ဦးခွန်ဂျာလီကို ဆက်သွယ်ရေး ဥပဒေနဲ့ စွဲချက်တင်

လိပ်ကျွန်းစီရင်ချက်အပေါ် ဆန္ဒပြမှုက နှစ်နိုင်ငံဆက်ဆံရေးကို ထိခိုက်မည်မဟုတ်ဟု ထိုင်းနိုင်ငံခြားရေးဝန်ကြီးပြော

The Nation

လိပ်ကျွန်းလူသတ်မှုတွင် မြန်မာရွှေ့ပြောင်းလုပ်သားနှစ်ဦးအား ထိုင်းတရားရုံး၏ စီရင်ချက်အပေါ် မြန်မာနိုင်ငံအတွင်း ဆန္ဒပြမှုများက ထိုင်းနှင့် မြန်မာနှစ်နိုင်ငံကြား ဆက်ဆံရေးဆိုးဝါးကာ ခပ်တန်းတန်းဖြစ်ပွားလိမ့်မည်ဟု မယုံကြည်ကြောင်း ထိုင်းနိုင်ငံခြားရေးဝန်ကြီး ဒွန်ပရာမတ်ဒဝီနိုင်က ပြောသည်။

ထိုင်းအစိုးရက ဆန္ဒပြသူများ၏ တောင်းဆိုချက်ကို ဂရုပြုပါကြောင်း ၎င်းက ပြောပြီး "ဒါပေမယ့် ကျွန်တော်တို့က ဒါကို တရားစီရင်ရေးလမ်းကြောင်းအတိုင်း သွားရမယ်။ ဒါကလည်း နိုင်ငံတကာ ကျင့်ဝတ်စံတစ်ရပ်ပါ။ ထိုင်းတရားရုံးစနစ်က ကောင်းမွန်လက်ခံနိုင်စရာရှိပါတယ်။"ဟု ၎င်းက ပြောခဲ့သည်။

ဖားကန့် အတွက် နည်းလမ်းသုံးခု ပြန်လည်စဉ်းစားဖို့ လွှတ်တော်မှာ ပြော

AA နှင့် အစိုးရ တပ်မတော် တိုက်ပွဲများ ပြန်လည် ဖြစ်ပွား

နန်းလွင်နှင်းပွင်

ရခိုင်ပြည်နယ် ကျောက်တော်မြို့နယ်အတွင်း အစိုးရ တပ်မတော်နှင့် ရက္ခိုင့်တပ်မတော် (AA) တို့ အကြား ယခု ရက်ပိုင်းအတွင်း တိုက်ပွဲ ပြန်လည် ဖြစ်ပွားနေသည်ဟု သတင်းရရှိသည်။

AA ၏ ဒုစစ်ဦးစီးချုပ် ဗိုလ်မှူးကြီး ညိုထွန်းအောင်က “၂၇ ရက် မနက်ပိုင်း ၁၀နာရီလောက်က စဖြစ်တာပါ၊ ကျနော်တို့ရဲ့ လှုပ်ရှားစစ်ကြောင်း တပ်ဖွဲ့ဝင်အချို့နဲ့ မြန်မာ့တပ်မတော်ဘက်က စစ်ကြောင်းတွေ ထိပ်တိုက်တိုးပြီး ဖြစ်တာပါ”ဟု ဧရာဝတီကို ပြောသည်။

တိုက်ပွဲသည် ကျောက်တော်မြို့နယ်အတွင်းရှိ မဟာမုနိဘုရားအရှေ့မြောက်ဘက် ရန်ကုန်-စစ်တွေ လမ်းမနှင့် ၄မိုင်ခန့် အကွာတွင် ဖြစ်ပွားနေကြောင်း သိရသည်။

ဒီဇင်ဘာလ ၂၈ ရက် မနက်ပိုင်းတွင်လည်း တိုက်ပွဲ ၄ကြိမ်ခန့် ဖြစ်ပွားသည်ဟု ဗိုလ်မှူးကြီး ညိုထွန်းအောင်က ပြောပြသည်။

တိုက်ပွဲအတွင်း တပ်ဖွဲ့ဝင်များ ထိခိုက်မှုရှိသော်လည်း ဆိုးဆိုးဝါးဝါးအခြေအနေ မရှိဟုလည်း ၎င်းက ပြောသည်။

ကျောက်တော်မြို့အတွင်း တိုက်ပွဲဖြစ်ပွားခြင်းနှင့် ပတ်သက်၍ အစိုးရ တပ်မတော်မှ ပြောရေးဆိုခွင့်ပေးထားသူ ဗိုလ်ချုပ် အောင်ရဲဝင်း က ၎င်းအနေဖြင့် ခရီးသွားနေသဖြင့် ကျောက်တော် တိုက်ပွဲကိစ္စ မပြောနိုင်သေးကြောင်း ဧရာဝတီကို ဖြေကြားသည်။

၂၀၁၅ ခုနှစ် မတ်လ အတွင်းကလည်း တပ်မတော်နှင့် AA အကြား ကျောက်တော်မြို့အတွင်း တိုက်ပွဲ ဖြစ်ပွား၍ AA တပ်သား ၅ ဦး ကို ဖမ်းဆီးရမိပြီး မတရားအသင်း ဆက်သွယ်မှု အက်ဥပဒေ ပုဒ်မ (၁၇/၁) နှင့် အရေးယူခြင်းများ၊ AA တပ်သားများထံမှ ရရှိသည့် ipad မှ တဆင့် မိသားစုဝင်များကို ခေါ်ယူ စစ်ဆေးမှုများလည်း ပြုလုပ်ခဲ့သည်။

AA သည် ကချင်လွတ်လပ်ရေး တပ်မတော် (KIA) ၏ ဗဟိုဌာနချုပ် ရှိရာ ကချင်ပြည်နယ် လိုင်ဇာမြို့တွင် အခြေစိုက်ကြောင်း သိရ သည်။

၂၀၁၄ ခုနှစ် နိုဝင်ဘာလ ၁၉ ရက်တွင် တပ်မတော်မှ လိုင်ဇာမြို့ ဗိုလ်သင်တန်းကျောင်းကို ပစ်ခတ်ခဲ့ခြင်းကြောင့် သေဆုံးခဲ့သည့် ဗိုလ်လောင်း ၂၃ ဦးတွင် AA မှ ၈ ဦး ပါဝင်သွားခဲ့သည်။

ထို့နောက်ပိုင်း ၂၀၁၅ ခုနှစ် ဖေဖော်ဝါရီလ ၁၉ ရက်တွင် အစိုးရနှင့် မြန်မာအမျိုးသား ဒီမိုကရေစီ မဟာမိတ် တပ်မတော် – ကိုးကန့်တပ်ဖွဲ့ (MNDAA) တို့ တိုက်ပွဲ ဖြစ်ပွားရာတွင် AA က ကိုးကန့်ဘက်မှ ပါဝင်ကူညီခဲ့ကြောင်း သိရသည်။

AA သည် အစိုးရဖော်ဆောင်နေသည့် ငြိမ်းချမ်းရေး လုပ်ငန်းစဉ်တွင်ပါဝင်လို၍ ကမ်းလှမ်းမှုများ ပြုလုပ်ခဲ့သော်လည်း အစိုးရက ဆွေးနွေးခြင်း မပြုဘဲ ချန်လှပ်ထားသည့် တိုင်းရင်းသား လက်နက်ကိုင်အဖွဲ့တဖွဲ့လည်း ဖြစ်သည်။

လိပ်ကျွန်း လူသတ်မှု တရားစီရင်ရေး အပေါ် သူတို့ပြောစကား

လိပ်ကျွန်းအမှု သေဒဏ်ကျခံနေရသူ မြန်မာနှစ်ဦးအား လုံခြုံရေးအထူးတင်းကျပ်သည့် ထောင်သို့ ပြောင်းရွှေ့

သည်နေးရှင်း

ထိုင်းနိုင်ငံ လိပ်ကျွန်းတွင် ဖြစ်ပွားသည့် ဗြိတိန်စုံတွဲ သတ်ဖြတ်မှုဖြင့် သေဒဏ်ချမှတ်ခြင်း ခံထားရသည့် မြန်မာရွှေ့ပြောင်းလုပ်သားနှစ်ဦးအား ဒီဇင်ဘာ ၂၆ ရက် နံနက်အစောပိုင်း၌ ထောင်တာဝန်ရှိသူများက လုံခြုံရေးတင်းကျပ်သည့် အကျဉ်းထောင်သို့ ထောင်ရွှေ့ပြောင်းလိုက်ကြောင်း သည်နေးရှင်းသတင်းတွင် ဖော်ပြသည်။

ကိုဇော်လင်းနှင့် ကိုဝင်းဇော်ထွန်းတို့ နှစ်ဦးအား Samui အကျဉ်းထောင်မှ လုံခြုံရေးအထူးတင်းကြပ်ရာ Nakhon Si Thammarat အကျဉ်းထောင်သို့ ပြောင်းရွှေ့ထားလိုက်ခြင်းဖြစ်သည်

၎င်းတို့ နှစ်ဦးအား Nakhon Si Thammarat အကျဉ်းထောင်သို့ ယနေ့ နံနက် လေးနာရီက ပြောင်းရွှေ့လိုက်ခြင်းဖြစ်သည်။

