ခါကာဘိုရာဇီတောင်ထိပ်တွင် မြန်မာတောင်တက်သမားများ အလံစိုက်နိုင်ပြီ

သာနိုးဝေ

မြန်မာနိုင်ငံရဲ့ အမြင့်ဆုံး ရေခဲတောင်ဖြစ်တဲ့ ကချင်ပြည်နယ်က ခါကာဘိုရာဇီတောင်ထိပ်ကို တက္ကသိုလ် ခြေလျင်နဲ့ တောင်တက်အသင်းက မြန်မာတောင်တက် သမားတွေ ပထမဆုံးအကြိမ် ရောက်ရှိပြီး နိုင်ငံတော်အလံ စိုက်ထူနိုင်ခဲ့ပြီ ဖြစ်ပါတယ်။

မြန်မာနိုင်ငံမှာ အမြင့်ဆုံးတောင်ဖြစ်တဲ့ ခါကာဘိုရာဇီတောင်ပေါ်ကို တက်နေတဲ့ မြန်မာ ၈ ဦးပါတဲ့ တက္ကသိုလ် ခြေလျင် နဲ့ တောင်တက်အသင်း အဖွဲ့သားတွေဟာ မနေ့ ညနေ ၅ နာရီမှာ တောင်ထိပ် ကို အောင်အောင်မြင်မြင် ရောက်ရှိသွားခဲ့ကြတာပါ။

ခါကာဘိုရာဇီတောင်တက်အဖွဲ့တွေဟာ အောက်တိုဘာ ၃၁ ရက်နေ့ကတည်းက ပူတာအိုကနေ ခြေလျင်ခရီးကြမ်း နှင်ပြီး တောင်တက်ခရီးစဉ် စတင်ခဲ့ကြပြီး ၁ လတိတိပြည့်တဲ့ သြဂုတ် ၃၁ ရက်နေ့မှာ ခါကာဘိုရာဇီတောင်ထိပ်ကို ရောက်ရှိတာ ဖြစ်ပါတယ်။

တောင်ထိပ်မှာ မြန်မာနိုင်ငံ အလံစိုက်ခဲ့သလို ဘုရားဌာပနာတွေလည်း ထားခဲ့ကြောင်း တောင်ထိပ်ရောက်ခဲ့သူတွေက အကြောင်းကြားတယ်လို့ သဘာဝခေါ်သံဖောင်ဒေးရှင်းရဲ့ ဥက္ကဋ္ဌ ဦးမျိုးသန့်က ဆိုပါတယ်။

ကိုအောင်မြင့်မြတ်ဦးဆောင်တဲ့ တောင်တက်အဖွဲ့ဝင် ၈ ယောက်ဟာ ကျန်းမာရေး ကောင်းမွန်ကြပြီး တောင်ခြေကို စက်တင်ဘာ ၈ ရက်နေ့မှာ ပြန်ရောက်မယ်လို့ ဆက်ပြောပါတယ်။

ခုလို တောင်ထိပ်ကို တက်နိုင်ဖို့အတွက် မြန်မာတောင်တက်သမားတွေဟာ ဒေသတွင်း က ကျောက်တောင်တွေ၊ ရေခဲတောင်တွေအပြင် တရုတ်ပြည်က ရေခဲတောင်တွေအထိ သွားရောက်ပြီး ၁ နှစ်ခွဲလောက် အချိန်ယူလေ့ကျင့်ခဲ့ရတာလည်း ဖြစ်ပါတယ်။

မြန်မာပြည်ရဲ့မြောက်ဖျားပိုင်း ကချင်ပြည်နယ် ပူတာအိုမှာ ရှိတဲ့ ခါကာဘိုရာဇီတောင်ကို ၁၉၉၆ ခုနှစ်က ဂျပန်လူမျိုး အိုဇာကီနဲ့ တိဘက်လူမျိုး နမားဂျွန်ဆင် ရောက်ရှိခဲ့ဖူးပေမယ့် မြန်မာတွေအနေနဲ့ ရောက်ရှိခဲ့ခြင်း မရှိသေးပါဘူး။

ဒီတကြိမ်ကတော့ မြန်မာတောင်တက်သမားတွေချည်း တက်ရောက်ခဲ့တာလည်း ဖြစ်ပါတယ်။

ခါကာဘိုရာဇီတောင်ပေါ်ကို ခုလို မြန်မာတွေချည်း သီးသန့် တက်ရောက် အောင်မြင်ခဲ့တာဟာ တောင်တက်အသင်းအတွက် ဂုဏ်ယူစရာတခု ဖြစ်ကြောင်း သဘာဝခေါ်သံဖောင်ဒေးရှင်းရဲ့ ဥက္ကဋ္ဌ ဦးမျိုးသန့်က ပြောပါတယ်။

မြန်မာနိုင်ငံ ကချင်ပြည်နယ်မှာ ရှိတဲ့ ခါကာဘိုရာဇီတောင်ဟာ အိန္ဒိယမြေတိုင်းအဖွဲ့က ၁၉၂၄ ခုနှစ် တိုင်းထွာချက်အရ အမြင့်ပေပေါင်း ၁၉၂၉၆ ပေ၊ မီတာနဲ့ဆိုရင် မီတာ ၅၈၈၀ လောက်ရှိပြီး မြန်မာနိုင်ငံမှာသာမက အာဆီယံဒေသတွင်းမှာလည်း အမြင့်ဆုံးတောင် ဖြစ်ပါတယ်။

လူမျိုးစုအရေး အငြင်းပွားမှု ဖြေရှင်းရန် ညီလာခံကျင်းပမည်

ဟိန်းကိုစိုး

ပြည်လုံးကျွတ်သန်းခေါင်စာရင်းတွင် လူမျိုးစု သတ်မှတ်ချက် အငြင်းပွားမှုများ ဖြေရှင်းရန် တိုင်းရင်းသားအားလုံး ပါဝင်သည့် ညီလာခံတစ်ရပ် ၂၀၁၅ ခုနှစ်၊ မေလအတွင်း ပြုလုပ်မည်ဟု ဗဟိုသန်းခေါင်စာရင်းကော်မရှင် အတွင်းရေးမှူး ဦးမြင့်ကြိုင်က မဇ္ဈိမကို ပြောသည်။

“မေလမှာ စလုပ်မှာဖြစ်တဲ့အတွက် ၂၀၁၅၊ မေလမှာ ထုတ်ပြန်မယ့် စာရင်း (မူလစီစဉ်ထားသည့် အပြည့်အစုံပါသည့် သန်ခေါင်စာရင်း) မှာ လူမျိုးစာရင်းပါမှာ မဟုတ်ဘူး။ တိုင်းရင်းသားအဖွဲ့တွေကြား ကျေနပ်မှုရှိတဲ့အထိ ဆွေးနွေးမှာဖြစ်တယ်။ အဲဒီအတွက် ပြီးတဲ့အချိန်မှ ထုတ်ပြန်မယ်”ဟု ၎င်းက ပြောသည်။

ယင်းညီလာခံတွင် ဗဟိုသန်းခေါင်စာရင်းကော်မရှင်၊ တိုင်းရင်းသားရေးရာ သန်းခေါင်စာရင်းကော်မတီများ၊ လွှတ်တော်တို့၏ တိုင်းရင်းသားရေးရာ ကော်မတီများ၊ ယဉ်ကျေးမှုပညာရှင်၊ သက်ဆိုင်ရာ လူမျိုးစုခေါင်းဆောင်များ အားလုံးပါဝင်ရန် စီစဉ်မည်ဖြစ်ပြီး အားလုံးလက်ခံသည့် စာရင်းရရန် ကြိုးပမ်းခြင်းဖြစ်သည်။

တိုင်းရင်းသားအချို့ကမူ ၁၉၈၃ ခုနှစ်၊ ပြည်လုံးကျွတ်သန်းခေါင်စာရင်းကောက်ခံအပြီး ဖြစ်ပွားခဲ့သည့် အငြင်းပွားမှုများကို နမူနာယူ၍ ယခုတစ်ကြိမ် သတ်မှတ်ရာတွင် သင့်လျော်မည့် နည်းလမ်းရွေးချယ်ရန်လိုသည်ဟု ထောက်ပြသည်။

“မျိုးနွယ်စုတွေခွဲတဲ့အခါကျတော့ အရင်တိုင်းရင်းသားတွေရဲ့ စည်းလုံးမှုက လျော့လာတယ်။ ၁၉၈၃ သန်းခေါင်စာရင်းကို အခြေခံပြီးတော့ ပလောင်၊ ဓနု၊ ပအိုဝ်းတို့ ကိုယ်ပိုင်အုပ်ချုပ်ခွင့်ရဒေသ တောင်းသွားတာ ရှမ်းပြည်ကြီးက အရင်ကထက် ပိုပြီး အစိတ်စိတ်ကွဲသွားသလို၊ ကျန်တဲ့သူတွေနဲ့ သူတို့ကြားထဲမှာလည်း ရန်စောင်မှုတွေတောင် ရှိလာခဲ့သလို ဖြစ်ခဲ့ကြတယ်”ဟု ရှမ်းပြည်နယ်အစိုးရအဖွဲ့ဝင် အင်းတိုင်းရင်းသားရေးရာဝန်ကြီး ဦးဝင်းမြင့်က မဇ္ဈိမကို ပြောသည်။

၎င်းက သန်းခေါင်စာရင်းရလဒ်အပေါ် အခြေခံ၍ နိုင်ငံရေးအသုံးချမှုများဖြစ်ပေါ်လာနိုင်ခြင်းကို ရှောင်လွှဲနိုင်ရေး နည်းလမ်းရှာရန် အကြံပြုခြင်းဖြစ်သည်။ ယင်းကို ရခိုင်အမျိုးသားပါတီခေါင်းဆောင် အမျိုးသားလွှတ်တော်အမတ် ဒေါက်တာအေးမောင်ကလည်း ထောက်ခံခဲ့ပြီး အတိတ်သင်ခန်းစာများကို သုံးသပ်သင့်သည်ဟု ပြောသည်။

လက်ရှိဖွဲ့စည်းပုံအရ တိုင်း၊ ပြည်နယ်၊ ကိုယ်ပိုင်အုပ်ချုပ်ခွင့်ရ ဒေသ/တိုင်းတစ်ခုချင်းစီတွင် လူမျိုးစုတစ်ခုသည် စုစုပေါင်းလူဦးရေ၏ ၀ ဒသမ ၁ ရာခိုင်နှုန်း အထက်ရှိပါက အစိုးရအဖွဲ့အတွင်း တိုင်းရင်းသားရေးရာဝန်ကြီးအဖြစ် လည်းကောင်း၊ လွှတ်တော်ကိုယ်စားလှယ်အဖြစ်လည်းကောင်း သက်ဆိုင်ရာ လူမျိုးစုကို ကိုယ်စားပြုခွင့်ရယူနိုင်သည်၊ ထို့ကြောင့် လူမျိုးစုများအကြား အငြင်းပွားမှုများ ဖြစ်လာမည်ကို အချို့က စိုးရိမ်နေကြခြင်း ဖြစ်သည်။

“ကျွန်တော်တို့ကတော့ ၈၃ တုန်းကဟာရယ် အခုကောက်လို့ရတဲ့ တိုင်းရင်းသား အင်အားရှိသလောက် တင်ပေးမယ် နိုင်ငံရေးအရ ဖြေရှင်းသင့်တာကိုတော့ နိုင်ငံခေါင်းဆောင်တွေနဲ့ တိုင်းရင်းသားခေါင်းဆောင်တွေကပဲ ရှင်းကြမှာပါ”ဟု ဗဟိုသန်းခေါင်စာရင်းကော်မရှင် အတွင်းရေးမှူးဦးမြင့်ကြိုင်က ပြောသည်။

တိုင်းရင်းသားရေးရာ သန်းခေါင်စာရင်းကော်မတီများ၏ ပြောရေးဆိုခွင့်ရှိသူ ဆလိုင်းအိုက်ဇက်ခင်ကမူ ကောက်ယူပြီးခဲ့သည့် ၂၀၁၄ ပြည်လုံးကျွတ်သန်းခေါင်စာရင်းတွင် ဦးနေ၀င်းအစိုးရလက်ထက် သတ်မှတ်ထားသည့် ၁၃၅ မျိုးသော မျိုးနွယ်စုများကိုသာ အခြေခံထားခြင်း၊ စာလုံးပေါင်းသတ်ပုံလွဲမှားခြင်းတို့ကြောင့် ပြည့်စုံမှုမရှိဟု သုံးသပ်သည်။

“လွှတ်တော်တိုင်းရင်းသားရေးရာကော်မတီက သန်းခေါင်စာရင်းမှာ တိုင်းရင်းသားမျိုးနွယ်စုတွေ အကျပ်အတည်းဖြစ်နေတာကို ဘယ်လောက်ပါဝင်ပြောခဲ့တာရှိလဲ။ လွှတ်တော်ထဲက ကိုယ်စားလှယ်တွေကရော တိုင်းရင်းသားရေး ကိုယ်စားပြုတာ ဘယ်လောက်ရှိသလဲ။ တိုင်းရင်းသားအမတ်တွေကရော ဘယ်လောက် ဆောင်ရွက်ပေးတာရှိလဲ ဒါတွေက စဉ်းစားစရာတွေပါ”ဟု ၎င်းက ဆိုသည်။

လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ၀န်ကြီးဦးခင်ရီက ညီလာခံတွင် တိုင်းရင်းသားရေးရာကော်မတီများ ပါဝင်မည်ဖြစ်သော်လည်း လွှတ်တော်၏ အခန်းကဏ္ဍကို မဆုံးဖြတ်ရသေးဟု သြဂုတ် ၃၀ ရက်တွင် မဇ္ဈိမကို ပြောသည်။

ပြည်လုံးကျွတ် သန်းခေါင်စာရင်းကောက်ယူအပြီးတွင် လူမျိုးစု ၁၇၀ ကျော်အထိ အကြမ်းဖျင်းတွေ့ရှိထားသည်ဟု ဗဟိုသန်းခေါင်စာရင်းကော်မရှင် အတွင်းရေးမှူး ဦးမြင့်ကြိုင်က ဆိုထားသည်။ ထုတ်ပြန်ပြီးသည့် ရှေ့ပြေးသန်းခေါင်စာရင်းတွင် မြန်မာနိုင်ငံ လူဦးရေ ၅၁ သန်းကျော် ရှိသည်။

KNU က UNFC ရဲ့ အဖွဲ့ဝင်အဖြစ်က ယာယီဆိုင်းငံ့

DVB

နိုင်ငံရေးဆွေးနွေးသည့်အခါ ပါတီများ တာဝန်ပိုကြီး လာဟု SNLD ဆို

မွခေါဝ်

တနိုင်ငံလုံး ပစ်ခတ် တိုက်ခိုက်မှု ရပ်စဲရေး လက်မှတ် ရေးထိုးပြီး နောက် နိုင်ငံရေး ဆွေးနွေးသည့် အခါ နိုင်ငံရေး ပါတီများ တာဝန် ပိုကြီး လာမည်ဟု သျှမ်းတိုင်းရင်းသားများ ဒီမိုကရေစီ အဖွဲ့ချုပ် SNLD ပါတီ အထွေထွေ အတွင်းရေးမှူး စိုင်းညွှန့်လွင်က ဆိုပါသည်။

“နိုင်ငံရေးဆွေးနွေးရင် ပါတီတွေ တာဝန်ပိုကြီးလာမယ်။ ရည်မှန်းချက်ပန်းတိုင်ရောက်အောင် ဘယ် လိုလုပ်ရမယ်ဆိုတာ ဆွေးနွေးတိုင်ပင်ရမယ်။ လိုချင်တာ ရချင်တာကို ရအောင်ယူနိုင်ဖို့အတွက်ပေါ့။ နိုင်ငံရေးဆွေးနွေးတဲ့အချိန်ကျရင် အဖြေတွေ ထွက်ပေါ်လာမှာပါ။ ဆုံးဖြတ်ချက်တွေ ရမှာပါ” ဟု စိုင်းညွှန့်လွင် က ပြောပါသည်။

နိုင်ငံရေးဆွေးနွေးပွဲအတွက် SNLD ဘက်မှလည်း နိုင်ငံရေးဆွေးနွေးသည့်အခါမည်သည့်အကြောင်း ဆွေးနွေးမည်၊ မည်သည့်သဘောတူညီချက်များ ထားရှိမည်၊ မည်သည့်ရည်ရွယ်ချက် ထားရှိမည်ကို တခြားအဖွဲ့များနှင့် ဆွေးနွေးကြောင်း၊ တခြားအဖွဲ့များထံမှ အတွေးအခေါ်သစ်များကိုလည်း နားထောင်သကဲ့သို့ ပြည်သူ့အသံကိုလည်း နားစွင့်ကြောင်း ဆိုပါသည်။

ယခု အစိုးရနှင့် တိုင်းရင်းသား တော်လှန်ရေးတပ်ဖွဲ့များ ငြိမ်းချမ်းရေး ဖော်ဆောင်နေသည်မှာ ကောင်းမွန်ကြောင်း၊ လုပ်သင့်လုပ်ထိုက်သည့်အရာဖြစ်ကြောင်း၊ သို့သော် တနိုင်ငံလုံး ပစ်ခတ် တိုက်ခိုက်မှု ရပ်စဲရေးအတွက် သဘောတူညီချက် မရသေးသည့် အချက်များကို ကြိုးစားရယူရ မည်ဟု စိုင်းညွှန့်လွင်က ပြောပါသည်။

“သဘောတူညီချက်အားလုံးရဖို့ တော်တော့်ကို ကြိုးစားရမယ်။ အခုဆွေးနွေးတာက သဘောတူညီ ချက်အားလုံး ရပြီးရင်လည်း ငြိမ်းချမ်းရေးရပြီလို့ မဆိုနိုင်ဘူး။ အခုက အပစ်ရပ်ဖို့ဘဲ။ အပစ်ရပ်ပြီးမှ ငြိမ်းချမ်းရေးကိုသွားမှာ။ တိုင်းပြည်တခုမှာ ငြိမ်းချမ်းရေးမရှိရင် မဖြစ်ဘူး။ သျှမ်းပြည်ကိုဘဲကြည့်။ သျှမ်းပြည်မှာ မငြိမ်းချမ်းတော့ ပြည်သူတွေ ဒုက္ခရောက်တယ်။” 
 
လွန်ခဲ့သည့် သြဂတ်စ်လ ၂၉ ရက်နေ့၌လည်း ညီညွှတ်သော တိုင်းရင်းသားလူမျိုးများ မဟာမိတ် အဖွဲ့ UNFC နှင့် တွေ့ဆုံရာ၌လည်း တနိုင်ငံလုံးဆိုင်ရာ ပစ်ခတ်တိုက်ခိုက်မှု ရပ်စဲရေး၊ နိုင်ငံရေး ဆွေးနွေးပွဲအတွက် တိုင်ပင်ဆွေးနွေးခဲ့ကြကြောင်း UNA ကိုယ်စားလှယ်အဖြစ် တက်ရောက်ခဲ့သည့် စိုင်းညွှန့်လွင်က ပြောပါသည်။

နိုင်ငံလူဦးရေအချိုးတွင် ပိုများလာသည့် အမျိုးသမီးတို့အတွက် မူဝါဒများ ချမှတ်ရန်လို

ဝေမာသိမ့်

မြန်မာနိုင်ငံတွင် အမျိုးသားများထက် အမျိုးသမီးဦးရေ ၁၈ သိန်းခန့် ပိုသည့်အတွက် အမျိုးသမီးများအား နည်းမျိုးစုံဖြင့် ခွဲခြားဆက်ဆံမှု ပပျောက်ရေးဆိုင်ရာ သဘောတူစာချုပ် (CEDAW)အရ မူဝါဒနှင့် ဆုံးဖြတ်ချက် ချမှတ်သည့်နေရာတွင် အမျိုးသမီးများ မဖြစ်မနေပါဝင်နိုင်ရေး မူဝါဒချမှတ်ရန် လိုအပ်ပြီဖြစ်သည်ဟု ရန်ကုန်တိုင်းဒေသကြီး လွှတ်တော်ကိုယ်စားလှယ် ဒေါက်တာညိုညိုသင်းက ပြောသည်။

မြန်မာနိုင်ငံသည် ၁၉၉၇ ခုနှစ်ကတည်းကပင် လက်မှတ်ရေးထိုး သဘောတူထားပြီးဖြစ်သည့် စီဒေါသဘောတူစာချုပ်၏ နောက်ဆက်တွဲ ထောက်ခံတင်ပြချက်များအရ နိုင်ငံလူဦးရေ၏ အချိုးမည်မျှပင်ရှိသည်ဖြစ်စေ ကဏ္ဍတိုင်းတွင် အမျိုးသမီးပါဝင်မှု သုံးပုံတစ်ပုံပိုရမည်ဟု ဆိုထားသည်။

သြဂုတ်လ ၂၉ ရက်က ဗဟိုသန်းခေါင်စာရင်းကော်မတီ၏ ထုတ်ပြန်ချက်တွင် မြန်မာနိုင်ငံတွင် ၂၀၁၄ ခုနှစ် ရှေ့ပြေးလူဦးရေစာရင်းအရ အမျိုးသားဦးရေမှာ ၂၄,၂၅၅,၃၀၄ ဦးရှိပြီး အမျိုးသမီးဦးရေမှာ ၂၅,၉၈၇,၇၆၃ ရှိသည့်အတွက် အမျိုးသမီးများမှာ ၅၁ ဒသမ ၈ ရာခိုင်နှုန်းဖြစ်ပြီး အမျိုးသားများမှာ ၄၈ ဒသမ ၂ ရာခိုင်နှုန်းသာ ရှိသည်။ အမျိုးသမီးများမှာ အမျိုးသားများထက် ဦးရေ ၁၈ သိန်းခန့် ပိုများခြင်းဖြစ်သည်။

ထို့ကြောင့် တိုင်းပြည်မဏ္ဍိုင်ကြီး သုံးရပ်၏ မူဝါဒနှင့် ဆုံးဖြတ်ချက်ချမှတ်ရမည့် ကဏ္ဍတိုင်းတွင် အမျိုးသမီးများ အချိုးကျ ပါဝင်နိုင်ရေး ပို၍လိုအပ်လာပြီဖြစ်သည်ဟု ဒေါက်တာညိုညိုသင်းက ဆိုသည်။

