မြန်မာ့ ဒီမိုကရေစီ ခေါင်း ဆောင် ဒေါ်အောင်ဆန်းစုကြည်က စစ်အစိုးရနှင့် တွေ့ဆုံဆွေးနွေးရန် မကြာမီ လာရောက်မည့် အမေရိကန် အစိုးရကိုယ်စားလှယ်အဖွဲ့ ခရီးစဉ်ကို စောင့်ကြည့်လျက်ရှိကြောင်း သူ၏ရှေ့နေဖြစ်သူက ဆိုသည်။ ဒေါ်အောင်ဆန်းစုကြည်၏ အယူခံလွှာကို ဗဟိုတရားရုံးချုပ်သို့ တင်ရန်အတွက် ရှေ့နေများဖြစ်သည့် ဦးဉာဏ်ဝင်းနှင့် ဦးကြည်ဝင်းတို့ သူ၏ နေအိမ်တွင် ယနေ့နေ့လယ်က ၁ နာရီ ၃၀ မိနစ်ကြာ သွားရောက်တွေ့ဆုံခဲ့ရာ၌ ယင်းကဲ့သို့ ပြောကြားခြင်း ဖြစ်သည်။
“မစ္စတာ ကာ့တ် ကမ်းဘဲလ် လာမယ်ဆိုတာ ဘယ်တော့လာမှာလဲ၊ လာရင်ဘာတွေလုပ်မလဲဆိုတာ သူလည်း စောင့်ကြည့်နေတယ်လို့ ပြောပါတယ်” ဟု ဦးဉာဏ်ဝင်းက ဆိုသည်။
အရှေ့ အာရှနှင့် ပစိဖိတ် ဒေသဆိုင်ရာ ဒုတိယ နိုင်ငံခြားရေး ၀န်ကြီး ကာ့တ် ကမ်းဘဲလ် က အမေရိကန် ကိုယ်စားလှယ် အဖွဲ့ကို ဦး ဆောင် မည်ဖြစ်ပြီး စစ်အစိုး ရ၏ သိပ္ပံနှင့် နည်းပညာ ၀န်ကြီး ဦးသောင်း၊ ဒေါ်အောင်ဆန်း စုကြည် အပါအ၀င် ဒီမိုကရေစီ အင်အားစုများ၊ တိုင်းရင်းသား ခေါင်းဆောင်များနှင့် တွေ့ဆုံရန် စီစဉ် လျက်ရှိသည်ဟု သံတမန် သတင်း ရပ်ကွက်မှ ကြားသိရသည်။
ယင်းသို့ တွေ့ဆုံရာတွင် အရေးယူပိတ်ဆို့မှုအပါအဝင် ၂၀၁၀ ရွေးကောက်ပွဲကိစ္စရပ်များကို ဆွေးနွေးသွားနိုင်ဖွယ် ရှိသည်ဟု ယူဆရသည်။
ပြီးခဲ့သောလတွင် အမေရိကန် အစိုးရက မူဝါဒသစ်ကို ထုတ်ပြန်ကြေညာခဲ့ပြီးနောက် ကာ့တ် ကမ်းဘဲလ် သည် ၀န်ကြီးဦးသောင်းနှင့် နယူးယောက်တွင် တွေ့ဆုံ ဆွေးနွေးခဲ့သည်။
ဒေါ်အောင်ဆန်းစုကြည်နှင့် ရှေ့နေများတွေ့ဆုံရာတွင် ရှေ့နေဖြစ်သူ ၄ ဦးစလုံးကို ၀င်ရောက်ခွင့်မပေးသဖြင့် ဒေါ်အောင်ဆန်းစုကြည်က အဆိုပါ ကန့်သတ်ချက်နှင့် ပတ်သက်၍ သက်ဆိုင်ရာအာဏာပိုင်များထံ ထပ်မံ အရေး ဆိုရန် ရှေ့နေများကို ညွှန်ကြားခဲ့ကြောင်း၊ အယူခံကိစ္စကို အဓိကထား ဆွေးနွေးသော်လည်း ပြီးပြတ်ခြင်း မရှိကြောင်း၊ ဒေါ်အောင်ဆန်းစုကြည်က ၎င်းတို့ ရေးသားသွားသော အယူခံလွှာမူကြမ်းကို ပြန်လည် လေ့လာဖတ်ရှုရန် ယူထားကြောင်း ၎င်းက ဆက်လက်ပြောဆိုသည်။
ဒေါ်အောင်ဆန်းစုကြည်အပေါ် ချမှတ်ထားသော စည်းကမ်း ၈ ချက်နှင့် ပတ်သက်၍လည်း ဆွေးနွေးခဲ့ကြောင်း ဦးကြည်ဝင်းက ပြောသည်။
“တချက်ချင်းတော့ မဆွေးနွေးဘူးဗျ။ ဧည့်သည် တွေ့ပိုင်ခွင့်နဲ့ ပတ်သက်ပြီးတော့ ဘယ်သူ့ဆီကို တင်ပြရမလဲဆိုတာ ထပ်တောင်းထားတယ်”ဟု ဦးကြည်ဝင်းက ဧရာဝတီကို ပြောသည်။
မေလက အကျယ်ချုပ် ၆ နှစ် ပြည့် တော့မည့် အချိန်တွင် အာဏာပိုင်တို့က ဒေါ်အောင်ဆန်း စုကြည်ကို နေအိမ် အကျယ်ချုပ် ဖောက် ဖျက် သည်ဟု ဆိုကာ ထောင်ဒဏ် ၃ နှစ် စီရင်ချက် ချမှတ် ခဲ့သည်။ ထို့နောက် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေ ၏ အမိန့်ဖြင့် ထောင်ဒဏ်ကို ထက်ဝက် လျှော့ချကာ နေအိမ်အကျယ်ချုပ် ၁ နှစ်ခွဲ ကျခံစေခဲ့သည်။ ဒေါ်အောင်ဆန်းစုကြည်က ထိုစီရင်ချက်အတွက် အယူခံလွှာကို ရန်ကုန်တိုင်း တရားရုံးသို့တင်ရာ ပလပ်ခံရသဖြင့် တရားရုံးချုပ်တွင် အယူခံဝင်ရန် ပြင်ဆင်နေခြင်း ဖြစ်သည်။
No comments:
Post a Comment