ပြည်နယ်၊ တိုင်းဒေသလွှတ်တော် အသီးသီး၏ စတုတ္ထအကြိမ်မြောက် ပုံမှန် အစည်းအဝေးများအား ယခုရက်ပိုင်းအတွင်း ကျင်းပလျှက် ရှိရာဘဏ္ဍာငွေ သုံးစွဲမှုကိစ္စ အဓိကဆွေးနွေးကြပြီး အများစုမှာ လိုငွေပြနေကြောင်း ပြည် နယ်၊ တိုင်းဒေသ လွှတ်တော် ကိုယ်စားလှယ် များက ပြောသည်။
၂၀၁၂-၂၀၁၃ ဘဏ္ဍာရေးနှစ်အတွက် ရန်ကုန်တိုင်း အစိုးရအဖွဲ့၌ ကျပ် ၈၅ ဘီ လီယံကျော် လိုအပ်နေကြောင်း၊ ထိုသို့ လိုအပ်နေခြင်းမှာ တံတား ၄ စင်း တည်ဆောက်နေရခြင်းကြောင့်ဟု တိုင်းဝန်ကြီးချုပ် ဦးမြင့်ဆွေက ယမန်နေ့တွင် ကျင်းပသည့် လွှတ်တော် အစည်းအဝေး၌ ပြောဆိုသွားကြောင်း၊ ဘတ် ဂျက်လိုငွေပြမှု စာရင်းဇယား ကိန်းဂဏန်းများကိုလည်း ကိုယ်စားလှယ်များထံ ကြိုတင်ဝေငှထားမှု မရှိ၍ ဆွေးနွေးခွင့် မရဟု သိရသည်။
ရန်ကုန်တိုင်း အစိုးရအဖွဲ့၏ ဘဏ္ဍာရေးကိစ္စကို ၀န်ကြီးချုပ်ဦးမြင့်ဆွေနှင့် မြို့တော်ဝန် ဦးလှမြင့်တို့က ရှင်းလင်းပြောဆို ဖတ်ပြကြောင်း၊ လွှတ် တော်ကိုယ်စားလှယ်များ အနေဖြင့် အပြန်အလှန် ဆွေးနွေးမှု မရှိကြောင်း တိုင်းဒေသကြီး ကိုယ်စားလှယ် ဦးကျော်က ဧရာဝတီသို့ ပြော သည်။
ထို့အတူ ချင်းပြည်နယ်အစိုးရတွင်လည်း ဘဏ္ဍာငွေအခက်အခဲနှင့် ကြုံတွေ့နေရကြောင်း၊ ထိုကိစ္စသည် ပြည်နယ်အစိုးရအဖွဲ့၏ စီမံခန့်ခွဲမှု အားနည်းခြင်း၊ ဖြေရှင်းရန်နည်းလမ်း ရှာဖွေမှု မရှိခြင်းတို့ကြောင့်ဟု ပြည်နယ်လွှတ် တော်ကိုယ်စားလှယ် ဦးဇိုဇမ် က ဧရာဝတီသုိ့ ပြောသည်။
၎င်းက “ဒီကိစ္စက ပြည်နယ်အစိုးရ ညံ့တဲ့အတွက်လို့ ပြောရမှာပဲ၊ ဘတ်ဂျက်ကျအောင် မတောင်းနိုင် ဘူးဗျာ။ လုံလောက်အောင် တင်ပြတောင်း ဆိုဖို့ ကျနော် အကြိမ်ကြိမ်ဆွေးနွေးပေမယ့် အစိုးရအဖွဲ့က ဘာမှမလုပ်ဘူး၊နှစ်ပြားတပဲတောင်း တော့ နှစ်ပြားတပဲပဲ ရတာပေါ့ ဗျာ” ဟု ဆို သည်။
ပြည်နယ်၊ တိုင်းဒေသအစိုးရ အနေဖြင့် အသေးစား အသုံးစရိတ်မှအပ ကြီးမားသည့် ဘတ်ဂျက်ငွေကို ပြည်နယ်၊ တိုင်းဒေသ လွှတ်တော် ၌ တင်ပြဆွေးနွေး အတည်ပြုပြီးပါက ပြည်ထောင်စု အစိုးရထံ ဆက်လက်တင်ပြ တောင်းခံရမည် ဖြစ်သည်။
ချင်းပြည်နယ်သည် မြန်မာနိုင်ငံ၌ အဆင်းရဲဆုံး ပြည်နယ်တခု ဖြစ်၍ ဒေသဖွံ့ဖြိုးရေးအတွက် လုပ်ဆောင်ရမည့် ကဏ္ဍအများအပြား ရှိ ကြောင်း၊ ပြည်နယ်အစိုးရ အနေဖြင့် ဘတ်ဂျက်ကိစ္စကို နားလည်တတ်ကျွမ်းသူများနှင့် ညှိနိုင်းလုပ်ဆောင်ခြင်းမရှိဘဲ ၎င်းတို့ စိတ်ကြိုက် လုပ် ဆောင်နေမည် ဆိုပါက မည်သည့်အရာမှ ဖြစ်မြောက်လာမည် မဟုတ်ဟု ဦးဇိုဇမ်က ပြောသည်။
ရခိုင်ပြည်နယ် အစိုးရအဖွဲ့တွင်လည်း ဘတ်ဂျက်ငွေ အခက်အခဲ ဖြစ်နေသည့်အတွက် ဌာနဆိုင်ရာ ၀န်ထမ်းများကို လစာပေးရန် အခက်အ ခဲနှင့် ကြုံတွေ့နေသည်ဟု ပြည်နယ်အစိုးရအဖွဲ့က စက်တင်ဘာလ ၂၄ ရက်နေ့တွင် ပြုလုပ်သည့် လွှတ်တော် အစည်းအဝေးတွင် တင်ပြ ဆွေး နွေးသွားကြောင်း နိရဉ္စရာသတင်း၌ ရေးသားထားသည်။