ဂစ်တာသမား အယောက် ၄၀ ကျော် စစ်ဘေးဒုက္ခသည် စခန်းတွေ သွားလှူမည်

မချောစန္ဒီထွန်း ထောင် ၆ လ ချမှတ်ခံရမှု အယူခံဝင်မည်

ဆလိုင်းသန့်စင်

လူမှုကွန်ရက် ဖေ့ဘုတ်စ်စာမျက်နှာတွင် တပ်မတော်ကို သရော်ခဲ့သဖြင့် မအူပင် အကျဉ်းထောင်တွင် ဖမ်းဆီး ထိန်းသိမ်းခံထားရသည့် မချောစန္ဒီထွန်း(ခ)ချစ်သမီးကို မအူပင်မြို့နယ် တရားရုံးက အီလက်ထရောနစ် ပုဒ်မ ၆၆(ဃ)ဖြင့် ထောင်ဒဏ် ၆ လ ချမှတ်လိုက်သည့် အပေါ် အယူခံဝင်သွားမည် ဖြစ်ကြောင်း သတင်းရရှိသည်။

မချောစန္ဒီထွန်း၏ မိခင်ဖြစ်သူ ဒေါ်အိစံက“ကျမသမီးအပေါ်မှာ ချမှတ်တဲ့ပြစ်ဒဏ်ဟာ တရားမျှတမှု မရှိပါဘူး။ ဒါကြောင့် လာမယ့် ဇန်န၀ါ ရီလ ၄ ရက်နေ့ လွပ်လပ်ရေးနေ့ လွတ်ငြိမ်းချမ်းသာခွင့်နဲ့ လွတ်လာမလား စောင့်ကြည့်ပါမယ်။ အဲဒီအချိန်မှာ လွတ်မလာခဲ့ရင်တော့ ခရိုင် တရားရုံးကို အယူခံဆက်တင်ဖို့ ရှိပါတယ်”ဟု ဧရာဝတီသို့ ပြောသည်။

အမျိုးသား ဒီမိုကရေစီ အဖွဲ့ချုပ်(NLD) ပါတီ ဥက္ကဋ္ဌ ဒေါ်အောင်ဆန်းစုကြည်၏ ထမီအရောင်နှင့် တပ်မတော်၏ အသစ် ပြောင်းလဲလိုက် သည့် စစ်ဝတ်စုံ အရောင်အသစ်တို့အား ဖေ့ဘုတ်စ် လူမှုကွန်ရက်တွင် ခိုင်းနှိုင်းပြောဆိုသည်ဟုဆိုကာ မချောစန္ဒီထွန်း(ခ) ချစ်သမီးအား တပ်မတော် ကိုယ်စား ပုသိမ် အခြေစိုက် အနောက်တောင်တိုင်း စစ်ဌာနချုပ်(နတခ)မှ ပထမတန်း စစ်ရေးဦးစီး အရာရှိ ဒုတိယ ဗိုလ်မှူး ကြီး ကျော်ထင်က အောက်တိုဘာလ ၁၂ ရက်နေ့ ညပိုင်းတွင် အမှုဖွင့် တရားစွဲဆိုခဲ့ပြီး ရဲတပ်ဖွဲ့ကလည်း ညတွင်းချင်း ဖမ်းဆီးခဲ့သည်။

တပ်မတော်ဘက်က မချောစန္ဒီထွန်းကို အသရေဖျက်မှု ပုဒ်မ ၅၀၀၊ အီလက်ထရောနစ် ပုဒ်မ ၆၆(ဃ)တို့ဖြင့် စွဲချက်တင်ခဲ့သော်လည်း အသေရေဖျက်မှု ပုဒ်မ ၅၀၀ မှာ သက်သေမခိုင်လုံသဖြင့် ဒီဇင်ဘာလ ၁၄ ရက်နေ့တွင် မအူပင်တရားရုံးက တရားရှင်လွှတ်ပေးခဲ့သည်။

မချောစန္ဒီထွန်းက တရားရုံးတွင် ဖေ့ဘုတ်စ်လူမှုကွန်ရက်တွင် ဓာတ်ပုံမတင်ခဲ့ကြောင်း၊ အကောင့်ပိုင်ရှင်မှာလည်း သူမဟုတ်ကြောင်း၊ရဲတပ်ဖွဲ့က ၄င်းအား ဖမ်းဆီး၍ ဓာတ်ပုံများ ပြသသည့်အချိန်မှသာ အဆိုပါဓာတ်ပုံများကို တွေ့ရှိရခြင်း ဖြစ်ကြောင်း ထွက်ဆိုခဲ့သည်။

သို့သော် တရားရုံးက ထောင်ဒဏ် အပြစ်ပေးခဲ့သဖြင့် မချောစန္ဒီထွန်းမှာ သမ္မတဦးသိန်းစိန် အစိုးရလက်ထက်တွင် အီလက်ထရောနစ် ဥပဒေပုဒ်မ ၆၆(ဃ)ဖြင့် ပထမဦးဆုံး ဖမ်းဆီးခံရသူနှင့် ထောင်ဒဏ်ချမှတ်ခံရသူအဖြစ် မှတ်တမ်းဝင်သွားခဲ့ပြီ ဖြစ်သည်။

မချောစန္ဒီထွန်း၏ ရှေ့နေဦးရောဘတ်စန်းအောင်က“ဒီဓာတ်ပုံက သူတင်တာမဟုတ်ဘူး။ ဘယ်သူတင်တယ်ဆိုတာလည်း သူမသိဘူး။ သူ့ကိုရဲက ဖမ်းပြီး ဓာတ်ပုံတွေပြတော့မှ သူသိတာ။ အဲဒါကို ပုံရှိနေလို့ အရေးယူခံရတယ်ဆိုတာက ကုလသမဂ္ဂ လူ့အခွင့်အရေး ကြေညာ စာတမ်းအပိုဒ် ၁၉ နဲ့ နှိုင်းဆရတော့မယ်။ ဖွဲ့စည်းပုံ အခြေခံ ဥပဒေ ပုဒ်မ ၃၅၄ မှာလည်း ကိုယ့်ရဲ့ထင်မြင်ချက်ကို မတင်ရဘူး၊ မပြောရ ဘူးလို့ ကန့်သတ်မထားဘူး။ အခြေခံဥပဒေအရ ပြောမယ်ဆိုရင်တော့ ဒီဟာကဘာမှ အပြစ်မရှိပါဘူး”ဟု ပြောသည်။

မချောစန္ဒီထွန်းကို စီရင်ချက်ချသည့် ရုံးချိန်းသို့ တရားလို ဒုတိယ ဗိုလ်မှူးကြီး ကျော်ထင် အပါအ၀င် တပ်မတော်ကိုယ်စားလှယ် တဦး တယောက်မျှ လာရောက်ခဲ့ခြင်း မရှိပါ။

တရားသူကြီးက ထောင်ဒဏ် ၆ လ ပြစ်ဒဏ်ချမှတ်ခံရပြီးနောက် မအူပင်အကျဉ်းထောင်သို့ မပို့ဆောင်မီ မချောစန္ဒီထွန်း(ခ) ချစ်သမီးက “သမီးကို ပြစ်မှုထင်ရှားတယ်လို့ ဆုံးဖြတ်တယ်ဆိုရင် ဦးရဲထွဋ် ဇနီးကလည်း ပြစ်မှုထင်ရှားပါတယ်။ အဲဒီအတွက် သူ့ကိုပါ တရားစွဲစေချင် ပါတယ်။ အားလုံးဟာ ဥပဒေအောက်မှာပဲ ရှိစေချင်ပါတယ်။ မြန်မာနိုင်ငံသားချင်း အတူတူကို NLD ပါတီဝင်ကိုမှ ဖိနှိပ်တယ်ဆိုတာ လုံးဝ မဖြစ်စေချင်ပါဘူး”ဟု သတင်းမီဒီယာများကို ပြောကြားခဲ့သည်။

မအူပင်နည်းပညာတက္ကသိုလ်မှ B.Tech (EC) ဖြင့် ဘွဲ့ရထားသူ မချောစန္ဒီထွန်းမှာ မအူပင်ခရိုင် ကျောင်းသားသမဂ္ဂ အဖွဲ့ဝင်ဟောင်း တဦးဖြစ်ပြီး ယခုနှစ် ဖေဖော်ဝါရီလအတွင်းက ပေါ်ပေါက်ခဲ့သည့် ဧရာဝတီကျောင်းသားသပိတ် စစ်ကြောင်းတွင် လိုက်ပါရင်း အမျိုးသား ပညာရေး ဥပဒေကို ဆန့်ကျင်ကန့်ကွက်ခဲ့သူတဦး ဖြစ်သည်။ နောက်ပိုင်းတွင် ကျောင်းသားသမဂ္ဂမှ နှုတ်ထွက်၍ မအူပင်မြို့နယ် NLD ပါတီသို့ ၀င်ရောက်ပြီး ပါတီ၏ ရွေးကောက်ပွဲ အောင်နိုင်ရေး လုပ်ငန်းများ ၀ိုင်းဝန်း ကူညီဆောင်ရွက်ခဲ့သူ ဖြစ်သည်။

