Friday, September 30, 2016

မော်လမြိုင်-ရေး-ထားဝယ်ဓါတ်အားလိုင်းစီမံကိန်းအား ADB ၏ ချေးငွေဖြင့် ဆောင်ရွက်မည်

မင်းပိုင်


အာရှဖွံဖြိုးရေးဘဏ် ADB ၏ ချေးငွေရရှိပါက မော်လမြိုင်-ရေး-ထားဝယ်ဓါတ်အားလိုင်းနှင့် ဓါတ်အားခွဲရုံးစီမံ ကိန်းများအား စတင်အကောင်အထည်ဖော်သွားမည်ကြောင်း စက်တင်ဘာ ၂၆ ရက်နေ့က ကျင်းပသည့် ဒုတိ ယအကြိမ် ပြည်သူ့လွှတ်တော်ပုံမှန်အစည်းအဝေးတွင် လျှပ်စစ်နှင့် စွမ်းအင်ဝန်ကြီးဌာန ဒုတိယဝန်ကြီး ဒေါက် တာထွန်းနိုင်က ပြောကြားသည်။

မွန်ပြည်နယ် ရေးမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါက်တာအောင်ထွန်းခိုင်က လျှပ်စစ်မီး မရရှိ သေးသော ရေးမြို့နယ်အား လာမည့်ဘဏ္ဍာနှစ်အတွင်း မဟာဓါတ်အားလိုင်းမှ လျှပ်စစ်မီးသွယ်တန်းပေးနိုင်ရေး အစီအစဉ် ရှိ/မရှိ မေးမြန်းမှုအပေါ် ဒုဝန်ကြီးက ယင်းကဲ့သို့ ပြန်လည်ဖြေကြားထားခြင်းဖြစ်သည်။

ပြည်ထောင်စုအစိုးရအဖွဲ့အစည်းအဝေး အမှတ်စဉ် ၈/၂၀၁၆ အရ ADB မှ ဓါတ်အားလိုင်းစီမံကိန်း ၃ ခုအတွက် လျာထားချီးငွေ အမေရိကန်ဒေါ်လာ သန်း ၅၀ဝ အောက်မှ အဆိုပါစီမံကိန်းကို ထည့်သွင်း၍ အဆိုပြုလွှာပေးပို့ခဲ့ ပြီး ADB နှင့်ဆွေးနွေးညှိနှိုင်းရာတွင် ADB မှ စီမံကိန်းအား ကူညီထောက်ပံ့မည်ဖြစ်ကြောင်း လွှတ်တော်တွင် ဝန်ကြီး၏ ဖြေကြားချက်အရ သိရသည်။

“သို့သော် လိုအပ်သည့် ချေးငွေပမာဏမှာ ၄င်းတို့က ထုတ်ချေးနိုင်သည့်ပမာဏ ကန့်သတ်ထားမှုရှိသည့် အ တွက် ထပ်မံလိုအပ်မည့် ချေးငွေများကို ထုတ်ချေးပေးနိုင်မည့် မိတ်ဖက်ငွေချေးမည့်သူအား ရှာဖွေသင့် ကြောင်း၊ ထို့သို့ရှာဖွေရာတွင် ၄င်းတို့ကလည်း အကူအညီပေးမည်ဖြစ်ကြောင်း သဘောထားမှတ်ချက် ပြန်ကြားခဲ့တယ်” ဟု ချေးငွေနှင့် ပတ်သက်၍ ဒေါက်တာထွန်းနိုင်က ထည့်သွင်းပြောကြားခဲ့သည်။

၂၃၀ ကေဗွီအဆင့်ရှိ အဆိုပါစီမံကိန်းအတွက် အတိုးနှုန်းမပါ တွက်ချက်ထားသည့် ခန့်မှန်းကုန်ကျစရိတ်မှာ အမေရိကန်ဒေါ်လာသန်းပေါင်း ၁၀၃.၄ သန်းဖြစ်ပြီး ADB ၏ အတိုးနှုန်းမှာ ဆိုင်းငံ့ကာလ ၈ နှစ်အတွင်း တစ် ရာခိုင်နှုန်းနှင့် ပြန်ဆပ်ကာလ ၂၄ နှစ်အတွင်း အတိုးနှုန်းမှာ ၁.၅ ရာခိုင်နှုန်းဖြစ်ကြောင်း သိရသည်။

ယခင်အစိုးရက တရုတ်နိုင်ငံ Exim Bank ဘဏ်၏ ချေးငွေဖြင့် ဆောင်ရွက်ရန် လျာထားခဲ့သော်လည်း ချေးငွေ ဆိုင်ရာ လုပ်ထုံးလုပ်နည်းအရ အချိန်ကြန့်ကြာခြင်း၊ အတိုးနှုန်းများခြင်းနှင့် တရုတ်နိုင်ငံထုတ်ကုန်ပစ္စည်းများ သာ ဦးစားပေးဝယ်ယူရခြင်းတို့ကြောင့် စီမံကိန်းကို တရုတ်နိုင်ငံချေးငွေဖြင့် ဆက်လက်ဆောင်ရွက်ရန် မသင့် လျော်သဖြင့် လက်ရှိအစိုးရသစ်က ပယ်ဖျက်ခဲ့ခြင်းဖြစ်ကြောင်း သိရသည်။

မွန်ပြည်နယ်ရှိ ၉ မြို့နယ်တွင် လျှပ်စစ်မီးရရှိနေပြီးဖြစ်သော်လည်း ရေးတစ်မြို့နယ်တည်းသာ လျှပ်စစ်မီးမရရှိ သေးကြောင်း၊ ထို့အပြင် ပထမအကြိမ်လွှတ်တော်သက်တမ်းတွင် ရေးမဲဆန္ဒနယ် ပြည်သူ့လွှတ်တော် ကိုယ် စားလှယ်က လွှတ်တော်သို့ သုံးကြိမ်တိုင်တိုင် မေးမြန်းမှုရှိခဲ့သော်လည်း ယခုအချိန်အထိ လျှပ်စစ်မီးရရှိခြင်းမရှိ သေးကြောင်း ဒေါက်တာအောင်ထွန်းခိုင်က ထည့်သွင်းပြောကြားခဲ့သည်။

ချေးငွေများ ရရှိပါက တည်ဆောက်ရေးလုပ်ငန်းများ စတင်အကောင်အထည်ဖော်သွားမည်ဖြစ်ပြီး ရေးမြို့နယ် လျှပ်စစ်ဓါတ်အားရရှိရေးအတွက် ဝန်ကြီးဌာနအနေဖြင့် ဆက်လက်ကြိုးစားသွားမည်ဖြစ်ပါကြောင်း လျှပ်စစ်နှင့် စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်က ဖြေကြားခဲ့သည်။

လက်ရှိရေးမြို့နယ်အတွင်း ပုဂ္ဂလိကလျှပ်စစ်မီးဖြန့်ဖြူပေးနေသော မြတ်သူရထွန်းကုမ္မဏီအနေဖြင့် ရေးမြို့ပေါ်ရပ် ကွက် (၉) ရပ်ကွက်နှင့် ချောင်းတောင်၊ အစင်၊ ဓမင်းဆိပ်၊ အဘော်၊ ဇီးဖြူတောင်၊ ဒူရားကျေးရွာတို့၌သာ (၁) ယူနစ်ကို (၃၅၀) ကျပ်နှုန်းဖြင့် ၂၄ နာရီ လျှပ်စစ်မီးများ ဖြန့်ဖြူပေးလျှက်ရှိကြောင်း သိရသည်။

ညနေပိုင်းမိုးလေ၀သခန့်မှန်းချက် (၃၀.၀၉.၂၀၁၆)


ဆားမလောက် အရက်အဆီချက်စက်ရုံ ပိတ်သိမ်းပစ်ရန် ရှိ မရှိ တိုင်းအစိုးရအား လွှတ်တော်ကိုယ်စားလှယ်မေး

စည်သူမောင်မောင်

ညောင်တုန်းမြို့နယ်ရှိ အရက်ချက်စက်ရုံ ကျသင့် အခွန်ငွေ မှန်ကန်စွာ မပေးသွင်းဘဲ လည်ပတ်နေသော အရက်ချက် စက်ရုံမှ ရေဆိုး အညစ်အကြေးများ တာဝန်မဲ့ စွန့်ပစ်နေမှုကြောင့် စက်ရုံပိတ်သိမ်း အရေးယူရန် ရှိမရှိ နှင့် တိုင်းဒေသကြီး အစိုးရအဖွဲ့အနေဖြင့် မည့်ကဲ့သို့ စီမံဆောင်ရွက်ထားသည်သိရှိလိုကြောင်း တိုင်းဒေသကြီး လွှတ်တော်တွင် မေးခွန်း မေး မြန်းခဲ့သည်။

စက်တင်ဘာလ ၃၀ ရက်နေ့က ဒုတိယအကြိမ် ဧရာဝတီတိုင်းဒေသကြီး လွှတ်တော် တတိယ ပုံမှန်အစည်းဝေးတွင် ညောင်တုန်းမြို့နယ် တိုင်းဒေသကြီး ကိုယ်စားလှယ် ဒေါ်နီနီမိုးက မေးမြန်းခဲ့ခြင်း ဖြစ်သည်။

" စက်ရုံသည် လူနေရပ်ကွက်အတွင်း ဖြစ်ခြင်း၊ ပန်းလှိုင်မြစ်ကို မေးတင်တည်ဆောက်ထားခြင်း၊ မူလတန်းကျောင်း၊ ဘုန်း ကြီး ကျောင်းနှင့် ကပ်လျက်ရှိခြင်း၊ ရဲစခန်းနှင့် မျက်နှာခြင်းဆိုင် တောင်သူလယ်သမား ဆေးရုံ၏ မလှမ်းမကမ်းရှိနေခြင်း စည်ပင်သာယာ ဥပဒေ စက်ရုံ အလုပ်ရုံများ ဥပဒေ၊ ဒေသန္တရ ကျန်းမာရေး ဥပဒေ၊ သဘာဝပတ်ဝန်းကျင် ထိမ်းသိမ်းရေး ဥပဒေ၊ ကျေးရွာ အက်ဥပဒေတို့နဲ့ မညီဖြစ်နေကြောင်း” ညောင်တုန်းမြို့နယ်တိုင်းဒေသကြိ်းကိုယ်စားလှယ် ဒေါ်နီနီမိုးက လွှတ်တော်တွင် ဆွေးနွေးခဲ့သည်။

ကျားမင်းကြီး(KMG)၊ မန်းရွှေရီ(MSY)၊ ဆားမလောက်(SML) စက်ရုံ ၃ရုံ ခေါင်းတိုင် ၆ တိုင်အား ၁၂ နာရီ 1duty လျှင် ဂါလံ ၉၀၀၀ ကျ စက်ရုံဖြစ်ပြီး တစ်နေ့ အနည်းဆုံး ဂါလံ ၁၈၀၀၀ ထွက်ရှိနေသော် လည်း နိုင်ငံတော်သို့ ဂါလံ၆၀၀၀ နှုန်းဖြင့် သာ အခွန်ဆောင်နေကြောင်း ကြားသိရကြောင်း ဒေါ်နီနီမိုးက လွှတ်တော်တွင် ပြောကြားခဲ့သည်။

ညောင်တုန်းမြို့နယ်၊ ဆားမလောက်ကျေးရွာ ပန်းလှိုင်မြစ်ဘေး မြေ ၄ဧက ပေါ်တွင် ၂၀၀၉ခုနှစ် စက်တင်ဘာလ စတင် လည်ပတ်သော် အရက်အဆီချက်စက်ရုံဖြစ်သည်။

အဆိုပါ မေးခွန်းနှင့် ပတ်သက်၍ တိုင်းဒေသကြီးအစိုးရအဖွဲ့ဝင် လမ်းပန်းဆက်သွယ်ရေး စက်မှုလက်မှုစွမ်းအင် ဝန်ကြီး ဦးဝင်းဌေး က "ကျွန်တော်တို့ အစိုးရအဖွဲ့က စစ်ဆေးခြင်း ညွန်ကြားခြင်းများ ပြုလုပ်ထားပါတယ်၊ အဖွဲ့ဖွဲ့ပြီးစေလွှတ်ခဲ့ ပါ တယ်။ စွန့်ပစ်ပစ္စည်းများကို လုပ်ထုံးလုပ်နည်းနဲ့ မညီလျှင်ပိတ်သိမ်းဖို့ ညွန်ကြားခဲ့ပါတယ်၊ ဒေသခံပြည်သူတွေ အကျိုးစီး ပွား အလို့ဌာ စက်ရုံ ဒီနေရာမှာ ဆက်လက်လည်ပတ်ရန်မသင့်တော်ဘူးဆိုရင် ပြည်ထောင်စုအစိုးရအဖွဲ့ ညွန်ကြားချက်နဲ့ တိုင်းဒေသကြီးအစိုးရအဖွဲ့ကြိုးစားမှုနဲ့ နည်းလမ်းမှန်စွာနဲ့ စက်ရုံကိုပိတ်သိမ်းတယ်အထိ ကြိုးစား ဆောင်ရွက်မည်”ဟု ပြန်လည်ဖြေဆိုခဲ့သည်။

ထို့ပြင် စက်ရုံအား ၂၆ရက်နေ့က ပိတ်သိမ်းထားပြီး ဆက်လက်လည်ပတ်နေပါက ထိရောက်စွာအရေးယူမည်ဖြစ်ကြောင်း ဝန်ကြီးက ဆက်လက်ပြောဆိုခဲ့သည်။

ကျူရှင်စနစ် တလွဲအသုံးမပြုသင့်ဘူးလို့ ပညာရေးအသိုင်းအဝိုင်းက ပြော


မန္တလေး အသံချဲ့စက်အမှု နေ့စဉ် ရုံးထုတ်ကြားနာနေ

ဇာနည်မာန်


မန္တလေးမြို့ မဟာအောင်မြေမြို့နယ်အတွင်းရှိ ဓမ္မာရုံတခုမှ ဝတ်ရွတ်နေချိန်တွင် အသံချဲ့စက်ကြိုးများကို ဆွဲဖြုတ်ပစ်ခဲ့သည့် နယ်သာလန်နိုင်ငံသား ကမ္ဘာလှည့်ခရီးသည်ကို တရားရုံးတင်စစ်ဆေးမှုများ ပြုလုပ်နေပြီဖြစ်သည်။

၎င်း နယ်သာလန်နိုင်ငံသား Klaas Hijtema ကို ဗုဒ္ဓဟူးနေ့က မဟာအောင်မြေမြို့နယ် တရားရုံးတွင် စတင်ရုံးထုတ်ခဲ့သည်။ တရားလိုများဖြစ်သည့် မဟာအောင်မြေမြို့နယ် အလုပ်သမားနှင့် လူဝင်မှုကြီးကြပ်ရေးရုံးမှ အရာရှိများ၊ အခင်းဖြစ် ဓမ္မာရုံမှ ဝတ်ရွတ်အသင်းခေါင်းဆောင်အပါအဝင် တရားလိုပြ သက်သေများကို နေ့စဉ် ဆက်တိုက် စစ်ဆေးမှုများ ပြုလုပ်နေပြီ ဖြစ်သည်။

ပြီးခဲ့သည့်အပတ် သောကြာနေ့ညတွင် အခင်းဖြစ် ဓမ္မာရုံအတွင်း ဝတ်ရွတ်အသင်းမှ ပရိတ်ရွတ်ဖတ်နေစဉ် ဓမ္မာရုံနှင့် မျက်နှာချင်းဆိုင်ရှိ ဟိုတယ်တွင် တည်းခိုနေသော အဆိုပါ နယ်သာလန် နိုင်ငံသားသည် ဆူညံသည်ဟုဆိုကာ အသံချဲ့စက်ကြိုးများကို ဝင်ရောက် ဖြုတ်ပစ်ခဲ့ကြောင်း၊ ဓမ္မာရုံတွင်း ဝင်ရောက်ချိန်တွင် ဖိနပ်လည်း စီးထားကြောင်း တရားလိုများက ရုံးတော်တွင် ထွက်ဆိုခဲ့ကြသည်။

အဆိုပါ အသက် ၃၀ အရွယ် နယ်သာလန် နိုင်ငံသားကို အလုပ်သမားနှင့် လူဝင်မှု ကြီးကြပ်ရေးဌာနက ဗုဒ္ဓဘာသာနှင့် ရိုးရာထုံးတမ်းဓလေ့ကို နှောင့်ယှက်သည်ဆိုကာ ပြည်ဝင်ခွင့် ဗီဇာစည်းကမ်းချိုးဖောက်မှုဖြင့် တရားစွဲဆိုထားသလို၊ ဓမ္မာရုံ ဝတ်ရွတ်အသင်းခေါင်းဆောင်မှလည်း သာသနာညိုးနွမ်းစေမှုပုဒ်မဖြင့် တရားစွဲဆိုထားသည်။

ဗုဒ္ဓဟူးနေ့ အမှုကြားနာချိန်တွင် Klass Haijtema က ၄င်းသည် မြန်မာနိုင်ငံ၏ ဘာသာရေးနှင့် ရိုးရာယဉ်ကျေးမှုတို့ကို နှောင့်ယှက်ရန် တမင်ရည်ရွယ်၍ ပြုမူခဲ့ခြင်း မဟုတ်ကြောင်း၊ ၄င်း၏ အပြုအမူများကြောင့် အနှောင့်အယှက်များ ဖြစ်သွားရသည့်အပေါ် များစွာ စိတ်မကောင်းဖြစ်မိကြောင်း ရုံးတော်တွင် ထွက်ဆိုခဲ့သည်။

“ကျနော် ဒီအဆောက်အအုံကို ဘာသာရေးအဆောက်အအုံဆိုတာ မသိခဲ့ပါဘူး။ အဲဒီညက ကျနော်အရမ်းပင်ပန်းနေတယ်။ ဆူညံသံတွေကြားရတော့ နိုးလာတယ်။ ကလေးတွေ ဆော့နေတယ်ထင်ပြီး အရမ်းစိတ်တိုသွားတာပါ” ဟု ၎င်း၏ ဘာသာပြန်ကတဆင့် ရုံးတော်သို့ ထွက်ဆိုသည်။

“အဲဒါနဲ့ အဲဒီအဆောက်အအုံထဲဝင်သွားပြီး အသံချဲ့စက်ကြိုးတွေ ဖြုတ်ပစ်လိုက်တယ်။”

ဧရာဝတီသတင်းဌာနက တရားခွင်အပြီးတွင် အဆိုပါ ဖြစ်ရပ်နှင့် ပက်သတ်၍ ထပ်မံမေးမြန်းခဲ့သော်လည်း Klaas Haijtema က ဘာမျှထပ်မပြောလိုကြောင်းသာ ပြောခဲ့သည်။

အကယ်၍ Klaas Haijtema သည် ပြစ်မှုကျူးလွန်ကြောင်း ထင်ရှားပါက လူဝင်မှုကြီးကြပ်ရေး အက်ဥပဒေ ပုဒ်မ ၁၃(၁) ဖြင့် အနည်းဆုံး ထောင်ဒဏ် ၆လမှ အများဆုံး ၅နှစ်အထိနှင့် သာသနာတော် ညှိးနွမ်းစေမှု ပုဒ်မ ၂၉၆ နှင့် ထောင်ဒဏ် ၂နှစ် ကျခံရနိုင်သည်။

၎င်းကို လက်ရှိတွင် မန္တလေး အိုးဘိုထောင်၌ ထိန်းသိမ်းထားသည်။

မြန်မာနိုင်ငံ၏ လူဦးရေ ၉၀ရာခိုင်နှုန်းနီးပါးမှာ ဗုဒ္ဓဘာသာဝင်များ ဖြစ်ကြပြီး ဘာသာရေးဆိုင်ရာ အထွတ်အမြတ်ထားရာ နေရာများတွင် ဖိနပ်စီးခြင်းနှင့် ဘာသာရေး ဓလေ့ထုံတမ်းများကို လေးစားလိုက်နာမှုမရှိခြင်း၊ ဖျက်ဆီးခြင်းတို့က ဘာသာရေးထိပါးစော်ကားခြင်းအဖြစ် ရှုမြင်ခံရနိုင်သည်။

Klaas Haijtema သည် ဗုဒ္ဓဘာသာကို အသရေဖျက်မှုအတွက် တရားစွဲခံရသော ပထမဆုံး နိုင်ငံခြားသားမဟုတ်ပါ။ ပြီးခဲ့သည့်နှစ်က မြန်မာနိုင်ငံတွင် နယူးဇီလန်နိုင်ငံသား ဘားမန်နေဂျာ Philip Blackwood သည် ၄င်း၏ ဘားတွင် လျော့ဈေးဖြင့် ရောင်းချမည့် အချိန်အပိုင်းအခြားများကို ကြော်ငြာရန် ဗုဒ္ဓ ရုပ်ပုံအားဒီဂျေ နားကြပ်တပ်ဆင်ထားသည့် ဓာတ်ပုံကို ဖေ့ဘုတ်စာမျက်နှာတွင် ဖြန့်ဝေခဲ့သည်။ ထို့ကြောင့် Philip Blackwood သည် ထောင်ဒဏ် ၂နှစ်ခွဲ ကျခံခဲ့ရပြီး ယခုနှစ်အစောပိုင်းတွင် လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့သည်။

မြန်မာနိုင်ငံတလွှားတွင် ဘာသာရေးနှင့် စီးပွားရေး အခင်းအကျင်းများ၌ အသံချဲ့စက်များ ကျယ်လောင်စွာ အသုံးပြုခြင်းကို ဝေဖန်ခံနေရသော အချိန်တွင် ယခု နယ်သာလန်နိုင်ငံသား အမှုမှာလည်း အချိန်ကိုက် ဖြစ်ပေါ်လာခဲ့ခြင်း ဖြစ်သည်။

မနက်အစောပိုင်းနှင့် ညနေပိုင်းများတွင် အလှူပွဲများ ပြုလုပ်ခြင်းနှင့် ဘာသာရေး အခမ်းအနားနှင့် ဓလေ့ထုံးတမ်းကိစ္စရပ်များ ဆောင်ရွက်သောအခါ သံယာတော်များနှင့် ၀တ်ပြုသူများမှာ အသံချဲ့စက်များကို လိုအပ်သည်ထက် စူးရှ ကျယ်လောင်စွာ အသုံးပြုခြင်းနှင့် ပတ်သတ်၍ ပြည်သူများ၏ စောဒကတက်မှုများ ရှိနေပါသည်။ ဗလီများမှ မွတ်စလင်ဘာသာဝင် ၀တ်ပြုသူများအား ဝတ်ပြုချိန်အတွက် နိုးဆော်ရာ၌ အသံချဲ့စက်ကို အသုံးပြုကြသည်ကိုလည်း ထောက်ပြဝေဖန်မှုများက ရှိနေသည်။

မြန်မာနိုင်ငံ၏ ရပ်ကွက်နှင့် ကျေးရွာအုပ်ချုပ်ရေး ဥပဒေအရ အသံချဲ့စက် အသုံးပြုသူများသည် ဒေသခံအာဏာပိုင်ထံမှ ခွင့်ပြုချက်ရရှိရန် လိုအပ်သော်လည်း အထက်ဖော်ပြပါ အခြေအနေများတွင် အများပြည်သူ စိတ်အနှောက်အယှက်ဖြစ်စေခြင်းကို ဂရုမပြုကြဘဲ၊ အထူးသဖြင့် ဘာသာရေးနှင့် ဆက်နွယ်သော အခင်းအကျင်းများတွင် ထိုစည်းမျဉ်းစည်းကမ်းများကို လိုက်နာမှု မရှိကြပေ။

Klaas Haijtema ၏သတင်း ထွက်ပေါ်လာသောအခါ လူမှုမီဒီယာတွင် ပျံ့နှံသွားခဲ့ပြီး ဝေဖန်မှုများဖြင့် လူအများ စိတ်ဝင်စားခဲ့ကြသည်။

“အသံချဲ့စက် အသုံးပြုသူတွေအတွက် စည်းမျဉ်းစည်းကမ်းတွေ ပြန်ပြီး သုံးသပ်ဖို့ အချိန်ရောက်ပါပြီ။ ဘယ်သူပဲ ဖြစ်ဖြစ် ဒီဆိုးရွားတဲ့ အသံအနှောက်အယှက်တွေကနေ မလွတ်မြောက်နိုင်ကြဘူး။”ဟု ဖေ့ဘုတ်စာမျက်နှာတွင် ဝေဖန်စာတခုက ရေးသားဖော်ပြထားသည်။

ကရင်ပြည်နယ်မှာ တကျော့ပြန်စစ်ပွဲ တွေဟာ ဟက်ကြီးဆည်ကြောင့်ဖြစ်


ဧရာဝတီတိုင်းအတွင်းရှိ စည်းကမ်းမလိုက်နာသည့် ရေနံချက်ဖိုများကို အရေးယူရန်အဆိုတင်

စည်သူမောင်မောင်

မြန်အောင်မြို့နယ်၊ ကြံခင်းမြို့နယ်နှင့် အင်္ဂပူမြို့နယ်အတွင်းရှိ ပုဂ္ဂလိက ရေနံချက် လုပ်ငန်း များကြောင့် သဘာဝပတ်ဝန်းကျင် ထိခိုက်မှုနှင့် သစ်တောပြုန်းတီးမှုများရှိနေသည့်အတွက် စည်းကမ်းလိုက်နာခြင်း မရှိသော ရေနံချက်ဖိုများအား တိုင်းဒေသကြီးအစိုးရအနေဖြင့် ထိရောက်စွာ အရေးယူဆောင်ရွက်ပေးရန်နှင့် ဖျက်သိမ်းပေးရန် တိုက်တွန်းကြောင်း အ ဆိုကို မြန်အောင်မြို့နယ် တိုင်းဒေသကြီး ကိုယ်စားလှယ် ဒေါ်စုစုအောင် ဧရာဝတီတိုင်းဒေသကြီး လွှတ်တော်တွင် တင် သွင်းလိုက်သည်။

စက်တင်ဘာလ ၃၀ ရက်နေ့က ဒုတိယအကြိမ် ဧရာဝတီတိုင်းဒေသကြီး လွှတ်တော် တတိယပုံမှန်အစည်းဝေးတွင် တင်သွင်းခဲ့ခြင်း ဖြစ်ပြီး ယင်းအဆိုအားလွှတ်တော်တွင် ဆက်လက်ဆွေးနွေးသွားမည် ဖြစ်သည်။

"ကျွန်မတို့ မြန်အောင်မြို့နယ်မှာ တခြားတိုင်းက လာရောက်လုပ်ကိုင်ပါတယ် ၊ သူတို့ ရေနံဖိုကရှိတယ်။ စွန့်ပစ်ပစ္စည်း တွေက ဒေသမှာရှိနေတယ်။ ပြည်သူတွေ အတွက် အရမ်းကို ထိခိုက်နေပါတယ်၊ ရေနံဖိုတစ်ဖိုချက်ရန် ၃ရက် အထိ ချက်ရပါတယ်၊ အလျား ၁၈ ပေ အနံ ၆ပေ အမြင့် ၃ပေ ထင်းပုံ ၂၂ပုံကို အသုံးပြုရပါတယ်၊ ကျွန်မ ဒေသအတွင်းမှာ ၅၀ ရာနှုန်းကျော် ၆၀ ရာနှုန်း ထင်းများပြုန်းတီးခဲ့ရပြီး ၊ သူတို့ ရေနံချက်ဖိုကနေ စွန့်ပစ်ပစ္စည်းတွေက ကျွန်မတို့ လယ်ယာ မြေလုပ်ကိုင်တယ် သဘာဝရေမြောင်းတွေက စွန့်ပစ်ပါတယ်၊ လူတွေကို အဓိက ဒုက္ခပေးတယ် ပေါ့စတစ်နဲ့ အက်စက် တွေပါတယ်။ အဲဒါမို့ ရေနံဖိုတွေဖျက်သိမ်းပေးဖို အဆိုတင်သွင်းတာ ဖြစ်တယ်" ဟု အဆိုရှင်မြန်အောင်မြို့နယ် ကိုယ်စား လှယ်ဒေါ်စုစုအောင်က မဇ္ဈိမသို့ပြောသည်။

