သီတင်းကျွတ်လပြည့်နေ့ညမြင်ကွင်းအချို့(တောင်တွင်းကြီး)

ပြောင်းလဲချိန်တန်ပြီဆိုတာ ဘာကို ပြောတာလဲဟု သမ္မတ ဦးသိန်းစိန် မေး

စည်သူမောင်မောင်

သမ္မတ ဦးသိန်းစိန်သည် ငပုတောမြို့၊ ဥသျှစ်ကွင်း ကျေးရွာသို့ အောက်တိုဘာလ၂၉ရက်နေ့က ရောက်ရှိစဉ် ဒီမိုကရေစီ စနစ် အပြောင်းအလဲကို သူ၏ အစိုးရက စတင်ခဲ့ပြီး နောက်ထပ် ဘာများ ပြောင်းလဲလိုသေးသနည်း၊ ပြောင်းလဲချိန်တန်ပြီဆိုတာ ဘာကို ဆိုလိုသလဲဟု ဒေသခံများကို မေးခွန်းထုတ်ခဲ့သည်။

“တပ်မတော်အစိုးရ အုပ်ချုပ်တဲ့ စနစ်ကနေပြီးတော့ ပြည်သူလူထုရွေးချယ်တင်မြောက်တဲ့ ခုနကလို အစိုးရစနစ်နဲ့ လွှတ်တော်တို့အစိုးရတို့ စသည်အားဖြင့် ဒီစနစ်နဲ့အုပ်ချုပ်တဲ့ ဒီမိုကရေစီစနစ်ကို ကျွန်တော်တို့ ပြောင်းပြီးပြီ နောက်ထပ်ဘာလို့များ ပြောင်းချင်သေးလဲ၊ နောက်ထပ် ပြောင်းဖို့ကတော့ အခြားမရှိတော့ဘူး ကွန်မြူနစ်ပဲ ရှိတော့တယ် ကွန်မြူနစ်တော့ ဘယ်သူမှမပြောင်းချင်ဘူး ဟုတ်တယ်မဟုတ်လား” ဟု သမ္မတက ပြောခဲ့သည်။

အမျိုးသား ဒီမိုကရေစီအဖွဲ့ချုပ်၏ မဲဆွယ် စည်းရုံးမှုများအတွင်း ပြောင်းလဲချိန်တန်ပြီဟု ဥက္ကဋ္ဌ ဒေါ်အောင်ဆန်းစုကြည်က ပြောင်းလဲချိန်တန်ပြီဟု ပြောဆိုမှုများနှင့် တိုက်ဆိုင်စွာပင် ပြောင်းလဲချိန်တန်ပြီဆိုတာ ဘာကို ပြောတာလဲဟု သူက တန်ပြန် မေးခွန်းထုတ်ခဲ့သည်။

“ပြည်သူများလိုချင်တဲ့ ဒီမိုကရေစီစနစ်ကို ပြောင်းပြီးပြီ ခုနလို ပြောင်းလဲချိန်တန်ပြီ ဆိုတာ ဘာကိုပြောတာလဲ ကျွန်တော်တို့ကတော့ ပြောင်းပြီးပြီ၊ ပြောင်းပြီးတဲ့စနစ်ကို ခိုင်ခိုင်မာမာ ဖြစ်အောင် ကျွန်တော်တို့ လုပ်သွားပါမယ်” ဟု ပြောခဲ့သည်။

“ကျွန်တေ်ာတို့အစိုးရဟာ စနစ်ဟောင်းတစ်ခုကနေ စနစ်သစ်တစ်ခုကို ကူးပြောင်းရတယ်ဆိုတာ အလွန်မှ အန္တရာယ်များတယ်၊ ပြောရမယ်ဆိုလို့ရှိရင် ကျွန်တော်တို့လို တစ်ချိန်ထဲမှာ ဒီမိုကရေစီ စနစ် ကူးပြောင်းတဲ့နိုင်ငံ အများကြီးရှိပါတယ် အာရပ်နိုင်ငံ၊ မူဆလင် နိုင်ငံတွေ အများကြီးရှိပါတယ်၊ ဒီနေ့အထိ ဒီမိုကရေစီစနစ်ကို မပြောင်းနိုင်ဘဲနဲ့ နေ့စဉ်နဲအမျှ တိုက်ပွဲတွေဖြစ်နေတယ်” ဟုလည်း ပြောဆိုခဲ့သည်။

“ကျွန်တော်တို့က ခုနကလို တလှမ်းချင်း သတိထားပြီးတော့ ပြောင်းလဲနိုင်ခဲ့တဲ့ အတွက်ကြောင့်မို့ အခုဒီမိုကရေစီစနစ်ကို သွေးထွက်သံယိုမရှိဘဲ ပြောင်းလဲလာနိုင်တယ်၊ အဲ့တော့ ပြုပြင်ပြောင်းလဲမှု၊ ပြောင်းလဲဖို့အချိန်တန်ပြီဆိုတာ တကယ်တော့ ကျွန်တော်တို့ ဒီမိုကရေစီ စနစ်ကို ပြောင်းလဲတဲ့အခါမှာ ပြောင်းလဲပါပြီ” ဟုလည်း ပြောဆိုခဲ့သည်။

ကရင်လူမျိုးလွှတ်တော်ကိုယ်စားလှယ်လောင်း နော်ပန်းသဉ္ဇ္ဇာမျိုး နှင့် တွေ့ဆုံမေးမြန်းခန်း

မြောက်ဦးနန်းတော်ရာကုန်း မဲဆွယ်စည်းရုံးပွဲတွင် ကြံ့ခိုင်ရေးပါတီကို အမျိုးသားရေးစိတ်ဖြင့် မဲပေးကြရန် ဦးမောင်မောင်အုန်းတိုက်တွန်း

မာန်ယုကျော် (ရွှေဝမြေ)

ရခိုင်ပြည်နယ်ရှိ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီကို ရခိုင်တိုင်းရင်းသားများဖြင့် ဖွဲ့စည်းထားသည့် အတွက် အမျိုးသားရေးစိတ်ဓာတ်ဖြင့် မဲပေးကြရန် ယခင်ဝန်ကြီးချုပ်ဟောင်း ရခိုင်ပြည်နယ် ပြည်ခိုင်ဖြိုးပါတီ ဥက္ကဋ္ဌ ဦးမောင်မောင်အုန်းက တိုက်တွန်း ပြောကြားလိုက်သည်။

ယင်းကို အောက်တိုဘာလ ၂၆ ရက်နေ့၊ နေ့လယ် ၁ နာရီခန့်က ရခိုင်ပြည်နယ်၊ မြောက်ဦးမြို့ရှိ နန်းရာကုန်း၌ မြောက်ဦးမြို့နယ်မှကြံ့ခိုင်ရေးပါတီများနှင့် တွေ့ဆုံပွဲတွင် ယခုကဲ့သို့ပြောကြားလိုက်ခြင်းဖြစ်သည်။

“ရခိုင်သားမှန်ရင် ရခိုင်ပါတီပေးတာ။ အပြစ်မရှိဘူး။ မှန်တယ်။ ဒါဆိုရင် ကျနော်တို့ပါတီကော ဘာပါတီမို့လို့လဲ။ ရခိုင်သားတွေနဲ့ ရခိုင့်အကျိုးကိုဆောင်ရွက်ဖို့ဖွဲ့ထားတဲ့ ရခိုင်ပါတီတစ်ခုပါပဲ။ နာမည်ကသာ ပြည်ခိုင်ဖြိုး ဖြစ်နေတာ။ အားလုံးက ရခိုင်သား။ ယနေ့ ဒီမှာ မြောက်ဦးသားတွေ အားလုံး ရခိုင်သားတွေ။ မြောက်ဦး အကျိုးကို ဆောင်ရွက်မယ့် သူတွေနဲ့ဖွဲ့ထားတဲ့ ရခိုင်ပါတီတစ်ခုပါ။ ဒါကြောင့် ကျနော်ထောက်ခံပါတယ်။ ရခိုင်သားမှန်လျှင် ရခိုင်ပါတီပေးပါ။ အဲဒီတော့ ကျနော်တို့လည်း ရခိုင်ပါတီတစ်ခုပါပဲလို့။ ဒါကြောင့်မို့လို့
ပါတီရဲ့လူကိုကြည့်ပြီးတော့မှ ကျနော်တို့ပါတီကိုလည်း မိဘပြည်သူများက အလေးအနက်ထားပြီး စဉ်းစားသင့်တယ်လို့ ကျနော်ပြောလိုပါတယ်”ဟု ဦးမောင်မောင်အုန်းက ဆိုသည်။

ဦးမောင်မောင်အုန်းသည် လာမည့်ရွေးကောက်ပွဲတွင် ရခိုင်ပြည်နယ် အမ်းမြို့နယ်မဲဆန္ဒနယ် အမှတ်(၂)မှ ပြည်နယ်လွှတ်တော်အတွက် ဝင်ရောက် ယှဉ်ပြ်ိုင် အရွေးခံမည့်သူဖြစ်သည်။

ယင်းသို့ ပြည်နယ်လွှတ်တော်တွင်ဝင်ရောက်အရွေးခံခြင်းမှာ ရခိုင်ပြည်နယ်ဝန်ကြီးချုပ်နေရာကို ဆက်လက် လုပ်ကိုင်လို၍ဟု ပြည်သူများကဝေဖန်ပြောဆိုနေခြင်းကိုလည်း ဦးမောင်မောင်အုန်းက အဆိုပါတွေ့ဆုံပွဲတွင် တုန့်ပြန် ရှင်းလင်းခဲ့သည်။

“မိဘပြည်သူများကို ရိုးသားစွာဝန်ခံပါရစေ။ ရခိုင်ပြည်နယ်ဝန်ကြီးချုပ်လုပ်တယ်ဆိုတာ အင်မတန် စိတ်ပင်ပန်း၊ လူပင်ပန်းရပါတယ်လို့ ပြောပါရစေ”ဟုသူက ဆိုသည်။

