ငြိမ်းချမ်းရေး စကားဝိုင်းများ နောက်ကွယ်

ခင်ဦးသာ

ပြည်တွင်းငြိမ်းချမ်းရေး ဖော်ဆောင်မှု လုပ်ငန်းအစီအစဉ်တွေနဲ့ပတ်သက် ပြီး အစိုးရအဖွဲ့ ကိုယ်စားလှယ်တွေနဲ့ စစ်တပ် ခေါင်း ဆောင်တွေ အကြား သဘောထားကွဲလွဲမှု ရှိနေတယ်လို့ သတင်း ထွက်ပေါ်နေပါတယ်။

ဒု သမ္မတ ဒေါက်တာ စိုင်းမောက်ခမ်းဥက္ကဋ္ဌအဖြစ် တာဝန်ယူ ထားတဲ့ငြိမ်း ချမ်းရေး ဖော်ဆောင်ရေး လုပ်ငန်းကော်မတီ ပထမ အကြိမ် အစည်းအဝေးကို နေပြည်တော်မှာ သြဂုတ် ၁၂ ရက်နေ့က ပြုလုပ်ခဲ့ပါတယ်။ အဲဒီ အ စည်းအဝေးမှာ ဒု ကာကွယ်ရေး ဦးစီးချုပ် ဗိုလ်ချုပ် ကြီး စိုးဝင်း နဲ့ အစိုးရ ငြိမ်းချမ်းရေး ဖော်ဆောင်မှုအဖွဲ့ ခေါင်းဆောင် မီးရထား ၀န်ကြီး ဦးအောင် မင်း တို့ အကြား သဘောထား ကွဲလွဲမှု တွေရှိတယ်လို့ အစည်းအ ဝေး တက်ရောက်ခဲ့ကြတဲ့ ကော်မတီဝင် တချို့က ပြောပါတယ်။

ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒု ဥက္ကဋ္ဌ တဦး ဖြစ်တဲ့ ဗိုလ်ချုပ်ကြီး စိုးဝင်း က ဆွေးနွေးရာမှာ တိုင်းရင်းသား လက်နက် ကိုင် တပ်ဖွဲ့တွေနဲ့ အစိုးရ စစ်တပ်တို့ တိုက်ပွဲတွေ ဆက်လက် ဖြစ်ပွားနေတာတွေ၊ တိုက်ပွဲတွေမှာကျဆုံးတာ၊ ထိ ခိုက် ဒဏ်ရာ ရတာ၊ လက်နက်တွေ ဘယ်လောက်အထိ သိမ်းဆည်း ရမိတဲ့အကြောင်းတွေကိုပဲ ဦးစားပေး ဆွေးနွေး တင်ပြ တယ် လို့သိရတယ်။

စစ်တပ် ကိုယ်စားပြုထားတဲ့ ငြိမ်းချမ်းရေး ကိုယ်စားလှယ် ဗိုလ်ချုပ်ကြီး စိုးဝင်း ပြောတဲ့ကိစ္စတွေဟာ ဂုဏ်ယူဝင့်ကြွားတဲ့ အသွင် ဆောင် နေတဲ့ အတွက် ငြိမ်းချမ်းရေး ဖော်ဆောင်နေစဉ်မှာ အဲဒီလိုစကားမျိုး မပြောသင့်ဘူးလို့ ဦးအောင်မင်း က ထောက်ပြ ဆွေးနွေးခဲ့တယ်လို့ ကော်မတီဝင်တချို့က ပြောပါတယ်။

