ဒေါက်တာ​နေဝင်း​မောင် ရုတ်တရက် ကွယ်လွန်

ပီတာအောင်

မြန် မာမီဒီယာ ​လောကနဲ့​ အန်ဂျီအို​ လောကမှာ ထင်ရှား​ လူသိ များ​တဲ့​ ​ဒေါက်တာ ​နေဝင်း​မောင် (ခ) ​အောင်ထွဋ် အသက် (၅၀) နှစ်ဟာ ပြီး​ခဲ့​တဲ့​ နှစ်သစ်ကူး​ ည သန်း​ခေါင်​ကျော် အချိန်က ရန်ကုန် ပြည်သူ့​ ဆေး​ရုံကြီး​မှာ နှလုံး​ ရောဂါနဲ့​ ရုတ်တရက် ကွယ်လွန် သွား​ခဲ့​ ပါတယ်။

ဒေါက်တာ ​နေဝင်း​မောင်နဲ့​ ရင်း​နှီး​တဲ့​ မိတ်​ဆွေ တဦး​ဖြစ်သူ ​ဆောင်း​ပါး​ရှင် ​ကျော်လင်း​ဦး​က “ည ၁၁ နာရီ​ လောက်က ​ဆေး​ရုံ တင် လိုက်တာ။ ​သွေး​ကြော ပိတ်​တော့​ မမီ​ တော့​ဘူး​ ဖြစ်သွား​ တာပါ။ heart attack ရသွား​တဲ့​ သ​ဘောပါ။ သူ့​ဘာ သာသူ ကား​မောင်း​ပြီး​ အ်ိမ်ပြန် လာရင်း​ ​အောင့်​တယ် ဆိုပြီး​ ​ဆေး​ရုံကို သူ့​ဘာ သာသူ သွား​တာ။ ​ဆေး​ရုံမှာ တင်လိုက်ပြီး​မှ ​နောက်မှ အိမ်က သိလို့​ ​နောက်က လိုက်သွား​တာ။ ဆုံး​တာက ရန်ကုန်​ ဆေး​ရုံကြီး​ မှာပါ။ စတက် တာက ဝီတိုရီယမှာ ​နောက်​တော့​ ​ဆေး​ရုံကြီး​ကို refer (လွှဲ​ပြောင်း​​) လုပ်တာ​ပေါ့​။”

ဒေါက်တာ​နေဝင်း​မောင်ဟာ The Voice Weekly ဂျာနယ်နှင့်​ Living Color မဂ္ဂဇင်း​တွေ ထုတ်​ဝေတဲ့​ Living Color Media ရဲ့​ CEO အမှု​ဆောင်အရာရှိချုပ်နဲ့​ Myanmar Egress အန်ဂျီအိုအဖွဲ့​ကို တည်​ထောင်ခဲ့​ပြီး​ အ​ထွေ​ထွေ အတွင်း​ရေး​မှူး​ အဖြစ် တာဝန်ယူထားသူ ဖြစ်ပါတယ်။

၁၉၆၂ ခုနှစ်မှာ ​မွေး​ဖွား​ခဲ့​ပြီး​ ၁၉၈၈ ခုနှစ်မှာ ​ဆေး​တက္ကသိုလ် ၁ ရန်ကုန်က​နေ M.B.,B.S ဘွဲ့​ရခဲ့​ပါတယ်။ ၂၀၀၄ ခုနှစ်မှာ အ​မေရိကန် ပြည်​ထောင်စု YALE တက္ကသိုလ်က​နေ နိုင်ငံ​ရေး​သိပ္ပံဘာသာ အထူး​ပြုဖြင့်​ Fellowship ပညာသင်ဆု ရရှိခဲ့​ပါတယ်။