သို့သော် သူ့အနေဖြင့် ရခိုင်ပြည်နယ်ဝန်ကြီးချုပ်နေရာကို ဆက်မလုပ်တော့ဟု ပြတ်ပြတ်သားသား ငြင်းဆိုခဲ့မှု မရှိခဲ့ပါ။

ယင်းနေ့ကပြုလုပ်ခဲ့သည့်တွေ့ဆုံပွဲသို့ မြောက်ဦးမြို့နယ်မှ ပြည်ခိုင်ဖြိုးပါတီ ထိပ်ပိုင်းခေါင်းဆောင်များ အပါအဝင် ပါတီဝင်များနှင့် စိတ်ပါဝင်စားသူ အင်အား ၁ဝဝဝ ခန့်တက်ရောက်ခဲ့သည်။

မန္တလေးမြို့၊ စန္ဒီမယ်တော်ရေမျှောပွဲမြင်ကွင်း

စစ်မှန်သည့် ပြောင်းလဲမှုအတွက် ဆောင်ရွက်စရာ အများအပြားရှိသည်ဟု အထူးသံပြော

မဇ္ဈိမ

မြန်မာနိုင်ငံ၌ လွန်ခဲ့သည့် ၃ နှစ်တာအတွင်း နိုင်ငံရေး၊ စီးပွားရေး၊ လူမှုရေးနှင့် လူ့အခွင့်အရေးဆိုင်ရာများတွင် ပြုပြင် ပြောင်းလဲမှုများတိုးတက်လာသည်ကို အသိအမှတ်ပြုသော်လည်း စစ်မှန်ပြီး ရေရှည်တည်တံ့စေရန်အတွက်မူ ဆောင်ရွက်စရာအများအပြားရှိသေးသည်ဟု မြန်မာနိုင်ငံဆိုင်ရာလူ့အခွင့်အရေးအထူးသံ မစ္စယန်ဟီလီးက ပြောသည်။

ကုလအထွေထွေညီလာခံ၌ မြန်မာနိုင်ငံလူ့အခွင့်အရေးအခြေအနေနှင့်ပတ်သက်ပြီး ဇန်န၀ါရီလနှင့် သြဂုတ်လ မြန်မာနိုင်ငံ ခရီးစဉ်အတွင်း တွေ့ရှိခဲ့ရသည့် စိုးရိမ်မကင်း ဖြစ်မှုများနှင့်ပတ်သက်၍ ဗုဒ္ဓဟူးနေ့က တင်ပြခဲ့သည်။ "လက်နက်ကိုင်တိုက်ပွဲအပါအ၀င် ပြဿနာတက်နေတဲ့ကိစ္စအများစုရှိနေသေးတာဟာ ဒေသခံတွေကို အဓိက ထိခိုက် ခံစားစေပါတယ်။ လောလောဆယ်မှာကို ပြည်တွင်းပြေးရှောင်နေရသူ ၆,၁၃,၀၀၀ လောက်ရှိနေတာပါ။" ဟု ၄င်းက ပြောသည်။

"ပြဿနာတွေဖြစ်နေတဲ့ ဘက်နှစ်ဖက်လုံးမှာ ဆိုးရွားတဲ့လူ့အခွင့်အရေးချိုးဖောက်မှုတွေ ကျူးလွန်မှုတွေရှိနေတာပါ။ ဆက်တိုက်လို ရရှိနေတဲ့ လူမသိသူမသိ ပြစ်ဒဏ်ပေးတာတွေ၊ နှိပ်စက်တာတွေ၊ ပြီးတော့ တပ်မတော်သားတွေ အပြစ်ကနေ ကင်းလွတ်ခွင့်ရနေတာတွေကလည်း စိုးရိမ်မကင်းစရာဖြစ်နေပါတယ်။" ဟုလည်းဆိုသည်။ ရေရှည်တည်တံ့နိုင်မည့် ငြိမ်းချမ်းရေးဖြစ်ပေါ်စေရန် အခြေခံလူ့အခွင့်အရေးအပေါ် ဖြစ်တည်နေသည့် ပြဿနာ၏ ဇစ်မြစ် အား ဖော်ထုတ်ဖြေရှင်းရန် လိုအပ်နေပြီး လူ့အခွင့်အရေးချိုးဖောက်မှုများနှင့် ပတ်သက်၍ ပွင့်လင်းမြင်သာမှုနှင့် တာဝန်ခံ တာဝန်ယူမှုများအတွက် အပစ်ခတ်ရပ်စဲရေးသဘောတူညီမှုများ၌ ထည့်သွင်းစဉ်းစားပေးရန်လည်း တာဝန်ရှိသူများကို တောင်းဆိုထားသည်။ ၄င်းအနေဖြင့် စစ်ထွေရှိ ပြည်တွင်းဒုက္ခသည်စခန်း နှစ်ခုအားသွားရောက်လေ့လာခဲ့ပြီး ရခိုင်ပြည်နယ်၏ အခြေအနေသည် အထူးစိုးရိမ်ဖွယ်အဖြစ် ဆက်လက်တည်ရှိနေကြောင်း ပြောသည်။ (ရိုဟင်ဂျာ) မူဆလင် စခန်းနှင့် ဗုဒ္ဓဘာသာစခန်းများ သည် အရေးတကြီး ဂရုတစိုက်ဆောင်ရွက်ရမည့် အနေအထားတွင် ရှိနေသည်ကိုတွေ့ခဲ့ရသည်။

ကျန်းမာရေး၊ မွေးမြူရေး၊ သောက်သုံးရေနှင့် အစားအစာလိုအပ်မှုများ ရှိနေဆဲဟုဆိုသည်။ ထို့ပြင် မစ္စယန်ဟီလီးက တာဝန်ရှိသူများအနေဖြင့် နိုင်ငံရေးအကျဉ်းသားများကို ချွင်းချက်မရှိ အမြန်ဆုံးလွှတ်ပေးရန် လိုအပ်နေပြီး လူမှုအဖွဲ့ အစည်းများနှင့် မီဒီယာလှုပ်ရှားမှုများကို အပြစ်ပေးနိုင်ရေးအတွက် ဥပဒေများကို ဆက်လက် အသုံးပြုနေသည်ကိုလည်း တွေ့ရသည်ဟုပြောသည်။

ရွှေ့ပြောင်းအခြေချသူများ ရုပ်သံမှတ်တမ်း

ကျောက်တော်တွင် ဖားရှာထွက်သူ တစ်ဦးကို သေဆုံး၍ တွေ့ရှိ

ဝဏ္ဍခွာညို

ရခိုင်ပြည်နယ် ကျောက်တော်မြို့ ရှမ်းရွာရပ်ကွက်မှ ဖားရှာထွက်သူ တစ်ဦး၏ အလောင်းကို အောက်တိုဘာလ ၁၆ ရက်နေ့က သေဆုံး၍ တွေ့ရှိခဲ့ရသည်ဟု မြို့နယ် ရဲတပ်ဖွဲ့ရုံးမှ ပြောကြားသည်။

သေဆုံးသူသည်ကျောက်တော်မြိုရှမ်းရွာရပ်ကွက်မှ ကိုမောင်ဖြူ ( ၅၇) နှစ် ဖြစ်ပြီး သူသည် အောက်တိုဘာလ ၁၀ ရက်နေ့ ညနေကတည်းက ဖားရှာထွက်သွားရာမှ ပျောက်ဆုံးသွားပြီး အလောင်းကို ယမန်နေ့က ရရှိခဲ့ခြင်း ဖြစ်သည်။

” လွန်ခဲ့နေ့ ၁၀ရက်နေ့ ကတည်းကပျောက်သွားတာပါ။ သူက ဖားရှားစားနေတာတဲ့ လူတစ်ယောက်။ ၁၁ ရက်နေ့ ကျတော့ ကျွန်တော်တို့ ရဲစခန်းကို လူပျောက်လာတိုင်တယ်။ ကျွန်တော်တို့ လူပျောက်ရှာဖွေရေးနဲ ဒီနေ့မှာပဲ ကုလားတန်မြစ်ဖြစ်တဲ့ ဂစ္ဆပနဒီမြစ်ပေါ့နော်။ အပေါက်ဝကျေးရွာရဲ့အောက်နားလောက်မှာ အလောင်းကို တွေ့ ပါတယ်။ အခုတော့ဆေးရုံပို့ ပြီးတော့ စစ်ဆေးနေတယ်။ ပြင်ပ လက္ခဏာတော့ ဒဏ်ရာ ရာတာတော့ မတွေ့ ရဘူးခင်ဗျ။ အတွင်းလက္ခဏတော့ကျွန်တော်တို့ မသိရသေးဘူး။ ဆရာဝန်တွေရဲ့ ဆေးစာ ထွက်လာတဲ့အခါမှာ စုံစမ်းစစ်ဆေးမှုတွေထပ်လုပ်မှာပေါ့လေဟု” ကျောက်တော် ရဲစခန်းမှ စခန်းမှူး ဦးခင်မောင် မှ နိရဉ္စရာသတင်းဌာနသို့ ပြောသည်။

” သူက ကျွန်တော်ရပ်ကွက်ဘေး နားအိမ်ကဗျ။ ကုလားအိမ်တွေနဲ့ လည်း လေးငါးအိမ်လောက်ခြားတယ်။ ပျောက်သွားတဲ့နေက နှစ်ယောက်သွားတာပါ။ တစ်ယောက်က ရှမ်းရွာဘက်နား ကလယ်ကွင်းသွားတယ်။ သေဆုံးသွားတဲ့ ဦးမောင်ဖြူကတော့ ကုလားရွားနားကိုဖား ရှာဖို့  သွားတယ်။ ၁၀ရက်နေ့ ကတည်း က ပျောက်သွား အခုမှအလောင်းကိုရှာတွေ့တယ်။ အလောင်းက နည်းနည်းပွန်နေရုံလောက်ပဲရှိတယ်။
သတ်ပြီးတော့ ဖွတ်ထားပုံရတယ်။ တစ်ရက်နှစ်ရက်ကြာပြီးမှမြစ်ထဲသို့ လွှင့်ပစ်ခဲပုံပါ။ လုပ်ကြံ သတ်ဖြတ် ခံရတယ်လို့ ယူဆတယ်” ဟု အလောင်းကို ဆယ်လာခဲ့သူ ကိုတင်အောင် မှ နိရဉ္စရာသတင်းဌာနသို့ ပြောသည်။