ငြိမ်းချမ်းရေး အကျိုးဆောင် အဖွဲ့ဝင် တဦးကလည်း ၎င်းတို့ အဖွဲ့အနေနဲ့ ငြိမ်းချမ်းရေး ကိစ္စလုပ်ဆောင်နေပေမယ့် စစ်တပ် က အပြည့်အ၀ ပူး ပေါင်းမှုမရှိတဲ့အတွက် လက်နက်ကိုင်အဖွဲ့တချို့က ယုံကြည်မှု မရှိကြောင်း၊ ဒါကြောင့် စားပွဲဝိုင်းဆွေးနွေးပွဲပေါ်သို့ကချင်ပြည်လွတ် မြောက် ရေးအဖွဲ့(KIO) အဖွဲ့ ရောက်မလာနိုင်သေးဘူး လို့ ဧရာဝတီ ကို ပြောပါတယ်။

“စစ်တပ်က ခေါင်းမာနေတဲ့ အတွက် ငြိမ်းချမ်းရေးကိစ္စတချို့ နှောင့်နှေးနေရတယ်၊ အပြန်အလှန် ယုံကြည်မှု တည်ဆောက်လို့ မရသေးဘူး”လို့ ငြိမ်းချမ်းရေး အကျိုးဆောင် အဖွဲ့ဝင် က ပြောပါတယ်။

ဗိုလ်ချုပ်ကြီး စိုးဝင်းရဲ့ ဆွေးနွေးမှု တွေဟာ ပြည်ထောင်စု အဆင့်ငြိမ်းချမ်းရေး ဆွေးနွေးမှု ကို အဟန့်အတား ဖြစ်စေတယ် လို့ တချို့ကရှုမြင် ကြပါတယ်။ အဲဒီအစည်းအဝေးကို အစိုးရ အဖွဲ့ ပြည်ထောင်စု ၀န်ကြီးတွေ နဲ့ ကော်မတီဝင်တွေ ဖြစ်တဲ့ တိုင်းရင်း သား လွှတ်တော် ကိုယ်စား လှယ်တွေလည်းပဲ တက်ရောက် ဆွေးနွေးခဲ့ကြပါတယ်။

“ဦးအောင်မင်း ကတော့ ငြိမ်းချမ်းရေး ကို တကယ်ဖြစ်စေချင်တဲ့ ပုံစံတွေ့ရတယ်၊ ဒါပေမယ့် စစ်တပ် ဘက် က အပြည့် အ၀ ထောက်ခံမှု မရ သေးဘူး၊ ဒီအတိုင်းဆိုရင် နိုင်ငံရေးအရ ဆွေးနွေးပွဲတွေဟာ ၂၀၁၅ မတိုင်ခင် မဖြစ်လောက်သေး ဘူး”လို့ ငြိမ်းချမ်း ရေး ကော်မတီဝင် တဦး က ဧရာဝတီကို ပြောပြပါတယ်။

အစိုးရ ငြိမ်းချမ်းရေး အဖွဲ့ ခေါင်းဆောင် တဦးအဖြစ် လုပ်ဆောင်ခဲ့တဲ့ စက်မှု(၁) ၀န်ကြီးဟောင်းနဲ့လက်ရှိ ပြည်သူ့လွှတ်တော် ကိုယ်စား လှယ် ဦးအောင်သောင်း ကိုတော့ သဘောထားတင်းမာသူ အဖြစ် ရှုမြင်ကြသလို ငြိမ်းချမ်းရေး ဆောင်ရွက်ရာမှာလည်း အောင်မြင်မှု မရ ခဲ့ပါဘူး။ တိုင်းရင်းသား လက်နက်ကိုင်အဖွဲ့ ခေါင်းဆောင်တွေဟာ ခေါင်းမာတဲ့အတွက် ညှိနှိုင်းမရဘူး လို့ လည်း မီဒီယာတွေကို မကြာခ ဏဖြေဆို ပါတယ်။