“အုပ်ချုပ်ရေးရဲ့ ၀န်ကြီးဌာနအသီးသီးက ကျား/မ တန်းတူညီမျှမှုဆိုင်ရာ ဘတ်ဂျက်အဖွဲ့တွေ ဖွဲ့ပြီး စီမံကိန်း ရေးဆွဲချမှတ်ရပါမယ်။ အမျိုးသမီးထုအတွက် ဘယ်လောက်သုံးစွဲမလဲ၊ အမျိုးသမီးထု အချိုး ဘယ်လောက်ပါဝင်ဖို့ လိုမလဲဆိုတာ ၀န်ကြီးဌာနတိုင်း မဖြစ်မနေလုပ်ရပါမယ်။ အဲ့လို မလုပ်ရင်တော့ အပြည့်အ၀အောင်မြင်မှုရမှာ မဟုတ်ဘူး။ နောက်တစ်ခုက ဥပဒေပြုရေး၊ အုပ်ချုပ်ရေးနဲ့ တရားစီရင်ရေးမဏ္ဍိုင်ရဲ့ ဆုံးဖြတ်ပိုင်ခွင့် ရှိတဲ့နေရာတွေမှာ အမျိုးသမီးတွေ မဖြစ်မနေပါဝင်ဖို့ လိုပါတယ်” ဟု ၎င်းက ပြောသည်။

၂၀၁၄ခုနှစ် ရှေ့ပြေးလူဦးရေစာရင်းအရ မြန်မာနိုင်ငံတွင် လူဦးရေ ၅၁ ဒသမ ၄၂ သန်းကျော်ရှိသည်ဟု သန်းခေါင်စာရင်းဗဟိုကော်မရှင်က သြဂုတ်လ ၂၉ရက်တွင် ထုတ်ပြန်လိုက်သည်။ ကျား/မ အချိုးမှာလည်း အမျိုးသမီး ၁၀၀ လျှင် အမျိုးသား ၉၃ ဦးဖြစ်သည်။

Gender and Development Initiative ၏ အမှုဆောင်ဒါရိုက်တာ ဆလိုင်းအိုက်ဇက်ခင်က “လူဦးရေစာရင်းအရ အမျိုးသမီးတွေ ပိုနေတဲ့အတွက် အမျိုးသမီးပါဝင်နိုင်မှုကို ထည့်သွင်းစဉ်းစားဖို့ ပိုအရေးကြီးလာပါပြီ။ ကဏ္ဍအသီးသီးမှာ အမျိုးသမီးတွေနဲ့ အမျိုးသားတွေ မျှတဖို့နဲ့ လူမှုရေးဆိုင်ရာ ကျား/မ တန်းတူညီမျှရေး လုပ်ဖို့ ပိုလိုပါလိမ့်မယ်”ဟု ဆိုသည်။

သြဂုတ်လ၂၉ ရက်က ထုတ်ပြန်သည့် သန်းခေါင်စာရင်းအရ အမျိုးသမီးတွေ ပိုများနေခြင်းသည် မည်သည့်အတွက်ကြောင့်ဆိုသည်ကို မသိရှိရသေးသည့်အတွက် နိုင်ငံတွင် အမျိုးသမီးပိုမိုများပြားခြင်းနှင့် တိုင်းပြည်အပေါ် အကျိုးသက်ရောက်မှုအပေါ် တိတိကျကျ သုံးသပ်ရန် စောသေးသည်ဟုလည်း ၎င်းက ဆိုသည်။

ရှေ့ပြေးလူဦးရေစာရင်း၏ ပြည်နယ်နှင့် တိုင်း ၁၅ ခု စာရင်းဇယားများအရ မကွေးတိုင်းတွင် အမျိုးသမီး ၁၀၀ ဦးလျှင် အမျိုးသား ၈၇ ဦးသာရှိသည့်အတွက် အမျိုးသမီးအချိုး ပိုများနေကြောင်း တွေ့ရသည်။

ကချင်ပြည်နယ်တွင် အမျိုးသားဦးရေက အမျိုးသမီးဦးရေထက် ပိုမိုများပြားနေသည်ကို တွေ့ရသည်။ အမျိုးသမီး ၁၀၀ လျှင် အမျိုးသား ၁၀၈ ဦးရှိနေသည်။ အခြားပြည်နယ်နှင့် တိုင်းများတွင် အမျိုးသားထက် အမျိုးသမီးဦးရေ ပိုမိုနေမှု အများဆုံးမှာ ၁၀ ရာခိုင်နှုန်းအောက်သာ ရှိသည်။

Gender and Development Initiative ၏ အမှုဆောင်ဒါရိုက်တာ ဆလိုင်းအိုက်ဇက်ခင်၏ သုံးသပ်ချက်အရ ထုတ်ပြန်ခဲ့သည့် ရှေ့ပြေးလူဦးရေစာရင်းတွင် အမျိုးသမီးဦးရေ ပိုမိုများပြားနေရခြင်းမှာ နိုင်ငံတကာသို့ ရွှေ့ပြောင်းလုပ်သားအဖြစ် သွားရောက်သည့် လူဦးရေတွင် အမျိုးသားများ ပိုမိုများပြားနေသည့်အချက်ကိုလည်း ထည့်သွင်းစဉ်းစားရမည်ဟု ဆိုသည်။

MPT ကျပ် ၁၅၀၀ တန် ဆင်းကတ် ၅ သန်းကျော် ရောင်းချမည်

မေစစ်ပိုင်

မြန်မာ့ဆက်သွယ်ရေး လုပ်ငန်း (MPT) နှင့် ဂျပန်ကုမ္ပဏီ နှစ်ခုတို့ ပူးပေါင်း ထုတ်လုပ်သည့် တန်ဖိုးနည်း ၁၅၀၀ ကျပ်တန် ဂျီအက်စ်အမ် ဆင်းကတ်များကို ကတ်ရေ ၅ သန်းကျော် အထိ ဖြန့်ဖြူး ရောင်းချသွားမည် ဖြစ်ကြောင်း သိရသည်။

အဆိုပါ အစီအစဉ်ကို မြန်မာ့ ဆက်သွယ်ရေး လုပ်ငန်းက ဂျပန်ကုမ္ပဏီများ ဖြစ်သည့် KDDI နှင့် Sumitomo ကုမ္ပဏီ တို့ဖြင့် ပူးပေါင်းဆောင်ရွက်ခြင်း ဖြစ်သည်။

တန်ဖိုးနည်း ဂျီအက်စ်အမ် ဆင်းကတ် ၇ သိန်းကျော်ကို စက်တင်ဘာလ အတွင်း ဖြန့်ချိမည် ဖြစ်ပြီး ၂၀၁၄ ခုနှစ် ဒီဇင်ဘာလ မတိုင်မီ ဆင်းကတ် အရေအတွက် ၅ သန်းကျော် အထိ ဖြန့်ဖြူးရောင်းချသွားမည်ဟု သိရသည်။

ထိုသို့ ရောင်းချမှုနှင့် ပတ်သက်ပြီး မြန်မာ့ဆက်သွယ်ရေး လုပ်ငန်းမှ ကျောင်းအုပ်ကြီး ဦးကျော်စိုးက “ရပ်ကွက်တွေမှာ ဆင်း ကတ် တွေ မဲစနစ်နဲ့ ပေးနေတဲ့ အစီအစဉ်ကို ဒီလကစပြီး ဖျက်သိမ်းလိုက်ပြီ၊ ဂျပန် ကုမ္ပဏီတွေနဲ့ ပူးပေါင်းတဲ့ အခု အစီအစဉ် က ဖြန့်ဖြူးရေး ပုံစံအသစ်ပဲ၊ သုံးစွဲသူတွေအတွက် ဖုန်းပြောခ အစီအစဉ်ကိုလည်း Bonus အနေနဲ့ လုပ်ပေးဖို့ ရှိတယ်”ဟု ဧရာဝတီ ကို ပြောသည်။

တန်ဖိုးနည်း ဆင်းကတ်များ ဖြန့်ဖြူး ရောင်းချရာတွင် ပြည်တွင်း ဆက်သွယ်ရေး ကုမ္ပဏီ ၁၅ ခုနှင့် တဆင့် ချိတ်ဆက်ကာ တိုင်းဒေသကြီးနှင့် ပြည်နယ်များရှိ ဖြန့်ချိ ရောင်းချသူများထံသို့ ပြန်လည် ဖြန့်ချိရောင်းချမည် ဖြစ်ကြောင်း သိရသည်။

ထိုတန်ဖိုးနည်း ၁၅၀၀ ကျပ်တန် ဆင်းကတ်များကို စက်တင်ဘာ ၁ ရက်မှ စတင်ပြီး ဆက်သွယ်ရေး ကုမ္ပဏီများ ဖြစ်သည့် Elite Tech, Asia Mega link, Fortune, ABC, တာမိုးနဲ၊ မြန်မာပိတောက်၊ အမရာ နှင့် ချမ်းသာ စသည့် ကုမ္ပဏီ ၁၅ ခုက တိုင်းဒေသကြီးနှင့် ပြည်နယ်များအလိုက် ဖြန့်ချိ ရောင်းချပေးမည်ဟု ဆိုသည်။

ဆင်းကတ်ရောင်းချမှု ပုံစံနှင့် ပတ်သက်ပြီး ရန်ကုန်မြို့ရှိ Elite Tech ဖုန်းအရောင်းဆိုင် ဝန်ထမ်းတဦးက “မှတ်ပုံတင် မူရင်းနဲ့ မိတ္ထူတစောင် ယူလာရင် ဖုန်းကတ်တွေ ဝယ်လို့ ရပါတယ်၊ တကတ်ကို ၁၅၀၀ ကျပ်နဲ့ ရောင်းပေးမှာပါ၊ လူတဦးကို တကတ်နှုန်း ပဲ ရောင်းပါတယ်”ဟု ပြောသည်။

အဆိုပါ တန်ဖိုးနည်း ဂျီအက်စ်အမ် ဆင်းကတ်များကို ဝယ်ယူလိုသူ များပြားသည့် အတွက် လတ်တလော ဖြန့်ချိပေးနေသည့် Elite Tech ကုမ္ပဏီနှင့် Asia Mega Link ကုမ္ပဏီတို့၏ အရောင်းဆိုင်များ၌ ဝယ်ယူသူများကို တန်းစီစနစ်ဖြင့် ရောင်းချပေး နေ သည်ကို တွေ့မြင်ရသည်။

“တကတ်ကို ၁၅၀၀ ကျပ်ပဲ ဆိုတော့ လူများလည်း လာတိုးနေရတာပေါ့။ အပြင်မှာဝယ်ရင် MPT ဆင်းကတ်တွေက ၁၅၀၀၀၊ ၂၀၀၀၀ လောက် အနည်းဆုံး ပေးနေရတယ်”ဟု ရန်ကုန်မြို့ ဗိုလ်အောင်ကျော်လမ်းရှိ Elite Tech အရောင်းဆိုင်တွင် ဖုန်းကတ် တန်းစီ စောင့်ဆိုင်း ဝယ်ယူနေသူ တဦးက ပြောသည်။

ပြီးခဲ့သည့် သြဂုတ်လမှ စတင်ပြီး Ooredoo ဆင်းကတ်များ ထွက်လာပြီး နောက်ပိုင်း ဖုန်းများ ခေါ်ဆိုရာတွင် လိုင်းကျပ်ခြင်း၊ ဖုန်းခေါ် မရခြင်း၊ မက်ဆေ့ခ်ျပို့၍ မရခြင်း စသည့် နည်းပညာဆိုင်ရာ ပြဿနာများ ဖြစ်ပေါ်နေသည်ဟု ဖုန်းသုံးစွဲသူ အများအပြားက ဝေဖန် ပြောဆိုလျက် ရှိသည်။

မြန်မာ့ဆက်သွယ်ရေး လုပ်ငန်းမှ ကျောင်းအုပ်ကြီး ဦးကျော်စိုးက“အရင်ထက် ပိုပြီးတော့ နည်းပညာပိုင်းတွေမှာ ကောင်းလာ တယ်၊ စောင့်ကြည့်နေတဲ့ အခြေအနေတွေ အရ ဖုန်းခေါ်ဆိုမှု ၁၀၀ ကြိမ်နှုန်းမှာ ၁ ကြိမ်နှုန်းပဲ ဖုန်းခေါ် မရတဲ့ လိုင်းကျပ် ပြဿနာ ရှိတော့တယ်၊ ရာနှုန်းပြည့် ကောင်းတယ်လို့တော့ ပြောလို့ မရသေးဘူး”ဟု ဆိုသည်။

မြန်မာ့ ဆက်သွယ်ရေးနှင့် ပူးပေါင်းဆောင်ရွက်နေသည့် ဂျပန်နိုင်ငံမှ KDDI နှင့် Sumitomo ကုမ္ပဏီတို့သည် မြန်မာနိုင်ငံတွင် အမေရိကန် ဒေါ်လာ သန်းနှစ်ထောင် ရင်းနှီးမြှုပ်နှံ၍ ဆက်သွယ်ရေး ကွန်ရက်ကို တိုးချဲ့ခြင်း၊ နည်းပညာသစ်များဖြင့် အဆင့်မြင့် ဝန်ဆောင်မှုများ ပေးခြင်း၊ လက်ရှိ မြန်မာနိုင်ငံတွင် လုပ်ကိုင်ခွင့် ပေးထားသည့် နိုင်ငံခြား ဆက်သွယ်ရေး အော်ပရေတာ များနှင့် ယှဉ်ပြိုင်နိုင်ရန် လုပ်ဆောင်ခြင်း၊ အဆင့်မြှင့်တင်ရေး၊ ဈေးကွက် မြှင့်တင်ရေး၊ အရောင်း မြှင့်တင်ရေးများကို ဆောင်ရွက်ခြင်းနှင့် မြန်မာနိုင်ငံ၏ ဆက်သွယ်ရေး နည်းပညာ ကဏ္ဍများ လျင်မြန်စွာ ဖွံ့ဖြိုးတိုးတက်ရန် ပူးပေါင်း လုပ်ဆောင်မည်ဟု ပြောဆို ထားသည်။

YUFLမှာ မြန်မာဘာသာ လေ့လာသူ နိုင်ငံခြားသားဦးရေ နှစ်ဆတိုး

DVB

ပီအာရ်စနစ် ကန့်ကွက်လက်မှတ် မြို့နယ်အချို့ ထပ်တိုးကောက်မည်

အေးမြင့်စန်း

အနာဂတ် အမျိုးသားလွှတ်တော်ရွေးကောက်ပွဲများတွင် ကျင့်သုံးရန်ဥပဒေကြမ်းရေးဆွဲနေသည့် အချိုးကျ ကိုယ်စားပြုစနစ် (ပီအာရ်) ကို ကန့်ကွက်လက်မှတ်ရေးထိုးသည့် လှုပ်ရှားမှုအတွက် မြို့နယ်အချို့ ထပ်တိုး ကောက်ခံသွားမည်ဟု ပြည်သူ့လှုပ်ရှားမှုမြှင့်တင်ရေးကွန်ရက်၏ တွဲဖက်တာဝန်ခံ ကိုမြတ်ကျော်က သြဂုတ် ၃၁ ရက်တွင် မဇ္ဈိမကို ပြောသည်။

ပီအာရ်စနစ် ကန့်ကွက်သည့် လက်မှတ်ရေးထိုးလှုပ်ရှားမှုကို သြဂုတ် ၂၈ ရက်က စတင်လိုက်ခြင်းဖြစ်ကာ ယခင်သတ်မှတ်ထားသည့် မြို့နယ်များအပြင် ဒေါပုံ၊သာကေတ၊ လှိုင်သာယာ၊ ရွှေပြည်သာ၊ အင်းစိန်နှင့် မရမ်းကုန်းမြို့နယ်များတွင်လည်း ထပ်မံကောက်ခံသွားမည်ဟု ၎င်းက ဆိုသည်။

ကိုမြတ်ကျော်က “ပီအာရ်စနစ်ကို လွှတ်တော်က အာဏာရပါတီအင်အားနဲ့ အတည်ပြုလိုက်လို့ တိုင်းပြည်မှာ တစ်ခုခုဖြစ်ပေါ်ခဲ့မယ်ဆိုရင် ပြည်သူလူထုက ပီအာရ်စနစ်ကို ကန့်ကွက်ထားပါတယ်ဆိုတာ ဒီလက်မှတ်တွေက သက်သေအဖြစ် ရှိသွားမှာပါ” ဟု ပြောသည်။

ယခင်က လက်မှတ်ကောက်ခံရန် သတ်မှတ်ထားသော မြို့နယ်များမှာ ဗိုလ်တထောင်၊ မင်္ဂလာတောင်ညွန့်၊ ပုဇွန်တောင်၊ သင်္ဃန်းကျွန်း၊ တောင်ဥက္ကလာပနှင့် ဒဂုံမြို့နယ်တို့ဖြစ်သည်။

ပီအာရ်ကန့်ကွက်လက်မှတ်ကို သြဂုတ် ၂၈ ရက်က တောင်ဥက္ကလာပမြို့နယ်တွင် စတင်ကောက်ခံခဲ့ပြီး စက်တင်ဘာ ၁၀ ရက်အထိ ကောက်ခံသွားမည်ဖြစ်သည်။

ပြည်သူ့လှုပ်ရှားမှုမြှင့်တင်ရေးကွန်ရက်မှ ကိုသန်းစိုးက “ဒဂုံဆိပ်ကမ်းမှာ ရပ်ကွက်တစ်ခုတည်းမှာတင် ကန့်ကွက်လက်မှတ်ထိုးသူ ၁၀၀ကျော်အထိ ရနေပြီ၊ ပီအာရ်နဲ့ ပတ်သက်ပြီး လူငယ်ပိုင်းက နားလည်သူ ရှားတယ်။လူကြီးပိုင်းကတော့ ရွေးကောက်ပွဲစနစ်ဟောင်းနဲ့ယှဉ်ပြီး ပီအာရ်ရဲ့ အားနည်းချက်ကို သိထားကြတယ်။ လူငယ်ပိုင်းတော့ ပီအာရ်အကြောင်း ရှင်းပြပေးရတာ များတယ်”ဟု ပြောသည်။

ပီအာရ်စနစ်ကန့်ကွက်လှုပ်ရှားမှုကို တစ်အိမ်တက်ဆင်းလိုက်လံကောက်ခံခြင်းဖြစ်ပြီး လက်ရှိတွင်လက် မှတ်ကောက်ခံမည့် လူအင်အားနည်းနေသဖြင့် နိုင်ငံရေးစိတ်ပါဝင်စားသူ ပြည်သူများကိုသာ အဓိကထား ကောက်ခံလျက်ရှိနေသည်။

ပီအာရ်စနစ်နှင့် ပတ်သက်ပြီး သိရှိသူနည်းပါးသဖြင့် စနစ်နှင့် ပတ်သက်၍ ရှင်းပြထားသည့် လက်ကမ်းစာ စောင်များ ဝေငှခြင်း၊ ကွန်ရက်အဖွဲ့ဝင်များက ရှင်းပြခြင်းများကိုလည်း ဆောင်ရွက်ပေးနေသည်ဟု ကိုမြတ်ကျော်က ပြောသည်။

ရရှိလာသည့် လက်မှတ်များကို လာမည့် စက်တင်ဘာတွင် စတင်မည့် ပြည်ထောင်စုလွှတ်တော်ကို တင်သွင်းမည်ဖြစ်သည့်အပြင် အမျိုးသားဒီမိုကရေစီအဖွဲ့ ချုပ်နှင့် ပီအာရ်စနစ်ကို ကန့်ကွက်သည့် တိုင်းရင်းသားပါတီများထံသို့ ပေးပို့မည်ဖြစ်သည်ဟုလည်း ပြည်သူ့လှုပ်ရှားမှု မြှင့်တင်ရေးကွန်ရက်က ပြောထားပြီး ဖြစ်သည်။

ငြိမ်းချမ်းရေးနှင့်ဖက်ဒရယ်အတွက် ပူးပေါင်းကြရန် UNFC နှင့် ပြည်တွင်းအင်အားစုများ ထုတ်ပြန်

ဆူးခက်

ပည်တွင်း ငြိမ်းချမ်းရေး၊ နိုင်ငံရေး ဆွေးနွေး ပွဲများ ပေါ်ပေါက် ရေးနှင့် ဒီမိုကရက်တစ် ဖက်ဒရယ် ပြည်ထောင်စု တည်ဆောက်ရေး တို့အတွက် မိမိတို့ အင်အားစု များအကြား အပြန်အလှန် ဆက်စပ်မှု ရှိရှိ ပူးပေါင်း ဆောင်ရွက်သွားရန် ညီညွတ်သော တိုင်းရင်းသား လူမျိုးများ ဖက်ဒရယ် ကောင်စီ (UNFC) နှင့် ပြည်တွင်း အင်အားစုတို့ တွေ့ဆုံ အပြီး၌ နှစ်ဖက် သဘောညီ ထုတ်ပြန်ကြေညာခဲ့သည်။

“ပြည်တွင်းနဲ့ ပြည်ပ နိုင်ငံရေး အင်အားစုတွေ ပိုမု ပူးပေါင်း လုပ်ဆောင် နိုင်ဖို့၊၂၀ဝ၈ ဖွဲ့စည်းပုံ ပြင်ရေး လှုပ်ရှားမှု နဲ့အတူ လိုအပ်လို့ ရှိရင်လည်းဖက်ဒရယ် ပြည်ထောင်စု ဖွဲ့စည်းရေး မှာလည်း ပူးတွဲ လုပ်ဆောင် နိုင်ကြဖို့ အပြန်အလှန် သဘောတူညီမှု ရခဲ့ပါတယ်” ဟု UNFC ကွန်ဖရင့် အစည်းအဝေး ကျင်းပရေး အတွင်းရေးမှူး ဗိုလ်မှူးကြီး ခွန်ဥက္ကာက ပြောသည်။

