ဗမာ - မြန်မာ အသုံးအပေါ် သူတို့ပြောစကား

မြန်မာ့ငြိမ်းချမ်းရေးစင်တာ (MPC) ကိုအမည်ပြောင်း၍ အဖွဲ့ ဝင်အသစ်များဖြင့် ပြန်လည်ဖွဲ့ စည်းမည်

နေသာ

ပြည်တွင်းငြိမ်းချမ်းရေးလုပ်ငန်းများ အဓိကဆောင်ရွက်သည့် မြန်မာ့ငြိမ်းချမ်းရေးစင်တာ (MPC) ကို အမျိုးသားရင်ကြားစေ့ရေး ငြိမ်းချမ်းရေးအဖွဲ့  ဟုအမည်ပြောင်းလဲကာ ဖွဲ့ စည်းသွားမည်ဖြစ်ကြောင်း ပြည်ထောင်စုအဆင့် ပစ်ခတ်တိုက်ခိုင်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ(JMC-U) အတွင်းရေးမှူး ဗိုလ်မှူးကြီး ဝဏ္ဏအောင်ကပြောသည်။

နေပြည်တော်တွင် ဧပြီလ ၂၇ ရက်နေ့ နေ့ လည်ပိုင်းက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် JMC-U အဖွဲ့ ဝင်များတွေဆုံပွဲအပြီးတွင် ဗိုလ်မှူးကြီး ဝဏ္ဏအောင်က ယခုကဲ့သို့ ပြောကြားခဲ့ခြင်းဖြစ်သည်။ “ အမျိုးသားရင်ကြားစေ့ ငြိမ်းချမ်းရေးအဖွဲ့ ဆိုပြီးတော့ ပြန်ပြီးတော့ဖွဲ့ စည်းမယ်လို့ လမ်းညွှန်မှုရှိပါတယ် ဖွဲ့ တဲ့အခါမှာလည်း လက်ရှိ JMC ကတော့ ဒီအဖွဲ့ အစည်းတွေနဲ့ ပဲ JMC အဖွဲ့ ဝင်တွေနဲ့ ပဲလုပ်ကိုင်သွားမှာဖြစ်ပြီးတော့ အသစ်ပြန်ဖွဲ့ မယ့်အဖွဲ့ မှာတော့ ကော်မတီတစ်ရပ် ဖွဲ့ စည်းပြီးမှ အဖွဲ့ ဝင်တွေကို ရွေးချယ်ဖွဲ့ စည်းသွားမှာဖြစ်ပါတယ် ” ဟု ဗိုလ်မှူးကြီး ဝဏ္ဏအောင်ကပြောသည်။

အသစ်ပြန်လည်ဖွဲ့ စည်းမည် အမျိုးသားရင်ကြားစေ့ရေးငြိမ်းချမ်းရေးစင်တာတွင်ပါဝင်မည့် ပုဂ္ဂိုလ်များကို ကော်မတီတစ်ရပ်ဖွဲ့ စည်းကာ ယင်းကော်မတီမှ ရွေးချယ်တာဝန်ပေးသွားမည်ဖြစ်သည်။ ငြိမ်းချမ်းရေးလုပ်ငန်းစဉ်များနှင့်ပက်သက်၍ မြန်မာ့ငြိမ်းချမ်းရေးစင်တာ ပြင်ဆင်ဖွဲ့ စည်းရေး နှင့် ငြိမ်းချမ်းရေးညီလာခံ ကျင်းပနိုင်ရေးကို အမြန်ဆုံးဆက်လက်ဆောင်ရွက်သွားမည်ဖြစ်ကြောင်း အဆိုပါအစည်းအဝေးသို့ တက်ရောက်ခဲ့သည့် ဦးကိုကိုကြီးကပြောသည်။

သမ္မတဦးသိန်းစိန်အစိုးရလက်ထက်တွင် မြန်မာ့ငြိမ်းချမ်းရေးစင်တာကို ဖွဲ့ စည်းခဲ့ကာ ဥက္ကဌအဖြစ် သမ္မတရုံးဝန်ကြီးဖြစ်သူ ဦးအောင်မင်းကို တာဝန်ပေးအပ်ခဲ့ပြီး ဦးသိန်းစိန် အစိုးရသက်တမ်းကုန်ဆုံးခါနီး အချိန်တွင် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးဆိုင်ရာ စာချုပ်တွင် တိုင်းရင်းသားလက်နက်ကိုင်အဖွဲ့ ရှစ်ဖွဲ့ နှင့် အစိုးရ ၊ တပ်မတော် တို့  လက်မှတ်ရေးထိုးခဲ့သည်။

အမေရိကန် သံရုံးရှေ့ ဆန္ဒထုတ်ဖော်မှုကို တရားဥပဒေအရ ဆောင်ရွက်သွားမည်

တောင်သမန် အစိမ်းရောင်မြို့တော် စီမံကိန်း အကောင်အထည် ဖော်မည်

ဒီလှိုင်းဝင်း

မန္တလေးတိုင်းဒေသကြီး အမရပူရ မြို့နယ်ရှိ တောင်သမန် ကျေးရွာ အုပ်စုတွင် တောင်သမန် အစိမ်းရောင် မြို့တော် စီမံကိန်းကို အကောင်အထည် ဖော်မည်ဟု မန္တလေး အစိမ်းရောင်မြို့တော် အများနှင့်သက်ဆိုင်သော ကုမ္ပဏီမှ သိရသည်။

စီမံကိန်း အကောင်အထည်ဖော်နိုင်ရန် မန္တလေးတိုင်းဒေသကြီး အစိုးရ အဖွဲ့သို့ တင်ပြထားပြီး အစိမ်းရောင် မြို့တော် ဖြစ်လာစေရန်နှင့် ဒေသဖွံ့ဖြိုးရေးကို လုပ်ဆောင်ပေးနိုင်ရန် ရည်ရွယ်ပြုလုပ်ခြင်းဟုလည်း ဆိုသည်။

“တောင်သမန် ကန်ပတ်လည်မှာ နေ့ရောညပါ စိမ်းလန်း စိုပြေ သန့်ရှင်းသာယာ လှပလာစေဖို့၊ လူနေထူထပ်လာတာနဲ့အမျှ အဓိက လိုအပ်ချက်ဖြစ်တဲ့ လူနေ အဆောက်အအုံတွေကို မျက်စေ့ ပသာဒ ဖြစ်စေဖို့၊ မန္တလေးမြို့တော်ကို နိုင်ငံတကာအဆင့်မီ ခေတ်မီဖွံ့ဖြိုးတိုးတက်တဲ့ အစိမ်းရောင်မြို့တော် ဖြစ်ပေါ်လာစေဖို့ အပြင် ဒေသခံများ အလုပ်အကိုင် အခွင့်အလမ်းနဲ့ ကျန်းမာရေး၊ လူမူရေး၊ စီးပွားရေးတွေ အပါအဝင် တောင်သမန် အင်းကြီးရဲ့ ရေဆိုးရွားနေတာတွေကို နိုင်ငံတကာ အဆင့်မြင့် နည်းပညာများနဲ့ သန့်ရှင်း သာယာ လှပတဲ့ ကန်ကြီး ဖြစ်အောင် ပြုပြင်ဆောင်ရွက် အလှဆင်ပြီး နိုင်ငံခြား ခရီးသည်တွေကို ပိုမို ဆွဲဆောင်နိုင်စေရန် ဆိုတဲ့ ရည်ရွယ်ချက်နဲ့ စီမံကိန်းကို အများအကျိုး အဓိကထားပြီး ဒေသခံတွေနဲ့ ပူးပေါင်း ဆောင်ရွက် သွားပါမယ်”ဟု မန္တလေး အစိမ်းရောင် မြို့တော် အများနှင့် သက်ဆိုင်သော ကုမ္ပဏီ ၏ ဒါရိုက်တာ ဦးရဲမင်းသူက ပြောသည်။

မန္တလေး အစိမ်းရောင်မြို့တော် အများနှင့်သက်ဆိုင်သော ကုမ္ပဏီသည် မန္တလေးတိုင်း ဒေသကြီး ဆောက်လုပ်ရေး လုပ်ငန်းရှင်များ အသင်း က တိုင်းရင်းသား လုပ်ငန်းရှင်များ ပါဝင်ဖွဲ့စည်းထားခြင်းဖြစ်သည်။

တောင်သမန်ကန် ပတ်လည်တွင် မြို့ပြအင်္ဂါရပ် နှင့်အညီ ဖွံ့ဖြိုး တိုးတက်လာစေရန်၊၂၄ နာရီ စိမ်းလန်းစိုပြေ သန့်ရှင်း သာယာ လှပစေရန်နှင့် တောင်သမန် ကျေးရွာအုပ်စု အတွင်းရှိ ကျေးရွာလူထု၏ လိုအပ်မှုများ၊ လမ်းပန်းဆက်သွယ်ရေးများ၊ အလုပ်အကိုင် အခွင့်အလမ်းများကို အဓိက ဦးစားပေး ဖန်တီးပေးသွားမည် ဖြစ်ကြောင်း သိရသည်။

“ဒေသဖွံ့ဖြိုးရေး အတွက် လာလုပ်ပေးတာဟာ ဒေသခံတွေ ဖွံဖြိုးဖို့ အတွက်ဆိုတာ ယုံကြည်ပါတယ်။ ဒါကြောင့် ဘုန်းကြီး အနေနဲ့ မိန့်ကြားလိုတာက တည်ဆောက်ရေး လုပ်ငန်းတွေ အောင်မြင်အောင် လုပ်ဆောင်ခြင်း၊ နောက်ပိုင်းကာလ မှာ အရှည် တည်တံ့ စေရေး အတွက် အလုပ်အကိုင် အခွင့်အလမ်းတွေ ပွင့်လင်းလာပြီး ရေရှည်မှာ တိုးတက်ရေးတွေ ဖြစ်ပေါ်လာစေမှာ ဖြစ်တဲ့အတွက် ကြိုဆိုပါတယ်။ ဒီစီမံကိန်းကနေ ဒေသခံတွေအတွက် အလားအလာကောင်းတွေ ရရှိစေမှာ ဖြစ်တာကြောင့် စီမံကိန်းကို “တ”သုံးလုံး ကျန်စေသည့် လုပ်ငန်းလို့ မြင်မိပါတယ်”ဟု အမရပူရမြို့နယ် ရွှေဘုံသာကျောင်း ဆရာတော်က မိန့်ကြားသည်။

စီမံကိန်းစတင်ချိန်တွင် ဧက ၃၀ အကျယ်အဝန်း ၌ စတင် အကောင်အထည် ဖော်မည်ဖြစ်ပြီး မြေနေရာများကို ကာလ သတ်မှတ် ပေါက်ဈေး အတိုင်း ဒေသခံများထံမှ ဝယ်ယူထားပြီး ဖြစ်ကြောင်း၊ နောက်ပိုင်းကာလတွင် ဒေသခံများ ပူးပေါင်း ပါဝင်လိုပါက ပါဝင်နိုင် စေရန် ဆောင်ရွက် ပေးသွားမည် ဖြစ်ကြောင်း သိရသည်။

