ရဟတ်ယာဉ် ၂ စင်းက ယခု မြန်မာ့တပ်မတော် နယ်ခြားစောင့်တပ် တပ်ရင်း အမှတ် ၁၀၀၁ အခြေစိုက်ထားသော (ယခင် ကချင် ဒီမိုက ရေစီသစ် တပ်မတော် (NDA-K) ဌာနချုပ်) ပန်ဝါမြို့ကို ၀ိုင်းထားသည့် KIA တပ်ဖွဲ့များကို တိုက်ခိုက်ခဲ့သည်ဟု KIA အရာ ရှိများ ဆိုသည်။
တချိန်ထဲမှာ ကျန် ရဟတ်ယာဉ် (၆) စင်းက ၀ိုင်းမော်မြို့နယ် ကန်ပိုင်တီလမ်း ဆဒုံမြို့နယ်ခွဲရှိ KIA တပ်ရင်း ၃ အောက်ပန်ဆဲစခန်းအပါဝင် အခြားအမာခံစခန်းများကို တိုက်ခိုက်ခဲ့သည်ဟု တပ်ရင်း ၃ အရာ ရှိများ ကချင်သတင်းဌာနသို့ အတည်ပြုသည်။
မြန်မာ့တပ်မတော် စစ် ရဟတ်ယာဉ်များ ယခုလို KIA ပစ်မှတ်များကို တိုက်ခိုက်ပြီးနောက် မြစ်ကြီးနားမြို့ မြောက်ပိုင်းတိုင်းစစ်ဌာနချုပ် (မ ပခ)ဘက်သို့ ပြန်လှည့်သွားကြသည်ဟု မျက်မြင်များဆိုသည်။
ဧပြီ ၂၆ ရက်မှစပြီး ကန်ပိုင်တီနှင့် ပန်ဝါ တရုတ်နယ်စပ်လမ်းဘက်တွင် အစိုးရနှင့် KIA ကြား တိုက်ပွဲများ ပြင်းထန်လာသည်။ ယနေ့ထိ နှစ် ဖက်တပ်ကြား ချီဖွေနှင့် ပန်ဝါကြား တိုက်ပွဲများဖြစ်နေသည်မှာ ၄ ရက် ရှိနေပြီဖြစ်သည်။
No comments:
Post a Comment