ခွန်အောင်မြတ်။
မြ၀တီမြို့နယ်အတွင်းရှိ မိလက်ပံကျေးရွာတွင် ယနေ့နံနက်မှ၍ လက်နက်ကြီးကျည်များကျ လာသဖြင့် စစ်ပြေး ဒုက္ခသည် ရာနှင့်ချီ ထိုင်းနယ်မြေတွင်းသို့ ထပ်မံထွက်ပြေးလာခဲ့ကြသည်။
ယနေ့နံ ခြောက်နာရီအချိန်တွင် မိလက်ပံကျေးရွာအနီးသို့လက်နက်ကြီးကျည်များ ကျရောက်လာသည်ဟု ကျေး ရွာ သားတဦးဖြစ်သူ ဦးအောင်မြင့်က ယခုလိုပြောသည်။
“ဒီမနက်က ခြောက်နာရီထိုးပြီးလောက်မှာ ကျနော်တောင်မှ မီးလှုံနေတယ်။ မီးလှုံနေတဲ့အချိန်မှာမှ သူ တို့ပစ်ကြတယ်။ လေးငါးရှစ်လုံးလောက်ပဲ ပစ်ပြီးတော့ အသံရပ်သွားတယ်။ အခု နေ့လည်မှ ထပ် ပြီးတော့ ထပ်ဖြစ်တယ်။ နေ့လည်မှာ ဆယ့်ငါးကျော်ကျော်လောက်ရှိတယ်။ အခုပစ်နေတာနဲ့ ဆိုလို့ ရှိရင် အလုံး နှစ်ဆယ်ကျော်သွားပြီ။ ကျနော့်မိသားကို ဒီဘက်ကမ်းပို့ထားပြီးမှ ရေကူးရင်းနဲ့ သွားလေ့ လာရင်းနဲ့ ပြန်ပြီးတော့ ကြည့်တာပေါ့။ အိမ်မှာလည်း ကြက်ဝက်တွေရှိတော့ အခြေအနေ ထူးရင် ထူးသလို ပြန်ဝင်ကြည့်ရတာပေါ့။”
ထိုင်းနယ်မြေတွင်းသို့ ထွက်ပြေးလာကြသည့် ဒုက္ခသည်မှာ ယနေ့နံနက်တွင် (၈၀၀)ကျော် ထပ်မံရောက် ရှိ သည်ဟု စစ်ပြေးဒုက္ခသည်ကို ကူညီစောင့်ရှောက်ထားသည့်စခန်းတွင် အကူအညီပေး နေသည့် မြန်မာနိုင်ငံသား ကိုစိုင်းစိုင်းက ပြောသည်။
“ပထမလူဟောင်းက ငါးရာကျော်ရှိတယ်ခင်ဗျား။ အခုနောက်လူက ရှစ်ရာကျော်ရှိတယ်ခင်ဗျာ။ အား လုံးပေါင်း တထောင်ကျော်သွားပြီး တထောင့်ငါးရာပြည့်တော့မယ်။ များသောအားဖြင့် သုံးပုံပုံရင်တော့ အမျိုးသမီးကတော့ တပုံခွဲပေါ့။ ကလေးလေးက သုံးတပုံတပုံရှိတယ်။ (ထပ်လာဖို့) ရှိနေတုန်းပဲ။ အခု ကျနော်တို့ သွားခေါ်ဖို့လုပ်နေတယ်ခင်ဗျ။”
စစ်ပြေးဒုက္ခသည်များကို ထိုင်းအာဏာပိုင်က နေရာချထားရေးနှင့် လုံခြုံရေးတာဝန်ယူပေးပြီး အစား အသောက်၊ အ၀တ်အစားနှင့် နေယာထိုင်ခင်း အစရှိသည်နှင့် ကျန်းမာရေးစောင့်ရှောက်မှုများကို မယ်တော်ဆေးခန်းက တာဝန်ယူသည့်အပြင် အခြား အဖွဲ့အစည်းများလည်း ပါဝင်ကူညီပေးကြသည်။
ထိုင်းဘက်ကမ်းသို့ သောင်းရင်းမြစ်ကို ဖြတ်ပြီးကူးလာသည့် မိလက်ပံကျေးရွာမှ ထွက်ပြေးလာသူများကို သွား ရောက်ကြိုပြီး ကူညီပေးသည့်အဖွဲ့မှ မြန်မာပြည်သား ဦးမိုးကြိုးက ယခုလို ပြောသည်။
“အခုပဲ အဲဘက်ကထွက်ပြေးလာတဲ့အုပ်စုနောက်ကို ကျနော်တို့ လိုက်လာတယ်။ တော်တော်သွားရ တာဗျ။ ရွာထဲကနေ ဟိုး သုံးကီလိုလောက်ကို အတွင်းထဲကို တော်တော်ဝင်လိုက်ရတယ်။ ကွင်းရချိုးရ မယ့်နေရာကို မရောက်ပဲနဲ့ သောင်ရင်းမြစ်ဘေးနားရောက်သွားမှ ဒုက္ခသည်တွေကို လှမ်းမြင်ပြီးတော့