စွမ်းအင်ဝန်ကြီးဌာနမှ နိုင်ငံတော်စီးပွားရေး လုပ်ငန်းများ ဥပဒေပုဒ်မ (၃)၊ ပုဒ်မခွဲ (၈)ပါ ကိစ္စရပ်များ နှင့် စပ်လျဉ်း၍ ဒေသန္တာရရေနံချက် လုပ်ခြင်းလုပ်ငန်းကို စနစ်တကျဆောင်ရွက်နိုင်ရန် နိုင်ငံတော်ပိုင် စီးပွားရေးလုပ်ငန်းများ ဥပဒေ ပုဒ်မ (၁၁)အရ အပ်နှင်းထားသော လုပ်ပိုင်ခွင့်ကို ကျင့်သုံး၍ ထုတ်ပြန်ထားသော စည်းကမ်းချက် (၁၈)ချက်အား လိုက်နာပြီး ထင်းမသုံးစွဲ ကတိဖြင့် ပြန်လည်ရေနံချက်လုပ်ခွင့်ပြုထားသော်လည်း လိုက်နာ ကျင့်သုံးမှုမရှိပဲ နေ့အခါ လောင်စာ တောင့်များဖြင့် ဟန်ပြမီးမသေရုံ ချက်လုပ်ပြီး ညအခါ ထင်းများ အသုံးပြုနေကြောင်း ဒေသခံပြည်သူများနှင့် ရေနံဖို များအား စောင့်ကြည်စစ်ဆေးရန် ဖွဲ့စည်းထားသော ဒေသခံ ကော်မတီအဖွဲ့များ တင်ပြချက်များကြောင်း သိရှိရကြောင်း အဆိုရှင် ဒေါ်စုစုအောင်က တိုင်းဒေသကြီးလွှတ်တော်တွင် ဆွေးနွေးခဲ့သည်။

"ရေနံချက်ဖိုများသည် သက်ဆိုင်ရာ တရားဝင့ခွင့်ပြုချက်၊ အထောက်အထားလိုင်စင်မရှိခြင်း၊စည်းကမ်းချက်ပါ အချက် များ အား လိုက်နာခြင်းမရှိပဲ ချက်လုပ်နေပြီး၊ ရေနံဖို့များထွက်ရှိသော စွန့်ပစ်ပစ္စည်းများကို စည်းကမ်းမဲ့ စွန့်ပစ်ရာ ရေ မြောင်းအတွင်း သို့ရောက်၍ ပတ်ဝန်ကျင်နယ်မြေများ မြေသားများကို ပျက်စီးစေနိုင်ကြောင်း ဒေသခံပြည်သူများ နစ်နာ ဆုံးရှုံးမှုများနှင့် ရင်ဆိုင်နေရသည်” ဟု မြန်အောင်မြို့နယ်တိုင်းဒေသကြီး ကိုယ်စားလှယ် ဒေါ်စုစုအောင်က လွှတ်တော် တွင် ဆွေးနွေးခဲ့သည်။

ယင်းအဆိုအား တိုင်းဒေသကြီးအစိုးရအဖွဲ့ဝင် လမ်းပန်းဆက်သွယ်ရေး စက်မှုလက်မှု စွမ်းအင် ဝန်ကြီးက ထောက်ခံ ဆွေးနွေးခဲ့ပြီး လွှတ်တော်တွင် ဆက်လက်ဆွေးနွေးသွားမည် ဖြစ်သည်။

၂၀၁၆-၂၀၁၇ ခုနှစ် ဘဏ္ဍရေးနှစ် မူလခန့်မှန်းခြေ ဖြည့်စွက်ခွင့်ပြုငွေနဲ့ ပြုပြင်ြ


မွန်ပြည်နယ်တွင် ခွင့်ပြုလမ်းခင်းကျောက်မိုင်းလုပ်ငန်း ၈၈ ခုရှိနေ

မွန်ထော

မွန်ပြည်နယ်တွင် လမ်းခင်းကျောက်ထုတ်လုပ်ရန် ၂၀၁၅/၂၀၁၆ ဘဏ္ဍာနှစ်အတွင်း ပြည်ထောင်စုအစိုးရ တရားဝင်ခွင့်ပြုထားသည့် လမ်းခင်းကျောက်မိုင်း ၈၈ ခု ရှိသည်ဟု ပြည်ထောင်စုအစိုးရ ပြည်ထဲရေးဝန်ကြီးဌာန ဒုဝန်ကြီး ဗိုလ်ချုပ် စိုးအောင်က အမျိုးသားလွှတ်တော် ဒုတိယပုံမှန်အစည်းအဝေး ၃၇ ရက်မြောက်နေ့တွင် ဖြေကြားချက်အရ သိရသည်။

အဆိုပါ ကျောက်မိုင်းလုပ်ငန်းများသည် ရေးမြို့နယ်တွင် ၁၃ ခု၊ ကျိုက်မရောမြို့နယ် ၄ ခု၊ သထုံမြို့နယ် ၅ ခု၊ ကျိုက်ထိုမြို့နယ် ၄၄ ခု နှင့် ပေါင်မြို့နယ် ၂၂ ခု တို့ဖြစ်သည်။

ဒုတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေး ၃၇ ရက်မြောက်နေ့တွင် မွန်ပြည်နယ် အတွင်း ရှိ ကျောက်ထုတ်လုပ်ရေးမိုင်းများအား တရားဝင်ခွင့်ပြုချက် ရှိ/မရှိ နှင့် ပြန်လည်စိစစ် စစ်ဆေးပေးရန် ရှိ/မရှိ မွန်ပြည်နယ်၊ အမျိုးသား လွှတ်တော်ကိုယ်စားလှယ် အမှတ် ၁၀ မဲဆန္ဒနယ်မှ ဦးစိုးသီဟ က မေးမြန်းခဲ့ခြင်း ဖြစ်သည်။

ပြည်ထဲရေး-ဒုဝန်ကြီး က “ကျောက်မိုင်းထုတ်လုပ်ရာတွင် တရားဝင် ခွင့်ပြုချက်ရှိ/မရှိ ကွင်းဆင်းစစ်ဆေးလျှက်ရှိပြီး တရားမဝင် ဓါတ်သတ္တုတူးဖော်မှု မရှိစေရေးအတွက် ခရိုင်/မြို့နယ်အလိုက် ဌာနဆိုင်ရာ မြို့နယ်အလိုက် တာဆီးရေးကော်မတီများဖွဲ့စည့်ထားပြီး တရားဝင်ခွင့်ပြုချက်ရှိ/မရှိ ရှောင်တခင် ဝင်ရောက်စစ်ဆေးလျှက်ရှိသည်” ဟု ပြန်လည် ဖြေကြားခဲ့သည်။

တရားမဝင်လုပ်ကိုင်မှုတွေကို တာဝန်ရှိသူတွေ စစ်ဆေးတွေ့ရှိတာပဲဖြစ်ဖြစ် သို့မဟုတ် ဒေသခံပြည်သူများ၏ ဆန္ဒအရ တင်ပြလာမှု စစ်ဆေးပေါ်ပေါက်လာပါက သက်ဆိုင်ရာအစိုးရအနေနဲ့ တည်ဆဲဥပဒေအရ အရေးယူ ဆောင်ရွက်သွားမည်ဟု ပြည်ထဲရေး ဒုဝန်ကြီးက ဆက်လက်ဖြေကြားထားသည်။

ပေါင်မြို့နယ်တွင် လမ်းခင်းကျောက်ထုတ်လုပ်နေသည့်ကျောက်မိုင်း ၃၇ မိုင်းရှိသည့်အနက် တရားဝင်ခွင့်ပြုချက် ရရှိထားသည့် ကျောက်မိုင်း ၂၄ မိုင်းသာရှိပြီး တခြားမြို့နယ်တွင်လည်း တရားဝင်ခွင့်ပြုချက်ရရှိထားမှု မရှိသည့် ကျောက်မိုင်း အများပြားတွေ့ရှိနေသည်ဟု အမျိုးသား လွှတ်တော်ကိုယ်စားလှယ် ဦးစိုးသီဟက ထည့်သွင်းမေးမြန်းခဲ့သည်။

ဦးစိုးသီဟ က “မွန်ပြည်နယ်မှာတရားဝင်ကျောက်မိုင်းတွေရှိသလို တရားမဝင်ကျောက်မိုင်းတွေကလည်း အများ ကြီးရှိတယ်။ တချို့မိုင်းတွေ သစ်တောက ခွင့်ပြုချက်ရရှိထားပေမယ့် တချို့မိုင်းတော်တော်များတွေက MIC ခွင့်ပြုချက်တွေ မရထားဘူး။ တချို့မိုင်းတွေကလည်း စည်းမျည်းစည်းကမ်းနဲ့ မညီညွတ်တာလဲ အများကြီး နေရှိတယ်” ဟု ဆိုသည်။

မွန်ပြည်နယ်၊ ပေါင်မြို့နယ်၊ ဥတ္တံတားကျေးရွာ၊ ကလယ်မတောင်ပေါ်ရှိ Long Life ကုမ္မဏီက ထုတ်လုပ်သည့် ကျောက်မိုင်းသည် စမ်းချောင်းနှစ်ကြားပေါ်ရှိ ကျောက်ပြင်တွင် တည်ဆောက်ထားပြီး ကျောက်မိုင်းခွဲခြင်းကြောင့် ကျောက်သားနံရံများ ကွဲအက်ကာ တောင်အောက်နေ လူနေရပ်ကွက်သို့ ကျရောက်လာမည့် အန္တရာယ်ကိုလည်း ရွာသူရွာသားများ စိုးရိမ်နေရကြောင်း၊ ကျောက်မိုင်းခွဲမှုကြောင့် မြေအောက်ရေကြောများ ပျောက်ဆုံးသွားသည့်အတွက် ရွာအတွင်းရှိ ရေတွင်း ရေကန်များသည်လည်း ရေခန်းခြောက်လျှက် ရှိနေကြောင်း ဦးစိုးသီဟ က ဆက်ပြောသည်။

ပေါင်မြို့နယ်၊ ဥတ္တံတားကျေးရွာ၊ ကလယ်မတောင်ပေါ်ရှိ ကျောက်ထုတ်လုပ်နေသည့် Long Life Aggregate Mining Co.Ltd လုပ်ငန်း ဖျက်သိမ်းပေးရန်၂၀၁၆ ခုနှစ်၊ ဇွန်လ ၅ ရက်တွင် ဒေသခံ ၅၀ဝ ခန့်က ဥတ္တံတားရွာမှ Long Life ကျောက်မိုင်းကုမ္ပဏီအထိ လမ်းလျှောက်ဆန္ဒဖော်ထုတ်ပွဲ ပြုလုပ်ခဲ့သည်ကို တွေ့ရသည်။

အခြေခံပညာကျောင်း (၅၀) ကျော်ကို ဖွင့်လှစ်ဖို့ပိတ်ပင်


ဇီကာဗိုင်းရပ်စ်ကြောင့် ကိုယ်ဝန်ဆောင်များ ခရီးမသွားသင့်သည့် နိုင်ငံများစာရင်းတွင် မြန်မာပါဝင်နေ

TIME

လတ်တစ်လောတွင် ဇီကာဗိုင်းရပ်စ်ကူးစက်မှုအန္တရာယ်ကြောင့် ကိုယ်ဝန်ဆောင်မိခင်များ ခရီးမသွားသင့်သည့် အရှေ့တောင်အာရှနိုင်ငံများစာရင်းကို အမေရိကန်ကထုတ်ပြန်လိုက်ရာတွင် မြန်မာနိုင်ငံလည်း ပါဝင်နေလျက်ရှိသည်။

ဗိုင်းရပ်စ်ပိုးကူးစက်ခံရနိုင်ချေ ရှိသဖြင့် အရှေ့တောင်အာရှဒေသနှင့် မော်လ်ဒိုက်နိုင်ငံသို့ မလိုအပ်ဘဲ ခရီးမသွားကြရန် အမေရိကန် ကျန်းမာရေး တာဝန်ရှိသူများက ကိုယ်ဝန်ဆောင်မိခင်များအား သတိပေးခဲ့သည်ဟု ဆိုသည်။

အမေရိကန်ရောဂါထိန်းချုပ်ကာကွယ်ရေးစင်တာ CDC က ထုတ်ပြန်လိုက်သော ၁၁ နိုင်ငံစာရင်းတွင် မြန်မာ၊ ဘရူနိုင်း၊ ကမ္ဘောဒီးယား၊ အင်ဒိုနီးရှား၊ လာအို၊ မလေးရှား၊ မော်လ်ဒိုက် ၊ ဖိလစ်ပိုင်၊ ထိုင်း၊ တီမော နှင့် ဗီယက်နမ် တို့ ပါဝင်နေသည်။

စက်တင်ဘာ ၂၉ ရက်က CDC က ထုတ်ပြန်လိုက်သော အကြံပြုချက်တွင် အထက်ပါအရှေ့တောင်အာရှနိုင်ငံများသို့ သွားရောက်ရန် စီစဉ်ထားသည့် ခရီးစဉ်များကို မလိုအပ်ဘဲ ရွှေ့ဆိုင်းဖျက်သိမ်းလိုက်ရန်သာ ညွှန်ကြားထားခြင်းဖြစ်သည်။

ဇီကာပိုးကူးစက်မှုများပြားနေသော ဘရာဇီးနှင့် စင်ကာပူ တို့တွင် ထုတ်ပြန်ထားသော အထူးစခရီးသွားသတိပေးချက်မျိုးကဲ့သို့ ယခုအချိန်ထိ အထက်ပါနိုင်ငံများအတွက် ထုတ်ပြန်ရသေးခြင်းမရှိသေးဘဲ အကယ်၍ ဖြစ်ပွားမှုနှုန်း မြင့်တက်လာခဲ့ပါက ယင်းအထူးသတိပေးချက်မျိုး ထုတ်ပြန်ရန် စဉ်းစားသွားမည်ဟု CDC ကထုတ်ပြန်ပြောကြားသွားသည်။

လူနေရပ်ကွက် တခုမှာ ရေနံပိုက်လိုင်း ပေါက်


ဆီအုန်းကုမ္ပဏီများ၏ တရားစွဲဆိုမှု ရုပ်သိမ်းရန် ဒေသခံများတောင်းဆို

ဇူးဇူး


စစ်ဘေးဒဏ်ကြောင့် ပြည်တွင်းနေရပ်စွန့်ခွာသူများ (IDPs)ကို ဆီအုန်းစီမံကိန်းများအတွင်း ကျူးကျော်သည်ဟု စွပ်စွဲကာ ဆီအုန်းကုမ္ပဏီများက တရားစွဲဆိုထားမှုအား ပြန်လည်ရုပ်သိမ်းပေးရန် ထားဝယ်နှင့်မြိတ်ဒေသခံ IDPs များက တောင်းဆိုလိုက်သည်။

ယနေ့ စက်တင်ဘာ ၂၉ ရက်က ရန်ကုန်မြို့ရှိ မြန်မာဂျာနယ်လစ်ကွန်ရက်ရုံးခန်း တွင်ပြုလုပ်သည့် တနင်္သာရီတိုင်းအတွင်းရှိ IDPs များက စစ်ပွဲအလွန်ကာလတွင် ၎င်းတို့ကြုံတွေ့နေရသည့် အခက်အခဲများ၊ စိန်ခေါ်မှုများ နှင့်ပတ်သက်သော သတင်းစာရှင်းလင်းပွဲ၌ အထက်ပါအတိုင်း တောင်းဆိုလိုက်ခြင်း ဖြစ်သည်။

တရားစွဲဆိုခံရသူ ဌာနေတိုင်းရင်းသားများမှာ တရားရုံးချိန်းတိုင်း မြို့နယ်တရားရုံးသို့ လာရသောကြောင့် အလုပ်အကိုင်ပျက်ကာ မိသားစု စားဝတ်နေရေး ခက်ခဲခြင်း၊ စိတ်အနှောက်အယှက်ဖြစ်ရခြင်းနှင့် စိုးရိမ်ပူပန်ကြောက်ရွံ့မှုများကို ခံစားနေရကြောင်း တရားစွဲဆိုခံထားရသူ ကျေးဇူးတော်ရွာသား စောမျိုးမင်းက ရှင်းပြသည်။

စောမျိုးမင်းက “ကျနော်တို့ ဘိုးဘွားပိုင်တဲ့မြေနေရာတွေကို တရားဝင် ပြန်ရချင်တယ်။ ကျနော်တို့ အခု ရင်ဆိုင်နေရတဲ့ အမှုကို ပိတ်ပေးဖို့တောင်းဆိုတယ်။ နောက်ပြီး ကျနော်တို့လို တခြားသော IDPs တွေ ပြန်လာမယ်ဆိုရင်လည်း ခုလိုမျိုးတရားစွဲဆို မခံရစေချင်ဘူး” ဟု ဧရာဝတီကို ပြောသည်။

၁၉၉၂ ခုနှစ်တွင် တပ်မတော်နှင့် ကရင်အမျိုးသားအစည်းအရုံး (KNU) တို့အကြား ဖြစ်ပွားခဲ့သည့်စစ်ပွဲကြောင့် ကျေးဇူးတော်ရွာသားများ ရေး- ထားဝယ်လမ်းမကြီးသို့ ပြောင်းရွှေ့ခဲ့ရပြီးနောက် ၂၀၁၂ အပစ်ခတ်ရပ်စဲရေးပြီးကာလတွင် ကရင်တိုင်းရင်းသားရေးရာဝန်ကြီး ဦးစောဟာဗီ၏ ခွင့်ပြုချက်ဖြင့် မူလရွာဟောင်းနေရာသို့ ရွာသားများ ပြန်လည်ဝင်ရောက် နေထိုင်ခဲ့ကြောင်း၊ ယခုအခါ လူဦးရေ ၁၆၀ ကျော်ရှိကြောင်း ဒေသခံများက ပြောသည်။

မြိတ်မြို့နယ်အတွင်းရှိ ဘန်မဲ့နှင့် တုံးဗျောကျေးရွာနေ ဌာနေတိုင်းရင်းသားများသည် ၁၉၉၇ ခုနှစ်တွင် ရွာတိုက်ပွဲကြောင့် ရွာနှင့် ၅ မိုင်ဝေးကွာသော မြိတ်- တနင်္သာရီကားလမ်းသို့ ပြောင်းရွှေ့ခြင်းခံခဲ့ရပြီး ၂၀၁၂ မှစတင်ကာ ပြန်လည်အခြေချ နေထိုင်ခွင့်ရခဲ့ကာ ယခုအခါ စုစုပေါင်းလူဦးရေ ၉၀၀ ကျော် ရှိကြောင်း သိရသည်။

၂၀၁၆ ခုနှစ်၊ စက်တင်ဘာ ၂၃ ရက်တွင် ရွှေပဒုမ္မာထုတ်လုပ်မှုလုပ်ငန်းကုမ္ပဏီမှ ထားဝယ်ခရိုင်အတွင်းရှိ ကျေးဇူးတော်ရွာ သား ၄ ဦးကို ပိုင်နက်ကျူးလွန်မှု ပုဒ်မ ၄၄၇ ဖြင့်လည်းကောင်း၊ ၂၀၁၆ ခုနှစ်၊ ဇူလိုင် ၂၇ ရက်တွင် အေးရှားဝေါလ် (Asia World) ကုမ္ပဏီမှ မြိတ်မြို့နယ်အတွင်းရှိ ဘန်မဲ့နှင့်တုံးဗျောကျေးရွာမှ ရွာသား ၂ ဦးကို ပုဒ်မ ၄၄၇ နှင့် အကျိုးပျက်စီးစေမှု ပုဒ်မ ၄၂၇ တို့ဖြင့် တရားစွဲဆိုခဲ့ခြင်း ဖြစ်ကြောင်း တရားစွဲဆိုခံရသူများဘက်မှ ရှေ့နေလိုက်ပေးနေသည့် မြိတ်ရှေ့နေကွန်ရက် မှ တရားလွှတ်တော်ရှေ့နေ စဧရာဝင်း က ရှင်းပြသည်။

တရားလွှတ်တော်ရှေ့နေ စဧရာဝင်းက “ရွာသူရွာသားတွေက လျော်ကြေးမလိုချင်ဘူး။ ကိုယ်ပိုင်ဆိုင်တဲ့မြေယာကို ပြန်လိုချင် တဲ့သဘောပဲ။ လျော်ကြေးလည်း အခုအချိန်အထိ တစုံတရာပေးအပ်ခဲ့ခြင်းမရှိတဲ့အတွက် အယုံအကြည်တော့ မရှိတော့ဘူး” ဟု ဆိုသည်။

ဆက်လက်၍ ၎င်းက ယခုဖြစ်စဉ်များနှင့်ပတ်သက်၍ တိုင်းဒေသကြီးအစိုးရအဖွဲ့ထံသို့ တင်ပြထားပြီး သက်ဆိုင်ရာဌာန အသီးသီးထံသို့လည်း ပူးတွဲတင်ပြထားကြောင်း ပြောသည်။

တရားစွဲခံရသူများအား လိုက်လံကူညီပေးသူ တနင်္သာရီမိတ်ဆွေ အဖွဲ့မှ နော်ပီသလောကလည်း မြေလွတ်မြေလပ်နှင့် မြေရိုင်းများစီမံခန့်ခွဲရေး ဗဟိုကော်မတီအနေဖြင့် လုပ်ပိုင်ခွင့်နှင့် စိုက်ပျိုးပြီးစီးမှုကို ကွင်းဆင်းစစ်ဆေးပြီး မစိုက်နိုင်သည့် မြေများကို မူရင်းပိုင်ရှင်ထံ ပြန်လည်ပေးအပ်ရန် အစိုးရတာဝန်ရှိသူများမှ ဆောင်ရွက်ပေးစေလိုကြောင်း အကြံပြုသည်။

တနင်္သာရီမိတ်ဆွေအဖွဲ့သည် ကျေးလက်ဒေသဖွံ့ဖြိုးရေးကို အဓိကဆောင်ရွက်ပေးနေသော ထားဝယ်အခြေစိုက် အရပ်ဖက်အဖွဲ့အစည်းတခုဖြစ်သည်။

ဆီအုန်းလုပ်ကိုင်ခွင့်ရသော ကုမ္ပဏီများအနေဖြင့် ရရှိထားသောဧကများတွင် သတ်မှတ်ထားသည့် ရာခိုင်နှုန်းပြည့်စိုက်ပျိုး ခြင်းရှိမရှိ အစိုးရက ကော်မတီတရပ်ဖွဲ့ကာ စနစ်တကျပြန်လည်စစ်ဆေးကြီးကြပ်ရမည်ဖြစ်ကြောင်း နေပြည်တော်၊ စိုက်ပျိုး ရေးဦးစီးဌာန၊ နှစ်ရှည်သီးနှံဌာနခွဲမှ လက်ထောက်ဦးစီးမှူး ဦးစောမင်းအောင်က ပြောသည်။

ရွာသားများကို တရားစွဲခဲ့သည့် ရွှေပဒုမ္မာထုတ်လုပ်ရေးကုမ္ပဏီသည် ၁၉၉၉ တွင် ဆီအုန်းစိုက်ပျိုးရန် ကျေးဇူးတော်ကျေးရွာအတွင်း ၆၁၁ ဧက၊ ၂၀၀၄ ခုနှစ်တွင် ဧက ၁၂၀၀ ကို ဆီအုန်းတိုးချဲ့ စိုက်ပျိုးရန် ကြိုတင်လုပ်ကိုင်ခွင့်ရရှိခဲ့ကြောင်း၊ ၂၀၀၀ ခုနှစ်တွင် အေးရှား ၀ါးလ်ကုမ္ပဏီသည် မြိတ်ခရိုင်၊ မြိတ်မြို့နယ်အတွင်းရှိ ဘန်မဲ့နှင့် တုံးဗျောကျေးရွာ ဧရိယာအပါအ၀င် ဆီအုန်းစိုက်ပျိုးရန် ၉၀၁၂ ဒဿမ ၆၈ ဧက ခွင့်ပြုချက်ရခဲ့သော်လည်း ယခုအချိန်အထိ ရာခိုင်နှုန်းပြည့် စိုက်ပျိုးမှုမရှိကြောင်း သိရသည်။

ခရီးသည် တင်ယာဉ် နဲ့ FAW ကားတိုက်မိပြီး ထိခိုက်ဒဏ်ရာရသူ ၁၉ ယောက်တို့ ဆေးရုံတင်


၂၀၁၆ ခုနှစ် ရန်ကုန်တိုင်းဒေသကြီး ဘဏ္ဍာငွေ အရအသုံးဆိုင်ရာ ဥပဒေအား ပြင်ဆင်သည့် ဥပဒေကြမ်းကို လွှတ်တော် သို့ တင်သွင်း

ဇေယျာမော်

၂၀၁၆ ခုနှစ် ရန်ကုန်တိုင်းဒေသကြီး အစိုးရ၏ ဘဏ္ဍာငွေ အရအသုံးဆိုင်ရာ ဥပဒေကို ပြင်ဆင်သည့် ဥပဒေကြမ်း တစ်ခုကို ရန်ကုန်တိုင်းဒေသကြီး အစိုးရအဖွဲ့က စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက တိုင်းဒေသကြီး လွှတ်တော် တွင် တင်သွင်းလိုက်သည်။

စက်တင်ဘာလ ၂၉ ရက်နေ့ နံနက်ပိုင်းက စတင်ကျင်းပသည့် ဒုတိယအကြိမ် ရန်ကုန်တိုင်း ဒေသကြီး လွှတ်တော် တတိယ ပုံမှန်အစည်းဝေး ပထမနေ့တွင် တိုင်းဒေသကြီး အစိုးရအဖွဲ့ကိုယ်စား တင်သွင်းခဲ့ခြင်း ဖြစ်သည်။

"အဓိကအားဖြင့် နှစ်ချက်ပါပဲ။ ၀န်ကြီးဌာန အမည်ပြောင်းလဲခြင်းနဲ့ ဦးစီးဌာနတွေရဲ့အမှတ်စဉ် ၀ါစဉ်ပြောင်း လဲခြင်း ဖြစ် ပါတယ်" ဟု ဦးမြင့်သောင်းက လွှတ်တော်သို့ အဆိုတင်သွင်းစဉ် ပြောဆိုခဲ့သည်။

အဆိုပါ တင်သွင်းသည့် ဥပဒေကြမ်းကို လွှတ်တော်အစည်းအဝေး ဒုတိယနေ့တွင် ဥပဒေကြမ်း ကော်မတီ၏ အစီရင် ခံ စာအား လွှတ်တော်သို့ တင်ပြသွားရန် ရန်ကုန်တိုင်းဒေသကြီး လွှတ်တော်ဥက္ကဌက အတည်ပြုပေးခဲ့သည်။

