွယ်တော့ပါဘူး” လို့ ဒူးလောက်ကနေ ပြတ်နေတဲ့ ခြေထောက်တွေကို ငုံ့ကြည့်ရင်း ကိုဝင်းထွန်းက ဆိုလိုက်ပါတယ်။

သူနေထိုင်တဲ့ စစ်မှုထမ်းဟောင်း အိမ်ယာတွေဟာ ဒဏ်ရာရ DKBA တပ်ဖွဲ့ဝင် ဒဏ်ရာရစစ်သားတွေညအတွက်သာ သီးသန့် နေရာချပေးတာ ဖြစ်ပေမယ့် သူ့လိုပဲ မိုင်းနင်းမိရင်း ခြေထောက်တဖက် ဖြတ်ထားရတဲ့ နယ်ခြားစောင့်တပ် (BGF) တပ်ဖွဲ့ဝင် ဦးဖ၀့်သိင်းအွာတို့ မိသားစုလည်း နေထိုင်ကြပါတယ်။

ဦးဖ၀့်သိင်းအွာဟာ စစ်မှုထမ်းဟောင်း အိမ်ယာမှာနေထိုင်တဲ့ တဦးတည်းသော BGF တပ်ဖွဲ့ဝင်ဖြစ်ပြီး သူဟာ ၂၀၁၅ ခုနှစ် အတွင်းက အာရှလမ်းမကြီးပေါ်မှာ လက်နက်ကိုင်တပ်ဖွဲ့များ ဂိတ်ကြေးကောက်ခံမှုနဲ့ ပတ်သက်လို့ ဖြစ်ပွားတဲ့တိုက်ပွဲ တွေမှာ BGF တပ်ဖွဲ့ဝင်အနေနဲ့ လိုက်လံတိုက်ခိုက်ရင်း ဇူလိုင်လ ၆ ရက်နေ့မှာ မိုင်းနင်းမိခဲ့တာ ဖြစ်ပါတယ်။

မိသားစု ၇ ဦးမှာ သားအကြီးဆုံးဖြစ်တဲ့ သူ့အနေနဲ့ စစ်ဒဏ်တွေကြားကပဲ ၁၉၈၈ ခုနှစ် ၄ တန်းစာမေးပွဲ မဖြေရသေးခင်မှာ ကရင်အမျိုးသားအစည်းအရုံး (KNU) တပ်ဖွဲ့ထဲကို ၀င်ရောက်ခဲ့တယ်လို့ ဆိုပါတယ်။

“အိမ်မှာ စာဝတ်နေရေးက အဆင်မပြေဘူး၊ သူပုန်တွေကလည်း ဆိုးတယ်လေ။ လယ်ထွန်တဲ့နွားတွေဆိုလည်း ဆွဲသွားတာပဲ။နောက်တော့ စိတ်ကပြောင်းသွားတယ်။ ငါတို့နိုင်ရင် ငြိမ်းချမ်းမှာပဲဆိုပြီး ကိုယ့်စိတ်နဲ့ကိုယ် တပ်ဖွဲ့ထဲ ၀င်ခဲ့တာ။ နောက်ဆုံး အဖွဲ့တွေ ကွဲရင်းနဲ့ BGF ထဲ ရောက်ခဲ့တာပဲ” လို့ ဦးဖ၀့်သိင်းအွာက လက်နက်ကိုင်တပ်ဖွဲ့ထဲ ၀င်ရောက်ဖြစ်ခဲ့ပုံကို ပြောပြပါတယ်။

စစ်သားတဦးအဖြစ် နှစ် ၂၀ ကျော် တာဝန်ထမ်းလာတဲ့ တလျှောက်လုံး ဒဏ်ရာမရခဲ့ဖူးတဲ့ သူအနေနဲ့ မိုင်းနင်းမိလို့ ခြေထောက်ဖြတ်လိုက်ရတဲ့ အကြောင်းကို နှလုံးရောဂါ အခံရှိသူ ဇနီးဖြစ်သူကို အသိမပေးရဲခဲ့ဘဲ မဲဆောက်ဆေးရုံ ရောက်လို့ တပ်ဖွဲ့ဝင်တဦးက သွားရောက်ပြောပြတဲ့ အခါမှသာ မိသားစုအနေနဲ့ သိခဲ့ရတာဖြစ်ပါတယ်။

“တပ်သားတယောက် လာပြောတော့ အဒေါ် မယုံဘူး၊ အိမ်ပြန်ရောက်တော့ သူက ‘ငါ့မှာ ခြေထောက် တဖက်ပဲ ရှိတော့တယ်၊ ငါ့ကို နင်ယူဦးမလားတဲ့’၊ ဒီလိုစကားမျိုး အန်တီတခါမှ မကြားခဲ့ဖူးဘူး၊ နှစ်တွေအကြာကြီး ပေါင်းလာခဲ့တာပဲ၊ အန်တီ ဆက်ကြည့်ရမှာပေါ့” လို့ ဇနီးဖြစ်သူ ဒေါ်ဏင့်တူးက ဆိုပါတယ်။

လက်ရှိမှာ စစ်မှုထမ်းဟောင်း တဦးအနေနဲ့ သူတို့ကို BGF က တလလျှင် ကျပ် ၁ သိန်း ၃ သောင်းကျော်နဲ့ ဆန်တအိတ်ခွဲ ထောက်ပံ့ပေးထားပြီး ရှေ့လျှောက် အတွက်တော့ မုန့်လေးတွေ လုပ်ရောင်းကာ ရပ်တည်သွားရမှာ ဖြစ်တယ်လို့ ဒေါ်ဏင့်တူးက မိသားစုရပ်တည်ရေးနဲ့ ပတ်သက်လို့ ပြောပါတယ်။

သူတို့နှစ်ဦးအနေနဲ့ တိုက်ပွဲတွေ ဖြစ်ပွားနေတဲ့ ကာလအတွင်းမှာပဲ မဲဆောက်ဘက်ကမ်းမှာ စတင်တွေ့ဆုံခဲ့ကြကာ လက်ထပ်ခဲ့ကြတာဖြစ်ပြီး ခုနှစ်ကို မမှတ်မိတော့ပေမယ့် သူ့အသက် ၁၇ နှစ်လောက်မှာ ဖြစ်မယ်ထင်တယ်လို့ ဒေါ်ဏင့်တူးက ဆိုပါတယ်။

သူတို့မှာ သားသမီး ၇ ယောက် ရှိတဲ့အနက် သားအကြီးဆုံးကလည်း BGF တပ်ထဲမှာပင် တာဝန်ထမ်းဆောင်လျက် ရှိနေပြီး အရွယ်ရောက်တဲ့ သားသမီးတွေကတော့ ဘန်ကောက်ကိုထွက်ကာ အလုပ်လုပ်ကြကာ သူတို့ကိုပဲ မှီခိုနေခဲ့ရတယ်လို့ ဆိုပါတယ်။

စစ်သားတယောက်ရဲ့ ဇနီးတဦးဖြစ်သလို ကရင်ပြည်နယ်၊ လှိုင်းဘွဲ့မြို့နယ်၊ ရွှေကိုင်းကောင်းရွာ ဇာတိဖြစ်တဲ့ ဒေါ်ဏင့်တူး အနေနဲ့ ငယ်စဉ်ကတည်းက စစ်ဒဏ်ကို ခံခဲ့ရတာဖြစ်ပြီး သူကိုယ်တိုင် အစိုးရစစ်တပ်တွေရဲ့ ရိက္ခာထမ်းဖို့အတွက် ပေါ်တာဆွဲ ဖမ်းဆီးခြင်းကိုလည်း ခံခဲ့ရဖူးတယ်လို့ ပြောပါတယ်။

“သူတို့ညဘက် လာဖမ်းတော့ ယောက်ျားလေးတွေက မရှိဘူး၊ အဲ့ဒါဆို မိန်းမတွေဖမ်းဆိုပြီး ဖမ်းကြတာ၊ ရိက္ခာ ထမ်းနိုင်လား၊ မနိုင်ရင် ယောက်ျားတွေပြန်ခေါ် ဆိုပြီးပြောတာ၊ နောက်မှ ရွာကလူကြီးတွေက ယောက်ျားတွေ ခေါ်လာပြီး လူလူချင်း လာပြန်လဲကြရတာ၊ အဒေါ်ဆို ကြောက်လို့ ငိုတာ တအားပဲ” လို့ ပေါ်တာဖမ်းဆီးခံရတဲ့အဖြစ်ကို ဒေါ်ဏင့်တူးက ပြောပြပါတယ်။

လက်နက်တပ်ဖွဲ့မျိုးစုံ လာရောက်လေ့ရှိတဲ့ သူတို့ရွာလေးမှာ အစိုးရစစ်တပ် တပ်ရင်းများစွာရဲ့ အနိုင်ကျင့် ခိုင်းစေတာတွေ၊ သိမ်းယူတာတွေကို များစွာကြုံတွေခဲ့ရပါတယ်။ တချို့တပ်ရင်းတွေကတော့ သဘောကောင်းပြီး ရွာကိုကူညီကြကြောင်း ဒေါ်ဏင့်တူးက သူကြုံတွေ့ခဲ့ရတာကို ပြေပါတယ်။

“ရွာမှာ အိမ်ထောင်တွေကျပြီး မပြန်တော့ဘဲ ရွာမှာပဲနေတဲ့ ဗမာစစ်သားတွေ အများကြီး။ တချို့လူတွေကတော့ ခိုင်းတယ်၊ ဟိုဟာတွေ့လည်း ယူမယ်၊ ဒါလည်းယူမယ်၊ အကုန်လိုက်ယူတာပဲ၊ တအားဆိုးတယ်” လို့ ဒေါ်ဏင့်တူးက ဆိုပါတယ်။

ယောက်ျားဖြစ်သူ BGF တပ်ထဲမှာ တာဝန် ထမ်းဆောင်နေစဉ် တလျှောက်လုံးမှာလည်း သားသမီးတွေကို တဦးတည်း ရုန်းကန်ပြုစု စောင့်ရှောက်လာခဲ့ရတဲ့ သူ့အနေနဲ့ ကျန်းမာရေး အခြေအနေကြောင့် ပိုက်ဆံငွေတိုးနဲ့ ချေးယူကုသရင်း တစတစတက်လာတဲ့ အကြွေးတွေနဲ့ပဲ ယခင်မိသားစုနေထိုင်ရာ အိမ်နဲ့ မြေကို ပေးလိုက်ရတယ်လို့ ဆိုပါတယ်။

နောက်ဆုံး စစ်မှုထမ်းဟောင်းအိမ်ရာမှာ လာနေရင်း ခြေထောက်တဖက် ဆုံးရှုံးထားရတဲ့ ယောက်ျားဖြစ်သူအတွက် စိတ်မကောင်း ဖြစ်နေရပေမယ့် ကရင်တိုင်းရင်သူ တယောက်ဖြစ်တဲ့ သူ့အနေနဲ့ ကရင်လူမျိုးတို့ရဲ့ရိုးရာ ဒုံးယိမ်း ကပြဖျော်ဖြေဖို့ အတွက်တော့ စစ်မှုထမ်းဟောင်း အိမ်ယာထဲက တချို့နဲ့အတူ နှစ်သစ်ကူးပွဲတော်မှာ ပါဝင်ကပြမယ်လို့ ဆိုပါတယ်။

“က ချင်စိတ် မရှိပေမယ့် ကိုယ့်ရွာ ညီညွတ်ကြောင်းပြရမယ်၊ အဲ့ဒါကြောင့် သွားမှာ။ ကိုယ့်ရိုးရာ မပျောက်အောင်၊ ကရင်လူမျိုးတွေ အားလုံး စည်းလုံးညီညွတ်အောင် ဒီလိုတဆင့်ချင်း လုပ်ရမှာပဲ” လို့ ဒေါ်ဏင့်တူးက ပြောပါတယ်။

လတ်တလော DKBA စစ်မှုထမ်းအိမ်ယာထဲ နေထိုင်နေရတဲ့ သူတို့အတွက်တော့ ဘယ်အချိန်မှာ ဘယ်နေရာကို ရွှေ့ပြောင်းရဦးမလဲ မသိသေးသလို သက်ဆိုင်ရာ တာဝန်ရှိသူတွေဘက်က ဘယ်လိုအစီအစဉ်တွေ လုပ်ဆောင်ပေးမလဲ ဆိုတာကိုလည်း မသိရှိကြပါဘူး။

သူတို့လိုပဲ စစ်မှုထမ်းအိမ်ယာမှာ ၆ နှစ်ကျော် နေထိုင်ခဲ့တဲ့ DKBA တပ်သား ကိုဝင်းထွန်းကတော့ အခြေအနေ အားလုံးကို စိတ်ကုန်နေပြီး မိခင်ဖြစ်သူနဲ့အတူနေထိုင်ရာ လက်ရှိအိမ်ကို ပြန်ပေးပြီး အစ်ကို၊ အစ်မတွေနဲ့အတူ ပြန်နေဖို့ စိတ်ကူးထားတယ်လို့ ဆိုပါတယ်။

အသက် ၇၀ ကျော်အရွယ် ကိုဝင်းထွန်းရဲ့ မိခင်ဖြစ်သူက “အခုတပ်ဖွဲ့က ထွက်မယ်ဆိုတော့ မပေးထွက်ဘူး၊ ဒီမှာက ပြတ်နေပြီပဲ၊ သူတို့ ဘာသွားခိုင်လို့ ရဦးမှာလဲ။ သူတို့အိမ်နဲ့ခြံ ပြန်အပ်ပြီး ငါ့သားကို ငါပြန်ခေါ်သွားမယ်ပေါ့။ နင်တို့သူ့ကို သနားရင်တော့ ဆေးဖိုးလေးနည်းနည်း ပေးလိုက်ပေါ့ဆိုပြီး သွားပြောဖို့ တောင် စဉ်းစားမိတယ်” လို့ ဆိုပါတယ်။

သူတို့နေအိမ်နဲ့ မျက်စောင်းထိုးမှာ ရှိနေတဲ့အိမ်ကို လက်ညိုးထိုးပြရင်း “အဲဒီကောင်မလေး ယောက်ျားဆို သေတာကြာပြီ၊ သူတို့ ပိုက်ဆံတပြားမှ မပေးဘူး။ အဲ့ဒါ အလှူလေးလုပ်ပေးဖို့ကို အခုထိမလုပ်ရဘူး” လို့ ကိုဝင်းထွန်းရဲ့ မိခင်က ဆိုပါတယ်။


တာဝန်ထမ်းဆောင်ရင်း ကိုယ်လက်အင်္ဂါတွေ ဆုံးရှုံးခဲ့ရပြီး စစ်မှုထမ်းဟောင်း အိမ်ယာမှာ နေနေရတဲ့ သူတို့လို ရဲဘော်တွေ အနေနဲ့ ရှေ့ဆက် ဘ၀ရပ်တည်ရေးအတွက် ဘာကိုမှ မမျှော်လင့်တော့ပေမယ့် စစ်ပွဲတွေရပ်တန့်ကာ အေးအေး ချမ်းချမ်းသာ နေသွားချင်တော့ကြောင်း ဆိုကြပါတယ်။

နှစ်ပေါင်း ၆၀ ကျော်ဖြစ်လာခဲ့တဲ့ ပြည်တွင်းစစ်ကြီးနဲ့ ပတ်သက်လို့လည်း ကရင်တိုင်းရင်းသူ တယောက်ဖြစ်တဲ့ ဒေါ်ဏင့်တူး ကတော့ သူ့ရဲ့ကံလို့သာ ပုံချထားပြီး လက်နက်ကိုင် တပ်ဖွဲ့တွေကြားမှာ ဟိုဘက်လည်းကြောက်ရ၊ ဒီဘက်လည်း ကြောက်ရတဲ့ ဘ၀မျိုးကို မဖြစ်စေချင်တော့ကြောင်း စစ်ပွဲထဲပြေးခဲ့ရပုံတွေကို ပြောပြရင်းဆိုပါတယ်။

အခုချိန်မှာတော့ ကရင်တိုင်းရင်းသား လက်နက်ကိုင်တပ်ဖွဲ့ အားလုံးနီးပါဟာ အစိုးရနဲ့ အပစ်အခတ်ရပ်စဲဖို့ စာချုပ်တွေ လက်မှတ်ရေး ထိုးခဲ့ကြပြီဖြစ်တဲ့အတွက် ပျော်ရွှင်မိကြောင်းနဲ့ သေနတ်သံတွေကို စိတ်ကုန်နေပြီဖြစ်ကြောင်း ခြေထောက်တွေ ဆုံးရှုံးခဲ့တဲ့ ကိုဝင်းထွန်းနဲ့ ဦးဖ၀့်သိင်းအွာတို့ အပါအ၀င် စစ်မှုထမ်းဟောင်းအိမ်ယာမှာ နေထိုင်ကြသူတွေက ဆိုပါတယ်။

လက်နက်ကိုင် တော်လှန်ရေး တပ်မတော်သား တယောက်အဖြစ် ရပ်တည်ရင်း ခြေလက် အင်္ဂါတွေ ဆုံးရှုံးခဲ့ရပြီး ဘ၀ရပ်တည် ရှင်သန်းရေးအတွက် အတတ်ပညာတခုခု လေ့ကျင့်သင်ကြားပေးမှုတွေ မရှိတဲ့ သူတို့တွေ အတွက်တော့ အချိန်တိုင်းဟာ ငြီးငွေ့စရာကောင်းနေပြီး ရှေ့ဆက်ရမယ့် အနာဂတ်ဟာလည်းေ၀၀ါးလို့ နေပါတော့တယ်။

ကွန်ဒို ဈေးနှုန်းတွေ ဈေးမာလာနိုင်


လွှတ်တော်တွင်းရော၊ ပြင်ပမှာပါ ပြည်သူ့အကျိုးသယ်ပိုးဖို့ အနိုင်ရအမတ်များကို ဦးဌေးဦးညွှန်ကြား

မင်းမင်း

ပြည်သူလူထုအကျိုးစီးပွားအတွက် လွှတ်တော်အတွင်းသာမက လွှတ်တော်ပြင်ပမှာပါ ကြိုးပမ်းဆောင် ရွက်ကြရန် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ရွေး ကောက်ပွဲအနိုင်ရ လွှတ်တော်အမတ်များကို ပါတီ၏ ပူးတွဲဥက္ကဌဖြစ်သူ ဦးဌေးဦးက ညွှန်ကြားလိုက်သည်။

လာမည့် ဖေဖော်ဝါရီ ၁ရက်တွင်စတင်မည့် ဒုတိယအကြိမ်လွှတ်တော်သို့တက်ရောက်ရန် ရောက်ရှိနေသည့် အနိုင်ရအမတ်များအား ဇန်နဝါရီ ၂၅ရက်က ပါတီဌာနချုပ်တွင် ကြိုဆို၊ မိတ်ဆက်တွေ့ဆုံပွဲပြုလုပ်စဉ် ဦးဌေးဦးက ညွှန်ကြားလိုက်ခြင်း ဖြစ်သည်။ "ပြည်သူများအကျိုးအတွက် လွှတ်တော်အတွင်းသာမက လွှတ်တော်ပြင်ပတွင်ပါ လူမှုရေးအဖွဲ့အစည်းများ၊ ပြည်သူများ၊ ပါတီဝင်များနှင့်အတူ စည်းလုံးညီညွတ်စွာ ဖြင့် ကြိုးပမ်းဆောင်ရွက်သွားကြရန်" ဟု အနိုင်ရပါတီဝင်အမတ်များကို ဦးဌေးဦးက အဖွင့်အမှားစကား ပြောခဲ့ကြောင်း ပါတီ၏ တရားဝင်ဝက်ဆိုက်ဒ်စာမျက်နှာတွင် ဖော်ပြထားသည်။


ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီသည် နိုဝင်ဘာရွေးကောက်ပွဲရလဒ်အရ ပြည်သူ့လွှတ်တော်တွင် ၃၀ဦး၊ အမျိုးသားလွှတ်တော်တွင် ၁၁ဦး အနိုင်ရရှိထားသည်။ မိတ်ဆက်တွေ့ဆုံပွဲအခမ်းအနားသို့ ပါတီ၏ ပူးတွဲဥက္ကဌ ဦးဌေးဦးအပါအဝင် အထွေထွေအတွင်းရေးမှူး ဦးတင်နိုင်သိန်း၊ တွဲဖက်အထွေထွေအတွင်း ရေးမှူး ဦးသက်နိုင်ဝင်း၊ ဗဟိုအကြံပေး ဦးသိန်းဆွေနှင့် ဗဟိုအတွင်းရေးမှူးများ၊ ဗဟိုအလုပ်အမှုဆောင်များ လည်း တက်ရောက်ခဲ့သည်ဟု ဆိုသည်။

အဆိုပါ ကြိုဆို၊ မိတ်ဆက်တွေ့ဆုံပွဲအခမ်းအနားတွင် ဦးဌေးဦးမှ အဖွင့်အမှာစကားပြောကြားရာတွင် "လွှတ် တော်ကိုယ်စားလှယ်များသည် ပါတီမှ နိုင်ငံတော်နှင့် ပြည်သူများအတွက် ဦးတည်ချမှတ်ထားသော ရည် မှန်းချက်၊ မူဝါဒ၊ လုပ်ငန်းစဉ်များအား သက်ဝင်ယုံကြည်ကြသည့်အတွက် ပါတီဝင်အဖြစ် ခံယူထားကြသူ များ ဖြစ်ကြပြီး မဲဆန္ဒနယ်မြေအလိုက် ပြည်သူများကလည်း မိမိတို့နယ်မြေနှင့် နယ်မြေလူထုအကျိုးအတွက် ဆောင်ရွက်ကြမည်ဟု ယုံကြည်မျှော်မှန်းကာ ရွေးချယ်ထားကြသူများ ဖြစ်ကြပါကြောင်း" "စဉ်ဆက်မပြတ် ဆောင်ရွက်ကြရသော နိုင်ငံတော်တည်ငြိမ်အေးချမ်းရေး၊ နိုင်ငံသားများ၏ လူမှုစီးပွားရေး၊ ဘဝမြင့်မားတိုး တက်ရေးတို့အတွက် စနစ်သစ်ပြောင်းလဲကျင့်သုံးရန် ပြင်ဆင်သည့်ကာလ၊ ပါတီစုံဒီမိုကရေစီကျင့်စဉ်နှင့် အညီ ပြောင်းလဲကျင့်သုံးသည့်ကာလ၊ ပါတီစုံဒီမိုကရေစီ ရှင်သန်ခိုင်မာပြီး ငြိမ်းချမ်းသာယာစွာဖြင့် လူမှုစီး ပွားရေးဘဝ မြင့်မားတိုးတက်ရေးတို့အတွက် ကြိုးပမ်းဆောင်ရွက်သောကာလများတွင် အခြေအနေပေး သည့်အတိုင်း ပါဝင်ဆောင်ရွက်ကြသူများ ဖြစ်ကြပါကြောင်း" ဦးဌေးဦးက ပြောဆိုခဲ့သည်ဟုလည်း ပါတီ၏ ဝက်ဆိုက်ဒ်စာမျက်နှာတွင် ဖော်ပြထားသေးသည်။ လက်ရှိ လွှတ်တော်သက်တမ်းသည် ဇန်နဝါရီ ၂၉ရက်တွင် ကုန်ဆုံးမည်ဖြစ်ပြီး လွှတ်တော်သစ်မစခင် ဇန်နဝါရီ ၂၇ရက်ကစပြီး အမတ်အသစ်များအနေဖြင့် လွှတ်တော်တွင် လာရောက်လေ့လာကြရန် လွှတ်တော်ရုံးများက အကြောင်းကြားထားသည်။