မန္တလေး အစိမ်းရောင် မြို့တော် အများနှင့်သက်ဆိုင်သော ကုမ္ပဏီ ဥက္ကဋ္ဌ မန်းမြန်မာ ဦးသန်းဝင်းက “စီမံကိန်းကိုအကောင်အထည် ဖော်ဆောင်မယ့် ကုမ္ပဏီက နိုင်ငံရေးနဲ့ကင်းရှင်းတဲ့ အဖွဲ့အစည်း ဖြစ်တာကြောင့် စီမံကိန်း ခွင့်ပြုပေးနိုင်ဖို့အတွက် အစိုးရအဖွဲ့ အနေနဲ့ ခွင့်ပြု ပေးနိုင်အောင် ကြိုးစား လုပ်ဆောင်သွားမယ်”ဟု ပြောသည်။

ဆက်လက်၍ သူက “ဥပဒေဘောင် အတွင်းက လုပ်ထုံးလုပ်နည်းတွေ အတိုင်း အဆင့်ဆင့် လုပ်ဆောင်သွားမှာ ဖြစ်တဲ့အတွက် အစိုးရ အနေနဲ့ ခွင့်ပြုပေးနိုင်မယ့် စီမံကိန်း ဖြစ်ပါတယ်။ ဒေသ ဖွံ့ဖြိုးရေးကို ဦးတည်တာကြောင့် ဒေသခံတွေရဲ့ လူနေမှု အဆင့် အတန်းတွေ မြင့်မားလာစေဖို့၊ အလုပ်အကိုင် အခွင့်အလမ်းတွေ များများရရှိစေဖို့၊ စီးပွားရေးတွေ ဖွံ့ဖြိုး တိုးတက်လာစေဖို့၊ နည်း ပညာပိုင်းတွေ ရရှိစေဖို့အတွက် လုပ်ဆောင်ပေးသွားမယ်။ အဓိက ရည်ရွယ်ချက်ကတော့ အစိမ်းရောင်မြို့တော် ဖြစ်လာဖို့ အတွက် ပါ”ဟု ပြောသည်။

တောင်သမန် အစိမ်းရောင် မြို့တော် စီမံကိန်းသည် မြို့ပြ ဖွံ့ဖြိုး တိုးတက်ရေး၏ အခန်းကဏ္ဍအား ပံ့ပိုးပေးမည့် အစီအစဉ်များ အပြင် တောင်သမန်အင်း ရေနှင့် ပတ်သက်၍ ဂျပန်နိုင်ငံနှင့် ထိုင်းနိုင်ငံတို့မှ ပညာရှင်များဖြင့် ပူးပေါင်း ဆောင်ရွက်သွားမည် ဖြစ်ကြောင်း သိရသည်။

စီမံကိန်း လုပ်ဆောင်ရာတွင် ရေဆိုးရေညစ်များလည်း ထွက်ရှိလာနိုင်သည့်အတွက် ယင်းရေများကို အင်းအတွင်း မရောက်နိုင်ရန် ဆောင်ရွက် ပေးသွားမည် ဖြစ်ကြောင်း၊ စီမံကိန်းသည် သဘာဝ ပတ်ဝန်းကျင် ထိခိုက်မှု မရှိနိုင်ဘဲ သဘာဝ ပတ်ဝန်းကျင် ထိန်းသိမ်း ရေး လုပ်ငန်းများကိုလည်း အထောက်အကူ ဖြစ်စေမည့် စီမံကိန်းဟု ဆိုသည်။

“တောင်သမန် ဒေသဟာ မန္တလေးမြို့တော် စည်ပင်သာယာရေး နယ်နိမိတ်မှာ ရှိနေပေမယ့် တောမကျ၊ မြို့မကျ အခြေအနေပဲရှိပါသေးတယ်။ ရတနာပုံ တက္ကသိုလ်ကြီးကို ဖွင့်လှစ် ပေးခဲ့တဲ့အတွက် ဒေသခံတွေ အလုပ်အကိုင် အခွင့်အလမ်း အများကြီးရခဲ့ကြပါတယ်။ အဲဒီလိုပဲ အခု စီမံကိန်းကလည်း ဒေသခံတွေ အတွက် အများကြီး အကျိုးရှိလာမယ်လို့ မြင်ပါတယ်။ စီမံကိန်းကို ဒေသခံ တစ်ယောက် အနေနဲ့ ကြိုဆိုပါတယ်”ဟု တောင်သမန် ကျေးရွာအုပ်စု အိုးဘို ကျေးရွာမှ ဦးကျော်ထွန်းက ပြောသည်။

ကုမ္ပဏီသည် ဒေသခံ ပြည်သူများနှင့် ဝင်ငွေ နည်းပါးသည့် ပြည်သူများလည်း ဝယ်ယူ ရရှိနိုင်စေရန် အတွက် (ခ)အုပ်စု အစုရှယ် ယာ များကို အနာဂတ် ကာလတွင် ရောင်းချ ပေးသွားနိုင်ရန် အစီအစဉ် ရှိပြီး အစုရှယ်ယာ တစ်စုလျှင် ကျပ်တသိန်း နှုန်းဖြင့် အစု ရှယ်ယာပေါင်း ၁၄၇၀၀၀ အထိ ရောင်းချပေးသွားမည်ဟု သိရသည်။

ခွင့်ပြုချက်မရရှိပဲ ဘာသာရေး အဆောက်အအုံတွေ မဆောက်သင့်

ကလေးမြို့နယ်တွင် မျှဝေခြင်း အစီအစဉ်မှ လှူခံရရှိထားသည့်ပစ္စည်းများ ကျောင်းဖွင့်ရာသီတွင် ပြန်လည်မျှဝေမည်

မျိုးသူရကိုကို

ကလေးမြို့တွင် မျှဝေခြင်း အစီအစဉ်အဖြစ် ရှစ်လေးလုံး အင်အားစုနှင့် ၈၈ငြိမ်းပွင့်အဖွဲ့အစည်း NLD ပါတီဝင်များမှ ကျောင်းပစ္စည်း ကိရိယာများ အလှူခံထားရှိပြီး ယခုနှစ် ကျောင်းဖွင့်ရာသီတွင် မျှဝေနိုင်ရန် စီစဉ်လျက်ရှိကြောင်း သိရသည်။

" မတ်လကနေစပြီး မျှဝေခြင်းအလှူခံစထွက်ပါတယ်၊ မြို့နယ် ECတွေနဲ့ ပါတီဝင်တွေက ဦးဆောင်ပါဝင်ပါတယ်။ ပါတီဗဟို၊တိုင်းကနေ မျှဝေခြင်းအစီအစဉ်က ရတဲ့ အလှူခံပစ္စည်းတွေကို မြို့နယ်အသီးသီးကို ပြန်လည်မျှဝေပြီးမှ ပါတီကဘယ်လိုလုပ်ဆောင်ရမယ်ဆိုတာ ညွှန်ကြားချက်အရ ဆက်လုပ်ဆောင်ကြရမှာပါ။ ဒီမှာက ရှစ်လေးလုံး အင်အားစုနဲ့ ၈၈ ငြိမ်းပွင့်တို့က ဘယ်ကိစ္စလုပ်လုပ် NLDပါတီဝင်တွေနဲ့အတူ ပူးပေါင်းလုပ်ဆောင် လေ့ရှိပါတယ် " ဟု ကလေးမြို့နယ် မဲဆန္ဒနယ် အမှတ် ၁ စစ်ကိုင်းတိုင်းဒေသကြီး လွှတ်တော်ကိုယ်စားလှယ် တစ်ဦးဖြစ်သူ မသိမ့်ဝေကျော်က မဇ္ဈိမကို ဖြေကြားသည်။

 ၄လပိုင်း ၂၁ရက် နေ့အထိ ဗလာစာအုပ်စုစုပေါင်း ၈၅၃၂အုပ် ဘောပင် ၃၈၉၃ချောင်း ခဲတံ ၄၂၉၂ချောင်း ပေတံ ၃၈၄ ချောင်းနှင့် အခြားအသုံးအဆောင်ပစ္စည်းများကို လက်ခံရရှိပြီဖြစ်ကြောင်း သိရသည်။

ပြည်တွင်း ငြိမ်းချမ်းရေး မရသရွေ့ ဒီမိုကရေစီ တည်ဆောက်ဖို့ ခက်ခဲနေနိုင်

ဘယ်ကျောင်းကို ဘယ်လိုရွေးချယ်မလဲ

ယဉ်ယဉ်ခန်

အခြေခံပညာကျောင်းတွေ စာမေးပွဲပြီးလို့ နောက်တတန်းတက်ဖို့အတွက် မိဘအများစု ဘယ်လို ကျောင်းမျိုးမှာထားရမလဲ စီစဉ်နေကြရပါပြီ။ မိဘတချို့က အစိုးရကျောင်းမှာပဲ ဆက်ထားရမလား၊ ကိုယ်ပိုင်အထက် ကျောင်းကို ပြောင်းထားရမလား ဝေခွဲမရ ဖြစ်နေကြတယ်။

ကိုယ်ပိုင်ကျောင်းကနေ အစိုးရကျောင်းကို ပြန်ပြောင်းထားရမလား ဆိုပြီး စဉ်းစားနေတဲ့ မိဘတချို့လည်း ရှိနေပါတယ်။ ပညာရေးဝန်ကြီးဋ္ဌာနက ကိုယ်ပိုင် အထက်တန်းကျောင်းအသစ်တွေ နှစ်စဉ်ချပေးတယ်။ ဒါကြောင့် ကိုယ်ပိုင်အထက်တန်း ကျောင်းတွေက ရွေးချယ်စရာ များလာတယ်။

အစိုးရကျောင်းမှာရော ကိုယ်ပိုင်ကျောင်းတွေမှာပါ အားနည်းချက် အားသာချက်တွေ ရှိနေတယ်။ ငွေကြေးတတ်နိုင်တဲ့ မိဘအများစုက သူတို့သားသမီးတွေကို ပညာရေးပိုင်းမှာရော၊ သွားရေးလာရေးနေရေးထိုင်ရေးစားရေးသောက်ရေး အဆင်ပြေမယ့် ကိုယ်ပိုင်အထက်တန်းကျောင်းတွေကိုသာ ထားဖို့ စိတ်ဝင်စားကြတယ်။

မိဘတချို့ကတော့ နာမည်ကြီး အစိုးရအထက်တန်းကျောင်းနဲ့ သင်ကြားမှုပိုင်း သိပ်မကွာတာကြောင့် ငွေ အကုန်အကျ နည်းတဲ့ အစိုးရကျောင်းတွေကို ထားချင်ကြတယ်။