ဒုတိယအကြိမ် ရန်ကုန်တိုင်းလွှတ်တော် တတိယ ပုံမှန်အစည်းဝေး ပထမနေ့တွင် မေးခွန်း (၈)ခု မေးမြန်းခဲ့ပြီး အဆိုနှစ်ခု တင်သွင်းခဲ့ကာ အစည်းအဝေးဒုတိယနေ့ကို အောက်တိုဘာလ ၃ ရက်နေ့တွင် ပြန်လည်ကျင်းပသွားမည်ဖြစ်သည်။

Aim Star Network ကို တရားစွဲဆိုနိုင်ရေး လက်မှတ်တွေကို သတင်းမီဒီယာ ကောင်စီကိုတင်


ကေအိုင်အေဌာနချုပ်အနီး တိုက်ပွဲများအပြင်းအထန်ဖြစ်ပွားနေ

နော်နိုရင်း


ကချင်လွတ်လပ်ရေးတပ်ဖွဲ့ (ကေအိုင်အေ) ဌာနချုပ်လိုင်ဇာအနီး အခုရက်ပိုင်းတွေအတွင်း အစိုးရတပ်ရဲ့ ထိုးစစ်ဆင်တိုက်ခိုက်မှုတွေကြောင့် ရင်ဆိုင်တိုက်ပွဲတွေ ဆက်တိုက်ဖြစ်ပွား နေပါတယ်။

ကေအိုင်အေဌာနချုပ်အနီးက အင်ခါဘွန် တောင်အနီးမှာ တိုက်ပွဲဖြစ်ပွားနေတာဖြစ်ပြီး စက်တင်ဘာ ၂၈ ရက်နေ့ကလည်း အစိုးရဘက်က လက်နက်ကြီးတွေနဲ့ ပစ်ခတ်တိုက်ခိုက်ခဲ့ တယ်လို့ ကေအိုင်အေပြောခွင့်ရသူတဦးဖြစ်တဲ့ ဗိုလ်မှူးကြီး နော်ဘိုက ပြောပါတယ်။

“အရင်ရက်ကတော့ နည်းနည်းလေးပြင်းထန်တယ်လို့ ပြောလို့ရတာပေါ့လေ။ တိုက်ပွဲ လည်း ဖြစ်တယ်။ လက်နက်ကြီးငယ်တွေနဲ့လည်း ပစ်ကြတယ်ဆိုတော့ ပြင်းထန်တယ်လို့ ပြောလို့ရပါတယ်။ ဒါပေမယ့် မနေ့ကနေ အခုထက်ထိကတော့ ပြန်ငြိမ်သွားတာ။ တိုက်ပွဲဖြစ်တာကတော့ နဂိုဖြစ်တဲ့ အင်ခါဘွန် ဆိုတဲ့နေရာမှာဖြစ်တာ။”

ကေအိုင်အေဌာနချုပ် လိုင်ဇာအနီးမှာ တိုက်ပွဲဖြစ်လာတာ ၁ လကျော်နေပြီဖြစ်ပြီး တပြည်လုံးပစ်ခတ်တိုက်ခိုက်မှုရပ်စဲနိုင်ဖို့ တိုင်းရင်းသားလက်နက်ကိုင်အဖွဲ့တွေနဲ့ အစိုးရ ဆွေးနွေးမှုတွေလုပ်ဆောင်နေပေမယ့် အခုလို ထိုးစစ်ဆင်တိုက်ခိုက်တာဟာ တပ်မတော်အနေနဲ့ နိုင်ငံရေး ဆွေးနွေးမှုကို မလိုလားတာဖြစ်တယ်လို့ ဗိုလ်မှူးကြီးနော်ဘိုက ဝေဖန်ပါတယ်။

“ရှင်းရှင်းလင်းလင်းပြောမယ်ဆိုရင်တော့ မြန်မာ့တပ်မတော်ဘက်ကတော့ နိုင်ငံရေး ဆွေးနွေးဖို့ဆိုတာ အစီအစဉ်မရှိဘူးလို့ ကျနော်အဲလိုပဲ မြင်ပါတယ်။ လက်နက်ကိုင်တိုင်းရင်းသား အဖွဲ့တွေ အားလုံးကို လက်နက်ချခိုင်းတယ်။ ဒါပဲ သူတို့က။ ဆိုတော့ ငြိမ်းချမ်းရေးတို့ နိုင်ငံရေး ဆွေးနွေးတာမျိုးကိုတော့ မလိုလားဘူးလို့ ကျနော်ယူဆမိတယ်လေ။”

ကေအိုင်အေဟာ ၁၉၉၄ မှာ အပစ်အခတ် ရပ်စဲရေး လက်မှတ် ထိုးခဲ့ပြီးနောက် အစိုးရက ကေအိုင်အေကို နယ်ခြားစောင့်တပ် အသွင်ပြောင်းဖို့ ဖိအားပေးခဲ့တဲ့အတွက် ၂၀၁၁ ခုနှစ် ဇွန်လမှာ တိုက်ပွဲတွေတကျော့ ပြန်လည်ဖြစ်ပွားခဲ့တာပါ။

၂၀၁၃ မေလမှာတော့ ကေအိုင်အိုနဲ့ အစိုးရအကြားငြိမ်းချမ်းရေး ဆွေးနွေးပွဲပြုလုပ်ခဲ့ပြီး နိုင်ငံရေး ဆွေးနွေးမှုဆက်လုပ်ဖို့၊ နှစ်ဖက်တပ်တွေပစ်ခတ်မှုတွေ လျှော့ချဖို့၊ တိုက်ပွဲတွေ ထပ်မဖြစ်အောင်ထိန်းသိမ်းဖို့၊ နှစ်ဖက်ကိုယ်စားလှယ်တွေပါဝင်တဲ့ စောင်ကြပ်ကြည့်ရှု ရေးအဖွဲ့ဖွဲ့ဖို့ စတဲ့ အချက် ၇ နှစ်ချက်ကို သဘောတူလက်မှတ်ထိုးထားပါတယ်။

(၃၇)ကြိမ်မြောက် အာဆီယံ ပါလီမန်များညီလာခံ ဒေါ်အောင်ဆန်းစုကြည်မိန့်ခွန်း


တိုင်း စည်ပင်ညွှန်ကြားရေးမှူး အပါအဝင် ဧရာဝတီတိုင်း စည်ပင်ဝန်ထမ်း ၄ ဦး သတိပေး လက်မှတ်ထိုးရ

စည်သူမောင်မောင်

ဧရာဝတီတိုင်းဒေသကြီး၊ စည်ပင်သာယာရေးဌာနမှ တိုင်းညွန်ကြားရေးမှူး အပါအဝင် စည်ပင်ဝန်ထမ်း ၄ ဦး ဧရာဝတီတိုင်း ဒေသကြီး ဝန်ကြီးချုပ်ရုံးတွင် စက်တင်ဘာလ၂၈ ရက်နေ့ သတိပေး လက်မှတ်ရေးထိုးခဲ့ရကြောင်း သိရသည်။

"ပထမ အစိုးရက ၃ ထပ်၂၈ ပေ ထက် ပိုမဆောက်ဖို့ညွန်ခဲ့တယ်၊ ကျွန်တော်တို့အစိုးရလက်ထက်လည်း သုံးထပ် ၂၈ ပေ ထက် ပိုမဆောက်ရလို့ညွန်ခဲ့တယ်။ ညွန်တယ်ကြားက ငါးထပ်ဖြစ်သွားတယ်၊ ဒါက စည်ပင်သာယာ ဝန်ထမ်းအဆင့် ဆင့် ကြီးကြပ်ကွပ်ကဲမှု အားနည်းလို့ တာဝန်မကျေလို့ဖြစ်ရတဲ့ ကိစ္စဆိုပြီး စုံးစမ်းစစ်ဆေးအဖွဲ့ဖွဲ့ပြီး အပြစ်ပေးခံရတယ်။ ဝန်ထမ်းတွေမှာ ကြီးကြပ်ကွပ်ကဲမှု ပေါ်လွင်သွားတယ်။ သူတို့ကို ဝန်ကြီးချုပ်ရုံးခန်းမှာ မှတ်တမ်းတင် သတိပေး ခံရတာပေါ့၊ တိုင်းအဆင့်ရယ်မြို့နယ် အဆင့်ရယ်။ ဝန်ထမ်းလေးယောက် အဆောက်အဦး ဆောက်လုပ်တာ ကြီးကြပ်မှု အားနည်းလို့” ဟု စည်ပင်သာယာရေးဝန်ကြီး ဦးကျော်မြင့်က မဇ္ဈိမကို အတည်ပြု ပြောသည်။

သတိပေးခံရသူများမှာ တိုင်းညွန်ကြားရေးမှူး၊ မြို့နယ် အလုပ်အမှုဆောင်၊ မြို့နယ် အင်ဂျင်နီယာနှင့် နယ်မြေ အင်ဂျင်နီယာတို့ဖြစ်ပြီး၊ အဆောက်အဦး ဆောက်လုပ်မှုတွင် တိုင်းဒေသကြီးအစိုးရ ခွင့်ပြုသည့် ထပ်ပိုဆောက်လုပ်ထား သည့်အ တွက် သတိပေးလက်မှတ်ရေးထိုးရခြင်း ဖြစ်သည်။

" အစိုးရက နှစ်​ကြိမ်​တိုင်​တိုင်​တား​နေတဲ့ကြားက ဆက်​ဆောက်တယ်။ ကန်ထရိုက်ကို အရေးယူမှုဆောင်ရွက်မှုများအား တိုင်းအစိုးရ ဆုံးဖြတ်​ချက်​ချအရေးယူကြောင်း၊ ဝန်ထမ်းများအား ခုမှ သတိပေးလက်မှတ်ထိုးခိုင်းတာ" ဟု ဧရာဝတီ တိုင်း​ဒေသကြီးအစိုးရအဖွဲ့ဝင်​ စည်​ပင်​သာယာ​ရေးဝန်​ကြီးဦး​ကျော်​မြင့်​က မဇ္ဈိမသို့ အ​ရေးယူ​ဆောင်​ရွက်​မှုအား​ပြောသည်​။

ပုသိမ်​မြို့၊အမှတ်​ ၅ရပ်​ကွက်​ ​ထောင်​ကုန်းလမ်းရှိ အကျဉ်း​ထောင်​အနီးတွင်​ ဆောက်လုပ့်နေသည့် အဆောက်အဦးအား ယခင် အစိုးရလက်ထက်တွင် သုံးထပ် ၂၈ပေအထိ ခွင့်ပြုခဲ့ပြီး အစိုးသစ်တွင်လည်း အဆိုပါ သတ်မှတ်ချက် သုံးထပ် ၂၈ ပေသာ ဆောက်လုပ်ခွင့် ပြုထားသော်လည်း အဆောက်အဦးမှာ ၅ ထပ်အထိ ဆောက်လုပ်ခဲ့ခြင်း ဖြစ်သည်။

နံနက်ပိုင်းလေ၀သခန့်မှန်းချက် (၃၀.၀၉.၂၀၁၆)


ကျောင်းသူ ၂ ဦးကို အဓမ္မပြုကျင့်သည့် ကျောင်းဆရာကို အရေးယူ

ဆလိုင်းသန့်စင်


ဧရာဝတီတိုင်းဒေသကြီး၊ ကျိုက်လတ်မြို့နယ်၊ ရွှေညောင်ပင်ကျေးရွာ အခြေခံပညာအလယ်တန်းကျောင်း(ခွဲ) မှ ၈ တန်းကျောင်းသူ ၂ ဦးကို စာသင်ကျောင်းအတွင်း၌ သားမယားအဖြစ် အကြိမ်ကြိမ် ပြုကျင့်သည်ဟုဆိုကာ သမိုင်းဘာသာရပ်သင် ဆရာဦးရန်နိုင်အား ရဲတပ်ဖွဲ့က စက်တင်ဘာလ ၂၇ ရက်နေ့ တွင် ဖမ်ဆီးအရေးယူထားကြောင်း သိရသည်။

ရွှေညောင်ပင် အလက(ခွဲ)မှ အသက် ၂၈ နှစ်အရွယ်ရှိသည့် သမိုင်းဘာသာရပ်သင်ဆရာ ဦးရန်နိုင်သည် ၎င်းစာသင်ကြားပေးနေသည့် အသက် ၁၅ နှစ် အရွယ်ကျောင်းသူတဦးကို ဆရာများနားနေခန်းအတွင်း ၅ ကြိမ် သားမယားပြုကျင့်ခဲ့ကြောင်း၊ အသက် ၁၄ နှစ်အရွယ်ကျောင်းသူတဦးကိုလည်း စာသင်ခန်းအတွင်း ၃ ကြိမ် သားမယားအဖြစ် ပြုကျင့်ခဲ့သည်ဟု စစ်ဆေးပေါ်ပေါက်ထားကြောင်း ကျိုက်လတ်မြို့မ စခန်းမှူး ဒုရဲမှူး ထင်အောင်က ဧရာဝတီကို ပြောသည်။

“အဲဒီဆရာက သူသင်တဲ့သမိုင်းဘာသာအတွက် ကျောင်းပိတ်ရက်မှာ အချိန်ပိုခေါ်တယ်။ အဲလို အချိန်ပိုခေါ်ပြီးတော့ တခြားကျောင်းသားတွေကို အခန်းထဲမှာ စာကျက်ခိုင်းထားပြီး ပထမကောင်မလေးကို အမှတ်ခြစ်ဖို့ဆိုပြီး ဆရာများနားနေခန်းကို ခေါ်ပြီးတော့ ဆရာ့မှာ သွေးသားနဲ့ပတ်သက်တဲ့ အကူအညီ လိုနေပါတယ်ဆိုပြီး ကလေးမလေးကို ပြောတယ်။ ကလေးမလေးက ငြင်းတော့ ဒီတခါထဲပါဆိုပြီး သားမယားအဖြစ် အဓမ္မပြုကျင့်တယ်။ အဲဒီလိုနဲ့ ၅ ကြိမ်တိုင် သားမယားပြုကျင့်ခဲ့တယ်”ဟု သူက ပြောသည်။

ကျောင်းဆရာဦးရန်နိုင်မှ အသက် ၁၅ နှစ်အရွယ် ကျောင်းသူကို ဇူလိုင်လအတွင်းက သားမယားအဖြစ် ၅ ကြိမ် ပြုကျင့်ခဲ့ပြီးနောက် ကညင်ကိုင်း ကျေးရွာမှ အသက် ၁၄ နှစ်အရွယ် ကျောင်းသူ တဦးကိုလည်း သြဂုတ်လအစောပိုင်းတွင် ညနေကျောင်းဆင်းချိန်များ၌ သားမယားအဖြစ် ၃ ကြိမ် ပြုကျင့်ခဲ့သည်ဟု စစ်ဆေးပေါ်ပေါက်ခဲ့ကြောင်း စခန်းမှူး ဒုရဲမှူး ထင်အောင်က ဆိုသည်။

“အဲဒီဆရာက ကညင်ကိုင်းရွာမှာနေတယ်။ ဒုတိယကလေးမလေးက သူနေတဲ့ ကညင်ကုန်းရွာကို တလမ်းထဲ ပြန်ကျတာဆိုတော့ ညနေကျောင်းဆင်းချိန်တွေမှာ ကျောင်းဆင်းချိန်မှာ စောင့်ပြီး အတူတူပြန်ကြတယ်။ အဲဒီမှာ ကလေးမလေးကို ၇ တန်းစာသင်ခန်းထဲကို ခေါ်ပြီးတော့ သားမယားအဖြစ်ပြုကျင့်တာဖြစ်တယ်”ဟု သူက ပြောသည်။

ဦးရန်နိုင်သည် ရွှေညောင်ပင်ရွာ အလက (ခွဲ) တွင် ၂၀၁၄ ခုနှစ် အောက်တိုဘာလက စတင်၍ တာဝန်ထမ်းဆောင်နေခြင်းဖြစ်ပြီး ယခင်က မအူပင်မြို့နယ် ရေနုတ်ချောင်း ကျောင်း၊ ဂင်္ဂါးကျောင်းများတွင် တာဝန်ထမ်းဆောင်ခဲ့ဖူးသူဖြစ်ကြောင်း သိရသည်။

“သားမယားအကျင့်ခံရတဲ့ ကျောင်းသူလေး ၂ ယောက်အကြောင်းကို အချင်းချင်း ပြောပြရာကနေ ကညင်ကိုင်းရွာက သူတို့နဲ့အတူတူ ကျောင်းတက်နေတဲ့ ၈ တန်းကျောင်းသူက သိသွားပြီးတော့ အိမ်ရောက်တဲ့အခါမှာ ဒီလိုအကျင့်မကောင်းတဲ့ဆရာဆီမှာ စာမသင်ချင်ဘူးဆိုပြီး လူကြီးတွေကို ပြောတယ်။ အဲဒါနဲ့ လူကြီးတွေက ဘယ်လိုဖြစ်တာလဲ မေးကြည့်တော့မှ သူ့သူငယ်ချင်း ၂ ယောက်ကို သမိုင်းစာသင်တဲ့ ဆရာဦးရန်နိုင်က ဒီလိုမျိုးတွေကျူးလွန်နေကြောင်း ပြောပြတော့မှ မိဘအချင်းချင်း ဖုန်းဆက်၊ ကလေးမတွေကို ချော့မေးတော့မှ ဒီအမှုက ပေါ်လာတာ”ဟု ကညင်ကိုင်းကျေးရွာမှ ဒေသခံတဦးက ပြောသည်။

ကျောင်းဆရာ ဦးရန်နိုင်မှ ကျောင်းသူ ၂ ဦးကို အကြိမ်ကြိမ် သားမယားပြုကျင့်ခြင်းကို အရေးယူပေးရန် ဖခင် ၂ ဦး၏ တိုင်တန်းချက်အရ ကျိုက်လတ်မြို့မရဲစခန်းမှ ပုဒ်မ ၃၇၆ ဖြင့် အမှုဖွင့်ကာ ဖမ်းဆီးထားကြောင်း သိရသည်။

အလုပ်သမား ဥပဒေတွေထဲက ဥပဒေတချို့ ပြန်လည်ပြင်ဆင်ဖို့ ၃ပွင့်ဆိုင် ဆွေးနွေး


စီမံကိန်းကာလကျော်လွန်ကာ ဆီအုန်း မစိုက်ပျိုးသည့် မြေဧက ၃ သိန်းကျော်ကို တိုင်းအစိုးရ ပြန်သိမ်းမည်

ရဲနိုင်(လောက်ကိုင်)

တနသာင်္ရီတိုင်း ဒေသကြီးအတွင်းရှိ ဆီအုန်းစိုက်ပျိုးရေးစီမံကိန်းကို စိုက်ပျိုး ရန် သတ်မှတ်ထားသည့် ၄ နှစ်ကျော်အ တွင်း မစိုက်ပျိုးသည့် မြေဧက ၃ သိန်းကျော်ကို တိုင်းဒေသကြီး အစိုးရမှ ပြန်သိမ်းရန် စီစဉ်နေကြောင်း တနသာင်္ရီတိုင်း ဒေသကြီး စိုက်ပျိုးမွေးမြူရေးနှင့် ဆည်မြောင်း ဝန်ကြီးဌာန ဝန်ကြီး ဦးမြင့်စန်းက မဇ္ဈိမသို့ ပြောသည်။

အစိုးရက ဆီအုန်းစိုက်ပျိုးရန် ချထားပေးသည့် မြေဧကမှာ ၅ သိန်းကျော်ရှိပြီး ယခုစိုက်ပျိုးရန် သတ်မှတ်ကာလ ပြည့် သည့်အတွက် သက်ဆိုင်ရာ မြေစာရင်းဌာနနှင့် ရပ်ကွက်အုပ်ချုပ်ရေးမှူးတို့ဖြင့် ကွင်းဆင်း စာရင်းကောက် သည့်အခါ မြေဧက ၂ သိန်းကျော်သာ စိုက်ပျိုးပြီးစီးပြီး မစိုက်ပျိုးရသေးသည့် မြေဧက ၃ သိန်းကျော်ကို ဥပဒေနှင့် အညီ ပြန်သိမ်း မည် ဖြစ်ကြောင်း ဝန်ကြီး ဦးမြင့်စန်းက ပြောသည်။

" တစ်ချို့ ကုမ္ပဏီတွေဆိုရင် လုံးဝကို မစိုက်ရသေးတာတွေရှိတယ်။ စာချုပ် စည်းကမ်းအရ လည်းကျော်သွားပြီ ဆိုတော့ မစိုက်ရသေးတဲ့ မြေတွေပြန်သိမ်းပြီးတော့ ဒေသခံတွေကို လုပ်နိုင်တဲ့ အတိုင်း အတာတွေ ခွဲပေးမယ်။ တခြားလုပ်ချင်တဲ့ ကုမ္ပဏီတွေရှိရင်လည်း ကျွန်တော်တို့က စီစဉ်ပြီးတော့ ခွင့်ပြုပေး သင့်ရင် ခွင့်ပြုပေးမှာပေါ့။ မြေအလကား မထားတော့ ဘူးပေါ့။" ဟု ၄င်းက ဆိုသည်။

လက်ရှိတွင် မြေနေရာများကို ပြန်သိမ်းရန်အတွက် သက်ဆိုင်ရာ ဗဟိုအစိုးရကို တင်ပြသွားမည်ဖြစ်ပြီး ခွင့်ပြု ချက် ရရှိပါ က ပြန်သိမ်းမည် ဖြစ်ကြောင်းနှင့် အဆိုပါမြေနေရာများတွင် ယခင်က နေထိုင်သူများ ဖြစ်သည့် စစ်ဘေးရှောင် ပြည်သူ များအတွက်လည်း ဥပဒေနှင့် အညီ မြေနေရာများ လုပ်ဆောင် ပေးသွားမည် ဖြစ်ကြောင်း ၄င်းက ဆက်လက်ပြောဆို သည်။

"အသေးစိတ်ကတော့ ပြန်ဆွေးနွေးရဦးမှာပေါ့နော်၊ တကယ်လိုအပ်နေတဲ့ ပြည်သူတွေကို နေရာပြန်ချပေးဖို့ အတွက် တော့ ကျွန်တော်တို့ စဉ်းစားနေပါတယ်" ဟု တနသာင်္ရီတိုင်းဒေသကြီး စီမံကိန်းနှင့် ဘဏ္ဍာရေးဝန်ကြီး ဦးဖြိုးဝင်းထွန်းက ပြောသည်။

စက်တင်ဘာလ ၂၉ရက်၊ ရန်ကုန်မြို့၊ ၃၆လမ်းရှိ မြန်မာဂျာနယ်လစ်ကွန်ရက်တွင် တနင်္သာရီတိုင်း အတွင်း စစ်ပွဲများ ကြောင့် နေရပ်စွန့်ခွာရသူများ၏ လက်ရှိအခက်အခဲများ၊ စိန်ခေါ်မှုများနှင့် ပတ်သတ်၍ သတင်းစာ ရှင်းလင်းပွဲတွင် ဒေသခံများ၏ပြောဆိုမှုနှင့် ပတ်သက်၍ တနသာင်္ရီ တိုင်းဒေကြီးအစိုးရအဖွဲ့ ဝန်ကြီးနှစ်ဦးအား မဇ္ဈိမက ဆက်သွယ် မေးမြန်းခဲ့ခြင်းဖြစ်သည်။

၂ဝ၁၂ ခုနှစ် အပစ်ခတ်ရပ်စဲပြီးကာလ တနသာင်္ရီတိုင်းအစိုးရအဖွဲ့ ကရင်တိုင်းရင်းသားရေးရာ ဝန်ကြီး ဦးစောဟာဗီ၏ ခွင့်ပြုချက်ဖြင့် အနှစ် (၂ဝ) ကျော် စစ်ဘေးရှောင်နေသော ဒေသခံပြည်သူများက မူလ ရွာ ဟောင်း နေရာများသို့ ပြန် လည် ဝင်ရောက်လာသော်လည်း အစိုးရက အဆိုပါမြေနေရာများကို ဆီအုန်း စီမံကိန်း ပြုလုပ်ခဲ့သည့်အတွက် ဒေသ ခံပြည်သူများ အနေဖြင့် နေထိုင်ရန်နှင့် လုပ်ကိုင်စားသောက်ရန်အတွက် အခက်အခဲများ ရှိနေကြောင်း တနသာင်္ရီ မိတ် ဆွေအဖွဲ့ တာဝန်ခံ ဒေါ်နော်ပီသလော ပြောပြချက်အရ သိရသည်။

ကနီမြို့နယ် ညောင်ပန်ဝန်းရွာအနီး ကြက်ခြံတွေက အနံဆိုးထွက်နေတဲပအပေါ်


အာဆီယံပါလီမန်များညီလာခံကို မြန်မာက အိမ်ရှင်အဖြစ် ပထမဆုံးအကြိမ် လက်ခံကျင်းပ

DVB


၃၇ ကြိမ်မြောက် အာဆီယံပါလီမန်များ အထွေထွေညီလာခံကို ဒီကနေ့မနက်က နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းစင်တာမှာ မြန်မာနိုင်ငံက ပထမဆုံးအကြိမ် အိမ်ရှင်အဖြစ် လက်ခံကျင်းပနေပါတယ်။

စက်တင်ဘာ ၃၀ ရက်နေ အောက်တိုဘာ ၃ ရက်ထိ ၃ ရက်ကြာကျင်းပမယ့် ဒီညီလာခံမှာ အာဆီယံနိုင်ငံတွေရဲ့ လွှတ်တော်အသီးသီးက အကြီးအကဲတွေ ဦးဆောင်ကာ လွှတ်တော်ကိုယ်စားလှယ်တွေက ဒေသတွင်း နိုင်ငံရေး၊ စီးပွားရေး၊ လူမှုရေး၊ အမျိုးသမီးနဲ့ ကလေးသူငယ်အရေး စတာတွေကို ဆွေးနွေးကြမှာ ဖြစ်ပါတယ်။

ဒီညီလာခံကို ဥက္ကဋ္ဌအဖြစ် မြန်မာနိုင်ငံက ပြည်ထောင်စုလွှတ်တော်နာယက မန်းဝင်းခိုင်သန်းက ဦးဆောင်ကျင်းပမှာဖြစ်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်လည်း မိန့်ခွန်းပြောကြားဖို့ ရှိနေပါတယ်။

ဒီနှစ် မြန်မာနိုင်ငံမှာကျင်းပတဲ့ အာဆီယံပါလီမန်များညီလာခံရဲ့ ဆောင်ပုဒ်ကတော့ အာဆီယံအသိုက်အဝန်း တိုးတက်ထွန်းကားရေး အာဆီယံပါလီမန်များ ညီလာခံက တက်ကြွလှုပ်ရှားပေးရေး ဖြစ်ပါတယ်။

ဒီညီလာခံနဲ့ဆက်စပ်ပြီး အမျိုးသမီးလွှတ်တော်ကိုယ်စားလှယ်များ အစည်းအဝေး (WAIPA) ကိုလည်း ကျင်းပဖို့ရှိနေရာမှာ သမ္မတဦးထင်ကျော်ရဲ့ဇနီး သုံးခွမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်စုစုလွင်က ဒီအစည်းအဝေး ကျင်းပရေးကော်မတီမှာ ဥက္ကဋ္ဌအဖြစ် ခေါင်းဆောင်ပါဝင်မှာ ဖြစ်ပါတယ်။

