ဇူလိုင်လ ၃၁ ရက်နေ့နှင့် သြဂုတ်လ ၁ ရက်နေ့တွင် အမျိုးသား ၉ ဦးနှင့် အမျိုးသမီး ၁ ဦးကို လက်နက်မှု၊ အမျိုးသား ၉ ဦးနှင့် အမျိုးသမီး ၁ ဦးကို မူးယစ်ဆေးဝါးမှုဖြင့် စတင် ရုံးထုတ် စစ်ဆေးလာခဲ့ရာမှ ပြစ်မှု ထင်ရှား သည်ဟု ဆိုပြီး အမျိုးသား ၉ ဦးကို စီရင်ချက် ချလိုက်ခြင်း ဖြစ်သည်။
“ယောကျာ်းသက်သက် ၉ ယောက်ကို ပုဒ်မ ၁၉ (က) နဲ့ ချတယ်။ အဲဒီအ ထဲက တယောက်က မူး ယစ်မှုမှာလည်း ပါတယ်” ဟုတရားရုံးနှင့်နီးစပ်သူ ကပြောသည်။
လာမည့် တနင်္လာနေ့တွင် မူးယစ်ဆေးဝါးမှုဖြင့် အမျိုးသားတဦးနှင့် အမျိုး သမီးတဦးကို ထပ်မံ စီရင်ချက် ချဦးမည်ဟုလည်း သူက ပြော သည်။
၎င်း၏ အဆိုအရ တရားလိုပြ သက်သေ ၉ ဦး ရှိပြီး၊ ထိုင်းနိုင်ငံသားများနှင့် တပ်မတော်မှ အပြန်အလှန် ပစ်ခတ်မှုတွင် တပ်မတော်သားတ ဦး ကျဆုံး ခဲ့သည်ဟု သက်သေများက ထွက်ဆိုခဲ့သည်။
စွပ်စွဲခံထားရသူ ထိုင်းနိုင်ငံသားများ၏ အမှုကို လိုက်ပါဆောင်ရွက်ပေးရန်အတွက် လက်နက်မှုကို ဦးအောင်စိုး နှင့် မူးယစ်ဆေးဝါးမှုကို ဒေါ်ဆို မီဇင် တို့အား ရှေ့နေ ငှားရမ်းထားသည်ဟုလည်း သူက ပြောသည်။
တနင်္သာရီတိုင်း၊ ကော့သောင်းခရိုင်၊ ခမောက်ကြီးမြို့နယ်အတွင်း တရားမဝင် ကျူးကျော်ဝင်ရောက် နေထိုင်ကာ ရာဘာနှင့် ဆေးခြောက် စိုက် ခင်း စိုက်ပျိုး လုပ်ကိုင်နေသည့် ထိုင်းနိုင်ငံသား ၉၂ ဦးကို ဇူလိုင်လ ၄ ရက်နေ့နှင့် ၅ ရက်နေ့များတွင် ကော့သောင်း အခြေစိုက် ခမရ ၄၃၁ တပ် ရင်းက လက်နက်နှင့်အတူ ဖမ်းဆီးရမိသည်။
၎င်းတို့ကို တဲ ၂၃ လုံး၊ M-16 ၅ လက်၊ AR-15 ၂ လက်၊ AK-47 ၂ လက်၊ ဝင်ချက်စတာ ၅ လက်၊ ပွိုင့်-၃၈ ခြောက်လုံးပြူး ၃ လက်၊ ပွိုင့်- ၃၅၇ ခြောက်လုံးပြူး ၁ လက်၊ လုပ်သေနတ်ရှည် ၉ လက်၊ တို ၂ လက်၊ ရှေ့ထွက်မိုင်း ၁ လုံး၊ လက်ပစ်ဗုံး ၁ လုံး၊ ၅ ဒသမ ၅၆ ကျည် ၄၂ တောင့်၊ AK-47 ကျည် ၁၁ တောင့်၊ ပွိုင့် ၃၈ ကျည် ၃၆ တောင့်၊ လုပ်သေနတ်ကျည် ၁၂၅ တောင့်၊ ကျည်အိမ်မျိုးစုံ ၃၂ ခု၊ မြေထိုးစက် ၃ စီး၊ယာဉ်ငယ် မျိုးစုံ ၁၇ စီး၊ ဘက်ဟိုးယာဉ် ၅ စီး၊ မော်တော်ဆိုင်ကယ် ၂ဝ စီး၊ ရာဘာပင် ဧက ၁၅ဝဝ နှင့်အတူ ဖမ်းဆီးရမိသည်ဟု ဇူလိုင်လ ၁ဝ ရက်နေ့ ထုတ် မြန်မာအစိုးရ သတင်းစာတွင် ဖော်ပြသည်။
၎င်းထိုင်းနိုင်ငံသားများကို ကော့သောင်းခရိုင် တရားရုံးက တရားမဝင် နိုင်ငံ ခိုးဝင်မှု၊ သစ်တောမှုတို့ဖြင့် ဇူလိုင်လ ၂၂ ရက်နေ့တွင် ထောင်ဒဏ် ၃ နှစ်ခွဲစီ ချမှတ်ခဲ့ပြီး၊ ကော့သောင်းမြို့အနီး ၉ မိုင် အကျဉ်းထောင်တွင် ဖမ်းဆီး ချုပ်နှောင်ထားဆဲ ဖြစ်သည်။
တရားခံများကို အကူအညီပေးရန် ဒေသခံ ထိုင်း-မြန်မာ နယ်ခြား ကော်မတီသို့ တာဝန်ပေးထားကြောင်းနှင့် ထိုင်းနိုင်ငံ အနေဖြင့် မြန်မာ တ ရားစီရင်မှု လုပ်ငန်းစဉ်တွင် ဝင်ရောက်စွက်ဖက်မည် မဟုတ်ကြောင်း ထိုင်းနိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် မစ္စတာသာနီက ပြော ကြားခဲ့ကြောင်း ထိုင်းနိုင်ငံထုတ် ဘန်ကောက်ပို့စ် သတင်းစာက ဖော်ပြထားသည်။
No comments:
Post a Comment