အထည်ချုပ် အလုပ်သမား ၁၅၀၀ ကျော် ဆန္ဒပြနေမှု အခြေအနေ

တောင်ကိုရီးယားနိုင်ငံရောက် မြန်မာများ ကြိုတင်မဲစစ်တမ်း ကောက်ယူမည်

ထွန်းထွန်း

လာမည့် နိုဝင်ဘာ ၈ ရက်တွင် ကျင်းပမည့် ရွေးကောက်ပွဲတွင် မဲမသမာမှု ကင်းစင်ရေးနှင့် ဆန္ဒမဲများ ကိုယ်စားလှယ်လောင်းထံ အမှန်ရောက်ရှိရေးအတွက် ကြိုတင်မဲ စစ်တမ်းကောက်ယူရေး လုပ်ငန်း (ကိုရီးယား) အဖွဲ့က ကိုရီးယားရောက် မြန်မာနိုင်ငံသားများထံမှ ကြိုတင်မဲစစ်တမ်း ကောက်ယူမည်ဖြစ်ကြောင်း သိရသည်။

ကိုရီးယားနိုင်ငံ ဆိုးလ်မြို့ရှိ မြန်မာသံရုံး၌ ကြိုတင်မဲ လာပေးမည့်သူများအား စစ်တမ်းကောက်ခြင်းနှင့် အင်တာနက်မှတဆင့် စစ်တမ်းကောက်ယူမှုကို ပြုလုပ်သွားမည်ဟု ကြိုတင်မဲစစ်တမ်း ကောက်ယူရေးလုပ်ငန်း (ကိုရီးယား) အဖွဲ့ တာဝန်ခံတဦးဖြစ်သူ ဦးဝင်းလှိုင်က ဧရာဝတီကို ပြောသည်။

“မဲပေးခွင့် မရလိုက်တဲ့သူတွေကိုလည်း ကောက်ယူမယ်။ ရလာတဲ့ အချက်အလက်တွေကို အသံလွှင့် ဌာနတွေနဲ့ ရွေးကောက်ပွဲ စောင့်ကြည့်ရေး အဖွဲ့တွေကို ပေးပို့မှာပါ” ဟု ဦးဝင်းလှိုင်က ပြောသည်။

ကိုရီးယားရောက် မြန်မာများသည် အောက်တိုဘာလ ၁၅ ရက်မှ ၁၈ ရက်အထိ ကိုရီးယားနိုင်ငံ ဆိုးလ်မြို့ရှိ မြန်မာသံရုံးတွင် ကြိုတင်မဲ ပေးရမည်ဖြစ်ကြောင်း ဦးဝင်းလှိုင်က ဆက်ပြောသည်။

ကိုရီးယားနိုင်ငံဆိုင်ရာ မြန်မာသံရုံးသို့ သြဂုတ်လ ၈ ရက်အထိ ကြိုတင်မဲပေးရန် လျှောက်ထားသူ ၅၅၄၅ ဦးသာ ရှိကြောင်းနှင့် လျှောက်လွှာများကို ဆက်လက် လက်ခံလျက်ရှိရာ အပြီးသတ် မဲပေးခွင့်ရှိသူ စာရင်းကို အောက်တိုဘာလ ပထမပတ်တွင် ကြေညာပေးမည်ဖြစ်ကြောင်း ကိုရီးယားနိုင်ငံဆိုင်ရာ မြန်မာသံရုံးက သတင်းထုတ်ပြန်ထားသည်။

ကိုရီးယားနိုင်ငံသို့ တရားဝင် သွားရောက်နေထိုင်သည့် မြန်မာနိုင်ငံသား စုစုပေါင်း ၂ သောင်းကျော် ရှိသော်လည်း ကြိုးတင်မဲပေးရန် လျှောက်ထားသူဦးရေမှာ လက်ရှိအချိန်အထိ ၆ ထောင်ကျော်သာရှိသေးကြောင်း ကြိုတင်မဲစစ်တမ်း ကောက်ယူရေးလုပ်ငန်း (ကိုရီးယား) အဖွဲ့က ပြောသည်။

ကြိုတင်မဲပေးရန် လျှောက်ထားသည့် လူဦးရေ အရေအတွက် နည်းပါးခြင်းမှာ မဲပေးကြမည့်သူများက ကြိုတင်မဲအပေါ် ယုံကြည်မှု နည်းပါခြင်း၊ သံရုံးများနှင့် ပြည်ပရောက် နိုင်ငံသားများအကြား ထိတွေ့မှု နည်းပါးခြင်းတို့ကြောင့် ဖြစ်ကြောင်း ဦးဝင်းလှိုင်က ပြောသည်။

ကိုရီးယားနိုင်ငံ ယုံအင်းမြို့တွင် ဒီဇိုင်းဘာသာရပ် တက်ရောက်သင်ကြားနေသူ မစုမြတ်မောင်က “မဲစာရင်းမှားလို့ နောက်တခါ ထပ်တင်ရသေးတယ်။ အခုအပြီးသတ်စာရင်းမှာ ပါ၊ မပါ စောင့်နေရတယ်။ ကျမ ပေးလိုက်တဲ့မဲက ကိုယ်စားလှယ်လောင်းဆီ မရောက်ဘဲ သူတို့တမျိုး လုပ်ပစ်လိုက်မှာတော့ စိုးရိမ်တယ်” ဟု ဧရာဝတီကို ပြောသည်။

ပြည်ပရောက် မြန်မာနိုင်ငံသားများ၏ ကြိုတင်မဲစာရင်းများ စစ်တမ်းကောက်ယူခြင်းကို တခြားသော နိုင်ငံများတွင် ရောက်ရှိနေသည့် မြန်မာနိုင်ငံသားများနှင့်လည်း ချိတ်ဆက် ဆောင်ရွက်နိုင်ရန် ကြိုးပမ်းနေကြောင်း ကြိုတင်မဲစစ်တမ်း ကောက်ယူရေးလုပ်ငန်း (ကိုရီးယား) အဖွဲ့က ပြောဆိုသည်။

ရွေးကောက်ပွဲတွင် မဲမသမာမှု မဖြစ်စေရေးအတွက် ကောက်ယူထားသည့် ကြိုတင်မဲ စစ်တမ်းများကို လွှတ်တော် ကိုယ်စားလှယ်လောင်းများ အနေဖြင့် တန်ဖိုးထား စောင့်ကြည့်ပေးရန် ၎င်းတို့အဖွဲ့က တိုက်တွန်းထားသည်။

ကဗျာသီချင်းပန်းချီ ရေဘေးပြပွဲရုပ်သံမှတ်တမ်း

“ချင်းပြည်နယ်မှာရှိတဲ့ လူမျိုးပေါင်းစုံအတွက် တိုးတက်ဖို့ရာ လုပ်ချင်တယ်”

မေစစ်ပိုင်

လူ့အခွင့်အရေးဆိုင်ရာ လှုပ်ရှားမှုများ၊ ချင်းလူထုနှင့် ဒေသဖွံ့ဖြိုးရေးဆိုင်ရာများ၌ ပါဝင်လှုပ်ရှားလျက်ရှိသည့် ချင်းအမျိုးသမီးတဦးဖြစ် သူ ချယ်ရီဇာဟောင်းသည် ၂၀၁၅ နိုဝင်ဘာ ၈ ရက်တွင် ကျင်းပမည့် ရွေးကောက်ပွဲတွင် ချင်းပြည်နယ် ဖလမ်းမြို့နယ် ပြည်သူ့လွှတ် တော် ကိုယ်စားလှယ်အဖြစ် ချင်းတိုးတက်ရေးပါတီ ကိုယ်စားပြု ဝင်ရောက်ယှဉ်ပြိုင်မည် ဖြစ်သည်။

ချယ်ရီဇာဟောင်းသည် ချင်းတိုးတက်ရေးပါတီ CPP (ချင်းအမျိုးသား ဒီမိုကရက်တစ် ပါတီ) ၏ အတွင်းရေးမှူးတဦး ဖြစ်ပြီး အမျိုးသမီးအရေး၊ လူငယ်အရေးနှင့် ပညာရေး ဆိုင်ရာများ၌ လှုပ်ရှားဆောင်ရွက်နေသူလည်း ဖြစ်သည်။

ချယ်ရီဇာဟောင်းအား ရွေးကောက်ပွဲ၌ ဝင်ရောက်ယှဉ်ပြိုင်မည့် လှုပ်ရှားမှုများအပေါ် ဧရာဝတီ သတင်းဌာန အကြီးတန်း သတင်း ထောက် မေစစ်ပိုင်က တွေ့ဆုံမေးမြန်း ထားပါသည်။

မေး။ ။ ဖလမ်းမြို့နယ်မှာ တခြားပါတီတွေကနေ ပါဝင်ယှဉ်ပြိုင်မယ့်သူ ဘယ်နှဦးလောက် ရှိပါလဲ။

ဖြေ။ ။ ပြည်သူ့လွှတ်တော် အတွက်က ကျမပါမယ်။ တခြားပါတီက NLD, USDP, CNDP နဲ့ တသီးပုဂ္ဂလ တယောက်ပါတယ် ဆိုတော့ ကျမအပါအဝင် ၅ ဦး ဝင်ပြိုင်မှာပေါ့။

မေး။ ။ ယှဉ်ပြိုင်ရမယ့် ပါတီတွေမှာ နာမည်ရပါတီတွေလည်း ပါဝင်နေတယ်ဆိုတော့ မချယ်ရီဇာဟောင်းကရော အားသာချက်၊ အားနည်းချက် ဘယ်လိုရှိနိုင်တယ်လို့ ကိုယ့်ကိုယ်ကိုယ် ထင်မြင်မိပါလဲ။

ဖြေ။ ။ ကျမက ချင်းပြည်နယ်မှာ လူ့အခွင့်အရေး တက်ကြွလှုပ်ရှားသူ တယောက်အနေနဲ့ လုပ်ဆောင်လာခဲ့တာ ၁၀ နှစ်ကျော်ပြီ။ လူ့အရင်းအမြစ် စွမ်းရည်ဖွံ့ဖြိုးတိုးတက်ရေး အပိုင်းတွေမှာလည်း သင်တန်းတွေ ပေးခဲ့တယ်။ စာသင်ကျောင်း ဆောက်ပေးတာမျိုးတွေ၊ သင်တန်းပေးတာမျိုးတွေ၊ ဗလာစာအုပ်တောင် မဝယ်နိုင်တဲ့ ကလေးတွေကို ဝယ်ပေးတာမျိုး စတာတွေအတွက်၊ ချင်းပြည်နယ် ဖလမ်းမြို့နယ်အတွက် အလုပ်လုပ်ခဲ့တယ်ဆိုတော့ ရွာတော်တော်များများက ကျမကို ထင်တာထက် ပိုသိတယ်။ လုပ်ခဲ့တာတွေကို အသိအမှတ်ပြုတာ ရှိတယ်။

ဒါတွေကြောင့်လည်း သူတို့အားပေးမှုတွေကြောင့် ဝင်ပြိုင်တာပေါ့။ အဲဒီလို လူ့အခွင့်အရေး လှုပ်ရှားရင်းနဲ့လည်း နိုင်ငံတကာက ခေါင်းဆောင်တွေနဲ့လည်း အဆက်အသွယ်ရှိတယ်။ ချင်းပြည်နယ်နဲ့ တကမ္ဘာလုံးကို ချိတ်ဆက်နေရတယ်ပေါ့နော်။ ချင်းပြည်နယ်မှာ ဘာဖြစ်နေတယ် ဆိုတာကို မြန်မာမှာပြောပြသလို နိုင်ငံတကာမှာလည်း ပြောပြဖြစ်တာကို မဲပေးမယ့်သူတွေကလည်း အသိအမှတ်ပြုတယ်။ ချင်းပြည်နယ်ရဲ့ လူဦးရေက ၅ သိန်းကျော် ဖြစ်တယ်။ ၂ သိန်း ၆ သောင်းကျော်က အမျိုးသမီး ဖြစ်တယ်။ အမျိုးသမီး ပါဝင်မှုကတော့ ၁ ရာခိုင်နှုန်းတောင် မရှိဘူးဆိုတော့ အဲဒါကိုလည်း ကျမမြှင့်တင်ပေးချင်တယ်။

ဖလမ်းမြို့နယ်မှာဆိုရင် စစ်တပ်ရဲ့စနစ်တွေကြောင့် ဒါမှမဟုတ် ပညာရေးချို့တဲ့မှုတွေကြောင့် လူငယ်အတော်များများက နိုင်ငံရေး ဆိုရင် သူတို့နဲ့မဆိုင်ဘူး ဆိုတာမျိုး ထင်နေကြတယ်ဆိုတော့ အမျိုးသား ခေါင်းဆောင်တွေက တဖြည်းဖြည်းနဲ့ ပျောက်သွားမှာ ကျမ စိုးရိမ်တယ်။ လူငယ်တွေအတွက် နိုင်ငံရေးဆိုတာ သူတို့နဲ့ ဆိုင်ပါတယ် ဆိုတာမျိုး ပြချင်တယ်။ ကျမက လူငယ်အမျိုးသမီး လူ့အခွင့် အရေးရှုထောင့်၊ ဖွံ့ဖြိုးမှုရှုထောင့်က လုပ်နေတာဆိုတော့ အခြေအနေတော့ ကောင်းပါတယ်။

မေး။ ။ မဲဆွယ်စည်းရုံးတဲ့ ကာလလည်း ရောက်နေပြီဆိုတော့ မချယ်ရီဇာဟောင်း အနေနဲ့ ရွာတွေမှာ စတင် စည်းရုံးနေပြီလား။