ချစ်သမီး ကို ထောင်ဒဏ် (၆)လ ချမှတ်

နော်ဝေရဲ့ အရွေ့ဘယ်လိုရှိမလဲ

ကိုအောင်

နော်ဝေအစိုးရဟာ သမ္မတဦးသိန်းစိန် အစိုးရကို ပစ်ပြီး ထောက်ခံခဲ့တယ်။ ဒီမိုကရေစီ အင်အားစုကို မျက်နှာလွဲ ခဲပစ် လုပ်ခဲ့တယ်။ Myanmar Peace Centre (MPC) ရဲ့ ငြိမ်းချမ်းရေး ဖော်ဆောင်မှုကို ခြေစုံပစ်ကာ မျက်လုံး စုံမှိတ် ထောက်ခံခဲ့တယ်။ ဒါကြောင့် မြန်မာ အစိုးရဟာ နော်ဝေကို သူတို့ရဲ့ မိတ်ဆွေစစ်လို့ အစိုးရ သတင်းစာ တွေကနေ အလျဉ်းသင့်တိုင်း ထုတ်ဖော်ချီးကျူး အမွှမ်းတင်ခြင်းခဲ့ပါတယ်။

မြန်မာ့အပေါ်တင်နေတဲ့ အကြွေးတွေကို Paris Club မှာ နော်ဝေက ဦးဆောင်ပြီး ရှင်းပေးခဲ့ပါတယ်။ ဒီလိုရှင်း ပေးတဲ့ နေရာမှာ condition လို့ခေါ်တဲ့ စည်းကမ်းချက်၊ သတ်မှတ်ချက်တွေ မပါခဲ့ပါဘူး။ ဝေဖန်ခံခဲ့ရပါတယ်။ နော်ဝေရဲ့ Policy အပြောင်းအလဲကို NLD နဲ့ ဒေါ်အောင်ဆန်းစုကြည်ကိုယ်တိုင်ကတောင် မကြိုက်နှစ် သက်တဲ့အကြောင်း ပြောခဲ့တယ်လို့ သိရပါတယ်။

အခု NLD ပါတီနိုင်ပြီး နောက်ပိုင်း နော်ဝေအပါအဝင် နိုင်ငံတော်တော် များများဟာ ဣဒြေ္ဒ ပျက်ခဲ့ကြပါတယ်။ သူတို့ ပုံအောထားတဲ့ မြင်းရှုံးသွားလို့ပဲလို့ ခပ်ရှင်းရှင်းပဲ ပြောပါရစေ။ ဒီ ပါရာဒိုင်း အပြောင်းအလဲမှာ နော်ဝေရဲ့ မြန်မာ အပေါ်ထားတဲ့ Policy တွေကို ပြန်ပြီးသုံးသပ်ရတော့မှာ ဖြစ်ပါတယ်။

မကြာသေးခင်က NBC ခေါ် Norwegian Burma Committee က မြန်မာနိုင်ငံက မြန်မာ့အရေး လှုပ်ရှားသူ တွေ တချို့နဲ့ တိုင်းရင်းသား ခေါင်းဆောင်တို့ကို ဖိတ်ခဲ့ပါတယ်။ ကရင်အမျိုးသား အစည်းအရုံး KNU ဒု ဥက္ကဋ္ဌ နော်စီဖိုးရာစိန်၊ ၈၈ မျိုးဆက်ကျောင်းသားအဖွဲ့ရဲ့ ခေါင်းဆောင်တဦးဖြစ်တဲ့ ဦးကိုကိုကြီး နဲ့ ဦးခိုင်ဝင်းတို့ ဖြစ်ပါတယ်။

နော်စီဖိုးရာစိန်က NCA ခေါ် အပစ်အခတ်ရပ်စဲရေး လက်မှတ်ထိုးပွဲ မတက်ခဲ့သလို KNU လက်မှတ်ထိုး တာကိုလည်း သဘောမတူတဲ့ ကရင်ခေါင်းဆောင် အမျိုးသမီး ဖြစ်ပါတယ်။ ဦးကိုကိုကြီးကတော့ NCA လက်မှတ်ထိုးပွဲမှာ အသိသက်သေ လက်မှတ်ဝင်ရောက် ထိုးခဲ့သူ ဖြစ်ပါတယ်။ NLD ပါတီက သူ့ကို အမတ်လောင်း စာရင်းမှာပါဝင်ခြင်းကို ပယ်ချခံခဲ့ရသူ ဖြစ်ပါတယ်။ ဦးခိုင်ဝင်းကတော့ မြန်မာနိုင်ငံရေး သင်တန်းပေးနေသူ NLD ပါတီနဲ့ နီးစပ်သူ ဖြစ်ပါတယ်။ ဒီအဖွဲ့က နော်ဝေမှာ မြန်မာ့အရေး ဆွေးနွေးပြောကြားခဲ့သလို နော်ဝေရဲ့ နိုင်ငံခြားရေး ဌာနထိပ်ပိုင်း ပုဂ္ဂိုလ်တွေနဲ့လည်း တွေ့ဆုံခဲ့ပါတယ်။

ဒါကြောင့် နော်ဝေရဲ့ မြန်မာအပေါ်ထားတဲ့ Policy ဟာ အပြောင်းလဲတွေ ရှိလာနိုင်တယ်လို့ သုံးသပ် ရမှာပါ။

အခမဲ့ ပညာရေး စနစ် ဦးတည်ပြီး တတ်နိုင်သလောက်လုပ်သွားမယ်

ရနောင်းလူသတ်​မှု နှင့် အဖမ်းခံ မြန်မာများ ရဲက နှိပ်စက်ဟု ဆို

ဧရာဝတီ

စက်တင်ဘာလအတွင်းက အသက် ၁၇ နှစ် အရွယ်ကျောင်းသူတဦးကို သတ်ခဲ့သည်ဆိုသော စွပ်စွဲချက်ဖြင့် ဖမ်းဆီးခံခဲ့ရ သော မြန်မာရွှေ့ပြောင်းလုပ်သား ၄ ဦးက ၎င်းတို့ကို ရနောင်းရဲအဖွဲ့က နှိပ်စက်ညှဉ်းပမ်း၍ ဖြောင့်ချက်ပေးခိုင်းခဲ့သည်ဟု ပြောဆိုကြောင်း ဘန်ကောက်ထုတ် Bangkok Post သတင်းစာက ရေးသားလိုက်သည်။

မိုးဇင်အောင် (၁၉နှစ်)၊ ဇော်လေး(၂၅နှစ်)၊ မန်ဆန်း(၂၀နှစ်) နှင့် ကျော်စိုးဝင်း (၁၈နှစ်) တို့က စက်တင်ဘာလ ၂၈ ရက်နေ့ ညတွင် Orawee Sampaotong ကို ရက်စက်စွာ ဓားဖြင့် ထိုးသတ်ခဲ့ကြောင်း ၀န်ခံခဲ့ကြသည်ဟု ရဲအဖွဲ့၏ ကြေညာချက်များအရ သိရသည်။

သို့သော် Bangkok Post နှင့် ဒီဇင်ဘာလ ၂၇ ရက်နေ့က ရနောင်း အကျဉ်းထောင်တွင် တွေ့ဆုံသည့် အခါ ၎င်းတို့က Orawee Sampaotong ကို မသတ်ခဲ့ကြောင်း ပြောကြသည်။

“ရဲတွေက ကျနော်တို့ အဲဒီမိန်းကလေးကို သတ်တယ်လို့ စွပ်စွဲတယ်။ ကျနော်တို့က ငြင်းတဲ့အခါမှာ ကျနော်တို့ကို လည်ပင်းညှစ်တယ်။ လည်ပင်းကို ထိုးတယ်” ဟု အဖမ်းခံရသူ ၄ ဦး၏ကိုယ်စား ကျော်စိုးဝင်းက ပြောပြသည်။

ဖမ်းဆီးခံရသူများ၏ ဆွေမျိုးများ၊ ရှေ့နေများနှင့် တွေ့ဆုံမေးမြန်းမှုများအရ အောက်တိုဘာလ ၂၀ ရက်မှ ၂၄ ရက်အတွင်း ဖမ်းဆီးခံခဲ့ရသည့် သူတို့ ၄ ဦးကို နှိပ်စက်ညှဉ်းပန်းမှုများ ပြုလုပ်ခဲ့သည်ဟု သိရသည်။ မျက်လုံးကို စည်းထားခြင်း၊ သေနတ်ဖြင့် ခြိမ်းခြောက်ခြင်း၊ ခေါင်းကို ပလတ်စတစ်အိတ်ဖြင့် စွပ်ထားခြင်း နှင့် လိင်အင်္ဂါများကို ကန်ကျောက်ခြင်းများ ပြုလုပ်ခဲ့သည်ဟု ဆိုသည်။

