ကရင်နီ အမျိုးသား တိုးတက်ရေး ပါတီ KNPP နှင့် မြန်မာ အစိုးရ ငြိမ်းချမ်းရေး ဖော်ဆောင်ရေး အဖွဲ့တို့ လာမည့် မတ်လ ပထမ အပတ် တွင်တွေ့ ဆုံကြ မည်ဖြစ်ပြီး ထိုတွေ့ ဆုံပွဲ၌ အပစ်ခတ် ရပ်စဲရေး ကိစ္စကို အဓိ ကထား ဆွေးနွေး သွားမည် KNPP က ပြောသည်။“ကျနော်တို့ စစ်ရေး ကိစ္စကို အဓိ ကထား ပြေလည်အောင် ဆွေးနွေး မှာပါ၊ အစိုးရ ဘက်က အပစ် ရပ်ဖို့ လက်မှတ်ထိုး စေချင်တယ်၊ တ ခြား အဖွဲ့တွေ လက်မှတ် ထိုးခဲ့ သလိုပဲ ကျနော် တို့ကိုလည်း လက်မှတ် ထိုးဖို့ ယေဘုယျ သဘောဖြင့် ပြီးခဲ့တဲ့ တွေ့ဆုံ ပွဲမှာ ပြောထား တာ ရှိတယ်၊ ဒါပေမယ့် စစ်ကိစ္စ ပြေလည် မှပဲ လက်မှတ် ထိုးနိုင်ဖို့ အခြေ အနေ ရှိမှ လက်မှတ် ထိုးမှာပါ” ဟု ကရင်နီ အမျိုးသား တိုး တက် ရေးပါတီ အတွင်း ရေးမှူး ၁ ခူဦးရယ်က ပြောသည်။
KNPP အနေဖြင့် အပစ် ခတ်ရပ် စဲရေး အပြင် ပြည်တွင်းရှိ ဒုက္ခ ရောက်နေ ကြသည့် ကရင်နီ ပြည်သူများ ကိစ္စ၊ လယ်ယာမြေ သိမ်းခံ ရ ခြင်း ကိစ္စ၊ နယ်မြေ သတ်မှတ်ခြင်း၊ ကရင်နီ တပ်ဖွဲ့တို့၏ နေရာ ချထားမှု၊ လုပ်ကိုင် စားသောက် မှုနှင့် နေထိုင် သွားလာမှုကိစ္စ၊ ဆက်ဆံ ရေး ရုံးများ ဖွင့်လှစ် ထားမှု ကိစ္စ အစရှိ သည်တို့ ကိုလည်း အသေးစိတ် ဆွေးနွေး သွားမည်ဟု ခူဦး ရယ်က ပြောသည်။
၎င်းက “လယ်မြေသိမ်းတဲ့ကိစ္စလည်း ထပ်ဆွေးနွေးသွားမှာပါ၊ ပြီးခဲ့တဲ့အပတ်ကလည်း အခုလို နိုင်ငံရေး တွေ့ဆုံဆွေးနွေးမှုကာလမှာ က ရင်နီဒေသအတွင်းက လယ်ယာမြေသိမ်းဆည်းမှုတွေ စီမံကိန်းတွေကို ရပ်တန့်ထားပေးဖို့ တင်ပြထားတာရှိတယ်”
KNPP သည် တတိယအကြိမ်အနေဖြင့် မတ်လမထပအပတ်တွင် အစိုးရ ငြိမ်းချမ်းရေးကိုယ်စားလှယ်အဖွဲ့တို့နှင့် ကယားပြည်နယ်၊ လွိုင် ကော်မြို့တွင် တွေ့ဆုံကြမည်ဖြစ်သည်။
မတ်လ ၁ ရက်နေ့တွင် တွေ့ဆုံမည်ဟု ဝန်ကြီးဦးအောင်မင်းပြောဆိုခြင်းသည် နှစ်ဖက်ညှိနှိုင်းမှုမရှိပဲ တဘက်သတ် ပြောဆိုခြင်း ဖြစ် သည် ဟုလည်း ခူဦး ရယ်က ပြောသည်။
ဖေဖော်ဝါရီ ၆ ရက်နေ့တွင် ဦးအောင်မင်းဦးဆောင်သည့် အစိုးရ ငြိမ်းချမ်းရေးအဖွဲ့နှင့် ကရင်နီအမျိုးသားတိုးတက်ရေးပါတီ အတွင်း ရေးမှူး ၁ ခူဦး ရယ်ဦးဆောင်ပြီး ကာကွယ်ရေး စစ်ဦးစီးချုပ် ဗိုလ်ချုပ်ဘီထူး၊ အတွင်းရေးမှူး ၂ ဦးအောင်ဆန်းမြင့်နှင့် ဗဟိုကော်မတီဝင် ပလုရယ်တို့ ထိုင်းနိုင်ငံ ချင်းမိုင်မြို့တွင် ဒုတိယအကြိမ် တွေ့ဆုံခဲ့သည်။
ပထမအကြိမ်အဖြစ် ၂၀၁၁ ခုနှစ် နိုဝင်ဘာ ၂၉ ရက်နေ့တွင် ထိုင်းနိုင်ငံ မယ်ဆိုင်မြို့တွင် တွေ့ဆုံခဲ့ကြသည်။
ထိုတွေ့ဆုံပွဲတွင် နှစ်ဖက် အပစ်အခတ်ရပ်စဲရေး ဆွေးနွေးပွဲ ပြုလုပ်ရန်၊ အပြန်အလှန် ဆက်ဆံရေး အဖွဲ့ ထားရှိပြီး ဆက်သွယ်ရေးရုံး ဖွင့် လှစ်ထားရှိရန်၊ လက်နက် မပါဘဲ နယ်မြေ ဖြတ်ကျော်ခွင့်အပြင် ဗဟိုအစိုးရနှင့် ဆွေးနွေးရန်၊ အချိန်နှင့် တွေ့ဆုံမည့် နေရာ သတ်မှတ်ရန် စသည့်အချက်များ အစိုးရကိုယ်စားလှယ်ဘက်က တင်ပြဆွေးနွေးခဲ့ကြသည်။
KNPP နှင့် အစိုးရတို့ကြား အပစ်ခတ်ရပ်စဲရေးနှင့် ပတ်သက်ပြီး နဝတ၊ နအဖ အစိုးရတို့ လက်ထက်ကပင် တွေ့ဆုံဆွေးနွေးမှုများ အကြိမ် ကြိမ် ပြုလုပ်ခဲ့သော်လည်း အောင်မြင်မှုမရှိခဲ့ပဲ တိုက်ပွဲများ ဆက်လက်ဖြစ်ပွားနေခဲ့သည်မှာ ယနေ့ထိပင်ဖြစ်သည်။
No comments:
Post a Comment