မောင်မောင်ဆိုလေ ထီးရိုးရှည်

ဣတ္ထိယနဲ့ ပုရိသတွေကြား နှလုံးပူ သွေးဆူကြတဲ့ အဖြစ်က မထူးခြားပါဘူး။ ထူးခြားနေရတာက အကျဉ်းတန်လှတဲ့ ဒုက္ခသည် စခန်းတွင်းက ဒုက္ခသည်ကို အကူအညီ ပေးနေပါတယ်ဆိုတဲ့ UN ကုလသမဂ္ဂ ဝန်ထမ်းတချို့၊ NGO အစိုးရ မဟုတ်သော အဖွဲ့မှ လုပ်သားတချို့က မှီခိုသူဒုက္ခသည်ကို လိင်ပိုင်းဆိုင်ရာ အမြတ်ထုတ်မှုတွေ ရှိနေတယ်ဆိုတာက ထူးခြားနေပါတယ်။ ကမ္ဘာကြီး ရွာဖြစ်နေတဲ့အချိန် အင်တာနက် လမ်းမကြီးတလျှောက် UN ဝန်ထမ်းတချို့၊ NGO လုပ်သားတချို့ ဘောင်းဘီဇစ် မတပ်နိုင်တဲ့ သတင်းကြောင့် တာဝန်ရှိသူတွေက ဒုက္ခသည်တွေ ကိုယ်စား ခုခံကာကွယ်ဖို့ ဥပဒေတွေ ထုတ်ပြန်ကြတယ်။

ကျမတို့ ဒုက္ခသည် စခန်းလေးမှာ ပညာပေး ဟောပြောပွဲတွေ အများကြီးရှိပါတယ်။ ဟောပြောပွဲ၊ အစည်းအဝေး ဆိုတာနဲ့ ဝေးတဲ့ မြန်မာလူမျိုးတွေမို့ စိတ်ဝင်စားမှု အားနည်းကြပါတယ်။ တချို့က မလိုအပ်ဘူးလို့ ဆိုကြတယ်။ ဒီတခါတော့ ဒုက္ခသည်စခန်းထဲမှာ ရပ်တန့်နေတဲ့ လူဟောင်းတွေကို နယူးဇီလန်၊ ဂျပန်နိုင်ငံကို ချိတ်ဆက်ပေးနေတာမို့ လှုပ်လှုပ်ရှားရှား ဖြစ်နေတဲ့အချိန်ပေါ့။

“စခန်းရုံးထဲကို နေ့လည် ၁ နာရီ တအိမ်တယောက် တက်ရောက်ရမယ်” လို့ ဗျို့ဟစ်တော့ ရှေ့ခရီးအတွက် ဘာထူးမလဲဆိုတဲ့ စိတ်နဲ့ ဒုက္ခသည်တွေ သွားလိုက်ကြတာ ကလေးတွေ အချီအပိုးနဲ့ ဘုရားပွဲသွားတဲ့အတိုင်း စခန်းရုံးကို အသိရှိရှိ သွားလိုက်ကြတာ။ စခန်းရုံးထဲရောက်တော့ တီဗီကြီး စားပွဲပေါ်တင်ထားတာမို့ “အမေရိကန်ရဲ့ လူနေမှုကို ပြမှာ” လို့ ဝါရင့် ဒုက္ခသည်တွေက မှတ်ချက်ပေးသေးတယ်။ ဒုက္ခသည်စခန်းမှာ စိတ်ပျော်ရွှင်မယ့် သတင်းသာ ကြားချင်ကြတာ။ မှားရင် မှားပါစေ။ တဒင်္ဂ စိတ်သက်သာဖို့ပဲ။ အမှားပြောမိလည်း ဘယ်သူ့ဘယ်သူမှ စိတ်မဆိုးကြပါဘူး။