ဖြေ။ ။ ကျမရဲ့ လုပ်ဖော်ကိုင်ဖက်တွေကတော့ ရွာတွေကို ဆင်းနေပြီ။ ပညာပေးမှုတွေ လုပ်နေတယ်။ ချင်းပြည်နယ်မှာက မဲဆွယ် မှုတွေ မလုပ်သေးခင် လူထုကို ပညာပေးရသေးတယ်။ လွှတ်တော်က ဘာလဲဆိုတာမသိ ခြားနားချက်လည်းမသိ ပါတီတွေက လွှတ် တော်ထဲကို ဘာကြောင့် ဒီလောက်ဝင်နေချင်တာလဲ ဆိုတာလည်း မသိဘူး။ ပြီးတော့ ဒီနိုင်ငံရဲ့ ဒီမိုကရေစီ ဖြစ်စဉ်မှာ ဘယ်သူတွေ ပါဝင်နေသလဲ။ ငြိမ်းချမ်းရေး ဖြစ်စဉ်မှာ ဘယ်သူတွေက အဓိက ကျနေလဲဆိုတာတွေလည်း ပြည်သူတွေ မသိဘူး။ ဒါကြောင့် ဇန်နဝါရီကနေ သြဂုတ်အထိ တောက်လျှောက်သင်တန်းတွေ ပေးရတယ်။

တချို့လူငယ်တွေက ရှက်ကြတော့ သူတို့အုပ်စုနဲ့ သူတို့လုပ်ပေးရတာလည်း ရှိတယ်။ လူရာကျော်ကို သင်တန်းပေးရတာလည်း ရှိတယ်။ စည်းရုံးရေး မဝင်ခင် အရင်ပညာပေးမှ သူတို့ကြိုက်တဲ့သူ၊ ပါတီကို ရွေးချယ်ပါစေ။ အဲဒီလို မဟုတ်ဘဲ အထူးသဖြင့် NLD ပြောတာဆိုရင် NLD ကပဲ ဒီမိုကရေစီရအောင် လုပ်နိုင်တယ် ဆိုတာမျိုးတွေ၊ ပြည်သူလူထုတွေက ဒီမိုကရေစီဆိုတာ တခြားနေရာ က နေလာမယ့် အရာတခုလိုလို၊ ကောင်းကင်က ကျလာမယ့် အရာလိုလို ထင်နေတာတွေ ရှိတယ်။ တကယ်တမ်းမှာ ဒီမိုကရေစီ ရှင် သန် ရေးမှာ အဲဒီလိုကိစ္စက အန္တရာယ် ကြီးတယ်။ ကျမက နိုင်ငံရေး တခုတည်းကိုပဲ ကိုယ်အနိုင်ရဖို့ ပြောနေတာ မဟုတ်ဘူး။

ကျမက ပြည်သူလူထုရဲ့ နိုင်ငံရေး အသိပညာ တိုးတက်ဖို့ပါ ပြောနေတာဆိုတော့ NLD ရဲ့ လုပ်ဆောင်မှုကို နည်းနည်းစိတ်ပူတယ်။ ပါတီကြီးတွေကလည်း သူ့ပါတီကို မဲမပေးရင် ဖွံ့ဖြိုးမှု စီမံကိန်းတွေ မရဘူးဆိုတာ တောင်ပေါ်မှာ အရမ်းများတော့ လူထုက အဲဒါကို ကြောက်နေကြတယ်။ သူတို့ရွာ ကျောင်းမဆောက်ရမှာ၊ ရွာတံတား မလုပ်ရမှာတွေ လူတွေက ကြောက်နေကြတယ်။ တကယ်တမ်း အဲဒီကိစ္စတွေ ဆိုတာက ဘယ်ပါတီမှလုပ်တာ မဟုတ်ဘူး။ တက်လာတဲ့ အစိုးရဟူသမျှက ပြည်သူလူထုအတွက် လုပ်ရမှာဖြစ်တော့ နိုင်ငံသား အခွင့်အရေးကို အစိုးရ လုပ်ပေးရတယ် ဆိုတာကို လူ့အခွင့်အရေး ရှုထောင့်ကနေ လူတွေက မသိကြဘူး။

စေတနာရှိလို့ လာပေးတယ် ဆိုတာမျိုးက သူတို့အခွင့်အရေးဆိုတာ မသိဘူး။ ကျမက အဲဒါကိုလည်း ပြောင်းအောင် လုပ်နေရတယ်။ မဲဆွယ်တာ တခုတည်း မဟုတ်ဘူး။ ဒီမိုကရေစီ ဖြစ်စဉ်မှာ ပြည်သူလူထုရဲ့ ပါဝင်မှုက ဘယ်လောက် အရေးပါတယ်ဆိုတာ တော် တော် လေးတော့ နားလည်လာပြီဆိုတော့ စကားတနေရာပြီး တနေရာ ပျံ့နှံ့လာပြီ။ ကျမဆို အခုအလုပ် အရမ်းများနေတယ်။ ရွာတရွာမှာ သင်တန်းပေးမယ်။ ချင်းတောင်သွားမယ် ဟောပြောပွဲတွေ လုပ်မယ်။ နေရာတိုင်းမှာ ကျမကို စောင့်နေကြတယ်။

မေး။ ။ ရွေးကောက်ပွဲမှာ ဝင်ပြိုင်ကြမယ့် အမျိုးသမီး ကိုယ်စားလှယ်လောင်းတွေ များလာတဲ့အပေါ်မှာရော ဘယ်လိုမှတ်ချက် ပြုချင်ပါလဲရှင့်။

ဖြေ။ ။ အမျိုးသမီး ပါဝင်မှုက ကိုယ်စားလှယ်လောင်းစာရင်းကို ကြည့်မယ်ဆိုရင် ပါတီတိုင်းမှာ ၂၀ ရာခိုင်နှုန်းလောက် ပါတယ်။ ကျမတို့ ပါတီမှာလည်း ၂၃ ရာခိုင်နှုန်းရှိတယ် ဆိုတော့ အခြေအနေက တဖြည်းဖြည်းနဲ့ တိုးတက်လာတယ်။ အဲဒါတခုတော့ ကောင်း တာပေါ့။ အမျိုးသမီး ပါဝင်မှု များလာတာတွေ့တော့ အားရတယ်။ တကယ်ပဲ ကိုယ်စားလှယ်လောင်း အကုန်လုံး လွှတ်တော်ထဲ ရောက်သွားရင်တော့ ကျမတို့ပြောနေတဲ့ လူဦးရေ ၅၁ သန်းမှာ ၂၆ သန်းကျော်က အမျိုးသမီးတွေ ဖြစ်တယ်။ အဲဒီအထဲမှာ အလုပ် လုပ် နိုင်တဲ့ လူဦးရေက ဘယ်နှသန်းရှိလဲဆိုတာ စနစ်တကျ မသိဘူး။ အမျိုးသမီးတွေ အလုပ်လုပ်နိုင်ပေမယ့် ဝင်ငွေရှိတဲ့ အမျိုးသမီးတွေက ၁၀ သန်းတောင် မရှိတော့ အလုပ်လုပ်နိုင်အောင် ဖန်တီးပေးရမယ်။ ဒါမှ စီးပွားရေးလှုပ်ရှားမှုတွေ တိုးလာမှာ။

နောက်ပြီးတော့ အမျိုးသမီး ဝန်ကြီးဌာန၊ အဲဒါကိုလည်း အမျိုးသမီးအင်အားတွေ စုလာရင် တဖြည်းဖြည်းနဲ့ လုပ်လာနိုင်မယ်လို့ ကျမ တို့မျှော်လင့်တယ်။ လူမှုရေးအသိုင်းအဝိုင်းထဲမှာလည်း ကလေးတွေ ပညာရေး၊ ကျန်းမာရေး စတာတွေကို စဉ်းစားရင် အမျိုးသမီး တွေ မပါဘဲ သွားနေတာက ခရီးမတွင်ဘူးပေါ့။ အမျိုးသားနဲ့ အမျိုးသမီး ဒွန်တွဲပြီးတော့ ရှုထောင့်အမျိုးမျိုးမှာ အတူတူသွားမှ ဖွံ့ဖြိုးရေး တွေ ဖြစ်လာမှာဆိုတော့ အမျိုးသမီးတွေကို လျစ်လျူရှုထားလို့ မရဘူး။ အမျိုးသမီးအရေးကို နောက်မှလုပ်မယ်ဆိုပြီး ထားလို့မရဘူး။ ဒွန်တွဲ လုပ်နေရမှာ။

မေး။ ။ မချယ်ရီဇာဟောင်းက ပြည်သူတွေအတွက် ဘယ်လိုအပြောင်းအလဲတွေကို လုပ်ပေးနိုင်မှာပါလဲ။

ဖြေ။ ။ ချင်းပြည်သူတွေအတွက် ချင်းပြည်နယ်မှာရှိတဲ့ လူမျိုးပေါင်းစုံအတွက် တိုးတက်ဖို့ရာ လုပ်ချင်တယ်။ ချင်းပြည်နယ်က ၇၃ ရာခိုင်နှုန်းအထိ ဆင်းရဲနွမ်းပါးမှု ဖြစ်နေတာ။ အဲဒီလို ဖြစ်နေတဲ့အချိန်မှာ တိုးတက်ဖွံ့ဖြိုးမှုကို အဓိကထားတယ်။ မူဝါဒ ပြောင်းလဲရေး အဓိကကတော့ ဖက်ဒရယ် ရရှိရေးပေါ့။ တက်လာတဲ့ အစိုးရက ဖယ်ဒရယ် ရရှိရေးအတွက်ဆိုတော့ မြင်လို့လဲ မရတဲ့ နိုင်ငံရေး အပြောင်းအလဲ တခုပေါ့။ မြင်လို့ရတဲ့ အပြောင်းအလဲကတော့ လမ်းပန်းဆက်သွယ်ရေး ကိစ္စတွေပေါ့။

ကျမတို့ပါတီက လေယာဉ်ကွင်းရဖို့ တွန်းလာခဲ့တာ ၅ နှစ်ထဲ ဝင်နေပြီ။ အခု ဘတ်ဂျက်က ကျတော့မယ်။ အဲဒီလို အဆင့်ထိ ရောက် နေပြီပေါ့လေ။ ဒါပေမယ့် ကန့်ကွက်တဲ့သူတွေလည်း ရှိနေတာပေါ့နော်။ ကျမတို့ကတော့ တောက်လျှောက် လုပ်နေတာပဲ။ တိုးတက် ဖွံ့ဖြိုးမှုပိုင်းတွေ ဆက်လုပ်သွားမယ်။ ချင်းပြည်နယ်မှာက လမ်းပန်းဆက်သွယ်ရေး၊ စီးပွားရေး၊ ဆက်သွယ်ရေး ကိစ္စတွေက အရမ်းနှောင့်နေးပြီး အများကြီး လုပ်စရာ ရှိသေးတယ်။

မေး။ ။ မချယ်ရီဇာဟောင်း အနေနဲ့ ဘာများဖြည့်စွက် ပြောချင်ပါသေးလဲ။

ဖြေ။ ။ တိုင်းရင်းသားတွေရဲ့ ခံစားချက်ကို တိုင်းရင်းသား ပါတီထဲက လူတွေက ပိုသိတယ်။ ချင်းပြည်နယ်မှာ လူတွေအခုလည်း ဒုက္ခရောက်နေတယ်။ ဘယ်သူတွေက ကိုယ့်မိသားစု အရေးလိုမျိုး လုပ်ပေးနေလဲဆိုတော့ ကိုယ့်မိသားစု ပါတီတွေပဲ။ အဲဒါဟာ ကိုယ့်ဆက်နွယ်မှုတွေ ရှိနေတဲ့နေရာတွေ ဖြစ်နေတယ်လေ။ အဲဒီလိုဆိုတော့ NLD တို့ USDP တို့ထက် ပိုပြီးတော့ ဆက်နွယ်မှု ရှိတယ်။ သူတို့လာပြိုင်တာ ကောင်းပါတယ်။ လာပြိုင်တယ် ဆိုတာက နိုင်ငံရေးအရ ဂုဏ်တခု လိုချင်လို့ လာပြိုင်တာ။ ကျမတို့ ဝင်ပြိုင် တယ် ဆိုတာက ကျမတို့အမျိုးသားရေးအတွက် ဝင်ပြိုင်တာ ဖြစ်တယ်ဆိုတော့ ပြည်မက ပါတီတွေနဲ့ ချင်းပါတီတွေရဲ့ ထူးခြားချက် ပေါ့။ လွှတ်တော်ထဲ ရောက်ရင်တော့ အလုပ်တွေ အများကြီး လုပ်လို့ရတာပေါ့။ ။

မဲဆန္ဒရှင်ပြည်သူတွေ ကိုယ်စားလှယ်လောင်းကို မှားပြီး ရွေးချယ်မိနိုင်

အနည်းဆုံးလုပ်ခလစာ သတ်မှတ်ပြီးနောက်ပိုင်း အခြေအနေအပေါ် သူတို့ပြောစကား

ဝါရင့်အားကစား ကလောင်ရှင် ခင်မောင်ထွေး (ပျဉ်းမနား) ကွယ်လွန်

ထွန်းထွန်း

မြန်မာနိုင်ငံ ဘောလုံးအဖွဲ့ချုပ် စည်းကမ်းထိန်းသိမ်းရေး ကော်မတီဥက္ကဋ္ဌ၊ ဝါရင့်အားကစား ကလောင်ရှင် တဦးဖြစ်သူ ဦးခင်မောင်ထွေး (ခင်မောင်ထွေး – ပျဉ်းမနား) သည် စက်တင်ဘာလ ၂၇ ရက်နေ့ မွန်းလွဲပိုင်းက SSC ဆေးရုံတွင် ကွယ်လွန်ခဲ့ပြီ ဖြစ်သည်။

