ယနေ့ရွာသွန်းသောမိုးကြောင့် ရန်ကုန်မြို့အနှံ့တွင် ရေကြီးရေလျှံမှုများ ဖြစ်ပေါ်ခဲ့ကြောင်း မြို့ခံများက ပြောသည်။
ရန်ကုန်တွင် ယနေ့ ရွာသွန်းသော မိုးရေချိန်လက်မမှာ ကမ္ဘာအေးစခန်း၏ စာရင်းများအရ (၆၉) ကီလိုမီတာ ( ၂. ၇၂) လက်မသာရှိသော်လည်း ရေကြီးရေလျှံမှုများ ဖြစ်ပေါ်နေသည်ဟု သိရသည်။
“ရေကြီးတယ်ဆိုတာက ရေမြောင်းကြီးတွေ ပိတ်နေတဲ့အတွက် လျှံတာပါဗျာ။ ကျနော်တို့ ရန်ကင်းမြို့နယ်က ရေမြောင်းဆိုရင် ဒီနေ့ ရွာတဲ့မိုးကြောင့် မြောင်းတဖက်နဲ့ တဖက်တောင် လျှံတာမျိုး ဖြစ်သွားတယ်” ဟု ရန်ကင်းသားတဦးက ပြောသည်။်
မိုးလေ၀သနှင့်ဇလဗေဒ ဦးစီးဌာနမှ တယ်လီဖုန်းဖြင့် ပြောပြချက်အရ ဘင်္ဂလားပင်လယ်အော်တွင် ပြီးခဲ့သည့် တပတ်က ဖြစ်ပေါ်ခဲ့သော အိုင်လာ အမည်ရှိ ဆိုင်ကလုန်းမုန်တိုင်းသည် ကုန်းတွင်းကို ၀င်ရောက်တိုက်ခတ်ပြီး ဖြစ်ကြောင်း၊ ရွာသွန်းမြဲ ရွာသွန်းသော မိုးရေချိန်သာ ဖြစ်ကြောင်း သိရသည်။
ရန်ကုန်မြို့ကို ဖြတ်သန်းစီးဆင်းနေသော ရာနှင့်ချီရှိသည့် ချောင်းများနှင့်ရေမြောင်းများကို ပြန်လည်တူးဖော်ခြင်း မရှိသောကြောင့် ယခုကဲ့သို့ မိုးရွာသည်နှင့် ရေမြုပ်ခြင်းဖြစ်ကြောင်း တာမွေ မြို့နယ်တွင် နေထိုင်သူတဦးက ပြောသည်။
“ကျနော်တို့ (၁၅၅) လမ်းမှာ မိုးရွာတာနဲ့ အိမ်အောက်ထပ်ထိရောက်တယ်။ အိမ်ထဲကိုတောင် ရေ၀င်တယ်လေ။ ရေက စီးစရာမြောင်းမရှိတော့ လမ်းမပေါ်တက် စီးတော့တာပေါ့။ လှိုင်းတွေ တ၀ုန်းဝုန်းပဲ။ ကလေးတွေလည်း ပျော်ကြတယ်။ ဒါပေမယ့် လမ်းပေါ်လူတွေနဲ့တော့ ယာဉ်အန္တရာယ် ဖြစ်နိုင်ပါသေးတယ်” ဟု ၎င်းက ပြောသည်။
စည်ပင်အရာထမ်းတဦးနှင့် ဆက်နွှယ်သော သတင်းဂျာနယ်တစောင် ဖြစ်သည့် ရန်ကုန်အခြေစိုက် ပေါ်ပြူလာ သတင်းဂျာနယ်တွင် အမှိုက်ကို နေရာတကျ မပစ်သောကြောင့် ရေမြောင်းများ ပိတ်ဆို့ရသည်ဟု ဖော်ပြထားသည်။
တာမွေပလာဇာတွင် နေထိုင်သူတဦးကမူ “ကားတွေလည်း လမ်းပေါ်တွေမှာ ပျက်တာတွေ့တယ်။ တာမွေက ပရိဘောဂဆိုင်တွေဆိုရင် ရေတွေဝင်လို့ ရှင်းနေကြရတယ်။ ပြီးတော့ မင်္ဂလာအခမ်းအနားတွေ ရောင်းတဲ့ ဆိုင်တချို့ လည်း ရေ၀င်လို့ စိုတာတွေ စိုပေါ့ဗျာ။ ရေစီးရေလာ စနစ်မကောင်းတဲ့အတွက် အခုလို ရေကြီးတာကို စည်ပင်က သူများကို အပြစ်ပုံဖို့ ကြိုးစားတယ်ဗျာ” ဟု သူ၏ မျက်မြင်ကို ပြောပြသည်။
ကျောက်မြောင်းတွင် နေထိုင်သူ အိမ်ရှင်မတဦးကလည်း ရပ်ကွက်အတွင်းတွင် ပုဂ္ဂလိက အမှိုက်သိမ်းစနစ်ကိုသာ အားကိုးနေရသည်ဟုဆိုပြီး “စည်ပင်အမှိုက်ကားက ဘယ်နေ့လာလို့ လာမှန်းလဲ မသိရ။ ဘယ်အချိန် လာလို့ လာမှန်းလဲ မသိရဘူး။ ဒါ့ကြောင့် ကျမတို့ကတော့ တိုက်ခန်းမှာနေတဲ့သူဆိုတော့ အမှိုက်ကို အော်ပြီးတော့ လာသိမ်းတဲ့သူဆီမှာပဲ ပေးသိမ်းလိုက်တော့တာပါပဲ” ဟု ပြောသည်။
ယနေ့ ရွာခဲ့သောမိုးကြောင့် တာမွေမြို့နယ်၊ တောင်ဥက္ကလာပမြို့နယ်၊ ရန်ကင်းမြို့နယ်၊ ဗဟန်းမြို့နယ်၊ သင်္ကန်းကျွန်းမြို့နယ်၊ မင်္ဂလာတောင်ညွန့် မြို့နယ်တို့တွင် ရေကြီးရေလျှံမှု အများဆုံး ဖြစ်ပေါ်ခဲ့ကြောင်း သိရသည်။
No comments:
Post a Comment