ဘိန်းစိုက်သူ မဟုတ်ဘဲ ပြည်သူ့အကျိုး ဆောင်ရွက်နေဟု ဦးတီခွန်မြတ်ပြော

နန်းလွင်နှင်းပွင့်


အမျိုးသား ဒီမိုကရေစီ အဖွဲ့ချုပ်(NLD) အစိုးရလက်ထက်တွင် ပြည်သူ့လွှတ်တော် ဒုတိယ ဥက္ကဋ္ဌအဖြစ် ရွေးချယ်ခံထားရသည့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ(USDP)မှ ဦးတီခွန်မြတ်က ၄င်းသည် ဘိန်းရာဇာတဦး မဟုတ်ဘဲ ဒေသလုံခြုံရေး အ တွက် ပြည်သူ့အကျိုး ဆောင်ရွက်နေသူတဦး ဖြစ်သည်ဟု ဧရာဝတီသို့ ပြောဆိုလိုက်သည်။

၎င်းကို ဘိန်းစိုက်ပျိုးခြင်း လုပ်ငန်းများနှင့် ဆက်စပ်နေသူ၊ ကွတ်ခိုင်မြို့နယ် အခြေစိုက် ပြည်သူ့စစ်ခေါင်း ဆောင်တဦး ဖြစ်သည်ဟု သတင်းမီဒီယာများက ရေးသားဖော်ပြနေခြင်းမှာ မဟုတ်မမှန်သည့် စွပ်စွဲချက် များသာ ဖြစ်ကြောင်း ဦးတီခွန်မြတ်က ဧရာဝတီသို့ ပြောသည်။


ဦးတီခွန်မြတ်က“ဘာမှ မဟုတ်ပါဘူး။ အစိုးရနဲ့ အလင်းထဲမှာ အလုပ်လုပ်နေတဲ့လူပါ။ စဉ်းစားပါ။ အဲဒါ မဟုတ်ပါဘူး။ တလျှောက် လုံး မိမိဒေသ လုံခြုံရေးကို ပြည်သူတွေနဲ့အတူ ဆောင်ရွက်ခဲ့တဲ့ ပုဂ္ဂိုလ်ပါ”ဟု ပြောသည်။

ထို့ပြင် ဦးတီခွန်မြတ်က ၎င်းသည် အစိုးရ၏ တပ်ရင်းတပ်ဖွဲ့များနှင့် တာဝန် ပူးတွဲ ဆောင်ရွက်ခဲ့ရခြင်းဖြစ်ပြီး ၎င်းထံတွင် ထိန်းချုပ် နယ်မြေဟူ၍လည်း မရှိကြောင်း၊ သတင်းထောက်များအနေဖြင့် သေချာစေရန် ကွင်းဆင်းလေ့လာပါဟု ဦးတီခွန်မြတ်က ပြောသည်။

“အန်ကယ်တို့ဆီမှာ ဘိန်းပင်တွေ့ချင်လို့တောင် မမြင်ရပါဘူး။ အန်ကယ် တာဝန်ယူရတဲ့ နေရာမှာ အစိုးရလည်း ရှိတယ်။ ဘယ်သူမှ စိုက်လို့ မရပါဘူး။ အဝေးပိုင်း အလှမ်းဝေးတဲ့ နေရာဘက်မှာပဲ ရှိပါတယ်”ဟု ဦးတီခွန်မြတ်က ပြောသည်။

ဧရာဝတီသတင်းဌာနက ၂၀၁၃ ခုနှစ်တွင် ဦးတီခွန်မြတ် အာဏာသက်ရောက်သည့် ကွတ်ခိုင်မြို့နယ်ရှိ မိုင်းယုလေး၊ နမ့်ဖတ်ကာ၊ ရွှေမော်၊ ၁၂ မိုင် – မိုင်းလွမ့်၊ ကမ်ပါဖို၊ တာပန့်ကုန်း၊ လျှောက်ပန်ကုန်း စသည့် ဒေသများဆီသို့ ကွင်းဆင်းလေ့လာခဲ့ရာ ဘိန်းနှင့် တခြားမူးယစ်ဆေးဝါများကို ရောင်းချခြင်း၊ သုံးစွဲခြင်းများ ပြုလုပ်နေသည်ကို ဧရာဝတီ သတင်းထောက်က မြင်တွေ့ခဲ့ရသည်။

ထို့ပြင် ကွတ်ခိုင်မြို့နယ်၊ မာဝ်းဆောင်း(ခေါ်) မောဆလောင်း၊ ကမ်ပါဖို မန်ကောဝ်၊ ဖားပြဲန်၊ ကျမ်ကား၊ လွယ်ငွမ်၊ လွယ်နန်၊ လွယ် တောင်း၊ ကမ်ပါဖို၊ မန်ကောဝ် ကျေးရွာများတွင် ၎င်းကိုယ်ပိုင် ဘိန်းစိုက်ပျိုး ထုတ်လုပ်ဖြန့်ဖြူးမှုများ၊ တနိုင်တပိုင် ဘိန်းစိုက်ပျိုးသည့် ဒေသခံများထံတွင် အခွန်အခကောက်ယူပြီး ဘိန်းဖြူ၊ ဘိန်းမဲ အပါအ၀င် တခြား မူးယစ်ဆေးဝါးများကို ရောင်းချခွင့် ပြုထား သည် ကိုလည်း ဧရာဝတီသတင်းထောက်က မှတ်တမ်းတင်ခဲ့သည်။

ဦးတီခွန်မြတ်သည် ၂၀၁၀ ရွေးကောက်ပွဲနှင့် ၂၀၁၅ ရွေးကောက်ပွဲတို့တွင် USDP မှ ပြည်သူ့လွှတ်တော် ကိုယ်စားလှယ်အဖြစ် ၀င်ရောက် အရွေးချယ်ခံခဲ့ပြီး အနိုင်ရခဲ့သူ ဖြစ်သည်။ ၂၀၁၃ ခုနှစ်တွင် ဧရာဝတီသတင်းဌာနက ဦးတီခွန်မြတ်နှင့် ပတ်သတ်၍ ရေးသားဖော်ပြခဲ့သည့် သတင်းဆောင်းပါးကို အောက်ဖော်ပြပါလင့်ခ်တွင် ပြန်လည်ဖတ်ရှုနိုင်ပါသည်။

ယနေ့ မြန်မာ့ရေးရာသတင်းများ January,30th,2016

( 10 )လဝကဌာနကို ပြည် ထဲရေးအောက်ပြောင်းရွှေ့ရေးကိစ္စ လွှတ်တော်ဆိုင်းငံ့

( 9 )ပြည်သူနှင့်အမျိုးသားလွှတ်တော် ဥက္ကဋ္ဌ၊ ဒုဥက္ကဋ္ဌ အမည်စာရင်းကို အန်အယ်လ်ဒီ အတည်ပြ

( 8 )လွှတ်တော်သက်တမ်း ၅ နှစ်အတွက် ကျေနပ်မိကြောင်း သူရဦးရွှေမန်း ပြောကြား

( 7 )မြန်မာနိုင်ငံ နိုင်ငံသားလွတ်လပ်ခွင့် တိုးတက်မှုရှိ

( 6 )လွှတ်တော်ဥက္ကဌနဲ့ ဒုတိယ ဥက္ကဌနေရာတွေ ရွေးချယ် လိုက်ကြောင်းပြော

( 5 )မြန်မာ အဂတိ လိုက်စားမှု အနည်းငယ် ကျဆင်း

( 4 )အကြမ်းဖက်မှု ကာကွယ် တိုက်ဖျက်ရေးအတွက် CCTV တွေ တပ်ဆင်မည်

( 3 )ဖိနှိပ်ရေး ဥပဒေများ NLD ပြင်ဆင်နိုင်ဖို့ HRW မျှော်လင့်

( 2 )သမဂ္ဂဝင် ကျောင်းသားတွေ ပုဒ်မ (၁၈) နဲ့ အမှုဖွင့်ခံရပြန်

( 1 ) လွှတ်တော်ရေးရာ ဦးဆောင်ကော်မတီ NLD ဖွဲ့စည်း

Friday, January 29, 2016

စိုက်ခင်းတွေထဲ ခွင့်ပြုချက်မရပဲ ရေနံရှာဖွေမှုတွေ လုပ်


တအာင်းတပ်သား ၁၀ဦးကို RCSS ပြန်လွှတ်ပေးလိုက်ပြီ

ဖနိဒါ

ရှမ်းပြည်ပြန်လည်ထူထောင်ရေးကောင်စီ(RCSS) က တိုက်ပွဲအတွင်း ဖမ်းဆီးထားသော တအာင်း အမျိုးသားလွတ်မြောက်ရေးတပ်မတော်(TNLA) တပ်သား ၁၀ ဦးအား ပြန်လည် လွတ်ပေးခဲ့ပြီဟု RCSS က ပြောသည်။

ဇန်နဝါရီလ ၂၃ ရက်က ရှမ်းပြည်နယ် ကျောက်မဲမြို့နယ် လွယ်ဆာကျေးရွာအတွင်း TNLA နှင့် RCSS တို့ တိုက်ပွဲဖြစ်ပွားခဲ့ပြီးနောက် ၎င်းတို့ ဖမ်းဆီးထားသော TNLA တပ်ဖွဲ့ဝင် ၁၀ ဦး အား ပြန်လည် လွတ်ပေးခဲ့ခြင်းဖြစ်သည်ဟု RCSS မှ ပြောရေးဆိုခွင့်ရှိသူ ဒုဗိုလ်မှူးကြီး စိုင်းလက ပြောသည်။


RCSS က ဖမ်းဆီးထားသော ရွာသား ၁၀ ဦးကို မိုင်းဝီးကျေးရွာတွင် ရပ်မိရပ်ဖများ၊ သံဃာတော်များ ရှေ့တွင် TNLA တပ်သားများ ဖြစ်ကြောင်း ရှင်းပြ၍ ပြန်လည် လွတ်ပေးခဲ့ခြင်း ဖြစ်ကြောင်း ၎င်းက မဇ္ဈိမကို ပြောသည်။ “ကျွန်တော်သိတာတော့ ရွာသားမဟုတ်ဘူး။ TNLA တပ်သားတွေပါ။ သူတို့ကို တိုက်ပွဲ အတွင်းမှာ ဖမ်းမိတယ်။ ကျနော်တို့အတွက် ဝန်ထုတ်ဝန်ပိုးဖြစ်နေတယ်။ အကျိုးလည်း မရှိပါဘူး။ သူတို့ဆီက လိုချင်တဲ့ သတင်းချက်အလက်တွေ ရပြီ ဆိုတော့ ရွာသူရွာသားရှေ့မှာ ရပ်မိရပ်ဖ ရှေ့မှာ လွတ်ပေး လိုက်တာ။ ကျနော်တို့ ဘယ်လို ဖမ်းမိတယ်။ ဘယ်တပ်မှာနေကြတယ်ဆိုတာ ရှင်းပြပြီးတော့ လွှတ်ပေးလိုက်တယ်”ဟု သူက ပြောသည်။

သို့သော် TNLA ကမူ လွယ်ဆာကျေးရွာ လူကြီး အပါအဝင် ၁၀ ဦးသည် TNLA တပ်တပ် ဖွဲ့ဝင်များ မဟုတ်ကြောင်းနှင့် တပ်ဖွဲ့နှင့်လည်း ပတ်သက်မှုမရှိကြောင်း TNLA က ပြန်ကြားရေးတာဝန်ခံ မိုင်အိုက်ကျော်က ပြောသည်။ “ရွာသား ၁၀ ဦးကို အဲနားမှာရှိတဲ့ ကျေးရွာသံဃာတွေကို ခေါ်ပြီးတော့ သူတို့ကရှင်းတယ်။ သူတို့က TNLA စစ်သားဖြစ်လို့ ဖမ်းတာဆိုပြီး လိမ်လည်ပြီးမှ ပြန်ချမှပြတယ်။ အဲဒီ ရွာလူကြီးအပါအဝင် ၄ ဦးနဲ့ ရွာသား ၆ ဦးက ကျနော်တို့နဲ့ ပတ်သက်မှု မရှိဘူး”ဟု သူက မဇ္ဈိမကို ပြောသည်။ RCSS က ဖမ်းဆီးသွားသော ရွာသား ဦးအိုက်အိုင်၊ ဦးအိုက်လင်း၊ ဦးကျန်မင်း၊ ဦးဆိုင်အိုင်၊ ဦးညီလူ၊ ဦးတုံပ၊ ဦးအိုက်ကြိုး၊ ဦးမောင်စိန်၊ ဦးမြကျော်၊ ဦးအိုက်ကြာနှင့် ဦးမောင်ညိုတို့ ၁၁ ဦးကို ဇန်နဝါရီလ ၁၈ ရက်က ဖမ်းဆီးကြိုးတုတ်၍ ခေါ်ဆောင်သွားခဲ့သော်လည်း ထိုနေ့တွင် ဦးမောင်ညိုက လမ်းခရီးတွင် ဖျားနာလာသဖြင့် ပြန်လည် လွတ်ပေးခဲ့ကြောင်း TNLA က သတင်းထုတ်ပြန်ထားသည်။

ဇန်နဝါရီလ ၁၇ ရက်မှ ၁၉ ရက်ထိ TNLA နှင့် RCSS တို့ နှစ်ဖက် တိုက်ပွဲ ဖြစ်ပွားခဲ့ပြီးနောက် ယနေ့ထိတိုက်ပွဲ ပြန်လည် ဖြစ်ပွားခြင်း မရှိသလို၊ အစိုးရ စစ်တပ်နှင့်လည်း ဇန်နဝါရီလ ၂၄ ရက်က တိုက်ပွဲ ဖြစ်ပွားပြီးနောက် ယနေ့ထိ တိုက်ပွဲ ဖြစ်ပွားမှု မရှိဟု TNLAက ဆိုသည်။ သို့သော် အစိုးရ စစ်တပ်၏ စစ်တပ်အင်အား တိုးမြင့်မှုများ ဆက်လက် ရှိနေဆဲ ဖြစ်သည်ဟု မိုင်အိုက်ကျော်က ဆိုသည်။ “ထိတွေ့မှု မရှိလို့တိုက်ပွဲတော့ မရှိတာ။ ထိုးစစ်က ပိုပြီးများလာတယ်။ ၂၄ ရက်က နမ်ဆန်ဘက် အစိုးရ စစ်တပ်အင်အား ၁၀၀ ကျော် ထပ်တိုးထားတာ ရှိတယ်။ တရွာခြား နှစ်ရွာခြား နီးနီးကပ်ကပ်တော့ ရှိနေပြီးတော့ တဖက်က ဝင်လာရင်တေ့ တိုက်ပွဲက အချိန် မရွေးဖြစ်နိုင်မဲ့ အနေအထားတော့ ရှိနေတယ်”ဟု သူက ပြောသည်။

လွယ်ဆာကျေးရွာလူကြီး အပါအဝင် ၄ ဦးအား RCSS က TNLA နှင့် အဆက်အသွယ်ရှိသည်ဟု စွပ်စွဲကာ ဖမ်းဆီးခေါ်ဆောင်သွားခဲ့ပြီး ကျန် ၇ ဦးကိုလည်း ပေါ်တာအဖြစ် အတင်းအဓမ္မ ဖမ်းဆီးခေါ်ဆောင်သွားခဲ့သည်ဟု တအာင်းအမျိုးသမီးအဖွဲ့အစည်းကလည်း ဇန်နဝါရီလ ၂၀ ရက်က သတင်းထားထုတ်ပြန်ခဲ့သည်။ တိုက်ပွဲ ဖြစ်ပွားခဲ့သော ဇန်နဝါရီလ ၁၇ ရက်မှ စတင်၍ ထွက်ပြေးတိမ်းရှောင်နေရသော လွယ်ဆာ ကျေးရွာသား ၂၀၀ ကျော်သည် ယနေ့ထိ မိုင်းလုံမြို့နယ်နှင့် မိုးကုတ်မြို့ အရှေ့ဘက် အုဌ်ဖိုလ် ဘုန်းကြီးကျောင်းတွင် ခိုလှုံနေရဆဲ ဖြစ်သည်ဟု သိရသည်။

RCSSသည် အစိုးရနှင့် တစ်နိုင်ငံလုံး အပစ်အခတ် ရပ်စဲရေးစာချုပ်မှုကြမ်း (NCA) လက်မှတ်ရေးထိုးပြီးနောက် TNLA နှင့် တိုက်ပွဲ မကြာခဏ ဖြစ်ပွားနေခြင်း ဖြစ်သည်။ ဥက္ကဋ္ဌ ဒုဗိုလ်ချုပ် ယွပ်ဆစ် ဦးဆောင်သောအဖွဲ့သည် ဆွပ်ဇလန်နိုင်ငံသို့ သွားရောက် လေ့လာခွင့်ရခဲ့ရာမှ ဇန်နဝါရီလ ၂၆ ရက်က မြန်မာနိုင်ငံသို့ ပြန်လည် ရောက်ရှိနေပြီ ဖြစ်ကြောင်း ဒုဗိုလ်မှူးကြီး စိုင်းလက ပြောသည်။

မြန်မာနိုင်ငံမှာ mobile money စနစ်ကို အောင်မြင်ဖို့ လိုအပ်ချက်တွေ ရှိနေသေး


ကမ္ဘာ့ခြအစားဆုံး နိုင်ငံများ စာရင်းထဲ မြန်မာပါဝင်ဆဲ

တင်ထက်ပိုင်


ကမ္ဘာပေါ်ရှိ အကျင့်ပျက် ခြစားမှု အဆိုးရွားဆုံး နိုင်ငံများတွင် မြန်မာနိုင်ငံ ပါဝင်နေဆဲ ဖြစ်ကြောင်း အဂတိလိုက်စားမှု စောင့်ကြည့်သည့် ဘာလင်အခြေစိုက် Transparency International ၏ ဇန်နဝါရီလ ၂၇ ရက်နေ့က ထွက်ရှိလာသော ၂၀၁၅ ခုနှစ် စာရင်းဇယား တခုအရ သိရှိရသည်။

Transparency International သည် တကမ္ဘာလုံးရှိ ၁၆၈ နိုင်ငံ၏ အဂတိလိုက်စားမှုများကို လေ့လာစောင့်ကြည့်ခဲ့ရာ အမှတ်ပေးစနစ်ကို ၀ မှ ၁၀၀ ထိ သတ်မှတ်ထားပြီး အမှတ်အမြင့်ဆုံး ရရှိသော နိုင်ငံ၏ အစိုးရသည် အသန့်ရှင်းဆုံး အုပ်ချုပ်မှု ဖြစ်ကြောင်း ဖော်ပြထားသည်။

ဇယားအရ မြန်မာနိုင်ငံသည် ၂၀၁၄ ခုနှစ်က ရမှတ်၂၁ မှတ် ရရှိခဲ့ပြီး ၂၀၁၅ ခုနှစ်တွင် ၂၂ မှတ် ရရှိခဲ့သဖြင့် ၁ မှတ် တိုးလာခဲ့ပြီး နိုင်ငံပေါင်း ၁၆၈ နိုင်ငံအနက် အဆင့် ၁၄၇ တွင်ပင် ရောက်ရှိနေကြောင်း သိရှိရသည်။

မြန်မာနိုင်ငံသည် ၂၀၁၂ ခုနှစ်တွင် ရမှတ် ၁၅ မှတ်သာ ရရှိခဲ့သဖြင့် ရမှတ်တက်လာသည်ဟု ဆိုနိုင်သော်လည်း ကြားနှစ်များတွင် တိုးတက်မှု နှေးကွေးနေကြောင်း တွေ့ရှိရသည်။

အဆိုပါ ဖော်ညွှန်းချက်သည် ဦးသိန်းစိန် အစိုးရသည် အကျင့်ပျက်ခြစားမှုကို ထိရောက်မှု ရှိအောင် ကိုင်တွယ်ဖြေရှင်းရာတွင် အင်မတန် အားနည်းသည်ကို ထင်ဟပ်လိုက်ခြင်း ဖြစ်သည်။

ယင်းအဂတိလိုက်စားမှု တိုက်ဖျက်ရေး ကော်မရှင်ကို ၂၀၁၄ ခုနှစ် ဧပြီလက လွှတ်တော်တွင် အဂတိလိုက်စားမှု တိုက်ဖျက်ရေး ဥပဒေကို ပြဌာန်းပြီးနောက် ဖွဲ့စည်းခဲ့ခြင်း ဖြစ်သည်။ ယင်းကော်မရှင်ကို နိုင်ငံအကြီးအကဲမှ တိုက်ရိုက်ခန့်အပ်သော အငြိမ်းစား စစ်ဖက်အရာရှိများဖြင့် တည်ထောင်ခဲ့ခြင်းလည်း ဖြစ်သည်။

ကော်မရှင်၏ အဂတိလိုက်စားမှုများ ကိုင်တွယ်ဖြေရှင်းပုံကို ပြီးခဲ့သည့် နိုဝင်ဘာလအတွင်းက လွှတ်တော်အမတ်တဦးမှ လွှတ်တော်အတွင်း မေးခွန်းထုတ်ခဲ့ပြီး ဥက္ကဌဖြစ်သူ ဦးမြဝင်းက ပြန်လည်ဖြေကြားရာတွင် အစိုးရ အရာရှိများကို စစ်ဆေးရန် အစီအစဉ် မရှိသေးကြောင်း ထည့်သွင်းပြောကြားခဲ့ဖူးသည်။

