တရုတ်နိုင်ငံမှ ကုန်သည်များက မြန်မာ့ ကျောက်မျက်ရတနာ ပြပွဲများသို့ လာရောက်ပြီး ကျောက်စိမ်း ၀ယ်ယူလေ့ရှိပြီး ၂၀၀၀ ပြည့်နှစ်ခန့်မှ စတင်ကာ နှစ်စဉ် ဒေါ်လာ ဘီလီယံချီ ရောင်းချခဲ့ရကြောင်း၊ စံချိန်တင် အဖြစ် လွန်ခဲ့သော နှစ်အနည်းငယ်ခန့်က အမေရိကန်ဒေါ်လာ ၂ ဘီ လီယံ ကျော်အထိ ရောင်းချနိုင်ခဲ့ကြောင်း၊ သို့ရာတွင် တရုတ်အစိုးရက မြန်မာနိုင်ငံမှ ကျောက်စိမ်း ၀ယ်ယူလာသော တရုတ်ကုန် သည် များကို အခွန် ၃၃ ရာခိုင်နှုန်း တိုးမြှင့် ကောက်ခံလိုက်မှုကြောင့် မြန်မာ့ ကျောက်စိမ်း ၀ယ်လိုအား အထူး ကျဆင်းသွားကြောင်း ၎င်း က ဧရာဝတီသို့ ရှင်းပြသည်။
“ပုံမှန်ဆိုရင် ဘီလီယံချီ ရောင်းရပေမယ့် အခွန်တိုးလိုက်ပြီးတဲ့ နောက်မှာ ကျောက်စိမ်း ၀ယ်အား ကျသွားတယ်။ အခွန် ကလည်း ၃၃ ရာခိုင် နှုန်းကျော်၊ ၃၄ ရာခိုင်နှုန်း လောက်အထိ ကောက်တာ။ ဒီနှစ်ဆိုရင် ကျောက်စိမ်း ရောင်းချရ မှုကအမေရိကန်ဒေါ်လာ သန်း ၃၀၀ ကျော် ဖိုးပဲ ရှိတယ်” ဟု ဦးဝင်းမြင့်က ဆိုသည်။
လတ်တလော တရုတ်နိုင်ငံ၏ အခွန်တိုးမြှင့် ကောက်ခံမှုအပေါ် အခွန်ပြန်လည် လျှော့ချပေးရန် ညှိနှိုင်းလျှက်ရှိကြောင်း သိရှိရသည်။
“အခု မြန်မာပြည်အခြေစိုက် တရုတ် သံအမတ်ကြီးနဲ့ တွေ့ပြီးတော့ အခွန်တွေ ပြန်လျှော့ပေးဖို့ ညှိ နှိုင်းထားတာ ရှိပါတယ်” ဟု စီးပွား/ ကူး သန်း ဝန်ကြီးက ပြောသည်။
နိုင်ငံတော် သမ္မတ၏ အမျိုးသား စီးပွားရေးနှင့် လူမှုရေး အကြံပေးကောင်စီ နာယက ရန်ကုန် စီးပွားရေး တက္ကသိုလ် အငြိမ်းစား ပါမောက္ခ ချုပ် ဦးမော်သန်းကမူ တရုတ်နိုင်ငံ၏ အခွန်တိုးမြှင့်မှုသည် မြစ်ဆုံစီမံကိန်း အပါအ၀င် တရုတ် စီမံကိန်းများ အပေါ် မြန်မာနိုင်ငံ၏ တုံ့ပြန် မှုများအား ပြန်လည် လက်တုံ့ပြန်သည့် သဘော ပါဝင်နိုင်ကြောင်း သုံးသပ် ပြောဆိုသည်။
“တရုတ်က မြန်မာ့ကျောက်စိမ်း ၀ယ်ရင် အခွန်တိုးကောက်တာက မြန်မာ – တရုတ် အပြန်အလှန် အတုံ့အလှည့် သဘောမျိုး ဖြစ်နိုင် တယ်။ အခွန်တိုးကောက်တာက သူတို့ဆီက ငွေကြေးတွေ အပြင်မထွက်စေချင်လို့၊ မ၀ယ်စေချင်လို့လည်း ပြောလို့ ရတယ်” ဟု ဦးမော်သန်းက ရှင်း ပြသည်။
ပြည်တွင်းရှိ နာမည်ကျော် ရတနာကုန်သည် တဦးဖြစ်သူ ဦးလှဝင်း (စာရေးဆရာ လေသူရဲတဦး) ကလည်း တရုတ်၏ အခွန် တိုးကောက် မှု သည် မြန်မာ့ကျောက်စိမ်းကို ဈေးပေါပေါဖြင့် လိုချင်သည့် အဓိပ္ပာယ်သက်ရောက် နေကြောင်း၊ သက်ဆိုင်ရာအစိုးရ တာဝန်ရှိသူများအ နေဖြင့် ကျောက်စိမ်း၏ ရှားပါးမှုကို ထိန်းသိမ်းပြီး ဈေးကွက် ပြန်လည် ဖော်ဆောင်ရမည်ဟု အကြံပြု ပြောဆိုသည်။
