ယမန်နေ့ (၂၄/၀၅/၂၀၀၉ ) ၂၂း၀၀ နာရီက သျှမ်းပြည် တပ်မတော် SSA တောင်ပိုင်း တပ်ဖွဲ့ တဖွဲ့က နအဖစစ် ယာဉ်တန်း အား ခြုံခို တိုက်ခိုက်ရာ ယာဉ်ပေါ် လိုက်ပါသည့် လူသူ လက်နက် များအားလုံး ဆုံးရှုံးကြောင်း SSA ၏ တိုင်းဖှရီးဒမ်း ၀က်ဒ် ဆိုက်ဒ်က ဆိုပါသည်။ အလောင်း ၁၅ လောင်းထဲတွင် အစိုးရစစ်ထောက်လှမ်းရေး ၂ ယောက်နှင့်အတူ သျှမ်းပြည်တပ်မတော် (တောင်ပိုင်း) ခွဲထွက် လက်နက်ချအဖွဲ့ ခေါင်းဆောင် ဗိုလ်မှူးကြီးမိုင်းဇင့်လည်း ပါဝင်ကြောင်း၊ ယာဉ်တန်းမှ လိုက်ပါသည့် စစ်အစိုးရ စစ်သားများနှင့် လက်နက်ချအဖွဲ့များ အားလုံး သေဆုံးဖွယ်ရှိကြောင်း၊ သျှမ်းပြည်တပ်မတော်ဘက်မှ တစုံတရာ ဆုံးရှုံးမှုမရှိကြောင်း ဆိုပါသည်။
မေ ၂၁ ရက် ၂၀၀၉ သျှမ်းပြည်အမျိုးသားများ တော်လှန်ရေးနေ့ ၅၁ နှစ်ပြည့်သည့်နေ့တွင်လည်း စစ်အစိုးရ တပ်စခန်းတခု (မိုင်တိုင် အမှတ် ၂၁ လဲချား - ပင်လုံကြား) အား သျှမ်းပြည်တပ်မတော်မှ စီးနင်းတိုက်ခိုက်ရာ လူသေလောင်း ၆ လောင်း၊ အရှင်တယောက်၊ လက်နက်နှင့်စစ်ပစ္စည်း အများအပြား သိမ်းဆည်းရရှိခဲ့ပါသည်။
ဗိုလ်မှူးကြီးမိုင်းဇင့်သည် ၂၀၀၇ နှစ်လည်ပိုင်းတွင် သျှမ်းပြည်တပ်မတော်မှ ခွဲထွက်ပြီး လူအင်အား ရာကျော် နှင့် နအဖ စစ်အစိုးရထံ လက်နက်ချသွားသည့် အဖွဲ့ခေါင်းဆောင်ဖြစ်သည်။ လက်ချပြီးနောက်ပိုင်း စစ်အစိုးရ က ဗိုလ်မှူးကြီး မိုင်းဇင့်အဖွဲ့အား ပြည့်သူ့စစ် သဏ္ဍာန် ဖြင့်ထားရှိ၍ လက်နက်ပြန်ကိုင်ခွင့်ပေးပြီး လိုသလို အသုံးချနေသည့် အဖွဲ့ အဖွဲ့ဖြစ်သည်။
No comments:
Post a Comment