UNFC ၏ ပထမ အကြိမ် ကွန်ဖရင့်အား သြဂုတ်လ (၂၅) ရက်နေ့မှ စတင် ကျင်းပ ခဲ့ပြီး တဆက်တည်း ဆွေးနွေးရန် လျာထား ခဲ့သော်လည်း ပြည်တွင်းမှ ရောက်ရှိလာသည့် အင်အားစု များနှင့် တွေ့ဆုံ နိုင်ရန် သြဂုတ်လ (၂၉) ရက်နေ့နှင့် (၃၀) ရက် နှစ်ရက်တာ ရပ်နားခဲ့သည်။

ထိုနှစ်ရက်တာ ရပ်နား၌ ပြည်တွင်းမှ အင်အားစု (၅) ခုမှ ခေါင်းဆောင်များနှင့် ထိုင်းနိုင်ငံ အခြေစိုက် အမျိုးသမီးနှင့် လူငယ် အဖွဲ့များနှင့် နှစ်ရက်တာ တွေ့ဆုံ ခဲ့အပြီး၌ ယခုကဲ့သို့ ထုတ်ပြန် ခဲ့ခြင်းလည်း ဖြစ်သည်။

၂၀ဝ၈ အခြေခံ ဥပဒေ ပြင်ဆင် ရေးနှင့် တပြည်လုံး အပစ်အခတ် ရပ်စဲရေး ကဏ္ဍများကို အားပြု၍ ဆွေးနွေး ခဲ့ကြောင်းလည်း ကရင်အမျိုသား အစည်းအရုံး (KNU) အဖွဲ့ အထွေထွေ အတွင်းရေးမှူး ပဒို ကွယ်ထူးဝင်း က ပြောသည်။

“လက်ရှိ ကျွှန်တော်တို့ တိုင်းရင်းသား လက်နက်ကိုင် အဖွဲ့တွေ ပူးပေါင်း ဖွဲ့စည်း ထားတဲ့ NCCT ရဲ့ တပြည်လုံး အပစ်အခတ် ရပ်စဲရေး အပေါ်မှာတို့၊ နောက် တဖွဲ့ခြင်းရဲ့ ယခု လက်ရှိ ၂၀ဝ၈ ဖွဲ့စည်းပုံနဲ့ ပတ်သက်တဲ့ သဘောထား အမြင် တို့ပေါ့လေ၊ အဲဒါတွေ ဆွေးနွေး ခဲ့တယ်” ဟု ဗဒိုကွယ်ထူးဝင်းက ဆိုသည်။

ထိုတွေ့ဆုံ ပွဲအား UNFC တင်းပြည့် အဖွဲ့ဝင်များ အပါအဝင် ဆက်စပ် UNFC ၏ အဖွဲ့အစည်းများ ဖြစ်ကြသည့် ALP, AA, DKBA, ABSDF, ကရင်ငြိမ်းချမ်းရေး ကောင်စီ တို့မှ ကိုယ်စားလှယ် များလည်း တက်ရောက်ခဲ့ကြာ စုစုပေါင်း ကိုယ်စားလှယ် (၁၁၃) ဦး တက်ရောက် ခဲ့ကြောင်း အစည်းအဝေး အပြီး၌ ထုတ်ပြန် ကြေငြာ ခဲ့ပါသည်။

ဤသို့ ပြည်တွင်း ပြည်ပ နိုင်ငံရေး အင်အားစု များအကြား နိုင်ငံရေး ဆိုင်ရာ အမြင် ဖလှယ် ဆွေးနွေးမှုများ မကြာ ခဏ လုပ်ဆောင် နိုင်ရေး ပြည်တွင်း နိုင်ငံရေး အင်အားစု များမှ အဆိုပြု ခဲ့ကြကြောင်း ဗိုလ်မှူးကြီး ခွန်ဥက္ကာက ဆက်ပြောသည်။

“မကြာခဏ တွေ့ဆုံဖို့၊ ပြည်တွင်း ငြိမ်းချမ်းရေး လုပ်ငန်းစဉ်မှာ ပြည်သူတွေ ပိုမို ပါဝင် လာဖို့ နောက်ပြီးတော့ ပြည်တွင်းနဲ့ ပြည်ပ ပိုမို ပါဝင်လာနိုင်ဖို့ သူတို့ဘက်က လိုလား နေပါတယ်၊ ပြည်တွင်း နိုင်ငံရေး အင်အား စုတွေ ဘက်ကလည်း တစ်နိုင်ငံလုံး အပစ်အခတ် ရပ်စဲရေး လက်မှတ် ထိုးရာမှာ ဘယ်လို လုပ်ဆောင် သင့်သလဲ ဆိုတာနဲ့ ပတ်သက်ပြီး ဆွေးနွေး အကြုံပြု ခဲ့တာလည်း ရှိပါတယ်” ဟု ခွန်ဥက္ကာက ဆက်ပြောသည်။

ပြီးခဲ့သည့် သြဂုတ်လ ၁၈ ရက်နေ့က ရန်ကုန်မြို့ မြန်မာ့ငြိမ်းချမ်းရေး စင်တာ၌ တစ်နိုင်ငံလုံး အပစ်အခတ် ရပ်စဲရေး ညှိနှိုင်းရေး အဖွဲ့ (NCCT) နှင့် ပြည်တွင်းရှိ နိ်ုင်ငံရေးပါတီ (၄၃) ခုတို့ တွေ့ဆုံ ခဲ့ကြစဉ်၌လည်း တစ်လ တစ်ကြိမ် တွေ့ဆုံ နိုင်ရန် ပြည်တွင်း နိုင်ငံရေး ပါတီများက တောင်းဆိုခဲ့ကြ သော်လည်း NCCT မှ တစ်လ တစ်ကြိမ် တွေ့ဆုံရန်မှာ မလွယ်ကူကြောင်း သဘောထား ပြုထားပါသည်။

ထို့ပြင် ယခု တွေ့ဆုံပွဲ၌ တင်ပြ ခဲ့သကဲ့ သို့ပင် ဖက်ဒရယ် ပြည်ထောင်စုအား စာရွက်ပေါ်၌သာ မဟုတ်ပဲ အပီအပြင် ဖော်ဆောင် နိုင်ရေး အတွက်လည်း နိုင်ငံရေး ပါတီများက တိုက်တွန်း ပြောကြား ခဲ့ကြပါသည်။

ပြည်တွင်း နိုင်ငံရေး ပါတီများနှင့် တွေ့ဆုံ ဆွေးနွေးပွဲ ပြီးနောက် သြဂုတ်လ (၃၁) ရက်နေ့နှင့် စက်တင်ဘာလ (၁) ရက်နေ့များတွင် UNFC ကွန်ဖရင့်၏ မပြီးပြတ်သေးသည့် အစည်းအဝေး များကို ဆက်လက် ကျင်းပ သွားမည် ဖြစ်ကြောင်း UNFC ခေါင်းဆောင် များက ဆိုသည်။

အချုပ်ခန်းဖောက်ပြေးမှု များလာ၍ တစ်နေ့လျှင် ငါးကြိမ်ခန့် စစ်ဆေးမှုလုပ်မည်

မျိုးသန့်

မန္တလေးတိုင်းအတွင်း အချုပ်ခန်းဖောက်ပြေးသည့် ဖြစ်စဉ်မှာ ဆယ်ရက်ခန့်အတွင်း နှစ်ကြိမ်ဖြစ်ပွားခဲ့ရာ စောင့်ကြပ်သူ ပေါ့ဆမှုကြောင့် အဓိကဖြစ်၍ တစ်နေ့လျှင် ငါးကြိမ်ခန့် စစ်ဆေးမှုများကို အဆင့်လိုက်ပြုလုပ်သွားမည်ဖြစ်ကြောင်း မန္တလေးခရိုင် ရဲတပ်ဖွဲ့မှူးရုံး ဒုတိယရဲမှူးကြီး စိန်ထွန်းက မဇ္ဈိမကို ပြောသည်။

“ဟိုနားပြေးလိုက်၊ ဒီနားပြေးလိုက် ဖြစ်နေတာ။ အဓိက တာဝန်ပေါ့ဆမှုကြောင့်ပဲ။ အဲ့ဒီအတွက် အဖွဲ့ဖွဲ့ပြီး စစ်ဆေးမှုတွေကို အရင်ကတည်းက လုပ်ဆောင်နေပါတယ်၊ အခု ငါးကြိမ်လောက် စစ်ဆေးမှုလုပ်ဆောင်သွားမယ်။ တိုင်းအဆင့် တာဝန်ရှိသူ၊ တာဝန်မှူး၊ စခန်းမှူး၊ ဒု-မြို့နယ်မှူး၊ မြို့နယ်မှူး စစ်ဆေးမှု လုပ်သွားမယ်”ဟု ၎င်းက ပြောသည်။

စစ်ဆေးမှုများကို ပိုမိုလုပ်ဆောင်မည့်အပြင် တာဝန်ပေါ့လျော့မှုကြောင့် အချုပ်ခန်းဖောက်ပြေးလျှင် ရဲစည်းကမ်းထိန်းသိမ်း ရေးဥပဒေနှင့် ပြစ်မှုဆိုင်ရာဥပဒေအရ အရေးယူသွားမည်ဖြစ်သည်။ အရေးယူမှု ပြုလုပ်ရာတွင်လည်း ရာထူးမှ လျှော့ချခြင်း၊ ထောင်ဒဏ်အပြစ်ပေးခြင်း၊ တာဝန်မှ ရပ်စဲခြင်းစသည်တို့ကိုလည်း လုပ်ဆောင်မည်ဟု ဆိုသည်။

ထို့သို့လုပ်ဆောင်မှုအပြင် အချုပ်ခန်းများကို ခိုင်ခံ့မှုအတွက် အင်ဂျင်နီယာများက တစ်နှစ်တစ်ကြိမ် စစ်ဆေးမှုများအပြင် လိုအပ်ပါက ထပ်မံစစ်ဆေးမှုများ ပြုလုပ်ခြင်း၊ဧည့်ဝင်ခွင့်ပြုလုပ်ရာတွင်လည်း အချုပ်ခန်းဖောက်ပြေးနိုင်သော ပစ္စည်းများ သယ်ဆောင်သွားနိုင်ခြင်း မရှိအောင် ဂရုပြုစစ်ဆေးခြင်းတို့ကိုလည်း လုပ်ဆောင်မည်ဖြစ်သည်။

သို့သော် အချုပ်ခန်းများ၏ လုံခြုံရေးအတွက် ပိုမိုစိတ်ချရစေရန် စီစီတီဗွီကင်မရာတပ်ဆင်ခြင်းကို လတ်တလော လုပ်ဆောင်ရန် မလွယ်ကူသေးပေ။

အချုပ်ခန်း ဖောက်ပြေးသည့်ဖြစ်စဉ်အဖြစ် ပြင်ဦးလွင်မြိ်ု့မရဲစခန်း သြဂုတ် ၉ ရက်တွင် အချုပ်သားသုံးဦး ထွက်ပြေး၊ တစ်ဦး ဖမ်းဆီးရမိ၊ သြဂုတ် ၂၀ရက် အောင်ပင်လယ်ရဲစခန်း အချုပ်သားသုံးဦး ထွက်ပြေး၊ တစ်ဦး ဖမ်းဆီးရမိတို့ ဖြစ်ပွားခဲ့သည်။

ထို့ပြင် ဇူလိုင်၂၆ ကျောက်မဲရဲစခန်း အချုပ်ခန်းဖောက်ပြေးရာ ပစ်ခတ်ဖမ်းဆီးခဲ့သဖြင့် သုံးဦး သေဆုံးခဲ့သည်။

အမျိုးသားပညာရေးဥပဒေမူကြမ်းကို စစ်ကိုင်းတက္ကသိုလ်ကျောင်းသားတွေ ဆန္ဒပြ

DVB

UNFC နှင့် ပူးပေါင်းပါဝင်မှုကို KNU ယာယီရပ်ဆိုင်း

စဖန်းရှောင်း

ညီညွတ်သောတိုင်းရင်းသားလူမျိုးများဖက်ဒရယ်ကောင်စီ(UNFC)၏ ဖွဲ့စည်းပုံသည် ကရင်အမျိုးသားအစည်း အရုံး(KNU)၏ မူများနှင့် ကိုက်ညီမှုမရှိသည့်အတွက် UNFC နှင့် ပူးပေါင်းပါဝင်မှုကို ယာယီရပ်ဆိုင်းထားကြောင်း KNU အထွေထွေအတွင်းရေးမှူး ပဒိုစောကွယ်ထူးဝင်းက ကေအိုင်စီသို့ ယနေ့ ပြောဆိုလိုက်သည်။

“ကျနော်တို့ UNFC ကနေ နှုတ်ထွက်တယ်ဆိုတာ လုံးဝမဟုတ်ပါဘူး။ ညီလာခံမှာ ကျနော်တို့တင်ပြတဲ့ UNFC ဖွဲ့စည်းပုံနဲ့ ပတ်သက်ပြီး ပြန်လည်သုံးသပ်ရမှာတွေရှိတဲ့အတွက် လက်ရှိ KNU အနေနဲ့ UNFC နဲ့ ပူးပေါင်းပါဝင်မှု ကို ခဏတာ ရပ်ဆိုင်းထားခြင်းသာ ဖြစ်ပါတယ်။ UNFC ရဲ့ လက်ရှိ ဖွဲ့စည်းပုံဆိုရင် ပူးပေါင်းပါဝင်သင့်၊ မသင့် KNU ရဲ့ ဗဟိုကော်မတီအစည်းအဝေးမှာ ပြန်ဆုံးဖြတ်မှာပါ”ဟု ပဒိုစောကွယ်ထူးဝင်းက ပြောသည်။

UNFC ၏ ညီလာခံတွင် KNU အနေဖြင့် တိုင်းရင်းသားများ၏ စုဖွဲ့မှု အားကောင်းရန် တိုင်းရင်းသားများ အတူတကွ ဦးဆောင်ပြီး ညှိနှိုင်းစုဖွဲ့ အထောင်အထည်ဖော်သွားမည့်မှုများ၊ လက်ရှိနိုင်ငံရေးအခြေအနေနှင့် ကိုက်ညီသည့် မူများကို ပြန်လည်ပြင်ဆင်ရေးဆွဲရန် စသည့်အချက်များကို အခြေခံသည့် စာတမ်းတစ်စောင် တင်ပြခဲ့သည်ဟု သိရသည်။

ထိုသို့ တင်ပြရာတွင် ဆွေးနွေးနေဆဲဖြစ်သော UNFC ၏ Top Down ပုံစံ ဖွဲ့စည်းပုံမျိုးမဟုတ်သည့်အတွက် ကျန်ရှိသော အဖွဲ့ဝင်များ၏ သဘောထားကွဲလွဲမှုများရှိကာ ယနေ့နောက်ဆုံးပြုလုပ်မည်ဖြစ်သော ညီလာခံကို KNU က ဆက်လက်မဆွေးနွေးတော့ပဲ ညီလာခံမှ ထွက်ခွာခဲ့ခြင်းဖြစ်ကြာင်း သိရသည်။

UNFC အထွေထွေအတွင်းရေးမှူး နိုင်ဟံသာက “ကျန်တဲ့သူတွေကတော့ အရင်သုံးနှစ်တာကာလ ဖွဲ့စည်းထားတဲ့ UNFC ဖွဲ့စည်းပုံအတိုင်း သွားချင်တယ်။ အခု KNU တင်တဲ့ဟာက အမြဲတမ်း ဥက္ကဌ မရှိဘူး။ အမြဲတမ်း ဗဟို အလုပ်အမှုဆောင်အဖွဲ့တွေ မရှိတော့ဘဲ ဗဟိုချုပ်ကိုင်မှုကို လျှော့ချပြီး အဖွဲ့တွေကို လွတ်လပ်ပေးစေချင်တဲ့ သဘော ပေါ့ဗျာ။ အဲဒီအပေါ်မှာအမြင်မတူကြတာပေါ့”ဟု ကေအိုင်စီသို့ ပြောသည်။

KNU တင်ပြထားသည့် အချက်များနှင့်ပတ်သက်၍ အများစု လက်ခံနိုင်သည့် အချက်များကို ပြန်လည်သုံးသပ် ဆွေးနွေးသွားကြမည်ဖြစ်ပြီး ကျန်ရှိသည့်အဖွဲ့ဝင်များမှ အချက်အားလုံးကို လုံးဝလက်မခံသည့် အနေအထားမျိုး မဟုတ်ကြောင်းလည်း နိုင်ဟံသာက ဆက်ပြောသည်။

သို့သော် UNFC ညီလာခံတွင် KNU အနေဖြင့် ဆက်လက် တက်ရောက်ခြင်းမရှိတော့သော်လည်း လက်ရှိဖော်ဆောင်နေသည့် ငြိမ်းချမ်းရေးလုပ်ငန်းစဉ်များကို ထိခိုက်သွားမည်မဟုတ်သလို KNU သည် ဗဟိုကော်မတီအစည်းအဝေးများ ပြန်လည်ခေါ်ယူပြီး UNFC နှင့်အတူ ပူးပေါင်းပါဝင်မှုအခန်းကဏ္ဍနှင့် လက်ရှိတင်ပြထားသော မူများအပေါ် ပြန်လည်သုံးသပ် ဆွေးနွေးသွားမည်ဖြစ် သည်ဟု KNU ဘက်က ပြောဆိုသည်။

ပဒိုစောကွယ်ထူးဝင်းက “ကျနော်တို့ KNU ရဲ့မဟာမိတ်ဆိုင်ရာ ပူးပေါင်းဆောင်ရွက်ရေးမှာ တူတာကို တွဲလုပ်၊ မတူတာကို ခွဲလုပ်ပြီး ပူးပေါင်းတဲ့နေရာမှာလည်း အဖွဲ့အစည်းအားလုံးအတွက် အကျိုးဖြစ်စေရမယ်။ နောက်ပြီး ကျနော်တို့အဖွဲ့အစည်းရဲ့အချုပ်အခြာအာဏာကို ထိပါးတဲ့ ပူးပေါင်းဆောင်ရွက်မှုမျိုး မဖြစ်စေရဘူးဆိုတဲ့ မူက လည်း ရှိထားပြီးသား ဖြစ်ပါတယ်။ ငြိမ်းချမ်းရေး လုပ်ငန်းစဉ်ကိုတော့ ထိခိုက်လာနိုင်ခြင်းမရှိပါဘူး”ဟု ဖြည့်စွက်ပြောဆိုသည်။

ညီညွှတ်သောတိုင်းရင်းသားလူမျိုးများဖက်ဒရယ်ကောင်စီ၏ ပထမအကြိမ်ညီလာခံအဖြစ် သြဂုတ်လ ၂၅ရက်မှ ၂၈ရက်နေ့အထိ ပြုလုပ်ပြီး တဆက်တည်းမှာပင် သြဂုတ် ၃၁ရက်နေ့မှ ယခု စက်တင်ဘာ ၁ရက်နေ့အထိ ညီလာခံ ဆက်လက်ပြုလုပ်ကာ ကျန်ရှိ သော ဖွဲ့စည်းပုံပြင်ဆင်ရေးနှင့် ရှေ့ဆက်လုပ်ငန်းစဉ်များကို ယနေ့ အပြီးဆွေးနွေးသွားမည်ဖြစ်ကြောင်း သိရသည်။

UNFC ကို ၂၀၁၁ခုနှစ်၊ ဖေဖော်ဝါရီ၌ စတင်ဖွဲ့စည်းခဲ့ပြီး လက်ရှိအချိန်တွင် KIO, KNPP, KNU, NMSP, CNF, SSPP-SSA, PNLO, PSLF, LDU, ANC, WNO, MNDAA ဟူ၍ အဖွဲ့ဝင် ၁၂ဖွဲ့နှင့် ဆက်စပ်အဖွဲ့ ၅ဖွဲ့ဖြစ်သည့် ရခိုင်ပြည်လွတ်မြောက်ရေးပါတီ (ALP)၊ ရခိုင်တပ်မတော်(AA)၊ ဒီမိုကရေစီအကျိုးပြု ကရင်တပ်မတော်(DKBA)၊ ကေအဲန်ယူ/ကေအဲန်အယ်လ်အေ ငြိမ်းချမ်းရေး ကောင်စီ၊ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF)တို့ဖြင့် ပါဝင်တက်ရောက်ခဲ့ကြသည်

ရေမြုပ်လယ်များကို သမ္မတရန်ပုံငွေပေး မလုံလောက်၍ လွှတ်တော်တင်မည်ဟု ဆို

ဖိုးစိုးသူ

ပဲခူးတိုင်းဒေသကြီးအတွင်း ရေကြီးရေလျှံမှုများကြောင့် ပျက်စီးဆုံးရှုံးသွားသော လယ်စိုက်ဧကများအတွက် နိုင်ငံတော် သမ္မတရန်ပုံငွေ သန်း ၁,၀၀၀ ကျော် ကူညီထောက်ပံ့ခဲ့ပြီးဖြစ်ကြောင်း သြဂုတ်လ ၃၁ တွင် ပဲခူးတိုင်းဒေသကြီး အစိုးရအဖွဲ့ အတွင်းရေးမှူးဦးမောင်မောင်သန်းက မဇ္ဈိမကို ပြောသည်။

“ပဲခူးတိုင်းအတွင်းမှာ ပျက်စီးမှုစာရင်းတွေကို အကုန်လုံး ထောက်ပံ့ပေးပြီးပြီဖြစ်ပါတယ်။ လောက်လည်း လောက်ပါတယ်။ အဆင်ပြေပါတယ်။ ပျက်စီးဆုံးရှုံးခဲ့တဲ့ နေရာတိုင်းကို သတ်မှတ်ချက်အတိုင်း ထောက်ပံ့ပေးခဲ့ပြီး ဖြစ်ပါတယ်”ဟု ၎င်းက ဆိုသည်။

ပဲခူးတိုင်းဒေသကြီးအစိုးရက ဒေသတွင်း လယ်ယာပျက်စီးမှုများကို ကူညီရန် ကျပ်သန်း ၁,၀၀၀ လိုအပ်ကြောင်း သြဂုတ်လ ၂၁ ရက်တွင် ပြည်ထောင်စုအစိုးရထံ တင်ပြခဲ့သည်။ ထို့နောက် လယ်ပျက်စီးမှုစာရင်းများအရ ပဲခူးတိုင်းအတွင်း ပျက်စီးလယ်စိုက်ဧကပေါင်း ၅၇,၀၀၀ အတွက် တစ်ဧကလျှင် ၁၂,၀၀၀ နှင့် ထိခိုက်သော လယ်ဧက ၆၀,၀၀၀ အတွက် တစ်ဧကလျှင် ၆,၀၀၀ ကျပ်ကို သြဂုတ်လ ၂၄ ရက်တွင် မြို့နယ်အလိုက် ထောက်ပံ့မှုများလုပ်ပြီးပြီဟု ဦးမောင်မောင်သန်းက ဆိုသည်။

