ရွှေမုဆိုး

မဇ္ဈိမသတင်းဌာန

ရန်ကုန် (မဇ္ဈိမ) ။ ။ "တရက်မှာ ရွာလယ်မှာ ငွေချမ်းသာတဲ့ အိမ်ကို တောစောင့်သရဲက မကျေနပ်ဘူး။ အဲဒါကြောင့် ဖွတ်မဲကြီးကို လွှတ်လိုက်တယ်။ ''မင်း အဲဒီကို သွားတက်'' လို့ ခိုင်းတယ်။ ချမ်းသာတဲ့အိမ်ဆိုတော့ မသွားချင်သွားချင်နဲ့ သွားရတာပေါ့။ ဖွတ်ကြီးက အိမ်ထဲကို ၀င်မလို့ လှမ်းကြည့်လိုက်တော့ အိမ်ပေါ်မှာ ပြုန်းစုပ်တဲ့စက်ကြီး ရောက်နေတာကို တွေ့ရတယ်တဲ့။ အဲဒီတော့ ဖွတ်ကြီးက အိမ်ပေါ်ကို မတက်တော့ဘူး။ 'အိမ်ပေါ်မှာ ရွှေတူးဖို့ ပြုန်းစုပ်တဲ့စက် ရောက်နေပြီဆိုမှတော့ ဒီအိမ် သေချာပေါက် မွဲပြီ၊ ငါတက်ဖို့ မလိုတော့ဘူး' ဆိုပြီး လှည့်ပြန်သွားတယ်တဲ့"

ဖွတ် အိမ်ပေါ်တက်ရင် မွဲတတ်သည်ဟု လူပြော သူပြော ယုံကြည်တတ်သည့် ဒေသ၊ သရက်ကိုင်း ရွှေမှော်မှာ လူသစ် ရောက်လာတိုင်းလိုလို လက်ဆင့်ကမ်း ပြောတတ်ကြတဲ့ စကားလေးပါ။ ပြုန်းစုပ်သော စက်ဆိုသည်မှာ ရွှေကျင်ရာတွင် အသုံးပြုသော ရွှေပါသည့် မြေနှင့် သဲကို ရေနှင့် ဖျော်ပြီး စုပ်ယူသော အင်ဂျင်တပ် စက်ဖြစ်သည်။ ရေစုပ်စက် ကဲ့သို့ပင် ဖြစ်သော်လည်း မြေနှင့်သဲကိုပါ ပါအောင် စုပ်ယူနိုင်အား ရှိသည်။

စစ်ကိုင်းတိုင်း ဗန်းမောက်မြို့ကနေ မိုင် ၄၀ လောက်ဝေးတဲ့ နေရာမှာရှိနေတဲ့ ဒီ ရွှေမှော်မှာ မျှော်လင့်ချက်အပြည့်နဲ့ ရောက်လာသူတွေ မနည်းလှပါ။

လုပ်ကွက်တကွက်ကို လေးတောင်ပတ်လည်ရှိတဲ့ လုပ်ကွက်ပေါင်း ၁၀၀ ကျော်မှာ လက်ရှိ ရွှေမုဆိုးပေါင်း တထောင် လောက်ရှိနေသည်။

ရွှေကြော ကောင်းကောင်းတွေ့လို့ (ဆန်တတင်းခွဲဝင်) ပီနန်အိတ်အလုံး ၂၀ ကို ရွှေတကျပ်သားရတယ်ဆိုတဲ့ တွင်းတွေရဲ့ သတင်း လူပြောသူပြောများလှသလို ပါလာသမျှကုန်၊ မွဲပြောင်ပြီး ပြန်သွားသူတွေလည်း မနည်းလှပါဘူး။ ဒါပေမယ့် ကြိမ်းသေပေါက် အမြတ်အစွန်း ရနေသူတွေတော့ ရှိနေပါသည်။

"အရင်က ရွှေထွက်တယ်ဆိုတော့ လုပ်ကွက်တကွက်ကို ငါးထောင်တသောင်းလောက် နယ်မြေခံရဲကို ပေးပြီး တူးကြတာ။ ရွှေထွက်နှုန်းက ကောင်းလာတော့ စစ်မှုထမ်းဟောင်းတချို့က အပိုင်သိမ်းပြီး လုပ်ကွက်တကွက်ကို ၆ သိန်း တောင်းတယ်။ ရွှေကြော တွေ့ပြီဆိုရင် နောက်ထပ် ပိုက်ဆံ သပ်သပ်ပေးရသေးတယ်" ဟု ရွှေတူးနေသူ မိသားစုဝင်တဦးက ပြောသည်။

