၎င်းတို့မှာ တိုင်းရင်းသားလက်နက်ကိုင်အဖွဲ့အစည်းများ၌ ခေါင်းဆောင်နေသူ ရွှေတြိဂံဒေသ လက်နက်ကိုင်အဖွဲ့တခု၏ခေါင်းဆောင် စိုင်းနော်ခမ်း၊ ရှမ်းပြည်နယ် ပြည်သူ့စစ်အဖွဲ့တစ်ခု၏ ခေါင်းဆောင် ဦး ယိဆေးနှင့် DKBA တပ်ဖွဲ့ စစ်ဦးစီးချုပ်ဗိုလ်ချုပ်နှုတ်ခမ်းမွေး(ခေါ်) စောလား ပွယ် ဖြစ်ကြောင်း ထိုင်းအစိုးရမူးယစ်တိုက်ဖျက်နှိမ်နင်းရေးဘုတ်အဖွဲ့ ONCB ၏ အင်တာ နက် သတင်းစာမျက်နှာတွင် ဖေါ်ပြ ထား လျှက် ရှိသည်။
“ကျနော်တို့ခေါင်းဆောင်ဟာ ဗုဒ္ဓဘာသာပီပီ မြိုင်ကြီးငူ ဆရာ တော်ရဲ့ အဆုံး အမကို နာခံသူ ဖြစ်တယ်၊ မူးယစ် ဆေးဝါးနဲ့ ကျနော်တို့ရဲ့ခေါင်းဆောင် လုံးဝပတ်သက်မှုမရှိခဲ့ပါဘူး၊ ဒီကိစ္စနဲ့ပတ်သက်ပြီး ကျနော်တို့ကြိုးစား ဖြေရှင်းသွားမယ်” ဟု အမည်ဖေါ်ပြခွင့်မရှိသော ဒီကေဘီအေ အရာရှိတစ်ဦးက ပြောသည်။
ဗိုလ်ချုပ်နှုတ်ခမ်းမွေးနှင့် ဦးယိဆေးတို့ကို ထိုင်းဘတ်ငွေတစ်သန်းစီ၊ စိုင်းနော်ခမ်းကိုထိုင်း ဘတ် ငွေနှစ်သန်း ထိုင်းအစိုးရက အလိုရှိဆုံးသူများအဖြစ်သတ်မှတ်ပြီး ဖမ်းဆီး မိရေး အတွက် ဆုတော်ငွေ ထုတ် ပြန်ထားခြင်း ဖြစ်သည်။
“ကျနော်တို့အစိုးရလက်ခံရရှိထားပြီးဖြစ်တဲ့ ခိုင်လုံတဲ့သတင်းအရင်းအမြစ်ကို အခြေခံပြီးမှ ခုလိုသတင်း ထုတ်ပြန်လိုက်တာပါ၊ ဒီကေဘီ အေနဲ့ပတ်သက်ပြီး ကျနော်တို့မှာ အထောက်အထားရှိပါတယ်၊ သူတို့မူးယစ်ဆေးထုတ်လုပ်နေတဲ့နေရာတွေကိုတော့ ပြောပြခွင့်မရှိ သေးပါ ဘူး” ဟု အမည်မဖေါ်လိုသော မဲဆောက်အခြေစိုက် ထိုင်း အစိုးရ မူးယစ် တိုက်ဖျက် နှိမ်နင်းရေး အဖွဲ့ဝင် တစ်ဦးက ပြောသည်။
လွန်ခဲ့သော ၂၀၀၃ ခုနှစ်တွင် ထိုင်းနိုင်ငံမှဖမ်းဆီးရမိခဲ့သော မူးယစ်ဆေးဝါး ၉ ဒဿမ ၄ သန်းကိစ္စနဲ့ပတ်သက်ပြီး ဗိုလ်ချုပ် စောလား ပွယ်နှင့် ပတ်သက်မှု ရှိခဲ့သည်ဟု ထိုင်းတို့က စွပ်စွဲထား ခဲ့ကြောင်း ဒီကေဘီ အေအရာရှိတစ်ဦးပြောကြားချက်ကို ယနေ့နံနက် ဘီဘီစီ မြန်မာပိုင်း အစီ အစဉ်တွင် သတင်း ထုတ်လွှင့် ခဲ့သည်။
ထိုင်းအစိုးရမူးယစ်တိုက်ဖျက်နှိမ်နင်းရေးဘုတ်အဖွဲ့ ONCB ဧပြီလ ၂၀ ရက်နေ့ ကြေညာချက်၌ မူးယစ်ဆေးကုန်ကူးမှုနှင့်ပတ်သက်၍ အ မြန်ဆုံးဖမ်းမိရန်အလိုရှိနေသူ ၂၅ ဦးကို နာမည်ဓါတ်ပုံနှင့်တကွ စုစု ပေါင်းဘတ်ငွေ ၁၂ သန်းဆုတော်ငွေထုတ်ပြန်ထားရာတွင် အထက်ပါ မြန်မာ နိုင်ငံသား ၃ ဦး ပါဝင် နေသည်။
No comments:
Post a Comment