သေဆုံသူကိုမောင်ဖြူမှာ ရန်ငြိုးရန်စမရှိကြောင်းသောက်စားမှုယစ်မှုး ကင်းပြီး အေးဆေးနေတဲ့ သူတစ်ယောက်ဖြစ်ကြောင်း အလောင်းမတွေ့ ခင်က သူနဲ့ ပတ်သက်ပြီး ဘင်္ဂလီတွေရဲ့လှုပ်ရှားမှုတွေ မသင်္ကာခါဖွယ်ရာ မတွေ့ ရကြောင်းမြို့နယ်မှူးမှ ပြောသည်။

ရခိုင်ပြည်နယ် အတွင်း ယခုလို တစ်ယောက်စ နှစ်ယောက်စ သွားလာရာမှ အသတ်ခံရမှု အများအပြားရှိနေပြီး သက်ဆိုင်ရာမှ လူမျိုးရေး၊ ဘာသာရေး မတည်ငြိမ်မှုများ ဖြစ်ပွားမည်ကို စိုးရိမ်သဖြင့် တရားခံ အမှန်များကို ဖော်ထုတ် အရေးယူမှု မရှိသလောက် နည်းပါးကြောင်းနေကြောင်း နိရဉ္စရာက စုံစမ်း သိရှိရသည်။

သူတို့လိုချင်တဲ့အစိုးရအကြောင်း ဟင်္သာတ သူတို့ပြောစကား

အမျိုးသမီးများနှင့် လိင်မှုဆက်ဆံရေး လျော့နည်းလာခြင်း

အေးမင်း

တခါတလေမှာ လိင်ဆက်ဆံချင်စိတ်မရှိတာ သဘာဝပါပဲ။ များသောအားဖြင့် အမျိုးသမီးတွေက သူတို့ရဲ့ အမျိုးသားတွေ လို လိင်ကိစ္စကို ခေါင်းထဲမှာ အမြဲတမ်းထည့်မထားတတ်ပါဘူး။ ဒါပေမယ့် တကယ်လို့ အမျိုးသမီးတယောက်အနေနဲ့ လိင်ကိစ္စကို စိတ်မ၀င်စားတော့ဘူး၊ အထွတ်အထိပ်ကိုရောက်ဖို့က တခြားကိစ္စတွေထက်ပိုပြီး ငြီးငွေ့စရာကောင်းတဲ့ ကိစ္စ တခုလို မြင်နေတယ်ဆိုတာကို ကိုယ့်ကိုယ်ကို ပြန်သတိထားမိတယ်ဆိုရင်တော့ ကမ္ဘာပေါ်က အခြား ထောင်ပေါင်းများစွာ သော အမျိုးသမီးတွေလိုပဲ အမျိုးသမီးလိင်ကိစ္စချို့ယွင်းခြင်း(female sexual dysfunction-FSD) ကိုခံစားနေရတာ ဖြစ် နိုင်ပါတယ်။ ဒါပေမယ့် လိင်စိတ်နည်းပါးတာကတော့ ဘာကြောင့်လဲဆိုတာ သိရင် ဖြေရှင်းလို့ ရနိုင်တဲ့ အကြောင်းတခု ဖြစ် ပါတယ်။

စိတ်ဖိစီးမှု

ဒီတခုကတော့ နည်းနည်းရယ်စရာကောင်းပါတယ်။ လိင်ဆက်ဆံခြင်းက စိတ်ဖိစီးမှုကို လျော့ကျစေနိုင်တယ်လို့ အများက သိထားကြပါတယ်။ ဒါပေမယ့် အလုပ်နဲ့ပတ်သက်လို့ ဒါမှမဟုတ် ပေးဆောင်စရာရှိတဲ့ ငွေတောင်းခံလွှာတွေနဲ့ ပတ်သက်လို့ ဒါမှမဟုတ် သားသမီးတွေက အတန်းထဲမှာ အဆင့်တွေကျနေလို့ စိတ်ဖိစီးနေရပြီ ဆိုရင်တော့ လိင်ဆက်ဆံချင်စိတ် ရှိတော့မှာ မဟုတ်ပါဘူး။ တကယ်လို့ စိတ်ဖိစီးမှုက လိင်ကိစ္စအပေါ် အမြဲတမ်းသက်ရောက်မှုဖြစ်နေမယ်ဆိုရင်တော့ တခုခု လုပ်ချင်စိတ်တွေ ပေါ်ချင်ပေါ်လာနိုင်ပါတယ်။ အဲဒီလို အခါမျိုးမှာ စိတ်ကို လျှော့ချဖို့ လိုအပ်ပါတယ်။ မိတ်ဆွေ အပေါင်း အသင်းတွေနဲ့ ၀ိုင်သောက်ရင်း အချိန်ဖြုန်းတာမျိုးတွေ၊ ညစာ စားအပြီးမှာ မိမိရဲ့ အမျိုးသားနဲ့ ရှေးဟောင်းနှောင်းဖြစ် စကား စမြည်ပြောတာမျိုးတွေက စိတ်တည်ငြိမ်အေးချမ်းမှုရဖို့ အထောက်အကူဖြစ်စေပါတယ်။ ယောဂ ကျင့်စဉ်က လည်း စိတ်ကို ငြိမ်းချမ်းစေပါတယ်။

ဆေးဝါး

ပြင်းထန်တဲ့ဆေးဝါးတွေ သောက်သုံးကုသမှု ခံယူနေသူတွေဟာ ကုသမှုရဲ့ တစိတ်တပိုင်း သက်ရောက်မှုအဖြစ် လိင်စိတ် နိုးကြားမှုကို ခက်ခဲစေတယ်ဆိုတာကို ဆရာဝန် အများစုက သတိထားမိတတ်ကြပါတယ်။ သွေးကျဆေး၊ စိတ်ကျရောဂါ ပျောက်ဆေး တွေသာမက ပဋိသန္ဓေတားဆေးလိုမျိုး ဆေးဝါးတွေကို သောက်သုံးနေသူတွေတောင် လိင်စိတ်လျော့ကျ စေနိုင်တဲ့၊ လိင်ဆက်ဆံမှုရဲ့ အထွဋ်အထိပ်ကို ရောက်ရှိဖို့ အခက်အခဲဖြစ်စေနိုင်တဲ့ အလားအလာတွေရှိနေပါတယ်။ ဒီ ပြဿနာကို အလွယ်ဆုံးဖြေရှင်းနည်းကတော့ မိမိရဲ့ ဆရာဝန်နဲ့ တိုင်ပင်ဆွေးနွေးပြီး ဘယ်လိုဆေးကြောင့် ဒီပြဿနာ ဖြစ်ခဲ့တယ်ဆိုတာကို အဖြေရှာဖို့ ဖြစ်ပါတယ်။ ကိုယ့်ဖာသာကိုယ် ဆေးပြောင်းသောက်တာ၊ သောက်လက်စဆေးကို ရပ် တန့် ပစ်လိုက်တာမျိုးတွေ မလုပ်ပါနဲ့။

ဆက်ဆံရေး

စုံတွဲတွေ၊ အိမ်ထောင်ဘက်တွေကြားမှာ မဖြေရှင်းရသေးတဲ့ ပြဿနာတွေရှိနေရင်လည်း လိင်ကိစ္စမှာ စိတ်ဝင်စားမှုလျော့ ကျစေပါတယ်။ ဆက်ဆံရေး အဆင်မပြေတာ၊ ဒေါသကို ချုပ်တည်းနေရတာ၊ ယုံကြည်မှုကင်းမဲ့နေတာ၊ ရင်းနှီးမှု ပျောက် ဆုံး သလိုခံစားနေရတာတွေက စိတ်မဆလုံခြုံမှုကို ဖြစ်စေပြီးတော့ လိင်စိတ်ကိုလျော့ကျစေပါတယ်။ ဖြေရှင်းနည်းကတော့ ရှင်းပါတယ်။ ပြဿနာတွေ ပဋိပက္ခတွေကို ဖြေရှင်းလိုက်ပါ။ ပွင့်ပွင့်လင်းလင်း ဆက်ဆံပါ။ ဆွေးနွေးပါ။ လိုအပ်ရင် စိတ် ကျန်းမာရေး ဆရာဝန်နဲ့ တိုင်ပင်ဆွေးနွေးပါ။

အရက်၊ ဆေးလိပ်၊ မူးယစ်ဆေး

ကျန်းမာရေးကို ထိခိုက်စေနိုင်တဲ့ နည်းလမ်းမှန်သမျှက လိင်မှုကိစ္စကိုလည်း ထိခိုက်နိုင်ပါတယ်။ မူးယစ်ဆေးနဲ့ စီးကရက် က ကိုယ်ခန္ဓာအတွင်းက လုပ်ငန်းဆောင်တာတွေကို ဖရိုဖရဲဖြစ်စေပါတယ်။ လိင်ကိစ္စအပေါ် စိတ်ဝင်စားမှုကို လျော့ကျစေ ပါတယ်။ ဒီပြဿနာကို အရက်၊ ဆေးလိပ်နဲ့ မူးယစ်ဆေး သုံးစွဲမှုတွေကို ရပ်ပစ်လိုက်တဲ့ နည်းနဲ့ ဖြေရှင်းလို့ ရပါတယ်။ ဖြစ် နိုင်ရင် အားလုံးကို ဖြတ်ပစ်လိုက်တာ အကောင်းဆုံးပါပဲ။

ကြိုတင်မဲပုံးတွေ လုံခြုံမှု မရှိလုို့ မဲမသမာမှု ဖြစ်မှာကုို စုိုးရိမ်

ဗကသ ကျောင်းသားခေါင်းဆောင် ကိုကျော်ကိုကို ဖမ်းဆီးခံရ

နော်နိုရင်း

ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်ရဲ့ ဗဟိုလုပ်ငန်းကော်မတီ ဥက္ကဋ္ဌ ကိုကျော်ကိုကို ကို အာဏာပိုင်တွေက ဒီကနေ့ ဖမ်းဆီးခေါ်ဆောင်သွားပါတယ်။