သို့သော်လည်း ပျက်စီးဆုံးရှုံးသွားသော လယ်ဧကများအတွက် အစိုးရမှ ထောက်ပံ့ ကူညီပေးသော်လည်း အကူအညီ အပြည့်အ၀မရရှိခြင်း၊ လယ်ပျက်စီးသူများ ထောက်ပံ့ကြေးရရန် ကျန်ရှိနေခြင်းတို့ကြောင့် စက်တင်ဘာလတွင် ကျင်းပမည့် ပြည်သူ့လွှတ်တော်တွင် တင်ပြဆွေးနွေးသွားမည်ဖြစ်ကြောင်း ပဲခူးတိုင်း၊ သနပ်ပင် ပြည်သူ့လွှတ်တော်အမတ် ဦးမြင့်ဦးက သြဂုတ်လ ၃၁ တွင် မဇ္ဈိမကို ပြောသည်။

သနပ်ပင်မြို့နယ်ထဲမှာ လယ်ဧက ၄၀,၀၀၀ လောက်ပျက်စီးတယ်။ ထောက်ပံ့စရိတ်ရတာက ဧက ၄၀,၀၀၀ လောက်ပဲရတယ်။ ရတဲ့တောင်သူတွေမှာလည်း ငါးဧက ဆုံးရှုံးတဲ့ လူတစ်ယောက်ဆို ကျပ် ၂,၀၀၀ ပဲ ရလို့ ကျွန်တော့်ကို လာပြောတာတွေရှိတယ်။ တကယ်ပျက်စီးပြီး တကယ်အခက်ခဲ တွေ့နေတဲ့ လူတွေအတွက် လွှတ်တော်မှာ တင်ပြပြီး ပြန်စိစစ်ပေးဖို့အတွက် ဆွေးနွေးမှာပါ” ဟု ၎င်းက ဆိုသည်။

လယ်ပျက်စီးမှုများအတွက် ပဲခူးတိုင်းဒေသကြီးအစိုးရက ပြီးခဲ့သော ရက်သတ္တပတ်အတွင်း ထောက်ပံ့ခဲ့သော်လည်း လယ်ခုနစ်ဧကခန့် ပျက်စီးခဲ့သည့် ၎င်းအတွက် ထောက်ပံ့မှုတစ်စုံတစ်ရာ မရရှိခဲ့ကြောင်း သနပ်ပင်မြို့နယ် ကျောင်းစုကျေးရွာမှ လယ်သမားဦးဝင်းမောင်က ပြောသည်။

ထိုကိစ္စနှင့် ပတ်သက်ပြီး စက်တင်ဘာ ၁၁ ရက် ပြည်သူ့လွှတ်တော် ပြန်လည်စတင်ချိန်တွင် တောင်းဆိုသွားမည်ဟု ပြည်သူ့လွှတ်တော်ကိုယ်စားလှယ် ဦးမြင့်ဦးက ပြောသည်။

UNFC နဲ့ KNU အကွဲအပြဲ တိုင်းရင်းသားတွေကို အစိတ်စိတ် အမြွှာမြွှာ ထပ်ကွဲစေမလား

ကျော်ခ

ထိုင်းနိုင်ငံ၊ ချင်းမိုင်မှာ ကျင်းပနေတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ(UNFC) ညီလာခံမှာ ကရင် အမျိုးသားအစည်းအရုံး(KNU) က ရုတ်တရက် ထွက်ခွာသွားပြီး စက်တင်ဘာလ ၁ ရက်နေ့မှာတော့ UNFC အဖွဲ့ဝင် အဖြစ် ပါဝင်မှု ရပ်ဆိုင်းကြောင်း KNU ဥက္ကဋ္ဌ စောမူတူးဆေးဖိုးက ကြေညာချက်တစောင် ထုတ်ပြန်လိုက်တာမို့ သမ္မတ ဦးသိန်းစိန် အစိုးရနဲ့ လုပ်ဆောင်နေတဲ့ ငြိမ်းချမ်းရေးလုပ်ငန်းစဉ်တွေနဲ့ပတ်သက်လို့ တိုင်းရင်းသားတွေကြားမှာ အစိတ်စိတ် အမြွှာမြွှာ ထပ်ကွဲ စေမယ့် အခြေအနေတွေ ဦးတည်လာနေပါတယ်။

ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ(UNFC) ရဲ့ ပထမအကြိမ်ညီလာခံမှာ UNFC ရဲ့ ဖွဲ့စည်းပုံနဲ့ ပတ်သက်လို့ ပြန်လည်ပြင်ဆင်ဖွဲ့စည်းဖို့ KNU က စာတမ်းတစောင် တင်သွင်းခဲ့ပြီး အဲဒီစာတမ်းကို UNFC အဖွဲ့ဝင် အများစု က သိပ်သဘောမတွေ့တာမို့ KNU က သြဂုတ်လ ၃၁ ရက်နေ့ ညီလာခံကနေ ရုတ်တရက် ထွက်ခွာသွား ခဲ့ပါ တယ်။ အဲဒီနောက် စက်တင်ဘာလ ၁ ရက်နေ့မှာတော့ KNU အနေနဲ့ UNFC အဖွဲ့ရဲ့ အဖွဲ့ဝင် အဖြစ် ပါဝင်နေမှုကနေ အကန့်အသတ်မရှိ ရပ်ဆိုင်းဖို့ KNU ဥက္ကဋ္ဌ စောမူတူးစေဖိုး လက်မှတ်ရေးထိုးထားတဲ့ အသိပေး ကြေညာချက် တစောင်ကို ထုတ်ပြန် လိုက်ပါတယ်။

KNU အနေနဲ့ UNFC ကနေ ထွက်ခွာရတဲ့ အကြောင်းအရင်းက တိုင်းရင်းသားလက်နက်ကိုင် အဖွဲ့အစည်းအသီးသီးရဲ့ အနေအထားနဲ့ ကိုက်ညီတဲ့ UNFC အဖြစ် မပြုပြင် မပြောင်းလဲနိုင်ခြင်း၊ UNFC ရဲ့ လက်ရှိ ဖွဲ့စည်းပုံက တိုင်းရင်းသား လက်နက်ကိုင် အဖွဲ့အစည်းတွေရဲ့ အချုပ်အခြာ အာဏာပိုင်မှုကို ထိခိုက်နေတဲ့အတွက် လက်မခံနိုင်ကြောင်း၊ KNU ရဲ့ တင်ပြချက်တွေကို UNFC ညီလာခံမှာ အကျေအလည်ဆွေးနွေးခြင်း မရှိတဲ့အတွက် အဖွဲ့ဝင်အဖြစ် ပါဝင်မှုက ရပ်ဆိုင်း ခြင်းဖြစ်တယ်လို့ သိရပါတယ်။

လတ်တလော UNFC မှာ ဥက္ကဋ္ဌ၊ အထွေထွေအတွင်းရေးမှူး နဲ့ ဗဟိုအလုပ်အမှုဆောင်အဖွဲ့ တွေ ဖွဲ့စည်းထားပြီး KNU အနေနဲ့ UNFC မှာ အမြဲတမ်းဥက္ကဋ္ဌ၊ အမြဲတမ်း ဗဟိုအလုပ်အမှုဆောင် အဖွဲ့ ဆိုတာတွေ မထားတော့ဘဲ ဗဟိုချုပ်ကိုင်မှု လျော့ချပြီး လွတ်လပ်စွာ ပြန်လည်ဖွဲ့စည်းဖို့ တင်ပြ တောင်းဆိုခဲ့ပါတယ်။ ဒါပေမယ့် UNFC အဖွဲ့ဝင်အများစုက KNU ရဲ့ တင်ပြချက်ကို သဘောမတူညီတဲ့ အတွက် နောက်ဆုံး UNFC အဖွဲ့မှာ KNU ပါဝင်နေမှု ရပ်ဆိုင်းတဲ့အထိ ဖြစ်လာတာပါ။

UNFC လက်ရှိကျင့်သုံးနေတဲ့စနစ်က Top Down ဗဟိုချုပ်ကိုင်မှု စနစ် ဖြစ်နေပြီး UNFC ရဲ့ မူဝါဒတွေက KNUအဖွဲ့ရဲ့ အချုပ်အခြာအာဏာနဲ့ မူဝါဒ တွေကို ထိခိုက်မှုရှိနေတဲ့ အတွက် လက်မခံနိုင်ဘူးလို့ KNU အထွေထွေ အတွင်းရေးမှူး ပဒိုစောကွယ်ထူးဝင်း က ဆိုပါ တယ်။

“UNFC ထဲကိုဝင်လို့ရှိရင် အဖွဲ့ရဲ့ ဆုံးဖြတ်မှုကို အဖွဲ့ဝင်တွေအားလုံးက အကုန်လုံးခံယူရမယ် ဆိုတဲ့ သဘော သက်ရောက် နေတယ်။ ဒါက အဲလိုမဖြစ်သင့်ဘူး။ အခုဖွဲ့စည်းပုံမှာ ကြတော့ Top Down (ဗဟိုချုပ်ကိုင်မှု) ပုံစံဆိုတော့ အဖွဲ့ဝင် ဖြစ်လို့ ရှိရင် သူ့ရဲ့ စီမံခန့်ခွဲမှု၊ ဒါမှမဟုတ်ရင်လည်း သူ့ရဲ့ ဆုံးဖြတ်မှုအကုန်လုံးကို လိုက်နာရမယ့် သဘောဆိုတော့ ကျနော်တို့က ဆုံးဖြတ်မှုကို သူ့လက်ထဲကို ၀ကွက် အပ်လိုက်တဲ့သဘော သက်ရောက်တာပေါ့။ ကျနော်တို့ရဲ့ အာဏာပိုင်မှုကို UNFC ကို လွှဲအပ်လိုက်တဲ့ သဘောမဖြစ်စေချင်ဘူး။ ကျနော်တို့က စုပေါင်းမယ်။ စုပေါင်းတဲ့ နေရာမှာ ဘုံသဘောတူညီချက်အပေါ်မှာ ကျနော်တို့က အကောင်အထည်ဖော်သွားမယ်ဆိုတဲ့ သဘောပါပဲ” လို့ ပဒိုစောကွယ်ထူးဝင်း က ဧရာဝတီကို ပြောပါတယ်။

UNFC မှာ ကချင်လွတ်လပ်ရေးအဖွဲ့ KIO နဲ့ KNU တို့ဟာ အင်အား ကြီးတဲ့ အဖွဲ့အစည်းတွေဖြစ်ပြီး လက်ရှိ UNFC အဖွဲ့ရဲ့ ဥက္ကဋ္ဌ ကတော့ KIO အဖွဲ့ရဲ့ ခေါင်းဆောင် ဗိုလ်ချုပ်ကြီး အင်ဘန်လ ဖြစ်ပါတယ်။ ဒီအကွဲအပြဲက KIO နဲ့ KNU ကြားမှာ အစိုးရ နဲ့ ဆွေးနွေးနေတဲ့ အပစ်ရပ်ရေးနဲ့ ငြိမ်းချမ်းရေးတွေနဲ့ပတ်သက်လို့ သဘောထားကွဲလွဲမှု ရှိနေပြီဆိုတာ ကိုလည်း ပေါ်လွင်စေပါတယ်။

လက်ရှိ အခြေအနေမှာတော့ KNU က UNFC ကိုယ်စားလှယ်တွေ အဖြစ် စေလွှတ်ထားတဲ့သူတွေကို ရုပ်သိမ်းမှာ ဖြစ်ပြီး ညီလာခံ တက်ရောက်နေတဲ့ KNU ကိုယ်စားလှယ်တွေ၊ လေ့လာသူတွေနဲ့ ရုံး တာဝန်ခံ အားလုံးကိုလည်း ညီလာခံ ပါဝင်မှု ကနေ လုံးဝ ရပ်စဲလိုက်မှာဖြစ်ပါတယ်။ UNFC ကောင်စီဝင်အဖြစ် KNU ကိုယ်စားလှယ်တွေကို စေလွှတ်တော့မှာ မဟုတ် သလို UNFC မှာ ပါဝင်ခြင်း၊ မပါဝင်ခြင်း စတာတွေကိုလည်း KNU အဖွဲ့ရဲ့ အချုပ် အခြာ အာဏာပိုင်ဖြစ်တဲ့ ဗဟိုကော်မတီ မှာ ဆွေးနွေးဆုံးဖြတ်သွားမယ်လို့ သိရပါတယ်။

UNFC ရဲ့ အထွေထွေအတွင်းရေးမှူး နိုင်ဟံသာက”အများစု ကတော့ KNU တင်ပြတဲ့ ဖွဲ့စည်းပုံ ပုံစံပေါ်မှာ အတွေ့ အကြုံ လည်း မရှိသေးဘူး။ အဲလို လုပ်လိုက်ရင် လျှော့ရဲရဲဖြစ်သွားမယ်။ နောက် ဒီနေ့ နိုင်ငံရေးအခြေအနေက မြန်မြန်ဆန်ဆန်နဲ့ ပြောင်းလဲနေတဲ့ အပေါ်မှာ သူတို့တင် တဲ့ပုံစံက လုပ်ငန်းတွေကို နှေးကွေးနိုင်တာပေါ့လေ။ အဲလိုမြင်ကြတယ်” လို့ ပြောဆို ပါတယ်။

အလားတူ KNU ထဲမှာလည်း UNFC ကိစ္စနဲ့ပတ်သက်လို့ ကွဲလွဲမှုတွေ ရှိနေပြီး KNU ကိုယ်တိုင်ကလည်း ၂ ဖွဲ့ကွဲမယ့် အလား အလာတွေ တွေ့မြင်နေရပါတယ်။

သြဂုတ်လ ၃၁ ရက်နေ့မှာ KNU ဥက္ကဋ္ဌ စောမူတူးဆေးဖိုး ခေါင်းဆောင်တဲ့ ကိုယ်စားလှယ်အဖွဲ့တွေနဲ့ အတူ ညီလာခံကနေ ထပြန်သွားချိန်မှာ အတူလိုက်ပါသွားခဲ့ရတဲ့ KNU ဒုတိယဥက္ကဋ္ဌ နော်စီ ဖိုးရာစိန် ကလည်း UNFC ညီလာခံကို အကြောင်း ကြားစာ တစောင်ကို လက်မှတ်ထိုးပြီး ပေးပို့ခဲ့ပါတယ်။

“UNFC ဖွဲ့စည်းပုံနှင့် ပတ်သက်ပြီး KNU ကိုယ်စားလှယ်များ အမြင်မတူသည့်ကိစ္စ” ဆိုတဲ့ နော်စီဖိုးရာစိန်ရဲ့ အကြောင်း ကြားစာ ဟာ ဥက္ကဋ္ဌ စောမူတူးဆေးဖိုးရဲ့ အသိပေး စာပို့တဲ့ အချိန်နဲ့ တချိန်တည်းဖြစ်ပေမယ့် မတူကွဲပြားတဲ့ အခြေအနေ တွေပါ ရှိနေပါတယ်။

ပထမအကြိမ် UNFC ညီလာခံကို တင်သွင်းခဲ့တဲ့ KNU ကိုယ်စားလှယ်တွေရဲ့ သဘောထား မတူညီခြင်းနဲ့ ဖက်ဒရယ် ကောင်စီဝင် ကိုယ်စား လှယ် ရွေးချယ်ပေးပို့နိုင်ခြင်း မရှိခဲ့တဲ့အပေါ် KNU အတွင်း ပြန်လည် ညှိနှိုင်း ဆောင်ရွက် သွားမှာ ဖြစ်ကြောင်းနဲ့ ညီလာခံ နှောင့်နှေးကြန့်ကြာမှု ဖြစ်သွားရတဲ့ အပေါ် KNU ကိုယ်စား တောင်းပန် တယ်လို့ နော်စီ ဖိုးရာစိန် ရဲ့စာမှာ ရေးသား ထားပါတယ်။ ဒါ့အပြင် ၁၅ ကြိမ်မြောက် KNU ညီလာခံက ချမှတ်ထားတဲ့ မူဝါဒ တွေနဲ့ အညီ တိုင်းရင်း သား စည်းလုံးညီညွှတ်ရေးနဲ့ ခိုင်မာတဲ့ တပ်ပေါင်းစု တည်ဆောက်နိုင်ရေးအတွက် တတတ်တအား ကြိုးပမ်း ပါဝင် ဆောင်ရွက် သွားမယ်ဆိုပြီး နော်စီဖိုးရာစိန်ရဲ့ UNFC ကို ပေးပို့စာထဲမှာ ဖော်ပြထားပါတယ်။

KNU အတွင်းမှာ ဒီလို သဘောကွဲလွဲမှုတွေဖြစ်လာတဲ့အပေါ် အရင်ကတည်းက အတွင်းကျိတ် သဘောထားကွဲလွဲမှုတွေ ရှိနေတဲ့ KNU အတွင်း ၂ ခြမ်း ကွဲနေပြီလား ဆိုပြီး စိုးရိမ်မှုတွေနဲ့ ပြောဆိုဝေဖန်သံတွေလည်း ထွက်ပေါ်လာပါတယ်။

KNU အထွေထွေ အတွင်းရေးမှူး ပဒိုစောကွယ်ထူးဝင်း က “ကွဲနိုင်တဲ့ အနေအထားတော့ မရှိပါဘူး။ ညှိနှိုင်းရမှာပေါ့။ KNU မှာလည်း အလုပ်အမှုဆောင်ရှိတယ်။ ဗဟိုကော်မတီရှိတယ်။ ညှိရမှာပေါ့နော်။ ကျနော်တို့ ဖြစ်စေချင်တာက UNFC ကြောင့် KNU မကွဲစေရဘူး။ KNU ဆိုတာက အခြေခံ အဖွဲ့အစည်းဖြစ်တယ်။ တပ်ပေါင်းစု ဆိုတာ လိုအပ်မှပေါင်းတယ်။ မလိုအပ်ရင် မပေါင်းပါဘူး။ တော်လှန်ရေးသမိုင်းမှာ တပ်ပေါင်းစုဆိုတာ အမျိုးမျိုးဖွဲ့လာခဲ့တယ်။ အဓိက က ကျနော်တို့ သက်ဆိုင်ရာ အဖွဲ့အစည်း ဖြစ်တယ်” လို့ဆိုပါတယ်။

KNU အနေနဲ့ အရင်က အတူလက်တွဲလာခဲ့တဲ့ UNFC အဖွဲ့ဝင်အဖြစ် ပါဝင်နေမှုကနေ ရပ်ဆိုင်းလိုက်တဲ့ အပေါ်မှာ လေ့လာ စောင့်ကြည့် သူတွေအကြား ထင်ကြေး အမျိုးမျိုးပေးပြောဆိုမှုတွေရှိနေသလို တိုင်းရင်းသားအရေးအတွက် အာမခံချက် တစုံတရာ ခိုင်ခိုင်မာမာမရှိသေးဘဲ အစိုးရအပေါ် ယုံကြည်မှုလွန်ကဲတယ်ဆိုပြီး ဝေဖန်သံတွေလည်း ထွက်ပေါ်နေပါတယ်။

KNU အဖွဲ့ဟာ သမ္မတဦးသိန်းစိန် နဲ့ရော ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ပါ အကြိမ်ရေ အများဆုံးတွေ့ဆုံခွင့်ရထားတဲ့ အဖွဲ့ဖြစ်ပြီး သီးခြားခွဲထွက်တဲ့ပုံစံနဲ့ တိုင်းရင်းသား လက်နက်ကိုင်အဖွဲ့ကို စုစည်းဦးဆောင်လို့ အပစ် အခတ် ရပ်ရေး လက်မှတ်ထိုးနိုင်ဖို့ ကြိုးစားနေသလား ဆိုတဲ့ မေးခွန်းထုတ်မှုတွေလည်း ထွက်ပေါ်နေပါတယ်။

KNUအနေနဲ့ တနိုင်ငံလုံးအပစ်အခတ်ရပ်စဲရေး ညှိနှိုင်းရေးအဖွဲ့ (NCCT) မှာလည်း ပါဝင်နေပြီး အခုလို UNFC အဖွဲ့ဝင် အဖြစ် ပါဝင်မှုက ရပ်ဆိုင်းလိုက်တဲ့အတွက် NCCT နဲ့လက်တွဲလုပ်ကိုင်နေတဲ့ ငြိမ်းချမ်းရေးလုပ်ငန်းစဉ်တွေအပေါ် ထိခိုက်မှု ရှိမှာ မဟုတ်ဘူးလို့တော့ ပဒိုကွယ်ထူးဝင်းက ပြောပါတယ်။

UNFC အဖွဲ့မှာ အဖွဲ့ဝင်တွေအဖြစ် ချင်းအမျိုးသားတပ်ဦး (CNF) ၊ ကချင်ပြည် လွတ်လပ်ရေး အဖွဲ့ (KIO) ၊ ရှမ်းပြည် တိုးတက်ရေးပါတီ (SSPP) ၊ ကရင်နီအမျိုးသားတိုးတက်ရေးပါတီ( KNPP) ၊ ကရင်အမျိုးသားအစည်းအရုံး (KNU) ၊ မွန်ပြည်သစ်ပါတီ (NMSP) ၊ ပအိုဝ်းအမျိုးသား လွတ်မြောက်ရေးအဖွဲ့ချူပ်(PNLO) ၊ ရခိုင်ပြည်အမျိုးသားကောင်စီ (ANC) ၊ လားဟူ ဒီမိုကရက်တစ်ပါတီ (LDP) ၊ “ဝ” အမျိုးသားအဖွဲ့ချူပ် (WNO) ၊ ပလောင်ပြည် လွတ်မြောက်ရေးတပ်ဦး (PSLF) စတဲ့ အဖွဲ့တွေ ပါဝင်ပါတယ်။