နေ့လည် ၁ နာရီမှာတော့ ဆပ်ပြာမှုန့်အိတ်၊ သကြားလုံးအိတ်တွေနဲ့ အဖွဲ့အစည်းကသူတွေ ဝင်လာတယ်။ သူတို့က ပြည့်လျှံနေတဲ့ စခန်းရုံထဲကသူတွေ ကြည့်ပြီး အံ့သြနေကြတယ်။ ကျမတို့ တွေးထင်တာ တခြား။ သူတို့ထင်နေတာ တခြား။ ဒီနေ့က လိင်အကြမ်းဖက်မှု ပညာပေးဆွေးနွေးမှာတဲ့။ မေးခွန်းမေးသူတွေကို ဆပ်ပြာမှုန့်ပေးမယ်၊ ဆွေးနွေးပွဲလာသူတွေကို သကြားလုံးပေးမယ်တဲ့။ ဘယ်လိုပဲဖြစ်ဖြစ် ကျမတို့ ထပြန်လို့ မရတော့ဘူး။ ဟန်ကိုယ့်ဖို့ပဲ။ သိပ်မကြာခင်မှာ လိင်အကြမ်းဖက်မှု ပညာပေးဆွေးနွေးပွဲကို ရှင်းပြပေးမယ့် “မဖိုးပီ” က ဒီနေ့ စခန်းရုံးထဲမှာ လူတွေအများကြီးကို တွေ့ရတော့ အံ့သြမိတယ်တဲ့။ ဘယ်လိုထင်ပြီး လာတာလဲတဲ့။ ဒီတော့ ပြောကြတာပေါ့။

“ဒုက္ခသည် လူသစ်တွေကို ဒုက္ခသည်အဖြစ် အသိအမှတ်ပြုပေးမယ့် NPO အတွက် ထင်လို့ လာတာပါ” ဆိုတော့ မဖိုးပီက ရယ်ပါတော့တယ်။ “ကျမက NPO ရအောင် လုပ်ပေးနိုင်တဲ့သူ မဟုတ်ပါဘူး” လို့ ရှင်းပြတယ်။ ဒုက္ခသည်က ဘဝနဲ့ဆိုင်တဲ့ အတွေးပဲ တွေးကြတာ မဟုတ်လား။ ဒါပေမဲ့ မဖိုးပီပြောတာကိုလည်း စိတ်ဝင်စားကြပါတယ်။ ဒုက္ခသည်စခန်းမှာ သတင်းဆိုတာ အသစ်အဆန်းပဲ။

“ဒီဒေသမှာနေရင် သိဖို့အကြောင်းအရာကတော့ လိင်ပိုင်းဆိုင်ရာ အမြတ်ထုတ်ခြင်းကို ကာကွယ်ပေးခြင်းဆိုတဲ့ အကြောင်းပါ။ ထိုင်း-မြန်မာ နယ်စပ်တလျှောက်မှာ ဒုက္ခသည်စခန်း ၉ ခု ရှိတယ်။ ဒီဒုက္ခသည်စခန်းတွေမှာ ပညာရေး၊ ကလေးအခွင့်အရေး၊ မသန်မစွမ်း၊ အကြမ်းဖက်ခံရတဲ့ အမျိုးသမီးတွေကို စောင့်ရှောက်ပေးတဲ့ အဖွဲ့တွေ ရှိပါတယ်။ အစိုးရမဟုတ်တဲ့ အဖွဲ့အစည်းကို NGO လို့ ခေါ်ပါတယ်။

NGO မှာ တာဝန်ရှိတာက အရပ်သားတွေကို ကာကွယ်စောင့်ရှောက်ဖို့ တာဝန်ရှိတယ်။ NGO လုပ်သား ကိုယ်စားလှယ်တွေကစ ခန်းထဲမှာရှိတဲ့ ဒုက္ခသည်တွေအပေါ် ကောင်းရဲ့လား။ အကူအညီ ပေးနေတဲ့သူက မှီခိုသူကို စော်ကားတယ်။ လိင်ပိုင်းဆိုင်ရာ ကျူးလွန်ခဲ့ရင်၊ ချိုးဖောက်အမြတ်ထုတ်ရင် ဘယ်နေရာကို သွားတိုင်ရမလဲ။

