ယင်းခရီးစဉ်အတွင်း ဘန်ကောက်မြို့ရှိ အစိုးရအိမ်တော်၌ ကျင်းပသော ပူးတွဲ သတင်းစာရှင်းလင်းပွဲတွင် မြန်မာနိုင်ငံမှ လာရောက်အလုပ် လုပ်ကိုင်နေသည့် အလုပ်သမားများအတွက် ထိုင်းနိုင်ငံသားများနည်းတူ လုပ်ခအပြည့် အ၀ရရှိရေး နှင့် နေထိုင်ခွင့် ထုတ်ပေးရေးတို့ကို တာဝန်ယူပါကြောင်း ထိုင်းနိုင်ငံဝန်ကြီးချုပ် ယင်လပ်ရှင်နာဝပ်က ပြောခဲ့သည်ဟု ယနေ့ထုတ် မြန်မာ့အလင်းသတင်းစာတွင် ယင်းသို့ ဖော်ပြထားသည်။
ဝန်ကြီးချုပ် ယင်လပ် အစိုးရတက်လာပြီးနောက်ပိုင်း ဘန်ကောက်နှင့် အနီးတ၀ိုက်ရှိ ခရိုင် ၇ခုမှ ရွှေ့ပြောင်းအလုပ်သမားများအား တစ်နေ့ လျှင် လုပ်အားခ ဘတ် ၃၀၀ ရရှိရမည်ဖြစ်ပြီး တာ့ခ်ခရိုင် အပါအ၀င် ကျန်ရှိနေသည့် ခရိုင်များမှ အလုပ်သမားများကို တနေ့တာလုပ် အားခ ၂၂၆ဘတ် ရရှိရမည်ဟု ထုတ်ပြန်ပြောဆိုခဲ့သော်လည်း ယခုတိုင် လုပ်အားခ အပြည့်အ၀ မရရှိကြသေးကြောင်း မြန်မာ အလုပ်သ မားများ က ထောက်ပြကြသည်။
“ပြောတာကတော့ ကြာနေပါပြီ။ ကျနော်တို့ အလုပ်ရုံတစ်ခုလုံးမှာ ဘတ် ၃၀၀ ရတဲ့သူ တစ်ယောက် မှ မရှိဘူး။ အားလုံး ၂၀၀ကျော်ပဲ ရကြ တယ်။ သူတို့ပြောတဲ့ အပြည့်အ၀ လုပ်အားခ လစာ မရတဲ့သူတွေ အများကြီးပါပဲ။”ဟု ဘန်ကောက်မြို့အတွင်း လျှပ်စစ်ပစ္စည်းနှင့် အိမ်သုံး ပစ္စည်းများ လိုက်လံပို့ဆောင်ပေးရေး အလုပ်လုပ်ကိုင်နေသည့် အသက် ၂၀ကျော် ကရင်လူငယ်တစ်ဦးက ပြောသည်။
မဲဆောက်မြို့နယ် မဲ့တောင်မိုင်တွင် အားကစားဝတ်စုံ အမျိုးမျိုးချုပ်လုပ်သည့် A1 စက်ရုံတွင် လုပ်ကိုင်နေသော ကိုအောင်သူဝင်းက လည်း “အ ရင်က ကျနော်တို့ တနေ့မှ ၁၀၀ပဲ ရတယ်။ ဒါကြောင့် ပြီးခဲ့တဲ့ လတုန်းကပဲ တရုံလုံး ဆန္ဒပြကြတော့မှ ၁၄၀ အထိရတယ်။ ဒါတောင် အကုန်လုံးက မရသေးပါဘူး။ တချို့တော့ ၁၀၀ပဲ ရတဲ့သူတွေ ရှိနေတုန်းပါပဲ ” ဟုပြောသည်။
၎င်း A1 စက်ရုံပိုင်ရှင် တရုတ်လူမျိုးက စက်ရုံဝန်ထမ်းများ နားမလည်သည့် တရုတ်ဘာသာစကားဖြင့် ထုတ်ပြန်ထားသည့် စည်းကမ်းချက် များ ကိုလည်း လက်မှတ်ရေးထိုးခိုင်းခဲ့ပြီး မထိုးပါက အလုပ်ထုတ်မည်ဟု ပြောသဖြင့် အလုပ်သမားများက လက်မှတ်ထိုးလိုက်ရကြောင်း သိရ သည်။
ယခုနှစ် ဧပြီလ ၁၆ရက်နေ့က မဲဆောက်မြို့တွင် တာ့ခ်ခရိုင် အလုပ်သမားရေးရာဦးစီးဌာနမှ ကြီးမှူးပြီး စီးပွားရေးလုပ်ငန်းရှင်များနှင့် မြန်မာ ရွှေ့ပြောင်းအလုပ်သမားကူညီရေးအဖွဲ့တို့ တွေ့ဆုံကာ ရွှေ့ပြောင်းမြန်မာအလုပ်သမားများ၏ တနေ့တာ လုပ်အားခ အပြည့်အ၀ရရှိရေး၊ အလုပ်သ မားအခွင့်အရေးဥပဒေများနှင့် ပတ်သက်၍ တွေ့ဆုံဆွေးနွေးခဲ့သေးသည်။
No comments:
Post a Comment