ကိုယ်ပိုင်ကျောင်းမှာ တက်နေတဲ့ ကျောင်းသားတွေမှာ နောက်ထပ် အပိုကျူရှင်တွေ တက်ရတာ၊ ဂိုက် (စာသင်လမ်းညွန်) အကူတွေ ခေါ်သင်ရတာ၊ ကုန်ကျစရိတ် တိုးလာတာတွေကြောင့် တချို့က ကိုယ်ပိုင်ကျောင်းကနေ အစိုးရကျောင်းကိုပဲ ပြန်ပြောင်းထားဖို့ ပြင်ဆင်လာတာတွေ ရှိနေပါတယ်။

အစိုးရကျောင်းမှာ ရှစ်တန်းအောင်ပြီး ကိုးတန်း၊ ဆယ်တန်းတက်ဖို့ ကိုယ်ပိုင်ကျောင်းတွေကို ပြောင်းထားဖို့ တာစူနေ ကြ တာရှိသလို အရေးကြီးတဲ့ ဆယ်တန်းကို နှစ်ချင်းပေါက်အောင်ဖို့ အမှတ်ကောင်းကောင်းနဲ့ အောင်ဖို့ ပြောင်းထားဖို့ စဉ်း စားကြတဲ့ မိဘတွေလည်းရှိတယ်။

ကိုယ်ပိုင်ကျောင်းတွေမှာ ကျောင်းအိပ်ကျောင်းစား ဘော်ဒါထားခဲ့ရင် ငွေကုန်ကြေးကျ ရှိတာကလွဲလို့ အဆောင်ဂိုက် (စာကြည့်လမ်းညွှန်) ရှိတယ်။ ကျောင်းရဲ့ဂုဏ်သိက္ခာအတွက် ကျောင်းသား တဦးချင်းစီကို အာရုံစိုက်ပြီး သင်ကြားပေး နိုင်တယ်။

အစိုးရကျောင်းတွေမှာ ဖြစ်လေ့ဖြစ်ထရှိတဲ့ ပြဿနာတခုက အတန်းပိုင်ဆရာ၊ ဆရာမတွေဆီမှာ ကျူရှင်ထားရတာပါ။ အတန်းပိုင်နဲ့ ကျူရှင်မထားရင် ကိုယ့်ကလေးအပေါ် ကောင်းကောင်း မဆက်ဆံမှာ အမှတ်ကောင်းကောင်းမရမှာ၊ စာမေးပွဲ ခန့်မှန်း မေးခွန်းတွေ မရမှာတွေက မိဘတွေအတွက် စိုးရိမ်စရာတခုဖြစ်တယ်။

မိဘတော်တော်များများက အတန်းပိုင်ဆရာတွေ ရဲ့ကျူရှင်တွေကိုပဲ ပို့ပေးနေရတဲ့ စနစ်ကြီးကို မကြိုက်လို့ ကိုယ်ပိုင် ကျောင်းတွေကို ပြောင်းထားဖို့ စိတ်ထက်သန်လာကြတာလည်း ပါတယ်။ စီးပွားရေး ကုန်းရုန်း ကြိုးစားရှာနေရလို့ သားသမီးပညာရေး သီးသန့်အချိန်မပေးနိုင်ကြတဲ့ မိဘတွေလည်း ကိုယ်ပိုင်ကျောင်းတွေကို အားကိုးနေတာ ရှိပါတယ်။

အစိုးရကျောင်းအချို့မှာ အခုချိန်ထိ အတန်းပိုင်ဆရာဆီမှာ ကျူရှင်ထားရတာ တွေရှိနေသေးတယ်၊ အတန်းပိုင် ဆရာတွေဆီ ကျူရှင်မထားရင် ကလေးတွေမှာ ခွဲခြားဆက်ဆံခံကြရတယ်။ ကျောင်းအပ်ပြီးဆိုရင်လည်း အတန်းကောင်း၊ အခန်းကောင်း၊ အတန်းပိုင်ကောင်းရရေးအတွက် မိဘတွေခမျာ လုံးပန်းရပြန်တယ်။ နာမည်ကြီး အစိုးရကျောင်းတွေမှာ သားသမီးတွေ ကျောင်းဝင်ခွင့်ရဖို့ အဆင့်ဆင့်ဖြတ်သန်းရတာကို မိဘတွေအနေနဲ့ စိတ်ကုန်စရာဖြစ်လာတယ်။

ကျောင်းအပ်ဖို့ ခက်ခဲတာ၊ ကျူရှင်ကိစ္စ ခက်ခဲတာတွေကြောင့် ကိုယ့်ကလေးပညာရေးအတွက် ကိုယ်ပိုင်ကျောင်းတွေမှာပဲ တက်ခိုင်းကြတယ်။

၂၀၁၅- ၂၀၁၆ ပညာသင်နှစ်က မန္တလေးတိုင်းမှာ ရှိတဲ့ ကျောင်းတွေထဲက တက္ကသိုလ်ဝင်တန်းစာမေးပွဲမှာ အောင်ချက် ၂၅ ရာခိုင်နှုန်းအောက်ရှိတဲ့ ကျောင်းတွေကို မြို့နယ်ပညာရေးမှူးတွေက အောင်ချက်နည်းရတဲ့ အကြောင်းရင်း သွားရောက်လေ့ လာခဲ့ကြတယ်။

အဲသည်မှာ တွေ့ရတဲ့ အဓိက ပြဿနာက ကျောင်းမှာ အားအထားရဆုံး ထူးချွန်တဲ့ကလေးတွေက ကိုယ်ပိုင်ကျောင်းကို ပြောင်းတဲ့ အတွက်ကြောင့်ပါ။ ပညာရေးမှူးတွေရဲ့ကွင်းဆင်းလေ့လာချက်အရ အစိုးရကျောင်းတွေမှာ န၀မတန်းကျောင်း သားဦးရေ ၂၀၀ လောက်ရှိရင် ဒသမတန်းမှာ ကျောင်းသားအယောက် ၁၀၀ ပဲရှိတော့တယ်။

အစိုးရကျောင်းမှာ ပညာသင်စရိတ်ကုန်ကျမှု နည်းတယ်။ ကိုယ်ပိုင်ကျောင်းမှာတော့ အလယ်တန်းကို ပညာသင်နှစ် တနှစ် အတွက် ကျပ် ၁၀ သိန်းကျော်ထိရှိတယ်။ အထက်တန်း ကျောင်းသားတယောက်အတွက် ပညာသင်စရိတ် အနည်းဆုံး ကျပ်၁၅ သိန်း ကနေ ၃၀ကျော်ထိနဲ့ ရှိတယ်။ ဒါကလည်း ကျောင်းပေါ်မူတည်ပြီး ကွာခြားပါတယ်။ ကျောင်းအိပ်ကျောင်းစား အဆောင်နေနဲ့ နေ့ကျောင်းတက်တာလည်း ကျောင်းစရိတ် ကွာခြားပါတယ်။

နေ့ကျောင်းတက်မယ်ဆိုရင် တနှစ်စာ ၁၅ သိန်းဆို ကျောင်းအိပ် ကျောင်းစားအဆောင်နေက ကျပ်သိန်း ၃၀ လောက်ရှိ တယ်။ နာမည်ကြီး အောင်ချက်ကောင်းတဲ့ ကျောင်းတွေဆိုရင် ဒီထက် ကျောင်းစရိတ်များတယ်။

မန္တလေးမှာရှိတဲ့ နာမည်ကြီး ကိုယ်ပိုင်ကျောင်းအချို့က ဆယ်တန်းကျောင်းသားတယောက်အတွက် တနှစ်ကို (ကျောင်း အိပ်ကျောင်းစား ဘော်ဒါ) ကျပ်၃၅သိန်းဝန်းကျင် လောက်ရှိပါတယ်။ တချို့က ကိုယ်ပိုင်ကျောင်းထားရင်း အကြောင်း ကြောင်းကြောင့် နောက်နှစ်မှာ ကိုယ်ပိုင်ကျောင်း ဆက်မထားနိုင်တော့ဘဲ အစိုးရကျောင်းကို ပြန်ပြောင်းထားဖို့ ဖြစ်လာ တယ်။

ကိုယ်ပိုင်ကျောင်း တက်ပြီးပါမှ အစိုးရကျောင်း ပြန်ပြောင်းရင် သိက္ခာကျတယ်ဆိုတဲ့ သားသမီးတွေကြောင့် မိဘတွေအပေါ် ဖိအားပေးသလို ဖြစ်စေတယ်။ သားသမီးတွေမှာလည်း ကျောင်းပြောင်းရွှေ့မှုကြောင့် စိတ်ဒဏ်ရာရစေတယ်။

ကိုယ်ပိုင်ကျောင်းမှာ တက်နေပေမယ့် အပြင်မှာ ကျူရှင်ပြန်ထားရတာ၊ စာသင်ဂိုက် ခေါ်ရတာတွေလည်း ရှိပါတယ်။ မိဘ တွေခမျာ ကိုယ်ပိုင်ကျောင်းထားလို့ ပိုကုန်ကျတဲ့အပြင် ကျူရှင်အတွက် ဂိုက်အတွက် နောက်ထပ် အပိုထပ်ဆောင်းငွေတွေ ကုန်ကျရပြန်တယ်။

ကိုယ်ပိုင်ကျောင်း တချို့မှာလည်း စနစ်တကျစာသင်ကြားပေးတာ၊ တော်တဲ့ကလေးကို ပိုတော်အောင် စာညံ့တဲ့ကလေး တွေ စာလိုက်နိုင်အောင်သင်ကြားပေးတာမျိုးရှိပေမယ့် တချို့ကိုယ်ပိုင်ကျောင်းက စာညံ့တဲ့ ကလေးရှိရင် သူတို့ ကျောင်း ဂုဏ် သိက္ခာအတွက် အကြောင်းအမျိုးမျိုးပြပြီး ကျောင်းထုတ်တာတွေ ရှိခဲ့တယ်။ ထုတ်ခံရတဲ့ကျောင်းသားအတွက် ပေး သွင်းပြီး ကျောင်းအပ်ခငွေတွေ ကိုယ်ပိုင်ကျောင်းက ပြန်မအမ်းပါဘူး။

အစိုးရကျောင်းတွေမှာ ပညာသင်ယူဖို့နဲ့ ကိုယ်ပိုင်ကျောင်းတွေမှာ ပညာသင်ယူဖို့ မိဘတွေမှာ လွန်ဆွဲရတာတွေ ရှိနေ တယ်။ ကိုယ်ပိုင်ကျောင်းမှာ ထားမှာလား အစိုးရကျောင်းမှာ ထားမှာလား၊ ဝေခွဲမရဖြစ်နေရင် ကိုယ့်ပတ်ဝန်းကျင်မှာ အရင် ဆုံး လေ့လာကြည့်စေလိုပါတယ်။ လူသတင်းကို လူချင်းဆောင်ပါတယ်။ ကိုယ်ပိုင်ကျောင်းနဲ့ အစိုးရကျောင်းတွေမှာ အား နည်းချက် အားသာချက်တွေကတော့ နေရာတိုင်းမှာ ရှိနေပါတယ်။