လူကြီးရောဂါဖြင့် ရုတ်တရက် ကျန်းမားရေး အခြေအနေကြောင့် မွန်းလွဲ ၂ နာရီခွဲခန့်တွင် ဆေးရုံတက်ရောက် ကုသရင်း မွန်းလွဲ ၃ နာရီခွဲတွင် ကွယ်လွန်ခဲ့ခြင်းဖြစ်ကာ ကွယ်လွန်ချိန်တွင် အသက် ၈၅ နှစ်ရှိပြီဖြစ်ကြောင်း၊ ဇနီးဖြစ်သူ ဒေါ်ခင်မြရင်နှင့် သား ၄ ဦး၊သမီး ၂ ဦးတို့ ကျန်ရစ်ခဲ့ကြောင်း သိရသည်။

ဦးခင်မောင်ထွေးသည် မြန်မာ့ကားကစားလောက တိုးတက် မြင့်မားရေးအတွက် ပညာပေး စာပေများ ရေးသားခဲ့ သည့်အပြင် မြန်မာ့ ဘောလုံးလောကနှင့် ပတ်သက်၍ အမှန်ကို အမှန်အတိုင်း၊ အရှိကို အရှိအတိုင်း ပြောဆိုထောက်ပြ ဝေဖန်မှုများ ပြုလုပ်ခဲ့သူတဦးလည်း ဖြစ်သည်။

၎င်းကို မန္တလေးတိုင်းဒေသကြီး (လက်ရှိ နေပြည်တော်ကောင်စီ နယ်မြေအတွင်း) ပျဉ်းမနားမြို့၊ မင်္ဂလာရပ်၊ ဗိုလ်တောက်ထိန် လမ်းတွင် ၁၉၃၁ ခုနှစ်က မွေးဖွားခဲ့ပြီး ပျဉ်းမနားမြို့ ABM ကျောင်းတွင် ပညာသင်ကြားခဲ့သည်။

၁၉၅၂ ခုနှစ်တွင် ဒေါ်ခင်မြရင်နှင့် လက်ထပ်ခဲ့ပြီး သား ၅ ဦးနှင့် သမီး ၂ ဦးတို့ ရရှိခဲ့ကာ လက်ရှိတွင် သားတဦးမှာ ကွယ်လွန်ခဲ့ပြီ ဖြစ်သည်။

အိမ်ထောင်ကျပြီးနောက် ၁၉၆၄ ခုနှစ်ဝန်းကျင်တွင် ရန်ကုန်မြို့သို့ မိသားစုဖြင့် စတင်ပြောင်းရွှေ့နေထိုင်ခဲ့ပြီး ရန်ကုန် ပညာရေးတက္ကသိုလ်တွင် အားကစားမှူး အဖြစ် တာဝန်ထမ်းဆောင် ခဲ့သည်။

ယင်းသို့ တာဝန်ထမ်းဆောင်ခဲ့စဉ် အားကစားနှင့် ပတ်သက်သည့် ဆောင်းပါတချို့ကို စတင်ရေးသားခဲ့ပြီး “အားကစားအစ ဘေဘီလုံက” အမည်ရှိ ဆောင်းပါးဖြင့် အားကစား စာပေလောကထဲသို့ ဝင်ရောက်လာခဲ့သူ ဖြစ်သည်။

ထို့အပြင် အားကစား ဆောင်းပါရှင်တဦးအဖြစ် ရေးသားကာ ဂျာနယ်၊ မဂ္ဂဇင်းများသို့ ပေးပို့နေရာမှတဆင့် ဗိုလ်တထောင် သတင်းစာတိုက်တွင် အားကစား သတင်းထောက်တဦးအဖြစ် စတင်ဝင်ရောက်၍ အယ်ဒီတာ တဦးဖြစ်သည်အထိ တာဝန်ထမ်းဆောင်ခဲ့သည်။

အယ်ဒီတာအဖြစ် ဆောင်ရွက်ရင်း အားကစားဝတ္ထုများလည်း ရေးသားခဲ့ပြီး မြ၀တီတွင် ခင်မောင်ထွေး (ပျဉ်းမနား) ရေးသားခဲ့သည့် “မိုးတိမ်သို့နှယ်” ဝတ္ထုကို ဇာတ်ညွန်းအဖြစ် ပြန်လည်ရေးသားပြီး အသံလွှင့်ဇာတ်လမ်းအဖြစ် လွှင့်ခဲ့ကြောင်းလည်း ဇာတ်ညွန်းရေးသားပေးခဲ့သူ ဦးဝင်းအောင်ကြီး (မောင်အောင်မွန်) က ၎င်း၏ Facebook စာမျက်တွင် ရေးသားထားသည်။

ထို့အပြင် ၎င်းတို့ နှစ်ဦးတွဲ၍ “အားကစားသမားမှာလည်း နှလုံးသားနှင့်” အမည်ရှိ စာအုပ် ထုတ်ဝေခဲ့ဖူးကြောင်း လုပ်ဖော်ကိုင်ဘက် တဦးလည်းဖြစ်ခဲ့သူ ဦးဝင်းအောင်ကြီးက ရေးသားထားသည်။

ဗိုလ်တထောင် သတင်းစာတိုက်တွင် အယ်ဒီတာတာဝန် ဆက်လက် ထမ်းဆောင်ရင်းပင် ၁၉၇၇ ခုနှစ်ဝန်းကျင်တွင် သတင်းစာတိုက်မှ ထုတ်ပယ်ခြင်းခံခဲ့ရကြောင်း သိရသည်။

ယင်းနောက်ပိုင်းတွင် အားကစားနှင့် ပတ်သက်သည့် ဆောင်းပါးများကို အား/ကာ စာစောင်၊ ဇွဲသတ္တိဂျာနယ်၊ ခွန်အားဂျာနယ်၊ အင်အားဂျာနယ်၊ တက်လမ်းဂျာနယ်၊ First Eleven ဂျာနယ် အစရှိသည့် အားကစားဂျာနယ်များတွင် အားကစားကလောင်ရှင်အဖြစ် ရေးသားခဲ့သည်။

၎င်းအနေဖြင့် အားကစားအကြောင်းအရာ တခုတည်းသာမက နိုင်ငံရေး အတွေးအမြင် ဆောင်းပါးများကိုလည်း ဂျာနယ်၊ မဂ္ဂဇင်းတချို့တွင် ရေးသားခဲ့သည်။

ယင်းနောက် ၂၀၀၉ ခုနှစ်တွင် ပရော်ဖက်ရှင်နယ် စနစ်ကို ကူးပြောင်း ကျင်းပခဲ့သည့် မြန်မာနေရှင်နယ်လိဂ် ဘောလုံး ပြိုင်ပွဲတွင် စည်းကမ်း ထိန်းသိမ်းရေး ကော်မတီဥက္ကဋ္ဌအဖြစ် ကွယ်လွန်ချိန်အထိ တာဝန်ယူဆောင်ရွက်ခဲ့သည်။

မြန်မာနိုင်ငံ အားကစား ကလောင်ရှင်များ အဖွဲ့ချုပ်တွင်လည်း နာယကတဦး အဖြစ် တာဝန်ယူ ဆောင်ရွက်ခဲ့ပြီး ၎င်းကွယ်လွန်သည်အထိ အားကစားလောက တိုးတက်ရေးအတွက် ဝေဖန်သုံးသပ်ချက် ဆောင်းပါးများကို တလျှောက်လုံး ရေးသားခဲ့သူဖြစ်သည်။

၎င်း၏ နောက်ဆုံးရေးသားခဲ့သည့် ဆောင်းပါးမှာ အားကစားမြင်ကွင်း ဂျာနယ်တွင် ဖော်ပြခဲ့သည့် “ မြန်မာ အမျိုးသမီး ဘောလုံး အဆင့်အတန်း တိုးတက်ရေး” အမည်ဖြင့် ဆောင်းပါးဖြစ်ပြီး လတ်တလော ဖြစ်ပျက်နေသည့် မြန်မာ့ အမျိုးသမီး ဘောလုံးလောကကို ထောက်ပြ ဝေဖန် ရေးသားခဲ့ခြင်း ဖြစ်သည်။

ဧရာဝတီသတင်းဌာန၏ ဂျာနယ်၊ မဂ္ဂဇင်းတို့တွင်လည်း အားကစားကဏ္ဍ ဝေဖန်သုံးသပ်ရေး ဆောင်ပါးများကို ၂၀၁၁ ခုနှစ်ခန့်က စတင်ကာရေးသားခဲ့ပြီး ဧရာဝတီဂျာနယ်တွင် ၎င်းမကွယ်လွန်မီ “မြန်မာ့ အားကစား ပြန်ခေါင်းထောင်ပါဦးမလား” ဆောင်းပါးကို ရေးသားခဲ့သည်။

ဦးခင်မောင်ထွေး၏ ဈာပနကို စက်တင်ဘာ ၂၉ ရက်နေ့နံနက် ၉ နာရီတွင် ရေဝေးသုဿန်သို့ ပို့ဆောင် မီးသဂြ င်္ိင်္ိုဟ်မည် ဖြစ်ပြီး အောက်တိုဘာလ ၃ ရက်နေ့ (စနေနေ့) တွင် ရန်ကင်းမြို့နယ်ရှိ ၎င်းနေအိမ်၌ ရက်လည်ဆွမ်းသွတ် တရားနာ အခမ်းအနား ပြုလုပ်မည် ဖြစ်သည်။

လူရွှင်တော်တွေ မဲပေးမှာ ဘယ်သူ့ကိုလဲ

အင်န်စီအေတွင် အားလုံးပါဝင်မှ လက်မှတ်ရေးထုိုးရန်နှင့် အလောတကြီး မရေးထုိုးရန် ဟူသော သဘောထားများ ထိပ်သီး အစည်းအဝေးတွင် ပိုများနေဟု ဆို

ဖန်ိဒါ

တစ်နုိုင်ငံလုံး အပစ်အခတ် ရပ်စဲရေး စာချုပ်မူကြမ်း(NCA) အပြီးသတ် ဆွေးနွေး ဆုံးဖြတ်ရန် တုိုင်းရင်းသား လက်နက်ကုိုင် အဖွဲ့အစည်းများ၏ ထိပ်သီး အစည်းအဝေးကုို ထုိုင်းနိုင်ငံ ချင်းမုိုင်မြို့ရှိ The Park ဟုိုတယ်တွင် စက်တင်ဘာလ ၂၈ ရက်က ကျင်းပသည်။

ထိပ်သီးအစည်းအဝေးသို့ တုိုင်းရင်းသား လက်နက်ကုိုင် တော်လှန်ရေး အဖွဲ့အစည်းပေါင်း ၁၈ ဖွဲ့မှ ကုိုယ်စားလှယ်များ စုစုပေါင်း ၁၀၀ ကျော် တက်ရောက်သည်။ ပထမနေ့ ထိပ်သီးအစည်းအဝေးတွင် ကချင်လွတ်လပ်ရေးအဖွဲ့ (KIO)မှ ဒုဥက္ကဋ္ဌ ဗုိုလ်ချုပ် အင်ဘန်လက သဘာပတိ ခေါင်းဆောင်နှင့် PNLO မှ ဦးခွန်မြင့်ထွန်းနှင့် ALP မှ ဦးခုိုင်စုိုးနုိုင်အောင် တို့က အရန်သဘာပတိများ ပြုလုပ်ခဲ့သည်။

ပြီးခဲ့သည့် စက်တင်ဘာ ၉ ရက်က တုိုင်းရင်းသား လက်နက်ကုိုင် အဖွဲ့အစည်း ခေါင်းဆောင် များ သမ္မတနှင့် တွေ့ဆုံညှိနှိုင်းခဲ့သော ရလဒ်များကုို စက်တင်ဘာလ ၂၈ ရက် အစည်းအဝေး ပထမနေ့ တွင် အစီရင်ခံသည်။

တစ်နုိုင်ငံလုံး အပစ်အခတ် ရပ်စဲရေး စာချုပ်မူကြမ်း(NCA)တွင် အားလုံးပါဝင်မှ လက်မှတ်ရေး ထုိုးရန်နှင့် အလောတကြီး လက်မှတ်ရေးထုိုးခြင်း မလုပ်ရန်ဟူသော သဘောထားများ ထိပ်သီး အစည်းအဝေး တွင်တင်ပြသည့် အဖွဲ့အစည်းများ ပုိုမုို များပြားနေသည်ဟု သိရသည်။

စက်တင်ဘာလ ၂၈ ရက် ပထမနေ့ ထိပ်သီး အစည်းအဝေးတွင် NCA လက်မှတ်ရေးထုိုးရေး၊ မထုိုးရေးနှင့် ပတ်သက်၍ တစ်ဖွဲ့ချင်းစီ၏ သဘောထားများ တင်ပြခဲ့ရာ အားလုံး ပါဝင်၍ အချိန်တစ်ခု စောင့်ရန် ဟူသော သဘောထားများကိုသာ အများစုက တင်ပြခဲ့ခြင်း ဖြစ်သည်။