ရန်ကုန် သင်္ကန်းကျွန်းမြို့နယ် စံပြဈေးအနီးမှာ မွန်းတည့် ၁၂ နာရီလောက်က ဖမ်းဆီးခဲ့တာဖြစ်ပေမယ့် လက်ရှိ သူ့ကို ဘယ်မှာထိန်းသိန်းထားလဲ ဆိုတာကို စုံစမ်းနေဆဲဖြစ်တယ်လို့ ဗကသအဖွဲ့ဝင် ကိုအောင်နေပိုင်က ပြောပါတယ်။

“စောစောပိုင်းကတော့ သူက ၀ရမ်းထုတ်ခံထားရတဲ့ အခြေအနေကတော့ ရှိတာပေါ့ဗျာ။ ဒါပေမယ့်လည်း ဘယ်လိုကိစ္စမျိုးနဲ့ ပြန်ဖမ်းတာလဲဆိုတာမျိုး မသိရသေးဘူး။ ရှောင်တိမ်းနေရတဲ့ အခြေအနေတော့ ဟုတ်တယ်။ ကျနော်တို့ဘက်က ကြည့်ရင်ပေါ့ဗျာ။ ဒါပေမယ့် သူ့ကို ဘယ်လိုပုံစံနဲ့ ကိုင်တွယ်တာလဲဆိုတာကို မသိသေးဘူး။ အခု သူ့ကို ဘယ်မှာ ထိန်းသိမ်းထားလဲဆိုတာ ကျနော်လည်း မသိသေးဘူး။ ကျနော်တို့လည်း လိုက်နေတယ်။”

ကိုကျော်ကိုကိုဟာ ပညာရေးဥပဒေကို သပိတ်မှောက်တဲ့ တခြားကျောင်းသားတွေနဲ့အတူ ပုဒ်မ ၅ ခု နဲ့ ဖမ်းဝရမ်းထုတ်ခံရသူ ဖြစ်ပါတယ်။

ပုဒ်မ ၁၄၃ (ဥပဒေနှင့် ဆန့်ကျင်သော အစုအဝေးတခုတွင် ပါဝင်သူ)၊ ပုဒ်မ ၁၄၅ (လူစုခွဲရန် အမိန့်ပေးပြီးကြောင်းသိလျက် ဥပဒေနှင့် ဆန့်ကျင်သော အစုဝေးတွင် ပါဝင်နေခြင်း)၊ ပုဒ်မ ၁၄၇ (ရုန်းရင်းဆန်ခတ်မှု)၊ ပုဒ်မ ၃၃၂ (ပြည်သူ့ဝန်ထမ်းအား ၀တ္တရားဆောင်ရွက်ခြင်းမှ ဟန့်တားရန် မိမိအလိုအလျောက် နာကျင်စေမှု)၊ ပုဒ်မ ၅၀၅(ခ) (အများပြည်သူ၏ အကျိုးပျက်စီးစေမှု) တွေ ဖြစ်ပါတယ်။

တိုင်းရင်းသား လက်နက်ကိုင် အဖွဲ့ ၈ ဖွဲ့နဲ့ တွေ့ဆုံဆွေးနွေး

ဗကသခေါင်းဆောင် ကျော်ကိုကို ဖမ်းခံရ

ဖြိုးဝေစိုး

အမျိုးသားပညာရေး ဥပဒေ ပြင်ဆင်ရန် လေးပွင့်ဆိုင် တွေ့ဆုံညှိနှိုင်းပေးရေးအတွက် ရန်ကုန်မြို့တော်အတွင်း စီတန်းလှည့်လည် ဆန္ဒပြပွဲများကို ဦးဆောင်ခဲ့သူများထဲတွင် ပါဝင်သည့် ဗကသ ခေါင်းဆောင် ကျော်ကိုကို ယနေ့ (အောက်တိုဘာ ၂၉ရက်) မွန်းတဲ့ ၁၂ခန့်အချိန်က ဖမ်းဆီးခံရကြောင်း ဒီမိုကရေစီ ပညာရေး သပိတ်ကော်မတီ မှ ဗကသ ကိုယ်စားလှယ် ကိုအောင်နေပိုင်က မဇ္ဈိမကို အတည်ပြုပြောကြားသည်။

သင်္ကကျွန်းမြို့နယ် စံပြဈေးအနီးတွင် ဖမ်းခံခဲ့ရခြင်းဖြစ်ပြီး မည်သည့် ပုဒ်မဖြင့်ဖမ်းဆီးခံရခြင်းဖြစ်သည်ကိုမသိရှိသေးကြောင်း၊ယင်းအပြင် မည်သည့်နေရာသို့ ဖမ်းဆီးခေါ်ဆောင် သွားသည်ကို စုံစမ်းနေဆဲဖြစ်ကြောင်း ၎င်းကရှင်းပြသည်။

၂၀၁၅ခုနှစ် မတ်လ ၂၁ ရက် ညပိုင်းက ရန်ကုန်တိုင်းအတွင်းရှိ မြို့နယ်ရှစ်ခုရှိ ရဲစခန်းများတွင် ပုဒ်မ ၁၈ ဖြင့် လည်းကောင်း ၊လက်ပံတန်းမြို့နယ်ရဲစခန်းမှ လည်း ပုဒ်မ ၁၈ဖြင့် အမှုဖွင့်ခံထားရပြီးနောက် ထွက်ပြေးတိမ်းရှောင်နေသူလည်းဖြစ်သည်။

၂၀၁၄ ခုနှစ် နိုဝင်ဘာလ ၁၇ ရက်နေ့က အမျိုးသားပညာရေး ဥပဒေကို ကန့်ကွက်သည့် ကြွေးကြော် သံများနှင့်အတူ အမျိုးသားပညာရေး ဥပဒေ ပြင်ဆင်ရေးကို ဆန္ဒထုတ်ဖော်ခဲ့ရာတွင် လူအင်အား ၁၀၀ ကျော်က လမ်းမတော်မြို့နယ် စံပြမှတ်တိုင်မှ မဟာဗန္ဓုလလမ်းအတိုင်း စီတန်းလှည့်လည်ရာမှ သိမ်ဖြူလမ်းဘက်ချိုးကာ တာမွေမြို့နယ်အထိ လှည့်လည် ခဲ့သောကြောင့် သက်ဆိုင်ရာ နယ်မြေ ရဲစခန်းများက ခွင့်ပြုချက်မရယူသည့်အတွက် အမှုဖွင့်ခံရခြင်းဖြစ်သည်။

သံဃာ ၂၀၀၀ ကျော်နဲ့ ကျင်းပပြုလုပ်တဲ့ ​မြဝတီမြို့နယ်လုံးကျွတ် ပုဝါရဏာပွဲ

SSPP/SSA ဋ္ဌာနချုပ်ရှိသည့် ဝမ်ဟိုင်းကျေးရွာ လက်နက်ကြီးများနှင့် ပစ်ခတ်ခံရ

နန်းဆိုင်နွမ်

ရှမ်းပြည်နယ်တောင်ပိုင်း မိုင်းရှူးမြို့နယ်အတွင်းရှိ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် မြောက်ပိုင်းအဖွဲ့(SSPP/SSA)ဋ္ဌာန ချုပ်ရှိသော ဝမ်ဟိုင်းကျေးရွာသည် ယမန်နေ့ည သန်းခေါင်အချိန် ၁၂ နာရီခွဲခန့်တွင် လက်နက်ကြီးများနှင့် ပစ်ခတ်ခံခဲ့ရကြောင်း သတင်းရသည်။

ထိုလက်နက်ကြီး ပစ်ခတ်မှုသည် အစိုးရတပ်မတော်မှ ပစ်ခတ်ခဲ့ခြင်း ဖြစ်ကြောင်း၊ လူထိခိုက်မှု မရှိသော်လည်း ဝမ်ဟိုင်းကျေးရွာရှိ ဒေသခံ တဦး၏ နေအိမ်ကို လက်နက်ကြီး ထိမှန်ခဲ့ပြီး နေအိမ်နှင့် ကားပျက်စီးသွားကြောင်း၊ ဝမ်ဟိုင်းကျေးရွာမှ ဒေသခံများ ကြောက် လန့်၍ ထွက်ပြေးတိမ်းရှောင်နေကြကြောင်း SSPP/SSA ပြောခွင့်ရပုဂ္ဂိုလ် ဒုဗိုလ်မှူးကြီး စိုင်းလက ဧရာဝတီကို ပြောသည်။

“မနေ့က ကျနော်တို့ အရေးပါတဲ့ တောင်ကုန်း(ကုန်လင်) ကို ပြန်သိမ်းပိုက်နိုင်ခဲ့တယ်။ ဒါကို မကျေနပ်လို့များ သူတို့က မနက် သန်း ခေါင်ချိန် ပစ်တာလားတော့ မသိဘူး။ လက်နက်ကြီးနဲ့ပါ။ ၈လုံးလောက် ရှိပါတယ်။ မြို့လယ်ခေါင်က အိမ်ကို တလုံးထိတယ်။ ကျန် တာကတော့ လယ်ထဲကျသွားတယ်။ လူထိခိုက်မှုတော့ မရှိဘူး”ဟု ဒုဗိုလ်မှူးကြီး စိုင်းလက ပြောပြသည်။

တိုက်ပွဲများ ဖြစ်ပွားမှုနှင့် ပတ်သက်ပြီး ပြည်ထောင်စု ငြိမ်းချမ်းရေး ဖော်ဆောင်ရေး ကော်မတီ ဥက္ကဋ္ဌ ၊ ဒု သမ္မတ ဒေါက်တာ စိုင်း မောက်ခမ်းကို စာရေးတင်ပြထားသော်လည်း အကြောင်းပြန်ခြင်း မရှိကြောင်းနှင့် တိုက်ပွဲများ ယခုထက် ပိုမို ဆိုးရွားလာပါက စစ်ဘေး ရှောင်များ တိုးလာနိုင်ကြောင်းလည်း ဒုဗိုလ်မှူးကြီး စိုင်းလက ဆက်ပြောသည်။