“ကျောက်စိမ်းဆိုတာ တကမ္ဘာလုံးမှာ တရုတ်လူမျိုး တမျိုးပဲ သုံးတာ။ ကျောက်စိမ်းရဲ့ အဓိက ဈေး ကွက်က တရုတ်ပြည် အဓိကပဲ။ ၉၉ ရာ ခိုင်နှုန်းက တရုတ်ပြည်က။ တရုတ်တွေက ရိုးရာအရကို အလွန် တန်ဖိုးထားတယ်။ အဲဒီတော့ ဈေးကွက်က သူတို့မှာပဲရှိတယ်။ တရုတ် တွေ ကိုယ်တိုင် ပြည်တွင်းမှာ မြန်မာ နာမည်တွေ ခံထားပြီးတော့ စက်ကြီးတွေနဲ့ ကျောက်စိမ်း တူးတာ တောင်ကတုံးတွေတောင် ဖြစ်ကုန် ပြီ။ တရုတ်က ကျောက်စိမ်း အမြောက်အမြား သွင်းတယ်၊ ၀ယ်တော့ ဘီလီယံနဲ့ ချီပြီး ရ တယ်” ဟု ဦးလှဝင်းက ဆိုသည်။
လက်ရှိအချိန်တွင် ကျောက်စိမ်းဈေးကွက် ပျက်နေပြီး အစိုးရ၏ မူဝါဒ အလွန်အရေးကြီးကြောင်း သူက ဆက်ပြောသည်။
“အခွန်ကို တိုးကောက် လိုက်တာက များများမ၀ယ်အောင် တမင်လုပ်လိုက်တာ။ ၀ယ်သူမရှိတော့ ဈေးတွေက အကုန် ထိုးကျကုန်တယ်။ အဲ ဒီတော့မှ အောက်ဈေးနဲ့ ပြန်ဝယ်တယ်။ ရတနာ တန်ဖိုးရှိဖို့ဆိုတာ အချက်လေးချက် ရှိတယ်။
လှရမယ်၊ ကြာရှည်ခံရမယ်၊ ရှားရမယ်။ ရှားလေ ဈေးကြီးလေပဲ။ ဈေးကိုထိန်းဖို့လိုတယ်။
ဆယ်ခု ရောင်းလို့ရမယ့် ဈေးနဲ့ နှစ်ခုကို ရောင်းလို့ရမယ့် ဈေးအတူတူပဲဆိုရင် နှစ်ခုပဲရောင်းမှာပေါ့။ ဒီက အစိုးရ အာဏာပိုင်တွေက ဒီလို အိုင် ဒီယာတွေဘာမှ မရှိဘူး။ နားမလည်တာတွေနဲ့ လုပ်တယ်၊ ကိုယ့်ဆီမှာလည်း ပေါပေါများများရှိတော့ ဈေးကွက်ကလည်း ပျက်တယ်။ မြန်မာ ပြည်မှာ မရောင်းလို့ ပုံတော့မှ အောက်ဈေးနဲ့ ၀ယ်ရင် သူတို့လူမျိုးဘက်က သက်သာတာပေါ့” ဟု ၎င်းက ဆိုသည်။
ဈေးကွက် ပျက်ချိန်တွင် အစိုးရအနေဖြင့် ကျောက်စိမ်း ကုမ္ပဏီများကို ငွေကြေး ထုတ်ချေးခြင်း၊ သင့်တင့်သော ဈေးနှုန်းဖြင့်ကျောက်စိမ်းဝယ် ယူခြင်းများ ပြုလုပ်သင့်ကြောင်း၊ ထို့အပြင် ကျောက်စိမ်း အရိုင်းတုံး ရောင်းချခြင်းထက် တန်ဖိုးမြင့် ထုတ်ကုန်များ ထုတ်လုပ်ရောင်းချ နိုင် ရန် ကြိုးစားသင့်ကြောင်း ၎င်းက ရှင်းပြသည်။
“သူတို့ အခွန်တက်လို့ ကျနော်တို့က မရောင်းဘူး၊ ပိတ်ထားမယ်ဆိုရင် ထွက်သမျှကို အစိုးရက သင့်တင့်တဲ့ဈေးနဲ့ဝယ်မယ်၊ ကုမ္ပဏီကြီး တွေ ကို ပိုက်ဆံ ထုတ်ချေးမယ် အဲဒီ သဘောမျိုးနဲ့ ဈေးကွက် ထ်ိန်းမယ်ဆိုရင် ရှားပါးပြီး တန်ဖိုး ပြန်တက်လာမယ်။ တို့ဆီမှာ ပေါချင်ပေါ၊ သူတို့မှာ ရှားပစေ။ ကျောက်စိမ်းရောင်းလို့ ဒေါ်လာ ဘီလီယံချီ ရတယ်ဆိုတာလည်း ဈေးကောင်းရတာ မဟုတ်ဘူး။ အမြောက်အမြား သူ တို့ကိုထုတ် ရောင်းလိုက်လို့ တရုတ်က အရိုင်းတုံးတွေကို ၀ယ်သွားတာ။ ပုတီးတို့၊ ကျောက်စိမ်း လက်ကောက်တို့တောင် သူတို့လုပ်သလို ကျနော်တို့ မလုပ် နိုင်ဘူး” ဟု ဦးလှဝင်းက ပြောသည်။
မြန်မာနိုင်ငံတွင် ကျောက်စိမ်း တူးဖော်ခွင့်ကို အထူး တင်းကျပ်စွာ ထိန်းချုပ်ထားပြီး စစ်တပ် ကျောထောက် နောက်ခံမြန်မာ့ စီးပွားရေး ဦးပိုင် လီမိတက်၊ စစ်ဗိုလ်ချုပ်များနှင့် ရင်းနှီးကျွမ်းဝင်သော ကုမ္ပဏီကြီးများကသာ လုပ်ပိုင်ခွင့် ရရှိကြသည်။
No comments:
Post a Comment