သတင်းနှင့်မီဒီယာ ကွန်ယက်။
မြောက်ပိုင်း တိုင်း စစ်ဌာ နချုပ် လက်အောက်ခံ ဗန်းမော် ခရိုင် အတွင်းရှိ စစ်တပ် များမှ ထွက်ပြေး လာသည့် စစ်သား ဆယ်ဦး ခန့်ကို ကချင် ပြည်နယ်၊ လွယ်ဂျယ်မြို့ တဖက်ကမ်း တရုတ်ပြည် ကျန်းဖုန်း ဒေသ အတွင်း ဖမ်းဆီး ရမိခဲ့ပြီး မြန်မာ ဘက်သို့ အခု လ(၂၉)ရက် နေ့တွင် ပြန်လည် လွှဲပြောင်း ပေးလိုက် သည်။
ဗန်းမော်နှင့် မံစီအခြေစိုက် တပ်ရင်းများမှ မကြာသေးမီက ထွက်ပြေးလာပြီး ကျန်းဖုန်းဒေသ အတွင်း လာရောက် အခြေချရန် ပြင်ဆင်နေစဉ် တရုတ် အာဏာပိုင်များ၏ ဖမ်းဆီးခြင်း ခံခဲ့ရပြီးနောက် ပြန်ပို့ခံရခြင်း ဖြစ်သည်ဟု ကျန်းဖုန်းမြို့မှ မြန်မာတဦးက ပြောသည်။
“အဲဒီနေ့က ကားစုစုပေါင်း ခုနှစ်စီးရှိတယ်။ မနက်(၁ဝ)နာရီလောက်မှာ လွယ်ဂျယ်ဘက်ကို နယ်စပ် က လားရင်း ရွာကနေလွှဲလိုက်တယ်။စစ်ပြေး ဆယ်ယောက်လောက်ရှိတယ်လို့ပြောတယ်။သူတို့က ဗန်း မော်၊ မံစီဘက်က ပြေးလာတာတဲ့။ ကျန်းဖုန်းမှာ အလုပ်လုပ်မယ်ပေါ့၊ ကြုံရာ အလုပ်ပေါ့။ တရုတ် စ ကား ကမတတ်၊ နေထိုင်ခွင့်လက်မှတ်တွေ၊ နယ်စပ်ဖြတ်ကျော် လက်မှတ်တွေလည်းမပါဘူးတဲ့။ ယောင် လည်လည်ဖြစ်နေတုန်းမှာ အားလုံး အဖမ်းခံရပြီး ပြန်လွှဲပေးတာ။”
မြန်မာစစ်တပ်မှ ထွက်ပြေးပြီး တရုတ်-မြန်မာနယ်စပ်တွင် လာရောက်အခြေချနေသူများ ရှိနေသော်လည်း ယခု ကဲ့သို့ တရုတ်နယ်စပ်အာဏာပိုင်များက ဖမ်းဆီးပြီး ပြန်ပို့ခြင်းမှာ ပထမဆုံးအကြိမ်လည်း ဖြစ်သည်။
No comments:
Post a Comment