စစ်ထက်နိုင်
ရှမ်းပြည်နယ်မြောက်ပိုင်းမူစယ်မြို့တွင် မူးယစ်အထူးအဖွဲ့မှအကွက်ဆင်ဖန်တီးသော အမှုတစ်ခု ပေါ်ပေါက်ခဲ့ပေသည်။ ဖြစ်စဉ်မှာ ၂၄.၈.၂၀၁၀ နေ့တွင် မူဟယ်မြို့ ရွှေသမင်ရပ်ကွက်တွင် နေထိုင်သူ ဦးထင်ချုံဟန်၏သားများဖြစ်ကြသော မောင်ထင်ရန်ခိုး အသက် ( ၂၇ နှစ် ) နှင့် မောင်ထန်ရင်လင့် အသက် ( ၁၈ နှစ် ) တို့နှစ်ဦးအား မူစယ်ခရိုင် မူယစ်အ ထူးအဖွဲ့မှ ရဲအုပ်ခိုင်ထွန်း နှင့်အဖွဲ့သည် မေးမြန်းစရာရှိသည်ဟုဆိုကာ နံနက် ( ၁၁ ) နာရီ အချိန်တွင် လာရောက် ခေါ်ဆောင်သွားကြလေသည်။
မူးယစ်အဖွဲ့သည် ၄င်းတ်ို့အားအမျိုးမျိုး နှိပ်စက်ပြီး မူးယစ်ဆေးဝါးနှင့်ပတ်သက်သည့်သတင်းများအား ဖေါ်ထုတ်ပေးရန် ပြောကြားသော်လည်း ၄င်းတို့သည် မူးယစ်ဆေးဝါးနှင့်ပတ်သက်ခြင်းမရှိ ၊ ၄င်းတို့ကိုယ်တိုင်လည်း မပြုလုပ်ကြောင်း သာ ပြောဆိုနေကြရာ ညနေ ( ၄ နာရီ ၃၀ မိနစ် ) အထိ မည်ကဲ့သို့ ရိုက်နှက်စစ်စစ် အမှုပေါ်ပေါက်ခြင်းမရှိပေ။
နောက်ဆုံးတွင် အမှုပေါ်ပေါက်ခြင်းမရှိသည့်အတွက် မူစယ်ခရိုင်မူးယစ်အဖွဲ့ ကြီးကြပ်သူ ဒုတိယရဲမှူး ရန်ရှင်း မှ ခေါ်ယူ လာသော ၄င်းတို့ နှစ်ယောက်အား နှိပ်စက်ခြင်း မရှိ ကြောင်း လက်မှတ်ထိုးခိုင်းသည့်အပြင် ပြန်လည်လွတ်မြောက် လိုပါ က တရုတ်နိုင်ငံသုံးငွေ ( ၄၀၀၀၀ ) နှင့်ညီမျှသော မြန်မာနိုင်ငံသုံးငွေ ကျပ် သိန်းပေါင်း ခြောက်ဆယ်အား လာရောက်ပေး မှသာ ပြန်လည်လွှတ်ပေးမည်ဟု ၄င်းတို့၏အကို တော်စပ်သူ ကိုအားစန်း ထံသို့ ပြောကြားခဲ့လေသည်။
ကိုအားစန်းမှလည်း ၄င်းတို့သည် မူးယစ်ဆေးဝါးရောင်းဝယ်ခြင်းမရှိသောကြောင့် ငွေကြေးမတတ်နိုင်ကြောင်း ပြောကြား သော်လည်း ကြီးကြပ်သူ ရန်ရှင်းမှ လက်မခံဘဲ ည ( ၉ နာရီ မိနစ် ၃၀ ) အထိ ဖုံးခေါ်ပြီး အကြွေးတောင်းသကဲ့ သို့ တောင်းနေကြောင်း ၊ ငွေပေးနိုင်ခြင်းမရှိပါက စိတ်ကြွဆေးပြားထုတ်ထည့်ပြီး အမှုဖွင့်မည့်အကြောင်းသာ ပြောနေသည့် အတွက် ကာယကံရှင်များမှာ မည်ကဲ့သို့ဆက်လက်လုပ်ဆောင်ရမည်ကို မသိဖြစ်နေကြပေသည်။
ဦးရန်ရှင်းသည်ပြီးခဲ့သည့်နှစ်အတွင်းက ကွတ်ခိုင်မြို့နယ် ၊ ပန်ဖိတ်ရွာတွင် မူးယစ်အဖွဲ့အား ( KDA ) အဖွဲ့မှ ပစ်ခတ် ခြင်း ခံခဲ့ရပြီး တပ်ဖွဲ့ဝင် ( ၄ ) ယောက်သေဆုံးခဲ့သော အချိန်က အသက်မသေဘဲ ကျန်နေခဲ့သည့် အဖွဲ့ခေါင်းဆောင်မှ ရထူးတိုးပြီးမူစယ်မူးယစ်အဖွဲ့တွင် ကြိးကြပ်သူဖြစ်နေရာ သူသည် ငွေမျက်နှာကြည့်သူ ၊ လုပ်ငန်းကို စနစ်တစ်ကျလုပ် ကိုင်သူ မဟုတ်ကြောင်း ၊ ယခင်က မူးယစ်အဖွဲ့သည် စည်းကမ်းရှိသလောက် ဦးရန်ရှင်းလက်ထက်ရောက် လာမှ မူစယ် မူးယစ်အဖွဲ့သည် စည်းကမ်းပျက်လာကြောင်း ဒုတိယရဲအုပ်များမှ ပြောကြားခဲ့ကြောင်း ယခက်က အင်တာနက်စာမျက်နှာ များဖေါ်ပြခဲ့တာ ဖတ်ရှုကြရပေသည်။
ယခု ဖြစ်စဉ်ကြောင့် မူစယ်မြို့နေ ပြည်သူလူထုများသည် မူးယစ်အဖွဲ့ထမင်းငတ်ပြီး အမှုမရမှာ စိုးရိမ်နေကြပေသည်။ ကြာလာလျှင် မိမိအိမ်ထဲ မူးယစ်ဆေးဝါး ပစ်ပြီးဖမ်းဆီး ခံကြရမှာ ကြောက်ရွံ့နေကြရလေသည်။
ငွေပေးပြီးမူးယစ်ဆေးဝါးရောင်းဝယ် / သယ်ဆောင်လိုများအတွက်
ဒုတိယရဲမှူး ရန်ရှင်း ( ကြီးကြပ်သူ )
မူးယစ်အထူးအဖွဲ့
မူဆယ်ခရိုင် ၊ မူဆယ်မြို့
ဖုံး - ၀၈၂-၅၀၆၁၃
တရုတ်ဖုံး - ၀၆၉၂-၆၈၈၂၂၉၉ .................. တို့အားဆက်သွယ်ပါရန်
စစ်ထက်နိုင် ( သတင်းမှန်ပေးပို့သည် )
No comments:
Post a Comment