ပြည်တွင်း​ စာနယ်ဇင်း​တွေမှာ မြန်မာ့​နိုင်ငံ​ရေး​ အ​ပြောင်း​အလဲနဲ့​ ပတ်သက်ပြီး​ ဒီမိုက​ရေစီ​ရေးရာနဲ့​ ဖွဲ့​စည်း​ပုံ​ရေး​ရာကိစ္စ​တွေမှာ ​အောင်ထွဋ်၊​ ​ကျော်စွာစတဲ့​ က​လောင်အမည်​တွေနဲ့​ ​ဆောင်း​ပါး​တွေ ​ရေး​သား​ခဲ့​သူဖြစ်ပြီး​ ၂၀၁၀ ​ရွေး​ကောက်ပွဲကိုလည်း​ ​ထောက်ခံ ​ရေးသားခဲ့သူ ဖြစ်ပါတယ်။ သူ​ရေး​သား​ခဲ့​တဲ့​ အ​ပြောင်း​အလဲအတွက် လူထုလိုသည် စာအုပ်ဟာ ထင်ရှား​ပါတယ်။ သူကွယ်လွန်သွား​တဲ့​ အ​ပေါ်မှာ လုပ်​ဖော်ကိုင်ဖက် တဦး​ဖြစ်တဲ့​ The Voice weekly ဂျာနယ်တာဝန်ခံ အယ်ဒီတာ ဦး​ဇေယျသူက ခုလို မှတ်ချက်​ပေး​ပါတယ်။

“ကြီး​မား​တဲ့​ ဆုံး​ရှုံး​မှု တရပ်ပါ။ ခုချိန်က ကျ​နော်တို့​နိုင်ငံက လုပ်စရာ​တွေ အများ​ကြီး​ ရှိ​နေ​သေး​တဲ့​ အချိန်​ပေါ့​။ သူလည်း​ ဒါ​တွေ လုပ်စရာကိုင်စရာ​တွေ အများ​ကြီး​ ရှိ​နေ​သေး​တဲ့​အချိန်မှာ သူ ​နေမ​ကောင်း​ဖြစ်တာ သူသိတယ်။ နှလုံး​ရောဂါအ​ခြေအ​နေ သိရဲ့​သား​နဲ့​ သူ့​ဟာသူ ကုဖို့​ကို အချိန်မ​ပေး​နိ်ုင်ဘူး​။ အခုကျမှ ဖြစ်တဲ့​အခါကျ​တော့​ ပထမဆုံး​ ဒီနှလုံး​ရောဂါနဲ့​တင် ဆုံး​သွား​တာ​ပေါ့​။ ကျ​နော်တို့​ အတွက်က​တော့​ အစား​ထိုး​မရတဲ့​ ဆုံး​ရှုံး​မှု တခုပါပဲ။ ဒါ​ပေမယ့်​ သူ့​ကို ကျ​နော်တို့​ တကယ်​လေး​စား​တယ်၊​ တကယ်ချစ်ခင်ရင်၊​ မြတ်နိုး​တယ်ဆိုရင် သူဖြစ်​စေချင်သလို ဆက်ပြီး​တော့​ ကြိုး​စား​သွား​ရမှာ​ပေါ့​။”

သူ မကွယ်လွန်ခင် ​နောက်ဆုံး​ အချိန်အထိ တိုင်း​ရင်း​သား​ လက်နက်ကိုင်​တွေနဲ့​ အစိုး​ရ​ အကြား​ ငြိမ်း​ချမ်း​ရေး​ ​ဆွေး​နွေး​ပွဲ​တွေမှာ ကြား​ဝင် ဆက်သွယ် ညှိနှိုင်း​ ​ဆောင်ရွက်​ပေး​နေသူ​ တဦး​လည်း​ ဖြစ်ပါတယ်။

ကွယ်လွန်ချိန်မှာ အသက် ၅၀ ရှိပြီဖြစ်ပြီး​ ဇနီး​ ဒေါ်ဝင်း​ကလျာ​ဆွေနဲ့​ သမီး​ ၄ ဦး​ ကျန်ရစ် ပါတယ်။ သူ့​ရဲ့​ ဈာပနကို ဇန်နဝါရီလ ၁ ရက်​နေ့​ မွန်း​လွဲပိုင်း​မှာ ​ရေ​ဝေး​ သုသာန်ကို ပို့​ဆောင် မီး​သင်္ဂြီုဟ် မယ်လို့​ သိရပါတယ်။