အစိုးရ ထုတ်ပြန်တဲ့ စာရင်းအရ စစ်တွေမြို့မှာ ပေါ်ပေါက်ခဲ့တဲ့ ဆူပူ အကြမ်းဖက်မူကြောင့် အိမ်ခြေပေါင်း ၂၅၀၀ ကျော် မီးရှိုဖျက်ဆီး ခံခဲ့ ရပြီး တော့ ဘုန်းကြီးကျောင်း ၉ ကျောင်း၊ ဗလီ ၇ လုံး၊ စာသင်ကျောင်းတစ်ကျောင်းလည်း မီးရှို့ရာမှာ ပါဝင်ခဲ့တယ်လို့ ဆိုပါတယ်။ လူ ပေါင်း ၅၀၀၀၀ ကျော် ခန့်ဟာ အိုးအိမ်တွေကို စွန့်ခွာထွက်ပြေးခဲ့ရပြီး လူပေါင်း ၆၂ ဦး သေဆုံးကာ ဒဏ်ရာရသူ ရာဂဏန်း ထိ ရှိတယ် လို့ ဆိုပါ တယ်။
ရခိုင်ပြည်နယ်ရဲ့ သမိုင်းမှာ ၁၉၄၂ ခုနှစ် ဖြစ်ပေါ်ခဲ့တဲ့ ကုလား- ရခိုင် အဓိဂရုဏ်း ဖြစ်ပြီးနောက် ပိုင်းမှာ ဒီအဓိဂရုဏ်းဟာ အကြီးမားဆုံး အဓိ ဂရုဏ်း တစ်ခုဘဲ ဖြစ်ပါတယ်။ ဒီလို ကြောက်မက်ဖွယ်ရာ ကောင်းတဲ့ ဆူပူ အကြမ်းဖက်မူဟာ ခုအချိန် ကာလမှာ ဘာအတွက် ပေါ် ပေါက် လာရတာပါလဲ။ အထူးသဖြင့် မြန်မာနိုင်ငံ ဒီမိုကရေစီ အသွင် ကူးပြောင်းရေး ကာလမှာ ဘာအတွက် ဒီလောက် အရုပ်ဆိုး အ ကျည်း တန်တဲ့ ဆူပူမူဟာ ရခိုင်ပြည်နယ် အတွင်းမှာ ဖြစ်ပေါ် လာခဲ့ ရတာပါလဲ။
ဒါ့အပြင် မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ ဥရောပ ၄ နိုင်ငံ ခရီးစဉ်နဲ့ အချိန် ကိုက်ပြီး ဒီဆူပူမူက တိုက်ဆိုင် နေရ တာ ဘာကြောင့်ပါလဲ။ ဒီ ဆူပူ အကြမ်းဖက်မူဟာ အမှန်တကယ် သွေးရိုးသားရိုး ပေါ်ပေါက်လာခဲ့တာလား၊ သို့မဟုတ် နောက် ကွယ်မှာမ မြင်နိုင်တဲ့ လုပ်ကြံ ဖန်တီးမူတွေ ရှိနေသလား၊ ဒီလို ဆူပူမူတွေ ဖြစ်အောင် နောက်ကွယ်က ဖန်တီး လုပ်ဆောင်ခဲ့တဲ့လူပု ဂ္ဂိုလ် တွေ၊ အဖွဲ့အစည်းတွေ ရှိနေသလား စသဖြင့် စသဖြင့် ရခိုင် ဆူပူ အကြမ်းဖက်မူနဲ့ ပတ်သက်ပြီးကေ မေးခွန်းတွေ အများကြီး ထွက်ပေါ် နေပါ တယ်။
ဒီဖြစ်ပေါ်ခဲ့တဲ့ ဆူပူအကြမ်းဖက်မူနဲ့ ပတ်သက်ပြီးလည်း အများပြည်သူကြားမှာ သံသယတွေ ၀င်နေတာတွေလည်း ရှိနေပါတယ်။ ၂၀၀၇ ခုနှစ် ရွှေဝါရောင် တော်လှန်ရေးမှာ ဘုရားသားတော် ရဟန်းတော်တွေကိုတောင် အကြမ်းဖက် ပစ်ခတ်နှိမ်နှင်း သတ်ဖြတ်ခဲ့တဲ့ မြန်မာ စစ် တပ်ဟာ အခု အရေးခင်းမှာ ရေငုံနှုတ်ပိတ် နေခဲ့ပြီး တစ်စုံတစ်ရာ မပါဝင်ခဲ့တာ ဘာအတွက်ကြောင့်လဲ ဆိုပြီးတော့ လည်း လူတွေက မေး ခွန်းထုတ် နေကြပါတယ်။
မောင်တောမြို့နဲ့ စစ်တွေမြို့မှာ ပေါ်ပေါက်ခဲ့တဲ့ ဆူပူအကြမ်းဖက်မူ ဖြစ်စဉ်တွေကို ပြန်လည် လေ့လာ သုံးသပ် ကြည့်ရင်လည်း အာဏာ ပိုင် တွေဘက်က ကိုင်တွယ်ပုံဟာ အများကြီး လိုအပ်တယ် လို့ ပြောဆိုမူတွေလည်း ထွက်ပေါ် နေပါတယ်။ အာဏာပိုင်တွေက လိုလို လားလားနဲ့ တားဆီးခဲ့မယ် ဆိုရင် ဒီလောက်ထိ ကြီးမားတဲ့ အပျက်အစီးများတဲ့ ဆူပူအကြမ်းဖက်မူဟာ ပေါ်ပေါက်လာစရာ မရှိဘူးလို့ လည်း အများ ပြည် သူတွေက မြင်နေကြပါတယ်။