“ပြောရမယ်ဆုိုရင် အားလုံး လက်မှတ်ရေးထုိုးရေးကုိုပဲ တင်ပြကြတာ ဖြစ်ပါတယ်။ လက်မှတ် မရေးထုိုးဘူးဆုိုတဲ့ တစ်ဖွဲ့မှ မရှိပါဘူး။ ဒါပေမဲ့လုို့ အချိန်က ချက်ချင်းလက်မှတ်ထုိုးဖုို့ တင်ပြတဲ့အဖွဲ့တွေ ရှိသလို အချိန်ကုို ကြည့်ပြီး ထုိုးဖုို့ လုိုတယ်။ အချိန်တခုခုတော့ စောင့်ဖို့ လုိုတယ်။ ပြည်သူလူထုထဲမှာ လဲ ချပြဖုို့လုိုသလို၊ အဖွဲ့အစည်း အသီးသီးအတွင်းမှာလဲ ချပြဖုို့ လိုတဲ့အတွက် အောက်တုိုဘာလ လယ်လောက် မှာတော့ ထုိုးဖုို့ မဖြစ်သေးဘူးဆုိုတဲ့ အဖွဲ့တွေလည်း ရှိပါတယ်” ဟု အဆင့်မြင့် ညှိနှိုင်း ရေး ကုိုယ်စားလှယ်အဖွဲ့ ခေါင်းဆောင် ပူးဇင်ကျုံးက ပြောသည်။

Bi-lateral ပဏာမ အပစ်အခတ် ရပ်စဲရေးနှင့် နုိုင်ငံရေး ဆွေးနွေးပွဲတွင် ပါဝင်နုိုင်သော်လည်း ကျန်သည့် ရက္ခိုင့်တပ်မတော် (AA) နှင့် မြန်မာနုိုင်ငံ အမျိုးသား ဒီမုိုကရက်တစ်မဟာမိတ် တပ်မတော် (MNDAA) ကုိုးကန့်အဖွဲ့ကုို အာမခံချက်မရှိဘဲ ချန်ထား၍ မရဘဲ အားလုံး ပါဝင်ရေးကုိုသာ စွဲကုိုင်ထား သူများလည်း ရှိနေသည်ဟု ၎င်းက ပြောသည်။

“ဒီကနေ့ ၆ ဖွဲ့ထဲမှာ ၄ ဖွဲ့က ဘုိုင်လက်ထရယ်၊ နုိုင်ငံရေးဆွေးနွေးပွဲမှာ ပါမယ်ဆုိုတဲ့ ဟာတော့ ရပေမဲ့ AA နဲ့ MNDAA ကိစ္စတော့ အာမခံချက်တွေ မရှိဘဲနဲ့ အဲဒီအခြေအနေအောက်မှာ ထားခဲ့လုို့ မဖြစ်ဘူး။ အားလုံး ပါဝင်ရေးကုိုပဲ စဉ်းစားဖုို့ လုိုတယ်ဆုိုတဲ့ အဖွဲ့တွေလည်း ရှိပါတယ်” ဟု ပူးဇင်ကျုံး က ပြောသည်။

အစုိုးရဘက်မှ တင်ပြလာသည့် လာမည့် အောက်တုိုဘာလဆန်းနှင့် အောက်တုိုဘာလလယ် ထိ လက်မှတ်ရေးထုိုးမည် ဟူသော အဖွဲ့အစည်းများလည်း ရှိနေသော်လည်း အနည်းစုသာ သဘောထားပေး ခဲ့သည်ဟု ၎င်းက ဆုိုသည်။

စက်တင်ဘာလ ၂၉ ရက်တွင် တစ်ဖွဲ့ချင်းစီ တင်ပြလာသည့် သဘောထားများ အပေါ် လက်မှတ် ရေးထုိုးရန်၊ မထုိုးရေးကုို ညှိနှိုင်းဆွေးနွေး၍ တစ်စုံတစ်ရာ ဆုံးဖြတ်ချက်မည် ဖြစ်ကြောင်း ၎င်းက ပြောသည်။
မနက်ပုိုင်းတွင် စက်တင်ဘာလ ၉ ရက်က တုိုင်းရင်းသား လက်နက်ကုိုင် ခေါင်းဆောင်များ သမ္မတနှင့် တွေ့ဆုံ ညှိနှိုင်းခဲ့သော ရလဒ်များကုို အစီရင်ခံစာ တင်ပြခဲ့ပြီး ၎င်းအစီရင်ခံစာ အပေါ် ပြန်လည် သုံးသပ် ဆွေးနွေးခဲ့ခြင်း ဖြစ်သည်။

မနက်ဖြန် ညနေပုိုင်းတွင် နုိုင်ငံရေးဆွေးနွေးရေး ဆုိုင်ရာမူဘောင် ဆွေးနွေးကြမည် ဖြစ်ပြီး စက်တင်ဘာလ ၃၀ ရက် တတိယနေ့ အစည်းအဝေးတွင် SD နှင့် NCCT အဖွဲ့တုို့၏ အခန်းကဏ္ဍ မည်သုို့ ဆက်လက် ရပ်တည်မည်ဆုိုသော အချက်များနှင့် ရှေ့လုပ်ငန်းစဉ်များ ချမှတ်ရေး ညှိနှိုင်း သွားမည် ဖြစ်ကြောင်း သိရသည်။

သဘာပတိ တာဝန်ပေးမှုကုို တာဝန် မယူနုိုင်တော့ကြောင်း၊ လက်မှတ်ထုိုးရေး၊ မထုိုးရေး အကြောင်းအရာသည် ပြတ်ပြတ်သားသား ဆွေးနွေးရန် အဓိက လုိုအပ်ချက်ဖြစ်ပြီး လက်မှတ်ထုိုးမည့် အဖွဲ့နှင့် မထုိုးမည့် အဖွဲ့များအကြား အချိတ်အဆက် လုပ်ထားရန် အမှန်တကယ် လုိုအပ်ချက် ဖြစ်နေ ပြီး အရေးကြီးသည်ဟု ယူဆကာ NCA လက်မှတ်ထုိုးမည့် အဖွဲ့များ စုပေါင်းပြီး ကြိုတင် တုိုင်ပင် ပြင်ဆင်ရန် အဆောတလျှင် လိုိုအပ်သကဲ့သုို့ မထိုးမည့်အဖွဲ့များ စုပေါင်း ပြင်ဆင်ရန်လည်း လုိုအပ် ကြောင်း၊ NCCT နှင့် SD တုို့၏ အခန်းကဏ္ဍများသည် ထိပ်သီး အစည်းအဝေးတွင် ပြီးဆုံးပြီဟု ယူဆကြောင်း၊ NCA နှင့် ပတ်သက်၍လည်း ယခု ထိပ်သီးအစည်းအဝေးသည် နောက်ဆုံးအကြိမ် ဖြစ်မည်ဟု ယူဆကြောင်း KNU မှ ဗုိုလ်မှူး ရော်ဂျာခင် က တင်ပြကာ ရှေ့လုပ်ငန်းစဉ်များ ဆွေးနွေးရန် အချက်အပါအဝင် အချက် ၁၂ ချက်ကုို အစည်းအဝေး မစတင်မီ KNU ၏ သဘောထားအဖြစ် တင်ပြသည်။

ထုို့ပြင် တတိယနေ့ ထိပ်သီးအစည်းအဝေးတွင် သဘာပတိအဖြစ် တာဝန်ပေးထားသော KNU က လက်မခံကြောင်း၊ ယခု ကျင်းပနေသည့် ထိပ်သီး အစည်းအဝေးတွင် ကေအန်ယူက သဘာပတိ တာဝန်ကုို ယူမည် မဟုတ်ကြောင်း ဥက္ကဋ္ဌ ဗုိုလ်ချုပ် မူတူးစေးဖိုးကုိုယ်တုိုင် အစည်းအဝေး ခန်းတွင် ပြောသည်။

တုိုင်းရင်းသား လက်နက်ကုိုင် တော်လှန်ရေး အဖွဲ့အစည်း ၁၈ ဖွဲ့မှ ကုိုယ်စားလှယ်များ စုစု ပေါင်း ၁၀၀ ကျော် တက်ရောက်နေပြီး ထုိုအထဲတွင် ရှမ်းပြည်ပြန်လည် ထူထောင်ရေးကောင်စီ (RCSS/SSA)နှင့် အမျုိုးသား ဒီမုိုကရက်တစ် မဟာမိတ်တပ်ပေါင်းစု (NDAA) မုိုင်းလား အဖွဲ့တုို့က လေ့လာသူအဖြစ် တက်ရောက်နေသည်။

NCA နှင့် ပတ်သက်သည့် လုပ်ငန်းစဉ်များ ဆွေးနွေးညှိနှိုင်းမည် ဖြစ်ပြီး လက်ရှိ တုိုင်းရင်းသား နယ်မြေ အသီးသီးအတွင်း စစ်ရေး၊ နုိုင်ငံရေးဖြစ်ပေါ်မှုများကုို အကျေအလည် ဆွေးနွေးမည် ဖြစ်ကြောင်း တစ်နုိုင်ငံလုံး အပစ်အခတ် ရပ်စဲရေး အကောင်အထည် ဖော်နုိုင်ရန်နှင့် စစ်မှန်သည့် ငြိမ်းချမ်းရေးကုို တည်ဆောက်နုိုင်မည့် ဆုံးဖြတ်ချက်များ ချမှတ်သွားမည် ဖြစ်ကြောင်း စက်တင်ဘာလ ၂၈ ရက်က အစည်းအဝေး ထုတ်ပြန်ချက်တွင် ဖော်ပြထားသည်။

တုိုင်းရင်းသား လက်နက်ကုိုင် အဖွဲ့အစည်းများ၏ ထိပ်သီး အစည်းအဝေးကုို ထုိုင်းနိုင်ငံ ချင်းမုိုင်မြို့ရှိ The Park ဟုိုတယ်တွင် ကျင်းပနေပြီး စက်တင်ဘာလ ၂၈ ရက်မှ ၃၀ ရက်ထိ သုံးရက်ကြာ ကျင်းပမည် ဖြစ်သည်။

ဟင်္သာတမြို့နယ်က မဲစာရင်း မှားယွင်းမှု အများဆုံးလို့ ပြော

ကချင် စစ်ရှောင်ဒုက္ခသည် ထပ်တိုး၊ စားနပ်ရိက္ခာ အခက်အခဲရှိ

နန်းလွင်နှင်းပွင့်

အစိုးရ တပ်မတော်နှင့် ကချင် လွတ်လပ်ရေး တပ်မတော်(KIA)တို့ကြား တိုက်ပွဲဖြစ်ပွားနေသည့် ကချင်ပြည်နယ် ဗန်းမော်ခရိုင် မန်စီမြို့နယ် မိုင်းခေါင်ကျေးရွာတွင် စစ်ရှောင် ဒုက္ခသည် ၁၄၀ ကျော် ထပ်မံတိုးလာပြီး စားနပ်ရိက္ခာ အခက်အခဲလည်း ရှိကြောင်း သတင်း ရရှိသည်။

ယခုရက်ပိုင်း အတွင်း ထပ်တိုးလာသည့် ထိုဒုက္ခသည် ၁၄၀ ကျော်သည် မိုင်းခေါင်ကျေးရွာအုပ်စု အတွင်းရှိ ခါနမ်ရပ်ကွက်မှ ဖြစ်ပြီး တိုက်ပွဲ ဖြစ်ပွားချိန် တွင် တပ်မတော် စစ်ကြောင်းများက ခါနမ်ရပ်ကွက်အနီး တပ်နေရာများ ချထားသဖြင့် ဒေသခံများ ကြောက် လန့်၍ ထွက်ပြေး တိမ်းရှောင်နေရခြင်း ဖြစ်သည်ဟု မိုင်းခေါင် စစ်ရှောင်စခန်းမှ တာဝန်ခံ ဦးနော်မိုင်က ဧရာဝတီသို့ ပြောသည်။

ဦးနော်မိုင်က“ခါနမ်မှာ ပစ်ခတ်တာ မရှိသေးပေမယ့် ပြင်နေတဲ့ အနေအထားရှိတယ်။ ကျနော်တို့က တပ်မတော်ဘက်ကို ဒေသခံ တွေကို ပြန်နေမယ်ပြောတော့ သူတို့က လုံခြုံရေး တာဝန်မယူဘူး ပြောတယ်။ ညှိမရဘူး။ ခါနမ်က လူတွေက အခုနေစရာ နေရာ မရှိ ဘူး။ ကျနော်တို့ စခန်းမှာလည်း ခေါ်မထားနိုင်သေးဘူး”ဟု ပြောပြသည်။

လက်ရှိတွင် ထပ်တိုးလာသည့် ဒုက္ခသည် ၁၄၀ကျော်အတွက် နေထိုင်စရာ နေရာမရှိသေးသဖြင့် ဆွေမျိုးရှိသူများက ဆွေမျိုးအိမ်များတွင် နေထိုင်နေကြပြီး တချို့က လမ်းမဘေးများတွင် ယာယီတဲများ ဆောက်လုပ်၍ နေထိုင်နေကြသည်ဟု သိရသည်။

အဆိုပါ ဒုက္ခသည်များသည် မိုင်းခေါင် စစ်ရှောင်စခန်းတွင် ၎င်းတို့ကို နေထိုင်ခွင့်ပြုရန် စခန်းတာဝန်ခံများကို လာရောက် ပြောဆို နေသော်လည်း စခန်းတွင် စားနပ်ရိက္ခာ မလုံလောက်တော့သဖြင့် ခေါ်ထားရန် အခက်အခဲ ဖြစ်နေသည်ဟု ဦးနော်မိုင်က ပြောသည်။