အခု ကျမ လာရောက်ပညာပေး ဟောပြောရတာက ၂ဝဝ၂ ခုနှစ်မှာ တိုက်ပွဲကြောင့် အာဖရိကမှာ ရွှေ့ပြောင်းနေရတဲ့ ဒုက္ခသည်တွေအပေါ် ရိက္ခာဖြစ်စေ၊ ပညာရေးဖြစ်စေ၊ နိုင်ငံခြားသွားတဲ့ ကိစ္စဖြစ်စေ အကူအညီပေးနေတဲ့ UN နဲ့ NGO လုပ်သားတချို့က လိင်ပိုင်းဆိုင်ရာ ကျူးလွန်ခဲ့တယ်။ ကျူးလွန်ခဲ့တဲ့ ပြဿနာပေါင်း ၁ဝဝ ကျော် ရှိတယ်။ ဒုက္ခသည်က သူ့ဘဝ မလုံခြုံမှာစိုးလို့ မတိုင်ရဲဘူး။ UN နဲ့ NGO တွေကို ထောက်ပံ့ပေးတဲ့ အဖွဲ့အစည်းတွေက သိတော့ မကျေနပ်ဘူး။ ဒုက္ခသည်ကို ဒုက္ခပေးမယ်လို့ ဘယ်သူမှ မမျှော်လင့်ခဲ့ဘူး။ ဒီတော့ UN နဲ့ NGO မှာ ကျင့်ထုံးတွေ ချမှတ်မပေးရင် အလှူငွေ ချမပေးဘူးလို့ ဖိအားပေးထားတယ်။

ထိုင်း-မြန်မာနယ်စပ်မှာတော့ ဒီလိုအမှုအခင်း မရှိဘူး။ မတိုင်ရဲတာကြောင့် မသိတာလည်း ဖြစ်မယ်။ ၂ဝဝ၂ က ပြဿနာကို ၂ဝဝ၆ ဒီဇင်ဘာမှာ အာဖရိကကို သွားရောက်ပြီး တာဝန်ရှိသူတွေက စစ်ဆေးကြတယ်။ အငတ်ဘေး ကျရောက်နေသူတွေ၊ စစ်ဘေးစစ်ဒဏ်သင့်သူတွေ UN နဲ့ NGO ကို ယုံကြည်မှ အလုပ်,လုပ်ရတာ အဆင်ပြေမှာပါ။ UN ရဲ့ ကြီးမားတဲ့ လုပ်အားက လူသားချင်း စာနာစိတ်ပါ။ UN က လူသားတွေအတွက် မျှော်လင့်ချက် ရောင်ခြည်ပါ။ အတိဒုက္ခရောက်နေသူတွေရဲ့ ယုံကြည်မှုက အရေးကြီးပါတယ်။ အစားအစာ ရရှိဖို့အတွက် နင့်ကို အစားအစာပေးမယ်။ ငါနဲ့ အတူအိပ်ဆိုတာမျိုး။ သစ်သီးတလုံး နို့တခွက်ပေးပြီး လိင်ပျော်ပါးကြတယ်။ ကလေးများနဲ့ လိင်ဆက်ဆံခြင်းကို နေရာတိုင်းက ကန့်ကွက်တယ်။ ဒါကိုသိရင် UN က အဲဒီ့လုပ်သားကို အလုပ်ထုတ်ပစ်တယ်။ သူ့နိုင်ငံကလည်း အပြစ်ပေးအရေးယူတယ်။ တိုက်ပွဲဒဏ်ခံနေရသူတွေ၊ အကူအညီ လိုအပ်နေသူတွေကြားမှာ သိပ်ကိုအရေးကြီးပါတယ်။ မှုခင်းတော်တော်များများကို အစီအရင်မခံချင်ကြဘူး။ အမှုကို ပိတ်ချင်ကြတယ်။

“ငါမှားခဲ့ရင်” ပဲ စဉ်းစားတယ်။ “ငါမှန်ခဲ့ရင်” ဆိုတာကို မစဉ်းစားကြဘူး။ ပြဿနာလုပ်တဲ့သူ၊ ရေငုံနှုတ်ပိတ်နေတဲ့သူ မဖြစ်စေချင်ပါဘူး။ UN နာမည်နဲ့ ရှေ့ခရီးဆက်နိုင်ဖို့ အကြမ်းဖက်မှုကို တိုင်ကြားပါ။ လူ့တန်ဖိုးက မြှင့်တင်ဖို့က UN ရဲ့ တာဝန်ပါ။ UN တာဝန်ယူရတဲ့ ဒေသမှာ ပြဿနာရှင်းတဲ့သူပဲ ဖြစ်စေချင်ပါတယ်။ ပြဿနာရှိသူ မဖြစ်စေချင်ဘူး။ စည်းကမ်းချမှတ်တာဟာ လူတစုအတွက်၊ လူ့အဖွဲ့အစည်းအတွက် ဂုဏ်တက်စေပါတယ်။