တိုင်းရင်းသားအဖွဲ့တချို့ကတော့ အစိုးရရဲ့ KNU ကို အလေးပေးပြီး အခြားတိုင်းရင်းသားတွေကို ခွဲခြားဆက်ဆံ မှုတွေ ကြောင့် အနာဂတ် ငြိမ်းချမ်းရေး လုပ်ငန်းစဉ်တွေမှာ တိုင်းရင်းသားတွေဘက်က အကွဲအပြဲတွေ ထပ်ပြီး ပေါ်ပေါက် နိုင်ခြေ ရှိတယ်လို့ သုံးသပ်ပြောဆိုပါတယ်။

MPT WCDMA ဆင်းကဒ်တွေကို ကျပ်၁၅၀၀နဲ့ စတင်ရောင်းချ

DVB

ကြီးမားတဲ့ မေတ္တာ၊ ခိုင်မာတဲ့ နှလုံးသားနဲ့ ပုခက်လွှဲခဲ့သူ

မြတ်စုမွန်

ကလေးမီးဖွားပြီး ၁၁ ရက်အကြာမှာမှ ကိုယ်မွေးထားတဲ့ သမီးလေးကို ပထမဆုံးအကြိမ်အဖြစ် မြင်ရမယ့် မခင်ဆွေလဲ့ တယောက် စိတ်တွေလှုပ်ရှားနေခဲ့ပါတယ်။

အနှီးအထပ်ထပ်နဲ့ ထွေးပတ်ထားတဲ့ မွေးကင်းစ ရက်သားအရွယ် ကလေးလေး ရင်ခွင်ထဲကို ရောက်လာတဲ့အချိန်မှာ သနပ်ခါးရေကျဲလေး လိမ်းထားတဲ့ ချစ်စဖွယ် မျက်နှာဖြူဖြူ ဖွေးဖွေးကလေးကို မြင်လိုက်ရပါတယ်။

အနှီးကို ဖြည်းဖြည်းချင်း ဖြည်ကြည့်လိုက်တဲ့ အချိန်မှာ သူ့ဘဝတသက်တာလုံး ဘယ်တော့မှ မေ့ပျောက်သွားမှာမဟုတ်တဲ့ မြင်ကွင်းတခုကို ရုတ်တရက် တွေ့လိုက်ရပါတော့တယ်။

“သူရော၊ ငါပါ တခါတည်း သေလိုက်မှ ကောင်းမယ်” ဆိုတဲ့ အတွေးက သွေးနုသားနု အမျိုးသမီးငယ် တယောက်ဖြစ်တဲ့ မခင်ဆွေလဲ့ရဲ့ ခေါင်းထဲကို ချက်ချင်းပဲ ရောက်လာ ပါတော့တယ်။

ကိုယ်လက်အင်္ဂါဆိုလို့ ဘယ်ဘက် ခြေထောက်ကလေး တချောင်းသာ အကောင်းပကတိ ပါတဲ့ လူသား ကလေးတယောက် ကြီးပြင်း ရှင်သန်လာအောင် သူဘယ်လို ကျွေးမွေးပြုစုရမယ်ဆိုတာ စဉ်းစားလို့ မရလောက်အောင် ဖြစ်ခဲ့ရတယ်လို့ လွန်ခဲ့တဲ့ ၂၅ နှစ်က အတွေ့အကြုံကို မခင်ဆွေလဲ့က ပြန်ပြောင်းပြောပြပါတယ်။

“သူ့ကို ရေချိုးပေးတဲ့ အချိန်တိုင်း စိတ်ဆင်းရဲပေမယ့် အဲဒါကို လုပ်နေခဲ့ရတာပဲ” လို့ ဒေါ်ခင်ဆွေလဲ့က ပြောပါတယ်။

တချိန်တုန်းက အကြိမ်ပေါင်းများစွာ ငိုကြွေးခဲ့ရတဲ့ ဒေါ်ခင်ဆွေလဲ့ဟာ အခုတော့ အတိတ်က အဲဒီအကြောင်းတွေကို ရယ်ရယ်မောမော ပြောဆိုနေနိုင်ပါပြီ။ သူကတော့ တခြားသူ မဟုတ်ပါဘူး။ တက္ကသိုလ်ဝင်တန်း စာမေးပွဲကို ဂုဏ်ထူး ၄ ဘာသာနဲ့ အောင်မြင်ခဲ့ပြီး ရန်ကုန်အနောက်ပိုင်း နည်းပညာတက္ကသိုလ် (လှိုင်သာယာ) က B.Tech (IT) , B.E (IT) ဘွဲ့ကို ရရှိထားသူ၊ မကြာသေးခင်ကမှ သြစတေးလျနိုင်ငံ၊ ဆစ်ဒနီမြို့ မှာရှိတဲ့ University of New South Wales ကနေ မူဝါဒ ရေးဆွဲရေးဆိုင်ရာ မာစတာဘွဲ့တခုကို အရယူလာနိုင်ခဲ့သူ မစုပုံချစ်ရဲ့ မိခင်ပဲ ဖြစ်ပါတယ်။

အသက် ၂၀ ဝန်းကျင်အရွယ်မှာ တိမွေးကုဆရာဝန် ဒေါက်တာအုန်းကျော်နဲ့ အိမ်ထောင်ကျခဲ့ပြီး ၂၃ နှစ်အရွယ် သားဦး ကိုယ်ဝန် လွယ်ပိုးထားရချိန်မှာ မိသားစုစီမံကိန်းနဲ့ အနာဂတ်အရေးကို တွေးတောရင်း ဇနီးမောင်နှံနှစ်ယောက်စလုံး စိတ်ကူးနဲ့ ပျော်ရွှင်ခဲ့ကြပါတယ်။

ကိုယ်ဝန် ၇ လ အရွယ်မှာ အာထရာဆောင်းတွေ ပေါ်လာတော့ ဓာတ်မှန်ပါရဂူရဲ့ စစ်ဆေးချက်အရ ပုံမှန်အနေအထားပဲ ဆိုတဲ့ အဖြေကိုရခဲ့တယ်။ ၈ လေးလုံး အရေးတော်ပုံကာလ၊ ညမထွက်ရအမိန့် ထုတ်ပြန်ထားတဲ့ ညတညမှာ ဧရာဝတီတိုင်း ညောင်တုန်း ဆေးရုံမှာ ထုံဆေးထိုးပြီး စုပုံချစ်ကို ခွဲစိတ်မွေးဖွားတော့ မိသားစုလိုရင်းနှီးနေတဲ့ ခွဲစိတ်ဆရာဝန်က မွေးလူနာ မခင်ဆွေလဲ့ရဲ့ အမျိုးသားဖြစ်တဲ့ ဒေါက်တာအုန်းကျော်ကို ခွဲစိတ်ခန်းထဲအထိ ဝင်ခွင့်ပြုခဲ့ပါတယ်။

“ဟာ” ဆိုတဲ့ အာမေဋိတ်သံကို မခင်ဆွေလဲ့ ကြားလိုက်ရတယ်။ “ဘာဖြစ်တာလဲ၊ ကလေး တခုခုဖြစ်လို့လား” အားလုံးကို ကြားနေရတဲ့ သူက ဆရာဝန်ကို မေးလိုက်ရာမှာ “ဘာမှမဖြစ်ဘူး၊ စိတ်အေးအေးထား” လို့ ဆရာဝန်က အဖြေပေးပါတယ်။

“ ဘာမှ မဖြစ်ဘူးဆိုရင် တာဝန်ခံလား” လို့ မခင်ဆွေလဲ့က ထပ်မေးလိုက်တယ်။

အဲဒီအချိန်မှာ ခွဲစိတ်ခန်းထဲအထိ လိုက်လာတဲ့ ခင်ပွန်းဖြစ်သူက မျက်ရည်လည်ရွဲနဲ့ ခွဲစိတ်ခန်းထဲက ထွက်သွား ပါတော့တယ်။ စိတ်ကျန်းမာရေး ချို့တဲ့နေတဲ့ မိခင်ဖြစ်သူကို ပြုစုစောင့်ရှောက်နေရတဲ့ မခင်ဆွေလဲ့ဟာ အဲဒီအချိန်မှာ ခေါင်းထဲကို ရောက်လာတာက “ငါ့ အမေများ သေလို့လား” ဆိုတဲ့ အတွေးပါပဲ။

ခင်ပွန်းဖြစ်သူကတော့ ခွဲစိတ်ခန်းပြင်ပမှာ သူ့မိခင် (ဒေါ်ခင်ဆွေလဲ့ရဲ့ ယောက္ခမ) နဲ့ ဖက်ကာ ငိုကြွေးနေပါတော့တယ်။

“အသားတုံးကလေးလို ဖြစ်နေတဲ့ ကလေးကို အိမ်ကိုယူသွားတယ်။ သူ့ကို မပြဘူး။ ၁၁ ရက်လောက် ကြာတဲ့အထိ သူ့သမီးကို သူ မမြင်ရသေးဘူး” လို့ ဒေါက်တာအုန်းကျော်က ပြောပြပါတယ်။

သွေးနုသားနု ဇနီးဖြစ်သူကို “ကလေးက ကျန်းမာရေး မကောင်းလို့ ဆရာမတွေအခန်းမှာ ပို့ထားတယ်၊ ကလေးကို လက်တိုဂျင် (နို့မှုန့်) တိုက်ထားတယ်၊ အစားပုပ်ကလေး” လို့ အကြောင်းအမျိုးမျိုးပြပြီး လိမ်ညာခဲ့ရပါတယ်။

ကလေးမီးဖွားတဲ့ မိတ်ဆွေတွေကို သတင်းသွားမေးတဲ့အခါတိုင်း ဘေးနားမှာ မွေးကင်းစ နီတာရဲကလေးတွေကို တွေ့ဖူးမြင်ဖူးနေကျ ဖြစ်ပေမယ့် မိမိအလှည့်ရောက်မှ ကလေးနဲ့ ခွဲနေရတာက သူ့အတွက် ထူးဆန်းနေတယ်။ လူတွေရဲ့ အရိပ်အကဲတွေကလည်း ပုံမှန်မဟုတ်ဘူးဆိုတာ သတိထားမိပေမယ့် မခင်ဆွေလဲ့တယောက် ဘယ်လိုမှ အဓိပ္ပာယ် မဖော်တတ်ခဲ့ပါဘူး။

မွေးပြီးစ ကလေးနဲ့ ခွဲနေရတဲ့ကာလ၊ ကလေးမွေးဖွားပြီး ၇ ရက်မြောက်ညမှာ သူဟာ ထူးဆန်းတဲ့ အိပ်မက်တခု မက်ပါတယ်။

“ကလေးက လက် ၂ ချောင်း မပါဘူးလို့ မက်တယ်။ လန့်နိုးပြီး သူ့အဖေကို ထမေးတော့ ကိုယ့်ကို ပြန်အိပ်ခိုင်းတယ်။ စိတ်ထဲမှာ သူစိတ်မဝင်စားဘူးလို့ ထင်လိုက်တယ်” လို့ ဒေါ်ခင်ဆွေလဲ့က ပြောပါတယ်။

သည်လိုနဲ့ ဆေးရုံကဆင်းရမယ့် ၁၁ ရက်မြောက်နေ့ကို ရောက်လာတယ်။

“ဆေးရုံက ဆင်းတော့ ဆွေမျိုးနီးစပ်တွေ အကုန်လာတယ်။ ဒီနေ့ ကလေးကိုတွေ့ရမယ်။ စိတ်ခိုင်ခိုင်ထားလို့ ပြောကြတယ်။ ဒီလောက် ဆိုးလိမ့်မယ်လို့ ထင်မထားဘူး။ လက်ချောင်းလေး ၂ ချောင်းလောက်ပဲ မပါတာလို့ ထင်တာ” လို့ ဒေါ်ခင်ဆွေလဲ့ တယောက် လွန်ခဲ့တဲ့ ၂၅ နှစ်က အတွေ့အကြုံနဲ့ ခံစားချက်တွေကို မနေ့တနေ့က တွေ့ခဲ့ရသလို ပြန်ပြောင်း ပြောပြပါတယ်။

“ကိုယ့်ကို ကလေးနဲ့ ပေးမတွေ့တဲ့ ၁၁ ရက်တာ ကာလလုံး ကိုယ့်ရှေ့မှာ ဟန်ဆောင်နေကြတယ်။ ကလေးအတွက် စိတ်မကောင်းပေမယ့် ဟန်လုပ်နေတယ်။ လူနာလာမေးတဲ့ မိတ်ဆွေတွေကို ဟာသတွေပြောလိုက်၊ ရယ်လိုက်နဲ့ သူ့ကိုယ်သူ တည်ဆောက်နေရတာလေ” လို့ အဲဒီတုန်းက ခင်ပွန်းဖြစ်သူရဲ့ စိတ်ခံစားမှုအခြေအနေကို ဒေါ်ခင်ဆွေလဲ့က ပုံဖော်ပြပါတယ်။

အိမ်ထောင်ဦးကာလ ငယ်ရွယ်သေးတဲ့ဘဝမှာ ကြုံတွေ့ခဲ့ရတဲ့ တုန်လှုပ်စရာတွေကို သူတို့ဇနီးမောင်နှံ ဘယ်လို ရင်ဆိုင် တုံ့ပြန်ခဲ့သလဲ ဆိုတာ စိတ်ဝင်စားစရာ ကောင်းလှပါတယ်။ အခြေအနေဆိုးတဲ့ မသန်စွမ်းမှုနဲ့ မွေးဖွားလာတဲ့ ကလေး တယောက်ကို ပတ်ဝန်းကျင် အသိုင်းအဝိုင်းက ကြည့်ခဲ့ကြတဲ့ မျက်လုံးတွေ၊ ပြုမူဆက်ဆံခဲ့တဲ့ အရာတွေကို ဘယ်လို ရင်ဆိုင် ကျော်လွှားခဲ့သလဲ ဆိုတာက သူတို့မိသားစုရဲ့ စိတ်ဝင်စားစရာ အကောင်းဆုံး အခန်းကဏ္ဍတခု ဖြစ်တယ်ဆိုရင် မမှားနိုင်ပါဘူး။

ပခုံးနဲ့ တိတိရိရိ တသားတည်းနီးပါး ရှိနေတဲ့ ညာဘက်လက်ရယ်၊ တံတောင်ဆစ် အထိသာပါတဲ့ ဘယ်ဘက်လက်ရယ်၊ သာမန် ခြေထောက်အရှည်ရဲ့ ထက်ဝက်လောက်သာရှိတဲ့ ညာခြေထောက်ရယ်က စုပုံချစ်ဆိုတဲ့ ကလေးတယောက်ရဲ့ အမှတ် သင်္ကေတတွေပဲ ဖြစ်ပါတယ်။

“စုပုံချစ် မမွေးခင်ကတည်းက မိန်းကလေးမွေးလာရင် နာမည်မှာ “စု” ပါအောင်မှည့်မယ်၊ ယောက်ျားလေးဆိုရင် “ဆန်း” ပါအောင် မှည့်မယ်လို့ မှန်းထားခဲ့တာ” လို့ ဒေါ်ခင်ဆွေလဲ့က ပြောပါတယ်။

ဘယ်ခြေထောက် တချောင်းသာ သာမန် အနေအထားအတိုင်း ပိုင်ဆိုင်ထားတဲ့ အဲဒီကလေးတယောက်ကို ရှင်သန်အောင်၊ ကြီးပြင်းအောင်၊ လူတလုံးသူတလုံး ဖြစ်အောင် ကျွေးမွေးစောင့်ရှောက်ဖို့ တခုတည်းသော နည်းလမ်းကတော့ အရှိ တရားကို လက်ခံလိုက်တဲ့ နည်းပဲလို့ သူက လေးလေးနက်နက် ပြောပါတယ်။

“သူ့ကိုလည်း မရှက်စေချင်ဘူး။ ငယ်ငယ်က သူ့အတွက် ဘောင်းဘီချုပ်ရင် အတိုတဘက်၊ အရှည်တဘက် ချုပ်ရတယ်။ အင်္ကျီကိုတော့ လက်မပါတဲ့ လက်ပြတ်အင်္ကျီလေးတွေပဲ ချုပ်ပေးတယ်။ သူနဲ့လည်း လိုက်ဖက်တယ်လေ။ သူ့လက်တွေကို ဖုံးကွယ်ထားတဲ့ အင်္ကျီမျိုးတွေ ချုပ်မပေးချင်ဘူး” လို့ မစုပုံချစ်ရဲ့ မိခင်က ပြောပြပါတယ်။

ဒေါ်ခင်ဆွေလဲ့တို့ မိသားစုက ညောင်တုန်းမြို့လယ် လူသွားလူလာ မပြတ်တဲ့ လမ်းမပေါ်မှာ နေထိုင်ကြပြီး မိသားစု စီးပွားရေးအဖြစ် ဆေးမျိုးစုံ အရောင်းဆိုင်လေး ဖွင့်ထားခဲ့ပါတယ်။ အင်္ကျီလက်ပြတ်လေး ဝတ်ဆင်ထားပြီး သနပ်ခါး အဖွေးသား လိမ်းထားတဲ့ သမီးငယ် စုပုံချစ်ဟာ ဆိုင်ရှေ့က ထိုင်ခုံမှာ အခန့်သားထိုင်ပြီး ဈေးဝယ်ဖို့ လာတဲ့လူတွေကို ပြုံးရွှင်ဖော်ရွေမှု အပြည့်နဲ့ နှုတ်ဆက်လေ့ရှိပါတယ်။

ရှင်ပြု၊ မင်္ဂလာဆောင်၊ အလှူ၊ ဘုန်းကြီးကျောင်း၊ လက်ဖက်ရည်ဆိုင်၊ အဲဒီလို လူတွေအများကြီး ရှိတဲ့နေရာတွေကို သမီးငယ်ကို အမြဲတမ်း ခေါ်သွားလေ့ရှိပြီး သမီးငယ်ကို အမြဲလိုလို ပြောပြလေ့ ရှိတာကတော့ “ပတ်ဝန်းကျင်က အထူးအဆန်းလို ကြည့်ချင် ကြည့်ပါစေ၊ မရှက်နဲ့” ဆိုတဲ့ စကားတခွန်းပါပဲ။ ပတ်ဝန်းကျင် အသိုင်းအဝိုင်းကြားမှာ ခွဲခြားနှိမ်ချ ဆက်ဆံခြင်း မခံရတာကလည်း စုပုံချစ်အတွက် အားဆေးတခွက် ဖြစ်ခဲ့ပါတယ်။

ဒါပေမယ့် သမီးငယ်ကိုခေါ်ပြီး ဘုန်းတော်ကြီးကျောင်းကို သွားခဲ့တဲ့ တနေ့ကို ဒေါ်ခင်ဆွေလဲ့တယောက် ယနေ့ထိ မှတ်မိ နေဆဲပါ။ သမီးလေးနဲ့ရွယ်တူ ကလေးတယောက်ရဲ့မိခင် ပြောစကားကိုလည်း ယနေ့တိုင် ကြားယောင်နေဆဲ။

“စုပုံချစ်ကိုပြပြီး ဒီလို မွေးလာတာဟာ အတိတ်က အကုသိုလ်ကံကြောင့် ဖြစ်တာလို့ သူ့ကလေးကို ပြောတယ်။ ဒါကို အခုထိ မှတ်ထားတယ်။ ဒီလောက် ဖြစ်လာပြီးမှတော့ ဒီထက်ဆိုးစရာ အကြောင်းမရှိပါဘူး” လို့ သူက ပြောတယ်။

သည်လိုနဲ့ စုပုံချစ် ကျောင်းနေအရွယ် ရောက်လာပါတော့တယ်။ မြန်မာနိုင်ငံမှာ အမြင်အာရုံချို့တဲ့တဲ့ ကလေးတွေ၊ အကြားအာရုံ ချို့တဲ့တဲ့ ကလေးတွေနဲ့ ဉာဏ်ရည်ချို့တဲ့တဲ့ ကလေးတွေအတွက် သီးသန့်ကျောင်းတွေ ရှိပေမယ့် စုပုံချစ်လို မသန်စွမ်းမှုမျိုးအတွက်တော့ ရွေးချယ်စရာ ကျောင်းမရှိပါဘူး။ သမီးငယ်ကို ပညာတတ် တယောက်ဖြစ်အောင် သင်ပေးဖို့အတွက် စတင်ခဲ့ရတဲ့ ခြေလှမ်းဟာ အင်မတန်မှ ခက်ခဲတယ်ဆိုတာ ဒေါ်ခင်ဆွေလဲ့တယောက် လက်တွေ့ သိလိုက်ရပါတယ်။

“ညောင်တုန်းမှာ ကိုဆန်းထူးဆိုတဲ့ လူတယောက်ရှိတယ်။ သူက လက်နှစ်ဖက် မပါဘူး။ စုပုံချစ်ကို ဘယ်လို စာသင်ရရင် ကောင်းမလဲဆိုတာ သူ့ကိုမေးရတယ်။ သမာန်လူဆိုရင်တော့ ညာဘက်လက်နဲ့ စာရေးသင်ရတာပေါ့။ သူ့ကို ညာခြေထောက်နဲ့ စာရေး စသင်ခဲ့တယ်” လို့ ဒေါ်ခင်ဆွေလဲ့က အတိတ်ကို ပြန်ပြောပြတယ်။

တခြားကလေးတွေကို လက်ရေး ဝိုင်းဝိုင်းလေး ရေးတတ်အောင် လက်ထပ်ပြီး သင်ပေးရတာ လွယ်ကောင်းလွယ်နိုင် ပေမယ့် စုပုံချစ်ကို ခြေရေး ဝိုင်းဝိုင်းလေး ရေးတတ်အောင် လက်ဖဝါးနဲ့ အုပ်မိုးပြီး သင်ပေးရတာ အဆင်မပြေလှပါဘူး။

ဒါပေမယ့် အဲဒီနှစ်က သူငယ်တန်း အောင်စာရင်းမှာတော့ ခြေထောက်နဲ့စာရေးတဲ့ ကလေးတယောက်ဟာ အဆင့် ၇ နဲ့ အောင်မြင်ပါတယ်။ အဲဒီနေ့မနက်စောစောက သူငယ်တန်း အောင်မြင်မှုအပေါ်မှာ သမီးငယ်ရဲ့ တုန့်ပြန်မှုကို သူ မှတ်မိနေဆဲပါ။