နှစ်စဉ်ကျင်းပတဲ့ ဒီညီလာခံတွေမှာ မြန်မာနိုင်ငံအနေနဲ့ အရင်က လွှတ်တော်တွေမရှိသေးတဲ့အတွက် လေ့လာသူအဖြစ်သာ တက်ရောက်နိုင်ခဲ့ပါတယ်။

၁၉၉၀ ပြည့် ရွေးကောက်ပွဲအနိုင်ရ ပြည်ပရောက်လွှတ်တော်အမတ်တွေလည်း ဒီညီလာခံမှာ လေ့လာသူအဖြစ် ပါဝင်တက်ရောက်ခဲ့ဖူးပါတယ်။

မြန်မာပြည်မှာ ၂ဝ၁၁ ခုနှစ် လွှတ်တော်တွေ ပြန်လည်ပေါ်လာချိန် နောက်ပိုင်းမှာတော့ တင်းပြည့်အဖွဲ့ဝင်အဖြစ် ညီလာခံမှာ ပါဝင်တက်ရောက်နိုင်ခဲ့ပြီး အခုနှစ်မှာ ညီလာခံကို ပထမဆုံးအကြိမ် အိမ်ရှင်အဖြစ် လက်ခံကျင်းပနိုင်ခဲ့တာပါ။

ဦးသိန်းမြင့်ဝေ(လက်ထောက်ညွန်ကြားရေးမှူး) စီးပွားကူးသန်းဝန်ကြီးဌာန


ဒေါ်အောင်ဆန်းစုကြည်ရဲ့ ဗြိတိန်နိုင်ငံနဲ့ အမေရိကန်နိုင်ငံ ခရီးစဉ်အကြောင်း တစေ့တစောင်း

စိုးနေလင်း


လာအိုနိုင်ငံ ဗီယန်ကျန်းမြို့တော်မှာ ကျင်းပခဲ့တဲ့ ၂၈ နဲ့ ၂၉ ကြိမ်မြောက် အာဆီယံ ထ်ိပ်သီးအစည်းအဝေးအပြီးမှာ မြန်မာနိုင်ငံ နိုင်ငံတော်အကြံပေးပုဂ္ဂိုလ်နဲ့ နိုင်ငံခြားရေးဝန်ကြီး ဒေါ်အောင်ဆန်းစုကြည်ဟာ သူ့ရဲ့ အမေရိကန်နိုင်ငံခရီးစဉ်ကို ဆက်လက်ထွက်ခွာခဲ့ရာမှာ ဗြိတိန်နိုင်ငံ လန်ဒန်မြို့ကို တထောက်နား ခရီးစဉ်အဖြစ် စက်တင်ဘာလ ၁၀ ရက် စနေနေ့ ဒေသစံတော်ချိန် ညနေ ၈ နာရီအချိန်မှာ ရောက်ရှိခဲ့ပါတယ်။

ဒေါ်အောင်ဆန်းစုကြည်ဟာ ဗြိတိန်နိုင်ငံမှာ ၂ ရက်ကြာ နေထိုင်ခဲ့ပြီး အဲဒီနောက်မှာတော့ ၇၁ ကြိမ်မြောက် ကုလသမဂ္ဂ အထွေထွေညီလာခံကြီးကို တက်ရောက်ဖို့နဲ့ အမေရိကန်သမ္မတ ဘာရက် အိုဘားမားရဲ့ ဖိတ်ကြားချက်အရ ၀ါရှင်တန်မြိ်ု့ကိုလည်း သွားရောက်လည်ပတ်မှာ ဖြစ်ပါတယ်။

ဒါဟာ ၂၀၁၅ ခုနှစ် နိုဝင်ဘာလမှာ ကျင်းပခဲ့တဲ့ အထွေထွေရွေးကောက်ပွဲကြီးမှာ သူ့ရဲ့ အမျိုးသားဒီမိုကရေစီအဖွဲ့ချုပ်က အပြတ်အသတ် မဲအနိုင်ရလို့ ဖွဲ့စည်းလိုက်တဲ့ အစိုးရအဖွဲ့မှာ နိုင်ငံခြားရေးဝန်ကြီးအဖြစ်နဲ့ရော၊ နိုင်ငံတော်အကြံပေးပုဂ္ဂိုလ်ဆိုတဲ့ရာထူး ရယူအပြီးမှာ ဒေါ်အောင်ဆန်းစုကြည်ရဲ့ ပထမဆုံး အမေရိကန်နိုင်ငံခရီးစဉ်လည်း ဖြစ်ပါတယ်။

သူ့ရဲ့ခရီးတထောက်အဖြစ် ဗြိတိန်နိုင်ငံ လန်ဒန်မြို့ကို စက်တင်ဘာလ ၁၀ ရက်နေ့ ညနေမှာ ရောက်ရှိခဲ့ပြီး ၁၂ ရက်နေ့မှာတော့ ဗြိတိန်နိုင်ငံခြားရေးဝန်ကြီး ဘောရစ် ဂျွန်ဆင်က ဒေါ်အောင်ဆန်းစုကြည်ကို လန်ဒန်မြို့မှာ ကြိုဆိုတွေ့ဆုံခဲ့ပြီး မြန်မာနိုင်ငံရဲ့ အစိုးရသစ်အနေနဲ့ အစောပိုင်းကာလ ဦးစားပေး ဆောင်ရွက်ရမယ့် ကိစ္စတွေနဲ့ ရင်ဆိုင်ကြုံတွေ့ရမယ့် စိန်ခေါ်မှုတွေနဲ့ ပတ်သက်ပြီး ဆွေးနွေးပြောဆိုခဲ့ကြတယ်လို့ နိုင်ငံခြားရေးနဲ့ ဓနသဟာယရုံးက ထုတ်ပြန်ခဲ့တဲ့ ထုတ်ပြန်ချက်ထဲမှာ ဖော်ပြထားခဲ့ပါတယ်။ မစ္စတာ ဂျွန်ဆင်က “မြန်မာနိုင်ငံဟာ ဆယ်စုနှစ်ပေါင်းများစွာ ဖိနှိပ်မှုနဲ့ အထီးတည်း နေထိုင်ခဲ့ရတာကနေ လွတ်မြောက်ပေါ်ထွက်လာရေးမှာ ဗြိတိန်နိုင်ငံက အရေးပါတဲ့ အခန်းကဏ္ဍက ပါဝင်ခွင့်ရရှိခဲ့တဲ့အတွက် ကျေနပ်အားရ ဖြစ်မိပါတယ်။ မြန်မာနိုင်ငံရဲ့ ထူးခြားတဲ့ ပြုပြင်ပြောင်းလဲရေးမှာ ကျနော်တို့က ဆက်ပြီး ကူညီပံ့ပိုးသွားမှာပါ။ နောက် အရှေ့တောင်အာရှဒေသနဲ့ ဒေသလွန် တည်ငြိမ်ရေးနဲ့ လုံခြုံရေးကို ဖြစ်ထွန်းစေနိုင်ဖို့ မြန်မာနိုင်ငံဟာ ဒီမိုကရေစီကျကျ တည်ငြိမ်ကြွယ်ဝတဲ့ နိုင်ငံတခု ဖြစ်လာမှာကိုလည်း ကြိုဆိုပါတယ်။” လို့ ဒေါ်အောင်ဆန်းစုကြည်ကို ပြောကြားခဲ့တယ်လို့လည်း ထုတ်ပြန်ကြေညာချက်မှာ ဖော်ပြထားခဲ့ပါတယ်။ ဒီအပြင်မှာ မကြာခင်က ကျင်းပပြီးစီးသွားခဲ့တဲ့ ၂၁ ရာစုပင်လုံ ငြိမ်းချမ်းရေးညီလာခံနဲ့ ငြိမ်းချမ်းရေးလုပ်ငန်းစဉ် အစီအမံတွေနဲ့ ပတ်သက်လို့ ပြောဆို ဆွေးနွေးခဲ့ကြပါတယ်။ ဗြိတိန် နိုင်ငံခြားရေးဝန်ကြီးက နိုင်ငံရေးအကျဉ်းသားတွေ လွှတ်ပေးခဲ့တဲ့ တိုးတက်ပြောင်းလဲလာမှုနဲ့ ကိုဖီအာနန် ဦးဆောင်တဲ့ ရခိုင်ကော်မရှင် ဖွဲ့စည်းနိုင်ခဲ့တာကိုလည်း ရခိုင်ပြည်နယ်မှာ ရှိနေကြတဲ့ ရိုဟင်ဂျာ လူ့အဖွဲ့အစည်းရဲ့ ဆိုးဝါးတဲ့ အခြေအနေကိစ္စကို ကိုင်တွယ်ဖြေရှင်းရာမှာ အရေးပါတဲ့ ခြေလှမ်းတခုအဖြစ် ကြိုဆိုပြောကြားခဲ့တယ်လို့ ဆိုပါတယ်။

နောက်တနေ့မှာတော့ ဒေါ်အောင်ဆန်းစုကြည်ကို ဗြိတိန်ဝန်ကြီးချုပ် ထရီဇာ မေက သူ့ရဲ့ အမှတ် ၁၀ ဒေါင်းနင်းလမ်းမှာရှိတဲ့ ၀န်ကြီးချုပ်ရုံးမှာ ကြိုဆိုလက်ခံ တွေ့ဆုံခဲ့ပါတယ်။ ဗြိတိန်ဝန်ကြီးချုပ်နဲ့ ဒေါ်အောင်ဆန်းစုကြည်တို့ဟာ ဗြိတိန်နိုင်ငံ ဥရောပသမဂ္ဂအဖွဲ့ဝင်နိုင်ငံအဖြစ်က နုတ်ထွက်ရတဲ့ကိစ္စနဲ့ မြန်မာနိုင်ငံရဲ့ ဖြစ်ပေါ်နေဆဲ ဒီမိုကရေစီ အသွင်ကူးပြောင်းရေး လုပ်ငန်းစဉ်တွေနဲ့ ပတ်သက်ပြီး ဆွေးနွေးခဲ့ကြပါတယ်။

ဒေါ်အောင်ဆန်းစုကြည်ဟာ သူ့ရဲ့ ဗြိတိန်နိုင်ငံ တထောက်နားခရီးစဉ်အတွင်း လန်ဒန်မှာနေထိုင်စဉ်အချိန်မှာ ဥရောပ၊ အရှေ့အလယ်ပိုင်းနဲ့ အာဖရိကနိုင်ငံတွေက သံအမတ်ကြီးတွေနဲ့ တွေ့ဆုံခဲ့သလို သူ့ရဲ့သားအငယ် ကင်မ်အဲရစ်နဲ့ သူ့ရဲ့ မြေး ၂ ယောက်နဲ့လည်း အချိန်ပေး တွေ့ဆုံခဲ့ပါတယ်။

ဗြိတိန် တထောက်နားခရီးစဉ် အပြီးမှာတော့ ဒေါ်အောင်ဆန်းစုကြည်ဟာ အမေရိကန်နိုင်ငံကို ဆက်လက်ထွက်ခွာခဲ့ပြီး စက်တင်ဘာလ ၁၄ ရက်နေ့ ဗုဒ္ဓဟူးနေ့မှာတော့ အမေရိကန်သမ္မတ ဘာရက်အိုဘားမားနဲ့ သမ္မတအိမ်ဖြူတော် သမ္မတရဲ့ရုံးခန်းမှာ တွေ့ဆုံဆွေးနွေး ပြောဆိုခဲ့အပြီး သတင်းမီဒီယာတွေကို သမ္မတ အိုဘားမားက ပြောကြားရာမှာ အမေရိကန်နိုင်ငံက မြန်မာနိုင်ငံအပေါ် ချမှတ်ထားတဲ့ အရေးယူ ပိတ်ဆို့မှုတွေကို ရုပ်သိမ်းပေးဖို့ ပြင်ဆင်ထားပြီဖြစ်ပြီး ဒါဟာလည်း မှန်ကန်တဲ့လုပ်ရပ်ဖြစ်တယ်၊ မြန်မာနိုင်ငံရဲ့ အသွင်ကူးပြောင်းရေးအတွက်လည်း အကျိုးဖြစ်ထွန်းမှာဖြစ်တယ်လို့ ပြောကြားခဲ့ပါတယ်။ သတင်းထောက်တယောက်ရဲ့ အရေးယူပိတ်ဆို့မှုကို ဘယ်အချိန်မှာ ရုပ်သိမ်းပေးမှာလဲဆိုတဲ့ အမေးကိုတော့ “မကြာခင်” လို့ ဖြေကြားခဲ့ပါတယ်။

ဒါဟာ စစ်အာဏာရှင်အုပ်စုနဲ့ သူတို့ရဲ့လက်ဝေခံ ခရိုနီတွေက ကြားချင်နေတဲ့စကား၊ လိုချင်နေတဲ့အရာ ဖြစ်ပါတယ်။ ပြည်သူ့လွှတ်တော်ဥက္ကဋ္ဌဟောင်းနဲ့ လောလောဆယ် လွှတ်တော် ရေးရာကော်မတီတခုရဲ့ ဥက္ကဋ္ဌဖြစ်နေတဲ့ ဗိုလ်ချုပ်ကြီးဟောင်း သူရရွှေမန်းကဆို မျက်နှာပြောင်ပြောင်နဲ့ပဲ ဒေါ်အောင်ဆန်းစုကြည် စိန်အိုးရွှေအိုးတွေ ရွက်ခဲ့ပါလို့ သူ့ရဲ့ လူမှုကွန်ရက် စာမျက်နှာပေါ်က လှမ်းပြောလိုက်ပါသေးတယ်။ ခုထိ အလိုလောဘတွေ အတောမသတ် ပြည်သူ့အကျိုးမျက်နှာဖုံးတပ်ပြီး ပြောလိုက်တဲ့စကားဆိုတာကတော့ ရှင်းပါတယ်။ အမေရိကန် အစိုးရကလည်း သူချမှတ်ထားတဲ့ အရေးယူပိတ်ဆို့မှု အတော်များများကို ဖယ်ရှားပေးခဲ့ပြီးဖြစ်ပေမယ့် စစ်အုပ်စုရဲ့ လိုချင်နေတာတွေကတော့ မရခဲ့သေးပါဘူး။

ခု ပထမဆုံးအကြိမ် အစိုးရတာဝန်ရှိပုဂ္ဂိုလ်တဦးအနေနဲ့ ဒေါ်အောင်ဆန်းစုကြည် အမေရိကန်နိုင်ငံကို သွားရောက်တဲ့ ခရီးစဉ်မှာ နောက်ထူးခြားမှု တခုကတော့ အမေရိကန်-အာဆီယံ စီးပွားရေးကောင်စီနဲ့ အမေရိကန်ပြည်ထောင်စု ကုန်သည်ကြီးများအသင်းတို့ ပူးပေါင်းပြီး စက်တင်ဘာ ၁၅ ရက်နေ့ ကြာသပတေးနေ့ ညနေက ၄ ရာသီဟော်တယ်ကြီးမှာ ဒေါ်အောင်ဆန်းစုကြည်ကို ညစာနဲ့ ဧည့်ခံကျွေးမွေးပြီး စကားဝိုင်းဆွေးနွေးပွဲတခုလည်း ကျင်းပခဲ့တာ ဖြစ်ပါတယ်။

ညစာနဲ့ ဧည့်ခံတည်ခင်းဖို့ ဖိတ်ကြားမှုကိုတော့ ဒါဟာ ဒေါ်အောင်ဆန်းစုကြည်ဟာ သူ့ရဲ့အစိုးရအဖွဲ့အတွင်း ဘာတွေ ဦးစားပေးချမှတ်ထားတယ်ဆိုတာ၊ လောလောဆယ် အမေရိကန်-မြန်မာ စီးပွားရေးဆက်ဆံရေး အခြေအနေနဲ့ အမေရိကန် စီးပွားရေးအ၀န်းအ၀ိုင်းက မြန်မာနိုင်ငံရဲ့ ဖွံ့ဖြိုးတိုးတက်မှုအတွက် ဘယ်လို အကောင်းဆုံး ကူညီပံ့ပိုးပေးနိုင်မလဲ ဆိုတာတွေကို သိမြင်နားလည်ဖို့ ဖြစ်တယ်လို့ အမေရိကန်ဘက်က ဖော်ပြခဲ့ပါတယ်။ အဲဒီလို ဖော်ပြခဲ့သလို ဒီညစာစားပွဲကြီး ကျင်းပတည်ခင်းရာမှာ ကမကထပြု ပါဝင်လိုသူတွေကို အမေရိကန်ဒေါ်လာ ၇၅၀၀၊ ဒေါ်လာ ၁၅၀၀၀ နဲ့ ဒေါ်လာ ၂၅၀၀၀ တန် ဆိုပြီး အစားစား ချမှတ်ပေးအပ်ခဲ့ပြီး အဲဒီလို ကမကထပြုမှုမှာ တဦးချင်းဖြစ်စေ၊ အသင်းအဖွဲ့အရဖြစ်စေ နိုင်ငံတော်အကြံပေးပုဂ္ဂိုလ်နဲ့ သူ့ရဲ့ နောက်လိုက်နောက်ပါ အဖွဲ့ဝင်တွေနဲ့ ထိတွေ့ဆက်ဆံခွင့် ရနိုင်သလို အလွတ်သဘော အခွင့်အရေးရနိုင်တယ်လို့ မက်လုံးပေး ဆွဲဆောင်ဖိတ်ခေါ်ခဲ့ပါတယ်။ တကယ်တော့ အမေရိကန်အစိုးရက မြန်မာနိုင်ငံ အစိုးရဟောင်း ပိုင်ဆိုင်နေတဲ့ ကုမ္ပဏီတွေနဲ့ ဘဏ်တွေကို အရေးယူပိတ်ဆို့မှု လျှော့ချပေးခဲ့တဲ့ ဒီနှစ် မေလကတည်းက အမေရိကန် ကုန်သည်ကြီးများအဖွဲ့က မကျေမနပ် ဖြစ်ခဲ့တာပါ။ သူတို့က အမေရိကန်အစိုးရကို မြန်မာနိုင်ငံမှာ ပို့ကုန်အသားပေး ကုန်ထုတ်လုပ်ငန်းတွေကို အားပေးတဲ့ ကုန်သွယ်မှုလုပ်ငန်းကို စတင်ဆောင်ရွက်နိုင်ဖို့ အမေရိကန်-မြန်မာ ဆက်ဆံရေးကို ပုံမှန် အခြေအနေအတိုင်း ပြန်လုပ်ဖို့ တိုက်တွန်းတောင်းဆိုထားခဲ့တာ ဖြစ်ပါတယ်။

အခုတော့ အမေရိကန်ကုန်သည်ကြီးများအဖွဲ့က အမေရိကန်အစိုးရအဖွဲ့ကိုသာ ပိုမိုဖိအားပေးလာတာ မဟုတ်တော့ဘဲ မြန်မာနိုင်ငံတော်အကြံပေးပုဂ္ဂိုလ်နဲ့ နိုင်ငံခြားရေးဝန်ကြီး ဖြစ်တဲ့ ဒေါ်အောင်ဆန်စုကြည်ကိုပါ ဖိအားပေး တိုက်တွန်း တောင်းဆိုလာတာ ဖြစ်ပါတယ်။

ကဲ ဒီလို နိုင်ငံတကာက မြန်မာနိုင်ငံကို တကယ့်ငြိမ်းချမ်းစည်းလုံးညီညွတ်တဲ့ ဖက်ဒရယ်ဒီမိုကရေစီ ပြည်ထောင်စုတခု ဖြစ်အောင် လုပ်နိုင်တော့မယ်။ အနာဂတ်မှာ မြန်မာနိုင်ငံအတွက်ရော သူတို့အတွက်ပါ အကျိုးစီးပွားဖြစ်ထွန်းနိုင်မယ့် စီးပွားရေး လုပ်ငန်းကြီးတွေ၊ စီမံကိန်းကြီးတွေ ၀င်ရောက်လာနိုင်တော့မယ်ဆိုပြီး နိုင်ငံတကာက ကြိုးစားလာကြတဲ့အချိန်မှာ သူတို့အားကိုး ယုံကြည်ထားတဲ့ အနိုင်ရ ဒေါ်အောင်ဆန်းစုကြည်ပါတီ အစိုးရက တကယ်တန်းရော အာဏာရ ကိုယ့်မူဝါဒနဲ့ကိုယ် လုပ်ဆောင်ခွင့် ရနေပါပြီလား ဆိုတာကို အမေရိကန်နိုင်ငံ အပါအ၀င် ဒီမိုကရေစီနိုင်ငံ အများစုက သိထားပြီး ဖြစ်ပါတယ်။ သူတို့ ဒေါ်အောင်ဆန်းစုကြည်ကို စမ်းသပ်နေကြတာပဲ ဖြစ်ပုံရပါတယ်။ သူ ဒီမိုကရေစီ ဖက်ဒရယ်ပြည်ထောင်စု တကယ် တည်ဆောက်နိုင်ပါ့မလား။ သူတို့ မှန်းဆ သွေးတိုးစမ်းနေဆဲလို့ ပြောရင် မလွန်လောက်ဘူးလို့ ထင်ပါတယ်။

ဒီကနေ့ မြန်မာနိုင်ငံမှာ ရွေးကောက်ပွဲအနိုင်ရပါတီဖြစ်တဲ့ အစိုးရ ဖွဲ့လာနိုင်ပြီဖြစ်တဲ့ အစိုးရဟာ စစ်တပ်ကြိုးဆွဲရာကနေရတဲ့ ၂၀၀၈ ဖွဲ့စည်းပုံအခြေခံဥပဒေအောက်မှာသာ ရှိနေသေးတဲ့အတွက်…

သွားပါများပေမယ့် ခရီးမရောက် ဖြစ်နေမှာကတော့ အသေအချာပဲ ဖြစ်လိမ့်မယ်လို့ ယူဆမိတဲ့အကြောင်း။ ။

ကွမ်းစားခြင်းနဲ့ ကျန်းမာရေး


ဒုက္ခသည်ပြန်လည်နေရာချထားရေးကိစ္စအပေါ် ကျေးရွာပေါင်း ၁၀ ရွာမှ ဒေသခံနှင့် KWO ဆွေးနွေး

စဖန်းရှောင်း


ဒုက္ခသည်ပြန်လည်နေရာချထားရေး ကိစ္စများအပေါ် ပြည်တွင်းရှိဒေသခံလူထုများ၏ သဘောထား များသိရှိ စေရန် ကရင်အမျိုးသမီးအစည်းအရုံး KWO(ဗဟို) ဦးဆောင်သည့် ၇ ဦးပါ အဖွဲ့တစ်ဖွဲ့သည် KNU တောင်ငူ ခရိုင် ထန်းတပင်မြို့နယ်အတွင်းရှိ ကျေးရွာပေါင်း ၁၀ ရွာမှ ဒေသခံများနှင့် စက်တင်ဘာ ၂၄ ရက်နေ့တွင် တွေ့ဆုံဆွေးနွေးခဲ့သည်။

အဆိုပါ တွေ့ဆုံဆွေးနွေးမှုကို KWO ဗဟို၊ ခရိုင်နှင့် မြို့နယ်အဆင့်တို့ ပူးပေါင်း၍ ကရင်အမျိုးသားအစည်း အရုံး(KNU) ထိန်းချုပ်နယ်မြေ ထန်းတပင်မြို့နယ်၊ ရှားစေးဖိုရွာတွင် ပြုလုပ်ခဲ့ပြီး ရေလျှံ၊ ဇီးဖြူကုန်း၊ တောကုန်း၊ အင်ကျော်၊ မာလာကုန်း၊ သစ်ချစေး၊ သာယာကုန်း၊ အောင်မြင်၊ ပျင်ဂါး စသည့် ကျေးရွာများမှ ဒေသခံ ၁၀၀ ကျော် ပါဝင်တက်ရောက်ကာ ဆွေးနွေးပွဲခဲ့ကြခြင်းဖြစ်သည်။

တွေ့ဆုံပွဲတွင် ပါဝင်ခဲ့သူ KWO မှ နော်ဆဲဆဲက “လက်ရှိ ကျမတို့အနေနဲ့ ဒုက္ခသည်ပြန်လည် နေရာချထား ရေးမှာ ဒုက္ခသည်တွေရဲ့အသံတင် မဟုတ်ဘဲနဲ့ ဒေသခံလူထုတွေရဲ့အသံကိုလည်း သိချင်တယ်။ အဲဒါမှ သူတို့တွေရဲ့ အရေးကိစ္စတွေမှာ သက်ဆိုင်ရာခေါင်းဆောင်တွေကို ထောက်ပြပြောဆိုပြီး တင်ပြလို့ရမယ်။ အဲဒီအတွက် ဒီတွေ့ဆုံဆွေးနွေးမှုကို ရည်ရွယ်လုပ်တာ ဖြစ်ပါတယ်”ဟု ပြောသည်။

တစ်ရက်တာပြုလုပ်သည့် တွေ့ဆုံဆွေးနွေးမှုတွင် KWO မှ ထိုင်း-မြန်မာ နယ်စပ်တစ်လျှောက်ရှိ ဒုက္ခသည်စခန်း အခြေအနေများနှင့် ပြန်လည်နေရာချထားရေးကိစ္စအပြင် လက်ရှိငြိမ်းချမ်းရေးဖြစ်စဉ်များနှင့် ပတ်သက်၍ ဒေသခံများ၏ သဘောထားများကို ရယူကာ အပြန်အလှန်ဆွေးနွေးမှုများပြု လုပ်ခဲ့ကြောင်း သိရသည်။

ထိုသို့ ဆွေးနွေးရာတွင် ဒေသခံများဘက်မှ လက်ရှိ ငြိမ်းချမ်းရေးဖြစ်စဉ်တွင် ၂၁ ရာစု ပင်လုံညီလာခံအထိ ရောက်ရှိပြီဖြစ်သော်လည်း မြေယာပြဿ နာနှင့် လူထုစားဝတ်နေရေး ပြဿ နာများ ကြီးထွားနေဆဲဖြစ်သည့် အတွက် ဒုက္ခသည်ပြန်လည်နေရာချထားရေးကိစ္စမှာ မဖြစ်နိုင်သေးကြောင်း၊ အကယ်၍ ပြန်လည်နေရာ ချထားရေး အကောင်အထည်ဖော်ပါက သက်ဆိုင်ရာ တာဝန်ရှိသူများအနေဖြင့် ဒေသခံများ၏ အသံကို နားထောင်ပေးရန်လိုကြောင်း သဘောထားပေးခဲ့ကြသည်ဟု သိရသည်။

ဒုက္ခသည်ပြန်လည်နေရာချထားရေးမှာ ပြည်တွင်းငြိမ်းချမ်းရေးဖြစ်စဉ်များနှင့်ဆက်စပ်လျှက်ရှိပြီး ယင်းကိစ္စ ရပ်များကို လက်မှတ်ရေးထိုးထားသည့် တိုင်းရင်းသားလက်နက်ကိုအဖွဲ့များနှင့်အစိုးရတို့ ညှိနှိုင်းအကောင် အထည်ဖော်ဆောင်ရွက်ရန် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် NCA တွင် ထည့်သွင်းဖော်ပြထားသည်။