ရွေးကောက်ပွဲ ကြေညာစာတမ်းတွင် “အဂတိ ကင်းစင်သော လူ့အသိုင်းအဝိုင်းတခု” ဖော်ဆောင်ပေးရန် ကြိုးစားမည်ဟု ကြွေးကြော်ခဲ့သော အမျိုးသား ဒီမိုကရေစီ အဖွဲ့ချုပ်ပါတီ (NLD) သည် နိုဝင်ဘာလ ရွေးကောက်ပွဲတွင် အပြတ်အသတ် အနိုင်ရပြီးနောက် လာမည့် ဖေဖော်ဝါရီလတွင် လွှတ်တော်အသစ်တရပ် ဖွဲ့စည်းမည်ဖြစ်သည်။

သို့သော်လည်း အဂတိလိုက်စားသော အရာရှိများ၏ ထိန်းချုပ်မှု အောက်တွင် နှစ်ပေါင်းများစွာ ကျင့်သားရလာခဲ့သော အစိုးရအဖွဲ့အစည်းကို ပြုပြင်ပြောင်းလဲမှုများ ပြုလုပ်ရန် ကြိုးစားရာတွင် NLD သည် စိန်ခေါ်မှုများစွာ ရင်ဆိုင်ရနိုင်ဖွယ် ရှိကြောင်းလည်း နိုင်ငံရေး လေ့လာသုံးသပ်သူများက ခန့်မှန်းထားကြပြီး ဖြစ်သည်။

Transparency International က ၄င်းတို့၏ ထုတ်ပြန်မှုစာရင်းတွင် ကမ္ဘာပေါ်၌ အကျင့်ပျက်ခြစားမှု အကြွင်းမဲ့ ကင်းစင်သည့် နိုင်ငံဟူ၍ တနိုင်ငံမှ မရှိဟု ဆိုထားသည်ကိုလည်း တွေ့ရသည်။

အဂတိလိုက်စားမှုပြ ဇယားတွင် အဆင့်နိမ့်သော နိုင်ငံများသည် ပဋိပက္ခ ဖြစ်ပွားခြင်း၊ အုပ်ချုပ်မှု ညံ့ဖျင်းခြင်း၊ လုံခြုံရေးနှင့် တရားရေးမဏ္ဍိုင် ကဲ့သို့ အများပြည်သူ အကျိုးပြု အဖွဲ့အစည်းများ အားနည်းခြင်း၊ မီဒီယာ လွတ်လပ်ခွင့် နည်းပါးခြင်း စသည့်အချက်များကို ကိုယ်စားပြုနေကြောင်း ဆိုထားသည်။

အလားတူပင် အဂတိလိုက်စားခြင်း ကင်းရှင်းသော နိုင်ငံများတွင်မူ မီဒီယာ လွတ်လပ်ခွင့်ရှိခြင်း၊ အစိုးရဌာနများ၏ အသုံးစရိတ် အချက်အလက်များကို လွတ်လပ်စွာ လေ့လာခွင့်ပေးထားခြင်းနှင့် လွတ်လပ်သော တရားရေးမဏ္ဍိုင် ရှိခြင်း စသည့်အချက်များကို တွေ့ရကြောင်း ဆိုထားသည်။

Transparency International စာရင်း၏ အဂတိလိုက်စားမှုပြ ဇယားတွင် ဒိန်းမတ်နိုင်ငံက ပထမ အဆင့်ဖြစ်ပြီး အဆိုးဆုံးနိုင်ငံများမှာ မြောက်ကိုရီးယားနှင့် ဆိုမားလီးယားတို့ ဖြစ်ကြသည်။ နိုင်ငံပေါင်း ၁၆၈ နိုင်ငံ၏ ၃ပုံ ၂ပုံမှာ အကျင့်ပျက်ခြစားမှု မြင့်မားသော နိုင်ငံများအဖြစ် သတ်မှတ်ခံခဲ့ရသည်။

မြန်မာနိုင်ငံ၏ အိမ်နီးချင်း နိုင်ငံများဖြစ်သည့် ထိုင်းနှင့် အိန္ဒိယတို့သည် အဂတိလိုက်စားမှုပြ စာရင်းတွင် အဆင့် ၈၀ အတွင်း ပါဝင်နေပြီး အာရှတိုက် တခုလုံးတွင် စင်ကာပူနိုင်ငံ တနိုင်ငံတည်းကသာ အသန့်ရှင်းဆုံး ထိပ်တန်း ၁၀ နိုင်ငံ စာရင်းတွင် ပါဝင်နေကြောင်း သိရှိရသည်။

မြန်မာဗီဒီယို ဇာတ်ဝင်ခန်းတွေအပေါ် ပြည်သူတွေကြား ဝေဖန်ပြောဆို


လဝက ကို ပြည်ထဲရေးဝန်ကြီးဌာနအောက် ထားရန်စီစဉ်မှု ပြည်ထောင်စုလွှတ်တော်တွင် အစီအရင်ခံမည်

ဦးလွင်

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနကို ပြည်ထဲရေးဝန်ကြီးဌာနသို့ အောက်သို့ ပြောင်း ရန်စီစဉ်မှုကို ပြည်ထောင်စုလွှတ်တော်၏ ဥပဒေကြမ်းကော် မတီက မနက်ဖြန်တွင် ကျင်းပသည့် ပြည်ထောင်စု လွှတ်တော်အစည်းအဝေးတွင် အစီအရင်ခံစာတင်သွင်းသွားမည်ဖြစ်ကြောင်း ယင်းဥပဒေကြမ်းကော်မတီမှ သိရသည်။

ဥပဒေကြမ်းကော်မတီသည် ယခု ကျင်းပနေသည့် လွှတ် တော်သက်တမ်းအတွင်း ပြည်ထောင်စုလွှတ်တော်၏ အတည်ပြုချက်ရယူဖို့အတွက် အချိန်လုံလောက်မှု ရှိမရှိ ကို နိုင်ငံရေးပါတီများ၏ သဘောထားကို ရယူ၍ မနက်ဖြန်တွင် ပြည်ထောင်စုလွှတ်တော်တွင် အစီရင်ခံစာတင် သွင်းသွာမည်ဖြစ်ကြောင်း ဥပဒေကြမ်း ပူးပေါင်းကော်မတီဝင် ဦးသိန်းထွန်းဦးကပြောသည်။

“ဒီဟာကို ပြည်ထောင်စုလွှတ်တော်ရဲ့ အတည်ပြုချက် ရယူဖို့ အချိန်လုံလောက်ခြင်း ရှိမရှိဆိုတဲ့ ဟာကို နိုင်ငံရေးပါတီတွေရဲ့ ကိုယ်စားလှယ်တွေရဲ့ ပြောပြချက်ကို အစီအရင်ခံစာမှာ ထည့် သွင်းပြီးတော့ မနက်ဖြန်လောက်မှာ ကိုယ် တင်ပေးလိုက်မှာဖြစ်ပါတယ် “ ဟု ၎င်းက ပြောကြားသည်။

နိုင်ငံတော် သမ္မတသည် ပြည်ထောင်စုလွှတ်တော် နာယကထံသို့ ဇန်န၀ါရီ ၂၂ ရက်စွဲဖြင့် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနကို ပြည်ထဲရေးဝန်ကြီးဌာနသို့ အောက်သို့ ပြောင်းရွှေ့လိုကြောင်း နှင့်မည်သို့ကြောင့်ပြောင်းရွှေ့လိုကြောင်းကိုစာရေးသား၍ သ၀ဏ်လွှာပေးပို့ခဲ့သည်။

အဆိုပါ သ၀ဏ်လွှာအပေါ်ကို ပြည်ထောင်စုလွှတ်တော်၏ ဥပဒေကြမ်းပူးပေါင်းကော်မတီက အစီအရင် ခံစာတင်သွင်းနိုင်ရန်အတွက် နိုင်ငံရေးပါတီ ၁၈ ပါတီမှ ကိုယ်စားလှယ်များနှင့် တပ်မတော်သား လွှတ်တော်ကိုယ်စားလှယ်များကို ဖိတ်ကြား၍ လွှတ်တော်ဒုတိယဥက္ကဌ ဦးနန္ဒကျော်စွာဦးဆောင်၍ဇန်န၀ါရီ ၂၆ ရက်နေ့တွင် အစည်းအဝေးတစ်ရပ်ပြုလုပ်ခဲ့သည်။

“အကုန်လုံးပြန်ကြည့်ရင်လ၀က ၀န်ကြီးဌာနကအင်မတန်အရေးကြီးပါတယ်။ နိုင်ငံအတွက် ဒါကို နာယကကြီးကသင့်မသင့်သုံးသပ်ပါလို့ တာဝန်ပေးတာပေါ့ဗျာ၊အချိန်ကလည်းကပ်လွန်းပါတယ်။ ကျွန် တော် တို့ကတော့ အချိန်ကသုံးရက်ပဲရှိတော့တယ်။ သို့သော် နောက်ဆုံးကာလအထိ လိုအပ်တဲ့တာဝန်တွေကို ထမ်း ဖို့ကလည်းလွှတ်တော်ကြီးမှာရှိနေပါတယ်၊ အဲ့တော့ ဥပဒေကြမ်း ကော်မတီကသုံးသပ်ဆုံး ဖြတ်ကြပါ။ ကျွန်တော်တို့သဘောကတော့ ဒီအဖွဲ့အစည်းဟာအမျိုးသားရေးဖွဲ့စည်းပုံတစ်ခုရဲ့အောက်မှာ ဒီဝန်ကြီး ဌာနရှိသွားရင်ပိုပြီးတော့ တစ်မျိုးသားလုံးအတွက် လုံခြုံတယ် ” ဟု ရခိုင် အမျိုးသားပါတီမှ ဒေါက်တာ အေးမောင်က ဥပဒေကြမ်းကော်မတီအစည်းအဝေးပြီးတွင် မှတ်ချက်ပြုပြောကြာခဲ့သည်။

ပညာရေးစနစ် ပြောင်းလဲမှုတွေ များပေမယ့် တိတိကျကျဆောင်ရွက်နိုင်မှု အားနည်းသေး


ဖမ်းဆီးခံ မြင်းခြံကျောင်းသား ၅ ဦး ချုပ်ရက်ခံစားခွင့်ဖြင့် ပြန်လွတ်လာ

သူဇာ


လက်ပံတန်းကျောင်းသားသပိတ် အကြမ်းဖက်ဖြိုခွင်းခံရမှုကို ကန့်ကွက်ဆန္ဒပြမှုဖြင့် ဖမ်းဆီးခံထားရသူ ၆ ဦးကို မြင်းခြံမြို့နယ်တရားရုံးက ယနေ့နေ့လည်ပိုင်းတွင် အပြီးသတ် အမိန့်ချမှတ်ခဲ့ရာ ၅ ဦးမှာ ချုပ်ရက်ခံစားခွင့်ဖြင့် ပြန်လည်လွတ်မြောက်လာကြောင်းသိရသည်။

ပြီးခဲ့သည့် ၂၀၁၅ခုနှစ် မတ်လ ၂၇ရက်နေ့က မြင်းခြံပြည်သူ့ဆေးရုံကြီးရှေ့တွင် လက်ပံတန်းကျောင်းသားသပိတ် အကြမ်းဖက်ဖြိုခွင်းခံရခြင်းအပေါ် ကန့်ကွက် ဆန္ဒပြခဲ့ကြသည့် ဥာဏ်ကြီး (ခေါ်) ဥာဏ်မြင့်ကျော်၊ ကိုသန့်ဇင်၊ ကျော်သန်းထွန်း၊ စည်သူမြတ်၊ စိန်ဝင်းနှင့် မဖြူ တို့ ၆ ဦးကို ဖမ်းဆီးခဲ့ပြီး ပုဒ်မ ၅၀၅ (ခ)၊ ပုဒ်မ ၁၄၃၊ ပုဒ်မ ၁၄၅ တို့ဖြင့် အသီးသီး တရားစွဲဆိုခဲ့ခြင်း ဖြစ်သည်။

“ကျနော်တို့ကို ဒီနေ့အမိန့်ချတယ်။ စုစုပေါင်း ၉ လကျခံရတာပေါ့။ ဒါပေမယ့် ချုပ်ရက်ခံစားခွင့်ရှိတော့ ပြန်လွတ် လာတယ်။ ကိုသန့်ဇင်ကတော့ ထောင်ထဲမှာ ၁ လ နေရဦးမယ်။ သူက နောက်ထပ် ပုဒ်မ ၁၈ နဲ့ ၂ မှု စွဲခံထား ရပြီး ထောင် ၂ လ ချမှတ်ခံထားရသေးတော့ နောက်ထပ် ၁ လ ကျန်မယ်” ဟု ယနေ့တွင် ပြန်လည် လွတ်မြောက် လာသည့် ကိုဥာဏ်ကြီးက ပြောသည်။

ထိန်းသိမ်းတရားစွဲဆို ခံထားရသူများသည့် ပုဒ်မ ၅၀၅ (ခ) အရ ထောင်ဒဏ် ၆ လ၊ ပုဒ်မ ၁၄၃ အရ ထောင်ဒဏ် ၁ လ၊ ပုဒ်မ ၁၄၅ အရ ပုဒ်မ ၂ လဖြင့် စုစု ပေါင်းချုပ်ရက် အပါအ၀င် ထောင်ဒဏ်ကိုးလ အသီးသီး ချမှတ်ခံရခြင်း ဖြစ်သည်။ တရားစွဲဆိုခံထားရသူများထဲတွင် ကိုသန့်ဇင်မှလွဲပြီး ကျန်သူ ၅ ဦးစလုံးမှာ ချုပ်ရက်ပေါင်း ဆယ်လနှင့်တရက် ကြာမြင့်ခဲ့သည့်အတွက် ချုပ်ရက်ဖြင့် ပြန်လည်လွတ်မြောက်လာကြခြင်း ဖြစ်သည်။

ယင်းအမှုတွဲ ၆ ဦးထဲမှ ကိုဥာဏ်ကြီးနှင့် ကိုသန့်ဇင်မှာ ထပ်တိုး ပုဒ်မ ၁၈ ဖြင့် တရားစွဲဆိုခံခဲ့ရပြီး မကြာမီလပိုင်းက ထိုထပ်တိုး ပုဒ်မ ၁၈ ဖြင့် ကို ဥာဏ်ကြီးကို ထောင်ဒဏ် ၁ လ၊ ကိုသန့်ဇင်ကို ထောင်ဒဏ် ၂ လ ချမှတ်ခံခဲ့ရပြီး ကိုသန့်စင်မှလွဲ၍ ကျန်သူများမှာ ချုပ်ရက်ပြည့်ဖြင့် ပြန်လည် လွတ်မြောက်လာကြခြင်း ဖြစ်သည်။

သမ္မတ ဦးသိန်းစိန် နောက်ဆုံးလွှတ်တော်မိန့်ခွန်းအပေါ် မေးမြန်းချက်


လွှတ်တော်အမတ်များ အင်္ဂလိပ်စာသင်ယူလိုလျှင် နိုင်ကျဉ်းဟောင်းများကူညီမည်

ဇော်ခမ်းဟိန်း

လွှတ်တော်အမတ်များလိုအပ်၍ အင်္ဂလိပ်စာသင်ယူလိုလျှင် နိုင်ကျဉ်းဟောင်းများက ကူညီပေးမည်ဟု နိုင်ကျဉ်းဟောင်းများက ရွေးကောက်ခံထားရသည့် အမတ်များနှင့် ဇန်န၀ါရီ ၂၃ ရက်နေ့က မြို့မကျောင်းလမ်းရှိ အိုရီယန်တယ်ဟောက်စ်၌ အလွတ်သဘောတွေ့ဆုံပွဲတွင် ပြောကြားသည်။

ပွင့်လင်းမြန်မာ့ရှေ့ဆောင်အဖွဲ့မှ နိုင်ကျဉ်းဟောင်း ကိုဥာဏ်က ယခုတွေ့ဆုံမှုမှာ အလွတ်သဘောသာ ဖြစ်ပြီး မတွေ့တာကြာပြီဖြစ်သည့် သူငယ်ချင်းဟောင်းများ တွေ့ဆုံစကားပြောခြင်းသာ ဖြစ်သည်ဟု ဆိုသည်။ ''ပြီးခဲ့တဲ့လွှတ်တော်သက်တမ်းမှာ စောင့်ကြည့်လေ့လာခဲ့တဲ့အကြောင်းပြောကြတယ်။ ကျွန်တော်တို့ စာအုပ် စာတမ်း ထုတ်ထားတာတွေပေးတယ်၊ အမတ်တွေလိုအပ်လို့ အင်္ဂလိပ်စာသင်တန်းတက်ချင် ရင် နိုင်ကျဉ်းဟောင်းတွေက အကူအညီပေးဖို့ပြောဖြစ်ကြတယ်။''ဟု လွှတ်တော်စောင့်ကြည့်ရေး လုပ်နေသည့် ကိုဥာဏ်က ပြောကြားသည်။


 စမ်းချောင်းမြို့နယ်မှ ပြည်သူ့လွှတ်တော်ရွေးချယ်ခံထားရသည့် ကိုဘိုဘိုဦးက လွှတ်တော်စတက်လျှင် နိုင်ငံရေးအကျဉ်းသားဟောင်းအမတ်များက နိုင်ငံရေးအကျဉ်းသားများကိစ္စ မည်သို့စတင်ကိုင်တွယ် မည်ဆိုတာ အတည်ပြုရန်ခက်ခဲသေးကြောင်း မဇ္ဈိမသို့ပြောသည်။

 ''၂၃ ရက်နေ့က အလွတ်သဘောတွေ့ဆုံကြတာပါ။ ဆွေးနွေးပွဲမဟုတ်ပါဘူး။ ခုမှလွှတ်တော်တက်ဖို့ မှတ်ပုံတင်တုန်းရှိပါသေးတယ်။ ပြည်သူ့လွှတ်တော် အမျိုးသားလွှတ်တော်ခေါ်ပြီးမှ ဖြည်းဖြည်းချင်း ပါတီ ဂိုက်လိုင်းနဲ့ ချိန်ငြိပြီးမှ ဘယ်လိုဆောင်ရွက်ကြမယ်ဆိုတာ သွားပါမယ်။ အစည်းအဝေးလုပ်ပြီးမှ လက်ရှိထောင်ထဲရောက်နေတဲ့ နိုင်ကျဉ်းတွေကိစ္စလုပ်ဆောင်နိုင်မှာပါ။'' ဟု ၄င်းက ပြောကြားသည်။ လက်ရှိရွေးချယ်ခံထားရသောလွှတ်တော်အမတ်များထဲတွင် နိုင်ငံရေးအကျဉ်းသားဟောင်း (၂၀) ဦး ကျော်ရှိသည်။

ပြည်ခိုင်ဖြိုး ပါတီအမတ် ဦးတီခွန်မြတ် ကို ပြည်သူ့လွှတ်တော် ဒုဥက္ကဌ အဖြစ် NLD အတည်ပြု


ဦးတီခွန်မြတ်ကုို ပြည်သူ့လွှတ်တော်ဒုဥက္ကဋ္ဌ အဖြစ် ရွေးချယ်ထားမှု ဝေဖန်ခံနေရ

နန်းဆိုင်နွမ်


ရှမ်းပြည်နယ်၊ မြောက်ပုိုင်း၊ ကွတ်ခိုင်မြို့နယ်မှ ပြည်သူ့စစ် ခေါင်းဆောင် ဦးတီခွန်မြတ်ကို အစိုးရသစ် လွှတ်တော်တွင် ပြည်သူ့ လွှတ်တော် ဒုတိယ ဥက္ကဌ တာဝန်ပေးမည်ဟု ဒေါ်အောင်ဆန်းစုကြည်၏ ကြေညာလိုက်မှုအပေါ် လူမှုအဖွဲ့ အစည်း များနှင့် နိုင်ငံရေးအသိုင်းအ၀ိုင်းများက ဝေဖန်ပြောဆို နေကြသည်။

ယနေ့ နံနက်ပိုင်းတွင် ပြည်သူ့လွှတ်တော် ဥက္ကဌ အဖြစ် ဦးဝင်းမြင့်၊ ဒုတိယ ဥက္ကဌ အဖြစ် ကြံ့ခိုင်ရေးပါတီ မှ ဦးတီခွန်မြတ်၊ အမျိုးသား လွှတ်တော် ဥက္ကဌ အဖြစ် ဦးမန်းဝင်ခိုင်သန်း နှင့် ဒုတိယ ဥက္ကဌ အဖြစ် ရခိုင် အမျိုးသားပါတီ မှ ဦးအေးသာအောင် တို့ကို ခန့်အပ်မည်ဖြစ်ကြောင်း NLD ကကြေညာလိုက်သည်။

နိုင်ငံတော်တွင် အရေးပါသည့် ပြည်သူ့လွှတ်တော် ဒုတိယ ဥက္ကဌ နေရာ ကို သန့်ရှင်းသည့် ပုဂ္ဂိုလ်၊ လူ့အခွင့်အရေး ချိုးဖောက်မှု အပိုင်းကဏ္ဍ မရှိသူကို လိုလားကြောင်း၊ မူးယစ်ဆေးဝါး စိုက်ပျိုးသည့် ပြည်သူ့စစ်ခေါင်းဆောင် ဦးတီခွန်မြတ် ကို ပြည်သူ့လွှတ်တော် ဒုဥက္ကဋ္ဌ အဖြစ်ခန့်အပ်သည့် ကိစ္စ မဖြစ်သင့်ကြောင်းကို ကွတ်ခိုင်ဒေသ အတွင်း လှုပ်ရှားနေသည့် ပလောင်(တအာင်း) အမျိုးသမီး အဖွဲ့အစည်း အလုပ်အမှုဆောင် ကော်မတီ အဖွဲ့ဝင် တဦး ဖြစ်သည့် လွေးပိုးကျိန်ကီက ဧရာဝတီသို့ပြောသည်။

“ ဦးတီခွန်မြတ်ကို ကျမတို့အနေနဲ့ သူ့ရဲ့ နောက်ကြောင်းကို ကြည့်မယ်ဆိုရင် ကွတ်ခိုင်ဒေသမှာ ဘိန်းစိုက်ပျိုး ထုတ်လုပ် တဲ့သူလို့ တော်တော်ကို နာမည် ကြီးနေတယ်။ သူ့ကို ကွတ်ခိုင်ဒေသခံတွေ မကြိုက်တဲ့ သူများတယ်” လွေးပိုးကျိန်ကီ က ဆိုသည်။

