မဇ္ဈိမသတင်းဌာန | အင်္ဂါနေ့၊ သြဂုတ်လ ၂၈ ရက် ၂၀၁၂
သမ္မတဦးသိန်းစိန်က သူ၏ဝန်ကြီးအဖွဲ့အတွင်း ၂၄ ဦးကို အရွှေ့အပြောင်းနှင့် အသစ်ပြောင်းလဲခြင်း များ တနင်္လာနေ့က လုပ်ခဲ့ပြီးနောက် မပြီး ပြတ်သေးဘဲ အင်္ဂါနေ့တွင် ဝန်ကြီးနှစ်ဦးကို ရာထူးမှ ဖယ်ရှားလိုက်သည်ဟု သမ္မတရုံးက ထုတ် ပြန်ကြေညာသည်။
လျှပ်စစ်ထုတ်လုပ်မှုအတွက် တာဝန်ယူရသော အမှတ် (၁) လျှပ်စစ်စွမ်းအားဝန်ကြီး ဦးဇော်မင်းနှင့် ဆောက်လုပ်ရေး ဝန်ကြီး ဦးခင်မောင်မြင့် တို့ကို ရာထူးမှ ဖယ်ရှားလိုက်ခြင်း ဖြစ်သည်။
ထို့အပြင် ပြန်ကြားရေးဝန်ကြီးဌာနတွင်လည်း အပြောင်းအလဲ ဆက်လုပ်ရာ ယခင် ပြန်ကြားရေး ဒု-ဝန်ကြီး ဦးစိုးဝင်းကို သာသနာရေးဝန် ကြီး ဌာန ဒု-ဝန်ကြီးအဖြစ် ပြောင်းလဲ ခန့်အပ်လိုက်သည်။
တနင်္လာနေ့က ဝန်ကြီး ကိုးဦးနှင့် ဒု-ဝန်ကြီး ၁၅ ဦးကို နေရာအပြောင်းအလဲနှင့် အသစ်ခန့်ထားမှုများ ပြုလုပ်ခဲ့သည်။
No comments:
Post a Comment