လက်နက်ကြီး နေအိမ်ထိမှန်ခဲ့သည့် ဝမ်ဟိုင်းကျေးရွာ ဒေသခံဖြစ်သူ နန်းကိန်က “သီတင်းကျွတ်ပွဲဆိုတော့ ကျမ ပွဲကနေ ပြန်လာပြီး အိပ်ရာထဲ ဝင်တဲ့အချိန်မှာပဲ၊ လက်နက်ကြီး ကျမအိမ်ကို ထိတာပဲ။ အိမ်နဲ့ကားတစီး ပျက်စီးသွားတယ်။ ခွေးတကောင်လည်း သေသွားတယ်”ဟု ဧရာဝတီကို ပြောသည်။

လက်နက်ကြီး ပစ်ခတ်သံများကြောင့် ဝမ်ဟိုင်းကျေးရွာ ဒေသခံများသည် အနီးရှိ ပန်လော့ခ်ကျေးရွာသို့ ညတွင်းချင်း ပြောင်းရွှေ့နေ ထိုင်ကြကြောင်း၊ လက်နက်ကြီးများ ဝမ်ဟိုင်းကျေးရွာ အတွင်းသို့ ထပ်မံကျနိုင်သဖြင့် ဒေသခံများ ကျေးရွာအတွင်း မနေထိုင်ကြရန် SSPP/SSA က ကြေညာထားကြောင်း ဝမ်ဟိုင်းကျေးရွာ ဒေသခံ နန်းခမ်းကလည်း ဧရာဝတီကို ပြောသည်။

အစိုးရ တပ်မတော်နှင့် SSPP/SSA တို့အကြား အောက်တိုဘာ ၆ ရက်မှ စတင်၍ ယနေ့အထိ တိုက်ပွဲများ ပြန်လည်ပြင်းထန် နေ ခြင်း ဖြစ်သည်ဟု သိရသည်။

စက်မှုဇုန် အလုပ်သမား အငြင်းပွားမှုကို ခုံသမာဓိအဖွဲ့ တင်ပြသွားမည်

ဝါကျွတ်လပြည့်နေ့ မြောက်ဦး သျှစ်သောင်းဘုရားသို့ လာရောက်ဖူးမျှော်သူများပြား

မဇ္ဈိမ/ DMG

ဝါကျွတ်သီသတင်းကျွတ်လပြည့်နေ့တွင် ရခိုင်ပြည်နယ် မြောက်ဦးမြို့ သျှစ်သောင်းဘုရား၌ လာရောက်ဖူးမျှော်သူ များပြားခဲ့ကြောင်း ဂေါပကအဖွဲ့ထံမှ သိရသည်။

အောက်တိုဘာ ၂၈ ရက်၊ ညနေ ၄ နာရီအချိန်ထိ လာရောက်ဖူးမျှော်သူ ဦးရေ သောင်းဂဏန်း ရှိနေပြီဟု သျှစ်သောင်းဂေါပကအဖွဲ့မှ တာဝန်ရှိသူတစ်ဦးက ခန့်မှန်းပြောကြားသည်။ "ဒီနေ့ ဘုရားလာဖူးကြတဲ့သူတွေ အရမ်းများတယ်။ မြောက်ဦးမှာက ဒီသျှစ်သောင်းဘုရားတို့၊ ကိုသောင်းဘုရားဆိုတာက အရမ်းနာမည်ကြီးတာကိုး။ ဒီနေ့က ၀ါကျွတ်နေ့ဆိုတော့ ဥပုပ်စောင့်မယ့်သူတွေ လည်းလာကြတယ်။ ဆွမ်းလောင်းပြီး ကုသိုလ်ယူဖို့ လာကြတဲ့သူတွေလည်း ရှိတယ်။ လူကတော့ သောင်းကျော်မယ် ထင်တယ်။" ဟု ပြောသည်။

ဒေသခံရခိုင်တိုင်းရင်းသားများကြောင်း၊ ရခိုင်မျိုးနွယ်စုဝင်များလည်း ဘုရားလာဖူးကြကြောင်း၊ ယင်းအပြင် နိုင်ငံခြားသား ခရီးသွားများလည်း လာရောက်ကြသည်ဟုသိရသည်။ မြောက်ဦးမြို့နယ်၊ ဆင်အိုးကျေးရွာမှ ဒေါ်သောင်းညွှန့်က "ကျမစိတ်မှာ သျှစ်သောင်းဘုရားကို ဖူးမျှော်ချင်စိတ် ပေါ်လာတယ်။ ဒါနဲ့ ရွာကလူတွေကို အဖော်ရှာတယ်။ တစ်ယောက်မှ လိုက်မဲ့သူမရှိဘူး။ ကျမရဲ့ စိတ်ကို မပြင်နိုင်တာနဲ့ အဖော်မရလည်း တစ်ယောက်တည်း သွားမယ်ဆိုပြီးတော့ ထွက်လာတာ။ ဒီကိုရောက်တော့ စိတ်က တည်ငြိမ်သွားပြီး တော့ အေးချမ်းသလို ခံစားရတယ်။" ဟု ပြောသည်။

သျှစ်သောင်းဘုရားကြီးမှာ ကျော်ကြားသော ဘုရားတစ်ဆူလည်းဖြစ်ပြီး တည်ထားကိုးကွယ်ခဲ့သော ရှင်ဘုရင်မှာ မြောက်ဦး ဒုတိယခေတ်အား စတင်တည်ထောင်ခဲ့သည့် (မင်းဗာဘုရင်) ဖြစ်သည်။ ထိုမင်းသည် ကောဇာသက္ကရာဇ် (၈၉၄) ခုနှစ်၊ ခရစ်နှစ် အေဒီ (၁၅၃၁) ခုနှစ်တွင် ထီးနန်းစတင်စိုးစံခဲ့သည်။ မင်းဗာဘုရင်မြတ်၏ ခံယူထားသော ဘွဲ့အပြည့်အစုံမှာ (သီရိသူရိယစန္ဒမဟာဓမ္မရာဇာ) အိန္ဒိယမှ ပေးအပ်သောဘွဲ့မှာမူ (ဇော့ဘော့ချားလ်) ဖြစ်ကြောင်း ဘုရားသမိုင်းစာအုပ်များတွင် ဖော်ပြထားသည်။

သျှစ်သောင်းဘုရားဟု ခေါ်ရခြင်းမှာ ဌာပနာခန်းတွင် ဓာတ်တော်ရှစ်သောင်းရှိသဖြင့်လည်းကောင်း၊ ဘုရားဆင်းတု တော်ငယ် ရှစ်သောင်းရှိသဖြင့်လည်းကောင်း ရည်ရွယ်၍ ခေါ်ခြင်းဖြစ်ပြီး ပေါ်တူကီ တို့၏ စစ်ဘေးရန်နှင့် အိမ်နီးချင်းစစ်ကို အောင်မြင်သော အဓိက အထိမ်းအမှတ်အဖြစ် (ရန်အောင်ဇေယျ သျှစ်သောင်းဘုရားပုထိုးတော်ကြီး) ဟူ၍ အမည်ထား ခြင်းဖြစ်သည်ဟု အလားတူဘုရားသမိုင်း စာအုပ်များတွင် ဖော်ပြထားသည်။

သီတင်းကျွတ်​ပွဲ​တော်​ ရိုးရာ​လှေ​လှော်​ပြိုင်​ပွဲ မွန်ပြည်နယ် မုဒုံမြို့နယ်မှာ ကျင်းပ

လွတ်ငြိမ်းချမ်းသာခွင့်နှင့် မြင့်တက်လာသည့် ရာဇဝတ်မှုများ

မေစစ်ပိုင်

ရန်ကုန်မြို့၌ တက္ကစီယာဉ်မောင်းနှင့် အပေါင်းအပါများက အုပ်စုလိုက် ရိုက်နှက်၍ ဖုန်းနှင့်ငွေ လုသွားခြင်း၊ ရပ်ထားသည့် ကားတံခါးကို ဖွင့်၍ ဝင်ထိုင်ကာ ဓားထောက်လုသွားခြင်း၊ လမ်းလျှောက်နေစဉ် ဆိုင်ကယ်စီးလာသူ လူတစုက ပစ္စည်းလုယူခြင်း စသည့် လုယက်မှုများစွာ သတင်းမီဒီယာများက ဖော်ပြနေကြသည်။

လူမှုကွန်ရက် ဖေ့စ်ဘုတ်စာမျက်နှာ၌ လုယက်ခံခဲ့ရသည့် ကာယကံရှင်များနှင့် ၎င်းတို့၏ နီးစပ်သူများက ကိုယ်တွေ့ အဖြစ်အပျက်များကို တခြားသူများ သတိပြုနိုင်ရန် ရေးသားမျှဝေနေကြသည်။

အဆိုပါ လုယက်ခံရသူထဲတွင် ရန်ကုန်မြို့ ကမာရွတ်မြို့နယ် လှည်းတန်းဈေးအနီး နေထိုင်သူ ကိုသက်နိုင် (အမည်လွှဲ) လည်း တယောက် အပါအဝင် ဖြစ်ခဲ့သည်။ ဩဂုတ်လ ၂၃ ရက် ညနေက လှည်းတန်းဘူတာ အနီး သူ၏ “နိုကီယာ” အမှတ် တံဆိပ်ဖုန်းကို ဘူတာအနီး ကော်ရှူနေသည့် လူငယ်တစုထဲမှ အသက် ၁၆ နှစ်အရွယ် လူငယ်က လုပြေးသွားခဲ့ခြင်း ဖြစ်ကြောင်း သိရသည်။