သတ္ထုတွင်း ၀န်ကြီးဌာနကနေ ၈ တောင် ပတ်လည်မြေနေရာငှား၊ ၄ တောင် ပတ်လည်ကို တူးလုပ်ကြရသည်။ သို့ပေမယ့် လုံခြုံရေးအတွက် ရောက်လာသော ရဲကင်း၏ ထောက်ခံချက်ကလည်း ရမှသာလျှင် နေထိုင်တူးခွင့် ရှိသည့်အတွက် ရဲကင်းကို လာဘ်ပေးရမှုလည်း တွဲပါလာခဲ့သည်။ တွက်ခြေကိုက်အောင် ရွှေထွက်သည်ဟု သတင်းကြီးလာရာမှ ရဲအစား တိုင်းက တိုက်ရိုက်ကိုင်တော့မည်ဆိုကာ ၂၀၀၈ ခုနှစ်လယ်လောက်ကစ၍ စစ်မှုထမ်းဟောင်းအဖွဲ့တဖွဲ့ မှော်ထဲတွင် ရုံးလာဖွင့်တော့သည်။

ရုံးဆိုပေမယ့် တဲအိမ်လေးသာဖြစ်ပြီး စစ်မှုထမ်းဟောင်း ၃ ဦးလောက် ရုံးထိုင်တတ်သည်။ မည်သူကမျှ သေသေချာချာ မပြောနိုင်ပေမယ့် ဗိုလ်မှူးဟုခေါ်ကာ စစ်ကိုင်းတိုင်း စစ်တိုင်းမှူးနှင့် နီးစပ်သူများဟုဆိုကာ လူအများစုက ကြောက်ကြသည်။

"ဘာလက်နက်မှ မကိုင်လည်း စစ်မှုထမ်းဟောင်းဆိုတာနဲ့ နှစ်ရက်လောက်နဲ့ အလုပ်ပြုတ်လာတဲ့သူလည်း ကြောက်နေရတာ" ဟု စစ်ကိုင်းဒေသခံတဦးက ပြောသည်။

ရွှေတူးလုပ်ကွက်တခုလျှင် လုပ်သား အနည်းဆုံး ၆ ဦးမှ ၁၂ ဦးအထိရှိကာ အတောင် ၁၀၀ ကျော်လောက်အထိ နက်အောင် တူးတတ်ကြသည်။ ကန်ထရိုက်ဆွဲထားသော ပိုင်ရှင်က လုပ်သားများ စားရေး၊ နေရေး တာဝန်ယူပေးရပြီး ရွှေထွက်လာလျှင် ပိုင်ရှင်တ၀က်၊ အလုပ်သမားတ၀က် ခွဲဝေယူကြတတ်သလို တချို့ကတော့ ပိုင်ရှင် နှစ်ပုံ၊ အလုပ်သမား တပုံယူ သဘောတူညီတတ်ကြသည်။

ရွှေလုသည့် အခင်းဖြစ်ပွားရခြင်း၊ သေဆုံးခြင်းများကလည်း မကြာခဏ ကြားတတ်ရသည်။ လုပ်ကွက်ချင်း ကပ်နေသော်လည်း တခုက ရွှေရပြီး၊ တခုက ရွှေမရတာမျိုး ရှိသည်။ ရွှေမရသော လုပ်ကွက်မှ လူတွေက ရွှေထွက်သော လုပ်ကွက်ကို လှိုင်ခေါင်းဖောက်ပြီး ခိုးတူး၍ အချင်းများတာမျိုးဖြစ်သလို တွင်းပြို၍ အသေအပျောက် ဖြစ်သည်ကလည်း ရှိသည်။

လုပ်သားနှင့် ပိုင်ရှင်အကြား ယုံကြည်စိတ်ချရမှုရှိရန် နီးစပ်ရာ အမျိုးအဆွေများ ပေါင်းလုပ်ကြသည်က များသည်။

သို့သော် တွင်းသားများက ဆံပင်အရှည်ထား၊ အင်္ကျီထူထူ ၀တ်တတ်ကြသည်။ ရွှေပါတဲ့ မြေကို အင်္ကျီထဲထဲ့၊ ဆံပင်သုတ်၊ အိမ်ရောက်မှ ခေါင်းလျှော်ရေချိုးပြီး ပြန်ကျင်တတ်ကြသည်။ သို့သော်လည်း ဒီလိုလုပ်ချက်ကို ဗွေသိပ်မယူတော့။ မြေကြီးတအိတ်ကျင်မှ ရွှေက တရွေး၊ နှစ်ရွေးရ၍ ဖြစ်သည်။

"ဒီမှော်မှာတော့ ရွှေရလို့ ကျိကျိတက် ကြီးပွားချမ်းသာသွားတယ်ဆိုတဲ့ လူတော့ မကြားဖူးသေးဘူး။ ခက်တာက ဘယ်သူကမှလည်း ဘယ်လောက်ရတယ်ဆိုပြီး ထုတ်မပြောတတ်တဲ့ အမျိုးမဟုတ်လား။ ခန့်မှန်းခြေ နှစ်ဆယ်သား၊ သုံးဆယ်သားပေါ့"

"ရွှေရှာတာ လောင်းကစားလိုပဲ၊ နိုင်တုံး တော်လိုက်မှပါ" ရွှေမုဆိုးက ယခုသတင်းထောက်ကို ပြောသည်။