မြန်မာအလုပ်သမားတဦး
ယခုအခါ ထိုင်းနိုင်ငံရောက် ကျနော်တို့လို မြန်မာအလုပ်သမားတွေအဖို့ ထိုင်းနဲ့မြန်မာနှစ်နိုင်ငံ ချစ်ကြည်ရင်းနှီးမှုအရ ထိုင်းနိုင်ငံရောက် မြန်မာအလုပ်သမားများအတွက် ယာယီနိုင်ငံကူးလက်မှတ် (PASSPORT) ထုတ်ပေးတာဟာ အင်မတန် ဝမ်းမြောက်ဖွယ်နဲ့ တရားဝင်နေထိုင်ခွင့်၊ သွားလာခွင့် စတဲ့အခွင့်အရေးတွေ ရရှိမှာဖြစ်ပါတယ်။
ဒါပေမယ့် ယာယီနိုင်ငံကူးလက်မှတ် ပြုလုပ်ဖို့အတွက် ဆောင်ရွက်ခဟာ အကျိုးဆောင်ကုမ္ပဏီတွေက ဈေးနှုန်းအမျိုးမျိုး ကောက်ယူဆောင်ရွက်နေကြတဲ့အတွက် ထိုင်းနိုင်ငံရောက် မြန်မာအလုပ်သမားတွေဟာ ရရှိတဲ့လစာနဲ့ ၀န်ဆောင်မှု ပေးရတာဟာ အခက်အခဲရှိပါတယ်။ ဒါကြောင့် ထိုင်းနိုင်ငံက တာဝန်ရှိ ၀န်ကြီးဌာနတွေနဲ့ ယာယီနိုင်ငံကူးလက်မှတ် အကျိုးဆောင်ကုမ္ပဏီတွေ ပူးပေါင်းဆွေးနွေးပြီး အသက်သာဆုံးဈေးနှုန်းအဖြစ် ဘတ်ငွေ (၅,၀၀၀) ထက်ကျော်ပြီး မကောက်ခံရဆိုပြီး အတည်ပြု ဆွေးနွေးခဲ့ကြပါတယ်။
ဒါပေမယ့် ယာယီနိုင်ငံကူးလက်မှတ် အကျိုးဆောင်ကုမ္ပဏီတွေထဲက ထိုင်း-မြန်မာ ချစ်ကြည်ရေးကုမ္ပဏီက ဘတ်ငွေ (၅,၈၀၀) နှုန်းနဲ့ ဆက်လက် ကောက်ယူဆောင်ရွက်နေတာကြောင့် သက်ဆိုင်ရာ မြန်မာသံရုံးနဲ့ တာဝန်ရှိတွေကတဆင့် သတိပေး ဆောင်ရွက်စေချင်ပါတယ်။
No comments:
Post a Comment