“ကော်ရှူနေတဲ့ အုပ်စုထဲက ကောင်လေးတယောက် အနားရောက်လာပြီး ဖုန်းကို ခဏပြ ဆိုပြီး တောင်းတယ်။ မပြလိုက်ဘူး။ ဘူတာထဲက အထွက်မှာ ကျနော့်နောက်ကို အဲဒီကောင်လေး လိုက်လာပြီး ဖုန်းကို လုပြေးသွားတာ။ ဖြစ်ဖြစ်ချင်း ရဲစခန်းသွားတိုင်တော့ အလုခံရတဲ့ နေရာကို ရဲတယောက် လိုက်လာပေးတယ်။ ကော်ရှူတဲ့ အုပ်စုထဲက တယောက်ကို ရဲက မေးတော့ လုသွားတဲ့လူက နတ်စင်လမ်းထိပ်မှာ ဆိုက်ကားနင်းတယ် လို့ ပြောတယ်။ အဲဒီအချိန် ရဲက သူတယောက်တည်း မလိုက်ရဲဘူး။ စခန်းပြန်ပြီး အင်အား တောင်းရမယ်။ နယ်ထိန်းတွေလည်း ဟိုရောက် ဒီရောက်နဲ့မို့ ညမိုးချုပ်မှ ရဲ ၄ ယောက်နဲ့ သတင်းရတဲ့ နေရာကိုလိုက်တော့ လုတဲ့သူက ကြည့်မြင်တိုင်တဖက်ကမ်း အေးရွာမှာ နေတယ် ဆိုတာ သိရတယ်။ ရဲတွေက မိုးချုပ်နေတော့ နောက်တနေ့ ဆက်လိုက်မယ် ပြောတယ်။ ကျနော့် ရဲစခန်းက အမှုဖွင့်ပေးဖို့ အင်တင်တင် လုပ်နေသေးတယ်။ ကျနော်က မဖြစ်မနေ ဖွင့်ပေးလို့ ပြောမှ တိုင်စာ ရေးပေးပေမယ့် အခုချိန်ထိ ဘာမှ အကြောင်းမကြားဘူး” ဟု ၎င်းက ဧရာဝတီသို့ ရှင်းပြသည်။

“အရင်တုန်းကတည်းက လုယက်မှုဆိုတာ ရှိပေမယ့် အခုနောက်ပိုင်း ဟိုနားမှာ လုပြန်ပြီ၊ ဒီနား လုပြန်ပြီနဲ့ ပိုပြီး ကြားလာရတာ့ ဘယ်အချိန်ဖြစ်ဖြစ် သတိနဲ့ သွားလာနေရတဲ့ အခြေအနေပဲ” ဟု ကိုသက်နိုင်က ဆက်ပြောသည်။

သူ လုယက်ခံရပြီး နောက်နေ့တွင် တက္ကစီပေါ်မှ ဆင်းလာသည့် အမျိုးသမီးငယ်၏ ဖုန်းကို အသက် ၃၀ အရွယ် လူတဦးက လုယက်မှု သူ့မျက်စိရှေ့တွင် ဖြစ်ပွားခဲ့သေးသည်။ ထို့နောက် ဧည့်စာရင်း တိုင်ရန်သွားသည့် အမျိုးသမီး၏ ဖုန်းလည်း အလုခံရသည်။ လှည်းတန်းဈေး တဝိုက် ဖွင့်လှစ်ထားသည့် OPPO ဖုန်းဆိုင် ဖောက်ထွင်းခံရသည်။

ဩဂုတ်လမှ စက်တင်ဘာလအတွင်း နာနတ်တော မီးပွိုင့်အနီး တက္ကစီငှားစီးရင်း ယာဉ်မောင်းနှင့် အပေါင်းအပါများက ထိုးကြိတ်ရိုက်နှက်၍ Apple အမှတ်တံဆိပ်ဖုန်း လုယူခံရမှု၊ တက္ကစီယာဉ်မောင်းကို အုပ်စုလိုက် ဓားနှင့်ထောက်၍ ငွေလုယူမှု၊ တက္ကစီသမားက ခရီးသည် အမျိုးသမီးထံမှ ငွေတသိန်းကျော်ကို လုယူမှု၊ ဈေးဝယ်စင်တာအနီး ရပ်နားထားစဉ် ကားအတွင်း ဝင်ထိုင်ကာ ငွေလုယူမှု စသည့် လုယက်မှုများစွာ ဖြစ်ပွားခဲ့သည်။

ခရီးသည်ဟန်ဆောင်ကာ လုယူခြင်းများ ဖြစ်ပွားနေသည့် အတွက် အငှားယာဉ်မောင်း အများစုမှာလည်း သတိထား နေရသလို တက္ကစီ စီးသည့် ခရီးသည်များ ကလည်း ယာဉ်မောင်းများ အပါအဝင် အုပ်စုဖွဲ့ လုယူမှု ဖြစ်စဉ်များ ကြားနေရသဖြင့် သတိထားရသည့် အနေအထားဟု ရှင်းပြကြသည်။

“ဝေးတဲ့နေရာတွေကို အဖွဲ့လိုက် ငှားတာဆို မလိုက်ဖြစ်တော့ဘူး။ မိတ်ဆွေယာဉ်မောင်း တယောက်လည်း အလုခံလိုက်ရတယ် လေ။ ဒီရက်ပိုင်းတွေမှာ လုယက်မှုတွေက ကြားနေရတော့ သတိထားနေရတယ်။ တုတ်တွေ ဘာတွေ ဆောင်ထားရင်လည်း ရဲက စစ်ရင် ပြောရဆိုရ ခက်တယ်။ တာဝန်ရှိသူတွေ ကတော့ ထောင်ခါသလို လွတ်ငြိမ်းချမ်းသာခွင့် ပေးပါရဲ့၊ လွတ်လာတဲ့ သူတွေက လူဆိုးသူခိုးတွေ များတယ်။ လုယက်မှု၊ ခိုးမှုတွေဆိုတာ မကြားချင် အဆုံး ဖြစ်နေပြီ” ဟု အငှားယာဉ်မောင်း ဦးနိုင်က ဆိုသည်။

သမ္မတ ဦးသိန်းစိန်က ဇူလိုင် ၃၀ ရက်တွင် လူသားချင်း စာနာထောက်ထားသော အားဖြင့်ဟု ဆိုကာ အကျဉ်းသား၊ အကျဉ်းသူ ၆၉၆၆ ဦးကို လွတ်ငြိမ်းချမ်းသာခွင့် ပေးခဲ့ရာ ယင်းထဲတွင် နိုင်ငံရေး ယုံကြည်ချက်ကြောင့် အကျဉ်းကျနေ သူများထက် ခိုးဝှက်လုယက်မှုဖြင့် ထောင်ကျနေသူ အမြောက်အမြား လွတ်မြောက်ခဲ့ခြင်းကြောင့် ခိုးမှု၊ လုယက်မှုများ ယခင်ထက် ပိုမိုဖြစ်ပွားနေခြင်း ဖြစ်နိုင်ကြောင်း ဝေဖန်ပြောဆိုမှုများလည်း ရှိနေသည်။

“လွတ်ငြိမ်းချမ်းသာခွင့်က နိုင်ငံရေး တက်ကြွလှုပ်ရှားသူတွေကို လွှတ်တာက နည်းနည်း၊ မလွှတ်သင့်တဲ့ လူတွေကို လွှတ်တော့ မဖြစ်သင့်တာတွေ ဖြစ်နေတာ။ အဲဒီလို ဖြစ်ရပ်တွေ မဖြစ်အောင် မလွှတ်သင့်သူတွေကို မလွှတ်ဖို့လိုတယ်။ လုယက်မှုတွေ များလာတယ် ဆိုတာ ရဲတွေရဲ့ တာဝန်ပျက်ကွက်မှု လို့လည်း ပြောလို့ရတယ်။ အရေးအကြောင်း ရှိလာပြီဆို ရဲက ဖုန်းခေါ်လို့ မရဘူး” ဟု တရားလွှတ်တော်ရှေ့နေ ဦးရောဘတ်စန်းအောင်က ဆိုသည်။

အရေးပေါ်ကိစ္စရပ် ဖြစ်လာချိန်တွင် နယ်မြေခံ ရဲစခန်းများက ဖုန်းမကိုင်ခြင်း၊ ဖုန်းကိုင်ရာတွင်လည်း အမှုဖြစ်ပွားရာ နေရာသို့ ရဲတပ်ဖွဲ့က အချိန်မီ မရောက်ခြင်းနှင့် ဖြစ်စဉ်အပေါ် တိတိကျကျ စုံစမ်းမှု အားနည်းခြင်း စသည့် အခြေအနေများကြောင့် လူထုက ရဲတပ်ဖွဲ့ အပေါ် ယုံကြည်မှု နည်းနေသည် ဟုလည်း နိုင်ငံရေးသမားများက သုံးသပ်ဝေဖန်ကြသည်။

လူသိများခဲ့သည့် ကိစ္စတခု အနေဖြင့် စက်တင်ဘာ ၂ ရက်က သန်လျင်မြို့ရှိ ရဲ ၂ ဦး အသတ်ခံရသည့် ဖြစ်စဉ် ဖြစ်သည်။ ရဲ ၂ ဦးကို သတ်သူ တရားခံတင်မြင့်သည် မုဒိမ်းမှု၊ ဓားထိုးမှုများဖြင့် နှစ်ရှည် ထောင်ဒဏ်ကျခံနေရာမှ သမ္မတ၏ လွတ်ငြိမ်းချမ်းသာခွင့် ရပြီး လွတ်မြောက်လာသူ ဖြစ်သည်။ သူသည် ထောင်မှ လွတ်ပြီး မကြာမီ ဓားထိုးမှု ထပ်မံကျူးလွန်သဖြင့် ရဲတပ်ဖွဲ့က တရားခံပြေးစာရင်း သွင်းထားရာ သန်လျင်တွင် ခိုအောင်းနေစဉ် သွားရောက် ဖမ်းဆီးသည့် ရဲ ၂ ဦးကို ဓားဖြင့် ထပ်မံ ထိုးသတ်ခြင်း ဖြစ်သည်။

