တနင်္လာနေ့၊ မေလ 25 2009 11:34 - မြန်မာစံတော်ချိန်
ဒေါ်အောင်ဆန်း စုကြည်၏ တရား ခွင်နှင့် ပတ်သက်၍ အာဆီယံ အဖွဲ့၏ ထုတ်ပြန် ကြေညာ ချက်ကို မြန်မာ စစ်အစိုးရက ကန့်ကွက်ကာ တုံ့ပြန် လိုက်သည်။
ဒေါ်အောင်ဆန်းစုကြည်ကို အရေးယူရခြင်းမှာ မြန်မာ့ပြည်တွင်းရေးသာဖြစ်ပြီး အာဆီယံအဖွဲ့ ဥက္ကဌအနေဖြင့် ပဋိညာဉ် စာချုပ်ပါ စည်းမျဉ်းများကို သွေဖီ၍ မြန်မာ့ ပြည်တွင်းရေး ဝင်ရောက် စွက်ဖက်ရာ ရောက်သည်ဟု ယနေ့ထုတ် မြန်မာ့အလင်း သတင်းစာတွင် ပါရှိသည်။
“ဤကဲ့သို့ ပြုလုပ်ခြင်းသည် အာဆီယံ အဖွဲ့အတွင်း မကောင်းသော အစဉ်အလာ တရပ်ကို ဖြစ်ပေါ်ရာ ရောက်စေပါသည်။” ဟု ကြေညာချက်က ရေးသားထားသည်။
“အာဆီယံအဖွဲ့၏ လုပ်ထုံးလုပ်နည်းနှင့်လည်း ညီညွတ်ခြင်း မရှိသော၊ အကြောင်းအရာအားဖြင့် မှန်ကန်ခြင်း မရှိသော၊ မြန်မာနိုင်ငံ၏ ပြည်တွင်းရေးကို ဝင်ရောက်စွက်ဖက်ရာ ရောက်သော အလှည့်ကျ တာဝန်ယူထားသော အာဆီယံဥက္ကဋ္ဌ အနေဖြင့် ထုတ်ပြန်သည့် ကြေညာချက်ကို မြန်မာနိုင်ငံက အလေးအနက် ကန့်ကွက်ကြောင်း ကြေညာအပ်ပါသည်” ဟု ဖြည့်စွက်ထားသည်။
No comments:
Post a Comment