“ဘယ်သူတွေ အောင်လဲလို့ မေးတယ်။ ပြီးတော့ ပထမ၊ ဒုတိယ ရတဲ့လူတွေကို မေးတယ်။ သူ့အဆင့်က ၇ မှန်းလည်း သိသွားရော … ဒါဆို သမီးမအောင်ဘူး၊ ဆက်အိပ်ဦးမယ်။ နောက်နှစ် သူငယ်တန်း ပြန်ဖြေမယ် … လို့ပြောတယ်။ ဒါကိုကြည့်ပြီး သူ ဆုလိုချင်လို့ပဲလို့ ထင်ခဲ့တယ်” လို့ ဒေါ်ခင်ဆွေလဲ့က သမီးငယ်ရဲ့ အမူအယာကို ပြန်မြင်ယောင်နေတဲ့ ဟန်နဲ့ ခပ်ပြုံးပြုံး စကားဆိုပါတယ်။

စာသင်ကျောင်းမှာ ကိုယ်အင်္ဂါမသန်စွမ်းတဲ့ ကျောင်းသားတွေအတွက် အထောက်အပံ့ပေးနိုင်တဲ့ စနစ်တွေ မရှိပါဘူး။ လက် ၂ ချောင်းလုံးမရှိတဲ့ ကလေးငယ် တယောက်အတွက် သာမန်ကလေးတွေ ထိုင်တဲ့ စာသင်ခုံတွေကို အသုံးပြုဖို့ မဖြစ်နိုင်တဲ့ အခါမှာ မိခင်တယောက်အနေနဲ့ တီထွင်ကြံဆရ ပြန်ပါတယ်။ လက်သမားဆရာနဲ့ တိုင်ပင်ပြီး သမီးငယ်အတွက် အဆင်ပြေ စေမယ့် ခုံကို ဒီဇိုင်းထွင်ပြီး စာသင်ကျောင်းဆီကို သယ်သွားရတယ်။

ဒေါ်ခင်ဆွေလဲ့ စဉ်းစားသမျှ အရာရာတိုင်းဟာ စုပုံချစ်တယောက် သာမန် ကလေးတွေနည်းတူ ဘယ်လို အဆင် ပြေအောင် နေထိုင် လုပ်ကိုင်နိုင်မလဲဆိုတဲ့ အရာတွေချည်းပဲလို့ ပြောလို့ရနိုင်ပါတယ်။ သာမန်ကလေးတယောက်ဆိုရင် စက်ဘီးတစီး ဝယ်ပေးထားပြီး ကျောင်းကိုလွှတ်လို့ရတဲ့ အရွယ်ရောက်လာပေမယ့် စုပုံချစ် အတွက်ကတော့ အဲဒီလို မဟုတ်ပါဘူး။ မိခင်တယောက်အနေနဲ့ ဒေါ်ခင်ဆွေလဲ့ တယောက် မဖြစ်မနေလုပ်ရမယ့် နေ့စဉ်အလုပ်တွေထဲမှာ ကလေးကျောင်းကြို၊ ကျောင်းပို့ လုပ်ရတာတွေလည်း ပါဝင်ပါတယ်။

စိတ်ကျန်းမာရေး ချို့တဲ့နေတဲ့ မိခင်နဲ့ ကိုယ်လက်အင်္ဂါ မသန်စွမ်းတဲ့ သမီးငယ်တို့ နှစ်ယောက်အကြားမှာ နှစ်ပေါင်းများစွာ ဗျာများနေခဲ့ရတဲ့ သူဟာ လောကဓံကို ရင်ဆိုင်ဖို့အတွက် စိတ်ဓာတ်တွေ ကြံ့ခိုင်ခဲ့တဲ့ မိန်းမမြတ် တယောက်လို့ တင်စား ရမှာပါ။

“ကျမက သားသမီးတွေကို ထိန်းသိမ်းတဲ့ ပုံစံကို သိပ်သိလို့တော့ မဟုတ်ပါဘူး။ ဒါပေမယ့် စုပုံချစ်အတွက် လုပ်ပေး လိုက်တာတွေဟာ အံဝင်ခွင်ကျ ဖြစ်နေတယ်။ ပတ်ဝန်းကျင်ကောင်းနဲ့ တွေ့ခဲ့တာကြောင့်လည်း ပါပါတယ်” လို့ ဒေါ်ခင်ဆွေလဲ့က ဆိုပါတယ်။

စုပုံချစ် ၆ နှစ်အရွယ်မှာ ဒုတိယ သမီးလေးကို မွေးဖွားခဲ့တယ်။ စုပုံချစ်အတွက် အထောက်အကူ ဖြစ်စေမယ့် အဖော် တယောက် ရှိမှဖြစ်မယ်ဆိုတဲ့ အတွေးနဲ့ ဒုတိယကိုယ်ဝန်ကို ယူခဲ့ပေမယ့် “စုပုံချစ်လို ထပ်မွေးလာရင်ကော” ဆိုတဲ့ အတွေးက သူတို့အတွက် ခြောက်အိပ်မက်တခုလိုပါပဲ။ ဒုတိယကလေးကို ထပ်ယူလိုက်တာဟာ သူ့အတွက်တော့ စွန့်စားခန်းတခုလို ဖြစ်ခဲ့ပါတယ်။

“နေ့စေ့လစေ့မှာ အာထရာဆောင်း ရိုက်တော့ လက်တဘက် မတွေ့ဘူးလို့ ဓာတ်မှန်ဆရာဝန်က ပြောတယ်။ ခေါင်းတွေ ကြီးသွားတာပဲ။ ခွဲစိတ်တဲ့အခါ ထုံဆေးနဲ့ခွဲလို့ရပေမယ့် မေ့ဆေးပေးခိုင်းတယ်။ ကျမ မေ့ပစ်လိုက်ချင်တယ်။ ကလေး အသံကို မကြားချင်ဘူး။ ကြောက်လွန်းလို့ တုန်နေတယ်။ သူ့အဖေကလည်း ကြောက်နေတယ်” လို့ ဒေါ်ခင်ဆွေလဲ့က အဲဒီတုန်းက စိတ်ဒဏ်ရာတွေအကြောင်းကို ပြန်ပြောပြတယ်။

ကလေးမွေးဖွားပြီးချိန်မှာ ခင်ပွန်းဖြစ်သူဟာ ကလေးရဲ့ ခြေချောင်းလေးတွေ၊ လက်ချောင်းလေးတွေကို ရေတွက်တာ၊ ကလေးရဲ့မျက်လုံးရှေ့မှာ လက်ကို ပြပြီး ကလေးမျက်လုံးမြင်၊ မမြင်ဆိုတာ သိအောင် လုပ်ကြည့်နေတာကို သူ မြင်ယောင်နေတုန်းပဲ။

“မိန်းကလေးလား၊ ယောက်ျားလေးလားဆိုတာ အရေးမကြီးဘူး။ သာမန်ကလေး ဖြစ်ဖို့ပဲလိုတယ်။ သူ့ညီမလေးက သာမန်ကလေး ဖြစ်တော့ စုပုံချစ်လည်း ဝမ်းသာတယ်” လို့ သူက ပြောပြတယ်။

သမီးအကြီးဆုံးဖြစ်တဲ့ စုပုံချစ်ရဲ့အောက်မှာ သမီးတယောက်နဲ့ သားငယ်တယောက် ထွန်းကားခဲ့ပါတယ်။ မသန်စွမ်း ကလေးကို သာမန်ကလေးတွေထက် အချိန်ပေးပြုစု စောင့်ရှောက်ရပေမယ့် မောင်နှမတွေကြားထဲမှာ စိတ်ဝမ်းကွဲမှု မဖြစ်အောင်၊ တန်းတူညီမျှ ဂရုစိုက်နိုင်အောင် ဒေါ်ခင်ဆွေလဲ့ ကြိုးစား ဖန်တီးခဲ့ရပါသေးတယ်။

စုပုံချစ်နဲ့ ပတ်သက်လာရင် သူတို့မိသားစုအတွက် အမှတ်တရအဖြစ်ဆုံးနဲ့ တနိုင်ငံလုံးက စုပုံချစ်အကြောင်းကို သိလာစေတဲ့ အဖြစ်အပျက်တခုကို ဒေါ်ခင်ဆွေလဲ့တယောက် ဘယ်တော့မှ မေ့ပျောက်နိုင်မှာ မဟုတ်ပါဘူး။

တနေ့မှာ စုပုံချစ်တယောက် ကျောင်းကအိမ်ကို ပြန်ရောက်တော့ ကျူကျူပါအောင်ငိုပြီး “ကျောင်းမနေချင်တော့ဘူး။ စာတော်လည်း ဘာလုပ်မှာလဲ” ဆိုတဲ့ စကားကို ပြောလာပါတယ်။

“၄ တန်းနှစ်မှာ စုပုံချစ် ထူးချွန်အဆင့် ပါတယ်။ အဲဒီတုန်းက မာလ်တီမီဒီယာဖွင့်ပွဲ လုပ်ဖို့အတွက် ကွန်ပျူတာခန်းမှာ သရုပ်ပြဖို့ အဆင့် ၁၊ ၂၊ ၃ ရတဲ့ လူတွေကို နာမည်ခေါ်တယ်။ စုပုံချစ်က မတ်တပ်ရပ်တော့ ဆရာမက ပြန်ထိုင်ခိုင်းတယ်။ တခြားသူတွေ ပါသွားတယ်။ သူကျန်ခဲ့တယ်လေ” လို့ စိတ်ထိခိုက်နေတဲ့ သမီးဖြစ်သူကို ကြည့်ရင်း ဒေါသစိတ်နဲ့ ကျောင်းထုတ်ဖို့အထိ စိတ်ကူးခဲ့တယ်လို့ ဒေါ်ခင်ဆွေလဲ့က ပြောပါတယ်။

ဒါပေမယ့် ဂျပန်စာရေးဆရာ အိုးတိုးထာကဲ ရေးထားတဲ့ “ခြေမစုံ၊ လက်မစုံ၊ ဘဝအတွေ့အကြုံ” ဆိုတဲ့ စာအုပ်ကို မြန်မာစာရေးဆရာ ရဲမြလွင်က ဘာသာပြန်ထားတာကို ဖတ်မိတဲ့အချိန်မှာ စိတ်ခွန်အားတွေ ပြန်လည်ရရှိခဲ့ပါတယ်။

ညောင်တုန်းမြို့ အထက်တန်းကျောင်းရဲ့ မာလ်တီမီဒီယာ သင်ထောက်ကူ ခန်းမဖွင့်ပွဲမှာ ကိုယ်အင်္ဂါ မသန်စွမ်းမှုကြောင့် ဆိုတဲ့ အကြောင်းပြချက်နဲ့ ပညာထူးချွန်တဲ့ စုပုံချစ်ကို ပါဝင်ခွင့် မပေးခဲ့ပါဘူး။

“သူမပါတော့ ရန်ကုန်က မိတ်ဆွေတွေက ဖုန်းဆက်မေးကြတယ်။ သူက စိတ်ဒဏ်ရာ ဖြစ်သွားတော့ ငိုတယ်။ သူငိုလေ၊ မျက်ရည်ကျလေ ကိုယ်က စိတ်ဆင်းရဲရလေပဲ။ ဒါကို အထက်လူကြီးတွေသိအောင် တိုင်မယ်ဆိုတဲ့စိတ် ဝင်လာတယ်။ တိုင်မယ်၊ မအောင်မြင်ရင် ကလေးတွေကို ကျောင်းဆက်မထားဘူး။ မအောင်မြင်ဘူးဆိုရင် နယ်စပ်ကို ထွက်ပြေးဖို့အထိ မှန်းခဲ့တယ်” လို့ ဒေါ်ခင်ဆွေလဲ့က စိတ်လှုပ်ရှားစရာ ကောင်းခဲ့တဲ့ အတိတ်ကို ပြန်ပြောပြပါတယ်။

မိတ်ဆွေတွေ အကူအညီနဲ့ ထိထိရောက် တိုင်ကြားစာ ပို့နိုင်ခဲ့တဲ့ နောက်ပိုင်းမှာ တိုင်းအဆင့် အခြေခံပညာဦးစီးဌာနက လာရောက် စစ်ဆေးပြီး စုပုံချစ် မိသားစုကို ကူညီပေးဖို့ဆိုတဲ့ ညွှန်ကြားစာတစောင် မြို့နယ်အေးချမ်းသာယာရေးနဲ့ ဖွံ့ဖြိုးရေးကောင်စီကို ရောက်လာတဲ့ အဆင့်အထိ ဖြစ်လာပါတော့တယ်။

ပညာထူးချွန်မှုနဲ့ ပတ်ဝန်းကျင်ရဲ့ ဝိုင်းဝန်းပံ့ပိုးမှုကြောင့် အဲဒီအချိန်တုန်းက အုပ်ချုပ်ရေးစနစ်မှာ တန်ခိုးထွားခဲ့တဲ့ ဗိုလ်ချုပ်ကြီးခင်ညွန့်က သတိထားမိလာပြီး ပံ့ပိုးကူညီပေးခဲ့တဲ့ ကျေးဇူးတွေကြောင့် ညောင်တုန်းမြို့ သေးသေးလေးမှာ မွေးဖွားခဲ့တဲ့ စုပုံချစ်ကို မြန်မာလူထုက သိလာပါတယ်။

သူတို့ ဇနီးမောင်နှံကို စာနာစိတ်၊ သနားစိတ်နဲ့ မိတ်ဆွေတွေက စွန့်ပစ်ဖို့အထိ အကြံပေးခဲ့ဖူးတဲ့ ခြေမစုံ လက်မစုံတဲ့ မွေးကင်းစ ကလေးဟာ အခုတော့ မြန်မာနိုင်ငံက ပညာရေးစနစ်မှာ အဆင့်မြင့်တဲ့ ကျောင်းတွေထဲက တခုဖြစ်တဲ့ နည်းပညာတက္ကသိုလ်ကို တက်ရောက်နိုင်ခဲ့ပါပြီ။ သြစတေးလျနိုင်ငံ အစိုးရက ပေးတဲ့ ပညာသင်ဆုကို ရရှိခဲ့ပြီး ဆစ်ဒနီမြို့မှာရှိတဲ့ University of New South Wales တက္ကသိုလ်က ပေးတဲ့ မူဝါဒရေးဆွဲရေးဆိုင်ရာ မာစတာဘွဲ့တခုကို အရယူနိုင်ခဲ့ပါပြီ။

သြစတေးလျပါလီမန်ထဲမှာ စုပုံချစ်ဆိုတဲ့ မိန်းကလေးတယောက် တက်ရောက် စကားပြောခွင့် ရခဲ့တာဟာ ဒေါ်ခင်ဆွေလဲ့ အတွက် အိပ်မက်တခုတော့ မဟုတ်ပါဘူး။ မိဘတွေနဲ့ ၂ နှစ်နီးပါး ခွဲခွာပြီး ကျောင်းသွားတက်နေရတဲ့ သမီးကိုအားပေးခဲ့တဲ့ စကားတခွန်း ရှိခဲ့ပါတယ်။

“မြန်မာကျော်အောင် ကြိုးစားခဲ့သလို၊ ကမ္ဘာကျော်အောင် ကြိုးစား” ဆိုတဲ့ စကားပါပဲ။

ထိခိုက်လွယ်၊ ခံစားလွယ်တဲ့ နှလုံးသားပိုင်ရှင် မိန်းမတယောက်အနေနဲ့ သားသမီးအတွက် မန်တင်းနေရတဲ့ အမူ အယာက သူ့မျက်နှာမှာ အထင်းသား ပေါ်လွင်နေပါတယ်။

စုပုံချစ်ရဲ့ ရှေ့ရေးအတွက် တွေးတောပူပင်ရင်း စိတ်ဓာတ်ကျတာတွေ အကြိမ်ကြိမ် ဖြစ်ပေါ်ခဲ့ပေမယ့် အိမ်ထောင်ဘက် ဖြစ်သူ ဒေါက်တာအုန်းကျော်ရဲ့ ပါရမီ ဖြည့်ဆည်းမှုတွေကလည်း သူ့အတွက်တော့ တန်ဖိုးရှိလွန်းလှတဲ့ ခွန်အားတွေပါပဲ။ ရှေ့ဆက်လျှောက်ဖို့အတွက် လမ်းပြကြယ်ပဲလို့ သူက ဆိုပါတယ်။

“ဒီကလေးကို ဘာ့ကြောင့် စာတွေသင်ပေးပြီး၊ ဘာကြောင့် ဘွဲ့တွေ ယူခိုင်းနေတာလဲလို့ ညည ထိုင်စဉ်းစားမိခဲ့တယ်။ သူ့အတွက် စိတ်တင်းပြီး လုပ်နေရပေမယ့် ကျမ စိတ်နုပါတယ်။ တခြား မသန်စွမ်းကလေးတွေနဲ့ ဆုံတဲ့အခါ၊ မိဘမဲ့ ကလေးတွေကို သွားကြည့်တဲ့အခါ ဘယ်လိုမှ မခံစားနိုင်ဘူး” လို့ ဒေါ်ခင်ဆွေလဲ့က ဆိုပါတယ်။

စုပုံချစ်အတွက် ရှေ့ရေးကို ပူပင်စရာမလိုတော့တဲ့ ဒေါ်ခင်ဆွေလဲ့ဟာ အခုအချိန်မှာ ညောင်တုန်းမြို့မှာပဲ မိသားစုနဲ့အတူ နေထိုင်ပြီး စိတ်ကျန်းမာရေး ချို့တဲ့နေတဲ့ မိခင်ဖြစ်သူကို ပြုစုစောင့်ရှောက် နေပါတယ်။

မသန်စွမ်း ကလေးငယ်တွေ မွေးဖွားလာတဲ့ ဘဝတူ မိဘတွေအတွက် သူမှာ စကားပြောစရာတွေ ရှိနေပါတယ်။

“ဒီလိုကလေးမျိုး မွေးထားရင် သူများထက် အဆပေါင်းများစွာ ကြိုးစားရမယ်။ သားသမီးကို နည်းမှန်လမ်းမှန် လျှောက်လှမ်း နိုင်အောင် လုပ်ရမယ်။ အမေတယောက်အနေနဲ့ မသန်စွမ်းကလေးတယောက်ကို မွေးခဲ့ပြီးပြီ။ ဒီထက်ပိုပြီး စိတ်ဓာတ် မကျပါနဲ့” လို့ ဒေါ်ခင်ဆွေလဲ့က ပြောပါတယ်။

တဘက်လူကို ခွန်အားသစ်တွေ ပေးနိုင်လောက်အောင် စကားပြောကောင်းတဲ့ ဒေါ်ခင်ဆွေလဲ့က “ပျော်နေတယ် လို့တော့ မထင်လိုက်ပါနဲ့။ ကံတရားအဆိုးထဲကမှ အကောင်းကို ပြန်ရှာထားရတာပါ” လို့ လေးလေးနက်နက် ပြောလိုက်ရင်း အတိတ်အကြောင်း စကားဝိုင်းကို အဆုံးသတ်လိုက်ပါတယ်။

ကျောက်ဖြူတွင် ရွှံ့မီးတောင်ပေါက်ကွဲ၊ လယ်ကွက်များဆုံးရှုံး

နန်းမြနဒီ

ရခိုင်ပြည်နယ် ကျောက်ဖြူမြို့နယ်က ရှောက်ချောင်းကျေးရွာအုပ်စုထဲမှာ ရွှံ့မီးတောင်ပေါက်ကွဲပြီး လယ်ကွက်တွေ ပျက်စီးဆုံးရှုံးခဲ့ပါတယ်။

သြဂုတ်လ ၃၁ ရက် ညနေပိုင်း က ကျောက်ဖြူမြို့ အရှေ့မြောက်ဘက် ၁၃ မိုင်အ ကွာ ရှောက်ချောင်း၊ စည်မော်နဲ့ ကြတ္တိန်ရွာ သုံးရွာကြား က တောင်ကုန်းပေါ်မှာ ရွှံ့မီးတောင်ပေါက် ကွဲတဲ့ အတွက် ချော်ရည်တွေ ကျဆင်းလာပြီး အနီးပတ်ဝန်းကျင်က လယ်ကွင်းထဲကိုပါ ၀င်ရောက်လာတာလို့ ရခိုင်လူမှုကွန်ရက်အဖွဲ့က ပြောပါတယ်။

ညနေ ၅ နာရီခွဲကျော်ကနေ ၇ နာရီထိ ချော်ရည်တွေမပြတ် စီးဆင်းလာတဲ့အတွက် ခန့်မှန်းခြေ လယ်ဧကပေါင်း ၃၀ ကျော်က စပါးပင်တွေ ပျက်စီးသလို နွားတင်းကုတ် တချို့ကိုလည်း ချော်ရည်က တိုက်စားသွားတယ်လို့ အဲဒီနေရာကို သွားရောက်ကြည့်ရှုခဲ့သူ ရခိုင်လူမှုကွန်ရက် ပြန်ကြားရေး တာဝန်ခံ ကိုထွန်းထွန်းနိုင်က ဒီဗွီဘီကို ပြောပါတယ်။

“၅ နာရီ ၄၀ လောက်ကနေ ချော်ရည်တွေ အပေါ်ကို ပွက်လာတာပေါ့ဗျာ။ အစက တထွာလောက်ပဲမြင်ရတာ နောက်တော့ တတောင်လောက် တဖြည်းဖြည်းနဲ့ မြင့်လာတာ ပေ ၈၀ လောက်အထိ။ အုန်းဆိုတဲ့ အသံကြားရတယ်။ ဒေသအခေါ်က နဂါးတောင်ပေါ့၊”

ချော်ရည်တွေဟာ ည ၇ နာရီလောက်မှာမှ ရပ်စဲသွားကြောင်း၊ ဒီဖြစ်ရပ်မှာတော့ ထိခိုက်ဒဏ်ရာရသူတွေမရှိဘူးလို့ သူကဆက်ပြောပါတယ်။

ရွှံ့မီးတောင်ပေါက်ကွဲတဲ့နေရာဟာ အစိုးရနဲ့ အကျိုးတူကုမ္ပဏီတွေက ကျောက်ဖြူအထူးစီးပွားရေး စီမံကိန်းဇုန်လုပ်ဖို့ ရည်ရွယ်ထားတဲ့နေ ရာလို့လည်း ဒေသခံတွေက ပြောပါတယ်။