ထို့အပြင် ပြန်လည်နေရာချထားရေးအပေါ် ကရင်ဒုက္ခသည်ကော်မတီ KRC နှင့် KNU တို့မှလည်း မူဝါဒများ ချမှတ်ထာပြီးဖြစ်သလို ပြီးခဲ့သည့် စက်တင်ဘာ ၁၄ ရက်နေ့မှစတင်ကာ KNU ဒုဥက္ကဌ ပဒိုနော်စီဖိုးရာစိန် ကိုယ်တိုင်ဦးဆောင်၍ ထိုင်း-မြန်မာနယ်စပ် ကရင်ဒုက္ခသည်စခန်းများရှိ လူထုနှင့် တွေ့ဆုံမှုများ ပြုလုပ်လျှက်ရှိသည်။

KWO သည် ပုံမှန် တစ်နှစ်လျှင် တစ်ကြိမ်နှုန်းဖြင့် KNU ခရိုင်များအတွင်း လူထုများနှင့် တွေ့ဆုံကာ ငြိမ်းချမ်းရေးလုပ်ငန်းစဉ်များ၊ ဒုက္ခသည်အရေး ဆိုင်ရာကိစ္စများကို ချပြရှင်းလင်းမှုများပြုလုပ်ပြီး ထန်းတပင် မြို့နယ်အတွင်း ယခုလို လူထုနှင့်တွေ့ဆုံမှုမှာ ပထမအကြိမ်ဖြစ်သည်ဟု KWO တာဝန်ရှိသူများက ဆိုသည်။

လူ့အခွင့်အရေးကော်မရှင် အဖွဲ့ဝင်များ နှုတ်ထွက်ပေးရန်သမ္မတထံ စာပေးပို့


ပါတီဝင်တိုင်း ဘာသာ၊ သာသနာအတွက် တက်ကြွစွာ ပါဝင်ရန် USDP ဥက္ကဌပြော

မင်းမင်း

အမျိုးဘာသာ၊ သာသနာအတွက် ပါတီဝင်အားလုံး တက်ကြွစွာပါဝင်လုပ်ဆောင်ကြရန် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP) ဥက္ကဌဖြစ်သူ ဦးသန်းဌေးက ပါတီဗဟိုအလုပ်အမှုဆောင် အစည်းအဝေးတွင် ပြောကြားလိုက်သည်ဟု USDP က သတင်းထုတ်ပြန်ထားသည်။

နေပြည်တော်ရှိ ပါတီဌာနချုပ် အစည်းအဝေးခန်းမတွင် စက်တင်ဘာ ၂၉ရက်၊ နံနက် ၉နာရီတွင် စတင်ပြုလုပ်သည့် ဗဟိုအလုပ်အမှုဆောင်အစည်းအဝေးတွင် ဦးသန်းဌေးက ပြောကြားခဲ့ခြင်းဖြစ်သည်။

အစည်းအဝေးတွင် ပါတီဆိုင်ရာကိစ္စရပ်များအပါအဝင် “ပါတီဝင်တိုင်း အမျိုးဘာသာ သာသနာအတွက်ဆိုပါက တက်ကြွစွာ ပါဝင်လုပ်ဆောင်ရေး” ကိုပါ ဦးသန်းဌေးက ပြောဆိုခဲ့သည်။ သို့သော် မည်သည့် ဘာသာအတွက် တက်ကြွစွာပါဝင်ရန်ကိုမူ ထည့်သွင်းပြောဆိုကြောင်း ထုတ်ပြန်ချက်တွင် ဖော်ပြထားခြင်း မရှိပေ။

ပါတီဝင်အင်အား ကျစ်လစ်ခိုင်မာရေး၊ ပါတီတွင်း ဒီမိုကရေစီ စနစ်ကို ပီပြင်စွာကျင့်သုံးနိုင်ရေးနှင့် ပြည်သူလူထုအသံများကို နားထောင်ကာ ပြည်သူလူထုအခက်အခဲများကိုကိုယ်စွမ်းဥာဏ်စွမ်းရှိသမျှ ရိုင်းပင်းကူညီခြင်းဖြင့် ပြည်သူ့ပါတီဖြစ်အောင် ကြိုးစားဆောင်ရွက်သွားရေးတို့ကိုလည်း အစည်းအဝေးတွင် ဦးသန်းဌေးက ပြောကြားခဲ့သည်ဟု ဆိုသည်။

အစည်းအဝေးသို့ ပါတီဥက္ကဌ ဦးသန်းဌေး၊ ဒုတိယဥက္ကဌ ဦးမြတ်ဟိန်း၊ အထွေထွေအတွင်းရေးမှူး ဦးသက်နိုင်ဝင်း အပါအ၀င် အတွင်းရေးမှူးအဖွဲ့ဝင်များ၊ ဗဟိုအလုပ်အမှုဆောင်များနှင့် တိုင်းဒေသကြီးနှင့် ပြည်နယ်အသီးသီးမှ ပါတီဥက္ကဌများ တက်ရောက်ခဲ့ကြသည်။

ပြည်သူလိုအပ်ချက်ကို ဖြည့်ဆည်းပေးနိုင်ဖို့ လိုအပ်ချက်တွေ ရှိနေသေး


ANP မှ ထုတ်ပယ်ခံရသူများက ဦးဆောင်၍ ရခိုင်လူထုအခြေပြု ညီလာခံ ခေါ်ယူမည်

ထက်နိုင်ဇော်


ရခိုင်အမျိုးသားပါတီ(ANP)မှ ထုတ်ပယ်ခံရသူများက မြန်မာ့နိုင်ငံရေးတွင် အင်အားစုတရပ်အဖြစ် ပြန်လည် ရပ်တည်နိုင်ရေးအတွက် ရခိုင်ပြည်နယ် ကျောက်တော်မြို့တွင် အောက်တိုဘာလ ၁၀ ရက်နေ့တွင် ရခိုင် လူထု အခြေခံပြု ညီလာခံတရပ် ကျင်းပသွားမည် ဖြစ်ကြောင်း သိရသည်။

“အဲဒီညီလာခံကနေ ကျနော်တို့ ALD (ရခိုင် ဒီမိုကရေစီ အဖွဲ့ချုပ်) အနေနဲ့ ရှေ့ဆက်ပြီး နိုင်ငံရေးအရ ဘယ်လို ရပ်တည်မလဲဆိုတာ ဆုံးဖြတ်မှာပါ။ ပါတီအသစ် တခုပေါ်လာဖို့ ဆိုတာကလည်း လက်ရှိ ANP (ရခိုင်အမျိုးသားပါတီ)က ၂ ခု ပေါင်းထားတာဆိုတော့ အဲဒါတွေကို ရှင်းထုတ်ဖို့တွေက ရှိသေးတယ်”ဟု ALD ဗဟို အဖွဲ့ဝင်ဟောင်း ဦးကျော်မြင့်က ဧရာဝတီသို့ ပြောသည်။

ရခိုင်ပြည်နယ်၏ လက်ရှိ နိုင်ငံရေး အခြေအနေများပေါ် မူတည်၍ ပါတီသစ်တရပ် ထူထောင်ရန် သင့်/မသင့်ကို စဉ်းစားနေပြီး လက်ရှိ အခြေအနေတွင် ANP ပါတီမှ ထုတ်ခံခဲ့ရသည့် ၄င်းတို့မှာ နိုင်ငံရေး ကစားကွင်း မရှိဘဲ ဖြစ်နေရကြောင်း ALD ဗဟို အဖွဲ့ဝင်ဟောင်းတဦး ဖြစ်သူ ဦးလှမြင့်ကလည်း ပြောသည်။

ANP ပါတီသည် ၁၉၉၀ ရွေးကောက်ပွဲအနိုင်ရ ရခိုင် ဒီမိုကရေစီ အဖွဲ့ချုပ် (ALD) နှင့် ၂၀၁၀ ရွေးကောက်ပွဲ အနိုင်ရ ရခိုင် တိုင်းရင်းသား များ တိုးတက်ရေးပါတီ (RNDP) တို့ကုို၂၀၁၄ ခုနှစ်တွင် ပေါင်းစည်း ထားခြင်းဖြစ်ပြီး ၂၀၁၅ ရွေးကောက်ပွဲ တွင်လည်း ရခိုင် ပြည်နယ်၌ အပြတ်အသတ် အနိုင်ရထားသည့် ပါတီတခု ဖြစ်သည်။

လက်ရှိ အခြေအနေအရ ANP ပါတီတွင် ဗဟိုအလုပ် အမှုဆောင် အဖွဲ့ဝင် (CEC) ၃၉ ဦးရှိရာ ALD ဘက်ခြင်းမှ CEC ၇ ဦးမှာလည်း ANP ပါတီမှ အထုတ်ခံခဲ့ရပြီးနောက် ၂၀၁၅ ရွေးကောက်ပွဲ ၀င်ပြိုင်ရာတွင်တွင် ALD အုပ်စုများမှ ပါဝင်သူများ ကန့်သတ်ခံရခြင်း၊ အောက်ခြေ အထိ ခွဲခြားဆက်ဆံ ခံရခြင်းတို့ကြောင့် နိုင်ငံရေး အင်အားစုတခု အဖြစ် သီးသန့်ရပ်တည်ရန် ကြိုးပမ်းရခြင်း ဖြစ်သည်ဟု ယခင် ANP မှ ဦးကျော်မြင့်က ဧရာဝတီသို့ ပြောသည်။

“ကျနော်တို့ ANP မှာ ဘာပြောရေးဆိုခွင့်မှ မရှိဘူး။ အဲဒါကြောင့် ၂၀၂၀ ရွေးကောက်ပွဲအထိလည်း မစောင့်တော့ဘူး။ ၂၀၁၆ မကုန်ခင် မှာပဲ နိုင်ငံရေးအရ ပြန်လည် ရပ်တည်နိုင်ဖို့ အကောင်အထည် တခုခုပေါ်အောင် လုပ်မယ်။ ကျနော်တို့ ခေါင်းဆောင်ဖြစ်တဲ့ ဦးအေးသာ အောင်ကလည်း နေပြည်တော်မှာ အလုပ်တွေများတော့ ဒီကိစ္စတွေမှာ မပါနိုင်ပေမယ့် ALD ဘက်ကပဲ ဆက်ဦးဆောင်လိမ့်မယ်”ဟု ဦးကျော်မြင့်က ပြောသည်။

လက်ရှိ ANP ပါတီ ဗဟိုအလုပ်အမှုဆောင် အဖွဲ့ဝင် ဦးဦးလှစောက“သူတို့ ပါတီအသစ် ထပ်ဖွဲ့ရင်တော့ ပြဿနာ နည်းနည်း ရှိနိုင် တယ်။ ကော်မရှင်က ဘယ်လိုဆုံးဖြတ်မလဲတော့ မသိဘူး။ အခုက ၂ ဖက် ပြန်လည် ညှိနှိုင်းဖို့ကလည်း လက်ရှိ အခြေအနေအရ လုံးဝ မဖြစ်နိုင် တော့ဘူး”ဟု ဧရာဝတီသို့ ပြောသည်။

AND ပါတီမှ အထုတ်ခံရသူများ ဖြစ်သည့် ALD အဖွဲ့ဝင်ဟောင်းများသည် ပါတီမှ အထုတ်ခံရပြီးနောက် နိုင်ငံရေး ကစားကွင်း မရှိတော့သဖြင့် နိုင်ငံရေး ပလက်ဖောင်း ပြန်လည်တည်ထောင်ရန် ပါတီတရပ် ထူထောင်ရန် ကြိုးပမ်းမှု ဖြစ်နိုင်ကြောင်း ၄င်းက သုံးသပ်သည်။

“ကျနော်တို့ အချင်းချင်းကြားမှာ Trust(ယုံကြည်မှု) မတည်ဆောက်နိုင်ခဲ့ဘူး”ဟု RNDP အဖွဲ့ဝင်ဟောင်း ဦးဦးလှစောက ပြောသည်။

သို့သော် ၂ ဖက် ခေါင်းဆောင်များက ရခိုင်ပြည်နယ်ရှိ ရဟန်းရှင်လူ ပြည်သူများ၏ ဆန္ဒအရ ပါတီ ၂ ရပ်ကို တပါတီတည်း ဖြစ်အောင် ပေါင်းစည်းခဲ့ကြပြီးနောက် ပြန်လည် ကွဲထွက်တော့မည့် ယခုအခြေအနေကို ၀မ်းနည်းကြောင်း ၎င်းက ပြောဆိုသည်။

ရခိုင်ပြည်သူများ၏ တောင်းဆိုချက်အရ တည်ထောင်ခဲ့သည့် ရခိုင် အမျိုးသားပါတီ (Arakan National Party-ANP) အား ပြည်ထောင်စု ရွေးကောက်ပွဲ ကော်မရှင်က ၂၀၁၄ ခုနှစ် မတ်လ ၆ ရက် ရက်စွဲဖြင့် တရားဝင် မှတ်ပုံတင် ခွင့်ပြုခဲ့ခြင်း ဖြစ် သည်။

ထိုအချိန်မှ စ၍ ALD နှင့် RNDP ပါတီ နှစ်ခုမှာလည်း ဥပဒေအရ ပါတီ အသီးသီး အဖြစ်မှ ဖျက်သိမ်းပြီး ဖြစ်သည်။

ANP ပါတီသည် ၂၀၁၅ ရွေးကောက်ပွဲ၌ ပြည်နယ်လွှတ်တော်တွင် ကိုယ်စားလှယ် နေရာပေါင်း ၄၇ နေရာ အနက် ၂၃ နေ ရာ အနိုင်ရထားပြီး အမျိုးသား လွှတ်တော်နှင့် ပြည်သူ့ လွှတ်တော်တို့၌ ၂၂ နေရာ ရွေးချယ်ခံထားရကာ ရခိုင်ပြည်နယ်၌ အင်အား အကြီးဆုံး ရခိုင်နိုင်ငံရေးပါတီ ဖြစ်သည်။

ကချင်ပြည်နယ်မှာ တိုက်ပွဲတွေ ရပ်တန့်ရေး အရေးကြီးအဆို လွှတ်တော် တင်သွင်း


အင်းဝ အပ်ချုပ်ဆိုင် ပိုင်ရှင် ၆ ဦးကို ဒုတိယ အကြိမ်ရုံးထုတ်

စိုးသူအောင်

အိမ်အကူ မိန်းကလေးနှစ်ဦးကို နှိပ် စက်မှုဖြင့် တရားစွဲဆိုခံထားရသော အင်းဝအပ်ချုပ်ဆိုင်က ပြစ်မှုကျူးလွန်သူ ၆ဦး ကို စက်တင်ဘာ ၂၉ ရက်နေ့တွင် ဒုတိယအကြိမ်အဖြစ် ရန်ကုန် အနောက်ပိုင်းခရိုင်တရားရုံးတွင် ရုံးထုတ်ခဲ့သည်။

အမှုကို အပတ်စဉ် ကြာသပတေးနေ့တိုင်းစစ်ဆေးမည်ဖြစ်ပြီး တတိယအကြိမ် ရုံးချိန်းအဖြစ် အောက်တိုဘာ ၆ ရက် ၁၀ နာရီခွဲ တွင် အဆိုပါ ၆ ဦးကို စတင်စစ်ဆေးမည်ဖြစ်ကြောင်း အနောက်ပိုင်းခရိုင် တရားရုံးမှ သိရသည်။

တရားစွဲဆိုခံထားရသည့် မသီရိလတ်သည် စက်တင်ဘာ ၂၈ ရက်နေ့တွင် ကျောက်တံတားမြို့နယ် ရဲစခန်းတွင် ကိုယ် တိုင် လာ အဖမ်းခံခဲ့ခြင်း ဖြစ်သည်။

“ ရုံးထုတ်တယ် သီရိလတ်က အဖမ်းခံတဲ့အတွက် တရားခံပြေးမှုကို ပိတ်သိမ်းပါတယ်။ အဲ့တော့ မူလ ရာဇ၀တ်မှုကြီး အ မှတ် ၁၁၀/၂၀၁၆ ကို စတင်စစ်ဆေးရန် တတိယအကြိမ်မြောက်ရုံးချိန်းသို့ချိန်းဆိုထားတယ် “ ဟု အဆိုပါကိစ္စကြောင့် လူ့ အခွင့်အရေးကော်မရှင်ကို မှူခင်းထိမ်ချန်မှုဖြင့် တရားစွဲရန် ပြင်ဆင်နေသည့် ရှေ့နေ ဦးရောဘတ်စန်းအောင်က မဇ္စျိမသို့ပြောကြားသည်။

ကျောက်တံတားမြို့နယ်ရှိ အင်းဝအပ်ချုပ်ဆိုင် ပိုင်ရှင်မိသားစုက အသက်(၁၆)နှစ်နှင့် (၁၇)နှစ်အရွယ် ဆယ်ကျော်သက် အိမ်အကူ မိန်းကလေး ငယ်နှစ်ဦးအား ကိုယ်လက်အင်္ဂါ ချို့ယွင်းစေသည်အထိ နှိပ်စက်မှု ပြုလုပ်ခဲ့သောကြောင့် လူကုန် ကူးမှု တားဆီးကာကွယ်ရေး ရဲတပ်ဖွဲ့မှ ဒုရဲမှူးမျိုးသိန်းက တရားလိုပြုလုပ်ကာ လူကုန်ကူးမှုတားဆီးကာကွယ်ရေး ဥပ ဒေပုဒ်မ ၂၄/၃၂ ဖြင့် ဦးစွာအမှု ဖွင့်ခဲ့ခြင်း ဖြစ်သည်။

အသက် (၅၇) နှစ်အရွယ် အိမ်ရှင် ဒေါ်တင်သူဇာ ကျန်းမာရေးအနေဖြင့် စက်တင်ဘာလ ၂၉ရက် ရုံးထုတ်စဉ် ဘယ်ခြေ တွင် ထိခိုက်ဒဏ်ရာ တစ်ခုရရှိထားသည်ကို မြင်တွေ့ရသည်။

စက်တင်ဘာ ၂၁ ရက်တွင် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေးဝန်ကြီးဌာနကပါ တရားလို ပြု လုပ်၍ ကလေးသူငယ်ပုဒ်မ ၆၆(ဃ) ထပ်မံအမှုဖွင့်ခဲ့သည်။

ဒေသအတွင်း လူမှုအကျိုးပြု လုပ်ငန်းတွေ လုပ်ဖို့ လီဆူ လူငယ်ကွန်ရက် ဖွဲ့စည်း


မြိုင်ကြီးငူ

နန်းဆိုင်နွမ်


ကရင်ပြည်နယ် ဘားအံ မြို့မှ ကားဖြင့် ၁ နာရီကျော် သွားလိုက်ရင် မြိုင်ကြီးငူ ဆရာတော် ဦးသုဇန ထိန်းချုပ်တဲ့ နေရာ ဖြစ်တဲ့ စုံနံ့သာမြိုင်ဆွေမြို့တော် မြိုင်ကြီးငူ အထူး ဒေသ ကို ရောက်ရှိမည်။

ထိုဒေသ သွားရာ လမ်းတလျှောက်မှာ ကတ္တရာလမ်းများဖြစ်ကာ လိုင်စင်မဲ့ကားများ လည်း သွားလာနိုင်သည်။ ။ ယင်းနေရာသည် ယခင်က DKBA ထိန်းချုပ်ခဲ့သည့် ဒေသ ဖြစ်ခဲ့ပြီး ယခု နောက်ပိုင်းတွင် နယ်ခြား စောင့်တပ် BGF စခန်းချနေရာ ဖြစ်သည်။

မြိုင်ကြီးငူ ဆရာတော် ထိန်းချုပ်သော နေရာ ဖြစ်သည့် စုံနံ့သာမြိုင်ဆွေမြို့တော် အဝင် တွင် ဧည့်သည်များ သား၊ ငါးများ ယူဆောင်လာမည်ကို စိုးရိမ်စိတ်သဖြင့် မေးမြန်းမှုလည်း ရှိသည်။

စုံနံသာမြိုင်ဆွေမြို့တော် အဝင်သို့ ရောက်သည့်အခါ မြိုင်ကြီးငူ ဘုန်းကြီးကျောင်း အတွက် အလှူခံ ကောက် ခံသည့်နေရာတွင် ကားသမား က ခဏ ရပ်ပေးပြီး၊ အလှူခံ ဌာနမှ ပန်းရောင် အန္တရာယ်ကင်း ပရိတ်ကြိုး များကို ခရီးသွားသူတိုင်းကို တခုစီ ပေးသည်ကိုလည်း တွေ့ခဲ့ရသည်။

ယင်းဒေသတွင် နာမည်ကြီးသလို ခရီးသွားဧည့်သည်များကို ဆွဲဆောင်နိုင်သော ကျုံထော်ရေတံခွန်လည်း ရှိသည်။

စက်တင်ဘာလ ပထမအပတ်ကစပြီး ကရင်ပြည်နယ်၊ ဘားအံခရိုင်၊ ဖာပွန်ခရိုင်နဲ့ ထိစပ် နေတဲ့ နယ်မြေ မယ်သဝေါ ဒေသ ဖြစ်ပြီး တိုးတက်သော ဗုဒ္ဓဘာသာ ကရင်အမျိုးသားတပ်မတော် (DKBA) နဲ့ တပ်မတော်၊ ကရင်နယ်ခြားစောင့်တပ် (BGF) တို့ ပူးပေါင်း စစ်ဆင်ရေးများ၊ တိုက်ပွဲ ဖြစ်ပွားမှုကြောင့် စစ် ကင်းမဲ့ဇုံ ဖြစ်တဲ့ စုံနံ့သာမြိုင် မြို့တော် မြိုင်ကြီးငူ ဆရာတော် ဘုန်းကြီးကျောင်း ကို စစ်ဘေးရှောင် ၄၀၀၀ ကျော် လာရောက် တိမ်းရှောင်မှုများလည်း ရှိနေသည်။

စုံနံ့သာမြိုင် မြို့တော် မြိုင်ကြီးငူ အထူး ဒေသကို ၁၉၉၅ ခုနစ်တွင် စတင်တည်ထောင်ခဲ့သည်။ သားသတ်လွတ် စားသည့်နေရာ တခု ဖြစ်သလို စစ်ကင်းမဲ့ဇုံ အဖြစ် သတ်မှတ်သည့် နေရာ တခုလည်း ဖြစ်တယ်လို့ စုံနံ့သာမြိုင် မှာ နေထိုင်သည့် အသက် ၇၀ ကျော် ဦးမောင် က ပြောသည်။

လွန်ခဲ့တဲ့ ၁၀ နှစ်က စာရင်းအရ အိမ်ခြေ ၃၇၀၀၊ ရပ်ကွက် ၁၇ ကွက်ရှိခဲ့သော်လည်း လက်ရှိတွင် အိမ်ခြေနှင့် လူဦးရေများ တိုးလာကြောင်း ဦးမောင် က ပြောပြသည်။

သူက “ စုံနံသာမြိုင် ငြိမ်းချမ်းရေး နယ်မြေမှာတော့ လယ်ယာတွေ စိုက်ပျိုးရေးတွေ မရှိဘူး။ အဓိကတော့ ကျပန်း အလုပ် ဖြစ်တဲ့ ဆရာတော် ဘုရားတည်တာတွေမှာ ကူလုပ်ပေးတယ်။ ဆိုင်ကယ် အငှားလိုက်တယ်။ စက်လှေ မောင်းတယ်” ဟု ရှင်းပြသည်။

အဆိုပါ ဒေသတွင် အစိုးရ မှ ပေးထားသည့် လျှပ်စစ်မီးလည်း ယနေ့အထိ မရသဖြင့် မီးစက်ဖြင့် မီးပေးစနစ်သာ ကို အားကိုးနေရကြောင်း၊ မီးအသုံးပြုမှုစရိတ်အဖြစ် တလလျှင် တအိမ်ကို၂၀၀၀ ကျပ် ပေးဆောင်နေရကြောင်း မြိုင်ကြီးငူ ဒေသခံများက ပြောပြသည်။

“လျှပ်စစ်မီးက တလ ၂၀၀၀ ကျပ်ပေးရတယ်။ ဘယ်လောက်သုံးသုံး တလ ၂၀၀၀ ကျပ်ပဲ။ အရင်တုန်းက ၅၀၀ ကျပ်ပဲရှိတယ်။ အစိုးရ လျှပ်စစ်မီးတော့ မရသေးဘူး။ မီးစက်နဲ့ပဲ တရွာလုံးကို ပေးနေတာ။ မီးစက်မီးက မနက် ၅နာရီ မှာ ခဏ လာတယ်။ ပြီးတော့ ည ၆ နာရီကနေ ၈ နာရီ ထိလာတယ်” ဟု ဦးမောင်က ပြောသည်။

မြိုင်ကြီးငူ ဆရာတော် ထိန်းချုပ်သည့် နေရာအားလုံးတွင် အသားများ၊ မူးယစ်ဆေးဝါးများ ရောင်းဝယ် ဖောက်ကား သုံးစွဲမှု မရတဲ့ နေရာတခုလည်း ဖြစ်ကြောင်း၊ အသား၊ ငါး စားလိုသူများက တခြား နေရာ သို့ သွားရောက် စားသောက်ရကြောင်း သိရသည်။

မြိုင်ကြီးငူ ဒေသအတွင်းနေထိုင်သူများမှာ မြိုင်ကြီးငူဆရာတော် ၏ အမိန့် ကို နာခံရကြောင်း၊ ကျောင်းသားများ ကိုလည်း ဆရာတော်က ပညာသင်ကြားပေးထားကြောင်း ဒေသခံများကပြောသည်။

“ ကျနော်တို့ကို ဆရာတော်က အုပ်ချုပ်တာ။ ဆရာတော် ပြောစရာပဲ နားထောင်မယ်။ ဆရာတော် က ကောင်းစေချင်လို့ ပြောတာပဲ။ ဆရာတော်ရဲ့စကားကို လိုက်နာရမယ်” ဟု မြိုင်ကြီးငူ စုံနံသာမြိုင် ဒေသတွင် နေထိုင်သည့် အမျိုးသားတဦးက ပြောသည်။

မြိုင်ကြီးငူ ဒေသသို့လိုက်ပို့သည့် ကားဆရာ ကလည်း “ ဒီဒေသက လူတွေက ဆရာတော် အမိန့်မရရင် ဘယ်မှ မသွားဘူး။ ဆရာတော် အမိန့်မရဘဲ မြို့ပေါ်တက်တုန်း နေမကောင်းတွေ ဖြစ်ရင် သူတို့က ဆရာတော်ကို အာခံလို့ နေမကောင်းတာဆိုပြီး မြိုင်ကြီးငူကို ပြန်သွားတာတွေ ရှိတယ်” ဟု ဆိုသည်။

မြိုင်ကြီးငူ ဆရာတော် ဦးသုဇန သည် ကရင်ပြည်နယ် လှိုင်းဘွဲ့မြို့နယ် မှ ပိုးကရင် လူမျိုး ဖြစ်ပြီး လူငယ် ဘဝတွင် ကရင် အမျိုးသား လွတ်မြောက်ရေး တပ်မတော် (KNLA)တွင် ရဲဘော်အဖြစ် အမှုထမ်းခဲ့ဖူး သူတဦးဖြစ်ကြောင်း၊ သက်တော် ၂၀ တွင် ရဟန်းဘောင်သို့ ဝင်ရောက်ခဲ့ကာ ဒေသအတွင်း ရှိ ဘုရား ပုထိုးများ ပြန်လည် ပြုပြင်မှုများပြုလုပ်ခဲ့သူဖြစ်သည်။

၁၉၈၂ တွင် သားသတ်လွတ် ဗုဒ္ဓဘာသာဝင် အသိုင်းအ၀န်းကို တည်ထောင်ခဲ့သည့် သာမည ဆရာတော် ၏ သာဝက ရဟန်းတပါး ဖြစ်သည်။