ဇူလိုင် ၃၀ ရက်က လွတ်ငြိမ်းချမ်းသာခွင့်ဖြင့် လွတ်လာသူသည် ညတွင်းချင်းပင် ဆိုင်ကယ်ခိုးယူ သဖြင့် ရဲတပ်ဖွဲ့က ဖမ်းဆီးရမှု မန္တလေးတွင် ဖြစ်ပွားခဲ့ကြောင်း၊ ရန်ကုန်မြို့အစွန် ရပ်ကွက်တခုတွင်လည်း လွတ်ငြိမ်းချမ်းသာခွင့်ဖြင့် လွတ်လာသူက စက်ဘီးခိုးယူလာ သဖြင့် ရဲတပ်ဖွဲ့က အရေးယူခဲ့ရကြောင်း မြန်မာနိုင်ငံရဲတပ်ဖွဲ့ထံမှ သိရသည်။

ရဲနှစ်ဦး အသတ်ခံရသည့် အဖြစ်အပျက် အပါအဝင် ခိုးဆိုးလုယက်ခံရသည့် ကိစ္စများစွာ လူမှုကွန်ရက် ဖေ့စ်ဘုတ်ထက် တွင် များစွာပျံ့နှံ့လျက် ရှိရာ “လူဆိုးသူခိုးများကို လွှတ်ပေးခြင်းဖြင့် ပြည်သူကို အထိတ်တလန့် ဖြစ်စေခြင်းလား”ဟု ပြည်သူလူထုက မေးခွန်းထုတ်နေကြသည်။

အမည်မဖော်လိုသူ ရဲအရာရှိကြီး တဦးက “အရင်က ခိုးဝှက် လုယက်တွေ အပါအဝင် လွတ်ငြိမ်းချမ်းသာခွင့်နဲ့ လွတ်တဲ့ သူတွေကို မလွှတ်ခင်မှာ အကျဉ်းဦးစီးဌာနက တဆင့် သက်ဆိုင်ရာ နယ်မြေခံ ရဲစခန်းတွေဆီကို အကျဉ်းသားရဲ့ ကိုယ်ရေး အကျဉ်း ပေးပို့ပြီး ခံဝန်လက်မှတ် တောင်းဖို့ အချက်အလက်တွေ ရေးခိုင်းတယ်။ ဘာကြောင့်လဲ ဆိုတော့ တခုခု ဖောက်ဖျက်လို့ ရှိရင် ပြန်ပြီး ဖမ်းဆီးနိုင်အောင် ဖြစ်တယ်။ အဲဒီအတွက် လူဆိုးသူခိုးတွေ ဘယ်မှာ ဘာလုပ်နေ တယ်။ ဘယ်ရောက်နေတယ် ဆိုတာမျိုး ကိုယ်ရေး အချက်အလက်တွေ ရှိတော့ တခုခုလုပ်တာနဲ့ ဖမ်းဆီးလို့ ရတယ်။ အခုနောက်ပိုင်း အကျဉ်းဦးစီးဌာနက ဘယ်နှဦး လွှတ်လိုက်တယ်၊ ဘယ်မြို့နယ်က ဘယ်လောက်ပါတယ် ဆိုတဲ့ စာရင်းပဲ ရတယ်။ ခံဝန်လက်မှတ်အတွက် အချက်အလက် မတောင်းတော့ ရဲတွေလည်း ဘာမှ လုပ်လို့ မရဘူး။ လွတ်လာတဲ့ သူတွေ ဘာတွေ လုပ်နေတယ်၊ ဘယ်တွေ ပျောက်နေသလဲ ဆိုတာလည်း စုံစမ်းရ ခက်တယ်” ဟု ဧရာဝတီသို့ ထုတ်ဖော်ပြောကြားသည်။

ဧရာဝတီမှ ရရှိထားသည့် အချက်အလက်များအရ ပြည်ထဲရေးဝန်ကြီးဌာန လက်အောက်ရှိ ဌာနပေါင်းစုံမှ ရဲတပ်ဖွဲ့ဝင် ဦးရေသည် ၇၂၀ဝ၀ ကျော်ရှိကြောင်း၊ မြန်မာနိုင်ငံတွင် လူဦးရေ သန်း ၅၀ ရှိရာ ရဲတပ်ဖွဲ့ဝင် ၁ ဦးသည် ပြည်သူ ၆၉၅ ဦး၏ အသက်အိုးအိမ် လုံခြုံရေးကို ကာကွယ်ပေးရမည့် အနေအထားတွင်ရှိကြောင်း သိရသည်။

ရန်ကုန်မြို့ရှိ အရှေ့ပိုင်း၊ အနောက်ပိုင်း၊ တောင်ပိုင်းနှင့် မြောက်ပိုင်းခရိုင် တို့တွင် အရာရှိအဆင့်နှင့် တခြားအဆင့်ရှိ ရဲတပ်ဖွဲ့ဝင်ပေါင်း ၅၇၀ဝ ကျော် ရှိရမည် ဖြစ်သော်လည်း လက်ရှိတွင် ရဲတပ်ဖွဲ့ဝင် ၃၉၀ဝ ကျော်သာ ရှိရာ သတ်မှတ် အင်အားထက် လျော့နည်းနေသည် ဟု သိရှိရသည်။

လက်ရှိ ရှိနေသည့် ရဲတပ်ဖွဲ့ဝင် အများစုမှာလည်း ရုံးထိုင်၊ လုံခြုံရေး၊ ကင်းလှည့်၊ တရားရုံးထုတ်နှင့် တာဝန်ကျ ရဲဝန်ထမ်း စသည့် လုပ်ငန်းဆောင်တာများကြောင့် ကျော်ကြားစာရင်း ဝင်သူများနှင့် လွတ်ငြိမ်းချမ်းသာဖြင့် လွတ်လာသည့် လူများကို သီးခြားစောင့်ကြည့်ရန် အဆင်မပြေနိုင် ဟု ရဲတပ်ဖွဲ့ဝင်များက အကြောင်းပြကြသည်။

“ထောင်က ထွက်လာတယ်။ အတန်းပညာမတတ်တော့ အလုပ် လုပ်စားဖို့ မဆင်မပြေဘူး၊ အဲဒီတော့ ခိုးလုတဲ့ သံသရာထဲကို ပြန်ရောက်နေတယ်။ အကယ်၍ ရဲအင်အားသာ လုံလောက်ရင်လည်း အဲဒီလို ကျော်ကြားလူတွေကို ရဲတွေက စောင့်ကြည့်နေရမှာ ဖြစ်ပေမယ့် နယ်မြေခံ ရဲအင်အား မလုံလောက်တော့ မစောင့်ကြည့်နိုင်ဘူး။ အထက် လူကြီးတွေက လုံလောက်တဲ့ ရဲအင်အား ချပေးဖို့ လိုအပ်ပါတယ်” ဟု အမည်မဖော်လိုသူ ရဲအရာရှိကြီးတဦးက ရှင်းပြသည်။

ထို့ကြောင့် ရဲတပ်ဖွဲ့ အနေဖြင့် နယ်မြေခံ ရဲတပ်ဖွဲ့ဝင်များဖြင့် မြို့နယ်၊ ရပ်ကွက်များတွင် ပုံမှန် ကင်းလှည့် စစ်ဆေးခြင်း၊ မသင်္ကာသူများ ရှိလျှင် ခေါ်ယူစစ်မေးခြင်းနှင့် စောင့်ကြည့်မှု တချို့ ပြုလုပ်နေရသည်ဟု သိရသည်။

မြန်မာနိုင်ငံ ရဲတပ်ဖွဲ့ ဝက်ဘ်ဆိုက်စာမျက်နှာမှ ထုတ်ပြန်ထားသည့် အချက်အလက်များအရ ပြစ်မှုကြီး ၁၀ မျိုး၏ တတိယနေရာတွင် ရှိနေသည့် လုယက်မှုများသည် ၂၀ဝ၈ ခုနှစ်တွင် ၄၇ မှု၊ ၂၀ဝ၉ တွင် ၇၈ မှု၊ ၂၀၁၀ တွင် ၄၈ မှု၊ ၂၀၁၁ တွင် ၁၀၇ မှု နှင့် ၂၀၁၂ တွင် ၉၁ မှု ဖြစ်ပွားခဲ့ပြီး နောက်ပိုင်း နှစ်ချုပ် မှုခင်းအခြေအနေကို ထုတ်ပြန်ထားခြင်း မရှိသေးပေ။

ပြည်သူလူထု အနေဖြင့် ၎င်းတို့၏ လုံခြုံမှုနှင့် ဒုစရိုက်သမားများ၏ ဘေးန္တရာယ်များမှ ထိရောက်သော အကာအကွယ် ပေးရေးကို အလိုရှိနေကြသည်။ ။

ပြည်ခရိုင်ရဲရုံးက ရဲတပ်သားတွေ ကြိုတင်မဲ စတင်ပေး

ထိုင်းနိုင်ငံ ရနောင်းကျောင်းသူ လူသတ်မှု မြန်မာ ၄ ဦး သံရုံးကိုယ်စားလှယ်နှင့် တွေ့ခွင့်ရ

ဖနိဒါ

ထိုင်းနိုင်ငံတောင်ပိုင်း ရနောင်းမြို့၌ အထက်တန်းကျောင်းသူတစ်ဦးအား သတ်မှုဖြင့် သံသယရှိပြီး ဖမ်းဆီးထားသည့် မြန်မာနိုင်ငံသား ၄ ဦးသည် အောက်တိုဘာလ ၂၈ တွင် မြန်မာသံရုံးကိုယ်စားလှယ်များ၊ မိသားစုဝင်များနှင့် တွေ့ဆုံခွင့် ရခဲ့သည်ဟု ထိုင်းတောင်ပိုင်းအခြေစိုက် ပညာရေးနှင့် ဖွံ့ဖြိုးရေးဖောင်ဒေးရှင်းမှ ဦးမင်းဦးက ပြောသည်။