ဦးတီခွန်မြတ် သည် ကွတ်ခိုင်မြို့နယ် အခြေစိုက် “ အထူး ပြည်သူ့စစ် အဖွဲ့” ခေါင်းဆောင် တဦးဖြစ်ပြီး၊ ၂၀၁၀ ရွေးကောက်ပွဲ နှင့် ၂၀၁၅ ရွေးကောက်ပွဲ တွင် ကြံ့ခိုင်ရေး ပါတီ မှ ပြည်သူ့လွှတ်တော်အမတ်အဖြစ် ဝင်ရောက် အရွေးချယ် ခံခဲ့ပြီး အနိုင်ရရှိခဲ့ သူတဦးဖြစ်သည်။

သူ၏ ထိန်းချုပ်ခွင့်ရသည့် နယ်မြေအတွင်းတွင် ကိုယ်ပိုင် ဘိန်းစိုက်ပျိုး ထုတ်လုပ်ဖြန့်ဖြူးမှု၊ အခွန်အခ ကောက်ယူပြီး ဘိန်းစိုက်ပျိုးခွင့်ပြုမှု ဘိန်းဖြူ၊ ဘိန်းမဲ အပါအဝင် တခြား မူးယစ်ဆေးဝါ များကို လက်သိပ်ထိုး ရောင်းချ ခွင့်ပြု မှုများ တွင် အဓိက ပါဝင် ပတ်သက်နေသည်ကုို ယင်းဒေသသုို့ ဧရာဝတီ၏ ကွင်းဆင်းလေ့လာမှုအရ သိရှိရသည်။

ပြည်သူ့လွှတ်တော် ဒုတိယ ဥက္ကဋ္ဌ နေရာ ကို နာမည်ကောင်းပြီး သန့်ှရင်းသည့် သူကို ဖြစ်သင့်ပြီး၊ နောက်ခံသမိုင်း မရှင်းလင်းသည့် သူကို ခန့်အပ်လိုက်သည့်အတွက် NLD ကို အံ့သြမိကြောင်း လည်း ကချင်ငြိမ်းချမ်းရေး ကွန်ရက်မှ ဒေါ်ခွန်ဂျာက ပြောသည်။

ကချင် ငြိမ်းချမ်းရေး ကွန်ရက် မှ ဒေါ်ခွန်ဂျာ “ ဦးတီခွန်မြတ် က ဘိန်းစိုက်ပျိုးတယ် ဆိုပြီး ကျော်စောတယ် ဆိုတာ ကျမ ကြားပါတယ်။ ကျမတို့ ရှင်းရှင်းလင်းလင်း ရှိချင်တယ်။ NLD အနေနဲ့ ဒီလို ခန့်အပ်လိုက်တဲ့အပေါ်မှာ ဘယ်လို ကိုင်တွယ် မလဲဆိုတာ ကျမ မသိတော့ဘူး။ ဒီနေရာက တော်တော် အရေးကြီးတဲ့နေရာ ဖြစ်တယ်။ ဘာဖြစ်လို့ နာမည် ရှင်းရှင်း လင်းလင်း ရှိတဲ့ ရိုးရိုးအမတ်ကို မခန့်အပ်နိုင်တာလဲ” ဟု ဧရာဝတီသို့ပြောသည်။

ရှမ်းအမျိုးသား ဒီမိုကရေစီ အဖွဲ့ချုပ် (SNLD) မှ အတွင်းရေးမှူး ဦးစိုင်းလိတ်က “ ဘိန်းကိစ္စနဲ့ ပတ်သတ်ပြီးကျနော်တို့ လက်ဆုတ်လက်ကိုင် ပြလို့မရဘူး။ ဒါပေမယ့် သတင်းထဲမှာ တော့ သူက ပြည်သူ့စစ် ခေါင်းဆောင် တဦးဖြစ်ခဲ့ဖူးတယ်။ နောက် ဘိန်းနဲ့ပတ်သတ်တဲ့စီးပွားရေးလုပ်ငန်းမျိုးတွေနဲ့ သတင်းကို ကြားရတယ် ဆိုတော့ လွှတ်တော်ရဲ့ ပုံရိပ်ကို တစုံတရာ ထိခိုက်နိုင်ပါတယ်” ဟု သုံးသပ်ပြောဆုိုသည်။

ပြည်သူ့လွှတ်တော် ဒုတိယ ဥက္ကဌ သည် ကြံ့ခိုင်ရေး ပါတီ ထဲမှ တိုင်းရင်းသား တဦးဖြစ်သည့် ကချင်တိုင်းရင်းသား တယောက်ကို ရွေးချယ်လိုက်သည့် သဘောဖြစ်နေကြောင်း၊ ကချင်တိုင်းရင်းသားဖြစ်သည့်အတွက် တိုင်းရင်းသားအရေး နှင့် ပတ်သက်ပြီး ကိုယ်စားပြု လုပ်နိုင်မည် ဟု ယုံကြည်ကြောင်း ကိုလည်း ကချင်ပြည်နယ် ဒီမိုကရေစီ ပါတီ ဥက္ကဌ ဒေါက်တာ တူးဂျာ က ဧရာဝတီသို့ပြောသည်။

ထို့ပြင် ဒေါက်တာတူးဂျာ က “ သူ(ဦးတီခွန်မြတ်) နောက်ခံ သမိုင်း အနေနဲ့ ကတော့ ပြောစရာရှိပါတယ်။ ပြည်သူလူထုအ မြင်မှာတော့ သဘောမကျစရာဖြစ်ပါတယ်။ ပြည်သူ့စစ် ခေါင်းဆောင်တဦးဖြစ်သလို မူးယစ်ဆေးဝါးနဲ့ မကင်းမရှင်းတော့ ပြောစရာ တခုတော့ဖြစ်ပါတယ်။ ရွေးချယ်တဲ့ သူကလည်း သိပြီးသားဖြစ်မယ်။ ကျနော်အနေနဲ့ ကိုယ်စားပြုမယ် သူက သင့်တော်တဲ့ တခြား မရှိတော့ဘူးလား။ ဘာတွေ လုပ်ဆောင်မှာလဲ ဝိုင်းကြည့်ရတော့မယ်” ဟု ဆိုသည်။

ဦးတီခွန်မြတ်သည် ဒေသကောင်းကျိုးအတွက် အစဉ်လုပ်ဆောင်နေသည့် သူတဦးဖြစ်ကာ မလိုလားသူများက နာမည်ဖျက် လိုသည့် သဘောဖြင့် အမျိုးမျိုး ပြောဆိုနေကြကြောင်း၊ ဦးတီခွန်မြတ် သည် ဘိန်းစိုက်ပျိုးခြင်း ဘိန်းအရောင်းအဝယ် လုပ်ကိုင် နေသူ မဟုတ်ကြောင်းကိုလည်း ကွတ်ခိုင်ဒေသခံ ဒေါ်လုတွယ် က ဧရာဝတီသို့ပြောသည်။

“ကျမတို့ မျက်စိစေ့မှာ တကယ်တကယ်ကျတော့ သူက အားလုံးရဲ့ အားကိုးရတဲ့ ဖခင်ကြီးပေါ့နော်။ သူက ဒေသကို ကောင်း ကျိုး အတွက် အရမ်း လုပ်ပါတယ်။ အခုလည်း သူကို အားကိုး ယုံကြည်ထိုက်လို့ ခန့်အပ်တယ်လို့ ထင်ပါတယ်။ ကျမတို့က တော့ အတိုင်းမသိ ဝမ်းမြောက်ပါတယ်” ဟု ဒေါ်လုတွယ်က ဆိုသည်

၈၈ မျိုးဆက် ငြိမ်းချမ်းရေး နှင့် ပွင့်လင်း လူ့အဖွဲ့အစည်း မှ ဦးမြအေး “ ကျနော်ဘာမှ မပြောချင်သေးဘူး။ အချက် အလက် တွေ ပြောရမှာလေ။ ယေဘုယျ အနေနဲ့ကတော့ မကြိုက်ဘူးပေါ့ဗျာ” ဟု ဧရာဝတီသို့ပြောသည်။

လွှတ်တော် ဥက္ကဌနဲ့ ဒုဥက္ကဌ နေရာတွေကို အန်အယ်လ်ဒီ အတည်ပြု


စင်ကာပူက မြန်မာခရီးသွားဧည့်သည်တွေကို ပိုမိုလာစေချင်ဟုဆို

အောင်သူရ

မြန်မာနိုင်ငံမှ ခရီးသွားဧည့်သည်များ ပိုမိုလာရောက်လည်ပတ်ရန် စင်ကာပူက လိုလားနေပြီး လက်ရှိအချိန်တွင် မြန်မာဈေးကွက်အတွင်း အောင်မြင်မှုရရှိစေရန် အကောင်အထည်ဖော်သွားမည်ဟု မြန်မာ့ခရီးသွားလုပ်ငန်းနှင့် တိုက်ရိုက်ချိတ်ဆက်ကာ ခရီးသွားလုပ်ငန်းတိုးမြှင့်ခြင်းများ လုပ်ဆောင်နေသည့် စင်ကာပူခရီးသွား လုပ် ငန်းအဖွဲ့- Singapore Tourism Board ၏ ထိုင်း၊ မြန်မာရုံးခွဲဆိုင်ရာ ညွှန်ကြားရေးမှူးဖြစ်သူ Ms.Sherleen က မဇ္ဈိမကို ပြောသည်။

“မြန်မာနိုင်ငံက စင်ကာပူခရီးသွားလုပ်ငန်းအတွက် အလားအလာကောင်းလာတဲ့ ဈေးကွက်တစ်ခုပါ၊ ပြီးတော့ မြန်မာဧည့်သည်တွေက မိသားစုနဲ့ စုပေါင်းလှုပ်ရှားသွားလာရတာ ကြိုက်တယ်ဆိုတော့ စင်ကာပူက ဒါတွေအတွက် ပြည့်စုံတဲ့နေရာပါ။ ၂၀၁၆ခုနှစ်ကနေစပြီးတော့လည်း မြန်မာခရီးသွားဧည့်သည်တွေ ပိုပြီးလာရောက်လည်ပတ်ဖို့ ကျွန်မတို့ ယုံကြည်ပါတယ်” ဟု ၎င်းက ပြောသည်။

ထိုကဲ့သို့ အကောင်အထည်ဖော်သည့်နေရာတွင် သတင်းမီဒီယာများမှတစ်ဆင့် မြန်မာပြည်သူလူထုကို အသိပေးခြင်း၊ YourSingapore.mm facebook ကနေ ပြည်သူများထံသို့ ကြော်ငြာခြင်းမျိုးများကို လုပ်ဆောင်နေသည်ဟု သိရသည်။

စင်ကာပူခရီးသွားလုပ်ငန်းအဖွဲ့အနေနှင့် မြန်မာနိုင်ငံ၏ နိုင်ငံရေးအပြောင်းအလဲဖြစ်စဉ်များမှ နိုင်ငံ၏ စီးပွားရေးအားကောင်း လာစေရန် ယုံကြည်နေပြီး ပြည်သူများ၏ သုံးစွဲမှုပမာဏသည်လည်း မြင့်တက်လာနိုင်သည်ဟု ခန့်မှန်းထားသည်။

“စီးပွားရေးအရ ရှုမြင်သုံးသပ်မှုတွေက အကောင်းဘက်ဘက်မှာရှိနေမယ်လို့ တကယ့်ကို ယုံကြည်ထားပါတယ်၊ ဒါက မြန်မာနဲ့ စင်ကာပူနှစ်နိုင်ငံအတွက် မျှမျှတတကို အကျိုးရှိလာစေမှာဖြစ်တယ်လို့ ကျွန်မအနေနဲ့ မျှော်လင့်နေပါတယ်” Ms.Sherleen က ဖြည့်စွပ်ပြောဆိုထားသည်။

စင်ကာပူခရီးသွားလုပ်ငန်းအဖွဲ့၏ မှတ်တမ်းများအရ ၂၀၁၄ခုနှစ်အတွင်း မြန်မာနိုင်ငံမှ စင်ကာနိုင်ငံသို့ လာရောက် လည် ပတ်သူစုစုပေါင်း ၁၁၂၀၀၀ ကျော်ရှိနေပြီး ၂၀၁၅ ခုနှစ်အတွင်း အရေအတွက်များကိုတော့ လက်ရှိအချိန်အထိ တရားဝင် ထုတ်ပြန်ထားခြင်းမရှိသေးပေ။

မြန်မာနိုင်ငံမှ ခရီးသွားဧည့်သည်များအနေနှင့် တစ်ခြားနိုင်ငံမှ ဧည့်သည်များထက် ပိုမိုအချိန်ကြာမြင့်စွာ တည်းခိုနေထိုင် ကြကာ အများဆုံး ၉ ရက်အထိ နေထိုင်လေ့ရှိပြီး ထိုခရီးစဉ်တစ်ခုလုံးအတွက် ခရီးသည်တစ်ဦးလျှင် ပျမ်းမျှ စင်ကာပူ ဒေါ်လာ တစ်ထောင်ကျော်သုံးစွဲလေ့ရှိကြောင်း စင်ကာပူခရီးသွားလုပ်ငန်းအဖွဲ့က ပြောသည်။

စင်ကာပူနိုင်ငံအတွင်းသို့ နိုင်ငံတကာမှ ဧည့်သည်အများအပြား လည်ပတ်လေ့ရှိပြီး ၂၀၁၄ ခုနှစ်စာရင်းများအရ နိုင်ငံခြား သားဧည့်သည်ပေါင်း ၁၅ သန်းကျော်ဝင်ရောက်ခဲ့သည်ဟု သိရသည်။ စင်ကာပူနိုင်ငံသို့ အရှေ့တောင်အာရှနိုင်ငံများမှ သွားရောက်လည်ပတ်မှုများအနက် အင်ဒိုနီးရှား၊ မလေးရှားနှင့် ထိုင်းနိုင်ငံတို့သည် ထိပ်ဆုံးတွင် ရှိနေပြီး မြန်မာနိုင်ငံအနေ နှင့်လည်း စင်ကာပူနိုင်ငံအတွင်းရှိနေစဉ် ရက်ကြာမြင့်နေထိုင်ခြင်းကြောင့် တန်ဘိုးမြင့် ဈေးကွက်တစ်ခုဖြစ်လာသည်ဟု စင်ကာပူခရီးသွားလုပ်ငန်းအဖွဲ့က ပြောဆိုထားသည်။

လက်ရှိအချိန်တွင် မြန်မာနိုင်ငံခရီးသွားလုပ်ငန်းအနေနှင့် ရေရှည်အကျိုးစီးပွားဖြစ်ထွန်းပြီး ခရီးသွားလုပ်ငန်းမှ အလုပ်အကိုင်အခွင့်အလမ်းရရှိစေဖို့ အစိုးရနှင့် အသင်းအဖွဲ့များကနေ မြန်မာနိုင်ငံခရီးသွားလုပ်ငန်းဖွံ့ဖြိုးတိုးတက်ရေး မဟာဗျူဟာစီမံကိန်းကို အကောင်အထည်ဖော်လျက်ရှိနေသည်။ မြန်မာနိုင်ငံတွင်း ခရီးသွားဧည့်သည်ဝင်ရောက်မှုအနေနှင့် ၂၀၁၅ ခုနှစ်တွင် ၄သန်းကျော် ၅သန်းနီးပါးဝင်ရောက်ဖို့မျှော်မှန်းထားပြီး ၂၀၂၀ ပြည့်နှစ်တွင် ခရီးသွားဧည့်သည် ၇သန်း အထိဝင်ရောက်ဖို့ အစိုးရက မျှော်မှန်းထားသည်။

သမ္မတ ဦးသိန်းစိန်ရဲ့ လွှတ်တော်နောက်ဆုံးမိန့်ခွန်းအပေါ် ခြုံငုံသုံးသပ်ချက်


ANP အမတ်တဦး ထောင်ဒဏ် ချမှတ်ခံရ

မင်းအောင်ခိုင်


ရခိုင်ပြည်နယ်၊ မင်းပြားမြို့နယ်၊ မဲဆန္ဒနယ် အမှတ် (၂) တွင် ၀င်ရောက်ယှဉ်ပြိုင်ခဲ့သည့် ရခိုင်အမျိုးသား ပါတီ (ANP) မှ အနိုင်ရ ပြည်နယ်လွှတ်တော် ကိုယ်စား လှယ် တဦးဖြစ်သူ ဦးလှအောင်ညွန့်ကို ဇန်န၀ါရီလ ၂၈ ရက်နေ့က မြေပုံမြို့နယ် တရားရုံးက ထောင်ဒဏ် ၁ နှစ်ချမှတ်လိုက်ကြောင်း ၄င်း၏ အမှု၏ အကျိုးဆောင်ရှေ့နေ ဒေါ်အေးနုစိန်က ပြောသည်။

တရားလွှတ်တော်ရှေ့ ဒေါ်အေးနုစိန်က “သူ့ကို ဒီကနေ့ အမိန့်ချလိုက်တာ ဟုတ်ပါတယ်။ ၆ လစီ တပေါင်းတည်း ကျခံစေ ဆိုပြီးတော့ ချမှတ်လိုက်တာပါ။ ကျမတို့က ဥပဒေအရ မြောက်ဦးခရိုင် တရားရုံးကို အယူခံ တက်ပါမယ်” ဟု
ဧရာဝတီသို့ ပြောသည်။

အဆိုပါ အနိုင်ရ ပြည်နယ် လွှတ်တော်အမတ် ဦးလှအောင်ညွန့်ကို ပြစ်မှုဆိုင်ရာ ဥပဒေပုဒ်မ ၅၀၆ ခြိမ်းခြောက်မှု၊ ၄၅၁ အိမ်ကျော်နင်းမှု စသည့် ပုဒ်မများဖြင့် ပုဒ်မ တခုစီအတွက် ထောင်ဒဏ် ၆ လ စုစုပေါင်း ထောင်ဒဏ် ၁ နှစ် ချမှတ်လိုက်ခြင်း ဖြစ်ကြောင်း အကျိုးဆောင်ရှေ့နေ ဒေါ်အေးနုစိန်က ဆိုသည်။

ထောင်ဒဏ် ချမှတ်ခံရသော အနိုင်ရ ပြည်နယ်လွှတ်တော် ကိုယ်စားလှယ် ဦးလှအောင်ညွန့်သည် မင်းပြားမြို့နယ်၊ မဲဆန္ဒနယ် အမှတ် (၂) နေရာတွင် အဓိက ပြိုင်ဘက်ပါတီတခုဖြစ်သည့် ကြံ့ခိုင်ရေးပါတီမှ ဒေါက်တာ စံရွှေအောင်နှင့် အပြိုင် အရွေးခံခဲ့သူတဦးလည်း ဖြစ်သည်။

ဦးလှအောင်ညွန့် ယခုကဲ့သို့ ထောင်ဒဏ် ချမှတ်ခံရခြင်းမှာ မင်းပြားမြို့နယ်၊ ပြည်တော်လှ ရပ်ကွက်တွင် နေထိုင်သူ အမျိုးသမီးတဦးက တရားစွဲဆိုခြင်းဖြစ်ပြီး ရခိုင်ပြည်နယ်အတွင်း ရေကြီးခဲ့သည့် အချိန်အတွင်းက ဒေါက်တာ စံရွှေအောင်မှ လှူဒါန်းသည့် ရေဘေးကယ်ဆယ်ရေး ပစ္စည်းများ ပေးအပ်ရာတွင် ပါဝင်ကူညီ ဆောင်ရွက်ခြင်း မပြုလုပ်ရန် သွားရောက် တားဆီးခဲ့သည်ဆိုသည့် ခြိမ်းခြောက်မှု၊ အိမ်ကျော်နင်းမှု စွပ်စွဲချက်များနှင့် တရားစွဲဆိုခံရခြင်း ဖြစ်ကြောင်း သိရသည်။

အမှုသည်က မင်းပြားမြို့နယ် တရားရုံးအစား မြေပုံမြို့နယ်တွင် အမှုကို ရုံးပြောင်းလျှောက်ထားခဲ့သည်။

ရခိုင်ပြည်နယ် မင်းပြားမြို့နယ် မဲဆန္ဒနယ် အမှတ် ( ၂ ) တွင် ၀င်ရောက်ယှဉ်ပြိုင်ခဲ့သည့် လွှတ်တော်ကိုယ်စား လှယ်လောင်းများမှာ ကြံ့ခိုင်ရေးပါတီမှ ဒေါက်တာ စံရွှေအောင်၊ တိုင်းရင်းသား စည်းလုံးညီညွတ်ရေး ပါတီမှ ဦးထွန်းဦးကျော်၊ ချင်းအမျိုးသားပါတီမှ ဦးကြာအောင်၊ ရခိုင်အမျိုးသားပါတီမှ ဦးလှအောင်ညွန့်၊ အမျိုးသာဒီမိုကရေစီ အဖွဲ့ချုပ်ပါတီမှ ဒေါက်တာ ခင်မောင်ဝင်းတို့ ဖြစ်သည်။

အနိုင်ရကိုယ်စားလှယ်များ ဒေသအတွက် ဘာတွေလုပ်မလဲ ဆိုတာအပေါ် သူတို့ပြောစကား


လာမည့်လွှတ်တော်တွင် မြေသိမ်းယာသိမ်းကိစ္စရပ်များကို အရေးကြီးလုပ်ငန်းစဉ် အဖြစ်ဖြေရှင်းရန် အကြံပြု

ဦးလွင်

ဒုတိယအကြိမ်လွှတ်တော်သက်တမ်းတွင် မြေသိမ်း၊ ယာသိမ်းကိစ္စရပ်များကို အရေးအကြီးလုပ်ငန်း စဉ်အဖြစ် ဖြေရှင်းဆောက်ရွက်ရန် လိုအပ်ကြောင်း လယ်၊ယာမြေနှင့်အခြားမြေများ သိမ်းဆည်းခံရမှုများကြောင့် ပြည်သူများနစ်နာမှုမရှိစေရေး စုံစမ်းရေး ကော်မရှင်၏ အစီအရင်ခံစာ၌ အကြံပြုဖော်ပြထားသည်။