ဗုဒ္ဓဘာသာ တည်တံ့ပြန့်ပွားရေးနှင့် ငြိမ်းချမ်းပြီး သာယာသော နေရာတခု တည်ဆောက်ရန် ဆရာတော်က မိန့်ကြားခဲ့ဖူးသည်။

နှစ်ပေါင်း၂၀ အတွင်း ဘုရားပုထိုးစေတီပေါင်း ၇၀ ကျော် တည်ခဲ့သည်။ အဖြူရောင်စေတီ အဆူ ၅၀ တည်ဆောက်ပြီးပါက ကရင်ပြည်နယ်တွင် ငြိမ်းချမ်းရေး ရရှိလိမ့်မည်ဟု ဆရာတော်က နိမိတ်ဖတ် မိန့်ကြားခဲ့ဖူးသည်။

ဧပြီ ၂၄ ရက်နေ့ က လှိုင်းဘွဲ့ မြို့နယ်၊ ကွမ်းတောကျေးရွာ၊ ရှင်မာကု အင်္ဂလီကန် ဘုရားကျောင်းဝင်း အတွင်း၌ စေတီတဆူကို ၂ ရက်ဖြင့် အပြီး တည်ခဲ့ကြောင်း၊ ဧပြီ ၂၆ ရက်နေ့ ကလည်း ရွှေဂွန်းကျေးရွာရှိ မရ်ကဇ် ဗလီ မွတ်စလင် ဝတ်ပြုကျောင်း ၏ နံဘေးလမ်းကြားတွင်လည်း စေတီငယ်တဆူကို ထပ်မံ တည်ထားခဲ့သည်။

ယင်းကိစ္စအပေါ် ဒေသခံ ဘာသာခြားများက စိတ်အလိုမကျ ဖြစ်ကာ အငြင်းပွားမှု တချို့ ရှိခဲ့သည်။ သို့သော် မြိုင်ကြီးငူ ဆရာတော် က ဒေသအတွင်း သြဇာလွှမ်းမိုးမှု ကြီးမားသဖြင့် ဘာသာခြား ဒေသခံ များက ပြဿနာ ကြီးကြီးမားမား ပြုလုပ်ခြင်းမရှိခဲ့ပါ။

၁၉၉၄ ခုနှစ်တွင် ထိုနေရာကို DKBA ၏ ဗဟိုဌာနချုပ်အဖြစ် အသုံးပြုခဲ့ပြီး ဝင်းအတွင်း နေထိုင်သူများသည် ဆရာတော်၏ ကိုယ်ကျင့်တရား စည်းကမ်းကို လိုက်နာရသည်။

ထိုစည်းကမ်းများမှာ ငါးပါးသီလကို တင်းတင်း ကျပ်ကျပ် လိုက်နာရန်၊ အမျက်ဒေါသမထားရန်၊ ခိုက်ရန်မဖြစ်ရန်၊ နိုင်ငံရေး မပတ်သက်ရန်၊ ဘာသာရေးအရ မတူကွဲပြားမှု များ နှင့်ပတ်သက်၍ ဆွေးနွေးခြင်းမပြုရန် နှင့် အတင်းအဖျင်း မပြောရန် စသည့် စည်းကမ်းများဖြစ်သည်ဟု ဒေသခံများက ပြောပြသည်။

သက်တော် ၆၈ နှစ်ရှိ မြိုင်ကြီးငူ ဆရာတော် ၏ လက်ရှိ ကျန်းမာရေးမှာ မကောင်းမွန်သဖြင့် ထိုင်းနိုင်ငံ ဘန်ကောက်မြို့ နှင့် ရန်ကုန်တွင်သာ နေထိုင်ပြီး ဆေးကုသခံနေရကြောင်းလည်း သိရသည်။

မြိုင်ကြီးငူ ဆရာတော် အုပ်ချုပ်သည့် ယင်းနေရာသည် ပြည်သူများကို သြဇာလွှမ်းမိုးနိုင်ဆဲသည့်နေရာ၊ လက်ရှိ တိုက်ပွဲကြောင့် ဒုက္ခသည်များ နားခိုရာ စစ်ကင်းမဲ့ဇုံနေရာတခုပင် ဖြစ်သည်။ ။

ပြည်တွင်းမှာ ကြက်သားပေါက် ဈေးနှုန်းမြင့်တက်လာ


သံဃာတော် ၈ ပါးကို ရှမ်းပြည်တပ်မတော်က ဖမ်းဆီးဟု ပလောင်အဖွဲ့များပြောကြား

နန်းမြနဒီ

အစိုးရနဲ့ တနိုင်ငံလုံးဆိုင်ရာ အပစ်ခတ်ရပ်စာချုပ် (အန်စီအေ) လက်မှတ်ထိုးထားတဲ့ ရှမ်းပြည်တပ်မတော်တောင်ပိုင်းအဖွဲ့ဟာ စာချုပ်ကိုဖောက်ဖျက်ပြီး လူ့အခွင့်အရေးချိုးဖောက်မှုတွေ ကျူးလွန်နေတယ်လို့ ပလောင်တိုင်းရင်းသားတွေက စွပ်စွဲပြောကြားလိုက်ပါတယ်။

တအာင်းပလောင် တိုင်းရင်းသားတွေအပေါ်မှာ ပညာရေး ပိတ်ပင်ခြင်း၊ သံဃာတွေရော လူတွေပါ မတရားဖမ်းဆီးခြင်း၊ အဓမ္မစစ်သား စုဆောင်းခြင်း၊ ရွာသားများပိုင်ဆိုင်သော ပစ္စည်းလုယူခြင်းတွေ ကျူးလွန်နေတယ်လို့ တအာင်း အဖွဲ့အစည်းတွေက စက်တင်ဘာ ၂၈ ရက်နေ့က ရန်ကုန်မှာ သတင်းစာရှင်းပြောသွားတာပါ။

အာရ်စီအက်စ်အက်စ်ဟာ အန်စီအေလက်မှတ်ထိုးထားပေမယ့် စာချုပ် အခန်း (၃) အပိုဒ် (၉)ပါ အရပ်သားများကို အကာအကွယ်ပေးခြင်း ဆိုတဲ့အချက်ကို ချိုးဖောက်ခဲ့တယ်လို့ တအာင်း အဖွဲ့အစည်းရဲ့ပြောခွင့်ရ မိုင်ဆည်ရက် က ဒီဗွီဘီကို ပြောပါတယ်။

“အာရ်စီအက်စ်အက်စ်က အန်စီအေထိုးပြီးတဲ့နောက်ပိုင်း တအာင်းဒေသမှာ လူ့အခွင့်အရေး ချိုးဖောက်မှုတွေ ဆက်လက်ဖြစ်ပွားနေတယ်။ ဥပမာ ပညာရေးကိစ္စမှာဆိုရင် မိုင်းကိုင်၊ လဲချားနဲ့ မိုင်းနောင်မြို့နယ်ထဲမှာ ဖွင့်ထားပြီးတဲ့ ကျောင်းတွေရော၊ မဖွင့်ရသေးတဲ့ကျောင်းတွေပါ စုစုပေါင်း ၅၅ ကျောင်းကို ပိတ်ပင်ထားတယ်။ ဆရာဆရာမတွေကို မောင်းထုတ်တယ်။ စာသင်ကျောင်းဖွင့်ဖို့ အခြေအနေသွားကြည့်တဲ့ သံဃာတော် ၈ ပါးကိုလည်း ဖမ်းသွားတယ်။ မြောက်ပိုင်း ကလူတွေ တောင်ဘက်ကိုသွားပြီး ကွင်းဆင်းရင် ဖမ်းမယ်။ ပြီးရင် စစ်မှုထမ်းခိုင်းမယ်ဆိုတဲ့ အာရ်စီအက်စ် အက်စ်ရဲ့ ခြိမ်းခြောက်မှုတွေကြောင့်၊ ပြည်သူတွေကိုလည်း ခြိမ်းခြောက်မှုတွေကြောင့် စာသင်ေ ကျာင်းတွေ မဖွင့်နိုင်သေးတာ။”

ဖမ်းဆီးထားတဲ့ သံဃာ ၈ ပါးကိုတော့ မြို့နယ်သံဃာ့အဖွဲ့ရော ပြည်သူလူထုတွေပါ တောင်းပန်ခဲ့ လို့ ပြန်လွတ်ပေးခဲ့ပြီးဖြစ်ပါတယ်။

ဒီကိစ္စတွေနဲ့ ပတ်သက်ပြီး အာရ်စီအက်စ်အက်စ် ရှမ်းပြည်တပ်မတော်တောင်ပိုင်း ပြောခွင့်ရ ဗိုလ်မှူးကြီးစိုင်းလိတ်ကတော့ စွပ်စွဲမှုတွေကို ပယ်ချပြီး သူတို့နဲ့ လာရောက်တွေ့ဆုံဆွေးနွေးဖို့ လိုအပ်ကြောင်း ဒီဗွီဘီကို ပြောပါတယ်။

“စာသင်ကျောင်းတွေဖွင့်ဖို့ ကျနော်တို့ တအာင်းပါတီနဲ့ ပြောပြီးပါပြီ။ ကျနော်တို့ကပါ သင်ကြားရေး အတွက် အထောက်အပံ့တွေ လုပ်ဖို့ရှိပါတယ်၊ ပညာရေးဟာ အားပေးရမယ့်ကိစ္စပါ၊ ဒါပေမယ့် မဖွင့်ခင် ကျနော်တို့နဲ့ တိုင်ပင်ဆွေးနွေးရမယ်၊ အဲဒီကျောင်းတွေက ကျနော်တို့ထိန်းချုပ်နယ်မြေ ထဲမှာရှိ တာဆိုတော့ မဆွေးနွေးမတိုင်ပင်ဘဲ ကိုယ့်သဘောနဲ့ကိုယ်လုပ်ချင်ရာလုပ်မယ်ဆိုရင် ပြဿ နာတွေရှိလာနိုင်တယ်။ ပြီးရင် စာရိုးရိုးသင်တာမဟုတ်ဘဲ သွေးထိုးစည်းရုံးလှုံ့ဆော်မှုလုပ်တယ်၊ ဒါဟာ လူမျိုးရေးပြဿ နာဖြစ်နိုင်တယ်။ နောက်ပြီး လူတွေအဖမ်းခံရတာ၊ အရိုက်ခံရတာတွေလည်း နာမည်တွေနဲ့ ဘယ်မှာ ဘယ်သူတွေကဖမ်းသွားလည်းဆိုတာ အကောင်းဆုံးကတော့ သက်သေ အထောက်အထားနဲ့ တင်ပြလာပါ။ ကျနော်တို့ စိစစ်ပြီး အများပြည်သူရှေ့မှာ ဖြေရှင်းမယ်၊ ပြဿ နာကို အဆင့် လိုက်ဖြေရှင်းသင့်တယ်၊ ကျနော်တို့နဲ့ တိုက်ရိုက်မပြောဘဲ တဘက်သတ် ထုတ်ပြန်ခြင်း စွပ်စွဲခြင်းဟာ နှစ်ဘက်စလုံး အတွက် မကောင်းဘူး။ ကျနော်တို့ဘက်က တွေ့ဆုံ ဆွေးနွေးပြီး ငြိမ်းချမ်းတဲ့နည်းနဲ့ ဖြေရှင်းဖို့ အမြဲတမ်း အသင့်ရှိပါတယ်။”

အန်စီအေသဘောတူချက်ကတော့ အစိုးရနဲ့ လက်မှတ်ရေးထိုးထားတာမို့ လိုက်နာခြင်း၊ မလိုက်နာခြင်းဟာ အစိုးရနဲ့သာ သက်ဆိုင်တယ်လို့ ဗိုလ်မှူးကြီး စိုင်းလက ပြောပါတယ်။

မနေ့က ရန်ကုန်သတင်းစာရှင်းပွဲမှာတော့ အာရ်စီအက်စ်အက်စ် တပ်တွေဆုတ်ခွါပေးဖို့၊ တအာင်းတပ်နဲ့ပစ်ခတ်မှုတွေရပ်ပြီး တွေ့ဆုံဆွေးနွေးဖို့၊ ကျောင်းဖွင့်နိုင်ရေး အာမခံချက်ပေးဖို့၊ တအာင်း ပြည်သူပေါ်လူသစ်စု၊ ဆက်ကြေးကောက်၊ ပေါ်တာဆွဲ၊ ဖမ်းဆီးခြိမ်းခြောက်၊ ပစ္စည်းလု၊ ဖျက်ဆီးတာတွေရပ်တံ့ဖို့၊ လူ့ခွင့်ရေးချိုးဖောက်ခဲ့မှုတွေအတွက်တရားဝင် ၀န်ချတောင်းပန်ဖို့ တအာင်း အဖွဲ့အစည်းတွေက တောင်းဆိုခဲ့ကြပါတယ်။

သံလွင်မြစ်ကနေ သစ်ခိုးထုတ်နေဆဲ

စောရန်နိုင်


ကရင်ပြည်နယ် သံလွင်မြစ်ပေါ်တွင် မကြာသေးမီက ကျွန်းသစ် ၂၅တန် ဖမ်းဆီးရမိခဲ့သည်။ ထိုဖမ်းဆီးရမိမှုမှာ နိုင်ငံတ၀ှမ်းတွင် သစ်ခုတ်မှုကို တားမြစ်ထားသော်လည်း တရားမ၀င် သစ်ထုတ်လုပ်မှုများ ဆက်လက် ကျန်ရှိနေသည်ကို သက်သေပြလျက်ရှိသည်။

အဆိုပါ ကျွန်းသစ် ၂၅ တန်ကို ထိုင်းနယ်စပ် မဲဟောင်ဆောင်ခရိုင် ဘန်သာတဖန်းကျေးရွာ သံလွင်မြစ်ပေါ်တွင် တွေ့ရှိပြီးနောက် ကရင်အမျိုးသား အစည်းအရုံး (KNU) နှင့် ထိုင်းစစ်တပ်တို့က သိမ်းဆည်းခဲ့ခြင်း ဖြစ်သည်။

နယ်စပ် စစ်စခန်းရှိ ကရင် အမျိုးသားလွတ်မြောက်ရေးတပ်မတော် KNLA တပ်မဟာ ၅ မှ ဒုတိယ ဗိုလ်မှူးကြီး ကျော်မူက သံလွင်မြစ်ပေါ်ရှိ KNLA တပ်မဟာ ၅ ပိုင်နက်မှ ဖြတ်၍ အဆိုပါ ကျွန်းသစ်များကို ကရင်ပြည်နယ် ဘားအံမြို့မှ ကုမ္ပဏီတခုသို့ ပို့ဆောင်ရန် ရည်ရွယ်ခဲ့ခြင်း ဖြစ်ကြောင်း ဧရာဝတီ သတင်းဌာနသို့ ပြောသည်။

“အစိုးရက သစ်ခုတ်မှုကို တနိုင်ငံလုံး တားမြစ်နေတဲ့ အချိန်မှာ ကျနော်တို့က ကျနော်တို့ရဲ့ ပိုင်နက်ထဲမှာ ဒီကျွန်းသစ်တွေ သိမ်းဆည်းရမိခဲ့တယ်။ ဒါကိုလွှတ်ပေးလိုက်ရင် ကျနော်တို့ကို လာဘ်ယူတယ်ဆိုပြီး လူတွေက စွပ်စွဲကြမှာ စိုးရိမ်ပါတယ်။ ကျနော်တို့ရဲ့ ပုံရိပ်ကို မပျက်စီးစေချင်ပါဘူး”ဟု ဒုတိယ ဗိုလ်မှူးကြီး ကျော်မူကပြောသည်။

ထိုကျွန်းသစ်များကို ကယားနှင့် ထိုင်းနိုင်ငံသား ကရင်လူမျိုးများက သယ်ဆောင်လာကြောင်း ဒုတိယ ဗိုလ်မှူးကြီး ကျော်မူကပြောသည်။ အဆိုပါ ကျွန်းသစ် ၂၅ တန်ကို သိမ်းမိပြီးနောက် KNLA တပ်မဟာ ၅ က ကျွန်းသစ်သယ်ဆောင်လာသူများအား ၎င်းတို့ လှေပေါ်သို့ ပြန်သွားစေခဲ့သည်။

ထိုင်းနယ်စပ်စောင့် စစ်သားများကလည်း ထိုကျွန်းသစ်များကို လာရောက် စစ်ဆေးပြီး မြန်မာနိုင်ငံ အရှေ့ပိုင်း ကယားပြည်နယ်မှ သယ်လာသည့်အတွက် သူတို့နှင့် မပတ်သက်သည့်အတွက် တာဝန်မယူနိုင်ကြောင်း ပြောသည်။

ကျွန်းသစ်များနှင့်အတူ ပါလာသော စာရွက်စာတမ်းတွင် စက်တင်ဘာ ၂၁ ရက် နေ့စွဲပါရှိကာ ကယားပြည်နယ်မှ လက်နက်ကိုင် အဖွဲ့အစည်း ကရင်နီလူမျိုးပေါင်းစုံ ပြည်သူ့လွတ်မြောက်ရေးတပ် KNPLF က လွှဲပြောင်းပေးအပ်ခဲ့ကြောင်း ပါရှိသော အထောက်အထားအား ဧရာဝတီသတင်းဌာနက မြင်ခဲ့ရသည်။

အဆိုပါ စာရွက်စာတမ်းတွင် KNPLF ဒုဥက္ကဌ ဦးထွန်းရွှေက ကယားပြည်နယ် ဖဆောင်းမှ ကျွန်းသစ် ၁၁၂ တန် တင်ပို့ရန် ဦးမြင့်သိန်းအား ခွင့်ပြုချက် လက်မှတ်ထိုးပေးထားပြီး မည့်သည့်နေရာသို့ ပို့မည်ကို မှတ်တမ်းမတင်ထားပါ။

ဦးမြင့်သိန်းအား ဆက်သွယ်ခဲ့ပြီး KNLA တပ်မဟာ ၅ တွင် ၎င်းအား ထိန်းသိမ်းထားကြောင်း၊ ဦးမြင့်သိန်းနှင့် သိမ်းဆည်းရမိသော ကျွန်းသစ်များကိစ္စအား မည်သို့ဆောင်ရွက်ရမည်ကို KNUမှ ညွှန်ကြားချက်ကို စောင့်ဆိုင်းနေကြောင်း ဒုတိယ ဗိုလ်မှူးကြီး ကျော်မူက ပြောသည်။

ထိုင်းနိုင်ငံ မဲဟောင်ဆောင်ခရိုင်နှင့် နယ်စပ်ဖြစ်သော ကရင်နှင့် ကယားပြည်နယ်မျာတွင် တရားမ၀င် သစ်ခုတ်မှုများကို မကြာခဏ ဖြစ်ပွားလျက်ရှိပါသည်။ ထိုင်းစစ်တပ်နှင့် ရဲတပ်ဖွဲ့ကလည်း ၎င်းတို့၏ မြောက်ပိုင်းနယ်စပ် ဒေသတွင် လှေများ ရဟတ်ယာဉ်များဖြင့် စောင့်ကြည့်၍ တရားမ၀င်ကုန်သွယ်မှုကို နှိမ်နှင်းလျက်ရှိသည်။

ဇွန်လတွင် သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဦးအုန်းဝင်းက မြန်မာနိုင်ငံ၌ အလျင်အမြန် သစ်တောပြုန်တီးမှုကို ရပ်တန့်ရန် သစ်ခုတ်မှုကို တားမြစ်ကြောင်း ကြေညာခဲ့သည်။ ထို့ပြင် ကျွန်းပင်ငယ်များ ပြန်လည်စိုက်ပျိုးထားခြင်းမရှိသော ဒေသများတွင် ကျွန်းပင်ခုတ်ခြင်းကို တားမြစ်ပြီး ပြစ်ဒဏ်သတ်မှတ်ထားခဲ့သည်။

ဧပြီလ ၂၀၁၆-၁၇ ဘဏ္ဍာနှစ်အစတွင် တရားမ၀င်တင်ပို့သော သစ် ၁၉၄၀ တန်နှင့် ၁၀၄ ယူနစ်ရှိသော အကြီးစား စက်ယန္တရားများကို သိမ်းဆည်းရမိခဲ့ပြီး ကချင်ပြည်နယ်တွင် သစ်မှောင်ခိုရောင်းဝယ်သူ ၁၁၇ ဦးကိုလည်း ဖမ်းမိခဲ့ကြောင်း ၀န်ကြီး ဦးအုန်းမြင့်၏ အဆိုအရ သိရသည်။

လွန်ခဲ့သော ၅ နှစ်ကလည်း တရားမ၀င် တင်သွင်းသော သစ် ၂၆၂၃၃ တန် ၊ စက်ယန္တရား ၁၅၉၈ ယူနစ် သိမ်းဆည်းရမိခဲ့ပြီး မြန်မာနိုင်ငံသား သစ်မှောင်ခိုရောင်းဝယ်သူ ၈၆၁ ဦးနှင့် နိုင်ငံခြားသား သစ်မှောင်ခိုရောင်းဝယ်သူ ၁၇၆ ဦး ဖမ်းမိခဲ့သည်။

Karen Environmental and Social Action Network (KESAN) ၏ လက်ထောက်ညွှန်ကြားရေးမှူး စောအဲလက်စ်ထူးက နိုင်ငံတ၀ှမ်းတွင် သစ်ခုတ်မှု တားမြစ်ထားသော်လည်း သံလွင်မြစ်ပေါ်တွင် တရားမ၀င် သစ်ထုတ်လုပ်နေခြင်းကို ဝေဖန်ခဲ့သည်။

“အစိုးရက တနိုင်ငံလုံးအတိုင်းအတာနဲ့ တားမြစ်ထားတဲ့ အချိန်မှာ ဒီသစ်ကုန်သွယ်မှုကို ဆက်မလုပ်သင့်ဘူး။ တရားမ၀င် သစ်ခုတ်တာက ပတ်ဝန်းကျင်ကို ထိခိုက်တာတင် မဟုတ်ဘဲ ဒေသခံ လက်နက်ကိုင် အဖွဲ့အစည်းတွေအကြားမှာ ပဋိပက္ခတွေ ဖြစ်စေနိုင်ပါတယ်”ဟု စောအဲလက်စ်ထူးက ပြောသည်။

၁၉၇၈ ခုနှစ်တွင် တည်ထောင်ခဲ့သော KNPLF သည် အဓိအဖွဲ့အစည်းဖြစ်သော ကရင်နီအမျိုးသား တိုးတက်ရေးပါတီ KNPP မှ ခွဲထွက်လာခဲ့ခြင်း ဖြစ်သည်။ လက်နက်ကိုင် အဖွဲ့အစည်းတခုဖြစ်သော KNPP သည် ယခင် အစိုးရနှင့် တနိုင်ငံလုံးဆိုင်ရာ အပစ်အခတ်ရပ်စဲရေး သဘောတူ စာချုပ်ရေးထိုးခဲ့သည်။ ထို့ပြင် KNPLF သည် မြန်မာတပ်မတော်၏ ကျောထောက်နောက်ခံဖြင့် နယ်ခြားစောင့်တပ် BGF အဖြစ်လည်း တာဝန်ထမ်းဆောင်ခဲ့သည်။

KNPLF ခေါင်းဆောင်အချို့သည် KNU တပ်မဟာ ၇ မှ ခေါင်းဆောင်များနှင့် ပူးပေါင်း၍ တရားမ၀င် သစ်ခုတ်နေကြကြောင်း KNPP နီးစပ်သော သတင်းရင်းမြစ်များက ပြောသည်။ သို့သော် လွတ်လပ်သော အတည်ပြုချက်များ ဧရာဝတီအနေဖြင့် မရနိုင်သေးပါ။

ယနေ့ မြန်မာ့ရေရာသတင်းများ September, 30th,2016

( 10 )အိမ်အကူနှိပ်စက်သူများကို ယနေ့ ရုံးထုတ်စစ်ဆေး

( 9 )လိပ်ကျွန်းလူသတ်မှုမှ သေဒဏ်ကျ မြန်မာ ၂ ဦး အယူခံ အလားအလာကောင်း

( 8 )ပြည်နယ် စက်မှုလက်မှု ဖွံ့ဖြိုးရေး ဥပဒေကြမ်း အစိုးရအဖွဲ့ လွှတ်တော်သို့ တင်သွင်း

( 7 )နိုင်ငံတော်သမ္မတထံ ပြည်သူများ အွန်လိုင်းမှ ဆက်သွယ်တင်ပြတိုင်ကြားနိုင်ပြီ

( 6 )မာက်ကိုရီးယားနဲ့ မြန်မာ စစ်ဘက်ဆက်ဆံရေး ကန်စိုးရိမ်

( 5 )ကျောင်းသားလူငယ်များ မူးယစ်ဆေးဝါးသုံးစွဲမှုလျော့ကျစေရေး ကျောင်းပေါင်းစုံ မီနီမာရသွန်ပြိုင်ပွဲ ကျင်းပ

( 4 )အာဆီယံပါလီမန်ညီလာခံမှာ ဒေါ်စု မိန့်ခွန်းပြောမည်

( 3 )အင်းဝအပ်ချုပ်ဆိုင်အိမ်အကူနှိပ်စက်မှုတွင် တိမ်းရှောင်နေသည့်အမျိုးသမီး လာရောက်အဖမ်းခံ

( 2 )Vaclav Havel ဆု မြန်မာနိုင်ငံက မသီတာ ချီးမြှင့်ခံရ

( 1 )လက်ရွေးစင်ကစားသမား၂ ဦးကို ဥရောပလေ့ကျင့်ခရီးစဉ်မပြီးခင်ပြန်ပို

Thursday, September 29, 2016

ညနေပိုင်းမိုးလေ၀သခန့်မှန်းချက် ( ၂၉.၀၉.၂၀၁၆)


ကိုယ်စားလှယ်များအနေဖြင့် သိက္ခာချသော မေးခွန်းများ မမေးမြန်းရန် တိုင်းလွှတ်တော် ဥက္ကဋ္ဌ အသိပေး

မျိုးသူအောင်

လွှတ်တော်ကိုယ်စားလှယ်များအနေဖြင့် မေးခွန်းများ မေးမြန်းရာတွင် မသင့်တော်သောအသုံးအနှုန်းများ၊ ဂုဏ်သရေကို ထိခိုက်စေသော အသုံးအနှုန်းများနှင့် အခြားပုဂ္ဂိုလ်များအား သိက္ခာချသော မေးခွန်းများ မဖြစ်စေရေး သတိပြုကြရန် ရန်ကုန်တိုင်းဒေသကြီး လွှတ်တော်ဥက္ကဋ္ဌက အသိပေးပြောကြား လိုက်သည်။

စက်တင်ဘာလ ၂၉ ရက်နေ့ နံနက်ပိုင်းက စတင်ကျင်းပသည့် ဒုတိယအကြိမ် ရန်ကုန်တိုင်းဒေသကြီး လွှတ်တော် တတိယပုံမှန်အစည်းဝေးတွင် လွှတ်တော်ဥက္ကဋ္ဌက ယခုကဲ့သို့ ပြောကြားခဲ့ခြင်း ဖြစ်သည်။