မန်မာသံရုံးမှ သံအရာရှိ ဦးလှထွန်းနှင့် မြန်မာသံရုံးအထူးအဖွဲ့တို့က ဖမ်းဆီးခံထားရသော မြန်မာနိုင်ငံသား ၄ ဦးကို တွေ့ခွင့်ရရန် အောက်တိုဘာလ ၂၄ ရက်က တောင်းဆိုခဲ့သော်လည်း အောက်တိုဘာလ ၂၈ ရက်မှ တွေ့ခွင့်ရရှိခဲ့ခြင်း ဖြစ်သည်ဆိုသည်။ “ကလေးတွေက ခိုင်လုံတဲ့သက်သေအထောက်အထားမရှိဘဲနဲ့ စွတ်စွဲဖမ်းဆီးထိန်းသိမ်းနေတယ်လို့ ယူဆလို့ ကျနော်တို့နဲ့ သူတို့ မိသားစုတွေ တွေ့ခွင့်ရဖို့ တောင်းဆိုတာ။” ဟု ဦးမင်းဦးက မဇ္စျိမကို ပြောသည်။ သေဆုံးသူ၏ အစ်မနှင့် ဖခင်တို့လည်း မြန်မာသံရုံးကိုယ်စားလှယ်အဖွဲ့များ တွေ့ဆုံခွင့်ရခဲ့သည်ဟု သိရသည်။

အောက်တိုဘာလ ၂၇ ရက်က ထိုင်းရဲတပ်ဖွဲ့နှင့် စစ်တပ်နှင့် လုံခြုံရေးတပ်ဖွဲ့များက လူသတ်မှုကို ပြန်လည်သရုပ်ပြခိုင်းခဲ့ သေးသည်ဟု ဦးမင်းဦးက ပြောသည်။ မြန်မာနိုင်ငံသား ၄ ဦးအတွက် ဥပဒေအကြောင်းအရ ကူညီဆောင်ရွက်ပေးနိုင်ရန် ထိုင်းရှေ့နေများကောင်စီသို့ တရားဝင် ရှေ့နေငှားရမ်းခွင့်ကို အောက်တိုဘာလ ၂၈ ရက်တွင် တင်သွင်းလိုက်ပြီး အတည်ပြုချက်ရရှိရန် တင်ပြထားပြီးဖြစ်သည်။

စက်တင်ဘာလ ၂၈ ရက်က ထိုင်းနိုင်ငံတောင်ပိုင်း ရနောင်းမြို့တွင် အသက် ၁၈ နှစ်အရွယ် ထိုင်းကျောင်းသူတစ်ဦးကို ဓါးဖြင့် ၁၇ ချက်ဖြင့် ထိုးသတ်ခဲ့သည်ဟုဆိုကာ မောင်မိုးဇင်အောင်နှင့် ကျော်ရဲဝင်းတို့ ညီအစ်ကိုနှစ်ဦးအား ထိုင်းရဲတပ်ဖွဲ့က အောက်တိုဘာလ ၂၀ ရက်၌ ဖမ်းဆီးခဲ့သည်ဟုသိရသည်။ ညီအစ်ကို နှစ်ဦးမှ အစ်ကိုဖြစ်သူ ကျော်ရဲဝင်းသည် လူသတ်မှုတွင် ပါဝင်ခြင်း မရှိဟုယူဆပြီး အောက်တိုဘာလ ၂၅ ရက် တွင် ပြန်လည်လွှတ်ပေးခဲ့သည်။ ယင်းနောက် မြန်မာရေလုပ်သား ၃ ဦးကို ထပ်မံဖမ်းဆီးခဲ့သည်။

ဖမ်းဆီးခံနေရသူ ၄ ဦးမှာ ရေလုပ်သားများဖြစ်ကြပြီး အသက် ၁၅ နှစ်မှ ၂၀ နှစ်ကြားအရွယ်ရှိ မောင်မိုးဇင်အောင်၊ မော်ဝေလင်း၊ မောင်စိန်ကတုံးနှင့် မောင်ကျော်စိုးဝင်းတို့ဖြစ်သည်။ သေဆုံးသွားသူ အထက်တန်းကျောင်းသူ၏ မိခင်သည် မြန်မာနိုင်ငံသားဖြစ်ပြီး ဖခင်သည် ထိုင်းနိုင်ငံသားဖြစ်သည်ဟု သိရသည်။

လက်ရှိ ၎င်းတို့ လေးဦးကို တရားစွဲဆိုခြင်း မရှိသေးဘဲ အမှုစစ်ဆေးသည့်အချိန်သာဖြစ်သဖြင့် ရနောင်းခရိုင် ရဲစခန်းတွင် ဖမ်းဆီးချုပ်နှောင်ထားသည်ဟုဆိုသည်။ ထိုင်းနိုင်ငံတောင်ပိုင်း လိပ်ကျွန်းတွင်လည်း ဗြိတိန်နိုင်ငံသား ခရီးသွားနှစ်ဦး အသတ်ခံရမှုဖြင့် စွတ်စွဲ၍ မြန်မာနိုင်ငံသား ၂ ဦး အား ဖမ်းဆီးတရားစွဲထားပြီး လာမည့် ဒီဇင်ဘာလ ၂၄ ရက်တွင် အမိန့်ချမှတ်မည်ဖြစ်သည်။

ပြည်သူ့ရင်ပြင်တွင် ပြုလုပ်မည့် ဒေါ်အောင်ဆန်းစုကြည် ဟောပြောပွဲ ခွင့်ပြုချက်မရ

DVB

အမျိုးသားဒီမိုကရေစီအဖွဲ့ချုပ် ရွေးကောက်ပွဲ အောင်နိုင်ရေးအတွက် ရန်ကုန်မြို့ ပြည်သူ့ရင်ပြင်မှာ နိုဝင်ဘာ ၁ ရက်နေ့ ကျင်းပမယ့် ဒေါ်ဆောင်ဆန်းစုကြည်ရဲ့ စည်းရုံးဟောပြောပွဲကို အာဏာပိုင်တွေက ခွင့်ပြုချက်မပေးသေးဘူးလို့ အဖွဲ့ချုပ် ပြောခွင့်ရသူ ဗဟိုအလုပ်အမှုဆောင် ဦးဝင်းထိန်က ပြောပါတယ်။

ဒေါ်အောင်ဆန်းစုကြည်ဟာ ပြည်သူ့ရင်ပြင်ရှိရာ ဒဂုံမြို့နယ်မှာ နေထိုင်တာ မဟုတ်တဲ့အတွက် အကျုံးမ၀င်လို့ ခွင့်ပြုချက် မပေးနိုင်တဲ့အကြောင်း ရွေးကောက်ပွဲကော်မရှင်က ပြောတဲ့အတွက် သက်ဆိုင်ရာဆီက ထောက်ခံချက်တွေ ထပ်ယူပြီး ဟောပြောခွင့်ရဖို့ ပြန်လျှောက်ထားတယ်လို့ ပြောပါတယ်။

ယနေ့ မြန်မာ့ရေးရာသတင်းများ October,30th,2015

( 30 )ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးကော်မတီ အစည်းအဝေးစတင်

( 29 )New wave filmmakers turn uncensored lens on Myanmar

( 28 )ရှမ်းပြည်တပ်မတော်မြောက်ပိုင်း ဌာနချုပ်ကို အစိုးရတပ် လက်နက်ကြီးဖြင့် ပစ်ခတ်

( 27 )4 Burmese charged with Thai women’s murder

( 26 )မြန်မာ့ အင်တာနက် လွတ်လပ်မှုအဆင့် ကျဆင်း

( 25 )Myanmar foothold in global economy tenuous 5 years after military promised change

( 24 )သီတင်းကျွတ်လပြည့်နေ့ ရွှေစည်းခုံဘုရား ဆီးမီးကိုးထောင် ပူဇော်ပွဲ

( 23 )Buddhist forces turn up heat on Suu Kyi

( 22 )မြန်မာ့ရွေးကောက်ပွဲ ကုလ လူ့အခွင့်အရေး ကိုယ်စားလှယ် စိုးရိမ်

( 21 )People smuggling resurgence likely in Myanmar, Rohingyas warn

( 20 )သီတင်းကျွတ်လပြည့်နေ့ ညနေ အင်းလျားကန် မြင်ကွင်း

( 19 )Myanmar's Aung San Suu Kyi speaks on Rohingya, but vaguely

( 18 )ရေကျော်သီတင်းကျွတ်ပွဲတော်

( 17 )Myanmar to release controversial census figures in 2016

( 16 )နာမည်ကျော်များဖြင့် ရဲရဲနီသွားသည့် မန္တလေး အန်အယ်လ်ဒီ မဲဆွယ်ဖျော်ဖြေပွဲ

( 15 )Mandalay Turns Red on Full Moon Day

( 14 )သီတင်းကျွတ်ကန်တော့ပွဲ အန်အယ်လ်ဒီ ရုံးချုပ်တွင် ပြုလုပ်

( 13 )Report Says Rohingya People Are Deliberately Targeted

( 12 )ကုလလူ့အခွင့်အရေး အထူးကိုယ်စားလှယ် မြန်မာအစီရင်ခံစာ တင်သွင်း

( 11 )Aung San Suu Kyi's popularity surges as Myanmar goes to polls on Nov.8

( 10 )မြန်မာလူ့အခွင့်အရေး အစီရင်ခံစာ ကိုယ်စားလှယ်တွေတုံ့ပြန်

( 9 )At Dawei SEZ and Elsewhere, Opaque Junta Deals Limit Campaign Pledges

( 8 )ထိုင်းကို တရားမ၀င် ၀င်လာသည့် မြန်မာ ၇ ဦး ဖမ်းမိ

( 7 )Voting in more Myanmar villages canceled as election monitors voice poll concerns

( 6 )မြန်မာရွေးကောက်ပွဲအခြေအနေ Carter Center သုံးသပ်

( 5 )Deep pockets boost ruling party

( 4 )အစာငတ်ခံဆန္ဒပြ ကျောင်းသားများအတွက် မုံရွာတွင် ဆုတောင်း

( 3 )Myanmar's army-backed party bullish despite Suu Kyi challenge

( 2 )မြန်မာ့အင်တာနက် လွတ်လပ်ခွင့် ကျဆင်း

( 1 )SNLD Left Frustrated by Poll Annulment in Shan Conflict Areas

ချစ်သမီးကို ပုဒ်မထပ်တိုး တရားစွဲဆို