“နေဖို့လည်း နေရာ အခက်အခဲ ရှိနေတယ်။ အခု ရှိနေတဲ့ ဒုက္ခသည်အားလုံးအတွက် ကျနော်တို့မှာ နောက်လ၀က်အထိပဲ ရိက္ခာ ရှိတော့မယ်၊ ခါနမ်ကလူတွေ ရောက်လာရင် သူတို့အတွက်ရှိမှာ မဟုတ်ဘူး”ဟုလည်း ဦးနော်မိုင်က ပြောဆိုသည်။

မိုင်းခေါင် စစ်ရှောင်စခန်းသည် နှစ်ခြင်းဘုရားကျောင်းဝင်းတခုတွင် ဖွင့်လှစ်ထားခြင်းဖြစ်ပြီး ၂၀၁၁ ခုနှစ်ကတည်းက စစ်ရှောင် ဒုက္ခသည် ၁၁၀၀ ကျော်ကို ခိုလှုံခွင့်ပေးထားသည့်အပြင် စက်တင်ဘာလ ၂၀ ရက်တွင် စစ်ရှောင်ဒုက္ခသည် ၂၀၀ ကျော် ထပ်မံ ရောက် ရှိ လာသဖြင့် နေရာထိုင်ခင်းနှင့် စားနပ်ရိက္ခာ မလုံမလောက် ဖြစ်နေရသည်ဟု ဆိုသည်။

မိုင်းခေါင် စစ်ရှောင်စခန်းမှ စားနပ်ရိက္ခာများကို ကုလသမဂ္ဂအဖွဲ့(UN)၊ နိုင်ငံတကာ အဖွဲ့အစည်းများမှ ရယူကာ ဗန်းမော်၊ ကချင် နှစ်ခြင်း အသင်းတော်နှင့် ဇင်လွန်း(Zinlum) ကချင် လူမှုကယ်ဆယ်ရေးအဖွဲ့တို့က တဆင့် အဓိက ထောက်ပံပေးနေခြင်း ဖြစ်သည် ဟု သိရသည်။

ဇင်လွန်းအဖွဲ့မှ ပြောရေးဆိုခွင့်ရှိသူ ဦးနန်းဇိမ်လဂျာ ကလည်း“ကျနော်တို့ အကူအညီတွေ လိုက်တောင်းနေပါတယ်။ အခု ရောက် လာမယ့် စစ်ရှောင်တွေအတွက် နေစရာ မရှိဘူး။ စားစရာ မရှိဘူး။ လောလောဆယ် စိုးရိမ်နေရတာအပြင် ကျနော်တို့ ဘာ အစီ အစဉ်မှ မလုပ် ရသေးပါဘူး။ စားနပ်ရိက္ခာအတွက် ချက်ချင်းလိုတယ်ဆို ချက်ချင်းမရဘူး။ စိစစ်တာတွေ ရှိတယ်။ အချက်အလက် တွေ တင်ပြရ တယ်။ ဒီတော့ လုပ်ငန်းအဆင့်ဆင့်အရ ရမယ်ဆိုတောင် တလကျော်မှ ရမှာပါ”ဟု ပြောဆိုသည်။

ကချင်ပြည်နယ်တွင် ၂၀၁၁ ခုနှစ်မှ စ၍ တပ်မတော်နှင့် KIA တို့အကြား တိုက်ပွဲများ ဆက်တိုက်ဖြစ်ပွားနေပြီး စစ်ရှောင် ဒုက္ခသည် တသိန်းခွဲ ခန့် ရှိကြောင်း သိရသည်။

ယာဉ်ထိန်းရဲတွေ လက်ကိုင်ကျဉ်စက် စတင်အသုံးပြုခွင့်ပေး

အင်န်စီအေလုပ်ငန်းစဉ် အပြီးသတ် ဆွေးနွေးဆုံးဖြတ်ရန် တုိုင်းရင်းသား လက်နက်ကုိုင်များ၏ ထိပ်သီး အစည်းအဝေး ကျင်းပ

ဖန်ိဒါ

တစ်နုိုင်ငံလုံး အပစ်အခတ် ရပ်စဲရေး စာချုပ်မူကြမ်း(NCA) အပြီးသတ် ဆွေးနွေး ဆုံးဖြတ်ရန် တုိုင်းရင်းသား လက်နက်ကုိုင် အဖွဲ့အစည်းများ၏ ထိပ်သီး အစည်းအဝေးကုို ထုိုင်းနိုင်ငံ ချင်းမုိုင်မြို့ရှိ The Park ဟုိုတယ်တွင် ကျင်းပနေပြီ ဖြစ်သည်။

တုိုင်းရင်းသား လက်နက်ကုိုင် တော်လှန်ရေး အဖွဲ့အစည်းပေါင်း ၁၈ ဖွဲ့မှ ကုိုယ်စားလှယ်များ စုစုပေါင်း ၁၀၀ ကျော် တက်ရောက်လျက်ရှိသည်။ အစည်းအဝေး ပထမနေ့တွင် သဘာပတိအဖြစ် ကချင်လွတ်လပ်ရေးအဖွဲ့ (KIO)မှ ဒုဥက္ကဋ္ဌ ဗုိုလ်ချုပ် အင်ဘန်လ၊ PNLO မှ ဦးခွန်မြင့်ထွန်းနှင့် ALP မှ ခုိုင်စုိုးနုိုင်အောင်တို့က ဆောင်ရွက်သည်။

ပြီးခဲ့သည့် စက်တင်ဘာလ ၉ ရက်က တုိုင်းရင်းသား လက်နက်ကုိုင် အဖွဲ့အစည်း ခေါင်းဆောင်များက သမ္မတနှင့် တွေ့ဆုံညှိနှိုင်းခဲ့သော ရလဒ်များကုို စက်တင်ဘာလ ၂၈ ရက် အစည်းအဝေး ပထမနေ့တွင် အစီရင်ခံ မည်ဖြစ်ကြောင်း သိရသည်။

ထုို့ပြင် NCA နှင့် ပတ်သက်သည့် လုပ်ငန်းစဉ်များဆွေးနွေးညှိနှိုင်းမည်ဖြစ်ပြီး လက်ရှိ တုိုင်းရင်းသား နယ်မြေ အသီးသီးအတွင်း စစ်ရေး၊ နုိုင်ငံရေး ဖြစ်ပေါ်မှုများကုို အကျေအလည်ဆွေးနွေး မည်ဖြစ်ကြောင်း ယနေ့ အစည်းအဝေး ထုတ်ပြန်ချက်တွင် ဖော်ပြထားသည်။

တုိုင်းရင်းသား လက်နက်ကုိုင် တစ်ဖွဲ့ချင်း၏ သဘောထားများ ရယူ၍ တစ်နုိုင်ငံလုံး အပစ်အခတ် ရပ်စဲရေး အကောင်အထည် ဖော်နုိုင်ရန်နှင့် စစ်မှန်သည့် ငြိမ်းချမ်းရေးကုို တည်ဆောက်နုိုင်မည့် ဆုံးဖြတ်ချက် များချမှတ် သွားနိုင်ရန် ဆွေးနွေးညှိနှိုင်းကြမည် ဖြစ်ကြောင်း ဖော်ပြထားသည်။

ပုဂံမြို့က မနူဟာဘုရား အရုပ်သွန်းပွဲတော်

ဒေါသကြီးသော မြစ်

ဧရာဝတီ

၂၀၁၅ခုနှစ် ဧပြီလတွင် နျူမြစ် (သို့) သံလွင်မြစ် အောက်ဘက်ပိုင်းသို့ ဓာတ်ပုံဆရာ ပက်ထရစ် ဘရောင်း ပြန်လည် ရောက်ရှိ လာခဲ့ပါသည်။

အာရှတိုက်၏ အကြီးဆုံး မြစ်များအနက် တခုအပါအဝင်ဖြစ်သော သံလွင်မြစ်သည် ကရင်ပြည်နယ်၏ မြို့တော် ဘားအံကို ဖြတ်သန်းသည့် အခါတွင်တော့ တည်ငြိမ် အေးချမ်းစွာ စီးဆင်းလျှက် ရှိသည်။ ၁၇၅၀ မိုင်ရှည်လျားသော သံလွင်မြစ်သည် တရုတ်နိုင်ငံ တိဘက် ကုန်းမြင့်ဒေသမှ စတင်စီးဆင်းလာခဲ့ပြီး မြန်မာနိုင်ငံ မွန်ပြည်နယ် အနီးတွင် ကပ္ပလီ ပင်လယ်ပြင်သို့ စီးဝင် အဆုံးသတ်သွားပါသည်။

အဆိုပါမြစ်၏ ထင်ရှားသည့် ခရီးစဉ် စတင်ခဲ့သည့် တရုတ်နိုင်ငံတွင် နျူမြစ် (သို့) ဒေါသကြီးသော မြစ်ဟု ခေါ်ကြသည်။ အမြင့်ပေ ၁၀၀၀၀ ရှိသော တောင်ပေါ်မှ ကျဉ်းမြောင်းသည့် လျှိုများကို ဖြတ်ကာ စီးဆင်းရသည့် နေရာများ ရှိသောကြောင့် နျူမြစ်သည် မကြာခဏ ကြမ်းတမ်းပြီး ကြောက်စရာ ကောင်းလေ့ ရှိပါသည်။

“ရင်ဆိုင်ကြုံတွေ့ ခဲ့ရတာကို ပြောရမယ် ဆိုရင်တော့ ဒီ ဒေါသကြီးတဲ့မြစ် (နျူမြစ်) ရဲ့ ရိုင်းစိုင်းကြမ်းတမ်းမှုကို ဧရာမ လှိုင်းလုံးကြီးတွေ၊ အလွန်နက်ရှိုင်းတဲ့ တွင်းနက်ရှိတွေ ရှိတယ် ဆိုရုံနဲ့ ဖော်ပြလို့ မလုံလောက်နိုင်ဘူး” ဟု ၁၉၉၆ ခုနှစ်က တရုတ် နိုင်ငံ ယူနန်ပြည်နယ် အတွင်း နျူမြစ် တလျောက်ရှိ Gongshan မြို့မှ အောက်ဘက် Fugong မြို့အထိ စုစုပေါင်း မိုင် ၈၀ ခန့် လှော်ခတ် ခရီးနှင်ခဲ့သည့် အမေရိကန် အပျော်ဖောင်စီး အသင်းမှ အဖွဲ့ဝင်တယောက်က ရေးသားခဲ့သည်။

နျူမြစ်သည် လီဆူး၊ နျူ၊ ဘိုင် နှင့် တခြားတိုင်းရင်းသားများ နေထိုင်ကြရာ နယ်မြေများကို ဖြတ်စီးခဲ့သည်။ တရုတ်နိုင်ငံရှိ ကမ္ဘာ့ အမွေအနှစ် စာရင်းဝင် တခုဖြစ်သော ယူနန် မြစ်သုံးသွယ် ကာကွယ်ရေး ဧရိယာတွင် ယန်ဇီ (Yangtze) မြစ်၏ အထက်ပိုင်းနှင့် Lancang (မဲခေါင်) မြစ်တို့နှင့် နီးကပ်စွာ စီးဆင်းခဲ့ပြီး ထင်ရှားသည့် ဇီဝ အမျိုးအစားများနှင့် ရှုချင်စဖွယ် ကောင်းသည့် တောတောင်ရေမြေ သဘာဝ ပတ်ဝန်းကျင်များ ရှိသည့်နေရာလည်း ဖြစ်သည်။

နျူမြစ်သည် မြန်မာနိုင်ငံ အရှေ့မြောက်အရပ် ရှမ်းပြည်နယ်တွင်းသို့ သံလွင်မြစ်အဖြစ် စတင်ဝင်ရောက် လာခဲ့ပြီး စီးဝင်ပြီး ဆယ်စုနှစ်ပေါင်း များစွာ ကြာမြင့်နေသည့် စစ်ပွဲများ အပြင် မြင့်မား မတ်စောက်သည့် တောတောင်များကြောင့် လူသူ အရောက်အပေါက် နည်းသည့် ဒေသများကို ဖြတ်သန်း စီးဆင်းခဲ့ပါသည်။ ပထမပိုင်းခရီးစဉ် အဖြစ် ရှမ်းပြည်နယ်၏ ဝေးလံ ခေါင်သီသည့် လျှိုမြောင်ကြီးများကုို ဖြတ်စီးခြင်း အချိန် မြစ်ကို အညိုရောင် ပုံရိပ်တခုအဖြစ် ရှားရှားပါးပါး မြင်တွေ့ရသည်။

မြန်မာနိုင်ငံတွင်းရှိ ကယားနှင့် ကရင်ပြည်များ အတွင်းသို့ မဝင်ရောက်မီ မိုင် ၁၂၀ ခန့်ကို သံလွင်မြစ်က ထိုင်းနှင့် မြန်မာ နိုင်ငံတို့၏ နယ်နိမိတ် အဖြစ် ပိုင်းခြားပေးထားသည်။ ခရီးစဉ်၏ အဆုံးဖြစ်သည့် မွန်ပြည်နယ် ရောက်ခါနီးသည့် အချိန်တွင် သံလွင်မြစ်၏ ပတ်ဝန်းကျင်တွင် နက်စောက်သော လျှိုမြောင်များ အဖြစ်မှ မြေပြန့် လယ်ယာစိုက်ခင်းများ အဖြစ်သို့ ပြောင်းလဲ သွားသည်။

