ရခိုင်ပြည်နယ်အတွင်း ရက္ခိုင့်တပ်မတော်(AA) နှင့် အစိုးရတပ်မတော်ကြား ဖြစ်ပွားနေသည့် တိုက်ပွဲများကြောင့် ကျောက်တော်မြို့နယ် အတွင်းသို့ ၀င်ရောက်ခိုလှုံလာသည့် ရခိုင်မျိုးနွယ်စုဝင် ခမီတိုင်းရင်းသား ၆၀ ကျော် နေစရာနှင့် စားနပ်ရိက္ခာ အရေးပေါ် အကူ အညီများ လိုအပ်နေကြောင်း သိရသည်။
ထွက်ပြေးတိမ်းရှောင်လာကြသည့် ခမီတိုင်းရင်းသားများသည် တိုက်ပွဲဖြစ်ပွားရာ ဒေသတခုဖြစ်သည့် ပုဏ္ဏားကျွန်းမြို့နယ် နတ် သရွေး တောင်ကြောအနီး မောင်နှမကျေးရွာမှ ဖြစ်ကြောင်း၊ ၎င်းတို့သည် တိုက်ပွဲများကြောင့် နေရပ်စွန့်ခွာ၍ ကျောက်တော်မြို့နယ် သလူချောင်း ကျေးရွာအုပ်စု ပညာဝ ကျေးရွာသို့ ဧပြီလ ၂၂ ရက်က ၀င်ရောက်ခိုလှုံလာခြင်း ဖြစ်ကြောင်း အကူအညီ ပေးနေသူများက ပြောသည်။
ထွက်ပြေးလာကြသူ အများစုသည် ကလေးငယ်များနှင့် သက်ကြီးရွယ်အိုများ ပါဝင်ပြီး အမျိုးသား ၃၆ ဦး၊ အမျိုးသမီး ၂၆ ဦး၊ စုစုပေါင်း ၆၂ ဦး ဖြစ်ကြောင်း ခမီ တိုင်းရင်းသားများအား ကူညီပေးနေသည့် ပညာဝ ကျေးရွာ ဒေသခံ ဦးကျော်ဇံကလည်း ပြောပြသည်။
“ရွာကို ရောက်နေတယ်ဆိုတာ ဟုတ်ပါတယ်။ အားလုံး ၆၂ ယောက်ပါ။ အဲဒီရွာမှာ မနေရဲတော့လို့ လာကြတာလို့ ပြောတယ်။ သူတို့မှာ ဘာမှလည်း ပါမလာဘူး။ ကျနော်တို့ ရွာမှာလည်း သူတို့ကိုထားမယ့် နေရာတွေ မရှိတော့ တစ်အိမ်မှာ လူ ၅ ယောက် ၊ ၆ ယောက် အဲဒီလိုမျိုးခွဲပြီး အဆင်ပြေအောင် နေရာပေးထားရတာပေါ့။ ဖြစ်နိုင်မယ်ဆိုရင် အမြန်ဆုံး စားရေးသောက်ရေး အတွက် ဆန် တွေ ကူညီပေးကြပါလို့ ပြောချင်ပါတယ်”ဟုလည်း ဦးကျော်ဇံက ဧရာဝတီကို ပြောသည်။
ယခု ရှောင်တိမ်းလာသော ခမီတိုင်းရင်းသာများသည် ရွှေ့ပြောင်းတောင်သူ အလုပ်ဖြင့် အသက် မွေးဝမ်းကျောင်းပြုသူများ ဖြစ်ကြကြောင်း သိရသည်။
အလားတူ ၎င်းတို့ လာရောက်ခိုလှုံနေထိုင်နေသည့် ပညာဝကျေးရွာ ဒေသခံများသည် တောင်ယာလုပ်ငန်းဖြင့် အသက် မွေးဝမ်းကျောင်း ပြုနေသူများဖြစ်၍ စစ်ရှောင်လာကြသည့် ခမီတိုင်းရင်းသားများ၏ စားရေးသောက်ရေးကို ကူညီပေးနိုင်ခြင်း မရှိသဖြင့် အရေးပေါ် အကူအညီ လိုအပ်နေရခြင်း ဖြစ်သည်ဟု ပညာဝ ကျေးရွာသားများက ပြောသည်။
ရခိုင်ပြည်နယ်အတွင်း စစ်ပွဲများကြောင့် နေရပ်စွန့်ခွာ ရှောင်တိမ်းနေရသူများသည် ဘူသီးတောင်မြို့နယ် စည်တည် ကျေးရွာတွင် လူဦး ရေ ၃၀၀ ကျော်၊ ရသေ့တောင် မြို့နယ် ပဲသတူချောင်း ကျေးရွာတွင် လူဦးရေ ၁၀၀ ကျော်နှင့် ကျောက်တော်မြို့နယ် ပညာဝကျေးရွာတွင် လူဦးရေ ၆၀ ကျော်တို့ ဖြစ်ကြပြီး စစ်ရှောင်အများစုသည် တောင်ယာလုပ်ငန်းဖြင့် အသက်မွေးဝမ်းကျောင်း ပြုနေကြ သည့် ခမီ တိုင်းရင်းသားများဖြစ်ကြောင်း သိရသည်။
AA နှင့် အစိုးရတပ်မတော်တို့သည် ဧပြီလ ၁၆ ရက်က စတင်ပြီး ဘူသီးတောင်မြို့နယ်နှင့် ရသေ့တောင်မြို့နယ်အစပ် လောရမ တောင်တန်း ၊ ပုဏ္ဏားကျွန်းမြို့နယ်အပိုင် နတ်သရွေး တောင်ကြောများတွင် တိုင်ပွဲများဖြစ်ပွားခဲ့ပြီး ယခုအချိန်ထိ ရပ်တန့်ခြင်း မရှိသေး ဘဲ တိုက်ပွဲများ ဖြစ်ပွားသံများကို မကြာခဏ ကြားနေရသေးကြောင်း ပညာဝ ကျေးရွာသားများက ပြောသည်။
ရခိုင်ပြည်နယ်အတွင်း ဖြစ်ပွားနေသော စစ်ပွဲများ ရပ်တန့်ရန် ရခိုင် အင်အားကြီးပါတီ တခုဖြစ်သည့် ရခိုင်အမျိုးသားပါတီ (ANP) က ဧပြီလ ၂၃ ရက်နေ့ ရက်စွဲဖြင့် ကြေညာချက် ထုတ်ပြန်ခဲ့ပြီး ရခိုင်ပြည်နယ်အတွင်းမှ လူမှုရေး အဖွဲ့အစည်းများကလည်း စစ်ပွဲရပ်တန့်ရေးအတွက် ဆန္ဒပြတောင်းဆိုမည် ဖြစ်ကြောင်း သိရသည်။
No comments:
Post a Comment