လယ်ယာမြေစုံစမ်းရေးကော်မရှင်၏ ဆောင်ရွက်ချက်များကြောင့် သိမ်းဆည်းသူများမှ ထိုက်သည့် မြေများ ပြန်လည်စွန့်လွှတ်ခြင်း၊ထိုက်သင့်သည့် လျော်ကြေငွေ ပမ ဏ ရရှိသော်လည်း လက်ရှိတွင် ဖြေရှင်းဆောင်ရွက် ရန် အမှုတွဲပေါင်းခြောက်ထောင်ကျော် ကျန်ရှိနေကြောင်းလည်း အဆိုပါ အစီအရင်ခံစာ၌ ဖော်ပြ ထားသည်။

ပထမအကြိမ် လွှတ်တော်သက်တမ်းအတွင်း လယ်ယာမြေစုံစမ်းရေးကော်မရှင်၏ အမိန့်၊ညွှန်ကြား ချက်များနှင့်အကြံပြုချက်များကို အစိုးရ အဖွဲ့အဆင့်ဆင့်မှ အောက်ခြေအထိ ဆောက်ရွက်မှုအားနည်းခြင်း ၊ ချို့ယွင်းချက်များရှိခြင်းကြောင့် မြေသိမ်း၊ယာ သိမ်း ပြဿနာများ ပြီးပြတ်နိုင်မှုမရှိပဲ ကျန်ရှိနေခြင်းဖြစ်ကြောင်း အစီအရင်ခံစာ၌ ဖော်ပြထားသည်။

လယ်၊ယာမြေနှင့်အခြားမြေများ သိမ်းဆည်းခံရမှုများကြောင့် ပြည်သူများနစ်နာမှုမရှိစေရေး စုံစမ်းရေး ကော်မရှင်သည် ၂၀၁၆ခုနှစ်၊ဇန်န၀ါရီလ (၂၁) ရက်နေ့အထိ လယ်၊ယာမြေ ပြဿနာအမှုတွဲပေါင်း (၁၉၈၃၆) ကို အစိုးရအဖွဲ့သို့ပေးပို့ခဲ့ပြီး အစိုးရအဖွဲ့၏ မြေအသုံးချမှုစီမံခန့်ခွဲမှုကော်မတီမှ အမှုတွဲပေါင်း(၁၂၉၇၀)မှုတွဲကို ဖြေရှင်းဆောင်ရွက်နိုင်ခဲ့ပြီး ဆောက်ရွက်ဆဲအမှုပေါင်း (၆၂၄၃)ရှိကြောင်းး အစီအရင်ခံစာ၌ ဖော်ပြထားသည်။

လယ်ယာမြေစုံစမ်းရေးကော်မရှင်က သိမ်းဆည်းခံလယ်၊ယာမြေများကို စုံစမ်းစစ်ဆေးရာတွင်(က) မြို့ပြ များတည်ဆောက်ရန် အတွက် သိမ်းစည်းခြင်း၊ (ခ)စက်မှုဇုန်များ တည်ဆောက်ရာအတွက် သိမ်းဆည်းခြင်း၊ (ဂ)တပ်မြေ အဖြစ်သိမ်းဆည်းခြင်း၊ (ဂ)နိုင်ငံတော်၏ စီမံကိန်းများဖြစ်သည့် ရထားလမ်း၊ကားလမ်း၊ လေယာဉ် ကွင်းများတိုးချဲ့ တည်ဆောင်ခြင်းမျာအတွက် သိမ်းဆည်းခြင်း၊ (ဃ)နိုင်ငံတော်၏ စက်ရုံများအတွက် သိမ်းဆည်း ခြင်း၊(င) စိုက်ပျိုး ရေး၊မွေးမြူရေးစီမံကိန်းများဆောင်ရွက်ရန် ပုဂ္ဂလိက ကုမ္ပဏီများသို့ မြေနေရာ ချထား ပေးရာ တွင် တောင် သူ များ၏ လုပ်ကိုင်ဆောင်ရွက်နေသည့် လယ်ယာမြေများပါရှိသွားခြင်း တို့ကို တွေ့ရကြောင်း အစီအရင်ခံစာ ဖော်ပြထားသည်။

လယ်၊ယာမြေနှင့်အခြားမြေများ သိမ်းဆည်းခံရမှုများကြောင့် ပြည်သူများနစ်နာမှုမရှိစေရေး စုံစမ်းရေး ကော်မရှင်ကို လွှတ်တော်ကိုယ်စားလှယ် ၆၀ ဦးဖွဲ့စည်းထားပြီး ဥက္ကဌအဖြစ် ဇလွန်မဲဆန္ဒနယ်မှ ဦးတင်ထွဋ်က တာဝန်ယူဆောင်ရွက်နေပြီး တိုင်းဒေသကြီး ပြည်နယ်များအလိုက် စုံစမ်းစစ်ဆေးရန် အဖွဲ့ခွဲငယ် (၉)ခုကိုလည်း ထပ်ဆင့် ဖွဲ့စည်းထားကာ ကဏ္ဍအလိုက်ခွဲခြား စုံစမ်းခြင်း ၊ဒေသခံပြည်သူများ၊ အစိုးရအဖွဲ့အစည်းများ၊ လွှတ်တော်ကိုယ်စားလှယ်များနှင့်ပူးပေါင်း၍ လယ်၊ယာမြေ၊သိမ်းဆည်းခံရသည့် ပြဿနာကို သာ ဖြေရှင်းဆောင်ရွက်နေသည့် အဖွဲ့ဖြစ်ပါသည်။

ကျူျးေကျာ်အိမ်များကို ဖျက်ဆီးနေတဲ့အပေါ် သူတို့ပြောစကား


လ.၀.က ပြည်ထဲရေး အောက်သို့ ပြောင်းရေး NLD အစုိုးရသစ်သဘောထားနှင့်အညီ ဆောင်ရွက်သင့်ဟုဆို

ဇူးဇူး


လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနကို ပြည်ထဲရေးဝန်ကြီးဌာန လက်အောက်သို့ ထည့်သွင်း ရေး အဆိုပြုတင်သွင်းမှုအား လတ်တလောဆောင် ရွက်ရန် မသင့်ဘဲ အစုိုးရသစ်၏ သဘောထားနှင့် အညီ ဆောင် ရွက်သင့်ကြောင်း ယနေ့ပြုလုပ်သည့် ပြည်ထောင်စုလွှတ်တော်က အတည်ပြုလိုက်သည်။

လွှတ်တော်သက်တမ်း ပြီးဆုံးမည့်အချိန် နီးကပ်နေပြီး ကူးပြောင်းရေးကာလ ဖြစ်သည့်အတွက် ဆောင်ရွက်ရန် အချိန်အခက်အခဲ ရှိနေကြာင်း၊ ယင်းကိစ္စရပ်များကို နောက်တက်လာမည့် အစိုးရသစ်၏ သဘောထားနှင့်အညီ ဆောင်ရွက်သင့်ကြောင်း ဟူသည့် ဥပဒေကြမ်း ပူးပေါင်းကော်မတီ၏ သဘောထားမှတ်ချက်အပေါ် ပြည်ထောင်စုလွှတ်တော် ကိုယ်စားလှယ်အများစုက ထောက်ခံအတည်ပြုခဲ့ကြခြင်းဖြစ်သည်။

ပြည်ထောင်စု လွှတ်တော်နာယက သူရဦးရွှေမန်းက “ဆွေးနွေးပွဲ တက် ရောက်တဲ့ ကိုယ်စားလှယ် အများစု ကလည်း လက်ရှိအခြေအနေနဲ့ အချိန်အခါတွင် ဆောင်ရွက်ရန် မသင့် ကြောင်း ဆွေးနွေးခဲ့ကြသဖြင့် ဥပဒေကြမ်း ပူးပေါင်းကော်မတီဝင်အားလုံးကလည်း လက်ရှိအခြေအနေနဲ့ အချိန်အခါတွင် ဆောင်ရွက်ရန်မသင့်ကြောင်း တညီတညွတ်တည်း သဘောထားကို အစီရင်ခံစာ တင်ပြပါတယ်။ နာယက အနေနဲ့လည်း ဥပဒေကြမ်း ပူးပေါင်းကော်မတီရဲ့တင်ပြချက်ကို မှန်ကန်သင့်မြတ်တယ်လို့ ယူဆပါတယ်” ဟု ပြောသည်။

လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနကို ပြည်ထဲရေးဝန်ကြီး ဌာနအောက်သို့ ထည့်သွင်းပြီး လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနအဖြစ် ပြောင်းလဲဖွဲ့စည်းနိုင်ရေးအတွက် ပြည်ထောင်စု လွှတ်တော်၏ သဘောတူညီချက် ရယူပေးနိုင်ရန် နိုင်ငံတော်သမ္မတက ပြည်ထောင်စုလွှတ်တော် နာယက ထံသို့ ဇန်န၀ါရီလ ၂၂ ရက်စွဲဖြင့် ပေးပို့ထားခြင်း ဖြစ်သည်။

လူဝင်မှုကြီးကြပ်ရေး လုပ်ငန်း၊ အမျိုးသား မှတ်ပုံတင်ရေးနှင့် နိုင်ငံသား မှတ်ပုံတင်ရေးလုပ်ငန်း၊ ပြည်သူ့အင်အား စာရင်းကောက်ယူ ထိန်းသိမ်းရေးလုပ်ငန်း စသည့် လုပ်ငန်းတာဝန် ၃ ရပ်ကို ပိုမိုထိရောက်စွာ ဆောင်ရွက်နုိုင်ရန်၊ ၀န်ကြီးဌာနများကို ပိုမိုကျစ်လျစ်စွာ ဖွဲ့စည်းနိုင်ခြင်းဖြင့် အစိုးရဘဏ္ဍာငွေ ကုန်ကျမှုကို လျော့ချရန်၊ လုံခြုံရေး၊ တရားဥပဒေ စိုးမိုးရေး၊ ရပ်ရွာအေးချမ်းသာယာရေးနှင့် ပြည်သူ့အကျိုးပြု လုပ်ငန်းများ ဆောင်ရွက်ရေး ကိစ္စရပ်များကို ပိုမိုထိရောက်စွာ ဆောင်ရွက်နိုင်ရန်၊ နယ်စပ်ဒေသ လုံခြုံရေးနှင့် နယ်စပ်ဒေသမှ တရားမ၀င် ခိုးဝင်ခိုးထွက်မှုများ၊ နိုင်ငံခြားသားများ တရားမ၀င် ခိုးဝင်စိမ့်ဝင်မှုများကို ပြည်ထဲရေး ၀န်ကြီးဌာန၏ ကွပ်ကဲမှု အောက်ရှိ ဦးစီးဌာနများနှင့် ဟန်ချက်ညီ ပူးပေါင်းကာကွယ်တားဆီး ဆောင်ရွက်နိုင်ရန်၊ ပြည်သူ့ဝန်ဆောင်မှု ရုံးများ၏ လုပ်ငန်းစဉ်များကို ပိုမိုထိရောက်စွာ ဆောင်ရွက်နိုင်ရန် ရည်ရွယ်သည်ဟု သမ္မတ ဦးသိန်းစိန်၏ သ၀ဏ်လွှာတွင် ဖော်ပြထားသည်။

လာမည့်အစိုးရသစ်ကို ဦးဆောင်ဖွဲ့စည်းမည့် အမျိုးသား ဒီမိုကရေစီအဖွဲ့ချုပ် (NLD)၏ ရွေးကောက်ပွဲ ကြေညာစာတမ်းတွင် နိုင်ငံတော်အသုံးစရိတ် သက်သာနိုင် ရန်နှင့် စွမ်းဆောင်ရည်ပြည့်၍ ကျစ်လစ်သော အစိုးရတရပ် ဖွဲ့စည်းနိုင်ရန် ၀န်ကြီးဌာနများကို လျော့ချသွားမည်ဟု ဖော်ပြထားသည်။

ပိုင်ရှင်မဲ့တို့ ဂေဟာ ရုပ်သံမှတ်တမ်း


နောင်ချို၊ ကုန်းမုံ့တောင်သူ ၇၀ဦး သိမ်းဆည်းခံမြေပြန်ရရေး ဆန္ဒပြတောင်းဆို

အောင်ကိုဦး

ရှမ်းပြည်နယ်မြောက်ပိုင်း၊ ကျောက်မဲခရိုင်၊ နောင်ချိုမြို့နယ်၊ ဘန့်ဘွေးကျေးရွာအုပ်စု၊ ကုန်းမုံ့ကျေးရွာရှိ ဒေသခံ ၇၀ ဦးက သိမ်းဆည်းမြေများပြန်လည်ရရှိရေးအ တွက် ဇန်နဝါရီလ ၂၆ ရက် မွန်းလွဲ ၂ နာရီ ၃၀ မိနစ်က တောင်းဆိုခဲ့သည်။

ကော်ဖီစိုက်ခင်းစီမံကိန်းအတွက်ဟုဆိုကာ သိမ်းယူခဲ့သည့် ထိုမြေများကို ယခုအချိန်ထိ ကော်ဖီစိုက်ခင်းပြုလုပ်ခြင်းမရှိဘဲ အကွက်များရိုက်ထားပြီး၊ လွတ်နေသည့်မြေများကို ကြံများစိုက်ပျိုးလျက်ရှိသည်ဟု ဒေသခံတောင်သူများကဆိုသည်။ ထိုကြံများကို လက်ရှိတွင် အကျဉ်းဦးစီးဌာနမှအကျဉ်းသားများဖြင့်ခုတ်ယူလျက်ရှိသည်ဟု ဒေသခံများက ဆက်လက်ပြောဆိုသည်။

"ဘယ်သူလာစိုက်လည်းမသိဘူး။ လက်ရှိတော့ အကျဉ်းဦးစီးက ခုတ်ယူနေတာတွေ့တယ်။ ပြီးတော့ မြေတွေကိုအကွက်ရိုက်ထားတယ်။ ကျွန်တော်တို့ဘာမှသိရဘူး။ ဒါကြောင့် ကျွန်တော်တို့ ဒီမြေတွေပြန်ရဖို့ တောင်းဆိုတာပါ။"ဟု ယာမြေ ၈ ဧကသိမ်းဆည်းခံထားရသူ ကိုတင့်နိုင်စိုးက မဇ္ဈိမကိုပြောသည်။

ကြံစိုက်ခင်းတာဝန်ကျ နောင်ချိုမြို့နယ် ဂယ်လောင်းအကျဉ်းစခန်းမှ ဝန်ထမ်းတစ်ဦးကို မေးမြန်းရာ "မြေသိမ်းတာမသိမ်းတာ ကျွန်တော်တို့မသိဘူး။ ဒီကြံတွေခုတ်ဆိုလို့လာခုတ်တာ ကျန်တာဘာမှမသိဘူး။"ဟုပြောသည်။

အဆိုပါသိမ်းဆည်းခံထားရသော ယာမြေများသည် ယခင်က စပါး၊ ပြောင်း၊ ပဲအမျိုးမျိုးတို့ စိုက်ပျိုးခဲ့ပြီး သိမ်းဆည်းစဉ်ကလည်း သီးနှံများစိုက်ပျိုးထားသည်ဟု ဒေသခံများကဆိုသည်။

"သူတို့လာသိမ်းတော့ အားလုံးစိုက်ထားတယ်။ အဲဒါတွေကိုလည်း ဖျက်စီးခဲ့တယ်။ အဲဒီအတွက်လည်း အလျော်လိုချင်တယ်။ ရအောင်တောင်းပါမယ်။"ဟု ၈ ဧကသိမ်းဆည်းခံရသူ ဦးရွှေပွားကဆိုသည်။

၁၃ဧကသိမ်းဆည်းခံခဲ့ရသူ အသက် ၇၅ နှစ်အရွယ် ဒေါ်အုန်းက "အမေတို့က ငွေမလိုဘူး။မြေပဲပြန်လိုချင်တယ်။ငွေလိုချင်ရင် ဓါးပြတိုက်မှာပေါ့။အမေ့သားတွေမြေးတွေကို ဒီမြေလေးတွေအမွေပေးချင်တယ်။"ဟုပြောသည်။

အဆိုပါမြေများပြန်လည်ရရှိစေရန်အတွက် ၂၀၁၆ခုနှစ်၊ ဇန်နဝါရီလ ၁၅ ရက်က နိုင်ငံတော်သမ္မတ အပါအဝင် ဝန်ကြီးဌာနအသီးသီးကို စာတင်ထားပြီးလည်းဖြစ်သည်ဟု ဒေသခံများကဆိုသည်။

သိမ်းဆည်းမြေပြန်လည်ရရှိရန် တောင်းဆိုသူများသည် သိမ်းဆည်းခံထားရသော မြေများထဲတွင် "မြေပြန်လည်ရရှိရေး ဒို့အရေး"ဟု ကြွေးကြော်ခဲ့ကြသည်။

သိမ်းမြေပြန်လည်ရရှိရေးအတွက် တောင်းဆိုနေသူများ တစ်လအတွင်းအကြောင်းမထူးပါက မြေသိမ်းတိုက်ပွဲဆင်နွှဲသွားမည် ဟုလည်းဆိုသည်။

တောင်သူ ၂၆ဦးပိုင် ယာမြေဧက ၂၄၂ ကို ၁၉၉၂ခုနှစ်တွင် နိုင်ငံတော်အစိုးရက ကော်ဖီစိုက်ခင်းစီမံကိန်းအဖြစ် သိမ်းယူခဲ့ခြင်းဖြစ်သည်။

ရွေးကောက်ခံကုိုယ်စားလှယ်တွေ လွှတ်တော် တက်ရောက် လေ့လာ


NLD ဦးဆောင်တဲ့ အစိုးရသစ်ကို ဂျပန်ကူညီမယ်

ဧရာဝတီ


အမျိုးသား ဒီမိုကရေစီအဖွဲ့ချုပ်(NLD)ကဦးဆောင်မည့်အစိုးရသစ်ကို ဂျပန်နိုင်ငံအနေနဲ့ ကူညီထောက်ပံပေးသွားမည်ဟု ဂျပန်နိုင်ငံခြားရေး ၀န်ကြီး ဖူမိယို ကီရှိဒါ ပြောဆိုလိုက်သည်။

မနေ့ကတိုကျိုမြို၌ ဂျပန်နိုင်ငံခြားရေးဝန်ကြီးနှင့် NLDပါတီ စီးပွားရေးဆိုင်ရာ ကော်မတီဝင် ဦးမျိုးမြင့်အပါအ၀င် တခြား သော အဖွဲ့ဝင်များတွေ့ဆုံ အပြီးထိုသို့ပြောကြားလိုက်ခြင်းဖြစ်ပြီး “ဂျပန်နိုင်ငံအနေနဲ့ အစိုးရသစ်ကို ဖွံ့ဖြိုးတိုးတက်ရေး အကူအညီတွေနဲ့ ပုဂ္ဂလိကကဏ္ဍရင်းနှီးမြုပ်နှံမှုတွေ ထောက်ပံပေးဖို့ အရှိန်မြှင့်လုပ်ဆောင်သွားမယ်၊ NLDရဲ့ အောင်မြင် ဟာငြိမ်းချမ်းရေးနဲ့ မြန်မာနိုင်ငံရဲ့ ချမ်းသာကြွယ်ဝမှုတွေအတွက်အရေးကြီးတယ်၊ မြန်မာ့ဒီမိုကရေစီတိုးတက်မှု ကိုကြိုဆိုတယ်”ဟု ဂျပန်နိုင်ငံခြားရေးဝန်ကြီးကပြောကြောင်း Bangkok Post သတင်းကဆိုသည်။

ဂျပန်နိုင်ငံအနေနဲ့ NLDဦးဆောင်တဲ့ အစိုးရသစ်နဲ့ အနီးကပ်ဆက်ဆံသွားမယ်လို့လည်း ဂျပန်နိုင်ငံခြားရေးဝန်ကြီးက ပြောကြောင်းသိရသည်။

NLD ပါတီမှ ဦးမျိုးမြင့်ကလည်း “မြန်မာဟာ ခက်ခဲတဲ့အခြေအနေတခုမှာရောက်ရှိနေပြီး စိန်ခေါ်မှုများစွာနဲ့ ရင်ဆိုင်နေရ တယ်၊ ဒါကြောင့် ဂျပန်ရဲ့ အကူအညီဟာ အားတခုဖြစ်တယ်၊ ကျနော်တို့အနေနဲ့လည်း ဂျပန်နဲ့ ရင်းနှီးတဲ့ ဆက်ဆံရေး မျိုး တည်ဆောက်ထားချင်တယ်”လို့ တွေ့ဆုံမှုအပြီးမှာ မီဒီယာတွေကို ပြောသည်။

NLD အစိုးရသစ် အနေနဲ့ စစ်အစိုးရနှင့် စစ်အစိုးရကျောထောက်နောက်ခံပြု အုပ်ချုပ်မှုမှ ပြောင်းလဲဖို့ မျှော်လင့်နေသလို၊ ဂျပန် နိုင်ငံကလည်း သဘာဝသယံဇာတများကြွယ်ဝသော မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုအတွက် အရင်းအနှီးပြုရန် မျှော်လင့်ပြီး အစိုးရသစ်ကိုကူညီရန် စိတ်အားထက်သန်လျက်ရှိသည်။

NLD ပါတီ၏ စီးပွားရေးဆိုင်ရာ ကော်မတီဝင်များ၏ ၇ရက်ကြာဂျပန်ခရီးစဉ်အတွင်း ဂျပန်ဘဏ္ဍာရေး ၀န်ကြီး တာရိုအာဆို အပါအ၀င် ဂျပန်ဘဏ်၊ ဂျပန်နိုင်ငံတကာ ကော်ပိုရေးရှင်းအေဂျင်စီမှ အကြီးတန်းအရာရှိကြီးများနှင့်လည်း တွေ့ဆုံခဲ့သည်ဟု သိရသည်။

မြန်မာစာ သင်ရိုးမှာ ဗျည်းအက္ခရာ ၈လုံးဖြုတ်တဲ့အပေါ် ဝေဖန်


ကလေးများ လုံခြုံရေး အလေးထားကြစေလို

သူဇာ


ဟိုနေရာမှာ ကလေးတွေ ပျောက်လို့ သတိထားပါ။ ဒီနေရာမှာ ကလေးခိုးမယ့်သူတွေ ရောက်နေတယ် လို့ ရပ်ကွက်ထဲမှာ နားစွန် နားဖျား သတင်းတွေ ကြားမိက တည်းက ကျမဟာ မိခင် တဦးအနေနဲ့ အိမ်မှာ ကျန်နေခဲ့တဲ့ ကျမရဲ့ အမေနဲ့ အတူ ရှိနေတဲ့ တနှစ်ခွဲ အရွယ် သမီးလေးကို နေ့စဉ်လိုလို စိတ်ပူမိရပါတယ်။