ရခိုင်ပြည်နယ်အစိုးရအဖွဲ့၌ ဌာန စုစုပေါင်း ၁၀ ခုရှိပြီး အများစုသည် မိမိတို့ဌာနမှ ၀န်ထမ်းများကို လစာ ပေးရန်အခက်အခဲများ ဖြစ်နေ ကြောင်း သိရပြီး၊ မြန်မာနိုင်ငံ၌ ရခိုင်ပြည်နယ်သည် ဒုတိယ အဆင်းရဲဆုံး ပြည်နယ်ဖြစ်သည်။
စစ်ကိုင်းတိုင်းဒေသကြီး လွှတ်တော်၌ ဘဏ္ဍာရေး ကိစ္စဆွေးနွေးသော်လည်း လိုငွေပြမှုမရှိကြောင်း၊ သို့သော် ဘတ်ဂျက်တချို့ပိုမိုတောင်းခံ ထားကြောင်း တိုင်းဒေသလွှတ်တော် ကိုယ်စားလှယ် ဦးနိုထန်ကပ် က ပြောသည်။ စစ်ကိုင်းတိုင်း သည် ကျယ်ပြန့်သည့် ဒေသတခုဖြစ်၍ အခွန် အခကောက်ခံ ရရှိမှု များသည့်အ တွက် ဖုံလုံမှုရှိကြောင်းလည်း ၎င်းက ဆိုသည်။
ဧရာဝတီတိုင်း အစိုးရအဖွဲ့သည်လည်း လိုငွေပြမှု နည်းပါးကြောင်း သိရပြီး တခြားသော ပြည်နယ်၊ တိုင်းဒေ သ အသီးသီး၏လွှတ်တော် အ စည်းအဝေးများ၌ ၂၀၁၂-၁၃ ဘဏ္ဍာရေးနှစ် ရသုံးမှန်းခြေ ငွေစာရင်း ကိစ္စ များကို ဆွေးနွေးကြကြောင်း ယနေ့ထုတ် အစိုးရ သတင်း စာ များ ၌ ရေးသားထားသည်။
ရှမ်းပြည်နယ် လွှတ်တော်၌ ဘဏ္ဍာရေးကိစ္စအပြင် ဒေသတွင်း လူ့အခွင့်အရေး ချိုးဖောက်ခံရမှု၊ လျှပ်စစ်မီးရရှိရေး ကိစ္စတို့ကိုလည်း ဆွေး နွေး ကြောင်းသိရသည်။ ရွှေသဘာဝ ဓာတ်ငွေ့ပိုက်လိုင်း စီမံကိန်းမှ ရရှိမည့် အကျိုးအမြတ်၏ ၅ ရာခိုင်နှုနုးအား ရှမ်းဒေသခံများ၏ နစ်နာ ကြေးအ တွက် ပေးရန် တောင်းဆိုခဲ့ကြောင်း ပြည်နယ်လွှတ်တော် ကိုယ်စားလှယ် ဒေါ်နန်းခမ်းအေးက ပြောသည်။
ရခိုင်ပြည်နယ်၊ ကျောက်ဖြူမြို့၌ တည်ဆောက်နေသော ရွှေသဘာဝ ဓာတ်ငွေ့ဂက်စ် ပိုက်လိုင်းသည် ရခိုင်ပြည်နယ်မှ တဆင့်တရုတ်နိုင်ငံသို့ သွယ်တန်းရာ လမ်းကြောင်း၌ ရှမ်းပြည်နယ်ထဲမှ မြို့နယ် ကျေးရွာတချို့ကို ဖြတ်သန်းမည်ဖြစ် သည်။ထိုပိုက်လိုင်းဖြတ်လမ်းရာ လမ်းကြောင်း ၌ ကျေးရွာ များပြောင်းရွှေ့ခြင်း၊ လယ်မြေများ သိမ်းယူခံရခြင်းကြောင့် ဒေသခံ ရှမ်းပြည် သူများ၏ နစ်နာဆုံးရှုံးမှုအတွက် တင်ပြတောင်းဆို ရခြင်းဟု ဆိုသည်။
ပြည်နယ်နှင့်တိုင်းဒေသ အသီးသီးမှ ထွက်ရှိသည့် သယံဇာတများမှ ရရှိသောဝင်ငွေ၏ ၂၅ ရာခိုင်နှုန်း သို့မဟုတ် သင့်တင့်သော နှုန်းထား တ ခုကို တိုင်းနှင့်ပြည်နယ် အစိုးရအဖွဲ့တို့ကို ခွဲဝေပေးရန် အဆိုတခုကို ရခိုင်တိုင်းရင်းသားများ တိုးတက်ရေး ပါတီ (RNDP) ၏ အမျိုးသား လွှတ် တော်ကိုယ်စားလှယ် ဦးမောင်စောဖြူက မကြာသေးခင်က တင်သွင်းခဲ့သေးသည်။
ပြည်နယ်၊ တိုင်းဒေသများမှ ထွက်ရှိသည့် သယံဇာတများမှ ရရှိမည့် အကျိုးအမြတ်ကို ခွဲဝေပေးရန် ရှိသည်ဟု ပြည်ထောင်စု အစိုးရအဖွဲ့က ပြောဆိုထားကြောင်း သိရသော်လည်း ရာခိုင်နှုန်း မည်မျှပေးမည်၊ မည်သည့်ကာလတွင် ပေးမည်ဆိုသည်ကို တိကျစွာ ပြောဆိုခြင်း မရှိသေး ဟု သိရသည်။
No comments:
Post a Comment