ဦးသိန်းစိန်အစိုးရသစ် လက်ထက်မှာ ဦးအောင်မင်း ခေါင်းဆောင်တဲ့ ငြိမ်းချမ်းရေးအဖွဲ့နဲ့ ဦးအောင်သောင်း ခေါင်းဆောင်တဲ့ အ ဖွဲ့ ၂ ဖွဲ့ကို ဖွဲ့စည်းခဲ့ပါတယ်။ ဦးအောင်သောင်းဟာ ငြိမ်းချမ်းရေး ကိစ္စနဲ့ ပတ်သက်ပြီး သုံးစွဲမယ့် ငွေကြေးတွေ ထဲက ကျပ်သိန်း ထောင်ချီကာ ကိုယ် ကျိုး အတွက် အသုံးပြုလိုက်တယ်လို့ ငြိမ်းချမ်းရေး ဖော်ဆောင်မှု အဖွဲ့ အသိုင်းအ၀ိုင်း က သိရပါတယ်။ ဒါကြောင့် ဦးအောင်သောင်းကို ငြိမ်းချမ်း ရေး အဖွဲ့က ထုတ်ပယ်ခံရတယ်လို့လည်း ဆိုကြပါတယ်။ အဲဒီနောက်ပိုင်း သမ္မတ ကိုယ်တိုင် ဥက္ကဋ္ဌ အဖြစ် တာဝန်ယူထားတဲ့ ပြည် ထောင်စု ငြိမ်းချမ်းရေးဖော်ဆောင်ရေး ဗဟိုကော်မတီနဲ့ ဒု သမ္မတ ဥက္ကဋ္ဌ အဖြစ် တာဝန်ယူ ဦးဆောင်တဲ့ လုပ်ငန်းကော်မတီ နှစ်ရပ် ကို မေလ ၃ ရက်နေ့ က ဖွဲ့စည်းခဲ့ပါတယ်။

လုပ်ငန်း ကော်မတီ ဥက္ကဋ္ဌ ဖြစ်တဲ့ ဒု သမ္မတ ဒေါက်တာ စိုင်းမောက်ခမ်း ကတော့ ပြည်တွင်းငြိမ်းချမ်းရေးကို မရ ရအောင် လုပ်ဆောင် မယ်၊ ငြိမ်းချမ်းရေးကလွဲပြီး ရွေးစရာလမ်း မရှိဘူးလို့ ကော်မတီရဲ့ ပထမအကြိမ် အစည်းအဝေးမှာ ပြောဆိုထား တယ်။

ဒု သမ္မတ ဒေါက်တာ စိုင်းမောက်ခမ်း ဟာ ကော်မတီ ဥက္ကဋ္ဌ ဖြစ်ပေမယ့် လုပ်ပိုင်ခွင့်အပြည့်အ၀မရှိဘူးလို့ သိရတဲ့အပြင် မိမိ လုပ်ပိုင်ခွင့် ကိစ္စ တွေကိုလည်းပဲ သတ္တိရှိရှိ လုပ်ကိုင်ရဲတဲ့ အနေအထား မရှိဘူးလို့ သုံးသပ်ကြပါတယ်။ သမ္မတနဲ့စစ်တပ် ရဲ့ လမ်းညွှန်မှုတွေကိုသာ လုပ်ဆောင် ရတယ်လို့ နိုင်ငံရေး လေ့လာသူတွေက ပြောဆိုကြပါတယ်။

“ဒု သမ္မတ သာ သတ္တိရှိရှိ လုပ်ရဲကိုင်ရဲမယ်ဆိုရင် သူ့မှာ လုပ်ပိုင်ခွင့်တွေ အများကြီး ရှိပါတယ်၊ ဒါ ပေမယ့် ငြိမ်းချမ်းရေး ကိစ္စမှာတော့ စစ်တပ် ကို ပြောဆိုနိုင်တဲ့ အနေအထား သူ့မှာမရှိဘူး၊ စစ်တပ်ဘက်ကလည်း အလျှော့ပေးမယ့် အနေအထား မတွေ့ရ ဘူး”လို့ ငြိမ်းချမ်းရေး ကော်မ တီဝင် က ဆိုပါတယ်။