(လူသတ်မှုဖြစ်ပွားသည့်နေ့က အဖြစ်အပျက်များကို အချိန်အလိုက် ဖော်ပြထားခြင်းများလည်း ပါဝင်သည့်) လက်မှတ်ရေးထိုးထားသည့် ဖြောင့်ချက်ဆိုသည်မှာလည်း ထိုင်းရဲအဖွဲ့က ပြောသည့်အတိုင်း ရေးထားခြင်း ဖြစ်သည်ဟု ကျော်စိုးဝင်းက ပြောသည်။ သဘောတူ လက်ခံရန် အတင်းအကျပ် ဖိအားပေးသည့်အတွက် ကြောက်ရွံ့ပြီး လက်မှတ်ထိုး ပေးလိုက်ရခြင်းဟု သူက ဆိုသည်။

အမှုဖြစ်ပွားသည့်အချိန်တွင် ၎င်းတို့ ၄ဦး အခြားနေရာတွင် ရှိနေကြောင်း ပြသနိုင်မည်ဟု ယုံကြည်ရသည့် လုံခြုံရေး ကင်မရာ ၂ ခုမှ မှတ်တမ်းများ ပြန်လည်ရရှိရန် ရှေ့နေများက ဆောင်ရွက်နေကြသည်။ ဆေးစစ်ချက်တခုကလည်း ဖမ်းဆီးခံရသူ ၄ ဦး အနက်မှ ၃ ဦးသည် ရဲအချုပ်ခန်းတွင် ရှိနေစဉ်အတွင်း ရုပ်ပိုင်းဆိုင်ရာ ထိခိုက်နာကျင်မှုရှိခဲ့ကြောင်း ဖော်ပြထားသည်။ ထိုင်းနိုင်ငံ၏ ဥပဒေအရ နှိပ်စက်ညှဉ်းပမ်း၍ ရရှိလာသော သက်သေအထောက်အထားကို ခွင့်မပြုပါ။

“ကျမတို့မှာ သူတို့ ၄ယောက် အပြစ်မရှိကြောင်း ပြသနိုင်တဲ့ သက်သေ အထောက်အထား ရှိတယ်လို့ ကျမယုံကြည်ပါတယ်” ဟု ယခုအမှုတွင် လိုက်ပါဆောင်ရွက်ပေးနေသည့် ရှေ့နေ တဦးဖြစ်သည့် Kunanya Songsamuth က ပြောသည်။

နှိပ်စက်ညှဉ်းပန်း၍ ဖြောင့်ချက်ရယူခဲ့သည်ဆိုသော အချက်ကို တရားခွင်သို့ ရောက်သည့် အချိန်တွင် ခုခံချေပမှု၏ တစိတ်တပိုင်းအဖြစ် အသုံးပြုနိုင်လိမ့်မည်ဟု Kunanya Songsamuth ကပြောသည်။ သူတို့ ဖမ်းဆီးခံရသည့် အချိန်နှင့် နှိပ်စက်ခံရကြောင်းပြောသည့် အချိန်ကြားမှ ကာလမှာ အလွန် တိုတောင်းကြောင်း၊ ထို့ကြောင့် သူတို့၏ တင်ပြမှုက ကျိုးကြောင်းဆီ လျော်မှုရှိသည်ဟု တရားရုံးက စဉ်းစားဖွယ်ရှိသည်ဟုလည်း သူက ဆိုသည်။

ဖမ်းဆီးခံရသူများ၏ ဥပဒေ အကျိုးဆောင်များမှာ သူတို့ထဲမှ ၂ ဦး၏ အသက်အရွယ်အတွက် အငြင်းပွားနေရသည်။ မြန်မာနိုင်ငံမှ ၎င်းတို့၏ အိမ်ထောင်စုစာရင်းများအရ အမှန်တကယ်အားဖြင့် မိုးဇင်အောင်က အသက် ၁၅ နှစ်နှင့် ကျော်စိုးဝင်းက အသက် ၁၄ နှစ်သာ ရှိသေးသည်ဟု ဆိုသည်။ အသက်လိမ်ထားခြင်းမှာ ငါးဖမ်းလုပ်ငန်းတွင် အလုပ်လုပ်နိုင်ရန်အတွက် ဖြစ်သည်ဟု ရှေ့နေများက ပြောသည်။ အကယ်၍ သူတို့က အသက် ၁၈ နှစ်အောက် ဖြစ်ခဲ့လျှင် ကလေးရာဇ၀တ်သားများအဖြစ် စီစဉ်ဆောင်ရွက်ပေးသင့်သည်ဟု ရှေ့နေများက ဆိုသည်။

စုံစမ်းစစ်ဆေးရေး အရာရှိများထဲမှ တဦးဖြစ်သော ဒုရဲမှူးကြီး Wuttipon Dintong က အမှုနှင့် ပတ်သက်၍ အသေးစိတ် ရှင်းပြရန် ငြင်းဆန်ခဲ့သော်လည်း ဖမ်းဆီးခံရသူများကို နှိပ်စက်ခဲ့သည် ဆိုသော စွပ်စွဲမှုများကို ပယ်ချသွားခဲ့သည်။

ရွှေ့ပြောင်းလုပ်သားများနှင့် ပတ်သက်သော အမှုများနှင့် အကျွမ်းတ၀င်ရှိသည့် ရှေ့နေများက ယခုအမှုသည် ယမန်နှစ်က လိပ်ကျွန်းတွင် ဗြိတိန်နိုင်ငံသား ကမ္ဘာလှည့်ခရီးသည် ၂ ဦး အသတ်ခံခဲ့ရသည့် အမှုနှင့် တူညီနေသည်ဟု ဆိုသည်။ မြန်မာရွှေ့ပြောင်းလုပ်သား ၂ ဦးကို လူသတ်မှုများဖြင့် ပြစ်ဒဏ် ချမှတ်ခံခဲ့ရခြင်းသည် ကြားထဲက စတေးခံလိုက်ရခြင်း ဖြစ်သည်ဟု အများစုက ယူဆထားကြသည်။

သို့သော်လည်း လူသတ်မှု ကျူးလွန်ခဲ့ကြောင်း မြန်မာအလုပ်သမား ၂ယောက်က ဖြောင့်ချက် ပေးခဲ့ကြပြီး DNA နမူနာများ ကလည်း ၎င်းတို့နှင့် ဆက်နွယ်မှုရှိကြောင်း ဖော်ပြနေသည်ဟု ရဲအဖွဲ့က ဆိုသည်။ မြန်မာအလုပ်သမား ၂ ဦးကမူ ၎င်းတို့၏ ထွက်ဆိုချက်များကို ပြန်လည် ရုပ်သိမ်းခဲ့ပြီး ရဲတပ်ဖွဲ့က အတင်းအကျပ် ထွက်ဆိုခိုင်းခဲ့ခြင်း ဖြစ်ကြောင်းပြောကြသည်။ သူတို့ကို ကောစမွေ တရားရုံးက ဒီဇင်ဘာလ ၂၄ ရက်နေ့တွင် သေဒဏ် ချမှတ်ခဲ့ပါသည်။

ယခု ရနောင်းမှ အမှုကို စုံစမ်းစစ်ဆေးရာတွင် ဦးဆောင်နေသော ရဲမှူးကြီး Cherdpong Chiewpreecha သည် လိပ်ကျွန်းအမှု စုံစမ်းစစ်ဆေးရာတွင် ပါဝင်ခဲ့ပြီး တရားရုံးတွင် သက်သေခံ ထွက်ဆိုခဲ့သူ တဦးလည်း ဖြစ်ကြောင်း Bangkok Post သတင်းစာက ရေးသားထားသည်။

မမှန် သက်သေ ထွက်ဆိုမှု အရေးယူဖို့မသင့်လို့ တရားသူကြီး ဆုံးဖြတ်

ထိုင်းဘုရင်ထံ မြန်မာဆန္ဒပြသူများ တောင်းဆိုချက် ပို့ပေးမည်ဟု ထိုင်းကောင်စစ်ဝန် ကတိပေး

ဆင်ဟွာ

မြန်မာရွှေ့ပြောင်းအလုပ်သမားနှစ်ဦးအား ထိုင်းနိုင်ငံ လိပ်ကျွန်းက ဗြိတိန်စုံတွဲလူသတ်မှုဖြင့် ထိုင်းတရားရုံးက သေဒဏ်ချမှတ်လိုက်ခြင်းအပေါ် ဆန္ဒပြမှုများ ဖြစ်ပွားနေရာ ရန်ကုန်ရှိ ထိုင်းသံရုံးမှ သံတမန်တစ်ဦးက ဆန္ဒပြသူများ၏ တောင်းဆိုချက်ကို ထိုင်းဘုရင်ထံသို့ အသနားခံ တင်ပြပေးမည်ဖြစ်ကြောင်း ကတိပြုပြောကြားခဲ့သည်။

ထိုင်းကောင်စစ်ဝန် Chatnopdol Aksornsawad က ၎င်းအနေဖြင့် ထိုင်းတရားစီရင်စနစ်ကို စွက်ဖက်နိုင်ခြင်း မရှိကြောင်း၊ ဆန္ဒပြသူမျာ၏ တောင်းဆိုချက်များကိုမူ မြန်မာပြည်သူများ၏ ခံစားချက်အပေါ် ကရုဏာသက်သည့် ထိုင်းဘုရင်နှင့် ထိုင်းပြည်သူများထံသို့ ပေးပို့ပေးမည်ဖြစ်ကြောင်း သံရုံးရှေ့ ဆန္ဒပြသူများကို ပြောကြားခဲ့သည်။