CNN မှာ UN-NGO လုပ်သားတွေရဲ့ ကျူးလွန်ချက်ကို သတင်းလွှင့်ခဲ့တယ်။ နောက်ပိုင်းမှာ ကျင့်ထုံးတွေ ချမှတ်ခဲ့တယ်။ ပြဿနာရှိရင် တိုင်ရမယ်။ မဖုံးကွယ်ရဘူး။ မတိုင်ရင်ကျင့်ထုံးကို ကျူးလွန်တယ်လို့ ဆုံးဖြတ်တယ်။ ၂ဝဝ၇ နောက်ပိုင်း ကျူးလွန်လို့ မရဘူး။ ထိန်ချန်လို့ မရဘူး။

ထိုင်း-မြန်မာ နယ်စပ်တလျှောက်မှာလဲ တုံ့ပြန်မယ့် နည်းလမ်းတွေ ရှာကြတယ်။ ဒီစီမံကိန်းအတွက် ဟောပြောပွဲသင်တန်း ပေးတယ်။ အတင်းအဓမ္မ ပြုကျင့်တာ၊ ခြိမ်းခြောက်တာ၊ မသင့်တော်တဲ့နေရာ ကိုင်မိတာ၊ ဖက်တာနမ်းတာလည်း လိင်ပိုင်းဆိုင်ရာ ချိူးဖောက်တာပဲ။ ၁၈ နှစ်အောက်ဆို ရာဇဝတ်မှု ချိုးဖောက်တာပဲ။ နိုင်ငံခြားသွားရမယ်ဆိုတဲ့ မျှော်လင့်ချက်ပေးပြီး UN-NGO လုပ်သားက ဒါမျိုး ကျူးလွန်လို့ မရဘူး။

ဒီလိုမျိုး ကျူးလွန်ခဲ့ရင် အဖွဲ့အစည်းခေါင်းဆောင်ကို အသိပေးရမယ်။ အဖွဲ့အစည်းတိုင်းမှာ တာဝန်ခံရှိတယ်။ သူ့တာဝန်က အဖွဲ့အစည်းခေါင်းဆောင်ဆီ ပို့ပေးရမယ်။ မှားတယ်မှန်တယ်လို့ ဆုံးဖြတ်ပိုင်ခွင့် တာဝန်ခံမှာ မရှိဘူး။ စခန်းတွင်းလာတဲ့ NGO အားလုံး UN ရှိတဲ့နေရာမှာ လိင်ပိုင်းဆိုင်ရာ အမြတ်ထုတ်မှု၊ ကျူးလွန်မှု ကင်းစင်ရမယ်။ စခန်းထဲမှာရှိတဲ့ စခန်းကော်မတီ၊ ရပ်ကွက်မှူး၊ KWO ၊ KRC တို့မှာ တိုင်ရမယ်။ ဘန်ကောက်ရုံး၊ နိုင်ငံခြားရုံးတွေကိုလဲ တိုင်ကြားလို့ရတယ်။ ဒီအဖွဲ့ကို CCSDPT ကော်မတီလို့ ခေါ်ပါတယ်”

မဖိုးပီက အာဖရိကတိုက်မှာ ဖြစ်ပွားခဲ့တဲ့ လိင်ပိုင်းဆိုင်ရာ အမြတ်ထုတ်မှုတွေကို သတင်းမှတ်တမ်း ဗီဒီယို ဖွင့်ပြပါတယ်။ မြန်မာလို ဘာသာပြန်ပေးထားပါတယ်။ အာဖရိက ဒုက္ခသည်တွေရဲ့ဘဝက ကြေကွဲစရာ ပိုကောင်းတယ်။ ဒုက္ခသည် ကလေးမလေးက အရွယ်မရောက်သေးပါဘူး။ သူ့ကို UN ကားသမားက ကားရပ်ပြီး နို့ပေးပါတယ်။ ဒီ့နောက် ကိုယ်ဝန်ရရော။ ကိုယ်ဝန်ရတော့ အဆက်အသွယ် မလုပ်တော့ဘူး။ တခြား ရွေးချယ်စရာမရှိတဲ့ မိန်းကလေးတချို့ အလုပ်ရဖို့ လိင်နဲ့ လဲလှယ်ရတယ်။ လူမျိုးပေါင်း ၄၅ မျိုးထဲက ရွေးထုတ်ပြထားပါတယ်။