အနာဂတ်ကို ခေါင်းဆောင်ကြမယ့် ရင်သွေးငယ်တွေရဲ့ ရှေ့ရေးဖြစ်လို့ ဆုံးဖြတ်ချက် မမြန်စေချင်ဘူး။ သေချာလေ့လာ စုံစမ်းပြီးမှသာ ကျောင်းရွေးချယ်မှုကို လုပ်စေချင်ပါတယ်။

လက်ပံတောင်း တောင်းဆိုချက်တွေ အစိုးရထံ တင်ပြပေးသွားမယ်

ဒေါက်တာတင်မျိုးဝင်းကို ငြိမ်းချမ်းရေးဖြစ်စဉ် ဆက်သွယ်ရေးပုဂ္ဂိုလ်အဖြစ် တာဝန်ပေး

နေသာ

ငြိမ်းချမ်းရေးဖြစ်စဉ်များတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင်တာဝန်ယူဆောင်ရွက်မည့် ဖြစ်သဖြင့် လုပ်ငန်းများ ဆောင်ရွက်ရာတွင် ဆက်သွယ်ရေး ပုဂ္ဂိုလ်အဖြစ် ဒေါက်တာ တင်မျိုးဝင်းကို တာဝန်ပေးအပ်လိုက်သည်။

ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC-U) အဖွဲ့ ဝင်များ နှင့် နိုင်ငံတော်၏ အတိုင်ပင်ခံပုဂ္ဂိုလ်ဒေါ်အာင်ဆန်းစုကြည်တို့ နေပြည်တော်ရှိ Horizon Lake View Hotel တွင် ယနေ့ နေ့ လည်ပိုင်းကတွေ့ ဆုံရာတွင် ဒေါက်တာတင်မျိုးဝင်းကို ငြိမ်းချမ်းရေးလုပ်ငန်းများအတွက် ဆက်သွယ်ရေးပုဂ္ဂိုလ် အဖြစ် ဒေါ်အောင်ဆန်းစုကြည်က မိတ်ဆက်ပေးခဲ့ခြင်းဖြစ်သည်။

“အခုကတော့ငြိမ်းချမ်းရေးဟာ မြန်မာနိုင်ငံအတွက် အခြေခံကျတဲ့ ပြသနာဖြစ်တဲ့အတွက်ကြောင့် ကျွန်တော်တို့ ဒေါ်အောင်ဆန်းစုကြည်ကိုယ်တိုင် ငြိမ်းချမ်းရေးကို သူတာဝန်ယူပြီး ဆောင်ရွက်တဲ့အခါမှာ ဒေါက်တာတင်မျိုးဝင်းကို ဒီငြိမ်းချမ်းရေးနဲ့ ပက်သက်တဲ့ ဖြစ်စဉ်တွေမှာ ဆက်သွယ်ရေး ပုဂ္ဂိုလ်အဖြစ်ပေါ့လေဒီလို သတ်မှတ်ပြီးတော့ ဆောင်ရွက်သွားဖို့ ရှိပါတယ်” ဟု ယနေ့ တွေ့ ဆုံပွဲတွင်ပါဝင်ခဲ့သည့် (JMC-U) အဖွဲ့ ဝင် ဦးကိုကိုကြီးကပြောသည်။

ဒေါက်တာတင်မျိုးဝင်းအား ဒေါ်အောင်ဆန်းစုကြည် နှင့် ငြိမ်းချမ်းရေးလုပ်ငန်းများ ဆက်သွယ်ဆောင်ရွက်ရာတွင် ဆက်သွယ်ရေးပုဂ္ဂိုလ် အဖြစ်ခန့် ထားခြင်းဖြစ်ပြီး ပြည်ထောင်စုအဆင့် ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေး ကော်မတီ (JMC-U)၏ အဖွဲ့ ဝင်အဖြစ်ခန့် အပ်ခြင်းမဟုတ် ကြောင်း ဦးကိုကိုကြီး ကရှင်းပြသည်။

ဒေါက်တာတင်မျိုးဝင်းသည် ရွေးကောက်ပွဲပြီးကာလတွင် အမျိုးသားဒီမိုကရေစီအဖွဲ့ ချုပ်မှ ရွေးချယ်တင်မြောက်မည့် သမ္မတလောင်းအဖြစ် ထင်ကြေးပေးခံခဲ့ရပြီး ဒေါ်အောင်ဆန်းစုကြည်၏ မိသားစုဆရာဝန်ဖြစ်သည်။

အမေရိကန်သံရုံးရှေ့ ဆန္ဒပြသူများကုို ငြိမ်းစုစီ ဥပဒေ ပုဒ်မ ၁၉ ဖြင့် အရေးယူမည်

ဇူးဇူး

ရန်ကုန်မြို့၊ အမေရိကန်သံရုံးရှေ့တွင် အာဏာပုိုင်များ၏ ခွင့်ပြုချက်မရှိဘဲ ဆန္ဒပြခဲ့သူများကို ငြိမ်းချမ်းစွာ စုဝေးခွင့် နှင့်စီတန်း လှည့်လည်ခွင့် ဆိုင်ရာ ဥပဒေ၊ ပုဒ်မ ၁၉ ဖြင့် အရေး ယူသွားမည် ဖြစ်ကြောင်း ကမာရွတ် ရဲစခန်းမှ ရဲမှူးဇော်ဝင်းက ပြောသည်။

ရခိုင်ပြည်နယ် စစ်တွေမြို့ သဲချောင်းအနီး စက်လှေနစ်မြုပ် သေဆုံးသွားသူများအတွက် မြန်မာနုိုင်ငံဆုိုင်ရာ အမေရိကန် သံရုံးက ဧပြီလ ၂၀ ရက်နေ့ ၀မ်းနည်းကြောင်းထုတ်ပြန်ချက်တွင် ရိုဟင်ဂျာ လူ့အသိုင်းအ၀ိုင်းဟုသုံးစွဲ ခဲ့သော ကြောင့် အမျိုးသားရေးတက်ကြွလှုပ်ရှားသူ ၂၀၀ ခန့်က ရန်ကုန်မြို့ တက္ကသိုလ်ရိပ်သာလမ်းရှိ အမေရိကန် သံရုံးရှေ့ တွင်ဧပြီလ ၂၈ ရက်နေ့က ဆန္ဒပြခဲ့ကြခြင်းဖြစ်သည်။

အဆုိုပါ ဆန္ဒပြပွဲတွင် အမျိုး၊ ဘာသာ၊ သာသနာ စောင့်ရှောက်ရေးအဖွဲ့ (မဘသ) နှင့် ၉၆၉ လှုပ်ရှားမှုတွင် ဦးဆောင်သူ တဦးဖြစ်သော မကွေးကျောင်းတုိုက်မှ ဦးပါမောက္ခ၊ ဆရာတော် ဦးသုစိတ္တတို့က ဟောပြောခဲ့ပြီး အမျိုးသား လွှတ်တော် ကုိုယ်စား လှယ် ဟောင်း ဒေါ်ခင်ဝုိုင်းကြည်လည်း ဆန္ဒပြပွဲသို့ လာရောက်ခဲ့ကြောင်း ၊ မန္တလေး မှ မဘသ ဦးဆောင်သူ တဦးဖြစ်သော ဦးဝီရသူကလည်း ယင်းဆန္ဒပြပွဲသုို့ သ၀ဏ်လွှာ ပေးပို့ခဲကြောင်း၊ ဆန္ဒပြသူ များ သည် အင်အား ၃၀၀ ၀န်းကျင်ခန့်ရှိပြီး နေ့လယ် ၁ နာရီတွင် စတင်ခဲ့ခြင်းဖြစ်ကာ မြန်မာ့ အမျိုးသား ကွန်ရက် အဖွဲ့ဝင် ၃ ဦးကလည်း ဟောပြောခဲ့ကြောင်း သိရှိရသည်။

ဆန္ဒပြသူများက အမေရိကန်သံရုံးကုို ဆန္ဒပြရန် အာဏာပိုင်များထံသို့ လျှာက်ထားမှုကို ခွင့်ပြုချက်ပေးခဲ့သော်လည်း ဆန္ဒပြသည့် နေရာကို ဗိုလ်စိန်မှန်ကွင်းတွင်သာခွင့်ပြုခဲ့ကြောင်း၊ ယင်းကို လိုက်နာခြင်းမရှိခြင်းကြောင့်ပုဒ်မ ၁၉ ဖြင့် အရေးယူဆောင်ရွက်ရခြင်းဖြစ်ပြီး ဦးဆောင်သူများတွင် သံဃာများ လည်း ပါဝင်သည့်အတွက် သံဃာ့စည်းမျဉ်းများနှင့်အညီ ဆောင်ရွက်သွားမည်ဖြစ်ကြောင်း ကမာရွတ်မြို့နယ် ရဲမှူး ဇော်ဝင်း က ဧရာဝတီသို့ အတည်ပြုပြောသည်။

“တာဝန်ရှိတဲ့သူတွေကို ပုဒ်မ ၁၉ နဲ့ အမှုဖွင့်အရေးယူဖို့ ဆောင်ရွက်ထားပါတယ်။ ခွင့်မပြုတဲ့နေရာမှာလုပ်လို့ အရေးယူ တာပဲရှိတယ်။ ကျန်တဲ့ကိစ္စတော့ မပြောလိုပါဘူး။ ဥပဒေမလိုက်နာလို့ အရေး ယူတာပါ” ဟု ၎င်းက ရှင်းပြသည်။

“ကျနော်တို့က ဥပဒေလမ်းကြောင်းအတိုင်းလုပ်တယ်။ သူတို့ဘက်က ဥပဒေစကားပြောလာရင် ကျနော်တို့ကလည်း ဥပဒေနဲ့အညီပြောမယ်” ဟု ဆန္ဒပြသူတဦးဖြစ်သော ကိုနောင်တော်လေးက ပြောသည်။

အမေရိကန်သံရုံးရှေ့တွင် ဆန္ဒပြရန်လျှောက်ထားမှုကို နှစ်နိုင်ငံဆက်ဆံရေးထိခိုက်မည်စိုးသဖြင့် ခွင့်မပြုဘဲ ဗိုလ်စိန်မှန် ကွင်းတွင်သာ ဆန္ဒပြရန် ကမာရွတ်မြို့နယ် အုပ်ချုပ်ရေးအဖွဲ့က ဧပြီ ၂၆ ရက်တွင် ခွင့်ပြုခဲ့ခြင်းကြောင်း သိရသည်။