တရုတ်နိုင်ငံက တိဗက်ရှိ နျူမြစ်၏ အထက်ပိုင်းတွင် ဆည်အသေးစား ၂ ခု ဆောက်လုပ်ခဲ့သည့် ၁၉၉၀ ပြည့်နှစ်များ အထိ သံလွင်မြစ်က လွတ်လပ်စွာ စီးဆင်းခွင့် ရရှိခဲ့သည်။ မြစ် အောက်ဘက်ပိုင်းတွင် ကြီးမားသည့် ဆည်များ ဆက်တိုက် ဆောက်လုပ်ရန် အစီအစဉ်များ ရှိခဲ့သော်လည်း နောက်ပိုင်းတွင် ဆိုင်းငံ့ထားခဲ့ပြီး ၎င်းဆည်များ၏ အနာဂတ်က မသေချာ နိုင်သေးဘဲ ရှိနေသည်။

သံလွင် မြစ်ပေါ်တွင် ရေအားလျှပ်စစ် ထုတ်လုပ်ရန် ဆည်ဆောက်လုပ်မည့် စီမံကိန်းများမှာလည်း ပေါ်လိုက် ပျောက်လိုက် ဖြစ်နေသည်။

လက်ရှိ နောက်ဆုံး အဆိုပြုထားသည့် စီမံကိန်းမှာ ရှမ်းပြည်နယ် တောင်ပိုင်း၌် ဆောက်လုပ်မည့် ၂၄၁ မီတာ အရှည်ရှိ ကြီးမားသည့် မိုင်းတုန်ဆည် ဖြစ်ပြီး အဆိုပါစီမံကိန်း၏ အကျိုးဆက်များက ပြည်သူများနှင့် သဘာဝ ပတ်ဝန်းကျင် အပေါ် တွင်သာ ဆိုးကျိုး ဖြစ်စေနိုင်သည်သာမက တိုင်းပြည်၏ ထိခတ်လွယ်သည့် ငြိမ်းချမ်းရေး လုပ်ငန်းစဉ်များ ကိုပါ ထိခိုက် လာမည် ကို စိုးရိမ်သောကြောင့် ရှမ်း၊ ကရင်နှင့် တခြား အရပ်ဖက်လူ့အဖွဲ့အစည်း များက ကန့်ကွက်ခဲ့ကြသည်။

ပါတီမိတ်ဆက်ခြင်း(မဟာမိတ်တောင်သူလယ်သမားပါတီ)

အစိုးရအဖွဲ့၏ အဂတိလိုက်စားမှုများ အဓိကဖြေရှင်းမည်ဟု ပုဇွန်တောင်မှာ အင်န်အယ်လ်ဒီ မဲဆွယ်

ဟိန်းကိုစိုး

အစိုးရအဖွဲ့၏ အဂတိလိုက်စားမှုများကို အဓိကထားဖြေရှင်းသွားမည်ဟု ပုဇွန်တောင်မြို့နယ်အတွင်းမှ အမျိုးသားဒီမိုကရေစီအဖွဲ့ချုပ် NLD ကိုယ်စားလှယ်လောင်းများက စက်တင်ဘာ ၂၈ ရက် နေ့လယ် ၁ နာရီခွဲခန့်၌ မဲဆွယ်စည်းရုံးရေးခရီးအတွင်း မဇ္ဈိမကို ပြောသည်။

“ အစိုးရရဲ့ ဘတ်ဂျက်အသုံးငွေ၊ ရသုံးခန့်မှန်းခြေငွေစာရင်း အဲဒီစာရင်းနဲ့ အဂတိလိုက်စားမှု အဲဒီနှစ်ခုက ချိတ်နေတယ်။ ရငွေ၊ သုံးငွေ အသုံးစရိတ် အဲဒီဟာတွေနဲ့ တစ်ဘက်က အသုံးစရိတ်တွေကြားထဲမှာ လာဘ်ပေး လာဘ်ယူတွေ၊ အဂတိလိုက်စားမှုတွေ ရှိတယ်။ အဲဒါကို အဓိက ဖြေရှင်းမယ်” ဟု ပုဇွန်တောင်မြို့နယ် ပါဝင်သည့် ရန်ကုန်တိုင်း အမျိုးသားလွှတ်တော်မဲဆန္ဒနယ် အမှတ် ၄ ကိုယ်စားလှယ်လောင်း ဦးသန်းစိုးက ဆိုသည်။

ပုဇွန်တောင်၊ သာကေတ၊ ဒေါပုံ၊ ဗိုလ်တထောင်၊ ပုဇွန်တောင် ၅ မြို့နယ်သည် ရန်ကုန်တိုင်း အမျိုးသား လွှတ်တော်မဲဆန္ဒနယ်အမှတ် ၄ အတွင်း ပါဝင်သည်။ ပုဇွန်တောင်မြို့နယ်အတွင်း ရန်ကုန်တိုင်း အောင်နိုင်ရေးအဖွဲ့နှင့်အတူ ပုဇွန်တောင်မြို့နယ်အတွင်းမှ ပြည်သူ့လွှတ်တော်၊ တိုင်းလွှတ်တော်တို့အတွက် NLD မှ ၀င်ရောက်ကြမည့် ကိုယ်စားလှယ်လောင်းများက ပူးပေါင်းကာ မဲဆွယ်စည်းရုံးရေးဆောင်ရွက်ခြင်း ဖြစ်သည်။

“ ဒီမိုကရေစီမှာ ပြည်သူ့အခွင့်အရေးက မဲပေးပိုင်ခွင့်ပဲ။ အဲဒီ မဲပေးပိုင်ခွင့်တိုင်းက ပြည်သူ့လက်ထဲမှာ ရှိပါတယ်။ အဲဒီအခွင့်အရေးအရ တစ်ယောက်ချင်းတိုင်း တစ်ယောက်ချင်းတိုင်းက ဒီမဲကို ပေးဖြစ်အောင် ပေးပါလို့ တောင်းဆိုပါတယ်” ဟုလည်း စက်တင်ဘာ ၂၇ ရက်တွင် NLD ကိုယ်စားလှယ်လောင်းများက မဲဆွယ်စည်းရုံးခဲ့ သည်။

NLD ရန်ကုန်တိုင်းအောင်နိုင်ရေးအဖွဲ့က သက်ဆိုင်ရာ ရန်ကုန်တိုင်းအတွင်းရှိ မြို့နယ်ကိုယ်စားလှယ် လောင်းများနှင့် ပူးပေါင်းကာ မဲဆွယ်စည်းရုံးရေးလုပ်ငန်းများကို စက်တင်ဘာ ၁၀ ရက်မှစ၍ ပြုလုပ်နေခြင်းလည်း ဖြစ်သည်။

ပုဇွန်တောင်မြို့နယ် မဲဆန္ဒနယ်မှ ပြည်သူ၊ အမျိုးသားနှင့် တိုင်းလွှတ်တော်များအတွက် NLD နှင့် ပြည်ခိုင်ဖြိုးအပါအ၀င် ပါတီ ၆ ခုမှ ကိုယ်စားလှယ်လောင်း ၁၇ ဦးတို့ ၀င်ရောက်ယှဉ်ပြိုင်ကြမည် ဖြစ်သည်။

ပြည်ထောင်စု ရွေးကောက်ပွဲကော်မရှင်က ၂၀၁၅ ခုနှစ် အထွေထွေ ရွေးကောက်ပွဲကို နိုဝင်ဘာ ၈ ရက်တွင် ကျင်းပမည် ဖြစ်ပြီး ၀င်ရောက်ယှဉ်ပြိုင်မည့် ကိုယ်စားလှယ်လောင်း ၆,၀၀၀ ကျော်ကို စက်တင်ဘာ ၈ ရက်မှ နိုဝင်ဘာ ၆ ရက် ည ၁၂နာရီအထိ မဲဆွယ်စည်းရုံး ခွင့်ပြုထားသည်

တပ်မတော် စစ်ဝတ်စုံသစ်များ ပြောင်းလဲဝတ်ဆင်မည်

DVB

တပ်မတော် (ကြည်း၊ ရေ၊ လေ) အရာရှိနဲ့ အခြားအဆင့် စစ်မှုထမ်းတွေရဲ့ ၀တ်စုံတွေကို လက်ရှိအသုံးပြုနေတဲ့ စစ်ဝတ်စုံတွေအစား လာမယ့် အောက်တိုဘာ ၁ ရက်နေ့က စတင်ပြီး တပ်မတော်တခုလုံးမှာ ပြောင်းလဲသတ်မှတ် ၀တ်ဆင်သွားမယ်လို့ ကာကွယ်ရေးဦးစီးချုပ်ရဲ့ လူမှုကွန်ရက်မှာ သတင်းထုတ်ပြန်ပါတယ်။

နိုင်ငံတကာ တပ်မတော်တွေရဲ့ ၀တ်စုံတွေနဲ့အညီ ဖြစ်စေဖို့၊ တပ်မတော်သားတွေရဲ့ စိတ်ဓာတ် ပိုမိုမြင့်မား တက်ကြွစေဖို့နဲ့ ရာသီဥတု အခြေအနေနဲ့ လိုက်လျောညီထွေစွာ ၀တ်ဆင်နိုင်ဖို့ အသစ်ပြဋ္ဌာန်းလိုက်တာဖြစ်ပြီး အဆိုပါ စစ်ဝတ်စုံသစ်တွေကို အပတ်စဉ် တနင်္လာနေ့တိုင်း ၀တ်ဆင်ရမယ်လို့ သတင်းမှာဖော်ပြပါတယ်။

တပ်မတော် (ကြည်း၊ ရေ၊ လေ) အရာရှိနဲ့ အခြားအဆင့် (အမျိုးသား/အမျိုးသမီး) စစ်မှုထမ်းတွေအတွက် အသစ်သတ်မှတ်လိုက်တဲ့ ၀တ်စုံတွေထဲမှာ တပ်မတော်ကြည်းက ရှပ်အင်္ကျီ အစိမ်းနုရောင်၊ တပ်မတော်ရေက ရှပ်အင်္ကျီ အဖြူရောင်၊ တပ်မတော်လေက ရှပ်အင်္ကျီ အပြာနုရောင်ဆိုပြီး ပြောင်းလဲသတ်မှတ်ထားပါတယ်။

ဒါ့အပြင် အလုပ်တက်ဝတ်စုံနဲ့ အခမ်းအနားတက် ၀တ်စုံသစ်တွေကိုလည်း ဓာတ်ပုံတွေနဲ့တကွ ဖော်ပြထားပါတယ်။

ဝတ်စုံသစ်ကို တပ်မတော်သားတွေ အချိန်မီ ၀တ်ဆင်နိုင်ရေးအတွက် တပ်တွေထံကို ပေးပို့ဆောင်ရွက်နေတယ်လို့လည်း ဆိုပါတယ်။

ဒါပေမယ့် ဒီဝတ်စုံသစ်တွေအတွက် ငွေကြေးပမာဏ ဘယ်လောက်သုံးစွဲတယ်၊ အ၀တ်အထည်တွေကို ဘယ်ကနေ တင်သွင်းပြီး ဘယ်သူတွေက တာဝန်ယူ ချုပ်လုပ်ပေးတယ်ဆိုတဲ့ အချက်အလက်တွေကတော့ သတင်းမှာ ဖော်ပြခြင်း မရှိပါဘူး။

ယနေ့ မြန်မာ့ရေးရာသတင်းများ September,30th,2015

( 30 )ပြည်ပက ကြိုတင်မဲပေးမယ့်သူ သုံးသောင်းကျော်ရှိ

( 29 )Will a Rohingya refugee go full circle after fleeing Myanmar?