ဒေါက်တာ စိုင်းမောက်ခမ်း က ဆွေးနွေးရာမှာတော့ ၎င်းကိုယ်တိုင် တိုင်းရင်သားတဦးဖြစ်သလို စစ်တပ်ဘက်က ကြည့်ရင် လည်းပဲ အစိုး ရအ ဖွဲ့ အကြီးအကဲ တယောက်အနေနဲ့ သက်ဆိုင်တဲ့ အကြောင်း၊ ဒါကြောင့် နှစ်ဘက်စလုံး အနေနဲ့ ငြိမ်းချမ်းရေး ကိစ္စကို အောင်မြင် အောင် လုပ် ဆောင် စေချင်ကြောင်း ဆွေးနွေးခဲ့တယ်လို့ သိရတယ်။

ဒု သမ္မတ ဟာ ရှမ်းတိုင်းရင်းသား ဆိုပေမယ့် ကြံ့ခိုင်ရေးပါတီက ဖြစ်နေတာရယ်၊ အစိုးရ အဖွဲ့မှာ ဆိုရင်လည်းပဲ တိုင်းရင်းသား ခေါင်း ဆောင် အနေနဲ့ တယောက်တည်း ဖြစ်နေတာကြောင့် လုပ်ချင်တဲ့စိတ်ရှိပေမယ့် တခြားအစိုးရအဖွဲ့ဝင်တွေရဲ့ သဘော တူညီမှု ရမှသာ ဆောင်ရွက် နိုင်မှာပါ။

ဒု သမ္မတက ငြိမ်းချမ်းရေး ကိစ္စ မရ ရအောင် လုပ်မယ်လို့ ပြောတဲ့ စကားဟာ စေ့စပ်ဆွေးနွေး မရပါကတိုက်ပွဲများဖြစ်ပေါ်လာနိုင်တဲ့သ ဘော ဖြစ်နေကြောင်း၊ ကချင်ပြည် လွတ်လပ်ရေး တပ်မတော်(KIA) ကို ထိုးစစ်ဆင်မယ့် အနေအထား တွေ့နေ ရတယ်လို့ KIA ရဲ့ ပြော ခွင့်ရသူ ဦး လာနန် က ဆိုပါတယ်။

“ဗန်းမော် နဲ့ လိုင်ဇာ မှာ စစ်တပ်တွေ အင်အား တိုးမြှင့်ချထားပြီး လုံခြုံရေး ယူနေတဲ့ သဘောပါ၊ ပြီးရင် KIA ကိုထိုးစစ်ဆင်လာနိုင်ခြေ ရှိတယ်” လို့လည်း သူက ပြောဆိုပါတယ်။

ကချင်ပြည်နယ် ငြိမ်းချမ်းရေး အကျိုးတော်ဆောင် အဖွဲ့ PCG အဖွဲ့ဝင် ဦးဆန်းအောင် ကလည်း ကချင်တွေ ဘက်က ဆွေးနွေးမယ့် ကိစ္စ တွေ ကို မကြာခဏ မေးမြန်းနေပေမယ့် အစိုးရဘက် က တစုံတရာ တုံ့ပြန်မှု မရှိဘူးလို့ ဆိုပါတယ်။

တိုင်းရင်းသားအဖွဲ့တွေက အနှစ်သာရ ပြည့်ဝတဲ့ နိုင်ငံရေး ဆွေးနွေးဖို့ တောင်းဆိုနေကြပေမယ့် အစိုးရ ဘက်ကတော့ တနှစ် ကျော်လာ တဲ့အ ထိ ရေရာတဲ့တုံ့ပြန်မှု မရှိသေးပါဘူး။ အဲဒါကြောင့်လည်းပဲ ဦးသိန်းစိန် အစိုးရ ရဲ့ ငြိမ်းချမ်းရေး ဆောင်ရွက်ချက်အပေါ်မှာတိုင်းရင်း သားလက် နက် ကိုင် အဖွဲ့ ခေါင်းဆောင်တွေ က သံသယတွေ ရှိလာကြပါတယ်။