ပြီးတော့ မူလတန်းကျောင်း တက်နေတဲ့ ၆ နှစ်အရွယ် ကျမ တူလေးအတွက်လည်း စိုးရိမ် မိနေပါတယ်။

အခုဆိုရင် ဆိုရှယ်မီဒီယာ ဖြစ်တဲ့ ဖေ့စ်ဘုတ်တွေမှာ မကြာခဏ ဆိုသလို ပုံစံအမျိုးမျိုးနဲ့ ကလေးပျောက်တဲ့ သတင်းတွေ မြင်တွေ့နေ ရ သလို၊ မကြာခင် ရက်ပိုင်းကလည်း ဧရာဝတီတိုင်းမှာ ကလေးကို အိမ်ပေါ်အထိ တက်ခိုးတာက တမျိုး၊ ရှမ်းပြည်နယ် လားရှိုးမှာလည်း လသားအရွယ် ကလေးကို မိခင် ချီပိုးနေတဲ့ကြားက အတင်းဆွဲယူ ထွက်ပြေးတာက တဖုံ၊ မကွေးတိုင်းမှာလည်း ကလေးခိုးဖို့ ကြံရွယ်တယ်ဆိုပြီး သတင်းတွေ ထွက်နေတာတစ်ကြောင်း အမျိုးမျိုးသော သတင်းတွေ ကြားနေရတာက အပြင်ကို အလုပ် ထွက် လုပ်နေရတဲ့ ကျမတို့လို မိဘတွေအဖို့ နောက်ကြောင်း မအေးဘဲ စိုးရိမ်ပူပန်မှုတွေက ပိုမို ကြီးထွားလာပါတယ်။

ပြီးခဲ့တဲ့ ဒီဇင်ဘာလ ၃၀ ရက်နေ့ကလည်း ရှမ်းပြည်နယ် တောင်ကြီးမြို့နယ် ကွန်လုံကျေးရွာအုပ်စု ရေပူကျေးရွာသား ကလေးငယ် ၃ ဦးကို ခေါ်ဆောင်သွားသူတဦးကို ကလေးတွေနဲ့အတူ ၆ ရက်မြောက်နေ့မှာ ပြန်လည် တွေ့ရှိခဲ့ရတယ်လို့ ဧရာဝတီ သတင်းဌာနက ဖော်ပြခဲ့ပါသေးတယ်။

ဒီအတောအတွင်း ရန်ကုန်တိုင်းထဲက ဥက္ကံ တို့၊ သန်လျင် တို့လို့ နေရာမျိုးတွေမှာလည်း မသင်္ကာစရာ လူတွေ တွေ့ရတယ်ဆိုပြီး ကောလာဟလတွေ ထပ်ပြီး ထွက်ပေါ်လာပြန်ပါတယ်။

ဒီလိုထွက်ပေါ်လာတဲ့ သတင်းတွေကို ကြည့်လိုက်မယ်ဆိုရင် တချို့သတင်းတွေက အခြေအမြစ်မရှိတဲ့ သတင်းတွေဆိုတာကို သတင်း မီဒီယာတွေကလည်း ဖော်ထုတ်ရေးသား တင်ပြကြတာမျိုးတွေ လုပ်သလို သက်ဆိုင်ရာ အစိုးရတာဝန်ရှိသူတွေဘက်က လည်း ကလေး သူခိုးဆိုတဲ့ သတင်းတွေဟာ လုံးဝ မဟုတ်ပါဘူးလို့လည်း ဖြေရှင်းချက်တွေ အမျိုးမျိုး ထွက်လာတာ တွေ့ရပါတယ်။

ဒါပေမယ့် ဘယ်လိုပဲ ကလေး သူခိုး မရှိပါဘူးလို့ သက်ဆိုင်ရာ အစိုးရတွေဘက်ကလည်း ပြောပြော၊ သတင်းမီဒီယာတွေ ဘက်က လည်း တင်ပြကြပေမယ့် တကယ့် မိဘတွေ ဖြစ်တဲ့ ကျမတို့ ရင်ထဲမှာတော့ သားသမီးတွေ အပေါ် ထားတဲ့ စိုးရိမ်မှုကတော့ လုံးဝပျောက်ကွယ်သွားတာ မရှိပါဘူး။

ရန်ကုန် သာကေတ မြို့နယ်က ကျမ မိတ်ဆွေ မဖြူဖြူ ဆိုရင် ပုံမှန် ကျောင်းပို့၊ ကျောင်းကြို အလုပ်ကို အခုဆို အထူး ဂရုစိုက် လုပ် ကိုင်ပေးနေရတယ်လို့ ဆိုပါတယ်။

အရင်ကဆိုရင် ကျောင်းမတက်ခင် နာရီဝက် အလိုမှာ ကလေးကို ကျောင်းဝင်းထဲ ပို့ပြီးရင် သူ့ အလုပ်ပြီးပြီလို့ သတ်မှတ်ထားတဲ့ မဖြူဖြူ တယောက် ကျောင်းမတက်မချင်း ကျောင်းတံခါးပေါက်ဝမှာ ကျောင်းခေါင်းလောင်း ထိုးတဲ့အထိ ထိုင်နေမိတယ်လို့ ပြောတယ်။

နောက်ပြီး ညနေ ကျောင်းမဆင်းခင် တနာရီအလိုကတည်းက ကျောင်းရှေ့ ကြိုရောက်နေပြီး ကျောင်းလွှတ်မယ့်အချိန်ကို ထိုင်စောင့် နေရတယ်လို့ ဆိုတယ်။

သူ့လို စိုးရိမ်စိတ်ကြီးတဲ့ မိဘတွေ အခုရက်ပိုင်းအတွင်း များလာတာကြောင့်လည်း ကျောင်းသားမိဘတွေ အချင်းချင်း ကျောင်း အပြင် ဘက်မှာ စကားပြောရင်း အချိန်ကုန်မှန်းမသိ ကုန်ဆုံးသွားစေတယ်လို့လည်း ပြောပြပါတယ်။

သာကေတမြို့နယ်က မဖြူဖြူ ပြောတဲ့ ကျောင်းတခုတည်းမှာတင် မဟုတ်ပါဘူး။ ကျမနဲ့ နီးစပ်ရာ အသိုင်းအ၀ိုင်းကနေ ပြောပြတဲ့အချက် တွေအရ ဒဂုံအရှေ့ပိုင်းမြို့နယ်၊ သန်လျင်မြို့နယ်၊ ကျောက်တံတားမြို့နယ် စတဲ့ မြို့နယ်တွေမှာလည်း သားသမီး စိုးရိမ်မှုနဲ့ မိဘတွေဟာ ကျောင်းအရှေ့မှာ နီးစပ်ရာ လူအစုစုနဲ့ ကျောင်းကြိုနေကြတာတွေ ရှိတယ်လို့ သိရပါတယ်။

အပြင်ထွက် အလုပ်လုပ်နေရတဲ့ ကျမတို့ ဇနီးမောင်နှံ နှစ်ဦးအနေနဲ့လည်း နေ့စဉ်ဆိုသလို တူလေးကို အကြိုအပို့ မလုပ်နိုင်တဲ့အတွက် ပုံမှန် ကျောင်းကြိုကျောင်းပို့ လုပ်နေတဲ့ ဆိုင်ကယ်သမားကို ကျောင်းသွားပို့တဲ့အခါမှာ ကျောင်းဝင်းထဲကနေ ကျောင်းခန်းထဲ တူလေး ၀င်သွားပြီးမှ ပြန်ဖို့နဲ့ ကျောင်းကြိုတဲ့အခါမှာလည်း ကျောင်းမလွှတ်ခင် စောစော ကြိုသွားပေးဖို့ နေ့စဉ် မပျက် အမှာတော် ပါးနေရပါတယ်။

နောက်ပြီး တူလေးကိုလည်း ကျောင်းဝင်းထဲက ဆိုင်ကယ်မောင်းတဲ့သူကလွဲပြီး ဘာပေးမယ်၊ ညာပေးမယ်လို့ သိတဲ့သူပဲ ဖြစ်ဖြစ်၊ မသိတဲ့ သူပဲ ဖြစ်ဖြစ် ဘယ်လိုခေါ်ခေါ် မလိုက်ဖို့နဲ့ အနားကပ် မခံဖို့အထိ နေ့စဉ် မှာကြားထားရတယ်။

နောက်ပြီး အိမ်မှာရှိတဲ့ သမီးလေးကို စောင့်ရှောက်ပေးနေတဲ့ ကျမရဲ့ မိခင်ကိုလည်း ဘယ်သူစိမ်း လာလာ အိမ်ထဲ မ၀င်ခိုင်းဖို့၊ ကလေး ကို ဘယ်လောက်ခင်တယ်ပြောပြော ဘယ်သူနဲ့မှ မထည့်ဖို့အထိ နေ့စဉ် အသိပေး မှာကြားနေမိပါတယ်။

နောက်တချက်က ကျမတို့ မြန်မာနိုင်ငံရဲ့ ချစ်စရာ ဓလေ့ ယဉ်ကျေးမှု တခုဖြစ်တဲ့ တဦးနဲ့တဦး သိကျွမ်းမှု မရှိပေမယ့် တဖက်သားကို လမ်းမှာတွေ့ရင် နှုတ်ဆက်တာ၊ ပြုံးပြတာတွေ လုပ်တာမျိုး ရှိသလို၊ အသက် ၁၀ နှစ်အောက် ကလေးတွေနဲ့ ပတ်သက်ရင်လည်း ကလေး ချစ်တက်တဲ့ သူတိုင်း ချစ်ခင်နွေးထွေးမှုကို နည်းလမ်းအမျိုးမျိုးနဲ့ ပြသတတ်တာ ရှိပါတယ်။

ကလေးချစ်တတ်တဲ့ သူတိုင်း ချစ်စရာ ကလေးမြင်ရင် ဝေးနေရင်တောင် ကလေးကို ချစ်လို့ လက်လှမ်းပြတာ၊ ကလေးကို လှမ်းပြီး စတာ နောက်တာ မျိုးတွေ လုပ်မိသလို၊ အဲဒီလို ချစ်စရာ ကလေးက ကိုယ်နဲ့ အနီးဆုံးမှာ ရှိနေရင်တော့ ကလေးက ချစ်စရာလေးဆိုပြီး ပါးစပ်နဲ့ ပြောတာမျိုးအပြင် မိဘ၊ အုပ်ထိန်းသူရဲ့ ခွင့်ပြုချက်ကိုတောင် မယူ ချက်ချင်းဆိုသလို စိတ်လိုက်မာန်ပါ ကလေး ပါးကိုင် တာ၊ ကလေးကို နမ်းတာမျိုးတွေအထိ ရှိသလို တခါတလေ ဆွဲယူချီပိုးတာအထိ လုပ်တာမျိုးတွေလည်း ရှိပါတယ်။

ကျမ သမီးလေးကိုလည်း လမ်းသွားပြီဆိုရင် မကြာခဏ ဆိုသလို ကလေးချစ်တဲ့ အသက်အရွယ် မရွေးက စတာ နောက်တာ၊ ပါးကိုင် တာမျိုးတွေ ရှိပါတယ်။

ဒါပေမယ့် ကျမကတော့ အစကတည်းက ကိုယ်နဲ့ မသိတဲ့သူက ကလေးကို ချီပိုးတာ၊ နမ်းတာ မကြိုက်တဲ့အတွက် အဲဒါမျိုးတွေတော့ ကျမ မျက်စိရှေ့မှာ လုပ်တာမျိုးကို ကျမကိုယ်တိုင် တားမြစ်ပါတယ်။

ဒါပေမယ့်လည်း ကျမက သမီးနဲ့ ၂၄ နာရီလုံးလုံး အတူတူ မနေရတဲ့အတွက် ကျမရဲ့ နောက်ကွယ်မှာ အဲဒီလိုမျိုး မရှိဘူးလို့ အတိ အကျ မပြောနိုင်ပါ။

နောက်ပြီး ဖေ့စ်ဘုတ် စာမျက်နှာမှာ ကလေးခိုးယူမှု ကောလာဟလ သတင်းတွေ ပျံ့နှံ့မှုရဲ့ နောက်ဆက်တွဲ အဖြစ် စိုးရိမ်စိတ် ကြီးနေ တဲ့ မိဘတွေဟာ ဘယ်နေရာမှာမဆို ကလေးသူခိုး ဖြစ်နိုင်တယ်လို့ ဆိုလိုက်သံ ကြားလိုက်တယ် ဆိုရင်ပဲ တဘက်က ဟုတ်၊ မဟုတ် အရင် မဆုံးဖြတ်တော့ဘဲ စိတ်ဆိုးဒေါသ ထွက်တာတွေဟာ သံသယရှိသူအပေါ်ကို အားလုံး ပုံချလိုက်တဲ့ ဖြစ်ရပ်တွေလည်း တွေ့ရှိလာရပါတယ်။

ပြီးခဲ့တဲ့ ဇန်နဝါရီ လလယ်ပိုင်းက မန္တလေးတိုင်း၊ ပုသိမ်ကြီးမြို့နယ်မှာ ကလေးသူခိုးလို့ စွပ်စွဲခံရသူကို ဒေါသထွက်နေတဲ့ ဒေသခံ လူအုပ်က အကြမ်းဖက် ဖမ်းဆီး စစ်ဆေးခဲ့တာကြောင့် ရဲတပ်ဖွဲ့နဲ့ သံဃာတော်တွေက ပူးပေါင်းကယ်တင်လိုက်ရတဲ့ သတင်းတွေလည်း ဖတ်လိုက်ရပါသေးတယ်။

အဲဒီအဖြစ်အပျက် မတိုင်ခင် ရက်ပိုင်းလောက် ကလည်း မကွေးတိုင်းဒေသကြီးမှာ ဆင်တူဖြစ်ရပ်မျိုး ဖြစ်ပွားခဲ့ပါသေးတယ်။ အရောင်း အ၀ယ် လာလုပ်တဲ့ အမျိုးသမီး တဦးကို ကလေးသူခိုးလို့ စွပ်စွဲပြီး ဖမ်းဆီး ရိုက်နှက်ခဲ့တဲ့အတွက် အမျိုးသမီးမှာ နံရိုးနှစ်ချောင်း ကျိုးတဲ့အထိ ထိခိုက်ဒဏ်ရာတွေ ရရှိခဲ့ပါတယ်။

ဒီလို အဖြစ်အပျက်တွေကို ကြည့်ဆိုရင် နောက်ဆုံး အခြေခံ တူညီတဲ့အချက်တခုက ကလေးတွေရဲ့ လုံခြုံမှု အပြည့်အ၀ မရှိဘူး ဆိုတာကို တွေ့ရမှာ ဖြစ်ပါတယ်။

ကျမတို့ နိုင်ငံမှာ ကလေးတွေနဲ့ပတ်သက်ပြီး ကာကွယ်နိုင်မှုက အားနည်းတယ်လို့ ပြောလို့ရပါတယ်။ တခြားသော နိုင်ငံတချို့ မှာဆိုရင် ကလေးတွေနဲ့ ပတ်သက်ရင် အဘက်ဘက်က ဦးစားပေး စီစဉ်ထားတာတွေကို တွေ့ရှိရတယ်။

အာရှနိုင်ငံတွေထဲက ဂျပန်နိုင်ငံမှာဆိုရင် ကျမတို့ မြန်မာနိုင်ငံက မိဘတွေ အတုယူရမယ့် အချက်တခုနဲ့ ပတ်သက်ပြီး ကျမ ဆောင်း ပါး တပုဒ် ဖတ်ရဖူးပါတယ်။

သူတို့နိုင်ငံမှာ ကလေးတွေနဲ့ ပတ်သက်ပြီး လူစိမ်း တယောက်က ကိုယ့်သားသမီးကို စောင့်ကြည့်နေတယ်လို့ မိဘက ခံစားရတယ် ဆိုရင် ကလေးရဲ့ လုံခြုံရေးအကြောင်းပြပြီး ချက်ချင်း အနီးစပ်ဆုံး လုံခြုံရေး တာဝန်ကျ ရဲကို ခေါ်ယူ သတိပေးခိုင်းလို့ ရပါတယ်။ လူစိမ်း တဦးဦး ကိုယ့်သားသမီးနား ကပ်ဖို့ မပြောနဲ့ အဝေးကနေတောင် မယောင်မလည် စောင့်ကြည့်ခွင့် မရှိပါဘူး။

ဒါဟာ သက်ဆိုင်ရာ အစိုးရကလည်း ကလေးအပေါ် လုံခြုံရေး အပြည့်အ၀ ပေးထားသလို မိဘဘက်ကလည်း ကိုယ့်သားသမီးရဲ့ လုံခြုံရေးကို အပြည့်အ၀ စောင့်ရှောက်ခွင့် ရနေတယ် ဆိုတာကို တွေ့ရပါတယ်။

ကျမတို့ နိုင်ငံမှာက အစိုးရဘက်ကလည်း ကလေးတွေ အပေါ် အပြည့်အ၀ ကာကွယ်မှု မပေးနိုင်သလို ကလေးနဲ့ အနီးဆုံး ဖြစ်တဲ့ ကျမတို့လို မိဘတွေ အနေနဲ့လည်း ၀မ်းရေးအတွက် တဘက်က ရှာဖွေလုပ်ကိုင်နေရတဲ့အတွက် ကိုယ့်ကလေးအပေါ်ကို အပြည့်အ၀ ကာကွယ် မပေးနိုင်ကြပါဘူး။

လူကုန်ကူးမှု တားဆီးနှိမ်နှင်းရေး ရဲတပ်ဖွဲ့ရဲ့ ၂၀၁၄ ခုနှစ် စာရင်းတွေအရ အသက် ၁၈ နှစ်အောက် လူကုန်ကူးခံရသူ ကလေး စုစုပေါင်း ၃၁ ဦး ရှိခဲ့ပြီး ၂၀၁၅ ခုနှစ် ဒီဇင်ဘာလအထိ အသက် ၁၈ နှစ်အောက် လူကုန်ကူးခံရသူ ကလေး စုစုပေါင်း ၉၆ ဦး ရှိနေတာကို သိ ရပါတယ်။

လူကုန်ကူးမှု တားဆီးနှိမ်နင်းရေး ရဲတပ်ဖွဲ့ရဲ့ စာရင်းတွေက ၂၀၁၄ နဲ့ ၂၀၁၅ ခုနှစ် အတွင်းမှာကို ကိန်းဂဏန်းမှာ သုံးဆ နီးပါး တိုး လာ တာကလည်း ကျမတို့ မိဘတွေ အတွက် ကလေးတွေရဲ့ လုံခြုံရေး အပေါ် ပိုပြီးရင်လေးစရာ ဖြစ်နေပါတယ်။

ဒါကြောင့် အနာဂတ် မျိုးဆက်သစ် ကလေးငယ်တွေ ရဲ့ လုံခြုံရေး အတွက် အားလုံးက ဝိုင်းဝန်း အလေးထား ဆောင်ရွက်မှုဟာ အဓိက အရေးကြီးတယ်လို့ ယူဆမိပါတယ်။ ။

ပြည်သူကို ၀န်မပိတဲ့ အခွန်စနစ် နဲ့ တိုင်းပြည်ကို ပြန်လည်ထူထောင်သွားမယ်


NLD အစုိုးရကို စနစ်တကျ အာဏာလွှဲမည်ဟု သမ္မတဦးသိန်းစိန် ထပ်မံ ကတိပြု

မေစစ်ပိုင်


၂၀၁၅ ခုနှစ် အထွေထွေရွေးကောက်ပွဲတွင် အနိုင်ရသည့် အမျိုးသားဒီမုိုကရေစီအဖွဲ့ချုပ်(NLD) ကို အာဏလွှဲပြောင်းရာ၌ စနစ်တကျ လွှဲပြောင်းပေးမည်ဖြစ် ကြောင်း သမ္မတဦးသိန်းစိန်က လွှတ်တော်တွင် ပြောကြားသော နောက်ဆုံးမိန့်ခွန်းတွင် ထည့်သွင်းပြောဆုိုသည်။

သမ္မတဦးသိန်းစိန်က သူ့အနေဖြင့် သမ္မတရာထူး ဒုတိယသက်တမ်း ထမ်းဆောင်ရေး၊ ကြံ့ခိုင်ရေးပါတီ ထပ်မံ အနုိုင်ရရှိရေး တို့ထက် ဒီမုိုကရေစီအခြေခံကောင်းများ ချမှတ်ပေးခဲ့ပြီး ဒီမုိုကရေစီစနစ်ခိုင်မာရေး လုပ်ဆောင်ပေးခဲ့ပြီဖြစ်ကြောင်း၊ ရွေး ကောက်ပွဲ ရလဒ်အရ NLD အနေဖြင့် အုပ်ချုပ်ရေး၊ ဥပဒေပြုရေး တာဝန်များကို ထမ်းဆောင်ရမည်ဖြစ်ပြီး အစုိုးရ တာဝန် များကုို တည်ဆဲဥပဒေများ၊ နည်းဥပဒေများ၊ လုပ်ထုံးလုပ်နည်းများ၊ ပြဋ္ဌာန်းချက်များနှင့်အညီ လွှဲပြောင်းသွား မည်ဖြစ် ကြောင်း သမ္မတဦးသိန်းစိန်က ဆုိုသည်။

“ဒီရွေးကောက်ပွဲကြီးကနေ ပေါ်ပေါက်လာတဲ့ ရလဒ်များအရ အမျိုးသားဒီမိုကရေစီအဖွဲ့ချုပ်က ဦးဆောင်ပြီး ဥပဒေပြုရေးနဲ့ အုပ်ချုပ်ရေးတာဝန်များကို ထမ်းဆောင်တော့မှာဖြစ်ပါတယ်။ ကျွန်တော်တို့အစိုးရအဖွဲ့အနေနဲ့ ရွေးကောက်ပွဲ မတိုင်မီက ကတိပြုထားတဲ့အတိုင်း ရွေးကောက်ပွဲကနေ ပေါ်ပေါက်လာတဲ့ အစိုးရအဖွဲ့ကို စနစ်တကျ တာဝန်လွှဲပြောင်းနိုင်ရေးအတွက် တည်ဆဲဥပဒေများ၊ နည်းဥပဒေများ၊ လုပ်ထုံးလုပ်နည်းများ၊ ပြဋ္ဌာန်းချက်များနဲ့အညီ ဆောင်ရွက်သွားမှာဖြစ်ပါတယ်” ဟု သမ္မတဦးသိန်းစိန်က ပြောဆိုသည်။

