မင်းသုတ
ထိုင်း-မြန်မာနယ်စပ်မြို့၊ ဘုရားသုံးဆူမြို့၌ အမည်မသိလက်နက်ကိုင်အုပ်စုတစ်ခုက ရာဘာခြံစောင့်နှစ်ဦးအား ယနေ့ညနေပိုင်းတွင် ပြန် ပေးဖမ်းဆီးခေါ်ဆောင်ခဲ့သည်။ လက်နက်ကိုင် ၁၀ ဦးခန့် ပါဝင်သော ၄င်းပြန်ပေးအဖွဲ့သည် ဘုရားသုံးဆူမြို့၊ အမှတ်(၃) ရပ်ကွက်နှင့် ထားဝယ်စုအနီးပတ်ဝန်းကျင်ရှိ နိုင်ထွန်းတင်၏ ရာဘာခြံသို့ဝင်ရောက်လာပြီး ခြံစောင့် ကိုသားပုနှင့် ကိုသီဟတို့ကို ဖမ်းဆီး ခေါ်ဆောင် ခဲ့ ခြင်းဖြစ်သည်။
“ပြန်ပေးငွေဘယ်လောက်တောင်းထားတာ ကျနော်တို့မသိရဘူး၊ အဲဒီပြန်ပေးအဖွဲ့ကို ကျနော်တို့တပ်ဖွဲ့တွေ ခြေရာခံလိုက်နေပြီ” ဟု ဘု ရား သုံးဆူဒေသရှိ မွန်ပြည်သစ်ပါတီ အရာရှိတစ်ဦးက ပြောသည်။
ဘုရားသုံးဆူမြို့၊ မွန်ပြည်သစ်ပါတီလှုပ်ရှားရာနယ်မြေနှင့် နီးစပ်သောဧရိယာတွင် ပြန်ပေးအမှုဖြစ်ပေါ်ခဲ့သဖြင့် ဒေသခံ မွန်ပြည်သစ် ပါတီ တပ်ဖွဲ့များ အပူ တပြင်း လိုက်လံ ရှာဖွေ နေသည်။
ယခုလ မေလ(၈) ရက်နေ့တွင်လည်း နိုင်ထွန်းဦးစီးသောပြန်ပေးအဖွဲ့ ဘုရားသုံးဆူမြို့၊ ရပ်ကွက်(၂)တွင် အရပ်သား ၄ ဦးအား ပြန်ပေး ဆွဲ ပြီး ငွေဘတ် ၅ သိန်းဖြင့် ရွေးချယ်ရန် တောင်းခံ ခဲ့သည်။
“အခုတလောနေ့တိုင်းလိုလိုပဲ အဲဒီပြန်ပေးအဖွဲ့က ကျနော်တို့အုပ်ချုပ်ရေးအကြီးအကဲတွေဆီ ဖုန်းဆက်ပြီးငွေတောင်းနေတယ်၊ ဘယ်အ ချိန် ပြန်ပေး ဖြစ်တော့ မှာကို စိုးရိမ် နေရ တာပါပဲ” ဟု ရပ်ကွက်(၃) အုပ်ချုပ် ရေးမှူး ဦးအေးကိုက ပြောသည်။
ဘုရားသုံးဆူဒေသနှင့်အနီးတဝိုက်တွင် မြန်မာစစ်တပ်၊ ရဲ၊ ဌာနေပြည်သူ့စစ်အပြင် နယ်ခြားစောင့်တပ်ရင်း ၂ ရင်း၊ ကရင် ငြိမ်းချမ်းရေး ကောင်စီ အဖွဲ့၊ KNU နှင့် မွန်ပြည်သစ် လှုပ်ရှားရာ နယ်မြေ ဖြစ်သည်။
ဘုရားသုံးဆူမြို့ပေါ်၌ ယခုနှစ် ဖေဖေါ်ဝါရီလတွင်တစ်ကြိမ်၊ ယခုမေလတွင် နှစ်ကြိမ် ပြန်ပေးဆွဲမှုများဖြစ်ပေါ်ခဲ့သည်။
No comments:
Post a Comment