ယနေ့ မြန်မာ့ရေးရာသတင်းများ Apri 30th,2016

( 20 )လွှတ်တော်ရွေးကောက်ပွဲ ဥပဒေပြင်ဆင်ချက် သမ္မတ လက်မှတ်ထိုး

( 19 ) ဧရာဝတီတိုင်းလွှတ်တော်ကော်မတီ ၃ ခုဖွဲ့စည်း

( 18 ) ကျောက်စိမ်းနဲ့ ရွှေလုပ်ကွက်များ ဝန်ကြီး ဦးအုန်းဝင်း စစ်ဆေးမည်

( 17 ) အကြမ်းဖက်မှုဖြင့်ရင်ဆိုင်နေရသည် အမျိုးသမီးများအတွက် တရားမျှတမှုရှိစေရန် အစိုးရကိုတိုက်တွန်း

( 16 )USDP ပါတီဗဟိုကော်မတီ အစည်းအဝေးခေါ်ပေး ဖို့ တောင်းဆို

( 15 )ဒေသတွင်း ရေစီမံ အသုံးချမှုတွင် အမျိုးသမီးများပါဝင်နိုင်ရေး ခက်ခဲနေ

( 14 )တိုင်းနဲ့ ပြည်နယ် ၁၁ ခုမှာ ခုရက်ပိုင်း ရာသီဥတု ဆိုးရွားနိုင်

( 13 )တိုင်းအစိုးရနှင့် ဌာနဆိုင်ရာတွေ့ဆုံပွဲ သတင်းယူခွင့်တားမြစ်

( 12 )စစ်ကိုင်း သစ်စက် လုပ်သားများ နေပြည်တော်ကို ချီတက်

( 11 )တယ်လီနော မြန်မာ ၏ ကာရာအိုကေ ချန်ပီယံရှာဖွေမှု ပြိုင်ပွဲ အတွက် ပရိသတ်များမှ မဲပေး ရွေးချယ် နိုင်မည်

( 10 )ချောင်းဦးတွင် သောက်သုံးရေရရှိရေးအတွက် ဒေသခံများ စိုးရိမ်

( 9 )၂၀၁၆ မြန်မာ့ စီးပွား တိုးတက်မှု အားကောင်းမည်

( 8 )ရန်ကုန် – မန္တလေး အမြန်လမ်းတွင် ခရီးသည်တင်ယာဉ် တိမ်းမှောက်

( 7 )မီဒီယာကို တလတခါပဲ တွေ့မယ် ဆိုတဲ့ မွန်ဝန်ကြီးချုပ်

( 6 )ဘုတလင် အခြေခံအရန်မီးသတ်သင်တန်း ကျောင်းသူ ၂၇ ဦး တက်ရောက်

( 5 ) နိုင်ငံရေးသမားများကို ဖိနှိပ်တဲ့ ဥပဒေများ ဖျက်သိမ်းတော့မည်

( 4 )နုိုင်ငံရေးသမားများကို ဖမ်းဆီးထောင်ချရာတွင် သုံးခဲ့သည့် ဥပဒေ ၂ ခု ဖျက်သိမ်းမည်

( 3 )ခေတ်နဲ့မညီတဲ့ ဥပဒေတွေ ရုပ်သိမ်းရေး လွှတ်တော်မှာ ဆွေးနွေးမည်

( 2 )ကန်သံရုံးရှေ့ ဆန္ဒပြသူတွေကို အရေးယူမည်

( 1 ) ရခိုင်ပြည်နယ်မှာ တိုက်ပွဲတွေကြောင့် လုံခြုံရေးတင်းကြပ်

ဝေါလေမြို့နယ်ခွဲအတွင်းတွင် KNDO နှင့် အစိုးရတပ်တို့အကြား တင်းမာမှုဖြစ်ပွားခဲ့

ကေအိုင်စီ

ကရင်ပြည်နယ်၊ မြ၀တီခရိုင်၊ ဝေါလေမြို့နယ်ခွဲအတွင်း အခြေချသည့် ကရင်အမျိုးသားအစည်းအရုံး (KNU) လက်အောက်ခံ ကရင်အမျိုးသားကာကွယ်ရေးတပ်ဖွဲ့ KNDO နှင့် ဝေါလေအခြေစိုက် အစိုးရတပ်တို့အကြား ဧပြီ ၂၃ရက်၊ နေ့လည် ၂နာရီအချိန်ခန့်က ပစ်ခတ်လုနီးပါး တင်းမာမှုဖြစ်ပွားခဲ့ကြောင်း သိရသည်။

KNDO ဌာနချုပ်နယ်မြေဖြစ်သည့် အူးကရေ့ခီးနေရာအတွင်း ဝေါလေအခြေစိုက် အစိုးရ၏ စစ်ဆင်ကွပ်ကဲမှု ဋ္ဌာနချုပ်-စကခ(၁၉)လက်အောက်ခံ ဗျုဟာ(၂)ဗျူဟာမှူး ဗိုလ်မှူးကြီး မျိုးကျော်သူဦးဆောင်သည့် အင်အား ၂၀ ခန့်မှာ တားမြစ်သည့်ကြားက သတ်မှတ်နယ်မြေအတွင်း ဝင်ရောက်လာမှုကြောင့် ပစ်ခတ်မှုဖြစ်လုနီးပါး ဖြစ်ပွားရခြင်းဖြစ်ကြောင်း KNDO စစ်ဦးစီးချုပ် ဗိုလ်မှူးချုပ် စောနယ်ဒါးမြက ပြောသည်။

၎င်းက “အစိုးရတပ်က လာမယ်လို့ အကြောင်းကြားတယ်။ သူတို့ကလည်း တာဝန်အရ လာတာပါလို့ ပြောတယ်။ ကျနော်တို့က ခွင့်မပြုဘူး။ လာရင် ပစ်ခတ်မှုဖြစ်မယ်လို့ ပြောထားတယ်။ တားတဲ့ ကြားက သူတို့က လူထုကို ဓားစာခံ သဘောလုပ်ပြီး ဝင်လာတော့ လူထုအသက်ကို ငဲ့လို့ ကျနော်တို့လည်း မပစ်တော့ဘူး”ဟု ကေအိုင်စီသို့ ပြောသည်။

ဗျူဟာမှူး ဗိုလ်မှူးကြီး မျိုးကျော်သူ ကိုယ်တိုင်ဦးဆောင်ပြီး လက်နက်အပြည့်အစုံပါသည့် တပ်ဖွဲ့ဝင်များမှာ ကား ၂စီးဖြင့် ရွာသား အနည်းဆုံး ၄ဦးကို ကားပေါ် တင်ခေါ်ဆောင်လာခဲ့ပြီး အူးကရေ့ခီးရွာအတွင်း လှည့်လည်ကာ မိနစ် ၃၀ ခန့် ဓာတ်ပုံရိုက်ခြင်းများ လုပ်ဆောင်ကာ ပြန်လည်ထွက်ခွာသွားကြောင်း သိရသည်။

အထက်ပါ ကိစ္စနှင့်ပတ်သက်၍ JMC-U ဒုဥက္ကဌ KNLA စစ်ထောက်ချုပ်ဗိုလ်ချုပ်စောအိုင်းဇက်ဖိုးထံ တင်ပြ အကြောင်းထားသလို ငြိမ်းချမ်းရေး ဖော်ဆောင်နေသည့်ကာလအတွင်း အစိုးရတပ်အနေဖြင့် နှစ်ဖက် လေးစားသောအားဖြင့် နောက်နောင်ယင်းအပြုအမူမျိုး မပြုလုပ်သင့်ကြောင်းလည်း ဗိုလ်မှူးချုပ် စောနယ်ဒါးမြက ဆက်ပြောသည်။

NCA စာချုပ်ပါ သဘောတူညီမှုအရ အကောင်အထည်ဖော်ရမည့် နှစ်ဖက်လေးစားလိုက်နာရမည့် ပစ်ခတ် တိုက်ခိုက်မှုရပ်စဲရေးဆိုင်ရာ စည်းမျဉ်းစည်းကမ်းများနှင့် စစ်ဖက်ဆိုင်ရာကျင့်ဝတ်များတွင် လုံခြုံရေး ကန့်သတ် နေရာများမှအပ မည်သည့်နေရာမဆို လက်နက်မပါဘဲ အရပ်ဝတ်ဖြင့် လွတ်လပ်စွာ သွားလာခွင့် ပြုရန်၊ ထိန်းချုပ်နယ်မြေများအတွင်း လက်နက်ဖြင့် သွားလာရန်လိုအပ်ပါက နှစ်ဖက်ညှိနှိုင်း သဘောတူညီချက်ဖြင့် သွားလာရန် စသည့် အချက်များ ပါဝင်သည်။

ယင်းဖြစ်စဉ်အပေါ် KNU မှ JMC နည်းပညာအထောက်အကူပြုအဖွဲ့ဝင် ပဒိုစောအယ်ကလူစေးက “နှစ်ဖက်တပ်နေရာချထားရေးကိစ္စတွေ နှစ်ဖက်စောင့်ကြည့်လေ့လာရေးလုပ်ငန်းတွေကို ပီပြင် မလုပ် ဆောင်နိုင်သေးတဲ့ အချိန်မှာ ဒီလိုကိစ္စတွေအနည်းနဲ့ အများတော့ဖြစ်မှာ ဖြစ်ပါတယ်။ အဲဒါတွေကို အဆင့်ဆင့် ဖော်ဆောင်နိုင်မယ်ဆိုရင်တော့ တဖြည်းဖြည်း ပြေလည်သွားမှာပါ”ဟု ပြောသည်။

KNU လက်အောက်တွင် ကရင်အမျိုးသားလွတ်မြောက်ရေးတပ်မတော် KNLA နှင့် ကရင်အမျိုးသား ကာကွယ်ရေးတပ် KNDO စသည့်လက်နက်ကိုင်တပ်ဖွဲ့များရှိပြီး KNU ၏ တပ်မဟာ ၇ ခုတွင် တပ်ရင်း အလိုက် KNDO တပ်ဖွဲ့ဝင်များရှိကြောင်း သိရသည်။

အာဟာရ ချို့တဲ့မှု လျှော့ချဖို့ ကလေးတွေရဲ့ ပထမ ရက် ၁၀၀၀ အရေးကြီး

ရခိုင်စစ်ပြေးဒုက္ခသည် ၁၄၀၀ကျော်ရှိ

ဖနိဒါ

မြန်မာ့တပ်မတော်နှင့် ရက္ခိုင်တပ်မတော်(AA)တုို့အကြား ရက်သတ္တပတ်ကြာ တုိုက်ပွဲဖြစ်ပွားခဲ့ခြင်းကြောင့် စစ်ပြေးဒုက္ခသည် ၁၄၀၀ ကျော်ထိ ရှိလာပြီ ဖြစ်ကြောင်း သိရသည်။