ဇွန်လ ၈ ရက်နေ့က မောင်တောမြို့ ပေါ်က ဗိုလ်မှူးရွာကို အကြမ်းဖက် ဆူပူသူတွေက မီးရှို့တဲ့ အချိန် မှာလည်း နစကတပ်ဖွဲ့တွေအပါ အ၀င် လက်နက်ကိုင် လုံခြုံရေး တပ်ဖွဲ့ဝင်တွေရဲ့ ရှေ့မှာ မီးရှို့ခဲ့တာဖြစ်ပါတယ်။ ဒါပေမယ့် လုံခြုံရေး တပ်ဖွဲ့ဝင်တွေက တစ်စုံတစ်ရာဝင် ရောက် ဟန့်တားတာ၊ ခြောက်လှန့် ပစ်ခတ်တာတွေ လုံးဝမရှိခဲ့ဘူးလို့ ဒေသခံတွေက ပြောပါတယ်။ အာဏာပိုင်တွေက ဘာမှဝင် ရောက် ဟန့်တားတာ မရှိတဲ့ အတွက် ဒေသခံ ရခိုင်တွေဟာ သူတို့ အိမ်တွေ မီးရှို့ခံရတာကို ဒီအတိုင်း လက်ပိုက်ပြီး ကြည့်နေ ခဲ့ကြရ ပါတယ်။
ခုလို အာဏာပိုင်တွေရဲ့ ပြုမူ ဆောင်ရွက်ခဲ့ပုံတွေကြောင့် အခုရခိုင်မှာ ဖြစ်ပေါ်ခဲ့တဲ့ ဆူပူအကြမ်း ဖက် မူနဲ့ ပတ်သက်ပြီးတော့ နိုင်ငံရေး ပါတီ တွေက ခေါင်းဆောင်တွေသာမက ပြည်သူတွေ အကြားမှာ လည်း အမျိုးမျိုးသော ဝေဖန် ပြောဆိုမူတွေ ထွက်ပေါ်နေပါတယ်။ ဒါ့ အပြင် ဒီ လောက်ကြီးကျယ်တဲ့ မင်းမဲ့ စရိုက်ဆန်တဲ့ ပြဿနာ ပေါ်ပေါက်လာခဲ့ရတဲ့ အဖြစ်မှန်နဲ့ ပတ်သက်ပြီးတော့လည်း မြန်မာလူထု ကြီးက သိလို နေကြပါတယ်။
ဒီအတွက် တောင်ကုတ် ဖြစ်စဉ်ထက် ပိုမိုကြီးမား ကျယ်ပြန့်တဲ့ ရခိုင်မှာ ဖြစ်ပေါ်ခဲ့တဲ့ ဆူပူအကြမ်း ဖက်မူ ဖြစ်စဉ်တွေကို အစိုးရကရော၊ သက် ဆိုင်ရာ နိုင်ငံရေး ပါတီတွေကပါ လွတ်လပ်တဲ့ စုံစမ်း စစ်ဆေးရေး ကော်မရှင်ဖွဲ့ပြီး စုံစမ်းစစ်ဆေးဖို့ လိုအပ်ပါတယ်။ အစိုးရအနေနဲ့ စုံစမ်း စစ်ဆေးရေး ကော်မီတီကို ဖွဲ့စည်း စစ်ဆေးဖို့ ပျက်ကွက်တယ်ဆိုရင် ပြည်တွင်းက ရခိုင်နိုင်ငံရေး ပါတီတွေ အပါအ၀င် အမျိုး သားဒီမိုက ရေစီ အဖွဲ့ချုပ်နဲ့တခြားတိုင်းရင်းသား ပါတီတွေက ဦးဆောင် ဦးရွက်ပြုပြီးတော့ လွတ်လပ်တဲ့ စုံစမ်း စစ်ဆေးရေး ကော်မရှင် ကို ဖွဲ့ပြီး မင်းမဲ့ စရိုက်ဆန်တဲ့ ဒီဆူပူ အကြမ်းဖက်မှုကို စုံစမ်း ဖေါ်ထုတ်ဖို့ လိုပါတယ်။
အခုလို စုံစမ်း စစ်ဆေးရေး ကော်မရှင် ဖွဲ့စည်းပီး စုံစမ်း ဖေါ်ထုတ်ခြင်းအားဖြင့် ဆူပူအကြမ်းဖက်မူ ဖြစ်ပွားရခြင်းရဲ့ အဖြစ်မှန်ကို ပြည်သူ တွေ သိရှိနိုင်မှာ ဖြစ်သလို နောက်နောက် ဒီလို အဖြစ်ဆိုးတွေ မပေါ်ပေါက်နိုင်အောင်လည်း ရရှိလာတဲ့ စုံစမ်း စစ်ဆေးချက်တွေကို သုံး သပ်ပြင်ဆင် ကာ ကြိုတင် ကာကွယ် တားဆီးနိုင်မှာ ဖြစ်ပါတယ်။ ဒီအတွက်ကြောင့် လက်ရှိ ရခိုင်ပြည်နယ် အတွင်း မှာ ဖြစ်ပေါ် ခဲ့တဲ့ ဆူ ပူအကြမ်း ဖက်မူနဲ့ ပတ်သက်ပြီး စစ်ဆေး ဖေါ်ထုတ်ဖို့ လွတ်လပ်တဲ့ စုံစမ်း စစ်ဆေးရေး ကော်မရှင်တစ်ခုကို အမြန်ဆုံး ဖွဲ့စည်းဖို့ လို အပ် တယ်လို့ နိရဉ္စရာက ယူဆပါတယ်။
No comments:
Post a Comment