" မဆီလျှော်သောအကြောင်းပြချက်များ၊ ခိုင်လုံသော အထောက်အထားမပါရှိသည့် ယူဆချက်များ၊ မသင့်တော်သော အသုံးအနှုန်းများ၊ ဂုဏ်သရေကို ထိခိုက်စေသော ဖော်ပြချက်များ မပါရှိစေရပါဘူး။ မိမိကိုယ်ကို မိမိအမွှန်းတင်သော အခြားပုဂ္ဂိုလ်များအား သိက္ခာချသော မေးခွန်းများစေရန် သတိပြုကြစေလိုကြောင်း အသိပေးအပ်ပါတယ်"ဟု ရန်ကုန်တိုင်းဒေသကြီး လွှတ်တော် ဥက္ကဋ္ဌ ဦးတင်မောင်ထွန်းက ပြောကြားခဲ့သည်။

ထို့အပြင် အကြောင်းကိစ္စ တစ်စုံတစ်ခုအား သိလို၍ စုံစမ်းမေးမြန်းသော အချက်သာ ပါရှိရမည်ဖြစ်ပြီး ရှင်းလင်းလွယ်ကူစွာ နားလည်စေရန်နှင့် မိမိဖော်ပြချက်မှန်ကန်ကြောင်း လွှတ်တော် ကိုယ်စားလှယ်က တာဝန်ခံရမည် ဖြစ်ကြောင်းလည်း ဆိုသည်။

ဒုတိယအကြိမ် ရန်ကုန်တိုင်းလွှတ်တော် တတိယ ပုံမှန်အစည်းဝေး ပထမနေ့တွင် မေးခွန်း (၈)ခု မေးမြန်းခဲ့ပြီး အဆိုနှစ်ခု တင်သွင်းခဲ့သည်။

ရန်ကုန်မြို့ကို လက်ရှိအနေအထားထက်ပိုပြီး နေချင်စဖွယ်ဖြစ်ဖို့ မဟာဗျုဟာ ဖြန့်ဝေ


စစ်အစိုးရခေတ် ဒုဝန်ကြီးများခေါင်းဆောင်သည့် ပညာရေးမူဝါဒကော်မရှင် ဖွဲ

ရွှေအောင်


ပညာရေးဆိုင်ရာ မူဝါဒများ ချမှတ်ပေးရမယ့် အမျိုးသားပညာရေး မူဝါဒ ကော်မရှင်ကို အရင် စစ်အစိုးရလက်ထက် ပညာရေးဒုဝန်ကြီးတာဝန် ထမ်းဆောင်ခဲ့ဖူးသူတွေ ခေါင်းဆောင်စေပြီး ဖွဲ့စည်းလိုက်ပါတယ်။

သမ္မတအမိန့်နဲ့ စက်တင်ဘာ ၂၈ရက်က ဖွဲ့စည်းလိုက်တဲ့ ပညာရေးမူဝါဒကော်မရှင်မှာ ကော်မရှင်ဥက္ကဋ္ဌအဖြစ် ပညာရေးဝန်ကြီးဌာန ဒုတိယဝန်ကြီး (အငြိမ်းစား) ဒေါက်တာမျိုးမြင့်၊ ဒုတိယဥက္ကဋ္ဌအဖြစ် သိပ္ပံနှင့် နည်းပညာဝန်ကြီးဌာန ဒုတိယဝန်ကြီး (အငြိမ်းစား) ဒေါက်တာ ညီလှငယ်တို့က တာဝန်ယူကြမှာ ဖြစ်ပါတယ်။

သမ္မတအမိန့်ကြော်ငြာစာထဲမှာ အမျိုးသားပညာရေး ဥပဒေကို ပြင်ဆင်တဲ့ ဥပဒေ အခန်း (၄)၊ ပုဒ်မ (၅) (က)အရ ပြည်ထောင်စုအစိုးရက အမျိုးသားပညာရေး မူဝါဒကော်မရှင်ကို ပြည်ထောင်စု လွှတ်တော်ရဲ့ အတည်ပြုချက်နဲ့ ဖွဲ့စည်းလိုက်တယ်လို့ ဖော်ပြထားပြီး ကော်မရှင်အဖွဲ့မှာ ၂၁ ဦး ပါဝင်ပါတယ်။

ကော်မရှင်သက်တမ်းဟာ ငါးနှစ်ဖြစ်ပြီး အမျိုးသားပညာရေး ရည်မှန်းချက်များနှင့် ပညာရေးဆိုင်ရာ မူဝါဒများ ချမှတ်ပေးခြင်း၊ အမျိုးသားပညာရေး ရည်မှန်းချက်များ အကောင်အထည်ဖော် ဆောင်ရွက်နိုင်ရန် လိုအပ်သော အမျိုးသားသင်ရိုးညွှန်းတမ်း ကော်မတီ၊ အမျိုးသားပညာရေး အဆင့်အတန်းနှင့် အရည်အသွေး အာမခံမှု အကဲဖြတ်ရေးကော်မတီ စတဲ့ အဖွဲ့များကို ဖွဲ့စည်းတာဝန်ပေးရမှာလည်း ဖြစ်ပါတယ်။

ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် အန်အန်အီးအာ အဖွဲ့က ဒေါက်တာညိုညိုသင်းက အစိုးရသစ်က ဖွဲ့လိုက်တဲ့ အမျိုးသားပညာရေး မူဝါဒ ကော်မရှင်မှာ လွတ်လပ်တဲ့အဖွဲ့အစည်းက ပုဂ္ဂိုလ်တွေနဲ့ ပြည်ပပညာရှင်တွေ ထည့်သွင်းဖွဲ့စည်းသင့်တယ်လို့ ပြောပါတယ်။

“ဒီလို ကော်မရှင်ဖွဲ့တဲ့အခါမှာ အစိုးရ၀န်ထမ်းတွေ ၀န်ထမ်းအငြိမ်းစားတွေနဲ့ ဖွဲ့တာထက်စာရင် တကယ့်ကို အောက်ခြေမှာ ပြည်သူလူထုကြားမှာ လက်တွေ့လုပ်ကိုင်နေတဲ့ လွတ်လပ်ပြီး အမှီ အခိုကင်းတဲ့ ပညာရှင်တွေ ပါစေချင်တယ်။ နောက်ပြီးတော့ အပြည်ပြည်ဆိုင်ရာ တက္ကသိုလ်တွေ ကနေ ဂုဏ်သိက္ခာရှိတဲ့ ပြင်ပပညာရှင်တွေလည်း ပါစေချင်ပါတယ်။ ဒီကော်မရှင်က မလုပ်နိုင်ဘူးလို့ မပြောပါဘူး။ စောစောက ပြောတဲ့သူတွေ ပါနိုင်ရင်တော့ ပိုကောင်းတာပေါ့။”

သိမ်းဆည်းထားတဲ့ ဥယျာဉ်ခြံမြေတွေ ပြန်ရဖို့ ဒေသခံတွေ KNUနဲ့ ဆွေးနွေး


မိုင်းတုံရေအားလျှပ်စစ် ရေကာတာ ဆက်ဆောက်ပါက ငြိမ်းချမ်းရေးကို ထိခိုက်နိုင်

လေးလေးမွန်

ရှမ်းပြည်မြောက်ပိုင်း မိုင်းတုံရေအားလျှပ်စစ် ရေကာတာ ဆက်လက်ဆောက်လုပ်မယ်ဆိုရင် ငြိမ်းချမ်းရေးကို ထိခိုက်လာနိုင်တယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် (အက်စ်အန်အယ်လ်ဒီ) က ပြောလိုက်ပါတယ်။

အရင်အစိုးရလက်ထက် သံလွင်မြစ်ပေါ် မိုင်းတုံ ရေအားလျှပ်စစ် ရေကာတာ တည်ဆောက်ဖို့ တရုတ်နိုင်ငံနဲ့ သဘောတူစာချုပ်ရှိတာကြောင့် ပြည်နယ်ဒေသခံတွေက ကန့်ကွက်မှုတွေ ရှိခဲ့ပါတယ်။

ဒီကန့်ကွက်မှုကို ပုံဖော်ထားတဲ့ ကျွန်းတထောင် ရေလွှမ်းတော့မယ်ဆိုတဲ့ ရုပ်သံမှတ်တမ်းကို စက်တင်ဘာ ၂၈ ရက်နေ့က Orchid Hotel မှာ ရုပ်ရှင်မှတ်တမ်းအနေနဲ့ ပြသရာ အက်စ်အန်အယ်လ်ဒီဥက္ကဋ္ဌ ဦးခွန်ထွန်းဦးက ထည့်သွင်းပြောဆိုခဲ့တာပါ။

“သံလွင်မြစ်ကို ကျနော်တို့ Dam တွေဆောက်မယ်။ ရတဲ့ဓာတ်အားတွေကို နီးစပ်ရာနိုင်ငံတွေကို ပေးမယ်ဆိုရင် ကျနော်တို့လည်း ခံစားခွင့်ရှိနိုင်တယ်။ ဒီအချက်က၊ အဓိကအရေးကြီးတာကတော့ သက်ဆိုင်ရာဒေသ၊ သက်ဆိုင်ရာ ပြည်နယ်တွေရဲ့ ပြည်နယ်သူ ပြည်နယ်သားတွေ၊ တိုင်းရင်းသားတွေရဲ့ဆန္ဒ မပါဘဲနဲ့ ဆက်သွားမယ်ဆိုရင်တော့ အမျိုးသားရင်ကြားစေ့ရေးဆိုတာ ကြာသထက် ကြာပါဦးမယ်။ အကယ်၍ ကျရှုံးခဲ့ရင် ငြိမ်းချမ်းရေးဆိုတာလည်း ထိခိုက်နိုင်တယ်ဆိုတာ ပြောကြားရင်း နိဂုံးချုပ်ပါတယ်။”

တိုင်းရင်းသားဒေသက ထွက်ရှိတဲ့ သယံဇာတပစ္စည်းတွေကို အရင်အစိုးရအဆက်ဆက် ထုတ်ယူသုံးစွဲခဲ့တာ၊ ဒေသခံတွေ သယံဇာတကို အတူမခံစားရတာ စတာတွေက တန်းတူ ကိုယ်ပိုင်ပြဋ္ဌာန်းခွင့်တွေမှာ ရှေ့ဆက်ဖို့ ခက်ခဲနိုင်တယ်လို့ ဆိုပါတယ်။

အဲဒါအပြင် သံလွင် မိုင်းတုံရေအားလျှပ်စစ်က ရောင်းကုန်တခုပဲဖြစ်ပြီး ဒေသဖွံ့ဖြိုးရေးအတွက် မဟုတ်တဲ့ကိစ္စ၊ စီးပွားရေးအရ၊ နိုင်ငံရေးအရ အာဏာခွဲဝေမှု ပြဋ္ဌာန်းထားတဲ့ ဖွဲ့စည်းပုံမရှိသေးတဲ့ကိစ္စ၊ ဆည်တည်ဆောက်မှုကို ကန့်ကွက်ရုံတင်မကဘဲ EIA, SIA အဖွဲ့ကိုပါ ကန့်ကွက်ကြောင်း ဦးစိုင်းလိတ်က ဆက်လက်ပြောဆိုသွားပါတယ်။

“ကျနော်တို့မှာ ကွန်စတီကျူးရှင်းလိုဟာမျိုး တိတိကျကျ ပြဋ္ဌာန်းထားတဲ့ အာဏာခွဲဝေမှု၊ စီးပွားရေးအရ ခွဲဝေမှု၊ သယံဇာတအရ ခွဲဝေမှု၊ အခွန်အခအရ ခွဲဝေမှုတွေ တိတိကျကျ မပြဋ္ဌာန်းနိုင်ခင်မှာ ဒီလုပ်ငန်းတွေကို လုပ်လိုက်မယ်ဆိုရင် ထပ်မံပြီး ပဋိပက္ခတွေ တိုးပွားစေမယ်။ နိုင်ငံတော်အတိုင်ပင်ခံပုဂ္ဂိုလ် ဦးဆောင်ပြီး လုပ်နေတဲ့ ငြိမ်းချမ်းရေးလုပ်ငန်းကို နှောင့်နှေးစေတယ်။ နိုင်ငံရေးအရ ဖိအားပေးပြီးတော့မှ ဒီစီမံကိန်းတွေကို မလုပ်မဖြစ် လုပ်ပါမယ်ဆိုရင် တိုင်းရင်းသားလူထုရဲ့ ငြိုငြင်မှုကို ခံစားရပါလိမ့်မယ်။ မဖြစ်မနေလုပ်မယ့် အဖွဲ့အစည်းက သမိုင်းတရားခံ ဖြစ်လိမ့်မယ်။ ခွင့်ပြုတဲ့အဖွဲ့အစည်းက အမှုတွဲပါလိမ့်မယ်။”

ရှမ်းပြည်မြောက်ပိုင်း လားရှိုးနဲ့ ဟိုပန်မြို့ကြား သံလွင်မြစ်ပေါ်မှာ တည်ဆောက်မယ့် နောင်ဖွဲ့ရေကာတာကို တရုတ်ကုမ္ပဏီနဲ့ မြန်မာဘက်နဲ့ အသိအမှတ်ပြု စာချွန်လွှာကို အရင်အစိုးရလက်ထက် ၂၀၀၉ မှာ ရေးထိုးခဲ့ပြီး ၂၀၁၄ မှာ သဘောတူစာချွန်လွှာ ရေးထားပါတယ်။

လက်ရှိမှာတော့ ရှမ်းပြည်လူထုနဲ့ အဖွဲ့အစည်း အသီးသီးက ဆည်တည်ဆောက်မယ့်ကိစ္စကို ဆက်လက်ဆန့်ကျင် ကန့်ကွက်သွားမယ်လို့ သိရပါတယ်။

ငြိမ်းချမ်းရေး လုပ်ငန်းစဉ်မှာ အမျိုးသမီး ပါဝင်မှု နည်းပါးနေ


ရသုံးငွေစာရင်းရှင်းပေးရန် ပျက်ကွက်သည့် သီတာချမ်းမြ နာမူကူညီရေးအသင်း ဥက္ကဋ္ဌ ကို အမှုဖွင့်

ဒီလှိုင်းဝင်း


မန္တလေးခရိုင်၊ မဟာအောင်မြေမြို့နယ် ၊ ချမ်းမြသာစည်မြောက်ရပ်ကွက်အတွင်းရှိ သီတာချမ်းမြ နာမှုကူညီရေးအသင်းကြီး ၏ နှစ်စဉ်ရသုံးငွေ စာရင်းရှင်းတမ်းကို ဖြေရှင်းပေးရန် ပျက်ကွက်နေသည့် အသင်းဥက္ကဋ္ဌ ဦးခင်မောင်မင်းကို အမှုဖွင့်ထားကြောင်း သိရသည်။

“ဒီအမှုကို ကျနော်က တရားလိုပြုလုပ်ပြီး အမှုဖွင့်ထားတာပါ၊ စခန်းက ဥပဒေရုံးကိုတင်ထားတယ်ဆိုလို့ သွားမေးတော့ ဒီနေ့အထိ သီတာချမ်းမြအမှု မရောက်သေးဘူးလို့ ပြောပါတယ်၊ အဲဒီတော့ စခန်းနဲ့ ဥပဒေရုံးကြားမှာလည်း ကွဲလွဲမှုတွေရှိ နေတယ်၊ ဥက္ကဋ္ဌ ဦးခင်မောင်မင်းက တိုင်းရဲရုံးက ဒုရဲမှူး ခင်မောင်သင်းနဲ့လည်း ညီအကို အရင်းဖြစ်နေတယ်ဆိုတော့ စဉ်းစားစရာတွေဖြစ်လာပါတယ်”ဟု အမှုဖွင့်လှစ်တိုင်ကြားထားသူ အလုပ်အမှုဆောင် ဦးမောင်မောင်လွင်ကပြောသည်။

အသင်းစာရင်းရှင်းတမ်းများ ကွဲလွဲနေသဖြင့် အသင်း၏ ပုံမှန်လုပ်ဆောင်နေမှုများအား ရပ်နားထားရသည်မှာ ၃ လနီးပါး ရှိနေပြီဖြစ်ကြောင်း သိရသည်။

အဆိုပါကိစ္စနှင့်ပတ်သက်၍ အသင်းဥက္ကဋ္ဌ ဦးခင်မောင်မင်းထံ ဖုန်းဖြင့်ဆက်သွယ်မေးမြန်းခဲ့သော်လည်း ယခုကိစ္စနှင့်ပတ် သက်ပြီး ပြောစရာအကြောင်း မရှိကြောင်း ပြန်လည်ဖြေကြားခဲ့သည်။

“သီတာချမ်းမြနာမှုကူညီရေးအသင်းကြီးရဲ့နှစ်စဉ်ရသုံးငွေစာရင်းတွေရှင်းကြရမှာ စာရင်းရှင်းတမ်းကွဲလွဲမှုတွေဖြစ်ပေါ်လာ တာကြောင့် စာရင်းရှင်းလင်းခိုင်းကြတာကနေ မလိုလားအပ်တဲ့ ပြဿနာတွေဖြစ်လာပြီးတော့ အသင်းကြီးရဲ့ ပုံမှန် လှုပ်ရှားမှုတွေကို ဇွန်လ ၁၆ ရက်နေ့စပြီး ရပ်နားထားခဲ့ရတယ်၊ အဲဒီလိုရပ်နားထားရတာကြောင့် အလှူရှင်တွေနဲ့အတူ အသင်းကြီးရဲ့အနာဂတ်အတွက် နစ်နာမှုတွေ ရှိနေပါတယ်”ဟု သီတာချမ်းမြနာမှုကူညီရေးအသင်းကြီး၏ ဒုတိယဥက္ကဋ္ဌ ဦးသောင်းညွန့်က ပြောသည်။

ငွေစာရင်းရှင်တမ်းရှင်းလင်းပေးရန်နှင့် အသင်းရုံး အမြန်ပြန်လည်ဖွင့်လှစ်ပေးရန်၊ အသင်းလုပ်ငန်းများ ရပ်နားထားရခြင်းကို အသင်းသူ၊ အသင်းသားများ၊ အလှူရှင်များက အမှန်တရားသိစေရန်အတွက် စာနယ်ဇင်းရှင်းလင်းပွဲကို စက်တင်ဘာ ၂၇ ရက်နေ့က လမ်း၈၀၊ ၄၀×၄၁လမ်းကြားရှိ အေးငြိမ်းအောင်မြင်သိဒ္ဓိရှင် ဆုတောင်းပြည့်ဓမ္မာရုံတွင် ပြုလုပ်ခဲ့ကြောင်း သိရသည်။

“အသင်းကြီးရဲ့စာရင်းရှင်းတမ်းတွေကို ရှင်းလင်းပေးဖို့ ဥက္ကဋ္ဌ ဦးခင်မောင်မင်းကို နာယကဆရာတော်ကြီးများရှေ့မှာ ပြောခဲ့ပါတယ်၊ စာရင်းရှင်းမပေးတဲ့အပြင် ကျနော်တို့ကို ခြိမ်းခြောက်မှုတွေလုပ်ခဲ့ပါတယ်”ဟု အလုပ်အမှုဆောင်ဦးမောင်မောင်လွင်ကပြောသည်။

အသင်းဥက္ကဋ္ဌမှ စာရင်းရှင်းလင်း ပေးခြင်း မရှိသဖြင့် မေလ ၂၇ ရက်နေ့က ချမ်းမြသာစည်မြောက်ရပ်ကွက်အုပ်ချုပ်ရေးမှူး ထံ တိုင်ကြားခဲ့ရာ ဥက္ကဋ္ဌဦခင်မောင်မင်းက ဇွန်လ ၁ရက်နေ့တွင် ငွေစာရင်း၊ စာရွက်စာတမ်းများ၊ ဘောက်ချာများကို အပ်နှံ ပေးပါမည်ဟု ၀န်ခံကတိပြုခဲ့သော်လည်း အပ်နှံပေးခြင်းမရှိခဲ့ကြောင်း၊ ဇူလိုင် ၁၃ ရက်နေ့က အမှတ် ၉ မြို့မရဲစန်းသို့ သွား ရောက် အမှုဖွင့်လှစ်တိုင်ကြားခဲ့ရာ ရဲစခန်းမှ စက်တင်ဘာလ ၁ ရက်နေ့မှ အမှုဖွင့်လှစ်ပေးခဲ့ကြောင်း သိရသည်။

“သီတာချမ်းမြအမှုကို ဇူလိုင်လကတည်းက လာရောက်တိုင်ကြားပေမယ့် အများနဲ့သက်ဆိုင်နေတဲ့အမှု ဖြစ်နေတာကြောင့် စခန်းအနေနဲ့ လုပ်ဆောင်လို့မရတာကြောင့် မြို့နယ်အဆင့်၊ ခရိုင်အဆင့်အထိ တင်ပြပြီး နှစ်ဘက်လုံးကို စစ်ဆေးနေတာ ကြောင့် ကြာသွားရတာပါ၊ အခုတော့ နှစ်ဘက်စလုံးက အပြန်အလှန် စွဲဆိုမှုတွေကို မြို့နယ်ဥပဒေရုံးကို တင်ထားပါပြီ”ဟု အမှတ်၉ မြို့မစခန်း စခန်းမှူး ဒုရဲမှူးကြည်စိုးက စက်တင်ဘာ ၂၄ ရက်နေ့က ပြောသည်။

သီတာချမ်းမြ နာမှုကူညီရေးအသင်းကြီးကို မိုးထားတိုက်ရှိ ဆရာတော်ကြီးများ၏ သြ၀ါဒကိုခံယူ၍ ၂၀၁၂ခုနှစ် ဖေဖော်ဝါရီ လ ၁၄ ရက်နေ့က စတင်ဖွင့်လှစ်ခဲ့ပြီး လစဉ် အလှူရှင် ၁၀၀၀ ကျော် အထိရှိကာ အသင်းကြီးပိုင် နာရေးယာဉ် ၅ စီး အပါ အ၀င် မော်တော်ယာဉ် ၇ စီးရှိကြောင်း သိရသည်။

အသင်းကြီး၏ စာရင်းရှင်းတမ်းများ ကွဲလွဲနေမှုအား (C.P.A) အစိုးရအသိအမှတ်ပြုလက်မှတ်ရ ပြည်သူ့စာရင်းစစ် ဒေါ်အေး သွင်မှ စာရင်းစစ်ဆေးခမယူဘဲ လုပ်အားအလှူအဖြစ် စစ်ဆေးဆောင်ရွက်ပေးခဲ့ရာ အသင်းနှင့်သက်ဆိုင်သည့် စာရင်းများ၊ စာရွက်စာတမ်းများ၊ ဘောင်ချာများနှင့် ရသုံးငွေ၊ ဘဏ်စာအုပ်များ စသည့် လိုအပ်ချက်များတောင်းခံခဲ့သော်လည်း သက် ဆိုင်သူများက အပြည့်အစုံတင်ပြပေးခြင်း မရှိသဖြင့် စာရင်းစစ်ဆေးပေး၍ မရခဲ့ကြောင်း သိရသည်။

“ကျမကို စာရင်းစစ်ပေးဖို့အတွက် အကူအညီလာတောင်းလို့ ငွေကြေးမယူဘဲ လုပ်အားအလှူအနေနဲ့ စစ်ပေးခဲ့တာမှာ လိုအပ်တဲ့ဟာတွေ တောင်းခဲ့တယ်၊ အသင်းဥက္ကဋ္ဌ ဦးခင်မောင်မင်းနဲ့ အသင်းစာရင်းစစ် ဦးခင်မောင်လင်းတို့က ငွေစာရင်းနဲ့ အထွေထွေလယ်ဂျာစာအုပ်တွေပဲပေးလို့ အခြားစာရွက်စာတမ်းတွေကို ထပ်တောင်းတော့ နောက်ထပ်ပေးစရာ စာရွက် စာတမ်းတွေမရှိဘူး၊ စာရင်းစစ်မရရင် မစစ်နဲ့တော့လို့ ပြောခဲ့ပါတယ်။ ဒါကြောင့် သူတို့ပေးတဲ့အရာတွေကို ရပ်ကွက်အုပ်ချုပ်ရေးမှူးဆီမှာ သံသေတ္တာအတွင်း သော့ခတ်ပြီး အများရှေ့မှာ အပ်နှံပေးခဲ့ပါတယ်”ဟု C.P.A လက်မှတ်ရ ဒေါ်အေးသွင်က ပြောသည်။

သီတာချမ်းမြနာမှုကူညီရေးအသင်းကြီးသည် မန္တလေးခရိုင်၊ မဟာအောင်မြေမြို့နယ်၊ ချမ်းမြသာစည်မြောက်ရပ်ကွက်၊ မိုးထားတိုက်မြောက်ပေါက်တွင် အခြေစိုက်၍ ချမ်းမြသာစည်မြောက်ရပ်ကွက်နှင့် ရွှေဘုန်းရှိန်ရပ်ကွက်များ၏ သာရေး၊ နာ ရေးကိစ္စများ ကူညီပေးခြင်း၊ နိုင်ငံအတွင်း သဘာဝဘေး အန္တရာယ်ကျရောက်သည့် ဒေသများသို့ သွားရောက်ကူညီခြင်း များနှင့် အသင်းကြီးနှင့်နီးစပ်သည့် လမ်းများပေါ်တွင် ယာဉ်မတော်တဆထိခိုက် ဒဏ်ရာရရှိသူများကို ဆေးရုံကြီးသို့ ပို့ဆောင်ပေးခြင်းများ လုပ်ဆောင်ပေးခြင်းဖြစ်သည်။ အသင်းစာရင်းရှင်းတမ်းများ ပြဿနာကြောင့် လတ်တလောတွင် ကူညီရေးလုပ်ငန်းများကို ရပ်နားထားရသည်မှာ သုံးလကျော်ပြီဖြစ်ကြောင်း သိရသည်။

နာမှုကူညီရေးလုပ်ငန်းများလုပ်ဆောင်နိုင်ရန်အတွက် မော်တော်ယာဉ်များ လှူဒါန်းထားသည့် အလှူရှင်များနှင့်အတူ လစဉ်အလှူရှင်များ၏ မေးမြန်းစုံစမ်းမှုများကိုလည်း တိကျသည့်အဖြေပေးနိုင်ခြင်းမျိုးမရှိသေးကြောင်း သိရသည်။

“ကျမတို့ရပ်ကွက်မှာ အခုလို နာရေးကူညီမှုအသင်းတစ်ခုရှိတော့ ရပ်ရွာထဲမှာ သာရေး၊ နာရေးကိစ္စတွေရှိလာပြီဆိုရင် အားကိုးလို့ရတယ်ဆိုပြီး ၀မ်းသာနေတာ၊ အခုတော့ အသင်းကြီးက ပိတ်ထားတယ်၊ အရင်လိုလှုပ်ရှားမှုမရှိတာကြောင့် တာဝန်ယူ လုပ်ဆောင်နေတဲ့သူတွေကို မေးမြန်းတော့မှ ရပ်နားထားတယ်ဆိုတာပဲ သိရတယ်။ ဘယ်လိုကြောင့်ပဲဖြစ်ဖြစ်ပါ အများ လှူဒါန်းထားတာတွေနဲ့ ပုံမှန်လည်ပတ်နေတာက ရပ်နားလိုက်တော့ ရပ်ရွာအတွက် နစ်နာမှုတွေရှိတာတော့ အမှန်ပါပဲ”ဟု ချမ်းမြသာစည်မြောက်ရပ်ကွက်နေ ဒေါ်ခင်စန်းဝေကပြောသည်။