ဧပြီ ၁၆ ရက်နေ့မှ ၂၃ ရက်ထိ ရခုိုင်ပြည်နယ် ရသေ့တောင်၊ ကျောက်တော်နှင့် ပုဏ္ဏားကျွန်းမြို့နယ်များတွင် မြန်မာ့ တပ်မတော်နှင့် AA တုို့အကြား တုိုက်ပွဲ ပြင်းပြင်းထန်ထန် ဖြစ်ပွားခဲ့သဖြင့် ၄င်းမြို့နယ်များမှ စစ်ပြေးဒုက္ခသည် ၁၄၀၀ ကျော်သည် မြို့ပေါ်သုို့ ထွက်ပြေး တိမ်းရှောင်နေရသည်ဟု AA မှ ပြန်ကြားရေးတာဝန်ခံ ခုိုင်သုခက ပြောသည်။

“အခုက ရွာတော်တော်များများ မနေရဲဘဲ။ သူတို့ အုိုးအိမ်တွေကုို စွန့်ခွာပြီးတော့မှ ပုဏ္ဏားကျွန်းမြို့နယ် မြို့နဲ့ နီးတဲ့နေရာတွေကုို ပြေးတာရှိတယ်။ဘူးသီးတောင်၊ ရသေ့တောင်မြို့နယ်ထဲကုိုလည်း ပြေးတာတွေရှိတယ်။ ဆုိုတော့ အခု ဘူးသီးမြို့နယ်ထဲမှာ ၇၀၀ ကျော် ၈၀၀ လောက်ရှိတယ်။ ရသေ့တောင်မြို့နယ်ထဲတွင် ယုိုးချောင်းကျေးရွာမှာ သွားပြီးခုိုလှုံတာ၊ တကောင်း ချောင်းတုို့မှာ သွားခုိုလှုံနေတာတွေရှိတယ်။ အကုန်လုံးပေါင်းလုိုက်ရင်တော့ အနည်းဆုံး စစ်ရှောင်ဒုက္ခသည်က ၁၄၀၀ ကျော်လောက်တော့ ရှိတယ်”ဟု သူက မဇ္စျိမကုို ပြောသည်။

ယနေ့တွင် တုိုက်ပွဲ ဖြစ်ပွားခြင်း မရှိသော်လည်း မြန်မာ့တပ်မတော်ဘက်မှ လက်နက်ကြီးများဖြင့် ပစ်ခတ်နေဆဲ ဖြစ်သလုို၊ အခြား တုိုင်းရင်းသား လက်နက်ကုိုင် အဖွဲ့အစည်းများ၏ ဒေသများသို့လည်း မြန်မာ့တပ်မတော်မှ ထုိုးစစ်ဆင်မှုများ ဆက်လက် လုပ်ဆောင်နေသဖြင့် ဒုဗုိုလ်ချုပ်ကြီး ခင်ဇော်ဦး ပါဝင်သော ယခင်အစုိုးရ အဖွဲ့ ကုိုယ်စားလှယ်များနှင့် အလွှတ်သဘောတွေ့ဆုံမှုကုို ငြင်းဆုိုလုိုက်ကြောင်း ခုိုင်သုခက မဇ္စျိမကုို ပြောသည်။

စစ်ပွဲကြောင့် ထွက်ပြေးတိမ်းရှောင်နေရသူများအတွက် စားသောက်ရေးအတွက် အစောပိုင်းက ကူညီခဲ့သော လူမှုအဖွဲ့အစည်းများ ဖြစ်သော်လည်း ယမန်နေ့မူ ရခုိုင်ပြည်နယ်အစုိုးရမှ လာရောက်ကြည့်ရှုမှုများရှိသည်ဟု လူထုအခြေပြုကွန်ယက်မှ ကုိုသိန်းလှက မဇ္စျိမကုို ပြောသည်။

“စာရင်းအတိအကျတော့ မရသေးဘူး။ ကျောက်တော်ဘက်က စာရင်းတွေတော့ မထွက်လာသေးဘူး။ တချို့ ရွာအပြင်ဘက်က မထွက်ဘဲ ရွာထဲမှာဘဲ နေတဲ့လူတွေရှိတယ်။ စခန်းအနေနဲ့ ထည့်ဖုို့ ခက်တယ်။ တစ်ချို့ရွာတွေက ကျနော်တုို့က စခန်းချတာ အစုိုးရအဖွဲ့ကနေ သူတုို့ကုို အပြင်ကုို ထွက်ခွင့်မပေးထားတဲ့ ရွာတွေ ရှိတယ်။ သူတုိ့ကုိုလည်း စာရင်းထည့်လုို့ မရဘူး။ တချို့က သူတို့က ရွာ အနီးအနားက ရွာတွေမျာ ထွက်ပြေးနေရတယ်”ဟု သူက ပြောသည်။

AA သည် ဦးသိန်းစိန်အစုိုးရနှင့် တစ်နုိုင်ငံလုံး အပစ်အခတ် ရပ်စဲရေးစာချုပ်မူကြမ်း(NCA)လက်မှတ်ရေးထုိုးနုိုင်ရန် ကြိုးပမ်းခဲ့သော်လည်း အစုိုးရဟောင်းဘက်မှ လက်မခံခဲ့ပေ။

တုိုက်ပွဲများ ဖြစ်ပွားနေသဖြင့် မြန်မာ့တပ်မတော် အငြိမ်းစား ဒုဗုိုလ်မှူးကြီး ခင်ဇော်ဦး ပါဝင်သော ကုိုယ်စားလှယ်များက AA အပါအဝင် ကုိုးကန့်နှင့် ပလောင် လက်နက်ကုိုင် အဖွဲ့ သုံးဖွဲ့ကုို အလွှတ်သဘောတွေ့ဆုံ ဆွေးနွေးရန် ကမ်းလှမ်းခဲ့မှုကုို ဧပြီလ ၂၆ ရက်က ငြင်းပယ်လုိုက်သည်။

စစ်ကိုင်းတိုင်းနဲ့ ရှမ်းပြည်နယ်မှာ တရားမဝင် သတ္တုတူးဖော်မှုတွေ အများဆုံး

ကွမ်းတောကြီးရွာ အင်္ဂလီကန်ဘုရားကျောင်းဝင်းအတွင်း စေတီတည်မှု မေတ္တာတရားဖြင့် ဖြေရှင်းသွားမည်

စဖန်းရှောင်း

ကရင်ပြည်နယ် လှိုင်းဘွဲမြို့နယ် ကွမ်းတောကြီးကျေးရွာရှိ အင်္ဂလီကန် ခရစ်ယာန်သာသနာပိုင် ဘုရား ကျောင်းဝင်းအတွင်း ဧပြီ ၂၃ရက်နေ့က မြိုင်ကြီးငူဆရာတော်၏ တပြည့်သားမြေးများဟု ယူဆရသူများက ၀င်ရောက် စေတီတည်မှုကို ဘာသာပေါင်းစုံလက်တွဲပြီး မေတ္တာတရားဖြင့် ဖြေရှင်းသွားမည်ဟု ကရင်အမျိုး သား အစည်းအရုံး(KNU) ပြည်ထဲရေးနှင့်သာသနာရေးဌာန တာဝန်ခံ ပဒိုစောအားတိုးက ပြောသည်။

“ဒီကိစ္စဖြစ်လာတာ အများကြီး တွေးခေါ်စဉ်းစားစရာတွေ ဖြစ်လာတယ်။ မဖြစ်သင့်တဲ့ ကိစ္စတွေ ဖြစ်တယ်။ ဘာသာရေးကြောင့် ကျနော်တို့ ကရင်လူမျိုးတွေ သမိုင်းမှာ အကျည်းတန်မဖြစ်စေရဘူး။ KNU အနေနဲ့ သက်ဆိုင်ရာ အစိုးရတွေကို လိုအပ်သလို အရေးယူဆောင်ရွက်ပေးဖို့ စာရေးမယ်။ နောက်တစ်ခုက သက်ဆိုင်ရာ DKBA တွေကို အသိပေးအကြောင်းကြားမယ်။ ဘာသာပေါင်း စုံနဲ့လက်တွဲပြီး မေတ္တာတရားနဲ့ ပြေလည်အောင် ဖြေရှင်းမယ်”ဟု ပဒို စောအားတိုးက ကေအိုင်စီသို့ ပြောသည်။

စေတီဝင်ရောက်တည်သည့် အဆိုပါ အဖွဲ့သည် လူဦးရေ ၃၀၀ ကျော် ပါဝင်ပြီး အုတ်၊ သဲ၊ ကျောက်၊ ဘိလပ်မြေ၊ ဘိလပ်မြေဖျော်စက်၊ လော်စပီကာအသံချဲ့စက်များဖြင့် ဘုရားကျောင်းဝင်းအတွင်းသို့ ဧပြီ ၂၃ရက်နေ့၊ နံနက် ၉နာရီက စတင်လုပ်ဆောင်နေခြင်းဖြစ်သည်ဟု သိရသည်။

ယင်းကိစ္စနှင့် ပတ်သက်၍ ကရင်ပြည်နယ်၊ မွန်ပြည်နယ်၊ တနင်္သာရီတိုင်းဒေသကြီးတို့၏ အင်္ဂလီကန် သာသနာဂိုဏ်းအုပ်ဆရာတော်ဖြစ်သည့် စောစတိုင်လိုက “အဲလိုဖြစ်လာတော့ ကျနော်တို့ ဘာမှ မတတ်နိုင်ဘူး။ သူတို့ စိတ်ချမ်းသာသလို လုပ်ပါစေ။ ၀င်မပတ်သက်ဖို့ အသင်းသူ အသင်းသားတွေကို ကျနော်ပြောပြထားပါတယ်”ဟု ကေအိုင်စီသို့ ပြောသည်။

ထိုသို့ စေတီတည်ခြင်းကို ရပ်တံ့ပေးရန် ယင်းကျေးရွာရှိ အင်္ဂလီကန် အသင်းသူအသင်းသားများက ဆရာတော်ကြီးနှင့်ဆရာတော်များအား မေတ္တာရပ်ခံသည့်အနေဖြင့် ဘုရားကျောင်းဝင်းအတွင်းတွင် ဆိုင်းဘုတ် ၄ ခု စိုက်ထူထားကြောင်း ဒေသခံရွာသားများက ဆိုသည်။

ထို့အပြင် အဆိုပါကိစ္စအပေါ် ပြည်နယ်နှင့်မြို့နယ် သံဃနာယက ဆရာတော်များက မြိုင်ကြီးငူ ဆရာတော် နှင့်တကွ သာသနာရေးဝန်ကြီးဌာန ပြည်နယ်အစိုးရနှင့် သက်ဆိုင်ရာများသို့ ဧပြီလ ၉ ရက်နေ့က စာပေး ပို့ထားသလို အသင်းသူအသင်းသားများအနေဖြင့်လည်း ခရစ်ယာန်သာသနာနှင့် အစိုးရ အာဏာပိုင်များထံ မေတ္တာရပ်ခံစာများ အသီးသီးပေးပို့ထားကြောင်း သိရသည်။