အစိုးရ အဖွဲ့ ရဲ့ ငြိမ်းချမ်းရေး လုပ်ငန်းစဉ်တွေဟာ နိုင်ငံတကာမှာ ၎င်းတို့အစိုးရ အဖွဲ့အပေါ် အမြင်ကောင်းရေး အတွက် ဟန်ပြ လုပ် ဆောင် နေတာသာ ဖြစ်ကြောင်း၊ အဓိက မကျတဲ့ ဆက်ဆံရေးရုံး ဖွင့်တာ၊ စီးပွားရေး၊ လူမှုရေးကိစ္စတွေ စောင်းပေး ဆွေး နွေးရင်း အချိန်ဆွဲနေ တယ်လို့ တိုင်းရင်းသား ခေါင်းဆောင်တွေ က ဆိုကြပါတယ်။

“ငြိမ်းချမ်းရေး အပေါ်သံသယ ဖြစ်စရာတွေ တွေ့လာတယ်၊ ဘာဖြစ်လို့လဲဆိုတော့ အစိုးရ အနေနဲ့ နိုင်ငံရေးအရ ဆွေးနွေးလို တဲ့ ဆန္ဒ မတွေ့ရဘူး၊ နိုင်ငံရေး ဆွေးနွေးမှုတွေကို ဘေးဖယ်ထားပြီးတော့ စီးပွားရေး ကိစ္စ၊ တခြား ကိစ္စတွေပဲ စောင်းပေး ပြော နေတယ်”လို့ မွန်ပြည်သစ် ပါတီ ရဲ့ အထွေထွေ အတွင်းရေးမှူး နိုင်ဟံသာ က ဆိုပါတယ်။

တိုင်းရင်းသား လက်နက်ကိုင် အဖွဲ့တွေဖြစ်တဲ့ ကရင်၊ မွန်၊ ရခိုင်၊ ရှမ်း၊ ကရင်နီ၊ ချင်း စတဲ့ တိုင်းရင်းသား လက်နက်ကိုင် အဖွဲ့ ၁၀ ဖွဲ့နဲ့ ပြည် နယ်အဆင့် ငြိမ်းချမ်းရေး သဘောတူ စာချုပ်တွေ လက်မှတ်ရေး ထိုးပြီးပါပြီ။ ပြည်ထောင်စု အဆင့် ဆက်လက် ဆွေးနွေး ဖို့ အစိုး ရဆီကို ကမ်းလှမ်းထားပေမယ့် အစိုးရ ဆီက တစုံတရာ အကြောင်းပြန်ကြားတာ မရှိသေးဘူးလို့ တိုင်းရင်းသား ခေါင်းဆောင်တွေ က ပြောပါတယ်။

ငြိမ်းချမ်းရေး ကိစ္စတွေမှာ စစ်တပ်ရဲ့ ပါဝင်ပူးပေါင်းမှု အားနည်းတဲ့ အတွက်ကြောင့်လည်းပဲ ငြိမ်းချမ်းရေး သဘောတူ ထားတဲ့ အဖွဲ့တွေနဲ့ အစိုး ရစစ်တပ် အကြား တိုက်ပွဲတွေ မကြာခဏ ဖြစ်နေပါတယ်၊ ခုံခံရုံ မှအပ ထိုးစစ် မဆင်ဖို့ သမ္မတ က အမိန့် ပေး ပေမယ့် စစ်တပ်က လိုက် နာ မှု မရှိပါဘူး။