ကျောက်ဖြူမြို့နယ်ထဲမှာ ရွှံ့မီးတောင် အများအပြားအပြားရှိပြီး အရင်ကလည်း ရွှံ့မီးတောင် ပေါက်ကွဲမှု ရှိခဲ့ဖူးပါတယ်။

စံချိန်တင် ဖမ်းမိသည့် မူးယစ်ဆေးဝါးကိစ္စ တပ်နှင့်ပေါင်းကာ ဖော်ထုတ်နေဟု ဆို

အေးမြင့်စန်း

ကော့သောင်းမြို့ အနောက်မြောက်ဘက် မြန်မာ့ပင်လယ်ပြင်မှ မလေးရှားနိုင်ငံသို့ ဦးတည်နေသည့် စက်လှေပေါ်ပါ မူးယစ်ဆေးဝါးများကို တင်သွင်းသူနောက်ကွယ် ဂိုဏ်းအဖွဲ့ကို တပ်မတော်နှင့် ပူးပေါင်းကာ ရှာဖွေနေသည်ဟု မူးယစ်ဆေးဝါး တားဆီးနှိမ်နင်းရေးတပ်ဖွဲ့ ရဲမှူးချုပ် ကျော်ဝင်းက မဇ္ဈိမကို ပြောသည်။

“နောက်ကွယ်မှာ ကြီးမားတဲ့ ဂိုဏ်းတစ်ခုက အုပ်စုဖွဲ့ သယ်တာဖြစ်မယ်။ အဓိကအဖွဲ့ကို မဖော်ထုတ်နိုင်သေးဘူး။ နယ်မြေရဲတပ်ဖွဲ့၊ မူးယစ်တိုက်ဖျက်ရေးတပ်ဖွဲ့တွေနဲ့ အင်အား မနိုင်ဘူး။ တပ်မတော်နဲ့ ပူးပေါင်း ရှာဖွေနေတယ်။ အဖွဲ့အစည်းပေါင်းစုံလိုက်ရမှ၊ ဖမ်းမိထားသူတွေကို စစ်နေတာတော့ မကြာပါဘူး။ ကွင်းဆက်လိုက်နေတာ ကြာလိမ့်မယ်။ အလွယ်တကူ ဖော်လေ့ဖော်ထ မရှိဘူး။ အဖွဲ့အစည်းပေါင်းစုံ လိုက်ရမှာ” ဟု ၎င်းက ပြောသည်။

ယင်းသည် မြန်မာနိုင်ငံမူးယစ်ဆေးဝါးဖမ်းဆီးရမိမှုတွင် အများဆုံးစံချိန်တင် ဖမ်းဆီးရမိခဲ့သည့် ကူးသန်းရောင်းဝယ်မှုကြီး ဖြစ်သည်။ Ecstasy အမျိုးအစား မူးယစ်ဆေးပြား အရေအတွက် ၂ ဒသမ ၃၈၅ သန်း၊ ကျပ်သန်းပေါင်း ၁၇ သန်းဖိုးခန့် ဖမ်းမိထားသည်ဟု မြန်မာနိုင်ငံရဲတပ်ဖွဲ့က သတင်းထုတ်ပြန်ထားသည်။

တရားခံများကို စစ်ဆေးမှုများအရ ဖြစ်စဉ်အတွင်း ပြည်ပမှ မူးယစ်ဆေးဝါး ကူးသန်းရောင်းဝယ်သူများ ပါဝင်နေပါက နိုင်ငံတကာရှိ နိုင်ငံဖြတ်ကျော် မှုခင်းတပ်ဖွဲ့များနှင့် ချိတ်ဆက်ကာ ဖော်ထုတ်ရန်စီစဉ်နေသည်ဟု ရဲမှူးချုပ်ကျော်ဝင်းက မဇ္ဈိမကို ပြောသည်။

မူးယစ်ဆေးဝါးနှင့်အတူ ကျိုက်ခမီ၊ ကျိုက်ထို၊ မော်လမြိုင်မြို့နယ်အတွင်း နေထိုင်သူများကို ဖမ်းမိခဲ့ပြီး ကော့သောင်းအကျဉ်းထောင်တွင် ထိန်းသိမ်းထားသည်။ ၎င်းတို့ကို ကော့သောင်း မယ(ပ) ၃၂/ ၂၀၁၄၊ မူးစိတ် ပုဒ်မ ၁၅/၁၉(က)(ခ)၊ပုဒ်မ ၂၀(က)၊ (ခ)၊ ပုဒ်မ ၂၁ တို့ဖြင့် အမှု ဖွင့်ထားသည်။

ရဲမှူးချုပ်ကျော်ဝင်းက “ဖမ်းမိတဲ့ ဆေးပြားတွေက ဒီနိုင်င်ငံက ထုတ်လုပ်တာ မဟုတ်ဘူး။ နိုင်ငံတစ်ခုက ရောက်လာပြီး ပြည်တွင်းမှာ သိုလှောင်ထားမယ်။ နောက်သယ်လို့လွယ်မယ့် လမ်းကြောင်းကသယ်လာတာ”ဟု ပြောသည်။

ဦးကျော်သူရဲ့ ကာချုပ်ကြီးထံ အိတ်ဖွင့်ပေးစာ မိတ်ဆက်

DVB

ရန်ကုန် တက္ကသိုလ်၊ ကောလိပ်များ အနီးရှိ တည်းခိုခန်းများ စိစစ်ရန် လွှတ်တော်တွင် ဆွေးနွေး

မေခ

ရန်ကုန်တိုင်းဒေသကြီး အတွင်း တက္ကသိုလ်၊ ကောလိပ်များ အနီးတွင် ဖွင့်လှစ်ထားသော တည်းခိုခန်းများနှင့် ပတ်သက်ပြီး စိစစ်ရန် ရန်ကုန်တိုင်း လွှတ်တော်၌ မေးမြန်း ဆွေးနွေးရာတွင် တရားဝင် ခွင့်ပြုထားသော တည်းခိုခန်း ၁ ခုသာ ရှိသည်ဟု ရန်ကုန် မြို့တော် ဝန် ဦးလှမြင့် က ပြောသည်။

“ရန်ကုန်တိုင်း ဒေသကြီးထဲမှာ ကောလိပ် စုစုပေါင်း ၁၀၀ ကျော် ရှိတဲ့အထဲ ဒဂုံတက္ကသိုလ် အနီးမှာသာ တည်းခိုခန်း တခုရှိပါတယ်။ အဲဒါက ပေ ၈၀၀၀ ခန့် အကွာမှာသာ ဖွင့်လှစ်ခွင့် ပေးထားတာပါ။ ပေးထားတဲ့ တည်းခိုခန်း နာမည်က သပြေ တည်းခို ခန်း တခုသာ ရှိပါတယ်”ဟု မြို့တော်ဝန် ဦးလှမြင့်က သြဂုတ် ၂၉ ရက်က ကျင်းပသည့် ရန်ကုန်တိုင်း ဒေသကြီး လွှတ်တော် တွင် ပြောသည်။

ရန်ကုန်တိုင်း ဒေသကြီး အတွင်းရှိ တက္ကသိုလ်များ၊ ကောလိပ်များ အနီးတွင် တည်းခိုခန်းများကို တွေ့နေရကြောင်း၊ တက္ကသိုလ်၊ ကောလိပ်များ အနီးရှိ တည်းခိုခန်းများကြောင့် ကျောင်းသား၊ ကျောင်းသူများ၏ စာရိတ္တမဏ္ဍိုင် ပျက်စီးသွားမည်ကို စိုးရိမ်သည့်အတွက် ခွင့်ပြုထားသော လိုင်စင်များကို ပြန်လည် စိစစ်ရန် ဒဂုံမြို့သစ် (မြောက်ပိုင်း) မဲဆန္ဒနယ်မှ တိုင်းဒေသကြီး လွှတ်တော် ကိုယ်စားလှယ် ဦးထွန်းလွင်က လွှတ်တော်သို့ တင်ပြခဲ့ရာ၌ မြို့တော်ဝန် ဦးလှမြင့်က အထက်ပါကတိုင်း ပြန်လည် ဖြေကြားခြင်း ဖြစ်သည်။

ဦးထွန်းလွင်ကမူ ရန်ကုန်တိုင်း ဒေသကြီး အတွင်းရှိ တက္ကသိုလ်၊ ကောလိပ်၊ စာသင်ကျောင်းများ အနီးရှိ တည်းခိုခန်း၊ ဧည့် ရိပ် သာများကို စိစစ်ကြီးကြပ်မှု လွန်စွာ အားနည်းနေသည့်အတွက် တည်းခိုခန်း တချို့သည် ပုံမှန် တည်းခိုခန်း လုပ်ငန်းကို လုပ် ကိုင်သည်ထက် ဇိမ်ခန်းများသဖွယ် လုပ်ဆောင်နေကြသည်ဟု ကြားသိရသည့် အတွက် လွှတ်တော်သို့ တင်သွင်း မေးမြန်းခြင်း ဖြစ်ကြောင်း ပြောဆိုသည်။

“တက္ကသိုလ်နားမှာ တည်းခိုခန်းတွေက မှိုလို ပေါက်နေတာပါ။ သူတို့က ချပေးထားတာ မရှိတော့။ ဒါတွေက တရားမဝင်တာ လို့ ပြောရမယ်။ သိရသလောက် သူတို့မှာ အခွန်ဆောင် ပြေစာတွေ ရှိနေတယ်။ ဒါက တရားမဝင် ဖွင့်တာလား။ အောက်ခြေ က လူတွေက မဟုတ်တာ လုပ်နေလား ဆိုတာကို တွေးရတော့မယ်”ဟု ဦးထွန်းလွင်က ဆိုသည်။

ရန်ကုန်တိုင်း ဒေသကြီး အစိုးရ အဖွဲ့၏ လမ်းညွှန်ချက်အရ တက္ကသိုလ်ကျောင်းများ အနီးတွင် တည်းခိုခန်းများ ဖွင့်လှစ်မှုမရှိစေ ရန် ၂၀၁၄ ခုနှစ် ဧပြီလမှ စပြီး အသစ်လျှောက်ထားသည့် တည်းခိုခန်းများကို ကော်မတီ စစ်ဆေးရေး အဖွဲ့နှင့် မြေပြင်ကွင်း ဆင်း စစ်ဆေးကြပ်မတ်လျက် ရှိကြောင်း၊ ခွင့်ပြုပြီးသည့် တည်းခိုခန်းများ စည်းကမ်း ဖောက်ဖျက်ပါက လိုင်စင်ပိတ်သိမ်းသည် အထိ အရေးယူ ဆောင်ရွက်သွားမည် ဖြစ်ကြောင်း မြို့တော်ဝန် ဦးလှမြင့်က လွှတ်တော်သို့ ပြန်လည်တင်ပြခဲ့သည်။

လက်ရှိအချိန်တွင် ဒဂုံတက္ကသိုလ် အနီး၌ပင် တည်းခိုခန်း အလုံးပေါင်း ၁၀ လုံး ထက် မနည်းရှိနေပြီး အဆိုပါ တည်းခိုခန်းများကို ထပ်မံစစ်ဆေးရန် လိုအပ်သော်လည်း အစိုးရပိုင်းမှ မည်သည့် စစ်ဆေးမှု ပြုလုပ်ပေးမည်ကို တိကျစွာ ပြောကြားခဲ့ခြင်း မရှိကြောင်း ဦးထွန်းလွင်က ပြောသည်။

ရန်ကုန် အရှေ့ပိုင်း(တာဝ) တက္ကသိုလ်တွင် တက်ရောက်နေသည့် တက္ကသိုလ် ကျောင်းသား ရဲကိုကိုက“တာဝ နားမှာဆိုပိုများသေးတယ်။ တချို့ တည်းခိုခန်းတွေဆို လာတည်းတဲ့ ကျောင်းသားတွေကို ရှောင်တခင် စစ်ဆေးတာ မရှိအောင် လုံခြုံရေး လုပ်ပေးတယ်။ တချို့ကျတော့ အိမ်လိုလို လုပ်ထားတာ။ ဆေးတွေလည်း စုံလို့။ ကာမဆေးတွေတောင် ရောင်းနေတာပါ”ဟု ပြောသည်။

ရန်ကုန် မြို့တော်ဝန် ဦးလှမြင့်၏ ပြောကြားချက်အရ ရန်ကုန်မြို့တော် စည်ပင်သာယာရေး ကော်မတီ နယ်နိမိတ်အတွင်း ခွင့်ပြု ပြီး တည်းခိုခန်းပေါင်း ၃၈၂ ခု ရှိကြောင်း သိရသည်။

အသေးစားနှင့် အလတ်စားလုပ်ငန်းများ ဖွံ့ဖြိုးရေးလုပ်ဆောင်မှု ခရီးမပေါက်ဟု ဒုတိယသမ္မတ ပြော

ထင်လင်းအောင်

မြန်မာနိုင်ငံ၏ အသေးစားနှင့် အလတ်စားလုပ်ငန်းများ (SMEs) ဖွံ့ဖြိုးတိုးတက်ရေးဖော်ဆောင်မှုများမှာ မျှော်မှန်းသလောက် ခရီးမပေါက်ဘဲ စိန်ခေါ်ချက်များနှင့် ရင်ဆိုင်မှုများစွာ ကြုံတွေ့နေရသည်ဟု အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး လုပ်ငန်းကော်မတီဥက္ကဋ္ဌ မြန်မာနိုင်ငံတော် ဒုတိယသမ္မတ ဦးဉဏ်ထွန်းက ပြောသည်။

အသေးစားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးအတွက် နေပြည်တော်ရှိ စက်မှုဝန်ကြီးဌာန အစည်းအဝေးခန်းမတွင် လုပ်ငန်းကော်မတီ အစည်းအဝေး၌ ပြောသည်ဟု သမ္မတရုံးဝက်ဘ်ဆိုက် စာမျက်နှာတွင် ဖော်ပြထားသည်။

ထို့ပြင် အာဆီယံအသေးစားနှင့် အလတ်စားစီးပွားရေးလုပ်ငန်း မူဝါဒညွှန်းကိန်းများ ၂၀၁၄ (ASEAN SMEs Policy Index ၂၀၁၄)တွင်လည်း အကောင်းဆုံးနိုင်ငံများ၏ ရမှတ်မှာ ၅ ဒသမ ၄ ရှိနေသော်လည်း မြန်မာနိုင်ငံအနေက ၂ ဒသမ ၉ ရာခိုင်နှုန်းသာရှိနေခြင်းဖြစ်ရာ မြန်မာ့အသေးစားနှင့် အလတ်စား စီးပွားရေးလုပ်ငန်းများအတွက် စီးပွားရေးတိုးတက်မှု ပတ်ဝန်းကျင်ကောင်းများကို ဖန်တီးသွားရန် အထူးလိုအပ်သည်ဟု ထုတ်ပြန်ချက်တွင် ပါရှိသည်။

“မူဝါဒ လမ်းညွှန်ချက်များအတိုင်း အကောင်အထည်ဖော်ရန် မူဝါဒ၊ ဥပဒေ၊ ဆက်စပ်ဥပဒေများ ပြုစုရေးဆွဲရေး၊ လုပ်ငန်းစတင်ရေး ၊ ငွေကြေးအရင်းအနှီးလွယ်ကူစေရေး၊ လူ့အရင်းအမြစ် တိုးတက်ရေး၊ နည်းပညာ မြှင့်တင်မှု စံချိန်စံညွှန်းများ သတ်မှတ်ရေး ၊ သတင်းအချက်အလက်နှင့် သုတေသနများလုပ်ဆောင်ရေး၊ ယှဉ်ပြိုင်နိုင်စွမ်းနှင့် ဈေးကွက်မြှင့်တင်ရေး၊ စောင့်ကြည့်အကဲဖြတ်ရေးနှင့် လုပ်ငန်းအစုအဖွဲ့များ ဖွဲ့စည်းလုပ်နေသော်လည်း မျှော်မှန်းသလောက် ခရီးမပေါက်ဘဲ SMEs ဖွံ့ဖြိုးမှုများအတွက် လိုအပ်ချက်နှင့် စိန်ခေါ်ချက်များ ရင်ဆိုင်နေရတယ်”ဟု ဒုတိယသမ္မတ ဦးဉဏ်ထွန်းက ပြောသည်။

သို့ဖြစ်ရာ ဖွံ့ဖြိုးမှုမိတ်ဖက်များ၊ နိုင်ငံတကာ အဖွဲ့အစည်းများ၏ နည်းပညာအကူအညီများနှင့် ပူးပေါင်း ဆောင်ရွက်မှုများရယူခြင်း၊ အစိုးရကလည်း စီးပွားရေးလုပ်ငန်းဆိုင်ရာ စည်းမျဉ်း၊ စည်းကမ်း၊ လုပ်ထုံးလုပ်နည်းများနှင့် စပ်လျဉ်း၍ ကောင်းကျိုးဆိုးကျိုး သက်ရောက်မှုများကို တာဝန်ခံမှု ( Regulatory Inpact Analysis - RIA) ပိုမိုတိုးတက်လာစေရန် စနစ်တကျဆောင်ရွက်ရေးတို့အတွက် ၎င်းက တိုက်တွန်းသည်။

ပြည်တွင်း စီးပွားရေးလုပ်ငန်းရှင်များကမူ မြန်မာနိုင်ငံသည် စီးပွားရေးတိုးတက်မှုဆိုင်ရာ အကောင်အထည် ဖော်ဆောင်ရာတွင် မူဝါဒ၊ ဥပဒေ၊ စည်းမျဉ်းစည်းကမ်းများကိုသာ ဆောင်ရွက်နေသော်လည်း သက်ဆိုင်ရာ ၀န်ကြီးဌာန တာဝန်ရှိသူများက အောက်ခြေသို့ ဆင်းကြည့်ကာ လိုအပ်သည်များကို ပုဂ္ဂလိကလုပ်ငန်းရှင်များနှင့် ပူးပေါင်းဆောင်ရွက်မှု အားနည်းလျက်ရှိသည်ဟု မြန်မာနိုင်ငံဆန်စပါးအသင်းချုပ် ဥက္ကဋ္ဌ ဦးချစ်ခိုင်က မီဒီယာများကို ပြောထားသည်။

စီးပွာရေးပညာရှင် ဦးလှမောင်က “SMEs တစ်ခုတည်း မဟုတ်ပါဘူး စီးပွားရေး တိုးတက်မှုတွေကို လုပ်တဲ့ နေရာမှာ မူတွေ၊ ဥပဒေတွေ ထုတ်ပြန်နေရုံနဲ့မပြီးဘူး တကယ်အကောင်အထည်ပေါ်လာဖို့ ဘာတွေလုပ်ရမယ်ဆိုတာကို လုပ်ငန်းရှင်တွေနဲ့ ပူးပေါင်းဆောင်ရွက်မှုတွေလည်း လိုအပ်တယ်။ ဒီအပိုင်းတွေက ဟိုးအရင်ကတည်းက အားနည်းသလို အခုလည်း အားနည်းတုန်းပါပဲ”ဟု မဇ်္ဈိမကို ပြောသည်။

အာဆီယံအသေးစားနှင့် အလတ်စားစီးပွားရေးလုပ်ငန်း မူဝါဒညွှန်းကိန်းများ ၂၀၁၄(ASEAN SME Policy Index ၂၀၁၄) ကိုမူ အရှေ့အာရှစီးပွားရေးသုတေသနအဖွဲ့ (Economic Reserch Institute of ASEAN and East Asia-ERIA) က ပြုစုထုတ်ဝေခဲ့ခြင်းဖြစ်သည်။ ယင်းမှတ်တမ်းတွင်မူ အကောင်းဆုံးနိုင်ငံ၏ ညွှန်းကိန်းရမှတ်ကို ၅ ဒသမ ၄ နှင့် ပျမ်းမျှညွှန်းကိန်းရမှတ်ကို ၃ ဒသမ ၇ ရာခိုင်နှုန်းသတ်မှတ်ခဲ့ခြင်းဖြစ်ရာ မြန်မာနိုင်ငံသည် ပျမ်းမျှရမှတ်အောက်သို့ ကျဆင်းခြင်းဖြစ်သည်။

မင်းကြီး မင်းလေး ပွဲမှာ စီရင်ခဲ့တဲ့ တရား

ဆူးငှက်

မြန်မာပြည်မှာ ကျင်းပတဲ့ နတ်ပွဲတွေ ထဲမှာ တောင်ပြုန်းပွဲဟာ အကြေအညာ စုံစုံလင်လင် စည်စည်ကားကား လာရောက်ကြတဲ့ ပွဲပါပဲ။ အနယ်နယ်အရပ်ရပ်က မန္တလေးကို ရောက်လာကြပြီး မန္တလေးကနေ တောင်ပြုန်းကို ကားနဲ့၊ မီးရထားနဲ့ သွားလာကြတယ်။ အရင်ခေတ်တုန်းက တောင်ပြုန်းကို လှေတွေနဲ့သွားကြတယ်။ မန္တလေး ဈေးချိုတော်ရဲ့ အနောက်ဘက်က ကပ်စီးတဲ့ ရွှေတချောင်းမြောင်းကနေ တောင်ပြုန်းအထိ လှေတွေနဲ့ သွားကြ တယ်ဆိုရင် အတော် အံ့ဩကြမှာ ပါပဲ။

ဒီလိုသွားကြတာ ကျနော်တို့တောင်မှ မမီခဲ့ပါဘူး။ ကျနော်တို့ မိဘများခေတ် ဖြစ်မှာပေါ့။ “နှဲကုပ်သို” လို့ အမည်ရတဲ့ ရွှေတချောင်းမြောင်းဟာ ဘိုးတော်ဘုရား လက်ထက်ကတည်းက မတ္တရာကနေ အမရပူရ နေပြည်တော် တက်သိမ်းအင်း အထိ ဖောက်သွယ်ခဲ့တဲ့ မြောင်း ဖြစ်ပါတယ်။ တာပေါင်း ၂၇၀ဝ ရှည်သတဲ့။