ကွမ်းတောကြီးကျေးရွာတွင် ဗုဒ္ဓဘာသာဝင်များနှင့် ခရစ်ယာန်ဘာသာဝင်များ ရောနှောနေထိုင်ကြပြီး ခရစ်ယာန်အသင်းသားအိမ်ထောင်စု ၃၀ ကျော်ရှိသည်။ ယခုစေတီဝင်ရောက်တည်ထားသည့် အင်္ဂလီကန် သာသနာပိုင်ဘုရားကျောင်းဝင်းသည် အကျယ်အ၀န်း ၁ ဧကကျော်ခန့်ရှိပြီး သက်တမ်း အနှစ် ၆၀ ရှိကြောင်း သိရသည်။

ကရင်ပြည်နယ်ရှိ ခရစ်ယာန်ဘုရားကျောင်းဝင်းအတွင်း စေတီတည်ခြင်းကိစ္စများအပေါ် ကရင်ဘာသာရေး ခေါင်းဆောင်များ လက်တွဲဖြေရှင်းရန် ရည်ရွယ်၍ ကရင်ဘာသာရေးခေါင်းဆောင်များနှင့် ကရင်အမျိုးသား စည်းလုံးရေးနှင့် ငြိမ်းချမ်းရေးကော်မတီတို့သည် ဧပြီ ၆ ရက်နေ့က ဖားအံမြို့တွင် တွေ့ဆုံပွဲတစ်ရပ် ပြုလုပ်ခဲ့သေးသည်။

လွတ်လပ်စွာ သတင်း ရယူခွင့် ကန့်သတ်တားဆီးမှုတွေ ရှိနေ

လိပ်ကျွန်းလူသတ်မှု ပြန်လည်စစ်ဆေးခိုင်းရန် နိုင်ငံတကာတရားရေးအဖွဲ့က တရားခံရှေ့နေအဖွဲ့ကို အကြံပေး

EveningStandard

ဗြိတိန်စုံတွဲ သတ်ဖြတ်မှုနှင့် မြန်မာနှစ်ဦးအား အမှုစွဲဆိုသည့် စုံစမ်းစစ်ဆေးမှုများနှင့် ပတ်သက်ပြီး ထိုင်းရဲတပ်ဖွဲ့က နိုင်ငံတကာအဖွဲ့အစည်းသို့ အစီရင်ခံစာတင်ရဖွယ်ရှိသည်။

နိုင်ငံတကာတရားရေးရာအဖွဲ့နှင့် ဒီအိုင်အေမူခင်းဆေးသိပ္ပံပညာရှင်များက မြန်မာနှစ်ဦး၏ ရှေ့နေအဖွဲ့အား အမှုနှင့်ပတ်သက်ပြီး တရားဝင်ထုချေလွှာတင်ရန်နှင့် ပြန်လည်စစ်ဆေးကြားနာခိုင်းရန် အကြံပေးထားသည်။

၂၀၁၄ စက်တင်ဘာလအတွင်းက ထိုင်းနိုင်ငံ လိပ်ကျွန်းတွင် အသက် ၂၃ နှစ်ရှိ ဗြိတိန်သူ ၀ှစ်သာရိုက်နှင့် အသက် ၂၄ နှစ်ရှိ ရည်စားဖြစ်သူ မီလာတို့နှစ်ဦး အသတ်ခံထားရသည့် ရုပ်အလောင်းအား တွေ့ရှိခြင်းဖြစ်သည်။

ထိုင်းရဲတပ်ဖွဲ့မူခင်းဓာတ်ခွဲခန်းက စစ်ဆေးသည့် ဒီအန်အေစစ်ဆေးမှုများသည် မပြည့်စုံဘဲ သက်သေကွင်းဆက်မဲ့ခြင်း၊ တရားခံရှေ့နေများသို့ ထုတ်ဖော်ပြောကြားခြင်း မရှိကြောင်း ပညာရှင်များက ပြောသည်။ အဆိုးဝါးအဖြစ်က တရားခံဖြစ်သူမြန်မာနိုင်ငံသားနှစ်ဦးဖြစ်သည့် ကိုဇော်လင်းနှင့် ကိုဝေဖြိုးတို့က အမှုဆင်ခံရခြင်းဖြစ်ဖွယ်ရှိသည်။

“ဒီကိစ္စမှာ ကြားဝင်ဆောင်ရွက်ပေးမယ့် ဆန္ဒရှိတဲ့ သြစတြေးလျအာရှ ပစိဖိတ်ဓာတ်ခွဲခန်း တရားဝင်အသိအမှတ်ပြုကော်ပိုရေးရှင်းနဲ့ ပြောထားဆိုထားပြီးဖြစ်ပါတယ်။ မြန်မာလူငယ်နှစ်ဦးအနေနဲ့ သေဒဏ်စီရင်ခံရခြင်းထက် အနောက်နိုင်ငံတစ်ခုခုကနေ အာဏာပိုင်တွေကို တရားစွဲစေလိုတယ်။ သူတို့ရှေ့နေတွေကတော့ ထိုင်းနိုင်ငံအတွင်းမှာပဲ အဲဒီလို ပြန်တရားစွဲဆိုသင့်တယ်။”ဟု ပညာရှင်အဖွဲ့မှ တစ်ဦးက ပြောသည်။

အဆိုပါအဖွဲ့သည် လိပ်ကျွန်းဒီအန်အေ သက်သေပြည့်စုံမှုမရှိသည့် ကိစ္စရပ်အား မဖြေရှင်းနိုင်မချင်း ထိုင်းနိုင်ငံအတွင်းက ဓာတ်ခွဲခန်းအားလုံးအား အသိအမှတ်ပြုဓာတ်ခွဲခန်းအဖြစ်မှ ရပ်ဆိုင်းနိုင်သည့် အဖွဲ့ဖြစ်သည်။

ယင်းအဖွဲ့က တရားခံရှေ့နေများအား ထိုင်းကျန်းမာရေးဝန်ကြီးဌာန၏ ဓာတ်ခွဲခန်းအရည်အသွေးစံဗျူရိုဌာနသို့ ဒီအန်အေသက်သေနှင့် ပတ်သက်ပြီး စစ်ဆေးပေးဖို့ တောင်းဆိုရန် အကြံပြုထားသည်။

ရပ်ကွက်ကျေးရွာ အုပ်ချုပ်ရေးမှူးတွေ ပြန်ရွေးဖို့ ညွှန်ကြား

မြေသိမ်းမှု ၆၀၀၀ ကျော်ကို လွှတ်တော်ကော်မတီ ဆက်စစ်မည်

တင်ထက်ပိုင်

လွှတ်တော် ပထမသက်တမ်းအတွင်း ကိုင်တွယ်ရန် မပြီးပြတ်ခဲ့သော မြေယာသိမ်းဆည်းမှု တိုင်ကြားစာ ၆၀၀၀ ကျော်ကို လက်ရှိလွှတ်တော်သက်တမ်းတွင် စုံစမ်းစစ်ဆေးမှုများ ဆက်လက်ပြုလုပ်သွားမည်ဖြစ်ကြောင်း အမျိုးသားလွှတ်တော် တောင်သူလယ်သမားရေးရာကော်မတီက ဧပြီလ ၂၇ ရက်နေ့တွင် ပြောကြားလိုက်သည်။

ပြီးခဲ့သည့် လွှတ်တော်သက်တမ်းအတွင်းတွင် ရရှိခဲ့သည့် မြေသိမ်းတိုင်ကြားစာပေါင်း ၁၈၀၀၀ ကျော် ရှိပြီး ၁၂၀၀၀ ကျော် ကိုင်တွယ်ပြီးစီးခဲ့ကာ လုံးဝ မကိုင်တွယ်ရသေးသည့် တိုင်ကြားစာပေါင်း ၆၀၀၀ ကျော် ကျန်နေသေးကြောင်း ယင်းကော်မတီ၏ ဥက္ကဌဖြစ်သူ ဦးဘမျိုးသိန်းက ဧရာဝတီကို ပြောသည်။

ယင်းမြေယာသိမ်းဆည်းမှု တိုင်ကြားစာများအရ စွပ်စွဲခံရသူ အများစုမှာ စစ်တပ်၊ အစိုးရ ၀န်ကြီးဌာနများနှင့် ပုဂ္ဂလိကကုမ္မဏီများဖြစ်ပြီး ဖြစ်ပွားမှု အများဆုံးမှာ မန္တလေးတိုင်းနှင့် ကရင်ပြည်နယ်များတွင် ဖြစ်ကြောင်း သိရှိရသည်။ အခြေခံအဆောက်အဦးများ ဖွံ့ဖြိုးတိုးတက်ရေးနှင့် စက်မှုဇုန်များ တည်ဆောက်ရေး စသည့် အကြောင်းပြချက်များဖြင့် သိမ်းယူခဲ့ခြင်းမျိုးများ ပါဝင်ကြောင်းလည်း ဦးဘမျိုးသိန်းက ဆိုသည်။

တိုင်ကြားစာများကို ပြန်လည်သုံးသပ်ရန်နှင့် ကွင်းဆင်း စုံစမ်းစစ်ဆေးမှုများ ဆောင်ရွက်ရန် ပထမဆုံး အနေဖြင့် သင့်တော်သည့် လွှတ်တော်ကိုယ်စားလှယ်များဖြင့် ကော်မရှင်တရပ် ဖွဲ့စည်းသွားရန် လိုအပ်ကြောင်းလည်း ဦးဘမျိုးသိန်းကပြောသည်။ နိုင်ငံဖွံ့ဖြိုးတိုးတက်မှုအတွက် အခြေခံအဆောက်အအုံ တိုးချဲ့မှုများ လုပ်ဆောင်ရန် လိုအပ်သည့် မြန်မာနိုင်ငံကဲ့သို့သော နိုင်ငံမျိုးများတွင် မြေယာသိမ်းမှု ပြဿနာသည် အကြွင်းမဲ့ ရှောင်လွဲမရနိုင်ကြောင်းလည်း ၎င်းက ဖြည့်စွက်ပြောဆိုသည်။

“တည်ဆဲဥပဒေတွေကို ဘေးဖယ်ပြီး လုပ်ခဲ့လို့ ဒီလိုမျိုး အကျိုးဆက်တွေ ဖြစ်လာတာပါ” ဟု ဦးဘမျိုးသိန်းက ပြောသည်။

တိုင်ကြားသူများနှင့် စွပ်စွဲခံရသူများကြား နှစ်ဦးနှစ်ဖက် အဆင်ပြေအောင်မြေအသုံးချမှု ဥပဒေများနှင့်အညီ ညှိညှိနှိုင်းနှိုင်း ဖြေရှင်းလုပ်ဆောင်သွားမည် ဖြစ်ကြောင်းလည်း ဦးဘမျိုးသိန်းက ဆက်လက်ပြောဆိုခဲ့သည်။