လတ်တလောတွင် ချမ်းမြသာစည်မြောက်ရပ်ကွက်နှင့်ရွှေဘုန်းရှိန်ရပ်ကွက်များတွင် သာရေး၊ နာရေးကိစ္စရပ်များ ဖြစ်ပေါ်လာလျှင် အခြားသောနာမှုကူညီရေးအသင်းများ သို့ ချိတ်ဆက်၍ အကူအညီ တောင်းခံနေကြရမှုများရှိကြောင်း သိရသည်။

အရင် တိုင်းအစိုးရလက်ထက် စီမံကိန်းများ လုပ်ထုံးလုပ်နည်းနဲ့အညီ ချပေးခဲ့ခြင်း ရှိ မရှိ


မြောက်ကိုရီးယားနှင့် စစ်ရေးဆက်ဆံမှု စိုးစဉ်မျှမကျန်အောင် မြန်မာအား အမေရိကန်က တိုက်တွန်း

အေပီ

အရပ်သားအစိုးရသစ်နှင့် တပ်မတော်ခေါင်းဆောင်များက မြောက်ကိုရီးယားနှင့် စစ်ရေးဆက်ဆံမှုကို ကန့်ကွက်ထားသော်လည်း တပ်မတော်အတွင်း မြောက်ကိုရီးယားနှင့် ပူးပေါင်းမှုက အကြွင်းအကျန်အဖြစ် ရှိနေဦးဖွယ်ရှိကြောင်း အမေရိကန် အကြီးတန်းတာဝန်ရှိသူတစ်ဦးက စက်တင်ဘာ ၂၈ ရက်က ပြောသည်။

ယခင်စစ်အုပ်ချုပ်မှုအောက် မြန်မာနိုင်ငံသည် နိုင်ငံတကာနှင့် ကင်းကွာကာ အထီးကျန်ဖြစ်ခဲ့သည့် အချိန်များ၌ မြောက်ကိုရီးယားမှ စစ်လက်နက်ပစ္စည်းများ ဝယ်ယူခဲ့သည်။ အမေရိကန်နှင့် ဆက်ဆံရေးပုံမှန်အခြေသို့ ပြန်ရောက်ရန် မြောက်ကိုရီးယားနှင့် စစ်ရေးဆက်ဆံမှုများ ရပ်တန့်ပစ်ရမည်ဟု မြန်မာနိုင်ငံအား အမေရိကန်က ဖိအားပေးခဲ့သည်။

ယခုလအတွင်း အမေရိကန်သို့ မြန်မာ့ခေါင်းဆောင် ဒေါ်အောင်ဆန်းစုကြည် ရောက်ရှိစဉ်အတွင်း အကြွင်းအကျန်အဖြစ် ရှိနေဦးဖွယ်ရှိသည့် မြောက်ကိုရီးယားနှင့် စစ်ရေးဆက်ဆံရေးအား အမြစ်ဖြတ်ပစ်ရန် အရေးကြီးကြောင်း သမ္မတအိုဘားမားက အလေးအနက် ပြောခဲ့သည်ဟု လက်ထောက်နိုင်ငံခြားရေးဝန်ကြီး ဒီနီယယ်ရူဆဲလ်က ပြောသည်။

“မြန်မာစစ်တပ်အတွင်းမှာ အနည်းအကျဉ်း မြောက်ကိုရီးယားနဲ့ စစ်ရေးပူးပေါင်းမှုက အကြွင်းအကျန် ရှိနေဦးမယ်လို့ ကျွန်တော်တို့ ထင်ပါတယ်။ ဒါပေမယ့် အစိုးရ စိုးရိမ်သလောက် စစ်တပ်ကလည်း ဒါကို စိုးရိမ်မှု ရှိမယ် ယူဆပါတယ်။ မြောက်ကိုရီးယားနဲ့ စစ်ရေးဆက်ဆံမှုကို တားဆီးဖို့၊ အမြစ်ဖြတ်ဖို့ လုပ်နေမယ်လို့ ထင်ပါတယ်။”ဟု ၎င်းက ပြောသည်။

အထီးကျန် မြောက်ကိုရီးယားနိုင်ငံ၏ နျူကလီးယားနှင့် ဒုံးကျည်စီမံကိန်းများအတွက် ဘဏ္ဍာငွေစီးဝင်မှုကို ထိန်းချုပ်ရန် နိုင်ငံတကာ၏ အားထုတ်မှုတစ်ရပ်အဖြစ် ကုလသမဂ္ဂက မြောက်ကိုရီးယားနှင့် လက်နက်ကုန်သွယ်မှုကို တားမြစ်ကန့်သတ်ထားသည်။ မြန်မာနိုင်ငံက စစ်အစိုးရလက်ထက်တွင် မြောက်ကိုရီးယား၏ အဓိကစစ်လက်နက်ပစ္စည်းဝယ်ယူသည့် နိုင်ငံဖြစ်ခဲ့သည်။

စက်တင်ဘာ ၁၄ ရက်က အိမ်ဖြူတော်သို့ ဒေါ်အောင်ဆန်းစုကြည် ရောက်ရှိစဉ် မြန်မာနိုင်ငံအား စစ်အုပ်ချုပ်ရေး ဆယ်စုနှစ်များစွာမှ ဒီမိုကရေစီနည်းကျ အရပ်သားအစိုးရအား ရွေးကောက်တင်မြောက် ခဲ့သည့် အသွင်ကူးပြောင်းမှုများအရ ချမှတ်ထားသည့် အမေရိကန်၏ စီးပွားရေး ဒဏ်ခတ်ပိတ်ဆို့မှုများကို ရုပ်သိမ်းကာ ယခင် ပစ်ပယ်ခံနိုင်ငံအား ကုန်သွယ်ရေးအကျိုးအမြတ်များ လမ်းဖွင့်ပေးရန် အစီအစဉ်ရှိကြာင်း သမ္မတအိုဘားမားက ကြေညာခဲ့သည်။

ထိုဆုံးဖြတ်ချက်ကို မကြေညာမီ ကွန်ဂရက်လွှတ်တော်နှင့် ပြည့်ပြည့်ဝဝ တိုင်ပင်မှုပြုခြင်းမရှိကြောင်း ရီပတ်ဘရီကန်အမတ် Cory Gardner က စက်တင်ဘာ ၂၈ ရက် လွှတ်တော်တွင် အဆိုတင်ခဲ့သည်။

အမေရိကန်ခရီးစဉ်အတွင်း လွှတ်တော်အမတ်များနှင့် တွေ့ဆုံခဲ့သည့် ဒေါ်အောင်ဆန်းစုကြည်က စစ်တပ်ထိန်းချုပ်သော နိုင်ငံ၏ အကြီးဆုံးစီးပွားရေး လုပ်ငန်းကြီးနှစ်ရပ်ဖြစ်သည့် မြန်မာ့ကော်ပို ရေးရှင်းနှင့် မြန်မာ့စီးပွားရေးဦးပိုင်လီမီတက်တို့အပေါ် ဒဏ်ခတ်ပိတ်ဆို့မှုများ ဆက်ထားခြင်းကို ထောက်ခံသည်ဟု ပြောခဲ့ကြောင်း Cory Gardner က ဆိုသည်။

သို့သော် ဒေါ်အောင်ဆန်းစုကြည်က ဒဏ်ခတ်ပိတ်ဆို့မှုအားလုံး ရုပ်သိမ်းသင့်သည့် အချိန်ရောက်ပြီဟုသာ ပြောခဲ့ခြင်းဖြစ်ကြောင်း ဒီနီယယ်ရူဆဲလ်က တုံ့ပြန်သည်။

သမ္မတအိုဘားမားက ဒဏ်ခတ်ပိတ်ဆို့မှု ရုပ်သိမ်းပြီးသည့်တိုင်အောင် စစ်တပ်ထိန်းချုပ်သော အဆိုပါ စီးပွားရေးလုပ်ငန်းများအပေါ် အမေရိကန်နိုင်ငံအနေဖြင့် ကန့်သတ်မှုများ ဆက်လက်ထား ရှိနိုင်ကြောင်း လူ့အခွင့်အရေး တက်ကြွလှုပ်ရှားသူ အချို့က ပြောဆိုသည်။

မွေးမြူရေး လုပ်ငန်းသုံးပစ္စည်းတွေ ကုန်သွယ်လုပ်ငန်းခွန် ကင်းလွတ်ခွင့် ပေးဖို့ တောင်းဆို


နမ္မတူမြစ်ရေအားလျှပ်စစ်စီမံကိန်းကြောင့် ရေလွှမ်းခြင်းခံရမည့် သီပေါဒေသခံများ ဆန့်ကျင်ဆန္ဒထုတ်ဖော်

SHAN


အထက်ရဲရွာ ရေကာတာနှင့် နမ္မတူမြစ်ပေါ်တွင် ဆောက်လုပ်မည့် အခြားေ လသာ ရေကာတာ စီမံကိန်းများ အား ဆန့်ကျင်ကြောင်း သီပေါမြို့နယ် နားမခေါ်အုပ်စု တာ့လုံရွာမှ ဒေသခံလူထုများက ဆန္ဒသဘောထားများ ထုတ်ဖော်ခဲ့ကြသည် ။

“၂၄ နဲ့ ၂၅ ရက်နေ့က ၀မ့်တာ့လုံရွာမှာ သျှမ်းတောင်သူလယ်သမားများ ကွန်ယက်ကနေ လူငယ်တွေကို ရေကာတာ၊ ရေအားလျှပ်စစ်စီမံကိန်းနဲ့ ပတ်သက်ပြီးတော့ ဗဟုသုတတွေကိုလာပြီးဆွေးနွေးပို့ချပေးတယ်။ ဒီနှစ်အတွင်းမှာကျင်းပမယ့် သျှမ်းပြည်တောင်သူလယ်သမား များ တွေ့ဆုံပွဲမှာလည်း ပါဝင်ဆွေးနွေးနိုင်အောင် ဖလှယ်ကြတယ်ေ ဆွးနွေးကြတယ်။” – ဟု တွေ့ဆုံဆွေးနွေးရေးအမှုဆောင်နန်းလောဝ်ခမ်းက သျှမ်းသံတော်ဆင့်အားပြောပြသည် ။

ဆွေးနွေးမှု ၂ ရက်အပြီး စက်တင်ဘာလ ၂၆ ရက်တွင် သျှမ်းတောင်သူလယ် သမားများကွန်ယက်သည် တာ့လုံရွာ နားမခေါ်အုပ်စုမှ ရပ်မိရပ်ဖ များနှင့်တွေ့ဆုံကာ နမ္မတူမြစ်ပေါ်ရေကာတာတည်ေ ဆာက်ခြင်းနှင့်ပ တ်သက်သည့် ဆန္ဒသဘောထားများကို ကောက်ယူခဲ့ကြသည် ။

စီမံကိန်းကြောင့် တာ့လုံရွာမှာ ရေလွှမ်းမည့်အထဲပါဝင်နေသဖြင့် ဒေသခံများမှာ စီမံကိန်း ဆန့်ကျင်ကြောင်း သဘောထားပေးခဲ့ကြခြင်းဖြစ်သည် ။

“တွေ့ဆုံပွဲ တက်ရောက်သူ ၁၈၇ ဦးအနက် ၁၈၃ ဦးမှာရေအား လျှပ်စစ် ထုတ်လုပ်ရေးစီမံကိန်းအားဆန့်ကျင်ခဲ့ကြပြီး ကျန် ၄ ဦး ဆန္ဒမဲကတော့ပယ်မဲပေါ့ ” ဟု တာ့လုံလူငယ်စိုင်းစိုင်းကပြောသည် ။

ထိုသို့ဆန္ဒမဲကောက်ယူမှုအပြီး တွေ့ဆုံပွဲတက်ရောက်လာသူများသည် နမ္မတူမြစ်ပေါ်တည်ဆောက်မည့် ရဲရွာရေကာတာနှင့်အတူ ရေကာတာသစ် ၄ ခုတို့အား ဆန့်ကျင်ကြောင်း ရေးသားထားသည့်စက္ကူစာရွက်များကိုင်ဆောင်ကာ ဆန္ဒထုတ်ဖော်ခဲ့ကြသည် ။

“ဒီ စီမံကိန်းတွေက ပွင့်လင်းမြင်သာမှု မရှိဘူး။ နောက်ဒေသခံတွေ သဘောမတူပဲ အတင်းအကျပ် စီစဉ်နေတယ်။ စီမံကိန်းဒေသနားမှာလည်း မကြာခဏ တိုက်ပွဲတွေဖြစ်နေတယ်။ စီမံကိန်းတွေ ရပ်တန့်ပေးဖို့ တောင်းဆိုချင်ပါတယ်” ဟု ဆန္ဒပြပွဲတွင် ပါဝင်ခဲ့သူ တဦးကပြောသည် ။

အထက်ရဲရွာရေကာတာ စီမံကိန်းကို တရုတ်၊ ဆွစ်ဇာလန်၊ ဂျာမနီနှင့် ဂျပန် ကုမ္ပဏီများ ပါဝင်ကာ တည်ဆောက်မည်ဖြစ်ပြီး စီမံကိန်းကို ၂၀၁၈ ခုနှစ်တွင် ပြီးစီးရန် စီစဉ်ထားသည်ဟု ဆိုသည်။ ရေကာတာ မတည်ဆောက်မီကတည်းက တာလုံရွာသားတို့အား အကြောင်းကြားခြင်း မရှိသည့်အပြင် ညှိနှိုင်းတိုင်ပင်မှုများ မရှိခဲ့ကြောင်း သိရသည် ။

ရွာသားများ အနေဖြင့်လည်း ပြောင်းရွှေ့ခြင်းကို မလိုလားကြေ သာကြောင့် ပြီး ခဲ့ သည့် ဖေဖော်ဝါရီလက တာလုံ ရွာသူ/ ရွာသားများမှ ရေကာတာေ ကြာင့် ရွှေ့ပြောင်းကြရမည်ကို ဆန့်ကျင်ကန့်ကွက်သည့် လက်မှတ်ရေး ထိုးထားသော စာရွက်မှတ်တမ်းကို ရှမ်းတိုင်းရင်းသား ဒီမိုကရေစီ အဖွဲ့ချုပ် လွှတ်တော်ကိုယ်စားလှယ်မှတစ်ဆင့် တင်ပြခဲ့ကြောင်းလည်း သိရသည် ။

နမ္မတူ ( ဒုဋ္ဌဝတီ ) ခေါ် မြစ်ငယ်မြစ်မြစ်ပေါ် ရှမ်းကုန်းမြင့် ဒေသတွင် အထက်ရဲရွာ ၊ အလယ်ရဲရွာ စသဖြင့် ရေအားလျှပ်စစ်စီမံကိန်းများ အကောင်ထည် ဖော်နေပြီး အများစုမှာ ပွင့်လင်းမြင်သာမှု မရှိကာ အင်အားအကြီးဆုံး “၀” တပ်ဖွဲ့မှ တရုတ်ရင်းနှီးမြှပ်နှံသူများ တည်ဆောက်မည့် အထက်ရဲရွာ ရေအားလျှပ်စစ်စီမံကိန်းမှ လျှပ်စစ်များကို “၀” ဒေသသို့ ပေးပို့ရန် တောင်းဆိုထားသည်ဟု သိရသည် ။

သဘာဝဓာတ်ငွေ့ အစား ကျောက်မီးသွေး ပြောင်းသုံးလည်ပတ်မှုအပေါ် ကန့်ကွက်


ပွဲတော်များ ကျင်းပရာတွင် ဗျောက်အိုးဖောက်ခွင့် တောင်းခံနိုင်

မင်းရဲစစ်နိုင်

မြန်မာ့ရိုးရာ သီတင်းကျွတ်မီးထွန်းပွဲတွေမှာ စည်းကမ်းမဲ့ ဗျောက်အိုးဖောက်ခြင်းများ မရှိစေရေးနဲ့ စည်းကမ်းတကျ ကျင်းပနိုင်ဖို့အတွက် ပွဲတော်တွင်း ဗျောက်အိုးဖောက်ခြင်းများပြုလုပ်မည်ဆိုပါက ခွင့်ပြုချက် တောင်းခံနိုင်ကြောင်း ကလေးမြို့နယ်အုပ်ချုပ်ရေးမှူးဦးဝေလွင်ဖြိုးက ပြောပါတယ်။

“စည်းကမ်းမဲ့ ဗျောက်အိုးဖောက်ခြင်းတွေကြောင့် ပြည်သူတွေ အထိတ်တလန့်ဖြစ်တယ်။ အန္တရာယ်လည်း ဖြစ်နိုင်တယ်။ ပိုဆိုးတာက မသမာသူတွေက ပွဲတော်ကိုအမှီပြုပြီး အခွင့်ကောင်း ယူပြီး ဖောက်ခွဲရေးမှုခင်းတွေ လုပ်ဆောင်နိုင်တယ်။ စည်းကမ်းမဲ့ ဟိုဖောက် ဒီဖောက်လုပ် အချိန်အခါမဲ့ ဗျောက်အိုးဖောက်တော့ မဖြစ်သင့်တာ မဖြစ်အောင်တော့ ဒေသန္တရ အမိန့်ထုတ် ကာကွယ်ထားတယ်” လို့လည်း ဦးဝေလွင်ဖြိုးက ဆက်လက်ပြောပါတယ်။

မြန်မာ့ရိုးရာပွဲတော်များဖြစ်တဲ့ သီတင်းကျွတ် တန်ဆောင်တိုင်လိုမျိုးကာလတွေမှာ အများအားဖြင့် မီးရှူးမီးပန်းတွေ ပစ်လွှင့်ခြင်း ဗျောက်အိုးဖောက်ခြင်းတွေ ပြုလုပ်လေ့ရှိပြီး စနစ်တကျ ပျော်ရွှင်စေတတ်ရေးနဲ့ နယ်မြေအေးချမ်းသာယာရေးအတွက် ရည်ရွယ်ပြီး စက်တင်ဘာ ၂၆ ရက်နေ့ နေ့စွဲနဲ့ ဗျောက်အိုး ရောင်းဝယ်ရေး လုံးဝ ဖောက်ခွင့်မပြုရေး ဒေသန္တရ အမိန့်တစ်ရပ် ကလေးမြို့မှာ ထုတ်ပြန်ထားပါတယ်။

“အခုလို စည်ကမ်းမရှိ ကိုယ့်အတွက်ပျော်ဖို့ကြည့်ပြီး ဗျောက်အိုးဖောက်တာတွေကိုတားတာ သဘောကျပါတယ်။ ဗျောက်ဖောက်တဲ့သူတွေအနေနဲ့ မြင်ရတာက တချို့ ရိုင်းစိုင်းတယ်။ ဘုရားမီး ပူဇော်လာတဲ့ လူအုပ်ကြားထဲ လွင့်ပစ်ဖောက်တယ်။ ပွဲတော်ရက် ဝတ်စားကောင်းလေးတွေ ဝတ်လာတာ မီးလောင်တာတွေ အရေပြားထိတာတွေ ဖြစ်တယ်။ ဒါမျိုးကို ဖမ်းဆီး အရေးယူစေချင်တယ်” လို့ ကလေးမြို့နေ မသူဇာမြင့်က ပြောပါတယ်။

ကလေးမြို့ နယ်မြေလုံးခြုံရေး အေးချမ်းစေရေးအတွက် စနစ်တကျဖြစ်စေရေး ပွဲတော်များတွင် ဗျောက်အိုးဖောက်ခွင့် တောင်းရာမှာ နေရာ၊ အချိန်နဲ့ တာဝန်ခံ အမည်တွေကို ထည့်သွင်းပြီး ကလေးမြို့နယ် အထွေထွေ အုပ်ချုပ်ရေး ဦးစီးဌာနရုံးမှာ ခွင့်ပြုချက်တောင်းယူရမှာ ဖြစ်တယ်လို့ သိရပါတယ်။

အိမ်​အကူ မိန်းက​လေးနှစ်​ဦး ညှင်းပန်းနှိပ်​စက်​မှု ကျုးလွန်သူတွေကို ရုံးထုတ်စစ်ဆေး


မဲသဝေါဒေသတိုက်ပွဲနှင့် ဟတ်ကြီးရေကာတာစီမံကိန်း တိုက်ရိုက်ဆက်စပ်နေ

နော်နိုရင်း


ကရင်ပြည်နယ်မယ်သဝေါဒေသမှာ လတ်တလောဖြစ်ပွားနေတဲ့တိုက်ပွဲတွေဟာ သံလွင်မြစ်ပေါ် တည်ဆောက်မယ့် ဟတ်ကြီးရေကာတာစီမံကိန်းနဲ့ တိုက်ရိုက် ဆက်စပ်နေတယ်လို့ ကရင်မြစ်ချောင်း စောင့်ကြည့်ရေးကွန်ရက်က ထုတ်ဖော်ပြောဆိုလိုက်ပါတယ်။

စက်တင်ဘာလမှာ အကောင်အထည်ဖော်ဖို့ လျာထားတဲ့ ဟတ်ကြီးရေကာတာ စီမံကိန်း တည်ရှိရာနေရာရဲ့ အရှေ့ဘက်နဲ့တောင်ဘက်ခြမ်းဒေသမှာ တိုက်ပွဲဖြစ်ပွားတာဖြစ်ပြီး ဒီတိုက်ပွဲတွေနဲ့ ရေကာတာစီမံကိန်း ပတ်သက်ဆက်နွယ်နေတယ်လို့ ကရင်မြစ်ချောင်း စောင့်ကြည့်ရေးကွန်ရက်တာဝန်ခံ စောသာဘိုးက ပြောပါတယ်။

“ဘယ်လိုဆက်စပ်လဲဆိုတော့ တိုက်ပွဲတွေက ၂ ရက်နေ့ကနေစပြီးတော့မှ ဒီနေ့အချိန် အထိ ဖြစ်တယ်။ ပထမဖြစ်တာက မဲသဝေါလမ်းတလျှောက်မှာဖြစ်တယ်။ မဲသဝေါလမ်းဟာ ကျနော်တို့ ဒီဟတ်ကြီးရေအားလျှပ်စစ်စီမံကိန်းကိုသွားဖို့ လမ်းကြောင်းတခုဖြစ်တယ်။ အနီးဆုံးလမ်းပေါ့။ ထိုင်းကနေ သွားမယ်ဆိုရင် ၂ နာရီခွဲလောက်ပဲ သွားလို့ရမယ့်လမ်းဖြစ်တယ်။ ပြီးတော့ နွေရာသီမှာဆိုရင် ရင်းပိုင်ကနေစပြီးမှ ရေကာတာဆောက်မယ့်တောင်ကြားကိုဆိုရင် နွေရာသီ လမ်းရှိပြီးသား။ ပြီးတော့ ဒီလမ်းကို နယ်မြေစိုးမိုးမှုယူတယ်။ ပြီးတော့ ၂၀ ရက်နေ့ နောက်ပိုင်း တိုက်ပွဲတွေဆိုရှိရင် သံလွင်မြစ်တလျှောက်မှာရှိတဲ့ ရွာတွေကို သူတို့ ဆင်းလာခိုင်းတယ်။ ဆင်းလာခိုင်းပြီးတော့မှ သူတို့က စစ်ထိုးမယ်ပေါ့။ အဲဒီပုံစံမျိုးတွေ့ရတယ်။ ဒါကြောင့် တိုက်ပွဲက ရေကာတာနဲ့ လုံးဝဆက်နွယ်တယ်လို့ ကျနော်တို့ ပြောချင်တာဗျာ။”

ဒါ့အပြင် အခု နယ်ခြားစောင့်တပ်နဲ့ အစိုးရတပ်မတော်တို့က ပူးပေါင်းထိုးစစ်ဆင်လာတဲ့အတွက် ၄ နှစ်ကျော် ကြာရရှိထားတဲ့ အစိုးရနဲ့ ကရင်အမျိုးသားအစည်းအရုံးတို့ကြား အပစ်ခတ်ရပ်စဲမှုတွေ ပျက်ပြယ်ပြီး တိုက်ပွဲပြန်ဖြစ်လာနိုင်ချေရှိတယ်လို့လည်း ပြောပါတယ်။

“တိုက်ပွဲဖြစ်လာနိုင်တယ်ဆိုတာ ၁၈ ရက်နေ့တုန်းက သူတို့ ဘီဂျီအက်ကနေပြီးမှ ကရင်အမျိုးသား လွတ်မြောက်ရေးတပ်မတော် တပ်မဟာ ၅ နယ်မြေကို သူတို့ခွင့်တောင်းခဲ့တယ်။ အဲဒီဟတ်ကြီး ဒေသကိုတပ်ချဖို့။ အကြောင်းပြချက်ကတော့ နယ်မြေစိုးမိုးမှုကို ကာကွယ်ဖို့ဆိုတဲ့ အကြောင်းပြ ချက်ပေးပြီးတော့ တောင်းဆိုတာရှိတယ်။ သို့သော်လည်း ကရင်လွတ်မြောက်ရေး တပ်မတော်က ပယ်ချခဲ့တယ်။ သို့သော်လည်း အခုလက်ရှိအနေအထားကတော့ ရွာသားတွေကိုတော့ အကုန်လုံးဆင်းလာခိုင်းပြီ။ ဆင်းလာပြီးလို့ရှိရင် အကယ်၍သာ သူတို့က ကရင်အမျိုးသား လွတ်မြောက်ရေးတပ်မတော်ရဲ့နယ်မြေကို အတင်းဝင်ရောက်မယ်ဆိုရင်တော့ ဒါ ပစ်ခတ်မှု ဖြစ်မှာ သေချာတယ်။”

ဟတ်ကြီးရေကာတာစီမံကိန်းကို ၂၀၂၁ ခုမှာ အပြီးသတ်လုပ်မယ်ဖို့ အစိုးရက စီစဉ်ထားသလို ပြီးခဲ့တဲ့လကလည်း ထိုင်းဘက်က ဟတ်ကြီးရေကာတာကနေပြီးမှ ရေသွယ်မယ်ဆိုတဲ့ ကိစ္စမျိုး စီစဉ်တာတွေရှိတယ်လို့လည်း စောသာဘိုးက ပြောပါတယ်။

ကရင်လူထုအခြေပြုအဖွဲ့တွေနဲ့ ပူးပေါင်းဖွဲ့စည်းထားတဲ့ ကရင်မြစ်ချောင်းစောင့်ကြည့်ရေး ကွန်ရက်ကတော့ ဟတ်ကြီးပါအ၀င် သံလွင်မြစ်ပေါ်မှာ တည်ဆောက်မယ့် ရေကာတာ စီမံကိန်းတွေကို ကန့်ကွက်ထားပါတယ်။

ဒီရေကာတာစီမံကိန်းတွေကနေရရှိလာမယ့် လျှပ်စစ်ဓာတ်တွေကို ပြည်သူတွေအကျိုးခံစား ရမှာမဟုတ်သလို ရေတွေကိုလည်းရောင်းစားမှာဖြစ်တဲ့အတွက် ကန့်ကွက်တာလို့လည်းဆိုပါ တယ်။

ဒါ့အပြင် ဟတ်ကြီးရေကာတာကြောင့် သံလွင်မြစ်ဘေးဝဲယာမှာ တည်ရှိတဲ့ ထိုင်းရွာ ၂၀ နဲ့ မြန်မာဘက်ခြမ်းရှိ ကရင်ရွာ ၁၁ ရွာတို့မှာ မြစ်အောက် နစ်မြုပ်ပျောက်ကွယ်သွားနိုင်ပြီး သောင်းနဲ့ချီတဲ့ ဒေသခံတွေ အတိဒုက္ခရောက်ကြမယ်လို့ သံလွင်မြစ်စောင့်ကြည့်ရေးအဖွဲ့တွေက ပြောပါတယ်။