သမ္မတဦးသိန်းစိန်က လာမည့် အစုိုးရလက်ထက်တွင် တုိုင်းပြည်ဖွံ့ဖြိုးတုိုးတက်ရေးအတွက် ပူးပေါင်းဆောင်ရွက် သွားမည် ဖြစ်ပြီး အရွေးချယ်မခံရသည့် လွှတ်တော်ကုိုယ်စားလှယ်များအနေဖြင့်လည်း လွှတ်တော်ပြင်ပမှ တုိုင်းပြည် တုိုးတက်ရေး ပူးပေါင်း ဆောင်ရွက်စေလုိုကြောင်း၊ မတ်လ ၃၀ ရက်နေ့တွင် အစုိုးရ အာဏာ ကုန်ဆုံးမည်ဖြစ်၍ အားလုံးကုို နှုတ်ဆက်ပါ ကြောင်း သမ္မတဦးသိန်းစိန်က ပြောသည်။

“ကျနော်နဲ့ အစိုးရအဖွဲ့ဝင်အားလုံးက နောက်အစိုးရနဲ့ ပူးပေါင်းဆောင်ရွက် သွားမှာ ဖြစ်ပါတယ်။ လွှတ်တော်ကိုယ်စား လှယ်များ အနေနဲ့လည်း နောင်လွှတ်တော်များ မှာ မပါဝင်တော့ဘူးဆိုရင်တောင် လွှတ်တော်ပြင်ပကနေ နိုင်ငံတည်ငြိမ် အေးချမ်းရေးနဲ့ ဖွံ့ဖြိုးတိုးတက်ရေးအတွက် ပူးပေါင်းပါဝင်ဆောင်ရွက်ကြဖို့ တိုက်တွန်း လိုပါ တယ်။နာက်ပေါ်ပေါက်လာမယ့် အစိုးရနဲ့ လွှတ်တော်များအနေဖြင့် ပြည်ထောင်စု သမ္မတမြန်မာနိုင်ငံတော်ကြီးကို ပိုမိုအေးချမ်းသာယာပြီး ဖွံ့ဖြိုးတိုးတက် အောင် ဆောင်ရွက်နိုင်ပါစေ။ မ်ိဘပြည်သူအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေ၊ တိုင်းရင်းသား ညီအစ်ကိုမောင်နှမအားလုံး ချစ်ချစ်ခင်ခင် စည်းစည်းလုံးလုံးနဲ့ ဥမကွဲ သိုက်မပျက် အေးအတူပူအမျှ ပြည်ထောင်စုကြီးကို တည်ဆောက်နိုင်ပါစေကြောင်း ဆုမွန်ကောင်း တောင်းရင်း အားလုံးကုို နှုတ်ဆက်ခဲ့ပါတယ်”ဟု သမ္မတဦးသိန်းစိန်က ပြောသည်။

သမ္မတဦးသိန်းစိန် က အစိုးရအဖွဲ့ ၅ နှစ်တာ သက်တမ်းအတွင်း မြန်မာ့နိုင်ငံရေးဖြစ်စဉ် ကို နိုင်ငံတကာ မှ စံနမူနာ ယူခဲ့ရကြောင်း၊ တိုင်းရင်းသားအဖွဲ့များနှင့် အပစ်အခတ်ရပ်စဲရေးသဘောတူစာချုပ် ချုပ်ဆိုနိုင်ခဲ့ကြောင်း၊ ယုံကြည်ချက် ကြောင့်နိုင်ငံရေးသဘောထား ကွဲလွဲမှုများကြောင့် အကျဉ်းကျနေရသူများကိုလည်း လွှတ်ပေးခဲ့ကြောင်း၊ လျှပ်စစ်ကဏ္ဍ ဖွံ့ဖြိုးတိုးတက်ရေး၊ အလုပ်အကိုင်ရရှိမှု၊ မွေးမြုရေး၊ ရင်းနှီးမြုပ်နှံမှုနှင့်ကုန်သွယ်မှုကဏ္ဍများတွင်လည်း ဖွံ့ဖြိုးတိုးတက်အောင် လုပ်ဆောင်နိုင်ခဲ့ကြောင်း၊ ကောင်းမွန်သည့် အုပ်ချုပ်ရေးစနစ်ဖြစ်အောင် အထက်မှ အောက်သို့ သွားသည့် အစီရင်ခံမှု စနစ်မှ အောက်ခြေမှ အထက်သို့တင်ပြသည့် ပြည်သူဗဟိုပြုစနစ်ကို ပြောင်းလဲနိုင်ခဲ့ကြောင်း မိန့်ခွန်းတွင် ထည့်သွင်း ပြောဆုိုသွားသည်။

သမ္မတဦးသိန်းစိန် အစုိုးရလက်ထက်တွင် ဒီမုိုကရေစီအပြည့်အ၀မဟုတ်သော်လည်း ငြင်းဆုိုမရသည့် ပြုပြင်ပြောင်းလဲမှုများ ရှိခဲ့သည်မှာ အသေအချာပင်ဖြစ်ကြောင်း စီးပွားရေးနှင့် နုိုင်ငံရေး အသုိုင်းအ၀ုိုင်းက သုံးသပ်ပြောဆုိုသည်။

နုိုင်ငံရေးလေ့လာသုံးသပ်သူ ဒေါက်တာသောင်းထွန်းက “သမ္မတ ဦးသိန်းစိန်က ဒီမိုကရေစီအကူး အပြောင်း အတွက် ကတော့ အစပျိုးပေးခဲ့တဲ့အနေအထား ကိုတော့ မှတ်ကျောက် တင်ရမှာပေါ့။ ၂၀၀၈ မှာ ဒီအသွင်ကူးပြောင်းရေး လုပ်ခဲ့တာ ဆိုတော့ အားနည်းမှု ပွတ်တိုက်မှုရှိသလို တချို့ပြည်သူ့ ရေးရာမူဝါဒတွေအ ကောင်အထည်ဖော်တာတော့ တိုင်းပြည် မဏ္ဍိုင်ကြီး ၃ ရပ်ကို ကိုယ်စားပြုတဲ့ Political Institution တွေပေါ်ပေါက်လာတယ်။ ပါတီတွေ တည်ထောင်ရေးအတွက် လမ်းပွင့် လာတယ်။ နိုင်ငံရေးဝန်ကျင်မျိုး အရပ်ဘက် လူ့အဖွဲ့အစည်းတွေပေါ်ပေါက်လာဖို့အခင်းအကျင်းမျိုးရှိခဲ့တာပေါ့။ သူက တစုံတရာအရွေ့ကိုတော့ ရောက်လာတယ် လို့တော့ ပြောလို့ရတာပေါ့။ ၂၀၁၅ ရွေးကောက်ပွဲပြီးသွားတဲ့အခါမှာ အနိုင်ရပါတီ ချောမွေ့ စွာ အာဏာလွှဲပြောင်းပေးဖို့ လုပ်ဆောင်နေတာက လည်း နိုင်ငံရေးလုပ်တဲ့သူမှာ ၁၀၀ ရာနှုန်းတော့ ဝေဖန်ခံရမှု ကင်းလွှတ်ဖို့ဖို့မရှိဘူး။ အောင်မြင်မှု တွေရှိသလို မအောင်မြင်မှုတွေလည်းရှိတယ် ပြည်သူတွေရဲ့မျှော်မှန်း ချက်တွေ ဖြည့်ဆည့်နိုင်တာရှိသလို ကော်းတာ မြင်နိုင်သလို မဖြည့်ဆည်းနိုင်တဲ့အပေါ်မှာ အားနည်းချက် ဝေဖန်တာတွေတော့ ရှိမှာပေါ့” ဟု သုံး သပ်ပြောဆုိုသည်။

စီးပွားရေးပိုင်းတွင် ပြုပြင်ပြောင်းလဲမှုများသည် ထင်သာမြင်သာရှိခဲ့ပြီး တုိုးတက်သင့်သလောက် အနည်းငယ် တုိုးတက်ခဲ့သည်ဟု စီးပွားရေးလုပ်ငန်းရှင်တချို့က ဆုိုသည်။

စီးပွားရေးလုပ်ငန်းရှင်တဦးဖြစ်သူ ဒေါက်တာစိုးထွန်း က “ သမ္မတဦးသိန်းစိန် က တချို့ကိစ္စတွေလုပ်ခဲ့တာ ရှိခဲ့တယ်။ ဆိုပါစို့ ဥပမာ တယ်လီပို့ကဏ္ဍလို ကိစ္စမျိုးပေါ့။ တယ်လီဖုန်း ဈေးပေါပေါနဲ့ဝယ်လို့ရတာပေါ့။ အတိုင်းအတာတခုထိပေါ့ နိုင်ငံခြား ဘဏ်တွေဖွင့်ခွင့်ပေးတယ်ပေါ့။ ပြဿနာက တိုင်းပြည်ရဲ့ အဓိက ဖြစ်တဲ့ လယ်ယာစိုက်ပျိုးရေးကဏ္ဍပေါ့။ ပြည်သူတွေ အများစုက မှီခိုနေရတာလေ FDI က လည်း နည်းသေးတယ်။ ဒါကြောင့် ပြည်သူ ၇၀ ရာနှုန်းနှီးနွှယ်နေတဲ့ကဏ္ဍမှာ တိုး တက်မှုနည်းတော့ အခြေခံ အဓိကကျတဲ့ အခြေခံလူတန်းစားတွေမှာ စီးပွားရေးတိုးတက်မှု အားနည်း တယ်လို့ပြော လို့ရ မှာပေါ့။ သမ္မတဦးသိန်းစိန် ကို အတိုင်းအတာတခုထိတော့ လက်ခံလို့ရပါတယ်။ ဒီမိုကရေစီ အပြည့်အဝ မဟုတ်တော့ ဒီလောက်ထိပဲ မျှော်လင့်လို့ရမှာပေါ့”ဟု သုံးသပ်သည်။

နေအိမ်ဖျက်ဆီးခံခဲ့ရသူတွေ စားဝတ်နေရေး အခက်အခဲ ကြုံတွေ့


နိုင်ငံအကြီးအကဲအာဏာလွှဲပြောင်းရေးအတွက်ထပ်မံဆွေးနွေး

မဇ္ဈိမ

လက်ရှိအစိုးရမှ ရွေးကောက်ပွဲအနိုင်ရရှိသည့် အမျိုးသားဒီမိုကရေစီအဖွဲ့ချုပ်သို့ နိုင်ငံတော်အကြီးအကဲအာ ဏာ လွှဲပြောင်းပေးနိုင်ရေး အစည်းအဝေးကို ယနေ့ မွန်းလွဲ ၁နာရီတွင် ပြန်ကြားရေးဝန်ကြီးဌာနရုံးတွင် ကျင်းပခဲ့သည်။

ယင်းအစည်းအဝေးသို့ ရွေးကောက်ပွဲအနိုင်ရပါတီ NLD ဖက်မှ ဗဟိုအလုပ်အမှူဆောင်များဖြစ်သည့် ဦးဝင်းထိန်၊ ဒေါက်တာမျိုးအောင်နှင့် ရန်ကုန်တက္ကသိုလ်ပါမောက္ခချုပ်ဟောင်း ဒေါက်တာ အောင်သူတို့တက် ရောက်ပြီး အစိုးရဖက်မှ သမ္မတရုံးဝန်ကြီး ဦးလှထွန်း၊ ပြန်ကြားရေးဝန်ကြီး ဦးရဲထွဋ်၊ သမ္မတရုံးညွှန်ကြားရေး မှူး ဦးဇော်ဌေး အပါအ၀င် ၅ဦးတို့က ဆွေးနွေးခဲ့ကြသည်။


အဆိုပါအစည်းအဝေးတွင် နိုင်ငံတော်အကြီးအကဲအာဏာလွှဲပြောင်းခြင်းအပြင်၊ ၀န်ကြီးဌာနများ၏ ဆောင်ရွက်ဆဲလုပ်ငန်းများအကြောင်းကို နှစ်ဖက်ဆွေးနွေးခဲ့သည်ဟု ပြန်ကြားရေးဝန်ကြီး ဦးရဲထွဋ်၏ လူမှုကွန်ယက်စာမျက်နှာမှသိရသည်။ နိုင်ငံတော်အကြီးအကဲအာဏာလွှဲပြောင်းခြင်းအစည်းအဝေးကို လာမည့်ဖေဖော်ဝါရီလတွင် ထပ်မံပြုလုပ်ရန်လည်း နှစ်ဖက်သဘောတူခဲ့ကြသည်ဟု သိရသည်။

စက်မှုဇုံနယ်မြေအတွင်း ကျူးကျော် နေအိမ်တွေကို ဘူဒိုဇာနဲ့ ဖျက်သိမ်း


ရှမ်း ဒုက္ခသည် ၁၀၀၀ ကျော် နေရပ် မပြန်နိုင်သေး

နန်းဆိုင်နွမ်


ရှမ်းပြည်နယ် တောင်ပိုင်း မိုင်းရှုးမြို့နယ်တွင် အစိုးရ တပ်မတော်နှင့် ရှမ်းပြည် မြောက်ပိုင်း တပ်မတော်(SSPP/SSA)တို့ကြား တိုက်ပွဲ များကြောင့် ထွက်ပြေး တိမ်း ရှောင်လာသည့် စစ်ဘေး ဒုက္ခသည် ၁၀၀၀ ကျော်သည် ၃ လခန့် ကြာမြင့်သော်လည်း ယနေ့အချိန်ထိ နေရပ် မပြန်နိုင်သေးကြောင်း သိရသည်။

နှစ်ဘက် တိုက်ပွဲများကြောင့် မိုင်းရှုးမြို့နယ်အတွင်းရှိ ကုန်းလင်ကျေးရွာ၊ တာဆမ်ပူးကျေးရွာ၊ နမ့်ပါမုန်းကျေးရွာရှိ ဒေသခံတို့၏ နေအိမ် များ၊ လယ်ယာများ ပျက်စီးမှု များပြားကြောင်း၊ ပျက်စီးမှုကြောင့် စစ်ဘေးရှောင်များ နေရပ်သို့ ပြန်မည်ဆိုပါက စားဝတ်နေရေး အတွက် အခက်အခဲ ဖြစ်နိုင်သဖြင့် မပြန်ရဲကြကြောင်း စစ်ဘေးရှောင်များကို ကူညီပေးနေသည့် မိုင်းရှုးမြို့ ရှမ်း တိုင်းရင်းသားများ ဒီမိုကရေစီ အဖွဲ့ချုပ်(SNLD)မှ နန်းကောင်ခမ်းက ဧရာဝတီ သို့ ပြောသည်။

နန်းကောင်ခမ်းက“ဒုက္ခသည်တွေ တချို့ မပြန်ကြဘူး။ မပြန်ကြဘူးဆိုတာက သူတို့တွေက ရွာကို သွားကြည့်တယ်။ သွားကြည့်ပြီး တော့ ဘာမှ မရှိတော့ သူတို့အတွက် စားဖို့သောက်ဖို့က အခက်အခဲ ရှိတယ်။ စစ်ဘေးရှောင် ဒုက္ခသည် Camp မှာ နေမယ် ဆိုရင် တော့ ကူညီမယ့်သူတွေက ရှိတယ်။ ဟိုင်းပါ ကျေးရွာမှာ ဒုက္ခသည် ၁၀၀၀ ကျော်လောက်တော့ ကျန်သေးတယ်”ဟု ဆိုသည်။

အစိုးရ တပ်မတော်နှင့် ရှမ်းပြည်မြောက်ပိုင်း တပ်မတော်(SSPP/SSA)တို့ကြား ၂၀၁၅ ခုနှစ် နိုဝင်ဘာလ ၂၃ ရက်နေ့က နောက်ဆုံး တိုက်ပွဲ ဖြစ်ပွားခဲ့ပြီးနောက် စစ်ဘေးရှောင် ဒုက္ခသည်များ နေရပ်ပြန်နိုင်ရေးအတွက် နှစ်ဘက်စလုံးက တပ်စခန်များ နောက်ဆုတ် ရန် ဒီဇင်ဘာလ ပထမ အပတ်တွင် ဘဘောတူညီခဲ့ကြကြောင်း သိရသည်။

စစ်ဘေးရှောင်များကို ကူညီပေးနေသည့် ရန်ကုန် ရှမ်းလူငယ် မောင်မယ်များ ဦးဆောင်ကော်မတီ အဖွဲ့ဝင် စိုင်းအောင်မြင့်ဦးက“ရွာမှာ စားစရာမရှိ သောက်စရာ မရှိဘူး။ ပြန်ရင်လည်း လုပ်စရာ အလုပ်က မရှိဘူး။ အနည်းဆုံး ၁ နှစ်လောက်တော့ မိုးရွာတဲ့အချိန်အထိ စောင့်ရမယ်။ စိုက်ပျိုးရေး လုပ်ဖို့ ကျွဲ၊ နွားတွေကလည်း မရှိတော့ဘူး။ ပြီးတော့ ထွန်ယက်ဖို့ ပစ္စည်း လိုတယ်။ ကျနော်တို့က မိုးမရွာခင် တောင်ယာ မစိုက်ခင် တောက်လျှောက် ကူညီ သွားရဦးမယ်”ဟု ဧရာဝတီသို့ ပြောသည်။

တိုက်ပွဲကြောင့် စစ်ဘေးရှောင် ဒုက္ခသည်များ၏ စိုက်ပျိုးထားသည့် လယ်ယာများ ပျက်စီးမှု များသဖြင့် နောက်နှစ်အတွက် စားသောက် ရန် အခက်အခဲ ဖြစ်နိုင်ကြောင်း၊ စစ်ဘေးရှောင် ဒုက္ခသည်များအတွက် ပြန်လည် ထူထောင်ရေး ကာလသည် အလွန် အရေးကြီးကြောင်း၊ လက်ရှိအချိန်ထိ အစိုးရဘက်မှ စစ်ဘေးရှောင်များ ပြည်လည်ထူထောင်ရေးကို လာရောက် ကူညီပေးခြင်း မရှိသေးကြောင်း နန်းကောင်ခမ်းက ပြောသည်။

ထို့အပြင် ကျေးရွာများရှိ မြေမြှပ်မိုင်း ရှင်းလင်းရေးကိစ္စကို အစိုးရက တာဝန်ယူရှင်းလင်းပေးမည်ဟု ဆိုသော်လည်း ယခုအချိန်ထိ လာရောက် ရှင်းလင်းမှု မရှိသေးဟုလည်း ဆိုသည်။

အစိုးရ တပ်မတော်နှင့် SSPP/SSA တို့အကြား တလကျော်ကြာ ဖြစ်ပွားခဲ့သည့် တိုက်ပွဲများ ရပ်တန့်ပြီး ရှေ့တန်း တပ်စခန်း အသီး သီး မှ ၂ ဘက်တပ်များ မူလတပ်စခန်းများသို့ ပြန်ဆုတ်ရန် ဒီဇင်ဘာ ၇ ရက်နှင့် ၈ ရက်က နေပြည်တော်တွင် တွေ့ဆုံဆွေးနွေးခဲ့ပြီး သဘော တူညီမှု ရရှိခဲ့ကြောင်း သိရသည်။

ဝမ်ဟိုင်း စစ်ပညာသင်တန်းကျောင်းမှာ သင်တန်းသားတွေ စည်ကား


စာရိတ္တပြုပြင်မှုကိုသာဦးတည်ပြီး ပြစ်မှုကျူးလွန်သူများကိုအပြစ်ပေးရန် အကြံပြု

မင်းမင်း

ပြစ်မှုကျူးလွန်သူများအား အကျင့်စာရိတ္တပြုပြင်မှုကိုသာဦးတည်ပြီး အပြစ်ပေးရန် ဒေါ်အောင်ဆန်းစုကြည်ဥက္ကဌအဖြစ်တာဝန်ယူထားသည့် တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီက အကြံပြုထားသည်။

"ပြစ်မှုကျူးလွန်သူများအား အပြစ်ပေးရာတွင် အကျင့်စာရိတ္တပြုပြင်မှုကို ဦးတည်ရပါမည်။ ပြစ်ဒဏ်ကျခံရသူများကိုလည်း နောက်နောင် ရာဇဝတ်မှု ကျူးလွန်ခြင်းမှ ကင်းလွတ်စေရန် အသက်မွေးဝမ်းကျောင်းလုပ်ငန်းများ သင်ကြားပေးပြီး လူ့အသိုင်းအဝိုင်းတွင် ဝင်ဆံ့နိုင်အောင် ဖန်တီးပေးရန် လိုပါသည်" ဟု ကော်မတီက အကြံပြုထားသည်။


 တရားဥပဒေစိုးမိုးရေးနှင့် တည်ငြိမ်အေးချမ်းရေးကော်မတီ၏ သုံးသပ်အကြံပြုချက်များကို ကော်မတီဝင်ဖြစ်သူ အင်ဂျန်းယန်မဲဆန္ဒနယ်မှ ပြည်သူ့လွှတ်တော်အမတ် ဒေါ်ဒွဲဘူက ဇန်နဝါရီ ၂၆ရက်က ပြည်သူ့လွှတ်တော်အစည်းအဝေးတွင် ဖတ်ကြားခဲ့ခြင်း ဖြစ်သည်။ တရားစီရင်ရေးကဏ္ဍဖြစ်သည့် တရားရုံးများအား စောင့်ကြည့်လေ့လာရေးအတွက် လွတ်လပ်သည့်အဖွဲ့အစည်းများရှိသင့်ကြောင်းလည်း ကော်မတီက အကြံပြုထားသေးသည်။

အကြံပြုချက်စုစုပေါင်း ၁၁ချက်ပါဝင်သည့် ကော်မတီ၏ အကြံပြုချက်များအနက် တရားဥပဒေစိုးမိုးရေးအတွက် အဟန့်အတား၊ အနှောက်အယှက်ဖြစ်စေသော၊ ဥပဒေ၊ နည်းဥပဒေ၊ စည်းမျဉ်းစည်းကမ်း၊ အမိန့်၊ ညွှန်ကြားချက်၊ လုပ်ထုံးလုပ်နည်းတို့ကို အမြန်ဆုံးပြင်ဆင်သင့်က ပြင်၍ ပယ်ဖျက်သင့်က ပယ်ဖျက်ပြီး အသစ်ပြဌာန်းသင့်က ပြဌာန်းရပါမည်ဟုလည်း ပါရှိသည်။