ရှမ်းပြည် တပ်မတော် တောင်ပိုင်းနဲ့ မြောက်ပိုင်း တပ်ဖွဲ့တွေ နဲ့လည်း ပြည်နယ် အဆင့် ငြိမ်းချမ်းရေး သဘောတူညီမှု စာချုပ်တွေ လက် မှတ် ရေးထိုး ထားကြပေမယ့် တိုက်ပွဲငယ်တွေ မကြာခဏ ဖြစ်ပွားနေပါတယ်။ တိုက်ပွဲတွေဖြစ်ပွားနေရတာဟာအစိုးရတပ်တွေက သတ် မှတ်ထား တဲ့ စည်းကမ်းတွေ ဖောက်ဖျက်တဲ့ အတွက်လို့ ရှမ်းခေါင်းဆောင်တွေ က ပြောပါတယ်။

“တနေရာ က တနေရာကို သွားမယ်ဆိုရင် ကြိုတင် အကြောင်းကြားပြီးမှ သွားရမယ်လို့ စာချုပ်မှာ သဘောတူ လက်မှတ်ထိုး ထားပေမယ့် စစ် တပ်က မလိုက်နာဘဲ နယ်မြေကျူးကျော်လာတဲ့ အတွက် ကျနော်တို့က တိုက်ရတာပါ” လို့ ရှမ်းပြည် တပ် မတော် တောင်ပိုင်း ပြောခွင့်ရ ဗိုလ် မှူး စိုင်းလောင်ဆိုင်း က ပြောပါတယ်။

အစိုးရ ငြိမ်းချမ်းရေး အဖွဲ့ခေါင်းဆောင် ဦးအောင်မင်းကတော့ ရှမ်းပြည်နယ် အတွင်း တိုက်ပွဲများ ဖြစ်ပွားရခြင်းနဲ့ ပတ်သက်ပြီး “နှစ်ဘက်တပ် တွေ နေရာ မသတ်မှတ်နိုင်သေးခြင်း၊ ဆက်ဆံရေးရုံး မဖွင့်လှစ်နိုင်သေးခြင်းတို့ကြောင့် ဖြစ်ပွားရတယ် လို့ သုံး သပ် မိကြောင်း” လို့ သြဂုတ်လ ၂၀ ရက် ကျင်းပတဲ့ လွှတ်တော်မှာ ဖြေဆိုသွားပါတယ်။

မိုင်းရယ်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးစိုင်းသီဟကျော် ၏ “လက်နက်ကိုင် အဖွဲ့အစည်းများအကြား အပစ် အခတ်ရပ်စဲ ရေး သဘောတူညီမှုရရှိပြီးနောက် မည်သည့်အတွက်ကြောင့် တိုက်ပွဲများ ဆက်လက် ဖြစ်ပွား နေခြင်းကုို သိလို ကြောင်း” မေးခွန်း နဲ့ ပတ် သက်ပြီး ၀န်ကြီး ဦးအောင်မင်း က အထက်ပါ အတိုင်း ပြန်ဖြေခဲ့တာပါ။

ကရင်အမျိုးသား အစည်းအရုံး(KNU) ဗဟိုကော်မတီ အဖွဲ့ဝင် ဖောဒို ကတော့ တိုက်ပွဲ ဖြစ်ပွားရတဲ့ကိစ္စဟာ ဆက်ဆံရေး ရုံးဖွင့်ခြင်း မဖွင့် ခြင်း နဲ့ မသက်ဆိုင်ဘူးလို့ ထောက်ပြပါတယ်။ ၎င်းက“KNU ရဲ့ တပ်မဟာ ၅ နယ်မြေမှာလည်း ငြိမ်း ချမ်းရေး ယူပြီး နောက် တိုက်ပွဲငယ်တချို့ ရှိနေ တာပဲ”လို့ ဆိုပါတယ်။ ကရင်နယ်မြေတွေမှာ ဆက်ဆံရေးရုံးတွေ ဖွင့်ထားပြီး ပါပြီ။