တရားခံနှစ်ဦးအတွက် မြန်မာအစိုးရက အယူခံဝင်ခြင်းနှင့်အတူ ကူညီပေးသွားမည်ဖြစ်ကြောင်း ဖေ့ဘုတ်တွင် မှတ်ချက်ပြုပြောကြားထားသည်။

နယ်စပ်ကုန်သွယ်ရေး ကုန်သည်များအသင်းကို ပြန်လည်ဖွဲ့စည်းမည်

လိပ်ကျွန်းအမှု ဗြိတိန်ရပ်တည်ချက် လူ့အခွင့်အရေးအဖွဲ့များ စိုးရိမ်

ပီတာဝေါလ်ကာ

လိပ်ကျွန်းလူသတ်မှု၏ ရှုပ်ထွေးမှု အများအပြားထဲ ဗြိတိန်၏ အခန်းကဏ္ဍလည်း ပါဝင်နေခဲ့သည်။ ဗြိတိန်က ၀မ်းနည်းပူဆွေးနေသည့် ဗြိတိသျှမိသားစု ၂ စုကို ကူညီရန် ကြိုးစားရင်း မျှတသော တရားစီရင်မှု ဖြစ်စေရေး ထိုင်းအာဏာပိုင်များအပေါ် အဆက်မပြတ် ဖိအားပေးနေခဲ့သည်။ ထိုကိစ္စက ခက်ခဲပြီး ဟန်ချက်ညီမျှမှု ပြည့်စုံစွာ မရခဲ့ပါ။

Guardian သို့ ပြီးခဲ့သည့် နိုဝင်ဘာလအတွင်းတွင် ပြောကြားခဲ့ကြပါသည်။

သို့သော်လည်း ပြီးခဲ့သည့်နှစ် ဒီဇင်ဘာလအတွင်းတွင် ၎င်းတို့ မိသားစုများ၏ ပထမဆုံး ကြေညာချက်များ ဗြိတိန်နိုင်ငံခြားရေး ၀န်ကြီးဌာနမှ တဆင့်ထွက်ပေါ်လာသည့်အခါ မမျှော်လင့်ဘဲ ထိုင်းရဲအဖွဲ့၏ စုံစမ်းစစ်ဆေးမှုကို ထောက်ခံထားကြောင်း တွေ့ရသည်။ “ကျန်ရစ်သူ မိသားစုအနေဖြင့် ယခုကဲ့သို့ ရက်စက်ကြမ်းကြုတ်သောအမှုနှင့် ပတ်သက်၍ ဆောင်ရွက်နေမှုများ အပေါ် ယုံကြည်မှုရှိကြောင်း ပြောကြားလိုပါသည်”ဟု Hannah Witheridge ၏ မိသားစုက ဆိုသည်။

David Miller ၏ မိသားစုကလည်း ဇော်လင်းနှင့် ၀င်းဇော်ထွန်းအပေါ် ညွှန်ပြနေသည့် သက်သေ အထောက်အထားများ ခိုင်မာအားကောင်းပြီး ယုံကြည်လက်ခံနိုင်လောက်သည့် အသွင်ရှိသည်ဟု ဆိုသည်။

ထိုသို့ ကြေညာခဲ့သည့် အတွက် ဗြိတိန်ရဲအဖွဲ့၏ ပါဝင်ပတ်သက်မှုက စောင့်ကြည့်လေ့လာသည်ထက် ပိုလွန်သွားမည်ကို လူ့အခွင့်အရေး အဖွဲ့များက ပိုမို စိုးရိမ်လာစေခဲ့သည်။

စွပ်စွဲခံရသူများဘက်မှ ဆောင်ရွက်ပေးနေသူများအတွက်မူ ယခုကိစ္စက အခြားအရာများထက် ပိုမို သိသာစေခဲ့သည်။ ထိုင်းနိုင်ငံ အခြေစိုက် ဗြိတိန်နိုင်ငံသား လူ့အခွင့် အရေးလှုပ်ရှားသူတဦး ဖြစ်ပြီး တရားခံရှေ့နေ အဖွဲ့ကို ကူညီပေးနေသည့် Andy Hall က ဗြိတိန်ရဲအဖွဲ့၏ အခန်းက က စိုးရိမ်စရာ ဖြစ်သည်ဟု ပြောသည်။

သက်သေ အထောက်အထားများကို စွပ်စွဲခံရသူများ၏ ဥပဒေအကျိုးဆောင်များသို့ မျှဝေပေးရန် ငြင်းပယ်ခြင်းက ဗြိတိန် နိုင်ငံ၏ ကျင့်ဝတ်တခုဖြစ်သော သေဒဏ်ချမှတ်ခံရနိုင်သည့် အမှုများတွင် ၀င်ရောက်အကူအညီပေးခြင်း မပြုရေးကို ချိုးဖောက်သလို ဖြစ်သွားနိုင်ကြောင်း တောင်းဆိုခဲ့ကြသည်ဟု Andy Hall ကဆိုသည်။

“အချက် အလက်တွေ ထုတ်ပေးဖို့ အခုလို ညင်းပယ်ခဲ့တာက အမှုရဲ့ အကဲဆတ်တဲ့ သဘာဝနဲ့ ၂ နိုင်ငံကြားက နိုင်ငံ တကာ ဆက်ဆံရေး အပေါ် ဂယက်ရိုက်မှုတွေနဲ့ သက်ဆိုင်နေဖွယ်ရာ ရှိပါတယ်” ဟုလည်း သူက ထပ်ပြောသည်။

မြေနုကျွန်း ခွဲဝေပေးမှုကို မကျေမနပ်ဖြစ်နေကြ

ရွေးကောက်ပွဲ အမှုပေါင်း ၄၀၀ လောက် NLD ရင်ဆိုင်နေရတယ်လို့ ဆို

ထိုင်းနိုင်ငံတွင် မြန်မာနှစ်ဦး သေဒဏ်ချခံရမှုအပေါ် အစိုးရ၏ ကူညီမှု လုံလောက်မှုမရှိဟု ခံစားရ

ဇော်ခမ်းဟိန်း

ထိုင်းနိုင်ငံ၊ ကော့စမွီကျွန်း၌ ဗြိတိန်စုံတွဲအားသတ်သည်ဟုဆိုကာ မြန်မာနိုင်ငံသားနှစ်ဦးအား သေဒဏ် ချမှတ်မှုအပေါ် မြန်မာအစိုးရ၏ ပူးပေါင်းဆောင်ရွက်မှုမှာ လုံလောက်မှုမရှိဟု ခံစားရကြောင်း ရခိုင်အမျိုးသားပါတီမှ ဗဟိုအလုပ်အမှုဆောင် ဦးအေးသာအောင်က မဇ္ဈိမသို့ ပြောကြားသည်။

'မြန်မာနိုင်ငံသားများ ပြည်ပနိုင်ငံတွေကို အကြောင်းကြောင်းကြောင့် ရောက်သွားပြီး ပြဿနာဖြစ်ရင် ယခင်အစိုးရအဆက်ဆက်က ဘာမှဆောင်ရွက်ပေးတာ မရှိဘူး။ မိမိတို့လူတွေဘဲ ခံခဲ့ရတယ်။ အခု အစိုးရက တတ်နိုင်သလောက် ဆောင်ရွက်ပေးတာရှိတယ်။ သို့သော် လုံလောက်မှုမရှိဘူးလို့ ခံစားရ တယ်။ ကျွန်တော်တို့နိုင်ငံသားတွေအတွက် အကာအကွယ်ပေးဖို့လိုတယ်။'' ဟု ၄င်းကပြောသည်။

အမှုနှင့်ပတ်သက်၍ ရခိုင်အမျိုးသားပါတီမှ စဉ်ဆက်မပျက် လေ့လာခဲ့ပြီး ပြစ်ဒဏ်ချခံရသည့် လူငယ် နှစ်ယောက်အား ဆက်လက်ကူညီပံ့ပိုးရန် အဖွဲ့အစည်းများနှင့် ပူးပေါင်းဆောင်ရွက်ကာ နိုင်ငံတော်မှ လည်း ဖြစ်နိုင်သည့်နည်းလမ်းများနှင့် ပူးပေါင်းပေးရန် သမ္မတနှင့် အစိုးရအား တိုက်တွန်းမည်ဟုလည်း ဦးအေးသာအောင်က ပြောကြားသည်။

ဥပဒေအထောက်အကူပြုအဖွဲ့ (Legal Aid Center) မှ ပရိုဂရမ်ဒါရိုက်တာ ဦးကျော်မြင့်ကလည်း ''အခုကတော့ ကိုယ့် အစီအစဉ်နဲ့ ကိုယ်လုပ်နေကြတယ်။ အစိုးရကလည်း ကိုယ့်နိုင်ငံသားကို ကူညီပေးဖို့ တာဝန်ရှိတယ်။ ဖွဲ့စည်းပုံအခြေခံဥပဒေမှာလည်းပါတယ်။ လောလောဆယ်တော့အစိုးရက ပူးပေါင်းပါဝင်မှုအားနည်းတယ်လို့ ပြောလို့ရတယ်။ သူတို့ဘက်မှာအချက်အလက်တွေလည်း အားနည်း နေသေးလို့နေမှာပါ။'' ဟု မဇ္ဈိမသို့ပြောသည်။

