ပန်ဆိုင်းမြို့မှ မုန်းကိုးဘက်သို့ ခြေကျင်ဖြင့် ချီတက်လာသော အင်အား ၆၀ ခန့်ရှိ မြန်မာအစိုးရ စစ်တပ်ဖွဲ့အား ၎င်းကားလမ်းပေါ်ရှိ ဖိုင်း ကောင်း ကျေးရွာအနီး ခကျန်ချောင်း (Hka Chyawng Hka)တွင် ဇွန် ၂၆ ယမန်နေ့ ၉ နာရီတွင် ကချင်လွတ်မြောက်ရေးတပ်ဖွဲ့(KIA)မှ ခြုံခိုတိုက်ခိုက်ခဲ့ရာ နှစ်ဖက်ကြား တစ်နာရီကြာတိုက်ပွဲဖြစ် ပွားခဲ့ပြီး အစိုးရဘက်မှ ၂ ဦးကျဆုံးပြီး ၆ ဦးဒဏ်ရာရရှိခဲ့သည်ဟု သိရသည်။
ထိုသိုိ့တိုက်ပွဲဖြစ်ပွားပြီးနောက် အစိုးရစစ်တပ်ဖွဲ့များသည် တိုက်ပွဲဖြစ်ပွားရာအနီးရှိ ပြောင်းခင်းမှ တရုတ်အမျိုးသား ယန်ဆီရှန်းအား ၀င် ရောက် စစ်ဆေးပြီး ပစ်သတ်ခဲ့သည်ဟု ဒေသခံတစ်ဦးကပြောသည်။
ထိုအပြင် ၄င်းပြောင်းခင်းနှင့် မလှမ်းမကမ်းရှိ လယ်ယာမှ မောင်ဒါရှီမာဆန် နှင့် ဒါရှီမာဂေါင် ညီအစ်ကိုအားလည်း သေနတ်ဖြင့်ပစ်ခတ်ရာ ညီဖြစ်သူ မာဆန်မှာ ထွက်ပြေးလွတ်မြောက်ခဲ့သော်လည်း ခြေတစ်ဖက် သေနတ်ထိမှန်ခြင်းကြောင့် ယခုချိန် တရုတ်ပြည် ဆေးရုံသို့ ပို့ဆောင်ကုသနေပြီး အစ်ကိုဖြစ်သူ ဒါရှီမာဆန်ကိုမူ အစိုးရတပ်ဖွဲ့တို့က KIA တပ်ဖွဲ့ဝင်ဖြစ်သည်ဟု စွပ်စွဲကာ ဖမ်းဆီးခေါ်ဆောင်သွားပြီး ၎င်း ယာသဲရှိ ဆိုင်ကယ် ၃ စီးကိုလည်း ယူသွားကြောင်း ဖိုင်းကောင် ဒေသခံတစ်ဦးပြောသည်။
“ဒါရှီမာဆန်ကိုတော့ ဒီကလူကြီးတွေ KIA တပ်ဖွဲ့ဝင်မဟုတ်ဘူး။ ဒီရွာကအရပ်သားပဲဆိုပြီး ပြန်လွတ် ဖို့ သွားပြောတယ်လို့တော့ပြောတယ်။ ဒါပေမဲ့ အခုထိတော့ မလွတ်သေးဘူး” ဟု အထက်ပါဒေသခံကပြောသည်။
ဇွန် ၂၅ ရက်နေ့တွင်လည်း အစိုးရစစ်သားများသည် စစ်ကားမဟုတ်ပဲ အရပ်ကား ၈ စီးဖြင့် ပန်ဆိုင်းမှ မုန်ကိုးဘက်သို့ ဖြတ်သွားကြောင်း နှင့် ဇွန် ၂၆ ယမန်နေ့ည တွေလည်း အစိုးရစစ်ကား ၆ စီးဖြင့် တက်သွားသည်ဟု ပန်ဆိုင်း ဒေသခံတစ်ဦးကပြောသည်။
“မနေ့ညမိုးချုပ်ခါနီးမှာလည်း ၆ စီး တက်လာတယ်။ စစ်ကားတော့ မဟုတ်ဘူး ကားတော့ဟုတ် တယ်။ ဒါပေမဲ့ ထော်လာဂျီလိုမျိုးဟုတ်တယ်။” ဟု အထက်ပါဒေသခံကပြောသည်။
အစိုးရနှင့် KIO ကြား တွေ့ဆုံဆွေးနွေးမှုများပြုလုပ်နေသော်လည်း အစိုးရဘက်မှ ထိုသို့ထိုးစစ်ဆင်ပြု လုပ်နေ ခြင်းသည် နှစ်ဖက်တွေ့ဆုံ မှုမှာ တပ်ဆုတ်တာတွေ အမှန်တကယ် အတည်ပြုလာမယ်ဆိုပါက ရှမ်းပြည်မြောက် ပိုင်းဘက်တွေ KIO အား နေရာ မယူခိုင်းချင်သော သဘော ဖြစ်နိုင်သည်ဟု ဒေသခံတစ်ဦးကသုံး သပ်ပြောဆိုသည်။
“သူတို့(အစိုးရ)က ဒီရှမ်းပြည်ဘက်မှာ KIO တွေကို နေရာမယူခိုင်းချင်တဲ့ သဘောရှိတယ်။ အစပိုင်း တော့ ဒီမုန်ကိုးဘက်မှာ KIO တွေ တပ် တည်တာတွေ မရှိဘူးလေ။ ကွတ်ခိုင် လွယ်ကန် ဘက်မှာ ပဲအများပိုင်းရှိတယ်။ ဒါပေမဲ့ မနှစ်(၂၀၁၁) ဇွန်လပိုင်း စစ်စဖြစ် လာတဲ့ အချိန်က စပြီး ဒီမုန်ကိုး ဘက်နဲ့ နေရာတိုင်းမှာ ရှိလာတော့ တစ်ကယ်လို့များ ဆွေးနွေးသွားပြီး အတည်ပြုသွားတဲ့အခါမှာ ဘယ်သူမဆို ကိုယ်နေတဲ့ နေရာတွေမှာ ပိုင်ဆိုင် သွားရင် သူတို့ကလည်း မဖြစ်ဘူးဆိုပြီး ဆွေးနွေးနေရင် လည်း ထိုးစစ်ဆင်တာတွေလုပ်နေတယ်လို့ထင်တယ်” ဟု အထက်ပါ ဒေသ ခံက သုံးသပ်ပြောဆိုသည်။
No comments:
Post a Comment