မြန်မာအပေါ် ချမှတ်ထားသော စီးပွားရေးပိတ်ဆုို့မှု ရုပ်သိမ်းရေး မဖြစ်နုိုင်သေး

ဧရာဝတီ

အမေရိကန်အစုိုးရ အနေဖြင့် မြန်မာနုိုင်ငံအပေါ် ချမှတ်ထားသော စီးပွားရေးပိတ်ဆုို့မှုများ ဖယ်ရှားရုပ်သိမ်းရေးမှာ ဒေါ်အောင်ဆန်းစုကြည်ဦးဆောင်သော အစုိုးရသစ်လက်ထက် လူ့အခွင့်အရေး တုိုးတက်ရေး ဆောင်ရွက်မှု အပေါ် မူတည် ဆောင်ရွက်ဖွယ်ရှိနေပြီး လတ်တလော အခြေအနေများအရ စီးပွားရေးပိတ်ဆုို့မှုများ ရုပ်သိမ်းရေး မဖြစ်နုိုင်သေးဟု မြန်မာနုိုင်ငံဆုိုင်ရာ အမေရိကန်သံအမတ်ကြီး Scot Marciel ကုိုးကား၍ Wall Street Journal က မေလ ၁၀ ရက်နေ့က သတင်းဖော်ပြသည်။

သမ္မတအုိုဘားမားအစုိုးရအနေဖြင့် မေလဒုတိယအပတ်တွင် သက်တမ်းကုန်ဆုံးတော့မည့် မြန်မာနုိုင်ငံအပေါ် ချမှတ် ထားသော စီးပွားရေးပိတ်ဆုို့မှုကို သက်တမ်းတုိုးရေး၊ မတုိုးရေး ဆုံးဖြတ်ရတော့မည်ဖြစ်သည်။

အမေရိကန်သံအမတ်ကြီး Scot Marciel က မေလ ၁၀ ရက်နေ့ ရန်ကုန်မြို့တွင် ကျင်းပပြုလုပ်သော ဖုိုရိမ်တခု တွင် စီးပွားရေးပိတ်ဆုို့မှု ပြန်လည်သုံးသပ်ရေး ဆုိုင်ရာ ရလဒ်မည်သုို့ ဖြစ်လာမည်ကို မပြောနုိုင်သေးကြောင်း၊ စီးပွားရေး ပိတ်ဆုို့မှု၏ အဓိက ရည်ရွယ်ချက်မှာ အပြောင်းအလဲများကို ထောက်ပံ့ပေးရန် နှင့် တရားမျှတသော စီးပွားရေး ဖွံ့ဖြိုးတုိုးတက်ရေး ဖော်ဆောင်ရန် ဖြစ်ကြောင်း၊ ကုန်သွယ်ရေးနှင့် စီးပွားရေးဖွံ့ ဖြိုးတုိုးတက်မှုအပေါ် ကျယ်ပြန့် သော သက်ရောက်မှုများရှိနေသည့် စီးပွားရေးပိတ်ဆုို့မှုများကုို ပြန်လည် သုံးသပ်မည် ဖြစ်ကြောင်း ပြောဆုိုခဲ့သည်။

အမေရိကန်ပြည်ထောင်စုက စီးပွားရေးပိတ်ဆုို့မှု များကုို လွန်ခဲ့သော ဆယ်စုနှစ် ၃ ခုက စတင်ချမှတ်ခဲ့ခြင်းဖြစ်ပြီး ရက်စက် ကြမ်းကြုတ်သော စစ်အာဏာရှင်စနစ် ပြုတ်ကျရေးအတွက် ရည်ရွယ် ချမှတ်ခဲ့ခြင်းဖြစ်ကြောင်း၊ သမ္မတ ဦးသိန်းစိန် အစုိုးရ လက်ထက်တွင် စီးပွားရေးပိတ်ဆို့မှုတချို့ကုို ဖယ်ရှားပေးခဲ့သော်လည်း ခရုိုနီများ၊ စစ်ဗိုလ်ချုပ် များ နှင့်ဆက်စပ်သော ကုမ္ဗဏီ ၁၅၀ နီးပါးကို ပိတ်ပင်မှုများ ပြုလုပ်ထားဆဲဖြစ်ကြောင်း၊ အထူးသဖြင့် ကျောက် မျက် ရောင်းဝယ်ရေးကဲ့သုို့ စီးပွားရေးလုပ်ငန်းများအပေါ်တွင်လည်း ပိတ်ဆို့မှုများ ချမှတ်ထား ဆဲဖြစ်ကြောင်း သိရှိရသည်။

“မြန်မာနုိုင်ငံရဲ့ ဒီမုိုကရေစီအပြောင်းအလဲနဲ့အတူ လူ့အခွင့်အရေး အခြေအနေတွေ တုိုးတက်လာမယ်ဆုိုရင် စီးပွားရေး ပိတ်ဆုို့မှုတွေကုို အပြုသဘော ရှုမြင်ဖို့ ပုိုပြီး လွယ်ကူစေပါတယ်” ဟု အမေရိကန်သံအမတ်ကြီးက ပြောသည်။

အမေရိကန်စီးပွားရေး အသိုင်းအ၀ုိုင်းကမူ စီးပွားရေးပိတ်ဆို့မှုများသည် မြန်မာနုိုင်ငံအတွင်း အခြားနုိုင်ငံများနှင့် အတူ ရင်းနှီးမြှုပ်နှံမှုပြိုင်ဆုိုင် လုပ်ဆောင်ရာတွင် အမေရိကန်ကုမ္ဗဏီများ အတွက် ထိခိုက်မှုများရှိနေကြောင်း ပြောဆုိုကြသည်။

၂၀၁၅ ခုနှစ် ဒီဇင်ဘာလ ၈ ရက်နေ့တွင် အမေရိကန်အစိုးရက မြန်မာအပေါ် အရေးယူပိတ်ဆို့မှု တချို့ဖြေလျှော့ ပေးသည့်အနေဖြင့် အမေရိကန် ကုမ္ပဏီများကုို ရန်ကုန်မြို့က Asia World ကုမ္ပဏီပိုင် ဆိပ်ကမ်းတွင် ၆လတာ ဆုိုက်ကပ် ကူးသန်းရောင်းဝယ်ခွင့်ပြုပေးခဲ့သည်။

ဒေါ်အောင်ဆန်းစုကြည်ဦးဆောင်သော အမျိုးသားဒီမုိုကရေစီအဖွဲ့ချုပ်(NLD) က ယမန်နှစ် ရွေးကောက်ပွဲတွင် အနုိုင်ရရှိထားသော်လည်း မြန်မာစစ်တပ်သည် အာဏာဆက်လက်ချုပ်ကုိုင်ထားဆဲဖြစ်ပြီး မြန်မာ့ ဒီမုိုကရေစီ အပြောင်းအလဲမှာ မပြည့်စုံသေးဟု အမေရိကန်အစုိုးရက ရှုမြင်နေဆဲဖြစ်သည်။

NLD ကမူ စီးပွားရေးပိတ်ဆုို့မှု အလုံးစုံရုပ်သိမ်းရေး တွန်းအားပေးမည်မဟုတ်ဘဲ စီးပွားရေးပိတ်ဆုို့မှု တခုချင်းစီ အလုိုက် ပြန်လည်သုံးသပ်ရမည်ဟု ထုတ်ပြန်ပြောဆိုထားခဲ့သည်။