Legal Aid Center သည် ထိုင်းနိုင်ငံရှိ CSO အဖွဲ့ဖြစ်သော MWRN နှင့် HRDF အဖွဲ့များနှင့် ပူးပေါင်း၍ အယူခံတက်ရန် ကြိုးစားလုပ်ဆောင်နေပြီး အစိုးရနှင့် လောလောဆယ် ပူးပေါင်းဆောင်ရွက်မှု မရှိသေးပါဟု ၄င်းကဆိုသည်။

''ဦးတို့ Legal Aid Center ရယ်၊ MLAW (Myanmar Laws) ရယ် ပူးပေါင်းလုပ်ဆောင်နေတယ်။ နောက် အရှေ့တောင်အာရှ (၇) နိုင်ငံပေါင်းထားတဲ့အဖွဲ့ SEALAW (South East Asia Laws) ကိုလည်း ဘယ်လိုအတိုင်းအတာထိကူညီလို့ရမလဲဆိုတာ အီးမေးလ်ပို့ပြီးအကြောင်းကြားထားပြီ။'' ဟု SEALAW အဖွဲ့၌လည်း မြန်မာနိုင်ငံကိုယ်စားလှယ်ဖြစ်သူ ဦးကျော်မြင့်က ပြောသည်။

နိုင်ငံတော်သမ္မတ၏ ပြောရေးဆိုခွင့်ရှိသူ ပြန်ကြားရေးဝန်ကြီး ဦးရဲထွဋ်က မြန်မာနိုင်ငံသားနှစ်ဦးအနေ နှင့်ထိုင်းနိုင်ငံဥပဒေနှင့်အညီ အယူခံခွင့်အဆင့်ဆင့် ဆောင်ရွက်နိုင်ရန် မြန်မာအစိုးရအနေဖြင့် ကူညီ ပံ့ပိုးဆောင်ရွက်သွားမှာဖြစ်ကြောင်း၊ ထိုင်းနိုင်ငံဆိုင်ရာ မြန်မာသံရုံးမှလည်း ထိုင်းနိုင်ငံရှိမြန်မာ အဖွဲ့အစည်းများနှင့်ပူးပေါင်းဆောင်ရွက်သွားမည်ဟု ၄င်း၏ ဖေ့စ်ဘုတ်စာမျက်နှာတွင် ဒီဇင်ဘာ ၂၄ ရက်နေ့က ရေးသားထားသည်။

သမ္မတရုံးညွှန်ကြားရေးမှူး ဦးဇော်ဌေးကလည်း ''ယနေ့ချမှတ်ခဲ့သော စီရင်ချက်အတွက် High Court သို့ ဆက်လက်အယူခံတင်ပြမည်။ ထို့နောက် ထိုင်းနိုင်ငံတရားလွှတ်တော်သို့ ပြစ်ဒဏ်လျှော့ပေါ့ ပေးရေးအတွက် ဆက်၍အယူခံဝင်နိုင်ရေး ဆောင်ရွက်မည်။ လိုအပ်လျှင် ထိုင်းဘုရင့်ကောင်စီသို့ ဆက်လက်တင်ပြကာ ပြစ်ဒဏ်သက်သာခွင့် အယူခံတင်ပြခြင်းများ ဆက်လက်ဆောင်ရွက်ရမည်။'' ဟု ၄င်း၏ လူမှုကွန်ရက်စာမျက်နှာတွင် ဒီဇင်ဘာ ၂၄ ရက်နေ့က ဖော်ပြထားသည်။

စစ်ဘေးရှောင် ဒုက္ခသည်စခန်းကို ပြန်လည်ထူထောင်ရေးပစ္စည်းများလှူဒါန်း

ငါးခုံးမ တကောင်ကြောင့် (ခရိုနီ) တလှေလုံးပုတ်

ဧရာဝတီ

အနိုင်ရ အမျိုးသားဒီမိုကရေစီအဖွဲ့ချုပ်က အမေရိကန် ဆန်ရှင် ( US sanction) ထိထား သော သူဌေးကြီး (ခရိုနီ) ဦးတေဇ၏ ဟိုတယ်တွင် နိုင်ငံရေးသင်တန်း ပေးသည့် သတင်း သည် အားလုံး၏ (မဲဆန္ဒရှင်များ အပါအဝင်) ပါးစပ်ဖျားတွင် ပြောနေကြသော သတင်း တပုဒ် ဖြစ်သည်။

ခရိုနီ အချင်းချင်းမှာတောင် ထူးကုမ္ပဏီကို တည်ထောင်ခဲ့သော ဦးတေဇသည် ယခင် စစ်အစိုးရ အာဏာရှင်များနှင့် ရင်းနှီးခဲ့သူ၊ စီးပွားရေး အခွင့်လမ်းကို ရသလောက်ယူခဲ့သူ သစ်လုပ်ငန်း၊ လက်နက်ပွဲစား (စစ်တပ်အတွက် ဟယ်လီကော့ပတာ ဝယ်ပေးခဲ့တာဟု သူကဖွင့်ဟ ဝန်ခံခဲ့ဘူးသည်) လုပ်ငန်းများတွင် ပါဝင်ခဲ့သူ ဖြစ်သည့်အတွက် US ၏ စီးပွားရေး ပိတ်ဆို့မှုကို ခံနေရသူဟု ပြည်တွင်း ပြည်ပတွင် ပုံရိပ်ဆိုး ရှိခဲ့သူ ဖြစ်ပါသည်။

ယခုနိုင်ငံရေး အရွေ့တွင်လည်း ဦးတေဇနှင့် သူ၏ ကုမ္ပဏီသည် ဒေါ်အောင်ဆန်းစုကြည်ကို ပြေးကပ်ခဲ့သည်။ အမျိုးသားဒီမိုကရေစီ အဖွဲ့ချုပ်ကို ကူညီထောက်ပံ့မှုတွေ လုပ်ခဲ့သည်ဟု သတင်းများက ရေးသားဖော်ပြခဲ့သည်။ ဦးတေဇ တဦးထဲတော့ မဟုတ်ပါ။

ယခင်နှစ်တွေက NLD ပါတီ ရံပုံငွေရှာပွဲများတွင် ဦးတေဇအပါအဝင် ခရိုနီများ၊ သူဌေးများ ငွေကြေးပါဝင် လှူဒါန်းခဲ့ကြသည်။ ၂၀၁၃ နှစ်ဦးပိုင်းက ကျင်းပတဲ့ ရံပုံငွေပွဲတခုမှာ ဆိုရင် ဦးတေဇ ကုမ္ပဏီက ဒေါ်လာ ၈၂, ၀၀၀ လှူခဲ့ပါတယ်။ ဒီလို ဒေါ်အောင်ဆန်းစုကြည်နဲ့ NLD ပါတီကို လှူခဲ့တဲ့ ရည်ရွယ်ချက်ကို မှန်းဆကြည့်မယ်ဆိုရင် US Sanction စာရင်းက ထွက် ချင်နေတာ အဓိကအကြောင်းအရင်းလို့ အများစုက ခန့်မှန်းတွက်ချက်ကြပါတယ်။ မြန်မာလိုဆိုရင်တော့ အကျိုးလိုလို့ ညောင်ရေလောင်းတာပေါ့။

ဒေါ်အောင်ဆန်းစုကြည် ကိုယ်တိုင်ကလည်း “ဒီခရိုနီတွေကို ပြုပြင်ဖို့အတွက်တော့ အခွင့် အလမ်းပေးရမယ်။ အရင်တုန်းက ဘာအမှားတွေပဲ လုပ်ခဲ့လုပ်ခဲ့လို့” ခရိုနီတွေဖက်က စဉ်းစားပြီးပြောခဲ့တာ တွေ့ရသည်။

ဘဝရှင်မင်းတြားကြီး ဦးသန်းရွှေကို မကြာခင်က တွေ့ဆုံပြီး သူရဲ့ စိုးရိမ်မှုတွေ၊ အကြောက် တရားတွေကို အမျိုးသားရင်ကြားစေ့ရေးအတွက် ရည်ရွယ်ပြီး တွေ့ခဲ့တဲ့ ခေါင်းဆောင်ဟာ ဦးတေဇလို ခရိုနီဆိုးတွေကို ခွင့်လွတ်နိုင်တယ်ဆိုတာ အားလုံးတွက်ဆပြီးသားဖြစ်မှာပါ။

ဒါ့အပြင် ဒီခရိုနီတွေရဲ့ ပိုက်ဆံတွေဟာ ဇိမ်ခံပစ္စည်းတွေ သူတို့ကြိုက်တဲ့ နောက်ဆုံးပေါ် ကားတွေ ဝယ်စီး အသုံးပြုရုံတာ မဟုတ်ဘဲ အကျိုးရှိတဲ့နေရာမှာ သုံးပေးရင် ကောင်းတာ ပဲလို့ အကောင်းမြင်သူတွေလည်း ရှိသည်။