မေးပြီးတော့ ရလာတာ။ သူတို့နောက် ပြန်လိုက်လာတာ။ ပြေးလာတဲ့လူတွေကတော့ ဆယ်ဂဏန်းပဲ ရှိပါတယ်။ ဒါပေမယ့် လူတွေအကုန်လုံး ဟိုမှာ ဆယ်ဂဏန်း၊ ဟိုမှာ ရာဂဏန်း အဲလိုမျိုး ဖြန့်ခွဲပြီး နေကြတာပေါ့။ အခုလာတာတွေကတော့ လူငါးဆယ်လောက်ရှိတဲ့ အုပ်ကို ကျနော်တို့ လိုက်လာတာ။”
ရွာပြင်တွင် စိုက်ပျိုးထားသည့် တောင်ယာစပါးများကို မရိတ်သိမ်းရဲသည့်အပြင် ရွာထဲရှိ အိမ်မွေး တိရိစ္ဆာန် များကိုလည်း ထားခဲ့ပြီး ထွက်ပြေးခဲ့ရသည်ဟု မိလက်ပံရွာသား ဦးသိန်းဝင်းက ပြောသည်။
“တချို့တွေဆိုရင် ပဲတွေ ရိတ်ထားတယ်။ ဒီအတိုင်းပဲ ရိတ်ပြီးထားထားတော့ ပဲတွေတောင် ကျွမ်းကုန် ပြီ။ ဒီအတိုင်းပဲ ထားထားတယ်။ ဘယ်သူ့မှသွားမယူရဲဘူ။ ဒီအတိုင်းပဲ ထားထားတယ်။ သူတို့နဲ့ နီးစပ်မှု ရှိတဲ့နေရာတွေမှာ သွားလုပ်ထားတဲ့သူတွေက တပုံကြီး။ အများကြီး ရိတ်ပြီးသားကြီး ကြိတ် တော့မယ့် ဆဲဆဲမှာ သွားမယူရဲကြဘူး။ တော်တော်ကို ဒုက္ခရောက်နေတယ်ဒီမှာ။ ကြက်တွေရော၊ ၀က် တွေရော၊ ဘဲတွေရော ဒီအတိုင်းပဲ လွှတ်ထားတာ။ သွား စားချင်တဲ့သူစား ယူချင်တဲ့သူယူ အဲလိုပုံစံမျိုး ဖြစ်နေ တယ်။”
ဖလူးလေး၊ ဖလူးကြီး၊ ရသေ့ဂူ စသည့် ကျေးရွာများတွင် ယနေ့ထိ မြန်မာစစ်အစိုးရနှင့် ကရင် လက်နက် ကိုင်တပ်ဖွဲ့တို့ လက်နက်ကြီးဖြင့် ဆက်တိုက်ပစ်ခတ်တိုက်ခိုက် နေကြဆဲ ဖြစ်သဖြင့် ယင်း ကျေးရွာရှိ စစ်ပြေး ဒုက္ခသည် တထောင်ကျော်ကို ထိုင်းနယ်ခြားစောင့်တပ်က တာဝန်ယူ စောင့်ရှောက် ပေးထားသည်ဟု နယ်လှည့် ကျောပိုးအိတ် ကျန်မာရေးစောင့်ရှောက်ရေးအဖွဲ့ တာဝန်ခံ ဆရာမန်းမန်း က ပြောသည်။
ထိုင်းနယ်မြေ ဖုဖရမြို့နယ်အတွင်းရှိ ဒုက္ခသည်များမှာ နေရပ်ရင်းဖြစ်သည့် ဝေါ်လေဒေသသို့ နေ့ခင်းပိုင်း တောင် ယာစပါးများ ပြန်ရိတ်သိမ်းကြပြီး ညဘက်တွင် ထိုင်းနယ်မြေတွင်းသို့ ၀င်ရောက် ခိုလှုံနေကြရသည်ဟု ဒေသခံ များက ပြောသည်။
ဘုရားသုံးဆူမြို့နှင့် ကြာအင်းဆိပ်ကြီးမြို့ ရေလမ်းခရီးကို ပြေးဆွဲနေသည့် ခရီးသည်တင်စက်လှေများ ကို မြန်မာ အာဏာပိုင်ဘက်က ယခုရပ်ပိုင်းအတွင်း သွားလာခွင့်မပြုတော့ဟု ဒေသခံများကပြောသည်။ ယင်းမြို့နှစ်မြို့ ကြားရှိ ကြိမ်ချောင်းကျေးရွာ အနီးတွင် မြန်မာစစ်အစိုးရတပ်နှင့် ကရင်လက်နက် ကိုင်တပ်ဖွဲ့တို့ တိုက်ပွဲများ ဆက်လက်ဖြစ်ပွားနေသဖြင့် လုံခြုံရေးအရ ပိတ်လိုက်ခြင်း ဖြစ်နိုင်သည်ဟု ယင်းဒေသအခြေအနေကို စောင့် ကြည့်လေ့လာသူများက ပြောသည်။
No comments:
Post a Comment