ဒေါ်အောင်ဆန်းစုကြည်အား ဖိလစ်ပိုင် နိုင်ငံခြားဆက်ဆံရေး ကော်မတီ ဥက္ကဋ္ဌ အထက်လွှတ်တော် အမတ် မစ္စ လော်ရင် လီဂါးဒါး(Loren Legarda) ယမန့်နေ့က လာရောက်တွေ့ဆုံကြောင်း အမျိုးသား ဒီမိုကရေစီအဖွဲ့ချုပ်(NLD)က ပြောသည်။မည်သည့် အကြောင်းအရာများ ဆွေးနွေးသည်ကို သတင်းထုတ်ပြန်ခြင်း မရှိသော်လည်း ဖိလစ်ပိုင်နိုင်ငံသည် သမ္မတ ဘစ်နစ်နို အကွီနို ၏ လက်ထက်တွင် မြန်မာ့အရေးနှင့်ပတ်သက်ပြီး ပိုမိုတက်ကြွမှုရှိလာကြောင်း NLD ခေါင်းဆောင်တဦးဖြစ်သည့် ဦးအုန်း
ကြိုင် က ဧရာဝတီသို့ ပြောပြသည်။
“အခုလို အာဆီယံ နိုင်ငံထဲက အထက်လွှတ်တော် အမတ် လာတွေ့တာ တနည်းအားဖြင့် ဒီမိုကရေစီအရေးမှာ အားတက်စရာပဲ” ဟု ၎င်းက ဆိုသည်။
မစ္စ လီဂါးဒါး နှင့် အတူ ၎င်း၏ သားနှစ်ဦးလည်း လိုက်ပါကြောင်း၊ ဒေါ်အောင်ဆန်းစုကြည်နှင့် ထိုသို့တွေ့ဆုံနိုင်ရန် ၎င်း၏ အရင်း အနှီးဆုံး မိတ်ဆွေ ဖြစ်သည့် အရှေ့တီမော သမ္မတ ဂျိုးဇက် ဟိုဆေး ရာမို့စ် ဟော်တာ က အကူအညီပေးကြောင်း ဖိလစ်ပိုင် စတား သတင်း တွင် ဖော်ပြထားသည်။
“ပုဂ္ဂိုလ်ရေးရာ ခင်မင်မှုအဖြစ် သွားလည်တာပါ၊ ဒီမိုကရေစီနဲ့ ပတ်သက်ပြီး အမြင်ချင်းဖလှယ်မှာပါ၊ အထူးသဖြင့် မြန်မာ့ဒီမိုကရေစီ အရေးနဲ့ ပတ်သက်ပြီးပေါ့”ဟု မစ္စ လီဂါးဒါးက ပြောသည်။
နှစ်ပေါင်း ၂၀ခန့် နေအိမ်အကျယ်ချုပ် ဘ၀ဖြင့် နေထိုင်ပြီး ဒီမိုကရေစီအတွက် တိုက်ပွဲဝင်နေသည့် ဒေါ်အောင်ဆန်း စုကြည် ထံမှ သင်ယူစရာများ ရှိနိုင်သည်ဟု မျှော်လင့်ထားကြောင်းလည်း ၎င်းက ဆိုသည်။
ထို့အပြင် လူ့အခွင့်အရေး ကာကွယ်ရာတွင် အမျိုးသမီးခေါင်းဆောင်များ၏ အရေးပါမှု ကဏ္ဍကိုလည်း မြန်မာ့ ဒီမိုကရေစီ ခေါင်း
ဆောင် ဒေါ်အောင်ဆန်စုကြည်က ပြသခဲ့သည်ဟု ၎င်းက ပြောဆိုကြောင်း အဆိုပါ သတင်းတွင် ရေးသားထားသည်။
အာဆီယံ အဖွဲ့အတွင်း စီးပွားရေးနှင့် နိုင်ငံရေး တည်ငြိမ်မှုသည် အရေးကြီးကြောင်း၊ မြန်မာနိုင်ငံတွင် နိုင်ငံရေးတည်ငြိမ်မှု ရရှိစေ ရန် အမျိုးသား ပြန်လည်သင့်မြတ်ရေး လိုအပ်နေသည့်အတွက် အာဆီယံအဖွဲ့ဝင်နိုင်ငံများ ယခုကဲ့သို့ တွေ့ဆုံဆွေးနွေးမှုများ ပြုလုပ်ခြင်းကို ကြိုဆိုကြောင်း ဦးအုန်းကြိုင်က ဆက်လက်ပြောသည်။
ဒေသတွင်း အာဆီယံနိုင်ငံများ ဖြစ်သည့် ထိုင်း၊ စင်္ကာပူ၊ မလေးရှား စသည့်နိုင်ငံများမှ သံတမန်များက ဒေါ်အောင်ဆန်းစုကြည် အား လာရောက်တွေ့ဆုံသည့် အပြင် ထိုင်းဝန်ကြီးချုပ် အဖိဆစ် ဝေ့ချာချီဝ ကလည်း မကြာသေးမီက ဖုံးဆက်၍ မြန်မာ့ ဒီမိုကရေစီ အရေးနှင့် ပတ်သက်၍ ဆွေးနွေးခဲ့သေးသည်။
ဖိလစ်ပိုင်နိုင်ငံသည် အာဆီယံအဖွဲ့အတွင်း မြန်မာစစ်အစိုးရကို ပွင့်လင်းစွာပြောဆို ဝေဖန်သည့် နိုင်ငံတနိုင်ငံ ဖြစ်သည်။
No comments:
Post a Comment