KHONUMTHUNG NEWS
မြန်မာနိုင်ငံအနောက်ဖက် အိန္ဒိယ – မြန်မာ- ဘင်္ဂလားဒေ့ရ်ှနယ်စပ်ဒေသတွင် လှုပ်ရှားနေသည့် ရခိုင်တိုင်းရင်းသားလက် နက်ကိုင်တစုက ခရစ်ယာန်ဓမ္မဆရာဦးအောင်လောအား ၂၀၁၁ ခုနှစ်ဖေဖေါ်ဝါရီလဒုတိယပတ်က ပြန်ပေးဆွဲပြီး ကျပ်ငွေ သိန်း ၄၀ ဖြင့် ပြန်ရွေးခိုင်းခဲ့သည်ဟုသိရသည်။
ပြန်ပေးဆွဲ ခံရသည့် ဦးအောင်လောသည် ဧ၀င်ဂေလိ အသင်းမှ ချင်းပြည်နယ်ပလက်ဝမြို့နယ် ဒုချောင်းဝကျေးရွာ တွင်ဓမ္မအမှုထမ်းနေသူဖြစ်ပြီး ၄င်း၏နေအိမ်တွင် လာရောက်ဖမ်းဆီးခေါ်ဆောင်သွားခြင်းဖြစ်သည်ဟု ဒေသခံတဦးကဆို သည်။
“ဗိုလ်ကြီးအဆင့်ရှိတဲ့ စိုင်းမင်းစိုး နဲ့ အဖွဲ့ ၆ ဦးက ဆရာဦးအောင်လောကို ကျပ်ငွေ သိန်း ၄၀ နှင့် ရွေးရမယ်ဆိုပြီး လာ ခေါ်သွားကြတယ်”ဟု ဒေသခံတဦးက ပြောသည်။
အဆိုပါပြန်ပေးဆွဲမှုနဲ့ပတ်သက်ပြီး ဆရာဦးအောင်လောကို ကျပ်ငွေသိန်း ၄၀ ဖြင့် ပြန်လည်ရွေးထုတ်နိုင်ခြင်းရှိမရှိကိုမူ စုံစမ်း၍မရသေးပေ။
“ဦးအောင်လောကို ပြန်ရွေးနိုင်သလား၊ မရွေးနိုင်ဘူးလားဆိုတာ ခုထိကျနော်တို့မသိရသေးဘူး၊ ခုချိန်ထိ ရခိုင်လက် နက်ကိုင်အဖွဲ့တွေရဲ့ လက်ထဲမှာဘဲရှိသေးသလားဆိုတာ တိတိကျကျမသိနိုင်သေးဘူး”ဟု အိန္ဒိယ-မြန်မာနယ်စပ်ကို ရောက်ရှိလာသူဒေသခံတဦးကပြောသည်။
ဤနယ်မြေတွင်အဓိကအားဖြင့်ရခိုင်ပြည်လွတ်မြောက်ရေးတပ်မတော်လှုပ်ရှားလျက်ရှိကြောင်းနှင့် ဒေသခံများထံငွေကြေး ကောက်ခံမှု များလည်းရှိနေသည် ဟုဒေသခံများကပြောသည်။
” တဖက်က နအဖ၊ တဖက်က အေအယ်လ်ပီ အကြားမှာပြည်သူတွေဟာအမြဲတမ်းကြောက်နေရတယ်၊ ဘာသာရေး ဆရာ တွေကို ယခုလိုလုပ်တာဝမ်းနည်းဆရာပေါ့” ဟု ကျောင်းဆရာတဦးက ဆိုသည်။
ချင်းပြည်နယ်တောင်ပိုင်း နှင့် ရခိုင်ပြည်နယ်မြောက်ပိုင်းဒေသများတွင်အမည်မသိလက်နက်ကိုင်အဖွဲ့များ ပြန်ပေးဆွဲမှု၊လု ယက်မှု၊ လူသတ်မှုများဖြစ်လေ့ဖြစ်ထရှိသည့်အပြင် ၀ါးသုဉ်းမှုကြောင့် အစာရေစာငတ်ပြတ်သည့်ပြသာနာနှင့် ကြုံတွေ့နေ ကြသည်။
No comments:
Post a Comment