မှန်ပါသည်။

ဒါပေမယ့် NLD ပါတီနဲ့ ဒေါ်အောင်ဆန်းစုကြည်က ခရိုနီတန်ခိုးနဲ့ တိုင်းပြည်အမျိုးဂုဏ် ခရိုနီ တွေရဲ့ အမျိုးဂုဏ် တက်အောင် လုပ်ဖို့တော့ စိတ်မကူးပါနဲ့၊ ဘာကြောင့်လဲဆိုတော့ NLD ပါတီဆိုတာ ခရိုနီတွေရဲ့ Laundry အဝတ်လျှော်စက်ကြီး ဖြစ်မသွားဖို့ အရေးကြီး၏။

အနိုင်ရတဲ့ NLD ပါတီကို ထောက်ခံလို့ US ကနေ ဆန်ရှင်နှုတ်ပေးမယ်ဆိုရင် ခရိုနီ တွေအားလုံး NLD ပါတီကို အဝတ်လျှော်စက်လို့ပဲ မြင်ကြတော့မှာ ဖြစ်သည်။

သယံဇာတ ပေါကြွယ်ဝတဲ့ မြန်မာနိုင်ငံကို စည်းမဲ့ကမ်းမဲ့ ပရမ်းပတာ လောဘဇောတိုက်ပြီး သဘာဝပတ်ဝန်းကျင်တွေကို ဖျက်ဆီးခဲ့တာ ခရိုနီ စီးပွားရေးသမားတွေ အများစု ဖြစ်သည်။ သူတို့ပဲ ချမ်းသာလာပြီး တိုင်းပြည်က မွဲပြာလာနေဆဲပါ။ ဘဏ္ဍာပုံပေါ်မှာ ထိုင်နေပြီး ပြည်သူ၊ ပြည်သားတွေကို ဘယ်လိုပြန်ကူရမလဲ ဆိုတာတောင် စိတ်မကူးနိုင်တဲ့ ခရိုနီတွေက အများစု ဖြစ်သည်။

(တိုင်းပြည်ကို ကောင်းစေချင် တဲ့၊ အရွေ့ကို ကောင်းစေချင်တဲ့ ခရိုနီကောင်း တချို့လည်း ရှိနေနိုင်တယ်လို့တော့ ယုံကြည်ပါတယ်။)

ဦးတေဇ အပါအဝင် ခရိုနီတွေက သူတို့မှားခဲ့ပါတယ်၊ ပြန်လျှော်ပါ့မယ်လို့ ပြည်သူပြည်သား တွေကို တရားဝင် ပြောခဲ့ရင်တော့ ခွင့်လွတ်နိုင်တဲ့ သဘောထားတွေ ရှိလာနိုင်သလို အပြောင်းအလဲကို တကယ်ယုံကြည်ဖို့ လိုပါသည်။

လောလောဆယ်မှာတော့ ငါးခုံးမ တကောင်ကြောင့် (ခရိုနီ) တလှေလုံး အပုတ်နံ့မှာ NLD ဟာ ခရိုနီတွေရဲ့ အဝတ်လျှော်စက် ဖြစ်မသွားဖို့တော့ လိုပါတယ်။ ဦးတေဇနဲ့ NLD ပါတီ ရင်ကြားစေ့တာဟာ ပြည်သူပြည်သားတွေရဲ့ အကျိုးစီးပွားအတွက်ပဲ ဖြစ်ရမယ်။

Elite တွေရဲ့ အကျိုးတူ ရင်ကြားစေ့ပွဲ ဖြစ်သွားရင် ပြည်သူပြည်သားတွေ ရင်ကွဲသွား ပါလိမ့်မယ်။

လိပ်ကျွန်းအမှု လူငယ်နှစ်ယောက် လွတ်မြောက်ရေး ဘူးသီးတောင်မှာ ဆန္ဒထုတ်ဖော်

မြန်မာလုပ်သားနှစ်ဦးကို ထိုင်းတရားရုံးက သေဒဏ်ချမှတ်သည့်အပေါ် ပြန်သုံးသပ်ရန် UNFC ထိုင်းအစိုးရထံ စာပို့

ဖနိဒါ

ထိုင်းတောင်ပိုင်း ကော့သောင်(လိပ်ကျွန်း)တွင် ဗြိတိန်နိုင်ငံသားနှစ်ဦး အသတ်ခံမှုဖြင့် သေဒဏ်ချမှတ်ခံရသော မြန်မာရွှေ့ပြောင်းအလုပ်သမားနှစ်ဦး ဥပဒေအကြောင်းအရ ပြန်လည် စဉ်းစားသုံးသပ်သင့်ကြောင်း ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ(UNFC) က အိတ်ဖွင့်ပေးစာတစ်စောင်ကို ထိုင်းတော်ဝင်အစိုးရသို့ ပေးပို့လိုက်သည်။

ဒီဇင်ဘာလ ၂၄ ရက်က ဇော်လင်းနှင့် ဝေဖြိုးတို့အား လူသတ်မှုနှင့် အဓမ္မပြုကျင့်မှု၊ နိုင်ငံတွင်း ခိုးဝင်နေထိုင်မှု စသည့် ပုဒ်မများဖြင့် သေဒဏ်ချမှတ်ခဲ့သလို၊ အခြား အမှု ၅ မှုကိုလည်း သီးခြားအမိန့်ချမှတ်မှုအပေါ် UNFC ၏ အထွေထွေအတွင်ေးရးမှူး ခူဦးရယ်၏ လက်မှတ်ဖြင့် ထိုင်းဝန်ကြီးချုပ် ထိုင်းတော်ဝင်အစိုးရအဖွဲ့ ထိုင်းဘရင့်နိုင်ငံတော်သို့ ဒီဇင်ဘာလ ၂၆ ရက်က မေတ္တာရပ်ခံလိုက်ခြင်း ဖြစ်သည်။

“နှစ်နိုင်ငံ အပြန်အလှန် ချစ်ကြည်ရင်းနှီးမှုနှင့် ဘုံအကျိုးစီးပွားတို့အပေါ် လေးစား အသိအမှတ်ပြု၍လည်းကောင်း အကျဉ်းချခံရသူများ၏ လွှတ်ငြိမ်းချမ်းသာခွင့်အပေါ်တွင် နိုင်ငံသားတို့ ရရှိခံစားထိုက်သည့် အခွင့်အရေးများကိုလည်းကောင်း ဥပဒေကြောင်းအရ ပြည်လည် စဉ်းစားသုံးသပ်သင့်ပါကြောင်း အလေးအနက်ထား မေတ္တာရပ်ခံတင်ပြအပ်ပါသည်”ဟု အိတ်ဖွင့်ပေးစာတွင် ဖော်ပြထားသည်။ ယခုကဲ့သို့ ထိုင်းနိုင်ငံ ကော့စမွီခရိုင် တရားရုံးမှ မြန်မာနိုင်ငံသား နှစ်ဦးအား အမြင့်ဆုံး သေဒဏ် ချမှတ်မှုအပေါ် UNFC အနေဖြင့် လွန်စွာ စိတ်မချမ်းမြေ့ဖွယ် ဖြစ်ရပါကြောင်း ဆိုထားသည်။

ထို့ပြင် တရားခံဟု စွတ်စွဲခံထားရသူ မြန်မာနိုင်ငံသားများ၏ နောက်ကြောင်း ရာဇဝင်အရသော်လည်းကောင်း၊ ထိုင်းနိုင်ငံအတွင်း နေထိုင်အလုပ်လုပ်ကိုင်နေစဉ်အတွင်း ၎င်းတို့နေထိုင်သော ပတ်ဝန်းကျင်၏ ထွက်ဆိုချက်များ၊ မူခင်းဖြစစဉ်နှင့် သက်သေအထော်ကအထားများအရ ၎င်းတို့နှစ်ဦးအနေဖြင့် အပြစ်ကျူးလွန်ခဲ့ခြင်း မရှိကြောင်း အများက ယုံကြည်ထားသည်ဟု အိတ်ဖွင့်ပေးစာက ဆိုသည်။

မြန်မာနိုင်ငံသည် ဗြိတိသျှကိုလိုနီနယ်ချဲ့လက်အောက်က လွှတ်လပ်ရေးရခဲ့ချိန်မှစ၍ ယနေ့တိုင် အခြေခံ နိုင်ငံရေး ပြဿနာအား နိုင်ငံရေးနည်းအရ မဖြေရှင်းနိုင်သေးသည့်အတွက် ပြည်သူလူထုများ လူမှုဆင်းရဲ ဒုက္ခမျိုးစုံဖြင့် ချွတ်ခြုံကျလျက် ရှိကာ တိုင်းပြည် ထူထောင်ရေးလည်း ကောင်းမွန်စွာ မလုပ် ဆောင်နိုင် သည့်အတွက် အခြေခံ အဆောက်အဦးများမှာလည်း လစ်ဟာလျက်ရှိသလို၊ အကျိုး ဆက် အနေနဲ့ အလုပ်အကိုင် ပိုမို ဖွံ့ဖြိုးတိုးတက်မှုရှိသည့် အိမ်နီးချင်းနိုင်ငံ များသို့ ရွှေ့ပြောင်း သွားလာ၍ အလုပ်အကိုင် အခွင့်အလန်းသစ်များ ရှိဖွေလုပ်ကိုင်ခြင်းဖြင့် သက်မွေး ဝမ်းကျောင်းပြုမှုများ တစ်နေ့တစ်ခြား တိုးပွားလျက်ရှိသည်ဟု ဆိုထားသည်။