 ဥပဒေပြုရေးကဏ္ဍ၏ အခရာကျသော ပထမအကြိမ်လွှတ်တော်အစည်းအဝေးများမှာ ဇန်နဝါရီ ၂၉ရက်တွင် သက်တမ်းကုန်ဆုံးတော့မည်ဖြစ်ပြီး ဒေါ်အောင်ဆန်းစုကြည်ဦးဆောင်သည့် အမျိုးသားဒီမိုကရေစီအဖွဲ့ချုပ်(NLD)ပါတီအမတ်များ အများစုနေရာရလာမည့် ဒုတိယအကြိမ် လွှတ်တော်အစည်းအဝေးများကို လာမည့် ဖေဖော်ဝါရီ ၁ရက်တွင် စတင်ကျင်းပတော့မည်ဖြစ်သည်။ တရားဥပဒေစိုးမိုးရေးအတွက် စာသင်ကျောင်းများတွင် လူမှုကျင့်ဝတ်ဆိုင်ရာသဘောတရားများ၊ ဥပဒေပညာအခြေခံများကို သင်ခန်းစာတစ်ခုအဖြစ် ထည့်သွင်းသင်ကြားနိုင်ရန် စီစဉ်သင့်သည်ဟုလည်း ကော်မတီ၏ အကြံပြုစာတွင် ဖော်ပြထားသေးသည်။

တရားဥပဒေစိုးမိုးရေးသည် တရားစီရင်ရေးကဏ္ဍနှင့်သာ သက်ဆိုင်ခြင်းမရှိဟု ကော်မတီကဆိုထားပြီး လက်ရှိအချိန်တွင် တရားဥပဒေစိုးမိုးရေးအတွက် "အာဏာပိုင်များ၏ ဖိအားပေးမှုများ၊ ဝင်ရောက်စွက်ဖက်မှုများ၊ လွှမ်းမိုးမှုများ ရှိနေသေးကြောင်းလည်း သုံးသပ်တွေ့ရှိရပါသည်" ဟု ကော်မတီက သုံးသပ်ထားသည်။

ဝမ်ပေါင်ကုမ္ပဏီ ပျက်ကွက်တာကြောင့် ဒေသခံတွေ မကျေနပ်ဖြစ်


သက်ငယ်မုဒိမ်းမှု ကျူးလွန်သူများကို ပြင်းထန်စွာ အရေးယူပါ

ငြိမ်းငြိမ်း


ကလေးသူငယ်များအပေါ် လိင်ပိုင်းဆိုင်ရာ ကျူးလွန်မှုများ ဆက်တိုက်ဆိုသလို ပေါ်ထွက်လာပြီးနောက် ပြစ်မှုကျူးလွန်သူများအား ထိထိရောက်ရောက် အရေးယူ ပေးရန် ကလေးအခွင့်အရေး လှုပ်ရှားသူများ၏ တောင်းဆိုမှုများ ကျယ်ကျယ်လောင်လောင် ထွက်ပေါ်လာသည်။

တောင်းဆိုမှုပြုရခြင်း အကြောင်းရင်းတရပ်မှာ တရားဥပဒေအရ ထိထိရောက်ရောက် ဟန့်တားမှု အားနည်းခြင်းကြောင့် ဖြစ်သည်။ ကလေးသူငယ်အပေါ် လိင်ပိုင်းဆိုင်ရာ ကျူးလွန်သည့်ပြစ်မှုအတွက် တရားရုံးအထိ ရောက်ကြသော်လည်း အမှုအများစုတွင် ထောင်ဒဏ် ၁ နှစ် သို့မဟုတ် ၁ နှစ်အောက် ပြစ်ဒဏ်သာ တရားရုံးက ချမှတ်ခဲ့သည်မျိုး ရှိသည်။ ကလေးများအား လိင်ပိုင်းဆိုင်ရာ ချိုးဖောက်မှုကြုံလာလျှင် ကလေးများ လိင်ပိုင်းဆိုင်ရာ ကျူးလွန်ခံရသည့်ဖြစ်စဉ်အား တချို့ မိဘ၊ မိသားစုဝင်များ ကိုယ်တိုင် လက်မခံနိုင်ခြင်းက ထိုကလေးအား နောက်ထပ် စော်ကားခံရနိုင်သည့် အခြေအနေသို့ တွန်းပို့သကဲ့သို့ ဖြစ်နေတတ်သေးသည်။

မကြာသေးခင်က မိန်းမကိုယ်တွင် သွေးထွက်နေသည့် ၇ နှစ်အရွယ် မိန်းကလေးတယောက်အား မိခင်ဖြစ်သူက ဆေးခန်းသို့ခေါ်လာခဲ့ရာမှ ထိုသမီးကလေး အဓမ္မပြုကျင့်ခံထားရကြောင်း လက္ခဏာများ တွေ့ခဲ့ရသည်ဟု ရန်ကုန်မြို့မှ သားဖွားမီးယပ် အထူးကု ဆရာဝန်တဦးက ဆိုသည်။ မိခင်ဖြစ်သူက မိန်းကလေးသည် ဓမ္မတာလာသည်ဟု ထင်နေခဲ့ပြီး စစ်ဆေးကြည့်သောအခါ အဓမ္မ ပြုကျင့်ခံရခြင်း ဖြစ်နေသည်။

“ဒါပေမယ့် အမေဖြစ်သူက မယုံနိုင်ဘူးဖြစ်နေ တယ်” ဟု အထူးကုဆရာဝန် အမျိုးသမီးက ဆိုသည်။ ၄င်းတို့သားသမီးဖြစ်သူ တဦးဦး ထိုသို့ ရက်စက်ကြမ်းကြုတ်မှု၏ သားကောင်ဖြစ်ရခြင်းကို မိဘများက လက်မခံချင်ကြကြောင်း ထိုဆရာဝန် အမျိုးသမီးက ပြောသည်။

ကျူးလွန်ခံရတဲ့ ကလေးများအဖို့ ရက်စက်စွာ အနိုင်ကျင့်ခံခဲ့ရသောကြောင့် နာတာရှည်ကျန်းမာရေး ပြဿနာများနှင့် ဘဝတလျှောက်လုံး စိတ်ဒဏ်ရာ ရသွားရခြင်းအပြင် တချို့ဒဏ်ရာကြောင့် သေဆုံး ရသည်အထိ မြန်မာနိုင်ငံတွင် ဖြစ်ပွားနေသည်။

ပတ်ဝန်းကျင်နဲ့လည်း စိတ်ချလက်ချ မထားပါနဲ့

မြန်မာနိုင်ငံမှ သာမန်မိဘများ၊ အထူးသဖြင့် ကျေးလက်ဒေသမှ တောင်သူမိဘများ၊ လူကြီးများသည် အပြင်အလုပ်သွားနေရချိန် ၄င်းတို့သားသမီးများကို အိမ်နီးချင်းများနှင့် စိတ်ချလက်ချထားခဲ့လေ့ ရှိသည်။

မကြာသေးခင်လများက ဖြစ်ပွားခဲ့သည့် ကလေးများ လိင်ပိုင်းဆိုင်ရာ ကျုးလွန်ခံရသည့်အမှု အားလုံးနီးပါးတွင် ကျူးလွန်သူဟု စွပ်စွဲခံရသူများမှာ အိမ်နီးချင်းများ ဖြစ်ကြသည်။ မိသားစုဝင်အချင်းချင်း အစ်ကိုမှ နှမကို အဖေမှ သမီးအရင်းကို ကျူးလွန်သည့် အမှုများအကြောင်းလည်း မကြာခဏ ကြားရတတ်သည်။

မော်လမြိုင်မြို့တွင် ဖြစ်ပွားခဲ့သည့် သက်ငယ်မုဒိန်းမှု ၂ ခုတွင် အသက် ၄ နှစ်အောက်နှင့် အသက် ၅ နှစ်အောက်အရွယ် မိန်းကလေးနှစ်ဦးမှာ ၄င်းတို့အိမ်နီးချင်းများ၏ အဓမ္မပြုကျင့်ခြင်းကို ခံခဲ့ရသည်။ အမှုကို တရားရုံးတင်နိုင်ခဲ့သော်လည်း ပြစ်မှုကျူးလွန်သူ နှစ်ဦးစလုံးသည် တရားသူကြီးတဦးတည်း ထံမှပင် အာမခံရရှိသွားခဲ့သည်။

နောက်ထပ် လူမဆန်သောဖြစ်ရပ်မှာ မော်လမြိုင်မြို့ ကျောက်တန်းရွာမှ အသက် ၁၄ နှစ်အရွယ် မိန်းကလေးတဦးသည် နေအိမ်မှ နယ်စပ်မြို့ဖြစ်သော မြဝတီသို့ အတင်းအဓမ္မ ခေါ်ဆောင်သွားခံရကာ ၄ ရက်ကြာအောင် ချုပ်နှောင်ထားပြီး အကြိမ်ကြိမ် အဓမ္မပြုကျင့်ခံခဲ့ရသည်။ အဆိုပါ မိန်းကလေးကို ပြန်လည် ကယ်ဆယ်နိုင်ခဲ့သော်လည်း သူမအား ပြန်ပေးဆွဲ အဓမ္မပြုကျင့်သွားသည့် တရားခံမှာ လွတ်မြောက်နေဆဲ ဖြစ်သည်။

၂၀၁၅ ခုနှစ် အောက်တိုဘာနှင့် နိုဝင်ဘာလများတွင်လည်း စစ်တွေမြို့၌ အသက် ၈ နှစ်အရွယ် နှင့် အသက် ၄ နှစ်အရွယ် မိန်းကလေးနှစ်ဦးတို့ အဓမ္မပြုကျင့်ခံရသည့် ဖြစ်ရပ်များက လူအများ၏ ဒေါသကို ပေါက်ကွဲစေခဲ့သည်။ ကျူးလွန်သူတဦးမှာ မြန်မာ့တပ်မတော်တွင် တာဝန်ထမ်းဆောင်နေသော စစ်သားဖြစ်ပြီး နောက်တဦးမှာ တပ်ပြေးဖြစ်သည်။ အသက် ၈ နှစ်အရွယ် မိန်းကလေးမှာ ရန်ကုန်တွင် ဆေးကုသခံရင်းပင် ဒဏ်ရာကြောင့် သေဆုံးသွားခဲ့သည်။

ပထမအမှုတွင် စစ်သားဖြစ်သူ တရားခံအား စစ်ခုံရုံးသို့ လျှင်မြန်စွာ လွှဲပြောင်းပေးခဲ့ပြီးနောက် စစ်ခုံရုံးက ထောင်ဒဏ် ၁ နှစ် အမိန့်ချမှတ်ခဲ့သည်။ ထို့အတွက် စစ်တွေမြို့မရဲစခန်း အပြင်ဘက်တွင် ဆန္ဒပြမှုဖြစ်ပေါ်ခဲ့ပြီး ယခု ထိုကျူးလွန်သူကို အရပ်ဘက်တရားရုံးတွင် ဆက်လက်စစ်ဆေးနေသည်။

မော်လမြိုင်မြို့မှ လူမှုရေးလုပ်သားတဦးဖြစ်သော ဒေါ်ခင်သန်းထွေးက မွန်ပြည်နယ် ညောင်ကုန်းရွာ၌ မိန်းကလေးငယ်တဦးကို အစ်ကိုအကြီးဆုံးဖြစ်သူက အကြိမ်ပေါင်းများစွာ အဓမ္မပြုကျင့်ခဲ့သည့် ဖြစ်စဉ်တွင် ပြစ်မှုကျူးလွန်သူအား ထောင်ဒဏ် ၅ လသာ ပြစ်ဒဏ်ချမှတ်ခဲ့ကြောင်း ဧရာဝတီသို့ ပြောသည်။

“အဲ့ဒီမိန်းကလေးအတွက် လုံခြုံမှုမရှိဘူး။ အမှုတွေအားလုံး ပြီးသွားတော့လည်း သူ့ခမျာ တခြား အားကိုးစရာလည်းမရှိတော့ သူ့အစ်ကို ပြန်လွတ်လာတော့ သူ့အစ်ကိုနဲ့ပဲ အတူပြန်နေနေရပါတယ်” ဟု ဒေါ်ခင်သန်းထွေးက ပြောသည်။

ကျူးလွန်သူကိုသာ ကာကွယ်ပေးတဲ့ ဥပဒေ

ကလေးသူငယ်များအပေါ် လိင်ပိုင်းဆိုင်ရာ ချိုးဖောက်မှုတွင် အများစုမှာ သက်ငယ်မုဒိန်းမှုများ ဖြစ်ကြောင်း ရဲတပ်ဖွဲ့၏ သတင်းအချက်အလက်များကို ကိုးကားပြီး ပြည်တွင်းမီဒီယာများတွင် ထုတ်ပြန်ထားသည်ကို ဖတ်ရှုရသည်။

မြန်မာနိုင်ငံ၏ ၁၉၉၃ ခုနှစ်က ပြဋ္ဌာန်းထားသော ကလေးသူငယ်ဥပဒေတွင် အသက် ၁၄ နှစ်အောက် ကလေးများအား မတရားပြုကျင့်မှုများမှ တရားဝင် အကာအကွယ်ပေးထားပါသည်။ သို့သော် လိင်ပိုင်းဆိုင်ရာ ကျူးလွန်ခံရသူ ကလေးများအတွက် တရားဝင် အကာအကွယ်ပေးထားမှု မရှိသလောက်ပင်။ စစ်တွေမြို့အခြေစိုက် ရှေ့နေတဦးလည်းဖြစ်၊ ရခိုင်အမျိုးသားပါတီ (ANP) ၏ ဒုတိယဥက္ကဋ္ဌဖြစ်သော ဒေါ်အေးနုစိန်က အရွယ်ရောက်ပြီးသူများ အဓမ္မပြုကျင့်ခံရခြင်းနှင့် ကလေးများ အဓမ္မပြုကျင့် ခံရခြင်းပြစ်မှုအတွက် စွဲဆိုနိုင်သော ပြစ်မှုများ အတူတူပင်ဖြစ်ပြီး ကလေးသူငယ်များအတွက် သီးသန့် ဥပဒေ ကာကွယ်ပေးထားမှုမရှိဟု ထောက်ပြသည်။

လက်တဆုပ်စာမျှသော ရှေ့နေများ၊ နိုင်ငံရေး သမားများနှင့် တက်ကြွလှုပ်ရှားသူများက ကလေးအပေါ် လိင်ပိုင်းဆိုင်ရာ ကျူးလွန်သူများကို ပြစ်ဒဏ်တိုးပေးနိုင်မည့် ဥပဒေတရပ် ပြုပြင်ပြောင်းလဲပေးရန် တောင်းဆိုနေကြသည်။ သို့သော် ယခုအချိန်အထိ တရားခံများအား ထိရောက်သော ပြစ်ဒဏ်ပေးသည့် ဥပဒေ ပြဋ္ဌာန်းနိုင်ရေးကြိုးစားမှု မအောင်မြင်ခဲ့။

တက်ကြွလှုပ်ရှားသူများက သက်ငယ်မုဒိန်းမှု ကျူးလွန်သူများကို သေဒဏ်ပေးရန် ဖိအားပေး တောင်းဆိုကြသော်လည်း လက်ရှိ လွှတ်တော်အမတ်များအနေဖြင့် ဥပဒေပြဋ္ဌာန်းပေးရန် တွန့်ဆုတ်နေကြ သောကြောင့် အခြေအနေမှာ သောင်မတင်ရေမကျ ဖြစ်နေပါသည်။

အမျိုးသားဒီမိုကရေစီသစ်ပါတီမှ ပြည်သူ့လွှတ်တော်အမတ် ဦးသိန်းညွန့်က ကလေးများအား လိင်ပိုင်ဆိုင်ရာ ကျူးလွန်သူများကို သေဒဏ်ပေးသည်အထိ ပြစ်ဒဏ်တိုးချရန် လွန်ခဲ့သည့်နှစ်များက စတင်ကာ ကြိုးပမ်းခဲ့သော်လည်း မအောင်မြင်သေး။ ၄င်းက လွှတ်တော်တွင် ဥပဒေပြင်ဆင်နိုင်ရေး ၃ ကြိမ် တင်ခဲ့သော်လည်း ပယ်ချခံခဲ့ရသည်ချည်း ဖြစ်သည်။ ၂၀၁၅ ခုနှစ် နိုဝင်ဘာလ ရွေးကောက်ပွဲတွင် လွှတ်တော်အမတ်အဖြစ် ပြန်လည်အရွေးမခံရသော်လည်း ကလေးသူငယ် မုဒိမ်းမှုဆိုင်ရာ ပြစ်ဒဏ်အရေးနှင့် ကလေးသူငယ်ဥပဒေ ပြင်ဆင်နိုင်ရေးအတွက် ဆက်လက်ကြိုးပမ်းသွားမည်ဖြစ်ကြောင်း ဧရာဝတီသို့ ပြောဆိုထားသည်။

၎င်းက “ကလေးမုဒိမ်းမှုတွေကို နည်းပေါင်းစုံနဲ့ တားဆီးခဲ့ကြပေမယ့် မအောင်မြင်ခဲ့ဘူး၊ တိုးပဲတိုးလာတယ်၊ ဒီအတွက် အကြောက်တရားနဲ့တားဆီးမှပဲ ရတော့မယ်၊ ဒါကြောင့် သေဒဏ် ပေးကိုပေးရတော့မယ်၊ သေဒဏ် တယောက်ပေးလိုက်တာဟာ ကလေး ၂ သောင်းလောက်ကို ကာကွယ်ပြီးသား ဖြစ်သွားမယ်” ဟု ဆိုသည်။

စစ်တွေမြို့ရှိ ကျူးလွန်ခံရသည့် ကလေး၏ မိသားစုဝင်များကို အကူအညီပေးနေသည့် လူမှုရေး တက်ကြွလှုပ်ရှားသူ ဒေါ်ကျော့စိန်က လိင်ပိုင်းဆိုင်ရာ ကျူးလွန်သူအား စစ်ခုံရုံးသို့ လွှဲပြောင်းခဲ့ခြင်းကို မကျေနပ်ခဲ့ပါ။ အဆိုပါဖြစ်ရပ် စစ်တွေမြို့တွင်း ဂယက်ရိုက်ခတ်ခဲ့သလို သက်ငယ်မုဒိမ်းမှု ကျူးလွန်သူများအား သေဒဏ်ပေးသင့်သည်ကို ဒေါ်ကျော့စိန်ကလည်း သဘောတူသည်။

ရခိုင်အလင်းတံခါးအဖွဲ့မှ ဥက္ကဋ္ဌ ဒေါ်ကျော့စိန် က “ကလေးမုဒိမ်းမှုတွေ ပပျောက်ဖို့ သေဒဏ်ပေးတဲ့ ဥပဒေ တရပ်မဖြစ်မနေ လိုအပ်နေပါပြီ၊ တကယ့်ကို အရေးတကြီး လိုအပ်နေတယ်၊ တယောက်လောက် သေဒဏ်ပေးပြလိုက်မှပဲ နောက်လူတွေ မလုပ်ရဲဖြစ်တော့မှာပါ၊ သေဒဏ်ပေးတဲ့ဥပဒေ ပေါ်ပေါက်လာဖို့လည်း တောင်းဆိုသွားဖို့ရှိပါတယ်” ဟု ဧရာဝတီကို ပြောသည်။

လူ့အခွင့်အရေးနှင့် ပတ်သက်သည့် အမှုများတွင် ရှေ့နေလိုက်ပေးနေသော ရှေ့နေကြီး ဦးရောဘတ်စန်းအောင်က သေဒဏ်ပေးခြင်းက ပြစ်မှုကျူးလွန်ခြင်းအတွက်သာဖြစ်ပြီး မြန်မာနိုင်ငံ၏ တည်ငြိမ်သည့် အခြေအနေကို ကာကွယ်ရန်လိုအပ်ကြောင်း ဧရာဝတီသို့ ပြောသည်။

၎င်းက “ကလေးမုဒိမ်းမှုတွေ အတော်များလာနေတယ်၊ ဒီတော့ ကြီးလေးတဲ့ပြစ်ဒဏ်ပေးဖို့ လိုအပ်သလို၊ သေဒဏ်ဆိုတာဟာလည်း လက်ခံပေးရမယ့် အခြေအနေဖြစ်နေတယ်၊ မှတ်လောက်သားလောက်အောင် အပြစ်ပေးဖို့လိုနေပြီ၊ ဘာဖြစ်လို့လည်းဆိုတော့ ကလေးမုဒိမ်းမှု တိုးပွားလာတာဟာ နိုင်ငံတော်ရဲ့ တည်ငြိမ်အေးချမ်းမှုကိုပါ ထိခိုက်စေလို့ပါ” ဟု ဆိုသည်။

ကလေးသူငယ် လိင်ပိုင်းဆိုင်ရာ ကျူးလွန်မှုများအတွက် ပြစ်ဒဏ်ကြီးမားစွာ ချမှတ်ရန် သဘောတူ ကြသော်လည်း သေဒဏ်ချမှတ်ခြင်းကို မထောက်ခံသည့် အမြင်များလည်းရှိသည်။ ထိုသူတို့က လိင်ပိုင်း ဆိုင်ရာ ကျူးလွန်မှုမရှိရအောင် ပညာပေးခြင်းနှင့် ကလေးများလိင်ပိုင်းဆိုင်ရာ ချိုးဖောက်ခံရမှုမှ ကာကွယ်ပေးနိုင်မည့် နည်းလမ်းများအပေါ် အာရုံစိုက် လုပ်ဆောင်သင့်သည်ဟု ဆိုကြသည်။

“သေဒဏ်ဆိုတာက အင်မတန်ကြောက်စရာကောင်းတဲ့ ဝေါဟာရဖြစ်တယ်။ သက်ငယ်မုဒိမ်းမှုဆိုတာ လုံးဝကို မရှိအပ်တဲ့ ပြစ်မှုတွေဖြစ်တာမို့ ကြိုတင်ကာကွယ်ခြင်းနဲ့ ကြီးလေးတင်းကျပ်တဲ့ ဥပဒေတော့ မဖြစ်မနေ လိုအပ်ပါတယ်” ဟု ရခိုင်အမျိုးသားပါတီမှ အမျိုးသားလွှတ်တော် ကိုယ်စားလှယ် ဒေါ်ထုမေက ဆိုသည်။