“ဟုတ်တယ်။ လောဝ်အာဏာ ပိုင်တို့က မနေ့က စိုင်းနော်ခမ်းနဲ့ အဖွဲ့ဝင် တချို့ကို လောဝ်နိုင်ငံ မော်ကျောဝ် ဘက်မှာ တကယ်ဖမ်း မိပြီလို့ကြားတယ်။ ဒီသတင်းက မှန်ပါတယ်” - ဟု ဒုတိယ ဗိုလ်ချုပ်ကြီး ယွက်စစ်က ပြောပါသည်။
ထိုင်းနိုင်ငံ ဒုတိယဝန်ကြီးချုပ် ချလိန်ယူဘံရုန်းမှ မူးယစ်ရာဇာ၂၅ ဦးဖမ်းဆီးရမိရေးအတွက် ဆုတော်ငွေ ဘတ် ၁၂ သန်း ပေးမည်ဟု ထုတ် ပြန်ထားပြီး တပတ်မပြည့်မှီ ဘတ်ငွေ နှစ်သန်းဖြင့် ကြေညာခံ ထား ရသည့် စိုင်းနော်ခမ်းအား ပထမ ဦးဆုံး လူအဖြစ် ဖမ်းဆီး ရမိ ခြင်းဖြစ်သည်။
စိုင်းနော်ခမ်းအား လောဝ်နိုင်ငံ ဘော်ကျောဝ်ခရိုင် တွန့်ဖင့်မြို့နယ် ဘန့်မွမ်းရွာရှိ ဇနီးတဦး၏နေအိမ်၌ဖမ်းဆီးရသည်ဟုဆိုသည်။
“စိုင်းနော်ခမ်း အပါဝင် လူ ၈ ဦးကို တရုတ်ရဲ နဲ့ လောဝ်အာဏာပိုင်တို့ ပူးပေါင်းပြီးသွားဖမ်းတာ။ ၂၅ ရက်နေ့ည တုန်းကပေါ့။ စိုင်းနော်ခမ်း နောက်ကို ၂၀၁၁ အောက်တိုဘာလက တရုတ်အမျိုးသား ၁၃ ဦး အသတ်ခံရပြီး ကတည်းက တရုတ်ရဲ တပ်ဖွဲ့တွေ သူ့ကို ၆လ ကျော်ကြာ နောက်ယောင်ခံလိုက်နေလို့ အခုလိုဖမ်းမိတာ။ ထိုင်းဘက်က အလိုရှိနေသလို တရုတ် နဲ့ ဗမာ တို့လဲ သူ့ကို အလိုရှိ နေတာ လေ” - ဟု သျှမ်းပြည် မူးယစ် ဆေးဝါး စောင့်ကြည့် လေ့လာ ရေး အဖွဲ့ ခေါင်းဆောင် ဦးခွန်စိုင်းကပြော ပါသည်။
ထို့အတူ ပြီးခဲ့သည့် ဧပြီ ၂၃ ရက် နေ့က တာချီလိတ်ခရိုင်အတွင်း အခြေချလှုပ်ရှားသည့် စိုင်းနော်ခမ်း၏တပည့် အိုက်ထွန်းဆိုသူ ဦးဆောင် ၍ လူ ၈ ယောက်က သေနတ်မျိုးစုံ ၅ လက် နှင့်အတူ မြန်မာ အစိုး ရစစ်တပ်ထံ လက်နက်ချခဲ့ သည်ဟု ၂၆ ရက်နေ့ထုတ်အစိုးရပိုင်မြန်မာ့ အလင်းသတင်းစာ ကရေးသားပါသည်။
သျှမ်းပြည်တပ်မတော်ခေါင်းဆောင် ဒုတိယ ဗိုလ်ချုပ်ကြီးယွက်စစ်ကတော့ တြိဂံဒေသတွင် စိုင်းနော်ခမ်းခေတ် မရောက် မှီ ၁၉၆၇ကတည်း က ခွန်ဆာဦးဆောင်သည့် လက်နက်ကိုင်တပ်ဖွဲ့နှင့် တရုတ်ဖြူ တပ်ဖွဲ့ခေါ် ကူမင်တန် KMT တို့ကြား ကမ္ဘာကျော် ဘိန်းစစ်ပွဲ ဖြစ်ပွားခဲ့ ကြောင်း၊ ယနေ့ခေတ် စိုင်းနော်ခမ်းတယောက်မရှိတော့သော်လည်း တရားဥပဒေစိုးမိုး ရေးအတွက် လူထုအပါအဝင် အဘက်ဘက် မှ ဝိုင်းဝန်းပံ့ပိုးပေးဖို့ရန်လိုအပ်ကြောင်း၊ RCSS/SSA အနေဖြင့် မည်သည့် အဖွဲ့အစည်းနှင့်မဆို တာဝန်ကျရာ လက်တွဲ ဖေါ်ဆောင်ရန် ဆန္ဒ ရှိကြောင်း သျှမ်းသံတော်ဆင့် သို့ပြော ပါသည်။
အသက် ၄၃ နှစ်ရှိသည့် စိုင်းနော်ခမ်းသည် ဆဲန့်ဝီစန်း ခေါ် မိုင်းရယ်မြို့ စော်ဘွားမျိုးဆက်တဦးဖြစ်သည်ဟုဆို၏။
စိုင်းနော်ခမ်းသည် မတရားငွေကြေးဖြင့် ကြီးပွားချမ်းသာသည့်ပုဂ္ဂိုလ်များ၊ အဖွဲ့အစည်းများထံ အခွန်ဖြင့်လည်းကောင်း၊ အဓမ္မသိမ်းပိုက် ခြင်းဖြင့်လည်းကောင်း ပိုက်ဆံများရယူကာ မရှိဆင်းရဲသားများအား ကူညီထောက်ပံ့လေ့ရှိသည်ဟု နာမည်ကြီးသူတဦးဖြစ် သည်။
ထို့ကြောင့်တြိဂံဒေသကျေးလက်လူထုက စိုင်းနော်ခမ်းအား သျှမ်းရော်ဘင်ဟွတ်အဖြစ်လေးစားချစ်ခင်ကြကြောင်း၊ လောဝ် (လာအို)အာ ဏာပိုင်များ ဖမ်းဆီးသွားစဉ် စိုင်းနော်ခမ်းအားမဖမ်းဆီးရန် ဒေသခံ ရွာသားများက ဆန္ဒပြတောင်းဆိုကြသေးကြောင်း ဦးခွန်စိုင်း ကပြော ပါသည်။
No comments:
Post a Comment