( 28 )ဖိနှိပ်မှုလွတ်ကင်းရေး NLDကို မဲပေးဖို့ ဦးတင်ဦး စည်းရုံးဟောပြော

( 27 )Kachin militia bans election campaigning in self-administered region

( 26 )ဒေါ်အောင်ဆန်းစုကြည် ကချင် ခရီးစဉ် အောက်တိုဘာ ၂ ရက်နေ့ စတင်မည်

( 25 )Six Burmese dead, five still missing in wake of Hajj disaster

( 24 )ရန်ကုန်တိုင်းမှာ အမည်မပါသူ တစ်သိန်းခွဲရှိ

( 23 )Myanmar to amend labor laws for workers' rights

( 22 )ပြောတဲ့ ချေးငွေမရလို့ ရွာသား ၆ဝ ပြည်ခိုင်ဖြိုးပါတီမှ နှုတ်ထွက်

( 21 )Telenor Myanmar CEO reflects on one-year transformation

( 20 )စွန့်ပစ်ရေကန် ကျိုးပေါက်မှု သေသူ အတွက် လျော်ကြေးပေး

( 19 )Mining firm to compensate for landslide death

( 18 )ဒေါ်အောင်ဆန်းစုကြည်ကို တရုတ်နိုင်ငံသံအမတ်ကြီး လာရောက်တွေ့ဆုံ

( 17 )Manufacturing renaissance - Myanmar dream

( 16 )နိုင်ငံလုံးဆိုင်ရာ မျိုးစောင့်ဥပဒေအောင်ပွဲ ရန်ကုန်မှာ ကျင်းပမည်

( 15 )Myanmar to seek UNESCO's recognition for Khakaborazi national park

( 14 )ပန်းတနော်မြို့နယ် မင်းဂရုကျေးရွာ ဘုရားပွဲ မြင်ကွင်း

( 13 )New economic freedoms rouse Myanmar's sleeping giant

( 12 )ရွေးကောက်ပွဲအပြီး အခြေခံ ဥပဒေပြင်ဆင်ရေး ကြိုးပမ်းမယ် လို့ ပြည်ခိုင်ဖြိုးပါတီ ပြော

( 11 )Local Tech Team Wins Big in Election Software Contest

( 10 )စွန့်ပစ်ရေကန် ကျိုးပေါက်မှု သေသူ အတွက် လျော်ကြေးပေး

( 9 )Myanmar Submits its Climate Action Plan Ahead of 2015 Paris Agreement

( 8 )မန္တလေးတိုင်းမှာ လူ ၂ သိန်းလောက် မဲဆန္ဒရှင်စာရင်းမှာ ပျောက်နေဆဲ

( 7 )Kachin Authorities Quash Plans for Suu Kyi Rally at Festival Grounds

( 6 )ပုသိမ်ကြီးမှာ မြေသိမ်းခံတောင် သူလေးဦး တရားစွဲခံရ

( 5 )Police Seize Another 3.8m Pills Tied to Mingaladon Probe

( 4 )နိုင်ငံလုံးဆိုင်ရာ မျိုးစောင့်ဥပဒေအောင်ပွဲ ရန်ကုန်မှာ ကျင်းပမည်

( 3 )Kachin villagers abandon homes amid intense fighting

( 2 )NLD ကိုယ်စားလှယ်လောင်းတွေ အတွက် ၈၈ ခေါင်းဆောင်တွေ မဲဆွယ်ပေးမည်

( 3 )Thilawa kicks off region's manufacturing transformation

ပါတီမိတ်ဆက်ခြင်း(ပြည်သူ့ဒီမိုကရေစီပါတီ)

ရွေးကောက်ပွဲအတွက် အမျိုးသားနည်းတူ ယုံကြည်မှုအပြည့်ရှိကြောင်း ရခိုင် အမျိုးသမီးအမတ်လောင်းများ ဆို

မဇ္ဈိမ/ DMG

နိုဝင်ဘာလ ၈ ရက်တွင် ကျင်းပမည့် ၂၀၁၅ အထွေထွေရွေးကောက်ပွဲ၌ ရခိုင်ပြည်နယ်အတွင်း အမျိုးသမီးအမတ်လောင်းများအား မဲဆန္ဒရှင်အချို့က အမျိုးသားများနှင့် တန်းတူ လုပ်ကိုင်နိုင်သည့် စွမ်းရည် ရာခိုင်နှုန်းပြည့် ရှိနိုင်ပါ့မလားဆိုသည့်အမြင်များကို လက်ရှိဝင်ပြိုင်ကြမည့် အမျိုးသမီးအမတ်လောင်းများက အမျိုးသားများနှင့်တန်းတူ ယုံကြည်မှုအပြည့် ရှိကြောင်းပြော ဆိုနေကြသည်။

ရခိုင်အမျိုးသားပါတီ(ANP) မှ အမ်းမြို့နယ် ပြည်နယ်လွှတ်တော် ကိုယ်စားလှယ် မဲဆန္ဒနယ် အမှတ် (၁)မှ ၀င်ပြိုင်မည့် ဒေါ်ခင်လှရီက " အမျိုးသားတွေနဲ့ ယှဉ်ပြိုင်ရတာကို ကျွန်မမှာ စိုးရိမ်စိတ်၊ ကြောင့်ကြ စိတ်လုံးဝမရှိဘူး။ ကျွန်မဟာ အရင် ရခိုင်တိုင်းရင်းသား တိုးတက်ရေးပါတီဖြစ်တဲ့ RNDP မှာကတည်းက ကိုယ့်ဟာကိုယ် ယုံကြည်မှု အပြည့်နဲ့ ၀င်လာတာ ဖြစ်တယ်။ ကျွန်မဟာ ရခိုင့်အမျိုးသားရေး ၊နိုင်ငံရေးကို လုပ်မယ်ဆိုပြီးတော့ ဆုံးဖြတ်ထားတဲ့ အတွက် ကြောက်တာတို့ စိုးရိမ်တာတို့ လုံးဝမရှိဘူး" ဟု ပြောသည်။

ရခိုင်ပြည်နယ်အတွင်း လမ်းပန်းဆက်သွယ်ရေး ခက်ခဲမှုကြောင့် ကျေးရွာများသို့ စည်းရုံးရေးဆင်းသည့် အခါတွင် အမျိုးသမီးအမတ်လောင်းများမှာ ရွှံ့၊ ဗွက်အိုင်များကို ဖြတ်လျှောက်သွားရ၍ ခရီးကြန့်ကြာမှု များရှိ ကြောင်း ရခိုင်အမျိုးသားပါတီ ကိုယ်စားပြု ရသေ့တောင်မြို့နယ်က ပြည်သူ့လွှတ်တော်သို့ ၀င်ပြိုင်မည့် ဒေါ်ခင်စောဝေက ပြောကြားသည်။

အမျိုးသမီးများတွင် အမျိုးသားများနှင့် မတူသည့် စွမ်းရည်သတ္တိများစွာရှိပြီး အလုပ်လုပ်ရာတွင်လည်း စနစ်ကျန သပ်ရပ်မှုရှိကြောင်း ရခိုင်မျိုးချစ်ပါတီ ကိုယ်စားပြု စစ်တွေမြို့နယ် ပြည်သူ့လွှတ်တော် ကိုယ်စားလှယ် ဒေါ်မြသန်းရွှေက ပြောသည်။

“ စာသင်ကျောင်းတစ်ကျောင်းမှာ ဆိုပါစို့၊ ကျောင်းအုပ်မကြီးတစ်ယောက်ရဲ့ အုပ်ချုပ်မှုက အရမ်းစေ့စပ် သေချာပါတယ်။ တခါတခါ ကျောင်းအုပ်ဆရာကြီး အုပ်ချုပ်တာနဲ့ ကျောင်းအုပ်ဆရာမကြီး အုပ်ချုပ်တဲ့ ကျောင်းတွေ မှာ ကျောင်းအုပ်ဆရာမကြီး အုပ်ချုပ်တဲ့ကျောင်းတွေ စာမေးပွဲ အောင်ချက်တွေ ကောင်းပါတယ်။ ဆရာတွေထဲမှာ ဆိုရင်လည်း ဆရာမတွေက ပိုများပါတယ်။

“နောက်ပြီးတော့ မိခင်စိတ်ဓာတ်ပေါ့။ လူသားတွေရဲ့ အသည်းနှလုံးကို လွှမ်းမိုးနိုင်ပါတယ်။ ဒါကြောင့် ဘာအလုပ်ပဲ လုပ်လုပ် မေတ္တာနဲ့ ဆောင်ရွက်တဲ့ အမျိုးသမီးတွေရဲ့ နူးညံ့တဲ့ နှလုံးသားတွေဟာ တိုင်းပြည်မှာ စစ်ဖြစ်တာတွေ၊ လက်နက်ကိုင်တာတွေ အားလုံးကိုပေါ့ ထိန်းချုပ်နိုင်ပါတယ်။ အိမ်တွေမှာဆိုရင်လည်း အမေတွေ၊ အစ်မတွေကပဲ ထိန်းချုပ်တာမဟုတ်လား” ဟုဆိုသည်။

မည်သည့်အလုပ်ကိုမဆို အမျိုးသား၊ အမျိုးသမီးဆိုပြီး ခွဲခြားပြောဆိုခြင်းထက် ၀မ်းစာ လုံလောက်မှု ဆိုသည့် အရည်အချင်းနှင့်သာ ဆိုင်ကြောင်း ရခိုင်အမျိုးသားပါတီ ကိုယ်စားပြု ရမ်းဗြဲ-အမ်း နှစ်မြို့နယ်ပေါင်း အမျိုးသားလွှတ်တော် ကိုယ်စားလှယ်လောင်း ဒေါ်ထုမေက ပြောသည်။

“ မမတို့မှာက အဓိက ၀မ်းစာပေါ့။ အလုပ်လုပ်မယ်ဆိုရင် အရည်အချင်းရှိဖို့ လိုအပ်တယ်လေ။ အခုလိုမျိုး နိုင်ငံရေးထဲမှာ ပါဝင်မယ်ဆိုရင် ဘယ်လောက်ထိ လေ့လာထားပြီးပြီလဲ ဆိုတဲ့အပေါ်မှာ ၀မ်းစာက လုံလောက်နေ ပြီလား ဆိုတဲ့အခါမှာ အမျိုးသား၊ အမျိုးသမီးတွေလို့ ကြီးကြီးမားမား စဉ်းစားစရာမလိုဘူး။ နိုင်ငံရေးအပေါ်မှာ ဘယ်လောက်ထိ သိထားပြီလဲဆိုတာ အရေးကြီးပါတယ်” ဟုဆိုသည်။

လာမည့်ရွေးကောက်ပွဲတွင် ရခိုင်ပြည်နယ်အတွင်းမှာ အမျိုးသမီးအမတ်လောင်း ၂၂ ဦးရှိပြီး ဒေသခံ ရခိုင်ပါတီများနှင့် အခြားပါတီများတွင် ယခင်ကထက် အမျိုးသမီးအမတ်လောင်းများ တိုးလာကြောင်း၊ သို့ရာတွင် ဦးဆောင်ဦးရွက်ပြုခြင်းနှင့် ဆုံးဖြတ်နိုင်စွမ်းရှိသည့် နေရာများတွင် အမျိုးသမီးများကို နေရာပေးခြင်း နည်းနေသေး ကြောင်း၊ အမျိုးသမီးဦးရေ မည်မျှပါဝင်ရမည့် မူဝါဒများ၊ ပုံစံများ မရှိသေးကြောင်း သိရသည်။

မအူပင်ခရိုင်၊ ပန်းတနော်မြို့နယ်၊ ကျောင်းရွာမှ ယင်းလုပ်ငန်း

တနိုင်ငံလုံး အပစ်ရပ်ရေး ဆုံးဖြတ်ချက်ပေးမည့် ချင်းမိုင် ထိပ်သီးအစည်းအဝေး စပြီ

ကျော်ခ

ထိုင်းနိုင်ငံ ချင်းမိုင်မြို့တွင် တနိုင်ငံလုံး အပစ်အခတ်ရပ်စဲရေး သဘောတူစာချုပ် (NCA) ကို လက်မှတ်ထိုးရေး၊ မထိုးရေး အဆုံး အဖြတ်ပေးမည့် တိုင်းရင်းသား လက်နက်ကိုင်တော်လှန်ရေး အဖွဲ့အစည်းများ၏ ထိပ်သီးခေါင်းဆောင်များ အစည်းအဝေး (EAOs) ကို ယနေ့ စတင် ဆွေးနွေးနေကြပြီ ဖြစ်သည်။

ယင်းထိပ်သီးညီလာခံသို့ တိုင်းရင်းသား လက်နက်ကိုင် အဖွဲ့ ၁၇ ဖွဲ့ဖြင့် ဖွဲ့စည်းထားသော တနိုင်ငံလုံး အပစ်အခတ် ရပ်စဲရေးဆိုင်ရာ အဆင့်မြင့် ညှိနှိုင်းရေး ကိုယ်စားလှယ်အဖွဲ့ (Senior Delegation-SD) အဖွဲ့ဝင် ထိပ်သီးခေါင်းဆောင်များ တက်ရောက်ခဲ့ ကြသည်ကို တွေ့ရသည်။

ထို့အပြင် SD အဖွဲ့ဝင်များမဟုတ်သော ရှမ်းပြည်ပြန်လည်ထူထောင်ရေး ကောင်စီ၊ ရှမ်းပြည်တပ်မတော် တောင်ပိုင်း(RCSS/ SSA)နှင့် အမျိုးသား ဒီမိုကရက်တစ် မဟာမိတ်တပ်ပေါင်းစု (NDAA) မိုင်းလား အဖွဲ့တို့လည်း တက်ရောက်ခဲ့ကြသည်ကို တွေ့မြင်ရသော်လည်း အင်အားကြီးလက်နက်ကိုင် အဖွဲ့တခုဖြစ်သော ‘ဝ’ ပြည်သွေးစည်း ညီညွှတ်ရေး တပ်မတော် (UWSA) ခေါင်းဆောင်များ တက်ရောက် ခြင်း မရှိပေ။

SD ခေါင်းဆောင် ပဒိုနော်စီဖိုးရာစိန် က“ဒီတခေါက်က အရေးကြီးတဲ့အစည်းအဝေး တခုဖြစ်တယ်။ ဘာဖြစ်လို့လဲ ဆိုတော့ ဒီ အစည်း အဝေးက ကျမတို့သွားနေတဲ့ တော်လှန်ရေးရဲ့ရည်မှန်းချက်၊ နိုင်ငံရေးရဲ့ရည်မှန်းချက်ကို ဆုံးဖြတ်ရမယ့် အစည်းအဝေးတခုဖြစ် တယ်”ဟု သတင်းထောက်များကို ပြောသည်။

ယခုထိပ်သီးအစည်းအဝေးကို ယနေ့မှစ၍ ၃၀ ရက်နေ့အထိ ၃ ရက်ကြာ ကျင်းပမည်ဖြစ်ပြီး ပထမနေ့၏ သဘာပတိအဖြစ် ကချင်လွတ်လပ်ရေး အဖွဲ့ (KIO) ဒုဥက္ကဋ္ဌ ဒုဗိုလ်ချုပ်ကြီး အင်ဘန်လ ကတာဝန်ယူပြီး ဒုတိယနေ့တွင် ရှမ်းပြည်တိုးတက်ရေး ပါတီ (SSPP) ဒု ဗိုလ်ချုပ်ကြီး ဆေထင်နှင့် တတိယနေ့ သဘာပတိအဖြစ် ကရင်အမျိုးသား အစည်းအရုံး (KNU) ဗိုလ်ချုပ်ကြီး မူတူးစေးဖိုး တို့ကို တာဝန် အပ်နှင်းကြောင်း သိရသည်။