အင်္ဂလိပ်ဘာသာဖြင့် ထုတ်ဝေသော နိုင်ငံပိုင်သတင်းစာ Global New Light of Myanmar ၏ ဧပြီလ ၂၇ ရက် နေ့ထုတ် ဖော်ပြချက်တွင် မြန်မာနိုင်ငံတလွှား၌ သိမ်းဆည်းခံရသည့် မြေယာဧကပေါင်း ၂၀၀,၀၀၀ ကျော်ခန့် ရှိကြောင်း တောင်သူလယ်သမားရေးရာ ကော်မတီက သိရှိခဲ့ရသည်ဟု ဆိုထားသော်လည်း အဆိုပါ ဧကပမာဏနှင့် ပတ်သက်ပြီး ဧရာဝတီသတင်းဌာန၏ မေးမြန်းမှုအပေါ် ဦးဘမျိုးသိန်းက အတည်မပြုပေးနိုင်ခဲ့ပါ။

ရှေ့နေ ဦးကိုနီက မြန်မာနိုင်ငံတွင် ဖြစ်ပွားခဲ့သည့် အဆိုပါမြေယာသိမ်းဆည်းမှု ပြဿနာများကို ကိုင်တွယ်ဖြေရှင်းရန် တည်ဆဲဥပဒေများဖြင့် ဆောင်ရွက်လျင် ကောင်းမွန်သည့် အဖြေ တိတိကျကျ ထွက်လာလိမ့်မည်ဟု မထင်ကြောင်း၊ တပ်ပိုင်မြေ၊ ဝန်ကြီးဌာနပိုင်မြေ စသည်တို့နှင့် ပတ်သက်သည့် ကိစ္စရပ်များကို ထိထိရောက်ရောက် ဖြေရှင်းနိုင်ရန် ဥပဒေအသစ်တရပ် ပြဌာန်းခြင်းကသာ သင့်တော်သည့် ချဉ်းကပ်မှု တခုဖြစ်ကြောင်း ပြောပြသည်။

“ဘယ်ဥပဒေစာအုပ်မှာပဲ ကြည့်ကြည့် နိုင်ငံပိုင်မြေ ဆိုတာပဲ ရှိတယ်။ တပ်ပိုင်မြေဆိုတာ မရှိဘူး။ ဝန်ကြီးဌာနပိုင်မြေ ဆိုတာလည်း မရှိဘူး။ အစိုးရပိုင်မြေဆိုတာလည်း မရှိဘူး” ဟု ဦးကိုနီက ဆိုသည်။

စစ်အာအာရှင်လက်ထက်တွင် စစ်တပ်၊ အစိုးရ၀န်ကြီးဌာနနှင့် ပုဂ္ဂလိက ကုမ္မဏီများမှ အကြောင်းပြချက်မျိုးစုံဖြင့် မြေဧကပေါင်းများစွာကို သိမ်းဆည်းမှုများ ရှိခဲ့သော်လည်း ယင်းကဲ့သို့သော စစ်တပ်နှင့် ဝန်ကြီးဌာနများ ပါဝင်ပတ်သက်နေသည့် ကိစ္စရပ်တခုချင်းစီအတွက် ဖြေရှင်းရန် ဥပဒေ တိတိကျကျ မရှိသေးကြောင်းလည်း ထည့်သွင်းပြောဆိုသည်။

“ပြီးခဲ့တဲ့ အနှစ်နှစ်ဆယ်၊ အစိတ်အတွင်းမှာ အကြောင်းအမျိုးမျိုးနဲ့ အသိမ်းခံခဲ့ရတဲ့ မြေတွေကို ဘယ်နည်းဘယ်ပုံ ပြန်ပြီးတော့ စီမံ ခန့်ခွဲမယ်ဆိုတာ ဥပဒေတခုကို အရင်ပြဌာန်းလိုက်ရမယ်။ ဥပဒေတခု အရင်ပြဌာန်းပြီးနောက်မှ အဲဒီဥပဒေမှာ ပါတဲ့အတိုင်း စီမံခန့်ခွဲမယ် ဆိုရင်တော့ သိပ်အငြင်းအခုံ ဖြစ်စရာ မရှိတော့ဘူး။” ဟု ဦးကိုနီက သူ၏ ကိုယ်ပိုင်အမြင်ကို ပြောပြသည်။

နိုင်ငံခြားရေးရာ မူဝါဒတွေ ဘာတွေထူးခြားမှု ရှိနိုင်မလဲ

မိုးသီးကြွေကျမှုကြောင့် မန္တလေးတွင် စိုက်ပျိုးသီးနှံဧကတစ်သောင်းကျော်ပျက်စီး

အောင်ကိုဦး

မန္တလေးတိုင်းဒေသကြီးအတွင်း မိုးသည်းထန်စွာရွာသွန်မှု၊ မိုးသီးကြွေကျမှုနှင့်လေပြင်းများတိုက်ခတ်ခဲ့ကြောင့် စိုက်ပျိုးဧက ၁၂၈၁၅ ပျက်စီးဆုံးရှုံးမှုဖြစ်ပေါ်ခဲ့သည်ဟု မန္တလေးတိုင်းဒေသကြီး စိုက်ပျိုးရေးဦးစီးဌာနကသိရသည်။

နွေစပါး ၄၀၉ ဧက၊ နွေနှမ်း ၄၅၅၄ ဧက၊နွေပဲတီစိမ်း ၂၈၈၉ ဧက၊ ငရုတ် ၁၆၃၀ ဧက၊ သရက် ၂၂၃၁ ဧက၊ ငှက်ပျော ၈၆၆ ဧက၊ သံပုရာ ၁၅၉ ဧက၊ ကွမ်း ၂၁ ဧက၊ ပြောင်း ၄၁ ဧက၊ခရမ်းချဉ်သီး ၄ ဧက၊ သင်္ဘော ၃ ဧက၊နေကြာ ၅ ဧကနှင့်သပြေ ၆ ဧက တို့ပျက်စီးခဲ့ကြောင်း မန္တလေးတိုင်းဒေသကြီး၊စိုက်ပျိုးရေးဦးစီးဌာနမှ ကောက်ယူထားသောစာရင်းအရသိရသည်။

"ပျက်စီးသွားတဲ့ စိုက်ပျိုးဧကထဲက အစားထိုးအဖြစ် ထပ်မံစိုက်ပျိုးသွားမယ့် နေရာတွေမှာ မျိုးစေ့တွေ အလွယ်တကူရရှိအောင် ဆောင်ရွက်ပေးသွားမယ်။ အစားထိုးစိုက်ပျိုးတယ်ဆိုတာ နွေနှမ်းစိုက်ခင်းပျက်စီးသွား တယ်ဆိုရင် နွေပဲတီစိမ်းနဲ့ အစားထိုးစိုက်ပျိုးတာတို့ လုပ်နိုင်တယ် ။ နွေပဲတီစိမ်း က စိုက်ပျိုးချိန် နှစ်လလောက်ပဲ ကြာတယ်ဆိုတော့ မိုးမှာ စိုက်ပျိုးမယ့်သီးနှံအတွက် အချိန်မီတယ်။ ဒီလိုစိုက်ပျိုးဖို့ကိုလည်း စာရင်းကောက်နေပါတယ်။"ဟု မန္တလေးတိုင်းဒေသကြီး စိုက်ပျိုးရေး ဦးစီးဌာန မှ တာဝန်ရှိသူတစ်ဦး က ပြောသည်

အဆိုပါပျက်စီးဆုံးရှုံးမှုစာရင်းမှာ ဧပြီ ၂၅ ရက်အထိ ကောက်ခံထားသောစာရင်းဖြစ်ပြီး ဆက်လက်ကောက်ခံ နေဆဲဖြစ်ကြောင်း မန္တလေးတိုင်းဒေသကြီး စိုက်ပျိုးရေးဦးစီးဌာနကသိရသည်။

Yangon waterboom အပန်းဖြေ ရေကစားကွင်း ပြန်လည် ဖွင့်လှစ်

ဖောင်းဆိုင်ဘက် အစိုးရတပ် နှင့် KIA တစ်နာရီခန့် တိုက်ပွဲဖြစ်

Kachinnews

ယနေ့မနက် ရှမ်းပြည်နယ် မြောက်ပိုင်း ဖောင်းဆိုင် ကျေးရွာအနီးတွင် ကချင်လွတ်လပ်ရေးတပ်မတော် KIA တပ်မဟာ ၆ နှင့် အစိုးရတပ်တို့သည် အချိန် တစ်နာရီခန့် တိုက်ပွဲ ဖြစ်ပွားခဲ့ကြောင်း သိရပါသည်။

အစိုးရတပ်မ ၉၉ ဟု မှန်းရသည့် တပ်ဖွဲ့နှင့် KIA တပ်ရင်း ၃၈ တို့သည် နောင်ဂျန်း (Nawng Jang) နှင့် မန်းရန် (Man Yang) လမ်းခွတွင် ယနေ့မနက် ၅ နာရီခန့်မှ တိုက်ပွဲဖြစ်ပွားခဲ့သည်ဟု အမည်မဖော်လိုသူ KIA တပ်မဟာ ၆ ထိပ်တန်းအရာရှိတဦး ကချင်သတင်းဌာန KNG ကို အတည်ပြုပြောခဲ့ပါသည်။

ယခု တိုက်ပွဲသည် ဖေဖော်ဝါရီလမှ ရှမ်းမြောက်ဒေသ KIA တပ်မဟာ ၆ တရားဝင်ဖွဲ့စည်းပြီးနောက် ပထမဆုံး ပြင်းထန်စွာ ဖြစ်ပွားခဲ့သော တိုက်ပွဲလည်းဖြစ်ပါသည်။

ကချင်ပြည်နယ်တွင်း KIO/KIA ဗဟိုဌာနချုပ်လိုင်ဇာအနီး ဘန်ဒေါင် (Ban Dawng) နှင့် နမ့်ဆန်ယန် (Nam San Yang)၊ KIA တပ်ရင်း ၁၈ တွင် သင်္ကြန်မတိုင်ခင်နှင့် အပြီး အစိုးရတပ်မှ ထိုးစစ်ဆင် တိုက်ခိုက်ခဲ့သောကြောင့် KIA ရှေ့တန်းစခန်းငယ် ၄ ခုကို ဆုတ်ခွာ ပေးခဲ့သည်။

မြန်မာပြည်တွင် NLD အစိုးရသစ်တက်လာပြီး သုံးပတ်အကြာ အစိုးရတပ်နှင့် တိုင်းရင်းသားလက်နက်ကိုင်အဖွဲ့များကြား တိုက်ပွဲများသည် ကချင်ပြည်နယ်၊ ရှမ်းပြည်နယ် နှင့် ရခိုင်ပြည်နယ်တို့တွင် ဖြစ်နေပါသည်။