ရိုးမ ၃။
ဧရာဝ တီတိုင်း၊ အင်္ဂပူမြို့ နယ်အတွင်း ကျေးရွာ များတွင် ကြံ့ခိုင် ဖွံ့ဖြိုးရေး ပါတီအား မထောက်ခံ ပါက ထောင်ချ မည်ဟု ဒေသခံ အာဏာပိုင် များက ပြောဆို ခြိမ်းခြောက် မှုများ ပြုလုပ် နေသည်။
“ကြံ့ဖွံ့ပါတီကို မထောက်ခံရင် စစ်ဆေးမယ်၊ ဖမ်းမယ်လို့ အင်္ဂပူမြို့နယ်၊ ကျဉ်ကြီးအုပ်စုက ဥက္ကဌနဲ့ စာရေးက ပြောထားတာတွေရှိတယ်” ဟု ဒေသခံက ပြောသည်။
သစ်တောဝန်ကြီး ဦးသိန်းအောင်သည် သိန်းပေါင်း သောင်းကျော်သည့် ငွေကြေးများ အသုံးပြု၍ ၎င်းဝင်ရောက်အရွေးခံမည့် အင်္ဂပူမြို့နယ်အတွင်း စည်းရုံးရေးများကို လုပ်ဆောင်နေကြောင်း ဒေသခံက ပြောသည်။
ဟင်္သာတမြို့နယ်တွင် လယ်ယာစိုက်ပျိုးရေးဝန်ကြီး ဦးဌေးဦး၊ ဇလွန်မြို့နယ်တွင် သမဝါယမဝန်ကြီး ဦးတင်ထွဋ်တို့က အသီးသီးဝင်ရောက် အရွေးခံမည်ဖြစ်ကြောင်း အဆိုပါဒေသတွင်း သတင်းများထွက်ပေါ်နေပြီး စစ်အစိုးရ ဝန်ကြီးများအနေဖြင့် အဆိုပါဒေသအတွင်း စည်းရုံးမှုများကို နည်းအမျိုးမျိုးဖြင့် လုပ်ဆောင်နေလျှက်ရှိကြောင်း ဒေသခံများက ပြောသည်။
ထို့အပြင် ဟင်္သာတခရိုင်အတွင်း ရွေးကောက်ပွဲ ကော်မရှင်အဖွဲ့များ အစည်းအဝေးကို (၂၅) ရက်နေ့က ပြုလုပ်ခဲ့ပြီး အသက်(၁၈) နှစ်ပြည့်သူတိုင်း မှတ်ပုံတင် မဖြစ်မနေပြုလုပ်ရန် သက်ဆိုင်ရာ အာဏာပိုင်များက လိုက်လံကြေညာနေသည်။
ယခုလ (၂၅) ရက်နေ့မှ စတင်ကာ ပြုလုပ်ရန်ကြရန် လိုက်လံကြေညာနေခြင်းဖြစ်ပြီး ရွေးကောက်ပွဲတွင် မဲပေးရန်အတွက် လုပ်ဆောင်နေခြင်းဖြစ်ကြောင်း ဒေသခံက ပြောသည်။
“သူတို့က တမြို့လုံးအနှံ့ လိုက်ကြေညာတာ၊ အသက်ပြည့်ရင် လုပ်ကိုလုပ်ရမယ်ဆိုတဲ့သဘော၊ ငွေကြေး ပေးရမလား မပေးရလားတော့ မသိသေးဘူး” ဟု ဒေသခံတဦးက ပြောသည်။
လာမည့် ၂၀၁၀ ရွေးကောက်ပွဲတွင် ကြံ့ခိုင်ဖွံ့ဖြိုးရေးပါတီမှ ဝင်ရောက်ယှဉ်ပြိုင်ရန်အတွက် စစ်အစိုးရဝန်ကြီးများနှင့် ထိပ်ပိုင်းခေါင်းဆောင် (၃၀) ကျော် အရပ်ဝတ်လဲ၍ ၎င်းတို့ ဝင်ရောက်ယှဉ်ပြိုင်ရန် လျာထားသည့် ဒေသများတွင် အစိုးရဘဏ္ဍာငွေနှင့် ရာထူးအာဏာများအသုံးပြုကာ စည်းရုံးမှု မျိုးစုံ ပြုလုပ်နေလျှက်ရှိသည်။
No comments:
Post a Comment