လယ်တွေကို ရေပေးဝေဖို့ အပြင် မတ္တရာနဲ့ အမရပူရ နေပြည်တော် ဆက်သွယ်သွားလာရေး အတွက် ရေလမ်း အဖြစ် အသုံးပြုခဲ့တာ ပေါ့။ ရတနာပုံ ခေတ်မှာတော့ ရွှေတချောင်းမြောင်း အမည်နဲ့ ရေရှင် ရေကောင်းတွေ စီးဆင်းခဲ့ပြီး မတ္တရာ နယ်မှာ လယ်ရေ ပေးဝေရေးနဲ့ မန္တလေး ရွှေမြို့တော်မှာ သုံးရေ ချိုးရေ သုံးရေ အတွက် သာမက မတ္တရာနယ် က သစ်သီးသစ်နှံ တွေကို မန္တလေး ဈေးချိုတော်ဆီ လှေများနဲ့ ပို့ဆောင်ဖို့ အသုံးဝင် ခဲ့တယ်။

တောင်ပြုန်း ပွဲတော်အခါ ရောက်ရင် လူစည်ကားတဲ့ ဈေးချိုတော် ကနေ လှေတွေနဲ့ ဆိုင်းတွေ ဗုံတွေနဲ့ တောင်ပြုန်းပွဲတော်ဆီ ရွှေတချောင်းမြောင်း အတိုင်း သွားကြတာ တဲ့။ သီပေါမင်းခေတ်မှာ တောင်ပြုန်းပွဲတော် ကျင်းပတဲ့ အခါ ပွဲတော်အုပ်ချုပ်ရေး အတွက် ရနောင်မောင်မောင်တုတ်ကို လွှဲအပ်ထားတာ တဲ့။ သိကြတဲ့ အတိုင်းပဲ ရနောင်မောင်မောင်တုတ် ဆိုတာက သီပေါဘုရင်ရဲ့ “သူ့ဓားနှင့် မသေစေရ” လို့ ပစားပေးထားခဲ့ရ သူပါ။

ဒီတော့ တောင်ပြုန်းပွဲကို ရနောင်မောင်မောင် တုတ်လက် ဝကွက်အပ်ထားတဲ့ အခါ ပွဲတော်နဲ့ ပတ်သက်တဲ့ မှုခင်းမှုရာတွေ ကိုလည်း နေပြည်တော်က လွှတ်ရုံး အဆင့်ဆင့်ဆီ တရားနည်းလမ်းကျစွာ ဥပဒေနဲ့အညီ ဓမ္မသတ် ရာဇသတ်များနဲ့ အညီ တက်ရောက်စရာ မလိုဘူး။ ရနောင်မောင်မောင်တုတ်ရဲ့ တဦးတည်း အမိန့်အာဏာနဲ့ သဘောကျ စီရင်စေရတယ်။

တောင်ပြုန်းပွဲ ဆိုတာကလည်း အခုမှ မဟုတ်ဘူး။ ရတနာပုံ ခေတ်ကတည်းက မူးယစ်ရမ်းကား အပျော်ကြူးကြတဲ့ပွဲလို့ ဆိုတယ်။ ခိုးကြမယ်၊ ဝှက်ကြမယ်။ တိုက်ကြမယ်၊ သတ်ကြမယ်၊ ရိုက်ကြမယ်။ အဲ.. အဲ… မိန်းကလေးတွေကို ကာယိနြေ္ဒ ပျက်အောင် စော်ကားကြမယ်။ ဒီလိုကိုး။ ဒီတော့ ပွဲတော်တွင်း အပြစ်ကျူးလွန်သူ မှန်သမျှ၊ အပြစ်ကျူးလွန် သူလို့ ယူဆသူ မှန်သမျှ၊ မျက်မုန်းကျိုးသူ မှန်သမျှ၊ အမိန့် အာဏာ ဖီဆန်သူ မှန်သမျှ ထင်ရင်ထင်သလို၊ မထင်ရင် မထင်သလို ရနောင်မောင်မောင်တုတ်ရဲ့ တဦးတည်း သဘောနဲ့ တရားစီရင် သတဲ့။ ရှင်းပါတယ်။ “ရနောင့်တရားရုံး” ရဲ့ စီရင်ချက်က တမျိုးတည်းပါပဲ။ “သတ်စေ” ပေါ့။

ဒီတော့ မန္တလေးကနေ တောင်ပြုန်းကို ပွဲတော် လာသူတွေ ဖီးလိမ်း၊ ဝတ်စား ပြင်ဆင်ပြီး ဆိုင်းသံ ဗုံသံ တညံညံနဲ့ ပျော်ပျော်ပါးပါး အများဆုံး လာကြတဲ့ လမ်းဖြစ်တဲ့ ရွှေတချောင်းမြောင်း ပေါင်မှာ မန္တလေး ရွှေမြို့တော်က အထွက်၊ တောင်ပြုန်း ပွဲခင်းအထိ မြောင်းဘေး တလျှောက်မှာ ကားစင်တွေ ဆင်ထားသတဲ့။ အဲဒီ ကားစင်တွေမှာ ရာဇဝတ်သားလို့ ယူဆသူတိုင်းကို ကားစင်တင် သတ်တယ်။

သတ်ပြီးရင် သုဿာန်တွေမှာ ချက်ချင်းမြှုပ်နှံတာ မဟုတ်ဘူး။ ကားစင်ပေါ်မှာပဲ ရင်ကိုခွဲ၊ အတွင်းက ကလီစာတွေ နုတ်၊ တော်ရာမြှုပ်ပြီး ကျန် လူသေကောင်ကြီးကို ကားစင်ပေါ်မှာပဲ ခြေကားရား လက်ကားရားနဲ့ ရေနံချေး သုတ်ထားတာ ပွဲတော်ပြီးတဲ့ အထိ ဒီအတိုင်း ထားသတဲ့။

ဒါကြောင့် တောင်ပြုန်းပွဲလာကြတဲ့ ပွဲတော်လာ တွေထဲက မိန်းမပျို၊ မိန်းမအိုတွေ၊ အသည်းငယ်တဲ့ ယောက်ျားသား တွေဟာ မန္တလေးရွှေမြို့တော် အိုးဘိုရပ် လွန်တာနဲ့ ရွှေတချောင်းမြောင်းအတိုင်း ခပ်လှမ်းလှမ်းက ကားစင်ကြီးတွေ ရိုးတိုးရိပ်တိတ် အမြင်မှာတင် လှေဝမ်းမှာ မှောက်ပြီး မျက်နှာဝှက်ကြ ဆိုသကိုး။ ပွဲတော်လာသူတွေ ရနောင်ရဲ့ အမိန့်အာဏာ မဖီဆန်ရဲအောင် ကြိုပြီး သတိပေးတဲ့ သဘောပေါ့။

တောင်ပြုန်းပွဲတော်ရက် အတွင်း ဖြစ်ပွားတဲ့ အမှုအခင်းကို ချုပ်ရင်ချုပ်၊ သတ်ရင်သတ်၊ လွှတ်ရင် လွှတ်၊ ပွဲတော် အတွင်းမှာပဲ အပြီးစီရင်ရတာတဲ့။ အဲဒီ အမှုအခင်းကို ဒီ့ပြင်ရုံး အထိ သယ်ယူ မလာရဘူးတဲ့။ တောင်ပြုန်းပွဲ အတွင်းပဲ အပြတ်စီရင်၊ ဒီလိုကိုး။ ဒါကို “တောင်ပြုန်းတရား” လို့ ခေါ်သတဲ့။

ဒီအစဉ် အလာကြောင့် နောက်ပိုင်းမှာ အမှုအခင်း တခုခုကို တရားနည်းလမ်းအရ သက်သေသက္ကာရနဲ့ ဥပဒေကြောင်း အရ စစ်ဆေး၊ ရှေ့နေ ရှေ့ရပ်နဲ့ လျှောက်လဲ၊ ခုံရုံး အဆင့်ဆင့်နဲ့ ဥပဒေကြောင်း အရ တရားနည်း လမ်းကျစွာ ဆုံးဖြတ်၊ အပြစ်မပေးဘဲ တဦးတယောက်၊ တဖွဲ့ရဲ့ အာဏာနဲ့၊ လုပ်ပိုင်ခွင့်နဲ့ မျက်စိ စုံမှိတ်ပြီး တချက်လွှတ် အမိန့်ချ အပြစ်ပေးရင် “တောင်ပြုန်း တရား စီရင်တယ်” လို့ ပြောစမှတ် ရှိကြတယ်။

“တောင်ပြုန်းတရား” ဆိုတာ ရေမြေလိုက်တာ နေမှာပေါ့။ တရုတ်ပြည်က အနော်ရထာမင်း ပြန်အလာ၊ တောင်ပြုန်း ရပ်မှာ စစ်နားတုန်း ဆုတောင်း ပြည့်စေတီ တည်တယ် မဟုတ်လား။ ပြည်သူပြည်သား၊ မင်းမှုထမ်းတွေနဲ့ တဦးချင်းစီ လုပ်အားနဲ့ စေတီတည်တော့ ကလေးအရွယ် ရွှေဖျဉ်းကြီး၊ ရွှေဖျဉ်းလေးတို့ အပျော်မက်ပြီး စေတီတော်မှာ လုပ်အားဒါန မပါနိုင်ဘဲ အုတ် ၂ ချပ်လပ်ရော မဟုတ်လား။ ဒီအပြစ် အတွက် ဘုရင်က မြေးတော် ရွှေဖျဉ်းကြီး၊ ရွှေဖျဉ်းလေး ညီနောင်ကို ရွှေကြိမ်လုံးနဲ့ ဆုံးမလိုက်ပါဆိုတာကို မင်းအလိုလိုက် မင်းကြိုက်လိုက်ရုံမက သည်းသည်း လှုပ်တွေက လွန်ကြိုးနဲ့တုပ်ပြီး ဝါးရင်းတုတ်နဲ့ ရိုက် သတ်လိုက်တာ မဟုတ်လား။

ဒီအစဉ်အလာ၊ ဒီရေခံ မြေခံကြောင့် ထင်ပါရဲ့၊ သီပေါမင်း လက်ထက်၊ ရနောင် မောင်မောင်တုတ် လက်ထက် တောင်ပြုန်း ပွဲတော်ကို “ဝ” ကွက် အပ်ထားချိန် ရာဇဝင်တွင်လောက်တဲ့ “တောင်ပြုန်းတရား” ဆိုတာ ပြောစမှတ် ဖြစ်ခဲ့ကြရ တာပါပဲ။

ကျနော်တို့လည်း နတ်ဖြစ်သွားတဲ့ မင်းကြီး မင်းလေးရဲ့ အာဏာစက်က တပြည်လုံး ဖြန့်ကြက် သွားခဲ့ ထင်ပါရဲ့။ “တောင်ပြုန်းတရား” အစီအရင်တွေ ဆယ်စုနှစ်ပေါင်း များစွာ တပြည်လုံး ခါးကော့အောင် ခံခဲ့ရပြီပဲ။ အခုလည်း “တောင်ပြုန်းတရား” အစီအရင်များက လွတ်ကြပါပြီလား။ ။

မြောင်းမြမြို့က ရေမြောင်းထဲ သေဆုံးသူအလောင်း တွေ့

DVB

နယ်စပ်သစ်မှောင်ခိုထုတ်မှုများ ထိန်းချုပ်ရေး အစိုးရက အားဖြည့်လုပ်ရန် လိုအပ်နေ

နိုင်နိုင်ဇော်

သစ်လုံးတင်ပို့မှု ရပ်နားသော်လည်း နယ်စပ်မှောင်ခို သစ်ခိုးထုတ်မှုများကို ထိန်းချုပ်နိုင်ရန် မြန်မာအစိုးရ၏ သံတမန်စွမ်းရည်အရေးကြီးနေသည်ဟု ပြည်တွင်း သစ်လုပ်ငန်းရှင်များက ထောက်ပြသည်။

၂၀၁၄ ခုနှစ် မတ်လ ၃၀ ရက်မှစတင်ကာ အစိုးရက ပင်လယ်ရပ်ခြားသို့ သစ်အလုံး လိုက်တင်ပို့မှု ရပ်ဆိုင်းကာ သစ်တောသယံဇာတတိုးတက်ရေး ဦးတည်လုပ်ဆောင်နေသော်လည်း နယ်စပ်ဘက်က သစ်ခိုးထုတ်မှုများ ရှိနေသေးသည်ကို ထိန်းချုပ်နိုင်ရန် အရေးကြီးလျက်ရှိနေသေးသည်ဟု သစ်လုပ်ငန်းရှင်များက ပြောဆိုသည်။

မြန်မာနိုင်ငံ သစ်လုပ်ငန်းရှင်အသင်း အတွင်းရေးမှူး ဦးဘာဘာချိုက “Normal Trade (ပင်လယ်ရေကြောင်း ကုန်သွယ်ရေး) ကနေ သစ်အလုံးလိုက် တင်ပို့မှု ရပ်တယ်ဆိုပေမယ့် နယ်စပ်ဘက်တွေကနေ သစ်ခိုး ထုတ်မှုတွေကိုလည်း ထိန်းချုပ်နိုင်ဖို့ လိုတယ်။ တစ်ဖက်က ပိတ်ပြီး ခိုးထုတ်မှုကို မတားနိုင်ရင် ဘာမှထူးမှာ မဟုတ်ဘူး။ အပစ်အခတ်ရှိတဲ့နေရာတွေမှာဆိုရင် သစ်ခိုးထုတ်မှုတွေ အများဆုံးဖြစ်နေတယ်”ဟုဆိုသည်။

နယ်စပ်သစ်မှောင်ခိုအများစုမှာ တရုတ်ယူနန်သို့ စီးထွက်နေသော်လည်း အစိုးရဘက်က အောင်မြင်စွာ တားဆီးနိုင်ခြင်း မရှိဘဲ မှောင်ခိုထုတ်မှုများ ဆက်ရှိနေသည်ကို သစ်လုပ်ငန်းရှင်များက ထောက်ပြပြောဆိုခြင်းဖြစ်သည်။

၂၀၀၁ ခုနှစ်မှ ၁၀ နှစ်တာ နောက်ပိုင်း တရုတ်နယ်စပ်တစ်လျှောက် သစ်ခိုးထုတ်မှုအများဆုံး ဖြစ်ပေါ်ခဲ့ပြီး မှောင်ခိုကုန်သွယ်မှု တန်ချိန် ၁၀ ဒသမ ၂ သန်းအထိ မြင့်တက်ခဲ့သည်ဟု လန်ဒန်အခြေစိုက် သဘာဝပတ်ဝန်းကျင် လေ့လာစောင့်ကြည့်ရေးအဖွဲ့က ယခုနှစ် ဧပြီလအတွင်း ထုတ်ပြန်ထားသည်။

အဆိုပါပမာဏမှာ မြန်မာနိုင်ငံ၏ ၁၀ နှစ်တာ သစ်တင်ပို့မှုစုစုပေါင်း၏ ၆၂ ရာခိုင်နှုန်းနှင့် ညီမျှနေကြောင်း ၊ ယင်းမှာ မြန်မာ့သစ်တောပြုန်းတီးမှု၏ အဓိကအကြောင်းရင်း ဖြစ်နေခြင်းကြောင့် အစိုးရက သစ်လုံးတင်ပို့မှု ရပ်ဆိုင်းမှုနှင့်အတူ နယ်စပ်သစ်မှောင်ခိုမှုများကိုလည်း အရေးတကြီး ကိုင်တွယ်ရန် လိုအပ်နေကြောင်း အဆိုပါအဖွဲ့က ထောက်ပြထားသည်။

အစိုးရအရာရှိဟောင်းများဖြင့် ဖွဲ့စည်းထားသည့် သစ်တောထိန်းသိမ်းစောင့်ရှောက်မှုအသင်း ဥက္ကဋ္ဌ ဦးစိုးဝင်းလှိုင်က “နယ်စပ်က ပတ်ဝန်းကျင်နိုင်ငံတွေနဲ့ ထိတွေ့မှု အရမ်းများတဲ့အတွက် သူတစ်ဦးတည်းနဲ့ ဒါကို အောင်မြင်အောင် ထိန်းချုပ်နိုင်ဖို့ဆိုတာ မလွယ်ဘူး။ အဲဒီအတွက် ကျွန်တော်တို့လို NGO တွေ၊ တခြား သက်ဆိုင်ရာ အဖွဲ့အစည်းတွေအားလုံး စုပေါင်းလုပ်ဆောင်ဖို့ လိုအပ်နေပါတယ်”ဟု ဆိုသည်။

နိုင်ငံနယ်စပ် သစ်မှောင်ခိုအများစုမှာ တရုတ်ယူနန်ဈေးကွက်သို့ အများဆုံးရောက်ရှိနေခြင်းကြောင့် မြန်မာအစိုးရပိုင်းက တရုတ်အစိုးရနှင့် သံတမန်ရေးရာဖြင့် ဆက်ဆံဖြေရှင်းနည်းကိုလည်း အောင်မြင်အောင် ဆောင်ရွက်သင့်သည်ဟု သစ်လုပ်ငန်းရှင် အသင်းတာဝန်ရှိသူများက အကြံပြု ပြောဆိုသည်။

သစ်တောဦးစီးဌာနနှင့် သစ်တောအသင်းအဖွဲ့များ၏ ပြောဆိုမှုအရ မြန်မာနိုင်ငံ၏ သစ်တောဖုံးလွှမ်း ဧရိယာသည် တစ်နိုင်ငံလုံးအတိုင်းအတာဖြင့် ၄၆ ရာခိုင်နှုန်းအထိ ကျန်ရှိနေသည်ဟုဆိုသော်လည်း အမှန်တကယ် အဖိုးတန်သည့် သစ်တောဧရိယာမှာ တစ်နိုင်ငံလုံးတွင် ၂၂ ရာခိုင်နှုန်းခန့်သာ ကျန်ရှိတော့သည်။

ဘင်္ဂလားဒေ့ရ်ှရောက် မြန်မာတွေကို နှစ်လ အတွင်း ပြန်လည် ခေါ်ယူမယ်

ABC

ဘင်္ဂလားဒေ့ရ်ှနိုင်ငံမှာ ​ရောက်ရှိခိုလှုံနေတဲ့ ​မြန်မာနိုင်ငံ ​သားတွေ ​ကို ​နှစ်လ ​အတွင်း ​ပြန်လည် ​ခေါ်ယူဖို့ ​မြန်မာ ​အစိုးရက ​တနင်္ဂနွေနေ့က ​သဘောတူတဲ့ ​အကြောင်း ​သိရပါတယ်။

မြန်မာနိုင်ငံသား ​အဖြစ် ​အသိအမှတ် ​ပြုထား ​သူတွေကို ​မြန်မာ ​အစိုးရက ​ပြန်လည် ​ခေါ်ယူမှာဖြစ်ပြီး ​ဒါဟာ ​၂၀၀၅ ​ခုနှစ်နောက်ပိုင်း ​ပထမဆုံး ​အကြိမ် ​ပြန်လည် ​လုပ်ဆောင် ​ခြင်းဖြစ် ​တယ်လို့ ​ဘင်္ဂလားဒေ့ရှ် ​နိုင်ငံထုတ် ​Prathom ​သတင်းမှာ ​ဖော်ပြ ​ထားပါတယ်။

ဘင်္ဂလားဒေ့ရှ် ​နိုင်ငံမှာ ​မြန်မာနိုင်ငံသား ​၃၂၀၀၀ ​ရှိကြောင်း ​တရားဝင် ​စာရင်းအရ ​သိရပြီး ​အဲ့ဒီထဲက ​လူပေါင်း ​၂၄၀၀ ​ကျော်ကို ​ပထမဆုံး ​ပြန်လည် ​ခေါ်ယူမှာ ​ဖြစ်ပါတယ်။

ဒီကိစ္စနဲ့ ​ပတ်သက်ပြီး ​လာမယ့်နှစ်မှာ ​ကျင်းပမယ့် ​နှစ်နိုင်ငံ ​နိုင်ငံခြားရေး ​ဝန်ကြီး ​အဆင့် ​ဆွေးနွေးပွဲမှာ ​ပြန်လည် ​ဆန်းစစ်မှာ ​ဖြစ်ပါတယ်။

ဒါ့အပြင် ​မြန်မာနိုင်ငံမှာ ​ထိန်းသိမ်း ​ခံနေရတဲ့ ​ဘင်္ဂလားဒေ့ရှ် ​နိုင်ငံသား ​အယောက်ပေါင်း ​၁၉၀ ​ကို ​ဘင်္ဂလားဒေ့ရှ် ​နိုင်ငံ ​ပြန်ပို့ဖို့နဲ့ ​ဘင်္ဂလားဒေ့ရှ် ​အကျဉ်းထောင် ​အတွင်းက ​မြန်မာနိုင်ငံသား ​အယောက်ပေါင်း ​၁၁၀ ​ကို ​ပြန်လည်ခေါ်ယူဖို့ ​ကိစ္စတွေကိုလည်း ​ဆွေးနွေး ​ခဲ့ကြပါတယ်။

ဘင်္ဂလားဒေ့ရ်ှနဲ့ ​မြန်မာအကြား ​တရားမဝင် ​မူးယစ်ဆေးဝါး ​ရောင်းဝယ်မှုနဲ့ ​လူကုန်ကူးမှုတွေကို ​ပူးပေါင်း ​တိုက်ခိုက်ဖို့ ​လည်း ​သဘောတူ ​ခဲ့ကြသလို ​သဘာဝ ​ဓာတ်ငွေ့အစရှိတဲ့ ​စွမ်းအင် ​ပိုင်းဆိုင်ရာ ​မှာလည်း ​ပိုမိုပူးပေါင်းမှု ​လုပ်ဖို့ ​ဆွေးနွေးခဲ့ကြပါတယ်။

မြန်မာနိုင်ငံ ​ဒုနိုင်ငံခြားရေးဝန်ကြီး ​ဦးသန့်ကျော် ​ဦးဆောင်တဲ့ ​ကိုယ်စားလှယ်အဖွဲ့ရဲ့ ​လေးရက်ကြာ ​ဘင်္ဂလားဒေ့ရ်ှနိုင်ငံ ​ခရီးစဉ်အတွင်း ​ဆွေးနွေးမှုတွေ ​ပြုလုပ်ခဲ့ကြတာ ​ဖြစ်ပါတယ်။