ငြိမ်းချမ်းရေး သဘောတူထားတဲ့ လက်နက်ကိုင် အဖွဲ့တွေအနက် ကရင်ဒေသက လက်နက်ကိုင်တပ်တွေ နဲ့ စစ်တပ် အကြား တိုက်ပွဲ ဖြစ်ပွားမှု မရှိတဲ့ ကိစ္စဟာ နယ်မြေအလိုက် တာဝန်ယူထားတဲ့ စစ်တိုင်းမှူး တွေက အထက် အမိန့် မနာခံခြင်းနဲ့ သက် ဆိုင်တယ် လို့ တချို့ က ဆိုပါ တယ်။

KNU အဖွဲ့ဝင် ဖောဒို ကတော့ စစ်တပ်အရာရှိတွေ အထက်အမိန့် နာခံတာနဲ့ မဆိုင်ကြောင်း၊ သတ်မှတ်ထားတဲ့ စည်းကမ်းတွေ ကို နှစ် ဘက်စ လုံးက အပြန်အလှန် လိုက်နာတဲ့အတွက်ကြောင့် ကရင်ဒေသမှာ တိုက်ပွဲနည်းတာဖြစ်ကြောင်း ပြောဆိုပါတယ်။

အစိုးရ ရဲ့ ပြည်ထောင်စု အဆင့် ငြိမ်းချမ်းရေး ဆွေးနွေးပွဲ လမ်းစဉ်ကတော့ တိုင်းရင်းသား လက်နက်ကိုင် အဖွဲ့တွေ အားလုံး လက်နက်ချ အ ပစ်အခတ် ရပ်စဲပြီး နိုင်ငံရေးပါတီထောင်ရေး၊ ရွေးကောက်ပွဲဝင်ရေး၊ လွှတ်တော်ထဲရောက်မှသာ နိုင်ငံရေး ဆွေးနွေးမှု လုပ်ဆောင်ရေး ဆိုတဲ့ အချက်တွေပါ။ အဲဒီအချက်တွေကို တိုင်းရင်းသား အဖွဲ့တွေက လုံးဝ လက်မခံကြပါဘူး။

“ဒါဟာ ဟိုတုန်းက န၀တ၊ နအဖ လမ်းစဉ်ပဲလေ၊ လက်နက်တွေ စွန့် BGF(နယ်ခြားစောင့်တပ်)လုပ်၊ ပြီးရင် ပါတီထောင် ရွေးကောက်ပွဲဝင် ဆို တဲ့ လမ်းစဉ်ပဲ ချပြနေတာ”လို့ နိုင်ဟံသာ က ဆိုပါတယ်။

တိုင်းရင်းသား လက်နက်ကိုင် တပ်ဖွဲ့တွေက BGF ကိစ္စ လက်မခံပေမယ့် ၂၀၀၈ ဖွဲ့စည်းပုံ အခြေခံ ဥပဒေမှာတော့ နိုင်ငံတော်၌လက်နက်ကိုင် တပ်မတော် တခုတည်းသာ ထားရှိရမယ်လို့ ရေးထားပါတယ်။

ယခင် နအဖ စစ်အစိုးရ လမ်းစဉ်ကို ဆက်လက်ကိုင်စွဲမည်ဆိုပါက ပြည်တွင်းစစ် ထပ်မံဖြစ်ပွားလာဦးမှာ ဖြစ်တယ်၊ အစိုးရ အဖွဲ့ဝင် တချို့နဲ့ စစ် တပ်ခေါင်းဆောင်တွေရဲ့စိတ်ထဲမှာ တိုင်းရင်းသားတွေကို တတန်းတည်း မဖြစ်ချင်ဘူး၊ ဒီ စိတ်ဓာတ်တွေ ပျောက် သွားဖို့ လိုအပ်နေ တယ်လို့ နိုင်ဟံ သာ က ဆက်ပြောတယ်။