မြန်မာနိုင်ငံသားနှစ်ဦးအား သေဒဏ် ချမှတ်လိုက်ပြီးနောက် ပြည်တွင်းမှ နိုင်ငံရေးအဖွဲ့အစည်းများကလည်း အမှုအား ပြန်လည် သုံးသပ်ရန် ထုတ်ပြန်ခဲ့ကြသည်။ မြန်မာနိုင်ငံသားနှစ်ဦးအား တသေဒဏ်ချမှတ်လိုက်မှုအပေါ် ကန့်ကွက်ကြောင်းနှင့် အမှုနှင့် ပြစ်ဒဏ်အား ပြန်လည် စစ်ဆေးသုံးသပ်ပေးရန်ေ၈၈ မျိုးဆက်(ငြိမ်းချမ်းရေးနှင့် ပွင့်လင်းလူ့အဖွဲ့အစည်း)က တာင်းဆိုထားသည်။

မြန်မာနိုင်ငံ သတင်းစားဆရာအသင်း(MJA) မှ ထိုင်းနိုင်ငံ သတင်းစာဆရာအသင်း (TJA)သို့ သေဒဏ်ချမှတ်မှုနောက် စိတ်ပျက်ဖွယ် ဗျူရိုကရက်နှင့် တရားစီရင်ရေး ယန္တရားကြီး နောက်ကွယ်မှ အမှန်တရားကို ဖော်ထုတ်ရေး ပူးပေါင်းဆောင်ရွက်ကြရန် အိတ်ဖွင့်ပေးစာ ပေးပို့ခဲ့သည်။ ပြီးခဲ့သည့် ၂၀၁၄ ခုနှစ် စက်တင်ဘာလ ၁၅ ရက်က ဗြိတိန်နိုင်ငံသား ဟန်နာ(၂၃နှစ်) နှင့် ဒေးဗစ်(၂၄)နှစ်တို့ ကော့်သောင်း(လိပ်ကျွန်း)တွင် အဓမ္မပြုကျင့်ခံရ၍ အသတ်ခံခဲ့မှုတွင် မြန်မာနိုင်ငံသား ဇော်လင်းနှင့် ဝေဖြိုးတို့က သေဒဏ်ချမှတ်ခဲ့ခြင်း ဖြစ်သည်။

နေပြည်တော်လုံခြုံရေးအတွက် စီစီတီဗွီ ကင်မရာများ တပ်ဆင်နေ

ပိုင်စိုး

နေပြည်တော် လုံခြုံရေးအတွက် ရာဇ၀တ်မှုဖြစ်နိုင်တဲ့နေရာတွေမှာ စီစီတီဗွီကင်မရာတွေ တပ်ဆင်နေ တယ်လို့ တိုင်းရဲတပ်ဖွဲ့ အဆင့်မြင့်ရဲ အရာရှိကြီး တစ်ယောက်က ပြောပါတယ်။

“တဒေသလုံးတော့ မလွှမ်းခြုံနိုင်သေးဘူး။ ဒါပေမယ့် မှုခင်းဖြစ်ပွားနိုင်တဲ့ ကားကွင်းတွေ၊ လမ်းဆုံအ၀ိုင်း စတာတွေမှာ တပ်ဆင်နေတဲ့အတွက် အထိုက်အလျောက်တော့ လွှမ်းခြုံနိုင်မယ်” လို့ သူက ပြောပါတယ်။

ဆီးဂိမ်းစ် အားကစားပွဲလုပ်တုန်းက အားကစားရွာမှာ တပ်ဆင်ခဲ့တဲ့ ကင်မရာတွေကို ပြောင်းရွှေ့ တပ်ဆင်နေတာ ဖြစ်ပါတယ်။

“ဘယ်တော့ ပြီးမယ်ဆိုတာကတော့ အတိအကျပြောဖို့ခက်ပါတယ်။ ကင်မရာဘုတ်ကို ပြောင်းရွှေ့ရ တယ်။ တပ်ဆင်ခွင့်ရဖို့ နေပြည်တော် ကောင်စီနဲ့ ညှိနှိုင်းရတယ်။ Power Source (လျှပ်စစ်ဓာတ်အား) ရဖို့ လိုတယ်။ ကေဘယ်တွေ ပြောင်းရွှေ့ရတယ်။ ကာလတိုအတွင်းမှာတော့ ပြီးမှာပါ” လို့ အရာရှိကြီး က ပြောပါတယ်။

မန္တလေးလို Commend Center မလုပ်နိုင်ပေမယ့် အထိုက်အလျောက်တော့ တရားဥပဒေစိုးမိုးရေးကို အကူအညီပေးနိုင်မယ်လို့လည်း သူက ပြောပါတယ်။

ဒီနှစ်မှာတော့ မှုခင်းကြီး အဖြစ်နည်းသွားပေမယ့် ခိုးမှုလို အမှုသေးတွေကတော့ တိုလာခဲ့တယ်လို့ သူက ဆက်ပြောပါတယ်။

နေပြည်တော်မှာ ရဲဝန်ထမ်းအင်အား ၁၄၀၀ ၀န်းကျင်ရှိပြီး ရဲနဲ့ပြည်သူ အချိုးက ၁း ၈၃၂ ဖြစ်ပါတယ်။

ယနေ့ မြန်မာ့ရေးရာသတင်းများ December,30th,2015

( 20 )ရွေးကောက်ပွဲ ကန့်ကွက်မှု ၃၃ မှု ရှိ

( 19 ) လူငယ်နှစ်ဦးအမှု ထိုင်းအစိုး ရဆောင်ရွက်ပေးလာတဲ့အထိ ဆန္ဒပြ သွားမယ်လို့ပြော

( 18 )မြန်မာ ၂ ဦး သေဒဏ်ချမှတ်ခံရမှု ကော့သောင်းမြို့တွင် ဆန္ဒပြ

( 17 ) ဗကသ ကိုအောင်မှိုင်းဆန်းမှာ အသည်းရောင် စီပိုး စွဲနေပြီ

( 16 ) အယ်လ်နီညိုကြောင့် ကြုံတွေ့ရမည့် အခက်အခဲများ မိုးဇလပညာရှင် သတိပေး

( 15 ) ရွေးကောက်ပွဲ ကန့်ကွက်မှု ၃၃ မှု ရှိ

( 14 )၂၀၁၆ ခုနှစ်အတွင်း ပဲဈေးအမြင့်တန်းဖြင့် ဆက်ရှိနေမည်

( 13 )ဖားကန့်မှာ မြေစာစွန့်နည်းပြောင်းဖို့ ညွှန်ကြား

( 12 )နေပြည်တော် နှစ်သစ်ကူးညတွင် ရဲတပ်ဖွဲ့ ညလုံးပေါက် လုံခြုံရေးကင်းလှည့်မည်

( 11 )မချောစန္ဒီထွန်း ကို ဆက်သွယ်ရေးပုဒ်မနဲ့ ထောင် ၆ လ ချမှတ်

( 10 )အယူခံကာလ အတွင်း စောင့်ရှောက်ပေးဖို့ မြန်မာ လူ့/ခွင့် ကော်မရှင် ထိုင်းကို ပန်ကြား

( 9 )ရွေးကောက်ပွဲ ကန့်ကွက်လွှာပေါင်း ၄၀ အထိရှိလာ

( 8 )ဖားကန့် မြေသယ်ယာဉ် ကိစ္စ ဖြေရှင်းမယ်လို့ သတ္တုတွင်းဒုဝန်ကြီး ပြော

( 7 )မလေးရှားတွင် လိပ်ကျွန်းအမှု ဆန္ဒပြခေါင်းဆောင် ၂ ဦး ထိန်းသိမ်းခံရ

( 6 )မဲဆောက်မြို့နယ်စပ် ကုန်သွယ်ရေး ပုံမှန်အတိုင်း လည်ပတ်

( 5 )လိပ်ကျွန်းလူသတ်မှု တရားရုံးက သေဒဏ်ချမှတ်သည့်အပေါ် မကျေနပ်၍ ရန်ကုန်သံရုံးအနီး တနေကုန် ဆန္ဒပြ

( 4 )ဒေသဖွံ့ဖြိုးရေး စတင်နိုင်မှ SEZ စီမံကိန်း စတင်ဖို့တောင်းဆို

( 3 )ဂျပန်နိုင်ငံသားများက ကရင်လက်နက်ကိုင်အဖွဲ့နယ်မြေများမှ ဒေသခံများအတွက် ဆန်လှူ

( 2 ) ဖားကန့် လုပ်ကွက်တွေမှာ စက်ယန္တရား လေးထောင်ခန့် ရှိ

( 1 )ရန်ကုန်ထိုင်းသံရုံးရှေ့ ဆန္ဒပြရန် ခွင့်ပြုချက်ရ