ထိုင်း မြန်မာ နယ်စပ်၊ ဘုရား သုံးဆူမြို့ နယ်ခွဲ အမျိုးသား ဒီမိုကရေစီ အဖွဲ့ချုပ် NLD ဆိုင်းဘုတ်တင် ရုံးဖွင့်ပွဲ အခမ်း အနားကို ဖေဖော်ဝါရီလ ၂၆ ရက်နေ့ နံနက် ၈ နာရီ တိတိတွင် ကျင်းပ ခဲ့သည်။ဘုရားသုံး ဆူမြို့၊ NLD ရုံး စိုက်ရာ အမှတ် (၃) ရပ်ကွက်ရှိ ဘုရင့်နောင် လမ်းမကြီး မျက်နှာ စာတွင် အခမ်း အနား ကျင်းပ ခဲ့ခြင်း ဖြစ် သည်။
“မနက်စော ဘုန်းတော်ကြီးဆွမ်းကပ်တယ်၊ ၈ နာရီမှာအခမ်းအနားစပါတယ်၊ ပြည်နယ်နဲ့ရန်ကုန်ရုံးချုပ်က သဝဏ်လွှာတွေကို ဖတ်ကြား တယ်” ဟု NLD ဆက်ဆံရေးတာဝန်ခံ ဦးထိန်လင်းက ပြောသည်။
အမျိုးသားဒီမိုကရေစီအဖွဲ့ချုပ်နာယက ဦးတင်ဦးပေးပို့ခဲ့သော သဝဏ်လွှာကို ဘုရားသုံးဆူမြို့နယ်ခွဲ ဒုဥက္ကဌဦးမင်းလွင်က အခမ်း အနား တွင်ဖတ်ကြားခဲ့သည်။
ထို့အပြင် နံရပ်ကပ်ပန်းချီ၊ ကာတွန်း၊ ကဗျာများကိုလည်း သတင်းပြန်ကြားရေးသင်ပုန်းတွင် ဖေါ်ပြထားသဖြင့် အားပေးသူများပြားပြီး ဒေ သခံ ၅၀၀ နီးပါးခန့်တက်ရောက်ကြကြောင်း သိရသည်။
“လောလောဆယ် ဘုရားသုံးဆူမှာ NLD အဖွဲ့ဝင် ၂၅၀ ကျော် လျှောက်လွှာတင်ပြီးသွားပါပြီ၊ နောက်ထပ် ဝင်လာမယ့် သူတွေလည်း ရှိနေ ပါတယ်၊ ကျနော်တို့က အမြဲတမ်းလက်ကမ်းကြိုဆိုနေပါတယ်” ဟု ဦးထိန်လင်းက ပြောသည်။
အခမ်းအနားတွင် NLD အထိမ်းအမှတ်တီရှပ်များ၊ စာစောင်များ၊ ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်ပုံ ပိုစတာများ ရောင်းချ နေသည်ကိုတွေ့ရှိရသည်။
“ကျနော်တို့ ဘုရားသုံးဆူမြို့ဟာ နယ်စပ်မြို့ဖြစ်တဲ့အတွက် ပြည်တွင်းနဲ့လမ်းပန်းဆက်သွယ်ရေးခက်ခဲပေမယ့် ဒေါ်အောင်ဆန်း စုကြည် ဦးဆောင်တဲ့ အမျိုးသားဒီမိုကရေစီအဖွဲ့ကို ဒီကနေ့မှာ အောင်မြင်စွာဖွဲ့စည်းနိုင်ခဲ့လို့ အင်မတန်ထူးခြားတဲ့နေတစ်နေ့ပဲလို့ဆိုချင်ပါတယ်” ဟု NLD ဘုရားသုံးဆူမြို့နယ်ခွဲယာယီဥက္ကဌ ဦးသန်းလွင်က အဖွင့်မိန့်ခွန်းတွင် ပြောကြားခဲ့သည်။
ဘုရားသုံးဆူမြို့နယ်ခွဲ NLD အလုပ်အမှုဆောင်အဖွဲ့(ယာယီ)တွင် ဦးသန်းလွင်(ဥက္ကဌ)၊ ဦးမင်းလွင်(ဒုဥက္ကဌ) ဦးမိုးဦး (အတွင်းရေးမှူး) တို့ အပါ အဝင် အလုပ် အမှုဆောင်(၂၃)ဦးဖြင့် ၂၀၁၂ ခုနှစ်၊ ဇန်နဝါရီလ ၃၀ ရက်နေ့တွင် စတင်ဖွဲ့စည်းခဲ့သည်။
No comments:
Post a Comment