ထူးခြားတဲ့ အသားအရောင်နဲ့ မွေးကင်းစ ကလေးငယ်လေးတွေကလည်း ချစ်စရာကောင်းတယ်။ အဖြူရောင်လည်း မဟုတ်၊ အမည်းရောင်လည်း မဟုတ်။ သူ့အမေ သူ့ကို ကိုယ်ဝန်လွယ်ကတည်းက တာဝန်ရှိသူက စွန့်ခွာသွားတယ်။ မိန်းကလေးက စိတ်နဲ့ကိုယ် မကပ်ဘူး။ တိုက်ပွဲဖြစ်တဲ့နေရာ၊ ရွှေ့ပြောင်းဒုက္ခသည် စခန်းတွေမှာ ၂၄ နာရီလုံး တာဝန်ချိန် အပြည့်ရှိပါတယ်။ ဒီလိုနေရာတွေမှာ ဆင်းရဲဒုက္ခရောက်ကြတော့ လိင်ကို၊ နို့တခွက်၊ သစ်သီးတလုံးနဲ့ လဲလှယ်ကြတယ်။

ဒုက္ခသည်ထဲကပဲ UN-NGO လုပ်သားတွေကို “ငါ့ကို တဒေါ်လာပေးပါ။ ငါကောင်မလေးတွေ ခေါ်ခဲ့မယ်” လို့ ဆွယ်ကြတယ်။ ဘယ်လို မိန်းကလေးမျိုးကို ကြိုက်လဲလို့ သတင်းသမားကမေးတော့ “အသက်ငယ်ငယ်၊ အရပ်ရှည်ရှည်ကို ကြိုက်တယ်တဲ့။ ဖောက်သည်ဆို ၅ ဒေါ်လာ၊ ၁ဝ ဒေါ်လာ မိန်းကလေးက ရတယ်တဲ့။ UN တာဝန်ရှိသူ ခေါင်းဆောင်တဦးကတော့ “ဒါ … ငွေပေးတာ မဟုတ်ဘူး။ ရာဇဝတ်မှုကို အားပေးတာ” လို့ ဆိုပါတယ်။

အာဖရိက ဒုက္ခသည်စခန်းထဲက ကလေးငယ်တချို့ ရိက္ခာဂိုဒေါင်နားက မြေကြီးပေါ်မှာကျနေတဲ့ ဂျုံ၊ ပဲတွေကို ကောက်သင်းကောက်နေကြတယ်။ ကလေးငယ်တွေရဲ့ မျက်လုံးက ကျီးကန်းတောင်းမှောက် ပိန်လှီနေတဲ့ ကလေးငယ်တွေရဲ့ လက်ချောင်းက ကျူရိုးလောက်ပဲ ရှိတယ်။

ဒီလိုကလေးငယ်တွေမှာ အမိအဖက မလိုချင်ဘဲ လူ့လောကကြီးထဲကို ရောက်လာခဲ့ရပြီး ဆင်းရဲဒုက္ခ ခံနေရတာ အတော့်ကို ရင်နာဖို့ ကောင်းပါတယ်။ ဒီကလေးတွေအားလုံး ဘဝကို လက်ချည်းဗလာ ရင်ဆိုင်နေရတယ်။ ကလေးငယ်တွေမှာ ချစ်ခြင်းမေတ္တာရဲ့ နှစ်သိမ့်ကြည်နူးစေမှု၊ သာယာချမ်းမြေ့မှုကို မခံစားခဲ့ရဘူးဆိုတာ သူတို့မျက်ဝန်းတွေကို ကြည့်ရင် သိနိုင်တယ်။

ဒီကလေးမိခင်တွေက ဘဝကို သိက္ခာပေါ်တင်ပြီး အမျိုးသမီးထုအတွက်၊ အတိဒုက္ခ ရောက်နေသူတွေကို အကူအညီ ပေးရသူတွေက စော်ကားနေပါတယ်ဆိုတာ ကမ္ဘာကြီးသိအောင် မရှက်မကြောက် ဖွင့်ချပြလိုက်တာပါ။ သတ္တိရှိရှိ ထုတ်ဖော်ရဲတဲ့ ဒီလိုအမျိုးသမီးတွေကြောင့် UN က လိင်အကြမ်းဖက်မှုဆိုင်ရာ ကျင့်ထုံးတွေကို ချမှတ်နိုင်ခဲ့တာပဲ။ ဒီလိုကျင့်ထုံးတွေကို ကြောက်ပြီး UN-NGO လုပ်သားတချို့ ဒုက္ခသည်တွေအပေါ် “မောင်မောင်ဆိုလေ ထီးရိုးမရှည်နိုင်တော့မှာ” ။