သို့သော်လည်း KNU အနေဖြင့် အစည်းအဝေး အစပိုင်းတွင်ပင် KNU ခေါင်းဆောင်တဦး ဖြစ်သည့် စောရော်ဂျာခင် က ရုတ်တရက် စာတမ်းတခု တင်ပြလာသည်။

ထိုစာတမ်းတွင် NCA လက်မှတ်ထိုးရန် ထိုးမထိုး ပြတ်ပြတ်သားသားဖြစ်ရန် အဓိကလိုအပ်ချက်ဖြစ်ကြောင်း၊ NCA လက်မှတ်ထိုးမည့် အဖွဲ့များနှင့် မထိုးမည့်အဖွဲ့များ အကြား အချိတ်အဆက်ပြုလုပ်ရန်လိုအပ်ကြောင်း၊ NCA ထိုးမည့်အဖွဲ့များအကြား ကြိုတင်တိုင်ပင်၊ ပြင်ဆင်ရန် အစောတလျှင် လိုအပ်သကဲ့သို့ မထိုးမည့်အဖွဲ့များနှင့်လည်း စုပေါင်းပြင်ဆင်ရန်လိုအပ်သည်ဟု ဆိုသည်။

ထို့အပြင် NCA နှင့်ပတ်သက်သည့် ထိပ်သီးအစည်းအဝေးသည် ယခုတကြိမ်နောက်ဆုံးဖြစ်သည်ဟု ယူဆကြောင်း၊ လိုအပ် လာ သည့် အချိန်တွင် NCA လက်မှတ်ထိုးမည့်အဖွဲ့နှင့် မထိုးမည့်အဖွဲ့များစုပေါင်းပြီး ထိပ်သီးအစည်းအဝေး ပြုလုပ်ရန် လိုအပ်ကြောင်း နှင့် ၎င်းတို့အနေဖြင့် အစည်းအဝေးများစွာ၌ သဘာပတိနေရာတွင် အကြိမ်ကြိမ် တာဝန်ယူခဲ့သဖြင့် ယခုအကြိမ်၌ တခြားသော အဖွဲ့တခု သို့ လွှဲပြောင်းပေးစေလိုကြောင်းလည်း ပါဝင်သည်။

KNU ဒုဥက္ကဋ္ဌလည်းဖြစ် SD အဖွဲ့ခေါင်းဆောင်လည်းဖြစ်သည့် ပဒို နော်စီဖိုးရာစိန်က ယခုဆွေးနွေးပွဲသည် အရေးကြီးသည့် ဆွေးနွေးပွဲဖြစ်သည်နှင့်အညီ အဆုံးအဖြတ်ပေးနိုင်မည့် ထိပ်သီးအဖွဲ့ခေါင်းဆောင်များကို ရွေးချယ်ရခြင်းဖြစ်ကြောင်း သဘာပတိများ ရွေးချယ် ရခြင်းနှင့် ပတ်သက်ပြီး ရှင်းပြသည်။

သို့သော်လည်း ဗိုလ်ချုပ်ကြီး မူတူးဆေးဖိုး က“ကျနော်က ဆုံးဖြတ်ထားပြီးပြီ။ နောက်ထပ် ဘယ်အစည်းအဝေးမှာဘဲ ဖြစ်ဖြစ် သဘာပတိ အဖြစ်နဲ့ ကျနော် မပါဝင်နိုင်တော့ဘူး။ ဒါကြောင့်မို့ EAO ကို ကျနော်တင်ပြရခြင်းဖြစ်တယ်။ အဲဒီတော့ အခု ကျနော့်ရဲ့ တင်ပြချက်ကို ဘယ်လိုစဉ်းစားကြမလဲ။ လက်ခံနိုင်မလား၊ လက်မခံနိုင်ဘူးလား။ ကျနော့်ရဲ့ဆုံးဖြတ်ချက်ကတော့ ဒီအစည်းအဝေးမှာ သုံးရက်နေ့မှာ ကျနော့်ကို သဘာပတိအဖြစ်နဲ့ တာဝန်ပေးတာကို ကျနော်လုံးဝ မယူနိုင်ပါဘူး။ အဲဒါကြောင့်မို့ ခုနစာတမ်းကို ကျနော် တို့ တင်ရခြင်းဖြစ်ပါတယ်”ဟု အစည်းအဝေး၌ ထ၍ ရှင်းပြသည်။

ရုတ်တရက် တင်လာသည့် ကရင်အဖွဲ့၏ သဘောထားကြောင့် တက်ရောက်လာသည့် ထိပ်သီးခေါင်းဆောင်များ အနေဖြင့် နောက် ဆုံး နေ့ သဘာပတိနေရာအတွက် ထပ်မံဆွေးနွေးကြရမည်ဖြစ်သကဲ့သို့ ယင်းအခြေအနေကြောင့် တိုင်းရင်းသား တော်လှန်ရေး အင်အားစုများအကြား သဘောထား မညီညွှတ်မှုကို ထင်ရှားလာစေပြီး အားလုံးအတူတကွ ပါဝင်လက်မှတ် ထိုးရေးမူ အပေါ်တွင် လည်း စိုးရိမ်မှုများ ရှိနေကြသည်။

ထိပ်သီး အစည်းအဝေး အစီအစဉ်တွင်“NCA လက်မှတ်ရေးထိုးခြင်း၊ မထိုးခြင်းနှင့်ပတ်သက်၍ ဆုံးဖြတ်ချက်ချမှတ်ခြင်း”ဆိုသည့် အဓိက ခေါင်းစဉ်တခုပါဝင်သည်။

ထို့ကြောင့် ယခုအစည်းအဝေးတွင် အစိုးရနှင့်လက်မှတ်ထိုးကြမည့် အဖွဲ့များ၊ မထိုးမည့်အဖွဲ့များအနေဖြင့် ၎င်းတို့၏ သဘောထားများကို တင်ပြကြရမည်ဖြစ်ကြောင်း သိရသည်။

လက်နက်ကိုင် အဖွဲ့တချို့က လက်နက်ကိုင် တိုင်းရင်းသားအားလုံး တပြိုင်တည်း ပါဝင်လက်မှတ်ရေးထိုးနိုင်ရေး သို့မဟုတ် တပြိုင် တည်း မပါဝင်နိုင်သေးသည့် အဖွဲ့များအပေါ် စစ်ရေး၊ နိုင်ငံရေးနှင့် လူမှုရေး အာမခံချက်များရရှိမှ လက်မှတ်ထိုးမည်ဟု ဆုံးဖြတ်ထားကြသည့် အဖွဲ့များလည်း ရှိနေသည်။

တချို့တိုင်းရင်းသား လက်နက်ကိုင် အဖွဲ့များက အားလုံးပါဝင်ရေးမူကို အစိုးရက လက်မခံသော်လည်း တဖွဲ့ချင်း အနေဖြင့် သီးခြားစီ ခွဲထိုးရန် သဘောထားရှိနေကြသည်ဟု အစည်းအဝေး တက်ရောက်နေကြသည့် တိုင်းရင်းသားခေါင်းဆောင် တချို့က ပြောသည်။

ယခု ထိပ်သီးအစည်းအဝေးတွင် အစိုးရက စစ်ရေး၊ နိုင်ငံရေး၊ လူမှုရေး အာမခံချက်မပေးဘဲ ချန်ထားခဲ့လိုသော မြန်မာအမျိုးသား ဒီမိုကရေစီ မဟာမိတ် တပ်မတော် (MNDAA) ကိုးကန့်တပ်ဖွဲ့၊ ပလောင် (တအာင်း) အမျိုးသား လွတ်မြောက်ရေး တပ်မတော် (TNLA)နှင့် ရက္ခိုင့်တပ်မတော် (AA) အရေးကိုလည်း အရေးကြီး အကြောင်းအရာတခုအဖြစ် ဆွေးနွေးသွားကြရန်ရှိကြောင်း သိရ သည်။

“အစိုးရဘက်က ကျန်တဲ့ အဖွဲ့တချို့ကို လက်မခံဘူး။ ချန်ထားတဲ့ အဖွဲ့တွေကို မတိုက်ဘူးဆိုတဲ့ အာမခံချက်မရသေးတော့ ကျနော် တို့ကလည်း ညီအစ်ကိုတွေလိုဖြစ်နေတဲ့ ဘဝတူတိုင်းရင်းသားတွေပေါ့ဗျာ။ ကျန်နေတဲ့ အဖွဲ့တွေကို တိုက်နေမယ် ဆိုရင်တော့ ကျနော်တို့လည်း ဒီအတိုင်းပဲရပ်ကြည့်နေလို့ မသင့်ဘူးလေ”ဟု SD အဖွဲ့ဝင်တဦးလည်းဖြစ် မွန်ပြည်သစ်ပါတီ (NMSP) ဒုဥက္ကဋ္ဌ လည်းဖြစ်သည့် နိုင်ဟံသာ က သတင်းထောက်များကို ပြောသည်။

သမ္မတ ဦးသိန်းစိန် အစိုးရကတော့ NCA စာချုပ် ချုပ်ဆိုရာတွင် တိုင်းရင်းသား လက်နက်ကိုင် အဖွဲ့တချို့ကို ချန်ရစ်ခဲ့ပြီး ၎င်းတို့နှင့် ပဏာမ တွေ့ဆုံဆွေးနွေးထားသည့် အဖွဲ့ ၁၅ ဖွဲ့နှင့် အောက်တိုဘာ လလယ်ပိုင်းမတိုင်မီ လက်မှတ်ရေးထိုးရန် ဆန္ဒရှိကြောင်း ထုတ်ဖော် ပြောဆိုထားပြီး ဖြစ်သည်။

လိင်ဆက်ဆံခွဲခြားခံရမှုအပေါ် အလှဖန်တီးရှင်တစ်ဦးနဲ့ တွေ့ဆုံမေးမြန်းခန်း

မြန်မာနိုင်ငံကင်းထောက်အဖွဲ့ ကမ္ဘာ့ကင်းထောက်အဖွဲ့ဝင် ဖြစ်လာမည်ဟု မျှော်လင့်ရ

မဇ္ဈိမ

အာရှနှင့် ပစိဖိတ်ဒေသဆိုင်ရာ ကင်းထောက်ညွှန်ကြားရေးမှူး Mr. J. Rizai C. Pangillnan က မြန်မာနိုင်ငံ ကင်းထောက်အဖွဲ့မှာ ကမ္ဘာ့ကင်းထောက် အဖွဲ့ဝင်ဖြစ်လာ မည်ဟု မျှော်လင့်ကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာဒေါ်ခင်စန်းရီအား စက်တင်ဘာ ၂၇ ရက်က ရန်ကုန်မြို့ တက္ကသိုလ်စိန်ရတုခန်းမ၌ ပြောကြားသည်။

ကမ္ဘာ့ကင်းထောက်အဖွဲ့ဝင် ဖြစ်လာစေရေးအတွက် လုပ်ငန်းပြမြေပုံ ပြုစုရေးဆွဲပြီး လိုအပ် သည့် သင်တန်းများ၊ လုပ်ငန်းတိုးချဲ့မှုများ ဆောင်ရွက်ရန် ကူပံ့သွားမည်ဖြစ်ပြီး တစ်ချိန်က မြန်မာနိုင်ငံသည် အာရှနှင့် ပစိဖိတ်ဒေသ ကင်းထောက်အဖွဲ့ကို တည်ထောင်ခဲ့သည့် အဖွဲ့ဝင်နိုင်ငံ ဖြစ်၍ မကြာမီ ကမ္ဘာ့ကင်းထောက်အဖွဲ့ဝင်နိုင်ငံ ဖြစ်လာမည်ဟု ပြောခဲ့ခြင်း ဖြစ်သည်။

ဒေါက်တာဒေါ်ခင်စန်းရီက ပညာရေးဝန်ကြီးဌာနတွင် မြန်မာနိုင်ငံ ကင်းထောက်အဖွဲ့ကို သီးခြားယူနစ်အဖြစ် ဖွဲ့စည်းထား၍ ကင်းထောက် လှုပ်ရှားမှုများအတွက် ကူပံ့ပေးပြီး တစ်နိုင်ငံလုံးတွင် တိုးချဲ့ ဖွဲ့စည်းနိုင်ရေး ကြိုးစားဆောင်ရွက်သွားမည်ဖြစ်ရာ အာရှနှင့် ပစိဖိတ်ဒေသဆိုင်ရာ ကင်းထောက် အဖွဲ့ကလည်း လိုအပ်ချက်များကို ကူပံ့ပေးရန် ပြောကြားသည်။

ယင်းတွေ့ဆုံပွဲသို့ ပညာရေးဝန်ကြီးဌာနမှ ညွှန်ကြားရေးမှူးချုပ်များနှင့် တာဝန်ရှိသူများ၊ မြန်မာနိုင်ငံ ကင်းထောက် အဖွဲ့ချုပ် ယာယီကော်မတီဥက္ကဋ္ဌ ဒေါက်တာတင်ညိုနှင့် အမှုဆောင်များ၊ အာရှနှင့် ပစိဖိတ်ဒေသဆိုင်ရာ ကင်းထောက်အဖွဲ့ဝင်များ တက်ရောက်ကြသည်။