အပစ်အခတ်ရပ်စဲထားပေမယ့် ထပ်မံတိုက်ခိုက်ရတာဟာ တိုင်းရင်းသားတွေ တောင်းဆိုနေကြတဲ့ ကိုယ်ပိုင်ပြဌာန်းခွင့်၊ တန်းတူရေး၊စစ် မှန် တဲ့ ဖက်ဒရယ် ပြည်ထောင်စု စနစ်တည်ဆောက်ရေး၊ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ရေးတို့ပဲ ဖြစ်ပါတယ်။

၁၉၈၉ မှ ၁၉၉၅ အတွင်း အပစ်အခတ် ရပ်စဲခဲ့ကြတဲ့ လက်နက်ကိုင်အဖွဲ့ စုစုပေါင်း ၁၇ ဖွဲ့ဟာ နိုင်ငံရေး ဆွေးနွေးမှု မဖြစ်ခဲ့တဲ့ အတွက် တိုက်ပွဲ တွေ ထပ်မံဖြစ်ပွားခဲ့ရကြောင်း၊ ဒါကြောင့် လက်ရှိမှာ နိုင်ငံရေး ဆွေးနွေးပွဲ ဖြစ်မြောက်ဖို့ လိုလားနေကြတာ ဖြစ်ကြောင်းလည်း ပြောဆို ကြပါတယ်။

အစိုးရအဖွဲ့ ငြိမ်းချမ်းရေး ကိုယ်စားလှယ် ဦးအောင်မင်း ကိုတော့ သဘောထားပျော့ပျောင်းသူ၊ လိုချင်တာကို လိမ်မာပါးနပ်စွာနဲ့ တဘက် သား လက်ခံလာအောင် ပြောဆိုဆွေးနွေးတတ်သူလို့ လက်နက်ကိုင် အဖွဲ့ တွေက မှတ်ချက်ပေးကြပါတယ်။

ဦးအောင်မင်းဟာ အလွတ်သဘော ပြောတာတွေသာများနေပြီး လက်တွေ့မှာ ထိရောက်မှုမရှိသေးတဲ့အတွက် သူ့ရဲ့ ငြိမ်းချမ်း ရေး အပေါ်မှာ သံသယနဲ့ ယုံကြည်မှု နည်းလာတယ်လို့ ဆိုကြပါတယ်။ ၂၀၁၅ ခုနှစ် မတိုင်မီ အားလုံးပါဝင်တဲ့ ညီလာခံကြီး (အစည်းအဝေးကြီး) တခုကျင်းပ ပေးမယ်လို့လည်း ဦးအောင်မင်း က မက်လုံးပေး ပြောဆိုထားပါတယ်။

နိုင်ငံရေးအရ ဆွေးနွေးမှုတွေ ဖြစ်ပေါ်လာရေးအတွက် တိုင်းရင်းသားလူမျိုးများ ဖက်ဒရယ်ကောင်စီ (UNFC) ကလည်း တိုင်းရင်းသား အစုံပါဝင်တဲ့ ညီလာခံတခုကို ပြည်ပ တနေရာမှာ ကျင်းပပြီး အဖြေရှာနိုင်ဖို့ ပြင်ဆင်နေကြပါတယ်။

လူမှုရေး၊ နိုင်ငံရေး အဖွဲ့ အစည်းအသီးသီးတွေနဲ့ လိုက်လံ တွေ့ဆုံ ဆွေးနွေးနေပြီး လူအများရဲ့ ထောက်ခံမှုလည်း ရနေသူ ဖြစ် တဲ့ အစိုးရ ငြိမ်း ချမ်းရေး ကိုယ်စားလှယ် ဦးအောင်မင်းဟာ စစ်တပ် ထောက်ခံမှုမပါဘဲ ပြည်တွင်း ငြိမ်းချမ်းရေး ဖော်ဆောင်နိုင်မှု မရှိမရှိ ဆိုတာက တော့ စောင့်ကြည့်ရဦးမှာ ဖြစ်ပါတယ်။ ။